Kaca:Serat Pararaton.pdf/67

Saka Wikisumber
Kaca iki wis dikorèksi

67

ꦲꦶꦁꦑꦭꦱ꧀ꦱꦤ꧀ꦩꦺꦩ꧀ꦥꦼꦂꦏꦭꦶꦪꦚ꧀ꦕꦟ꧀ꦝꦶꦕꦟ꧀ꦝꦶꦲꦶꦁꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦭꦺꦂꦏꦶꦭꦺꦤ꧀​​ꦩꦏꦠꦼꦤ꧀ꦩꦭꦶꦃꦕꦟ꧀ꦝꦶꦕꦟ꧀ꦝꦶꦲꦶꦁꦔꦫꦶꦏꦸꦥꦏꦶꦂꦠꦾꦤꦶꦥꦸꦤ꧀ꦲꦮꦶꦒ꧀​​ꦱꦩꦶꦏꦭꦶꦪꦚ꧀ꦕꦟ꧀ꦝꦶꦕꦟ꧀ꦝꦶꦨꦸꦢ꧀ꦝꦲꦶꦁꦗꦮꦶꦠꦼꦔꦃ꧈ꦲꦶꦁꦏꦁꦱꦩꦶꦠꦶꦠꦶꦭꦂꦫꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦟ꧀ꦝꦸꦏꦊꦧꦼꦠ꧀ꦲꦸꦁꦒꦸꦭ꧀ꦥꦶꦪꦩ꧀ꦧꦏ꧀ꦥꦏꦶꦂꦠꦾꦤꦶꦥꦸꦤ꧀꧈ꦲꦤꦔꦶꦁꦲꦶꦁꦏꦁꦩꦏꦠꦼꦤ꧀ꦮꦲꦸꦲꦶꦁꦒꦶꦃꦢꦺꦫꦺꦁꦠꦩ꧀ꦠꦸꦪꦺꦤ꧀ꦝꦠꦼꦁꦔꦶꦥꦸꦤ꧀ꦧꦺꦴꦁꦱꦲꦶꦟ꧀ꦝꦸꦒꦼꦤ꧀ꦠꦺꦴꦱ꧀ꦱꦤ꧀ꦩꦺꦴꦁꦱ꧈ꦲꦮꦶꦠ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦠꦺꦴꦟ꧀ꦝꦥꦱꦏ꧀ꦱꦺꦤ꧀ꦲꦶꦁꦗꦮꦶꦠꦼꦔꦃꦕꦕꦫꦸꦧ꧀ꦧꦤ꧀​​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦠꦶꦠꦶꦩꦺꦴꦁꦱꦠꦲꦸꦤ꧀ꦮꦂꦟꦶꦏꦭꦶꦃꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀ꦠꦏ꧀ꦱꦶꦃꦮꦺꦴꦤ꧀ꦠꦼꦤ꧀ꦱꦤꦺꦱ꧀ꦱꦶꦥꦸꦤ꧀​​ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦥꦶꦤꦁꦒꦶꦃꦠꦸꦩꦿꦥ꧀ꦲꦶꦁꦱꦺꦭꦲꦶ​ꦉꦢꦶꦢꦶꦪꦺꦁ꧈ꦱꦼꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦩꦮꦶꦠꦼꦩ꧀ꦧꦸꦁꦗꦮꦶꦏꦶꦤ꧈(ꦏꦮꦶ)ꦲꦶꦁꦏꦁꦏꦶꦤꦥꦶꦪꦩ꧀ꦧꦏ꧀ꦩꦮꦶꦠꦶꦠꦶꦩꦺꦴꦁꦱꦠꦲꦸꦤ꧀ꦯꦑ꧇731​​​ ꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 809꧈ꦱꦼꦱꦼꦫꦠ꧀ꦠꦤ꧀ꦮꦲꦸꦤꦸꦁꦒꦶꦭ꧀ꦩꦶꦱꦃꦏꦭꦶꦪꦤ꧀ꦱꦼꦫꦠ꧀ꦠꦤ꧀ꦦꦭꦶ꧉ꦱꦂꦠꦱꦱ꧀ꦠꦿꦲꦶꦟ꧀ꦝꦸꦲꦶꦁꦏꦁꦏꦁꦒꦺꦲꦶꦁꦠꦤꦃꦲꦶꦟ꧀ꦝꦸꦮꦶꦁꦏꦶꦁ꧈ꦏꦢꦺꦴꦱ꧀ꦏꦢꦺꦴꦱ꧀ꦝꦠꦼꦁꦔꦶꦥꦸꦤ꧀​ꦫꦒꦶꦱꦢ​ꦉꦁꦔꦤ꧀ꦏꦭꦶꦪꦤ꧀ꦱꦼꦫꦠ꧀ꦠꦤ꧀ꦤꦒꦫꦶꦲꦶꦁꦏꦁꦏꦱꦼꦧꦸꦠ꧀ꦲꦶꦁꦔꦶꦁꦒꦶꦭ꧀꧈ꦮꦺꦴꦤ꧀ꦠꦼꦤ꧀ꦩꦭꦶꦃꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦮꦔꦸꦤ꧀ꦤꦶꦥꦸꦤ꧀ꦭꦁꦏꦸꦁꦏꦶꦤ꧈ꦤꦔꦶꦁꦠꦶꦠꦶꦩꦁꦱꦤꦶꦥꦸꦤ꧀ꦭꦁꦏꦸꦁꦲꦺꦁꦒꦭ꧀​​ꦩꦮꦶꦠꦶꦠꦶꦩꦁꦱꦠꦲꦸꦤ꧀ꦯꦑ꧇ 750