Alkitab/Pangentasan/3

Saka Wikisumber

3:1 ꦲꦶꦁꦱꦮꦶꦗꦶꦤꦶꦁꦢꦶꦤ꧊ꦩꦸꦱꦲꦔꦺꦴꦤ꧀ꦮꦼꦝꦸꦱ꧀ꦗꦮꦭꦤ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦢꦸꦮꦺꦏ꧀ꦏꦺꦲꦶꦩꦩ꧀꧊ꦪꦶꦠꦿꦺꦴ꧈​ꦩꦫꦠꦸꦮꦤꦺ꧈​ꦪꦏꦸꦮꦶꦲꦶꦩꦩ꧀ꦲꦶꦁꦠꦤꦃ꧊ꦩꦶꦢꦶꦪꦤ꧀꧉​ꦤꦭꦶꦏꦭꦒꦶꦔ꧀ꦒꦶꦫꦶꦁꦮꦼꦝꦸꦱ꧀ꦮꦼꦝꦸꦱ꧀ꦱꦺꦥꦶꦤ꧀ꦝꦃꦩꦼꦚꦁꦲꦫꦲꦫꦭꦶꦪꦤꦺ꧈​ꦭꦏꦸꦤꦺ꧊ꦩꦸꦱꦔꦤ꧀ꦠꦶꦠꦼꦏꦤ꧀ꦲꦶꦁꦒꦸꦤꦸꦁ꧊ꦱꦶꦤꦲꦶ꧈​ꦪꦲꦶꦏꦸꦒꦸꦤꦸꦁꦱꦸꦕꦶ꧉​
3:2 ꦲꦶꦁꦏꦺꦴꦤꦺꦴꦩꦭꦲꦺꦏꦠ꧀ꦠꦺꦥꦔꦺꦫꦤ꧀ꦫꦮꦸꦃꦲꦶꦁꦱꦗꦿꦺꦴꦤꦶꦁꦲꦸꦫꦸꦧ꧀ꦧꦶꦁꦒꦼꦤꦶꦏꦁꦲꦤꦲꦶꦁꦠꦼꦔꦃꦲꦶꦁꦒꦿꦸꦩ꧀ꦧꦸꦭ꧀꧉​꧊ꦩꦸꦱꦮꦼꦫꦸꦃꦪꦺꦤ꧀ꦒꦿꦸꦩ꧀ꦧꦸꦭ꧀ꦩꦲꦸꦩꦸꦫꦸꦧ꧀ꦤꦁꦔꦶꦁꦲꦺꦴꦫꦏꦺꦴꦧꦺꦴꦁ꧉​
3:3 "ꦲꦤꦺꦃ꧈"​ꦧꦠꦶꦤꦺ꧉​"ꦲꦥꦱꦼꦧꦧ꧀ꦧꦺꦒꦿꦸꦩ꧀ꦧꦸꦭ꧀ꦏꦸꦮꦶꦲꦺꦴꦫꦏꦺꦴꦧꦺꦴꦁ?ꦧꦼꦕꦶꦏ꧀ꦏꦺꦢꦏ꧀ꦥꦫꦤ꧀ꦤꦤ꧀ꦤꦺ꧉"​
3:4 ꦤꦭꦶꦏꦄꦭ꧀ꦭꦃꦩꦶꦂꦱ꧊ꦩꦸꦱꦚꦼꦝꦏ꧀ꦏꦶꦥꦁꦒꦺꦴꦤ꧀ꦤꦤ꧀ꦩꦲꦸ꧈​ꦧꦚ꧀ꦗꦸꦂꦔꦤ꧀ꦢꦶꦏꦱꦏꦲꦶꦁꦠꦼꦔꦃꦲꦶꦁꦒꦿꦸꦩ꧀ꦧꦸꦭ꧀꧈​"꧊ꦩꦸꦱ!꧊ꦩꦸꦱ!"ꦲꦸꦚ꧀ꦗꦸꦏ꧀ꦏꦺ꧊ꦩꦸꦱ꧈​"ꦤꦸꦮꦸꦤ꧀!ꦏꦮꦸꦭꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦶ꧉"​
3:5 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏ꧈​"ꦲꦗꦚꦼꦝꦏ꧀!ꦠꦿꦸꦩ꧀ꦥꦃꦩꦸꦕꦺꦴꦥꦺꦴꦠ꧀ꦠꦼꦤ꧀꧈​ꦱꦼꦧꦧ꧀ꦊꦩꦃꦱꦶꦁꦏꦺꦴꦏ꧀ꦲꦶꦢꦏ꧀ꦲꦶꦏꦸꦱꦸꦕꦶ꧉​
3:6 ꦲꦏꦸꦲꦶꦏꦶꦲꦭ꧀ꦭꦃꦲꦺꦊꦭꦸꦲꦸꦂꦩꦸ꧈​ꦲꦭ꧀ꦭꦃꦲꦺ꧊ꦄꦧꦿꦲꦩ꧀꧈​꧊ꦆꦱ꧀ꦏꦏ꧀ꦭꦤ꧀꧊ꦪꦏꦸꦧ꧀꧉"​꧊ꦩꦸꦱꦤꦸꦭꦶꦤꦸꦠꦸꦥ꧀ꦥꦶꦫꦲꦶꦤꦺ꧈​ꦱꦼꦧꦧ꧀ꦮꦼꦢꦶꦚꦮꦁꦩꦫꦁꦄꦭ꧀ꦭꦃ꧉​
3:7 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏ꧈​"ꦏꦱꦁꦱꦫꦤꦺꦲꦸꦩꦠ꧀ꦏꦸꦲꦶꦁ꧊ꦩꦺꦱꦶꦂꦮꦶꦱ꧀ꦢꦏ꧀ꦥꦶꦂꦱꦤꦶ꧉​ꦲꦏꦸꦮꦶꦱ꧀ꦩꦶꦉꦁꦥꦱꦩ꧀ꦧꦠ꧀ꦠꦺꦮꦺꦴꦁꦮꦺꦴꦁꦏꦸꦮꦶꦏꦁꦥꦝꦚꦸꦮꦸꦤ꧀ꦢꦶꦭꦸꦮꦂꦫꦶꦱꦏꦲꦶꦁꦥꦤꦶꦤ꧀ꦝꦼꦱ꧀ꦱꦺꦮꦺꦴꦁ꧊ꦩꦺꦱꦶꦂ꧉​ꦱꦼꦗꦠꦶꦤꦺꦲꦏꦸꦩꦶꦂꦱꦱꦏꦺꦃꦲꦶꦁꦏꦱꦁꦱꦫꦤꦺ꧉​
3:8 ꦩꦸꦭꦤꦺꦲꦏꦸꦠꦼꦝꦏ꧀ꦥꦽꦭꦸꦔꦸꦮꦭ꧀ꦭꦏꦺꦮꦺꦴꦁꦮꦺꦴꦁꦲꦶꦏꦸꦱꦏꦲꦶꦁꦠꦔꦤ꧀ꦤꦶꦁꦮꦺꦴꦁ꧊ꦩꦺꦱꦶꦂꦱꦂꦠꦔꦶꦫꦶꦢ꧀ꦩꦼꦚꦁꦥꦥꦤ꧀ꦱꦶꦁꦲꦺꦴꦩ꧀ꦧꦺꦂ꧉​ꦠꦤꦃꦱꦶꦁꦒꦼꦩꦃꦫꦶꦥꦃ꧈​ꦭꦤ꧀ꦱꦲꦶꦏꦶꦢꦶꦲꦼꦁꦒꦺꦴꦤ꧀ꦤꦶꦮꦺꦴꦁ꧊ꦏꦺꦤꦲꦤ꧀꧈​꧊ꦲꦺꦠ꧀꧈​꧊ꦄꦩꦺꦴꦫꦶ꧈​꧊ꦥ꦳ꦺꦫꦶꦱ꧀꧈​꧊ꦲꦺꦮꦶꦭꦤ꧀꧊ꦪꦺꦧꦸꦱ꧀꧉​
3:9 ꦠꦔꦶꦱ꧀ꦱꦺꦧꦁꦱꦏꦸꦮꦶꦱ꧀ꦢꦏ꧀ꦥꦶꦉꦁꦔꦏꦺꦱꦂꦠꦥꦠꦿꦥ꧀ꦥꦺꦮꦺꦴꦁ꧊ꦩꦺꦱꦶꦂꦤꦶꦤ꧀ꦝꦼꦱ꧀ꦮꦶꦱ꧀ꦢꦏ꧀ꦥꦶꦂꦱꦤꦶ꧉​
3:10 ꦱꦲꦶꦏꦶꦏꦺꦴꦮꦺꦢꦏ꧀ꦲꦸꦠꦸꦱ꧀ꦤꦼꦩꦺꦴꦤ꧀ꦤꦶꦱꦁꦥꦿꦶꦔꦺꦴꦤ꧀꧈​ꦭꦤ꧀ꦤꦸꦤ꧀ꦠꦸꦤ꧀ꦲꦸꦩꦠ꧀ꦏꦸꦩꦼꦠꦸꦱꦏꦲꦶꦁꦠꦤꦃꦏꦺꦴꦤꦺꦴ꧉"​
3:11 ꦤꦁꦔꦶꦁ꧊ꦩꦸꦱꦩꦠꦸꦂ꧈​"ꦏꦮꦸꦭꦩꦼꦤꦶꦏꦱꦶꦤ꧀ꦠꦼꦤ꧀꧈​ꦢꦺꦤꦺꦏꦝꦮꦸꦃꦲꦤ꧀ꦱꦺꦴꦮꦤ꧀ꦫꦗꦭꦤ꧀ꦔꦶꦫꦶꦢ꧀ꦠꦶꦪꦁ꧊ꦆꦱꦿꦲꦺꦭ꧀ꦩꦼꦢꦭ꧀ꦱꦏꦶꦁꦠꦤꦃ꧊ꦩꦺꦱꦶꦂ?"
3:12 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏ꧈​"ꦲꦏꦸꦧꦏꦭ꧀ꦤꦸꦁꦒꦶꦭ꧀ꦏꦫꦺꦴꦏꦺꦴꦮꦺꦱꦂꦠꦩꦼꦤꦮꦧꦁꦱꦩꦲꦸꦮꦶꦱ꧀ꦏꦺꦴꦏ꧀ꦲꦶꦫꦶꦢ꧀ꦩꦼꦠꦸꦱꦏꦲꦶꦁꦠꦤꦃ꧊ꦩꦺꦱꦶꦂ꧈​ꦏꦺꦴꦮꦺꦏꦧꦺꦃꦧꦏꦭ꧀ꦔꦧꦼꦏ꧀ꦠꦶꦩꦫꦁꦲꦏꦸꦲꦶꦁꦒꦸꦤꦸꦁꦲꦶꦏꦶ꧉​ꦪꦏꦸꦮꦶꦧꦸꦏ꧀ꦠꦶꦤꦺꦪꦺꦤ꧀ꦲꦏꦸꦏꦁꦔꦸꦠꦸꦱ꧀ꦏꦺꦴꦮꦺ꧉"​
3:13 ꦲꦠꦸꦂꦫꦺ꧊ꦩꦸꦱ꧈​"ꦤꦁꦔꦶꦁꦩꦼꦤꦮꦶꦏꦮꦸꦭꦩꦁꦒꦶꦃꦲꦶꦠꦶꦪꦁꦠꦶꦪꦁ꧊ꦆꦱꦿꦲꦺꦭ꧀꧈​ꦭꦗꦼꦁꦏꦮꦸꦭꦕꦿꦶꦪꦺꦴꦱ꧀ꦱꦶ꧈​‘ꦒꦸꦱ꧀ꦠꦶꦄꦭ꧀ꦭꦃꦥꦼꦥꦸꦤ꧀ꦝꦺꦤ꧀ꦤꦺꦊꦭꦸꦲꦸꦂꦩꦸꦮꦶꦱ꧀ꦔꦸꦠꦸꦱ꧀ꦲꦏꦸꦤꦼꦩꦺꦴꦤ꧀ꦤꦶꦏꦺꦴꦮꦺꦏꦧꦺꦃ’꧍​ꦩꦁꦏꦠꦶꦪꦁꦠꦶꦪꦁꦩꦼꦤꦶꦏꦭꦗꦼꦁꦠꦏꦺꦤ꧀꧈​‘ꦱꦥꦲꦱ꧀ꦩꦤꦺ?’ꦮꦁꦱꦸꦭ꧀ꦭꦤ꧀ꦏꦮꦸꦭꦝꦠꦼꦁꦠꦶꦪꦁꦠꦶꦪꦁꦩꦼꦤꦶꦏꦭꦗꦼꦁꦏꦢꦺꦴꦱ꧀ꦥꦸꦤ꧀ꦢꦶ?"
3:14 ꦥꦔꦤ꧀ꦢꦶꦏꦤꦺꦥꦔꦺꦫꦤ꧀꧈​"ꦲꦏꦸꦲꦶꦏꦶꦥꦚ꧀ꦗꦼꦤꦼꦁꦔꦤ꧀ꦤꦺꦏꦁꦲꦤ꧉​ꦮꦺꦴꦁꦮꦺꦴꦁꦩꦲꦸꦏꦸꦢꦸꦏꦺꦴꦏ꧀ꦏꦤ꧀ꦝꦤꦶ꧈​‘ꦥꦚ꧀ꦗꦼꦤꦼꦁꦔꦤ꧀ꦤꦺꦏꦁꦲꦤꦮꦶꦱ꧀ꦔꦸꦠꦸꦱ꧀ꦲꦏꦸꦤꦼꦩꦺꦴꦤ꧀ꦤꦶꦏꦺꦴꦮꦺꦏꦧꦺꦃ꧉’​
3:15 ꦏꦤ꧀ꦝꦏ꧀ꦤꦏꦫꦺꦴꦧꦁꦱ꧊ꦆꦱꦿꦲꦺꦭ꧀꧈​ꦪꦺꦤ꧀ꦲꦏꦸꦲꦶꦏꦶꦄꦭ꧀ꦭꦃ꧈​ꦱꦼꦱꦼꦩ꧀ꦧꦃꦲꦤ꧀ꦤꦺꦊꦭꦸꦲꦸꦂꦫꦺ꧈​ꦲꦭ꧀ꦭꦃꦲꦺ꧊ꦄꦧꦿꦲꦩ꧀꧈​꧊ꦆꦱ꧀ꦏꦏ꧀ꦭꦤ꧀꧊ꦪꦏꦸꦧ꧀꧉​ꦲꦏꦸꦮꦶꦱ꧀ꦔꦸꦠꦸꦱ꧀ꦏꦺꦴꦮꦺꦤꦼꦩꦺꦴꦤ꧀ꦤꦶꦮꦺꦴꦁꦮꦺꦴꦁꦩꦲꦸ꧉​ꦄꦭ꧀ꦭꦃ꧈​ꦪꦏꦸꦮꦶꦲꦱ꧀ꦩꦏꦸꦭꦁꦒꦼꦁꦱꦼꦭꦮꦱ꧀ꦭꦮꦱ꧀ꦱꦺ꧈​ꦢꦢꦶꦪꦱꦼꦧꦸꦠ꧀ꦠꦤ꧀ꦏꦸꦏꦁꦒꦺꦴꦱꦏꦺꦃꦲꦶꦁꦧꦁꦱꦠꦸꦫꦸꦤ꧀ꦠꦼꦩꦸꦫꦸꦤ꧀꧉​
3:16 ꦩꦁꦏꦠ꧀ꦠ꧈​ꦥꦫꦥꦼꦩꦶꦩ꧀ꦥꦶꦤꦺꦧꦁꦱ꧊ꦆꦱꦿꦲꦺꦭ꧀ꦏꦧꦺꦃꦥꦝꦏꦸꦩ꧀ꦥꦸꦭ꧀ꦤ꧉​ꦏꦤ꧀ꦝꦲꦏꦫꦺꦴꦮꦺꦴꦁꦮꦺꦴꦁꦩꦲꦸ꧈​ꦪꦺꦤ꧀ꦲꦏꦸ꧈​ꦄꦭ꧀ꦭꦃꦱꦼꦱꦼꦩ꧀ꦧꦃꦲꦤ꧀ꦤꦺꦊꦭꦸꦲꦸꦂꦫꦺ꧈​ꦲꦭ꧀ꦭꦃꦲꦺ꧊ꦄꦧꦿꦲꦩ꧀꧈​꧊ꦆꦱ꧀ꦏꦏ꧀ꦭꦤ꧀꧊ꦪꦏꦸꦧ꧀꧈​ꦮꦶꦱ꧀ꦔꦿꦮꦸꦃꦲꦶꦏꦺꦴꦮꦺ꧉​ꦏꦤ꧀ꦝꦏ꧀ꦤꦪꦺꦤ꧀ꦲꦏꦸꦮꦶꦱ꧀ꦔꦼꦠꦶꦔꦭ꧀ꦩꦫꦁꦏꦺꦴꦮꦺ꧈​ꦱꦂꦠꦮꦶꦱ꧀ꦩꦶꦂꦱꦲꦥꦱꦶꦁꦢꦶꦠꦶꦤ꧀ꦢꦏ꧀ꦏꦏꦺꦮꦺꦴꦁꦮꦺꦴꦁ꧊ꦩꦺꦱꦶꦂꦩꦫꦁꦝꦺꦮꦺꦏ꧀ꦤꦺ꧉​
3:17 ꦭꦤ꧀ꦲꦏꦸꦧꦏꦭ꧀ꦔ꧀ꦭꦸꦮꦂꦫꦶꦧꦁꦱ꧊ꦆꦱꦿꦲꦺꦭ꧀ꦱꦏꦥꦤꦶꦤ꧀ꦝꦼꦱ꧀ꦱꦺꦧꦁꦱ꧊ꦩꦺꦱꦶꦂ꧉​ꦧꦁꦱ꧊ꦆꦱꦿꦲꦺꦭ꧀ꦩꦲꦸꦧꦏꦭ꧀ꦢꦏ꧀ꦲꦶꦫꦶꦢ꧀ꦩꦼꦚꦁꦠꦤꦃꦱꦶꦁꦒꦼꦩꦃꦫꦶꦥꦃꦭꦺꦴꦃꦗꦶꦤꦮꦶ;ꦤꦼꦒꦫꦤꦺꦮꦺꦴꦁ꧊ꦏꦺꦤꦲꦤ꧀꧈​꧊ꦲꦺꦠ꧀꧈​꧊ꦄꦩꦺꦴꦫꦶ꧈​꧊ꦥ꦳ꦺꦫꦶꦱ꧀꧈​꧊ꦲꦺꦮꦶꦭꦤ꧀꧊ꦪꦺꦧꦸꦱ꧀꧉​
3:18 ꦲꦸꦩꦠ꧀ꦏꦸ ꦧꦏꦭ꧀ꦔ꧀ꦒꦸꦒꦸꦏꦫꦺꦴꦏꦺꦴꦮꦺ꧉​ꦱꦧꦚ꧀ꦗꦸꦂꦫꦺꦩꦁꦏꦠ꧀ꦠꦧꦼꦧꦉꦁꦔꦤ꧀ꦏꦫꦺꦴꦥꦫꦥꦼꦩꦶꦩ꧀ꦥꦶꦤꦺ꧊ꦆꦱꦿꦲꦺꦭ꧀ꦩꦲꦸꦱꦺꦴꦮꦤ꧀ꦱꦁꦥꦿꦶꦔꦺꦴꦤ꧀ꦭꦤ꧀ꦩꦠꦸꦂꦫ꧈​ꦪꦺꦤ꧀ꦥꦔꦺꦫꦤ꧀꧈​ꦲꦭ꧀ꦭꦃꦲꦺꦮꦺꦴꦁ꧊ꦆꦧꦿꦤꦶꦮꦶꦱ꧀ꦔꦿꦮꦸꦃꦲꦶꦏꦺꦴꦮꦺ꧉​ꦚꦸꦮꦸꦤꦥꦭꦶꦭꦃꦭꦸꦔꦩꦼꦚꦁꦲꦫꦲꦫꦱꦩꦸꦤ꧀ꦱꦶꦁꦲꦢꦺꦴꦃꦲꦺꦭꦏꦺꦴꦤ꧀ꦠꦼꦭꦸꦁꦢꦶꦤ꧈​ꦥꦽꦭꦸꦱꦲꦺꦴꦱ꧀ꦏꦸꦂꦧꦤ꧀ꦩꦫꦁꦥꦔꦺꦫꦤ꧀ꦲꦭ꧀ꦭꦃꦩꦸ꧉"​
3:19 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦼꦤꦺꦃ꧈​"ꦲꦏꦸꦩꦶꦂꦱ꧈​ꦪꦺꦤ꧀ꦱꦁꦥꦿꦶꦔꦺꦴꦤ꧀ꦲꦺꦴꦫꦧꦏꦭ꧀ꦔ꧀ꦭꦶꦭꦤꦶꦏꦺꦴꦮꦺꦭꦸꦔ꧈​ꦏꦼꦗꦧꦩꦼꦤꦮꦢꦶꦥꦼꦏ꧀ꦱ꧉​
3:20 ꦤꦁꦔꦶꦁꦲꦏꦸꦧꦏꦭ꧀ꦔꦼꦠꦶꦔꦭ꧀ꦭꦏꦺꦥꦔ꧀ꦮꦱꦏꦸ꧉​ꦲꦶꦁꦏꦤꦲꦏꦸꦧꦏꦭ꧀ꦔꦸꦏꦸꦩ꧀ꦮꦺꦴꦁ꧊ꦩꦺꦱꦶꦂꦔꦁꦒꦺꦴꦏꦱꦁꦱꦫꦤ꧀ꦱꦶꦁꦔ꧀ꦒꦼꦒꦶꦫꦶꦱꦶ꧉​ꦱꦧꦚ꧀ꦗꦸꦂꦫꦺꦏꦺꦴꦮꦺꦏꦧꦺꦃꦧꦏꦭ꧀ꦢꦶꦭꦶꦭꦤꦶꦭꦸꦔ꧉​
3:21 ꦮꦺꦴꦁꦮꦺꦴꦁ꧊ꦩꦺꦱꦶꦂꦧꦏꦭ꧀ꦢꦏ꧀ꦒꦮꦺꦱꦸꦥꦪꦔꦸꦂꦩꦠ꧀ꦠꦶꦏꦺꦴꦮꦺꦏꦧꦺꦃ꧈​ꦔꦤ꧀ꦠꦶꦱꦩꦱꦏꦺꦴꦮꦺꦥꦝꦩꦁꦏꦠ꧀ꦲꦶꦪꦧꦏꦭ꧀ꦥꦝꦢꦶꦱꦔꦺꦴꦤ꧀ꦤꦶ꧉​
3:22 ꦱꦧꦼꦤ꧀ꦮꦺꦴꦁꦮꦢꦺꦴꦤ꧀꧊ꦆꦱꦿꦲꦺꦭ꧀ꦚ꧀ꦗꦭꦸꦏ꧀ꦏꦢꦤ꧀ꦢꦤ꧀ꦤꦤ꧀ꦲꦼꦩꦱ꧀ꦭꦤ꧀ꦱ꧀ꦭꦏꦩꦫꦁꦮꦺꦴꦁ꧊ꦩꦺꦱꦶꦂ꧈​ꦠꦁꦒꦤꦺꦠꦸꦁꦒꦭ꧀ꦱꦲꦺꦴꦩꦃ꧉​ꦧꦫꦁꦧꦫꦁꦩꦲꦸꦲꦼꦁꦒꦺꦴꦏ꧀ꦤꦲꦤꦏ꧀ꦲꦤꦏ꧀ꦏꦺꦭꦤꦁꦭꦤ꧀ꦮꦢꦺꦴꦤ꧀꧉​ꦱꦿꦤꦩꦼꦁꦏꦺꦴꦤꦺꦴꦢꦢꦶꦧꦶꦱꦔ꧀ꦒꦮꦫꦗꦧꦿꦤꦤꦺꦮꦺꦴꦁꦮꦺꦴꦁ꧊ꦩꦺꦱꦶꦂ꧉"​