Alkitab/Pangentasan/23

^23:1 "ꦲꦗꦚꦼꦧꦂꦏꦧꦂꦒꦺꦴꦫꦺꦴꦃꦱꦂꦠꦲꦗꦩ꧀ꦧꦶꦪꦤ꧀ꦠꦸꦮꦺꦴꦁꦏꦁꦭꦸꦥꦸꦠ꧀ꦭꦤ꧀ꦲꦗꦒꦼꦊꦩ꧀ꦲꦮꦺꦃꦥꦱꦼꦏ꧀ꦱꦺꦤ꧀ꦱꦶꦁꦲꦺꦴꦫꦚꦠ꧉​

^23:2 ꦲꦗꦩꦺꦭꦸꦩꦺꦭꦸꦮꦺꦴꦁꦲꦏꦺꦃꦔ꧀ꦭꦏꦺꦴꦤ꧀ꦤꦶꦥꦶꦪꦭꦲꦸꦠꦮꦒꦮꦺꦝꦺꦴꦪꦺꦴꦁꦔꦺꦥꦼꦔꦢꦶꦭ꧀ꦭꦤ꧀꧉​

^23:3 ꦲꦗꦔꦶꦭꦺꦴꦤꦶꦮꦺꦴꦁꦩꦶꦱ꧀ꦏꦶꦤ꧀ꦱꦶꦁꦭꦒꦶꦢꦶꦲꦢꦶꦭ꧀ꦭꦶ꧉​

^23:4 ꦪꦺꦤ꧀ꦏꦺꦴꦮꦺꦤꦼꦩꦸꦱꦥꦶꦤꦺꦲꦸꦠꦮꦏꦸꦭ꧀ꦢꦶꦤꦺꦩꦸꦁꦱꦸꦃꦩꦸꦱꦶꦁꦏꦼꦠꦿꦶꦮꦭ꧀꧈​ꦲꦸꦭꦶꦃꦤꦩꦫꦁꦱꦶꦁꦢꦸꦮꦺ꧉​

^23:5 ꦪꦺꦤ꧀ꦏꦸꦭ꧀ꦢꦶꦤꦺꦩꦸꦁꦱꦸꦃꦩꦸꦲꦩ꧀ꦧꦿꦸꦏ꧀ꦲꦮꦶꦠ꧀ꦏꦧꦺꦴꦠ꧀ꦠꦤ꧀ꦩꦺꦴꦩꦺꦴꦠ꧀ꦠꦤ꧀꧈​ꦠꦸꦭꦸꦁꦔꦤꦤꦔꦺꦏ꧀ꦏꦏꦺꦏꦸꦭ꧀ꦢꦶꦩꦲꦸ꧈​ꦲꦗꦏꦺꦴꦏ꧀ꦠꦺꦒꦏ꧀ꦏꦏꦺ꧉​

^23:6 ꦲꦗꦒꦮꦺꦫꦸꦒꦶꦤꦺꦮꦺꦴꦁꦩꦶꦱ꧀ꦏꦶꦤ꧀ꦪꦺꦤ꧀ꦮꦺꦴꦁꦩꦲꦸꦔꦗꦺꦴꦏ꧀ꦏꦏꦺꦥꦽꦏꦫꦤꦺꦲꦶꦁꦥꦼꦔꦢꦶꦭ꧀ꦭꦤ꧀꧉​

^23:7 ꦲꦗꦤ꧀ꦢꦏ꧀ꦮꦲꦸꦠꦮꦩꦠꦺꦤ꧀ꦤꦶꦮꦺꦴꦁꦱꦶꦁꦲꦺꦴꦫꦱꦭꦃ꧈​ꦩꦼꦂꦒꦲꦏꦸꦧꦏꦭ꧀ꦔꦸꦏꦸꦩ꧀ꦱꦥꦮꦲꦺꦱꦶꦁꦠꦸꦩꦶꦤ꧀ꦢꦏ꧀ꦩꦼꦁꦏꦺꦴꦤꦺꦴ꧉​

^23:8 ꦲꦗꦥꦝꦤꦩ꧀ꦥꦤꦶꦧꦼꦱꦼꦭ꧀꧈​ꦱꦼꦧꦧ꧀ꦧꦼꦱꦼꦭ꧀ꦏꦸꦮꦶꦩꦫꦏ꧀ꦏꦏꦺꦮꦺꦴꦁꦲꦺꦴꦫꦮꦼꦫꦸꦃꦩꦫꦁꦏꦧꦼꦤꦼꦂꦫꦤ꧀꧈​ꦱꦂꦠꦔꦶꦱꦿꦸꦃꦲꦏꦺꦥꦽꦏꦫꦤꦺꦮꦺꦴꦁꦱꦶꦁꦧꦼꦤꦼꦂ꧉​

^23:9 ꦲꦗꦠꦸꦩꦶꦤ꧀ꦢꦏ꧀ꦱꦼꦮꦼꦤꦁꦮꦼꦤꦁꦩꦫꦁꦮꦺꦴꦁꦩꦚ꧀ꦕ꧈​ꦏꦺꦴꦮꦺꦮꦶꦱ꧀ꦥꦝꦔꦼꦂꦠꦶꦏꦼꦥꦿꦶꦪꦺꦫꦱꦤꦺꦢꦢꦶꦮꦺꦴꦁꦩꦚ꧀ꦕ꧈​ꦱꦼꦧꦧ꧀ꦧꦶꦪꦺꦤ꧀ꦏꦺꦴꦮꦺꦲꦶꦪꦥꦝꦢꦢꦶꦮꦺꦴꦁꦩꦚ꧀ꦕꦲꦤꦲꦶꦁꦠꦤꦃ꧊ꦩꦺꦱꦶꦂ꧉"​

^23:10 "ꦱꦗꦿꦺꦴꦤꦺꦤꦼꦩ꧀ꦠꦲꦸꦤ꧀ꦏꦺꦴꦮꦺꦥꦝꦏꦼꦤꦤꦤ꧀ꦢꦸꦂꦫꦶꦥꦠꦼꦒꦭ꧀ꦭꦤ꧀ꦩꦸꦱꦂꦠꦔꦸꦤ꧀ꦝꦸꦃꦲꦶꦥꦩꦼꦠꦸꦤꦺ꧉​

^23:11 ꦤꦁꦔꦶꦁꦲꦶꦁꦠꦲꦸꦤ꧀ꦏꦥꦶꦠꦸꦥꦊꦩꦃꦲꦤ꧀ꦩꦸꦲꦗꦏꦺꦴꦏ꧀ꦒꦫꦥ꧀꧉​ꦱꦗꦿꦺꦴꦤꦶꦁꦠꦲꦸꦤ꧀ꦩꦲꦸꦲꦗꦔꦸꦤ꧀ꦝꦸꦃꦥꦩꦼꦠꦸꦤꦶꦁꦠꦼꦠꦸꦮꦸꦃꦲꦤ꧀ꦲꦶꦁꦥꦠꦼꦒꦭ꧀ꦭꦤ꧀ꦩꦸꦱꦶꦁꦛꦸꦏꦸꦭ꧀ꦏꦉꦥ꧀ꦥꦺꦝꦺꦮꦺ꧈​ꦏꦉꦧꦺꦤ꧀ꦥꦩꦼꦠꦸꦤꦺꦏꦁꦒꦺꦴꦮꦺꦴꦁꦩꦶꦱ꧀ꦏꦶꦤ꧀ꦱꦂꦠꦠꦸꦫꦃꦲꦤ꧀ꦤꦺꦏꦁꦒꦺꦴꦏꦺꦮꦤ꧀ꦲꦭꦱ꧀ꦱꦤ꧀꧉​ꦱꦶꦁꦩꦼꦁꦏꦺꦴꦤꦺꦴꦩꦲꦸꦲꦶꦪꦠꦶꦤ꧀ꦢꦏ꧀ꦤꦠꦸꦩꦿꦥ꧀ꦏꦼꦧꦺꦴꦤ꧀ꦲꦁꦒꦸꦂꦭꦤ꧀ꦮꦶꦠ꧀ꦩꦸꦗ꦳ꦲꦶꦠꦸꦤ꧀꧉​

^23:12 ꦤꦼꦩ꧀ꦢꦶꦤꦏꦺꦴꦮꦺꦏꦸꦢꦸꦥꦝꦚꦩ꧀ꦧꦸꦠ꧀ꦒꦮꦺ꧈​ꦤꦁꦔꦶꦁꦲꦶꦁꦢꦶꦤꦏꦥꦶꦠꦸꦏꦺꦴꦮꦺꦲꦗꦥꦝꦚꦩ꧀ꦧꦸꦠ꧀ꦒꦮꦺ꧈​ꦱꦸꦥꦪꦥꦫꦧꦠꦸꦂꦭꦤ꧀ꦮꦺꦴꦁꦮꦺꦴꦁꦩꦚ꧀ꦕꦱꦶꦁꦥꦝꦚꦩ꧀ꦧꦸꦠ꧀ꦒꦮꦺꦏꦁꦒꦺꦴꦏꦺꦴꦮꦺ꧈​ꦱꦼꦩꦺꦴꦤꦺꦴꦲꦸꦒꦏꦺꦮꦤ꧀ꦏꦺꦮꦤ꧀ꦩꦸꦧꦶꦱꦥꦝꦔꦱꦺꦴ꧉​

^23:13 ꦫꦸꦔꦺꦴꦏ꧀ꦤꦲꦥꦱꦶꦁꦮꦶꦱ꧀ꦲꦺꦢꦏ꧀ꦔꦤ꧀ꦢꦶꦏꦏ꧀ꦏꦏꦺꦩꦫꦁꦏꦺꦴꦮꦺꦏꦧꦺꦃ꧉​ꦲꦗꦥꦝꦚꦼꦚꦸꦮꦸꦤ꧀ꦩꦫꦁꦲꦭ꧀ꦭꦃꦭꦶꦪꦤꦺ꧈​ꦩꦭꦃꦚꦼꦧꦸꦠ꧀ꦗꦼꦤꦼꦁꦔꦺꦮꦲꦺꦲꦺꦴꦫꦏꦼꦤ꧉"​

^23:14 "ꦏꦺꦴꦮꦺꦥꦝꦔꦤꦏ꧀ꦤꦫꦶꦪꦪꦏꦁꦒꦺꦴꦔꦸꦂꦩꦠ꧀ꦠꦶꦲꦏꦸꦱꦼꦠꦲꦸꦤ꧀ꦥꦶꦁꦠꦼꦭꦸ꧉​

^23:15 ꦲꦶꦁꦱꦱꦶ꧊ꦄꦧꦶꦧ꧀꧈​ꦏꦺꦴꦮꦺꦏꦸꦢꦸꦥꦝꦔꦤꦏ꧀ꦏꦏꦺꦫꦶꦪꦪꦥꦺꦱ꧀ꦠꦫꦺꦴꦠꦶꦠꦤ꧀ꦥꦫꦒꦶ꧈​ꦏꦪꦱꦶꦁꦮꦶꦱ꧀ꦢꦏ꧀ꦝꦮꦸꦃꦲꦏꦺꦩꦫꦁꦏꦺꦴꦮꦺ꧈​ꦱꦼꦧꦧ꧀ꦲꦶꦁꦱꦱꦶꦏꦸꦮꦶꦏꦺꦴꦮꦺꦥꦝꦧꦸꦝꦭ꧀ꦱꦏꦲꦶꦁꦠꦤꦃ꧊ꦩꦺꦱꦶꦂ꧉​ꦲꦗꦥꦝꦩꦁꦔꦤ꧀ꦫꦺꦴꦠꦶꦔꦁꦒꦺꦴꦫꦒꦶꦲꦶꦁꦱꦗꦿꦺꦴꦤꦶꦁꦫꦶꦪꦪꦱꦶꦁꦱꦸꦮꦺꦤꦺꦥꦶꦠꦸꦁꦢꦶꦤꦏꦸꦮꦶ꧉​ꦲꦗꦲꦤꦱꦶꦁꦱꦺꦧꦩꦫꦁꦲꦏꦸꦠꦤ꧀ꦥꦔ꧀ꦒꦮꦲꦥꦲꦥ꧉​

^23:16 ꦫꦶꦪꦪꦥꦤꦺꦤ꧀ꦲꦶꦏꦸꦲꦤꦏ꧀ꦤꦱꦩꦱꦏꦺꦴꦮꦺꦥꦝꦮꦶꦮꦶꦠ꧀ꦔꦸꦤ꧀ꦝꦸꦃꦲꦶꦠꦤ꧀ꦢꦸꦂꦫꦤ꧀ꦩꦸ꧉​ꦢꦺꦤꦺꦫꦶꦪꦪꦠꦫꦸꦧ꧀ꦒꦺꦴꦝꦺꦴꦁꦲꦤꦏ꧀ꦤꦲꦶꦁꦥꦸꦁꦏꦱ꧀ꦱꦤ꧀ꦤꦶꦁꦠꦲꦸꦤ꧀꧈​ꦱꦮꦶꦱ꧀ꦱꦺꦏꦺꦴꦮꦺꦥꦝꦔꦸꦤ꧀ꦝꦸꦃꦲꦶꦥꦩꦼꦠꦸꦤꦶꦁꦏꦼꦧꦺꦴꦤ꧀ꦲꦁꦒꦸꦂꦭꦤ꧀ꦏꦼꦧꦺꦴꦤ꧀ꦮꦺꦴꦃꦮꦺꦴꦃꦲꦤ꧀꧉​

^23:17 ꦱꦧꦼꦤ꧀ꦠꦲꦸꦤ꧀ꦱꦩꦱꦔꦤꦏ꧀ꦏꦏꦺꦫꦶꦪꦪꦠꦼꦭꦸꦲꦶꦏꦶ꧈​ꦮꦺꦴꦁꦭꦤꦁꦏꦧꦺꦃꦏꦸꦢꦸꦥꦝꦱꦺꦧꦔꦶꦧꦢꦃꦩꦫꦁꦲꦏꦸ꧈​ꦲꦭ꧀ꦭꦃꦩꦸ꧉​

^23:18 ꦪꦺꦤ꧀ꦏꦺꦴꦮꦺꦥꦝꦱꦲꦺꦴꦱ꧀ꦏꦸꦂꦧꦤ꧀ꦱꦼꦩ꧀ꦧꦼꦭꦺꦃꦲꦤ꧀ꦩꦫꦁꦲꦏꦸ꧈​ꦲꦗꦥꦝꦚꦲꦺꦴꦱ꧀ꦱꦏꦺꦫꦺꦴꦠꦶꦔꦁꦒꦺꦴꦫꦒꦶ꧉​ꦒꦗꦶꦃꦲꦶꦁꦏꦺꦮꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦲꦏꦸꦱꦗꦿꦺꦴꦤꦶꦁꦫꦶꦪꦪꦩꦲꦸ꧈​ꦲꦗꦏꦺꦴꦏ꧀ꦱꦶꦩ꧀ꦥꦼꦤ꧀ꦔꦤ꧀ꦠꦶꦠꦼꦏꦤ꧀ꦲꦺꦱꦸꦏ꧀ꦏꦺ꧉​

^23:19 ꦱꦧꦼꦤ꧀ꦠꦲꦸꦤ꧀ꦏꦺꦴꦮꦺꦏꦸꦢꦸꦥꦝꦔ꧀ꦒꦮꦥꦩꦼꦠꦸꦤꦶꦁꦒꦤ꧀ꦢꦸꦩ꧀ꦩꦸꦱꦶꦁꦏꦮꦶꦠ꧀ꦠꦤ꧀ꦩꦼꦚꦁꦥꦼꦢꦊꦩ꧀ꦩꦤ꧀ꦤꦺꦲꦭ꧀ꦭꦃꦩꦸ꧉​ꦲꦼꦁꦒꦺꦴꦤ꧀ꦩꦸꦔ꧀ꦒꦺꦴꦝꦺꦴꦒ꧀ꦢꦒꦶꦁꦔꦶꦁꦕꦼꦩ꧀ꦥꦺꦲꦗꦔꦁꦒꦺꦴꦧꦚꦸꦱꦸꦱꦸꦤꦺꦧꦶꦪꦸꦁꦔꦺ꧉"​

^23:20 "ꦲꦏꦸꦧꦏꦭ꧀ꦔꦸꦠꦸꦱ꧀ꦩꦭꦲꦺꦏꦠ꧀ꦏꦸ ꦤ꧀ꦝꦶꦱꦶꦏ꧀ꦏꦶꦭꦏꦸꦩꦸ꧈​ꦱꦸꦥꦪꦚ꧀ꦗꦒꦏꦺꦴꦮꦺꦲꦤꦲꦶꦁꦢꦭꦤ꧀꧈​ꦱꦂꦠꦔꦶꦫꦶꦢ꧀ꦭꦏꦸꦩꦸꦩꦼꦚꦁꦥꦁꦒꦺꦴꦤ꧀ꦤꦤ꧀ꦱꦶꦁꦮꦶꦱ꧀ꦢꦏ꧀ꦕꦮꦶꦱ꧀ꦱꦏꦺ꧈​

^23:21 ꦩꦸꦭꦤꦺꦥꦚ꧀ꦗꦼꦤꦼꦁꦔꦤ꧀ꦤꦺꦒꦠꦺꦏ꧀ꦤꦱꦂꦠꦝꦮꦸꦃꦲꦺꦲꦺꦱ꧀ꦠꦺꦴꦏ꧀ꦤ꧉​ꦲꦗꦥꦝꦧꦿꦺꦴꦤ꧀ꦠꦏ꧀ꦩꦫꦁꦥꦚ꧀ꦗꦼꦤꦼꦁꦔꦤ꧀ꦤꦺ꧈​ꦩꦼꦂꦒꦲꦏꦸꦱꦶꦁꦔꦸꦠꦸꦱ꧀꧈​ꦠꦼꦩꦃꦏꦭꦸꦥꦸꦠ꧀ꦠꦤ꧀ꦩꦸꦲꦺꦴꦫꦧꦏꦭ꧀ꦢꦶꦲꦥꦸꦫ꧉​

^23:22 ꦪꦺꦤ꧀ꦏꦺꦴꦮꦺꦥꦝꦩ꧀ꦧꦔꦸꦤ꧀ꦠꦸꦫꦸꦠ꧀꧈​ꦱꦂꦠꦤꦶꦤ꧀ꦢꦏ꧀ꦏꦏꦺꦱꦏꦺꦃꦲꦶꦁꦝꦮꦸꦃꦏꦸ꧈​ꦲꦏꦸꦧꦏꦭ꧀ꦥꦼꦫꦁꦔ꧀ꦭꦮꦤ꧀ꦩꦸꦁꦱꦸꦃꦩꦸꦏꦧꦺꦃ꧉​

^23:23 ꦩꦭꦲꦺꦏꦠ꧀ꦏꦸ ꦧꦏꦭ꧀ꦤ꧀ꦝꦶꦱꦶꦏ꧀ꦏꦶꦭꦏꦸꦩꦸꦱꦂꦠꦔꦶꦫꦶꦢ꧀ꦏꦺꦴꦮꦺꦩꦼꦚꦁꦠꦤꦃꦲꦺꦮꦺꦴꦁ꧊ꦄꦩꦺꦴꦫꦶ꧈​꧊ꦲꦺꦠ꧀꧈​꧊ꦥ꦳ꦺꦫꦶꦱ꧀꧈​꧊ꦏꦺꦤꦲꦤ꧀꧈​꧊ꦲꦺꦮꦶꦭꦤ꧀꧊ꦪꦺꦧꦸꦱ꧀;ꦧꦁꦱꦧꦁꦱꦩꦲꦸꦧꦏꦭ꧀ꦢꦏ꧀ꦠꦸꦩ꧀ꦥꦼꦱ꧀꧉​

^23:24 ꦲꦗꦥꦝꦱꦸꦗꦸꦢ꧀ꦲꦸꦠꦮꦔꦧꦼꦏ꧀ꦠꦶꦩꦫꦁꦲꦭ꧀ꦭꦃꦲꦭ꧀ꦭꦃꦲꦺꦱꦂꦠꦲꦗꦤꦶꦫꦸꦱꦫꦏ꧀ꦱꦫꦏ꧀ꦏꦺꦲꦒꦩꦤꦺ꧉​ꦲꦭ꧀ꦭꦃꦲꦭ꧀ꦭꦃꦲꦺꦱꦶꦂꦤꦏ꧀ꦤꦱꦂꦠꦕꦒꦏ꧀ꦕꦒꦏ꧀ꦮꦠꦸꦱꦶꦁꦥꦝꦢꦶꦱꦼꦩ꧀ꦧꦃꦲꦶꦏꦸꦫꦸꦧꦸꦃꦤ꧉​

^23:25 ꦪꦺꦤ꧀ꦏꦺꦴꦮꦺꦥꦝꦔꦧꦼꦏ꧀ꦠꦶꦩꦫꦁꦲꦏꦸ꧈​ꦥꦔꦺꦫꦤ꧀ꦲꦭ꧀ꦭꦃꦩꦸ꧈​ꦏꦺꦴꦮꦺꦧꦏꦭ꧀ꦥꦝꦢꦏ꧀ꦧꦼꦂꦏꦃꦲꦶꦏ꧀ꦭꦮꦤ꧀ꦥꦔꦤ꧀ꦭꦤ꧀ꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀꧈​ꦱꦂꦠꦲꦏꦸꦧꦏꦭ꧀ꦩꦫꦱ꧀ꦱꦏꦺꦱꦏꦺꦃꦲꦶꦁꦊꦭꦫꦩꦸ꧉​

^23:26 ꦲꦶꦁꦤꦼꦒꦫꦩꦸꦧꦏꦭ꧀ꦲꦺꦴꦫꦲꦤꦮꦺꦴꦁꦮꦢꦺꦴꦤ꧀ꦱꦶꦁꦏ꧀ꦭꦸꦫꦺꦴꦤ꧀ꦲꦸꦠꦮꦒꦧꦸꦒ꧀;ꦏꦺꦴꦮꦺꦧꦏꦭ꧀ꦢꦏ꧀ꦥꦫꦶꦁꦔꦶꦲꦸꦩꦸꦂꦢꦮ꧉​

^23:27 ꦧꦁꦱꦧꦁꦱꦱꦶꦁꦔ꧀ꦭꦮꦤ꧀ꦩꦫꦁꦏꦺꦴꦮꦺꦧꦏꦭ꧀ꦥꦝꦒꦶꦫꦶꦱ꧀ꦩꦫꦁꦲꦏꦸ꧉​ꦥꦫꦩꦸꦁꦱꦸꦃꦩꦸꦧꦏꦭ꧀ꦢꦏ꧀ꦒꦮꦺꦏꦶꦱꦿꦸꦃ꧈​ꦠꦼꦩꦃꦏꦧꦺꦃꦧꦏꦭ꧀ꦥꦝꦩ꧀ꦭꦪꦸꦤꦶꦁꦒꦭ꧀ꦏꦺꦴꦮꦺ꧉​

^23:28 ꦩꦸꦁꦱꦸꦃꦩꦸꦁꦱꦸꦃꦩꦸꦧꦏꦭ꧀ꦢꦏ꧀ꦧꦸꦪꦂꦫꦏꦺ;ꦮꦺꦴꦁ꧊ꦲꦺꦮꦶ꧈​ꦮꦺꦴꦁ꧊ꦏꦺꦤꦲꦤ꧀ꦭꦤ꧀ꦮꦺꦴꦁ꧊ꦲꦺꦠ꧀ꦧꦏꦭ꧀ꦢꦏ꧀ꦠꦸꦤ꧀ꦝꦸꦁ꧈​ꦠꦼꦩꦃꦏꦺꦴꦮꦺꦏꦧꦺꦃꦥꦝꦧꦶꦱꦩ꧀ꦭꦼꦧꦸ꧉​

^23:29 ꦲꦏꦸꦲꦺꦴꦫꦧꦏꦭ꧀ꦤꦸꦤ꧀ꦝꦸꦁꦮꦺꦴꦁꦮꦺꦴꦁꦩꦲꦸꦲꦶꦁꦱꦗꦿꦺꦴꦤꦶꦁꦱꦼꦠꦲꦸꦤ꧀꧈​ꦱꦸꦥꦪꦠꦤꦃꦲꦶꦁꦏꦺꦴꦤꦺꦴꦲꦗꦔꦤ꧀ꦠꦶꦧꦼꦫ꧈​ꦠꦼꦩꦃꦕꦕꦃꦲꦺꦏꦺꦮꦤ꧀ꦒꦭꦏ꧀ꦧꦏꦭ꧀ꦢꦢꦶꦲꦏꦺꦃꦧꦔꦼꦠ꧀ꦔꦸꦁꦏꦸꦭ꧀ꦭꦶꦕꦕꦃꦩꦸ꧉​

^23:30 ꦲꦼꦁꦒꦺꦴꦤ꧀ꦩꦸꦤꦸꦤ꧀ꦝꦸꦁꦮꦺꦴꦁꦮꦺꦴꦁꦩꦲꦸꦱꦏꦱꦼꦛꦶꦛꦶꦏ꧀꧈​ꦔꦤ꧀ꦠꦶꦕꦕꦃꦩꦸꦮꦶꦱ꧀ꦕꦸꦏꦸꦥ꧀ꦏꦁꦒꦺꦴꦔꦼꦧꦏ꧀ꦏꦶꦠꦤꦃꦩꦲꦸ꧉​

^23:31 ꦮꦠꦼꦱ꧀ꦱꦺꦤꦼꦒꦫꦩꦸꦧꦏꦭ꧀ꦢꦏ꧀ꦗꦼꦩ꧀ꦧꦂꦫꦏꦺꦱꦏꦠꦼꦭꦸꦏ꧀꧊ꦄꦏꦧꦔꦤ꧀ꦠꦶꦠꦼꦏꦤ꧀ꦧꦼꦔꦮꦤ꧀꧊ꦌꦥ꦳ꦿꦠ꧀꧈​ꦭꦤ꧀ꦱꦏꦲꦶꦁꦱꦼꦒꦫꦠꦼꦔꦃꦠꦼꦏꦤ꧀ꦲꦫꦲꦫꦱꦩꦸꦤ꧀꧉​ꦏꦺꦴꦮꦺꦧꦏꦭ꧀ꦢꦏ꧀ꦥꦫꦶꦁꦔꦶꦥꦔ꧀ꦮꦱ꧈​ꦩꦿꦺꦤ꧀ꦠꦃꦮꦺꦴꦁꦮꦺꦴꦁꦲꦶꦁꦠꦤꦃꦏꦺꦴꦤꦺꦴ꧉​ꦱꦗꦿꦺꦴꦤꦺꦏꦺꦴꦮꦺꦥꦝꦩꦗꦸꦔꦽꦧꦸꦠ꧀ꦠꦤꦃꦩꦲꦸ꧈​ꦏꦺꦴꦮꦺꦏꦸꦢꦸꦥꦝꦤꦸꦤ꧀ꦝꦸꦁꦮꦺꦴꦁꦮꦺꦴꦁꦔꦺ꧉​

^23:32 ꦲꦗꦥꦝꦔꦤꦏ꧀ꦏꦏꦺꦥꦽꦗꦚ꧀ꦗꦶꦪꦤ꧀ꦏꦫꦺꦴꦮꦺꦴꦁꦮꦺꦴꦁꦩꦲꦸꦲꦸꦠꦮꦏꦫꦺꦴꦲꦭ꧀ꦭꦃꦲꦭ꧀ꦭꦃꦲꦺ꧉​

^23:33 ꦮꦺꦴꦁꦮꦺꦴꦁꦩꦲꦸꦲꦗꦥꦝꦲꦺꦴꦭꦺꦃꦩꦁꦒꦺꦴꦤ꧀ꦲꦶꦁꦠꦤꦃꦩꦸ꧉​ꦪꦺꦤ꧀ꦏꦺꦴꦏ꧀ꦠꦺꦴꦒꦏꦺꦮꦲꦺ꧈​ꦮꦺꦴꦁꦮꦺꦴꦁꦩꦲꦸꦧꦏꦭ꧀ꦚ꧀ꦗꦭꦂꦫꦶꦏꦺꦴꦮꦺꦥꦝꦒꦮꦺꦢꦺꦴꦱꦩꦫꦁꦲꦏꦸ꧉​ꦪꦺꦤ꧀ꦏꦺꦴꦮꦺꦥꦝꦚꦼꦩ꧀ꦧꦃꦲꦭ꧀ꦭꦃꦲꦭ꧀ꦭꦃꦲꦺ꧈​ꦏꦺꦴꦮꦺꦩꦼꦱ꧀ꦛꦶꦧꦏꦭ꧀ꦩꦠꦶ꧉"​