Kaca:Serat Pararaton.pdf/61

Saka Wikisumber
Kaca iki wis dikorèksi

61

ꦲꦭꦶꦛꦭꦶꦠ꧀​​ꦢꦺꦮꦤꦶꦥꦸꦤ꧀ꦥꦶꦪꦩ꧀ꦧꦏ꧀ꦥꦶꦪꦩ꧀ꦧꦏ꧀​​ꦏꦢꦺꦴꦱ꧀ꦠ꧇ꦨꦛꦫꦨꦿꦃꦩꦏꦏꦸꦥꦼꦁꦢꦺꦤꦶꦁꦥꦫ​​ꦉꦱꦶ꧈ꦨꦛꦫꦮꦶꦱ꧀ꦤꦸꦢꦺꦤꦶꦁꦥꦫꦥꦔꦒꦼꦁꦔꦶꦥꦸꦤ꧀ꦲꦶꦁꦏꦁꦱꦩꦶꦮꦸꦩꦸꦟ꧀ꦝꦶ꧈ꦥꦫꦱꦸꦱꦸꦭꦶꦃꦲꦶꦥꦸꦤ꧀ꦲꦶꦁꦏꦁꦱꦩꦶꦩꦸꦩꦸꦟ꧀ꦝꦶ꧈ꦠꦸꦮꦶꦤ꧀ꦥꦫꦄꦮꦠꦫ꧉ꦩꦏꦠꦼꦤ꧀ꦩꦭꦶꦃꦨꦛꦫꦯꦶꦮꦃꦲꦶꦁꦒꦶꦃꦏꦏꦸꦥꦼꦁꦢꦺꦤꦶꦁꦥꦫꦥꦶꦤꦶꦠꦢꦺꦴꦱ꧀ꦱꦶꦥꦸꦤ꧀​​ꦱꦂꦠꦥꦫꦮꦮꦏꦶꦭ꧀ꦭꦶꦥꦸꦤ꧀ꦠꦶꦠꦶꦪꦁꦲꦶꦁꦏꦁꦱꦩꦶꦩꦸꦩꦸꦟ꧀ꦝꦶ꧉

꧋ꦲꦶꦁꦗꦮꦶꦮꦺꦠꦤ꧀ꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦲꦶꦟ꧀ꦝꦸꦥꦺꦴꦏꦺꦴꦏ꧀ꦏꦶꦥꦸꦤ꧀ꦲꦶꦁꦏꦁꦲꦒꦼꦁꦒꦺꦴꦒꦺꦴꦭꦺꦴꦁꦔꦤ꧀ꦤꦶꦁꦲꦒꦩꦶꦯꦶꦮꦃ꧈ꦱꦁꦏꦤ꧀ꦤꦶꦥꦸꦤ꧀ꦱꦏꦶꦁꦗꦮꦶꦠꦼꦔꦃ꧈ꦩꦭꦃꦲꦶꦁꦗꦮꦶꦮꦺꦠꦤ꧀ꦧꦧꦂꦥꦶꦱꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦚ꧀ꦕꦟ꧀ꦝꦶꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦠꦶꦪꦁꦨꦸꦢ꧀ꦝꦲꦶꦁꦏꦁꦏꦊꦧꦼꦠ꧀ꦱꦼꦥꦸꦃꦱꦢꦪꦕꦟ꧀ꦝꦶꦲꦶꦁꦏꦁꦱꦼꦥꦸꦃꦱꦼꦥꦸꦃꦱꦩꦶꦢꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦶꦠꦶꦪꦁꦲꦒꦩꦶꦯꦶꦮꦃ꧉ ꧋ꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦠꦲꦸꦤ꧀ꦯꦑ꧇​ 900​ꦲꦒꦩꦶꦨꦸꦢ꧀ꦝꦠꦼꦏ꧀ꦱꦶꦃꦭꦩꦶꦒꦼꦱꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦗꦮꦶꦮꦺꦠꦤ꧀​​ꦲꦤꦔꦶꦁꦱꦩ꧀ꦥꦸꦤ꧀ꦏꦠꦸꦠꦸꦥ꧀ꦥꦤ꧀ꦠꦸꦩꦼꦁꦏꦂꦫꦶꦥꦸꦤ꧀ꦲꦒꦩꦶꦯꦶꦮꦃ꧈ꦔꦤ꧀ꦠꦺꦴꦱ꧀ꦩꦺꦃꦧꦺꦴꦠꦼꦤ꧀ꦏꦠꦮꦶꦱ꧀ꦧꦧꦂꦥꦶꦱꦤ꧀​​ꦲꦶꦁꦱꦊꦧꦼꦠ꧀ꦠꦶꦁꦠꦲꦸꦤ꧀ꦮꦲꦸꦲꦒꦩꦶꦨꦸꦢ꧀ꦝꦲꦶꦁꦏꦁꦠꦸꦩꦼꦁꦏꦂꦮꦺꦴꦤ꧀ꦠꦼꦤ꧀ꦲꦶꦁꦦꦱꦸꦫꦸꦮꦤ꧀ꦏꦛꦃꦱꦸꦢꦤꦶꦥꦸꦤ꧀

ꦲꦶꦁꦏꦁꦠꦸꦩꦼꦁꦏꦂꦮꦺꦴꦤ꧀ꦠꦼꦤ꧀ꦲꦶꦁꦑꦼꦝꦶꦫꦶꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦲꦼꦥꦁꦩ