Kaca iki wis dikorèksi
65
ꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦏꦢꦺꦴꦱ꧀ꦲꦶꦁꦏꦁꦧꦝꦺꦏꦠꦼꦫꦁꦔꦏꦼꦤ꧀ꦩꦭꦶꦃꦲꦶꦁꦔꦟ꧀ꦝꦥ꧀ꦱꦂꦠꦲꦶꦁꦮꦶꦁꦏꦶꦁ꧉
꧋ꦱꦼꦱꦼꦫꦠ꧀ꦠꦤ꧀ꦱꦏꦶꦁꦯꦁꦫꦠꦸꦯꦼꦚ꧀ꦗꦪ꧈ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦥꦫꦺꦯꦶꦢꦺꦤ꧀ꦤꦤ꧀ꦏꦼꦝꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦩꦮꦶꦠꦶꦠꦶꦩꦺꦴꦁꦱꦲꦶꦁꦏꦲꦸꦤ꧀ꦯꦑ꧇654 ꦕꦺꦴꦕꦺꦴꦒ꧀ꦒꦶꦥꦸꦤ꧀ꦏꦭꦶꦪꦤ꧀ꦠꦲꦸꦤ꧀ꦮꦭꦤ꧀ꦢꦶ꧇ 732 ꦥꦸꦤꦶꦏꦱꦼꦫꦠ꧀ꦠꦤ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦠꦼꦔꦃꦱꦼꦥꦸꦃꦥꦶꦪꦩ꧀ꦧꦏ꧀ꦱꦂꦠꦏꦱꦼꦠꦠ꧀ꦩꦮꦶꦱꦱ꧀ꦠꦿꦮꦼꦁꦒꦶ꧉ꦥꦸꦤꦥꦩꦭꦶꦃꦱꦼꦫꦠ꧀ꦠꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦱꦺꦭꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦝꦤꦮꦸꦲꦶꦁꦥꦫꦺꦯꦶꦝꦺꦤ꧀ꦤꦤ꧀ꦏꦼꦝꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦮꦺꦠꦤ꧀ꦱꦂꦠꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦢꦶꦪꦺꦁ꧈ꦥꦸꦤꦶꦏꦲꦶꦁꦏꦁꦭꦁꦏꦸꦁꦕꦼꦛꦩꦭꦶꦃꦱꦩꦶꦏꦱꦼꦫꦠ꧀ꦲꦶꦁꦱꦱ꧀ꦠꦿꦮꦼꦁꦒꦶ꧉ꦲꦮꦶꦠ꧀ꦱꦏꦶꦁꦥꦸꦤꦶꦏꦤꦺꦭꦏ꦳ꦲꦏꦼꦤ꧀ꦧꦶꦭꦶꦃꦠꦶꦠꦶꦪꦁꦲꦶꦟ꧀ꦝꦸꦲꦶꦁꦏꦁꦱꦩꦶꦝꦠꦼꦁꦲꦶꦁꦗꦮꦶꦠꦼꦔꦃꦲꦱꦭ꧀ꦭꦶꦥꦸꦤ꧀ꦱꦏꦶꦁꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀ꦲꦮꦶꦠ꧀ꦱꦼꦫꦠ꧀ꦠꦤ꧀ꦱꦱ꧀ꦠꦿꦮꦼꦁꦒꦶꦥꦸꦤꦶꦏꦏꦭꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦭꦶꦩꦿꦃꦏꦁꦒꦺꦲꦶꦁꦤꦒꦫꦶꦝꦺꦤꦤ꧀ꦲꦶꦁꦮꦼꦮꦼꦁꦏꦺꦴꦤ꧀ꦠꦭꦠꦃꦲꦶꦁꦠꦤꦃꦲꦶꦟ꧀ꦝꦸꦲꦶꦁꦏꦁꦱꦶꦱꦶꦃꦏꦶꦢꦸꦭ꧀꧈
꧋ꦠꦸꦮꦤ꧀ Fergusson ꦲꦶꦁꦏꦁꦥꦲꦩ꧀ꦝꦠꦼꦁꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦧꦫꦁꦏꦶꦤ꧈ꦲꦩꦱ꧀ꦠꦤꦶꦪꦺꦚ꧀ꦕꦟ꧀ꦝꦶꦕꦟ꧀ꦝꦶꦲꦶꦁꦱꦶꦪꦺꦁꦱꦩꦶꦲꦮꦔꦸꦚ꧀ꦕꦭꦸꦏꦶꦪꦃ꧈ꦢꦺꦤꦺꦮꦔꦸꦚ꧀ꦕꦭꦸꦏꦶꦪꦃ (Tjaloekya) ꦥꦸꦤꦶꦏꦏSerat Pararaton I.
5