Alkitab/Pangentasan/24

^24:1 ꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦏꦺꦴꦮꦺꦭꦤ꧀ꦲꦫꦸꦤ꧀꧈​꧊ꦤꦢꦧ꧀ꦭꦤ꧀꧊ꦄꦧꦶꦲꦸ꧈​ꦱꦂꦠꦥꦫꦠꦸꦮꦠꦸꦮꦤꦺ꧊ꦆꦱꦿꦲꦺꦭ꧀ꦥꦶꦠꦸꦁꦥꦸꦭꦸꦃ꧈​ꦥꦝꦱꦺꦴꦮꦤ꧀ꦤꦲꦏꦸꦲꦶꦁꦥꦸꦕꦏ꧀ꦒꦸꦤꦸꦁ꧉​ꦥꦝꦚꦼꦩ꧀ꦧꦃꦲꦭꦤ꧀ꦱꦸꦗꦸꦢ꧀ꦢꦩꦫꦁꦲꦏꦸꦱꦏꦏꦢꦺꦴꦃꦲꦤ꧀꧉​

^24:2 ꦲꦺꦴꦫꦲꦤꦮꦺꦴꦁꦱꦶꦗꦶꦮꦲꦺꦱꦶꦁꦏꦼꦤꦚꦼꦝꦏ꧀ꦏꦶꦲꦏꦸꦏꦼꦗꦧꦩꦸꦁꦏꦺꦴꦮꦺꦝꦺꦮꦺ;ꦭꦶꦪꦤꦺꦲꦺꦴꦫꦏꦼꦤꦕꦼꦝꦏ꧀ꦕꦼꦝꦏ꧀꧈​ꦩꦭꦃꦥꦫꦲꦸꦩꦠ꧀ꦲꦺꦴꦫꦏꦼꦤꦩꦸꦁꦒꦃꦲꦶꦁꦒꦸꦤꦸꦁ꧉"​

^24:3 ꧊ꦩꦸꦱꦧꦚ꧀ꦗꦸꦂꦭꦸꦔꦱꦂꦠꦔꦤ꧀ꦝꦂꦫꦏꦺꦩꦫꦁꦧꦁꦱꦤꦺꦱꦏꦺꦃꦲꦶꦁꦝꦮꦸꦃꦱꦂꦠꦥꦽꦤꦠꦤ꧀ꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃ꧉​ꦥꦫꦲꦸꦩꦠ꧀ꦥꦝꦩꦁꦱꦸꦭ꧀ꦭꦶꦧꦼꦧꦉꦁꦔꦤ꧀꧈​"ꦏꦸꦭꦧꦝꦺꦔꦺꦱ꧀ꦠꦺꦴꦏ꧀ꦏꦏꦼꦤ꧀ꦱꦼꦢꦪꦥꦔꦤ꧀ꦢꦶꦏꦤꦶꦥꦸꦤ꧀ꦄꦭ꧀ꦭꦃ꧉"​

^24:4 ꧊ꦩꦸꦱꦧꦚ꧀ꦗꦸꦂꦤꦸꦭꦶꦱ꧀ꦝꦮꦸꦃꦲꦺꦄꦭ꧀ꦭꦃꦩꦲꦸꦏꦧꦺꦃ꧉​ꦲꦺꦱꦸꦏ꧀ꦏꦺ꧈​ꦲꦶꦱꦶꦃꦲꦸꦩꦸꦤ꧀ꦲꦸꦩꦸꦤ꧀꧈​꧊ꦩꦸꦱꦒꦮꦺꦩꦼꦱ꧀ꦧꦺꦃꦔꦁꦒꦺꦴꦮꦠꦸꦫꦺꦴꦭꦱ꧀ꦢꦶꦢꦼꦒꦏꦺꦲꦶꦁꦱꦶꦏꦶꦭ꧀ꦭꦶꦁꦒꦸꦤꦸꦁꦩꦲꦸ;ꦱꦧꦼꦤ꧀ꦮꦠꦸꦩꦶꦤꦁꦏꦮꦏꦶꦭ꧀ꦭꦶꦁꦠꦊꦂ꧊ꦆꦱꦿꦲꦺꦭ꧀ꦱꦶꦁꦕꦕꦃꦲꦺꦫꦺꦴꦭꦱ꧀꧉​

^24:5 ꧊ꦩꦸꦱꦧꦚ꧀ꦗꦸꦂꦲꦸꦠꦸꦱ꧀ꦱꦤ꧀ꦤꦺꦴꦤꦺꦴꦩ꧀ꦩꦤ꧀ꦱꦮꦼꦠꦫ꧈​ꦱꦸꦥꦪꦱꦲꦺꦴꦱ꧀ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦩꦫꦁꦄꦭ꧀ꦭꦃꦱꦂꦠꦚꦼꦩ꧀ꦧꦼꦭꦺꦃꦱꦥꦶꦱꦮꦼꦠꦫꦏꦁꦒꦺꦴꦏꦸꦂꦧꦤ꧀ꦱ꧀ꦭꦩꦼꦠ꧀ꦠꦤ꧀꧉​

^24:6 ꧊ꦩꦸꦱꦩꦸꦤ꧀ꦝꦸꦠ꧀ꦒꦼꦠꦶꦃꦲꦶꦁꦏꦺꦮꦤ꧀ꦩꦲꦸ꧈​ꦱꦶꦁꦱꦼꦥꦫꦺꦴꦢꦶꦲꦶꦱꦺꦏ꧀ꦏꦏꦺꦲꦶꦁꦩꦁꦏꦺꦴꦏ꧀ꦩꦁꦏꦺꦴꦏ꧀;ꦢꦺꦤꦺꦱꦼꦥꦫꦺꦴꦤꦺꦢꦶꦏꦼꦥꦾꦸꦂꦫꦏꦺꦲꦶꦁꦱꦤ꧀ꦝꦸꦮꦸꦂꦫꦶꦁꦩꦼꦱ꧀ꦧꦺꦃ꧉​

^24:7 ꧊ꦩꦸꦱꦧꦚ꧀ꦗꦸꦂꦩꦸꦤ꧀ꦝꦸꦠ꧀ꦏꦶꦠꦧ꧀ꦥꦽꦗꦚ꧀ꦗꦶꦪꦤ꧀ꦱꦶꦁꦲꦶꦱꦶꦝꦮꦸꦃꦝꦮꦸꦃꦲꦺꦒꦸꦱ꧀ꦠꦶꦄꦭ꧀ꦭꦃ꧈​ꦧꦚ꧀ꦗꦸꦂꦢꦶꦮꦲꦺꦴꦱ꧀ꦏꦤ꧀ꦛꦶꦱꦺꦴꦫꦲꦶꦁꦔꦉꦥ꧀ꦥꦶꦁꦧꦁꦱꦩꦲꦸ꧉​ꦲꦠꦸꦂꦫꦺꦮꦺꦴꦁꦮꦺꦴꦁꦩꦲꦸ꧈​"ꦏꦸꦭꦧꦝꦺꦔꦺꦱ꧀ꦠꦺꦴꦏ꧀ꦏꦏꦼꦤ꧀ꦱꦲꦤꦶꦤ꧀ꦢꦏ꧀ꦏꦏꦼꦤ꧀ꦝꦮꦸꦃꦲꦶꦁꦄꦭ꧀ꦭꦃꦱꦼꦢꦪ꧉"​

^24:8 ꧊ꦩꦸꦱꦧꦚ꧀ꦗꦸꦂꦩꦸꦤ꧀ꦝꦸꦠ꧀ꦒꦼꦠꦶꦃꦲꦶꦁꦩꦁꦏꦺꦴꦏ꧀ꦩꦁꦏꦺꦴꦏ꧀ꦩꦲꦸ꧈​ꦤꦸꦭꦶꦢꦶꦏꦼꦥꦾꦸꦂꦫꦏꦺꦩꦫꦁꦥꦫꦲꦸꦩꦠ꧀꧉​ꦠꦼꦩ꧀ꦧꦸꦁꦔꦺ꧈​"ꦒꦼꦠꦶꦃꦲꦶꦏꦶꦩꦶꦤꦁꦏꦲꦼꦕꦥ꧀ꦥꦶꦁꦥꦽꦗꦚ꧀ꦗꦶꦪꦤ꧀ꦲꦤ꧀ꦠꦫꦤꦺꦄꦭ꧀ꦭꦃꦏꦫꦺꦴꦏꦺꦴꦮꦺꦏꦧꦺꦃ꧈​ꦲꦝꦼꦝꦱꦂꦝꦮꦸꦃꦝꦮꦸꦃꦱꦶꦁꦮꦶꦱ꧀ꦢꦶꦔꦤ꧀ꦢꦶꦏꦏ꧀ꦏꦏꦺꦩꦲꦸ꧉"​

^24:9 ꧊ꦩꦸꦱ꧈​ꦲꦫꦸꦤ꧀꧈​꧊ꦤꦢꦧ꧀꧈​꧊ꦄꦧꦶꦲꦸꦭꦤ꧀ꦥꦫꦠꦸꦮꦠꦸꦮꦤꦺ꧊ꦆꦱꦿꦲꦺꦭ꧀ꦥꦶꦠꦸꦁꦥꦸꦭꦸꦃꦧꦚ꧀ꦗꦸꦂꦥꦝꦩꦸꦁꦒꦃꦲꦶꦁꦒꦸꦤꦸꦁ꧈​

^24:10 ꦱꦂꦠꦥꦝꦤ꧀ꦢꦼꦊꦁꦲꦭ꧀ꦭꦃꦲꦺ꧊ꦆꦱꦿꦲꦺꦭ꧀꧉​ꦲꦚ꧀ꦕꦶꦏ꧀ꦲꦚ꧀ꦕꦶꦏ꧀ꦏꦶꦁꦱꦩ꧀ꦥꦺꦪꦤ꧀ꦤꦺꦩꦺꦩ꧀ꦥꦼꦂꦗꦿꦩ꧀ꦧꦃꦱꦼꦱꦺꦴꦠꦾꦲꦢꦶꦏꦁꦩꦼꦚ꧀ꦕꦺꦴꦫꦺꦴꦁꦧꦶꦫꦸꦏꦪꦭꦔꦶꦠ꧀꧉​

^24:11 ꦄꦭ꧀ꦭꦃꦲꦺꦴꦫꦤꦸꦩ꧀ꦥꦼꦱ꧀ꦥꦫꦠꦸꦮꦠꦸꦮꦤꦺ꧊ꦆꦱꦿꦲꦺꦭ꧀ꦩꦲꦸꦱꦼꦤꦗꦤ꧀ꦮꦶꦱ꧀ꦥꦝꦤ꧀ꦢꦼꦊꦁꦥꦚ꧀ꦗꦼꦤꦼꦁꦔꦤ꧀ꦤꦺ꧉​ꦮꦺꦴꦁꦮꦺꦴꦁꦧꦚ꧀ꦗꦸꦂꦥꦝꦩꦁꦔꦤ꧀ꦭꦤ꧀ꦔꦺꦴꦩ꧀ꦧꦺꦧꦼꦧꦉꦁꦔꦤ꧀꧉​

^24:12 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦱꦺꦴꦮꦤ꧀ꦤꦩꦫꦁꦔꦂꦱꦏꦸꦲꦶꦁꦥꦸꦕꦏ꧀ꦏꦶꦁꦒꦸꦤꦸꦁꦲꦶꦏꦶ꧉​ꦲꦏꦸꦧꦏꦭ꧀ꦩꦫꦶꦁꦔꦏꦺꦥꦥꦤ꧀ꦮꦠꦸꦭꦺꦴꦫꦺꦴꦏꦁꦮꦶꦱ꧀ꦢꦏ꧀ꦱꦼꦫꦠ꧀ꦠꦶꦱꦏꦺꦃꦲꦶꦁꦲꦁꦒꦼꦂꦲꦁꦒꦼꦂ꧈​ꦱꦸꦥꦪꦏꦺꦴꦏ꧀ꦮꦸꦭꦁꦤꦩꦫꦁꦧꦁꦱꦏꦸꦮꦶ꧉"​

^24:13 ꧊ꦩꦸꦱꦭꦤ꧀꧊ꦪꦺꦴꦱꦸꦮꦥꦼꦩ꧀ꦧꦤ꧀ꦠꦸꦤꦺꦥꦝꦠꦠꦠꦠ꧈​ꦤꦸꦭꦶꦩꦸꦁꦒꦃꦲꦶꦁꦒꦸꦤꦸꦁꦱꦸꦕꦶ꧉​

^24:14 ꦥꦔꦤ꧀ꦢꦶꦏꦤꦺ꧊ꦩꦸꦱꦩꦫꦁꦠꦸꦮꦠꦸꦮꦤꦺ꧊ꦆꦱꦿꦲꦺꦭ꧀꧈​"ꦔꦼꦤ꧀ꦠꦺꦤ꧀ꦤꦤꦲꦶꦁꦏꦺꦤꦺꦔꦤ꧀ꦠꦶꦲꦏꦸꦧꦭꦶ꧉​ꦲꦫꦸꦤ꧀ꦭꦤ꧀꧊ꦲꦸꦂꦲꦸꦒꦏꦺꦫꦶꦏꦫꦺꦴꦏꦺꦴꦮꦺꦲꦤꦲꦶꦁꦏꦺꦤꦺ꧉​ꦱꦶꦁꦱꦥꦢꦸꦮꦺꦥꦽꦏꦫ꧈​ꦱꦺꦴꦮꦤ꧀ꦤꦩꦫꦁꦮꦺꦴꦁꦭꦺꦴꦫꦺꦴꦏꦸꦮꦶꦱꦸꦥꦪꦲꦺꦴꦭꦺꦃꦏꦫꦩ꧀ꦥꦸꦁꦔꦤ꧀꧉"​

^24:15 ꧊ꦩꦸꦱꦧꦚ꧀ꦗꦸꦂꦩꦶꦁꦒꦃꦲꦶꦁꦒꦸꦤꦸꦁ꧊ꦱꦶꦤꦲꦶ꧈​ꦤꦸꦭꦶꦲꦤꦩꦺꦒꦤꦸꦠꦸꦥ꧀ꦥꦶꦒꦸꦤꦸꦁꦩꦲꦸ꧉​

^24:16 (24:16-17)ꦲꦤꦕꦲꦾꦒꦼꦝꦺꦱꦸꦩꦺꦴꦫꦺꦴꦠ꧀ꦩ꧀ꦧ꧀ꦭꦼꦉꦁꦔꦶꦩꦽꦠꦤ꧀ꦝꦤꦶꦪꦺꦤ꧀ꦒꦸꦱ꧀ꦠꦶꦄꦭ꧀ꦭꦃꦠꦼꦝꦏ꧀ꦲꦶꦁꦒꦸꦤꦸꦁ꧉​ꦠꦸꦩꦿꦥ꧀ꦥꦶꦁꦮꦺꦴꦁ꧊ꦆꦱꦿꦲꦺꦭ꧀ꦕꦲꦾꦩꦲꦸꦏꦪꦲꦸꦫꦸꦧ꧀ꦧꦶꦁꦒꦼꦤꦶꦲꦤꦲꦶꦁꦥꦸꦕꦏ꧀ꦒꦸꦤꦸꦁ꧉​ꦱꦗꦿꦺꦴꦤꦶꦁꦤꦼꦩ꧀ꦢꦶꦤꦒꦸꦤꦸꦁꦩꦲꦸꦏꦠꦸꦠꦸꦥ꧀ꦥꦤ꧀ꦲꦶꦁꦩꦺꦒ꧉​ꦲꦶꦁꦢꦶꦤꦏꦥꦶꦠꦸꦤꦺꦒꦸꦱ꧀ꦠꦶꦄꦭ꧀ꦭꦃꦤꦶꦩ꧀ꦧꦭ꧀ꦭꦶ꧊ꦩꦸꦱꦱꦏꦲꦶꦁꦩꦺꦒꦩꦲꦸ꧉​

^24:17 (24:16)

^24:18 ꧊ꦩꦸꦱꦧꦚ꧀ꦗꦸꦂꦩꦶꦁꦒꦃꦩ꧀ꦭꦼꦧꦸꦲꦶꦁꦱꦗꦿꦺꦴꦤꦶꦁꦩꦺꦒ꧉​ꦲꦼꦁꦒꦺꦴꦤꦺꦲꦤꦲꦶꦁꦝꦸꦮꦸꦂꦒꦸꦤꦸꦁꦩꦲꦸꦭꦮꦱ꧀ꦱꦺꦥꦠꦁꦥꦸꦭꦸꦃꦢꦶꦤꦥꦠꦁꦥꦸꦭꦸꦃꦧꦼꦔꦶ꧉​