Kaca iki wis dikorèksi
24
ꦗꦼꦁꦔꦤ꧀ꦤꦶꦥꦸꦤ꧀ꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭꦶꦁꦕꦫꦶꦪꦺꦴꦱ꧀ꦥꦸꦤꦶꦏꦲꦶꦁꦏꦁꦏꦛꦃꦒꦸꦩꦤ꧀ꦠꦸꦁꦲꦶꦁꦠꦶꦪꦁꦲꦶꦁꦏꦁꦢꦩꦼꦭ꧀ꦕꦫꦶꦪꦺꦴꦱ꧀ꦠꦶꦪꦁꦲꦶꦁꦏꦁꦔꦁꦒꦶꦠ꧀ꦱꦼꦫꦠ꧀ꦧꦧꦢ꧀ꦱꦪꦩꦭꦶꦃꦲꦶꦁꦏꦁꦢꦩꦼꦭ꧀ꦕꦫꦶꦪꦺꦴꦱ꧀ꦭꦭꦩ꧀ꦥꦃꦲꦤ꧀ꦲꦶꦁꦏꦁꦢꦶꦥꦸꦤ꧀ꦱꦸꦩꦼꦉꦥ꧀ꦥꦶꦥꦶꦪꦩ꧀ꦧꦏ꧀
ꦏꦺꦔꦶꦁꦏꦱꦩꦺꦏ꧀ꦲꦏꦼꦤ꧀ꦠꦶꦪꦁꦲꦶꦁꦏꦁꦏꦁꦒꦺꦱꦏ꧀ꦱꦶꦮꦺꦴꦤ꧀ꦠꦼꦤ꧀ꦲꦶꦁꦔꦂꦯꦤꦶꦁꦥꦔꦢꦶꦭ꧀ꦭꦤ꧀ꦢꦺꦤꦺꦩꦸꦂꦮꦠ꧀ꦠꦶꦁꦥꦶꦪꦤ꧀ꦢꦼꦭ꧀ꦝꦠꦼꦁꦱꦏ꧀ꦱꦶꦧꦺꦴꦠꦼꦤ꧀ꦤꦩꦸꦁꦒꦸꦩꦤ꧀ꦠꦸꦁꦮꦺꦴꦤ꧀ꦠꦼꦤ꧀ꦲꦶꦁꦱꦏ꧀ꦱꦶꦲꦶꦁꦏꦁꦲꦢꦠ꧀ꦠꦶꦥꦸꦤ꧀ꦧꦺꦴꦠꦼꦤ꧀ꦉꦩꦼꦤ꧀ꦒꦺꦴꦫꦺꦴꦃ꧈ꦤꦔꦶꦁꦲꦸꦒꦶꦮꦺꦴꦤ꧀ꦠꦼꦤ꧀ꦲꦶꦁꦮꦮꦠꦏ꧀ꦏꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦏꦢꦺꦴꦱ꧀ꦠ꧇ꦠꦶꦪꦁꦱꦒꦼꦝꦶꦁꦏꦁꦢꦢꦺꦴꦱ꧀ꦱꦏ꧀ꦱꦶꦠꦩ꧀ꦠꦸꦏꦺꦩꦮꦺꦴꦤ꧀ꦭꦁꦏꦸꦁꦕꦼꦛꦱꦂꦠꦥꦠꦶꦠꦶꦱ꧀ꦠꦶꦤꦶꦩ꧀ꦧꦁꦠꦶꦪꦁꦧꦺꦴꦝꦺꦴ꧈ꦪꦺꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦁꦮꦮꦠꦏ꧀ꦏꦤ꧀ꦤꦶꦥꦸꦤ꧀ꦱꦩꦶ꧉ꦠꦶꦪꦁꦲꦶꦁꦏꦁꦩꦤꦸꦃꦏꦒꦸꦒꦸꦭꦁꦥꦿꦕꦪꦝꦠꦼꦁꦝꦼꦩꦶꦠ꧀ꦠꦸꦮꦶꦤ꧀ꦧꦁꦱꦤꦶꦁꦊꦊꦩ꧀ꦧꦠ꧀ꦲꦮꦶꦠ꧀ꦲꦭꦶꦠ꧀ꦩꦶꦭ꧈ꦧꦺꦴꦏ꧀ꦩꦤꦮꦶꦧꦶꦭꦶꦃꦩꦿꦁꦒꦸꦭ꧀ꦭꦶꦭꦭꦩ꧀ꦥꦃꦲꦤ꧀ꦝꦂꦠꦏꦮꦺꦴꦤ꧀ꦠꦼꦤ꧀ꦤꦤ꧀ꦲꦶꦁꦏꦁꦲꦤꦺꦃꦠꦸꦮꦶꦤ꧀ꦚꦊꦤꦺꦃ꧈ꦭꦗꦼꦁꦏꦺꦩꦮꦺꦴꦤ꧀ꦏꦲꦁꦒꦼꦥ꧀ꦱꦏꦶꦁꦥꦤ꧀ꦢꦩꦼꦭ꧀ꦭꦶꦁꦏꦏꦶꦝꦼꦩꦶꦠ꧀ꦲꦸꦠꦮꦶꦲꦼꦩ꧀ꦧꦃꦱꦺꦠꦤ꧀ꦢꦺꦤꦺꦠꦶꦪꦁꦲꦶꦁꦏꦁꦏꦗꦼꦗꦼꦭ꧀ꦲꦶꦁꦏꦮꦿꦸꦃꦥꦶꦮꦸꦭꦁꦠꦩ꧀ꦠꦸꦩꦱ꧀ꦠꦤꦶꦪꦺꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦮꦲꦸꦤꦩꦸꦁꦱꦏꦶꦁꦱꦧꦧ꧀ꦏꦱꦸꦚꦠꦤ꧀ꦏꦩꦮꦺꦴꦤ꧀ꦩꦏꦠꦼꦤ꧀ꦩꦭꦶꦃꦧꦧ꧀ꦥꦤ꧀ꦢꦩꦼꦭ꧀ꦭꦶꦁꦱꦼꦫꦠ꧀ꦧꦧꦢ꧀ꦠꦶꦪꦁꦲꦶꦁꦏꦁꦩꦤꦸꦃ