Kaca iki wis dikorèksi
72
ꦏ꧀ꦲꦮꦏ꧀ꦏꦶꦥꦸꦤ꧀ꦧꦲꦶꦠꦱꦩꦶꦠꦶꦠꦶꦪꦁꦲꦒꦩꦶꦨꦿꦃꦩ꧈ꦲꦮꦶꦠ꧀ꦱꦏꦶꦁꦥꦸꦤꦶꦏꦲꦶꦁꦏꦭꦱꦩꦤ꧀ꦠꦼꦤ꧀ꦲꦶꦁꦥꦸꦭꦺꦴꦗꦮꦶꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁꦲꦶꦟ꧀ꦝꦸ꧈ꦤꦔꦶꦁꦱꦮꦼꦒ꧀ꦱꦏꦼꦝꦶꦏ꧀ꦢꦺꦫꦺꦁꦔꦤ꧀ꦠꦺꦴꦱ꧀ꦠꦸꦩꦼꦁꦏꦂꦱꦔꦼꦠ꧀꧈
꧋ꦮꦺꦴꦤ꧀ꦠꦼꦤ꧀ꦩꦭꦶꦃꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦤꦸꦁꦒꦶꦭ꧀ꦗꦩꦤ꧀ꦤꦩꦸꦁꦫꦒꦶꦏꦥꦼꦁꦏꦼꦂꦠꦶꦠꦶꦩꦁꦱꦤꦶꦥꦸꦤ꧀ꦲꦤꦼꦢꦃꦲꦏꦼꦤ꧀ꦪꦺꦤ꧀ꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦝꦠꦼꦁꦏꦭꦱꦩꦤ꧀ꦠꦼꦤ꧀ꦲꦶꦁꦥꦢꦸꦤꦸꦁꦔꦤ꧀ꦲꦶꦁꦏꦁꦢꦶꦥꦸꦤ꧀ꦝꦠꦼꦁꦔꦶꦦ꦳ꦲꦶꦪꦤ꧀ꦮꦲꦸꦲꦱꦭ꧀ꦭꦶꦥꦸꦤ꧀ꦱꦏꦶꦁꦝꦑꦤ꧀ (Dekkan)ꦲꦶꦁꦁꦲꦶꦟ꧀ꦢꦶꦪꦆꦁꦒꦿꦶꦱ꧀ (ꦲꦶꦟ꧀ꦝꦸ)ꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦲꦮꦶꦠ꧀ꦱꦼꦫꦠ꧀ꦠꦤ꧀ꦮꦲꦸꦩꦮꦶꦱꦱ꧀ꦠꦿꦮꦼꦁꦒꦶꦲꦶꦁꦏꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦭꦶꦩꦿꦃꦏꦁꦒꦺꦲꦶꦁꦝꦺꦑꦤ꧀꧈
꧋ꦩꦶꦠꦸꦫꦸꦠ꧀ꦲꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦲꦶꦁꦤꦒꦫꦶꦕꦶꦟ꧈ꦏꦭꦲꦶꦁꦠꦲꦸꦤ꧀ꦮꦭꦤ꧀ꦢꦶ꧇ 435 ꦤꦒꦫꦶꦲꦶꦁꦏꦁꦠꦼꦥꦁꦉꦩ꧀ꦧꦒ꧀ꦲꦏꦭꦶꦪꦤ꧀ꦏꦫꦗꦤ꧀ꦕꦶꦟꦮꦶꦤꦱ꧀ꦠꦤ꧀꧇ꦪꦦ꦳ꦝꦃ (Javada) ꦮꦠꦮꦶꦱ꧀ꦲꦶꦁꦠꦲꦸꦤ꧀꧇ 515. ꦤꦒꦫꦶꦮꦲꦸꦏꦱꦼꦧꦸꦠ꧀ꦤꦩ꧇ ꦭꦁꦔꦯꦸ(Langasoe) ꦲꦸꦠꦮꦶꦭꦁꦓ (Langga) ꦲꦶꦁꦥꦺꦥꦺꦔꦼꦠ꧀ꦠꦤ꧀ꦧꦧꦢ꧀ꦏꦭꦗꦩꦤ꧀ꦤꦶꦥꦸꦤ꧀ꦏꦫꦠꦺꦴꦤ꧀ꦲꦶꦁꦤꦒꦫꦶꦕꦶꦟꦲꦶꦁꦏꦁꦗꦸꦩꦼꦤꦼꦁꦫꦠꦸꦠꦼꦏ꧀ꦱꦶꦃꦠꦸꦫꦸꦤ꧀꧇ ꦡꦄꦁ (T'ang) ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦮꦭꦤ꧀ꦢꦶ꧇ 618 ꦢꦸꦩꦸꦒꦶ꧇ 906 ꦏꦱꦼꦧꦸꦠ꧀ꦤꦩꦤꦶꦁꦏꦫꦠꦺꦴꦤ꧀ꦲꦶꦁ