Alkitab/Pangentasan/1

^1:1 ꦥꦫꦥꦸꦠꦿꦤꦺ꧊ꦪꦏꦸꦧ꧀ꦱꦶꦁꦥꦝꦩꦺꦭꦸꦧꦸꦝꦭ꧀ꦩꦼꦚꦁꦠꦤꦃ꧊ꦩꦺꦱꦶꦂ꧈​ꦧꦼꦧꦉꦁꦔꦤ꧀ꦏꦫꦺꦴꦥꦫꦧꦿꦪꦠ꧀ꦠꦺꦪꦲꦶꦏꦸ:

^1:2 ꧊ꦫꦸꦧꦺꦤ꧀꧈​꧊ꦱꦶꦩꦺꦪꦺꦴꦤ꧀꧈​꧊ꦭꦺꦮꦶ꧈​꧊ꦪꦺꦲꦸꦢ꧈​

^1:3 ꧊ꦆꦱꦏꦂ꧈​꧊ꦗ꦳ꦺꦧꦸꦭꦺꦴꦤ꧀꧈​꧊ꦧꦺꦚꦩꦶꦤ꧀꧈​

^1:4 ꧊ꦝꦤ꧀꧈​꧊ꦤꦥ꦳꧀ꦠꦭꦶ꧈​꧊ꦒꦢ꧀꧈​꧊ꦄꦱꦾꦺꦂ꧉​

^1:5 ꦠꦸꦫꦸꦤ꧀ꦤꦺ꧊ꦪꦏꦸꦧ꧀ꦩꦲꦸꦏꦧꦺꦃꦲꦤꦥꦶꦠꦸꦁꦥꦸꦭꦸꦃ꧈​ꦢꦺꦤꦺꦥꦸꦠꦿꦤꦺꦭꦤꦁꦱꦶꦁꦗꦼꦤꦼꦁ꧊ꦪꦸꦱꦸꦥ꦳꧀ꦮꦶꦱ꧀ꦤ꧀ꦝꦶꦱꦶꦏ꧀ꦏꦶꦲꦤꦲꦶꦁ꧊ꦩꦺꦱꦶꦂ꧉​

^1:6 ꧊ꦪꦸꦱꦸꦥ꦳꧀ꦝꦺꦮꦺꦭꦤ꧀ꦱꦼꦢꦸꦭꦸꦂꦱꦼꦢꦸꦭꦸꦂꦫꦺ꧈​ꦱꦂꦠꦱꦧꦫꦏ꧀ꦏꦤ꧀ꦤꦺꦮꦶꦱ꧀ꦥꦝꦩꦠꦶꦏꦧꦺꦃ꧈​

^1:7 ꦤꦁꦔꦶꦁꦠꦸꦫꦸꦤ꧀ꦤꦺ꧈​ꦪꦏꦸꦮꦶꦮꦺꦴꦁꦮꦺꦴꦁ꧊ꦆꦱꦿꦲꦺꦭ꧀꧈​ꦥꦝꦧꦼꦧꦿꦤꦃꦲꦤ꧀ꦢꦢꦶꦲꦏꦺꦃꦧꦔꦼꦠ꧀꧈​ꦔꦤ꧀ꦠꦶꦔꦼꦧꦏ꧀ꦏꦶꦠꦤꦃ꧊ꦩꦺꦱꦶꦂ꧉​

^1:8 ꦩꦸꦭꦧꦉꦁꦲꦤꦫꦗꦲꦚꦂꦱꦶꦁꦲꦺꦴꦫꦥꦶꦂꦱꦧꦧ꧀ꦱꦼꦗꦫꦃꦲꦺ꧊ꦪꦸꦱꦸꦥ꦳꧀ꦮꦶꦮꦶꦠ꧀ꦚꦼꦏꦼꦭ꧀ꦥꦼꦥꦿꦺꦤ꧀ꦠꦃꦲꦤ꧀ꦲꦶꦁ꧊ꦩꦺꦱꦶꦂ꧉​

^1:9 ꦫꦗꦩꦲꦸꦔꦤ꧀ꦢꦶꦏꦩꦫꦁꦫꦏꦾꦠ꧀ꦠꦺ꧈​"ꦧꦁꦱ꧊ꦆꦱꦿꦲꦺꦭ꧀ꦏꦸꦮꦶꦠꦸꦩꦿꦥ꧀ꦏꦶꦠꦩ꧀ꦧꦼꦧꦪꦤꦶ꧈​ꦱꦼꦧꦧ꧀ꦕꦕꦃꦲꦺꦲꦏꦺꦃꦧꦔꦼꦠ꧀ꦠꦸꦂꦮꦺꦴꦁꦔꦺꦫꦺꦴꦱꦫꦺꦴꦱ꧉​

^1:10 ꦱꦩꦱꦲꦤꦥꦼꦫꦁ꧈​ꦮꦺꦴꦁꦮꦺꦴꦁꦏꦸꦮꦶꦧꦶꦱꦲꦸꦒꦩꦺꦭꦸꦩꦸꦁꦱꦸꦃꦔ꧀ꦭꦮꦤ꧀ꦏꦶꦠ꧈​ꦧꦚ꧀ꦗꦸꦂꦭꦸꦔꦱꦏꦤꦼꦒꦫꦏꦺꦤꦺ꧉​ꦏꦶꦠꦏꦸꦢꦸꦒꦺꦴꦭꦺꦏ꧀ꦫꦺꦏꦧꦶꦱꦤꦺꦮꦺꦴꦁꦮꦺꦴꦁꦏꦸꦮꦶꦲꦺꦴꦫꦱꦁꦱꦪꦠꦩ꧀ꦧꦃꦲꦏꦺꦃ꧉"​

^1:11 ꦏꦁꦒꦺꦴꦤꦶꦤ꧀ꦝꦼꦱ꧀ꦧꦁꦱ꧊ꦆꦱꦿꦲꦺꦭ꧀꧈​ꦮꦺꦴꦁ꧊ꦩꦺꦱꦶꦂꦧꦚ꧀ꦗꦸꦂꦔꦁꦏꦠ꧀ꦮꦺꦴꦁꦮꦺꦴꦁꦏꦼꦉꦁꦏꦢꦢꦺꦏ꧀ꦏꦏꦺꦩꦤ꧀ꦝꦺꦴꦂꦔ꧀ꦭꦸꦫꦃꦲꦶꦮꦺꦴꦁ꧊ꦆꦱꦿꦲꦺꦭ꧀꧉​ꦧꦁꦱ꧊ꦆꦱꦿꦲꦺꦭ꧀ꦢꦶꦥꦼꦏ꧀ꦱꦩ꧀ꦧꦔꦸꦤ꧀ꦏꦸꦛ꧊ꦥꦶꦠꦺꦴꦩ꧀ꦭꦤ꧀꧊ꦫꦲꦩ꧀ꦱꦺꦱ꧀꧈​ꦩꦶꦤꦁꦏꦒꦸꦝꦁꦏꦁꦒꦺꦴꦚꦶꦩ꧀ꦥꦼꦤ꧀ꦧꦤ꧀ꦝꦤꦺꦱꦁꦥꦿꦶꦔꦺꦴꦤ꧀꧉​

^1:12 ꦤꦁꦔꦶꦁꦱꦼꦤꦗꦤ꧀ꦮꦺꦴꦁ꧊ꦆꦱꦿꦲꦺꦭ꧀ꦢꦶꦠꦶꦤ꧀ꦝꦼꦱ꧀꧈​ꦕꦕꦃꦲꦺꦩꦭꦃꦱꦪꦠꦩ꧀ꦧꦃꦲꦏꦺꦃꦭꦤ꧀ꦱꦸꦩꦼꦧꦂꦱꦤꦼꦒꦫꦏꦧꦺꦃ;ꦩꦸꦭꦮꦺꦴꦁ꧊ꦩꦺꦱꦶꦂꦢꦢꦶꦱꦪꦮꦼꦢꦶꦧꦔꦼꦠ꧀꧉​

^1:13 ꦮꦺꦴꦁ꧊ꦆꦱꦿꦲꦺꦭ꧀ꦧꦚ꧀ꦗꦸꦂꦢꦶꦠꦶꦤ꧀ꦝꦼꦱ꧀ꦠꦤ꧀ꦥꦮꦼꦭꦱ꧀꧈​

^1:14 ꦔꦤ꧀ꦠꦶꦲꦸꦫꦶꦥ꧀ꦥꦺꦱꦁꦱꦫꦧꦔꦼꦠ꧀꧉​ꦮꦺꦴꦁꦮꦺꦴꦁꦩꦲꦸꦥꦝꦢꦶꦥꦼꦏ꧀ꦱꦒꦮꦺꦧꦠꦏꦁꦒꦺꦴꦪꦱꦧꦔꦸꦤꦤ꧀ꦧꦔꦸꦤꦤ꧀ꦱꦂꦠꦢꦶꦏꦺꦴꦤ꧀ꦔ꧀ꦒꦫꦥ꧀ꦥꦊꦩꦃꦲꦤ꧀ꦤꦺꦮꦺꦴꦁ꧊ꦩꦺꦱꦶꦂ꧉​

^1:15 ꦱꦁꦥꦿꦶꦔꦺꦴꦤ꧀ꦝꦮꦸꦃꦩꦫꦁꦥꦫꦝꦸꦏꦸꦤ꧀ꦧꦪꦶꦱꦶꦁꦥꦝꦠꦸꦭꦸꦁꦩꦫꦁꦥꦫꦮꦺꦴꦁꦮꦢꦺꦴꦤ꧀꧊ꦆꦧꦿꦤꦶ꧈​ꦪꦲꦶꦏꦸꦝꦸꦏꦸꦤ꧀꧊ꦱꦶꦥ꦳ꦿꦃꦭꦤ꧀ꦝꦸꦏꦸꦤ꧀꧊ꦥꦸꦮꦃ꧉​

^1:16 ꦩꦼꦁꦏꦺꦤꦺ꧈​"ꦪꦺꦤ꧀ꦏꦺꦴꦮꦺꦥꦝꦠꦸꦭꦸꦁꦮꦺꦴꦁ꧊ꦆꦧꦿꦤꦶꦱꦼꦠꦶꦠꦺꦏ꧀ꦤ!ꦪꦺꦤ꧀ꦭꦲꦶꦂꦭꦤꦁꦥꦠꦺꦤ꧀ꦤꦤ꧈​ꦢꦺꦤꦺꦪꦺꦤ꧀ꦮꦢꦺꦴꦤ꧀ꦲꦗꦏꦺꦴꦏ꧀ꦥꦠꦺꦤ꧀ꦤꦶ!"

^1:17 ꦤꦁꦔꦶꦁꦝꦸꦏꦸꦤ꧀ꦝꦸꦏꦸꦤ꧀ꦧꦪꦶꦩꦲꦸꦥꦝꦮꦼꦢꦶꦩꦫꦁꦄꦭ꧀ꦭꦃꦭꦤ꧀ꦲꦺꦴꦫꦔ꧀ꦭꦏꦺꦴꦤ꧀ꦤꦶꦝꦮꦸꦃꦲꦺꦱꦁꦥꦿꦶꦔꦺꦴꦤ꧀꧉​ꦧꦪꦶꦧꦪꦶꦭꦤꦁꦲꦺꦴꦫꦥꦝꦢꦶꦥꦠꦺꦤ꧀ꦤꦶ꧉​

^1:18 ꦱꦁꦥꦿꦶꦔꦺꦴꦤ꧀ꦧꦚ꧀ꦗꦸꦂꦤꦶꦩ꧀ꦧꦭ꧀ꦭꦶꦝꦸꦏꦸꦤ꧀ꦝꦸꦏꦸꦤ꧀ꦧꦪꦶꦩꦲꦸꦱꦂꦠꦤ꧀ꦢꦔꦸ꧈​"ꦲꦥꦱꦼꦧꦧ꧀ꦧꦺꦧꦪꦶꦧꦪꦶꦭꦤꦁꦲꦺꦴꦫꦏꦺꦴꦏ꧀ꦥꦠꦺꦤ꧀ꦤꦶ?"

^1:19 ꦮꦁꦱꦸꦭ꧀ꦭꦤ꧀ꦤꦺ꧈​"ꦠꦶꦪꦁꦲꦺꦱ꧀ꦠꦿꦶ꧊ꦆꦧꦿꦤꦶꦩꦼꦤꦶꦏꦩ꧀ꦧꦺꦴꦠꦼꦤ꧀ꦏꦢꦺꦴꦱ꧀ꦠꦶꦪꦁꦲꦺꦱ꧀ꦠꦿꦶ꧊ꦩꦺꦱꦶꦂ꧉​ꦠꦶꦪꦁꦠꦶꦪꦁꦔꦶꦥꦸꦤ꧀ꦒꦩ꧀ꦥꦶꦭ꧀ꦱꦔꦼꦠ꧀ꦔ꧀ꦭꦲꦶꦂꦫꦏꦼꦤ꧀꧉​ꦱꦢꦺꦫꦺꦁꦔꦶꦥꦸꦤ꧀ꦝꦸꦏꦸꦤ꧀ꦧꦪꦶꦝꦠꦼꦁ꧈​ꦧꦪꦶꦤꦶꦥꦸꦤ꧀ꦱꦩ꧀ꦥꦸꦤ꧀ꦭꦲꦶꦂ꧉"​

^1:20 (1:20-21)ꦩꦼꦂꦒꦱꦏꦏꦸꦮꦶꦄꦭ꧀ꦭꦃꦩ꧀ꦧꦼꦂꦏꦃꦲꦶꦩꦫꦁꦝꦸꦏꦸꦤ꧀ꦝꦸꦏꦸꦤ꧀ꦧꦪꦶꦩꦲꦸꦱꦂꦠꦩꦫꦶꦁꦔꦶꦠꦸꦫꦸꦤ꧀ꦲꦏꦺꦃꦧꦔꦼꦠ꧀꧈​ꦱꦼꦧꦧ꧀ꦮꦺꦴꦁꦮꦺꦴꦁꦩꦲꦸꦥꦝꦮꦼꦢꦶꦩꦫꦁꦄꦭ꧀ꦭꦃ꧉​ꦧꦁꦱ꧊ꦆꦱꦿꦲꦺꦭ꧀ꦱꦪꦠꦩ꧀ꦧꦃꦲꦏꦺꦃꦭꦤ꧀ꦱꦪꦱꦼꦤ꧀ꦠꦺꦴꦱ꧉​

^1:21 (1:20)

^1:22 ꦱꦁꦥꦿꦶꦔꦺꦴꦤ꧀ꦧꦚ꧀ꦗꦸꦂꦝꦮꦸꦃꦩꦫꦁꦫꦏꦾꦠ꧀ꦠꦺꦏꦧꦺꦃ꧈​"ꦱꦧꦼꦤ꧀ꦲꦤꦧꦪꦶꦤꦺꦮꦺꦴꦁ꧊ꦆꦧꦿꦤꦶꦭꦲꦶꦂꦭꦤꦁꦏꦸꦢꦸꦢꦶꦧꦸꦮꦁꦲꦶꦁꦧꦼꦔꦮꦤ꧀꧊ꦤꦶꦭ꧀꧈​ꦤꦁꦔꦶꦁꦱꦶꦁꦭꦲꦶꦂꦮꦢꦺꦴꦤ꧀ꦲꦗꦏꦺꦴꦏ꧀ꦥꦠꦺꦤ꧀ꦤꦶ!"