Kaca iki wis divalidasi
78
꧋ꦱꦱꦉꦁꦔꦤ꧀ꦏꦭꦶꦪꦤ꧀ꦱꦸꦫꦸꦠ꧀ꦠꦶꦥꦸꦤ꧀ꦲꦒꦩꦶꦨꦸꦢ꧀ꦝ꧈ꦲꦶꦁꦤꦒꦫꦶꦦꦱꦸꦫꦸꦮꦤ꧀ꦑꦼꦣꦶꦫꦶ꧈ꦱꦂꦠꦔ꧀ꦭꦼꦩ꧀ꦥꦏ꧀ꦏꦶꦥꦸꦤ꧀ꦝꦠꦼꦁꦯꦸꦫꦨꦪ꧈ꦮꦠꦮꦶꦱ꧀ꦲꦶꦁꦠꦲꦸꦤ꧀ꦯꦑ꧇ 900꧈ꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦧꦧꦢ꧀ꦲꦒꦩꦶ꧈ꦲꦶꦁꦱꦊꦧꦼꦠ꧀ꦠꦶꦁꦗꦸꦩꦼꦤꦼꦁꦔꦶꦥꦸꦤ꧀ꦦꦿꦨꦸꦲꦺꦂꦭꦁꦓ꧈ꦠꦶꦠꦶꦪꦁꦨꦭꦶꦲꦶꦁꦏꦁꦏꦧꦮꦃꦣꦠꦼꦁꦯꦁꦦꦿꦨꦸꦲꦔ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦏꦱꦸꦱꦱ꧀ꦠꦿꦤ꧀ꦠꦸꦮꦶꦤ꧀ꦠꦼꦠꦼꦩ꧀ꦧꦸꦁꦔꦤ꧀ꦗꦮꦶꦏꦶꦤꦲꦶꦁꦱꦱꦒꦼꦢ꧀ꦱꦒꦼꦢ꧀ꦢꦶꦥꦸꦤ꧀ꦱꦤꦢꦾꦤ꧀ꦲꦶꦁꦮꦼꦏ꧀ꦠꦸꦗꦸꦩꦼꦤꦼꦁꦔꦶꦥꦸꦤ꧀ꦱꦁꦦꦿꦨꦸ꧈ꦠꦼꦏ꧀ꦱꦶꦃꦏꦛꦃꦱꦼꦫꦠ꧀ꦱꦼꦫꦠ꧀ꦲꦶꦁꦏꦁꦏꦺꦴꦥꦺꦤ꧀ꦲꦸꦠꦮꦶꦲꦶꦁꦏꦁꦥꦧ꧀ꦕꦺꦤ꧀ꦏꦲꦁꦒꦶꦠ꧀ꦲꦶꦁꦱꦊꦧꦼꦠ꧀ꦠꦶꦁꦗꦸꦩꦼꦤꦼꦁꦔꦶꦥꦸꦤ꧀ꦱꦁꦦꦿꦨꦸ꧈ꦏꦢꦺꦴꦱ꧀ꦠ꧇ ꦱꦥꦭꦶꦃꦲꦶꦥꦸꦤ꧀ꦱꦼꦫꦠ꧀ꦩꦲꦨꦫꦡꦲꦶꦁꦏꦁꦔꦗꦼꦁ꧈ꦲꦶꦁꦒꦶꦃꦥꦸꦤꦶꦏꦄꦢꦶꦮꦶꦫꦡ꧈ꦔꦸꦢꦶꦪꦺꦴꦓ꧈ꦨꦶꦱ꧀ꦩꦦꦂꦠ꧈ꦱꦂꦠꦱꦼꦫꦠ꧀ꦫꦩꦪꦟ꧈ꦲꦶꦁꦏꦁꦱꦩ꧀ꦥꦸꦤ꧀ꦏꦲꦁꦒꦶꦠ꧀ꦝꦥꦸꦂꦏꦶꦏꦶꦢꦸꦁꦔꦤ꧀ꦩ
ꦮꦶꦠꦼꦩ꧀ꦧꦸꦁꦗꦮꦶꦏꦶꦤ꧉ ꧋ꦏꦕꦫꦶꦪꦺꦴꦱ꧀ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦯꦑ꧇ 1000 ꦱꦥꦔꦟ꧀ꦝꦥ꧀ꦤꦒꦫꦶꦩꦢꦶꦪꦸꦤ꧀ꦩꦢꦼꦒ꧀ꦥꦶꦪꦩ꧀ꦧꦏ꧀ꦥꦸꦤꦥꦩꦭꦶꦃꦤꦒꦫꦶꦑꦣꦶꦫꦶꦠꦸꦮꦶꦤ꧀ꦦꦱꦸꦫꦸꦮꦤ꧀ꦧꦣꦺꦏꦛꦃꦕꦶꦕꦿꦶꦪꦺꦴꦱ꧀ꦱꦤ꧀ꦤꦶꦥꦸꦤ꧀ꦠꦸꦩꦿꦥ꧀ꦲꦶꦁꦱꦺꦫꦠ꧀ꦦꦫꦫꦡꦺꦴꦤ꧀ꦗꦶꦭꦶꦢ꧀ꦢꦤ꧀ꦎꦁꦏ꧇ II꧉꧋ꦏꦺꦴꦟ꧀ꦝꦥꦱꦏ꧀ꦱꦺꦤ꧀ꦤꦶꦥꦸꦤ꧀ꦩꦤꦮꦶꦠꦶꦠꦶꦪꦁꦧꦺꦴꦁꦱꦲꦶꦟ꧀ꦝꦸ
ꦒꦺꦴꦒꦺꦴꦭꦺꦴꦁꦔꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦮꦶꦱ꧀ꦤꦸꦲꦶꦁꦒꦶꦃꦏꦊꦧꦼ