Alkitab/Pangentasan/12

^12:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱꦭꦤ꧀ꦲꦫꦸꦤ꧀ꦲꦶꦁꦠꦤꦃ꧊ꦩꦺꦱꦶꦂ꧉​ꦥꦔꦤ꧀ꦢꦶꦏꦤꦺ꧈​

^12:2 "ꦱꦱꦶꦲꦶꦏꦶꦧꦏꦭ꧀ꦢꦢꦶꦱꦱꦶꦮꦶꦮꦶꦠ꧀ꦠꦤ꧀ꦤꦶꦁꦠꦲꦸꦤ꧀ꦩꦸ꧉​

^12:3 ꦧꦧ꧀ꦲꦶꦏꦶꦥꦿꦺꦤ꧀ꦠꦃꦤꦩꦫꦁꦲꦸꦩꦠ꧀꧊ꦆꦱꦿꦲꦺꦭ꧀ꦏꦧꦺꦃ꧈​ꦪꦏꦸꦮꦶ:ꦲꦶꦁꦠꦁꦒꦭ꧀ꦱꦼꦥꦸꦭꦸꦃꦱꦱꦶꦲꦶꦏꦶꦱꦧꦼꦤ꧀ꦮꦺꦴꦁꦭꦤꦁꦏꦸꦢꦸꦚꦼꦥꦏ꧀ꦏꦏꦺꦮꦼꦝꦸꦱ꧀ꦱꦺꦒꦺꦩ꧀ꦧꦺꦭ꧀ꦱꦶꦗꦶꦲꦸꦠꦮꦕꦼꦩ꧀ꦥꦺꦮꦼꦝꦸꦱ꧀ꦧꦺꦫꦺꦴꦏ꧀ꦱꦶꦗꦶꦏꦁꦒꦺꦴꦧꦿꦪꦠ꧀ꦠꦺ꧉​

^12:4 ꦪꦺꦤ꧀ꦧꦿꦪꦠ꧀ꦏꦸꦮꦶꦕꦕꦃꦲꦺꦮꦺꦴꦁꦔꦺꦏꦼꦱꦼꦛꦶꦛꦶꦏ꧀ꦏꦼꦤ꧀ꦏꦁꦒꦺꦴꦔꦼꦤ꧀ꦠꦺꦏ꧀ꦏꦏꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦱꦶꦗꦶꦲꦸꦠꦮꦕꦼꦩ꧀ꦥꦺꦤꦺꦮꦼꦝꦸꦱ꧀ꦧꦺꦫꦺꦴꦏ꧀꧈​ꦧꦿꦪꦠ꧀ꦩꦲꦸꦔ꧀ꦭꦸꦩ꧀ꦥꦸꦏ꧀ꦏꦏꦫꦺꦴꦠꦁꦒꦤꦺꦱꦶꦁꦕꦼꦝꦏ꧀ꦱꦂꦠꦩꦁꦔꦤꦮꦼꦝꦸꦱ꧀ꦱꦺꦧꦼꦧꦉꦁꦔꦤ꧀꧈​ꦔꦤ꧀ꦠꦶꦧꦶꦱꦔꦼꦤ꧀ꦠꦺꦏ꧀ꦏꦏꦺꦢꦒꦶꦁꦱꦶꦁꦏꦼꦤꦢꦶꦥꦔꦤ꧀꧉​

^12:5 ꦏꦺꦴꦮꦺꦏꦧꦺꦃꦥꦝꦏꦼꦤꦩꦶꦭꦶꦃꦲꦤ꧀ꦠꦫꦤꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦥꦮꦼꦝꦸꦱ꧀ꦧꦺꦫꦺꦴꦏ꧀꧈​ꦲꦁꦒꦼꦂꦫꦺꦭꦤꦁ꧈​ꦲꦸꦩꦸꦂꦫꦺꦱꦼꦠꦲꦸꦤ꧀ꦱꦂꦠꦠꦤ꧀ꦥꦕꦕꦢ꧀꧉​

^12:6 ꦱꦼꦧꦚ꧀ꦗꦸꦂꦫꦺꦲꦶꦁꦠꦁꦒꦭ꧀ꦥꦠ꧀ꦧꦼꦭꦱ꧀꧈​ꦧꦼꦔꦶꦤꦺ꧈​ꦲꦸꦩꦠ꧀꧊ꦆꦱꦿꦲꦺꦭ꧀ꦏꦧꦺꦃꦏꦸꦢꦸꦚꦼꦩ꧀ꦧꦼꦭꦺꦃꦏꦺꦮꦤ꧀ꦏꦺꦮꦤ꧀ꦩꦲꦸ꧉​

^12:7 ꦒꦼꦠꦶꦃꦲꦺꦏꦺꦮꦤ꧀ꦏꦸꦮꦶꦏꦸꦢꦸꦢꦶꦗꦸꦥꦸꦏ꧀ꦱꦼꦛꦶꦛꦶꦏ꧀꧈​ꦢꦶꦲꦺꦴꦱꦺꦂꦫꦏꦺꦲꦶꦁꦥꦶꦥꦶꦤꦶꦁꦭꦮꦁꦏꦶꦮꦠꦼꦔꦼꦤ꧀ꦱꦂꦠꦲꦶꦁꦤ꧀ꦝꦸꦮꦸꦂꦫꦺꦲꦺꦴꦩꦃꦱꦶꦁꦢꦶꦲꦼꦁꦒꦺꦴꦩꦁꦔꦤ꧀ꦕꦼꦩ꧀ꦥꦺꦩꦲꦸ꧉​

^12:8 ꦲꦶꦁꦧꦼꦔꦶꦤꦺꦢꦒꦶꦁꦔꦺꦏꦺꦮꦤ꧀ꦩꦲꦸꦏꦸꦢꦸꦢꦶꦥꦁꦒꦁꦭꦤ꧀ꦢꦶꦥꦔꦤ꧀ꦏꦫꦺꦴꦗꦔꦤ꧀ꦥꦲꦶꦠ꧀ꦱꦂꦠꦫꦺꦴꦠꦶꦠꦤ꧀ꦥꦫꦒꦶ꧉​

^12:9 ꦏꦺꦮꦤ꧀ꦩꦲꦸꦏꦧꦺꦃꦏꦸꦢꦸꦢꦶꦥꦁꦒꦁ꧈​ꦱꦲꦼꦤ꧀ꦝꦱ꧀ꦱꦺ꧈​ꦱꦶꦏꦶꦭ꧀ꦭꦺꦱꦂꦠꦗꦼꦫꦺꦴꦮꦤ꧀ꦤꦺ꧉​ꦢꦒꦶꦁꦱꦶꦁꦮꦶꦱ꧀ꦢꦶꦥꦁꦒꦁꦩꦲꦸꦥꦔꦤ꧀ꦤꦼꦤ꧀꧈​ꦲꦗꦲꦤꦱꦶꦁꦢꦶꦥꦔꦤ꧀ꦩꦼꦤ꧀ꦠꦃꦲꦤ꧀ꦲꦸꦠꦮꦢꦶꦒꦺꦴꦝꦺꦴꦒ꧀꧉​

^12:10 ꦢꦒꦶꦁꦔꦺꦱꦼꦛꦶꦛꦶꦏ꧀ꦮꦲꦺꦲꦺꦴꦫꦏꦼꦤꦢꦶꦲꦼꦔꦺꦃꦔꦤ꧀ꦠꦶꦲꦺꦱꦸꦏ꧀꧉​ꦪꦺꦤ꧀ꦲꦤꦠꦸꦫꦃꦲꦤ꧀ꦤꦺꦏꦸꦢꦸꦢꦶꦲꦺꦴꦧꦺꦴꦁꦔꦤ꧀ꦠꦶꦲꦼꦤ꧀ꦠꦺꦏ꧀꧉​

^12:11 ꦲꦼꦁꦒꦺꦴꦤ꧀ꦩꦸꦩꦁꦔꦤ꧀ꦏꦸꦢꦸꦏꦫꦺꦴꦉꦫꦶꦏꦠ꧀ꦠꦤ꧀꧈​ꦭꦩ꧀ꦧꦸꦁꦩꦸꦱꦧꦸꦏ꧀ꦏꦤ꧈​ꦱꦶꦏꦶꦭ꧀ꦩꦸꦔꦁꦒꦺꦴꦮꦠꦿꦸꦩ꧀ꦥꦃꦭꦤ꧀ꦠꦔꦤ꧀ꦩꦸꦚꦼꦏꦼꦭ꧀ꦭꦠꦼꦏꦼꦤ꧀꧉​ꦪꦲꦶꦏꦶꦱꦶꦁꦗꦼꦤꦼꦁꦔꦺꦫꦶꦪꦪ꧊ꦥꦱ꧀ꦏꦃꦏꦁꦒꦺꦴꦔꦸꦂꦩꦠ꧀ꦠꦶꦲꦏꦸ꧈​ꦲꦭ꧀ꦭꦃꦩꦸ꧉​

^12:12 ꦲꦶꦁꦧꦼꦔꦶꦏꦸꦮꦶꦲꦏꦸꦧꦏꦭ꧀ꦠꦶꦤ꧀ꦢꦏ꧀ꦤ꧀ꦢ꧀ꦭꦗꦃꦲꦶꦠꦤꦃ꧊ꦩꦺꦱꦶꦂ꧈​ꦭꦤ꧀ꦩꦠꦺꦤ꧀ꦤꦶꦱꦧꦼꦤ꧀ꦲꦤꦏ꧀ꦭꦤꦁꦩ꧀ꦧꦉꦥ꧀꧈​ꦲꦶꦪꦲꦤꦏ꧀ꦏꦶꦁꦩꦤꦸꦁꦱ꧈​ꦲꦶꦪꦲꦤꦏ꧀ꦏꦶꦁꦏꦺꦮꦤ꧀꧉​ꦲꦏꦸꦧꦏꦭ꧀ꦔꦸꦏꦸꦩ꧀ꦱꦫꦸꦥꦤꦶꦁꦢꦺꦮꦢꦺꦮꦲꦶꦁꦠꦤꦃ꧊ꦩꦺꦱꦶꦂ꧈​ꦲꦏꦸꦲꦶꦏꦶꦄꦭ꧀ꦭꦃ꧉​

^12:13 ꦒꦼꦠꦶꦃꦲꦶꦁꦥꦶꦥꦶꦭꦮꦁꦔꦶꦁꦲꦺꦴꦩꦃꦩꦸꦏꦸꦮꦶꦏꦁꦒꦺꦴꦠꦤ꧀ꦝꦪꦺꦤ꧀ꦏꦸꦮꦶꦲꦺꦴꦩꦃꦲꦺꦴꦩꦃꦥꦁꦒꦺꦴꦤ꧀ꦤꦤ꧀ꦩꦸ꧉​ꦪꦺꦤ꧀ꦲꦏꦸꦩꦶꦂꦱꦒꦼꦠꦶꦃꦩꦲꦸ꧈​ꦲꦺꦴꦩꦃꦲꦶꦏꦸꦧꦏꦭ꧀ꦢꦏ꧀ꦭꦁꦏꦸꦁꦔꦶ꧈​ꦠꦼꦩꦃꦏꦺꦴꦮꦺꦲꦺꦴꦫꦢꦏ꧀ꦠꦸꦩ꧀ꦥꦼꦱ꧀ꦲꦶꦁꦱꦗꦿꦺꦴꦤꦺꦲꦏꦸꦔꦸꦏꦸꦩ꧀ꦠꦤꦃ꧊ꦩꦺꦱꦶꦂ꧉​

^12:14 ꦲꦶꦁꦢꦶꦤꦏꦸꦮꦶꦏꦺꦴꦮꦺꦏꦧꦺꦃꦏꦸꦢꦸꦒꦮꦺꦫꦶꦪꦪꦏꦒꦼꦩ꧀ꦄꦭ꧀ꦭꦃ꧈​ꦩꦶꦤꦁꦏꦥꦼꦔꦺꦭꦶꦁꦲꦺꦭꦶꦁꦩꦸꦩꦫꦁꦲꦥꦱꦶꦁꦮꦶꦱ꧀ꦢꦏ꧀ꦠꦶꦤ꧀ꦢꦏ꧀ꦏꦏꦺ꧉​ꦢꦶꦤꦏꦸꦮꦶꦢꦢꦶꦪꦢꦶꦤꦫꦶꦪꦪꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉"​

^12:15 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏ꧈​"ꦱꦗꦿꦺꦴꦤꦺꦥꦶꦠꦸꦁꦢꦶꦤꦏꦺꦴꦮꦺꦏꦧꦺꦃꦲꦺꦴꦫꦏꦼꦤꦩꦁꦔꦤ꧀ꦫꦺꦴꦠꦶꦔꦁꦒꦺꦴꦫꦒꦶ꧉​ꦲꦶꦁꦢꦶꦤꦏꦥꦶꦱꦤ꧀ꦲꦗꦲꦤꦫꦒꦶꦲꦶꦁꦲꦺꦴꦩꦃꦩꦸ꧈​ꦱꦼꦧꦧ꧀ꦪꦺꦤ꧀ꦱꦗꦿꦺꦴꦤꦺꦥꦶꦠꦸꦁꦢꦶꦤꦩꦲꦸꦲꦤꦮꦺꦴꦁꦱꦶꦁꦩꦁꦔꦤ꧀ꦫꦺꦴꦠꦶꦔꦁꦒꦺꦴꦫꦒꦶ꧈​ꦮꦺꦴꦁꦩꦲꦸꦲꦺꦴꦫꦏꦼꦤꦢꦢꦶꦲꦸꦩꦠ꧀ꦏꦸꦩꦼꦤꦺꦃ꧉​

^12:16 ꦲꦶꦁꦢꦶꦤꦏꦥꦶꦱꦤ꧀ꦱꦂꦠꦢꦶꦤꦏꦥꦶꦠꦸꦏꦺꦴꦮꦺꦏꦧꦺꦃꦏꦸꦢꦸꦔꦸꦩ꧀ꦥꦸꦭ꧀ꦔꦶꦧꦢꦃ꧉​ꦲꦶꦁꦢꦶꦤꦏꦸꦮꦶꦲꦺꦴꦫꦏꦼꦤꦲꦤꦱꦶꦁꦚꦩ꧀ꦧꦸꦠ꧀ꦒꦮꦺ꧈​ꦏꦼꦗꦧꦚꦼꦝꦶꦪꦏ꧀ꦏꦏꦺꦥꦔꦤ꧀꧉​

^12:17 ꦢꦶꦤꦒꦼꦝꦺꦲꦶꦏꦶꦏꦸꦢꦸꦏꦺꦴꦏ꧀ꦥꦺꦔꦼꦠ꧀ꦠꦶ꧈​ꦩꦼꦂꦒꦲꦶꦪꦲꦶꦁꦢꦶꦤꦲꦶꦏꦶꦲꦏꦸꦔꦼꦤ꧀ꦠꦱ꧀ꦱꦏꦺꦧꦁꦱꦩꦸꦩꦼꦠꦸꦱꦏꦲꦶꦁꦠꦤꦃ꧊ꦩꦺꦱꦶꦂ꧉​ꦩꦸꦭꦤꦺꦱꦼꦧꦚ꧀ꦗꦸꦂꦫꦺꦠꦸꦫꦸꦤ꧀ꦠꦼꦩꦸꦫꦸꦤ꧀ꦢꦶꦤꦲꦶꦏꦶꦠꦼꦠꦼꦥ꧀ꦥꦺꦔꦼꦠ꧀ꦠꦤ꧈​ꦢꦢꦺꦏ꧀ꦤꦢꦶꦤꦒꦼꦝꦺ꧉​

^12:18 ꦲꦶꦁꦱꦱꦶꦏꦥꦶꦱꦤ꧀꧈​ꦮꦶꦮꦶꦠ꧀ꦠꦁꦒꦭ꧀ꦥꦠ꧀ꦧꦼꦭꦱ꧀ꦱꦺꦴꦫꦺꦔꦤ꧀ꦠꦶꦠꦁꦒꦭ꧀ꦱꦼꦭꦶꦏꦸꦂꦱꦺꦴꦫꦺ꧈​ꦏꦺꦴꦮꦺꦏꦧꦺꦃꦲꦺꦴꦫꦏꦼꦤꦩꦁꦔꦤ꧀ꦫꦺꦴꦠꦶꦱꦶꦁꦲꦤꦫꦒꦶꦤꦺ꧉​

^12:19 (12:19-20)ꦱꦗꦿꦺꦴꦤꦺꦥꦶꦠꦸꦁꦢꦶꦤꦩꦲꦸꦲꦗꦚꦶꦩ꧀ꦥꦼꦤ꧀ꦫꦒꦶꦲꦶꦁꦲꦺꦴꦩꦃꦩꦸ꧉​ꦪꦺꦤ꧀ꦲꦤꦮꦺꦴꦁ꧊ꦆꦱꦿꦲꦺꦭ꧀ꦲꦸꦠꦮꦮꦺꦴꦁꦩꦚ꧀ꦕꦱꦶꦁꦩꦁꦔꦤ꧀ꦫꦺꦴꦠꦶꦔꦁꦒꦺꦴꦫꦒꦶ꧈​ꦮꦺꦴꦁꦏꦸꦮꦶꦏꦸꦢꦸꦢꦶꦲꦁꦒꦼꦥ꧀ꦢꦸꦢꦸꦲꦸꦩꦠ꧀ꦏꦸ꧉"​

^12:20 (12:19)

^12:21 ꧊ꦩꦸꦱꦔꦸꦩ꧀ꦥꦸꦭ꧀ꦭꦏꦺꦱꦏꦺꦃꦲꦶꦁꦠꦸꦮꦠꦸꦮꦤꦺ꧊ꦆꦱꦿꦲꦺꦭ꧀꧈​ꦧꦚ꧀ꦗꦸꦂꦝꦮꦸꦃꦩꦫꦁꦮꦺꦴꦁꦮꦺꦴꦁꦩꦲꦸ꧈​"ꦭꦸꦔꦲ꧈​ꦒꦺꦴꦭꦺꦏ꧀ꦏꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦕꦼꦩ꧀ꦥꦺꦤꦶꦁꦮꦼꦝꦸꦱ꧀ꦧꦺꦫꦺꦴꦏ꧀ꦭꦤ꧀ꦱꦼꦩ꧀ꦧꦼꦭꦺꦃꦲꦼꦤ꧀꧈​ꦱꦸꦥꦪꦧꦿꦪꦠ꧀ꦩꦸꦩꦺꦔꦼꦠ꧀ꦠꦶꦫꦶꦪꦪ꧊ꦥꦱ꧀ꦏꦃ꧉​

^12:22 ꦚ꧀ꦗꦸꦥꦸꦏ꧀ꦏꦱꦸꦏꦼꦠ꧀ꦲꦶꦱꦺꦴꦥ꧀ꦱꦠꦼꦏꦼꦩ꧀꧈​ꦧꦚ꧀ꦗꦸꦂꦕꦼꦭꦸꦥ꧀ꦤꦲꦶꦁꦧꦺꦴꦏꦺꦴꦂꦱꦶꦁꦲꦶꦱꦶꦒꦼꦠꦶꦃꦲꦶꦁꦏꦺꦮꦤ꧀ꦩꦲꦸꦱꦂꦠꦲꦺꦴꦱꦺꦂꦲꦺꦴꦱꦺꦂꦤꦲꦶꦁꦥꦶꦥꦶꦤꦶꦁꦭꦮꦁꦭꦤ꧀ꦲꦶꦁꦤ꧀ꦝꦸꦮꦸꦂꦫꦺ꧉​ꦱꦥꦮꦲꦺꦲꦺꦴꦫꦏꦼꦤꦩꦼꦠꦸꦱꦏꦲꦺꦴꦩꦃꦔꦤ꧀ꦠꦶꦲꦺꦱꦸꦏ꧀꧉​

^12:23 ꦱꦩꦱꦒꦸꦱ꧀ꦠꦶꦄꦭ꧀ꦭꦃꦠꦶꦤ꧀ꦢꦏ꧀ꦤ꧀ꦢ꧀ꦭꦗꦃꦲꦶꦤꦼꦒꦫꦲꦶꦏꦶꦤ꧀ꦢꦮꦃꦲꦏꦺꦮꦼꦮꦼꦭꦏ꧀ꦩꦫꦁꦮꦺꦴꦁ꧊ꦩꦺꦱꦶꦂ꧈​ꦥꦚ꧀ꦗꦼꦤꦼꦁꦔꦤ꧀ꦤꦺꦧꦏꦭ꧀ꦩꦶꦂꦱꦒꦼꦠꦶꦃꦲꦶꦁꦤ꧀ꦝꦸꦮꦸꦂꦱꦂꦠꦲꦶꦁꦥꦶꦥꦶꦤꦶꦁꦭꦮꦁ꧈​ꦠꦼꦩꦃꦧꦏꦭ꧀ꦲꦺꦴꦫꦔ꧀ꦭꦶꦭꦤꦶꦩꦭꦲꦺꦏꦠ꧀ꦱꦶꦁꦤꦼꦏꦏ꧀ꦏꦏꦺꦮꦼꦮꦼꦭꦏ꧀ꦩ꧀ꦭꦼꦧꦸꦲꦶꦁꦲꦺꦴꦩꦃꦩꦸ꧉​

^12:24 ꦩꦸꦭꦤꦺꦏꦺꦴꦮꦺꦭꦤ꧀ꦲꦤꦏ꧀ꦥꦸꦠꦸꦩꦸꦏꦸꦢꦸꦥꦝꦤꦶꦤ꧀ꦢꦏ꧀ꦏꦏꦺꦥꦽꦤꦠꦤ꧀ꦲꦶꦏꦶꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉​

^12:25 ꦪꦺꦤ꧀ꦏꦺꦴꦮꦺꦏꦧꦺꦃꦮꦶꦱ꧀ꦥꦝꦩ꧀ꦭꦼꦧꦸꦲꦶꦁꦤꦼꦒꦫꦱꦶꦁꦢꦶꦥꦫꦶꦁꦔꦏꦺꦄꦭ꧀ꦭꦃꦏꦪꦱꦶꦁꦢꦶꦗꦚ꧀ꦗꦺꦏ꧀ꦏꦏꦺ꧈​ꦥꦝꦤꦼꦠꦼꦥ꧀ꦥꦤꦲꦸꦥꦕꦫꦏꦸꦮꦶ꧉​

^12:26 ꦢꦺꦤꦺꦪꦺꦤ꧀ꦲꦤꦏ꧀ꦲꦤꦏ꧀ꦩꦸꦥꦝꦠꦏꦺꦴꦤ꧀꧈​ꦲꦥꦏꦉꦥ꧀ꦥꦺꦲꦸꦥꦕꦫꦩꦲꦸ꧈​

^12:27 ꦏꦺꦴꦮꦺꦏꦸꦢꦸꦩꦁꦱꦸꦭ꧀ꦭꦶ꧈​‘ꦪꦲꦶꦏꦶꦏꦸꦂꦧꦤ꧀ꦫꦶꦪꦪ꧊ꦥꦱ꧀ꦏꦃꦏꦁꦒꦺꦴꦔꦸꦂꦩꦠ꧀ꦠꦶꦒꦸꦱ꧀ꦠꦶꦄꦭ꧀ꦭꦃ꧈​ꦱꦼꦧꦧ꧀ꦲꦺꦴꦩꦃꦲꦺꦮꦺꦴꦁꦮꦺꦴꦁ꧊ꦆꦱꦿꦲꦺꦭ꧀ꦢꦶꦭꦁꦏꦸꦁꦔꦶ꧈​ꦤꦭꦶꦏꦄꦭ꧀ꦭꦃꦩꦼꦗꦃꦲꦶꦲꦤꦏ꧀ꦲꦤꦏ꧀ꦏꦺꦩ꧀ꦧꦉꦥ꧀ꦮꦺꦴꦁ꧊ꦩꦺꦱꦶꦂ꧈​ꦩꦁꦏꦏꦶꦠꦢꦶꦲꦪꦺꦴꦩ꧀ꦩꦶ!’"ꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦥꦝꦠꦸꦩꦼꦭꦸꦁꦭꦤ꧀ꦱꦸꦩꦸꦁꦏꦼꦩ꧀ꦱꦸꦗꦸꦢ꧀꧉​

^12:28 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦤꦸꦭꦶꦥꦝꦭꦸꦔꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦩꦫꦁ꧊ꦩꦸꦱꦭꦤ꧀ꦲꦫꦸꦤ꧀꧉​

^12:29 ꦲꦶꦁꦠꦼꦔꦃꦮꦼꦔꦶꦄꦭ꧀ꦭꦃꦩꦼꦗꦃꦲꦶꦱꦧꦼꦤ꧀ꦲꦤꦏ꧀ꦥꦼꦩ꧀ꦧꦉꦥ꧀ꦲꦶꦁꦠꦤꦃ꧊ꦩꦺꦱꦶꦂ꧈​ꦮꦶꦮꦶꦠ꧀ꦥꦼꦩ꧀ꦧꦉꦥ꧀ꦥꦺꦱꦁꦥꦿꦶꦔꦺꦴꦤ꧀ꦔꦤ꧀ꦠꦶꦥꦼꦩ꧀ꦧꦉꦥ꧀ꦥꦺꦮꦺꦴꦁꦠꦲꦤ꧀ꦤꦤ꧀ꦲꦶꦁꦥꦏꦸꦚ꧀ꦗꦂꦫꦤ꧀;ꦩꦭꦃꦠꦼꦏꦤ꧀ꦏꦺꦮꦤ꧀ꦱꦶꦁꦭꦲꦶꦂꦏꦮꦶꦠ꧀ꦠꦤ꧀ꦲꦶꦪꦢꦶꦥꦠꦺꦤ꧀ꦤꦶ꧉​

^12:30 ꦲꦶꦁꦮꦼꦔꦶꦏꦸꦮꦶ꧈​ꦱꦁꦥꦿꦶꦔꦺꦴꦤ꧀꧈​ꦥꦫꦥꦼꦁꦒꦼꦝꦺꦱꦂꦠꦮꦺꦴꦁ꧊ꦩꦺꦱꦶꦂꦏꦧꦺꦃꦥꦝꦠꦔꦶ꧉​ꦲꦶꦁꦱꦠꦤꦃ꧊ꦩꦺꦱꦶꦂꦏꦧꦺꦃꦏꦼꦥꦿꦸꦔꦸꦠꦔꦶꦱ꧀ꦭꦤ꧀ꦥꦚ꧀ꦗꦼꦫꦶꦠ꧀ꦱꦶꦁꦤꦽꦚꦸꦃꦲꦏꦺ꧈​ꦩꦼꦂꦒꦲꦺꦴꦫꦲꦤꦲꦺꦴꦩꦃꦱꦶꦗꦶꦮꦲꦺꦱꦶꦁꦲꦺꦴꦫꦏꦼꦥꦠꦺꦤ꧀ꦲꦤꦏ꧀ꦏꦺꦭꦤꦁꦩ꧀ꦧꦉꦥ꧀꧉​

^12:31 ꦲꦶꦁꦧꦼꦔꦶꦏꦸꦮꦶꦲꦸꦒꦱꦁꦥꦿꦶꦔꦺꦴꦤ꧀ꦤꦶꦩ꧀ꦧꦭ꧀ꦭꦶ꧊ꦩꦸꦱꦭꦤ꧀ꦲꦫꦸꦤ꧀ꦱꦂꦠꦝꦮꦸꦃ꧈​"ꦭꦸꦔꦲꦱꦏꦏꦺꦤꦺ꧈​ꦏꦺꦴꦮꦺꦱꦂꦠꦧꦁꦱꦩꦸ!ꦩꦼꦠꦸꦮꦱꦏꦤꦼꦒꦫꦏꦸ!ꦭꦸꦔꦲꦱꦲꦺꦴꦱ꧀ꦏꦸꦂꦧꦤ꧀ꦩꦫꦁꦲꦭ꧀ꦭꦃꦩꦸꦏꦪꦱꦶꦁꦏꦺꦴꦏ꧀ꦏꦉꦥ꧀ꦥꦏꦺ꧉​

^12:32 ꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦮꦼꦝꦸꦱ꧀ꦗꦮꦱꦂꦠꦱꦥꦶꦩꦸꦏꦧꦺꦃꦒꦮꦤꦼꦤ꧀!ꦭꦸꦔꦲ꧈​ꦲꦏꦸꦥꦝꦱꦸꦮꦸꦤ꧀ꦤꦧꦼꦂꦏꦃ!"

^12:33 ꦏꦪꦩꦼꦁꦏꦺꦴꦤꦺꦴꦮꦺꦴꦁꦮꦺꦴꦁ꧊ꦩꦺꦱꦶꦂꦥꦝꦤꦼꦱꦼꦒ꧀ꦏꦤ꧀ꦛꦶꦲꦢꦽꦁꦩꦫꦁꦧꦁꦱ꧊ꦆꦱꦿꦲꦺꦭ꧀꧈​ꦱꦸꦥꦪꦥꦝꦲꦺꦁꦒꦭ꧀ꦭꦸꦔꦱꦏꦲꦶꦁꦠꦤꦃ꧊ꦩꦺꦱꦶꦂ;ꦥꦔꦸꦕꦥ꧀ꦥꦺ꧈​"ꦪꦺꦤ꧀ꦏꦺꦴꦮꦺꦲꦺꦴꦫꦲꦺꦁꦒꦭ꧀ꦲꦺꦁꦒꦭ꧀ꦭꦸꦔ꧈​ꦲꦏꦸꦏꦧꦺꦃꦩꦼꦱ꧀ꦛꦶꦥꦝꦩꦠꦶ꧉"​

^12:34 ꦮꦺꦴꦁꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦥꦝꦚ꧀ꦗꦸꦥꦸꦏ꧀ꦫꦺꦴꦠꦶꦱꦶꦁꦲꦶꦱꦶꦃꦮꦸꦗꦸꦢ꧀ꦗ꧀ꦭꦢꦿꦺꦤ꧀ꦠꦤ꧀ꦥꦫꦒꦶ꧈​ꦏꦧꦸꦤ꧀ꦠꦼꦭ꧀ꦲꦶꦁꦱ꧀ꦭꦺꦤ꧀ꦝꦁ꧈​ꦤꦸꦭꦶꦢꦶꦱꦩ꧀ꦥꦶꦂꦫꦏꦺꦲꦶꦁꦥꦸꦤ꧀ꦝꦏ꧀ꦏꦺ꧉​

^12:35 ꦮꦺꦴꦁꦮꦺꦴꦁꦩꦲꦸꦮꦶꦱ꧀ꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁ꧊ꦩꦸꦱ꧉​ꦩꦼꦁꦏꦺꦴꦤꦺꦴꦲꦸꦒꦲꦶꦪꦮꦶꦱ꧀ꦥꦝꦚ꧀ꦗꦭꦸꦏ꧀ꦧꦫꦁꦧꦫꦁꦩꦱ꧀ꦩꦱ꧀ꦱꦤ꧀ꦭꦤ꧀ꦱ꧀ꦭꦏꦱꦂꦠꦱꦤ꧀ꦝꦁꦔꦤ꧀ꦩꦫꦁꦮꦺꦴꦁ꧊ꦩꦺꦱꦶꦂ꧉​

^12:36 ꦄꦭ꧀ꦭꦃꦤ꧀ꦢꦢꦺꦏ꧀ꦏꦏꦺꦮꦺꦴꦁ꧊ꦩꦺꦱꦶꦂꦥꦝꦔꦗꦺꦤ꧀ꦤꦶꦩꦫꦁꦮꦺꦴꦁ꧊ꦆꦱꦿꦲꦺꦭ꧀꧈​ꦱꦂꦠꦩꦺꦤꦺꦃꦲꦶꦲꦥꦮꦲꦺꦱꦶꦁꦢꦶꦗꦭꦸꦏ꧀꧉​ꦢꦢꦶꦤꦺꦮꦺꦴꦁ꧊ꦩꦺꦱꦶꦂꦥꦽꦱꦱꦠ꧀ꦢꦶꦗꦫꦃꦫꦪꦃꦢꦺꦤꦶꦁꦮꦺꦴꦁ꧊ꦆꦱꦿꦲꦺꦭ꧀꧉​

^12:37 ꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦥꦝꦧꦸꦝꦭ꧀ꦱꦏꦏꦸꦛ꧊ꦫꦲꦩ꧀ꦱꦺꦱ꧀ꦩꦼꦚꦁꦏꦸꦛ꧊ꦱꦸꦏꦺꦴꦠ꧀꧈​ꦕꦕꦃꦲꦺꦮꦺꦴꦁꦭꦤꦁꦮꦼꦠꦫ600.000꧌ꦤꦼꦩ꧀ꦏꦼꦛꦶ꧍;​ꦲꦺꦴꦫꦏꦼꦥꦺꦠꦸꦁꦮꦺꦴꦁꦮꦢꦺꦴꦤ꧀ꦭꦤ꧀ꦧꦺꦴꦕꦃꦧꦺꦴꦕꦃ꧉​

^12:38 ꦲꦏꦺꦃꦮꦺꦴꦁꦮꦺꦴꦁꦧꦁꦱꦭꦶꦪꦮꦼꦂꦤꦮꦼꦂꦤꦥꦝꦩꦺꦭꦸ꧈​ꦩꦼꦁꦏꦺꦴꦤꦺꦴꦲꦸꦒꦲꦏꦺꦃꦧꦔꦼꦠ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀꧈​ꦮꦼꦝꦸꦱ꧀ꦗꦮꦱꦂꦠꦱꦥꦶꦏꦁꦲꦶꦪꦥꦝꦢꦶꦒꦮ꧉​

^12:39 ꦮꦺꦴꦁꦮꦺꦴꦁꦩꦲꦸꦥꦝꦩ꧀ꦧꦏꦂꦫꦺꦴꦠꦶꦠꦤ꧀ꦥꦫꦒꦶ꧈​ꦪꦏꦸꦮꦶꦗ꧀ꦭꦢꦿꦺꦤ꧀ꦒꦮꦤ꧀ꦱꦏ꧊ꦩꦺꦱꦶꦂ꧈​ꦱꦼꦧꦧ꧀ꦥꦝꦢꦶꦏꦺꦴꦤ꧀ꦭꦸꦔꦢꦢꦏ꧀ꦏꦤ꧀꧈​ꦔꦤ꧀ꦠꦶꦲꦺꦴꦫꦏꦺꦴꦧꦼꦂꦚꦮꦶꦱ꧀ꦱꦏꦺꦱꦔꦸ꧉​

^12:40 ꦮꦺꦴꦁ꧊ꦆꦱꦿꦲꦺꦭ꧀ꦲꦼꦁꦒꦺꦴꦤꦺꦩꦁꦒꦺꦴꦤ꧀ꦲꦶꦁꦠꦤꦃ꧊ꦩꦺꦱꦶꦂꦭꦮꦱ꧀ꦱꦺꦮꦶꦱ꧀430ꦠꦲꦸꦤ꧀꧉​

^12:41 ꦲꦶꦁꦢꦶꦤꦥꦸꦁꦏꦱ꧀ꦱꦤ꧀ꦠꦲꦸꦤ꧀ꦱꦶꦁꦥꦶꦁ430ꦩꦲꦸ꧈​ꦲꦸꦩꦠ꧀ꦠꦺꦄꦭ꧀ꦭꦃꦥꦝꦠꦶꦫꦏꦠ꧀ꦠꦤ꧀ꦏꦒꦼꦩ꧀ꦥꦔꦺꦫꦤ꧀ꦲꦭ꧀ꦭꦃꦲꦺ꧈​ꦩꦼꦂꦒꦥꦝꦢꦶꦲꦼꦤ꧀ꦠꦱ꧀ꦱꦏꦺꦱꦏꦲꦶꦁꦠꦤꦃ꧊ꦩꦺꦱꦶꦂ꧉​

^12:42 ꦧꦼꦔꦶꦏꦸꦮꦶꦲꦸꦒꦢꦢꦶꦧꦼꦔꦶꦠꦶꦫꦏꦠ꧀ꦠꦤ꧀ꦏꦁꦒꦺꦴꦱꦏꦺꦃꦲꦺꦮꦺꦴꦁ꧊ꦆꦱꦿꦲꦺꦭ꧀ꦠꦸꦫꦸꦤ꧀ꦠꦼꦩꦸꦫꦸꦤ꧀ꦏꦒꦼꦩ꧀ꦏꦩꦸꦭꦾꦤꦺꦥꦔꦺꦫꦤ꧀꧈​ꦲꦭ꧀ꦭꦃꦲꦺ꧉​

^12:43 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱꦭꦤ꧀ꦲꦫꦸꦤ꧀꧈​"ꦪꦲꦶꦏꦶꦥꦽꦤꦠꦤ꧀ꦫꦶꦪꦪ꧊ꦥꦱ꧀ꦏꦃ꧉​ꦮꦺꦴꦁꦧꦁꦱꦭꦶꦪꦲꦺꦴꦫꦏꦼꦤꦩꦺꦭꦸꦩꦁꦔꦤ꧀꧊ꦥꦱ꧀ꦏꦃꦲꦶꦏꦶ꧉​

^12:44 ꦤꦁꦔꦶꦁꦧꦠꦸꦂꦱꦶꦁꦮꦶꦱ꧀ꦏꦺꦴꦏ꧀ꦠꦸꦏꦸꦏꦼꦤꦩꦺꦭꦸꦩꦁꦔꦤ꧀꧈​ꦲꦁꦒꦼꦂꦮꦶꦱ꧀ꦏꦺꦴꦏ꧀ꦠꦼꦠꦏ꧀ꦏꦶ꧉​

^12:45 ꦮꦺꦴꦁꦤꦼꦤꦼꦏꦱꦂꦠꦧꦸꦫꦸꦃꦲꦺꦴꦥꦃꦲꦤ꧀ꦲꦺꦴꦫꦏꦼꦤꦩꦁꦔꦤ꧀꧉​

^12:46 ꦲꦼꦁꦒꦺꦴꦤ꧀ꦩꦸꦩꦁꦔꦤ꧀ꦢꦒꦶꦁꦕꦼꦩ꧀ꦥꦺꦏꦸꦢꦸꦲꦤꦲꦶꦁꦥꦁꦒꦺꦴꦤ꧀ꦤꦤ꧀ꦤꦺꦕꦼꦩ꧀ꦥꦺꦩꦲꦸꦢꦶꦩꦱꦏ꧀꧈​ꦲꦺꦴꦫꦏꦼꦤꦢꦶꦒꦮꦩꦼꦠꦸ꧉​ꦲꦗꦥꦶꦱꦤ꧀ꦥꦶꦱꦤ꧀ꦤꦸꦒꦼꦭ꧀ꦧꦭꦸꦁꦔꦺꦕꦼꦩ꧀ꦥꦺꦲꦶꦏꦸ꧉​

^12:47 ꦱꦥꦱꦩꦸꦮꦤ꧀ꦤꦺ꧊ꦆꦱꦿꦲꦺꦭ꧀ꦏꦧꦺꦃꦏꦸꦢꦸꦤꦼꦠꦼꦥ꧀ꦥꦶꦥꦽꦤꦠꦤ꧀ꦲꦶꦏꦶ꧉​

^12:48 ꦪꦺꦤ꧀ꦲꦤꦮꦺꦴꦁꦧꦁꦱꦭꦶꦪꦱꦶꦁꦠꦼꦠꦼꦥ꧀ꦥꦼꦩꦁꦒꦺꦴꦤꦺꦲꦶꦁꦲꦤ꧀ꦠꦫꦩꦸ꧈​ꦩꦁꦏꦏꦼꦥꦺꦔꦶꦤ꧀ꦩꦁꦔꦤ꧀꧊ꦥꦱ꧀ꦏꦃꦏꦁꦒꦺꦴꦔꦸꦂꦩꦠ꧀ꦠꦶꦄꦭ꧀ꦭꦃ꧈​ꦮꦺꦴꦁꦩꦲꦸꦏꦸꦢꦸꦏꦺꦴꦏ꧀ꦠꦼꦠꦏ꧀ꦏꦶꦝꦶꦱꦶꦏ꧀꧈​ꦱꦮꦶꦱ꧀ꦱꦺꦲꦶꦏꦸꦭꦒꦶꦏꦼꦤꦩꦺꦭꦸꦩꦁꦔꦤ꧀꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦮꦺꦴꦁꦩꦚ꧀ꦕꦩꦲꦸꦏꦲꦁꦒꦼꦥ꧀ꦥꦏꦪꦢꦺꦤꦺꦮꦺꦴꦁ꧊ꦆꦱꦿꦲꦺꦭ꧀ꦲꦱ꧀ꦭꦶ꧈​ꦱꦂꦠꦏꦼꦤꦩꦺꦭꦸꦩꦺꦔꦼꦠ꧀ꦠꦶꦫꦶꦪꦪ꧊ꦥꦱ꧀ꦏꦃ꧉​

^12:49 ꦥꦽꦤꦠꦤ꧀ꦠꦸꦩꦿꦥ꧀ꦥꦶꦁꦮꦺꦴꦁ꧊ꦆꦱꦿꦲꦺꦭ꧀ꦲꦱ꧀ꦭꦶꦭꦤ꧀ꦮꦺꦴꦁꦧꦁꦱꦭꦶꦪꦏꦁꦩꦁꦒꦺꦴꦤ꧀ꦲꦶꦁꦠꦼꦔꦃꦩꦸꦲꦶꦏꦸꦥꦝ꧉"​

^12:50 ꦏꦧꦺꦃꦮꦺꦴꦁ꧊ꦆꦱꦿꦲꦺꦭ꧀ꦥꦝꦩ꧀ꦧꦔꦸꦤ꧀ꦠꦸꦫꦸꦠ꧀ꦱꦂꦠꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦩꦫꦁ꧊ꦩꦸꦱꦭꦤ꧀ꦲꦫꦸꦤ꧀꧉​

^12:51 ꦲꦶꦁꦢꦶꦤꦏꦸꦮꦶꦄꦭ꧀ꦭꦃꦔꦶꦫꦶꦢ꧀ꦥꦫꦠꦊꦂꦫꦺꦲꦸꦩꦠ꧀꧊ꦆꦱꦿꦲꦺꦭ꧀ꦩꦼꦠꦸꦱꦏꦲꦶꦁꦠꦤꦃ꧊ꦩꦺꦱꦶꦂ꧉​