Kaca iki wis dikorèksi
ꦠꦄꦼꦏ꧀ ꦎꦁꦏꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀ ꦩꦶꦠꦸꦫꦸꦠ꧀ꦲꦶꦁꦮꦠꦏ꧀ꦏꦶꦥꦸꦤ꧀ꦱꦠꦸꦁꦒꦶꦭ꧀ꦠꦸꦁꦒꦶꦭ꧀ꦭꦶꦁꦠꦼꦩ꧀ꦧꦸꦁꦲꦶꦁꦏꦁꦏꦁꦒꦺꦱꦁꦏꦭꦤ꧀꧈ꦲꦶꦁꦏꦁꦩꦏꦠꦼꦤ꧀ꦮꦲꦸ꧈ꦲꦮꦶꦠ꧀ꦱꦏꦶꦁꦠꦼꦠꦼꦩ꧀ꦧꦸꦁꦔꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦩꦼꦱ꧀ꦛꦶꦏꦢꦺꦴꦱ꧀ꦲꦶꦁꦏꦁꦏꦱꦼꦧꦸꦠ꧀ꦲꦶꦁꦢꦊꦩ꧀ꦧꦸꦏꦸꦥꦛꦺꦴꦏ꧀ꦏꦤ꧀ꦤꦶꦥꦸꦤ꧀ ꦠꦼꦂꦏꦣꦁꦮꦺꦴꦤ꧀ꦠꦼꦤ꧀ꦲꦸꦒꦶꦱꦭꦃꦱꦠꦸꦁꦒꦶꦭ꧀ꦭꦶꦁꦠꦼꦩ꧀ꦧꦸꦁꦱꦊꦧꦼꦠ꧀ꦠꦶꦁꦲꦸꦏꦫꦱꦁꦏꦭꦤ꧀ꦲꦶꦁꦏꦁꦏꦠꦶꦭꦂꦧꦺꦴꦠꦼꦤꦢꦶꦥꦸꦤ꧀ꦠꦼꦒꦼꦱ꧀ꦱꦶ꧉
꧋ꦏꦗꦮꦶꦱꦏꦶꦁꦥꦸꦤꦶꦏ꧈ꦠꦼꦠꦼꦩ꧀ꦧꦸꦁꦔꦤ꧀ꦤꦶꦥꦸꦤ꧀ꦮꦠꦼꦏ꧀ꦏꦶꦁꦲꦁꦏꦮꦲꦸ꧈ꦗꦩꦤ꧀ꦫꦸꦩꦶꦪꦶꦤ꧀ꦏꦭꦶꦪꦤ꧀ꦱꦥꦸꦤꦶꦏꦏꦛꦃꦲꦶꦁꦏꦁꦧꦺꦴꦠꦼꦤ꧀ꦱꦩꦶ꧈ꦲꦸꦥꦩꦶꦤꦶꦥꦸꦤ꧀꧇ꦲꦒ꧀ꦤꦶ꧈ꦢꦢꦺꦴꦱ꧀ ꦒꦼꦤꦶ꧈ꦲꦤꦔꦶꦁ ꦮꦺꦴꦤ꧀ꦠꦼꦤ꧀ꦲꦸꦒꦶꦲꦶꦁꦏꦁꦱꦤ꧀ꦠꦸꦤꦠꦼꦩ꧀ꦧꦸꦁꦧꦧꦂꦥꦶꦱꦤ꧀ ꦏꦢꦺꦴꦱ꧀ꦠ꧇ ꦱꦮ꧀ꦮꦒ꧀ꦧꦼꦣꦃꦲꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦩꦗꦥꦲꦶꦠ꧀ ꦢꦶꦥꦸꦤ꧀ꦱꦁꦏꦭꦤꦶꦲꦶꦁꦧꦧꦢ꧀ꦩꦸꦔꦼꦭ꧇ ꦱꦶꦂꦤꦲꦶꦭꦁꦏꦂꦠꦤꦶꦁꦧꦸꦩꦶ꧈(1400) ꦥꦸꦤꦶꦏꦩꦼꦁꦒꦃꦲꦶꦁꦱꦸꦫꦲꦺꦴꦱ꧀ꦠꦸꦩꦿꦥ꧀ꦥꦶꦁꦥꦱꦼꦩꦺꦴꦤ꧀ꦫꦶꦱꦏ꧀ꦏꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦩꦗꦥꦲꦶꦠ꧀ꦩꦶꦭꦲꦶꦁꦒꦶꦃꦩꦸꦁꦒꦸꦃ꧈ꦠꦼꦩ꧀ꦧꦸꦁꦔꦶꦥꦸꦤ꧀ꦲꦔꦺꦔꦶꦔꦶꦱꦔꦼꦠ꧀ꦏꦭꦶꦪꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ 1) ꦲꦤꦔꦶꦁꦥꦚ꧀ꦕꦺꦤꦥꦏꦺꦮꦼꦢꦲꦮꦶꦠ꧀ꦲꦔꦺꦮꦲꦶꦭꦸꦒꦸꦤꦶꦁꦠꦼꦩ꧀ꦧꦸꦁꦲꦶꦁꦏꦁꦲꦁꦒꦣꦃꦲꦶꦮꦠꦏ꧀ꦱꦏꦮꦤ꧀ ꦲꦶꦁꦒꦶꦃꦥꦸꦤꦶꦏ꧇ꦏꦂꦠꦶ꧈
1) ꧋ꦱꦏꦶꦁꦥꦩꦿꦲꦶꦏ꧀ꦱꦤꦶꦥꦸꦤ꧀ꦠꦸꦮꦤ꧀ꦒꦺꦥꦺꦫꦸꦥꦂ(G.P. ROUFFAER), ꦧꦼꦝꦃꦤꦶꦲꦺꦴꦲꦸꦤ꧀ꦤꦒꦫꦶꦩꦗꦥꦲꦶꦠ꧀ꦏꦊꦉꦱ꧀ꦱꦤ꧀ꦏꦭꦩ꧀ꦥꦃꦲꦤ꧀ꦲꦶꦁꦠꦏꦸꦚ꧀ꦗꦮꦶ꧇1438ꦲꦸꦠꦮꦶꦠꦲꦸꦤ꧀ꦮꦭꦤ꧀ꦢꦶ꧇1516꧈ꦢꦺꦤꦺꦠꦸꦮꦤ꧀ꦮꦲꦸꦲꦁꦱꦭ꧀ꦭꦶꦥꦸꦤ꧀ꦏꦠꦿꦁꦔꦤ꧀ꦩꦏꦠꦼꦤ꧀ꦱꦏꦶꦁꦧꦧꦢ꧀ꦧꦧꦢ꧀ꦧꦁꦱꦥꦺꦴꦂꦉꦒꦶꦱ꧀ꦢꦶꦥꦸꦤ꧀ꦠꦟ꧀ꦝꦶꦁꦏꦭꦶꦪꦤ꧀ꦱꦫꦶꦪꦺꦴꦱ꧀ꦩꦭꦗꦼꦁꦠꦸꦮꦶꦚ꧀ꦗꦮꦶ꧉