Cover ]Serie uitgaven door bemiddeling der Commissie voor de Volkslectuur No. 79.
꧋ꦱꦼꦫꦠ꧀
ꦥꦫꦫꦡꦺꦴꦤ꧀
PARARATON
ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦲꦸꦒꦶꦤꦩꦱꦼꦫꦠ꧀
ꦑꦺꦤ꧀ꦄꦫꦺꦴꦏ꧀
ꦲꦸꦠꦮꦶ
ꦑꦺꦤ꧀ꦄꦔꦿꦺꦴꦏ꧀
ꦗꦶꦭꦶꦢ꧀ꦢꦤ꧀ ꦎꦁꦏ꧇ I.
꧋ꦏꦏꦫꦁꦲꦶꦁꦠꦼꦩ꧀ꦧꦸꦁꦗꦮꦶꦢꦺꦤꦶꦁ
ꦫꦢꦺꦤ꧀ꦩꦱ꧀ꦩꦁꦑꦸꦢꦶꦩꦼꦗ
ꦲꦶꦁꦁ
ꦔꦪꦺꦴꦓꦾꦏꦂꦠ꧉
꧋ꦏꦲꦼꦕꦥ꧀ꦲꦶꦁꦏꦤ꧀ꦠꦺꦴꦂꦥꦔꦼꦕꦥ꧀ꦥꦤ꧀ꦤꦶꦥꦸꦤ꧀ꦥꦶꦂ
ꦩꦃꦥꦂꦥꦶꦫꦸꦱ꧀ ꦧꦼꦠꦮꦶ 1912.
2 ]
ꦕꦫꦶꦪꦺꦴꦱ꧀ꦒꦚ꧀ꦕꦂꦫꦤ꧀꧈
꧋ꦲꦚꦫꦶꦪꦺꦴꦱ꧀ꦱꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦫꦫꦠꦸꦲꦶꦁꦝꦲ꧈ ꦠꦸꦩꦦꦼꦭ꧀ꦠꦸꦮꦶꦤ꧀ꦲꦶꦁꦩꦗꦦꦲꦶꦠ꧀ꦏꦮꦼꦢꦭ꧀ꦭꦏꦼꦤ꧀ꦱꦂꦠꦏꦠꦼꦫꦁꦔꦏꦼꦤ꧀ꦲꦶꦠꦼꦩ꧀ꦧꦸꦁꦮꦭꦤ꧀ꦢꦶꦔꦺꦤꦶꦱꦸꦮꦂꦒꦶꦠꦸꦮꦤ꧀ꦝꦺꦴꦏ꧀ꦡꦼꦂ꧈ ꦪꦺ꧈ ꦌꦭ꧀ ꦄ꧈ ꦨꦿꦟ꧀ꦝꦼꦱ꧀ (Dr. J. L. A. Brandes). ꦄꦩ꧀ꦠꦼꦤꦂꦲꦶꦏꦁꦥꦶꦤꦶꦗꦶꦲꦩꦂꦱꦸꦢꦶꦧꦱꦲꦶꦁꦲꦶꦟ꧀ꦢꦶꦪꦟꦺꦢꦼꦂꦭꦤ꧀꧈
3 ]꧋ꦧꦸꦧꦸꦏ꧉
꧋ꦏꦮꦼꦣꦂꦫꦏꦼꦤ꧀ꦢꦺꦤꦶꦁꦏꦺꦴꦩꦶꦱ꧀ꦱꦶꦤꦶꦁꦱꦼꦫꦠ꧀ꦮꦲꦺꦴꦱ꧀ꦱꦤ꧀ꦲꦶꦁ
ꦏꦁꦏꦁꦒꦺꦣꦠꦼꦁꦠꦶꦠꦶꦪꦁꦗꦮꦶꦱꦱꦩꦶꦤꦶꦥꦸꦤ꧀꧈
(Commissie Voor de Volksleetuur)
꧋ꦮꦶꦪꦺꦴꦱ꧀ꦱꦶꦥꦸꦤ꧀ ꦩꦼꦁꦒꦃꦥꦤꦭꦶꦠꦶꦤꦶꦥꦸꦤ꧀ꦝꦠꦼꦁꦧꦧꦢ꧀ꦢꦶꦁꦤꦒꦫꦶ꧈ ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦧꦺꦴꦁꦱꦠꦸꦮꦶꦤ꧀ꦧꦧꦢ꧀ꦢꦶꦁꦏꦶꦛ꧈ꦥꦸꦤꦶꦏꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦌꦫꦺꦴꦦꦃ꧈ꦱꦩ꧀ꦥꦸꦤ꧀ꦏꦶꦤꦩꦏꦶꦤꦢꦢꦺꦴꦱ꧀ꦏꦒꦸꦤꦤ꧀ꦲꦶꦁꦏꦁꦱꦩꦶꦢꦶꦥꦸꦤ꧀ꦥꦂꦱꦸꦢꦶꦢꦺꦤꦶꦁꦥꦫꦱꦂꦗꦤ꧉ ꦗꦭꦂꦫꦤ꧀ꦱꦏꦶꦁꦥꦸꦤꦶꦏꦧꦺꦴꦠꦼꦤ꧀ꦩꦭꦶꦒꦶꦧꦣꦺꦏꦱꦸꦩꦼꦉꦥ꧀ꦥꦤ꧀ꦏꦺꦩꦮꦺꦴꦤ꧀ ꦏꦢꦺꦴꦱ꧀ꦢꦺꦤꦺꦏꦮꦿꦸꦃꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ ꦲꦤꦔꦶꦁꦮꦺꦴꦤ꧀ꦏꦼꦤ꧀ꦥꦶꦏꦗꦼꦁꦔꦤ꧀ꦏꦭꦶꦃꦥꦿꦏꦮꦶꦱ꧀ꦲꦶꦁꦏꦁꦲꦩꦶꦒꦸꦤꦤꦶꦱꦔꦼꦠ꧀꧈
4 ]
꧋ꦲꦶꦁꦏꦁꦱꦥꦶꦱꦤ꧀꧇ꦥꦩꦂꦱꦸꦢꦶꦤꦶꦁꦏꦮꦿꦸꦃꦧꦧꦢ꧀ꦥꦸꦤꦶꦏꦲꦢꦩꦼꦭ꧀ꦢꦲꦠ꧀ꦲꦶꦁꦱꦼꦁꦱꦼꦩ꧀ꦩꦶꦥꦸꦤ꧀ꦩꦤꦃ꧈ ꦲꦮꦶꦠ꧀ꦥꦸꦤꦶꦏꦏꦛꦃꦥꦶꦪꦩ꧀ꦧꦏ꧀ꦩꦒꦼꦥꦺꦴꦏ꧀ꦏꦤ꧀ꦤꦶꦥꦸꦤ꧀ꦏꦮꦿꦸꦃꦏꦩꦤꦸꦁꦱꦤ꧀ ꦗꦼꦂꦥꦫꦮꦶꦫꦺꦴꦠꦩꦲꦶꦁꦗꦩꦤ꧀ꦏꦶꦤ꧈ ꦱꦤꦢꦾꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦭꦭꦩ꧀ꦥꦃꦭꦤ꧀ꦫꦶꦤꦼꦁꦒꦱꦶꦤꦲꦺꦏ꧀ꦲꦏꦼꦤ꧀ ꦲꦺꦮꦢꦺꦢꦺꦩꦼꦁꦒꦃꦲꦶꦁꦧꦧ꧀ꦒꦽꦁꦱꦼꦁꦔꦶꦁꦥꦶꦏꦗꦺꦼꦁꦔꦤ꧀ꦠꦸꦮꦶꦤ꧀ꦥꦔꦺꦴꦁꦱꦲꦁꦱꦤꦶꦁꦩꦤꦃꦲꦶꦥꦸꦤ꧀ꦧꦺꦴꦠꦼꦤ꧀ꦠꦶꦭꦂꦧꦸꦧꦸꦢꦺꦤ꧀ꦤꦶꦁꦩꦤꦸꦁꦱ꧈ꦥꦸꦤꦥꦢꦺꦤꦺꦩꦼꦁꦒꦃꦲꦶꦁꦠꦼꦏꦺꦴꦤ꧀ꦠꦸꦮꦶꦤ꧀ꦮꦮꦠꦼꦏ꧀ꦏꦤ꧀ꦤꦶꦥꦸꦤ꧀ꦏꦛꦃꦏꦼꦣꦶꦏ꧀ꦥꦶꦤꦁꦒꦶꦃꦲꦸꦒꦶꦲꦶꦁꦏꦁꦲꦔꦺꦩ꧀ꦥꦼꦂꦫꦶꦥꦔꦿꦲꦺꦴꦱ꧀ꦠꦸꦮꦶꦤ꧀ꦠꦧꦺꦪꦠ꧀ꦠꦶꦥꦸꦤ꧀ꦠꦶꦠꦶꦪꦁꦲꦶꦁꦗꦩꦤ꧀ꦱꦥꦸꦤꦶꦏ꧉
꧋ꦲꦶꦁꦏꦁꦏꦥꦶꦁꦏꦭꦶꦃ꧇ꦲꦮꦶꦠ꧀ꦱꦏꦶꦁꦱꦼꦫꦠ꧀ꦧꦧꦢ꧀ꦠꦶꦪꦁꦱꦒꦼꦢ꧀ꦏꦠꦸꦮꦸꦲꦤ꧀ꦲꦶꦁꦥꦁꦒꦿꦲꦶꦠꦣꦠꦼꦁꦭꦩ꧀ꦥꦃꦲꦤ꧀ꦤꦶꦁꦥꦫꦫꦠꦸꦱꦂꦠꦥꦫꦥꦩꦫꦺꦤ꧀ꦠꦃꦲꦶꦁꦗꦩꦤ꧀ꦏꦶꦤ꧈ꦲꦶꦁꦏꦁꦏꦭꦗꦸꦩꦼꦤꦼꦁꦔꦶꦥꦸꦤ꧀ꦏꦢꦸꦩꦸꦒꦺꦤ꧀ꦲꦶꦁꦏꦂꦰꦲꦸꦠꦮꦶꦲꦶꦁꦏꦁꦕꦧꦂꦧꦺꦴꦠꦼꦤ꧀ꦏꦠꦸꦫꦸꦠ꧀ꦠꦤ꧀ꦥꦸꦤꦥꦢꦺꦤꦺꦱꦧꦧ꧀ꦧꦶꦥꦸꦤ꧀ꦧꦺꦴꦠꦼꦤ꧀ꦏꦢꦸꦩꦸꦒꦺꦤ꧀ꦠꦸꦮꦶꦤ꧀
ꦏꦭꦁꦁꦏꦸꦁꦔꦤ꧀ꦤꦶꦥꦸꦤ꧀ꦥꦫꦫꦠꦸꦮꦲꦸ꧈ꦲꦮꦶꦠ꧀ꦱꦏꦶꦁꦮꦂꦟꦶꦮꦂꦟꦶꦤꦶꦁꦭꦭꦩ꧀ꦥꦃꦲꦤ꧀ꦤꦶꦰ꧀ꦛꦩꦢꦾꦲꦸꦠꦩ꧈ꦥꦸꦤꦥꦩꦭꦶꦃꦥꦥꦤꦟ꧀ꦝꦁꦕꦶꦤ꧀ꦠꦏ꧈ꦩꦶꦤꦺꦴꦁꦏꦱꦸꦢꦂꦰꦤꦠꦸꦩꦿꦥ꧀ꦥꦶꦁꦗꦩꦤ꧀ꦱꦥꦸꦤꦶꦏ꧈ꦱꦒꦼꦢ꧀ꦢꦶꦥꦸꦤ꧀ꦱꦪꦥꦏꦤ꧀ꦠꦸꦏ꧀ꦥꦩ꧀ꦧꦸꦢꦶꦤꦶꦥꦸꦤ꧀ꦝꦠꦼꦁꦧꦧ꧀ꦏꦸꦮꦗꦶꦧ꧀ꦧꦤ꧀ꦱꦠꦠꦤꦶꦁꦔꦒꦼꦱꦁ꧉꧋ꦮꦮꦠꦺꦴꦤ꧀ꦏꦭꦶꦃꦧꦧ꧀ꦥꦸꦤꦶꦏꦠꦸꦩꦿꦥ꧀ꦥꦶꦥꦸꦤ꧀ꦧꦺꦴꦁꦱꦗꦮꦶꦲꦸꦒꦶꦠꦤ꧀ꦱꦃꦲꦒꦼꦁꦱꦸꦩ꧀ꦧꦁꦱꦸꦫꦸꦁꦔꦶꦥꦸꦤ꧀ꦝꦠꦼꦁꦲꦶꦁꦥꦩꦸꦫꦶꦃꦱꦒꦼꦤ꧀ꦢꦶꦥꦸꦤ꧀ꦲꦶꦁꦏꦁꦮꦶꦤꦱ꧀ꦠꦤ꧀ꦧꦧꦢ꧀ꦮꦲꦸ(ꦲꦶꦁꦏꦁꦏꦸꦭꦮꦱ꧀ꦠꦤꦶꦥꦸꦤꦶꦏꦲꦶꦁꦏꦁ
5 ]ꦥꦼꦂꦭꦸꦧꦧ꧀ꦕꦶꦕꦿꦶꦪꦺꦴꦱ꧀ꦱꦤ꧀ꦲꦶꦁꦧꦧꦢ꧀ ꦱꦂꦠꦲꦶꦁꦧꦧ꧀ꦭꦭꦩ꧀ꦥꦃꦭꦤ꧀ꦤꦶꦁꦫꦶꦁꦒꦶꦠ꧀)ꦢꦢꦺꦴꦱ꧀ꦏꦉꦩꦼꦤ꧀ꦤꦤ꧀ꦭꦸꦩꦼꦧꦼꦠ꧀ꦲꦶꦁꦩꦤꦃꦱꦂꦠꦏꦭꦶꦩꦿꦃꦲꦶꦁꦔꦏꦛꦃ꧉
꧋ꦲꦤꦔꦶꦁꦱꦤꦢꦾꦤ꧀ꦏꦔ꧀ꦤꦧꦼꦠ꧀ꦲꦶꦁꦥꦩꦤꦃꦲꦶꦁꦏꦁꦩꦏꦠꦼꦤ꧀ꦮꦲꦸꦩꦺꦴꦁꦏꦱꦸꦢꦂꦰꦤꦠꦸꦩꦿꦥ꧀ꦥꦶꦥꦸꦤ꧀ꦧꦺꦴꦁꦱꦗꦮꦶꦱꦩꦶꦏꦺꦩꦮꦺꦴꦤ꧀ꦏꦭꦶꦪꦤ꧀ꦥꦩꦁꦒꦶꦃꦲꦶꦁꦧꦺꦴꦁꦱꦌꦫꦺꦴꦦꦃ꧈ꦲꦺꦮꦢꦺꦤꦺꦧꦧ꧀ꦥꦩꦂꦱꦸꦢꦶꦤꦶꦥꦸꦤ꧀ꦧꦺꦴꦁꦱꦌꦫꦺꦴꦦꦃꦣꦠꦼꦁꦏꦮꦿꦸꦃꦧꦧꦢ꧀
ꦤꦠꦺꦭꦺꦱꦺꦃꦱꦔꦼꦠ꧀ꦏꦭꦶꦪꦤ꧀ꦥꦩꦂꦱꦸꦢꦶꦤꦶꦥꦸꦤ꧀ꦠꦶꦠꦶꦪꦁꦗꦮꦶ꧈ꦥꦩ꧀ꦧꦸꦢꦶꦤꦶꦥꦸꦤ꧀ꦥꦫꦥꦔꦫꦁꦠꦸꦮꦶꦤ꧀ꦥꦫꦣꦭꦁꦲꦶꦁꦠꦤꦃꦗꦮꦶꦲꦶꦁꦏꦁꦱꦥꦶꦱꦤ꧀ꦠꦸꦗꦸꦤꦶꦥꦸꦤ꧀ꦔꦁꦏꦃꦲꦁꦱꦭ꧀ꦭꦶꦥꦸꦤ꧀ꦕꦶꦕꦿꦶꦪꦺꦴꦱ꧀ꦱꦤ꧀ꦲꦶꦁꦏꦁꦢꦩꦼꦭ꧀ꦱꦼꦁꦱꦼꦩ꧀ ꦭꦲꦩ꧀ꦥꦃꦲꦤ꧀ꦤꦶꦥꦸꦤ꧀ꦲꦶꦁꦏꦁꦏꦮꦼꦣꦂꦫꦏꦼꦤ꧀ꦱꦒꦼꦤ꧀ꦢꦶꦥꦸꦤ꧀ꦲꦤꦸꦗꦸꦣꦠꦼꦁꦭꦶꦁꦩꦤꦃꦭꦶꦥꦸꦤ꧀ꦥꦫꦭꦶꦁꦏꦁꦩꦶꦉꦁꦔꦏꦼꦤ꧀ ꦲꦤꦔꦶꦁꦭꦸꦒꦶꦤꦶꦮꦸꦤ꧀ꦭꦭꦩ꧀ꦥꦃꦲꦤ꧀ꦲꦱꦿꦶꦁꦏꦥꦶꦤ꧀ꦠꦼꦤ꧀ ꦲꦸꦠꦮꦶꦧꦺꦴꦠꦼꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀ꦏꦭꦪꦤ꧀ꦪꦼꦠ꧀ꦠꦶ꧉ꦥꦩ꧀ꦧꦸꦢꦶꦤꦶꦥꦸꦤ꧀ꦥꦔꦫꦁꦲꦶꦁꦠꦤꦃꦌꦫꦺꦴꦦꦃꦧꦺꦴꦠꦼꦤ꧀ꦩꦏꦠꦼꦤ꧀ ꦱꦢꦪꦭꦭꦩ꧀ꦥꦃꦲꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀ꦲꦶꦁꦧꦧꦢ꧀ꦏꦭꦪꦤ꧀ꦪꦼꦏ꧀ꦠꦶ꧈ꦧꦺꦴꦠꦼꦤ꧀ꦩꦮꦶꦩꦮꦁꦠꦶꦪꦁ꧈ꦲꦸꦠꦮꦶꦱꦼꦱꦼꦁꦏꦼꦂꦫꦤ꧀ ꦭꦭꦩ꧀ꦥꦃꦲꦤ꧀ꦤꦶꦥꦸꦤ꧀ꦏꦱꦼꦧꦸꦠ꧀ꦠꦏꦼꦤ꧀ ꦲꦶꦁꦏꦁꦠꦼꦩꦃꦲꦤ꧀ꦤꦶꦥꦸꦤ꧀ꦭꦗꦼꦁꦱꦒꦼꦢ꧀ꦠꦺꦠꦺꦭꦲꦩꦱ꧀ꦠꦤꦶꦠꦸꦮꦸꦃꦲꦶꦥꦸꦤ꧀ꦭꦭꦩ꧀ꦥꦃꦲꦤ꧀ꦲꦶꦁꦏꦁꦢꦶꦥꦸ
6 ]ꦤ꧀ꦏꦶꦤ꧀ꦠꦼꦤ꧀ꦭꦼꦉꦱ꧀ ꦲꦶꦁꦏꦁꦪꦪꦄꦼꦏ꧀ꦠꦺꦴꦱ꧀ ꦲꦸꦠꦮꦶꦲꦶꦁꦏꦁꦗꦸꦗꦸꦂ꧉ꦮꦺꦴꦤ꧀ꦠꦼꦤ꧀ꦲꦸꦒꦶꦱꦮꦼꦤꦺꦃꦲꦶꦁꦊꦭꦩ꧀ꦥꦃꦲꦤ꧀ꦲꦸꦠꦮꦶꦕꦫꦶꦪꦺꦴꦱ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ ꦲꦶꦁꦏꦁꦱꦒꦼꦢ꧀ꦏꦱꦸꦩꦼꦉꦥ꧀ꦥꦤ꧀ꦏꦭꦶꦤ꧀ꦠꦸꦱꦂꦠꦊꦥꦠ꧀ꦠꦶꦥꦸꦤ꧀ ꦥꦸꦤꦶꦏꦱꦧꦧ꧀ꦱꦏꦶꦁꦠꦶꦪꦁꦔꦶꦥꦸꦤ꧀ꦥꦔꦫꦁꦩꦮꦶꦲꦔꦭꦶꦁꦔꦶ (ꦤꦸꦠꦸꦥ꧀ꦥꦶ) ꦣꦠꦼꦁꦱꦢꦪꦲꦶꦁꦏꦁꦲꦤ꧀ꦢꦢꦺꦴꦱ꧀ꦱꦠꦼꦤ꧀ꦠꦭꦶꦁꦱꦼꦩ꧀ꦩꦤ꧀ꦤꦶꦁꦥꦫꦠꦭꦸꦲꦸꦂꦫꦤ꧀ ꦕꦫꦶꦪꦺꦴꦱ꧀ꦱꦶꦥꦸꦤ꧀ꦢꦶꦤꦸꦱꦤꦤ꧀ꦱꦂꦮꦉꦉꦁꦒꦤ꧀ꦔꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦏꦠꦮꦶꦱ꧀ꦭꦸꦲꦸꦤꦶꦁꦪꦼꦏ꧀ꦠꦶ꧈ꦲꦺꦮꦢꦺꦤꦺꦱꦏꦶꦁꦠꦭꦠꦺꦴꦱ꧀ꦱꦶꦥꦸꦤ꧀ꦥꦫꦱꦒꦼꦢ꧀ ꦱꦏꦶꦁꦏꦠꦼꦩꦼꦤ꧀ꦤꦤ꧀ꦤꦶꦥꦸꦤ꧀ ꦱꦂꦠꦱꦏꦶꦁꦧꦺꦴꦠꦼꦤ꧀ꦲꦶꦭꦺꦴꦤ꧀ꦲꦶꦭꦺꦴꦤ꧀ꦤꦼꦤ꧀ ꦠꦼꦩꦃꦲꦤ꧀ꦱꦒꦼꦢ꧀ꦚꦸꦩꦼꦉꦥ꧀ꦥꦶꦭꦸꦒꦸꦤꦶꦁꦪꦼꦏ꧀ꦠꦶꦮꦲꦸꦏꦭꦪꦤ꧀ꦕꦼꦛꦲꦮꦺꦭꦮꦺꦭ꧉
꧋ꦣꦣꦱꦂꦫꦶꦁꦱꦩ꧀ꦧꦸꦢꦶꦲꦶꦁꦏꦁꦏꦠꦸꦩꦿꦥ꧀ꦥꦏꦼꦤ꧀ꦝꦠꦼꦁꦥꦔꦸꦢꦶꦤꦶꦥꦸꦤ꧀ꦏꦮꦿꦸꦃꦧꦧꦢ꧀ꦲꦶꦁꦠꦤꦃꦌꦫꦺꦴꦦꦃꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ ꦲꦸꦒꦶꦏꦠꦶꦤ꧀ꦢꦏ꧀ꦏꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦶꦢꦺꦤꦶꦁꦥꦫꦱꦂꦗꦤꦲꦶꦁꦠꦤꦃꦌꦫꦺꦴꦦꦃꦲꦶꦁꦏꦁꦱꦩꦶꦤꦭꦶꦠꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦠꦤꦃꦌꦫꦺꦴꦦꦃꦲꦶꦟ꧀ꦢꦶꦪꦏꦭꦲꦶꦁꦗꦩꦤ꧀ꦫꦸꦩꦶꦪꦶꦤ꧀ ꦲꦶꦁꦮꦸꦱꦤꦥꦏꦤ꧀ꦠꦸꦏ꧀ꦏꦶꦁꦠꦶꦠꦶꦥꦫꦶꦏ꧀ꦱꦏꦫꦩ꧀ꦥꦸꦁꦔꦤ꧀ꦤꦶꦥꦸꦤ꧀ꦲꦠꦺꦠꦺꦭꦪꦺꦤ꧀ꦥꦤꦭꦶꦠꦶꦤꦶꦥꦸꦤ꧀ꦥꦫꦗꦤꦱꦈꦗꦤꦧꦺꦴꦁꦱꦌꦫꦺꦴꦦꦃꦮꦲꦸꦏꦛꦃꦒꦺꦱꦺꦃꦲꦶꦥꦸꦤ꧀ꦏꦭꦶꦪꦤ꧀ꦲꦶꦁꦏꦁꦏ
7 ]ꦱꦼꦧꦸꦠ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦧꦧꦢ꧀ ꦠꦸꦮꦶꦤ꧀ꦲꦶꦁꦕꦫꦶꦪꦺꦴꦱ꧀ꦱꦤ꧀ꦫꦶꦁꦒꦶꦠ꧀꧈
꧋ꦮꦺꦴꦤ꧀ꦢꦺꦤꦺꦥꦤꦶꦤ꧀ꦢꦏ꧀ꦏꦶꦁꦥꦤꦭꦶꦠꦶꦤꦶꦥꦸꦤ꧀ꦥꦫꦱꦂꦗꦤꦧꦺꦴꦁꦱꦌꦫꦺꦴꦦꦃꦮꦲꦸ꧈ ꦧꦺꦴꦠꦼꦤ꧀ꦤꦩꦸꦁꦩꦼꦟ꧀ꦝꦼꦠ꧀ꦱꦏꦶꦁꦏꦠꦿꦁꦔꦤ꧀ꦱꦠꦸꦁꦒꦭ꧀ꦏꦺꦩꦮꦺꦴꦤ꧀ ꦲꦤꦔꦶꦁꦠꦤ꧀ꦱꦃꦏꦠꦟ꧀ꦝꦶꦁꦠꦟ꧀ꦝꦶꦁꦏꦭꦶꦪꦤ꧀ꦏꦠꦿꦁꦔꦤ꧀ꦲꦸꦠꦮꦶꦱꦧꦧ꧀ꦱꦤꦺꦱ꧀ꦱꦶꦥꦸꦤ꧀ ꦲꦶꦁꦏꦁꦭꦁꦏꦸꦁꦠꦼꦫꦁꦱꦂꦠꦭꦁꦏꦸꦁꦕꦼꦛ꧈ꦥꦸꦤꦥꦏꦠꦿꦁꦔꦤ꧀ꦲꦸꦠꦮꦶꦕꦫꦶꦪꦺꦴꦱ꧀ꦮꦲꦸꦱꦩ꧀ꦥꦸꦤ꧀ꦭꦼꦉꦱ꧀ꦱꦲꦏꦺꦔꦶꦁꦏꦲꦁꦒꦼꦥ꧀꧈
꧋ꦲꦮꦶꦠ꧀ꦱꦏꦶꦁꦥꦤꦶꦠꦶꦥꦿꦶꦏ꧀ꦱ꧈ꦥꦔ꧀ꦭꦭꦂꦱꦂꦠꦥꦼꦥꦶꦫꦶꦢ꧀ꦢꦤ꧀ ꦭꦗꦼꦁꦱꦒꦼꦢ꧀ꦠꦼꦠꦺꦭꦪꦺꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦕꦫꦶꦪꦺꦴꦱ꧀ꦗꦩꦤ꧀ꦏꦶꦤꦲꦶꦁꦏꦁꦏꦱꦼꦧꦸꦠ꧀ꦲꦶꦁꦧꦧꦢ꧀ꦏꦛꦃꦲꦶꦁꦏꦁꦱꦸꦭꦪꦏꦭꦶꦪꦤ꧀ꦏꦪꦼꦏ꧀ꦠꦺꦴꦱ꧀ꦱꦤ꧀ꦥꦏꦤ꧀ꦠꦸꦏ꧀ꦏꦶꦁꦠꦶꦠꦶꦥꦫꦶꦏ꧀ꦱꦮꦲꦸ꧈ꦱꦢꦪꦧꦧꦢ꧀ꦲꦶꦁꦏꦁꦱꦩ꧀ꦥꦸꦤꦏꦱꦸꦩꦼꦉꦥ꧀ꦥꦤ꧀ꦲꦶꦁꦱꦥꦸꦤꦶꦏꦱꦩꦶꦠꦼꦏ꧀ꦱꦶꦃꦲꦺꦁꦒꦭ꧀ ꦩꦤꦮꦶꦏꦥꦶꦫꦶꦢꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦠꦤꦃꦗꦮꦶꦮꦠꦮꦶꦱ꧀ꦮꦶꦮꦶꦠ꧀ꦏꦭꦥꦼꦫꦁꦠꦿꦸꦟꦗꦪꦔꦤꦠꦺꦴꦱ꧀ꦢꦸꦩꦸꦒꦶꦤꦶꦁꦥꦭꦶꦪꦤ꧀ꦤꦒꦫꦶ꧈ꦢꦢꦺꦴꦱ꧀ꦱꦶꦥꦸꦤ꧀ꦏꦺꦴꦤ꧀ꦠꦿꦏ꧀ꦲꦶꦁꦓꦶꦪꦤ꧀ꦠꦶ꧈ꦱꦮꦼꦒ꧀ꦮꦺꦴꦤ꧀ꦠꦼꦤ꧀ꦠꦼꦤ꧀ꦠꦽꦩ꧀ꦩꦶꦥꦸꦤꦮꦠꦮꦶꦱ꧀ꦭꦩꦶ꧈ꦪꦺꦤ꧀ꦩꦏꦠꦼꦤ꧀ꦔꦤ꧀ꦠꦺꦴꦱꦥꦶꦠꦸꦁꦢꦱꦒꦁꦱꦭ꧀ꦠꦲꦸꦤꦭꦩꦶꦤꦶꦥꦸꦤ꧀ꦲꦶꦁꦠꦤꦃꦗꦮꦶꦠꦤ꧀ꦱꦃꦮꦺꦴꦤ꧀ꦠꦼꦤ꧀ꦥꦼꦫꦁꦱꦂꦠꦏꦿꦩꦤ꧀ꦏꦺꦩꦮꦺꦴꦤ꧉ꦲꦶꦁꦤꦭꦶꦏꦮꦲꦸꦏꦶꦛ
8 ]ꦏꦶꦛꦱꦂꦠꦥꦣꦸꦱꦸꦤ꧀ꦤꦤ꧀ꦠꦤ꧀ꦱꦃꦏꦫꦶꦱꦏ꧀ꦏꦤ꧀ꦠꦸꦮꦶꦤ꧀ꦏꦧꦼꦱ꧀ꦩꦺꦤꦤ꧀
ꦠꦶꦠꦶꦪꦁꦲꦶꦁꦏꦁꦱꦒꦼꦢ꧀ꦲꦢꦩꦼꦭ꧀ꦏꦫꦁꦔꦤ꧀ꦱꦼꦫꦠ꧀ꦧꦧꦢ꧀ꦱꦥꦤꦸꦁꦒꦶꦭ꧀ꦠꦤ꧀ꦤꦶꦥꦸꦤ꧀ꦱꦩꦶꦏꦶꦤꦺꦤ꧀ꦲꦩ꧀ꦧꦶꦪꦤ꧀ꦠꦸꦱꦲꦠꦸꦩꦶꦤ꧀ꦢꦏ꧀ꦝꦠꦼꦁꦥꦥꦿꦁꦔꦤ꧀꧈
꧋ꦱꦉꦁꦱꦩ꧀ꦥꦸꦤ꧀ꦭꦩꦶꦮꦁꦱꦸꦭ꧀ꦠꦠꦠꦼꦤ꧀ꦠꦽꦩ꧀ꦩꦭꦶꦃ꧈ꦠꦺꦠꦺꦭꦪꦺꦤ꧀ꦮꦮꦠꦺꦴꦤ꧀ꦤꦶꦥꦸꦤ꧀ꦲꦶꦁꦏꦶꦤꦏꦛꦃꦲꦶꦁꦏꦁꦏꦥꦶꦤ꧀ꦠꦼꦤ꧀ꦧꦺꦴꦠꦼꦤ꧀ꦔꦼꦩꦸꦁꦔꦏꦼꦤ꧀ꦱꦼꦫꦠ꧀ꦱꦼꦫꦠ꧀ꦮꦮꦠꦺꦴꦤ꧀ꦏꦶꦤꦏꦺꦩꦮꦺꦴꦤ꧀ꦩꦭꦃꦠꦶꦠꦶꦪꦁꦱꦼꦥꦸꦃꦲꦶꦁꦏꦁꦩꦔꦼꦂꦠꦺꦴꦱ꧀ꦝꦠꦼꦁꦱꦼꦱꦼꦫꦠ꧀ꦠꦤ꧀ꦏꦶꦤꦱꦂꦠꦱꦒꦼꦢ꧀ꦚꦫꦶꦪꦺꦴꦱ꧀ꦱꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦗꦩꦤ꧀ꦏꦶꦤ꧈ꦱꦩ꧀ꦥꦸꦤ꧀ꦱꦩꦶꦥꦼꦗꦃ꧈ꦮꦸꦱꦤꦱꦉꦁꦫꦩ꧀ꦥꦸꦁꦥꦤ꧀ꦢꦩꦼꦭ꧀ꦭꦶꦁꦧꦧꦢ꧀ꦠꦩ꧀ꦠꦸꦏꦺꦩꦮꦺꦴꦤ꧀ꦠꦸꦤꦢꦸꦁꦏꦥ꧀ꦲꦮꦶꦠ꧀ꦮꦮꦠꦺꦴꦤ꧀ꦤꦶꦁꦕꦫꦶꦪꦺꦴꦱ꧀ꦱꦭꦺꦴꦁꦤꦩꦸꦁꦲꦁꦒꦶꦠ꧀ꦠꦤ꧀ꦱꦏꦶꦁꦢꦸꦒꦶꦢꦸꦒꦶꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦏꦺꦏꦩꦮꦺꦴꦤ꧀ꦥꦩꦼꦒ꧀ꦝꦼꦠ꧀ꦠꦶꦥꦸꦤ꧀ꦮꦮꦠꦺꦴꦤ꧀ꦱꦭꦺꦴꦁꦲꦸꦒꦶꦱꦏꦶꦁꦱꦼꦫꦠ꧀ꦱꦼꦫꦠ꧀ꦠꦶꦠꦶꦭꦂꦫꦤ꧀ꦏꦶꦤ꧈ꦱꦩꦤ꧀ꦠꦼꦤ꧀ꦮꦲꦸꦲꦶꦁꦏꦁꦠꦼꦏ꧀ꦱꦶꦃꦢꦶꦥꦸꦤ꧀ꦩꦔꦼꦂꦠꦺꦴꦱ꧀ꦱꦶ꧉
꧋ꦮꦶꦮꦶꦠ꧀ꦲꦶꦁꦏꦭꦱꦩꦤ꧀ꦠꦼꦤ꧀ꦧꦧꦢ꧀ꦪꦱꦤ꧀ꦲꦺꦁꦒꦭ꧀ꦠꦤ꧀ꦱꦃꦱꦺꦴꦤ꧀ꦠꦤ꧀ꦱꦤ꧀ꦠꦸꦤ꧀ꦥꦔꦁꦒꦶꦠ꧀ꦠꦶꦥꦸꦤ꧀ꦱꦂꦠꦮꦲꦺꦮꦃꦲꦺꦮꦃꦥꦤꦼꦣꦏ꧀ꦏꦶꦥꦸꦤ꧀ꦥꦸꦤꦥꦩꦭꦶꦃꦏꦱꦤ꧀ꦠꦸꦤ꧀ꦤꦤ꧀ꦱꦼꦏꦂꦫꦶꦥꦸꦤ꧀ꦱꦠꦸꦁꦒꦭ꧀ꦠꦸꦁꦒꦭ꧀ꦭꦶꦁꦥꦔꦫꦁꦲꦸꦠꦮꦶꦠꦶꦪꦁꦲꦶꦁꦏꦁꦤꦼꦣꦏ꧀ꦩꦮꦶꦏꦱꦸꦥꦺꦤ꧀ꦲꦸꦠꦮꦶꦩꦭꦶꦃꦲꦚ꧀ꦗꦫꦒ꧀ꦔꦺꦮꦃꦲꦶ꧈ꦠꦼꦂꦏꦣꦁꦚꦸꦢꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦥꦸ
9 ]ꦤ꧀ꦲꦶꦁꦏꦁꦏꦭꦱꦩꦤ꧀ꦠꦼꦤ꧀ꦏꦉꦩ꧀ꦧꦒ꧀ꦏꦶꦫꦁꦥꦿꦪꦺꦴꦒꦶ꧈ꦥꦸꦤꦥꦩꦭꦶꦃꦲꦩꦼꦮꦃꦲꦶꦱꦮꦠꦮꦶꦱ꧀ꦱꦏꦶꦁꦥꦩꦁꦒꦶꦃꦲꦶꦥꦸꦤ꧀ꦥꦶꦪꦩ꧀ꦧꦏ꧀ꦕꦼꦏꦏ꧀ꦏꦶꦥꦸꦤ꧀ꦠꦤ꧀ꦱꦃꦏꦧꦼꦱꦸꦠ꧀ꦔꦤ꧀ꦠꦺꦴꦱ꧀ꦢꦢꦺꦴꦱ꧀ꦫꦸꦮꦼꦢ꧀ꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦥꦸꦤ꧀ꦱꦤꦢꦾꦤ꧀ꦮꦺꦴꦤ꧀ꦠꦼꦤ꧀ꦲꦸꦒꦶꦥꦺꦫꦁꦔꦤ꧀ꦤꦶꦥꦸꦤ꧀ꦕꦫꦶꦪꦺꦴꦱ꧀ꦲꦶꦁꦏꦁꦊꦉꦱ꧀ꦲꦺꦮꦢꦺꦤꦺꦧꦺꦴꦠꦼꦤ꧀ꦥꦼꦣꦺꦴꦠ꧀ꦏꦠꦸꦁꦒꦶꦭꦤ꧀ꦕꦫꦶꦪꦺꦴꦱ꧀ꦲꦶꦁꦏꦁꦧꦺꦴꦠꦼꦤ꧀ꦭꦼꦉꦱ꧀꧈
꧋ꦥꦿꦩꦶꦭꦥꦤꦟ꧀ꦝꦶꦁꦔꦶꦥꦸꦤ꧀ꦱꦫꦤꦥꦏꦼꦩ꧀ꦥꦭ꧀ꦭꦤ꧀ꦤꦶꦁꦱꦼꦫꦠ꧀ꦧꦧꦢ꧀ꦲꦮꦂꦟꦶꦮꦂꦟꦶꦥꦸꦤꦶꦏ꧈ꦱꦧꦧ꧀ꦧꦶꦭꦶꦃꦏꦢꦺꦴꦱ꧀ꦕꦫꦤꦶꦥꦸꦤ꧀ꦫꦢꦺꦤ꧀ꦔꦧꦺꦲꦶꦫꦺꦴꦁꦓꦮꦂꦰꦶꦡꦧꦣꦺꦧꦺꦴꦠꦼꦤ꧀ꦱꦒꦼꦢ꧀ꦲꦁꦱꦭ꧀ꦥꦲꦸꦒꦼꦂꦫꦤ꧀ꦲꦶꦁꦏꦁꦩꦠꦺꦴꦤ꧀꧈ꦧꦺꦴꦠꦼꦤ꧀ꦭꦁꦏꦸꦁꦥꦿꦪꦺꦴꦒꦶꦱꦏꦶꦁꦕꦫꦶꦪꦺꦴꦱ꧀ꦱꦶꦥꦸꦤ꧀ꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭꦶꦁꦱꦼꦫꦠ꧀ꦧꦧꦢ꧀
ꦲꦶꦁꦏꦭꦥꦸꦤꦶꦏꦏꦮꦿꦃꦧꦧ꧀ꦭꦭꦩ꧀ꦥꦃꦲꦤ꧀ꦏꦶꦤꦲꦶꦁꦏꦁꦏꦔꦃꦱꦩ꧀ꦥꦸꦤ꧀ꦲꦶꦕꦭ꧀ꦥꦿꦩꦶꦭꦧꦺꦴꦠꦼꦤ꧀ꦱꦒꦼꦢ꧀ꦏꦱꦸꦩꦼꦉꦥ꧀ꦥꦤ꧀ꦥꦸꦤ꧀ꦢꦲꦶꦁꦏꦁꦊꦉꦱ꧀ꦥꦸꦤ꧀ꦢꦶꦲꦶꦁꦏꦁꦊꦥꦠ꧀ꦠꦼꦩꦃꦲꦤ꧀ꦤꦩꦸꦁꦤꦟ꧀ꦝꦶꦁꦩꦶꦭꦶꦃꦥꦸꦤ꧀ꦢꦶꦲꦶꦁꦏꦁꦢꦢꦺꦴꦱ꧀ꦏꦱꦼꦤꦼꦁꦔꦤ꧀ꦤꦶꦥꦸꦤ꧀ꦏꦺꦩꦮꦺꦴꦤ꧀꧈
꧋ꦲꦶꦁꦏꦁꦭꦁꦏꦸꦁꦥꦼꦂꦭꦸꦱꦂꦠꦏꦺꦔꦶꦁꦢꦶꦥꦸꦤ꧀ꦥꦶꦠꦢꦺꦴꦱ꧀ꦱꦔꦼꦠ꧀ꦥꦸꦤꦶꦏꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦏꦿꦺꦴꦲꦺꦴꦥꦏ꧀ꦲꦶꦁꦒꦶꦃꦥꦸꦤꦶꦏꦭꦺꦴꦤ꧀ꦠꦂꦲꦸꦠꦮꦶꦫꦺꦴꦤ꧀ꦠꦭ꧀(ꦫꦺꦴꦤ꧀ꦠꦭ꧀=ꦒꦺꦴꦣꦺꦴꦁꦠꦭ꧀) ꦱꦧꦧ꧀ꦱꦏꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦿꦺꦴꦥꦏ꧀ꦏꦺꦔꦶꦁꦏꦥꦶ
10 ]ꦫꦶꦢ꧀ꦠꦼꦠꦼꦩ꧀ꦧꦸꦁꦔꦤ꧀ꦤꦶꦥꦸꦤ꧀ꦠꦸꦮꦶꦤ꧀ꦏꦱꦸꦱꦱ꧀ꦠꦿꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦏꦁꦱꦒꦼꦢ꧀ꦤꦼꦢꦃꦲꦏꦼꦤ꧀ꦏꦭꦲꦶꦁꦗꦩꦤ꧀ꦥꦸꦤꦥꦮꦶꦮꦶꦠ꧀ꦠꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦮꦲꦸꦫꦶꦤꦶꦥ꧀ꦠꦲꦶꦁꦏꦿꦏꦿꦺꦴꦥꦏ꧀ꦥꦸꦤꦥꦩꦭꦶꦃꦏꦺꦔꦶꦁꦏꦥꦶꦠꦢꦺꦴꦱ꧀ꦗꦭꦂꦫꦤ꧀ꦲꦶꦁꦱꦥꦼꦁꦏꦼꦂꦫꦶꦥꦸꦤ꧀ꦧꦺꦴꦠꦼꦤ꧀ꦏꦲꦺꦮꦃꦲꦤ꧀ꦲꦸꦠꦮꦶꦏꦧꦼꦱꦸꦠ꧀ꦩꦭꦶꦃ꧉
꧋ꦢꦢꦺꦴꦱ꧀ꦱꦩ꧀ꦥꦸꦤ꧀ꦠꦺꦠꦺꦭꦧꦶꦭꦶꦃꦱꦼꦱꦼꦫꦠ꧀ꦠꦤ꧀ꦗꦮꦶꦲꦶꦁꦗꦩꦤ꧀ꦥꦸꦤꦶꦏꦏꦛꦃꦱꦔꦼꦠ꧀ꦧꦺꦢꦤꦶꦥꦸꦤ꧀ꦏꦭꦶꦪꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦗꦩꦤ꧀ꦏꦶꦤ꧈ꦲꦤꦔꦶꦁꦲꦺꦮꦃꦲꦶꦥꦸꦤ꧀ꦩꦶꦁꦱꦼꦠ꧀ꦱꦏꦶꦁꦱꦏꦼꦣꦶꦏ꧀ꦭꦩꦶꦭꦩꦶꦱꦤ꧀ꦠꦸꦤ꧀ꦧꦧꦂꦥꦶꦱꦤ꧀ꦱꦠꦸꦁꦒꦭ꧀ꦠꦸꦁꦒꦭ꧀ꦭꦶꦁꦄꦧꦢ꧀ꦏꦛꦃꦲꦺꦮꦃꦲꦶꦥꦸꦤ꧀ꦲꦸꦠꦮꦶꦧꦺꦴꦠꦼꦤ꧀ꦲꦁꦒꦣꦃꦲꦶꦮꦮꦔꦸꦤ꧀ꦤꦤ꧀ꦱꦼꦱꦼꦫꦠ꧀ꦠꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ꦲꦶꦁꦏꦁꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀ꦭꦗꦼꦁꦢꦢꦺꦴꦱ꧀ꦠꦶꦠꦶꦏ꧀ꦏꦤ꧀ꦤꦶꦥꦸꦤ꧀ꦩꦺꦴꦁꦱꦏꦭꦏꦁꦒꦺꦤꦶꦥꦸꦤ꧀ꦱꦠꦸꦁꦒꦭ꧀ꦠꦸꦁꦒꦭ꧀ꦭꦶꦁꦮꦔꦸꦤ꧀ꦤꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦩꦺꦃꦏꦢꦺꦴꦱ꧀ꦩꦏꦠꦼꦤ꧀ꦲꦸꦒꦶꦲꦺꦮꦃꦩꦶꦁꦱꦼꦠ꧀ꦠꦶꦥꦸꦤ꧀ꦧꦱ꧈ꦲꦸꦥꦩꦶꦤꦶꦥꦸꦤ꧀ꦮꦤ꧈ꦧꦺꦴꦠꦼꦤ꧀ꦲꦗꦼꦒ꧀ꦲꦶꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦱꦧꦼꦤ꧀ꦱꦧꦼꦤ꧀ꦏꦠꦸꦮꦸꦃꦲꦤ꧀ꦮꦶꦠ꧀ꦮꦶꦠ꧀ꦠꦤ꧀ꦱꦂꦠꦠꦸꦠꦸꦮꦸꦃꦲꦤ꧀ꦱꦤꦺꦱ꧀ꦲꦤꦔꦶꦁꦱꦤ꧀ꦠꦸꦤ꧀ꦤꦶꦥꦸꦤ꧀ꦠꦸꦩꦿꦸꦤ꧀ꦠꦸꦤ꧀ꦧꦺꦴꦠꦼꦤ꧀ꦱꦱꦉꦁꦔꦤ꧀ꦩꦏꦠꦼꦤ꧀ꦩꦭꦶꦃꦲꦺꦮꦃꦩꦶꦁꦱꦺꦠ꧀ꦠꦶꦥꦸꦤ꧀ꦧꦱ꧈ꦏꦛꦃꦠꦼꦩ꧀ꦧꦸꦁꦠꦺꦩ꧀ꦧꦸꦁꦱꦲꦫꦶꦩ꧀ꦧꦒ꧀ꦒꦶꦥꦸꦤ꧀ꦲꦶꦁꦏꦁꦱꦤ꧀ꦠꦸꦤ꧀ꦲꦮꦶꦠ꧀ꦱꦏꦶꦁꦏꦁꦒꦺꦤꦶꦥꦸꦤ꧀ꦥꦶꦠꦼꦩ꧀ꦧꦸꦁꦔꦤ꧀ꦲꦶꦁꦱꦠꦸꦁꦒꦭ꧀ꦭꦸꦁꦒꦭ꧀ꦭꦶꦁꦩꦺꦴꦁꦱꦏ
11 ]ꦭ꧈ꦥꦫꦱꦒꦼꦢ꧀ꦭꦗꦼꦁꦱꦒꦼꦢ꧀ꦲꦔꦾꦼꦏ꧀ꦠꦺꦴꦱ꧀ꦱꦶꦱꦂꦠꦱꦮꦠꦮꦶꦱ꧀ꦭꦗꦼꦁꦱꦒꦼꦢ꧀ꦤꦩ꧀ꦠꦺꦴꦏ꧀ꦲꦏꦼꦤ꧀ꦗꦩꦤ꧀ꦤꦶꦥꦸꦤ꧀ꦏꦭꦏꦁꦒꦺꦤꦶꦥꦸꦤ꧀ꦥꦶꦠꦼꦩ꧀ꦧꦸꦁꦔꦤ꧀ꦮꦲꦸ꧉
꧋ꦩꦼꦁꦒꦃꦲꦶꦁꦏꦁꦏꦁꦒꦺꦠꦸꦠꦸꦫꦸꦠ꧀ꦠꦤ꧀ꦲꦶꦁꦥꦔꦫꦁꦔꦶꦥꦸꦤ꧀ꦱꦼꦫꦠ꧀ꦥꦫꦫꦡꦺꦴꦤ꧀ ꦲꦶꦁꦒꦶꦃꦥꦸꦤꦶꦏꦧꦧꦢ꧀ꦢꦶꦥꦸꦤ꧀ꦤꦒꦫꦶꦠꦸꦩꦦꦼꦭ꧀ ꦣꦲꦱꦂꦠꦩꦗꦦꦲꦶꦠ꧀ ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦟ꧀ꦣꦥ꧀ ꦲꦮꦮꦠꦺꦴꦤ꧀ꦱꦏꦶꦁꦥꦸꦤꦶꦏꦏꦺꦩꦮꦺꦴꦤ꧀ ꦲꦸꦠꦮꦶꦱꦏꦶꦁꦮꦮꦠꦺꦴꦤ꧀ꦱꦠꦸꦁꦒꦭ꧀ ꦠꦼꦏ꧀ꦱꦶꦃꦢꦺꦫꦺꦁꦚꦼꦏꦥ꧀ꦥꦶ꧈ꦱꦧꦧ꧀ꦏꦿꦺꦴꦥꦏ꧀ꦏꦿꦺꦴꦥꦏ꧀ꦮꦲꦸꦥꦚꦼꦫꦠ꧀ꦠꦶꦥꦸꦤ꧀ꦩꦺꦃꦧꦺꦴꦠꦼꦢ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦤꦸꦁꦒꦶꦭ꧀ꦗꦩꦤ꧀ꦏꦭꦶꦪꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦭꦭꦩ꧀ꦥꦃꦲꦤ꧀ ꦲꦶꦁꦏꦁꦏꦛꦃꦩꦭꦃꦱꦩ꧀ꦥꦸꦤ꧀ꦭꦩꦶꦱꦔꦺꦠ꧀ꦭꦼꦠ꧀ꦠꦶꦥꦸꦤ꧀ ꦩꦺꦴꦁꦏꦱꦶꦥꦠ꧀ꦠꦶꦁꦩꦤꦸꦁꦱꦥꦸꦤꦶꦏꦏꦢꦸꦤꦸꦁꦔꦤ꧀ꦱꦸꦥꦺꦭꦤ꧀ꦏꦼꦭꦶꦤ꧀ꦠꦸ꧈ꦩꦏꦠꦼꦤ꧀ꦩꦭꦶꦃꦥꦔꦫꦁꦔꦶꦥꦸꦤ꧀ꦧꦧꦢ꧀ ꦱꦒꦼꦢ꧀ꦲꦸꦒꦶꦏꦼꦭꦶꦤ꧀ꦠꦸꦲꦸꦠꦮꦶꦊꦥꦠ꧀ꦲꦶꦁꦧꦧ꧀ꦥꦚꦼꦫꦠ꧀ꦠꦶꦁꦲꦁꦏꦤꦶꦁꦠꦲꦸꦤ꧀ ꦤꦭꦶꦏꦕꦫꦶꦪꦺꦴꦱ꧀ꦮꦲꦸꦏꦢꦢꦺꦴꦱ꧀ꦱꦤ꧀꧈ꦧꦧ꧀ꦥꦸꦤꦶꦏꦱꦩ꧀ꦥꦸꦤ꧀ꦕꦼꦛꦱꦔꦼꦠ꧀ ꦏꦫꦤꦠꦶꦠꦶꦩꦁꦱꦤ꧀ꦤꦶꦥꦸꦤ꧀ꦏꦭꦮꦺꦴꦤ꧀ꦠꦼꦤ꧀ꦤꦶꦁꦊꦭꦩ꧀ꦥꦃꦲꦤ꧀ꦮꦲꦸꦲꦶꦁꦏꦁꦭꦶꦩꦿꦃꦠꦶꦠꦶꦪꦁꦗꦮꦶꦥꦶꦤꦺꦔꦼꦠ꧀ꦠꦤ꧀ꦩꦮꦶꦱꦁꦏꦭꦠꦲꦸꦤ꧀ ꦱꦫꦤꦲꦸꦏꦫꦤꦶꦒꦲꦸꦠꦮꦶꦚꦼꦏꦮꦤ꧀ꦠꦼꦩ꧀ꦧꦁ꧈ꦲꦶꦁꦏꦁꦱꦧꦼꦤ꧀ꦱꦠꦼꦩ꧀ꦧꦁꦒꦣꦃꦮ</noinclude>
12 ]ꦠꦼꦏ꧀ ꦎꦁꦏꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ ꦩꦶꦠꦸꦫꦸꦠ꧀ꦲꦶꦁꦮꦠꦏ꧀ꦏꦶꦥꦸꦤ꧀ꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭꦶꦁꦠꦼꦩ꧀ꦧꦸꦁꦲꦶꦁꦏꦁꦏꦁꦒꦺꦱꦁꦏꦭꦤ꧀꧈ꦲꦶꦁꦏꦁꦩꦏꦠꦼꦤ꧀ꦮꦲꦸ꧈ꦲꦮꦶꦠ꧀ꦱꦏꦶꦁꦠꦼꦠꦼꦩ꧀ꦧꦸꦁꦔꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦩꦼꦱ꧀ꦛꦶꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦢꦊꦩ꧀ꦧꦸꦏꦸꦥꦛꦺꦴꦏ꧀ꦏꦤ꧀ꦤꦶꦥꦸꦤ꧀ ꦠꦼꦂꦏꦣꦁꦮꦺꦴꦤ꧀ꦠꦼꦤ꧀ꦲꦸꦒꦶꦱꦭꦃꦱꦠꦸꦁꦒꦶꦭ꧀ꦭꦶꦁꦠꦼꦩ꧀ꦧꦸꦁꦱꦊꦧꦼꦠ꧀ꦠꦶꦁꦲꦸꦏꦫꦱꦁꦏꦭꦤ꧀ꦲꦶꦁꦏꦁꦏꦠꦶꦭꦂꦧꦺꦴꦠꦼꦤꦢꦶꦥꦸꦤ꧀ꦠꦼꦒꦼꦱ꧀ꦱꦶ꧉
꧋ꦏꦗꦮꦶꦱꦏꦶꦁꦥꦸꦤꦶꦏ꧈ꦠꦼꦠꦼꦩ꧀ꦧꦸꦁꦔꦤ꧀ꦤꦶꦥꦸꦤ꧀ꦮꦠꦼꦏ꧀ꦏꦶꦎꦁꦏꦮꦲꦸ꧈ꦗꦩꦤ꧀ꦫꦸꦩꦶꦪꦶꦤ꧀ꦏꦭꦶꦪꦤ꧀ꦱꦥꦸꦤꦶꦏꦏꦛꦃꦲꦶꦁꦏꦁꦧꦺꦴꦠꦼꦤ꧀ꦱꦩꦶ꧈ꦲꦸꦥꦩꦶꦤꦶꦥꦸꦤ꧀꧇ꦲꦒ꧀ꦤꦶ꧈ꦢꦢꦺꦴꦱ꧀ ꦒꦼꦤꦶ꧈ꦲꦤꦔꦶꦁ ꦮꦺꦴꦤ꧀ꦠꦼꦤ꧀ꦲꦸꦒꦶꦲꦶꦁꦏꦁꦱꦤ꧀ꦠꦸꦤ꧀ꦠꦼꦩ꧀ꦧꦸꦁꦧꦧꦂꦥꦶꦱꦤ꧀ ꦏꦢꦺꦴꦱ꧀ꦠ꧇ ꦱꦮꦼꦒ꧀ꦧꦼꦣꦃꦲꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦩꦗꦦꦲꦶꦠ꧀ ꦢꦶꦥꦸꦤ꧀ꦱꦁꦏꦭꦤꦶꦲꦶꦁꦧꦧꦢ꧀ꦩꦸꦔꦼꦭ꧇ ꦱꦶꦂꦤꦲꦶꦭꦁꦏꦂꦠꦤꦶꦁꦧꦸꦩꦶ꧈(1400) ꦥꦸꦤꦶꦏꦩꦼꦁꦒꦃꦲꦶꦁꦱꦸꦫꦲꦺꦴꦱ꧀ꦠꦸꦩꦿꦥ꧀ꦥꦶꦁꦥꦱꦼꦩꦺꦴꦤ꧀ꦫꦶꦱꦏ꧀ꦏꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦩꦗꦦꦲꦶꦠ꧀ꦩꦶꦭꦲꦶꦁꦒꦶꦃꦩꦸꦁꦒꦸꦃ꧈ꦠꦼꦩ꧀ꦧꦸꦁꦔꦶꦥꦸꦤ꧀ꦲꦔꦺꦔꦶꦁꦔꦶꦱꦔꦼꦠ꧀ꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ 1) ꦲꦤꦔꦶꦁꦥꦚ꧀ꦕꦺꦤ꧀ꦥꦏꦺꦮꦼꦢ꧀ꦲꦮꦶꦠ꧀ꦲꦔꦺꦮꦃꦲꦶꦭꦸꦒꦸꦤꦶꦁꦠꦼꦩ꧀ꦧꦸꦁꦲꦶꦁꦏꦁꦲꦁꦒꦣꦃꦲꦶꦮꦠꦏ꧀ꦱꦏꦮꦤ꧀ ꦲꦶꦁꦒꦶꦃꦥꦸꦤꦶꦏ꧇ꦏꦂꦠꦶ꧈
13 ]ꦭꦗꦼꦁꦢꦢꦺꦴꦱ꧀꧇ꦏꦂꦠ꧈ꦩꦺꦴꦁꦏ꧇ꦏꦂꦠꦶ꧈ꦱꦤꦺꦱ꧀ꦠꦼꦒꦼꦱ꧀ 1)꧈ꦱꦪꦫꦸꦮꦼꦠ꧀ꦩꦭꦶꦃꦱꦁꦏꦭꦤ꧀ꦲꦶꦁꦏꦁꦤꦩꦸꦁꦏꦥꦶꦠꦼꦢꦃꦲꦏꦼꦤ꧀ꦱꦫꦤꦒꦩ꧀ꦧꦂꦫꦤ꧀ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤꦶꦱꦁꦏꦭꦤ꧀ꦩꦼꦩꦼꦠ꧀ꦲꦶꦁꦏꦁꦤꦩꦸꦁꦠꦤ꧀ꦱꦃꦢꦢꦺꦴꦱ꧀ꦕꦁꦏꦿꦶꦩ꧀ꦩꦤ꧀ꦏꦺꦩꦮꦺꦴꦤ꧀ꦲꦶꦁꦏꦁꦏꦛꦃꦧꦺꦢꦱꦁꦲꦼꦠ꧀ꦥꦔꦁꦒꦺꦤꦶꦥꦸꦤ꧀ꦱꦁꦏꦭꦤ꧀ꦏꦭꦶꦪꦤ꧀ꦏꦭꦲꦶꦁꦏꦶꦤꦤꦶꦥꦸꦤ꧀ꦲꦮꦶꦠ꧀ꦱꦏꦶꦁꦥꦸꦤꦶꦏꦠꦤ꧀ꦱꦃꦥꦏꦺꦮꦼꦢ꧀ꦥꦸꦤ꧀ꦢꦶꦲꦶꦁꦏꦁꦏꦼꦢꦃꦢꦶꦥꦸꦤ꧀ꦲꦼꦤꦸꦠ꧀ꦩꦶꦭꦤꦶꦥꦸꦤ꧀ꦩꦤꦮꦶꦥꦫꦱꦒꦼꦢ꧀ꦧꦺꦴꦁꦱꦌꦫꦺꦴꦦꦃꦧꦣꦺꦔꦸꦥꦢꦺꦴꦱ꧀ꦠꦼꦫꦁꦔꦶꦥꦸꦤ꧀ꦱꦮꦼꦤꦺꦃꦲꦶꦁꦧꦧ꧀ꦭꦭꦩ꧀ꦥꦃꦲꦤ꧀ꦏꦶꦤ꧈ꦧꦺꦴꦠꦼꦤ꧀ꦤꦩꦸꦁꦤꦫꦶꦩꦃꦣꦠꦼꦁꦥꦺꦁꦔꦼꦠ꧀ꦠꦤ꧀ꦱꦁꦏꦭꦤ꧀ꦏꦺꦩꦮꦺꦴꦤ꧀ꦏꦼꦢꦃꦔꦸꦥꦢꦺꦴꦱ꧀ꦏꦠꦼ
14 ]ꦫꦁꦔꦤ꧀ꦱꦏꦶꦁꦮꦮꦠꦺꦴꦤ꧀ꦱꦤꦺꦱ꧀ꦱꦶꦥꦸꦤ꧀ ꦲꦶꦁꦏꦁꦏꦺꦔꦶꦁꦏꦥꦶꦠꦢꦺꦴꦱ꧀ ꦲꦮꦶꦠ꧀ꦱꦏꦶꦁꦥꦩꦼꦛꦺꦏ꧀ꦏꦶꦁꦱꦁꦏꦭꦤ꧀ꦮꦲꦸꦲꦶꦁꦩꦤꦃꦠꦤ꧀ꦱꦃꦱꦸꦩꦼꦭꦁꦧꦺꦴꦏ꧀ꦩꦤꦮꦶꦧꦺꦴꦠꦼꦤ꧀ꦱꦒꦼꦢ꧀ꦕꦺꦴꦕꦺꦴꦒ꧀ꦏꦭꦶꦪꦤ꧀ꦥꦶꦏꦗꦼꦁꦔꦶꦥꦸꦤ꧀ꦲꦶꦁꦏꦁꦢꦩꦼꦭ꧀ ꦧꦺꦴꦏ꧀ꦩꦤꦮꦶꦲꦶꦁꦒꦶꦃꦱꦒꦼꦢ꧀ꦕꦺꦴꦕꦺꦴꦒ꧀ꦲꦸꦒꦶ꧈ꦲꦤꦔꦶꦁꦏꦥꦶꦁꦏꦭꦶꦃꦧꦺꦴꦏ꧀ꦩꦤꦮꦶꦥꦸꦤꦶꦏꦱꦩꦶꦤꦶꦥꦸꦤ꧀꧇ꦢꦺꦫꦺꦁꦏꦤ꧀ꦠꦼꦤꦤ꧀꧈꧋ꦲꦶꦁꦗꦩꦤ꧀ꦱꦥꦸꦤꦶꦏꦲꦶꦁꦠꦤꦃꦗꦮꦶꦥꦶꦤꦁꦒꦶꦃꦏꦛꦃꦱꦺꦭꦱꦂꦠꦧ꧀ꦭꦺꦧꦺꦏ꧀ꦏꦤ꧀ꦠꦼꦩ꧀ꦧꦒꦶꦲꦶꦁꦏꦁꦩꦮꦶꦱꦼꦱꦼꦫꦠ꧀ꦠꦤ꧀ ꦱꦉꦁꦏꦠꦼꦫꦁꦔꦏꦼꦤ꧀ꦠꦺꦠꦺꦭꦪꦺꦤ꧀ꦱꦼꦱꦼꦫꦠ꧀ꦠꦤ꧀ꦮꦲꦸꦕꦫꦶꦪꦺꦴꦱ꧀ꦱꦶꦁ
15 ]ꦭꦭꦩ꧀ꦥꦃꦲꦤ꧀ꦏꦶꦤ꧈ꦲꦶꦁꦏꦁꦏꦛꦃꦥꦶꦱꦸꦁꦱꦸꦁꦱꦏꦶꦁꦱꦮꦼꦤꦺꦃꦲꦶꦁꦫꦠꦸꦤꦸꦗꦸꦲꦶꦁꦢꦶꦤ꧀ꦠꦼꦤ꧀ꦏꦧꦶꦔꦃꦲꦤ꧀ꦠꦸꦮꦶꦤ꧀ꦥꦲꦸꦒꦼꦂꦫꦤ꧀ꦥꦿꦤꦠꦤꦶꦁꦱꦶꦠꦶꦥꦂꦢꦶꦏꦤ꧀ꦲꦸꦠꦮꦶꦝꦸꦱꦸꦤ꧀ꦲꦶꦁꦏꦁꦏꦲꦁꦒꦼꦥ꧀ꦥꦼꦂꦭꦸꦫꦶꦤꦶꦥ꧀ꦠꦲꦶꦁꦱꦺꦲꦶꦁꦱꦺꦭꦲꦸꦠꦮꦶꦲꦶꦁꦠꦼꦩ꧀ꦧꦒꦶꦠꦸꦮꦶꦤ꧀ꦲꦶꦁꦧꦫꦁꦱꦤꦺꦱ꧀ꦱꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦱꦼꦫꦠꦤ꧀ꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦥꦸꦤꦶꦏꦱꦩ꧀ꦥꦸꦤ꧀ꦩꦼꦱ꧀ꦛꦶꦏꦺꦩꦮꦺꦴꦤ꧀ꦏꦺꦔꦶꦁꦏꦁꦒꦺꦠꦺꦴꦟ꧀ꦝꦥꦱꦏ꧀ꦱꦺꦤ꧀ꦲꦶꦁꦏꦁꦏꦥꦫꦪꦏꦶꦤ꧀ꦱꦧꦧ꧀ꦱꦺꦭꦱꦺꦭꦮꦲꦸꦠꦏ꧀ꦱꦶꦃꦢꦺꦫꦺꦁꦲꦺꦮꦃꦏꦢꦺꦴꦱ꧀ꦲꦶꦁꦏꦭꦏꦶꦤꦤꦶꦥꦸꦤ꧀ꦱꦂꦠꦧꦺꦴꦠꦼꦤ꧀ꦤꦠꦺꦢꦶꦥꦸꦤ꧀ꦠꦼꦝꦏ꧀ꦲꦸꦠꦮꦶꦧꦺꦴꦠꦼꦤ꧀ꦏꦺꦔꦶꦁꦏꦲꦺꦮꦃꦲꦤ꧀ꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦩꦶꦭꦧꦺꦴꦠꦼꦤ꧀ꦱꦒꦼꦢ꧀ꦢꦺꦴꦫ꧈ꦮꦺꦴꦤ꧀ꦠꦼꦤ꧀ꦲꦸꦒꦶꦲꦶꦁꦏꦁꦫꦶꦱꦏ꧀ꦱꦼꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦲꦤꦔꦶꦁꦏꦏꦤ꧀ꦠꦸꦤ꧀ꦤꦤ꧀ꦤꦶꦥꦸꦤ꧀ꦠꦩ꧀ꦠꦸꦠꦼꦠꦼꦥ꧀ꦲꦶꦁꦱꦮꦤ꧀ꦠꦃꦲꦶꦥꦸꦤ꧀ꦱꦮꦼꦤꦺꦃꦲꦶꦁꦠꦶꦪꦁꦮꦺꦴꦤ꧀ꦠꦼꦤ꧀ꦲꦶꦁꦏꦁꦚꦺꦴꦧꦤꦼꦝꦏ꧀ꦢꦩꦼꦭ꧀ꦱꦺꦭꦲꦸꦠꦮꦶꦠꦼꦩ꧀ꦧꦒꦶꦏꦢꦺꦴꦱ꧀ꦩꦏꦠꦼꦤ꧀ꦮꦲꦸ꧈ꦱꦸꦥꦢꦺꦴꦱ꧀ꦲꦢꦩꦼꦭ꧀ꦏꦭꦶꦤ꧀ꦠꦸꦤꦶꦥꦸꦤ꧀ꦥꦫꦱꦒꦼꦢ꧀ꦲꦶꦁꦏꦁꦱꦩꦶꦏꦥꦉꦁꦲꦤꦭꦶꦠꦶꦢꦢꦺꦴꦱ꧀ꦢꦺꦴꦫꦤꦶꦥꦸꦤ꧀ꦲꦶꦁꦒꦶꦃꦭꦗꦼꦁꦱꦒꦼꦢ꧀ꦏꦱꦸꦩꦼꦉꦥ꧀ꦥꦤ꧀ꦲꦶꦁꦮꦸꦱꦤꦱꦥꦸꦤꦶꦏꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦤꦠꦺꦏꦭꦩ꧀ꦥꦃꦲꦤ꧀ꦩꦏꦠꦼꦤ꧀ꦩꦭꦶꦃ꧉
꧋ꦥꦔꦁꦒꦶꦠ꧀ꦠꦶꦥꦸꦤ꧀ꦧꦧꦢ꧀ꦲꦶꦁꦠꦸꦩꦦꦼꦭ꧀ꦣꦲꦱꦂꦠꦲꦶꦁꦩꦗꦦꦲꦶꦠ꧀ꦏꦗꦮꦶꦔꦁꦒꦺꦮꦮꦠꦺꦴꦤꦲꦶꦁꦏꦁꦱꦩ꧀ꦥꦸꦤ꧀ꦏꦱꦼꦧꦸꦠ꧀ꦲꦶꦁꦔꦶꦁ
16 ]ꦒꦶꦭ꧀ꦲꦸꦒꦶꦠꦼꦏ꧀ꦱꦶꦃꦩꦮꦶꦥꦶꦠꦸꦭꦸꦁꦔꦤ꧀ꦏꦛꦃꦱꦏꦶꦁꦱꦼꦫꦠ꧀ꦱꦼꦫꦠ꧀ꦧꦧꦢ꧀ꦲꦶꦁꦤꦒꦫꦶꦕꦶꦟ꧈ꦱꦧꦧ꧀ꦧꦺꦴꦁꦱꦕꦶꦟꦏꦭꦲꦶꦁꦗꦩꦤ꧀ꦏꦶꦤꦤꦠꦺꦲꦤ꧀ꦢꦺꦴꦤ꧀ꦪꦸꦢꦏꦭꦶꦪꦤ꧀ꦧꦺꦴꦁꦱꦗꦮꦶ꧈ꦠꦩ꧀ꦠꦸꦤꦶꦥꦸꦤ꧀ꦣꦃꦕꦫꦶꦪꦺꦴꦱ꧀ꦲꦶꦁꦏꦁꦩꦒꦼꦥꦺꦴꦏ꧀ꦏꦤ꧀ꦏꦭꦶꦪꦤ꧀ꦠꦤꦃꦗꦮꦶꦲꦶꦁꦏꦭꦏꦶꦤꦤꦶꦥꦸꦤ꧀ꦱꦏꦛꦃꦲꦶꦁꦭꦭꦩ꧀ꦥꦃꦲꦤ꧀ꦏꦥꦺꦔꦼꦠ꧀ꦠꦤ꧀ꦏꦭꦪꦤ꧀ꦱꦠꦶꦠꦶꦢꦺꦤꦶꦁꦧꦺꦴꦁꦱꦕꦶꦟ꧈ꦱꦧꦧ꧀ꦲꦶꦁꦔꦠꦱ꧀ꦱꦶꦁꦥꦺꦥꦺꦔꦼꦠ꧀ꦠꦤ꧀ꦧꦺꦴꦁꦱꦕꦶꦟꦭꦁꦏꦸꦁꦱꦠꦶꦠꦶꦠꦶꦤꦶꦩ꧀ꦧꦁꦠꦶꦠꦶꦪꦁꦗꦮꦶ꧈ꦥꦸꦤꦥꦩꦭꦶꦃꦱꦼꦫꦠ꧀ꦱꦼꦫꦠ꧀ꦧꦧꦢ꧀ꦲꦶꦁꦤꦒꦫꦶꦕꦶꦟꦧꦺꦴꦠꦼꦤ꧀ꦤꦠꦺꦫꦶꦱꦏ꧀ꦏꦧꦼꦱ꧀ꦩꦺꦤ꧀ꦲꦸꦠꦮꦶꦏꦥꦶꦤ꧀ꦠꦼꦤ꧀ꦢꦺꦤꦶꦁꦥꦼꦫꦁꦲꦸꦠꦮꦶꦏꦿꦩꦤ꧀꧈ꦱꦂꦠꦧꦺꦴꦠꦼꦤ꧀ꦭꦗꦼꦁꦏꦲꦁꦒꦶꦠ꧀ꦩꦭꦶꦃꦩꦶꦠꦸꦫꦸꦠ꧀ꦲꦶꦁꦱꦥꦩꦁꦒꦶꦃꦲꦶꦥꦸꦤ꧀ꦲꦶꦁꦏꦁꦔꦫꦁꦲꦺꦁꦒꦭ꧀ꦥꦿꦩꦶꦭꦕꦫꦶꦪꦺꦴꦱ꧀ꦱꦶꦁꦱꦼꦫꦠ꧀ꦱꦼꦫꦠ꧀ꦠꦶꦥꦸꦤ꧀ꦧꦧꦢ꧀ꦏꦺꦔꦶꦁꦏꦲꦁꦒꦼꦥ꧀ꦠꦼꦩꦼꦤ꧀ꦤꦩꦸꦁꦏꦮꦺꦴꦤ꧀ꦤꦶꦥꦸꦤ꧀ꦲꦶꦁꦥꦼꦥꦼꦫꦁꦔꦤ꧀ꦠꦤ꧀ꦱꦃꦢꦶꦥꦸꦤ꧀ꦠꦸꦠꦸꦥ꧀ꦥꦶ꧈ꦲꦸꦁꦒꦸꦭ꧀ꦭꦶꦥꦸꦤ꧀ꦏꦲꦟ꧀ꦝꦂꦫꦏꦼꦤ꧀ꦔꦤ꧀ꦠꦺꦴꦱ꧀ꦏꦭꦁꦏꦸꦁꦭꦁꦏꦸꦁ꧈ꦏꦢꦺꦴꦱ꧀ꦢꦺꦤꦺꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦧꦧꦢ꧀ꦧꦺꦴꦁꦱꦗꦮꦶꦲꦸꦒꦶꦩꦏꦠꦼꦤ꧀ꦩꦶꦭꦤꦶꦥꦸꦤ꧀ꦱꦼꦫꦠ꧀ꦱꦼꦫꦠ꧀ꦧꦧꦢ꧀ꦮꦲꦸꦏꦼꦢꦃꦏꦕꦸꦟ꧀ꦝꦸꦏ꧀ꦏꦏꦼꦤ꧀ꦱꦂꦠꦏꦠꦶꦩ꧀ꦧꦁ꧉꧋ꦏꦢꦺꦴꦱ꧀ꦥꦸꦤ꧀ꦢꦶꦱꦒꦼꦢ꧀ꦢꦶꦥꦸꦤ꧀ꦥꦫꦱꦂꦗꦤꦧꦺꦴꦁꦱꦌꦫꦺꦴꦦꦃꦩꦲꦺꦴꦱ꧀ꦲꦸꦔꦼꦭ꧀ꦭꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦿꦺꦴꦥꦏ꧀ꦱꦂꦠꦲꦶꦁꦱꦺꦭꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦮꦲꦸ꧈ꦩꦺꦴꦁꦏꦱꦱ꧀ꦠꦿꦤꦶꦥꦸꦤ꧀ꦧꦸꦢ꧀ꦝ꧈ꦠꦼꦩ꧀ꦧꦁꦔꦶꦥꦸ
17 ]ꦤ꧀ꦏꦮꦶ꧈ꦱꦤꦢꦾꦤ꧀ꦠꦶꦪꦁꦗꦮꦶꦥꦶꦪꦩ꧀ꦧꦏ꧀ꦧꦺꦴꦠꦼꦤ꧀ꦩꦔꦼꦂꦠꦺꦴꦱ꧀ꦱꦒꦼꦢ꧀ꦢꦶꦥꦸꦤ꧀ꦩꦔꦼꦂꦠꦺꦴꦱ꧀ꦧꦺꦴꦁꦱꦮꦭꦤ꧀ꦢꦶꦏꦺꦩꦮꦺꦴꦤ꧀ꦏꦢꦺꦴꦱ꧀ꦥꦸꦤ꧀ꦢꦶ꧉
꧋ꦏꦮꦸꦤꦶꦔꦤ꧀ꦤ꧈ꦥꦩꦂꦱꦸꦢꦶꦤꦶꦥꦸꦤ꧀ꦥꦫꦱꦂꦗꦤꦧꦺꦴꦁꦱꦌꦫꦺꦴꦦꦃꦣꦠꦼꦁꦧꦱꦗꦮꦶ꧈ꦧꦺꦴꦠꦼꦤ꧀ꦤꦩꦸꦁꦤꦫꦶꦩꦃꦱꦒꦼꦢ꧀ꦝꦠꦼꦁꦧꦱꦗꦮꦶꦏꦺꦩꦮꦺꦴꦤ꧀ꦲꦤꦔꦶꦁꦩꦮꦶꦩꦂꦱꦸꦢꦶꦠꦼꦩ꧀ꦧꦸꦁꦠꦼꦩ꧀ꦧꦸꦁꦲꦶꦁꦏꦁꦩꦒꦼꦥꦺꦴꦏ꧀ꦏꦤ꧀ꦧꦱꦗꦮꦶ꧈ꦏꦢꦺꦴꦱ꧀ꦠ꧇ꦱꦁꦱ꧀ꦏꦿꦶꦠ꧀ꦩꦭꦪꦸ꧈ꦱꦸꦟ꧀ꦝ꧈ꦩꦢꦸꦫ꧈ꦩꦁꦏꦱꦂ꧈ꦄꦫꦧ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈ꦱꦩ꧀ꦥꦸꦤ꧀ꦠꦩ꧀ꦠꦸꦏꦺꦩꦮꦺꦴꦤ꧀ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦧꦺꦴꦠꦼꦤ꧀ꦱꦒꦼꦢ꧀ꦭꦶꦤꦩ꧀ꦥꦃꦲꦤ꧀ꦲꦶꦁꦠꦶꦪꦁꦱꦠꦸꦁꦒꦭ꧀ꦥꦫꦱꦂꦗꦤꦱꦩꦶꦠꦸꦭꦸꦁꦠꦶꦤꦸꦭꦸꦁꦔꦤ꧀ꦲꦶꦁꦮꦸꦱꦤꦱꦒꦼꦢ꧀ꦏꦢꦸꦩꦸꦒꦺꦤ꧀ꦏꦗꦼꦁꦔꦶꦥꦸꦤ꧀ꦠꦶꦩꦃꦲꦤ꧀ꦲꦠꦺꦠꦺꦭꦪꦺꦤ꧀꧇
1. ꧋ꦧꦧꦺꦴꦤ꧀ꦤꦶꦁꦧꦱꦗꦮꦶꦥꦸꦤꦶꦏꦢꦺꦢꦺꦫꦶꦫꦶꦩ꧀ꦧꦒ꧀ꦒꦤ꧀ꦱꦏꦶꦁꦧꦱꦯꦁꦱ꧀ꦏꦿꦶꦠ꧀ꦏꦢꦺꦴꦱ꧀ꦥꦔꦶꦤ꧀ꦠꦼꦤ꧀ꦤꦶꦁꦔꦏꦛꦃ꧈ꦤꦔꦶꦁꦲꦶꦁꦒꦶꦃꦏꦱꦽꦩ꧀ꦥꦶꦭ꧀ꦭꦤ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦯꦁꦱ꧀ꦏꦿꦶꦠ꧀ꦔꦤ꧀ꦠꦺꦴꦱ꧀ꦏꦛꦃ꧈ꦱꦪꦏꦛꦃꦩꦭꦶꦃꦲꦶꦁꦠꦼꦩ꧀ꦧꦁꦏꦮꦶ꧈ꦥꦿꦩꦶꦭꦥꦩꦂꦱꦸꦢꦶꦤꦶꦁꦠꦼꦩ꧀ꦧꦁꦗꦮꦶꦏꦶꦤꦏꦼꦢꦃꦏꦮꦶꦮꦶꦠ꧀ꦠꦤ꧀ꦱꦏꦶꦁꦠꦼꦩ꧀ꦧꦁꦯꦁꦱ꧀ꦏꦿꦶꦠ꧀꧈
2.꧋ꦧꦱꦗꦮꦶꦏꦛꦃꦲꦺꦩ꧀ꦥꦼꦂꦫꦶꦥꦸꦤ꧀ꦧꦱꦧꦱꦲꦶꦁꦲꦶꦟ꧀ꦢꦶꦪꦟꦺꦢꦼꦂꦭꦤ꧀ꦏꦠꦶꦠꦶꦏ꧀ꦱꦏꦶꦁꦠꦼꦩ꧀ꦧꦁꦠꦩ꧀ꦧꦁꦔꦶꦥꦸꦤ꧀ꦲꦶꦁꦏꦁꦤꦸꦁꦒꦶꦭ꧀ꦫꦲꦺꦴꦱ꧀ꦲꦸꦠꦮꦶꦤꦸꦁꦒꦶꦭ꧀ꦩꦶꦱꦃꦲꦶꦁꦫꦲꦺꦴꦱ꧀ꦥꦸꦤꦥꦩ
18 ]ꦭꦶꦃꦏꦛꦃꦠꦼꦩ꧀ꦧꦸꦁꦲꦶꦁꦏꦁꦲꦶꦁꦧꦱꦗꦮꦶꦲꦺꦁꦒꦭ꧀ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦱꦿꦩ꧀ꦧꦃ꧈ꦏꦗꦮꦶꦲꦶꦁꦧꦱꦏꦮꦶ꧈ꦲꦤꦔꦶꦁꦲꦶꦁꦧꦱꦲꦶꦟ꧀ꦢꦶꦪꦱꦤꦺꦱ꧀ꦱꦶꦥꦸꦤ꧀ꦠꦼꦏ꧀ꦱꦶꦃꦔꦁꦒꦺ꧈ꦥꦿꦩꦶꦭꦠꦼꦩ꧀ꦧꦸꦁꦏꦮꦶꦲꦶꦁꦏꦁꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦱꦸꦩꦼꦉꦥ꧀ꦥꦤ꧀ꦠꦼꦒꦼꦱ꧀ꦱꦶꦥꦸꦤ꧀ꦲꦸꦠꦮꦶꦲꦶꦁꦏꦁꦢꦺꦢꦺꦲꦺꦮꦺꦴꦤ꧀ꦤꦶꦁꦧꦱꦯꦁꦱ꧀ꦏꦿꦶꦠ꧀ꦲꦱꦿꦶꦁꦠꦼꦏ꧀ꦱꦶꦃꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦧꦱꦩꦭꦪꦸ꧈ꦯꦸꦟ꧀ꦝ꧈ꦩꦁꦏꦯꦂ꧈ꦲꦸꦠꦮꦶꦲꦶꦁꦧꦱꦧꦱꦱꦤꦺꦱ꧀ꦱꦶꦥꦸꦤ꧀ꦲꦮꦶꦠ꧀ꦱꦏꦶꦁꦥꦸꦤꦶꦏꦭꦗꦼꦁꦱꦒꦼꦢ꧀ꦤꦩ꧀ꦠꦺꦴꦏ꧀ꦲꦏꦼꦤ꧀ꦠꦼꦒꦼꦱ꧀ꦭꦤ꧀ꦥꦶꦏꦗꦼꦁꦔꦤ꧀ꦤꦶꦥꦸꦤ꧀꧈
3.꧋ꦧꦱꦏꦮꦶꦥꦸꦤꦶꦏꦢꦺꦢꦺꦲꦺꦮꦺꦴꦤ꧀ꦤꦶꦁꦧꦱꦲꦶꦁꦏꦁꦩꦭꦶꦒꦶ꧈ꦲꦤꦔꦶꦁꦧꦱꦲꦶꦁꦏꦁꦲꦺꦮꦃꦒꦶꦁꦱꦶꦂꦩꦶꦠꦸꦫꦸꦠ꧀ꦲꦶꦁꦩꦺꦴꦁꦱꦏꦭꦤꦶꦥꦸꦤ꧀ꦧꦱꦏꦮꦶꦲꦮꦶꦠ꧀ꦱꦏꦶꦁꦧꦱꦗꦮꦶꦏꦶꦤꦭꦗꦼꦁꦢꦢꦺꦴꦱ꧀ꦧꦱꦗꦮꦶꦠꦼꦔꦃꦲꦤ꧀ꦭꦗꦼꦁꦩꦭꦶꦃꦢꦢꦺꦴꦱ꧀ꦧꦱꦗꦮꦶꦲꦺꦁꦒꦭ꧀ꦩꦶꦁꦱꦼꦢ꧀ꦢꦶꦥꦸꦤ꧀ꦱꦏꦶꦁꦱꦏꦼꦣꦶꦏ꧀ꦧꦺꦴꦠꦼꦤ꧀ꦤꦠꦺꦲꦤ꧀ꦢꦢꦏ꧀ꦱꦩꦶꦱꦤꦭꦶꦏ꧉ꦲꦮꦶꦠ꧀ꦱꦏꦶꦁꦥꦸꦤꦶꦏꦭꦗꦼꦁꦏꦺꦔꦶꦁꦏꦁꦒꦺꦤꦩ꧀ꦠꦺꦴꦏ꧀ꦲꦏꦼꦤ꧀ꦗꦩꦤ꧀ꦲꦶꦁꦤꦭꦶꦏꦏꦁꦒꦺꦤꦶꦥꦸꦤ꧀ꦭꦶꦩꦿꦃꦠꦼꦩ꧀ꦧꦸꦁꦠꦼꦩ꧀ꦧꦸꦁꦮꦲꦸꦱꦫꦶꦩ꧀ꦧꦒ꧀ꦒꦶꦥꦸꦤ꧀꧈ꦩꦏꦠꦼꦤ꧀ꦲꦸꦒꦶꦏꦮꦺꦴꦤ꧀ꦠꦼꦤꦤ꧀ꦤꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦱꦼꦱꦼꦫꦠ꧀ꦠꦤ꧀ꦲꦸꦠꦮꦶꦱꦱ꧀ꦠꦿꦤꦷꦥꦸꦤ꧀ꦧꦺꦴꦁꦱꦗꦮꦶꦩꦼꦟ꧀ꦝꦼꦠ꧀ꦱꦏꦶꦁꦧꦺꦴꦁꦱꦲꦶꦟ꧀ꦝꦸ꧈ꦤꦔꦶꦁꦲꦔꦺꦔꦼꦠ꧀ꦠꦶꦧꦧ꧀꧇1.ꦧꦺꦴꦠꦼꦤ꧀ꦔꦁꦒꦺꦧꦱꦤꦶꦥꦸꦤ꧀ꦠꦶꦠꦶꦪꦁꦗꦮꦶꦲꦶꦁ
19 ]ꦏꦶꦤꦤꦶꦥꦸꦤ꧀ꦩꦼꦟ꧀ꦝꦼꦠ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦏꦁꦒꦺꦲꦶꦁꦠꦶꦠꦶꦪꦁꦲꦶꦟ꧀ꦝꦸꦏꦭꦗꦩꦤ꧀ꦱꦩꦤ꧀ꦠꦼꦤ꧀ꦲꦤꦔꦶꦁꦭꦩꦶꦭꦩꦶꦱꦏꦛꦃꦲꦶꦁꦱꦱ꧀ꦠꦿꦲꦶꦁꦏꦁꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦠꦸꦩꦿꦥ꧀ꦲꦶꦁꦠꦼꦩ꧀ꦧꦸꦁꦗꦮꦶꦲꦶꦁꦒꦶꦃꦭꦗꦼꦁꦧꦺꦴꦠꦼꦤ꧀ꦢꦶꦥꦸꦤ꧀ꦲꦁꦒꦺ꧈ꦏꦗꦮꦶꦮꦺꦴꦤ꧀ꦠꦼꦤ꧀ꦲꦸꦒꦶꦱꦮꦠꦮꦶꦱ꧀ꦲꦶꦁꦏꦁꦏꦁꦒꦺꦩꦶꦤꦺꦴꦁꦏꦲꦏ꧀ꦱꦫꦲꦒꦼꦁ꧈ꦱꦤꦢꦾꦤ꧀ꦏꦁꦒꦺꦤꦶꦥꦸꦤ꧀ꦮꦲꦸꦥꦚ꧀ꦕꦺꦤ꧀ꦧꦺꦴꦠꦼꦤ꧀ꦥꦠꦺꦴꦱ꧀ꦏꦛꦃ꧈ꦊꦉꦱ꧀ꦱꦶꦥꦸꦤ꧀ꦥꦸꦤꦶꦏꦥꦚ꧀ꦕꦺꦤ꧀ꦢꦺꦢꦺꦲꦏ꧀ꦱꦫꦲꦒꦼꦁ(ꦲꦏ꧀ꦱꦫꦩꦸꦂꦢ),ꦤꦔꦶꦁꦲꦏ꧀ꦱꦫꦩꦲꦥꦿꦤꦲꦶꦁꦏꦁꦏꦼꦢꦃꦏꦲꦸꦔꦺꦭ꧀ꦭꦏꦼꦤ꧀ꦏꦟ꧀ꦛꦶꦲꦧꦧ꧀ꦏꦛꦃ꧈ꦭꦩꦶꦭꦩꦶꦲꦸꦔꦺꦭ꧀ꦭꦶꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦧꦺꦢꦤꦶꦥꦸꦤ꧀ꦏꦭꦶꦪꦤ꧀ꦲꦏ꧀ꦱꦫꦲꦭꦶꦠ꧀(ꦲꦏ꧀ꦱꦫꦄꦭ꧀ꦥꦥꦿꦤ)ꦤꦩꦸꦁꦮꦸꦗꦸꦢ꧀ꦢꦶꦥꦸꦤ꧀ꦲꦶꦁꦏꦁꦧꦺꦢ꧉
꧋ꦱꦼꦫꦠ꧀ꦠꦤ꧀ꦮꦲꦸꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦁꦒꦺꦲꦶꦁꦠꦶꦪꦁꦗꦮꦶꦭꦩꦶꦭꦩꦶꦱꦒꦼꦢ꧀ꦩꦭꦶꦃꦮꦂꦟꦶ꧈ꦱꦮꦼꦤꦺꦃꦩꦶꦟ꧀ꦝꦏꦲꦸꦏꦼꦭ꧀ꦭꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦱꦸꦢꦲꦺꦁꦏꦺꦴꦏ꧀ꦏꦶꦥꦸꦤ꧀ꦔꦤ꧀ꦠꦺꦴꦱ꧀ꦢꦢꦺꦴꦱ꧀ꦱꦼꦫꦠ꧀ꦠꦤ꧀ꦲꦶꦁꦏꦁꦭꦶꦩꦿꦃꦏꦁꦒꦺꦲꦶꦁꦗꦩꦤ꧀ꦥꦸꦤꦶꦏ꧉
꧋ꦥꦫꦱꦂꦗꦤꦧꦺꦴꦁꦱꦌꦫꦺꦴꦦꦃꦱꦩ꧀ꦥꦸꦤ꧀ꦔ꧀ꦭꦼꦩ꧀ꦥꦏ꧀ꦏꦏꦼꦤ꧀ꦱꦼꦫꦠ꧀ꦠꦤ꧀ꦮꦂꦟꦶꦮꦂꦟꦶꦱꦏꦶꦁꦠꦤꦃꦲꦶꦟ꧀ꦝꦸ꧈ꦱꦂꦠꦱꦼꦫꦠ꧀ꦠꦤ꧀ꦗꦗꦮꦶꦠꦸꦮꦶꦤ꧀ꦧꦭꦶꦲꦶꦁꦏꦁꦭꦁꦏꦸꦁꦏꦶꦤ꧈ꦲꦶꦁꦏꦁꦭꦗꦼꦁꦏꦥꦂꦱꦸꦢꦶꦔꦤ꧀ꦠꦺꦴꦱ꧀ꦏꦺꦔꦶꦁꦏꦮꦲꦺꦴꦱ꧀ꦱꦏꦛꦃꦲꦶꦁꦱꦼꦫꦠ꧀ꦠꦤ꧀ꦮꦲꦸꦭꦗꦼꦁꦠꦶꦤꦠ
20 ]ꦏꦥꦕꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦢꦭꦚ꧀ꦕꦁꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ꦲꦣꦥꦸꦂꦥꦿꦠꦺꦭꦤ꧀ꦱꦼꦫꦠ꧀ꦠꦤ꧀ꦱꦠꦸꦁꦒꦭ꧀ꦠꦸꦁꦒꦭ꧀ꦭꦶꦁꦮꦂꦟꦶ꧉ꦱꦧꦼꦤ꧀ꦮꦺꦴꦤ꧀ꦠꦼꦤ꧀ꦱꦼꦫꦠ꧀ꦠꦤ꧀ꦏꦶꦤꦥꦶꦤꦁꦒꦶꦃ꧈ꦲꦶꦁꦏꦁꦫꦶꦤꦶꦥ꧀ꦠꦲꦶꦁꦱꦺꦭ꧈ꦲꦶꦁꦭꦺꦴꦒꦩ꧀ꦲꦸꦠꦮꦶꦲꦶꦁꦏꦿꦺꦴꦥꦏ꧀ꦭꦗꦼꦁꦏꦕꦸꦟ꧀ꦝꦸꦏ꧀ꦏꦏꦼꦤ꧀ꦏꦭꦶꦪꦤ꧀ꦥꦿꦠꦺꦭꦤ꧀ꦮꦲꦸ꧈ꦱꦂꦠꦭꦗꦼꦁꦏꦺꦩꦮꦺꦴꦤ꧀ꦱꦒꦼꦢ꧀ꦩꦁꦒꦶꦃꦱꦼꦫꦠ꧀ꦠꦤ꧀ꦲꦶꦁꦏꦁꦔꦺꦩ꧀ꦥꦼꦫꦶ꧈ꦱꦤꦢꦾꦤ꧀ꦧꦺꦴꦠꦼꦤ꧀ꦩꦼꦰ꧀ꦛ꧀ꦛꦶꦪꦺꦤ꧀ꦔꦼꦥ꧀ꦭꦼꦏ꧀ꦏꦶ꧈ꦲꦺꦮꦢꦺꦤꦺꦱꦏꦶꦁꦥꦩꦂꦱꦸꦢꦶꦱꦲꦥꦁꦒꦶꦭꦸꦠ꧀ꦠꦶꦥꦸꦤ꧀ꦱꦠꦼꦩꦃꦱꦒꦼꦢ꧀ꦤꦧꦸꦏꦤꦶꦲꦺꦮꦼꦢ꧀ꦥꦏꦺꦮꦼꦢ꧀ꦢꦶꦁꦱꦱ꧀ꦠꦿꦲꦶꦁꦏꦁꦚꦊꦤꦺꦃꦧꦺꦴꦠꦼꦤ꧀ꦱꦩꦶꦏꦭꦶꦪꦤ꧀ꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦢꦺꦤꦺꦲꦶꦁꦱꦥꦸꦤꦶꦏꦤꦶꦥꦸꦤ꧀ꦱꦩ꧀ꦥꦸꦤ꧀ꦠꦸꦩꦶꦤ꧀ꦢꦏ꧀ꦭꦩꦶꦔꦤ꧀ꦠꦺꦴꦱ꧀ꦱꦒꦼꦢ꧀ꦤꦼꦫꦁꦔꦏꦼꦤ꧀ꦱꦢꦪꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦱꦺꦭ꧈ꦲꦶꦁꦭꦺꦴꦒꦩ꧀ꦱꦂꦠꦲꦶꦁꦏꦿꦺꦴꦥꦏ꧀ꦏꦟ꧀ꦛꦶꦱꦧꦂꦱꦮꦠꦮꦶꦱ꧀ꦥꦤꦟ꧀ꦝꦶꦁꦔꦶꦥꦸꦤ꧀ꦗꦚ꧀ꦗꦶꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦫꦶꦱꦏ꧀ꦏꦺꦩꦮꦺꦴꦤ꧀ꦱꦏꦶꦁꦏꦼꦭꦩꦺꦤ꧀꧈ꦱꦏꦶꦁꦫꦺꦏꦢꦪꦲꦶꦁꦏꦁꦩꦏꦠꦼꦤ꧀ꦱꦒꦼꦢ꧀ꦏꦱꦸꦩꦼꦉꦥ꧀ꦥꦤ꧀ꦭꦭꦩ꧀ꦥꦃꦲꦤ꧀ꦲꦶꦁꦏꦶꦤꦏꦶꦤ꧈ꦲꦶꦁꦏꦁꦏꦕꦫꦶꦪꦺꦴꦱ꧀ꦱꦏꦼꦤ꧀ꦢꦺꦤꦶꦁꦠꦶꦠꦶꦪꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦠꦤ꧀ꦥꦩꦮꦶꦫꦔꦸꦫꦔꦸꦲꦶꦁꦩꦤꦃꦢꦺꦤꦶꦁꦱꦸꦩꦼꦭꦁꦪꦺꦤ꧀ꦱꦼꦱꦼꦫꦠ꧀ꦠꦤ꧀ꦮꦲꦸꦱꦭꦺꦴꦁꦱꦸꦢꦮꦼꦮꦃꦱꦏꦶꦁꦥꦏꦂꦠꦶꦤꦶꦁꦥꦔꦫꦁꦲꦶꦁꦏꦁꦏꦤ꧀ꦠꦸꦤ꧀ꦏꦤ꧀ꦠꦸꦤ꧀ꦲꦸꦠꦮꦶꦏꦱꦼꦱꦼꦭ꧀ꦭꦤ꧀ꦲꦶꦁꦲꦁꦒꦶꦠ꧀ꦠꦤ꧀ꦱꦏꦶꦁꦥꦩꦁꦒꦶꦃꦲꦶꦥꦸꦤ꧀ꦥꦶꦪꦩ꧀ꦧꦏ꧀ꦩꦶ
21 ]ꦭꦠꦕꦫꦶꦪꦺꦴꦱ꧀ꦲꦶꦁꦗꦩꦤ꧀ꦏꦶꦤꦲꦶꦁꦏꦁꦱꦒꦼꦢ꧀ꦠꦼꦫꦁꦢꦺꦤꦶꦁꦥꦩ꧀ꦧꦸꦢꦶꦢꦪꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏ꧈ ꦏꦺꦔꦶꦁꦏꦒꦼꦒꦲꦔ꧀ꦭꦁꦏꦸꦁꦔꦶꦕꦫꦶꦪꦺꦴꦱ꧀ꦱꦶꦧꦧꦢ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦏꦁꦏꦤ꧀ꦠꦸꦤ꧀ꦏꦤ꧀ꦠꦸꦤ꧀ ꦱꦂꦠꦲꦶꦁꦏꦁꦕꦫꦶꦪꦺꦴꦱ꧀ꦱꦶꦥꦸꦤ꧀ꦱꦸꦭꦪꦧꦺꦴꦠꦼꦤ꧀ꦱꦒꦼꦢ꧀ꦕꦺꦴꦕꦺꦴꦒ꧀ ꦔꦤ꧀ꦠꦺꦴꦱ꧀ꦲꦤꦸꦮꦸꦃꦲꦏꦼꦤ꧀ꦱꦼꦩꦁꦱꦼꦩꦁꦔꦶꦁꦩꦤꦃꦲꦁꦒꦺꦤ꧀ꦤꦶꦁꦧꦝꦺꦲꦁꦒꦼꦒꦲꦶꦁꦏꦁꦥꦤ꧀ꦠꦼꦱ꧀ꦒꦶꦤꦼꦒꦲꦸꦠꦮꦶꦩꦲꦶꦧꦼꦤ꧀ꦲꦶꦁꦏꦁꦧꦺꦴꦠꦼꦤ꧀ꦥꦤ꧀ꦠꦼꦱ꧀ꦥꦶꦤꦲꦶꦧꦼꦤ꧀꧈
꧋ꦧꦧ꧀ꦥꦤꦭꦶꦠꦶꦤꦶꦥꦸꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦭꦭꦩ꧀ꦥꦃꦲꦤ꧀ꦏꦶꦤꦤꦩꦸꦁꦒꦸꦩꦤ꧀ꦠꦸꦁꦮꦺꦴꦤ꧀ꦠꦼꦤ꧀ꦲꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦿꦺꦴꦥꦏ꧀ꦲꦸꦠꦮꦶꦲꦶꦁꦱꦺꦭꦥꦸꦤꦥꦩꦭꦶꦃꦲꦶꦁꦭꦺꦴꦒꦩ꧀ ꦢꦺꦤꦺꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦗꦩꦤ꧀ꦲꦶꦁꦏꦁꦏꦛꦃꦏꦛꦃꦧꦺꦴꦠꦼꦤ꧀ꦱꦒꦼꦢ꧀ꦲꦱꦭ꧀ꦏꦠꦼꦫꦁꦔꦤ꧀ꦲꦶꦁꦏꦁꦲꦼꦱꦃ꧈ ꦗꦭꦂꦫꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦏꦁꦥꦶꦤꦁꦒꦶꦃꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦚꦼꦧꦸꦠ꧀ꦠꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭꦶꦁꦗꦩꦤ꧀ ꦧꦺꦢꦏꦭꦶꦪꦤ꧀ꦲꦶꦁꦧꦧꦢ꧀ ꦲꦶꦁꦧꦧꦢ꧀ꦩꦮꦶꦚꦼꦧꦸꦠ꧀ꦠꦏꦼꦤ꧀ꦕꦫꦶꦪꦺꦴꦱ꧀ꦮꦂꦟꦶꦮꦂꦟꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭꦶꦁꦗꦩꦤ꧀ ꦲꦤꦔꦶꦁꦭꦁꦏꦸꦁꦱꦲꦺꦥꦸꦤ꧀ꦢꦶ꧇ ꦔꦏꦼꦤ꧀ꦤꦶꦧꦺꦴꦠꦼꦤ꧀ꦱꦸꦩꦼꦉꦥ꧀ ꦏꦭꦶꦪꦤ꧀ ꦱꦸꦩꦼꦉꦥ꧀ꦲꦶꦁꦏꦁꦱꦂꦮꦏꦼꦭꦶꦩ꧀ꦠꦸ꧉
꧋ꦥꦫꦱꦂꦗꦤꦧꦺꦴꦁꦱꦌꦫꦺꦴꦦꦃꦧꦺꦴꦠꦼꦤ꧀ꦤꦠꦺꦔꦁꦒꦺ
22 ]ꦱ꧀ꦲꦁꦱꦭ꧀ꦲꦁꦱꦭ꧀ꦭꦤ꧀ꦤꦶꦥꦸꦤ꧀ꦥꦤꦶꦠꦶꦥꦿꦶꦏ꧀ꦱ꧈ꦲꦤꦔꦶꦁꦠꦤ꧀ꦱꦃꦗꦸꦗꦸꦂꦲꦶꦁꦉꦩ꧀ꦧꦒ꧀ꦱꦂꦠꦧꦫꦺꦱ꧀ꦲꦶꦁꦱꦱꦸꦩꦼꦉꦥ꧀ꦥꦶꦥꦸꦤ꧀ꦧꦺꦴꦠꦼꦤ꧀ꦏꦱꦭꦶꦁꦏꦸꦃꦲꦏꦼꦤ꧀ꦩꦭꦃꦏꦕꦫꦶꦪꦺꦴꦱ꧀ꦱꦏꦼꦤ꧀ꦏꦢꦺꦴꦱ꧀ꦥꦸꦤ꧀ꦢꦶꦱꦒꦼꦢ꧀ꦢꦶꦥꦸꦤ꧀ꦲꦁꦱꦭ꧀ꦏꦠꦼꦫꦁꦔꦤ꧀ꦱꦂꦠꦏꦼꦏꦼꦟ꧀ꦛꦼꦭ꧀ꦭꦶꦁꦥꦩꦁꦒꦶꦃ꧈ꦥꦸꦤꦥꦲꦶꦁꦏꦁꦠꦼꦏ꧀ꦱꦶꦃꦏꦉꦩ꧀ꦧꦒ꧀ꦱꦼꦩꦁꦱꦼꦩꦁ꧈ꦲꦸꦠꦮꦶꦏꦶꦫꦁꦩꦺꦩ꧀ꦥꦼꦂ꧈ꦱꦂꦠꦧꦺꦴꦠꦼꦤ꧀ꦭꦼꦉꦱ꧀ꦱꦢꦪꦏꦥꦿꦠꦺꦭꦏ꧀ꦲꦏꦼꦤ꧀ꦏꦭꦪꦤ꧀ꦗꦭꦺꦤ꧀ꦠꦿꦺꦃ꧈ꦥꦼꦂꦭꦸꦤꦶꦥꦸꦤ꧀ꦱꦸꦥꦢꦺꦴꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦸꦒꦶꦱꦒꦼꦢ꧀ꦔꦾꦼꦏ꧀ꦠꦺꦴꦱ꧀ꦱꦏꦼꦤ꧀ꦥꦸꦤꦥꦥꦩꦫꦶꦏ꧀ꦱꦤꦶꦥꦸꦤ꧀ꦮꦲꦸꦱꦩ꧀ꦥꦸꦤ꧀ꦥꦿꦪꦺꦴꦒꦶꦥꦸꦤꦥꦧꦺꦴꦠꦼꦤ꧀꧈
꧋ꦥꦫꦱꦒꦼꦢ꧀ꦧꦺꦴꦁꦱꦗꦮꦶꦲꦶꦁꦏꦁꦱꦩ꧀ꦥꦸꦤ꧀ꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦩꦮꦶꦩꦿꦠꦺꦭꦏ꧀ꦲꦏꦼꦤ꧀ꦧꦧꦺꦴꦤ꧀ꦤꦶꦥꦸꦤ꧀ꦱꦼꦫꦠ꧀ꦲꦶꦁꦏꦁꦏꦥꦼꦛꦶꦏ꧀
ꦲꦸꦠꦮꦶꦲꦶꦁꦏꦁꦏꦁꦒꦺꦮꦮꦠꦺꦴꦤ꧀ꦲꦶꦁꦥꦔꦁꦒꦶꦠ꧀ꦠꦶꦥꦸꦤ꧀ꦱꦭꦺꦴꦁꦮꦺꦴꦤ꧀ꦠꦼꦤ꧀ꦲꦸꦒꦶꦲꦶꦁꦏꦁꦏꦁꦒꦺꦮꦮꦠꦺꦴꦤ꧀ꦤꦔꦶꦁꦢꦶꦥꦸꦤ꧀ꦲꦁꦒꦺꦲꦔꦺꦭ꧀ꦩꦶꦭꦧꦺꦴꦠꦼꦤ꧀ꦱꦒꦼꦢ꧀ꦤꦺꦴꦕꦺꦴꦒ꧀ꦒꦏꦼꦤ꧀ꦱꦢꦪꦱꦢꦪꦏꦁꦒꦺꦮꦢꦺꦴꦱ꧀ꦮꦔꦸꦤ꧀ꦮꦔꦸꦤ꧀ꦤꦶꦥꦸꦤ꧀ꦤꦩꦸꦁꦲꦗꦿꦶꦃꦲꦸꦠꦮꦶꦏꦸꦮꦶꦠꦺꦴꦱ꧀ꦩꦤꦮꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦩꦲꦺꦴꦤ꧀ꦤꦶ꧉ꦥꦫꦱꦒꦼꦢ꧀ꦧꦺꦴꦁꦱꦌꦫꦺꦴꦦꦃꦏꦺꦴꦱꦺꦴꦏ꧀ꦮꦁꦱꦸꦭ꧀ꦥꦸꦤꦥꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦏꦁꦏꦠꦼꦣꦏ꧀ꦏꦥꦼꦛꦶꦏ꧀ꦤꦩꦤꦶꦥꦸꦤ꧀ꦱꦼꦫꦠ꧀ꦢꦭꦃꦏꦕꦲꦸꦠꦮꦶꦱꦼꦱꦼꦉꦥ꧀ꦥꦤ꧀ꦤꦶꦥꦸꦤ꧀ꦲꦁꦱꦭ꧀ꦱꦏꦶꦁꦥꦸ
23 ]ꦤ꧀ꦢꦶ꧈ꦱꦏꦶꦁꦱꦶꦤ꧀ꦠꦼꦤ꧀ꦱꦧꦧ꧀ꦥꦸꦤꦥꦧꦧ꧀ꦧꦶꦥꦸꦤ꧀ꦲꦶꦁꦏꦁꦱꦠꦸꦁꦒꦭ꧀ꦏꦼꦢꦃꦲꦲꦸꦫꦸꦠ꧀ꦠꦏꦼꦤ꧀ꦏꦭꦶꦪꦤ꧀ꦱꦤꦺꦱ꧀ꦱꦶꦥꦸꦤ꧀ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀꧈ꦲꦁꦒꦺꦤ꧀ꦤꦶꦥꦸꦤ꧀ꦤꦶꦤ꧀ꦢꦏ꧀ꦏꦏꦼꦤ꧀ꦩꦏꦠꦼꦤ꧀ꦥꦸꦤꦶꦏꦩꦶꦭꦏꦱꦼꦢꦾꦱꦸꦥꦢꦺꦴꦱ꧀ꦮꦺꦴꦤ꧀ꦠꦼꦤ꧀ꦤꦲꦶꦁꦏꦁꦩꦧꦼꦤ꧀ꦤꦶ꧈ꦱꦂꦠꦩꦲꦺꦴꦤ꧀ꦤꦶ꧈ꦲꦩꦂꦒꦶꦥꦫꦱꦒꦼꦢ꧀ꦮꦲꦸꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦼꦏꦶꦭꦥ꧀ꦥꦤ꧀ꦧꦶꦭꦶꦃꦱꦶꦥꦠ꧀ꦠꦶꦁꦩꦤꦸꦱꦥꦸꦤꦶꦏꦱꦒꦼꦢ꧀ꦭꦥꦠ꧀ꦭꦤ꧀ꦏꦼꦭꦶꦤ꧀ꦠꦸ꧈ꦪꦺꦤ꧀ꦚꦠꦏꦼꦭꦶꦤ꧀ꦠꦸꦲꦸꦠꦮꦶꦊꦥꦠ꧀ꦭꦗꦼꦁꦱꦒꦼꦢ꧀ꦢꦲꦁꦱꦭ꧀ꦥꦶꦠꦼꦢꦃꦱꦏꦶꦁꦱꦤꦺꦱ꧀ꦱꦶꦥꦸꦤ꧀ꦲꦶꦁꦏꦁꦱꦒꦼꦢ꧀ꦢꦢꦺꦴꦱ꧀ꦭꦁꦏꦸꦁꦠꦼꦫꦁꦩꦭꦶꦃ꧈ꦢꦺꦤꦺꦧꦶꦭꦶꦃꦥꦫꦱꦒꦼꦢ꧀ꦧꦺꦴꦁꦱꦗꦮꦶꦧꦺꦴꦠꦼꦤ꧀ꦥꦸꦫꦸꦤ꧀ꦲꦔ꧀ꦭꦩ꧀ꦥꦃꦲꦤꦲꦶꦁꦏꦁꦩꦏꦠꦼꦤ꧀ꦮꦲꦸ꧉
꧋ꦩꦶꦫꦶꦢ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦪꦺꦤ꧀ꦏꦉꦩ꧀ꦧꦒ꧀ꦲꦶꦁꦱꦿꦥꦢ꧀ꦢꦤ꧀ꦤꦶꦥꦸꦤ꧀ꦢꦢꦺꦴꦱ꧀ꦱꦩ꧀ꦥꦸꦤ꧀ꦠꦺꦠꦺꦭꦪꦺꦤ꧀ꦥꦫꦥꦔꦫꦁꦱꦼꦫꦠ꧀ꦧꦧꦢ꧀ꦮꦲꦸꦱꦩꦶꦲꦚ꧀ꦗꦫꦒ꧀ꦒꦺꦴꦫꦺꦴꦃ꧈ꦏꦼꦭꦶꦤ꧀ꦠꦸꦪꦺꦤ꧀ꦏꦠꦩ꧀ꦥꦺꦤ꧀ꦤꦤꦩꦏꦠꦼꦤ꧀ꦧꦺꦴꦠꦼꦤ꧀ꦲꦚ꧀ꦗꦫꦒ꧀ꦒꦺꦴꦫꦺꦴꦃ꧈ꦱꦤꦢꦾꦤ꧀ꦲꦶꦁꦏꦁꦏꦼꦉꦥ꧀ꦢꦶꦥꦸꦤ꧀ꦕꦫꦶꦪꦺꦴꦱ꧀ꦱꦏꦼꦤ꧀ꦲꦶꦁꦏꦫꦁꦔꦤ꧀ꦤꦶꦥꦸꦤ꧀ꦤꦩꦸꦁꦧꦧ꧀ꦲꦶꦁꦏꦁꦲꦤꦺꦃꦲꦤꦺꦃꦠꦸꦮꦶꦤ꧀ꦫꦺꦩꦺꦃꦫꦺꦩꦺꦃꦏꦺꦩꦮꦺꦴꦤ꧀ꦲꦶꦁꦏꦁꦤꦩꦸꦁꦱꦒꦼꦢ꧀ꦏꦊꦧꦼꦠ꧀ꦲꦶꦁꦥꦶꦪꦤ꧀ꦢꦼꦭ꧀ꦭꦶꦥꦸꦤ꧀ꦭꦫꦺꦲꦭꦶꦠ꧀ꦥꦶꦏꦗꦼꦁꦔꦶꦥꦸꦤ꧀ꦧꦺꦴꦠꦼꦤ꧀ꦩꦏꦠꦼꦤ꧀ꦤꦩꦸꦁꦏꦼꦢꦃꦢꦶꦥꦸꦤ꧀ꦱꦸꦩꦼꦉꦥ꧀ꦥꦶꦧꦶꦭꦶꦃꦥꦶꦏ
24 ]ꦗꦼꦁꦔꦤ꧀ꦤꦶꦥꦸꦤ꧀ꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭꦶꦁꦕꦫꦶꦪꦺꦴꦱ꧀ꦥꦸꦤꦶꦏꦲꦶꦁꦏꦁꦏꦛꦃꦒꦸꦩꦤ꧀ꦠꦸꦁꦲꦶꦁꦠꦶꦪꦁꦲꦶꦁꦏꦁꦢꦩꦼꦭ꧀ꦕꦫꦶꦪꦺꦴꦱ꧀ꦠꦶꦪꦁꦲꦶꦁꦏꦁꦔꦁꦒꦶꦠ꧀ꦱꦼꦫꦠ꧀ꦧꦧꦢ꧀ꦱꦪꦩꦭꦶꦃꦲꦶꦁꦏꦁꦢꦩꦼꦭ꧀ꦕꦫꦶꦪꦺꦴꦱ꧀ꦭꦭꦩ꧀ꦥꦃꦲꦤ꧀ꦲꦶꦁꦏꦁꦢꦶꦥꦸꦤ꧀ꦱꦸꦩꦼꦉꦥ꧀ꦥꦶꦥꦶꦪꦩ꧀ꦧꦏ꧀
ꦏꦺꦔꦶꦁꦏꦱꦩꦺꦏ꧀ꦲꦏꦼꦤ꧀ꦠꦶꦪꦁꦲꦶꦁꦏꦁꦏꦁꦒꦺꦱꦏ꧀ꦱꦶꦮꦺꦴꦤ꧀ꦠꦼꦤ꧀ꦲꦶꦁꦔꦂꦰꦤꦶꦁꦥꦔꦢꦶꦭ꧀ꦭꦤ꧀ꦢꦺꦤꦺꦩꦸꦂꦮꦠ꧀ꦠꦶꦁꦥꦶꦪꦤ꧀ꦢꦼꦭ꧀ꦝꦠꦼꦁꦱꦏ꧀ꦱꦶꦧꦺꦴꦠꦼꦤ꧀ꦤꦩꦸꦁꦒꦸꦩꦤ꧀ꦠꦸꦁꦮꦺꦴꦤ꧀ꦠꦼꦤ꧀ꦲꦶꦁꦱꦏ꧀ꦱꦶꦲꦶꦁꦏꦁꦲꦢꦠ꧀ꦠꦶꦥꦸꦤ꧀ꦧꦺꦴꦠꦼꦤ꧀ꦉꦩꦼꦤ꧀ꦒꦺꦴꦫꦺꦴꦃ꧈ꦤꦔꦶꦁꦲꦸꦒꦶꦮꦺꦴꦤ꧀ꦠꦼꦤ꧀ꦲꦶꦁꦮꦮꦠꦏ꧀ꦏꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦏꦢꦺꦴꦱ꧀ꦠ꧇ꦠꦶꦪꦁꦱꦒꦼꦢ꧀ꦲꦶꦁꦏꦁꦢꦢꦺꦴꦱ꧀ꦱꦏ꧀ꦱꦶꦠꦩ꧀ꦠꦸꦏꦺꦩꦮꦺꦴꦤ꧀ꦭꦁꦏꦸꦁꦕꦼꦛꦱꦂꦠꦥꦠꦶꦠꦶꦱ꧀ꦠꦶꦤꦶꦩ꧀ꦧꦁꦠꦶꦪꦁꦧꦺꦴꦣꦺꦴ꧈ꦪꦺꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦮꦮꦠꦏ꧀ꦏꦤ꧀ꦤꦶꦥꦸꦤ꧀ꦱꦩꦶ꧉ꦠꦶꦪꦁꦲꦶꦁꦏꦁꦩꦤꦸꦃꦏꦒꦸꦒꦸꦭꦁꦥꦿꦕꦪꦣꦠꦼꦁꦣꦼꦩꦶꦠ꧀ꦠꦸꦮꦶꦤ꧀ꦧꦁꦱꦤꦶꦁꦊꦊꦩ꧀ꦧꦠ꧀ꦲꦮꦶꦠ꧀ꦲꦭꦶꦠ꧀ꦩꦶꦭ꧈ꦧꦺꦴꦏ꧀ꦩꦤꦮꦶꦧꦶꦭꦶꦃꦩꦿꦁꦒꦸꦭ꧀ꦭꦶꦭꦭꦩ꧀ꦥꦃꦲꦤ꧀ꦱꦂꦠꦏꦮꦺꦴꦤ꧀ꦠꦼꦤ꧀ꦤꦤ꧀ꦲꦶꦁꦏꦁꦲꦤꦺꦃꦠꦸꦮꦶꦤ꧀ꦚꦊꦤꦺꦃ꧈ꦭꦗꦼꦁꦏꦺꦩꦮꦺꦴꦤ꧀ꦏꦲꦁꦒꦼꦥ꧀ꦱꦏꦶꦁꦥꦤ꧀ꦢꦩꦼꦭ꧀ꦭꦶꦁꦏꦏꦶꦣꦼꦩꦶꦠ꧀ꦲꦸꦠꦮꦶꦲꦼꦩ꧀ꦧꦃꦱꦺꦠꦤ꧀ꦢꦺꦤꦺꦠꦶꦪꦁꦲꦶꦁꦏꦁꦏꦗꦼꦗꦼꦭ꧀ꦲꦶꦁꦏꦮꦿꦸꦃꦥꦶꦮꦸꦭꦁꦠꦩ꧀ꦠꦸꦩꦱ꧀ꦠꦤꦶꦪꦺꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦮꦲꦸꦤꦩꦸꦁꦱꦏꦶꦁꦱꦧꦧ꧀ꦏꦱꦸꦚꦠꦤ꧀ꦏꦩꦮꦺꦴꦤ꧀ꦩꦏꦠꦼꦤ꧀ꦩꦭꦶꦃꦧꦧ꧀ꦥꦤ꧀ꦢꦩꦼꦭ꧀ꦭꦶꦁꦱꦼꦫꦠ꧀ꦧꦧꦢ꧀ꦠꦶꦪꦁꦲꦶꦁꦏꦁꦩꦤꦸꦃ
25 ]ꦏꦒꦸꦒꦸꦭꦁꦲꦮꦶꦠ꧀ꦲꦭꦶꦠ꧀ꦩꦶꦭꦲꦔꦤ꧀ꦠꦼꦥ꧀ꦥꦶꦣꦠꦼꦁꦥꦥꦰ꧀ꦛꦺꦤ꧀ꦱꦩ꧀ꦥꦸꦤ꧀ꦩꦼꦰ꧀ꦛꦶꦏꦺꦩꦮꦺꦴꦤ꧀ꦩꦤꦮꦶꦔꦫꦁꦱꦼꦫꦠ꧀ꦧꦧꦢ꧀
ꦱꦂꦠꦚꦫꦶꦪꦺꦴꦱ꧀ꦱꦏꦼꦤ꧀ꦭꦭꦩ꧀ꦥꦃꦲꦤ꧀ꦤꦶꦁꦠꦶꦪꦁꦱꦠꦸꦁꦒꦭ꧀ꦠꦸꦁꦒꦭ꧀ꦭꦶꦥꦸꦤ꧀꧈ꦱꦺꦭꦺꦃꦲꦶꦥꦸꦤ꧀ꦭꦗꦼꦁꦱꦏꦶꦁꦥꦤ꧀ꦢꦩꦼꦭ꧀ꦭꦶꦁꦢꦺꦮ꧈ꦱꦺꦠꦤ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥ꧀ꦥꦸꦤ꧀ꦏꦢꦺꦴꦱ꧀ꦢꦺꦤꦺꦥꦿꦤꦠꦤ꧀ꦤꦶꦁꦄꦭ꧀ꦭꦃꦲꦶꦁꦧꦧ꧀ꦏꦲꦺꦴꦤ꧀ꦠꦸꦁꦔꦤ꧀ꦤꦶꦁꦔꦒꦼꦱꦁ꧈
ꦲꦤꦔꦶꦁꦠꦶꦪꦁꦲꦶꦁꦏꦁꦠꦸꦮꦸꦏ꧀ꦱꦶꦤꦲꦸꦤꦶꦥꦸꦤ꧀ꦩꦤꦮꦶꦩꦺꦴꦤ꧀ꦠꦼꦤ꧀ꦭꦭꦩ꧀ꦥꦃꦲꦤ꧀ꦲꦶꦁꦏꦁꦲꦤꦺꦃꦠꦩ꧀ꦠꦸꦢꦶꦥꦸꦤ꧀ꦥꦢꦺꦴꦱ꧀ꦱꦶꦱꦧꦧ꧀ꦧꦶꦥꦸꦤ꧀ꦲꦶꦁꦏꦁꦚꦠ꧈ꦲꦸꦥꦩꦶꦤꦶꦥꦸꦤ꧀ꦮꦢꦾꦧꦭꦱꦏꦼꦣꦶꦏ꧀ꦱꦒꦼꦢ꧀ꦔꦮꦺꦴꦤ꧀ꦤꦏꦼꦤ꧀ꦲꦸꦠꦮꦶꦔꦺꦱꦃꦲꦏꦼꦤ꧀ꦮꦢꦾꦧꦭꦏꦛꦃ꧈ꦧꦺꦴꦠꦼꦤ꧀ꦭꦗꦼꦁꦏꦏꦶꦤ꧀ꦠꦼꦤ꧀ꦗꦭꦫꦤ꧀ꦱꦏꦶꦁꦥꦶꦠꦸꦭꦸꦁꦔꦤ꧀ꦤꦶꦁꦗꦶꦩ꧀ꦲꦸꦠꦮꦶꦊꦊꦩ꧀ꦧꦠ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈ꦥꦸꦤꦥꦩꦭꦶꦃꦱꦏꦶꦁꦏꦱꦼꦏ꧀ꦠꦼꦤ꧀ꦤꦶꦁꦱꦺꦤꦥꦠꦶꦥꦸꦤ꧀꧈ꦲꦤꦔꦶꦁꦏꦼꦢꦃꦢꦶꦥꦸꦤ꧀ꦥꦢꦺꦴꦱ꧀ꦱꦶꦱꦧꦧ꧀ꦧꦶꦥꦸꦤ꧀ꦲꦶꦁꦏꦁꦚꦠ꧈ꦧꦺꦴꦏ꧀ꦩꦤꦮꦶꦩꦼꦤꦁꦔꦶꦥꦸꦤ꧀ꦲꦶꦁꦏꦁꦱꦏꦼꦣꦶꦏ꧀ꦮꦲꦸꦱꦏꦶꦁꦱꦲꦺꦤꦶꦁꦥꦔꦗꦂꦫꦤ꧀ꦤꦶꦥꦸꦤ꧀ꦲꦔ꧀ꦭꦁꦏꦸꦁꦔꦶꦲꦶꦁꦏꦁꦏꦛꦃ꧈ꦲꦸꦠꦮꦶꦠꦼꦣꦤꦶꦥꦸꦤ꧀ꦭꦁꦏꦸꦁꦱꦲꦺ꧈ꦪꦺꦤ꧀ꦧꦺꦴꦠꦼꦤ꧀ꦲꦶꦁꦒꦶꦃꦥꦩꦼꦂꦢꦶꦤꦶꦥꦸꦤ꧀ꦲꦸꦠꦮꦶꦢꦢꦩꦼꦭ꧀ꦭꦶꦥꦸꦤ꧀ꦭꦁꦏꦸꦁꦱꦲꦺꦠꦶꦤꦶꦩ꧀ꦧꦁꦲꦶꦁꦏꦁꦲꦒꦼꦁ꧈ꦥꦼꦫꦁꦔꦶꦥꦸꦤ꧀ꦲꦣꦱꦂꦏꦲꦸꦠꦩꦺꦤ꧀ꦲꦸꦠꦮꦶꦥꦫꦠꦶꦠꦶꦤ꧀ꦝꦶꦃꦲꦶꦥꦸꦤ꧀ꦪꦸꦢꦭꦁꦏꦸꦁꦱꦒꦼꦢ꧀ꦠꦶꦤꦶꦩ꧀ꦧꦁꦱꦤꦺꦱ꧀ꦱꦶꦥꦸꦤ꧀
26 ]ꦩꦏꦠꦼꦤ꧀ꦱꦥꦶꦠꦸꦫꦸꦠ꧀ꦠꦶꦥꦸꦤ꧀ꦧꦺꦴꦠꦼꦤ꧀ꦭꦗꦼꦁꦏꦉꦩ꧀ꦧꦒ꧀ꦲꦮꦶꦠ꧀ꦱꦏꦶꦁꦲꦁꦱꦭ꧀ꦥꦶꦠꦸꦭꦸꦁꦔꦶꦥꦸꦤ꧀ꦗꦶꦩ꧀ꦥꦼꦫꦶꦥꦿꦪꦁꦔꦤ꧀꧈
꧋ꦧꦸꦧꦸꦏꦥꦸꦤꦶꦏꦠꦼꦏ꧀ꦱꦶꦃꦏꦺꦔꦶꦁꦏꦲꦸꦭꦸꦂꦩꦭꦶꦃꦲꦶꦁꦏꦁꦭꦁꦏꦸꦁꦥꦚ꧀ꦗꦁ꧈ꦲꦤꦔꦶꦁꦥꦤ꧀ꦢꦸꦒꦶꦏꦸꦭꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦱꦩ꧀ꦥꦸꦤ꧀ꦕꦼꦏꦥ꧀ꦩꦶꦤꦺꦴꦁꦏꦥꦶꦠꦼꦢꦃꦏꦢꦺꦴꦱ꧀ꦥꦸꦤ꧀ꦢꦶꦩꦼꦁꦒꦃꦥꦩꦂꦱꦸꦢꦶꦤꦶꦥꦸꦤ꧀ꦥꦫꦱꦒꦼꦢ꧀ꦧꦺꦴꦁꦱꦌꦫꦺꦴꦦꦃꦣꦠꦼꦁꦱꦩꦸꦏꦮꦶꦱ꧀ꦭꦁꦏꦸꦁꦩꦭꦶꦃꦣꦠꦼꦁꦧꦧ꧀ꦏꦮꦿꦸꦃꦧꦧꦢ꧀꧈
꧋ꦲꦶꦁꦮꦸꦱꦤꦩꦼꦁꦒꦃꦫꦶꦫꦶꦁꦏꦼꦱ꧀ꦱꦤ꧀ꦤꦶꦥꦸꦤ꧀꧇
1. ꧋ꦥꦫꦥꦔꦫꦁꦧꦧꦢ꧀ꦠꦸꦮꦶꦤ꧀ꦱꦤꦺꦱ꧀ꦱꦶꦥꦸꦤ꧀ꦧꦺꦴꦠꦼꦤ꧀ꦩꦼꦰ꧀ꦛꦶꦔꦁꦒꦶꦠ꧀ꦲꦁꦒꦶꦠ꧀ꦲꦶꦁꦱꦥꦶꦏꦗꦼꦁꦔꦶꦥꦸꦤ꧀ꦥꦶꦪꦩ꧀ꦧꦏ꧀ꦏꦺꦩꦮꦺꦴꦤ꧀ꦲꦶꦁꦏꦁꦠꦤ꧀ꦥꦮꦮꦠꦺꦴꦤ꧀꧈ꦲꦸꦠꦮꦶꦧꦺꦴꦠꦼꦤ꧀ꦩꦼꦰ꧀ꦛꦶꦲꦚ꧀ꦗꦫꦒ꧀ꦒꦺꦴꦫꦺꦴꦃꦔꦫꦁꦧꦧꦢ꧀ꦲꦶꦁꦏꦁꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦚꦠꦤꦶꦥꦸꦤ꧀
ꦲꦤꦔꦶꦁꦤꦩꦸꦁꦏꦧꦼꦏ꧀ꦠꦱꦏꦶꦁꦠꦸꦫꦸꦤ꧀ꦤꦤ꧀ꦱꦏꦶꦁꦥꦔꦗꦂꦫꦤ꧀ꦱꦏꦶꦁꦮꦼꦮꦼꦁꦏꦺꦴꦤ꧀ꦱꦱꦿꦮꦸꦁꦔꦤ꧀ꦤꦶꦥꦸꦤ꧀ꦱꦂꦠꦱꦏꦶꦁꦏꦸꦏꦸꦧ꧀ꦧꦤ꧀ꦤꦶꦁꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦏꦁꦏꦛꦃꦱꦸꦁꦏꦤ꧀ꦤꦤ꧀ꦚꦠꦏ꧀ꦲꦏꦼꦤ꧀ꦲꦶꦁꦏꦁꦥꦼꦂꦭꦸꦏꦱꦸꦩꦼꦉꦥ꧀ꦥꦤ꧀ꦲꦶꦁꦏꦁꦥꦚ꧀ꦕꦺꦤ꧀ꦏꦺꦔꦶꦁꦏꦒꦼꦒ꧈ꦮꦼꦏꦱ꧀ꦱꦤ꧀ꦏ꧀ꦭꦶꦤ꧀ꦠꦸ꧈ꦲꦶꦁꦒꦶꦃꦭꦗꦼꦁꦢꦶꦥꦸꦤ꧀ꦱꦼꦫꦠ꧀ꦠꦶꦏꦺꦩꦮꦺꦴꦤ꧀ꦠꦸꦩꦿꦥ꧀ꦲꦶꦁꦏꦫꦁꦔꦤ꧀ꦤꦶꦥꦸꦤ꧀꧈
2. ꧋ꦲꦠꦸꦂꦫꦤ꧀ꦤꦶꦁꦱꦏ꧀ꦱꦶ(ꦥꦔꦫꦁꦩꦼꦁꦒꦃꦲꦶꦁꦧꦧꦢ꧀) ꦏꦼꦢꦃꦏ
27 ]ꦟ꧀ꦛꦶꦥꦔꦠꦺꦴꦱ꧀ꦲꦠꦺꦴꦱ꧀ꦥꦔꦼꦤ꧀ꦢꦼꦭ꧀ꦭꦶꦥꦸꦤ꧀ꦱꦤꦢꦾꦤ꧀ꦲꦶꦁꦏꦁꦩꦺꦴꦁꦏꦱꦏ꧀ꦱꦶꦮꦲꦸꦥꦚ꧀ꦕꦺꦤ꧀ꦠꦶꦪꦁꦏꦺꦔꦶꦁꦏꦥꦶꦠꦢꦺꦴꦱ꧀ꦱꦂꦠꦲꦚ꧀ꦗꦭꦶꦩꦼꦠ꧀ꦧꦺꦴꦠꦼꦤ꧀ꦱꦒꦼꦢ꧀ꦏꦼꦭꦶꦤ꧀ꦠꦸ꧈ꦲꦺꦮꦢꦺꦤꦺꦲꦶꦁꦒꦶꦃꦏꦼꦢꦃꦢꦶꦥꦸꦤ꧀ꦱꦠꦶꦠꦺꦏ꧀ꦲꦏꦼꦤ꧀ꦫꦸꦩꦶꦪꦶꦤ꧀ꦲꦶꦁꦱꦢꦺꦫꦺꦁꦔꦶꦥꦸꦤ꧀ꦲꦶꦔꦁꦒꦼꦥ꧀ꦕꦫꦶꦪꦺꦴꦱ꧀ꦮꦲꦸ꧈ꦲꦩꦂꦒꦶꦠꦶꦪꦁꦒꦼꦱꦁꦥꦸꦤꦶꦏꦲꦁꦒꦺꦤ꧀ꦤꦶꦥꦸꦤ꧀ꦩꦤꦺꦴꦤ꧀ꦤꦶꦲꦶꦱꦺꦤ꧀ꦲꦶꦱꦺꦤ꧀ꦤꦶꦁꦗꦒꦢ꧀ꦲꦸꦥꦩꦶꦤꦶꦥꦸꦤ꧀ꦏꦢꦺꦴꦱ꧀ꦩꦮꦶꦠꦼꦱ꧀ꦩꦏ꧀ꦏꦶꦥꦸꦤ꧀ꦥꦶꦪꦩ꧀ꦧꦏ꧀ꦲꦶꦁꦏꦁꦏꦢꦩꦼꦭ꧀ꦒꦼꦭꦱ꧀ꦝꦱꦂꦫꦶꦥꦸꦤ꧀ꦮꦂꦟꦶꦮꦂꦟꦶ꧈ꦱꦏꦛꦃꦲꦶꦁꦮꦮꦂꦟꦺꦤ꧀ꦏꦠꦶꦔꦭ꧀ꦭꦶꦥꦸꦤ꧀ꦲꦶꦁꦩꦿꦶꦥꦠ꧀ꦲꦶꦁꦒꦶꦃꦩꦤꦸꦠ꧀ꦲꦶꦁꦱꦮꦂꦟꦶꦤꦶꦁꦣꦱꦂꦫꦶꦥꦸꦤ꧀ꦠꦼꦱ꧀ꦩꦏ꧀ꦲꦶꦁꦏꦁꦮꦂꦟꦶꦮꦂꦟꦶꦮꦲꦸ꧉ꦕꦼꦏꦏ꧀ꦏꦶꦥꦸꦤ꧀ꦮꦼꦢꦭ꧀ꦭꦶꦁꦕꦫꦶꦪꦺꦴꦱ꧀ꦱꦶꦥꦸꦤ꧀ꦠꦶꦪꦁꦥꦸꦤꦶꦏꦩꦶꦤꦺꦴꦁꦏꦥꦔꦶꦭꦺꦴꦤ꧀ꦤꦶꦁꦧꦸꦢꦶꦥꦏꦂꦠꦶꦤꦶꦥꦸꦤ꧀
ꦲꦸꦥꦩꦶꦤꦶꦥꦸꦤ꧀ꦠꦶꦪꦁꦕꦼꦩꦼꦁꦔꦶꦭꦺꦴꦭꦪꦁꦔꦤ꧀ꦤꦶꦥꦸꦤ꧀ꦲꦶꦁꦒꦶꦃꦏꦠꦶꦔꦭ꧀ꦲꦶꦁꦱꦮꦤ꧀ꦠꦃꦲꦶꦁꦥꦏꦸꦭꦶꦠ꧀ꦠꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦩꦭꦶꦃꦥꦼꦛꦏ꧀ꦩꦼꦁꦒꦃꦭꦶꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦲꦮꦏ꧀ꦏꦶꦥꦸꦤ꧀ꦥꦶꦪꦩ꧀ꦧꦏ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦔꦗꦂꦫꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦮꦼꦮꦼꦁꦏꦺꦴꦤ꧀ꦱꦱꦿꦮꦸꦁꦔꦤ꧀ꦤꦶꦥꦸꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦱꦢꦪꦲꦤꦸꦩꦸꦱ꧀ꦱꦶꦲꦶꦁꦥꦔꦼꦂꦠꦺꦴꦱ꧀꧈
꧋ꦱꦶꦤ꧀ꦠꦼꦤ꧀ꦲꦶꦁꦏꦁꦱꦂꦗꦸꦧꦣꦺꦱꦸꦩꦼꦉꦥ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦿꦺꦴꦥꦏ꧀ꦲꦶꦁꦏꦁꦏꦁꦒꦺꦮꦮꦠꦺꦴꦤ꧀ꦲꦶꦁꦤꦭꦶꦏꦥꦔꦫꦁꦔꦶꦥꦸꦤ꧀ꦝꦺꦴꦏ꧀ꦠꦼꦂ
28 ]ꦨꦿꦟ꧀ꦝꦼꦱ꧀ꦱꦼꦫꦠ꧀ꦥꦫꦫꦡꦺꦴꦤ꧀ (ꦏꦼꦤꦄꦔꦿꦺꦴꦏ꧀) ꦏꦺꦔꦶꦁꦲꦔꦾꦼꦏ꧀ꦠꦺꦴꦱ꧀ꦱꦏꦼꦤ꧀ꦝꦠꦼꦁꦨꦠꦮꦶ꧈ꦱꦣꦺꦔꦃꦲꦶꦁꦏꦁꦏꦥꦺꦔꦶꦤ꧀ꦱꦸꦩꦼꦉꦥ꧀ꦏꦺꦔꦶꦁꦤꦶꦔꦭ꧀ꦭꦶꦱꦢꦪꦱꦺꦭꦲꦶꦁꦏꦁꦮꦺꦴꦤ꧀ꦠꦼꦤ꧀ꦱꦼꦱꦼꦫꦠ꧀ꦠꦤꦶꦥꦸꦤ꧀ꦲꦚꦼꦧꦸꦠ꧀ꦠꦏꦼꦤ꧀ꦲꦱ꧀ꦩꦤꦶꦥꦸꦤ꧀ꦥꦫꦫꦠꦸꦲꦶꦁꦗꦩꦤ꧀ꦏꦶꦤ꧈ꦱꦂꦠꦤꦩꦤꦶꦥꦸꦤ꧀ꦥꦫꦲꦒꦼꦁ꧈ꦥꦸꦤꦥꦩꦭꦶꦃꦠꦶꦠꦶꦩꦁꦱꦤ꧀ꦤꦶꦁꦠꦲꦸꦤ꧀ꦗꦩꦤ꧀ꦤꦶꦥꦸꦤ꧀ꦥꦫꦫꦠꦸꦱꦂꦠꦥꦫꦲꦒꦼꦁꦮꦲꦸ꧈ꦱꦣꦺꦔꦃꦲꦶꦁꦏꦁꦱꦸꦩꦼꦉꦥ꧀ꦠꦩ꧀ꦠꦸꦭꦗꦼꦁꦱꦒꦼꦢ꧀ꦲꦩꦱ꧀ꦠꦤꦶꦧꦶꦭꦶꦃꦕꦫꦶꦪꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦮꦲꦸꦧꦺꦴꦠꦼꦤ꧀ꦢꦺꦴꦫ꧉
꧋ꦲꦶꦁꦏꦁꦥꦸꦤꦶꦏꦥꦔꦤꦗꦼꦁꦲꦗꦼꦁꦏꦸꦭꦱꦼꦫꦠ꧀ꦥꦸꦤꦶꦏꦢꦢꦺꦴꦱ꧀ꦱꦭꦤ꧀ꦠꦂꦫꦤ꧀ꦲꦶꦁꦱꦸꦏꦥꦶꦉꦤꦤꦶꦥꦸꦤ꧀ꦲꦶꦁꦏꦁꦱꦩꦶꦩꦲꦺꦴꦱ꧀꧈
29 ]꧋ꦧꦸꦧꦸꦏꦤꦶꦥꦸꦤ꧀ꦲꦶꦁꦏꦁꦔꦁꦒꦶꦠ꧀꧈
꧋ꦲꦮꦶꦠ꧀ꦱꦏꦶꦁꦏꦠꦠꦔꦶꦢꦺꦤꦶꦁꦏꦂꦰꦤꦶꦥꦸꦤ꧀ꦏꦺꦴꦩ꧀ꦩꦶꦱ꧀ꦱꦶꦤꦶꦁꦥ꦳ꦺꦴꦭ꧀ꦏ꧀ꦱꦭꦺꦏ꧀ꦠꦶꦂꦲꦶꦁꦤꦒꦫꦶꦨꦠꦮꦶ꧈ꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦠꦲꦸꦤ꧀ 1911 ꦏꦸꦭꦲꦔꦢꦤꦶꦔꦫꦁꦱꦼꦫꦠ꧀ꦦꦫꦫꦠꦺꦴꦤ꧀ꦲꦶꦁꦧꦱꦗꦮꦶ꧈ꦲꦶꦁꦏꦁꦲꦸꦒꦶꦮꦶꦤꦱ꧀ꦠꦤ꧀ꦤꦤ꧀ꦱꦼꦫꦠ꧀꧇ ꦑꦺꦤꦄꦫꦺꦴꦏ꧀
ꦲꦸꦠꦮꦶ꧇ ꦑꦺꦤꦄꦔꦿꦺꦴꦏ꧀ꦲꦶꦁꦒꦶꦃꦥꦸꦤꦶꦏꦱꦼꦫꦠ꧀ꦲꦶꦁꦏꦁꦚꦫꦶꦪꦺꦴꦱ꧀ꦱꦏꦼꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦫꦫꦠꦸꦲꦶꦁꦤꦒꦫꦶꦣꦲ꧈ꦠꦸꦩꦦꦼꦭ꧀ꦠꦸꦮꦶꦤ꧀ꦲꦶꦁꦩꦗꦦꦲꦶꦠ꧀ꦧꦧꦺꦴꦤ꧀ꦤꦶꦥꦸꦤ꧀ꦲꦶꦁꦠꦼꦩ꧀ꦧꦸꦁꦏꦮꦶꦩꦮꦶꦏꦱꦤ꧀ꦠꦸꦤ꧀ꦤꦤ꧀ꦠꦼꦩ꧀ꦧꦸꦁꦮꦭꦤ꧀ꦢꦶꦲꦁꦒꦶꦠ꧀ꦠꦤ꧀ꦤꦶꦥꦸꦤ꧀ꦱꦸꦮꦂꦒꦶꦯꦁꦱꦂꦗꦤꦠꦸꦮꦤ꧀ꦝꦺꦴꦏ꧀ꦠꦼꦂ꧈ꦪꦺ꧈ꦌꦭ꧀ꦄ꧈ꦨꦿꦟ꧀ꦝꦼꦱ꧀ꦩꦮꦶꦢꦶꦥꦸꦤ꧀ꦱꦼꦭꦤꦶꦥꦺꦥꦺꦔꦼꦠ꧀ꦠꦤ꧀ꦱꦂꦠꦱꦺꦴꦫꦺꦴꦒ꧀ꦒꦤ꧀ꦮꦂꦟꦶꦮꦂꦟꦶꦢꦸꦩꦸꦤꦸꦁꦲꦶꦁꦱꦔꦟ꧀ꦝꦥ꧀ꦥꦶꦁꦕꦫꦶꦪꦺꦴꦱ꧀
ꦩꦶꦤꦺꦴꦁꦏꦥꦶꦠꦼꦢꦃꦲꦸꦠꦮꦶꦏꦠꦼꦫꦁꦔꦤ꧀ꦝꦠꦼꦁꦥꦫꦩꦲꦺꦴꦱ꧀ꦲꦶꦁꦏꦁꦩꦂꦱꦸꦢꦶꦲꦶꦁꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀꧈ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦠꦸꦩꦿꦥ꧀ꦥꦶꦥꦸꦤ꧀ꦝꦠꦼꦁꦥꦫꦩꦂꦱꦸꦢꦶꦲꦶꦁꦏꦮꦿꦸꦃꦧꦧꦢ꧀
ꦲꦁꦒꦩ꧀ꦥꦶꦭ꧀ꦭꦏꦼꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦚꦸꦟ꧀ꦝꦸꦏ꧀ꦚꦸꦟ꧀ꦝꦸꦏ꧀ꦏꦏꦼꦤ꧀ꦏꦭꦶꦪ
30 ]ꦤ꧀ꦱꦼꦫꦠ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦸꦠꦮꦶꦏꦭꦶꦪꦤ꧀ꦧꦧ꧀ꦧꦧ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦗꦼꦁꦮꦶꦁꦏꦶꦁꦔꦶꦥꦸꦤ꧀ꦱꦼꦫꦠ꧀ꦮꦲꦸ꧈ꦲꦩꦸꦫꦶꦃꦱꦪꦕꦼꦛꦱꦂꦠꦩꦤ꧀ꦠꦼꦥ꧀ꦝꦠꦼꦁꦥꦔꦁꦒꦼꦥ꧀ꦥꦶꦁꦪꦼꦏ꧀ꦠꦶ꧈ꦱꦫꦤꦥꦤꦟ꧀ꦝꦶꦁꦭꦗꦼꦁꦱꦒꦼꦢ꧀ꦲꦠꦺꦠꦺꦭ꧈ꦲꦤꦔꦶꦁꦥꦏꦺꦮꦼꦤ꧀ꦢꦶꦥꦸꦤ꧀ꦧꦶꦭꦶꦃꦥꦚꦤ꧀ꦠꦸꦤ꧀ꦤꦶꦥꦸꦤ꧀ꦮꦲꦸꦩꦮꦶꦏꦱꦼꦏꦂꦫꦏꦼꦤ꧀ꦏꦫꦺꦴꦚ꧀ꦕꦺꦤ꧀ꦤꦼꦤ꧀꧈
꧋ꦥꦔꦁꦏꦃꦏꦸꦭꦱꦼꦫꦠ꧀ꦦꦫꦫꦠꦺꦴꦤ꧀ꦏꦸꦭꦣꦥꦸꦂꦱꦼꦫꦠ꧀ꦮꦲꦺꦴꦱ꧀ꦱꦤ꧀ꦩꦸꦫꦶꦃꦒꦩ꧀ꦥꦶꦭ꧀ꦩꦔꦼꦂꦠꦺꦴꦱ꧀ꦱꦶꦥꦸꦤ꧀ꦱꦣꦺꦔꦃꦲꦶꦁꦏꦁꦩꦲꦺꦴꦱ꧀ꦱꦂꦠꦏꦸꦭꦏꦫꦁꦩꦭꦶꦃꦩꦮꦶꦏꦸꦭꦮꦼꦮꦃꦲꦶꦲꦶꦁꦏꦁꦥꦼꦂꦭꦸꦏꦱꦸꦩꦼꦉꦥ꧀ꦥꦤ꧀ꦲꦶꦁꦔꦏꦛꦃ꧈ꦲꦸꦠꦮꦶꦏꦸꦭꦱꦸꦢꦲꦶꦁꦏꦁꦏꦸꦭꦢꦸꦒꦶꦤꦩꦸꦁꦧꦣꦺꦠꦸꦩꦿꦥ꧀ꦝꦠꦼꦁꦥꦫꦩꦂꦱꦸꦢꦶꦲꦶꦁꦏꦮꦿꦸꦃꦏꦒꦸꦤꦤ꧀ꦲꦶꦁꦏꦁꦧꦺꦴꦠꦼꦤ꧀ꦥꦼꦂꦭꦸꦏꦁꦒꦺꦲꦶꦁꦏꦁꦭꦶꦩꦿꦃ꧉
꧋ꦱꦼꦫꦠ꧀ꦦꦫꦫꦠꦺꦴꦤ꧀ꦥꦸꦤꦶꦏꦏꦸꦭꦢꦩꦼꦭ꧀ꦠꦶꦒꦁꦗꦶꦭꦶꦢ꧀ꦗꦶꦭꦶꦢ꧀ꦢꦤ꧀ꦎꦁꦏ꧇ I ꦕꦫꦶꦪꦺꦴꦱ꧀ꦒꦚ꧀ꦕꦂꦫꦤ꧀ꦏꦺꦩꦮꦺꦴꦤ꧀ꦗꦶꦭꦶꦢ꧀ꦢꦤ꧀ꦎꦁꦏ꧇ II ꦩꦮꦶꦱꦼꦏꦂ꧈ꦗꦶꦭꦶꦢ꧀ꦢꦤ꧀ꦎꦁꦏ꧇ III ꦏꦠꦼꦫꦁꦔꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈
꧋ꦥꦔꦁꦒꦶꦠ꧀ꦠꦶꦥꦸꦤ꧀ꦱꦼꦫꦠ꧀ꦦꦫꦫꦠꦺꦴꦤ꧀ꦠꦸꦮꦤ꧀ꦝꦺꦴꦏ꧀ꦠꦼꦂꦨꦿꦟ꧀ꦝꦼꦱ꧀
ꦲꦮꦮꦠꦺꦴꦤ꧀ꦱꦼꦱꦼꦫꦠ꧀ꦠꦤ꧀ꦏꦶꦤꦲꦶꦁꦏꦁꦠꦸꦩꦿꦥ꧀ꦲꦶꦁꦏꦿꦺꦴꦥꦏ꧀
ꦢꦺꦤꦺꦏꦠꦼꦫꦁꦔꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦩꦮꦶꦭꦭꦟ꧀ꦝꦼꦱ꧀ꦱꦤ꧀ꦠꦺꦴꦟ꧀ꦝꦱꦏ꧀ꦱꦶꦱꦏꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦢꦶꦥꦸꦤ꧀ꦧꦺꦴꦁꦱꦕꦶꦟ
31 ]ꦠꦶꦲꦺꦴꦁꦲꦺꦴꦄꦏꦭꦲꦶꦁꦗꦩꦤ꧀ꦏꦶꦤ꧈ꦱꦏꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦧ꧀ꦭꦺꦧꦺꦏ꧀ꦏꦤ꧀ꦭꦺꦴꦒꦩ꧀ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦼꦠꦏ꧀ꦏꦤ꧀ꦱꦂꦠꦱꦏꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦕꦤ꧀ꦝꦶꦕꦤ꧀ꦝꦶꦠꦸꦮꦶꦤ꧀ꦱꦤꦼꦱ꧀ꦱꦤꦼꦱ꧀ꦱꦶꦥꦸꦤ꧀ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦢꦊꦩ꧀ꦱꦼꦫꦠ꧀ꦥꦸꦤꦶꦏ꧉
꧋ꦤꦩꦸꦁꦢꦸꦩꦸꦒꦶꦱꦩꦤ꧀ꦠꦼꦤ꧀ꦲꦠꦸꦂꦏꦸꦭ꧈ꦥꦔꦗꦼꦁꦲꦗꦼꦁꦏꦸꦭꦱꦼꦫꦠ꧀ꦥꦸꦤꦶꦏꦢꦢꦺꦴꦱ꧀ꦱꦱꦼꦫꦠ꧀ꦮꦲꦺꦴꦱ꧀ꦱꦤ꧀ꦤꦶꦥꦸꦤ꧀ꦲꦶꦁꦔꦏꦛꦃ꧉
ꦲꦶꦁꦮꦸꦱꦤꦱꦔꦼꦠ꧀ꦲꦶꦁꦥꦤꦸꦮꦸꦤ꧀ꦏꦸꦭꦣꦠꦼꦁꦠꦸꦮꦤ꧀ꦝꦺꦴꦏ꧀ꦠꦼꦂ D. A. RINKES ꦲꦁꦒꦼꦤ꧀ꦤꦶꦥꦸꦤ꧀ꦱꦩ꧀ꦥꦸꦤ꧀ꦥꦫꦶꦁꦥꦶꦠꦼꦢꦃꦏꦛꦃ꧈ꦱꦂꦠꦲꦤꦸꦤ꧀ꦠꦸꦤ꧀ꦝꦠꦼꦁꦏꦸꦭꦲꦶꦁꦤꦭꦶꦏꦥꦤ꧀ꦢꦩꦼꦭ꧀ꦏꦸꦭꦱꦼꦫꦠ꧀ꦥꦸꦤꦶꦏ꧈ꦩꦏꦠꦼꦤ꧀ꦩꦭꦶꦃꦣꦸꦩꦠꦼꦁꦫꦢꦺꦤ꧀ꦫꦶꦪꦟꦶꦡꦶꦢꦶꦦꦸꦫ꧈ꦲꦁꦒꦺꦤ꧀ꦤꦶꦥꦸꦤ꧀ꦱꦂꦗꦸꦲꦚꦩ꧀ꦧꦸꦠ꧀ꦠꦶꦧꦸꦏꦸ Encyclopaedie van Ned. Ind. ꦣꦸꦩꦠꦼꦁꦏꦸꦭ꧉
32 ]꧋ꦥꦩ꧀ꦧꦸꦏ꧉
꧄ ꦎꦩꦄꦮꦶꦒ꧀ꦤꦩ꧀ ꦄꦱ꧀ꦠꦸꦤꦩꦱ꧀ ꦱꦶꦢ꧀ꦝꦩ꧀ ꧄
꧋ꦥꦸꦂꦮꦏꦤꦶꦥꦸꦤ꧀ꦱꦼꦫꦠ꧀ꦥꦫꦫꦡꦺꦴꦤ꧀ꦲꦩꦿꦠꦺꦭꦏ꧀ꦲꦏꦼꦤ꧀ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦸꦭꦺꦴꦗꦮꦶꦏꦭꦲꦶꦁꦗꦩꦤ꧀ꦲꦶꦟ꧀ꦝꦸ꧈ꦢꦸꦩꦸꦒꦶꦔꦚ꧀ꦕꦶꦏ꧀ꦏꦶꦥꦸꦤ꧀ꦗꦩꦤ꧀ꦆꦱ꧀ꦭꦩ꧀ ꦩꦶꦠꦸꦫꦸꦠ꧀ꦮꦮꦠꦺꦴꦤ꧀ꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦥꦿꦠꦺꦭꦏ꧀ꦲꦏꦼꦤ꧀ꦲꦶꦁꦧꦸꦧꦸꦏꦤꦶꦁꦱꦼꦫꦠ꧀ꦥꦸꦤꦶꦏ꧈ꦢꦺꦤꦺꦮꦺꦴꦤ꧀ꦠꦼꦤ꧀ꦤꦶꦁꦭꦭꦩ꧀ꦥꦃꦲꦤ꧀ꦗꦩꦤ꧀ꦥꦸꦂꦮ꧈ꦲꦶꦁꦒꦶꦃꦥꦸꦤꦶꦏꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦭꦭꦩ꧀ꦥꦃꦲꦤ꧀ꦫꦶꦁꦒꦶꦠ꧀ (ꦮꦪꦁ)꧈ꦏꦢꦺꦴꦱ꧀ꦠ꧇ ꦭꦭꦩ꧀ꦥꦃꦲꦤ꧀ꦤꦶꦁꦥꦫꦫꦠꦸ꧈ꦥꦫꦥꦟ꧀ꦝꦶꦠ꧈ꦥꦫꦱꦠꦿꦶꦪ꧈ꦥꦫꦥꦸꦁꦒꦮꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ ꦧꦺꦴꦠꦼꦤ꧀ꦥꦼꦂꦭꦸꦏꦕꦫꦶꦪꦺꦴꦱ꧀ꦱꦏꦼꦤ꧀ꦲꦶꦁꦔꦿꦶꦏꦶ꧈ꦲꦮꦶꦠ꧀ꦲꦶꦁꦏꦁꦏꦺꦴꦕꦥ꧀ꦲꦶꦁꦭꦭꦩ꧀ꦥꦃꦲꦤ꧀ꦫꦶꦁꦒꦶꦠ꧀ꦥꦸꦂꦮꦮꦲꦸ꧈ꦱꦢꦪꦲꦣꦥꦸꦂꦕꦫꦁꦔꦤ꧀ꦱꦏꦶꦁꦱꦼꦫꦠ꧀ꦨꦿꦡꦪꦸꦢ꧈ꦢꦺꦤꦺꦱꦼꦫꦠ꧀ꦨꦿꦡꦪꦸꦢꦥꦸꦤꦶꦏꦱꦼꦫꦠ꧀ꦢꦺꦴꦔꦺꦁꦔꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦲꦶꦁꦗꦩꦤ꧀ꦏꦶꦤ꧈ꦲꦶꦱꦶꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦲꦺꦮꦸꦏꦶꦢꦸꦁꦔꦤ꧀ ꦲꦶꦁꦒꦶꦃꦥꦸꦤꦶꦏꦥꦼꦥꦼꦛꦶꦏ꧀ꦏꦤ꧀ꦱꦏꦶꦁꦱꦼꦫꦠ꧀ꦢꦺꦴꦔꦺꦁꦲꦶꦟ꧀ꦝꦸꦲꦤꦩ꧇ ꦩꦴꦲꦨꦴ
33 ]ꦫꦡ꧈ꦩꦏꦠꦼꦤ꧀ꦩꦭꦶꦃꦭꦭꦩ꧀ꦥꦃꦲꦤ꧀ꦲꦶꦁꦫꦶꦁꦒꦶꦠ꧀ꦥꦸꦂꦮꦕꦕꦫꦁꦔꦤ꧀ꦲꦸꦒꦶꦱꦏꦶꦁꦱꦼꦫꦠ꧀ꦢꦺꦴꦔꦺꦁ꧇ ꦩꦴ ꦲꦨꦴ ꦫꦡ꧈ꦲꦶꦁꦏꦁꦭꦁꦏꦸꦁꦱꦼꦥꦸꦃꦠꦶꦤꦶꦩ꧀ꦧꦁꦱꦼꦫꦠ꧀ꦨꦿꦡꦪꦸꦢ꧉
꧋ꦲꦶꦁꦤꦭꦶꦏꦤꦶꦥꦸꦤ꧀ꦠꦶꦪꦁꦲꦶꦟ꧀ꦝꦸꦲꦔꦗꦮꦶ꧈ꦧꦺꦴꦠꦼꦤ꧀ꦔꦩꦸꦁꦔꦏꦼꦤ꧀ꦤꦸꦭꦂꦫꦏꦼꦤ꧀ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦤꦶꦥꦸꦤ꧀ꦏꦺꦩꦮꦺꦴꦤ꧀ꦝꦠꦼꦁꦠꦶꦠꦶꦪꦁꦗꦮꦶ꧈ꦢꦭꦃꦏꦉꦤꦤ꧀ꦤꦶꦥꦸꦤ꧀ꦠꦶꦠꦶꦪꦁꦗꦮꦶꦲꦶꦁꦒꦶꦃꦏꦧ꧀ꦭꦺꦧꦺꦂꦫꦤ꧀꧈ꦱꦼꦫꦠ꧀ꦱꦼꦫꦠ꧀ꦢꦺꦴꦔꦺꦁꦮꦲꦸꦏꦥꦼꦛꦶꦏ꧀ꦢꦺꦤꦶꦁꦠꦶꦠꦶꦪꦁꦗꦮꦶꦱꦂꦠꦏꦫꦶꦁꦏꦼꦱ꧀ ꦥꦸꦤꦥꦩꦭꦶꦃꦏꦕꦫꦁꦲꦶꦁꦭꦭꦩ꧀ꦥꦃꦲꦤ꧀ꦮꦂꦟꦶꦮꦂꦟꦶ꧈ꦤꦩꦤꦩꦤꦶꦥꦸꦤ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦮꦲꦸꦭꦗꦼꦁꦏꦁꦒꦺꦤꦩꦤꦶꦁꦥꦁꦒꦺꦤ꧀ꦤꦤ꧀ ꦉꦢꦶ꧈ꦭꦺꦥꦺꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦥꦸꦭꦺꦴꦗꦮꦶ꧈ꦔꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦏꦠꦮꦶꦱ꧀ ꦏꦢꦺꦴꦱ꧀ꦏꦭꦩ꧀ꦥꦃꦲꦤ꧀ꦱꦪꦼꦏ꧀ꦠꦺꦴꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧉
꧋ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦗꦩꦤ꧀ꦲꦶꦁꦠꦤꦃꦗꦮꦶꦠꦸꦮꦶꦤ꧀ꦲꦶꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦟꦺꦢꦼꦂꦭꦤ꧀ꦏꦺꦔꦶꦁꦏꦫꦶꦁꦏꦼꦱ꧀ꦱꦂꦠꦏꦥꦺꦫꦁꦱꦏꦮꦤ꧀꧇ꦲꦶꦁꦏꦁꦱꦥꦶꦱꦤ꧀ꦗꦩꦤ꧀ꦤꦶꦥꦸꦤ꧀ꦏꦭꦠꦶꦪꦁꦗꦮꦶꦠꦼꦏ꧀ꦱꦶꦃꦩꦗꦼꦁꦱꦏꦶꦁꦏꦗꦼꦁꦔꦶꦥꦸꦤ꧀ꦥꦶꦪꦩ꧀ꦧꦏ꧀ꦠꦼꦒꦼꦱ꧀ꦱꦶꦥꦸꦤ꧀ꦢꦺꦫꦺꦁꦱꦫꦮꦸꦁꦔꦤ꧀ꦏꦭꦶꦪꦤ꧀ꦱꦤꦺꦱ꧀ꦧꦺꦴꦁꦱ꧈ꦢꦺꦫꦺꦁꦏꦠꦸꦭꦂꦫꦤ꧀ꦏꦮꦿꦸꦃꦲꦶꦥꦸꦤ꧀ꦧꦺꦴꦁꦱꦱꦤꦺꦱ꧀ꦢꦶꦥꦸꦤ꧀ꦮꦱ꧀ꦠꦤꦶꦗꦩꦤ꧀ꦏꦭꦸꦛꦸꦏ꧀ꦲꦸꦠꦮꦶꦏ꧀ꦭꦸꦛꦸ
34 ]ꦏ꧀ꦠꦼꦒꦼꦱ꧀ꦱꦶꦥꦸꦤ꧀꧇ ꦭꦸꦒꦸ꧈ꦲꦸꦠꦮꦶꦠꦸꦭꦺꦤ꧀ꦧꦺꦴꦠꦼꦤ꧀ꦏꦩꦺꦴꦂꦫꦤ꧀꧈ꦏꦥꦶꦁꦏꦭꦶꦃꦗꦩꦤ꧀ꦲꦶꦟ꧀ꦝꦸꦲꦶꦁꦒꦶꦃꦥꦸꦤꦶꦏꦮꦶꦮꦶꦠ꧀ꦏꦭꦠꦶꦠꦶꦪꦁꦲꦶꦟ꧀ꦝꦸꦔꦗꦮꦶ꧉ꦏꦥꦶꦁꦠꦶꦒꦗꦩꦤꦆꦱ꧀ꦭꦩ꧀ꦮꦶꦮꦶꦠ꧀ꦏꦭꦠꦶꦠꦶꦪꦁꦧꦺꦴꦁꦱꦆꦱ꧀ꦭꦩ꧀ꦲꦔꦗꦮꦶꦱꦂꦠꦩꦼꦚ꧀ꦕꦂꦫꦏꦼꦤ꧀ꦲꦒꦩꦶꦆꦱ꧀ꦭꦩ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶꦠꦸꦮꦶꦤ꧀ꦲꦶꦁꦥꦸꦭꦺꦴꦥꦸꦭꦺꦴꦭꦶꦟ꧀ꦢꦶꦪꦟꦺꦢꦼꦂꦭꦤ꧀꧈ꦏꦥꦶꦁꦱꦏꦮꦤ꧀ꦗꦩꦤ꧀ꦌꦫꦺꦴꦦꦃ꧈ꦮꦶꦮꦶꦠ꧀ꦄꦧꦢ꧀ꦲꦶꦁꦏꦁꦏꦥꦶꦁꦤꦼꦩ꧀ꦧꦼꦭꦱ꧀ꦏꦭꦤꦶꦥꦸꦤ꧀ꦧꦺꦴꦁꦱꦌꦫꦺꦴꦦꦃꦲꦔꦗꦮꦶꦱꦥꦿꦶꦏꦶꦩꦶꦤꦺꦴꦁꦏꦢꦢꦺꦴꦱ꧀ꦥꦔꦲꦸꦧ꧀ꦧꦤ꧀ꦱꦂꦠꦥꦤꦸꦤ꧀ꦠꦸꦤ꧀ꦤꦶꦥꦸꦤ꧀ꦠꦶꦠꦶꦪꦁꦗꦮꦶꦣꦠꦼꦁꦲꦶꦁꦧꦧ꧀ꦏꦩꦗꦼꦁꦔꦤ꧀꧈
__________
I. ꧋ꦗꦩꦤ꧀ꦏꦭꦸꦛꦸꦏ꧀꧈
꧋ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦭꦲꦶꦁꦗꦩꦤ꧀ꦲꦶꦁꦏꦁꦏꦥꦶꦱꦤ꧀ꦮꦲꦸ꧈ꦲꦶꦁꦒꦶꦃꦥꦸꦤꦶꦏꦲꦶꦁꦗꦩꦤ꧀ꦏꦭꦸꦛꦸꦏ꧀ꦲꦶꦁꦏꦁꦭꦩꦶꦊꦠ꧀ꦠꦶꦥꦸꦤ꧀ꦏꦭꦶꦪꦤ꧀ꦤꦭꦶꦏꦧꦺꦴꦁꦱꦲꦶꦟ꧀ꦝꦸꦮꦶꦮꦶꦠ꧀ꦲꦔꦼꦗꦮꦶ꧈ꦏꦠꦼꦫꦁꦔꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦱꦒꦼꦢ꧀ꦚꦫꦶꦪꦺꦴꦱ꧀ꦱꦏꦼꦤ꧀ꦲꦮꦶꦠ꧀ꦠꦶꦠꦶꦪꦁꦗꦮꦶꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦠꦼꦏ꧀ꦱꦶꦃꦱꦔꦼꦠ꧀ꦥꦱꦗꦤꦶꦥꦸꦤ꧀ꦢꦺꦫꦺꦁꦒꦝꦃꦥꦠꦶꦭꦱ꧀ꦱꦤ꧀ꦥꦸꦤꦥꦥꦸꦤꦥꦲꦶꦁꦏꦁꦏꦺꦔꦶꦁꦏꦁꦒꦺꦮꦮꦠꦺꦴꦤ꧀ꦠꦸꦮꦶꦤ꧀ꦠꦺꦴꦟ꧀ꦝꦱꦏ꧀ꦱꦶꦲꦶꦁꦕꦶꦕꦿꦶꦪꦺꦴꦱ꧀ꦱꦤ꧀꧈ꦮꦺꦴꦤ꧀ꦠꦼꦤ꧀ꦲꦸꦒꦶꦱꦼꦫꦠ꧀ꦱꦼꦫꦠ꧀ꦗꦮꦶꦲꦶꦁꦏꦁꦱꦒꦼꦠ꧀ꦚꦫꦶꦪꦺꦴ
35 ]ꦱ꧀ꦱꦏꦼꦤ꧀ꦗꦩꦤ꧀ꦧꦿꦏꦱꦏ꧀ꦏꦤ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦏꦁꦲꦺꦭꦺꦴꦏ꧀ꦏꦺꦭꦺꦴꦏ꧀ꦠꦤ꧀ꦥꦩꦮꦶꦮꦮꦠꦺꦴꦤ꧀꧈ꦲꦶꦁꦏꦁꦩꦏꦠꦼꦤ꧀ꦮꦲꦸꦧꦺꦴꦠꦼꦤ꧀ꦱꦒꦼꦢ꧀ꦏꦊꦧꦼꦠ꧀ꦲꦶꦁꦩꦤꦃꦲꦶꦥꦸꦤ꧀ꦠꦶꦠꦶꦪꦁꦱꦒꦼꦢ꧀ꦲꦶꦁꦗꦩꦤ꧀ꦱꦥꦸꦤꦶꦏ꧈ꦮꦸꦱꦤꦤꦩꦸꦁꦏꦲꦁꦒꦼꦥ꧀ꦢꦺꦴꦢꦺꦴꦔꦺꦁꦔꦤ꧀ꦏꦺꦩꦮꦺꦴꦤ꧀꧈
꧋ꦩꦶꦠꦸꦫꦸꦠ꧀ꦲꦶꦁꦏꦁꦏꦕꦫꦶꦪꦺꦴꦱ꧀ꦲꦶꦁꦮꦶꦁꦏꦶꦁ꧈ꦧꦧ꧀ꦝꦠꦼꦁꦔꦶꦥꦸꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦠꦤꦃꦗꦮꦶ꧈ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦶꦠꦶꦪꦁꦧꦺꦴꦁꦱꦲꦶꦟ꧀ꦝꦸꦲꦶꦁꦲꦶꦟ꧀ꦝꦶꦪꦟꦺꦢꦼꦂꦭꦤ꧀ꦭꦁꦏꦸꦁꦩꦭꦶꦃꦲꦶꦁꦥꦸꦭꦺꦴꦗꦮꦶ꧈ꦱꦩ꧀ꦥꦸꦤ꧀ꦮꦶꦮꦶꦠ꧀ꦄꦮꦭ꧀ꦭꦶꦥꦸꦤ꧀ꦮꦶꦤ꧀ꦢꦸꦮꦭꦤ꧀ꦢꦶ꧉
꧋ꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦠꦲꦸꦤ꧀꧇ 400 ꦲꦶꦁꦗꦮꦶꦏꦶꦭꦺꦤ꧀ꦱꦩ꧀ꦥꦸꦤ꧀ꦏꦢꦸꦤꦸꦁꦔꦤ꧀ꦠꦶꦠꦶꦪꦁꦧꦺꦴꦁꦱꦲꦶꦟ꧀ꦝꦸ꧈ꦩꦶꦠꦸꦫꦸꦠ꧀ꦠꦺꦴꦟ꧀ꦝꦥꦱꦏ꧀ꦱꦼꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦱꦺꦭꦲꦶꦁꦏꦁꦥꦶꦤꦁꦒꦶꦃꦨꦺꦴꦒꦺꦴꦂꦠꦸꦮꦶꦤ꧀ꦲꦶꦁꦨꦠꦮꦶ꧈ꦒꦚ꧀ꦕꦂꦫꦶꦥꦸꦤ꧀ꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀ꦲꦶꦁꦮꦶꦁꦏꦶꦁ꧈ꦮꦺꦴꦤ꧀ꦠꦼꦤ꧀ꦲꦶꦁꦧꦧ꧀ꦗꦩꦤ꧀ꦲꦶꦟ꧀ꦝꦸ꧈ꦲꦤꦔꦶꦁꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦧꦺꦴꦏ꧀ꦩꦤꦮꦶꦏꦮꦿꦸꦃꦲꦶꦟ꧀ꦝꦸꦢꦺꦫꦺꦁꦥꦼꦚ꧀ꦕꦂꦮꦫꦢꦶꦤ꧀ꦝꦠꦼꦁꦲꦶꦁꦥꦸꦤ꧀ꦢꦶꦥꦸꦤ꧀ꦢꦶ꧉ꦲꦮꦶꦠ꧀ꦩꦶꦠꦸꦫꦸꦠ꧀ꦥꦩꦁꦒꦶꦃꦲꦶꦥꦸꦤ꧀ꦱꦁꦱꦂꦗꦤꦣꦺꦴꦏ꧀ꦠꦼꦂꦨꦿꦟ꧀ꦝꦼꦱ꧀ꦩꦶꦫꦶꦢ꧀ꦱꦼꦱꦼꦫꦠ꧀ꦠꦤ꧀ꦗꦮꦶꦲꦶꦁꦏꦁꦥꦶꦤꦁꦒꦶꦃꦢꦸꦩꦸꦤꦸꦁꦲꦶꦁꦱꦺꦭ꧈ꦠꦸꦮꦶꦤ꧀ꦲꦶꦁꦧ꧀ꦭꦺꦧꦺꦏ꧀ꦏꦤ꧀ꦭꦺꦴꦒꦩ꧀ꦢꦸꦩꦸꦒꦶꦤꦶꦥꦸꦤ꧀ꦲꦶꦁꦠꦲꦸꦤ꧀ꦮꦭꦤ꧀ꦢꦶꦏꦶꦫꦁꦭꦁꦏꦸꦎꦁꦏ꧇ 799 ꦲꦶꦁꦱꦼꦱꦼꦫꦠ꧀ꦠ
36 ]ꦤ꧀ꦗꦮꦶꦠꦼꦩ꧀ꦧꦁꦔꦶꦥꦸꦤ꧀ꦠꦼꦏ꧀ꦱꦶꦃꦭꦸꦒꦸꦗꦮꦶ꧈ꦢꦺꦫꦺꦁꦏꦠꦸꦁꦒꦶꦭ꧀ꦭꦤ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦱꦁꦱ꧀ꦏꦿꦶꦠ꧀ꦱꦂꦠꦥꦔꦼꦂꦠꦺꦴꦱ꧀ꦲꦶꦟ꧀ꦝꦸ꧈ꦧꦺꦴꦏ꧀ꦩꦤꦮꦶꦢꦸꦩꦸꦒꦶꦤꦶꦥꦸꦤ꧀ꦲꦶꦁꦠꦲꦸꦤ꧀ꦮꦲꦸꦏꦩꦗꦼꦁꦔꦤ꧀ꦗꦮꦶꦲꦶꦁꦏꦁꦏꦛꦃꦠꦼꦏ꧀ꦱꦶꦃꦭꦸꦒꦸꦗꦮꦶ꧉
II. ꧋ꦣꦠꦼꦁꦔꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦲꦔꦗꦮꦶ꧉
꧋ꦱꦼꦫꦠ꧀ꦱꦼꦫꦠ꧀ꦲꦶꦁꦠꦼꦩ꧀ꦧꦸꦁꦱꦁꦱ꧀ꦏꦿꦶꦠ꧀ꦏꦭꦲꦶꦁꦄꦮꦭ꧀ꦭꦶꦥꦸꦤ꧀ꦠꦲꦸꦤ꧀ꦲꦺꦠꦁꦔꦤ꧀ꦮꦭꦤ꧀ꦢꦶ꧈ꦥꦸꦭꦺꦴꦗꦮꦶꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦤꦩ꧇ ꦪꦮꦢ꧀ꦮꦶꦦ (Jawadwipa) ꦲꦠꦼꦒꦼꦱ꧀ꦥꦸꦭꦺꦴꦗꦸꦮꦮꦸꦠ꧀ꦩꦏꦠꦼꦤ꧀ꦩꦭꦶꦃꦦ꧀ꦡꦺꦴꦊꦩꦺꦪꦸꦱ꧀ (Ptolomaeus) ꦲꦶꦁꦱꦊꦧꦼꦠ꧀ꦠꦶꦁꦄꦧꦢ꧀ꦲꦶꦁꦏꦁꦏꦥꦶꦁꦏꦭꦶꦃꦲꦩꦱ꧀ꦠꦤꦶ꧇ ꦪꦨꦣꦶꦪꦸ (Jabadioe) ꦲꦠꦼꦒꦼꦱ꧀ꦥꦸꦭꦺꦴꦗꦮ꧈ꦲꦸꦠꦮꦶꦗꦮꦶ꧈ꦲꦶꦁꦏꦁꦲꦸꦒꦶꦲꦠꦼꦒꦼꦱ꧀ꦗꦸꦮꦮꦸꦠ꧀꧈ꦠꦼꦩ꧀ꦧꦸꦁ꧇ ꦪꦮ (Jawa) ꦩꦼꦁꦒꦃꦲꦶꦁꦏꦼꦢꦭ꧀ꦭꦶꦁꦠꦶꦪꦁꦗꦮꦶꦢꦢꦺꦴꦱ꧀꧇ ꦗꦮ꧈ꦱꦩꦶꦤꦶꦥꦸꦤ꧀꧇ ꦪꦱ꧀ꦢꦢꦺꦴꦱ꧀꧇ ꦗꦱ꧀
ꦪꦤ꧀ꦢꦢꦺꦴꦱ꧀꧇ ꦗꦤ꧀ jongens ꦢꦢꦺꦴꦱ꧀꧇ ꦗꦺꦴꦔꦺꦴꦱ꧀
ꦱꦤꦢꦾꦤ꧀ꦠꦸꦩꦿꦥ꧀ꦥꦶꦥꦸꦤ꧀ꦲꦶꦁꦠꦼꦩ꧀ꦧꦸꦁꦗꦮꦶꦱꦩꦶꦠꦼꦩ꧀ꦧꦸꦁꦗꦮꦶꦲꦶꦁꦒꦶꦃꦱꦒꦼꦢ꧀ꦲꦺꦮꦃ꧈ꦏꦢꦺꦴꦱ꧀ꦠ꧇ ꦲꦏ꧀ꦱꦫ꧇ ꦮ꧈ꦱꦒꦼꦢ꧀ꦲꦭꦶꦤ꧀ꦠꦸꦱ꧀ꦮꦫꦢꦢꦺꦴꦱ꧀꧇ ꦧ꧈ꦲꦩꦂꦒꦶꦏꦊꦧꦼꦠ꧀ꦮꦂꦒꦱꦩꦶꦲꦏ꧀ꦱꦫꦭꦩ꧀ꦧꦺ꧈ꦲꦸꦥꦩꦶꦤꦶꦥꦸꦤ꧀ꦠꦼꦩ꧀ꦧꦸꦁ꧇ꦮꦲꦺ꧈ꦢꦢꦺꦴꦱ꧀꧇ ꦧꦲꦺ
37 ]ꦮꦶꦕꦏ꧀ꦱꦤ꧈ꦢꦢꦺꦴꦱ꧀꧇ꦧꦶꦗꦏ꧀ꦱꦤ꧈ꦮꦸꦮꦸꦃ꧈ꦢꦢꦺꦴꦱ꧀꧇ꦧꦸꦮꦸꦃ꧈ꦮꦁꦱꦸꦭ꧀ꦢꦢꦺꦴꦱ꧀꧇ꦧꦁꦱꦸꦭ꧀ꦮꦶꦨꦶꦯꦟ꧈ꦢꦢꦺꦴꦱ꧀꧇ꦨꦶꦨꦶꦯꦟ꧉ꦢꦢꦺꦴꦱ꧀ꦠꦼꦩ꧀ꦧꦸꦁ꧇ꦪꦧ (Jaba) ꦲꦶꦁꦒꦶꦃꦱꦒꦼꦢ꧀ꦩꦭꦶꦃꦱ꧀ꦮꦫꦤꦶꦥꦸꦤ꧀ꦢꦢꦺꦴꦱ꧀꧇ꦗꦮ꧉ꦣꦶꦪꦸ (dioe) ꦲꦶꦁꦠꦼꦩ꧀ꦧꦸꦁꦲꦶꦟ꧀ꦝꦸꦲꦠꦼꦒꦼꦱ꧀ꦤꦒꦫꦶ꧉
꧋ꦧꦧ꧀ꦲꦺꦮꦃꦲꦶꦁꦏꦼꦢꦭ꧀ꦭꦶꦥꦸꦤ꧀ꦱꦱ꧀ꦠꦿꦗꦮꦶꦧꦺꦴꦠꦼꦤ꧀ꦔꦼꦩꦸꦁꦔꦏꦼꦤ꧀ꦠꦸꦩꦿꦥ꧀ꦥꦶꦥꦸꦤ꧀ꦱꦩꦶꦤꦶꦁꦠꦼꦩ꧀ꦧꦸꦁꦗꦮꦶꦏꦺꦩꦮꦺꦴꦤ꧀ꦲꦸꦥꦩꦶꦤꦶꦥꦸꦤ꧀ꦮꦲꦺ꧈ꦢꦢꦺꦴꦱ꧀ꦧꦲꦺ꧈ꦠꦼꦩ꧀ꦧꦸꦁꦗꦮꦶꦲꦶꦁꦏꦁꦱꦶꦤꦫꦩ꧀ꦧꦃꦏꦁꦒꦺꦲꦶꦁꦧꦱꦱꦤꦺꦱ꧀ꦧꦺꦴꦁꦱ꧈ꦲꦸꦠꦮꦶꦏꦺꦴꦱꦺꦴꦏ꧀ꦮꦁꦱꦸꦭ꧀ꦭꦶꦥꦸꦤ꧀ꦠꦼꦩ꧀ꦧꦸꦁꦔꦩꦺꦴꦚ꧀ꦕꦲꦶꦁꦏꦁꦏꦁꦒꦺꦲꦶꦁꦧꦱꦗꦮꦶ꧈ꦲꦸꦠꦮꦶꦲꦶꦁꦏꦁꦤꦩꦸꦁꦱꦏꦶꦁꦩꦶꦁꦱꦼꦠ꧀ꦠꦶꦥꦸꦤ꧀ꦏꦼꦢꦭ꧀ꦱꦤꦢꦾꦤ꧀ꦲꦶꦁꦏꦁꦠꦼꦏ꧀ꦱꦶꦃꦏꦊꦧꦼꦠ꧀ꦤꦸꦁꦒꦶꦭ꧀ꦧꦁꦱꦤꦶꦁꦔꦧꦺꦴꦁꦱ꧈ꦲꦶꦁꦒꦶꦃꦩꦏꦠꦼꦤ꧀ꦏꦢꦺꦴꦱ꧀ꦠ꧇ꦲꦸꦥꦩꦶꦤꦶꦥꦸꦤ꧀ꦠꦶꦪꦁꦩꦭꦪꦸꦲꦩꦱ꧀ꦠꦤꦶ꧇ꦧꦏꦸꦭ꧀ꦲꦶꦁꦠꦼꦩ꧀ꦧꦸꦁꦗꦮꦶꦢꦢꦺꦴꦱ꧀꧇ꦮꦏꦸꦭ꧀ꦧꦠꦸ꧈ꦢꦢꦺꦴꦱ꧀꧇ꦮꦠꦸ꧈ꦱꦱꦩꦶꦤꦶꦥꦸꦤ꧀꧈
꧋ꦠꦶꦠꦶꦪꦁꦔꦶꦁꦥꦸꦭꦺꦴꦗꦮꦶꦩꦏꦠꦼꦤ꧀ꦩꦭꦶꦃꦠꦶꦠꦶꦪꦁꦲꦶꦁꦏꦥꦸꦭꦺꦴꦮꦤ꧀ꦩꦭꦪꦸꦏꦢꦺꦴꦱ꧀ꦏꦢꦺꦴꦱ꧀ꦲꦱꦭ꧀ꦭꦶꦥꦸꦤ꧀ꦱꦥꦶꦱꦤ꧀ꦱꦏꦶꦁꦠꦤꦃꦲꦒꦼꦁꦲꦶꦁꦄꦯꦶꦪꦃ꧈ꦲꦶꦁꦏꦁꦏꦛꦃꦱꦏꦶꦁꦲꦶꦟ꧀ꦢꦶꦪꦮꦶꦁꦏꦶꦁ꧈ꦱꦒꦤ꧀ꦠꦼꦤ꧀ꦲꦭꦶꦠ꧀ꦱꦂꦠꦩꦂꦒꦶꦩꦂꦒꦶꦲꦶꦁꦱꦒꦤ꧀ꦠꦼꦤ꧀ꦤꦶꦁꦏꦥꦸ
38 ]ꦭꦺꦴꦮꦤ꧀ꦩꦭꦪꦸꦮꦲꦸꦲꦶꦁꦏꦁꦲꦤꦤꦔꦶꦥꦶꦏꦗꦼꦁꦔꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦲꦶꦟ꧀ꦢꦶꦪꦮꦶꦁꦏꦶꦁꦲꦤ꧀ꦢꦺꦴꦤ꧀ꦥꦭꦪꦂꦫꦤ꧀ꦔꦭꦶꦃꦥꦥꦤ꧀ꦝꦠꦼꦁꦲꦶꦁꦱꦤꦼꦱ꧀ꦤꦒꦫꦶ꧈ꦲꦮꦶꦠ꧀ꦱꦤꦢꦾꦤ꧀ꦏꦩꦗꦼꦁꦔꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦠꦼꦏ꧀ꦱꦶꦃꦥꦱꦗꦱꦔꦼꦠ꧀꧈ꦱꦏꦶꦁꦧꦺꦴꦠꦼꦤ꧀ꦠꦼꦧꦶꦃꦲꦶꦁꦥꦸꦫꦸꦒ꧀ꦒꦶꦥꦸꦤ꧀ꦩꦼꦏ꧀ꦱꦱꦒꦼꦢ꧀ꦏꦭꦩ꧀ꦥꦃꦲꦤ꧀꧉
꧋ꦲꦶꦁꦥꦺꦥꦺꦫꦁꦔꦤ꧀ꦤꦶꦥꦸꦤ꧀ꦱꦒꦤ꧀ꦠꦼꦤ꧀ꦤꦶꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦱꦮꦠꦮꦶꦱ꧀꧈ꦏꦛꦃꦥꦸꦭꦺꦴꦥꦸꦭꦺꦴꦤꦶꦥꦸꦤ꧀ꦲꦒꦼꦁꦲꦭꦶꦠ꧀꧈ꦲꦗꦺꦗꦺꦂꦏꦢꦺꦴꦱ꧀ꦱꦶꦤꦼꦧꦂꦲꦶꦁꦱꦥꦸꦫꦸꦒ꧀ꦥꦸꦫꦸꦒ꧀ꦮꦮꦔꦸꦤ꧀ꦤꦤ꧀ꦱꦲꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦮꦂꦟꦶꦮꦂꦟꦶ꧈ꦲꦔꦶꦤ꧀ꦤꦶꦥꦸꦤ꧀ꦏꦥꦸꦭꦺꦴꦮꦤ꧀ꦮꦲꦸꦲꦶꦁꦏꦁꦭꦩ꧀ꦥꦃꦲꦶꦤꦶꦥꦸꦤ꧀ꦲꦗꦼꦒ꧀ꦒꦶꦭꦶꦂꦒꦸꦩꦤ꧀ꦠꦺꦴꦱ꧀ꦱꦏꦶꦁꦥꦸꦤ꧀ꦢꦶꦥꦸꦤ꧀ꦢꦶꦥꦸꦫꦸꦒ꧀꧈ꦏꦮꦼꦮꦃꦲꦤ꧀ꦱꦏꦶꦁꦧꦺꦴꦠꦼꦤ꧀ꦠꦼꦧꦶꦃꦲꦶꦁꦊꦠ꧀ꦠꦶꦥꦸꦤ꧀ꦱꦏꦶꦁꦱꦠꦸꦁꦒꦭ꧀ꦝꦠꦼꦁꦱꦤꦺꦱ꧀ꦱꦶꦥꦸꦤ꧀ꦥꦸꦭꦺꦴ꧈ꦲꦚ꧀ꦗꦭꦂꦫꦶꦒꦩ꧀ꦥꦶꦭ꧀ꦭꦶꦥꦸꦤ꧀ꦲꦶꦁꦭꦩ꧀ꦥꦃꦥꦭꦪꦂꦫꦤ꧀꧉
꧋ꦧꦧ꧀ꦏꦩꦗꦼꦔꦤ꧀ꦤꦶꦥꦸꦤ꧀ꦠꦶꦠꦶꦪꦁꦗꦮꦶꦏꦭꦲꦶꦁꦗꦩꦤ꧀ꦏꦶꦤꦏꦠꦸꦭꦂꦫꦤ꧀ꦱꦏꦶꦁꦠꦶꦠꦶꦪꦁꦲꦶꦟ꧀ꦝꦸ꧈ꦲꦶꦁꦒꦶꦃꦥꦸꦤꦶꦏꦱꦏꦶꦁꦤꦒꦫꦶꦏꦭꦶꦁꦒ꧈ꦰꦺꦭꦺꦴꦁ꧈ꦱꦏꦶꦁꦠꦶꦠꦶꦪꦁꦲꦶꦁꦥꦱꦶꦱꦶꦂꦫꦶꦥꦸꦤ꧀ꦠꦤꦃꦩꦭꦑꦱꦂꦠꦑꦩ꧀ꦧꦪ꧈ꦲꦸꦠꦮꦶꦏꦱꦿꦩ꧀ꦧꦃꦲꦤ꧀ꦱꦏꦶꦁꦠꦶꦠꦶꦪꦁꦲꦶꦁꦲꦶꦟ꧀ꦢꦶꦪꦮꦶꦁꦏꦶꦁ꧈ꦱꦏꦶꦁꦤꦒꦫꦶꦑ꧀ꦩꦶꦂ
(ꦏꦩ꧀ꦧꦺꦴꦗ)ꦲꦸꦠꦮꦶꦩ
39 ]ꦭꦶꦃꦱꦏꦶꦁꦤꦒꦫꦶꦤꦒꦫꦶꦲꦶꦁꦱꦮꦺꦠꦤ꧀ꦤꦶꦥꦸꦤ꧀ꦤꦒꦫꦶꦮꦲꦸ꧈ꦏꦢꦺꦴꦱ꧀꧇ꦯꦶꦪꦼꦩ꧀꧉ꦤꦒꦫꦶꦤꦒꦫꦶꦲꦶꦁꦏꦁꦚꦫꦩ꧀ꦧꦃꦲꦶꦏꦩꦗꦼꦁꦔꦤ꧀ꦮꦲꦸꦥꦶꦏꦤ꧀ꦠꦸꦏ꧀ꦏꦶꦥꦸꦤ꧀ꦏꦩꦗꦼꦁꦔꦤ꧀ꦱꦏꦶꦁꦠꦶꦠꦶꦪꦁꦲꦶꦟ꧀ꦝꦸꦲꦸꦒꦶ꧉
꧋ꦲꦶꦁꦗꦩꦤ꧀ꦏꦶꦤꦤꦶꦥꦸꦤ꧀ꦲꦶꦁꦄꦯꦶꦪꦃꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦭꦧꦸꦃꦲꦤ꧀ꦤꦶꦥꦸꦤ꧀ꦲꦒꦼꦁꦱꦂꦠꦏꦶꦛꦧꦤ꧀ꦢꦂꦫꦤ꧀ꦲꦒꦼꦁ꧈ꦏꦢꦺꦴꦱ꧀ꦠ꧇ꦲꦶꦁꦠꦸꦤ꧀ꦱꦸꦤ꧀꧉ꦭꦩꦶꦭꦩꦶꦏꦮꦂꦠꦺꦴꦱ꧀ꦧꦤ꧀ꦢꦂꦫꦤ꧀ꦲꦒꦼꦁꦲꦶꦁꦠꦸꦤ꧀ꦱꦸꦤ꧀ꦭꦗꦼꦁꦔꦭꦶꦃꦣꦠꦼꦁꦲꦶꦁꦑꦭꦃ꧈ꦲꦶꦁꦒꦶꦃꦥꦸꦤꦶꦏ꧇ꦏꦿ꧈ꦑꦼꦫꦃ꧈ꦑꦭꦃ꧈ꦑꦶꦭ꧈ꦲꦸꦠꦮꦶꦏꦼꦣꦃ꧈ꦢꦸꦩꦸꦤꦸꦁꦲꦶꦁꦧꦚ꧀ꦗꦂꦥꦚ꧀ꦗꦁꦔꦶꦥꦸꦤ꧀ꦠꦤꦃꦩꦭꦑꦃ꧈ꦲꦶꦁꦥꦱꦶꦠꦺꦤ꧀ꦲꦏꦁꦄꦲꦸꦠ꧀ꦥꦶꦪꦩ꧀ꦧꦏ꧀ꦏꦶꦛꦧꦤ꧀ꦢꦂꦫꦤ꧀ꦲꦶꦁꦑꦼꦟ꧀ꦝꦭꦶ꧈ꦢꦸꦩꦸꦤꦸꦁꦲꦶꦁꦥꦸꦭꦺꦴꦑꦺꦴꦟ꧀ꦝꦺꦴꦂ꧈ꦲꦶꦁꦯꦩ꧀ꦧꦺꦴꦠ꧀ꦱꦭ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧉ꦧꦧ꧀ꦩꦸꦭꦧꦸꦏꦤꦶꦁꦣꦠꦼꦁꦔꦶꦥꦸꦤ꧀ꦠꦶꦠꦶꦪꦁꦲꦶꦁꦏꦁꦱꦩꦶꦔꦗꦮꦶꦱꦥꦶꦱꦤ꧀ꦮꦲꦸꦏꦱꦼꦧꦸꦠ꧀ꦲꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦲꦶꦁꦤꦒꦫꦶꦕꦶꦟ꧈ꦲꦶꦁꦏꦁꦏꦛꦃꦱꦔꦼꦠ꧀ꦲꦺꦩ꧀ꦥꦼꦂꦫꦶꦥꦸꦤ꧀ꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦠꦺꦴꦟ꧀ꦝꦠꦺꦴꦟ꧀ꦝꦥꦱꦏ꧀ꦱꦺꦤ꧀ꦲꦶꦁꦏꦁꦧꦣꦺꦏꦱꦼꦧꦸꦠ꧀ꦲꦶꦁꦮꦶꦁꦏꦶꦁ꧉
꧋ꦱꦼꦫꦠ꧀ꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦲꦶꦁꦤꦒꦫꦶꦕꦶꦟꦮꦲꦸ꧈ꦲꦶꦁꦏꦁꦩꦮꦶꦚꦼꦧꦸꦠ꧀ꦠꦏꦼꦤ꧀ꦱꦏꦛꦃꦲꦶꦁꦤꦩꦤꦩꦤꦶꦥꦸꦤ꧀ꦥꦢꦸꦤꦸꦁꦔꦤ꧀ꦲꦶꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪ꧈ꦲꦤꦼꦫꦁꦔꦏꦼꦤ꧀ꦧꦶꦭꦶꦃꦣꦠꦼꦁꦔꦶꦥꦸꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦠꦤꦃꦗꦮꦶꦱꦫꦤꦲꦔꦺꦤ꧀ꦲꦔꦶꦤ꧀ꦠꦼꦠꦼꦥ꧀ꦱ
40 ]ꦏꦶꦁꦭꦺꦂꦏꦶꦭꦺꦤ꧀ꦱꦂꦠꦮꦁꦱꦸꦭ꧀ꦭꦶꦥꦸꦤ꧀ꦲꦔꦺꦤ꧀ꦲꦔꦶꦤ꧀ꦠꦼꦠꦼꦥ꧀ꦲꦶꦁꦏꦁꦒꦶꦭꦶꦂꦒꦸꦩꦤ꧀ꦠꦺꦴꦱ꧀ꦱꦏꦶꦁꦏꦶꦢꦸꦭ꧀ꦮꦺꦠꦤ꧀ꦱꦂꦠꦧꦺꦴꦠꦼꦤ꧀ꦭꦩꦶꦭꦗꦼꦁꦏꦛꦃꦲꦶꦁꦏꦁꦱꦩꦶꦔꦭꦶꦃꦥꦁꦒꦺꦤ꧀ꦤꦤ꧀ꦢꦸꦢꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶ꧉ꦥꦸꦤꦥꦩꦭꦶꦃꦭꦗꦼꦁꦩꦸꦭꦁꦔꦏꦼꦤ꧀ꦲꦒꦩꦶꦠꦸꦮꦶꦤ꧀ꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦱꦂꦠꦠꦠꦕꦫꦤꦶꦥꦸꦤ꧀ꦝꦠꦼꦁꦥꦺꦴꦏꦺꦴꦏ꧀ꦏꦶꦥꦸꦤ꧀ꦠꦶꦪꦁꦗꦮꦶ꧈ꦲꦶꦁꦏꦁꦏꦭꦱꦩꦤ꧀ꦠꦼꦤ꧀ꦠꦼꦏ꧀ꦱꦶꦃꦱꦏꦼꦣꦶꦏ꧀ꦱꦔꦼꦠ꧀ꦕꦕꦃꦲꦶꦥꦸꦤ꧀ꦱꦂꦠꦠꦶꦠꦶꦪꦁꦲꦶꦟ꧀ꦝꦸꦭꦗꦼꦁꦱꦒꦼꦢ꧀ꦔꦼꦫꦺꦃꦲꦏꦼꦤ꧀ꦠꦶꦠꦶꦪꦁꦗꦮꦶꦏ꧀ꦭꦸꦛꦸꦏ꧀ꦮꦲꦸ꧉
꧋ꦩꦼꦁꦒꦃꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦩꦂꦒꦶꦲꦒꦼꦁꦲꦶꦁꦏꦁꦏꦁꦒꦺꦭꦩ꧀ꦥꦃꦢꦒꦁꦥꦭꦪꦂꦫꦤ꧀ꦱꦏꦶꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦲꦶꦁꦗꦩꦤ꧀ꦏꦶꦤꦤꦶꦥꦸꦤ꧀ꦔꦤ꧀ꦠꦺꦴꦱ꧀ꦢꦸꦩꦸꦒꦶꦤꦶꦥꦸꦤ꧀ꦗꦩꦤ꧀ꦦꦺꦴꦂꦠꦼꦒꦶꦱ꧀ꦱꦩ꧀ꦧꦼꦠ꧀ꦠꦶꦥꦸꦤ꧀ꦢꦸꦩꦸꦒꦶꦲꦶꦁꦁꦔꦼꦫꦸꦩ꧀ (Rome) ꦭꦩꦶꦭꦩꦶꦩꦿꦢꦶꦤ꧀ꦤꦶꦣꦸꦩꦠꦼꦁꦏꦶꦛꦏꦶꦛꦲꦶꦁꦤꦒꦫꦶꦆꦡꦭꦶꦱꦂꦠꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦠꦸꦮꦶꦤ꧀ꦲꦶꦁꦌꦫꦺꦴꦦꦃꦱꦶꦱꦶꦃꦏꦶꦢꦸꦭ꧀ꦤꦩꦸꦁꦲꦔ꧀ꦭꦁꦏꦸꦁꦔꦶꦩꦂꦒꦶꦣꦫꦠ꧀ꦠꦤ꧀ꦱꦠꦸꦁꦒꦭ꧀ꦮꦶꦮꦶꦠ꧀ꦠꦶꦥꦸꦤ꧀ꦭꦭꦪꦂꦫꦤ꧀ꦩꦼꦢꦭ꧀ꦲꦶꦁꦄꦩ꧀ꦧꦺꦴꦤ꧀ꦨꦟ꧀ꦝꦤ꧀ꦏꦥꦸꦭꦺꦴꦮꦤ꧀ꦲꦭꦶꦠ꧀ꦲꦭꦶꦠ꧀ꦲꦶꦁꦏꦶꦢꦸꦭ꧀ꦏꦶꦭꦺꦤ꧀ꦠꦸꦫꦸꦠ꧀ꦥꦶꦁꦒꦶꦂꦫꦶꦁꦏꦥꦸꦭꦺꦴꦮꦤ꧀ꦱꦸꦟ꧀ꦝꦲꦭꦶꦠ꧀ꦥꦱꦶꦱꦶꦂꦫꦶꦁꦥꦸꦭꦺꦴꦗꦮꦶꦲꦶꦁꦏꦁꦲꦼꦭꦺꦂ꧈ꦠꦸꦫꦸꦠ꧀ꦥꦶꦁꦒꦶꦂꦥꦸꦭꦺꦴꦯꦸꦩꦠꦿꦲꦶꦁꦏꦁꦮꦺꦠꦤ꧀ꦲꦶꦁꦥꦱꦶꦱꦶꦂꦫꦶꦁꦥꦸꦭꦺꦴꦧꦚ꧀ꦗꦂꦥꦚ꧀ꦗꦁꦩꦭ
41 ]ꦪꦸ꧈ꦭꦗꦼꦁꦱꦩ꧀ꦧꦼꦠ꧀ꦲꦏꦭꦶꦲꦤ꧀ꦩꦂꦒꦶꦢꦒꦁꦲꦶꦁꦏꦁꦱꦏꦶꦁꦤꦒꦫꦶꦕꦶꦟ꧈
ꦱꦏꦶꦁꦏꦤ꧀ꦠꦺꦴꦤ꧀ꦲꦶꦁꦏꦁꦏꦶꦤꦤꦶꦥꦸꦤ꧀ꦠꦼꦏ꧀ꦱꦶꦃꦤꦩꦏꦡꦶꦒꦫꦃ
ꦩꦼꦢꦭ꧀ꦲꦶꦁꦥꦸꦭꦺꦴꦑꦺꦴꦟ꧀ꦝꦺꦴꦂ꧈ꦭꦩ꧀ꦥꦃꦲꦶꦥꦸꦤ꧀ꦭꦗꦼꦁꦣꦠꦼꦁꦲꦶꦁꦥꦁꦒꦼꦤ꧀ꦤꦤ꧀ꦱꦕꦼꦭꦏ꧀ꦏꦶꦁꦊꦓꦺꦴꦂ꧈ꦯꦁꦒꦺꦴꦫꦱꦥꦸꦤꦶꦏ꧈ꦲꦸꦠꦮꦶꦦꦠꦤꦶ꧉
ꦱꦏꦶꦁꦁꦔꦿꦶꦏꦸꦭꦗꦼꦁꦲꦭꦩ꧀ꦥꦃꦣꦫꦠ꧀ꦠꦤ꧀ꦝꦸꦩꦠꦼꦁꦠꦸꦤ꧀ꦱꦸꦤ꧀꧈ꦭꦩꦶꦭꦩꦶꦔꦭꦶꦃꦥꦸꦫꦸꦒ꧀ꦝꦸꦩꦠꦼꦁꦑꦭꦃ꧈ꦭꦩ꧀ꦥꦃꦥꦭꦪꦂꦫꦤ꧀ꦮꦲꦸꦏꦠꦶꦤ꧀ꦢꦏ꧀ꦏꦏꦼꦤ꧀ꦢꦼꦤꦶꦁꦧꦺꦴꦁꦱꦲꦶꦟ꧀ꦝꦸ꧈ꦲꦤꦔꦶꦁꦥꦿꦱꦱꦠ꧀ꦤꦩꦸꦁꦠꦸꦫꦸꦠ꧀ꦥꦶꦁꦒꦶꦂꦫꦶꦁꦥꦱꦶꦱꦶꦂꦏꦺꦩꦮꦺꦴꦤ꧀꧈ꦧꦺꦴꦠꦼꦤ꧀ꦤꦼꦁꦒꦼꦭ꧀ꦩꦼꦢꦭ꧀ꦲꦶꦁꦱꦒꦤ꧀ꦠꦼꦤ꧀ꦲꦒꦼꦁ꧈ꦢꦢꦺꦴꦱ꧀ꦤꦩꦸꦁꦩꦿꦩ꧀ꦧꦠ꧀ꦩꦿꦩ꧀ꦧꦠ꧀ꦱꦏꦶꦁꦱꦠꦸꦁꦒꦶꦭ꧀ꦭꦶꦁꦥꦁꦒꦺꦤ꧀ꦤꦤ꧀ꦩ꧀ꦭꦼꦧꦼꦠ꧀ꦩꦼꦢꦭ꧀ꦲꦶꦁꦱꦸꦔꦥ꧀ꦥꦤ꧀ꦠꦸꦮꦶꦤ꧀ꦥꦿꦶꦥꦶꦠ꧀ꦠꦤ꧀ꦝꦫꦠ꧀ꦠꦤ꧀ꦝꦠꦼꦁꦲꦶꦁꦥꦁꦒꦺꦤ꧀ꦤꦤ꧀ꦱꦤꦺꦱ꧀ꦱꦶꦥꦸꦤ꧀
ꦔꦤ꧀ꦠꦺꦴꦱ꧀ꦢꦸꦩꦸꦒꦶꦲꦶꦁꦗꦩꦤ꧀ꦝꦠꦼꦁꦔꦶꦥꦸꦤ꧀ꦧꦺꦴꦁꦱꦟꦺꦢꦼꦂꦭꦤ꧀ꦠꦶꦠꦶꦪꦁꦲꦶꦤ꧀ꦝꦸꦱꦂꦠꦕꦶꦟꦠꦼꦏ꧀ꦱꦶꦃꦤꦶꦤ꧀ꦢꦏ꧀ꦏꦏꦼꦤ꧀ꦥꦭꦪꦂꦫꦤ꧀ꦠꦸꦫꦸꦠ꧀ꦥꦱꦶꦱꦶꦂ꧉ꦲꦶꦁꦏꦁꦩꦏꦠꦼꦤ꧀ꦮꦲꦸꦩꦤꦮꦶꦱꦏꦶꦁꦠꦼꦏ꧀ꦱꦶꦃꦲꦗꦿꦶꦃ꧈ꦲꦸꦠꦮꦶꦱꦏꦶꦁꦏꦩꦤꦸꦃꦲꦤ꧀ꦤꦶꦥꦸꦤ꧀꧈ꦠꦺꦴꦟ꧀ꦝꦱꦏ꧀ꦱꦶꦤꦶꦥꦸꦤ꧀ꦧꦲꦶꦠꦧꦲꦶꦠꦲꦶꦁꦏꦁꦭꦩ꧀ꦥꦃꦥꦭꦪꦂꦫꦤ꧀ꦲꦶꦁꦗꦩꦤ꧀ꦏꦶꦤꦱꦩꦶꦩꦼꦢꦭ꧀ꦲꦶꦁꦱꦸꦥꦶꦠ꧀ꦠꦤ꧀ꦱꦒꦤ꧀ꦠꦼꦤ꧀ꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦱꦶꦁꦒꦦꦸꦫꦭꦤ꧀ꦠꦤꦃꦱꦤꦺꦱ꧀ꦱꦶꦥꦸꦤ꧀ꦧꦺꦴꦠꦼꦤ꧀ꦩꦼꦢꦭ꧀ꦲꦶꦁꦱꦏꦶꦢꦸꦭ꧀ꦭꦶꦁꦥꦸꦭꦺꦴꦯꦶꦁꦒꦦꦸꦫꦏꦢꦺꦴꦱ꧀ꦲꦶꦁꦗꦩꦤ꧀ꦱꦩꦁꦏꦺ꧈ꦥꦸꦤꦥ
42 ]ꦩꦭꦶꦃꦠꦟ꧀ꦝꦱꦏ꧀ꦱꦶꦤꦶꦥꦸꦤ꧀꧈ꦭꦩꦥꦃꦲꦶꦁꦥꦭꦪꦂꦫꦤ꧀ꦲꦶꦁꦏꦶꦢꦸꦭ꧀ꦩꦼꦢꦭ꧀ꦲꦶꦁꦥꦿꦶꦥꦶꦠꦤ꧀ꦱꦒꦤ꧀ꦠꦼꦤ꧀ꦱꦲꦤ꧀ꦠꦮꦶꦱ꧀ꦱꦶꦥꦸꦤꦤ꧀ꦦꦭꦺꦩ꧀ꦧꦁꦲꦏꦭꦶꦪꦤ꧀ꦧꦁꦑꦏ꧀꧈ꦥꦿꦩꦶꦭꦥꦸꦭꦺꦴꦨꦶꦭꦶꦠꦺꦴꦤ꧀ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ 1292 ꦏꦱꦸꦩꦼꦉꦥ꧀ꦥꦤ꧀ꦫꦸꦩꦶꦪꦶꦤ꧀ꦥꦶꦪꦩ꧀ꦧꦏ꧀ꦝꦠꦼꦁꦧꦺꦴꦁꦱꦕꦶꦟ꧈ꦤꦭꦶꦏꦧꦺꦴꦁꦱꦕꦶꦟꦔ꧀ꦭꦸꦫꦸꦒ꧀ꦥꦼꦫꦁꦣꦠꦼꦁꦠꦤꦃꦗꦮꦶꦩꦮꦶꦧꦿꦒꦢꦧꦲꦶꦠꦥꦼꦫꦁꦏꦛꦃꦩꦿꦠꦟ꧀ꦝꦤꦶꦪꦺꦤ꧀ꦭꦩ꧀ꦥꦃꦲꦶꦥꦸꦤ꧀ꦧꦿꦒꦢꦧꦲꦶꦠꦏꦛꦃꦮꦲꦸꦩꦼꦢꦭ꧀ꦲꦶꦁꦁꦁꦔꦿꦶꦏꦸ꧉ꦥꦸꦤꦥꦩꦭꦶꦃꦢꦸꦩꦸꦒꦶꦤꦶꦥꦸꦤ꧀ꦲꦶꦁꦥꦸꦭꦺꦴꦗꦮꦶꦩꦼꦢꦭ꧀ꦲꦶꦁꦱꦒꦤ꧀ꦠꦼꦤ꧀ꦱꦏꦶꦢꦸꦭ꧀ꦭꦶꦁꦥꦸꦭꦺꦴꦩꦢꦸꦫ꧈ꦧꦺꦴꦠꦼꦤ꧀ꦩꦼꦢꦭ꧀ꦲꦶꦁꦱꦭꦺꦂꦫꦶꦥꦸꦤ꧀ꦩꦶꦠꦸꦫꦸꦠ꧀ꦕꦫꦶꦪꦺꦴꦱ꧀ꦲꦶꦁꦏꦁꦧꦣꦺꦏꦱꦼꦧꦸꦠ꧀ꦲꦶꦁꦮꦶꦁꦏꦶꦁ꧉
꧋ꦠꦶꦠꦶꦪꦁꦥꦭꦪꦂꦫꦤ꧀ꦧꦺꦴꦁꦱꦲꦶꦟ꧀ꦝꦸꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀꧈ꦱꦂꦠꦠꦸꦫꦸꦤ꧀ꦤꦶꦥꦸꦤ꧀꧈ꦥꦸꦤꦥꦩꦭꦶꦃꦭꦩꦶꦭꦩꦶꦧꦺꦴꦁꦱꦕꦶꦟ꧈ꦩꦼꦤꦮꦶꦧꦣꦺꦣꦠꦼꦁꦏꦥꦸꦭꦺꦴꦮꦤ꧀ꦩꦺꦴꦭꦺꦴꦏꦸꦱ꧀꧈ꦲꦶꦁꦏꦁꦭꦩ꧀ꦥꦃꦲꦶꦥꦸꦤ꧀ꦱꦏꦶꦁꦑꦭꦃꦱꦏꦼꦭꦁꦏꦸꦁꦠꦼꦧꦶꦃ꧈ꦫꦸꦩꦲꦺꦴꦱ꧀ꦥꦼꦂꦭꦸꦱꦔꦼꦠ꧀ꦲꦁꦒꦣꦃꦲꦶꦥꦥꦤ꧀ꦥꦏꦺꦤ꧀ꦢꦼꦭꦤ꧀꧈ꦏꦁꦒꦺꦲꦁꦔꦼꦤ꧀ꦠꦺꦴꦱ꧀ꦱꦶꦩꦼꦤꦮꦶꦢꦸꦩꦸꦒꦶꦤꦶꦥꦸꦤ꧀ꦲꦶꦁꦩꦂꦒꦶꦤꦸꦁꦏꦏ꧀ꦩꦺꦴꦁꦱꦲꦔꦶꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦥꦿꦪꦺꦴꦒꦶ꧈ꦩꦺꦴꦁꦏꦔꦗꦼꦁꦔꦏꦼꦤ꧀ꦧꦣꦺꦭꦭꦪꦂꦫꦤ꧀ꦠꦸꦫꦸꦠ꧀ꦥꦔꦸꦭ꧀ꦲꦸꦠꦮꦶꦉꦢꦶꦲꦶꦁꦏꦁꦩꦸꦠꦮꦠꦺꦴ
43 ]ꦱ꧀ꦱꦶ꧈ꦢꦺꦤꦺꦥꦏꦺꦤ꧀ꦢꦼꦭ꧀ꦭꦤ꧀ꦮꦲꦸꦲꦶꦁꦏꦁꦏꦛꦃꦮꦺꦴꦤ꧀ꦠꦼꦤ꧀ꦲꦶꦁꦥꦶꦁꦒꦶꦂꦭꦺꦥꦺꦤ꧀ꦲꦶꦁꦏꦁꦥꦿꦶꦩ꧀ꦥꦺꦤ꧀ꦢꦸꦤꦸꦁꦔꦶꦥꦸꦤ꧀꧈
꧋ꦩꦼꦤꦮꦶꦤꦶꦠꦶꦏ꧀ꦏꦛꦃꦲꦶꦁꦫꦮꦲꦶꦁꦏꦁꦲꦟ꧀ꦝꦥ꧀ꦲꦟ꧀ꦝꦥ꧀ꦲꦶꦁꦥꦱꦶꦱꦶꦂꦫꦶꦥꦸꦤ꧀ꦠꦤꦃꦯꦸꦩꦠꦿꦲꦶꦁꦏꦁꦮꦺꦠꦤ꧀ꦱꦂꦠꦏꦛꦃꦲꦶꦁꦮꦤꦒꦽꦁ꧈ꦔꦤ꧀ꦠꦺꦴꦱ꧀ꦏꦢꦺꦴꦱ꧀ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦲꦸꦮꦸꦤ꧀ꦤꦶꦠꦶꦠꦶꦪꦁꦥꦭꦪꦂꦫꦤ꧀ꦠꦺꦠꦺꦭꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦲꦶꦁꦦꦭꦺꦩ꧀ꦧꦁꦱꦂꦠꦲꦶꦁꦗꦮꦶꦠꦼꦁꦔꦃꦲꦶꦁꦏꦁꦠꦤ꧀ꦱꦃꦢꦢꦺꦴꦱ꧀ꦥꦺꦥꦺꦔꦶꦤ꧀ꦤꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦭꦩ꧀ꦥꦃꦒꦿꦩꦺꦤ꧀ꦲꦢꦸꦢꦸꦤꦸꦁ꧉ꦢꦺꦤꦺꦱꦸꦢꦤꦶꦁꦣꦠꦼꦁꦔꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦲꦭꦩ꧀ꦥꦃꦒꦿꦩꦺꦤ꧀ꦝꦠꦼꦁꦏꦥꦸꦭꦺꦴꦮꦤ꧀ꦲꦶꦟ꧀ꦝꦶꦪ꧈ꦭꦁꦏꦸꦁꦩꦭꦶꦃꦲꦶꦁꦥꦸꦭꦺꦴꦗꦮꦶ꧈ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦮꦭꦤ꧀ꦢꦶ꧇ ± 600 ꦲꦶꦁꦒꦶꦃꦥꦸꦤꦶꦏꦱꦉꦁꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦱꦩꦶꦢꦸꦢꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶꦱꦩ꧀ꦥꦸꦤ꧀ꦠꦸꦩꦼꦁꦏꦂꦱꦂꦠꦏꦸꦮꦮꦶꦤꦶꦤ꧀ꦢꦏ꧀ꦏꦏꦼꦤ꧀ꦭꦩ꧀ꦥꦃꦒꦿꦩꦺꦤ꧀ꦥꦶꦪꦩ꧀ꦧꦏ꧀ꦝꦠꦼꦁꦏꦥꦸꦭꦺꦴꦮꦤ꧀ꦩꦺꦴꦭꦺꦴꦏꦸꦱ꧀꧈ꦢꦺꦤꦺꦏꦺꦤ꧀ꦢꦼꦭ꧀ꦭꦶꦥꦸꦤ꧀ꦧꦧꦂꦥꦶꦱꦤ꧀ꦧꦧ꧀ꦭꦩ꧀ꦥꦃꦒꦿꦩꦺꦤ꧀ꦱꦏꦶꦁꦲꦶꦟ꧀ꦝꦸꦮꦲꦸꦮꦠꦮꦶꦱ꧀ꦲꦶꦁꦠꦲꦸꦤ꧀ꦮꦭꦤ꧀ꦢꦶ꧇ 1000꧈ꦲꦶꦁꦤꦭꦶꦏꦱꦩꦤ꧀ꦠꦼꦤ꧀ꦲꦒꦩꦶꦆꦱ꧀ꦭꦩ꧀ꦥꦼꦚ꧀ꦕꦂꦮꦺꦴꦤ꧀ꦠꦼꦤ꧀ꦲꦶꦁꦲꦶꦟ꧀ꦢꦶꦪꦔꦗꦼꦁ (ꦲꦶꦟ꧀ꦝꦸꦱ꧀ꦠꦤ꧀) ꦱꦂꦠꦠꦶꦠꦶꦪꦁꦲꦒꦩꦶꦆꦱ꧀ꦭꦩ꧀ꦲꦤꦼꦁꦏꦂꦫꦏꦼꦤ꧀ꦲꦒꦩꦶꦤꦶꦥꦸꦤ꧀ꦏꦟ꧀ꦝꦶꦥꦥꦿꦁꦔꦤ꧀ꦲꦶꦁꦏꦁꦔꦤ꧀ꦠꦺꦴꦱ꧀ꦢꦩꦼꦭ꧀ꦏꦫꦶꦱꦏ꧀ꦏꦤ꧀ꦲꦒꦼꦁ꧉
44 ]꧋ꦩꦶꦠꦸꦫꦸꦠ꧀ꦕꦶꦕꦿꦶꦪꦺꦴꦱ꧀ꦱꦤ꧀ꦗꦮꦶꦮꦶꦮꦶꦠ꧀ꦝꦠꦼꦁꦔꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦲꦔꦗꦮꦶꦲꦶꦁꦱꦊꦧꦼꦠ꧀ꦠꦶꦁꦮꦶꦤ꧀ꦢꦸꦮꦭꦤ꧀ꦢꦶꦲꦶꦁꦏꦁꦏꦥꦶꦱꦤ꧀(ꦮꦶꦤ꧀ꦢꦸꦮꦭꦤ꧀ꦢꦶ=ꦄꦧꦢ꧀=100ꦠꦲꦸꦤ꧀)꧉
꧋ꦣꦠꦼꦁꦔꦶꦥꦸꦤ꧀ꦥꦢꦒꦁꦔꦤ꧀ꦕꦼꦁꦏꦺꦃꦲꦶꦁꦔꦼꦫꦸꦩ꧀ꦱꦩ꧀ꦥꦸꦤ꧀ꦮꦶꦮꦶꦠ꧀ꦏꦭꦄꦮꦭ꧀ꦭꦶꦥꦸꦤ꧀ꦠꦲꦸꦤ꧀ꦮꦭꦤ꧀ꦢꦶ꧈ꦩꦺꦴꦁꦏꦥꦢꦒꦁꦔꦤ꧀ꦕꦼꦁꦏꦺꦃꦥꦸꦤꦶꦏꦲꦱꦭ꧀ꦭꦶꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦩꦭꦶꦃꦏꦗꦮꦶꦱꦏꦶꦁꦏꦥꦸꦭꦺꦴꦮꦤ꧀ꦩꦺꦴꦭꦺꦴꦑꦸꦱ꧀ꦲꦶꦁꦏꦁꦱꦶꦱꦶꦃꦲꦼꦭꦺꦂ꧈ꦲꦮꦶꦠ꧀ꦲꦶꦁꦏꦁꦏꦛꦃꦱꦔꦼꦠ꧀ꦮꦶꦠ꧀ꦠꦶꦥꦸꦤ꧀ꦕꦼꦁꦏꦺꦃꦥꦸꦤꦶꦏꦤꦩꦸꦁꦲꦶꦁꦥꦸꦭꦺꦴꦔꦿꦶꦏꦸ꧈ꦔꦤ꧀ꦠꦺꦴꦱ꧀ꦢꦢꦺꦴꦱ꧀ꦥꦢꦒꦁꦔꦤ꧀ꦲꦒꦼꦁꦣꦠꦼꦁꦲꦶꦁꦥꦸꦤ꧀ꦢꦶꦥꦸꦤ꧀ꦢꦶ꧉ꦤꦶꦠꦶꦏ꧀ꦧꦧ꧀ꦥꦸꦤꦶꦏꦠꦺꦠꦺꦭꦩꦤꦮꦶꦲꦮꦶꦠ꧀ꦠꦶꦥꦸꦤ꧀ꦝꦠꦼꦁꦠꦶꦠꦶꦪꦁꦲꦶꦟ꧀ꦝꦸꦲꦶꦁꦲꦶꦟ꧀ꦢꦶꦪꦟꦺꦢꦼꦂꦭꦤ꧀꧈ꦭꦁꦏꦸꦁꦩꦭꦶꦃꦲꦶꦁꦥꦸꦭꦺꦴꦗꦮꦶꦲꦶꦁꦒꦶꦃꦱꦩ꧀ꦥꦸꦤ꧀ꦏꦭꦄꦮꦭ꧀ꦭꦶꦥꦸꦤ꧀ꦠꦲꦸꦤ꧀ꦮꦭꦤ꧀ꦢꦶ꧈ꦲꦮꦶꦠ꧀ꦲꦶꦁꦥꦸꦭꦺꦴꦗꦮꦶꦲꦶꦁꦏꦁꦏꦁꦒꦺꦗꦸꦗꦸꦒ꧀ꦒꦤ꧀꧈ꦲꦸꦠꦮꦶꦲꦩ꧀ꦥꦶꦂꦲꦩ꧀ꦥꦶꦂꦫꦤ꧀ꦭꦪꦂꦠꦸꦫꦸꦠ꧀ꦥꦱꦶꦱꦶꦂꦩ꧀ꦭꦩ꧀ꦥꦃꦩꦤ꧀ꦠꦸꦏ꧀ꦝꦠꦼꦁꦩꦺꦴꦭꦺꦴꦑꦸꦱ꧀꧈ꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦲꦶꦁꦔꦶꦁꦒꦶꦭ꧀꧈ꦤꦔꦶꦁꦲꦶꦁꦏꦭꦱꦩꦤ꧀ꦠꦼꦤ꧀ꦠꦶꦠꦶꦪꦁꦧꦺꦴꦁꦱꦲꦶꦟ꧀ꦝꦸꦢꦺꦫꦺꦁꦏꦛꦃꦲꦶꦁꦏꦁꦠꦼꦠꦼꦥ꧀ꦢꦸꦢꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶꦠꦸꦮꦶꦤ꧀ꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦱꦤꦺꦱ꧀ꦱꦶꦥꦸꦤ꧀꧈
45 ]III. ꧋ꦲꦒꦩꦶꦲꦶꦟ꧀ꦝꦸ꧉
꧋ꦩꦼꦁꦒꦃꦲꦶꦁꦏꦁꦢꦢꦺꦴꦱ꧀ꦥꦺꦴꦏꦺꦴꦏ꧀ꦏꦶꦥꦸꦤ꧀ꦏꦮꦿꦸꦃꦲꦶꦟ꧀ꦝꦸꦲꦶꦁꦏꦁꦠꦼꦁꦏꦂꦠꦸꦩꦼꦁꦏꦂꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦥꦸꦭꦺꦴꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦭꦁꦏꦸꦁꦩꦭꦶꦃꦲꦶꦁꦠꦤꦃꦗꦮꦶ꧈ꦔꦤ꧀ꦠꦺꦴꦱ꧀ꦤꦫꦩ꧀ꦧꦃꦲꦶꦣꦠꦼꦁꦠꦠꦕꦫꦤꦶꦥꦸꦤ꧀ꦠꦶꦠꦶꦪꦁꦗꦮꦶ꧈ꦥꦸꦤꦶꦏꦲꦒꦩꦶꦤꦶꦥꦸꦤ꧀ꦲꦶꦁꦔꦿꦶꦏꦶꦧꦣꦺꦏꦸꦭꦠꦼꦫꦁꦔꦏꦼꦤ꧀꧈
꧋ꦱꦥꦺꦫꦁꦔꦤ꧀ꦲꦒꦼꦁꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤꦶꦲꦒꦩꦶꦲꦶꦟ꧀ꦝꦸꦥꦸꦤꦶꦏꦏꦊꦧꦼꦠ꧀ꦲꦸꦒꦶꦠꦠꦕꦫꦤꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸ꧈ꦢꦺꦤꦺꦲꦶꦁꦥꦺꦫꦁꦔꦤ꧀ꦤꦶꦥꦸꦤ꧀ꦲꦭꦶꦠ꧀ꦲꦂꦠꦺꦴꦱ꧀ꦱꦶꦥꦸꦤ꧀ꦲꦒꦩꦶꦲꦶꦟ꧀ꦝꦸꦥꦸꦤꦶꦏꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦨꦿꦃꦩ꧇ꦲꦶꦟ꧀ꦝꦸꦲꦶꦁꦏꦁꦠꦿꦶꦪꦺꦴꦒ꧈ꦠꦼꦒꦼꦱ꧀ꦱꦶꦥꦸꦤ꧀ꦲꦶꦁꦥꦺꦫꦁꦔꦤ꧀ꦗꦩꦤ꧀ꦲꦶꦁꦏꦁꦏꦥꦶꦁꦠꦶꦒ꧈ꦏꦢꦺꦴꦱ꧀ꦲꦶꦁꦏꦁꦏꦮꦿꦠ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦫꦠ꧀꧇ꦩꦲꦨꦿꦡ꧈ꦲꦶꦁꦫꦩꦪꦟ꧈ꦲꦶꦁꦦꦸꦫꦟ꧈ꦲꦶꦁꦢꦂꦩꦯꦱ꧀ꦠꦿꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦩꦟꦸꦪꦗ꧀ꦚꦮꦭ꧀ꦏꦾ(Jadjnjawalkja)ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈
꧋ꦱꦣꦺꦔꦃꦥꦺꦥꦺꦫꦁꦔꦤ꧀ꦤꦶꦁꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦲꦒꦩꦶꦲꦶꦟ꧀ꦝꦸ꧈ꦲꦶꦁꦏꦁꦲꦒꦼꦁꦥꦶꦪꦩ꧀ꦧꦏ꧀ꦲꦒꦩꦶꦮꦶꦱ꧀ꦤꦸꦠꦸꦮꦶꦤ꧀ꦯꦶꦮꦃ꧈
ꦱꦤꦢ꧀ꦚꦤ꧀ꦏꦮꦿꦸꦃꦲꦶꦥꦸꦤ꧀ꦩꦼꦁꦒꦃꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤꦶꦄꦭ꧀ꦭꦃꦧꦺꦢꦧꦺꦢ꧈ꦲꦺꦮꦢꦺꦤꦺꦱꦢꦪꦒꦺꦴꦭꦺꦴꦁꦔꦤ꧀ꦲꦒꦩꦶꦲꦶ
46 ]ꦟ꧀ꦝꦸꦲꦒꦼꦁꦲꦭꦶꦠ꧀ꦱꦩꦶꦤꦸꦁꦒꦶꦭ꧀ꦏꦮꦿꦸꦃꦲꦥꦿꦕꦪꦣꦠꦼꦁꦧꦧ꧀ꦥꦤꦶꦠꦶꦱ꧀ꦱꦤ꧀ꦲꦸꦠꦮꦶꦥꦤꦸꦏ꧀ꦩꦤ꧀ꦱꦂꦠꦧꦧ꧀ꦒꦼꦱꦁꦠꦸꦩꦶꦩ꧀ꦧꦭ꧀ꦭꦲꦶꦂꦩꦭꦶꦃ꧉ꦩꦶꦠꦸꦫꦸꦠ꧀ꦥꦶꦮꦸꦭꦁꦔꦶꦁꦲꦒꦩꦶꦨꦿꦃꦩꦧꦧ꧀ꦠꦸꦩꦶꦩ꧀ꦧꦭ꧀ꦭꦲꦶꦂꦩꦭꦶꦃ꧈ꦚꦮꦤꦶꦁꦩꦤꦸꦁꦱꦥꦸꦤꦶꦏꦥꦺꦫꦁꦔꦤ꧀ꦤꦶꦁꦲꦢꦼꦒ꧀ꦒꦶꦥꦸꦤ꧀ꦢꦠ꧀ꦠꦸꦭ꧀ꦭꦃ꧈ꦲꦶꦁꦒꦶꦃꦥꦸꦤꦶꦏꦨꦿꦃꦩꦲꦶꦁꦏꦁꦭꦸꦲꦸꦂꦥꦶꦪꦩ꧀ꦧꦏ꧀ꦲꦸꦠꦮꦶꦮꦶꦤꦱ꧀ꦠꦤ꧀꧇ꦚꦮꦭꦸꦲꦸꦂ (Paramâtman). ꦮꦺꦴꦤ꧀ꦢꦺꦤꦺꦒꦚ꧀ꦕꦂꦫꦶꦥꦸꦤ꧀ꦲꦢꦼꦒ꧀ꦒꦶꦁꦠꦶꦪꦁꦒꦼꦱꦁꦥꦸꦤꦶꦏꦱꦏꦶꦁꦲꦢꦼꦒ꧀ꦒꦶꦁꦧꦒꦶꦪꦤ꧀ꦏꦭꦶꦃꦥꦿꦏꦮꦶꦱ꧀ꦲꦶꦁꦒꦶꦃꦥꦸꦤꦶꦏꦧꦒꦶꦪꦤ꧀ꦭꦸꦲꦸꦂ꧈ꦲꦏꦭꦶꦪꦤ꧀ꦧꦒꦶꦪꦤ꧀ꦲꦟ꧀ꦝ꧀ꦢꦥ꧀꧈ꦧꦒꦶꦪꦤ꧀ꦭꦸꦲꦸꦂꦲꦢꦼꦒ꧀ꦒꦶꦥꦸꦤ꧀ꦱꦏꦶꦁꦏꦔ꧀ꦤꦩ꧀ꦥꦏ꧀ꦏꦶꦁꦢꦠ꧀ꦠꦶꦒꦁꦥꦿꦏꦮꦶꦱ꧀꧇ 1. ꦄꦠ꧀ꦩ (ꦫꦺꦴꦃ)ꦲꦶꦁꦠꦼꦩ꧀ꦧꦁꦮꦭꦤ꧀ꦢꦶꦢꦶꦥꦸꦤ꧀ꦮꦱ꧀ꦠꦤꦶ geest. 2 ꦧꦸꦢ꧀ꦝꦶ (ꦗꦶꦮ) ꦲꦶꦁꦏꦁꦩꦶꦤꦺꦴꦁꦏꦮꦮꦣꦃꦲꦶꦥꦸꦤꦄꦠ꧀ꦩ꧈ꦄꦠ꧀ꦩꦧꦺꦴꦠꦼꦤ꧀ꦱꦒꦼꦢ꧀ꦒꦸꦩꦺꦴꦭꦺꦴꦁꦩꦲꦸꦗꦸꦢ꧀ꦧꦶꦭꦶꦃꦧꦺꦴꦠꦼꦤ꧀ꦲꦱꦫꦤꦧꦸꦢ꧀ꦝꦶ꧈ꦲꦶꦁꦏꦁꦩꦶꦤꦺꦴꦁꦏꦮꦮꦣꦃꦮꦲꦸ꧈ꦲꦤꦔꦶꦁꦱꦤꦢ꧀ꦚꦤꦄꦠ꧀ꦩꦲꦏꦭꦶꦪꦤ꧀ꦧꦸꦢ꧀ꦝꦶꦮꦲꦸꦱꦩ꧀ꦥꦸꦤ꧀ꦤꦸꦁꦒꦶꦭ꧀ꦢꦢꦺꦴꦱ꧀ꦱꦠꦸꦁꦒꦭ꧀ꦱꦸꦥꦿꦤ꧀ꦢꦺꦤꦺꦱꦏꦶꦁꦲꦭꦸꦱ꧀ꦱꦶꦁꦮꦸꦗꦸꦢ꧀ꦏꦏꦭꦶꦃꦮꦲꦸꦔꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦏꦠꦮꦶꦱ꧀ꦩꦤꦮꦶꦄꦠ꧀ꦩꦱꦩ꧀ꦥꦸꦤ꧀ꦥꦔꦮꦏ꧀ꦧꦸꦢ꧀ꦝꦶ꧈ꦥꦩꦺꦴꦂꦫꦶꦁꦢꦠ꧀ꦮꦂꦟꦶꦏꦭꦶꦃꦥꦸꦤꦶꦏꦢꦶꦥꦸꦤ꧀ꦮꦱ꧀ꦠꦤꦶ꧇ ꦄꦠ꧀ꦩꦧꦸꦢ꧀ꦝꦶ (ꦫꦺꦴꦃꦫꦺꦴꦃꦲꦤꦶ) ꦲꦶꦁꦠꦼꦩ꧀ꦧꦸꦁꦮꦭꦤ꧀ꦢꦶꦢꦶꦥꦸꦤ꧀ꦮꦱ꧀ꦠꦤꦶ geestelijke ziel. ꦥꦺꦫꦁꦔꦤ꧀ꦲꦶꦁꦏꦁꦏ
47 ]ꦥꦶꦁꦠꦶꦒꦢꦶꦥꦸꦤ꧀ꦮꦱ꧀ꦠꦤꦶꦩꦤꦱ꧀ (ꦥꦿꦩꦤꦲꦸꦠꦮꦶꦫꦺꦴꦃꦲꦶꦤ꧀ꦱꦤꦶ) ꦲꦶꦁꦠꦼꦩ꧀ꦧꦸꦁꦮꦭꦤ꧀ꦢꦶꦏꦮꦱ꧀ꦠꦤꦤ꧀ menschelijke ziel. ꦧꦶꦭꦶꦃꦠꦶꦒꦁꦥꦿꦏꦮꦶꦱ꧀ꦮꦲꦸ꧈ꦲꦶꦁꦒꦶꦃꦥꦸꦤꦶꦏ꧇ꦄꦠ꧀ꦩ꧈ꦧꦸꦢ꧀ꦝꦶ꧈ꦩꦤꦱ꧀ (ꦫꦺꦴꦃ꧈ꦗꦶꦮ꧈ꦥꦿꦩꦤ)ꦱꦩ꧀ꦥꦸꦤ꧀ꦤꦸꦁꦒꦶꦭ꧀ꦢꦢꦺꦴꦱ꧀ꦱꦠꦸꦁꦒꦭ꧀ ꦥꦚ꧀ꦗꦶꦁꦥꦶꦤꦚ꧀ꦗꦶꦁꦔꦤ꧀ ꦥꦸꦤꦶꦏꦱꦮꦼꦒ꧀ꦗꦸꦩꦼꦤꦼꦁꦠꦿꦶꦩꦸꦂꦡꦶ꧈ꦠꦶꦪꦁꦲꦶꦁꦏꦁꦱꦩ꧀ꦥꦸꦤ꧀ꦏꦥꦚ꧀ꦗꦶꦁꦔꦤ꧀ꦠꦿꦶꦩꦸꦂꦡꦶꦱꦮꦼꦒ꧀ꦒꦣꦃꦲꦺꦔꦼꦠ꧀ꦠꦤ꧀ꦱꦂꦠꦱꦒꦼꦢ꧀ꦔꦽꦩ꧀ꦧꦒ꧀ꦠꦸꦮꦶꦤ꧀ꦒꦣꦃꦥꦶꦏꦗꦼꦁꦔꦤ꧀
꧋ꦮꦺꦴꦤ꧀ꦢꦺꦤꦺꦲꦢꦼꦒ꧀ꦒꦶꦁꦧꦒꦶꦪꦤ꧀ꦲꦟ꧀ꦝꦥ꧀ꦥꦸꦤꦶꦏꦱꦏꦶꦁꦏꦊꦩ꧀ꦥꦏ꧀ꦏꦶꦁꦗꦢ꧀ꦏꦮꦤ꧀ꦥꦿꦏꦮꦶꦱ꧀ 1 ꦏꦩ꧈ꦲꦶꦁꦠꦼꦩ꧀ꦧꦸꦁꦮꦭꦤ꧀ꦢꦶꦢꦶꦥꦸꦤ꧀ꦮꦱ꧀ꦠꦤꦶ de dierlijke ziel (ꦫꦺꦴꦃꦺꦏ꦳ꦮꦤꦶ)꧈ 2 ꦥꦿꦤ꧈ (ꦒꦼꦱꦁꦔꦶꦁꦩꦤꦸꦁꦱ)꧈ 3 ꦫꦺꦴꦃ꧈ꦲꦶꦁꦠꦼꦩ꧀ꦧꦸꦁꦮꦭꦤ꧀ꦢꦶꦏꦮꦱ꧀ꦠꦤꦤ꧀ het etherische dubbel(ꦫꦺꦴꦃꦲꦸꦠꦮꦶꦧꦢꦤ꧀ꦲꦭꦸꦱ꧀)꧈ 4 ꦧꦢꦤ꧀ꦮꦣꦒ꧀ het stoffelijke lichaam (ꦫꦺꦴꦃꦗꦱ꧀ꦩꦤꦶ)꧈ꦏꦊꦩ꧀ꦥꦏ꧀ꦏꦶꦥꦸꦤ꧀ꦏꦮꦤ꧀ꦥꦿꦏꦮꦶꦱ꧀ꦥꦸꦤꦶꦏꦲꦩꦸꦗꦸꦢ꧀ꦢꦏꦼꦤ꧀ꦧꦢꦤ꧀ꦤꦶꦁꦩꦤꦸꦁꦱ꧉ꦩꦤꦮꦶꦧꦒꦶꦪꦤ꧀ꦲꦟ꧀ꦝꦥ꧀ꦮꦲꦸꦱꦩ꧀ꦥꦸꦤ꧀ꦏꦥꦚ꧀ꦗꦶꦁꦔꦤ꧀ꦧꦒꦶꦪꦤ꧀ꦭꦸꦲꦸꦂ꧈ꦩꦤꦸꦁꦱꦱꦮꦼꦒ꧀ꦔꦢꦼꦒ꧀ꦗꦁꦏꦼꦥ꧀ꦱꦱꦫꦤ꧀ꦢꦸꦤꦶꦁꦧꦢꦤ꧀ꦒꦼꦱꦁꦏꦢꦺꦴꦱ꧀ꦱꦠꦠꦤꦶꦁꦩꦤꦸꦁꦱꦲꦶꦁꦔꦭꦩ꧀ꦢꦺꦴꦚꦥꦸꦤꦶꦏ꧉ꦢꦺꦤꦺꦚꦮꦭꦸꦲꦸꦂꦮꦲꦸꦧꦺꦴꦠꦼꦤ꧀ꦱꦒꦼꦢ꧀ꦲꦁꦱꦭ꧀ꦏꦩꦸꦭ꧀ꦚꦤ꧀ꦗꦠꦶ꧈ꦥꦶꦏꦗꦼꦁꦔꦶꦥꦸꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦲꦤꦸꦁꦒꦶꦭ꧀ꦏꦮꦸꦭꦓꦸꦱ꧀ꦡꦶ꧈ꦪꦺꦤ꧀ꦢꦺꦫꦺꦁꦱ
48 ]ꦒꦼꦢ꧀ꦢꦸꦩꦸꦒꦶꦲꦶꦁꦥꦁꦒꦪꦸꦃꦲꦶꦥꦸꦤ꧀ꦝꦠꦼꦁꦢꦠ꧀ꦲꦶꦁꦏꦁꦲꦱꦶꦥꦠ꧀ꦚꦠ꧉ꦲꦶꦁꦱꦢꦺꦫꦺꦁꦔꦶꦥꦸꦤ꧀ꦩꦤꦸꦁꦱꦥꦼꦗꦃꦚꦮꦠꦤ꧀ꦱꦃꦱꦶꦤꦼꦁꦏꦼꦂꦲꦶꦁꦧꦢꦤ꧀ꦏꦶꦠ꧈ꦩꦼꦤꦮꦶꦏꦶꦠꦥꦼꦗꦃꦚꦮꦲꦺꦴꦚ꧀ꦕꦠ꧀ꦱꦏꦶꦁꦧꦢꦤ꧀ꦮꦣꦒ꧀꧈ꦱꦂꦠꦱꦱꦩ꧀ꦥꦸꦤ꧀ꦤꦶꦁꦲꦁꦱꦭ꧀ꦧꦢꦤ꧀ꦫꦺꦴꦃꦱꦤꦼꦱ꧀ꦱꦶꦥꦸꦤ꧀꧈ꦥꦸꦤꦥꦩꦭꦶꦃꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦲꦁꦱꦭ꧀ꦒꦚ꧀ꦗꦂꦫꦤ꧀ꦩꦁꦒꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦭꦃꦱꦠꦸꦁꦒꦶꦭ꧀ꦭꦶꦁꦄꦭꦩ꧀ꦏꦲꦭꦸꦱ꧀ꦱꦤ꧀꧈ꦲꦸꦠꦮꦶꦠꦩ꧀ꦥꦶꦥꦲꦸꦏꦸꦩ꧀ꦩꦤ꧀꧈ꦲꦺꦁꦒꦭ꧀ꦭꦩꦶꦤꦶꦥꦸꦤ꧀ꦩꦶꦠꦸꦫꦸꦠ꧀ꦱꦥꦶꦤ꧀ꦠꦼꦤ꧀ꦥꦤ꧀ꦠꦼꦱ꧀ꦱꦶꦥꦸꦤ꧀ꦲꦶꦁꦏꦁꦠꦶꦩ꧀ꦧꦁꦏꦭꦶꦪꦤꦲꦮꦺꦴꦤ꧀ꦱꦲꦺꦤꦶꦥꦸꦤ꧀ꦏꦭꦏꦸꦮꦤ꧀ꦤꦭꦶꦏꦒꦼꦱꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦭꦩ꧀ꦢꦺꦴꦚ꧉ꦪꦺꦤ꧀ꦱꦩ꧀ꦥꦸꦤ꧀ꦩꦏꦠꦼꦤ꧀ꦚꦮꦱꦮꦼꦒꦔ꧀ꦭꦩ꧀ꦥꦃꦲꦶꦤꦶꦠꦶꦱ꧀ꦲꦶꦁꦔꦭꦩ꧀ꦢꦺꦴꦚ꧈ꦲꦶꦁꦒꦶꦃꦥꦸꦤꦶꦏꦠꦸꦩꦶꦩ꧀ꦧꦭ꧀ꦭꦲꦶꦂꦩꦭꦶꦃ꧈ꦠꦸꦩꦿꦥ꧀ꦥꦶꦥꦸꦤ꧀ꦠꦶꦪꦁꦲꦶꦁꦏꦁꦱꦲꦺꦏꦭꦏꦸꦮꦤ꧀ꦤꦶꦥꦸꦤ꧀ꦤꦭꦶꦏꦒꦼꦱꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦁꦔꦭꦩ꧀ꦢꦺꦴꦚ꧈ꦲꦶꦁꦒꦼꦱꦁꦔꦶꦥꦸꦤ꧀ꦩꦭꦶꦃꦲꦶꦁꦒꦶꦃꦩꦁꦒꦶꦃꦱꦏꦺꦕ꧈ꦢꦺꦤꦺꦠꦸꦩꦿꦥ꧀ꦥꦶꦥꦸꦤ꧀ꦠꦶꦪꦁꦲꦶꦁꦏꦁꦲꦮꦺꦴꦤ꧀ꦏꦭꦏꦸꦮꦤ꧀ꦤ꧀ꦤꦶꦥꦸꦤ꧀꧈ꦲꦶꦁꦒꦼꦱꦁꦔꦶꦥꦸꦤ꧀ꦩꦭꦶꦃꦲꦶꦁꦒꦶꦃꦧꦺꦴꦠꦼꦤ꧀ꦱꦏꦺꦕ꧈ꦠꦶꦪꦁꦲꦶꦁꦏꦁꦲꦮꦺꦴꦤ꧀ꦏꦭꦏꦸꦮꦤ꧀ꦤꦶꦥꦸꦤ꧀ꦮꦲꦸꦩꦤꦮꦶꦲꦶꦁꦒꦼꦱꦁꦔꦶꦥꦸꦤ꧀ꦩꦭꦶꦃꦩꦼꦏ꧀ꦱꦧꦺꦴꦠꦼꦤ꧀ꦱꦒꦼꦢ꧀ꦩꦤ꧀ꦤ꧀ꦤꦶꦏꦭꦏꦸꦮꦤ꧀ꦤꦶꦥꦸꦤ꧀꧈ꦲꦶꦁꦠꦸꦩꦶꦩ꧀ꦧꦭ꧀ꦭꦶꦥꦸꦤ꧀ꦭꦲꦶꦂꦫꦩ꧀ꦧꦃꦫꦩ꧀ꦧꦃꦲꦶꦁꦒꦶꦃꦱꦪꦱꦸꦢꦲꦗꦶꦤꦶꦁꦏꦩꦤꦸꦁꦱꦤ꧀ꦤꦶꦥꦸꦤ꧀꧈ꦔꦤ꧀ꦠꦺꦴꦱ꧀ꦱꦒꦼꦢ꧀ꦤꦶꦠꦶꦱ꧀ꦲꦸꦠꦮꦶꦤꦸꦏ꧀ꦩꦣꦠꦼꦁꦏꦏꦗꦼꦁꦔꦤ꧀ꦲꦸꦠꦮꦶꦱꦺꦭ꧉
49 ]꧋ꦢꦺꦤꦺꦲꦶꦁꦏꦁꦲꦶꦁꦠꦸꦩꦶꦩ꧀ꦧꦭ꧀ꦭꦶꦥꦸꦤ꧀ꦭꦲꦶꦂꦫꦩ꧀ꦧꦃꦫꦩ꧀ꦧꦃꦱꦒꦼꦢ꧀ꦱꦪꦩꦶꦟ꧀ꦝꦏ꧀ꦩꦶꦟ꧀ꦝꦏ꧀ꦏꦱꦲꦺꦤꦤ꧀ꦤꦶꦥꦸꦤ꧀ ꦲꦶꦁꦒꦶꦃꦱꦒꦼꦢ꧀ꦱꦪꦭꦸꦲꦸꦂꦏꦢꦢꦺꦴꦱ꧀ꦱꦤ꧀ꦤꦶꦥꦸꦤ꧀ ꦲꦶꦁꦮꦼꦏꦱ꧀ꦱꦤ꧀ꦲꦶꦁꦏꦁꦭꦸꦲꦸꦂꦥꦶꦪꦩ꧀ꦧꦏ꧀ꦲꦶꦁꦥꦼꦗꦃꦲꦶꦥꦸꦤ꧀ꦱꦒꦼꦢ꧀ꦲꦤꦸꦁꦒꦶꦭ꧀ꦏꦭꦶꦪꦤ꧀ꦨꦿꦃꦩꦲꦶꦁꦏꦁꦭꦶꦤꦸꦲꦸꦂ꧈ꦲꦶꦁꦏꦁꦤꦩꦸꦁꦱꦒꦼꦢ꧀ꦒꦶꦤꦪꦸꦃꦢꦺꦤꦶꦁꦱꦩ꧀ꦥꦸꦂꦟꦤꦶꦁꦏꦮꦿꦸꦃꦏꦱꦩ꧀ꦥꦸꦂꦟꦤ꧀ ꦩꦤꦮꦶꦱꦩ꧀ꦥꦸꦤ꧀ꦩꦏꦠꦼꦤ꧀ꦭꦁꦒꦼꦁꦲꦶꦁꦏꦢꦢꦺꦴꦱ꧀ꦱꦤ꧀ꦤꦶꦥꦸꦤ꧀ ꦧꦺꦴꦠꦼꦤ꧀ꦩꦮꦶꦠꦸꦩꦶꦩ꧀ꦧꦭ꧀ꦭꦲꦶꦂꦩꦭꦶꦃ꧈ ꦤꦩꦸꦁꦔꦿꦲꦺꦴꦱ꧀ꦱꦏꦼꦤ꧀ꦤꦶꦏ꧀ꦩꦠ꧀ꦭꦤ꧀ꦩꦸꦥꦔꦠ꧀ꦲꦺꦴꦚ꧀ꦕꦠ꧀ꦱꦏꦶꦁꦱꦁꦱꦫ꧈ ꦲꦶꦁꦏꦁꦠꦤ꧀ꦱꦃꦥꦶꦤꦁꦒꦶꦃꦲꦶꦁꦱꦧꦸꦔ꧀ꦤꦧꦼꦠ꧀ꦠꦶꦁꦚꦏꦿꦥꦁꦒꦶꦭꦶꦁꦔꦤ꧀꧈
꧋ꦧꦧ꧀ꦠꦸꦩꦶꦩ꧀ꦧꦭ꧀ꦭꦲꦶꦂꦫꦩ꧀ꦧꦃꦫꦩ꧀ꦧꦃꦥꦸꦤꦶꦏꦔꦺꦴꦪꦺꦴꦢ꧀ꦢꦶꦥꦸꦤ꧀ꦲꦶꦁꦏꦥꦿꦕꦪꦤ꧀ꦤꦶꦁꦠꦶꦠꦶꦪꦁꦲꦶꦟ꧀ꦝꦸꦱꦩ꧀ꦥꦸꦤ꧀ꦮꦶꦮꦶꦠ꧀ꦏꦭꦗꦩꦤ꧀ꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦨꦿꦃꦩꦏꦶꦤ꧈ ꦲꦔꦗꦼꦁꦔꦏꦼꦤ꧀ꦧꦧꦂꦫꦶꦥꦸꦤ꧀ꦲꦒꦩꦶꦲꦶꦟ꧀ꦝꦸꦔꦤ꧀ꦠꦺꦴꦱ꧀ꦠꦸꦩꦸꦭꦂꦣꦠꦼꦁꦠꦶꦪꦁꦲꦶꦁꦏꦁꦲꦒꦩꦶꦧꦸꦢ꧀ꦝ꧈ꦱꦤꦢꦾꦤ꧀ꦲꦒꦩꦶꦨꦸꦢ꧀ꦝꦩꦸꦏꦶꦂꦣꦠꦼꦁꦧꦧ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦚꦮꦮꦲꦸ꧉ ꦥꦿꦩꦶꦭꦥꦶꦮꦸꦭꦁꦔꦶꦥꦸꦤ꧀ꦫꦒꦶꦢꦶꦥꦸꦤ꧀ꦲꦺꦮꦃꦲꦶ꧉
꧋ꦏꦗꦮꦶꦏꦥꦿꦕꦪꦤ꧀ꦤꦶꦥꦸꦤ꧀ꦝꦠꦼꦁꦲꦶꦁꦧꦧ꧀ꦠꦸꦩꦶꦩ꧀ꦧꦭ꧀ꦭꦲꦶꦂꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦏꦁꦩꦒꦼꦥꦺꦴꦏ꧀ꦏꦤ꧀ꦝꦠꦼꦁꦧꦧ꧀ꦠꦸꦩꦶꦩ꧀ꦧꦭ꧀ꦭꦲꦶꦂꦮꦲꦸ꧈ ꦠꦶꦠꦶꦪꦁꦲꦒꦩꦶꦲꦶꦟ꧀ꦝꦸꦲꦶꦁꦒꦶꦃꦥꦿꦕꦪꦣꦠꦼꦁꦕꦟ꧀ꦝꦶꦕꦟ꧀ꦝꦶꦥꦠꦶꦭꦱ꧀ꦱꦤ꧀ꦤꦶꦁꦭꦸꦭꦸꦲꦸꦂꦫꦶꦥꦸꦤ꧀ ꦱꦂꦠꦧꦧ꧀ꦏꦮꦺꦴꦤ꧀ꦠꦼꦤ꧀ꦤ
50 ]ꦤꦶꦥꦸꦤ꧀ꦢꦺꦮꦢꦺꦮ꧈ꦱꦢꦺꦴꦢꦺꦴꦔꦺꦁꦔꦤ꧀ꦤꦶꦥꦸꦤ꧀꧈ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦠꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦠꦶꦥꦸꦤ꧀ꦲꦶꦁꦏꦁꦱꦩꦶꦏꦲꦁꦒꦼꦥ꧀ꦱꦸꦕꦶ꧈ꦲꦮꦶꦠ꧀ꦱꦏꦶꦁꦱꦼꦫꦠ꧀ꦮꦺꦢ꧀ꦝꦱꦥꦔꦟ꧀ꦝꦥ꧀꧉ꦩꦼꦁꦒꦃꦏꦥꦿꦕꦪꦤ꧀ꦤꦶꦥꦸꦤ꧀ꦝꦠꦼꦁꦲꦶꦁꦧꦧ꧀ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏ꧈
ꦏꦛꦃꦲꦶꦁꦏꦁꦠꦸꦩꦸꦭꦂꦲꦶꦁꦏꦥꦿꦕꦪꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦨꦸꦢ꧀ꦝ꧉
꧋ꦥꦠꦿꦥ꧀ꦥꦶꦁꦥꦤꦼꦩ꧀ꦧꦃꦮꦼꦣꦂꦫꦶꦁꦏꦥꦿꦕꦪꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦲꦶꦟ꧀ꦝꦸ꧈ꦏꦠꦶꦤ꧀ꦢꦏ꧀ꦏꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦒꦿꦶꦪ꧈ꦗꦶꦪꦫꦃꦣꦠꦼꦁꦲꦶꦁꦕꦟ꧀ꦝꦶꦕꦟ꧀ꦝꦶꦠꦸꦮꦶꦤ꧀ꦉꦕꦉꦕ꧈ꦱꦂꦠꦤꦸꦤꦸꦮꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸ꧈ꦲꦤꦼꦩ꧀ꦧꦃꦉꦕꦉꦕꦥꦼꦥꦼꦛꦤ꧀ꦤꦶꦁꦥꦫꦢꦺꦮ꧈
ꦱꦫꦤꦲꦱꦱꦗꦶꦱꦼꦏꦂꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦮꦶꦭꦸꦗꦼꦁꦔꦤ꧀ꦱꦂꦠꦏꦫꦩꦺꦪꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦲꦒꦩꦶꦤꦶꦥꦸꦤ꧀꧉ꦮꦶꦭꦸꦗꦼꦁꦔꦤ꧀ꦲꦒꦼꦁꦏꦢꦺꦴꦱ꧀ꦲꦶꦁꦏꦁꦠꦸꦩꦶꦤ꧀ꦢꦏ꧀ꦲꦶꦁꦗꦩꦤ꧀ꦮꦺꦣꦶꦱꦂꦠꦗꦩꦤ꧀ꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦨꦿꦃꦩꦲꦶꦁꦏꦶꦤꦤꦶꦥꦸꦤ꧀꧈ꦭꦩꦶꦭꦩꦶꦱꦪꦲꦶꦕꦭ꧀ꦥꦤ꧀ꦢꦩꦼꦭ꧀ꦲꦶꦁꦧꦧ꧀ꦏꦢꦂꦩꦤ꧀ꦱꦂꦠꦏꦩꦸꦂꦱꦶꦢ꧀ꦢꦤ꧀꧈ꦏꦢꦺꦴꦱ꧀ꦠ꧇
ꦱꦶꦣꦼꦏꦃꦲꦶꦁꦏꦁꦮꦂꦟꦶꦠꦼꦠꦼꦣꦤ꧀ꦝꦠꦼꦁꦥꦫꦥꦼꦏꦶꦂꦩꦶꦱ꧀ꦏꦶꦤ꧀꧈ꦲꦱꦸꦁꦥꦱꦶꦠꦺꦤ꧀ꦝꦠꦺꦁꦥꦫꦨꦿꦃꦩꦤ꧈ꦲꦔꦢꦺꦒ꧀ꦒꦏꦼꦤ꧀ꦥꦱꦼꦁꦏꦼꦂꦫꦤ꧀꧈ꦥꦸꦥꦸꦟ꧀ꦝꦺꦤ꧀꧈ꦥꦱꦸꦕꦺꦤ꧀꧈ꦒꦿꦶꦪꦥꦔꦸꦥꦏꦫꦤꦶꦥꦸꦤ꧀ꦠꦶꦠꦶꦪꦁꦱꦏꦶꦠ꧀꧈ꦲꦢꦩꦼꦭ꧀ꦧꦭꦸꦩ꧀ꦧꦁ꧈
51 ]ꦠꦸꦮꦶꦤ꧀ꦱꦥꦤꦸꦁꦒꦶꦭꦤꦶꦥꦸꦤꦶꦁꦏꦔꦢꦩꦺꦭ꧀ꦏꦩꦪꦫꦤꦶꦥꦸꦤ꧀ꦥꦫꦩꦶꦱ꧀ꦏꦶꦤ꧀꧈ꦏꦺꦥꦠꦸꦃꦏꦲꦁꦒꦺꦲꦼꦥ꧀ꦭꦶꦤꦁꦏꦸꦁ꧉
꧋ꦢꦺꦮꦻꦁꦏꦁꦏꦤꦲꦁꦒꦼꦥ꧀ꦭꦶꦤꦁꦏꦸꦁꦩꦁꦏꦥꦔꦗꦼꦁꦩꦼꦁꦒꦃꦲꦶꦔꦒꦩꦶꦲꦶꦤ꧀ꦝꦸꦲꦶꦔꦶꦤ꧀ꦢꦶꦲꦮꦶꦮꦶꦠ꧀ꦏꦭꦻꦔꦧꦢꦶꦁꦏꦁꦠꦺꦔꦲꦤ꧀꧈ꦥꦸꦤꦶꦭꦱꦶꦮꦃꦏꦭꦶꦲꦤ꧀ꦢꦗꦺꦴꦝꦺꦴꦤꦶꦥꦸꦤ꧀꧇ꦣꦸꦂꦒ꧈ꦮꦶꦱ꧀ꦤꦸꦲꦏꦭꦶꦲꦔꦂꦮꦤꦶꦥꦸꦤ꧀꧇ꦱꦿꦲꦶ꧈ꦧꦿꦃꦩꦻꦁꦏꦁꦤꦶꦠꦲꦏꦼꦤ꧀꧈ꦒꦤꦼꦱ꧀ꦲ꧈ꦱꦫꦱ꧀ꦮꦠꦶ꧈ꦢꦺꦮꦤꦶꦁꦱꦽꦔꦺꦔꦺ꧈ꦱꦼꦏꦤ꧀ꦝꦃꦢꦺꦮꦤꦶꦁꦥꦥꦿꦔꦤ꧀꧈ꦱꦫꦱ꧀ꦮꦠꦶ꧈ꦢꦺꦮꦩꦤꦶꦁꦏꦮꦶꦕꦏ꧀ꦱꦤꦤ꧀ꦠꦸꦮꦶꦤ꧀ꦥꦩꦶꦕꦫ꧉ꦢꦺꦤꦺꦢꦺꦮꦻꦁꦏꦁꦭꦶꦩꦿꦃ꧈ꦤꦔꦶꦁꦏꦼꦂꦲꦼꦥ꧀ꦏꦱꦫꦩ꧀ꦧꦲꦶꦁꦕꦫꦶꦪꦺꦴꦱ꧀꧈ꦥꦸꦤꦶꦏꦢꦺꦮꦤꦶꦁꦥꦩꦶꦭꦸꦠ꧇ꦏꦩ(ꦏꦩꦢꦺꦮ)ꦱꦂꦠꦱꦶꦱꦶꦲꦤꦶꦥꦸꦤ꧀꧇ꦫꦠꦶ(ꦢꦺꦮꦶꦫꦠꦶꦃ)ꦱꦂꦠꦏꦸꦧꦺꦫꦃ꧈ꦢꦺꦮꦤꦶꦁꦏꦱꦸꦒꦶꦲꦤ꧀꧈ꦥꦸꦤꦥꦢꦺꦤꦺꦩꦭꦶꦃꦢꦺꦮꦻꦁꦏꦁꦱꦏꦼꦭꦁꦏꦸꦁꦏꦶꦤꦼꦫꦶꦔꦤ꧀ꦱꦲꦢꦶꦥꦸꦤꦼꦱ꧀ꦠꦺꦴꦏꦏꦼꦤ꧀ꦢꦺꦤꦶꦁꦠꦶꦠꦶꦪꦁꦲꦶꦤ꧀ꦝꦸꦥꦸꦤꦶꦏ꧇ꦪꦩ꧈ꦲꦸꦠꦮꦶꦝꦂꦩ꧈ꦢꦺꦮꦤꦶꦁꦥꦼꦗꦃꦱꦂꦠꦏꦲꦢꦶꦭꦤ꧀꧉ꦢꦺꦤꦺꦢꦺꦮꦢꦺꦮꦱꦤꦼꦱꦶꦥꦸꦤ꧀꧈ꦏꦢꦺꦴꦱ꧀ꦠ꧇ꦲꦼꦤ꧀ꦢꦿ꧈ꦫꦠꦸꦤꦶꦁꦥꦫꦢꦺꦮ꧈ꦱꦂꦠꦢꦺꦮꦤꦶꦁꦗꦮꦃ꧈ꦲꦒ꧀ꦤꦶ꧈ꦢꦺꦮꦤꦶꦁꦧꦿꦩ꧈ꦲꦶꦁꦏꦁꦏꦭꦻꦁꦗꦩꦤ꧀ꦮꦼꦝꦶꦢꦢꦺꦴꦱ꧀ꦥꦔꦗꦼꦔꦶꦁꦏꦥꦼꦂꦕꦪꦤ꧀꧉ꦮꦺꦴꦤ꧀ꦠꦼꦤꦶꦥꦸꦤꦶꦁꦗꦩꦤꦒꦩꦶꦲꦶꦤ꧀ꦝꦸꦲꦶꦁꦏꦁꦏꦤ꧀ꦠꦸꦤ꧀ꦏꦤ꧀ꦠꦸꦤꦩꦸꦁꦏꦲꦁꦒꦼꦥ꧀ꦢꦺꦮꦲꦤ꧀ꦝꦥ꧀꧈
52 ]ꦲꦺꦮꦢꦺꦤꦺꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦕꦫꦶꦪꦺꦴꦱ꧀ꦧꦧ꧀ꦏꦢꦺꦮꦤ꧀ꦢꦸꦩꦸꦒꦶꦤꦶꦥꦸꦤ꧀ꦲꦶꦁꦗꦩꦤ꧀ꦲꦶꦁꦏꦁꦏꦤ꧀ꦠꦸꦤ꧀ꦲꦺꦟ꧀ꦢꦿꦥꦸꦤꦶꦏꦠꦼꦏ꧀ꦱꦶꦃꦊꦱ꧀ꦠꦤ꧀ꦠꦸꦤ꧀ꦩꦶꦤꦺꦴꦁꦏꦉꦉꦁꦒꦤ꧀ꦢꦢꦺꦴꦱ꧀ꦥꦔꦒꦼꦁꦔꦶꦁꦏꦢꦺꦮꦠꦤ꧀꧈
꧋ꦏꦗꦮꦶꦥꦫꦢꦺꦮꦭꦸꦲꦸꦂꦠꦸꦮꦶꦤ꧀ꦢꦺꦮꦲꦟ꧀ꦝꦥ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦕꦶꦕꦿꦶꦪꦺꦴꦱ꧀ꦱꦤ꧀ꦧꦧ꧀ꦏꦤꦺꦮꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦲꦶꦁꦏꦁꦮꦶꦤꦱ꧀ꦠꦤ꧀ꦗꦩꦤ꧀ꦥꦸꦂꦮ꧈ꦏꦤ꧀ꦢꦼꦭ꧀ꦠꦶꦥꦶꦱ꧀ꦱꦸꦩꦼꦧꦂꦏꦭꦶꦩꦿꦃꦣꦠꦼꦁꦧꦺꦴꦁꦱꦮꦂꦟꦶꦮꦂꦟꦶꦲꦶꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪ꧈ꦠꦺꦴꦟ꧀ꦝꦱꦏ꧀ꦱꦶꦤꦶꦥꦸꦤ꧀ꦥꦼꦥꦼꦛꦤ꧀ꦤꦶꦁꦥꦼꦏ꧀ꦱꦶꦒꦫꦸꦣ꧈ꦲꦶꦁꦏꦁꦩꦶꦤꦺꦴꦁꦏꦠꦸꦠꦸꦩ꧀ꦥꦏ꧀ꦏꦤ꧀ꦤꦶꦥꦸꦤ꧀ꦧꦛꦫꦮꦶꦱ꧀ꦤꦸ꧈ꦥꦶꦤꦶꦟ꧀ꦝꦒꦼꦭꦥ꧀ꦔꦩ꧀ꦥꦂꦲꦶꦁꦔꦮꦶꦪꦠ꧀ꦲꦶꦁꦏꦭꦗꦩꦤ꧀ꦏꦶꦤꦤꦶꦥꦸꦤ꧀ꦲꦶꦔꦗꦶꦲꦗꦶꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧈
ꦏꦢꦺꦴꦱ꧀ꦲꦶꦁꦏꦁꦠꦼꦏ꧀ꦱꦶꦃꦏꦭꦩ꧀ꦥꦃꦲꦶꦁꦨꦭꦶ꧉ꦩꦏꦠꦼꦤ꧀ꦩꦭꦶꦃꦠꦶꦠꦶꦪꦁꦧꦺꦴꦁꦱꦩꦭꦪꦸꦲꦶꦁꦒꦶꦃꦧꦺꦴꦠꦼꦤ꧀ꦏꦶꦫꦁꦥꦺꦥꦺꦔꦼꦠ꧀ꦠꦶꦤ꧀ꦤꦶꦥꦸꦤ꧀ꦝꦠꦼꦁꦥꦼꦏ꧀ꦱꦶꦲꦶꦁꦏꦁꦩꦶꦤꦸꦭ꧀ꦚꦱꦂꦠꦭꦶꦤꦸꦲꦸꦂꦫꦏꦼꦤ꧀ꦮꦲꦸ꧉
ꦱꦭꦃꦱꦠꦸꦁꦒꦶꦭ꧀ꦭꦶꦁꦲꦸꦥꦕꦫꦤꦶꦥꦸꦤ꧀ꦫꦠꦸꦲꦶꦁꦩꦓꦸꦮ꧈ꦲꦶꦁꦗꦩꦤ꧀ꦱꦥꦸꦤꦶꦏꦏꦺꦩꦮꦺꦴꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦏꦤꦩꦏ꧀ꦲꦏꦼꦤ꧀ꦒꦫꦸꦣ꧉ꦥꦶꦪꦤ꧀ꦢꦼꦭ꧀ꦭꦶꦥꦸꦤ꧀ꦝꦠꦼꦁꦤꦒ꧈ꦲꦶꦁꦒꦶꦃꦥꦸꦤꦶꦏꦥꦼꦥꦼꦛꦤ꧀ꦤꦶꦁꦩꦼꦟ꧀ꦝꦸꦁꦲꦶꦁꦏꦁꦩꦲꦸꦗꦸꦢ꧀ꦱꦮꦼꦂ꧈ꦱꦂꦠꦲꦶꦁꦔꦗꦶꦲꦗꦶꦏꦲꦁꦒꦼꦥ꧀ꦲꦶꦁ
53 ]ꦏꦁꦲꦩ꧀ꦧꦲꦸꦉꦏ꧀ꦱꦠꦺꦴꦪ꧈ꦩꦫꦠꦃꦲꦶꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪ꧈ꦔꦤ꧀ꦠꦺꦴꦱ꧀ꦢꦸꦩꦸꦒꦶꦲꦶꦁꦲꦭ꧀ꦩꦲꦺꦫꦃ꧉ꦩꦏꦠꦼꦤ꧀ꦩꦭꦶꦃꦩꦤꦮꦶꦒꦿꦲꦤꦮꦸꦭꦤ꧀ꦲꦸꦠꦮꦶꦱꦽꦔꦺꦔꦺ꧈ꦏꦲꦁꦒꦼꦥ꧀ꦧꦶꦭꦶꦃꦮꦸꦭꦤ꧀ꦲꦸꦠꦮꦶꦱꦽꦔꦺꦔꦺꦮꦲꦸꦏꦕꦥ꧀ꦭꦺꦴꦏ꧀ꦢꦺꦤꦶꦁꦢꦤꦮꦲꦶꦁꦏꦁꦲꦤꦩ꧇ꦫꦲꦸ꧈ꦥꦸꦤꦶꦏꦲꦶꦁꦒꦶꦃꦩꦫꦠꦃꦢꦢꦺꦴꦱ꧀ꦒꦸꦒꦺꦴꦤ꧀ꦠꦸꦲꦺꦴꦤ꧀ꦤꦶꦥꦸꦤ꧀ꦠꦶꦠꦶꦪꦁꦣꦪꦏ꧀ꦧꦡꦏ꧀ꦩꦭꦪꦸꦱꦂꦠꦠꦶꦠꦶ
ꦪꦁꦲꦶꦁꦦꦶꦭꦶꦥ꧀ꦥꦺꦆꦤꦼꦤ꧀ꦒꦺꦱꦺꦃꦲꦶꦥꦸꦤ꧀ꦏꦭꦶꦪꦤ꧀ꦲꦶꦁꦠꦤꦃꦗꦮꦶꦭꦤ꧀ꦨꦭꦶꦩꦼꦁꦒꦃꦲꦶꦁꦏꦥꦿꦕꦪꦤ꧀ꦤꦩꦸꦁꦱꦮꦠꦮꦶꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦏꦤ꧀ꦢꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦠꦶꦥꦶꦱ꧀ꦤꦔꦶꦁꦮꦺꦴꦱ꧀ꦱꦶꦥꦸꦤ꧀ꦱꦩꦶꦏꦺꦩꦮꦺꦴꦤ꧀꧈
꧋ꦏꦗꦮꦶꦲꦶꦁꦏꦁꦱꦩ꧀ꦥꦸꦤ꧀ꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦭꦶꦤ꧀ꦠꦁꦭꦶꦤ꧀ꦠꦁ(ꦏꦊꦧꦼꦠ꧀ꦱꦽꦔꦺꦔꦺꦏꦭꦶꦪꦤ꧀ꦉꦩ꧀ꦧꦸꦭꦤ꧀)ꦲꦶꦁꦒꦶꦃꦲꦶꦁꦔꦗꦶꦲꦗꦶ꧈ꦩꦭꦃꦤꦩꦤꦶꦁꦢꦶꦤ꧀ꦠꦼꦤ꧀ꦲꦸꦒꦶꦩꦼꦟ꧀ꦝꦼꦠ꧀ꦱꦏꦶꦁꦤꦩꦤꦶꦁꦭꦶꦤ꧀ꦠꦁꦭꦶꦤ꧀ꦠꦁꦮꦲꦸ꧉
꧋ꦮꦺꦴꦤ꧀ꦠꦼꦤ꧀ꦤꦶꦁꦮꦶꦢꦢꦫ(Widjadhara)ꦲꦺꦱ꧀ꦠꦿꦶꦤꦶꦥꦸꦤ꧀꧇ꦮꦶꦢꦢꦫꦶ (Widjadhari) ꦱꦂꦠꦓꦤ꧀ꦢꦂꦮ꧈ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦏꦲꦁꦒꦼꦥ꧀ꦢꦺꦮꦭꦤ꧀ꦢꦺꦮꦶꦤꦶꦁꦭꦔꦶꦠ꧀ꦠꦸꦩꦿꦥ꧀ꦥꦶꦥꦸꦤ꧀ꦲꦶꦁꦢꦺꦴꦢꦺꦴꦔꦺꦁ
ꦔꦚ꧀ꦗꦮꦶꦭꦤ꧀ꦨꦭꦶ꧈ꦥꦸꦤꦥꦩꦭꦶꦃꦲꦶꦁꦒꦸꦒꦺꦴꦤ꧀ꦠꦸꦲꦺꦴꦤ꧀ꦤꦶꦥꦸꦤ꧀
ꦢꦢꦺꦴꦱ꧀ꦥꦺꦴꦏꦺꦴꦏ꧀ꦏꦶꦁꦗꦼꦗꦼꦂ꧉ꦩꦏꦠꦼꦤ꧀ꦩꦭꦶꦃꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦫ
54 ]ꦏ꧀ꦱꦠꦸꦮꦶꦤ꧀ꦢꦤꦮꦏꦼꦉꦥ꧀ꦏꦱꦫꦩ꧀ꦧꦃꦏꦕꦫꦶꦪꦺꦴꦱ꧀ꦱꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦠꦶꦥꦸꦤ꧀ꦧꦺꦴꦁꦱꦩꦭꦪꦸ꧉
꧋ꦲꦒꦩꦶꦲꦶꦟ꧀ꦝꦸꦥꦸꦤꦶꦏꦠꦸꦩꦸꦭꦂꦫꦶꦥꦸꦤ꧀ꦝꦠꦼꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦠꦩ꧀ꦠꦸꦱꦩ꧀ꦥꦸꦤ꧀ꦮꦶꦮꦶꦠ꧀ꦲꦶꦁꦥꦸꦂꦮꦤꦶꦥꦸꦤ꧀ꦥꦺꦠꦁꦔꦤꦄꦧꦢ꧀ꦮꦭꦤ꧀ꦢꦶ꧈ꦏꦠꦺꦴꦟ꧀ꦝꦠꦶꦪꦁꦭꦭꦤꦧꦺꦴꦁꦱꦕꦶꦟꦲꦶꦁꦏꦁꦲꦤꦩꦦ꦳ꦲꦶꦤ꧀ (Fa Hien) ꦲꦶꦁꦏꦁꦣꦠꦼꦁꦲꦶꦁꦠꦤꦃꦗꦮꦶꦏꦭꦮꦶꦮꦶꦠ꧀ꦠꦶꦥꦸꦤꦄꦧꦢ꧀ꦮꦭꦤ꧀ꦢꦶꦲꦶꦁꦏꦁꦏꦥꦶꦁꦒꦁꦱꦭ꧀ꦲꦶꦁꦮꦶꦁꦏꦶꦁꦧꦣꦺꦏꦕꦫꦶꦪꦺꦴꦱ꧀ꦱꦏꦼꦤ꧀ꦩꦭꦶꦃꦒꦚ꧀ꦕꦂꦫꦶꦥꦸꦤ꧀꧈ꦚꦸꦩꦼꦉꦥ꧀ꦥꦶꦲꦶꦁꦠꦤꦃꦗꦮꦶꦱꦩ꧀ꦥꦸꦤ꧀ꦏꦛꦃꦠꦶꦠꦶꦪꦁꦔꦶꦥꦸꦤ꧀ꦲꦶꦁꦏꦁꦲꦒꦩꦶꦨꦿꦃꦩ꧈ꦥꦸꦤꦥꦩꦭꦶꦃꦩꦶꦫꦶꦢ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦠꦼꦩ꧀ꦧꦸꦁꦱꦁꦤ꧀ꦏꦿꦶꦠ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦏꦶꦭꦺꦤ꧀ꦲꦶꦁꦒꦶꦃꦲꦤꦸꦁꦒꦶꦭ꧀ꦮꦼꦏ꧀ꦠꦸꦏꦭꦶꦪꦤ꧀ꦕꦫꦶꦪꦺꦴꦱ꧀ꦱꦶꦥꦸꦤ꧀ꦦ꦳ꦲꦶꦤ꧀꧈ꦱꦼꦱꦼꦫꦠ꧀ꦠꦤ꧀ꦲꦶꦁꦠꦲꦸꦤ꧀ꦯꦑ꧇ 654 ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦕꦁꦓꦭ꧀ꦲꦶꦁꦥꦫꦺꦱꦶꦣꦺꦤ꧀ꦤꦤ꧀ꦏꦼꦣꦸ꧈ꦥꦸꦤꦶꦏꦲꦶꦁꦏꦁꦏꦶꦤꦥꦶꦪꦩ꧀ꦧꦏ꧀ꦮꦺꦴꦤ꧀ꦠꦼꦤ꧀ꦤꦶꦁꦱꦼꦱꦼꦫꦠ꧀ꦠꦤ꧀ꦠꦶꦠꦶꦭꦂꦫꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦱꦼꦧꦸꦠ꧀ꦫꦠꦸꦲꦶꦁꦤꦒꦫꦶꦔꦿꦶꦏꦸꦲꦱ꧀ꦩꦤꦶꦥꦸꦤ꧀ꦩꦮꦶꦠꦼꦩ꧀ꦧꦸꦁꦱꦁꦱ꧀ꦏꦿꦶꦠ꧀ꦲꦒꦩꦶꦤꦶꦥꦸꦤ꧀ꦯꦶꦮꦃ꧉ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦱꦺꦭꦲꦶꦁꦏꦁꦥꦶꦤꦁꦒꦶꦃꦲꦶꦁꦑꦭꦱ꧀ꦱꦤ꧀ (ꦔꦪꦺꦴꦓꦾ) ꦩꦮꦶꦎꦁꦏꦠꦲꦸꦤ꧀ꦯꦑ꧇ 700꧈ꦱꦼꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦕꦫꦨꦸꦢ꧀ꦝ꧉ꦱꦼꦱꦼꦫꦠ꧀ꦠꦤ꧀ꦏꦏꦭꦶꦃꦮꦲꦸꦩꦤꦮꦶꦏꦠꦶꦠꦶꦏ꧀ꦏ
55 ]ꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦕꦟ꧀ꦝꦶꦕꦟ꧀ꦝꦶꦠꦸꦮꦶꦤ꧀ꦧꦫꦁꦱꦼꦱꦼꦁꦏꦼꦂꦫꦤ꧀ꦤꦶꦁꦲꦒꦩꦶꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦏꦁꦏꦱꦼꦧꦸꦠ꧀ꦠꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦱꦼꦫꦠ꧀ꦠꦤ꧀ꦮꦲꦸ꧈ꦩꦿꦠꦟ꧀ꦝꦤꦶꦩꦤꦮꦶꦲꦒꦩꦶꦲꦶꦟ꧀ꦝꦸꦱꦂꦠꦨꦸꦢ꧀ꦝꦏꦭꦄꦧꦢ꧀ꦲꦶꦁꦏꦁꦏꦥꦶꦁꦮꦺꦴꦭꦸꦱꦩ꧀ꦥꦸꦤ꧀ꦠꦸꦩꦼꦁꦏꦂꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧉ꦥꦱꦏ꧀ꦱꦺꦤ꧀ꦲꦶꦁꦏꦁꦲꦭꦭꦟ꧀ꦝꦼꦱ꧀ꦱꦤ꧀ꦱꦼꦱꦼꦫꦠ꧀ꦠꦤ꧀ꦗꦗꦮꦶꦏꦶꦤꦲꦶꦁꦏꦁꦢꦸꦩꦸꦤꦸꦁꦲꦶꦁꦱꦺꦭꦱꦺꦭ꧈ꦱꦂꦠꦠꦼꦩ꧀ꦧꦒꦶ꧈ꦩꦏꦠꦼꦤ꧀ꦲꦸꦒꦶꦥꦱꦁꦫꦏꦶꦠ꧀ꦠꦶꦥꦸꦤ꧀ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦪꦪꦱꦤ꧀ꦲꦶꦁꦏꦁꦲꦮꦸꦗꦸꦢ꧀ꦕꦟ꧀ꦝꦶꦠꦸꦮꦶꦤ꧀ꦉꦕꦉꦕ꧈ꦲꦸꦒꦶꦤꦺꦭꦏ꧀ꦲꦏꦼꦤ꧀ꦪꦺꦤ꧀ꦮꦺꦴꦤ꧀ꦠꦼꦤ꧀ꦤꦶꦁꦪꦪꦱꦤ꧀ꦲꦶꦟ꧀ꦝꦸꦱꦮꦼꦒ꧀ꦲꦶꦁꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦠꦲꦸꦤ꧀ꦯꦑ꧇800ꦢꦸꦩꦸꦒꦶꦄꦧꦢ꧀ꦲꦶꦁꦏꦁꦏꦥꦶꦁ 15꧈ꦤꦭꦶꦏꦮꦶꦮꦶꦠ꧀ꦒꦸꦩꦤ꧀ꦠꦺꦴꦱ꧀ꦱꦶꦥꦸꦤ꧀ꦲꦒꦩꦶꦆꦱ꧀ꦭꦩ꧀꧈
꧋ꦲꦶꦁꦥꦸꦭꦺꦴꦨꦭꦶꦲꦒꦩꦶꦲꦶꦟ꧀ꦝꦸꦠꦼꦏ꧀ꦱꦶꦃꦏꦲꦺꦱ꧀ꦠꦺꦴꦏ꧀ꦲꦏꦼꦤ꧀ꦢꦸꦩꦸꦒꦶꦱꦥꦿꦶꦏꦶ꧉ꦢꦺꦤꦺꦲꦶꦁꦥꦸꦭꦺꦴꦥꦸꦭꦺꦴꦱꦤꦺꦱ꧀ꦱꦶꦥꦸꦤ꧀ꦲꦶꦁꦒꦶꦃꦧꦺꦴꦠꦼꦤ꧀ꦏꦶꦏꦶꦫꦁꦔꦤ꧀ꦠꦺꦴꦟ꧀ꦝꦱꦏ꧀ꦱꦶꦲꦶꦁꦏꦁꦚꦠꦪꦺꦤ꧀ꦕꦶꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦥꦸꦭꦺꦴꦥꦸꦭꦺꦴꦮꦲꦸꦲꦶꦁꦏꦁꦩꦒꦼꦥꦺꦴꦏ꧀ꦏꦤ꧀ꦲꦒꦩꦶꦤꦶꦥꦸꦤ꧀ꦲꦶꦁꦒꦶꦃꦩꦼꦏ꧀ꦱꦏꦩꦏ꧀ꦱꦸꦢ꧀ꦢꦤ꧀ꦲꦒꦩꦶꦲꦶꦟ꧀ꦝꦸꦠꦸꦮꦶꦤ꧀ꦨꦸꦢ꧀ꦝ꧈ꦱꦪꦕꦼꦛꦩꦭꦶꦃꦠꦶꦠꦶꦪꦁꦨꦠꦏ꧀ꦲꦩꦼꦛꦶꦏ꧀ꦥꦼꦥꦼꦛꦤ꧀ꦠꦸꦮꦶꦤ꧀ꦉꦉꦁꦒꦤ꧀ꦱꦏꦶꦁꦕꦫꦶꦪꦺꦴꦱ꧀ꦏꦢꦺꦮꦤ꧀ꦲꦶꦟ꧀ꦝꦸ꧉ꦱꦼꦱꦼꦫꦠ꧀ꦠꦤ꧀ꦠꦼꦩ꧀ꦧꦸꦁꦱꦁꦱ꧀ꦏꦿꦶꦠ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁ
56 ]ꦏꦸꦡꦺ (ꦨꦺꦴꦂꦤꦺꦪꦺꦴ) ꦠꦸꦮꦶꦤ꧀ꦠꦼꦔꦼꦂꦠꦼꦔꦼꦂꦥꦠꦶꦭꦱ꧀ꦱꦤ꧀ꦤꦶꦁꦠꦶꦠꦶꦪꦁꦁꦲꦶꦤ꧀ꦝꦸꦲꦶꦁꦨꦺꦴꦂꦤꦺꦪꦺꦴꦏꦶꦭꦺꦤ꧀꧈ꦢꦢꦺꦴꦱ꧀ꦠꦤ꧀ꦝꦱꦏ꧀ꦱꦶꦲꦸꦒꦶꦪꦺꦤ꧀ꦲꦶꦁꦔꦿꦶꦏꦸꦏꦩꦏ꧀ꦱꦸꦢ꧀ꦢꦤ꧀ꦥꦼꦚ꧀ꦕꦂꦫꦶꦁꦲꦒꦩꦶꦲꦶꦤ꧀ꦝꦸꦔꦤ꧀ꦠꦺꦴꦱ꧀ꦱꦮꦠꦮꦶꦱ꧀ꦤꦫꦩ꧀ꦧꦃꦲꦶꦣꦠꦼꦁꦱꦼꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦔꦶꦁꦁꦏꦸꦢꦸꦩꦸꦒꦶꦲꦶꦁꦰꦺꦭꦺꦧꦼꦱ꧀ꦠꦸꦮꦶꦤ꧀ꦦꦶꦭꦶꦥ꧀ꦥꦺꦆꦤꦼꦤ꧀꧈
꧋ꦩꦼꦁꦒꦃꦲꦒꦩꦶꦤꦶꦥꦸꦤ꧀ꦏꦶꦤꦠꦶꦠꦶꦪꦁꦲꦶꦁꦏꦥꦸꦭꦺꦴꦮꦤ꧀ꦮꦲꦸ꧈ꦲꦶꦁꦏꦁꦏꦠꦸꦠ꧀ꦩꦏ꧀ꦱꦸꦢ꧀ꦝꦠꦼꦁꦲꦒꦩꦶꦲꦶꦤ꧀ꦝꦸꦲꦶꦁꦱꦊꦧꦼꦠ꧀ꦠꦶꦁꦥꦼꦚ꧀ꦕꦂꦫꦶꦥꦸꦤ꧀ ꦥꦸꦤꦶꦏꦱꦉꦩ꧀ꦥꦶꦭ꧀ꦭꦤ꧀ꦤꦶꦁꦲꦒꦩꦶꦥꦸꦤꦥ꧈ꦢꦺꦫꦺꦁꦏꦺꦔꦶꦁꦏꦠꦩ꧀ꦠꦺꦴꦏ꧀ꦲꦏꦼꦤ꧀ꦏꦭꦶꦲꦤ꧀ꦚꦠ꧉
ꦮꦺꦴꦤ꧀ꦢꦺꦤꦺꦲꦶꦁꦏꦁꦱꦩ꧀ꦥꦸꦤ꧀ꦠꦺꦠꦺꦭꦏꦱꦸꦩꦼꦉꦥ꧀ꦥꦤ꧀꧈ꦪꦺꦤ꧀ꦲꦒꦩꦶꦤꦶꦥꦸꦤ꧀ꦧꦁꦱꦗꦮꦶꦏꦭꦲꦶꦁꦄꦧꦢ꧀ꦲꦶꦁꦏꦁꦠꦼꦔꦃꦲꦤ꧀꧈ꦧꦺꦴꦠꦼꦤ꧀ꦩꦱ꧀ꦠꦤꦶꦲꦶꦤ꧀ꦝꦹꦲꦸꦠꦮꦶꦨꦸꦢ꧀ꦝ꧈ꦱꦢꦪꦲꦣꦥꦸꦂꦧꦧꦔꦸꦤ꧀ꦤꦤ꧀ꦩꦶꦠꦸꦫꦸꦠ꧀ꦱꦠꦠꦕꦫꦤꦶꦥꦸꦤ꧀ꦲꦶꦁꦲꦶꦟ꧀ꦢꦶꦪ꧉
꧋ꦩꦶꦠꦸꦫꦸꦠ꧀ꦮꦺꦴꦤ꧀ꦠꦼꦤ꧀ꦤꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦕꦟ꧀ꦝꦶꦕꦟ꧀ꦝꦶ꧈
ꦲꦶꦁꦱꦺꦭꦱꦺꦭꦠꦸꦮꦶꦤ꧀ꦠꦶꦠꦶꦭꦂꦫꦤ꧀ꦧꦫꦁꦪꦪꦱꦤ꧀ꦲꦶꦟ꧀ꦝꦸꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈
ꦠꦶꦠꦶꦪꦁꦲꦶꦁꦗꦮꦶꦠꦼꦔꦃꦏꦭꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦲꦶꦟ꧀ꦝꦸꦲꦶꦁꦏꦁꦏꦛꦃꦱꦩꦶꦔꦁꦒꦺꦲꦒꦩꦶꦯꦶꦮꦃ꧈ꦱꦧꦧ꧀ꦮꦺꦴꦤ꧀ꦠꦼꦤ꧀ꦤꦶꦁꦱꦼꦱꦼꦫꦠ꧀ꦠꦤ꧀ꦨꦸꦢ꧀ꦝꦱꦏꦼꦣꦶꦏ꧀ꦱꦔꦼꦠ꧀꧈ꦩꦁꦏꦱꦼꦱꦼꦫꦠ꧀ꦠꦤ꧀ꦯꦶꦮꦃꦭꦁꦏꦸꦁꦏꦛꦃ꧈ꦔꦤ꧀ꦠꦺꦴꦱ꧀ꦏꦢꦺꦴꦱ꧀ꦏꦭꦶꦩꦿꦃꦏꦁꦒꦺꦲꦶꦁꦗꦮꦶꦠꦼ
57 ]ꦔꦃ꧈ꦲꦤꦔꦶꦁꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦨꦸꦢ꧀ꦝꦲꦶꦁꦗꦮꦶꦠꦼꦔꦃꦱꦏꦼꦭꦁꦏꦸꦁꦔꦺꦧꦠ꧀ꦲꦺꦧꦠ꧀ꦠꦏꦼꦤ꧀ꦩꦼꦁꦒꦃꦲꦶꦁꦲꦒꦼꦁꦱꦲꦲꦮꦶꦒ꧀ꦒꦶꦁꦥꦏꦶꦂꦠꦾꦤꦶꦥꦸꦤ꧀ꦔꦤ꧀ꦠꦺꦴꦱ꧀ꦲꦔꦸꦁꦏꦸꦭ꧀ꦭꦶꦕꦟ꧀ꦝꦶꦕꦟ꧀ꦝꦶꦲꦶꦁꦏꦁꦱꦩꦶꦮꦔꦸꦤ꧀ꦤꦶꦥꦸꦤ꧀ꦲꦶꦁꦠꦤꦃꦲꦶꦟ꧀ꦝꦸ꧈ꦏꦢꦺꦴꦱ꧀ꦠ꧇ꦕꦟ꧀ꦝꦶ꧈ꦏꦭꦱ꧀ꦱꦤ꧀ꦕꦟ꧀ꦝꦶꦯꦫꦶ꧈ꦕꦟ꧀ꦝꦶꦨꦫꦧꦸꦣꦸꦂ꧈ꦕꦟ꧀ꦝꦶꦩꦼꦤ꧀ꦢꦸꦠ꧀ꦕꦟ꧀ꦝꦶꦰꦺꦮꦸ꧈ꦕꦟ꧀ꦝꦶꦦ꧀ꦭꦲꦺꦴꦱ꧀ꦱꦤ꧀ꦥꦸꦤꦶꦏꦱꦢꦪꦏꦗꦮꦶꦲꦶꦁꦏꦁꦲꦭꦶꦠ꧀ꦲꦭꦶꦠ꧀ꦧꦺꦴꦠꦼꦤ꧀ꦏꦱꦼꦧꦸꦠ꧀ꦠꦏꦼꦤ꧀ꦱꦩꦶꦕꦟ꧀ꦝꦶꦨꦸꦢ꧀ꦝ꧉ꦩꦏꦠꦼꦤ꧀ꦩꦭꦶꦃꦕꦟ꧀ꦝꦶꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦯꦶꦮꦃꦲꦶꦁꦦꦿꦩ꧀ꦧꦤ꧀ꦤꦤ꧀ꦲꦶꦁꦒꦶꦃꦧꦺꦴꦠꦼꦤ꧀ꦏꦶꦫꦁꦲꦮꦶꦒ꧀ꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦧꦺꦴꦠꦼꦤ꧀ꦏꦶꦫꦁꦲꦒꦼꦁ꧈ꦏꦛꦃꦲꦸꦥꦉꦁꦒꦤꦶꦥꦸꦤ꧀ꦏꦺꦔꦶꦁꦏꦠꦼꦩ꧀ꦧꦸꦁꦔꦏꦼꦤ꧀ꦩꦺꦴꦁꦏꦠꦶꦠꦶꦩ꧀ꦧꦁꦔꦤ꧀ꦤꦶꦥꦸꦤ꧀ꦕꦟ꧀ꦝꦶꦨꦸꦢ꧀ꦝꦨꦫꦨꦸꦣꦸꦂ꧉ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦕꦟ꧀ꦝꦶꦕꦟ꧀ꦝꦶꦨꦸꦢ꧀ꦝꦤꦩꦸꦁꦩꦁꦒꦺꦤ꧀ꦲꦶꦁꦗꦮꦶꦠꦼꦔꦃꦲꦶꦁꦏꦁꦱꦶꦱꦶꦃꦏꦶꦢꦸꦭ꧀꧈ꦢꦺꦤꦺꦕꦟ꧀ꦝꦶꦕꦟ꧀ꦝꦶꦯꦶꦮꦃꦱꦸꦩꦼꦧꦂꦲꦶꦁꦱꦠꦭꦠꦃꦲꦶꦁꦗꦮꦶꦠꦼꦔꦃ꧈ꦲꦼꦥꦁꦣꦠꦼꦁꦥꦸꦤ꧀ꦢꦶꦥꦸꦤ꧀ꦢꦶ꧉ꦱꦤꦢꦾꦤ꧀ꦕꦟ꧀ꦝꦶꦕꦟ꧀ꦝꦶꦮꦲꦸꦲꦶꦁꦏꦁꦏꦛꦃꦱꦩ꧀ꦥꦸꦤ꧀ꦫꦶꦱꦏ꧀ꦱꦁꦲꦼꦠ꧀ꦱꦂꦠꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦺꦔꦶꦁꦏꦥꦟ꧀ꦝꦶꦁꦏꦭꦶꦪꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦱꦧꦧ꧀ꦉꦕꦂꦉꦕꦤꦶꦥꦸꦤ꧀ꦱꦩ꧀ꦥꦸꦤ꧀ꦏꦛꦃꦲꦶꦁꦏꦁꦱꦩꦶꦲꦶꦕꦭ꧀ꦲꦺꦮꦢꦺꦤꦺꦱꦏꦶꦁꦏꦛꦃꦲꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦯꦶꦮꦃꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦠꦼꦔꦃ꧈ꦱꦩ꧀ꦥꦸꦤ꧀ꦠꦺꦠꦺꦭꦱꦔꦼꦠ꧀ꦧꦶꦭꦶꦃꦠꦶꦠꦶ
58 ]ꦪꦁꦗꦮꦶꦲꦶꦁꦏꦁꦲꦒꦩꦶꦲꦶꦟ꧀ꦢꦸꦲꦶꦁꦗꦮꦶꦠꦼꦔꦃꦩꦤꦸꦠ꧀ꦝꦠꦼꦁꦏꦲꦸꦩ꧀ꦯꦶꦮꦃ꧉ꦱꦼꦱꦼꦫꦠꦤ꧀ꦨꦸꦢ꧀ꦝꦤꦩꦸꦁꦥꦶꦤꦁꦒꦶꦃꦱꦏꦼꦣꦶꦏ꧀ꦱꦔꦼꦠ꧀꧈ꦏꦢꦺꦴꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀ꦲꦶꦁꦔꦶꦁꦒꦶꦭ꧀꧈ꦲꦶꦁꦏꦁꦩꦏꦠꦼꦤ꧀ꦮꦲꦸꦥꦸꦤꦥꦮꦺꦴꦤ꧀ꦠꦼꦤ꧀ꦭꦩ꧀ꦥꦃꦩꦼꦩꦼꦁꦱꦃꦲꦤ꧀꧈ꦏꦲꦸꦩ꧀ꦨꦸꦢ꧀ꦝꦲꦏꦭꦶꦪꦤ꧀ꦏꦲꦸꦩ꧀ꦯꦶꦮꦃ꧈
ꦧꦺꦴꦠꦼꦤ꧀ꦥꦶꦱꦤ꧀ꦥꦶꦱꦤ꧀꧈ꦏꦲꦸꦩ꧀ꦏꦏꦭꦶꦃꦮꦲꦸꦱꦩꦶꦫꦸꦏꦸꦤ꧀꧈ꦲꦮꦶꦠ꧀ꦲꦶꦁꦱꦼꦱꦼꦫꦠ꧀ꦠꦤ꧀ꦥꦚꦼꦧꦸꦠ꧀ꦠꦶꦥꦸꦤ꧀ꦝꦠꦼꦁꦨꦸꦢ꧀ꦝꦏꦱꦩꦶꦏꦺꦩꦮꦺꦴꦤ꧀ꦏꦭꦶꦲꦤ꧀ꦝꦠꦼꦁꦯꦶꦮꦃ꧉
꧋ꦧꦧ꧀ꦮꦺꦴꦤ꧀ꦠꦼꦤ꧀ꦤꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦗꦮꦶꦠꦼꦔꦃꦲꦺꦮꦃꦲꦶꦥꦸꦤ꧀ꦮꦶꦮꦶꦠ꧀ꦏꦭꦲꦶꦁꦠꦲꦸꦤ꧀ꦯꦑ꧇ 850ꦲꦶꦁꦠꦲꦸꦤ꧀ꦮꦭꦤ꧀ꦢꦶ꧇ 928꧈ꦮꦶꦮꦶꦠ꧀ꦲꦶꦁꦠꦲꦸꦤ꧀ꦤ꧀ꦥꦸꦤꦶꦏꦮꦲꦸꦮꦺꦴꦤ꧀ꦠꦼꦤ꧀ꦱꦼꦫꦠ꧀ꦠꦤ꧀ꦱꦱ꧀ꦠꦿꦮꦼꦁꦒꦶ꧈ꦱꦂꦠꦱꦱ꧀ꦠꦿꦤꦒꦫꦶ꧈ꦲꦶꦁꦏꦁꦧꦺꦴꦠꦼꦤ꧀ꦩꦮꦶꦠꦼꦩ꧀ꦧꦸꦁꦱꦁꦱ꧀ꦏꦿꦠ꧀ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦏꦲꦁꦒꦼꦥ꧀ꦠꦼꦩ꧀ꦧꦸꦁꦱꦸꦕꦶꦢꦺꦤꦶꦁꦠꦶꦠꦶꦪꦁꦲꦶꦟ꧀ꦝꦸ꧈ꦲꦶꦁꦏꦁꦲꦒꦩꦶꦯꦶꦮꦃꦲꦸꦠꦮꦶꦨꦸꦢ꧀ꦝꦱꦩꦶꦏꦺꦩꦮꦺꦴꦤ꧀ꦥꦔꦁꦒꦼꦥ꧀ꦥꦶꦥꦸꦤ꧀꧈ꦲꦤꦔꦶꦁꦱꦼꦱꦼꦫꦠ꧀ꦠꦤ꧀ꦮꦲꦸꦩꦮꦶꦠꦼꦩ꧀ꦧꦸꦁꦗꦮꦶꦏꦒꦺꦴꦏ꧀ꦱꦁꦱ꧀ꦏꦿꦶꦠ꧀ꦲꦶꦁꦏꦁꦏꦺꦔꦶꦁꦭꦗꦼꦁꦢꦶꦥꦸꦤ꧀ꦮꦱ꧀ꦠꦤꦶꦠꦼꦩ꧀ꦧꦸꦁꦗꦮꦶꦏꦶꦤ꧈ꦲꦮꦶꦠ꧀ꦏꦭꦱꦩꦤ꧀ꦠꦼꦤ꧀ꦭꦗꦼꦁꦏꦭꦶꦩꦿꦃꦲꦶꦥꦸꦤ꧀ꦏꦁꦒꦺꦠꦼꦩ꧀ꦧꦸꦁꦗꦮꦶꦏꦶꦤꦠꦸꦩꦿꦥ꧀ꦲꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦲꦺꦁꦒꦭ꧀ꦠꦼꦏ꧀ꦱꦶꦃꦩꦒꦼꦥꦺꦴꦏ꧀ꦏꦤ꧀ꦏꦲꦸꦩ꧀ꦯꦶꦮꦃ꧉
59 ]ꦮꦺꦴꦤ꧀ꦠꦼꦤ꧀ꦩꦭꦶꦃꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦸꦒꦶꦠꦼꦏ꧀ꦱꦶꦃꦩꦒꦼꦥꦺꦴꦏ꧀ꦏꦤ꧀ꦝꦠꦼꦁꦏꦲꦸꦩ꧀ꦯꦶꦮꦃ꧈ꦲꦤꦔꦶꦁꦠꦠꦤꦶꦁꦥꦶꦠꦼꦩ꧀ꦧꦸꦁꦔꦤ꧀ꦢꦶꦥꦸꦤ꧀ꦮꦭꦶꦏ꧀ꦩꦶꦠꦸꦫꦸꦠ꧀ꦒꦒꦿꦒ꧀ꦲꦺꦁꦒꦭ꧀꧈ꦱꦏꦛꦃꦲꦶꦁꦱꦼꦱꦼꦫꦠ꧀ꦠꦤ꧀ꦮꦲꦸꦲꦶꦁꦏꦁꦲꦁꦒꦸꦩꦸꦤ꧀ꦤꦏꦼꦤ꧀ꦠꦼꦏꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦱꦸꦭꦏ꧀ꦱꦸꦭꦏ꧀ꦏꦶꦥꦸꦤ꧀ꦩꦒꦼꦥꦺꦴꦏ꧀ꦏꦤ꧀ꦲꦒꦩꦶꦨꦸꦢ꧀ꦝ꧈ꦪꦺꦤ꧀ꦲꦤ꧀ꦢꦸꦭꦸꦲꦒꦼꦁꦱꦲꦏꦭꦁꦏꦸꦁꦔꦤ꧀ꦤꦶꦁꦪꦪꦱꦤ꧀ꦨꦸꦢ꧀ꦝ꧈ꦏꦢꦺꦴꦱ꧀ꦠ꧇ꦕꦟ꧀ꦝꦶꦕꦟ꧀ꦝꦶꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦥꦚ꧀ꦕꦺꦤ꧀ꦩꦼꦱ꧀ꦛꦶꦏꦺꦩꦮꦺꦴꦤ꧀ꦏꦮꦿꦸꦃꦲꦒꦩꦶꦨꦸꦢ꧀ꦝꦤꦫꦩ꧀ꦧꦃꦲꦶꦣꦠꦼꦁꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦁꦱꦼꦫꦠ꧀ꦱꦼꦫꦠ꧀
ꦩꦺꦴꦁꦏꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦭꦱ꧀ꦠꦶꦭꦱ꧀ꦱꦶꦥꦸꦤ꧀ꦨꦸꦢ꧀ꦝꦧꦧꦂꦥꦶꦱꦤ꧀
ꦏꦗꦮꦶꦱꦼꦫꦠ꧀ꦱꦼꦫꦠ꧀ꦲꦶꦁꦗꦩꦤ꧀ꦲꦶꦁꦏꦁꦔꦟ꧀ꦝꦥ꧀ꦔꦟ꧀ꦝꦥ꧀ꦲꦶꦁꦏꦁꦲꦱꦭ꧀ꦭꦶꦥꦸꦤ꧀ꦱꦏꦶꦁꦗꦮꦶꦮꦺꦠꦤ꧀꧈
꧋ꦲꦶꦁꦗꦮꦶꦮꦺꦠꦤ꧀ꦏꦭꦗꦩꦤ꧀ꦲꦶꦟ꧀ꦝꦸꦲꦶꦁꦏꦁꦠꦼꦔꦃꦲꦤ꧀ꦏꦗꦮꦶꦏꦭꦗꦩꦤ꧀ꦤꦶꦥꦸꦤ꧀ꦫꦠꦸꦯꦶꦟ꧀ꦝꦺꦴꦏ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦠꦶꦭꦂꦫꦤ꧀ꦤꦶꦥꦸꦤ꧀ꦱꦼꦫꦠ꧀ꦠꦤ꧀ꦱꦧꦏ꧀ꦢꦤꦶꦥꦸꦤ꧀ꦠꦲꦸꦤ꧀ꦯꦑ꧇ 900꧈ ꦲꦸꦠꦮꦶꦠꦲꦸꦤ꧀ꦮꦭꦤ꧀ꦢꦶ꧇ 978 ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃ꧈ꦱꦂꦠꦠꦶꦠꦶꦪꦁꦲꦶꦁꦁꦁꦁꦁꦔꦿꦶꦏꦸꦱꦩꦶꦔꦁꦒꦺꦠꦼꦩ꧀ꦧꦸꦁꦗꦮꦶꦏꦶꦤ꧉ꦩꦶꦫꦶꦢ꧀ꦏꦁꦒꦺꦤꦶꦥꦸꦤ꧀ꦠꦼꦩ꧀ꦧꦸꦁꦗꦮꦶꦏꦶꦤꦲꦶꦁꦗꦮꦶꦠꦼꦔꦃꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦏꦭꦠꦲꦸꦤ꧀ꦯꦑ꧇ 850 ꦔꦤ꧀ꦠꦺꦴꦱ꧀ꦢꦸꦩꦸꦒꦶꦤꦶꦥꦸꦤ꧀ꦲꦶꦁꦗꦮꦶꦮꦺꦠꦤ꧀ꦭꦼꦠ꧀ꦠꦶꦥꦸꦤ꧀ꦏꦶꦫꦁꦭꦁꦏꦸꦁ꧇ 50 ꦠꦲꦸꦤ꧀꧈ꦲꦶꦁꦏꦁꦩꦏ
60 ]ꦠꦼꦤ꧀ꦥꦸꦤꦶꦏꦧꦺꦴꦏ꧀ꦩꦤꦮꦶꦗꦭꦂꦫꦤ꧀ꦱꦏꦶꦁꦧꦣꦺꦱꦶꦂꦟꦤꦶꦁꦥꦶꦲꦤ꧀ꦢꦼꦭ꧀ꦭꦶꦥꦸꦤ꧀ꦠꦶꦠꦶꦪꦁꦲꦶꦁꦗꦮꦶꦠꦼꦔꦃꦣꦠꦼꦁꦲꦒꦩꦶꦨꦸꦢ꧀ꦝ꧈ꦲꦩꦸꦁꦤꦩꦶꦯꦶꦮꦃꦲꦶꦁꦏꦁꦒꦼꦱꦁꦩꦭꦶꦃ꧉
꧋ꦩꦶꦠꦸꦫꦸꦠ꧀ꦲꦶꦁꦠꦶꦠꦶꦥꦩꦿꦶꦏ꧀ꦱꦤꦶꦥꦸꦤ꧀ꦥꦫꦱꦒꦼꦢ꧀ꦠꦼꦥꦁꦔꦶꦥꦸꦤ꧀ꦲꦒꦩꦶꦨꦸꦢ꧀ꦝꦲꦶꦁꦗꦮꦶꦠꦼꦔꦃꦏꦭꦲꦶꦁꦗꦩꦤ꧀ꦏꦶꦤ꧈ꦥꦸꦤꦶꦏꦲꦏꦭꦶꦪꦤ꧀ꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦭꦺꦂꦏꦶꦭꦺꦤ꧀ꦲꦶꦁꦒꦶꦃꦥꦸꦤꦶꦏꦲꦶꦁꦤꦒꦫꦶꦟꦺꦥꦭ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦠꦶꦭꦱ꧀ꦱꦤ꧀ꦨꦸꦢ꧀ꦝꦱꦂꦠꦲꦒꦩꦶꦤꦶꦥꦸꦤ꧀ꦲꦶꦁꦔꦿꦶꦏꦸꦱꦩꦶꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦏꦁꦠꦸꦩꦶꦤ꧀ꦢꦏ꧀ꦲꦶꦁꦗꦮꦶꦠꦼꦔꦃ꧉ꦢꦺꦤꦺꦕꦟ꧀ꦝꦶꦨꦸꦢ꧀ꦝꦲꦶꦁꦨꦫꦧꦸꦣꦸꦂꦥꦸꦤꦶꦏꦩꦼꦁꦒꦃꦲꦶꦁꦮꦸꦗꦸꦢ꧀ꦱꦂꦠꦮꦔꦸꦤ꧀ꦤꦶꦥꦸꦤ꧀ꦲꦔꦼꦥ꧀ꦭꦼꦏ꧀ꦏꦶ
ꦕꦟ꧀ꦝꦶꦲꦶꦁꦦꦒꦤ꧀ꦲꦶꦁꦤꦒꦫꦶꦨꦶꦂꦩꦃ꧈ꦲꦶꦁꦏꦁꦠꦶꦠꦶꦪꦁꦔꦶꦥꦸꦤ꧀ꦲꦒꦩꦶꦨꦸꦢ꧀ꦝ꧈ꦩꦢ꧀ꦲꦧ꧀ꦲꦶꦤꦪꦤ꧈ꦱꦂꦠꦕꦟ꧀ꦝꦶꦲꦶꦁꦩꦺꦔꦸꦤ꧀ꦲꦶꦁꦤꦒꦫꦶꦄꦦ꦳꧉
꧋ꦩꦼꦤꦮꦶꦤꦶꦠꦶꦏ꧀ꦮꦔꦸꦤ꧀ꦤꦶꦥꦸꦤ꧀ꦕ꧀ꦕ꧀ꦕꦟ꧀ꦝꦶꦱꦺꦮꦸ꧈ꦠꦺꦠꦺꦭꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦪꦁꦲꦒꦩꦶꦨꦸꦢ꧀ꦝ꧈ꦏꦛꦃꦲꦺꦩ꧀ꦥꦼꦂꦫꦶꦥꦸꦤ꧀ꦏꦭꦶꦪꦤ꧀ꦕꦟ꧀ꦝꦶꦯꦶꦮꦃꦲꦶꦁꦦꦿꦩ꧀ꦧꦤ꧀ꦤꦤ꧀꧈ꦪꦺꦤ꧀ꦩꦏꦠꦼꦤ꧀ꦥꦸꦤꦶꦏꦱꦒꦼꦢ꧀ꦲꦸꦒꦶꦕꦟ꧀ꦝꦶꦠꦿꦶꦫꦠ꧀ꦤ꧈ꦥꦥꦤ꧀ꦥꦸꦥꦸꦟ꧀ꦝꦺꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦏꦁꦩꦸꦩꦸꦟ꧀ꦝꦶꦣꦠꦼꦁꦠꦿꦶꦩꦸꦂꦡꦶ꧈ꦥꦔꦗꦼꦁꦔꦶꦥꦸꦤ꧀ꦯꦶꦮꦃ꧈ꦏꦭꦶꦃꦨꦿꦃꦩ꧈ꦠꦶꦒꦁꦤꦶꦥꦸꦤ꧀ꦮꦶꦱ꧀ꦤꦸ꧈ꦢꦺꦮꦠꦶꦠꦶꦒꦮꦲꦸꦱꦩꦶꦢꦶꦥꦸꦤ꧀ꦏꦸꦥꦼꦁꦢꦺꦤꦶꦁꦢꦺꦮ
61 ]ꦲꦭꦶꦠ꧀ꦲꦭꦶꦠ꧀ꦢꦺꦮꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ꦏꦢꦺꦴꦱ꧀ꦠ꧇ꦨꦛꦫꦨꦿꦃꦩꦏꦏꦸꦥꦼꦁꦢꦺꦤꦶꦁꦥꦫꦉꦱꦶ꧈ꦨꦛꦫꦮꦶꦱ꧀ꦤꦸꦢꦺꦤꦶꦁꦥꦫꦥꦔꦒꦼꦁꦔꦶꦥꦸꦤ꧀ꦲꦶꦁꦏꦁꦱꦩꦶꦥꦸꦩꦸꦟ꧀ꦝꦶ꧈ꦥꦫꦱꦸꦱꦸꦭꦶꦃꦲꦶꦥꦸꦤ꧀ꦲꦶꦁꦏꦁꦱꦩꦶꦩꦸꦩꦸꦟ꧀ꦝꦶ꧈ꦠꦸꦮꦶꦤ꧀ꦥꦫꦄꦮꦠꦫ꧉ꦩꦏꦠꦼꦤ꧀ꦩꦭꦶꦃꦨꦛꦫꦯꦶꦮꦃꦲꦶꦁꦒꦶꦃꦏꦏꦸꦥꦼꦁꦢꦺꦤꦶꦁꦥꦫꦥꦶꦤꦶꦠꦢꦺꦴꦱ꧀ꦱꦶꦥꦸꦤ꧀ꦱꦂꦠꦥꦫꦮꦮꦏꦶꦭ꧀ꦭꦶꦥꦸꦤ꧀ꦠꦶꦠꦶꦪꦁꦲꦶꦁꦏꦁꦱꦩꦶꦩꦸꦩꦸꦟ꧀ꦝꦶ꧉
꧋ꦲꦶꦁꦗꦮꦶꦮꦺꦠꦤ꧀ꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦲꦶꦟ꧀ꦝꦸꦥꦺꦴꦏꦺꦴꦏ꧀ꦏꦶꦥꦸꦤ꧀ꦲꦶꦁꦏꦁꦲꦒꦼꦁꦒꦺꦴꦒꦺꦴꦭꦺꦴꦁꦔꦤ꧀ꦤꦶꦁꦲꦒꦩꦶꦯꦶꦮꦃ꧈ꦱꦁꦏꦤ꧀ꦤꦶꦥꦸꦤ꧀ꦱꦏꦶꦁꦗꦮꦶꦠꦼꦔꦃ꧈ꦩꦭꦃꦲꦶꦁꦗꦮꦶꦮꦺꦠꦤ꧀ꦧꦧꦂꦥꦶꦱꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦕꦟ꧀ꦝꦶꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦠꦶꦪꦁꦨꦸꦢ꧀ꦝꦲꦶꦁꦏꦁꦏꦊꦧꦼꦠ꧀ꦱꦼꦥꦸꦃ꧈ꦱꦢꦪꦕꦟ꧀ꦝꦶꦲꦶꦁꦏꦁꦱꦼꦥꦸꦃꦱꦼꦥꦸꦃꦱꦩꦶꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦯꦶꦮꦃ꧉
꧋ꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦠꦲꦸꦤ꧀ꦯꦑ꧇ 900ꦲꦒꦩꦶꦨꦸꦢ꧀ꦝꦠꦼꦏ꧀ꦱꦶꦃꦭꦩꦶꦒꦼꦱꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦮꦺꦠꦤ꧀ꦲꦤꦔꦶꦁꦱꦩ꧀ꦥꦸꦤ꧀ꦏꦠꦸꦠꦸꦥ꧀ꦥꦤ꧀ꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦯꦶꦮꦃ꧈ꦔꦤ꧀ꦠꦺꦴꦱ꧀ꦩꦺꦃꦧꦺꦴꦠꦼꦤ꧀ꦏꦠꦮꦶꦱ꧀ꦧꦧꦂꦥꦶꦱꦤ꧀ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦮꦲꦸꦲꦒꦩꦶꦨꦸꦢ꧀ꦝꦲꦶꦁꦏꦁꦠꦸꦩꦼꦁꦏꦂꦮꦺꦴꦤ꧀ꦠꦼꦤ꧀ꦲꦶꦁꦦꦱꦸꦫꦸꦮꦤ꧀ꦏꦛꦃꦱꦸꦢꦤꦶꦥꦸꦤ꧀
ꦲꦶꦁꦏꦁꦠꦸꦩꦼꦁꦏꦂꦮꦺꦴꦤ꧀ꦠꦼꦤ꧀ꦲꦶꦁꦑꦼꦣꦶꦫꦶꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦲꦼꦥꦁꦩ
62 ][...lih] malah suda sawatawis. Ing nalika wau têlênging agami Budha kenging winastan nglêmpak wontên ing Surabaya, namung sawatawis katingal tumêngkar wontên ing Madiun, ing ngriku pinanggih lumbung-lumbung Budha, sarta griya pêpundhèn alit-alit kathah.
__________
IV. Jaman Hindhu
Nitik ing kawontênaning patilasan-patilasanipun têtiyang Hindhu ingkang sami dhatêng ing India Nèdêrlan, kados-kados wiwit kala ing jaman kina mila pulo Jawi tinimbang pulo-pulo India Nèdêrlan sanès-sanèsipun, kalêbêt sampun majêng piyambak. Kawruh tuwin kagunanipun băngsa Hindhu tuwin agaminipun, pêncaripun wontên ing tanah Jawi anglangkungi ing kapuloan sanès-sanèsipun, ing sangandhapipun tanah Jawi ingkang sampun kalêbêt kambah ing têtiyang Hindhu kala ing jaman samantên, pulo Bali kalihan Madura, Sumatra, Borneo tuwin pulo alit-alit sanèsipun ing sacêlaking tanah Jawi, Sumatra, Madura sarta Bali. Pandugi 63 ]
Sêsêratan sastra wênggi ingkang pinanggih ing Jawi Kilèn, inggih punika ing Bogor tuwin ing Batawi, anêdahakên taun: 400 sarta 500, punapa malih amratelakakên bab anjrakipun têtiyang băngsa Hindhu ing Jawi Kilèn sangkanipun saking nagari Kalingga, ing India ngajêng (Hindhustan), ananging têtiyang băngsa Hindhu ingkang sami ngalih saking nagarinipun sarta lajêng adêdunung wontên ing ngriku wau botên patos kathah, sarta maksudipun kêmajêngan tuwin agami Hindhu inggih botên sangêt. Wontêning patilasan Hindhu ingkang pinanggih ing ngriku, kados ta: rêca-rêca, candhi-candhi, gua ingkang cinandhi, sêsêratan ingkang dumunung ing sela-sela, undhak-undhakan ingkang anjog dhatêng pêpundhèn sapanunggilanipun, ing Jawi
64 ]ꦏꦶꦭꦺꦤ꧀ꦱꦏꦼꦣꦶꦏ꧀ꦱꦔꦼꦠ꧀ꦧꦺꦢꦏꦭꦶꦪꦤ꧀ꦲꦶꦁꦗꦮꦶꦠꦼꦔꦃꦱꦂꦠꦲꦶꦁꦗꦮꦶꦮꦺꦠꦤ꧀꧈ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦮꦲꦸꦔ꧀ꦭꦼꦩ꧀ꦥꦏ꧀ꦢꦢꦺꦴꦱ꧀ꦱꦠꦸꦁꦒꦭ꧀ꦭꦗꦼꦁꦲꦼꦥꦁꦣꦠꦼꦁꦥꦸꦤ꧀ꦢꦶꦥꦸꦤ꧀ꦢꦶ꧈ꦏꦢꦺꦴꦱ꧀ꦠ꧇ꦲꦶꦁꦗꦮꦶꦠꦼꦔꦃꦲꦶꦁꦯꦼꦩꦫꦁ꧈ꦑꦼꦣꦸ꧈ꦨꦒꦼꦭꦺꦤ꧀ꦔꦪꦸꦓꦾꦏꦂꦠ꧈ꦯꦸꦫꦏꦂꦠ꧉ꦲꦶꦁꦗꦮꦶꦮꦺꦠꦤ꧀ꦏꦢꦺꦴꦱ꧀ꦠ꧇ꦲꦶꦁꦯꦸꦫꦧꦪ꧈ꦑꦼꦣꦶꦫꦶ꧈ꦦꦱꦸꦫꦸꦮꦤ꧀ꦥꦱꦶꦠꦺꦤ꧀ꦲꦶꦁꦲꦸꦫꦸꦠ꧀ꦠꦶꦥꦸꦤ꧀ꦭꦺꦥꦺꦤ꧀ꦧꦿꦤ꧀ꦡꦼꦱ꧀ꦱꦂꦠꦲꦼꦥꦁꦣꦠꦼꦁꦩꦢꦶꦪꦸꦤ꧀ꦦꦿꦧꦭꦶꦁꦒ꧈ꦨꦱꦸꦏꦶꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦧꦧ꧀ꦧꦪꦶꦤꦠ꧀꧈
꧋ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦗꦭꦂꦫꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦢꦸꦢꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦏꦶꦭꦺꦤ꧀ꦲꦶꦁꦱꦱꦼꦭꦺꦴꦠ꧀ꦱꦼꦭꦺꦴꦠ꧀ꦠꦶꦥꦸꦤ꧀ꦭꦗꦼꦁꦔꦭꦶꦃꦤꦶꦭꦂꦥꦢꦸꦤꦸꦁꦔꦤ꧀ꦤꦶꦥꦸꦤ꧀ꦩꦔꦺꦠꦤ꧀ꦝꦠꦼꦁꦗꦮꦶꦠꦼꦔꦃ꧈ꦮꦺꦴꦤ꧀ꦢꦺꦤꦺꦣꦠꦼꦁꦔꦶꦥꦸꦤ꧀ꦲꦶꦁꦗꦮꦶꦠꦼꦔꦃꦱꦱꦉꦁꦔꦤ꧀ꦏꦛꦃ꧉ꦩꦼꦁꦒꦃꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦠꦼꦔꦃꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦱꦩꦶꦣꦠꦼꦁꦮꦲꦸꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦠꦶꦏ꧀ꦏꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦮꦶꦱ꧀ꦤꦸ꧈ꦲꦤꦔꦶꦁꦲꦒꦩꦶꦯꦶꦮꦃꦏꦭꦶꦪꦤ꧀ꦨꦸꦢ꧀ꦝ꧈ꦲꦶꦁꦒꦶꦃꦥꦸꦤꦶꦏꦲꦒꦩꦶꦲꦒꦩꦶꦲꦶꦁꦏꦁꦏꦥꦿꦃꦏꦁꦒꦺꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦢꦢꦺꦴꦱ꧀ꦠꦺꦠꦺꦭꦪꦺꦤ꧀ꦲꦶꦁꦏꦁꦱꦩꦶꦣꦠꦼꦁꦮꦲꦸꦠꦶꦠꦶꦪꦁꦱꦏꦶꦁꦠꦤꦃꦲꦶꦟ꧀ꦝꦸ
65 ]ꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦏꦢꦺꦴꦱ꧀ꦲꦶꦁꦏꦁꦧꦣꦺꦏꦠꦼꦫꦁꦔꦏꦼꦤ꧀ꦩꦭꦶꦃꦲꦶꦁꦔꦟ꧀ꦝꦥ꧀ꦱꦂꦠꦲꦶꦁꦮꦶꦁꦏꦶꦁ꧉
꧋ꦱꦼꦱꦼꦫꦠ꧀ꦠꦤ꧀ꦱꦏꦶꦁꦯꦁꦫꦠꦸꦯꦼꦚ꧀ꦗꦪ꧈ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦫꦺꦯꦶꦣꦺꦤ꧀ꦤꦤ꧀ꦏꦼꦣꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦩꦮꦶꦠꦶꦠꦶꦩꦺꦴꦁꦱꦲꦶꦁꦏꦲꦸꦤ꧀ꦯꦑ꧇654 ꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 732 ꦥꦸꦤꦶꦏꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦠꦼꦔꦃꦱꦼꦥꦸꦃꦥꦶꦪꦩ꧀ꦧꦏ꧀ꦱꦂꦠꦏꦱꦼꦫꦠ꧀ꦩꦮꦶꦱꦱ꧀ꦠꦿꦮꦼꦁꦒꦶ꧉ꦥꦸꦤꦥꦩꦭꦶꦃꦱꦼꦫꦠ꧀ꦠꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦱꦺꦭꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦣꦤꦮꦸꦲꦶꦁꦥꦫꦺꦯꦶꦣꦺꦤ꧀ꦤꦤ꧀ꦏꦼꦣꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦮꦺꦠꦤ꧀ꦱꦂꦠꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦢꦶꦪꦺꦁ꧈ꦥꦸꦤꦶꦏꦲꦶꦁꦏꦁꦭꦁꦏꦸꦁꦕꦼꦛꦩꦭꦶꦃꦱꦩꦶꦏꦱꦼꦫꦠ꧀ꦲꦶꦁꦱꦱ꧀ꦠꦿꦮꦼꦁꦒꦶ꧉ꦲꦮꦶꦠ꧀ꦱꦏꦶꦁꦥꦸꦤꦶꦏꦤꦺꦭꦏ꧀ꦲꦏꦼꦤ꧀ꦧꦶꦭꦶꦃꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦱꦩꦶꦣꦠꦼꦁꦲꦶꦁꦗꦮꦶꦠꦼꦔꦃꦲꦱꦭ꧀ꦭꦶꦥꦸꦤ꧀ꦱꦏꦶꦁꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦲꦮꦶꦠ꧀ꦱꦼꦫꦠ꧀ꦠꦤ꧀ꦱꦱ꧀ꦠꦿꦮꦼꦁꦒꦶꦥꦸꦤꦶꦏꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦭꦶꦩꦿꦃꦏꦁꦒꦺꦲꦶꦁꦤꦒꦫꦶꦣꦺꦤꦤ꧀ꦲꦶꦁꦮꦼꦮꦼꦁꦏꦺꦴꦤ꧀ꦠꦭꦠꦃꦲꦶꦁꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀꧈
꧋ꦠꦸꦮꦤ꧀ Fergusson ꦲꦶꦁꦏꦁꦥꦲꦩ꧀ꦝꦠꦼꦁꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦧꦫꦁꦏꦶꦤ꧈ꦲꦩꦱ꧀ꦠꦤꦶꦪꦺꦤ꧀ꦕꦟ꧀ꦝꦶꦕꦟ꧀ꦝꦶꦲꦶꦁꦱꦶꦪꦺꦁꦱꦩꦶꦲꦮꦔꦸꦤ꧀ꦕꦭꦸꦏꦶꦪꦃ꧈ꦢꦺꦤꦺꦮꦔꦸꦚ꧀ꦕꦭꦸꦏꦶꦪꦃ (Tjaloekya) ꦥꦸꦤꦶꦏꦏ
66 ]ꦭꦶꦲꦤ꧀ꦱꦼꦫꦠꦤ꧀ꦱꦱ꧀ꦠꦿꦮꦼꦁꦒꦶꦤꦸꦔꦶꦭ꧀ꦩꦶꦱꦃ꧈ꦲꦤꦔꦶꦁꦲꦶꦁꦏꦔꦁꦒꦸꦩꦤꦏꦼꦤ꧀ꦮꦔꦸꦤꦶꦥꦸꦚ꧀ꦕꦤ꧀ꦝꦶꦕꦤ꧀ꦝꦶꦲꦶꦁꦢꦶꦲꦺꦁꦠꦸꦮꦶꦤ꧀ꦲꦶꦁꦱꦏꦶꦮꦠꦼꦁꦲꦼꦤꦶꦥꦸꦤ꧀ꦠꦼꦏꦧꦺꦴꦠꦼꦚ꧀ꦕꦺꦴꦕꦺꦴꦒ꧀ꦏꦭꦶꦲꦤ꧀ꦱꦱ꧀ꦠꦿꦱꦼꦱꦼꦫꦠꦤꦶꦥꦸꦤꦶꦁꦏꦁꦩꦼꦱ꧀ꦛꦶꦏꦁꦒꦺꦲꦶꦁꦮꦔꦸꦚ꧀ꦕꦭꦸꦏꦶꦪꦃ꧈ꦩꦶꦠꦸꦫꦸꦠ꧀ꦠꦺꦴꦤ꧀ꦝꦺꦴꦠꦺꦴꦤ꧀ꦝꦥꦱꦏꦺꦲꦶꦁꦏꦁꦱꦩ꧀ꦥꦸꦤ꧀ꦏꦱꦼꦧꦸꦏꦠꦶꦔꦶꦁꦒꦶꦭ꧀꧈ꦱꦩ꧀ꦥꦸꦤ꧀ꦠꦺꦠꦺꦭꦪꦺꦤ꧀ꦠꦶꦠꦶꦪꦁꦲꦶꦤ꧀ꦝꦸꦲꦶꦁꦏꦁꦢꦲꦺꦢꦸꦤꦸꦁꦮꦺꦴꦤ꧀ꦠꦼꦤꦶꦁꦗꦮꦶꦠꦼꦔꦃꦲꦶꦁꦏꦁꦫꦸꦩꦶꦪꦶꦤ꧀ꦥꦶꦪꦩ꧀ꦧꦏ꧀꧈ꦤꦸꦁꦒꦶꦭ꧀ꦏꦭꦶꦲꦤ꧀ꦠꦶꦠꦶꦪꦁꦲꦶꦤ꧀ꦝꦸꦲꦶꦁꦏꦁꦫꦸꦩꦶꦪꦶꦤꦶꦥꦸꦤ꧀ꦢꦢꦸꦤꦸꦁꦲꦶꦁꦗꦮꦶꦏꦶꦭꦺꦤ꧀꧈
꧋ꦮꦺꦴꦤ꧀ꦠꦼꦤ꧀ꦩꦭꦶꦃꦱꦼꦱꦼꦫꦠꦤ꧀ꦱꦤꦺꦱ꧀ꦮꦂꦤꦶ꧈ꦲꦶꦁꦒꦶꦃꦥꦸꦤꦶꦏꦱꦼꦫꦠꦤ꧀ꦧꦸꦝꦻꦁꦏꦁꦥꦶꦲꦁꦒꦶꦃꦢꦸꦩꦸꦤꦸꦁꦲꦶꦁꦱꦺꦭꦤꦶꦁꦕꦤ꧀ꦝꦶꦲꦶꦁꦏꦭꦱꦤ꧀ꦧꦮꦃꦲꦶꦁꦔꦪꦺꦴꦒꦾꦏꦂꦠ꧈ꦩꦮꦶꦠꦶꦠꦶꦮꦁꦱꦠꦲꦸꦱꦏ꧇ 700 ꦕꦺꦴꦕꦺꦴꦒꦶꦥꦸꦤ꧀ꦩꦮꦶꦠꦶꦠꦶꦩꦁꦱꦠꦲꦸꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 778 ꦱꦩꦶꦱꦩꦶꦱꦼꦫꦠꦤ꧀ꦧꦸꦝꦥ꧀ꦲꦶꦤꦁꦒꦶꦃꦏꦊꦧꦼꦠ꧀ꦱꦼꦥꦸꦃꦥꦶꦪꦩ꧀ꦧꦏ꧀꧉ꦪꦺꦤ꧀ꦩꦏꦠꦼꦤ꧀ꦮꦺꦴꦤ꧀ꦠꦼꦤꦶꦥꦸꦤ꧀ꦠꦶꦪꦔꦒꦩꦶꦧꦸꦝꦲꦶꦁꦗꦮꦶꦠꦼꦔꦃꦫꦸꦩꦶꦪꦶꦤꦒꦩꦶꦱꦶꦮꦃ꧈ꦱꦼꦫꦠꦤ꧀ꦮꦻꦴꦲꦮꦔꦸꦤ꧀ꦱꦱ꧀ꦠꦿꦤꦼꦒꦫꦶ꧈ꦤꦤ꧀ꦝꦏꦏꦼꦤ꧀ꦝꦠꦼꦔꦶꦥꦸꦤ꧀ꦠꦶꦠꦶꦪꦁꦧꦸꦝꦱꦏꦶꦁꦠꦤꦃꦲꦶꦤ꧀ꦝꦸꦲꦶꦁꦏꦁꦱꦶꦱꦶꦃꦲꦼꦭꦺꦂ꧉ꦩꦏꦠꦼꦤ꧀ꦩꦭꦶꦃꦕꦤ꧀ꦝꦶꦲꦶꦁꦏꦭꦱꦤ꧀ꦮꦔꦸꦤꦶꦥꦸꦤ꧀ꦧ꧀ꦧꦺꦢꦏꦭꦶꦲꦚ꧀ꦕꦤ꧀ꦝꦶꦕꦤ꧀ꦝꦶꦲꦶꦁꦢꦶꦲꦺꦁ꧈ꦮꦔꦸꦤꦶꦁꦕꦤ꧀ꦝꦶ
67 ]ꦲꦶꦁꦑꦭꦱ꧀ꦱꦤ꧀ꦩꦺꦩ꧀ꦥꦼꦂꦏꦭꦶꦪꦤ꧀ꦕꦟ꧀ꦝꦶꦕꦟ꧀ꦝꦶꦲꦶꦁꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦭꦺꦂꦏꦶꦭꦺꦤ꧀ꦩꦏꦠꦼꦤ꧀ꦩꦭꦶꦃꦕꦟ꧀ꦝꦶꦕꦟ꧀ꦝꦶꦲꦶꦁꦔꦿꦶꦏꦸꦥꦏꦶꦂꦠꦾꦤꦶꦥꦸꦤ꧀ꦲꦮꦶꦒ꧀ꦱꦩꦶꦏꦭꦶꦪꦤ꧀ꦕꦟ꧀ꦝꦶꦕꦟ꧀ꦝꦶꦨꦸꦢ꧀ꦝꦲꦶꦁꦗꦮꦶꦠꦼꦔꦃ꧈ꦲꦶꦁꦏꦁꦱꦩꦶꦠꦶꦠꦶꦭꦂꦫꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦟ꧀ꦝꦸꦏꦊꦧꦼꦠ꧀ꦲꦸꦁꦒꦸꦭ꧀ꦥꦶꦪꦩ꧀ꦧꦏ꧀ꦥꦏꦶꦂꦠꦾꦤꦶꦥꦸꦤ꧀꧈ꦲꦤꦔꦶꦁꦲꦶꦁꦏꦁꦩꦏꦠꦼꦤ꧀ꦮꦲꦸꦲꦶꦁꦒꦶꦃꦢꦺꦫꦺꦁꦠꦩ꧀ꦠꦸꦪꦺꦤ꧀ꦝꦠꦼꦁꦔꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦒꦼꦤ꧀ꦠꦺꦴꦱ꧀ꦱꦤ꧀ꦩꦺꦴꦁꦱ꧈ꦲꦮꦶꦠ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦠꦺꦴꦟ꧀ꦝꦥꦱꦏ꧀ꦱꦺꦤ꧀ꦲꦶꦁꦗꦮꦶꦠꦼꦔꦃꦕꦕꦫꦸꦧ꧀ꦧꦤ꧀ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦠꦶꦠꦶꦩꦺꦴꦁꦱꦠꦲꦸꦤ꧀ꦮꦂꦟꦶꦏꦭꦶꦃꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦠꦏ꧀ꦱꦶꦃꦮꦺꦴꦤ꧀ꦠꦼꦤ꧀ꦱꦤꦺꦱ꧀ꦱꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦥꦶꦤꦁꦒꦶꦃꦠꦸꦩꦿꦥ꧀ꦲꦶꦁꦱꦺꦭꦲꦶꦁꦉꦢꦶꦢꦶꦪꦺꦁ꧈ꦱꦼꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦩꦮꦶꦠꦼꦩ꧀ꦧꦸꦁꦗꦮꦶꦏꦶꦤ꧈(ꦏꦮꦶ)ꦲꦶꦁꦏꦁꦏꦶꦤꦥꦶꦪꦩ꧀ꦧꦏ꧀ꦩꦮꦶꦠꦶꦠꦶꦩꦺꦴꦁꦱꦠꦲꦸꦤ꧀ꦯꦑ꧇ 731 ꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 809꧈ꦱꦼꦱꦼꦫꦠ꧀ꦠꦤ꧀ꦮꦲꦸꦤꦸꦁꦒꦶꦭ꧀ꦩꦶꦱꦃꦏꦭꦶꦪꦤ꧀ꦱꦼꦫꦠ꧀ꦠꦤ꧀ꦦꦭꦶ꧉ꦱꦂꦠꦱꦱ꧀ꦠꦿꦲꦶꦟ꧀ꦝꦸꦲꦶꦁꦏꦁꦏꦁꦒꦺꦲꦶꦁꦠꦤꦃꦲꦶꦟ꧀ꦝꦸꦮꦶꦁꦏꦶꦁ꧈ꦏꦢꦺꦴꦱ꧀ꦏꦢꦺꦴꦱ꧀ꦝꦠꦼꦁꦔꦶꦥꦸꦤ꧀ꦫꦒꦶꦱꦱꦉꦁꦔꦤ꧀ꦏꦭꦶꦪꦤ꧀ꦱꦼꦫꦠ꧀ꦠꦤ꧀ꦤꦒꦫꦶꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀꧈ꦮꦺꦴꦤ꧀ꦠꦼꦤ꧀ꦩꦭꦶꦃꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦮꦔꦸꦤ꧀ꦤꦶꦥꦸꦤ꧀ꦭꦁꦏꦸꦁꦏꦶꦤ꧈ꦤꦔꦶꦁꦠꦶꦠꦶꦩꦁꦱꦤꦶꦥꦸꦤ꧀ꦭꦁꦏꦸꦁꦲꦺꦁꦒꦭ꧀ꦩꦮꦶꦠꦶꦠꦶꦩꦁꦱꦠꦲꦸꦤ꧀ꦯꦑ꧇ 750
68 ]ꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 828꧉ ꦩꦤꦮꦶꦤꦶꦠꦶꦏ꧀ꦝꦥꦸꦂꦫꦶꦥꦸꦤ꧀ꦱꦱ꧀ꦠꦿꦲꦶꦁꦏꦁꦏꦁꦒꦺꦏꦶꦤꦥꦶꦪꦩ꧀ꦧꦏ꧀ꦱꦂꦠꦏꦛꦃꦲꦺꦩ꧀ꦥꦼꦫꦶꦥꦸꦤ꧀ꦱꦱ꧀ꦠꦿꦗꦶꦂꦟꦂ꧈ꦲꦶꦁꦏꦁꦏꦁꦒꦺꦲꦶꦁꦱꦭꦺꦂꦮꦺꦠꦤ꧀ꦤꦶꦥꦸꦤ꧀ꦤꦒꦫꦶꦨꦺꦴꦩ꧀ꦧꦆ꧈ꦩꦶꦫꦶꦢ꧀ꦱꦏꦶꦁꦤꦸꦁꦒꦶꦭ꧀ꦩꦶꦱꦃꦲꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦏꦺꦔꦶꦁꦏꦠꦩ꧀ꦠꦺꦴꦏ꧀ꦲꦏꦼꦤ꧀ꦪꦺꦤ꧀ꦱꦼꦱꦼꦫꦠ꧀ꦠꦤ꧀ꦮꦲꦸꦲꦶꦁꦏꦁꦁꦔ꧀ꦭꦶꦩꦿꦃꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶꦲꦶꦁꦒꦶꦃꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦁꦔ꧀ꦭꦶꦩꦿꦃꦲꦏꦼꦤ꧀ꦱꦱ꧀ꦠꦿꦤꦼꦒꦫꦶꦮꦲꦸ꧉ꦤꦶꦠꦶꦏ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦱꦢꦪꦮꦲꦸ꧈ꦧꦧ꧀ꦢꦢꦩꦼꦭ꧀ꦭꦤ꧀ꦨꦸꦢ꧀ꦝꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦠꦼꦔꦃꦱꦢꦪꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦏꦲꦸꦩ꧀ꦩꦲꦪꦤꦶ (Mahajani) ꦢꦺꦤꦺꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦠꦤꦃꦗꦮꦶꦧꦺꦴꦠꦼꦤ꧀ꦔꦩꦸꦁꦔꦏꦼꦤ꧀ꦲꦶꦁꦏꦁꦏꦁꦒꦺꦲꦶꦁꦨꦸꦢ꧀ꦝ꧈ꦩꦭꦃꦲꦶꦁꦏꦁꦏꦛꦃꦲꦶꦁꦏꦁꦏꦁꦒꦺꦲꦶꦁꦠꦶꦠꦶꦪꦁꦲꦒꦩꦶꦯꦶꦮꦃ꧉
꧋ꦏꦗꦮꦶꦥꦢꦸꦤꦸꦁꦔꦤ꧀ꦤꦶꦁꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦏꦭꦲꦶꦁꦗꦩꦤ꧀ꦲꦶꦟ꧀ꦝꦸ꧈ꦏꦥꦁꦒꦶꦃꦲꦶꦁꦠꦶꦠꦶꦩꦺꦴꦁꦱꦠꦲꦸꦤ꧀ꦲꦶꦁꦉꦕꦉꦕ꧈ꦲꦶꦁꦕꦟ꧀ꦝꦶꦕꦟ꧀ꦝꦶ꧈ꦲꦶꦁꦧꦫꦁꦭꦺꦴꦒꦩ꧀ꦲꦶꦁꦠꦼꦩ꧀ꦧꦒꦶꦧ꧀ꦭꦺꦧꦺꦏ꧀ꦏꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦏꦺꦔꦶꦁꦏꦁꦒꦺꦤꦩ꧀ꦠꦺꦴꦏ꧀ꦲꦏꦼꦤ꧀ꦮꦶꦮꦶꦠ꧀ꦱꦂꦠꦥꦥꦤ꧀ꦤꦶꦥꦸꦤ꧀ꦠꦼꦊꦁꦔꦶꦁꦏꦩꦗꦼꦁꦔꦤ꧀ꦲꦶꦟ꧀ꦝꦸ꧉ꦩꦤꦮꦶꦠꦶꦠꦶꦩꦺꦴꦁꦱꦠꦲꦸꦤ꧀ꦲꦶꦁꦏꦁꦥꦶꦤꦁꦒꦶꦃꦮꦲꦸꦏꦥꦫꦶꦚ꧀ꦕꦶꦱꦂ
69 ]ꦠꦥꦥꦿꦶꦚ꧀ꦕꦺꦤ꧀ꦤꦶꦥꦸꦤ꧀ꦭꦗꦼꦁꦏꦒꦺꦴꦭꦺꦴꦁꦔꦏꦼꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ꦲꦶꦁꦢꦊꦩ꧀ꦮꦼꦏ꧀ꦠꦸꦚꦢꦱꦠꦲꦸꦤ꧀ꦲꦸꦥꦩꦶꦤꦶꦥꦸꦤ꧀ꦠꦲꦸꦤ꧀ 725-730 ꦢꦸꦩꦸꦒꦶꦠꦲꦸꦤ꧀꧇ 734꧈ ꦠꦲꦸꦤ꧀꧇ 735, 740 ꦢꦸꦩꦸꦒꦶ 744꧈ ꦭꦗꦼꦁꦱꦒꦼꦢ꧀ꦏꦱꦸꦩꦼꦉꦥ꧀ꦥꦤ꧀ꦗꦩꦤ꧀ꦤꦶꦁꦩꦼꦏꦂꦫꦶꦥꦸꦤ꧀ꦏꦮꦿꦸꦃꦲꦶꦟ꧀ꦝꦸꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧉ꦥꦸꦤꦥꦩꦭꦶꦃꦱꦸꦢꦠꦸꦮꦶꦤ꧀ꦱꦶꦂꦟꦤꦶꦥꦸꦤ꧀ꦏꦩꦗꦼꦁꦔꦤ꧀ꦏꦮꦿꦸꦃꦲꦶꦟ꧀ꦝꦸꦮꦲꦸꦱꦂꦠꦔꦭꦶꦃꦲꦶꦥꦸꦤ꧀ꦥꦁꦒꦺꦤ꧀ꦤꦤ꧀ꦲꦶꦁꦥꦱꦶꦠꦺꦤ꧀ꦱꦮꦺꦠꦤ꧀ꦤꦶꦁꦥꦉꦢꦺꦤ꧀ꦢꦶꦪꦺꦁ꧈ꦏꦊꦧꦼꦠ꧀ꦲꦶꦁꦨꦒꦼꦭꦺꦤ꧀ꦑꦼꦣꦸ꧈ꦱꦂꦠꦕꦟ꧀ꦝꦶꦕꦟ꧀ꦝꦶꦨꦸꦢ꧀ꦝꦨꦫꦨꦸꦣꦸꦂ꧈ꦠꦸꦮꦶꦤ꧀ꦩꦼꦤ꧀ꦢꦸꦠ꧀ꦲꦶꦁꦔꦪꦺꦴꦭꦾꦏꦂꦠꦱꦂꦠꦯꦸꦫꦏꦂꦠꦱꦮꦠꦮꦶꦱ꧀ꦏꦟ꧀ꦛꦶꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦲꦶꦁꦦꦿꦩ꧀ꦧꦤ꧀ꦤꦤ꧀ꦏꦊꦧꦼꦠ꧀ꦲꦶꦁꦏꦶꦢꦸꦭ꧀ꦮꦺꦠꦤ꧀ꦠꦶꦠꦶꦩꦁꦱꦤꦶꦁꦠꦲꦸꦤ꧀ꦲꦶꦁꦏꦁꦭꦩꦶꦥꦶꦪꦩ꧀ꦧꦏ꧀ ꧇732꧈ꦱꦱꦩ꧀ꦥꦸꦤ꧀ꦤꦶꦁꦚꦟ꧀ꦛꦏ꧀ꦠꦲꦸꦤ꧀ ±940 ꦲꦶꦁꦔꦿꦶꦏꦸꦏꦸꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦸꦫꦸꦠ꧀ꦲꦸꦫꦸꦠ꧀ꦠꦤ꧀ꦤꦶꦥꦸꦤ꧀ꦭꦗꦼꦁꦔꦁꦒꦺꦠꦲꦸꦤ꧀ ±1420, ꦢꦢꦺꦴꦱ꧀ꦩꦺꦃꦒꦁꦱꦭꦄꦧꦢ꧀(± 500 ꦠꦲꦸꦤ꧀)꧈ꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦮꦼꦏ꧀ꦠꦸꦮꦲꦸꦩꦼꦏꦂꦫꦶꦥꦸꦤ꧀ꦏꦮꦿꦸꦃꦏꦒꦸꦤꦤ꧀ꦲꦶꦟ꧀ꦝꦸꦔꦭꦶꦃꦱꦏꦶꦁꦔꦿꦶꦏꦸꦣꦠꦼꦁꦗꦮꦶꦮꦺꦠꦤ꧀꧈ꦱꦤꦢꦾꦤ꧀ꦱꦱꦉꦁꦔꦤ꧀ꦲꦶꦁꦮꦼꦏ꧀ꦠꦸꦮꦲꦸꦲꦶꦁꦗꦮꦶꦮꦺꦠꦤ꧀ꦲꦶꦁꦒꦶꦃꦱꦩ꧀ꦥꦸꦤ꧀ꦏꦣꦠꦼꦁꦔꦤ꧀ꦏꦮꦿꦸꦃꦏꦒꦸꦤꦤ꧀ꦲꦶꦟ꧀ꦝꦸ꧈ꦤꦔꦶꦁꦢꦺꦫꦺꦁꦏꦺꦔꦶꦁꦮꦶꦤꦱ꧀ꦠꦤ꧀ꦩꦼꦏꦂ꧈ꦏꦠꦺꦴꦟ꧀ꦝꦱꦏꦶꦁꦎꦁꦏꦎꦁꦏꦠꦲꦸ
70 ]ꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦁꦔꦿꦶꦏꦸ꧈ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦛꦶꦁꦔꦟ꧀ꦝ꧀ꦝꦥ꧀꧈
꧋ꦠꦼꦊꦁꦔꦶꦁꦏꦮꦿꦃꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦗꦮꦶꦮꦺꦠꦤ꧀ꦥꦸꦤꦶꦏꦲꦶꦁꦯꦸꦫꦧꦪ꧈ꦏꦼꦣꦶꦫꦶꦱꦂꦠꦦꦱꦸꦫꦸꦮꦤ꧀꧈ꦲꦶꦁꦩꦢꦶꦪꦸꦤ꧀ꦱꦢꦤꦢꦾꦤ꧀ꦧꦺꦴꦠꦼꦤ꧀ꦏꦛꦃꦥꦠꦶꦭꦱ꧀ꦱꦤ꧀ꦤꦶꦥꦸꦤ꧀ꦲꦶꦟ꧀ꦝꦸꦲꦶꦁꦏꦁꦮꦂꦟꦶꦕꦟ꧀ꦝꦶꦕꦟ꧀ꦝꦶꦠꦸꦮꦶꦤ꧀ꦉꦕꦉꦕ꧈ꦲꦺꦮꦢꦺꦤꦺꦱꦼꦫꦠ꧀ꦠꦤ꧀ꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦁꦔꦿꦶꦏꦸꦏꦛꦃꦱꦔꦼꦠ꧀꧈ꦩꦼꦁꦒꦃꦠꦶꦠꦶꦩꦺꦴꦁꦱꦠꦲꦸꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦩꦢꦶꦪꦸꦤ꧀ꦑꦼꦣꦶꦫꦶ꧈ꦯꦸꦫꦧꦪꦠꦸꦮꦶꦤ꧀ꦦꦱꦸꦫꦸꦮꦤ꧀ꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦠꦲꦸꦤ꧀ ±890 ꦏꦭꦶꦪꦤ꧀ ±1040꧈ꦲꦶꦁꦱꦭꦗꦼꦁꦔꦶꦥꦸꦤ꧀ꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀꧇ 1100ꦭꦤ꧀꧇ 1490꧈ꦲꦶꦁꦑꦼꦝꦶꦫꦶꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀꧇ 1120-1240꧈ꦭꦗꦼꦁꦲꦶꦁꦑꦼꦝꦶꦫꦶꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀꧇ 1120-1240꧈ꦭꦗꦼꦁꦲꦶꦁꦑꦼꦣꦶꦫꦶꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀꧇ 1270-1490 ꦢꦸꦩꦸꦒꦶꦲꦶꦁꦩꦢꦶꦪꦸꦤ꧀ꦱꦮꦠꦮꦶꦱ꧀꧈ꦥꦸꦤꦥꦩꦭꦶꦃꦲꦶꦁꦦꦱꦸꦫꦸꦮꦤ꧀ꦦꦿꦧꦭꦶꦁꦒꦏꦭꦶꦪꦤ꧀ꦲꦶꦁꦨꦼꦱꦸꦏꦶꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦠꦲꦸꦤ꧀꧇ 1340-1470꧈ꦲꦶꦁꦩꦢꦸꦫ꧇ 1290-1440꧈ꦲꦶꦁꦉꦩ꧀ꦧꦁ꧇ 1370-1390꧈ꦲꦶꦁꦯꦼꦩꦫꦁꦏꦭꦶꦪꦤ꧀ꦲꦶꦁꦯꦸꦫꦏꦂꦠꦩꦼꦏꦂꦩꦭꦶꦃꦏꦭꦲꦶꦁꦱꦲꦤ꧀ꦠꦮꦶꦱ꧀ꦱꦶꦥꦸꦤ꧀ꦠꦲꦸꦤ꧀꧇ 1420-1460꧉
꧋ꦥꦺꦥꦺꦔꦼꦠ꧀ꦠ꧀ꦠꦤ꧀ꦧꦧꦢ꧀ꦲꦶꦁꦤꦒꦫꦶꦕꦶꦟꦚꦫꦶꦪꦺꦴꦱ꧀ꦱꦏꦼꦤ꧀ꦲꦸꦒꦶꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦠꦤꦃꦗꦮꦶ꧉
71 ]꧋ꦮꦺꦴꦤ꧀ꦠꦼꦤ꧀ꦱꦠꦸꦁꦒꦶꦭ꧀ꦭꦶꦁꦥꦟ꧀ꦝꦶꦠꦧꦺꦴꦁꦱꦕꦶꦟꦲꦤꦩꦦ꦳ꦲꦶꦪꦤ꧀ (Fa Hian) ꦲꦶꦁꦏꦁꦲꦤ꧀ꦢꦺꦴꦤ꧀ꦭꦩ꧀ꦥꦃꦲꦸꦭꦃꦲꦶꦁꦏꦱꦸꦕꦺꦤ꧀ꦗꦶꦪꦫꦃꦣꦠꦼꦁꦥꦥꦤ꧀ꦥꦥꦤ꧀ꦥꦸꦥꦸꦟ꧀ꦝꦺꦤ꧀ꦲꦶꦁꦲꦶꦟ꧀ꦝꦸꦱ꧀ꦠꦤ꧀ꦠꦸꦠꦸꦮꦶꦤ꧀ꦲꦶꦁꦰꦺꦭꦺꦴꦁ꧉ꦱꦮꦁꦱꦸꦭ꧀ꦭꦶꦥꦸꦤ꧀ꦝꦠꦼꦁꦤꦒꦫꦶꦕꦶꦟꦲꦤꦸꦩ꧀ꦥꦏ꧀ꦧꦲꦶꦠꦩꦼꦢꦭ꧀ꦲꦶꦁꦱꦒꦤ꧀ꦠꦼꦤ꧀ꦲꦤꦼꦩꦃꦲꦶꦱꦁꦱꦫ꧈ꦧꦲꦶꦠꦤꦶꦥꦸꦤ꧀ꦏꦧꦸꦚ꧀ꦕꦁꦲꦶꦁꦲꦔꦶꦤ꧀ꦠꦸꦮꦶꦤ꧀ꦲꦭꦸꦤ꧀ꦤꦶꦁꦱꦒꦤ꧀ꦠꦼꦤ꧀꧈ꦢꦸꦩꦸꦒꦶꦲꦶꦁꦥꦸꦭꦺꦴꦗꦮꦶ꧈ꦲꦶꦁꦏꦁꦏꦭꦱꦩꦤ꧀ꦠꦼꦤ꧀ꦢꦶꦥꦸꦤ꧀ꦮꦱ꧀ꦠꦤꦶꦢꦺꦤꦶꦁꦦ꦳ꦲꦶꦪꦤ꧀꧇ ꦪꦦ꦳ꦣꦶ꧈ꦲꦶꦁꦒꦶꦃꦥꦸꦤꦶꦏꦏꦭꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦠꦲꦸꦤ꧀ꦕꦶꦟꦲꦶꦁꦏꦁꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦲꦸꦤ꧀ꦮꦭꦤ꧀ꦢꦶꦤꦸꦗꦸꦮꦂꦱ꧇ 414꧈ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸꦦ꦳ꦲꦶꦪꦤ꧀ꦢꦺꦢꦸꦤꦸꦁꦒꦁꦱꦭ꧀ꦮꦸꦭꦤ꧀ꦭꦩꦶꦤꦶꦥꦸꦤ꧀꧉ꦱꦱꦸꦩꦼꦉꦥ꧀ꦥꦶꦥꦸꦤ꧀ꦦ꦳ꦲꦶꦪꦤ꧀꧈ꦲꦶꦁꦁꦔꦿꦶꦏꦸꦏꦛꦃꦠꦶꦠꦶꦪꦁꦔꦶꦥꦸꦤ꧀ꦥꦱꦺꦏ꧀꧈ꦲꦶꦁꦒꦶꦃꦥꦸꦤꦶꦏꦠꦶꦪꦁꦠꦶꦪꦁꦲꦶꦁꦏꦁꦧꦺꦴꦠꦼꦤ꧀ꦲꦁꦒꦣꦃꦲꦶꦥꦤꦸꦠ꧀ꦠꦤ꧀ꦲꦒꦩꦶ꧈ꦠꦼꦠꦼꦥ꧀ꦲꦤꦼꦩ꧀ꦧꦃꦏꦪꦸꦮꦠꦸ꧈ꦠꦸꦮꦶꦤ꧀ꦧꦫꦁꦲꦶꦱꦺꦤ꧀ꦲꦶꦱꦺꦤ꧀ꦤꦶꦁꦄꦭꦩ꧀ꦱꦤꦺꦱ꧀ꦱꦶꦥꦸꦤ꧀꧉ꦥꦸꦤꦥꦩꦭꦶꦃꦲꦶꦁꦏꦁꦮꦺꦴꦤ꧀ꦠꦼꦤ꧀ꦠꦶꦠꦶꦪꦁꦲꦒꦩꦶꦨꦿꦃꦩ꧈ꦢꦺꦤꦺꦠꦶꦠꦶꦪꦁꦲꦶꦁꦏꦁꦁꦔꦺꦱ꧀ꦠꦺꦴꦏ꧀ꦲꦏꦼꦤ꧀ꦝꦠꦼꦁꦲꦒꦩꦶꦨꦸꦢ꧀ꦝꦤꦩꦸꦁꦱꦏꦼꦣꦶꦏ꧀ꦔꦤ꧀ꦠꦺꦴꦱ꧀ꦏꦶꦫꦁꦥꦼꦂꦭꦸꦤꦶꦥꦸꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀꧉ꦲꦶꦁꦤꦭꦶꦏꦤꦶꦥꦸꦤ꧀ꦦ꦳ꦲꦶꦪꦤ꧀ꦏꦧꦸꦚ꧀ꦕꦁꦮꦺꦴꦤ꧀ꦠꦼꦤ꧀ꦲꦶꦁꦥꦱꦶꦱꦶꦂꦫꦶꦥꦸꦤ꧀ꦥꦸꦭꦺꦴꦗꦮꦶ꧈ꦱꦂꦠꦮꦁꦱꦸꦭ꧀ꦭꦶꦥꦸꦤ꧀ꦩꦤ꧀ꦠꦸꦏ꧀ꦝꦠꦼꦁꦤꦒꦫꦶꦕꦶꦟ꧈ꦲꦮ
72 ]ꦏ꧀ꦲꦮꦏ꧀ꦏꦶꦥꦸꦤ꧀ꦧꦲꦶꦠꦱꦩꦶꦠꦶꦠꦶꦪꦁꦲꦒꦩꦶꦨꦿꦃꦩ꧈ꦲꦮꦶꦠ꧀ꦱꦏꦶꦁꦥꦸꦤꦶꦏꦲꦶꦁꦏꦭꦱꦩꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦟ꧀ꦝꦸ꧈ꦤꦔꦶꦁꦱꦮꦼꦒ꧀ꦱꦏꦼꦣꦶꦏ꧀ꦢꦺꦫꦺꦁꦔꦤ꧀ꦠꦺꦴꦱ꧀ꦠꦸꦩꦼꦁꦏꦂꦱꦔꦼꦠ꧀꧈
꧋ꦮꦺꦴꦤ꧀ꦠꦼꦤ꧀ꦩꦭꦶꦃꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦤꦸꦁꦒꦶꦭ꧀ꦗꦩꦤ꧀ꦤꦩꦸꦁꦫꦒꦶꦏꦥꦼꦁꦏꦼꦂꦠꦶꦠꦶꦩꦁꦱꦤꦶꦥꦸꦤ꧀ꦲꦤꦼꦢꦃꦲꦏꦼꦤ꧀ꦪꦺꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦣꦠꦼꦁꦏꦭꦱꦩꦤ꧀ꦠꦼꦤ꧀ꦮꦺꦴꦤ꧀ꦠꦺꦤ꧀ꦲꦶꦁꦥꦢꦸꦤꦸꦁꦔꦤ꧀ꦲꦶꦁꦏꦁꦢꦶꦥꦸꦤ꧀ꦝꦠꦼꦁꦔꦶꦦ꦳ꦲꦶꦪꦤ꧀ꦮꦲꦸꦲꦱꦭ꧀ꦭꦶꦥꦸꦤ꧀ꦱꦏꦶꦁꦣꦺꦑꦤ꧀ (Dekkan) ꦲꦶꦁꦁꦲꦶꦟ꧀ꦢꦶꦪꦆꦁꦒꦿꦶꦱ꧀ (ꦲꦶꦟ꧀ꦝꦸ)ꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦲꦮꦶꦠ꧀ꦱꦼꦫꦠ꧀ꦠꦤ꧀ꦮꦲꦸꦩꦮꦶꦱꦱ꧀ꦠꦿꦮꦼꦁꦒꦶꦲꦶꦁꦏꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦭꦶꦩꦿꦃꦏꦁꦒꦺꦲꦶꦁꦣꦺꦑꦤ꧀꧈
꧋ꦩꦶꦠꦸꦫꦸꦠ꧀ꦲꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦲꦶꦁꦤꦒꦫꦶꦕꦶꦟ꧈ꦏꦭꦲꦶꦁꦠꦲꦸꦤ꧀ꦮꦭꦤ꧀ꦢꦶ꧇ 435 ꦤꦒꦫꦶꦲꦶꦁꦏꦁꦠꦼꦥꦁꦉꦩ꧀ꦧꦒ꧀ꦲꦏꦭꦶꦪꦤ꧀ꦏꦫꦗꦤ꧀ꦕꦶꦟꦮꦶꦤꦱ꧀ꦠꦤ꧀꧇ꦪꦦ꦳ꦣꦃ (Javada) ꦮꦠꦮꦶꦱ꧀ꦲꦶꦁꦠꦲꦸꦤ꧀꧇ 515. ꦤꦒꦫꦶꦮꦲꦸꦏꦱꦼꦧꦸꦠ꧀ꦤꦩ꧇ ꦭꦁꦔꦯꦸ(Langasoe) ꦲꦸꦠꦮꦶꦭꦁꦓ (Langga) ꦲꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦏꦭꦗꦩꦤ꧀ꦤꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦤꦒꦫꦶꦕꦶꦟꦲꦶꦁꦏꦁꦗꦸꦩꦼꦤꦼꦁꦫꦠꦸꦠꦼꦏ꧀ꦱꦶꦃꦠꦸꦫꦸꦤ꧀꧇ ꦡꦄꦁ (T'ang) ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦮꦭꦤ꧀ꦢꦶ꧇ 618 ꦢꦸꦩꦸꦒꦶ꧇ 906 ꦏꦱꦼꦧꦸꦠ꧀ꦤꦩꦤꦶꦁꦏꦫꦠꦺꦴꦤ꧀ꦲꦶꦁ
73 ]ꦏꦁꦠꦶꦠꦶꦪꦁꦔꦶꦥꦸꦤ꧀ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦁꦲꦩꦺꦴꦁꦢꦒꦁꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦕꦶꦟ꧈ꦲꦸꦠꦮꦶꦲꦶꦁꦏꦁꦫꦠꦸꦤꦶꦥꦸꦤ꧀ꦱꦩ꧀ꦥꦸꦤ꧀ꦲꦸꦠꦸꦱ꧀ꦱꦤ꧀ꦲꦠꦼꦥꦁꦉꦩ꧀ꦧꦒ꧀ꦥꦸꦤꦶꦏꦲꦤꦩꦏꦫꦗꦤ꧀꧇
ꦑꦭꦶꦁ (Kaling) ꦲꦶꦁꦱꦤꦺꦱ꧀ꦱꦶꦥꦸꦤ꧀ꦧꦧ꧀ꦩꦮꦶꦏꦠꦼꦫꦁꦔꦏꦼꦤ꧀ꦪꦺꦤ꧀꧇ꦑꦭꦶꦁꦥꦸꦤꦶꦏꦲꦸꦒꦶꦲꦤꦩ꧇ꦪꦦ꦳ (Java). ꦧꦺꦴꦏ꧀ꦩꦤꦮꦶꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤꦶꦣꦠꦼꦁꦧꦺꦴꦁꦱꦕꦶꦟꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦫꦠꦺꦴꦤ꧀ꦏꦭꦶꦁꦮꦲꦸꦑꦭꦶꦁꦓ꧈ ꦢꦸꦩꦸꦤꦸꦁꦲꦶꦁꦥꦱꦶꦱꦶꦂꦫꦶꦥꦸꦤ꧀ꦠꦤꦃꦲꦶꦤ꧀ꦢꦶꦪꦔꦗꦼꦁꦲꦶꦁꦏꦁꦭꦺꦂꦮꦺꦠꦤ꧀꧈ꦩꦶꦫꦶꦢ꧀ꦱꦏꦶꦁꦭꦶꦤ꧀ꦠꦭꦶꦤ꧀ꦠꦸꦤꦶꦁꦤꦩꦮꦲꦸ꧈ꦢꦸꦒꦶꦢꦸꦒꦶꦲꦶꦁꦤꦒꦫꦶꦑꦭꦶꦁꦓꦏꦭꦲꦶꦁꦗꦩꦤ꧀ꦮꦲꦸꦲꦒꦼꦁꦏꦸꦮꦱꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶ꧉
________
V. ꧋ꦧꦪꦶꦤꦠ꧀ꦠꦶꦥꦸꦤ꧀ꦠꦸꦩꦼꦁꦏꦂꦫꦶꦁꦲꦒꦩꦶꦲꦶꦟ꧀ꦝꦸꦠꦸꦮꦶꦤ꧀ꦨꦸꦢ꧀ꦝꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧉
꧋ꦲꦶꦁꦥꦸꦤ꧀ꦢꦶꦥꦸꦤ꧀ꦢꦶꦱꦠꦭꦠꦃꦲꦶꦁꦠꦤꦃꦲꦶꦁꦠꦤꦃꦗꦮꦶꦥꦿꦱꦱꦠ꧀ꦮꦺꦴꦤ꧀ꦠꦼꦤ꧀ꦥꦠꦶꦭꦱ꧀ꦱꦤ꧀ꦤꦶꦥꦸꦤ꧀ꦗꦩꦤ꧀ꦲꦶꦟ꧀ꦝꦸ꧈ꦏꦢꦺꦴꦱ꧀ꦠ꧇ꦕꦟ꧀ꦝꦶꦕꦟ꧀ꦝꦶꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦱꦤꦢꦾꦤ꧀ꦧꦺꦴꦠꦼꦤ꧀ꦱꦩꦶꦏꦛꦃꦲꦶꦥꦸꦤ꧀ꦲꦸꦠꦮꦶꦧꦺꦴꦠꦼꦤ꧀ꦱꦩꦶꦲꦶꦁꦮꦸꦗꦸꦢ꧀ꦠꦸꦮꦶꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦠ꧇ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦏꦶꦭꦺꦤ꧀ꦲꦶꦁꦱꦕꦼꦭꦏ꧀ꦏꦶꦥꦸꦤ꧀ꦨꦠꦮꦶꦲꦏꦭꦶꦪꦤ꧀ꦧꦺꦴꦒꦺꦴꦂ꧈ꦲꦶꦁꦗꦮꦶꦠꦼꦔꦃꦢꦸꦩꦸꦤꦸꦁꦲꦶꦁꦦ
74 ]ꦫꦺꦯꦶꦣꦺꦤ꧀ꦤꦤ꧀ꦔꦪꦺꦴꦓꦾꦏꦂꦠ꧈ꦑꦼꦣꦸ꧈ꦯꦸꦫꦏꦂꦠ꧉ꦲꦶꦁꦏꦁꦥꦶꦤꦁꦒꦶꦃꦲꦶꦁꦱꦮꦺꦠꦤ꧀ꦤꦶꦁꦥꦫꦺꦯꦶꦣꦺꦤ꧀ꦤꦤ꧀ꦠꦶꦠꦶꦒꦥꦸꦤꦶꦏꦢꦸꦩꦸꦤꦸꦁꦲꦶꦁꦥꦫꦺꦯꦶꦣꦺꦤ꧀ꦤꦤ꧀ꦱꦸꦫꦨꦪ꧈ꦑꦼꦣꦶꦫꦶꦠꦸꦮꦶꦤ꧀ꦦꦱꦸꦫꦸꦮꦤ꧀ꦲꦸꦫꦸꦠ꧀ꦠꦶꦠꦶꦩꦁꦱꦤꦶꦥꦸꦤ꧀ꦲꦮꦶꦠ꧀ꦲꦶꦁꦏꦁꦫꦸꦩꦶꦪꦶꦤ꧀ꦥꦶꦪꦩ꧀ꦧꦏ꧀ꦥꦸꦤꦶꦏꦲꦶꦁꦏꦁꦩꦶꦤꦺꦴꦁꦏꦠꦼꦊꦁ꧈ꦥꦺꦴꦏꦺꦴꦏ꧀ꦲꦸꦠꦮꦶꦭꦗꦼꦂꦫꦶꦥꦸꦤ꧀꧈ꦱꦤꦢꦾꦤ꧀ꦢꦸꦤꦸꦁꦔꦶꦥꦸꦤ꧀ꦧꦫꦁꦠꦶꦠꦶꦭꦂꦫꦤ꧀ꦏꦭꦲꦶꦁꦗꦩꦤ꧀ꦲꦶꦟ꧀ꦝꦸꦲꦶꦁꦏꦁꦏꦺꦔꦶꦁꦢꦶꦥꦸꦤ꧀ꦗꦚ꧀ꦗꦁꦱꦂꦠꦏꦲꦼꦭꦶꦃꦥꦁꦒꦺꦤ꧀ꦤꦤ꧀ꦤꦶꦥꦸꦤ꧀ꦢꦺꦫꦺꦁꦩꦼꦱ꧀ꦛꦶꦩꦤꦮꦶꦲꦶꦁꦱꦭꦩꦶꦤꦶꦥꦸꦤ꧀ꦩꦁꦒꦺꦤ꧀ꦠꦼꦠꦼꦥ꧀ꦲꦶꦁꦱꦠꦸꦁꦒꦶꦭ꧀ꦭꦶꦁꦥꦁꦒꦺꦤ꧀ꦤꦤ꧀ꦔꦤ꧀ꦠꦺꦴꦱ꧀ꦲꦶꦁꦏꦁꦩꦏꦠꦼꦤ꧀ꦮꦲꦸꦢꦢꦺꦴꦱ꧀ꦥꦁꦒꦒꦱ꧀ꦱꦶꦥꦸꦤ꧀ꦥꦫꦱꦒꦼꦢ꧀꧈ꦲꦺꦮꦢꦺꦢꦺꦥꦠꦶꦭꦱ꧀ꦱꦤ꧀ꦲꦶꦁꦏꦁꦲꦒꦼꦁꦲꦒꦼꦁ꧈ꦏꦢꦺꦴꦱ꧀ꦠ꧇ꦕꦟ꧀ꦝꦶ꧈ꦱꦤꦢꦾꦤ꧀ꦲꦸꦒꦶꦮꦺꦴꦤ꧀ꦠꦼꦤ꧀ꦲꦶꦁꦏꦁꦥꦚ꧀ꦕꦺꦤ꧀ꦏꦺꦔꦶꦁꦢꦶꦥꦸꦤ꧀ꦲꦼꦭꦶꦃꦱꦏꦶꦁꦥꦁꦒꦺꦤ꧀ꦤꦤ꧀ꦤꦶꦥꦸꦤ꧀ꦏꦮꦶꦠ꧀ꦠꦤ꧀ꦲꦤꦔꦶꦁꦩꦶꦫꦶꦢ꧀ꦱꦏꦶꦁꦠꦺꦴꦟ꧀ꦝꦠꦺꦴꦟ꧀ꦝꦧꦶꦭꦶꦃꦥꦁꦒꦺꦤ꧀ꦤꦤ꧀ꦤꦶꦥꦸꦤ꧀ꦠꦼꦠꦼꦥ꧀ꦲꦶꦁꦁꦔꦿꦶꦏꦸꦱꦭꦩꦶꦤꦶꦥꦸꦤ꧀ꦩꦿꦠꦟ꧀ꦝꦤꦶꦪꦺꦤ꧀ꦮꦺꦴꦤ꧀ꦠꦼꦤ꧀ꦤꦶꦁꦥꦠꦶꦭꦱ꧀ꦱꦤ꧀ꦲꦶꦁꦏꦁꦲꦒꦼꦁꦮꦲꦸ꧈ꦲꦶꦁꦨꦺꦴꦓꦺꦴꦂ꧈ꦨꦠꦮꦶ꧈ꦔꦪꦺꦴꦒꦾ꧈ꦑꦼꦣꦸ꧈ꦯꦸꦫꦏꦂꦠ꧈ꦯꦸꦫꦧꦪ꧈ꦑꦼꦣꦶꦫꦶ꧈ꦦꦱꦸꦫꦸꦮꦤ꧀ꦢꦢꦺꦴꦱ꧀ꦠꦼꦊꦁꦔꦶꦥꦸꦤ꧀ꦥꦩ꧀ꦧꦧꦂꦫꦶꦁꦲꦒꦩꦶꦲꦶꦟ꧀ꦝꦸꦲꦶꦁꦗꦩꦤ꧀ꦏꦶꦤ꧉ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦮꦲꦸꦲꦶꦁꦗꦮꦶꦏꦶꦭꦺꦤ꧀ꦤꦩꦸꦁꦱꦏꦼꦣꦶꦏ꧀ꦲꦶꦁꦏꦁꦏꦛꦃ 75 ]ꦲꦶꦁꦗꦮꦶꦠꦼꦔꦃꦱꦂꦠꦲꦶꦁꦗꦮꦶꦮꦺꦠꦤ꧀꧈ꦱꦏꦶꦁꦥꦺꦴꦏꦺꦴꦏ꧀ꦏꦶꦥꦸꦤ꧀ꦥꦁꦒꦺꦤ꧀ꦤꦤ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦮꦲꦸ꧈ꦭꦗꦼꦁꦲꦼꦥꦁꦣꦠꦼꦁꦲꦶꦁꦤꦒꦫꦶꦤꦒꦫꦶꦲꦶꦁꦱꦏꦶꦮꦠꦼꦔꦼꦤ꧀ꦤꦶꦥꦸꦤ꧀꧈ꦲꦶꦁꦏꦁꦢꦸꦩꦸꦤꦸꦁꦲꦶꦁꦦꦱꦸꦫꦸꦮꦤ꧀ꦭꦗꦼꦁꦩꦿꦢꦶꦤ꧀ꦤꦶꦲꦶꦁꦗꦮꦶꦮꦺꦠꦤ꧀꧈ꦱꦂꦠꦲꦼꦥꦁꦣꦠꦼꦁꦩꦢꦸꦫꦠꦸꦮꦶꦤ꧀ꦨꦭꦶ꧈ꦥꦸꦤꦥꦩꦭꦶꦃꦩꦢꦶꦲꦸꦤ꧀ꦏꦺꦔꦶꦁꦏꦲꦺꦠꦁꦲꦼꦥꦁ꧉
꧋ꦭꦗꦼꦂꦲꦶꦁꦗꦮꦶꦏꦶꦭꦺꦤ꧀꧈ꦏꦠꦶꦠꦶꦏ꧀ꦱꦏꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦱꦺꦭꦱꦺꦭꦒꦼꦱꦁ꧈ꦠꦼꦒꦼꦱ꧀ꦱꦶꦥꦸꦤ꧀ꦱꦺꦭꦲꦶꦁꦏꦁꦢꦺꦫꦺꦁꦏꦒꦫꦥ꧀꧈ꦲꦶꦁꦗꦩ꧀ꦧꦸ꧈ꦲꦶꦁꦏꦼꦧꦺꦴꦤ꧀ꦏꦺꦴꦥꦶ꧈ꦕꦶꦪꦫꦸꦡꦶꦤ꧀ꦱꦂꦠꦲꦶꦁꦡꦸꦓꦸ꧉
꧋ꦭꦗꦼꦂꦲꦶꦁꦗꦮꦶꦠꦼꦔꦃ꧈ꦏꦠꦶꦠꦶꦏ꧀ꦱꦏꦶꦁꦏꦛꦃꦲꦶꦁꦱꦼꦱꦼꦫꦠ꧀ꦠꦤ꧀ꦱꦂꦠꦥꦠꦶꦭꦱ꧀ꦱꦤ꧀ꦥꦸꦥꦸꦟ꧀ꦝꦺꦤ꧀ꦠꦸꦮꦶꦤ꧀ꦒꦿꦶꦪꦥꦩꦸꦗꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦲꦶꦟ꧀ꦝꦸꦏꦢꦺꦴꦱ꧀ꦠ꧇ꦕꦟ꧀ꦝꦶꦕꦟ꧀ꦝꦶꦱꦱꦩꦶꦤꦶꦥꦸꦤ꧀꧈ꦠꦶꦭꦱ꧀ꦲꦸꦟ꧀ꦝꦏ꧀ꦲꦸꦟ꧀ꦝꦏ꧀ꦏꦤ꧀ꦩꦶꦒꦃꦣꦠꦼꦁꦢꦶꦪꦺꦁ꧈ꦱꦂꦠꦒꦸꦮꦒꦸꦮꦲꦶꦁꦏꦁꦮꦺꦴꦤ꧀ꦠꦼꦤ꧀ꦠꦶꦠꦶꦏ꧀ꦏꦶꦥꦸꦤ꧀ꦥꦠꦶꦭꦱ꧀ꦱꦤ꧀ꦤꦶꦁꦠꦶꦠꦶꦪꦁꦲꦒꦩꦶꦲꦶꦟ꧀ꦝꦸ꧈ꦤꦟ꧀ꦝꦏ꧀ꦲꦏꦼꦤ꧀ꦧꦶꦭꦶꦃꦲꦶꦁꦗꦮꦶꦠꦼꦔꦃꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦱꦩ꧀ꦥꦸꦤ꧀ꦏꦛꦃꦱꦔꦺꦠ꧀ꦠꦶꦠꦶꦪꦁꦲꦒꦩꦶꦲꦶꦟ꧀ꦝꦸ꧉ꦲꦶꦁꦗꦮꦶꦠꦼꦔꦲꦸꦒꦶꦥꦶꦤꦁꦒꦶꦃꦠꦥꦏ꧀ꦠꦶꦭꦱ꧀ꦱꦶꦁꦕꦟ꧀ꦝꦶ꧈ꦱꦂꦠꦲꦶꦁꦏꦁꦠꦼꦏ꧀ꦱꦶꦃꦮꦸꦗꦸꦢ꧀ꦕꦟ꧀ꦝꦶ꧈ꦏꦢꦺꦴꦱ꧀ꦠ꧇ꦲꦶꦁꦥꦫꦺꦯꦶ
76 ]ꦣꦺꦤ꧀ꦤꦤ꧀ꦱꦼꦩꦫꦁ꧈ꦕꦟ꧀ꦝꦶꦡꦺꦒꦏꦸꦯꦸꦩ꧈ꦱꦶꦏꦸꦟꦶꦂ꧈ꦏꦭꦶꦡꦩꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧉ꦲꦶꦁꦨꦒꦼꦭꦺꦤ꧀꧈ꦕꦟ꧀ꦝꦶꦯꦮꦁꦔꦤ꧀꧈ꦒꦸꦮꦒꦸꦮꦲꦶꦁꦑꦸꦛꦲꦂꦗ꧈ꦢꦺꦱꦕꦟ꧀ꦝꦶ꧈ꦕꦟ꧀ꦝꦶ꧇ 44 ꦲꦶꦁꦢꦶꦪꦺꦁ꧈ꦲꦶꦁꦏꦼꦣꦸ꧇ ꦨꦫꦧꦸꦣꦸꦂ꧈ꦕꦟ꧀ꦝꦶꦥꦮꦺꦴꦤ꧀꧈ꦩꦼꦟ꧀ꦢꦸꦠ꧀ꦠꦸꦮꦶꦤ꧀ꦏꦛꦃꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧉ꦲꦶꦁꦔꦪꦺꦴꦒꦾꦏꦂꦠ꧇ꦕꦟ꧀ꦝꦶꦲꦶꦗꦺꦴ꧈ꦕꦟ꧀ꦝꦶꦯꦫꦶ꧈ꦕꦟ꧀ꦝꦶꦑꦭꦱ꧀ꦱꦤ꧀꧈ꦕꦟ꧀ꦝꦶꦦꦿꦩ꧀ꦧꦤ꧀ꦤꦤ꧀꧉ꦲꦶꦁꦯꦸꦫꦏꦂꦠ꧇ꦕꦟ꧀ꦝꦶꦣꦺꦮꦸ꧈ꦕꦟ꧀ꦝꦶꦭꦸꦩ꧀ꦧꦸꦁ꧈ꦕꦟ꧀ꦝꦶꦦ꧀ꦭꦲꦺꦴꦱ꧀ꦱꦤ꧀꧈ꦕꦟ꧀ꦝꦶꦯꦸꦗꦶꦮꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧉
꧋ꦭꦗꦼꦂꦲꦶꦁꦗꦮꦶꦮꦺꦠꦤ꧀꧈ꦏꦠꦶꦠꦶꦏ꧀ꦱꦏꦶꦁꦏꦛꦃꦲꦶꦁꦱꦼꦱꦼꦫꦠ꧀ꦠꦤ꧀ꦏꦭꦲꦶꦁꦗꦩꦤ꧀ꦲꦶꦤ꧀ꦝꦸ꧈ꦱꦂꦠꦠꦥꦏ꧀ꦠꦶꦭꦱ꧀ꦱꦶꦁꦪꦪꦱꦤ꧀ꦮꦂꦟꦮꦂꦟꦶ꧈ꦤꦔꦶꦁꦧꦺꦴꦠꦼꦤ꧀ꦥꦠꦺꦴꦱ꧀ꦏꦛꦃꦲꦸꦠꦮꦶꦧꦺꦴꦠꦼꦤ꧀ꦔꦺꦧꦠ꧀ꦲꦺꦧꦠ꧀ꦠꦏꦼꦤ꧀ꦏꦢꦺꦴꦱ꧀ꦲꦶꦁꦗꦮꦶꦠꦼꦔꦃ꧈ꦲꦶꦁꦁꦔꦿꦶꦏꦸꦲꦸꦒꦶꦥꦶꦤꦁꦒꦶꦃꦏꦛꦃꦒꦸꦮꦤꦶꦥꦸꦤ꧀꧈ꦥꦢꦸꦱ꧀ꦱꦤ꧀꧈ꦒꦥꦸꦫꦒꦥꦸꦫ꧈ꦕꦥꦸꦫꦶ꧈ꦧꦺꦠꦺꦁ꧈ꦥꦠꦩꦤ꧀ꦤꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦏꦁꦲꦶꦁꦗꦮꦶꦠꦼꦔꦃꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀꧈ꦥꦸꦤꦥꦩꦭꦶꦃꦠꦶꦭꦱ꧀ꦭꦸꦩ꧀ꦧꦸꦁꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈ꦲꦶꦁꦏꦁꦥꦶꦤꦁꦒꦶꦃꦲꦶꦁꦥꦫꦺꦯꦶꦣꦺꦤ꧀ꦤꦤ꧀ꦩꦢꦶꦪꦸꦤ꧀꧇ ꦒꦼꦣꦺꦴꦁꦓꦺꦴꦁ꧈ꦯꦣꦤ꧀ꦒꦼꦭꦁ (ꦠꦶꦭꦱ꧀ꦏꦿꦠꦺꦴꦤ꧀)꧈ꦲꦶꦁꦯꦸꦫꦧꦪ꧇ꦕꦟ꧀ꦝꦶꦔꦿꦶꦩ꧀ꦧꦶ꧈ꦕꦟ꧀ꦝꦶꦏꦣꦡꦺꦴꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧉ꦲꦶꦁꦑꦼꦣꦶꦫꦶ꧇ꦕꦟ꧀ꦝꦶꦭꦺꦴꦂ꧈ꦕꦟ꧀ꦝꦶ
77 ]ꦔꦼꦠꦱ꧀ꦱꦂꦠꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦲꦶꦁꦦꦱꦸꦫꦸꦮꦤ꧀꧇ꦕꦟ꧀ꦝꦶꦡꦼꦁꦒꦶꦭꦶꦁ꧈ꦱꦺꦭꦧꦿꦗ꧈ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦲꦶꦁꦦꦿꦧꦭꦶꦁꦒ꧇ ꦕꦟ꧀ꦝꦶꦦꦸꦫ꧈ꦕꦟ꧀ꦝꦶꦗꦨꦸꦁꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀꧈ꦲꦶꦁꦨꦼꦱꦸꦏꦶ꧇ ꦕꦟ꧀ꦝꦶꦲꦂꦒꦦꦸꦫ꧈ꦕꦟ꧀ꦝꦶꦏꦣꦡꦺꦴꦤ꧀ꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈
꧋ꦩꦶꦫꦶꦢ꧀ꦱꦏꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦱꦂꦠꦲꦶꦁꦱꦺꦭꦱꦺꦭꦲꦶꦁꦏꦁꦥꦶꦤꦁꦒꦶꦃ꧈ꦥꦸꦤꦥꦩꦭꦶꦃꦱꦏꦶꦁꦥꦤꦟ꧀ꦝꦶꦁ꧈ꦱꦩ꧀ꦥꦸꦤ꧀ꦠꦺꦠꦺꦭꦪꦺꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦏꦶꦭꦺꦤ꧀ꦱꦼꦥꦸꦃꦥꦶꦪꦩ꧀ꦧꦏ꧀ꦱꦂꦠꦏꦢꦸꦤꦸꦁꦔꦏꦼꦤ꧀ꦢꦺꦤꦶꦁꦠꦶꦠꦶꦪꦁꦲꦶꦁꦏꦁꦩꦸꦩꦸꦟ꧀ꦝꦶꦣꦠꦼꦁꦮꦶꦱ꧀ꦤꦸ꧈ꦢꦺꦢꦺꦠꦶꦠꦶꦪꦁꦲꦒꦩꦶꦨꦸꦢ꧀ꦝ꧉
꧋ꦫꦶꦏꦭꦲꦒꦩꦶꦲꦶꦟ꧀ꦝꦸꦠꦸꦩꦼꦁꦏꦂꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦮꦺꦠꦤ꧀ꦩꦶꦠꦸꦫꦸꦠ꧀ꦲꦸꦔꦼꦭ꧀ꦭꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃ꧈ꦲꦶꦁꦗꦮꦶꦮꦺꦠꦤ꧀ꦲꦶꦁꦱꦏꦶꦢꦸꦭ꧀ꦱꦸꦫꦨꦪ꧈ꦱꦭꦺꦂꦦꦱꦸꦫꦸꦮꦤ꧀ꦱꦂꦠꦲꦶꦁꦑꦣꦶꦫꦶꦲꦶꦁꦏꦁꦢꦢꦺꦴꦱ꧀ꦠꦼꦊꦁꦔꦶꦁꦏꦮꦿꦸꦃꦏꦒꦸꦤꦤ꧀ꦲꦶꦟ꧀ꦝꦸ꧈ꦲꦶꦁꦱꦼꦫꦠ꧀ꦠꦤ꧀ꦮꦲꦸꦏꦱꦼꦧꦸꦠ꧀ꦥꦫꦫꦠꦸꦲꦶꦁꦏꦁꦲꦱ꧀ꦩꦤꦶꦥꦸꦤ꧀ꦏꦢꦺꦴꦱ꧀ꦤꦩꦤꦩꦲꦶꦁꦏꦁꦏꦁꦒꦺꦲꦶꦁꦥꦫꦠꦶꦠꦶꦪꦁꦲꦶꦁꦏꦁꦥꦁꦏꦠ꧀ꦲꦭꦶꦠ꧀ꦏꦺꦩꦮꦺꦴꦤ꧀꧈
꧋ꦲꦶꦁꦗꦮꦶꦠꦼꦔꦃꦲꦸꦒꦶꦥꦶꦤꦁꦒꦶꦃꦲꦶꦁꦏꦁꦩꦏꦠꦼꦤ꧀
78 ]꧋ꦱꦱꦉꦁꦔꦤ꧀ꦏꦭꦶꦪꦤ꧀ꦱꦸꦫꦸꦠ꧀ꦠꦶꦥꦸꦤ꧀ꦲꦒꦩꦶꦨꦸꦢ꧀ꦝ꧈ꦲꦶꦁꦤꦒꦫꦶꦦꦱꦸꦫꦸꦮꦤ꧀ꦑꦼꦣꦶꦫꦶ꧈ꦱꦂꦠꦔ꧀ꦭꦼꦩ꧀ꦥꦏ꧀ꦏꦶꦥꦸꦤ꧀ꦝꦠꦼꦁꦯꦸꦫꦨꦪ꧈ꦮꦠꦮꦶꦱ꧀ꦲꦶꦁꦠꦲꦸꦤ꧀ꦯꦑ꧇ 900꧈ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦧꦧꦢ꧀ꦲꦒꦩꦶ꧈ꦲꦶꦁꦱꦊꦧꦼꦠ꧀ꦠꦶꦁꦗꦸꦩꦼꦤꦼꦁꦔꦶꦥꦸꦤ꧀ꦦꦿꦨꦸꦲꦺꦂꦭꦁꦓ꧈ꦠꦶꦠꦶꦪꦁꦨꦭꦶꦲꦶꦁꦏꦁꦏꦧꦮꦃꦣꦠꦼꦁꦯꦁꦦꦿꦨꦸꦲꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦏꦱꦸꦱꦱ꧀ꦠꦿꦤ꧀ꦠꦸꦮꦶꦤ꧀ꦠꦼꦠꦼꦩ꧀ꦧꦸꦁꦔꦤ꧀ꦗꦮꦶꦏꦶꦤꦲꦶꦁꦱꦱꦒꦼꦢ꧀ꦱꦒꦼꦢ꧀ꦢꦶꦥꦸꦤ꧀ꦱꦤꦢꦾꦤ꧀ꦲꦶꦁꦮꦼꦏ꧀ꦠꦸꦗꦸꦩꦼꦤꦼꦁꦔꦶꦥꦸꦤ꧀ꦱꦁꦦꦿꦨꦸ꧈ꦠꦼꦏ꧀ꦱꦶꦃꦏꦛꦃꦱꦼꦫꦠ꧀ꦱꦼꦫꦠ꧀ꦲꦶꦁꦏꦁꦏꦺꦴꦥꦺꦤ꧀ꦲꦸꦠꦮꦶꦲꦶꦁꦏꦁꦥꦧ꧀ꦕꦺꦤ꧀ꦏꦲꦁꦒꦶꦠ꧀ꦲꦶꦁꦱꦊꦧꦼꦠ꧀ꦠꦶꦁꦗꦸꦩꦼꦤꦼꦁꦔꦶꦥꦸꦤ꧀ꦱꦁꦦꦿꦨꦸ꧈ꦏꦢꦺꦴꦱ꧀ꦠ꧇ ꦱꦥꦭꦶꦃꦲꦶꦥꦸꦤ꧀ꦱꦼꦫꦠ꧀ꦩꦲꦨꦫꦡꦲꦶꦁꦏꦁꦔꦗꦼꦁ꧈ꦲꦶꦁꦒꦶꦃꦥꦸꦤꦶꦏꦄꦢꦶꦮꦶꦫꦡ꧈ꦔꦸꦢꦶꦪꦺꦴꦓ꧈ꦨꦶꦱ꧀ꦩꦦꦂꦠ꧈ꦱꦂꦠꦱꦼꦫꦠ꧀ꦫꦩꦪꦟ꧈ꦲꦶꦁꦏꦁꦱꦩ꧀ꦥꦸꦤ꧀ꦏꦲꦁꦒꦶꦠ꧀ꦝꦥꦸꦂꦏꦶꦏꦶꦢꦸꦁꦔꦤ꧀ꦩ
ꦮꦶꦠꦼꦩ꧀ꦧꦸꦁꦗꦮꦶꦏꦶꦤ꧉
꧋ꦏꦕꦫꦶꦪꦺꦴꦱ꧀ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦯꦑ꧇ 1000 ꦱꦥꦔꦟ꧀ꦝꦥ꧀ꦤꦒꦫꦶꦩꦢꦶꦪꦸꦤ꧀ꦩꦢꦼꦒ꧀ꦥꦶꦪꦩ꧀ꦧꦏ꧀ꦥꦸꦤꦥꦩꦭꦶꦃꦤꦒꦫꦶꦑꦣꦶꦫꦶꦠꦸꦮꦶꦤ꧀ꦦꦱꦸꦫꦸꦮꦤ꧀ꦧꦣꦺꦏꦛꦃꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦥꦸꦤ꧀ꦠꦸꦩꦿꦥ꧀ꦲꦶꦁꦱꦺꦫꦠ꧀ꦦꦫꦫꦡꦺꦴꦤ꧀ꦗꦶꦭꦶꦢ꧀ꦢꦤ꧀ꦎꦁꦏ꧇ II꧉꧋ꦏꦺꦴꦟ꧀ꦝꦥꦱꦏ꧀ꦱꦺꦤ꧀ꦤꦶꦥꦸꦤ꧀ꦩꦤꦮꦶꦠꦶꦠꦶꦪꦁꦧꦺꦴꦁꦱꦲꦶꦟ꧀ꦝꦸ
ꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦮꦶꦱ꧀ꦤꦸꦲꦶꦁꦒꦶꦃꦏꦊꦧꦼ
79 ]ꦠ꧀ꦝꦠꦼꦁꦒꦺꦴꦒꦺꦴꦭꦺꦴꦁꦁꦔꦤ꧀ꦤꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦲꦶꦁꦏꦁꦔꦗꦮꦶꦫꦸꦩꦶꦪꦶꦤ꧀ꦥꦶꦪꦩ꧀ꦧꦏ꧀꧈ꦏꦠꦶꦠꦶꦏ꧀ꦱꦏꦶꦁꦏꦛꦃꦲꦶꦁꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦲꦶꦟ꧀ꦝꦸꦲꦶꦁꦏꦁꦏꦶꦤꦥꦶꦪꦩ꧀ꦧꦏ꧀ꦱꦂꦠꦲꦶꦁꦏꦁꦏꦤ꧀ꦠꦸꦤ꧀ꦏꦤ꧀ꦠꦸꦤ꧀ꦏꦢꦺꦴꦱ꧀ꦠ꧇ꦕꦟ꧀ꦝꦶꦯꦸꦏ꧈ꦱꦂꦠꦱꦟ꧀ꦝꦶꦕꦼꦛꦲꦶꦁꦉꦢꦶꦭꦮꦸ꧈ꦏꦠꦮꦶꦱ꧀ꦪꦺꦤ꧀ꦠꦶꦠꦶꦭꦂꦫꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦮꦶꦱ꧀ꦤꦸ꧈ꦏꦗꦮꦶꦉꦕꦉꦕꦤꦶꦁꦮꦶꦱ꧀ꦤꦸꦲꦶꦁꦥꦸꦭꦺꦴꦗꦮꦶꦥꦶꦤꦁꦒꦶꦃꦲꦸꦒꦶꦉꦕꦥꦼꦥꦼꦛꦤꦶꦁꦱꦏ꧀ꦠꦶꦤꦶꦥꦸꦤ꧀ꦱꦏ꧀ꦠꦶꦩꦏꦠꦼꦤ꧀ꦒꦂꦮꦤꦶꦁꦢꦺꦮ꧈ꦲꦶꦁꦏꦁꦏꦕꦫꦶꦪꦺꦴꦱ꧀ꦏꦧꦧꦂꦫꦏꦼꦤ꧀ꦩꦼꦢꦭ꧀ꦱꦏꦶꦁꦱꦊꦧꦼꦠ꧀ꦠꦶꦁꦱꦒꦤ꧀ꦠꦼꦤ꧀ꦱꦂꦠꦱꦏꦼꦭꦁꦏꦸꦁꦭꦶꦱ꧀ꦠꦾꦲꦶꦁꦮꦂꦟꦶ꧈ꦲꦶꦁꦒꦶꦃꦥꦸꦤꦶꦏꦢꦺꦮꦶꦭꦏ꧀ꦱ꧀ꦩꦶꦲꦸꦠꦮꦶꦯꦿꦶ꧉ꦲꦶꦁꦔꦿꦶꦏꦸꦲꦸꦒꦶꦮꦺꦴꦤ꧀ꦠꦼꦤ꧀ꦉꦕꦥꦼꦛꦤꦶꦁꦨꦛꦫꦨꦿꦃꦩ꧈ꦱꦲꦠꦿꦶꦩꦸꦂꦡꦶ꧈ꦲꦤꦔꦶꦁꦩꦶꦫꦶꦢ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦕꦟ꧀ꦝꦶꦕꦟ꧀ꦝꦶꦱꦂꦠꦏꦛꦃꦲꦶꦁꦉꦕꦉꦕꦥꦼꦥꦼꦛꦤꦶꦁꦯꦶꦮꦃ꧈ꦲꦤꦺꦭꦏ꧀ꦲꦏꦼꦤ꧀ꦩꦤꦮꦶꦱꦩꦶꦱꦩꦶꦲꦒꦩꦶꦲꦶꦟ꧀ꦝꦸꦲꦶꦁꦏꦁꦥꦼꦚ꧀ꦕꦂꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦲꦒꦩꦶꦯꦶꦮꦃꦲꦶꦁꦏꦁꦏꦊꦧꦼꦠ꧀ꦲꦒꦼꦁꦥꦶꦪꦩ꧀ꦧꦏ꧀꧈
꧋ꦉꦕꦉꦕꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶꦩꦶꦠꦸꦫꦸꦠ꧀ꦲꦶꦁꦣꦥꦸꦂꦫꦶꦥꦸꦤ꧀ꦏꦥꦺꦫꦁꦮꦂꦟꦶꦮꦂꦟꦶ꧈ꦣꦥꦸꦂꦦꦗꦗꦂꦫꦤ꧀ꦏꦤꦩꦏ꧀ꦲꦏꦼꦤ꧀ꦩꦏꦠꦼꦤ꧀ꦩꦶꦠꦸꦫꦸꦠ꧀ꦏꦫꦠꦺꦴꦤ꧀ꦲꦶꦁꦦꦗꦗꦂꦫꦤ꧀ꦲꦶꦁꦏꦁꦢꦸꦤꦸꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦏꦶꦭꦺꦤ꧀꧈ꦱꦢꦪꦉꦕꦉ
80 ]ꦕꦲꦶꦁꦏꦁꦢꦸꦩꦸꦤꦸꦁꦲꦶꦁꦗꦮꦶꦏꦶꦭꦺꦤ꧀ꦱꦩꦶꦏꦊꦧꦼꦠ꧀ꦝꦥꦸꦂꦦꦗꦗꦂꦫꦤ꧀ꦏꦢꦺꦴꦱ꧀ꦠ꧇ꦉꦕꦣꦺꦴꦩꦱ꧀ꦱꦂꦠꦉꦕꦉꦕꦲꦶꦁꦏꦁꦥꦶꦤꦁꦒꦶꦃꦲꦶꦁꦨꦺꦴꦓꦺꦴꦂꦠꦸꦮꦶꦤ꧀ꦲꦶꦁꦦꦿꦶꦪꦁꦔꦤ꧀꧈ꦉꦕꦉꦕꦲꦣꦥꦸꦂꦦꦗꦗꦂꦫꦤ꧀ꦥꦸꦤꦶꦏꦒꦫꦥ꧀ꦥꦤ꧀ꦤꦶꦥꦸꦤ꧀ꦱꦏꦭꦁꦏꦸꦁꦥꦱꦗ꧈ꦲꦮꦶꦱ꧀ꦲꦮꦶꦱ꧀ꦲꦶꦁꦏꦁꦥꦤꦠꦃꦲꦶꦥꦸꦤ꧀ꦲꦸꦮꦭ꧀ꦱꦏꦶꦁꦱꦺꦭ꧈ꦲꦤꦔꦶꦁꦲꦶꦁꦏꦁꦏꦛꦃꦏꦛꦃꦠꦼꦏ꧀ꦱꦶꦃꦏꦺꦴꦟ꧀ꦛꦮꦺꦴꦤ꧀ꦠꦼꦤ꧀ꦲꦶꦁꦱꦺꦭꦲꦶꦁꦏꦁꦠꦶꦤꦠꦃ꧈ꦥꦸꦤꦥꦩꦭꦶꦃꦲꦶꦁꦏꦁꦭꦶꦩꦿꦃꦮꦸꦗꦸꦢ꧀ꦢꦶꦥꦸꦤ꧀ꦲꦮꦺꦴꦤ꧀ꦲꦮꦺꦴꦤ꧀ꦕꦺꦴꦫꦺꦏ꧀ꦏꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦲꦗꦼꦒ꧀ꦱꦂꦠꦄꦲꦸꦠꦄꦲꦸꦠ꧀ꦧꦺꦴꦠꦼꦤ꧀ꦩꦮꦶꦏꦠꦶꦩ꧀ꦧꦁꦏꦭꦶꦪꦤ꧀ꦲꦒꦼꦁꦲꦭꦶꦠ꧀ꦠꦶꦁꦮꦸꦗꦸꦢ꧀ꦩꦶꦫꦶꦢ꧀ꦲꦸꦭꦠ꧀ꦲꦸꦭꦠ꧀ꦠꦤ꧀ꦤꦶꦥꦸꦤ꧀ꦩꦿꦕꦶꦃꦤꦤꦶꦪꦺꦤ꧀ꦏꦩꦗꦼꦁꦔꦤ꧀ꦤꦶꦥꦸꦤ꧀ꦉꦕꦲꦶꦁꦏꦁꦠꦸꦩꦶꦤ꧀ꦢꦏ꧀ꦲꦶꦁꦠꦤꦃꦲꦶꦟ꧀ꦢꦶꦪꦲꦶꦁꦗꦩꦤ꧀ꦏꦶꦤꦲꦔ꧀ꦭꦁꦏꦸꦁꦔꦶꦭꦸꦒꦸꦤꦶꦁꦒꦫꦥ꧀ꦥꦤ꧀ꦲꦶꦟ꧀ꦝꦸ꧈ꦢꦺꦤꦺꦲꦸꦩꦸꦂꦫꦶꦥꦸꦤ꧀ꦉꦕꦉꦕꦲꦶꦁꦏꦁꦲꦣꦥꦸꦂꦥꦗꦗꦂꦫꦤ꧀ꦮꦲꦸꦩꦶꦠꦸꦫꦸꦠ꧀ꦎꦁꦏꦠꦲꦸꦤ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦱꦮꦼꦤꦺꦃꦲꦶꦁꦉꦕꦉꦕ꧈ꦏꦭꦲꦶꦁꦱꦢꦺꦫꦺꦁꦔꦶꦥꦸꦤ꧀ꦠꦲꦸꦤ꧀꧇ 1200 ꦢꦸꦩꦸꦒꦶꦠꦲꦸꦤ꧀꧇ 1500꧉
꧋ꦥꦤꦠꦃꦲꦶꦁꦉꦕꦉꦕꦲꦶꦁꦏꦁꦏꦮꦶꦕꦭ꧀ꦱꦩ꧀ꦥꦸꦤ꧀ꦭꦁꦏꦸꦁꦩꦗꦼꦁꦩꦶꦠꦸꦫꦸꦠ꧀ꦝꦥꦸꦂꦫꦶꦥꦸꦤ꧀ꦏꦥꦺꦫꦁꦠꦶꦒ꧈ꦲꦶꦁꦏꦁꦱꦠꦸꦁꦒꦭ꧀ꦝꦥꦸꦂꦩꦗꦦꦲꦶꦠ꧀ꦏꦺꦔꦶꦁꦮꦶꦤꦱ꧀ꦠꦤ꧀ꦒꦫꦥ꧀ꦥꦤ꧀ꦲꦶꦟ꧀ꦝꦸꦲꦶꦁꦠꦤꦃꦗꦮꦶꦲꦶꦁꦏꦁꦭꦶꦤꦁꦏꦸꦁ꧉
81 ]꧋ꦣꦥꦸꦂꦲꦶꦁꦏꦁꦤꦺꦴꦩꦼꦂꦏꦭꦶꦃ꧈ꦧꦺꦴꦏ꧀ꦩꦤꦮꦶꦲꦮꦶꦠ꧀ꦠꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦒꦶꦃꦤꦸꦁꦒꦶꦭ꧀ꦗꦩꦤ꧀ꦏꦭꦶꦪꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦝꦥꦸꦂꦩꦗꦦꦲꦶꦠ꧀
ꦲꦶꦁꦏꦁꦏꦛꦃꦏꦛꦃꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦲꦶꦁꦒꦶꦃꦱꦏꦭꦁꦏꦸꦁꦲꦮꦶꦒ꧀
ꦒꦫꦥ꧀ꦥꦤ꧀ꦤꦶꦥꦸꦤ꧀ꦗꦮꦶꦭꦸꦒꦸ꧈ꦏꦠꦶꦠꦶꦏ꧀ꦱꦏꦶꦁꦮꦂꦟꦶꦱꦲꦲꦸꦭꦠ꧀ꦲꦸꦭꦠ꧀ꦠꦤ꧀ꦤꦶꦥꦸꦤ꧀ꦠꦺꦠꦺꦭꦪꦺꦤ꧀ꦥꦼꦥꦼꦛꦤꦶꦥꦸꦤ꧀ꦠꦶꦠꦶꦪꦁꦧꦺꦴꦁꦱꦥꦺꦴꦭꦶꦤꦶ꧈ꦲꦶꦁꦒꦶꦃꦥꦸꦤꦶꦏꦧꦺꦴꦁꦱꦗꦮꦶꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦥꦸꦤꦥꦩꦭꦶꦃꦥꦺꦴꦏꦶꦂꦫꦤ꧀ꦤꦶꦁꦧꦢꦤ꧀ꦥꦔꦁꦒꦺꦱꦱꦩꦶꦤꦶꦥꦸꦤ꧀ꦱꦲꦺꦩ꧀ꦥꦼꦂꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦠꦶꦠꦶꦪꦁꦗꦮꦶ꧉
꧋ꦣꦥꦸꦂꦲꦶꦁꦏꦁꦤꦺꦴꦩꦼꦂꦠꦶꦒꦲꦶꦁꦏꦁꦱꦩ꧀ꦥꦸꦤ꧀ꦥꦶꦤꦁꦒꦶꦃꦱꦮꦼꦒ꧀ꦱꦏꦼꦣꦶꦏ꧀ꦲꦸꦩꦸꦂꦫꦶꦥꦸꦤ꧀ꦧꦺꦴꦠꦼꦤ꧀ꦭꦁꦏꦸꦁꦱꦏꦶꦁꦏꦭꦄꦧꦢ꧀ꦲꦶꦁꦏꦁꦏꦥꦶꦁꦤꦼꦩ꧀ꦧꦼꦭꦱ꧀ꦤꦩꦸꦁꦥꦶꦤꦁꦒꦶꦃꦲꦶꦁꦗꦮꦶꦮꦺꦠꦤ꧀ꦥꦸꦤꦶꦏꦠꦸꦠꦸꦫꦸꦠ꧀ꦠꦤ꧀ꦤꦶꦥꦸꦤ꧀ꦉꦕꦉꦕꦲꦶꦁꦏꦁꦱꦼꦥꦸꦃꦥꦶꦪꦩ꧀ꦧꦏ꧀ꦲꦶꦁꦏꦁꦠꦼꦏ꧀ꦱꦶꦃꦏꦫꦸꦩꦠ꧀ꦮꦺꦴꦤ꧀ꦠꦼꦤ꧀ꦲꦶꦁꦨꦭꦶ꧉ꦢꦺꦤꦺꦲꦶꦁꦏꦁꦏꦢꦩꦼꦭ꧀ꦉꦕꦉꦕꦮꦲꦸꦤꦩꦸꦁꦧꦁꦱꦤꦶꦁꦱꦺꦭꦲꦶꦁꦏꦁꦧꦺꦴꦠꦼꦤ꧀ꦥꦠꦺꦴꦱ꧀ꦲꦠꦺꦴꦱ꧀ꦏꦢꦺꦴꦱ꧀ꦧꦺꦴꦣꦺꦤꦶꦁꦉꦕꦲꦶꦁꦏꦁꦣꦥꦸꦂꦩꦗꦦꦲꦶꦠ꧀ꦱꦂꦠꦲꦶꦁꦏꦁꦤꦺꦴꦩꦼꦂꦏꦭꦶꦃ꧈ꦮꦺꦴꦤ꧀ꦠꦼꦤ꧀ꦲꦸꦒꦶꦲꦶꦁꦏꦁꦏꦢꦩꦼꦭ꧀ꦱꦏꦶꦁꦥꦿꦸꦁꦒꦸ꧈ꦠꦺꦴꦱ꧀ꦱꦤ꧀ꦱꦭꦏꦠꦸꦮꦶꦤ꧀ꦲꦼꦩꦱ꧀꧈ꦉꦕꦉꦕꦱꦺꦭꦲꦶꦁꦒꦶꦭ꧀ꦭꦶꦥꦸꦤ꧀ꦔꦤ꧀ꦠꦺꦴꦱ꧀ꦩꦺꦠꦼꦂꦫꦤ꧀ꦢꦺꦤꦺꦲꦶꦁꦏꦁꦱꦏꦶꦁꦭꦺꦴꦒꦩ꧀ꦲꦶꦁꦒꦶꦭ꧀ꦭꦶꦥꦸꦤ꧀ꦤꦩꦸꦁꦱꦺꦤ꧀ꦠꦶꦩꦺꦠꦼꦂꦫꦤ꧀ꦢꦸꦩꦸꦒꦶꦣꦺꦱꦶꦩꦺꦠꦼꦂꦫꦤ꧀꧈
82 ]꧋ꦧꦚ꧀ꦕꦶꦏ꧀ꦏꦶꦁꦉꦕꦤꦩꦤꦶꦥꦸꦤ꧀꧇ꦥꦢ꧀ꦩꦱꦤ꧈ꦱꦩ꧀ꦥꦶꦂꦫꦶꦥꦸꦤ꧀ꦥꦫꦨꦿꦃꦩꦤ꧈ꦲꦶꦁꦏꦁꦲꦸꦒꦶꦤꦟ꧀ꦝꦏ꧀ꦲꦏꦼꦤ꧀ꦉꦕꦥꦼꦥꦼꦛꦤꦶꦁꦠꦶꦪꦁꦗꦊꦂ꧈ꦲꦤꦩ꧇ꦲꦸꦥꦮꦶꦠ꧈ꦏꦼꦥꦼꦠ꧀ꦠꦶꦥꦸꦤ꧀ꦮꦶꦤꦱ꧀ꦠꦤ꧀꧇ꦕꦩꦫ꧈ꦠꦸꦩ꧀ꦥꦏ꧀ꦏꦤ꧀ꦤꦶꦥꦸꦤ꧀ꦨꦿꦃꦩꦮꦶꦤꦱ꧀ꦠꦤ꧀꧇ꦮꦃꦲꦤ꧉ꦩꦏꦠꦼꦤ꧀ꦩꦭꦶꦃꦧꦚꦏ꧀ꦲꦶꦁꦏꦁꦩꦺꦴꦁꦏꦠꦸꦠꦸꦩ꧀ꦥꦏ꧀ꦏꦤ꧀ꦤꦶꦥꦸꦤ꧀ꦨꦛꦫꦨꦿꦃꦩꦮꦶꦤꦱ꧀ꦠꦤ꧀꧇ꦲꦁꦱ꧈ꦢꦺꦤꦺꦲꦶꦁꦏꦁꦢꦢꦺꦴꦱ꧀ꦲꦸꦥꦕꦫꦤꦶꦥꦸꦤ꧀ꦨꦛꦫꦮꦶꦱ꧀ꦤꦸ꧈ꦥꦸꦤꦶꦏ꧇ 1 ꦱꦾꦁꦏ꧈ꦱꦭꦺꦴꦩ꧀ꦥꦿꦺꦠ꧀ꦲꦶꦁꦏꦁꦩꦺꦴꦁꦏꦠꦼꦔꦫꦤꦶꦁꦪꦸꦢ꧈ 2 ꦕꦏꦿ꧈ꦗꦼꦩ꧀ꦥꦫꦶꦁꦲꦶꦁꦏꦁꦱꦮꦂꦟꦶꦫꦺꦴꦣ꧈ 3 ꦒꦫꦸꦣ꧈ꦠꦸꦩ꧀ꦥꦏ꧀ꦏꦤ꧀ꦤꦶꦥꦸꦤ꧀ꦮꦶꦱ꧀ꦤꦸ꧉
VI ꧋ꦮꦶꦮꦶꦠ꧀ꦱꦤ꧀ꦠꦺꦴꦱꦤꦶꦥꦸꦤ꧀ꦩꦭꦶꦃꦲꦒꦩꦶ꧈
ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸ
꧋ꦱꦊꦧꦼꦠ꧀ꦠꦶꦁꦗꦸꦩꦼꦤꦼꦁꦔꦶꦥꦸꦤ꧀ꦏꦫꦠꦺꦴꦤ꧀ꦩꦗꦦꦲꦶꦠ꧀ꦲꦶꦁꦏꦁꦲꦶꦪꦱꦫꦢꦺꦤ꧀ꦮꦶꦗꦪ꧈ꦮꦶꦮꦶꦠ꧀ꦲꦶꦁꦠꦲꦸꦤ꧀ꦯꦑ꧇ 1214 ꦲꦶꦁꦠꦲꦸꦤ꧀ꦮꦭꦤ꧀ꦢꦶ꧇ 1202 ꦏꦕꦫꦶꦪꦺꦴꦱ꧀ꦏꦫꦠꦺꦴꦤ꧀ꦤꦶꦥꦸꦤ꧀ꦱꦔꦼꦠ꧀ꦲꦩꦶꦱꦸꦮꦸꦂꦣꦸꦩꦠꦼꦭꦶꦪꦤ꧀ꦥꦿꦗ꧈ꦣꦱꦂꦫꦢꦺꦤ꧀ꦮꦶꦗꦪꦭꦶꦩ꧀ꦥꦢ꧀ꦲꦶꦁꦱꦤꦶꦱ꧀ꦏꦫ꧉ꦲꦶꦁꦏꦭꦥꦸꦤꦶꦏꦲꦒꦩꦶꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦠꦤꦃꦗꦮꦶꦮꦶꦮꦶꦠ꧀ꦩꦼꦏꦂꦩꦭꦶꦃ꧈ꦏꦭꦮꦠꦮꦶꦱ꧀ꦏꦶꦫꦁꦠꦶꦒꦁꦄꦧꦢ꧀ꦏꦭꦶꦪꦚ꧀ꦗꦸꦩꦼꦤꦼꦁꦔꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦩꦗꦦꦲꦶꦠ꧀
83 ]ꦏꦊꦧꦼꦠ꧀ꦲꦸꦒꦶꦏꦭꦗꦩꦤ꧀ꦤꦶꦥꦸꦤ꧀ꦦꦿꦨꦸꦲꦗꦶꦗꦪꦨꦪ꧈ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏꦮꦿꦸꦃꦱꦼꦱꦼꦫꦠ꧀ꦠꦤ꧀ꦠꦸꦮꦶꦤ꧀ꦠꦼꦠꦼꦩ꧀ꦧꦸꦁꦔꦤ꧀ꦲꦶꦁꦏꦁꦮꦶꦤꦱ꧀ꦠꦤ꧀ꦗꦮꦶꦏꦶꦤ꧈ꦲꦶꦁꦒꦶꦃꦥꦸꦤꦶꦏꦮꦠꦮꦶꦱ꧀ꦮꦶꦮꦶꦠ꧀ꦏꦭꦲꦶꦁꦠꦲꦸꦤ꧀꧇900 ꦱꦮꦼꦒ꧀ꦱꦲꦺꦱꦲꦺꦤꦶꦥꦸꦤ꧀꧈ꦢꦺꦤꦺꦏꦸꦩ꧀ꦥꦸꦭ꧀ꦭꦶꦥꦸꦤ꧀ꦏꦮꦿꦸꦃꦲꦶꦟ꧀ꦝꦸꦏꦭꦶꦪꦤ꧀ꦏꦮꦿꦸꦃꦗꦮꦶꦲꦮꦶꦠ꧀ꦏꦭꦥꦸꦤꦶꦏꦭꦁꦏꦸꦁꦱꦔꦼꦠ꧀ꦠꦶꦤꦶꦩ꧀ꦧꦁꦱꦮꦼꦒ꧀ꦗꦩꦤ꧀ꦤꦶꦥꦸꦤ꧀ꦲꦒꦩꦶ꧈ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸꦩꦼꦏꦂꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦠꦼꦔꦃ꧉ꦱꦮꦼꦒ꧀ꦏꦭꦠꦼꦏ꧀ꦱꦶꦃꦱꦶꦱꦶꦃꦱꦶꦱꦶꦃꦲꦤ꧀ꦱꦤꦢꦾꦤ꧀ꦏꦮꦿꦸꦃꦏꦒꦸꦤꦤ꧀ꦗꦮꦶꦏꦠꦸꦁꦒꦶꦭ꧀ꦭꦤ꧀ꦏꦮꦿꦸꦃꦲꦶꦟ꧀ꦝꦸ꧈ꦲꦺꦮꦢꦺꦤꦺꦭꦗꦼꦁꦱꦒꦼꦢ꧀ꦮꦁꦱꦸꦭ꧀ꦱꦲꦺꦩꦭꦶꦃꦏꦢꦺꦴꦱ꧀ꦤꦭꦶꦏꦩꦼꦏꦂꦩꦼꦏꦂꦫꦶꦥꦸꦤ꧀ꦏꦮꦿꦸꦃꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦏꦁꦮꦶꦮꦶꦠ꧀ꦠꦤ꧀꧉ꦩꦏꦠꦼꦤ꧀ꦩꦭꦶꦃꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦑꦼꦣꦶꦫꦶꦏꦮꦿꦸꦃꦏꦒꦸꦤꦤ꧀ꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁꦏꦁꦲꦶꦁꦮꦲꦸꦤꦶꦥꦸꦤ꧀ꦱꦩ꧀ꦥꦸꦤ꧀ꦏꦛꦃꦗꦮꦶꦤꦶꦥꦸꦤ꧀ꦠꦸꦭꦺꦤ꧀ꦠꦶꦤꦶꦩ꧀ꦧꦁꦲꦶꦟ꧀ꦝꦸ꧈ꦱꦫꦺꦃꦤꦶꦁꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦏꦁꦢꦢꦺꦴꦱ꧀ꦥꦺꦴꦏꦺꦴꦏ꧀ꦗꦮꦶꦤꦶꦥꦸꦤ꧀ꦭꦩꦶꦭꦩꦶꦲꦶꦁꦒꦶꦃꦩꦼꦏ꧀ꦱꦏꦮꦺꦴꦤ꧀꧈ꦠꦼꦩꦃꦲꦤ꧀ꦭꦗꦼꦁꦏꦠꦸꦮꦸꦃꦲꦤ꧀ꦏꦮꦿꦸꦃꦲꦶꦟ꧀ꦝꦸꦩꦭꦶꦃ꧈ꦩꦭꦃꦢꦢꦺꦴꦱ꧀ꦥꦺꦴꦏꦺꦴꦏ꧀꧈
꧋ꦏꦕꦫꦶꦪꦺꦴꦱ꧀ꦲꦶꦁꦤꦭꦶꦏꦗꦩꦤ꧀ꦤꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦠꦸꦩꦦꦼꦭ꧀ꦠꦸꦮꦶꦤ꧀ꦩꦗꦦꦲꦶꦠ꧀ꦲꦒꦩꦶꦨꦸꦢ꧀ꦝꦠꦸꦩꦼꦁꦏꦂꦩꦭꦶꦃ꧈ꦩꦭꦃꦏꦫꦠꦺꦴꦤ꧀ꦏꦏꦭꦶꦃꦮꦲꦸꦱꦩꦶꦔꦺꦱ꧀ꦠꦺꦴꦏ꧀ꦲꦏꦼꦤ꧀ꦲꦒꦩꦶ 84 ]ꦨꦸꦢ꧀ꦝ꧈ꦱꦤꦢꦾꦤ꧀ꦩꦢ꧀ꦲꦧ꧀ꦩꦲꦪꦤꦶ꧈ꦲꦤꦔꦶꦁꦩꦼꦏꦂꦫꦶꦥꦸꦤ꧀ꦧꦺꦴꦠꦼꦤ꧀ꦔꦤ꧀ꦠꦺꦴꦱ꧀ꦱꦔꦼꦠ꧀ꦏꦢꦺꦴꦱ꧀ꦤꦭꦶꦏꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦠꦼꦔꦃꦔꦤ꧀ꦠꦺꦴꦱ꧀ꦲꦤꦶꦭꦂꦥꦠꦶꦭꦱ꧀ꦱꦤ꧀ꦲꦶꦁꦏꦁꦔꦺꦧꦠ꧀ꦲꦺꦧꦠ꧀ꦠꦏꦼꦤ꧀꧉ꦲꦶꦁꦔꦿꦶꦏꦸꦠꦶꦠꦶꦪꦁꦨꦸꦢ꧀ꦝꦲꦶꦁꦒꦶꦃꦒꦣꦃꦥꦠꦶꦭꦱ꧀ꦱꦤ꧀꧈ꦏꦢꦺꦴꦱ꧀ꦠ꧇ꦕꦟ꧀ꦝꦶꦕꦸꦩ꧀ꦦꦁ꧈ꦏꦠꦶꦠꦶꦏ꧀ꦱꦏꦶꦁꦉꦕꦉꦕꦨꦸꦢ꧀ꦝꦲꦶꦁꦏꦁꦢꦸꦩꦸꦤꦸꦁꦲꦶꦁꦔꦿꦶꦏꦸ꧈ꦤꦩꦸꦁꦕꦟ꧀ꦝꦶꦤꦶꦥꦸꦤ꧀ꦪꦺꦤ꧀ꦏꦠꦶꦠꦶꦏ꧀ꦱꦏꦶꦁꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦱꦼꦏꦂꦫꦤ꧀ꦱꦂꦠꦉꦉꦁꦁꦒꦤ꧀ꦤꦶꦥꦸꦤ꧀꧈ꦏꦢꦺꦴꦱ꧀ꦕꦟ꧀ꦝꦶꦯꦶꦮꦃ꧉
꧋ꦩꦶꦠꦸꦫꦸꦠ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦲꦶꦁꦤꦒꦫꦶꦕꦶꦟ꧈ꦱꦧꦏ꧀ꦢꦤꦶꦁꦩꦤ꧀ꦠꦸꦏ꧀ꦏꦶꦥꦸꦤ꧀ꦧꦿꦃꦩꦤꦦ꦳ꦲꦶꦪꦤ꧀ꦱꦏꦶꦁꦥꦸꦭꦺꦴꦗꦮꦶꦲꦶꦁꦏꦁꦧꦧ꧀ꦝꦠꦼꦁꦔꦶꦥꦸꦤ꧀ꦱꦩ꧀ꦥꦸꦤ꧀ꦏꦱꦼꦧꦸꦠ꧀ꦲꦶꦁꦔꦗꦼꦁ꧈ꦮꦺꦴꦤ꧀ꦠꦼꦤ꧀ꦲꦶꦁꦧꦧ꧀ꦗꦩꦤ꧀ꦲꦶꦟ꧀ꦝꦸ꧈ꦏꦕꦫꦶꦪꦺꦴꦱ꧀ꦮꦶꦮꦶꦠ꧀ꦏꦭꦱꦩꦤ꧀ꦠꦼꦤ꧀ꦤꦒꦫꦶꦕꦶꦟꦲꦠꦼꦥꦁꦉꦩ꧀ꦧꦒ꧀ꦏꦭꦶꦲꦤ꧀ꦲꦶꦁꦥꦸꦭꦺꦴꦗꦮꦶꦣꦠꦼꦁꦧꦧ꧀ꦥꦿꦏꦮꦶꦱ꧀ꦢꦒꦁ꧈ꦱꦧꦼꦤ꧀ꦱꦧꦼꦤ꧀ꦤꦒꦫꦶꦕꦶꦟꦲꦩꦠꦃꦕꦸꦤ꧀ꦢꦏꦣꦠꦼꦁꦥꦸꦭꦺꦴꦗꦮꦶꦲꦶꦁꦧꦧ꧀ꦥꦼꦂꦭꦸꦤꦶꦁꦢꦒꦁ꧉
꧋ꦲꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦤꦒꦫꦶꦕꦶꦟꦲꦶꦁꦒꦶꦃꦚꦫꦶꦪꦺꦴꦱꦏꦼꦤ꧀ꦏꦭꦲꦏꦶꦂꦫꦶꦥꦸꦤ꧀ꦄꦧꦢ꧀ꦲꦶꦁꦏꦁꦏꦥꦶꦁꦠꦶꦒꦮꦼꦭꦱ꧀ꦲꦶꦁꦒꦶꦃꦥꦸꦤꦶꦏꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 1292 ꦏꦫꦗꦤ꧀ꦕꦶꦟꦲꦔꦁꦏꦠ꧀ꦠꦏꦼꦤ꧀ꦮꦢꦾꦧꦭꦣꦠꦼꦁꦏꦫꦠꦺꦴꦤ꧀ꦲꦶꦁꦠꦸꦩ 85 ]ꦦꦼꦭ꧀ꦢꦺꦤꦺꦲꦶꦁꦏꦁꦩꦺꦴꦁꦏꦠꦺꦴꦟ꧀ꦝꦱꦏ꧀ꦱꦶꦤꦶꦥꦸꦤ꧀ꦕꦫꦶꦪꦺꦴꦱ꧀ꦮꦲꦸꦏꦒꦚ꧀ꦕꦂꦫꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦫꦠ꧀ꦥꦫꦫꦠꦺꦴꦤ꧀ꦲꦶꦁꦗꦶꦭꦶꦢ꧀ꦢꦤ꧀ꦎꦁꦏ꧇ II꧉
꧋ꦩꦶꦠꦸꦫꦸꦠ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦱꦼꦫꦠ꧀ꦥꦫꦫꦡꦺꦴꦤ꧀ꦗꦶꦭꦶꦢ꧀ꦢꦤ꧀ꦎꦁꦏ꧇ II ꦲꦶꦁꦏꦁꦮꦮꦠꦺꦴꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦿꦺꦴꦥꦏ꧀꧈ꦱꦂꦠꦱꦼꦫꦠ꧀ꦲꦶꦪꦱꦤꦶꦥꦸꦤ꧀ꦠꦸꦮꦤ꧀ Groeneveldt ꦲꦶꦁꦏꦁꦮꦮꦠꦺꦴꦤ꧀ꦥꦺꦥꦺꦔꦼꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦕꦶꦟ꧈ꦱꦂꦠꦱꦼꦫꦠ꧀ꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦸꦮꦤ꧀ Van der Lith꧇ Merveilles ꦲꦶꦁꦏꦕ꧇ 241 ꦲꦶꦁꦏꦁꦲꦸꦒꦶꦲꦮꦮꦠꦺꦴꦤ꧀ꦠꦺꦴꦟ꧀ꦝꦱꦏ꧀ꦱꦶꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦱꦩ꧀ꦥꦸꦤ꧀ꦠꦺꦠꦺꦭꦱꦔꦼꦠ꧀ꦧꦶꦭꦶꦃꦲꦶꦁꦗꦩꦤ꧀ꦄꦧꦢ꧀ꦲꦶꦁꦏꦁꦏꦥꦶꦁꦠꦶꦒꦮꦼꦭꦱ꧀ꦲꦶꦁꦠꦲꦸꦤ꧀ꦮꦭꦤ꧀ꦢꦶꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦲꦶꦁꦱꦭꦺꦂꦫꦶꦥꦸꦤ꧀ꦭꦺꦥꦺꦤ꧀ꦧꦿꦤ꧀ꦡꦼꦱ꧀ꦱꦂꦠꦲꦶꦁꦏꦶꦢꦸꦭ꧀ꦭꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦏꦫꦠꦺꦴꦤ꧀ꦤꦶꦥꦸꦤ꧀ꦏꦏꦭꦶꦃ꧈ꦲꦶꦁꦏꦁꦲꦼꦭꦺꦂꦏꦫꦠꦺꦴꦤ꧀ꦠꦸꦩ꧀ꦦꦼꦭ꧀ꦲꦶꦁꦏꦁꦏꦶꦢꦸꦭ꧀ꦲꦶꦁꦒꦶꦃꦥꦸꦤꦶꦏꦲꦶꦁꦑꦼꦣꦶꦫꦶꦱꦥꦸꦤꦶꦏ꧈ꦢꦸꦤꦸꦁꦔꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦢꦲ꧉ꦧꦧ꧀ꦲꦶꦁꦏꦁꦏꦛꦃꦏꦛꦃꦥꦿꦏꦮꦶꦱ꧀ꦏꦫꦠꦺꦴꦤ꧀ꦏꦏꦭꦶꦃꦥꦸꦤꦶꦏꦢꦸꦩꦸꦒꦶꦤꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦩꦗꦦꦲꦶꦠ꧀ꦔꦚ꧀ꦕꦶꦏ꧀ꦏꦶꦥꦸꦤ꧀ꦗꦩꦤ꧀ꦆꦱ꧀ꦭꦩ꧀ꦏꦕꦫꦶꦪꦺꦴꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦫꦠ꧀ꦲꦶꦁꦏꦁꦗꦶꦭꦶꦢ꧀ꦢꦤ꧀ꦎꦁꦏ꧈II꧉
86 ]VII. ꧋ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦒꦩꦶꦠꦸꦮꦶꦤ꧀ꦏꦮꦿꦸꦃꦲꦶꦟ꧀ꦝꦸꦲꦶꦁꦥꦸꦭꦺꦴꦥꦸꦭꦺꦴꦲꦶꦟ꧀ꦢꦶꦪꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉
꧋ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦒꦩꦶꦠꦸꦮꦶꦤ꧀ꦏꦮꦿꦸꦃꦲꦶꦟ꧀ꦝꦸꦲꦶꦁꦥꦸꦭꦺꦴꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦏꦗꦮꦶꦲꦶꦁꦏꦁꦱꦩ꧀ꦥꦸꦤ꧀ꦏꦱꦫꦩ꧀ꦧꦃꦢꦶꦥꦸꦤ꧀ꦕꦫꦶꦪꦺꦴꦱ꧀ꦱꦏꦼꦤ꧀ꦲꦶꦁꦔꦗꦼꦁꦲꦶꦁꦧꦧ꧀ꦝꦠꦼꦁꦔꦶꦥꦸꦤ꧀ꦠꦶꦪꦁꦲꦶꦟ꧀ꦝꦸ꧈ꦤꦩꦸꦁꦮꦺꦴꦤ꧀ꦠꦼꦤ꧀ꦕꦫꦶꦪꦺꦴꦱ꧀ꦱꦶꦥꦸꦤ꧀ꦱꦮꦠꦮꦶꦱ꧀ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧉
꧋ꦲꦶꦁꦩꦢꦸꦫ꧉
꧋ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦒꦩꦶꦠꦸꦮꦶꦤ꧀ꦏꦮꦿꦸꦃꦲꦶꦟ꧀ꦝꦸꦲꦶꦁꦩꦢꦸꦫ꧈ꦱꦏꦼꦣꦶꦏ꧀ꦱꦔꦼꦠ꧀ꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦥꦸꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦔꦿꦶꦏꦸꦱꦢꦪꦩꦒꦼꦥꦺꦴꦏ꧀ꦏꦤ꧀ꦏꦭꦶꦪꦤ꧀ꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦏꦮꦿꦸꦃꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦗꦮꦶꦮꦺꦠꦤ꧀꧈ꦩꦼꦁꦒꦃꦧꦪꦶꦤꦠ꧀ꦠꦶꦥꦸꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦔꦿꦶꦏꦸꦏꦊꦧꦼꦠ꧀ꦪꦪꦱꦤ꧀ꦱꦂꦠꦢꦢꦩꦼꦭ꧀ꦭꦤ꧀ꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦄꦧꦢ꧀ꦲꦶꦁꦏꦁꦮꦼꦏꦱ꧀ꦱꦤ꧀ꦏꦢꦺꦴꦱ꧀ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶꦲꦶꦁꦏꦁꦮꦺꦠꦤ꧀ꦥꦶꦪꦩ꧀ꦧꦏ꧀꧈ 87 ]꧋ꦲꦶꦁꦥꦸꦭꦺꦴꦨꦭꦶ꧉
꧋ꦩꦼꦁꦒꦃꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦥꦸꦭꦺꦴꦨꦭꦶꦭꦁꦏꦸꦁꦏꦛꦃꦠꦶꦤꦶꦩ꧀ꦧꦁꦲꦶꦁꦩꦢꦸꦫ꧉ꦧꦪꦶꦤꦠ꧀ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦨꦭꦶꦧꦮꦃꦓꦸꦦꦽꦩꦺꦤ꧀ꦏꦊꦧꦼꦠ꧀ꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦱꦂꦠꦤꦸꦁꦒꦶꦭ꧀ꦗꦩꦤ꧀ꦠꦸꦮꦶꦤ꧀ꦠꦸꦠꦸꦫꦸꦠ꧀ꦠꦤ꧀ꦤꦶꦥꦸꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦮꦺꦠꦤ꧀꧈ꦏꦢꦺꦴꦱ꧀ꦠ꧇ꦧꦪꦶꦤꦠ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦧꦧ꧀ꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦠꦶꦪꦁꦲꦶꦁꦨꦭꦶ꧈ꦲꦶꦁꦏꦁꦲꦸꦒꦶꦢꦶꦥꦸꦤ꧀ꦮꦱ꧀ꦠꦤꦶꦱꦼꦫꦠ꧀ꦠꦤ꧀ꦗꦮꦶꦨꦭꦶ꧈ꦥꦸꦤꦶꦏꦱꦼꦫꦠ꧀ꦠꦤ꧀ꦗꦮꦶꦲꦺꦁꦒꦭ꧀ꦩꦮꦶꦠꦠꦏꦶꦤ꧈ꦱꦼꦱꦼꦫꦠ꧀ꦠꦤ꧀ꦎꦁꦏꦠꦲꦸꦤ꧀ꦲꦶꦁꦏꦁꦢꦸꦩꦸꦤꦸꦁꦲꦶꦁꦒꦸꦮꦲꦶꦁꦯꦔꦶꦠ꧀꧈ꦠꦸꦮꦶꦤ꧀ꦱꦼꦱꦼꦫꦠ꧀ꦠꦤ꧀ꦏꦶꦤꦱꦤꦺꦱ꧀ꦱꦶꦥꦸꦤ꧀ꦲꦤꦼꦢꦃꦲꦏꦼꦤ꧀ꦩꦤꦮꦶꦥꦸꦭꦺꦴꦨꦭꦶꦱꦩ꧀ꦥꦸꦤ꧀ꦭꦭꦁꦒꦠ꧀ꦠꦤ꧀ꦏꦭꦪꦤ꧀ꦱꦤ꧀ꦠꦺꦴꦱꦲꦏꦭꦶꦪꦤ꧀ꦠꦤꦃꦗꦮꦶꦏꦭꦲꦶꦁꦄꦧꦢ꧀ꦢꦶꦥꦸꦤ꧀ꦠꦲꦸꦤ꧀ꦯꦑꦲꦶꦁꦏꦁꦏꦥꦶꦁꦱꦔꦱꦂꦠꦱꦢꦱ꧉ꦲꦤꦔꦶꦁꦲꦶꦁꦥꦸꦭꦺꦴꦨꦭꦶꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦱꦂꦠꦏꦏꦤ꧀ꦠꦸꦤ꧀ꦤꦤ꧀ꦤꦶꦁꦥꦠꦶꦭꦱ꧀ꦱꦤ꧀ꦲꦶꦁꦏꦁꦱꦩꦤ꧀ꦠꦼꦤ꧀ꦱꦼꦥꦸꦃꦲꦶꦥꦸꦤ꧀꧉ꦥꦸꦤꦥꦩꦭꦶꦃꦱꦼꦱꦼꦫꦠ꧀ꦠꦤ꧀ꦗꦮꦶꦏꦶꦤ꧈ꦏꦭꦗꦩꦤ꧀ꦤꦶꦥꦸꦤ꧀ꦄꦂꦭꦁꦓ꧈ꦲꦶꦁꦒꦶꦃꦥꦸꦤꦶꦏꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦠꦲꦸꦤ꧀ꦯꦑ꧈ꦏꦶꦫꦁꦭꦁꦏꦸꦁꦎꦁꦏ꧇ 950 ꦲꦸꦠꦮꦶꦲꦶꦁꦏꦁꦏꦠꦶꦠꦶꦩꦁꦱꦤ꧀ꦏꦭꦲꦶꦁꦗꦩꦤ꧀ꦮꦠꦮꦶꦱ꧀ꦱꦠꦸꦱ꧀ꦠꦲꦸꦤ꧀ꦱꦧꦏ꧀ꦢꦤꦶꦥꦸꦤ꧀ꦄꦂꦭꦁꦒ꧈ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦥꦶ 88 ]ꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦨꦭꦶ꧈ꦔꦁꦒꦺꦠꦠꦤꦶꦁꦏꦱꦸꦱꦱ꧀ꦠꦿꦤ꧀ꦲꦶꦁꦏꦁꦏꦁꦒꦺꦲꦶꦁꦱꦢꦺꦫꦺꦁꦔꦶꦥꦸꦤ꧀ꦗꦩꦤ꧀ꦩꦗꦦꦲꦶꦠ꧀꧈ꦲꦮꦶꦠ꧀ꦱꦏꦶꦁꦥꦸꦤꦶꦏꦏꦺꦔꦶꦁꦏꦲꦁꦒꦼꦥ꧀ꦩꦤꦮꦶꦏꦭꦏꦶꦤꦤꦶꦥꦸꦤ꧀ꦲꦶꦁꦒꦶꦃꦥꦸꦤꦶꦏꦲꦶꦁꦱꦊꦧꦼꦠ꧀ꦠꦶꦁꦄꦧꦢ꧀ꦲꦶꦁꦏꦁꦏꦥꦶꦁꦱꦔꦱꦂꦠꦱꦢꦱꦮꦲꦸ꧈ꦥꦸꦭꦺꦴꦨꦭꦶꦱꦩ꧀ꦥꦸꦤ꧀ꦏꦩꦏ꧀ꦱꦸꦢ꧀ꦢꦤ꧀ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸꦱꦏꦶꦁꦥꦸꦭꦺꦴꦗꦮꦶ꧈ꦲꦤꦔꦶꦁꦩꦮꦶꦱꦶꦂꦟꦱꦂꦠꦭꦗꦼꦁꦠꦸꦮꦸꦃꦩꦭꦶꦃ꧈ꦕꦟ꧀ꦝꦶꦕꦟ꧀ꦝꦶꦱꦂꦠꦉꦕꦉꦕꦲꦶꦁꦏꦁꦏꦶꦤꦱꦔꦼꦠ꧀ꦲꦶꦁꦨꦭꦶꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀꧈
ꦲꦶꦁꦥꦸꦭꦺꦴꦯꦸꦩ꧀ꦧꦮ꧉
꧋ꦩꦼꦁꦒꦃꦧꦪꦶꦤꦠ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦯꦸꦩ꧀ꦧꦮ꧈ꦱꦏꦼꦣꦶꦏ꧀ꦱꦔꦼꦠ꧀ꦱꦂꦠꦢꦸꦩꦸꦒꦶꦤꦶꦥꦸꦤ꧀ꦲꦶꦁꦔꦿꦶꦏꦸꦮꦔꦸꦤ꧀ꦮꦔꦸꦤ꧀ꦤꦶꦥꦸꦤ꧀ꦤꦩꦸꦁꦢꦸꦩꦢꦏ꧀ꦏꦤ꧀ꦏꦺꦩꦮꦺꦴꦤ꧀꧈ꦥꦸꦤꦥꦩꦭꦶꦃꦠꦶꦠꦶꦩꦁꦱꦤꦶꦥꦸꦤ꧀ꦲꦁꦒꦺꦤ꧀ꦤꦶꦁꦢꦸꦩꦸꦒꦶꦲꦶꦁꦔꦿꦶꦏꦸꦏꦭꦥꦼꦚ꧀ꦕꦂꦫꦶꦥꦸꦤ꧀ꦏꦮꦿꦸꦃꦏꦒꦸꦤꦤ꧀ꦲꦶꦟ꧀ꦝꦸꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦮꦺꦠꦤ꧀ꦲꦶꦁꦏꦁꦮꦼꦏꦱ꧀ꦱꦤ꧀꧈ꦣꦠꦼꦁꦔꦶꦥꦸꦤ꧀ꦲꦶꦁꦔꦿꦶꦏꦸꦧꦺꦴꦏ꧀ꦩꦤꦮꦶꦲꦶꦁꦒꦶꦃꦠꦸꦠꦸꦭꦂꦫꦤ꧀ꦱꦏꦶꦁꦗꦮꦶꦮꦺꦠꦤ꧀꧈
ꦲꦶꦁꦨꦺꦴꦂꦤꦺꦪꦺꦴ꧉
꧋ꦧꦪꦶꦤꦠ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸꦲꦶꦁꦏꦁꦢꦸꦩꦸꦒꦶꦲꦶꦁꦨꦺꦴꦂꦤꦺꦪꦺꦴꦢꦸꦩꦸꦤꦸꦁꦲꦶꦁꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃ 89 ]ꦮꦺꦴꦤ꧀ꦠꦼꦤ꧀ꦲꦶꦁꦣꦸꦱꦸꦤ꧀꧇ꦯꦁꦒꦺꦴ꧈ꦲꦶꦁꦥꦱꦶꦱꦶꦂꦫꦶꦥꦸꦤ꧀ꦠꦤꦃꦨꦺꦴꦂꦤꦺꦪꦺꦴꦲꦶꦁꦏꦁꦱꦶꦱꦶꦃꦮꦺꦠꦤ꧀꧈ꦱꦤꦢꦾꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦫꦠ꧀ꦠꦤ꧀ꦮꦲꦸꦢꦸꦩꦸꦒꦶꦤꦶꦥꦸꦤ꧀ꦱꦥꦿꦶꦏꦶꦢꦺꦫꦺꦁꦠꦼꦫꦁ꧉ꦢꦺꦤꦺꦲꦶꦁꦏꦁꦱꦩꦶꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦑꦸꦡꦺꦱꦂꦠꦮꦺꦴꦤ꧀ꦠꦼꦤ꧀ꦲꦶꦁꦱꦕꦼꦭꦏ꧀ꦏꦶꦥꦸꦤ꧀ꦤꦒꦫꦶꦩꦂꦡꦥꦸꦫ꧈ꦱꦩꦶꦏꦠꦶꦠꦶꦩꦁꦱꦤ꧀ꦤꦸꦁꦒꦶꦭ꧀ꦗꦩꦤ꧀ꦏꦭꦶꦪꦤ꧀ꦧꦪꦶꦤꦠ꧀ꦧꦪꦶꦤꦠ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦏꦶꦭꦺꦤ꧀꧈ꦩꦭꦃꦮꦺꦴꦤ꧀ꦠꦼꦤ꧀ꦲꦸꦒꦶꦲꦶꦁꦏꦁꦏꦢꦺꦴꦱ꧀ꦏꦢꦺꦴꦱ꧀ꦭꦁꦏꦸꦁꦱꦼꦥꦸꦃ꧈ꦱꦼꦫꦠ꧀ꦠꦤꦶꦥꦸꦤ꧀ꦩꦮꦶꦱꦱ꧀ꦠꦿꦮꦼꦁꦒꦶ꧈ꦢꦺꦤꦺꦉꦕꦉꦕꦱꦏꦶꦁꦑꦸꦡꦺꦲꦶꦁꦏꦁꦏꦧꦼꦏ꧀ꦠꦣꦠꦼꦁꦨꦠꦮꦶ꧈ꦮꦮꦔꦸꦤ꧀ꦤꦤ꧀ꦤꦶꦥꦸꦤ꧀ꦧꦺꦢꦱꦂꦠꦭꦁꦏꦸꦁꦱꦼꦥꦸꦃꦠꦶꦤꦶꦩ꧀ꦧꦁꦱꦢꦪꦉꦕꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶ꧉
ꦲꦶꦁꦩꦭꦑ꧉
꧋ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦢꦸꦩꦸꦒꦶꦱꦥꦿꦶꦏꦶꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦩꦭꦑꦲꦶꦁꦒꦶꦃꦩꦮꦶꦱꦱ꧀ꦠꦿꦮꦼꦁꦒꦶ꧈ꦲꦤꦔꦶꦁꦮꦺꦴꦤ꧀ꦠꦼꦤ꧀ꦲꦸꦒꦶꦲꦶꦁꦏꦁꦩꦮꦶꦱꦼꦫꦠ꧀ꦠꦤ꧀ꦗꦮꦶꦏꦶꦤ꧈ꦏꦢꦺꦴꦱ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦥꦸꦭꦺꦴꦯꦸꦩꦠꦿ꧉
ꦲꦶꦁꦯꦸꦩꦠꦿ꧉
꧋ꦩꦼꦁꦒꦃꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦥꦸꦭꦺꦴꦯꦸꦩꦠꦿꦢꦸꦩꦸꦒꦶꦱꦥꦿꦶꦏꦶꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦗꦮꦶꦏꦶꦤ꧈ꦏꦢꦺꦴ 90 ]ꦱ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦤꦒꦫꦶꦩꦭꦑ꧈ꦲꦤꦔꦶꦁꦲꦶꦁꦏꦁꦮꦺꦴꦤ꧀ꦠꦼꦤ꧀ꦤꦩꦸꦁꦲꦶꦁꦥꦱꦶꦱꦶꦂꦫꦶꦥꦸꦤ꧀ꦥꦸꦭꦺꦴꦯꦸꦩꦠꦿꦲꦶꦁꦏꦁꦱꦶꦱꦶꦃꦏꦶꦭꦺꦤ꧀ꦩꦶꦠꦸꦫꦸꦠ꧀ꦲꦶꦁꦠꦶꦠꦶꦩꦁꦱꦤꦶꦥꦸꦤ꧀ꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦮꦲꦸꦠꦺꦠꦺꦭꦪꦺꦤ꧀ꦥꦸꦭꦺꦴꦯꦸꦩꦠꦿꦱꦩ꧀ꦥꦸꦤ꧀ꦏꦱꦸꦩꦼꦉꦥ꧀ꦥꦤ꧀ꦝꦠꦼꦁꦠꦶꦠꦶꦪꦁꦧꦺꦴꦁꦱꦲꦶꦟ꧀ꦝꦸꦏꦭꦲꦶꦁꦱꦊꦧꦼꦠ꧀ꦠꦶꦁꦄꦧꦢ꧀ꦢꦶꦥꦸꦤ꧀ꦠꦲꦸꦤ꧀ꦯꦑꦲꦶꦁꦏꦁꦏꦥꦶꦁꦱꦢꦱ꧈ꦢꦸꦩꦸꦒꦶꦲꦶꦁꦥꦸꦁꦏꦱ꧀ꦱꦤ꧀ꦤꦶꦁꦄꦧꦢ꧀ꦢꦶꦥꦸꦤ꧀ꦠꦲꦸꦤ꧀ꦯꦑꦲꦶꦁꦏꦁꦏꦥꦶꦁꦠꦶꦒꦮꦼꦭꦱ꧀꧉ꦱꦼꦫꦠ꧀ꦠꦤ꧀ꦮꦲꦸꦠꦼꦏ꧀ꦱꦶꦃꦊꦱ꧀ꦠꦤ꧀ꦠꦸꦤ꧀ꦏꦁꦒꦺꦩꦶꦠꦸꦫꦸꦠ꧀ꦮꦸꦗꦸꦢ꧀ꦢꦶꦥꦸꦤ꧀ꦭꦩꦶ꧈ꦤꦔꦶꦁꦔꦁꦒꦺꦮꦮꦔꦸꦤ꧀ꦤꦤ꧀ꦥꦶꦪꦩ꧀ꦧꦏ꧀ꦭꦩꦶꦭꦩꦶꦱꦼꦫꦠ꧀ꦠꦤ꧀ꦮꦲꦸꦲꦶꦁꦏꦁꦏꦛꦃꦏꦛꦃꦭꦗꦼꦁꦧꦺꦴꦠꦼꦤ꧀ꦏꦁꦒꦺ꧈ꦏꦗꦮꦶꦲꦶꦁꦨꦠꦏ꧀ꦲꦶꦁꦉꦚ꧀ꦕꦸꦁꦱꦂꦠꦲꦶꦁꦭꦩ꧀ꦦꦸꦁꦲꦶꦁꦏꦁꦠꦼꦏ꧀ꦱꦶꦃꦔꦁꦒꦺꦱꦼꦫꦠ꧀ꦠꦤ꧀ꦮꦲꦸ꧈ꦤꦩꦸꦁꦠꦠꦤꦶꦥꦸꦤ꧀ꦧꦺꦢꦧꦺꦢ꧉ꦢꦺꦤꦺꦲꦶꦁꦏꦁꦏꦁꦒꦺꦲꦶꦁꦉꦚ꧀ꦕꦸꦁꦥꦸꦤꦶꦏꦲꦶꦁꦏꦁꦭꦸꦒꦸꦤꦶꦥꦸꦤ꧀ꦱꦼꦫꦠ꧀ꦠꦤ꧀ꦩꦭꦪꦸ꧈ꦲꦶꦁꦱꦢꦺꦫꦺꦁꦔꦶꦥꦸꦤ꧀ꦠꦶꦠꦶꦪꦁꦩꦭꦪꦸꦔꦁꦒꦺꦱꦱ꧀ꦠꦿꦄꦫꦧ꧀꧉
꧋ꦏꦗꦮꦶꦱꦼꦫꦠ꧀ꦠꦤ꧀ꦱꦱ꧀ꦠꦿꦮꦼꦁꦒꦶꦱꦂꦠꦗꦮꦶꦏꦶꦤꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀꧈ꦮꦺꦴꦤ꧀ꦠꦼꦤ꧀ꦲꦸꦒꦶꦱꦮꦠꦮꦶꦱ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦠꦚ꧀ꦗꦸꦁꦩꦺꦣꦤ꧀꧈ꦱꦂꦠꦲꦶꦁꦕꦟ꧀ꦝꦶꦨꦸꦁꦱꦸꦩꦮꦶꦱꦱ꧀ꦠꦿꦤꦒꦫꦶ꧉ꦲꦶꦁꦏꦁꦱꦠꦸꦁꦒꦭ꧀ꦏꦠꦮꦶꦱ꧀ꦱꦔꦼꦠ꧀ꦪꦺꦤ꧀ꦲꦱꦭ꧀ꦭꦶꦥꦸꦤ꧀ꦱꦏꦶꦁꦒꦺꦴꦒꦺꦴꦭꦺꦴꦁꦔꦤ꧀ꦩꦢ꧀ꦲꦧ꧀ꦩꦲꦪꦤꦶꦨꦸꦢ꧀ꦝ꧈ 91 ]ꦏꦢꦺꦴꦱ꧀ꦢꦺꦤꦺꦱꦼꦱꦼꦫꦠ꧀ꦠꦤ꧀ꦗꦮꦶꦏꦶꦤꦲꦶꦁꦏꦁꦏꦠꦶꦠꦶꦩꦁꦱꦤ꧀ꦠꦲꦸꦤ꧀ꦯꦑ꧇ 946꧈ꦕꦺꦴꦕꦺꦴꦒ꧀ꦒꦶꦥꦸꦤ꧀ꦲꦶꦁꦠꦲꦸꦤ꧀ꦮꦭꦤ꧀ꦢꦶ꧇ 1024꧉ꦱꦏꦶꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦯꦸꦩꦠꦿꦏꦶꦭꦺꦤ꧀ꦮꦲꦸ꧈ꦲꦤꦺꦭꦏꦏꦼꦤ꧀ꦪꦺꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦱꦩꦶꦔꦭꦶꦃꦥꦁꦒꦺꦤ꧀ꦤꦤ꧀ꦲꦶꦁꦔꦿꦶꦏꦸ꧈ꦱꦂꦠꦠꦶꦠꦶꦪꦁꦲꦶꦁꦔꦿꦶꦏꦸꦲꦶꦁꦏꦁꦭꦗꦼꦁꦱꦩꦶꦩꦤꦸꦠ꧀ꦲꦶꦁꦲꦒꦩꦶꦤꦶꦥꦸꦤ꧀ꦠꦶꦪꦁꦲꦶꦟ꧀ꦝꦸ꧈ꦲꦒꦩꦶꦤꦶꦥꦸꦤ꧀ꦱꦩꦶꦨꦸꦢ꧀ꦝ꧈ꦕꦺꦴꦕꦺꦴꦒ꧀ꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦏꦶꦤ꧈ꦱꦂꦠꦏꦏꦤ꧀ꦠꦸꦤ꧀ꦤꦤ꧀ꦤꦶꦁꦪꦪꦱꦤ꧀ꦏꦶꦤꦲꦶꦁꦏꦁꦥꦶꦤꦁꦒꦶꦃꦲꦶꦁꦔꦿꦶꦏꦸ꧈ꦩꦫꦠꦃꦲꦮꦶꦠ꧀ꦱꦏꦶꦁꦲꦶꦁꦯꦶꦁꦏꦼꦭ꧀ꦢꦸꦩꦸꦒꦶꦲꦶꦁꦩꦺꦴꦑꦺꦴꦩꦺꦴꦑꦺꦴ꧉ꦩꦼꦁꦒꦃꦏꦭꦁꦏꦸꦔꦤ꧀ꦤꦶꦥꦸꦤ꧀ꦥꦠꦶꦭꦱ꧀ꦱꦤ꧀ꦥꦠꦶꦭꦱ꧀ꦱꦤ꧀ꦮꦲꦸꦱꦤꦢꦾꦤ꧀ꦥꦱꦗꦤꦔꦶꦁꦢꦢꦺꦴꦱ꧀ꦭꦤ꧀ꦱꦲꦺꦤꦶꦥꦸꦤ꧀꧈ꦮꦺꦴꦤ꧀ꦢꦺꦤꦺꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦦꦣꦁꦭꦮꦱ꧀ꦱꦂꦠꦲꦶꦁꦦꦣꦁꦱꦼꦧꦺꦴꦥꦼꦤ꧀ꦭꦟ꧀ꦝꦼꦤ꧀ꦠꦺꦠꦺꦭꦥꦠꦶꦭꦱ꧀ꦱꦤ꧀ꦨꦸꦢ꧀ꦝ꧈ꦠꦼꦧꦶꦃꦱꦔꦼꦠ꧀ꦱꦸꦁꦱꦠ꧀ꦠꦶꦥꦸꦤ꧀ꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦠꦶꦭꦱ꧀ꦱꦤ꧀ꦲꦶꦟ꧀ꦝꦸꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦱꦶꦱꦶꦂꦫꦶꦥꦸꦤ꧀ꦥꦸꦭꦺꦴꦯꦸꦩꦠꦿꦲꦶꦁꦏꦁꦮꦺꦠꦤ꧀ꦲꦶꦁꦒꦶꦃꦥꦸꦤꦶꦏꦲꦶꦁꦱꦏꦶꦢꦸꦭ꧀ꦄꦯꦃꦲꦤ꧀ꦱꦂꦠꦲꦶꦁꦦꦭꦺꦩ꧀ꦧꦁ꧈ꦱꦩꦶꦢꦺꦫꦺꦁꦏꦱꦸꦩꦼꦉꦥ꧀ꦥꦤ꧀ꦏꦭꦪꦤ꧀ꦪꦏꦶꦤ꧀꧈ꦱꦏꦶꦁꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦲꦶꦁꦱꦕꦼꦭꦏ꧀ꦏꦶꦁꦤꦒꦫꦶꦗꦩ꧀ꦧꦶꦥꦸꦤꦶꦏꦲꦶꦁꦏꦶꦤꦤꦶꦥꦸꦤ꧀ꦢꦸꦩꦸꦤꦸꦁꦔꦶꦁꦏꦫꦠꦺꦴꦤ꧀ꦤꦶ 92 ]ꦥꦸꦤ꧀ꦦꦿꦨꦸꦯꦿꦶꦲꦸꦠꦮꦶꦦꦿꦨꦸꦯꦩ꧀ꦧꦺꦴꦗ꧈ꦲꦶꦁꦒꦶꦃꦯꦤ꧀ꦧꦺꦴꦠ꧀ꦯꦆ꧈ꦲꦤꦔꦶꦁꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦮꦲꦸꦠꦤ꧀ꦱꦃꦢꦢꦺꦴꦱ꧀ꦒꦒꦱ꧀ꦱꦤ꧀ꦏꦺꦩꦮꦺꦴꦤ꧀ꦢꦺꦫꦺꦁꦏꦺꦔꦶꦁꦏꦲꦁꦒꦼꦥ꧀ꦪꦏꦶꦤ꧀ꦢꦺꦤꦺꦢꦺꦫꦺꦁꦢꦶꦥꦸꦤ꧀ꦕꦺꦴꦕꦺꦴꦒ꧀ꦒꦶꦣꦠꦼꦁꦥꦫꦱꦒꦼꦢ꧀ꦱꦤꦺꦱ꧀ꦱꦶꦥꦸꦤ꧀ꦲꦮꦶꦠ꧀ꦠꦼꦏ꧀ꦱꦶꦃꦱꦼꦥꦼꦤ꧀ꦠꦺꦴꦟ꧀ꦝꦥꦱꦏ꧀ꦱꦺꦤ꧀ꦤꦶꦥꦸꦤ꧀ꦲꦶꦁꦏꦁꦒꦸꦩꦛꦺꦴꦏ꧀꧈ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏꦮꦿꦸꦃꦏꦒꦸꦤꦤ꧀ꦲꦶꦟ꧀ꦝꦸꦠꦸꦮꦶꦤ꧀ꦨꦸꦢ꧀ꦝꦲꦶꦁꦏꦁꦏꦭꦶꦩꦿꦃꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦱꦶꦱꦶꦂꦫꦶꦥꦸꦤ꧀ꦥꦸꦭꦺꦴꦯꦸꦩꦠꦿꦲꦶꦁꦏꦁꦮꦺꦠꦤ꧀ꦱꦂꦠꦏꦶꦭꦺꦤ꧀ꦧꦺꦴꦠꦼꦤ꧀ꦏꦼꦏꦃꦏꦢꦺꦴꦱ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦥꦸꦭꦺꦴꦗꦮꦶ꧉ꦠꦺꦴꦟ꧀ꦝꦥꦱꦏ꧀ꦱꦺꦤ꧀ꦤꦶꦥꦸꦤ꧀ꦢꦺꦤꦺꦥꦒꦼꦱꦁꦔꦤ꧀ꦱꦼꦱꦼꦫꦠ꧀ꦠꦤ꧀ꦠꦼꦩ꧀ꦧꦸꦁꦠꦼꦩ꧀ꦧꦸꦁꦔꦶꦥꦸꦤ꧀ꦠꦶꦠꦶꦪꦁꦔꦿꦶꦏꦸꦤꦩꦸꦁꦱꦮꦠꦮꦶꦱ꧀ꦲꦁꦒꦺꦤ꧀ꦤꦶꦁꦏꦩꦏ꧀ꦱꦸꦢ꧀ꦢꦤ꧀ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸ꧉ꦱꦤꦢꦾꦤ꧀ꦥꦏꦼꦕꦥ꧀ꦥꦤ꧀ꦤꦶꦥꦸꦤ꧀ꦢꦼꦊꦱ꧀ꦱꦶꦁꦧꦺꦴꦁꦱꦩꦭꦪꦸꦲꦶꦁꦔꦿꦶꦏꦸꦲꦶꦁꦒꦶꦃꦧꦺꦴꦠꦼꦤ꧀ꦩꦺꦩ꧀ꦥꦼꦂꦧꦧꦂꦥꦶꦱꦤ꧀ꦩꦭꦃꦠꦼꦧꦶꦃꦱꦔꦼꦠ꧀ꦱꦸꦁꦱꦠ꧀ꦠꦶꦥꦸꦤ꧀ꦏꦭꦶꦪꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦲꦶꦁꦏꦁꦤꦫꦩ꧀ꦧꦃꦲꦶꦲꦶꦁꦥꦸꦭꦺꦴꦗꦮꦶ꧉ꦥꦸꦤꦥꦩꦭꦶꦃꦠꦼꦩ꧀ꦧꦸꦁꦠꦼꦩ꧀ꦧꦸꦁꦱꦁꦱ꧀ꦏꦿꦶꦠ꧀ꦲꦶꦁꦒꦶꦃꦱꦏꦼꦣꦶꦏ꧀ꦱꦔꦼꦠ꧀ꦲꦶꦁꦏꦁꦠꦸꦩꦸꦭꦂꦏꦁꦒꦺꦠꦶꦠꦶꦪꦁꦲꦶꦁꦔꦿꦶꦏꦸ꧈ꦩꦭꦃꦲꦶꦁꦏꦁꦏꦛꦃꦠꦼꦩ꧀ꦧꦸꦁꦠꦼꦩ꧀ꦧꦸꦁꦱꦁꦱ꧀ꦏꦿꦶꦠ꧀ꦲꦶꦁꦏꦁꦏꦁꦒꦺꦲꦶꦁꦧꦱꦩꦭꦪꦸ꧈ꦱꦩ꧀ꦥꦸꦤ꧀ꦕꦕꦁꦏꦺꦴꦏ꧀ꦏꦤ꧀ꦱꦏꦶꦁꦧꦱꦗꦮꦶ꧈ꦢꦭꦃꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦥꦸꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦢꦺꦴꦢꦺꦴꦔꦺꦁꦔꦤ꧀ꦲꦶꦁꦏꦁ
93 ]ꦥꦼꦟ꧀ꦝꦼꦠ꧀ꦠꦤ꧀ꦲꦸꦠꦮꦶꦥꦼꦛꦶꦏ꧀ꦏꦤ꧀ꦱꦏꦶꦁꦕꦫꦶꦪꦺꦴꦱ꧀ꦕꦫꦶꦪꦺꦴꦱ꧀ꦱꦁꦱ꧀ꦏꦿꦶꦠ꧀ꦲꦶꦁꦏꦁꦱꦩ꧀ꦥꦸꦤ꧀ꦢꦢꦺꦴꦱ꧀ꦕꦫꦶꦪꦺꦴꦱ꧀ꦗꦮꦶ꧉ꦕꦼꦏꦏ꧀ꦏꦶꦥꦸꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦠꦶꦠꦶꦭꦂꦫꦤ꧀ꦏꦭꦲꦶꦁꦗꦩꦤ꧀ꦲꦶꦟ꧀ꦝꦸꦲꦶꦁꦥꦸꦭꦺꦴꦯꦸꦩꦠꦿꦱꦏꦼꦣꦶꦏ꧀ꦱꦔꦼꦠ꧀꧈
꧋ꦲꦶꦁꦑꦫꦶꦩꦺꦴꦤ꧀ꦲꦶꦁꦱꦕꦼꦭꦏ꧀ꦏꦶꦁꦥꦸꦭꦺꦴꦯꦸꦩꦠꦿ꧈ꦲꦶꦁꦱꦔꦗꦼꦁꦔꦶꦁꦱꦸꦔꦥ꧀ꦥꦤ꧀ꦤꦶꦥꦸꦤ꧀ꦭꦺꦥꦺꦤ꧀ꦏꦩ꧀ꦦꦂꦮꦺꦴꦤ꧀ꦠꦼꦤ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦩꦮꦶꦱꦱ꧀ꦠꦿꦤꦒꦫꦶ꧈ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦤꦟ꧀ꦝꦏ꧀ꦲꦏꦼꦤ꧀ꦪꦺꦤ꧀ꦲꦒꦩꦶꦲꦶꦟ꧀ꦝꦸꦲꦶꦁꦏꦁꦩꦁꦱꦸꦢ꧀ꦢꦶꦲꦶꦁꦔꦿꦶꦏꦸꦩꦢ꧀ꦲꦧ꧀ꦩꦲꦪꦟꦶꦨꦸꦢ꧀ꦝ꧉ꦢꦺꦤꦺꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦭꦺꦥꦺꦤ꧀ꦩꦸꦟ꧀ꦝꦺꦴꦲꦶꦁꦏꦶꦛꦑꦥꦸꦂ꧈ꦲꦶꦁꦮꦼꦮꦼꦁꦏꦺꦴꦤ꧀ꦤꦒꦫꦶꦨꦁꦏꦏ꧀ꦩꦮꦶꦱꦱ꧀ꦠꦿꦮꦼꦁꦒꦶ꧈ꦤꦶꦠꦶꦏ꧀ꦲꦶꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦢꦺꦴꦱ꧀ꦏꦢꦺꦴꦱ꧀ꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦯꦑ꧇ 608꧉
꧋ꦄꦒꦩꦶꦲꦶꦁꦲꦶꦟ꧀ꦢꦶꦪꦔꦗꦼꦁ꧉
꧋ꦲꦒꦩꦶꦤꦶꦥꦸꦤ꧀ꦠꦶꦠꦶꦪꦁꦲꦶꦁꦲꦶꦟ꧀ꦢꦶꦪꦔꦗꦼꦁ꧈ꦲꦶꦁꦏꦁꦏꦮꦶꦕꦭ꧀ꦥꦼꦚ꧀ꦕꦂꦥꦶꦪꦩ꧀ꦧꦏ꧀ꦥꦸꦤꦶꦏꦲꦒꦩꦶꦯꦶꦮꦃꦲꦏꦭꦶꦪꦤ꧀ꦲꦒꦩꦶꦮꦶꦱ꧀ꦤꦸ꧈ꦮꦺꦴꦤ꧀ꦢꦺꦤꦺꦲꦶꦁꦏꦁꦲꦒꦼꦁꦥꦶꦪꦩ꧀ꦧꦏ꧀ꦲꦒꦩꦶꦯꦶꦮꦃ꧉ꦢꦺꦮꦏꦏꦭꦶꦃꦮꦲꦸꦲꦸꦒꦶꦏꦲꦁꦒꦼꦥ꧀ꦢꦢꦺꦴꦱ꧀ꦥꦤꦸꦠ꧀ꦠꦤ꧀ꦤꦶꦥꦸꦤ꧀ꦲꦒꦩꦶꦨꦿꦃꦩ꧈ꦱꦂꦠꦏꦱꦼꦧꦸꦠ꧀ꦠꦏꦼꦤ꧀ꦲꦶꦁꦥꦶꦮꦸꦭꦁꦔꦶꦥꦸꦤ꧀ 94 ]ꦨꦛꦫꦯꦶꦮꦃꦩꦶꦤꦺꦴꦁꦏꦥꦔ꧀ꦭꦼꦧꦸꦂꦫꦶꦁꦢꦺꦴꦚ꧈ꦨꦿꦃꦩꦲꦶꦁꦏꦁꦤꦶꦠꦃꦲꦏꦼꦤ꧀ꦮꦶꦱ꧀ꦤꦸꦲꦶꦁꦏꦁꦲꦩꦺꦴꦁꦠꦸꦮꦸꦃ꧈ꦒꦚ꧀ꦕꦂꦫꦶꦥꦸꦤ꧀ꦏꦱꦼꦧꦸꦠ꧀ꦲꦶꦁꦥꦶꦮꦸꦭꦁꦔꦚ꧀ꦗꦺꦗꦺꦫꦺꦁꦔꦤ꧀ꦤꦶꦥꦸꦤ꧀ꦠꦿꦶꦩꦸꦂꦠꦶ꧈ꦢꦺꦤꦺꦢꦸꦩꦸꦒꦶꦤꦶꦥꦸꦤ꧀ꦲꦶꦁꦥꦸꦭꦺꦴꦗꦮꦶꦫꦸꦩꦶꦪꦶꦤ꧀ꦲꦒꦩꦶꦨꦿꦃꦩꦠꦶꦤꦶꦩ꧀ꦧꦁꦲꦒꦩꦶꦨꦸꦢ꧀ꦝ꧉
ToC ]꧋ꦲꦶꦱꦶꦤꦶꦥꦸꦤ꧀ꦱꦼꦫꦠ꧀ꦥꦫꦫꦡꦺꦴꦤ꧀
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
3
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
32
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
34
II. ꧋ꦣꦠꦺꦁꦔꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦲꦔꦗꦮꦶ꧉
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
36
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
45
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
62
V. ꧋ꦧꦪꦶꦤꦠ꧀ꦠꦶꦥꦸꦤ꧀ꦠꦸꦩꦼꦁꦏꦂꦫꦶꦁꦲꦒꦩꦶꦲꦶꦟ꧀ꦝꦸꦠꦸꦮꦶꦤ꧀ꦨꦸꦢ꧀ꦝꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦮꦶ꧉
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
73
VI. ꧋ꦮꦶꦮꦶꦠ꧀ꦱꦤ꧀ꦠꦺꦴꦱꦤꦶꦥꦸꦤ꧀ꦩꦭꦶꦃꦲꦒꦩꦶ꧈ꦏꦮꦿꦸꦃꦠꦸꦮꦶꦤ꧀ꦏꦒꦸꦤꦤ꧀ꦲꦶꦟ꧀ꦝꦸ꧉
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
82
VII. ꧋ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦒꦩꦶꦠꦸꦮꦶꦤ꧀ꦏꦮꦿꦸꦃꦲꦶꦟ꧀ꦝꦸꦲꦶꦁꦥꦸꦭꦺꦴꦥꦸꦭꦺꦴꦲꦶꦟ꧀ꦢꦶꦪꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
86
