Kaca iki wis dikorèksi
16
ꦒꦶꦭ꧀ꦲꦸꦒꦶꦠꦼꦏ꧀ꦱꦶꦃꦩꦮꦶꦥꦶꦠꦸꦭꦸꦁꦔꦤ꧀ꦏꦛꦃꦱꦏꦶꦁꦱꦼꦫꦠ꧀ꦱꦼꦫꦠ꧀ꦧꦧꦝꦶꦁꦤꦒꦫꦶꦕꦶꦟ꧈ꦱꦧꦧ꧀ꦧꦺꦴꦁꦱꦕꦶꦟꦏꦭꦲꦶꦁꦗꦩꦤ꧀ꦏꦶꦤꦤꦠꦺꦲꦤ꧀ꦢꦺꦴꦚꦸꦢꦏꦭꦶꦪꦤ꧀ꦧꦺꦴꦁꦱꦗꦮꦶ꧈ꦠꦩ꧀ꦠꦸꦤꦶꦥꦸꦔꦝꦃꦕꦫꦶꦪꦺꦴꦱ꧀ꦲꦶꦁꦏꦁꦩꦒꦼꦥꦺꦴꦏ꧀ꦏꦤ꧀ꦏꦭꦶꦪꦤ꧀ꦠꦤꦃꦗꦮꦶꦲꦶꦁꦏꦭꦏꦶꦤꦤꦶꦥꦸꦤ꧀ꦱꦏꦛꦃꦲꦶꦁꦭꦭꦩ꧀ꦥꦃꦲꦤ꧀ꦏꦥꦺꦁꦲꦼꦠ꧀ꦠꦤ꧀ꦏꦭꦪꦤ꧀ꦱꦠꦶꦠꦶꦢꦺꦤꦶꦁꦧꦺꦴꦁꦱꦕꦶꦟ꧈ꦱꦧꦧ꧀ꦲꦶꦁꦔꦠꦱ꧀ꦱꦶꦁꦥꦺꦥꦺꦔꦼꦠ꧀ꦠꦤ꧀ꦧꦺꦴꦁꦱꦕꦶꦟꦭꦁꦏꦸꦁꦱꦠꦶꦠꦶꦠꦶꦤꦶꦩ꧀ꦧꦁꦠꦶꦠꦶꦪꦁꦗꦮꦶ꧈ꦥꦸꦤꦥꦩꦭꦶꦃꦱꦼꦫꦠ꧀ꦱꦼꦫꦠ꧀ꦧꦧꦢ꧀ꦲꦶꦁꦤꦒꦫꦶꦕꦶꦟꦧꦺꦴꦠꦼꦤ꧀ꦤꦠꦫꦶꦱꦏ꧀ꦏꦧꦼꦱ꧀ꦩꦺꦤ꧀ꦲꦸꦠꦮꦶꦏꦥꦶꦤ꧀ꦠꦼꦤ꧀ꦢꦺꦤꦶꦁꦥꦼꦫꦁꦲꦸꦠꦮꦶ꧈ꦥꦸꦤꦥꦩꦭꦶꦃꦱꦼꦫꦠ꧀ꦱꦼꦫꦠ꧀ꦧꦧꦢ꧀ꦲꦶꦁꦤꦒꦫꦶꦕꦶꦟꦧꦺꦴꦠꦼꦤ꧀ꦤꦠꦺꦫꦶꦱꦏ꧀ꦏꦧꦼꦱ꧀ꦩꦺꦤ꧀ꦲꦸꦠꦮꦶꦏꦥꦶꦤ꧀ꦠꦼꦤ꧀ꦢꦺꦤꦶꦁꦥꦼꦫꦁꦲꦸꦠꦮꦶꦏꦿꦩꦤ꧀ꦱꦂꦠꦧꦺꦴꦠꦼꦤ꧀ꦭꦗꦼꦁꦏꦲꦁꦒꦶꦠ꧀ꦩꦭꦶꦃꦩꦶꦠꦸꦫꦸꦠ꧀ꦲꦶꦁꦱꦥꦩꦁꦒꦶꦃꦲꦶꦥꦸꦤ꧀ꦲꦶꦁꦏꦁꦔꦫꦁꦲꦺꦁꦒꦭ꧀ꦥꦿꦩꦶꦭꦕꦫꦶꦪꦺꦴꦱ꧀ꦱꦶꦁꦱꦼꦫꦠ꧀ꦱꦼꦫꦠ꧀ꦠꦶꦥꦸꦤ꧀ꦧꦧꦢ꧀ꦏꦺꦔꦶꦁꦏꦲꦁꦒꦼꦥ꧀ꦠꦼꦩꦼꦤ꧀ꦤꦩꦸꦁꦏꦮꦺꦴꦤ꧀ꦤꦶꦥꦸꦤ꧀ꦲꦶꦁꦥꦼꦥꦼꦫꦁꦔꦤ꧀ꦠꦤ꧀ꦱꦃꦢꦶꦥꦸꦤ꧀ꦠꦸꦠꦸꦥ꧀ꦥꦶ꧈ꦲꦸꦁꦒꦸꦭ꧀ꦭꦶꦥꦸꦤ꧀ꦏꦲꦟ꧀ꦝꦂꦫꦏꦼꦤ꧀ꦔꦤ꧀ꦠꦺꦴꦱ꧀ꦏꦭꦁꦏꦸꦁꦭꦁꦏꦸꦁ꧈ꦏꦢꦺꦴꦱ꧀ꦢꦺꦤꦺꦥꦤ꧀ꦢꦩꦼꦭ꧀ꦭꦶꦥꦸꦤ꧀ꦧꦧꦢ꧀ꦧꦺꦴꦁꦱꦗꦮꦶꦲꦸꦒꦶꦩꦏꦠꦼꦤ꧀ꦩꦶꦭꦤꦶꦥꦸꦤ꧀ꦱꦼꦫꦠ꧀ꦱꦼꦫꦠ꧀ꦧꦧꦢ꧀ꦮꦲꦸꦏꦼꦢꦃꦏꦕꦸꦟ꧀ꦝꦸꦏ꧀ꦏꦏꦼꦤ꧀ꦱꦂꦠꦏꦠꦶꦩ꧀ꦧꦁ꧉꧋ꦏꦢꦺꦴꦱ꧀ꦥꦸꦤ꧀ꦢꦶꦱꦒꦼꦢ꧀ꦢꦶꦥꦸꦤ꧀ꦥꦫꦱꦂꦗꦤꦧꦺꦴꦁꦱꦌꦫꦺꦴꦦꦃꦩꦲꦺꦴꦱ꧀ꦲꦸꦁꦲꦼꦭ꧀ꦭꦶꦁꦱꦼꦱꦼꦫꦠ꧀ꦠꦤ꧀ꦲꦶꦁꦏꦿꦺꦴꦥꦏ꧀ꦱꦂꦠꦲꦶꦁꦱꦺꦭꦱꦥꦤꦸꦁꦒꦶꦭ꧀ꦭꦤ꧀ꦤꦶꦥꦸꦤ꧀ꦮꦲꦸ꧈ꦩꦺꦴꦁꦏꦱꦱ꧀ꦠꦿꦤꦶꦥꦸꦤ꧀ꦧꦸꦢ꧀ꦝ꧈ꦠꦼꦩ꧀ꦧꦁꦔꦶꦥꦸ
