Kaca iki wis divalidasi
54
ꦏ꧀ꦱꦠꦸꦮꦶꦤ꧀ꦢꦤꦮꦏꦼꦉꦥ꧀ꦏꦱꦫꦩ꧀ꦧꦃꦏꦕꦫꦶꦪꦺꦴꦱ꧀ꦱꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦫꦠ꧀ꦱꦼꦫꦠ꧀ꦠꦶꦥꦸꦤ꧀ꦧꦺꦴꦁꦱꦩꦭꦪꦸ꧉
꧋ꦲꦒꦩꦶꦲꦶꦟ꧀ꦝꦸꦥꦸꦤꦶꦏꦠꦸꦩꦸꦭꦂꦫꦶꦥꦸꦤ꧀ꦝꦠꦼꦁꦏꦥꦸꦭꦺꦴꦮꦤ꧀ꦲꦶꦟ꧀ꦢꦶꦪꦠꦩ꧀ꦠꦸꦱꦩ꧀ꦥꦸꦤ꧀ꦮꦶꦮꦶꦠ꧀ꦲꦶꦁꦥꦸꦂꦮꦤꦶꦥꦸꦤ꧀ꦥꦺꦠꦁꦔꦤꦄꦧꦢ꧀ꦮꦭꦤ꧀ꦢꦶ꧈ꦏꦠꦺꦴꦟ꧀ꦝꦠꦶꦪꦁꦭꦭꦤꦧꦺꦴꦁꦱꦕꦶꦟꦲꦶꦁꦏꦁꦲꦤꦩꦦ꦳ꦲꦶꦤ꧀ (Fa Hien) ꦲꦶꦁꦏꦁꦣꦠꦼꦁꦲꦶꦁꦠꦤꦃꦗꦮꦶꦏꦭꦮꦶꦮꦶꦠ꧀ꦠꦶꦥꦸꦤꦄꦧꦢ꧀ꦮꦭꦤ꧀ꦢꦶꦲꦶꦁꦏꦁꦏꦥꦶꦁꦒꦁꦱꦭ꧀ꦲꦶꦁꦮꦶꦁꦏꦶꦁꦧꦣꦺꦏꦕꦫꦶꦪꦺꦴꦱ꧀ꦱꦏꦼꦤ꧀ꦩꦭꦶꦃꦒꦚ꧀ꦕꦂꦫꦶꦥꦸꦤ꧀꧈ꦚꦸꦩꦼꦉꦥ꧀ꦥꦶꦲꦶꦁꦠꦤꦃꦗꦮꦶꦱꦩ꧀ꦥꦸꦤ꧀ꦏꦛꦃꦠꦶꦠꦶꦪꦁꦔꦶꦥꦸꦤ꧀ꦲꦶꦁꦏꦁꦲꦒꦩꦶꦨꦿꦃꦩ꧈ꦥꦸꦤꦥꦩꦭꦶꦃꦩꦶꦫꦶꦢ꧀ꦱꦼꦱꦼꦫꦠ꧀ꦠꦤ꧀ꦲꦶꦁꦠꦼꦩ꧀ꦧꦸꦁꦱꦁꦤ꧀ꦏꦿꦶꦠ꧀ꦲꦶꦁꦏꦁꦥꦶꦤꦁꦒꦶꦃꦲꦶꦁꦗꦮꦶꦏꦶꦭꦺꦤ꧀ꦲꦶꦁꦒꦶꦃꦲꦤꦸꦁꦒꦶꦭ꧀ꦮꦼꦏ꧀ꦠꦸꦏꦭꦶꦪꦤ꧀ꦕꦫꦶꦪꦺꦴꦱ꧀ꦱꦶꦥꦸꦤ꧀ꦦ꦳ꦲꦶꦤ꧀꧈ꦱꦼꦱꦼꦫꦠ꧀ꦠꦤ꧀ꦲꦶꦁꦠꦲꦸꦤ꧀ꦯꦑ꧇ 654 ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦕꦁꦓꦭ꧀ꦲꦶꦁꦥꦫꦺꦱꦶꦣꦺꦤ꧀ꦤꦤ꧀ꦏꦼꦣꦸ꧈ꦥꦸꦤꦶꦏꦲꦶꦁꦏꦁꦏꦶꦤꦥꦶꦪꦩ꧀ꦧꦏ꧀ꦮꦺꦴꦤ꧀ꦠꦼꦤ꧀ꦤꦶꦁꦱꦼꦱꦼꦫꦠ꧀ꦠꦤ꧀ꦠꦶꦠꦶꦭꦂꦫꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦶꦁꦗꦩꦤ꧀ꦱꦩꦤ꧀ꦠꦼꦤ꧀ꦏꦱꦼꦧꦸꦠ꧀ꦫꦠꦸꦲꦶꦁꦤꦒꦫꦶꦔꦿꦶꦏꦸꦲꦱ꧀ꦩꦤꦶꦥꦸꦤ꧀ꦩꦮꦶꦠꦼꦩ꧀ꦧꦸꦁꦱꦁꦱ꧀ꦏꦿꦶꦠ꧀ꦲꦒꦩꦶꦤꦶꦥꦸꦤ꧀ꦯꦶꦮꦃ꧉ꦱꦼꦱꦼꦫꦠ꧀ꦠꦤ꧀ꦲꦶꦁꦏꦁꦠꦸꦩꦿꦥ꧀ꦲꦶꦁꦱꦺꦭꦲꦶꦁꦏꦁꦥꦶꦤꦁꦒꦶꦃꦲꦶꦁꦑꦭꦱ꧀ꦱꦤ꧀ (ꦔꦪꦺꦴꦓꦾ) ꦩꦮꦶꦎꦁꦏꦠꦲꦸꦤ꧀ꦯꦑ꧇ 700꧈ꦱꦼꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦕꦫꦨꦸꦢ꧀ꦝ꧉ꦱꦼꦱꦼꦫꦠ꧀ꦠꦤ꧀ꦏꦏꦭꦶꦃꦮꦲꦸꦩꦤꦮꦶꦏꦠꦶꦠꦶꦏ꧀ꦏ
