Alkitab/Pangentasan/29

^29:1 "ꦩꦼꦁꦏꦺꦤꦺꦥꦠꦿꦥ꧀ꦥꦺꦤꦼꦠꦼꦥ꧀ꦥꦏꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦲꦶꦁꦏꦭꦸꦁꦒꦸꦃꦲꦤ꧀ꦲꦶꦩꦩ꧀꧈​ꦱꦸꦥꦪꦧꦶꦱꦔ꧀ꦭꦢꦺꦤ꧀ꦤꦶꦲꦏꦸꦢꦢꦶꦲꦶꦩꦩ꧀꧉​ꦚ꧀ꦗꦸꦥꦸꦏ꧀ꦏꦱꦥꦶꦭꦤꦁꦱꦶꦁꦲꦶꦱꦶꦃꦤꦺꦴꦩ꧀ꦭꦤ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦭꦺꦴꦫꦺꦴꦱꦶꦁꦠꦤ꧀ꦥꦕꦕꦢ꧀꧉​

^29:2 ꦒꦮꦺꦪꦲꦢꦺꦴꦤ꧀ꦤꦤ꧀ꦱꦏꦒ꧀ꦭꦼꦥꦸꦁꦒꦤ꧀ꦢꦸꦩ꧀ꦱꦶꦁꦧꦼꦕꦶꦏ꧀ꦝꦺꦮꦺꦠꦤ꧀ꦥꦫꦒꦶ꧉​ꦱꦼꦧꦒꦺꦪꦤ꧀ꦢꦢꦺꦏ꧀ꦤꦫꦺꦴꦠꦶꦔꦁꦒꦺꦴꦊꦔꦗ꦳ꦲꦶꦠꦸꦤ꧀꧈​ꦱꦼꦧꦒꦺꦪꦤ꧀ꦠꦤ꧀ꦥꦊꦔ꧈​ꦭꦤ꧀ꦠꦸꦫꦃꦲꦤ꧀ꦤꦺꦒꦮꦺꦤꦼꦤ꧀ꦫꦺꦴꦠꦶꦏꦺꦫꦶꦁꦔꦤ꧀ꦱꦶꦁꦢꦶꦭꦺꦭꦺꦠ꧀ꦠꦶꦊꦔ꧉​

^29:3 ꦥꦶꦱꦸꦁꦱꦸꦁꦩꦲꦸꦮꦝꦃꦲꦤꦲꦶꦁꦮꦏꦸꦭ꧀꧈​ꦱꦲꦺꦴꦱ꧀ꦤꦩꦫꦁꦲꦏꦸ꧈​ꦧꦉꦁꦏꦫꦺꦴꦏꦸꦂꦧꦤ꧀ꦱꦥꦶꦭꦤꦁꦭꦤ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦭꦺꦴꦫꦺꦴ꧉​

^29:4 ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦥꦝꦥꦿꦺꦤ꧀ꦠꦃꦲꦤꦠꦼꦏꦲꦶꦁꦭꦮꦁꦔꦶꦁꦏꦺꦩꦃꦥꦊꦁꦒꦃꦲꦤ꧀ꦏꦸꦱꦂꦠꦲꦢꦸꦱ꧀ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​

^29:5 ꦱꦤ꧀ꦝꦁꦔꦤ꧀ꦤꦶꦁꦲꦶꦩꦩ꧀ꦲꦼꦁꦒꦺꦴꦏ꧀ꦤꦲꦫꦸꦤ꧀:ꦏ꧀ꦭꦩ꧀ꦧꦶ꧈​ꦲꦺꦥ꦳ꦺꦴꦢ꧀꧈​ꦗꦸꦧꦃꦱꦶꦁꦤꦸꦠꦸꦥ꧀ꦥꦶꦲꦺꦥ꦳ꦺꦴꦢ꧀꧈​ꦠꦸꦠꦸꦥ꧀ꦝꦝꦭꦤ꧀ꦱꦧꦸꦏ꧀꧉​

^29:6 ꦱꦼꦂꦧꦤꦺꦲꦼꦠꦿꦥ꧀ꦤꦲꦶꦁꦱꦶꦫꦃꦲꦺꦭꦤ꧀ꦲꦼꦁꦒꦺꦴꦤ꧀ꦤꦤꦗꦩꦁꦱꦸꦕꦶꦱꦶꦁꦲꦤꦲꦸꦏꦶꦂꦫꦤ꧀ꦤꦺ‘ꦱꦼꦱꦼꦁꦏꦼꦂꦫꦤ꧀ꦤꦺꦄꦭ꧀ꦭꦃ’꧉​

^29:7 ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦏꦊꦔꦗꦼꦧꦢ꧀꧈​ꦲꦼꦱꦺꦴꦏ꧀ꦤꦲꦶꦁꦱꦶꦫꦃꦲꦺ꧉​

^29:8 ꦲꦤꦏ꧀ꦲꦤꦏ꧀ꦏꦺꦏꦸꦩ꧀ꦥꦸꦭ꧀ꦤꦭꦤ꧀ꦲꦼꦁꦒꦺꦴꦤ꧀ꦤꦤꦏ꧀ꦭꦩ꧀ꦧꦶꦤꦺ꧈​

^29:9 ꦧꦁꦏꦺꦏ꧀ꦏꦤ꧀ꦤꦺꦱꦧꦸꦏ꧀ꦏꦤꦱꦂꦠꦏꦺꦴꦥꦾꦃꦲꦺꦲꦼꦠꦿꦥ꧀ꦤꦲꦶꦁꦱꦶꦫꦃꦲꦺ꧉​ꦲꦶꦪꦩꦼꦁꦏꦺꦴꦤꦺꦴꦏꦸꦮꦶꦥꦠꦿꦥ꧀ꦥꦺꦲꦼꦁꦒꦺꦴꦤ꧀ꦩꦸꦤꦼꦠꦼꦥ꧀ꦥꦏꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦲꦶꦁꦏꦊꦁꦒꦃꦲꦤ꧀ꦲꦶꦩꦩ꧀꧉​ꦮꦺꦴꦁꦮꦺꦴꦁꦩꦲꦸꦭꦤ꧀ꦠꦸꦫꦸꦤ꧀ꦤꦺꦏꦸꦢꦸꦔ꧀ꦭꦢꦺꦤ꧀ꦤꦶꦲꦏꦸꦢꦢꦶꦲꦶꦩꦩ꧀ꦲꦶꦁꦱꦼꦭꦮꦱ꧀ꦱꦺ꧉​

^29:10 ꦱꦥꦶꦭꦤꦁꦩꦲꦸꦧꦚ꧀ꦗꦸꦂꦏꦸꦢꦸꦏꦺꦴꦏ꧀ꦒꦮꦲꦶꦁꦔꦉꦥ꧀ꦥꦶꦁꦏꦺꦩꦃꦥꦊꦁꦒꦃꦲꦤ꧀ꦏꦸ꧉​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦥꦝꦤꦸꦩ꧀ꦥꦁꦤꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦶꦁꦱꦥꦶ꧉​

^29:11 ꦱꦥꦶꦭꦤꦁꦩꦲꦸꦏꦸꦢꦸꦢꦶꦱꦼꦩ꧀ꦧꦼꦭꦺꦃꦲꦶꦁꦏꦺꦴꦤꦺꦴ꧈​ꦲꦶꦁꦔꦂꦱꦏꦸꦲꦶꦁꦭꦮꦁꦔꦶꦁꦏꦺꦩꦃ꧉​

^29:12 ꦒꦼꦠꦶꦃꦲꦺꦗꦸꦥꦸꦏ꧀ꦏꦼꦤ꧀ꦱꦼꦛꦶꦛꦶꦏ꧀꧈​ꦧꦚ꧀ꦗꦸꦂꦭꦺꦭꦺꦠ꧀ꦤꦔꦁꦒꦺꦴꦢꦿꦶꦗꦶꦩꦸꦲꦶꦁꦱꦸꦔꦸꦱꦸꦔꦸꦤꦶꦁꦩꦼꦱ꧀ꦧꦺꦃ;ꦠꦸꦫꦃꦲꦤ꧀ꦤꦺꦱꦶꦫꦩ꧀ꦤꦲꦶꦁꦩꦼꦱ꧀ꦧꦺꦃꦱꦶꦱꦶꦃꦔꦶꦱꦺꦴꦂ꧉​

^29:13 ꦒꦗꦶꦃꦱꦶꦁꦲꦤꦲꦶꦁꦮꦼꦠꦼꦁꦔꦺꦏꦸꦢꦸꦏꦺꦴꦏ꧀ꦗꦸꦥꦸꦏ꧀ꦏꦧꦺꦃ;ꦲꦠꦶꦤꦺꦭꦤ꧀ꦒꦶꦚ꧀ꦗꦼꦭ꧀ꦭꦺꦭꦺꦴꦫꦺꦴꦲꦥꦢꦺꦤꦺꦒꦗꦶꦃꦲꦺꦱꦶꦁꦤꦺꦩ꧀ꦥ꧀ꦭꦺꦏ꧀;ꦧꦚ꧀ꦗꦸꦂꦲꦺꦴꦧꦺꦴꦁꦔꦼꦤ꧀ꦲꦶꦁꦱꦤ꧀ꦝꦸꦮꦸꦂꦫꦶꦁꦩꦼꦱ꧀ꦧꦺꦃꦩꦶꦤꦁꦏꦥꦶꦱꦸꦁꦱꦸꦁꦏꦒꦼꦩ꧀ꦲꦏꦸ꧉​

^29:14 ꦢꦒꦶꦁ꧈​ꦏꦸꦭꦶꦠ꧀ꦭꦤ꧀ꦲꦸꦱꦸꦱ꧀ꦱꦺꦏꦸꦢꦸꦢꦶꦲꦺꦴꦧꦺꦴꦁꦲꦶꦁꦱꦚ꧀ꦗꦧꦤꦶꦁꦏꦺꦩꦃ꧉​ꦲꦶꦏꦸꦏꦸꦂꦧꦤ꧀ꦏꦁꦒꦺꦴꦤꦼꦧꦸꦱ꧀ꦢꦺꦴꦱꦤꦺꦥꦫꦲꦶꦩꦩ꧀꧉​

^29:15 ꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦏꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦩꦲꦸꦱꦭꦃꦱꦶꦗꦶ꧉​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦤꦸꦩ꧀ꦥꦁꦤꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦶꦁꦏꦺꦮꦤ꧀ꦩꦲꦸ꧉​

^29:16 ꦧꦚ꧀ꦗꦸꦂꦱꦼꦩ꧀ꦧꦼꦭꦺꦃꦲꦼꦤ꧀꧈​ꦒꦼꦠꦶꦃꦲꦺꦗꦸꦥꦸꦏ꧀ꦏꦼꦤ꧀ꦱꦂꦠꦲꦼꦥꦾꦸꦂꦤꦲꦶꦁꦩꦼꦱ꧀ꦧꦺꦃꦩꦲꦸꦥꦠꦁꦱꦶꦱꦶꦃ꧉​

^29:17 ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦩꦲꦸꦏꦸꦢꦸꦢꦶꦏꦼꦛꦺꦴꦏ꧀ꦏꦼꦛꦺꦴꦏ꧀꧉​ꦲꦶꦱꦶꦤꦶꦁꦮꦼꦠꦼꦁꦭꦤ꧀ꦱꦩ꧀ꦥꦶꦭ꧀ꦭꦺꦩ꧀ꦧꦸꦫꦶꦏꦸꦢꦸꦢꦶꦏꦸꦩ꧀ꦧꦃꦱꦂꦠꦢꦶꦮꦺꦴꦂꦏꦫꦺꦴꦲꦼꦤ꧀ꦝꦱ꧀ꦭꦤ꧀ꦏꦼꦛꦺꦴꦏ꧀ꦏꦤ꧀ꦭꦶꦪꦤꦺ꧉​

^29:18 ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦩꦲꦸꦲꦺꦴꦧꦺꦴꦁꦔꦼꦤ꧀ꦲꦶꦁꦱꦤ꧀ꦝꦸꦮꦸꦂꦫꦶꦁꦩꦼꦱ꧀ꦧꦺꦃꦩꦶꦤꦁꦏꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​ꦒꦤ꧀ꦢꦤꦺꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦏꦸ꧉​

^29:19 ꦮꦼꦝꦸꦱ꧀ꦱꦺꦒꦺꦩ꧀ꦧꦺꦭ꧀ꦭꦶꦪꦤꦺꦗꦸꦥꦸꦏ꧀ꦏꦼꦤ꧀ꦏꦁꦒꦺꦴꦥꦶꦱꦸꦁꦱꦸꦁ꧉​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦤꦸꦩ꧀ꦥꦁꦤꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦶꦁꦏꦺꦮꦤ꧀ꦩꦲꦸ꧉​

^29:20 ꦧꦚ꧀ꦗꦸꦂꦱꦼꦩ꧀ꦧꦼꦭꦺꦃꦲꦼꦤ꧀꧈​ꦒꦼꦠꦶꦃꦲꦺꦗꦸꦥꦸꦏ꧀ꦏꦼꦤ꧀ꦱꦼꦛꦶꦛꦶꦏ꧀ꦱꦂꦠꦭꦺꦭꦺꦠ꧀ꦤꦲꦶꦁꦏꦸꦥꦶꦁꦔꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦲꦶꦁꦗꦼꦩ꧀ꦥꦺꦴꦭ꧀ꦭꦺꦠꦔꦤ꧀ꦠꦼꦔꦼꦤ꧀ꦭꦤ꧀ꦗꦼꦩ꧀ꦥꦺꦴꦭ꧀ꦭꦺꦱꦶꦏꦶꦭ꧀ꦠꦼꦔꦼꦤ꧀꧉​ꦠꦸꦫꦃꦲꦤ꧀ꦤꦺꦒꦼꦠꦶꦃꦩꦲꦸꦏꦸꦢꦸꦏꦺꦴꦏ꧀ꦱꦶꦫꦩ꧀ꦩꦏꦺꦲꦶꦁꦩꦼꦱ꧀ꦧꦺꦃꦥꦠꦁꦱꦶꦱꦶꦃ꧉​

^29:21 ꦒꦼꦠꦶꦃꦲꦺꦱꦶꦁꦲꦤꦲꦶꦁꦱꦤ꧀ꦝꦸꦮꦸꦂꦫꦶꦁꦩꦼꦱ꧀ꦧꦺꦃꦗꦸꦥꦸꦏ꧀ꦏꦼꦤ꧀ꦱꦼꦛꦶꦛꦶꦏ꧀ꦭꦤ꧀ꦊꦔꦏꦁꦒꦺꦴꦲꦸꦥꦕꦫꦱꦼꦛꦶꦛꦶꦏ꧀꧈​ꦧꦚ꧀ꦗꦸꦂꦲꦼꦥꦾꦸꦂꦤꦩꦫꦁꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦱꦂꦠꦲꦶꦁꦱꦤ꧀ꦝꦁꦔꦤ꧀ꦤꦺ꧉​ꦱꦿꦤꦩꦼꦁꦏꦺꦴꦤꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦱꦂꦠꦱꦤ꧀ꦝꦁꦔꦤ꧀ꦤꦺꦢꦶꦱꦸꦕꦺꦏ꧀ꦏꦏꦺꦏꦒꦼꦩ꧀ꦲꦏꦸ꧉​

^29:22 ꦒꦗꦶꦃꦲꦶꦁꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦩꦲꦸꦗꦸꦥꦸꦏ꧀ꦏꦼꦤ꧀꧈​ꦱꦼꦩꦺꦴꦤꦺꦴꦲꦸꦒꦧꦸꦤ꧀ꦠꦸꦠ꧀ꦠꦺꦱꦶꦁꦲꦤꦒꦗꦶꦃꦲꦺ꧈​ꦭꦥꦶꦱ꧀ꦱꦤ꧀ꦒꦗꦶꦃꦲꦶꦁꦚ꧀ꦗꦼꦫꦺꦴꦮꦼꦠꦼꦁꦔꦺ꧈​ꦧꦒꦺꦪꦤ꧀ꦤꦶꦁꦲꦠꦶꦱꦶꦁꦧꦼꦕꦶꦏ꧀꧈​ꦒꦶꦚ꧀ꦗꦼꦭ꧀ꦭꦺꦴꦫꦺꦴꦏꦫꦺꦴꦒꦗꦶꦃꦲꦺꦱꦂꦠꦥꦸꦥꦸꦤꦺꦠꦼꦔꦼꦤ꧀꧉​

^29:23 ꦚ꧀ꦗꦸꦥꦸꦏ꧀ꦏꦱꦏꦮꦏꦸꦭ꧀꧈​ꦫꦺꦴꦠꦶꦱꦶꦁꦮꦶꦱ꧀ꦢꦶꦱꦲꦺꦴꦱ꧀ꦱꦏꦺꦩꦫꦁꦲꦏꦸ꧈​ꦱꦶꦗꦶꦱꦶꦁꦢꦶꦲꦺꦴꦭꦃꦔꦁꦒꦺꦴꦊꦔꦗ꦳ꦲꦶꦠꦸꦤ꧀꧈​ꦱꦶꦗꦶꦱꦶꦁꦢꦶꦒꦮꦺꦠꦤ꧀ꦥꦊꦔ꧈​ꦭꦤ꧀ꦱꦶꦗꦶꦫꦺꦴꦠꦶꦒꦺꦥꦺꦁ꧉​

^29:24 ꦥꦔꦤ꧀ꦤꦤ꧀ꦩꦲꦸꦏꦧꦺꦃꦱꦺꦭꦺꦃꦤꦲꦶꦁꦲꦺꦥꦺꦏ꧀ꦲꦺꦥꦺꦏ꧀ꦏꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦢꦢꦶꦥꦶꦱꦸꦁꦱꦸꦁꦒꦺꦴꦪꦁꦔꦤ꧀ꦩꦫꦁꦲꦏꦸ꧉​

^29:25 ꦫꦺꦴꦠꦶꦫꦺꦴꦠꦶꦩꦲꦸꦧꦚ꧀ꦗꦸꦂꦗꦸꦥꦸꦏ꧀ꦏꦼꦤ꧀ꦱꦂꦠꦲꦺꦴꦧꦺꦴꦁꦔꦼꦤ꧀ꦲꦶꦁꦱꦤ꧀ꦝꦸꦮꦸꦂꦫꦶꦁꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦢꦢꦶꦏꦸꦂꦧꦤ꧀ꦝꦲꦂꦫꦤ꧀ꦏꦒꦼꦩ꧀ꦲꦏꦸ꧉​ꦒꦤ꧀ꦢꦤꦶꦁꦏꦸꦂꦧꦤ꧀ꦩꦲꦸꦒꦮꦺꦉꦤꦤꦶꦁꦥꦼꦁꦒꦭꦶꦃꦏꦸ꧉​

^29:26 ꦝꦝꦤꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦩꦲꦸꦗꦸꦥꦸꦏ꧀ꦏꦼꦤ꧀ꦭꦤ꧀ꦱꦲꦺꦴꦱ꧀ꦤꦩꦫꦁꦲꦏꦸꦩꦶꦤꦁꦏꦏꦸꦂꦧꦤ꧀ꦒꦺꦴꦪꦁꦔꦤ꧀;ꦲꦶꦏꦸꦢꦢꦶꦪꦥꦤ꧀ꦢꦸꦩ꧀ꦩꦤ꧀ꦩꦸ꧉​

^29:27 ꦲꦶꦁꦱꦗꦿꦺꦴꦤꦺꦲꦸꦥꦕꦫꦤꦼꦠꦼꦥ꧀ꦥꦏꦺꦲꦶꦩꦩ꧀꧈​ꦝꦝꦭꦤ꧀ꦥꦸꦥꦸꦤꦺꦮꦼꦝꦸꦱ꧀ꦭꦤꦁꦱꦶꦁꦢꦶꦲꦼꦁꦒꦺꦴꦲꦸꦥꦕꦫꦩꦲꦸꦏꦸꦢꦸꦢꦶꦥꦶꦱꦸꦁꦱꦸꦁꦔꦏꦺꦩꦫꦁꦲꦏꦸꦩꦶꦤꦁꦏꦏꦸꦂꦧꦤ꧀ꦒꦺꦴꦪꦁꦔꦤ꧀ꦭꦤ꧀ꦢꦶꦱꦶꦱꦶꦃꦲꦏꦺꦏꦁꦒꦺꦴꦥꦫꦲꦶꦩꦩ꧀꧉​

^29:28 ꦥꦽꦤꦠꦤ꧀ꦏꦸ ꦲꦶꦏꦶꦲꦺꦴꦫꦏꦼꦤꦢꦶꦲꦺꦴꦮꦃꦲꦶ꧈​ꦪꦲꦶꦏꦸꦱꦩꦱꦲꦸꦩꦠ꧀ꦏꦸꦩꦶꦱꦸꦁꦱꦸꦁꦔꦏꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧈​ꦝꦝꦭꦤ꧀ꦥꦸꦥꦸꦤꦺꦏꦺꦮꦤ꧀ꦩꦲꦸꦢꦢꦶꦪꦧꦒꦶꦪꦤ꧀ꦤꦺꦥꦫꦲꦶꦩꦩ꧀꧉​ꦪꦏꦸꦮꦶꦥꦶꦱꦸꦁꦱꦸꦁꦔꦺꦲꦸꦩꦠ꧀ꦏꦸꦩꦫꦁꦲꦏꦸ꧈​ꦥꦔꦺꦫꦤ꧀ꦲꦭ꧀ꦭꦃꦲꦺ꧉​

^29:29 ꦪꦺꦤ꧀ꦲꦫꦸꦤ꧀ꦠꦶꦭꦂꦢꦺꦴꦚꦱꦤ꧀ꦝꦁꦔꦤ꧀ꦱꦶꦁꦱꦸꦕꦶꦩꦲꦸꦏꦸꦢꦸꦢꦶꦮꦫꦶꦱ꧀ꦱꦏꦺꦩꦫꦁꦲꦤꦏ꧀ꦥꦸꦠꦸꦤꦺ꧈​ꦱꦸꦥꦪꦢꦶꦲꦼꦁꦒꦺꦴꦱꦩꦱꦢꦶꦠꦼꦠꦼꦥ꧀ꦥꦏꦺ꧉​

^29:30 ꦲꦤꦏ꧀ꦏꦺꦲꦫꦸꦤ꧀ꦱꦶꦁꦔ꧀ꦒꦤ꧀ꦠꦶꦧꦥꦏ꧀ꦤꦺꦢꦢꦶꦲꦶꦩꦩ꧀ꦭꦤ꧀ꦩ꧀ꦭꦼꦧꦸꦲꦶꦁꦏꦺꦩꦃꦥꦊꦁꦒꦃꦲꦤ꧀ꦏꦸꦥꦽꦭꦸꦊꦭꦢꦶꦲꦶꦁꦱꦱꦤꦱꦸꦕꦶ꧈​ꦏꦸꦢꦸꦔꦁꦒꦺꦴꦱꦤ꧀ꦝꦁꦔꦤ꧀ꦩꦲꦸꦱꦸꦮꦺꦤꦺꦥꦶꦠꦸꦁꦢꦶꦤ꧉​

^29:31 ꦚ꧀ꦗꦸꦥꦸꦏ꧀ꦏꦢꦒꦶꦁꦔꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦁꦢꦶꦲꦼꦁꦒꦺꦴꦱꦗꦿꦺꦴꦤꦶꦁꦲꦸꦥꦕꦫꦔꦽꦱ꧀ꦩꦺꦏ꧀ꦏꦏꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ;ꦢꦒꦶꦁꦩꦲꦸꦧꦚ꧀ꦗꦸꦂꦩꦱ꧀ꦱꦏꦼꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦏꦁꦱꦸꦕꦶ꧉​

^29:32 ꦢꦒꦶꦁꦩꦲꦸꦏꦸꦢꦸꦥꦝꦢꦶꦥꦔꦤ꧀ꦧꦼꦧꦉꦁꦔꦤ꧀ꦏꦫꦺꦴꦠꦸꦫꦃꦲꦤ꧀ꦫꦺꦴꦠꦶꦲꦶꦁꦏꦿꦚ꧀ꦗꦁ꧉​

^29:33 ꦮꦺꦴꦁꦮꦺꦴꦁꦩꦲꦸꦏꦸꦢꦸꦥꦝꦩꦁꦔꦤ꧀ꦥꦔꦤ꧀ꦤꦤ꧀ꦱꦶꦁꦢꦶꦥꦶꦱꦸꦁꦱꦸꦁꦔꦏꦺꦱꦗꦿꦺꦴꦤꦶꦁꦲꦸꦥꦕꦫꦥꦔꦿꦸꦮꦠ꧀ꦠꦶꦁꦢꦺꦴꦱꦱꦩꦱꦥꦝꦢꦶꦠꦼꦠꦼꦥ꧀ꦥꦏꦺ꧉​ꦩꦸꦁꦲꦶꦩꦩ꧀ꦱꦶꦁꦏꦼꦤꦩꦁꦔꦤ꧀ꦥꦔꦤ꧀ꦤꦤ꧀ꦩꦲꦸ꧈​ꦲꦮꦶꦠ꧀ꦮꦶꦱ꧀ꦢꦶꦱꦲꦺꦴꦱ꧀ꦱꦏꦺꦩꦫꦁꦲꦏꦸ꧉​

^29:34 ꦪꦺꦤ꧀ꦲꦺꦱꦸꦏ꧀ꦏꦺꦲꦶꦱꦶꦃꦲꦤꦠꦸꦫꦃꦲꦤ꧀ꦢꦒꦶꦁꦲꦸꦠꦮꦫꦺꦴꦠꦶ꧈​ꦥꦔꦤ꧀ꦩꦲꦸꦏꦸꦢꦸꦢꦶꦲꦺꦴꦧꦺꦴꦁꦔꦤ꧀ꦠꦶꦲꦼꦤ꧀ꦠꦺꦏ꧀꧈​ꦲꦺꦴꦫꦏꦼꦤꦢꦶꦥꦔꦤ꧀꧈​ꦲꦮꦶꦠ꧀ꦮꦶꦱ꧀ꦢꦶꦱꦸꦕꦺꦏ꧀ꦏꦏꦺ꧉​

^29:35 ꦲꦸꦥꦕꦫꦤꦼꦠꦼꦥ꧀ꦥꦏꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦲꦶꦁꦏꦭꦸꦁꦒꦸꦃꦲꦤ꧀ꦲꦶꦩꦩ꧀ꦏꦸꦢꦸꦢꦶꦠꦶꦤ꧀ꦢꦏ꧀ꦏꦏꦺꦲꦶꦁꦱꦗꦿꦺꦴꦤꦶꦁꦥꦶꦠꦸꦁꦢꦶꦤ꧈​ꦩꦤꦸꦠ꧀ꦲꦥꦱꦶꦁꦮꦶꦱ꧀ꦢꦏ꧀ꦝꦮꦸꦃꦲꦏꦺꦩꦫꦁꦏꦺꦴꦮꦺ꧉​

^29:36 ꦱꦧꦼꦤ꧀ꦢꦶꦤꦏꦸꦢꦸꦱꦲꦺꦴꦱ꧀ꦏꦸꦂꦧꦤ꧀ꦱꦥꦶꦭꦤꦁꦱꦶꦗꦶꦩꦶꦤꦁꦏꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦏꦁꦒꦺꦴꦔꦤꦏ꧀ꦏꦏꦺꦥꦶꦫꦸꦏꦸꦤ꧀ꦤꦤ꧀꧉​ꦱꦿꦤꦏꦸꦂꦧꦤ꧀ꦩꦲꦸꦩꦼꦱ꧀ꦧꦺꦃꦧꦏꦭ꧀ꦢꦶꦱꦸꦕꦺꦏ꧀ꦏꦏꦺ꧉​ꦩꦼꦱ꧀ꦧꦺꦃꦩꦲꦸꦧꦚ꧀ꦗꦸꦂꦏꦸꦢꦸꦏꦺꦴꦏ꧀ꦗꦼꦧꦢ꧀ꦢꦶꦔꦁꦒꦺꦴꦊꦔꦗ꦳ꦲꦶꦠꦸꦤ꧀꧈​ꦢꦶꦱꦸꦕꦺꦏ꧀ꦏꦏꦺꦏꦒꦼꦩ꧀ꦲꦏꦸ꧉​

^29:37 ꦥꦶꦫꦸꦏꦸꦤ꧀ꦤꦤ꧀ꦩꦼꦁꦏꦺꦴꦤꦺꦴꦩꦲꦸꦠꦶꦤ꧀ꦢꦏ꧀ꦤꦭꦮꦱ꧀ꦱꦺꦥꦶꦠꦸꦁꦢꦶꦤ꧉​ꦱꦿꦤꦩꦼꦁꦏꦺꦴꦤꦺꦴꦩꦼꦱ꧀ꦧꦺꦃꦩꦲꦸꦏꦱꦸꦕꦺꦏ꧀ꦏꦏꦺꦧꦧꦂꦥꦶꦱꦤ꧀꧉​ꦱꦥꦮꦲꦺꦲꦸꦠꦮꦲꦥꦮꦲꦺꦱꦶꦁꦚꦺꦁꦒꦺꦴꦭ꧀꧈​ꦧꦏꦭ꧀ꦢꦢꦶꦱꦸꦕꦶ꧈​ꦲꦮꦶꦠ꧀ꦱꦏꦢꦪꦤꦶꦁꦏꦱꦸꦕꦺꦤ꧀ꦤꦺ꧉"​

^29:38 "ꦱꦧꦼꦤ꧀ꦢꦶꦤꦏꦸꦢꦸꦢꦶꦏꦸꦂꦧꦤ꧀ꦤꦏꦺꦲꦶꦁꦱꦤ꧀ꦝꦸꦮꦸꦂꦫꦶꦁꦩꦼꦱ꧀ꦧꦺꦃ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦺꦴꦫꦺꦴꦱꦶꦁꦲꦸꦩꦸꦂꦫꦺꦱꦼꦠꦲꦸꦤ꧀꧉​

^29:39 ꦱꦶꦁꦱꦶꦗꦶꦏꦁꦒꦺꦴꦥꦶꦱꦸꦁꦱꦸꦁꦲꦶꦁꦮꦪꦃꦲꦺꦱꦸꦏ꧀꧈​ꦱꦶꦗꦶꦤꦺꦏꦁꦒꦺꦴꦲꦶꦁꦮꦪꦃꦱꦺꦴꦫꦺ꧉​

^29:40 ꦧꦼꦧꦉꦁꦔꦤ꧀ꦏꦫꦺꦴꦮꦼꦝꦸꦱ꧀ꦱꦶꦁꦝꦶꦱꦶꦏ꧀꧈​ꦏꦸꦢꦸꦢꦶꦥꦶꦱꦸꦁꦱꦸꦁꦔꦏꦺꦒ꧀ꦭꦼꦥꦸꦁꦒꦤ꧀ꦢꦸꦩ꧀ꦱꦏꦶꦭꦺꦴꦒꦿꦩ꧀ꦢꦶꦕꦩ꧀ꦥꦸꦂꦏꦫꦺꦴꦊꦔꦗ꦳ꦲꦶꦠꦸꦤ꧀ꦩꦸꦂꦤꦶꦱꦼꦭꦶꦠꦼꦂ꧉​ꦥꦶꦱꦸꦁꦱꦸꦁꦤꦲꦸꦒꦲꦁꦒꦸꦂꦱꦼꦭꦶꦠꦼꦂ꧉​

^29:41 ꦕꦼꦩ꧀ꦥꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦱꦶꦁꦏꦥꦶꦤ꧀ꦝꦺꦴꦢꦶꦥꦶꦱꦸꦁꦱꦸꦁꦔꦏꦺꦲꦶꦁꦮꦪꦃꦱꦺꦴꦫꦺꦧꦼꦧꦉꦁꦔꦤ꧀ꦏꦫꦺꦴꦒ꧀ꦭꦼꦥꦸꦁꦱꦏꦶꦭꦺꦴꦒꦿꦩ꧀꧈​ꦊꦔꦗ꦳ꦲꦶꦠꦸꦤ꧀ꦱꦼꦭꦶꦠꦼꦂꦱꦂꦠꦲꦁꦒꦸꦂꦱꦼꦭꦶꦠꦼꦂ꧉​ꦪꦲꦶꦏꦸꦏꦸꦂꦧꦤ꧀ꦝꦲꦂꦫꦤ꧀ꦏꦒꦼꦩ꧀ꦲꦏꦸ꧈​ꦭꦤ꧀ꦒꦤ꧀ꦢꦤꦺꦒꦮꦺꦉꦤꦤꦶꦁꦥꦼꦁꦒꦭꦶꦃꦏꦸ꧈​ꦥꦔꦺꦫꦤ꧀ꦲꦭ꧀ꦭꦃꦩꦸ꧉​

^29:42 ꦱꦼꦧꦚ꧀ꦗꦸꦂꦫꦺꦏꦁꦒꦺꦴꦲꦶꦁꦱꦼꦭꦮꦱ꧀ꦱꦺꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦩꦲꦸꦢꦶꦱꦲꦺꦴꦱ꧀ꦱꦏꦺꦲꦶꦁꦔꦂꦱꦏꦸꦲꦶꦁꦭꦮꦁꦔꦶꦁꦏꦺꦩꦃꦥꦊꦁꦒꦃꦲꦤ꧀ꦏꦸ꧉​ꦲꦶꦁꦏꦺꦴꦤꦺꦴꦲꦏꦸꦧꦏꦭ꧀ꦩꦁꦒꦶꦃꦲꦶꦲꦸꦩꦠ꧀ꦏꦸꦱꦂꦠꦔꦤ꧀ꦢꦶꦏꦩꦫꦁꦏꦺꦴꦮꦺ꧉​

^29:43 ꦲꦏꦸꦧꦏꦭ꧀ꦏꦼꦠꦼꦩꦸꦏꦫꦺꦴꦧꦁꦱ꧊ꦆꦱꦿꦲꦺꦭ꧀꧈​ꦭꦤ꧀ꦏꦩꦸꦭꦾꦤ꧀ꦏꦸꦧꦏꦭ꧀ꦤꦸꦕꦺꦏ꧀ꦏꦏꦺꦥꦥꦤ꧀ꦲꦶꦏꦸ꧉​

^29:44 ꦲꦏꦸꦧꦏꦭ꧀ꦤꦸꦕꦺꦏ꧀ꦏꦏꦺꦏꦺꦩꦃꦭꦤ꧀ꦩꦼꦱ꧀ꦧꦺꦃꦩꦲꦸ꧉​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦢꦏ꧀ꦥꦶꦗꦶ꧈​ꦱꦸꦥꦪꦮꦺꦴꦁꦮꦺꦴꦁꦩꦲꦸꦔ꧀ꦭꦢꦺꦤ꧀ꦤꦶꦲꦏꦸꦢꦢꦶꦲꦶꦩꦩ꧀꧉​

^29:45 ꦲꦏꦸꦧꦏꦭ꧀ꦢꦼꦢꦊꦩ꧀ꦲꦤꦲꦶꦁꦠꦼꦔꦃꦲꦺꦧꦁꦱ꧊ꦆꦱꦿꦲꦺꦭ꧀꧈​ꦱꦂꦠꦗꦸꦩꦼꦤꦼꦁꦢꦢꦶꦲꦭ꧀ꦭꦃꦲꦺ꧉​

^29:46 ꦮꦺꦴꦁꦮꦺꦴꦁꦩꦲꦸꦧꦏꦭ꧀ꦥꦝꦔꦼꦂꦠꦶꦪꦺꦤ꧀ꦲꦏꦸꦲꦭ꧀ꦭꦃꦲꦺ꧈​ꦱꦶꦁꦔꦶꦫꦶꦢ꧀ꦝꦺꦮꦺꦏ꧀ꦏꦺꦩꦼꦠꦸꦱꦏꦲꦶꦁꦠꦤꦃ꧊ꦩꦺꦱꦶꦂ;ꦱꦸꦥꦪꦲꦏꦸꦧꦶꦱꦢꦼꦢꦊꦩ꧀ꦲꦤꦲꦶꦁꦠꦼꦔꦃꦲꦺ;ꦭꦤ꧀ꦗꦸꦩꦼꦤꦼꦁꦢꦢꦶꦲꦭ꧀ꦭꦃꦲꦺꦮꦺꦴꦁꦮꦺꦴꦁꦩꦲꦸ꧉"​