Alkitab/Pangentasan/21

Saka Wikisumber

21:1 ꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦫꦁ꧊ꦩꦸꦱ꧈​"ꦒꦮꦺꦪꦥꦽꦤꦠꦤ꧀ꦏꦁꦒꦺꦴꦮꦺꦴꦁ꧊ꦆꦱꦿꦲꦺꦭ꧀ꦩꦼꦁꦏꦺꦤꦺ꧈​
21:2 ‘ꦪꦺꦤ꧀ꦏꦺꦴꦮꦺꦠꦸꦏꦸꦧꦠꦸꦂꦠꦸꦏꦺꦴꦤ꧀ꦮꦺꦴꦁ꧊ꦆꦱꦿꦲꦺꦭ꧀꧈​ꦮꦺꦴꦁꦩꦲꦸꦏꦸꦢꦸꦢꦢꦶꦧꦠꦸꦂꦠꦸꦏꦺꦴꦤ꧀ꦱꦗꦿꦺꦴꦤꦺꦤꦼꦩ꧀ꦠꦲꦸꦤ꧀꧉​ꦲꦶꦁꦠꦲꦸꦤ꧀ꦏꦥꦶꦠꦸꦏꦸꦢꦸꦢꦶꦭꦸꦮꦂꦫꦶꦠꦤ꧀ꦥꦩ꧀ꦧꦪꦂꦠꦼꦧꦸꦱ꧀ꦱꦤ꧀ꦲꦥꦲꦥ꧉​
21:3 ꦪꦺꦤ꧀ꦲꦼꦁꦒꦺꦴꦤꦺꦢꦢꦶꦧꦠꦸꦂꦲꦶꦱꦶꦃꦗꦏ꧈​ꦮꦺꦴꦁꦩꦲꦸꦤꦭꦶꦏꦢꦶꦭꦸꦮꦂꦫꦶꦲꦺꦴꦫꦏꦼꦤꦔ꧀ꦒꦮꦧꦺꦴꦗꦺꦴ꧉​ꦤꦁꦔꦶꦁꦪꦺꦤ꧀ꦲꦼꦁꦒꦺꦴꦤꦺꦢꦢꦶꦧꦠꦸꦂꦩꦸꦮꦶꦱ꧀ꦲꦺꦴꦩꦃꦲꦺꦴꦩꦃꦏꦼꦤꦔ꧀ꦒꦮꦧꦺꦴꦗꦺꦴꦤꦺ꧉​
21:4 ꦪꦺꦤ꧀ꦧꦼꦤ꧀ꦢꦫꦤꦺꦩꦺꦤꦺꦃꦲꦏꦺꦮꦺꦴꦁꦮꦢꦺꦴꦤ꧀ꦱꦸꦥꦪꦢꦢꦶꦧꦺꦴꦗꦺꦴꦤꦺ꧈​ꦩꦁꦏꦧꦚ꧀ꦗꦸꦂꦢꦸꦮꦺꦲꦤꦏ꧀꧈​ꦧꦺꦴꦗꦺꦴꦭꦤ꧀ꦲꦤꦏ꧀ꦏꦺꦢꦢꦶꦢꦸꦮꦺꦏ꧀ꦏꦺꦧꦼꦤ꧀ꦢꦫꦤꦺ;ꦧꦠꦸꦂꦩꦲꦸꦤꦭꦶꦏꦢꦶꦭꦸꦮꦂꦫꦶꦏꦸꦢꦸꦩꦸꦁꦭꦸꦔꦝꦺꦮꦺ꧉​
21:5 ꦤꦁꦔꦶꦁꦪꦺꦤ꧀ꦧꦠꦸꦂꦩꦲꦸꦠꦽꦱ꧀ꦤꦩꦫꦁꦧꦼꦤ꧀ꦢꦫ꧈​ꦧꦺꦴꦗꦺꦴꦭꦤ꧀ꦲꦤꦏ꧀ꦏꦺ꧈​ꦱꦂꦠꦲꦺꦴꦫꦒꦼꦊꦩ꧀ꦢꦶꦭꦸꦮꦂꦫꦶ꧈​
21:6 ꦧꦼꦤ꧀ꦢꦫꦤꦺꦏꦸꦢꦸꦔꦼꦗꦏ꧀ꦮꦺꦴꦁꦩꦲꦸꦩꦼꦚꦁꦥꦁꦒꦺꦴꦤ꧀ꦤꦤ꧀ꦱꦶꦁꦏꦁꦒꦺꦴꦔꦶꦧꦢꦃ꧉​ꦲꦶꦁꦏꦺꦴꦤꦺꦴꦧꦠꦸꦂꦩꦲꦸꦏꦺꦴꦤ꧀ꦤꦼꦤ꧀ꦔꦢꦼꦒ꧀ꦭꦺꦤ꧀ꦝꦺꦃꦲꦤ꧀ꦭꦮꦁꦲꦸꦠꦮꦕꦒꦏ꧀ꦏꦺꦭꦮꦁ;ꦢꦺꦤꦺꦧꦼꦤ꧀ꦢꦫꦤꦺꦏꦸꦢꦸꦚꦺꦴꦧ꧀ꦭꦺꦴꦱ꧀ꦏꦸꦥꦶꦁꦔꦺꦧꦠꦸꦂꦩꦲꦸ;ꦭꦤ꧀ꦮꦺꦴꦁꦩꦲꦸꦧꦏꦭ꧀ꦢꦢꦶꦧꦠꦸꦂꦫꦺꦱꦗꦼꦒꦲꦸꦫꦶꦥ꧀꧉​
21:7 ꦪꦺꦤ꧀ꦲꦤꦮꦺꦴꦁꦮꦢꦺꦴꦤ꧀꧊ꦆꦧꦿꦤꦶꦢꦢꦶꦧꦠꦸꦂ꧈​ꦮꦺꦴꦁꦩꦲꦸꦲꦺꦴꦫꦏꦼꦤꦢꦶꦭꦸꦮꦂꦫꦶꦏꦪꦕꦫꦤꦺꦔ꧀ꦭꦸꦮꦂꦫꦶꦧꦠꦸꦂꦭꦤꦁ꧉​
21:8 ꦪꦺꦤ꧀ꦮꦺꦴꦁꦮꦢꦺꦴꦤ꧀ꦩꦲꦸꦢꦶꦢꦺꦴꦭ꧀ꦩꦫꦁꦮꦺꦴꦁꦭꦤꦁꦱꦶꦁꦤ꧀ꦢꦸꦮꦺꦤ꧀ꦤꦶꦤꦶꦪꦠ꧀ꦲꦉꦥ꧀ꦔꦼꦥꦺꦏ꧀ꦧꦺꦴꦗꦺꦴ꧈​ꦩꦁꦏꦧꦚ꧀ꦗꦸꦂꦲꦺꦴꦫꦱꦼꦤꦼꦁ꧈​ꦮꦺꦴꦁꦮꦢꦺꦴꦤ꧀ꦩꦲꦸꦏꦸꦢꦸꦢꦶꦢꦺꦴꦭ꧀ꦩꦫꦁꦧꦥꦏ꧀ꦤꦺꦮꦺꦴꦁꦮꦢꦺꦴꦤ꧀ꦩꦲꦸ꧈​ꦲꦺꦴꦫꦏꦼꦤꦩꦫꦁꦮꦺꦴꦁꦩꦚ꧀ꦕ꧈​ꦱꦼꦧꦧ꧀ꦮꦺꦴꦁꦭꦤꦁꦩꦲꦸꦮꦶꦱ꧀ꦩ꧀ꦧ꧀ꦭꦺꦚ꧀ꦗꦤꦶꦗꦚ꧀ꦗꦶ꧉​
21:9 ꦪꦺꦤ꧀ꦲꦤꦮꦺꦴꦁꦠꦸꦏꦸꦧꦠꦸꦂꦮꦢꦺꦴꦤ꧀ꦲꦉꦥ꧀ꦢꦶꦢꦢꦺꦏ꧀ꦏꦏꦺꦩꦤ꧀ꦠꦸꦤꦺ꧈​ꦧꦠꦸꦂꦩꦲꦸꦏꦸꦢꦸꦢꦶꦲꦁꦒꦼꦥ꧀ꦏꦪꦲꦤꦏ꧀ꦏꦺꦝꦺꦮꦺ꧉​
21:10 ꦪꦺꦤ꧀ꦲꦤꦮꦺꦴꦁꦭꦤꦁꦲꦉꦥ꧀ꦫꦧꦶꦩꦼꦤꦺꦃ꧈​ꦏꦸꦢꦸꦩꦺꦤꦺꦃꦲꦶꦧꦺꦴꦗꦺꦴꦤꦺꦱꦶꦁꦏꦥꦶꦱꦤ꧀ꦱꦤ꧀ꦝꦁ꧈​ꦥꦔꦤ꧀ꦭꦤ꧀ꦮꦼꦮꦼꦤꦁꦥꦝꦏꦪꦩꦲꦸꦤꦺ꧉​
21:11 ꦪꦺꦤ꧀ꦲꦺꦴꦫꦤꦼꦠꦼꦥ꧀ꦥꦶꦏꦸꦮꦗꦶꦧ꧀ꦧꦤ꧀ꦤꦺ꧈​ꦮꦺꦴꦁꦭꦤꦁꦩꦲꦸꦏꦸꦢꦸꦔ꧀ꦭꦸꦮꦂꦫꦶꦧꦺꦴꦗꦺꦴꦤꦺꦏꦁꦏꦥꦶꦱꦤ꧀ꦠꦤ꧀ꦥꦔꦁꦒꦺꦴꦩ꧀ꦧꦪꦂꦠꦼꦧꦸꦱ꧀ꦱꦤ꧀꧉’"​
21:12 "ꦱꦶꦁꦱꦥꦩꦼꦤ꧀ꦛꦸꦁꦮꦺꦴꦁꦔꦤ꧀ꦠꦶꦤ꧀ꦢꦢꦺꦏ꧀ꦏꦏꦺꦥꦠꦶꦤꦺ꧈​ꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​
21:13 ꦤꦁꦔꦶꦁꦪꦺꦤ꧀ꦲꦺꦴꦭꦺꦃꦲꦺꦩꦼꦤ꧀ꦛꦸꦁꦩꦲꦸꦲꦺꦴꦫꦢꦶꦗꦫꦒ꧀꧈​ꦢꦢꦶꦠꦔꦤ꧀ꦤꦺꦩꦲꦸꦢꦶꦲꦒꦼꦩ꧀ꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃꦤꦶꦤ꧀ꦢꦏ꧀ꦏꦏꦺꦩꦼꦁꦏꦺꦴꦤꦺꦴ꧈​ꦮꦺꦴꦁꦩꦲꦸꦏꦼꦤꦔꦸꦁꦱꦶꦩꦼꦚꦁꦲꦶꦁꦥꦁꦒꦺꦴꦤ꧀ꦤꦤ꧀ꦱꦶꦁꦧꦏꦭ꧀ꦢꦏ꧀ꦠꦸꦢꦸꦃꦲꦏꦺ꧈​ꦱꦂꦠꦲꦤꦲꦶꦁꦏꦤꦮꦺꦴꦁꦩꦲꦸꦧꦏꦭ꧀ꦱ꧀ꦭꦩꦼꦠ꧀꧉​
21:14 ꦤꦁꦔꦶꦁꦪꦺꦤ꧀ꦲꦤꦮꦺꦴꦁꦩꦸꦤ꧀ꦠꦧ꧀ꦤꦼꦥ꧀ꦱꦸꦤꦺꦭꦤ꧀ꦚ꧀ꦗꦫꦒ꧀ꦩꦠꦺꦤ꧀ꦤꦶꦮꦺꦴꦁꦭꦶꦪ꧈​ꦮꦺꦴꦁꦱꦶꦁꦩꦠꦺꦤ꧀ꦤꦶꦩꦲꦸꦱꦼꦤꦗꦤ꧀ꦮꦶꦱ꧀ꦩ꧀ꦭꦪꦸꦩꦼꦚꦁꦩꦼꦱ꧀ꦧꦺꦃꦏꦸꦥꦽꦭꦸꦚ꧀ꦭꦩꦼꦠ꧀ꦠꦏꦺꦲꦮꦏ꧀ꦏꦺ꧈​ꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​
21:15 ꦱꦶꦁꦱꦥꦩꦼꦤ꧀ꦛꦸꦁꦧꦥꦏ꧀ꦲꦸꦠꦮꦧꦶꦪꦸꦁꦔꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​
21:16 ꦱꦶꦁꦱꦥꦚꦸꦭꦶꦏ꧀ꦮꦺꦴꦁ꧈​ꦧꦚ꧀ꦗꦸꦂꦢꦶꦢꦺꦴꦭ꧀ꦲꦸꦠꦮꦢꦶꦢꦢꦺꦏ꧀ꦏꦏꦺꦧꦠꦸꦂꦫꦺꦝꦺꦮꦺ꧈​ꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​
21:17 ꦱꦶꦁꦱꦥꦔꦶꦥꦠ꧀ꦲꦶꦥꦠꦶꦧꦥꦏ꧀ꦲꦸꦠꦮꦧꦶꦪꦸꦁꦔꦺꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​
21:18 ꦪꦺꦤ꧀ꦲꦤꦮꦺꦴꦁꦉꦒꦼꦗꦼꦒꦤ꧀ꦱꦶꦁꦱꦶꦗꦶꦩꦼꦤ꧀ꦛꦸꦁꦔꦁꦒꦺꦴꦮꦠꦸꦲꦸꦠꦮꦔꦤ꧀ꦠꦼꦩ꧀꧈​ꦤꦁꦔꦶꦁꦲꦺꦴꦫꦚ꧀ꦗꦭꦂꦫꦶꦥꦠꦶꦤꦺ꧈​ꦩꦸꦁꦏꦼꦥꦼꦏ꧀ꦱꦠꦸꦫꦺꦴꦤ꧀ꦤꦤ꧀꧈​
21:19 ꦧꦚ꧀ꦗꦸꦂꦧꦶꦱꦠꦔꦶꦭꦤ꧀ꦩ꧀ꦭꦏꦸꦠꦼꦏꦼꦤ꧀ꦤꦤ꧀꧈​ꦮꦺꦴꦁꦱꦶꦁꦩꦼꦤ꧀ꦛꦸꦁꦲꦸꦠꦮꦔꦤ꧀ꦠꦼꦩ꧀ꦲꦶꦏꦸꦏꦸꦢꦸꦔꦺꦴꦥꦺꦤ꧀ꦤꦶꦮꦺꦴꦁꦱꦶꦁꦢꦶꦲꦤ꧀ꦠꦼꦩ꧀ꦩꦲꦸꦔꦤ꧀ꦠꦶꦮꦺꦴꦁꦔꦺꦮꦫꦱ꧀;ꦏꦼꦗꦧꦲꦶꦏꦸꦏꦸꦢꦸꦩꦺꦤꦺꦃꦲꦶꦒꦤ꧀ꦠꦶꦫꦸꦒꦶꦱꦗꦿꦺꦴꦤꦺꦮꦺꦴꦁꦩꦲꦸꦔꦁꦒꦸꦂ꧉​
21:20 ꦱꦶꦁꦱꦥꦔ꧀ꦒꦼꦧꦸꦒꦧꦠꦸꦂꦫꦺꦭꦤꦁꦲꦸꦠꦮꦮꦢꦺꦴꦤ꧀꧈​ꦔꦤ꧀ꦠꦶꦧꦠꦸꦂꦩꦲꦸꦩꦠꦶꦱꦤꦭꦶꦏ꧈​ꦮꦺꦴꦁꦩꦲꦸꦏꦸꦢꦸꦢꦶꦮꦊꦱ꧀꧉​
21:21 ꦤꦁꦔꦶꦁꦪꦺꦤ꧀ꦧꦠꦸꦂꦩꦲꦸꦲꦺꦴꦫꦩꦠꦶꦱꦗꦿꦺꦴꦤꦺꦱꦼꦢꦶꦤꦲꦸꦠꦮꦫꦺꦴꦁꦢꦶꦤ꧈​ꦧꦼꦤ꧀ꦢꦫꦤꦺꦲꦺꦴꦫꦧꦏꦭ꧀ꦢꦶꦮꦊꦱ꧀꧉​ꦩꦼꦂꦒꦧꦠꦸꦂꦩꦲꦸꦢꦸꦮꦺꦏ꧀ꦏꦺꦝꦺꦮꦺ꧉​
21:22 ꦪꦺꦤ꧀ꦲꦤꦮꦺꦴꦁꦱꦮꦼꦠꦫꦥꦝꦏꦼꦉꦁꦔꦤ꧀꧈​ꦩꦁꦏꦤꦠꦺꦴꦤ꧀ꦤꦶꦮꦺꦴꦁꦱꦶꦁꦭꦒꦶꦩꦼꦠꦼꦁꦔꦤ꧀ꦠꦶꦏ꧀ꦭꦸꦫꦺꦴꦤ꧀꧈​ꦤꦁꦔꦶꦁꦲꦺꦴꦫꦤ꧀ꦢꦢꦺꦏ꧀ꦏꦏꦺꦕꦶꦭꦏꦤꦺꦮꦺꦴꦁꦮꦢꦺꦴꦤ꧀ꦩꦲꦸ꧈​ꦱꦶꦁꦩꦼꦤ꧀ꦛꦸꦁꦏꦸꦢꦸꦢꦶꦝꦼꦤ꧀ꦝꦩꦤꦸꦠ꧀ꦱꦼꦥꦶꦫꦥꦼꦚ꧀ꦗꦭꦸꦏ꧀ꦏꦺꦧꦺꦴꦗꦺꦴꦤꦺ꧈​ꦩꦶꦠꦸꦫꦸꦠ꧀ꦥꦸꦠꦸꦱ꧀ꦱꦤ꧀ꦤꦺꦲꦏꦶꦩ꧀꧉​
21:23 ꦤꦁꦔꦶꦁꦪꦺꦤ꧀ꦮꦺꦴꦁꦮꦢꦺꦴꦤ꧀ꦩꦲꦸꦔꦤ꧀ꦠꦶꦩꦠꦶ꧈​ꦲꦸꦏꦸꦩ꧀ꦩꦤ꧀ꦤꦺꦚꦮꦒꦤ꧀ꦠꦶꦤꦺꦚꦮ꧈​
21:24 ꦩꦿꦶꦥꦠ꧀ꦒꦤ꧀ꦠꦶꦤꦺꦩꦿꦶꦥꦠ꧀꧈​ꦲꦸꦤ꧀ꦠꦸꦒꦤ꧀ꦠꦶꦤꦺꦲꦸꦤ꧀ꦠꦸ꧈​ꦠꦔꦤ꧀ꦒꦤ꧀ꦠꦶꦤꦺꦠꦔꦤ꧀꧈​ꦱꦶꦏꦶꦭ꧀ꦒꦤ꧀ꦠꦶꦤꦺꦱꦶꦏꦶꦭ꧀꧈​
21:25 ꦩ꧀ꦭꦶꦕꦺꦠ꧀ꦒꦤ꧀ꦠꦶꦤꦺꦩ꧀ꦭꦶꦕꦺꦠ꧀꧈​ꦠꦠꦸꦭꦶꦫꦸꦤꦺꦠꦠꦸ꧈​ꦲꦧꦸꦃꦭꦶꦫꦸꦤꦺꦲꦧꦸꦃ꧉​
21:26 ꦱꦶꦁꦱꦥꦚꦧꦼꦠ꧀ꦩꦿꦶꦥꦠ꧀ꦠꦺꦧꦠꦸꦂꦫꦺꦭꦤꦁꦲꦸꦠꦮꦮꦢꦺꦴꦤ꧀ꦔꦤ꧀ꦠꦶꦧꦠꦸꦂꦩꦲꦸꦮꦸꦠ꧈​ꦧꦠꦸꦂꦩꦲꦸꦏꦸꦢꦸꦢꦶꦭꦸꦮꦂꦫꦶꦩꦶꦤꦁꦏꦭꦶꦫꦸꦤꦺꦩꦿꦶꦥꦠ꧀ꦠꦺ꧉​
21:27 ꦪꦺꦤ꧀ꦲꦤꦮꦺꦴꦁꦚꦧꦼꦠ꧀ꦧꦠꦸꦂꦫꦺꦔꦤ꧀ꦠꦶꦲꦸꦤ꧀ꦠꦸꦤꦺꦫꦩ꧀ꦥꦭ꧀꧈​ꦧꦠꦸꦂꦩꦲꦸꦏꦸꦢꦸꦢꦶꦭꦸꦮꦂꦫꦶꦩꦶꦤꦁꦏꦭꦶꦫꦸꦤꦺꦲꦸꦤ꧀ꦠꦸꦤꦺ꧉"​
21:28 "ꦪꦺꦤ꧀ꦲꦤꦱꦥꦶꦚꦸꦤ꧀ꦝꦁꦮꦺꦴꦁꦔꦤ꧀ꦠꦶꦩꦠꦶ꧈​ꦏꦺꦮꦤ꧀ꦩꦲꦸꦏꦸꦢꦸꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶ꧈​ꦱꦂꦠꦢꦒꦶꦁꦔꦺꦲꦺꦴꦫꦏꦼꦤꦢꦶꦥꦔꦤ꧀꧈​ꦤꦁꦔꦶꦁꦱꦶꦁꦢꦸꦮꦺꦱꦥꦶꦲꦺꦴꦫꦧꦏꦭ꧀ꦢꦶꦲꦸꦏꦸꦩ꧀꧉​
21:29 ꦤꦁꦔꦶꦁꦲꦸꦥꦩꦤꦺꦱꦥꦶꦩꦲꦸꦤ꧀ꦢꦸꦮꦺꦤ꧀ꦤꦶꦥꦏꦸꦭꦶꦤꦤ꧀ꦚꦸꦤ꧀ꦝꦁꦮꦺꦴꦁ꧈​ꦩꦁꦏꦱꦶꦁꦢꦸꦮꦺꦮꦶꦱ꧀ꦢꦶꦲꦺꦭꦶꦏ꧀ꦏꦏꦺ꧈​ꦲꦺꦮꦱꦼꦩꦺꦴꦤꦺꦴꦏꦺꦮꦤ꧀ꦩꦲꦸꦩꦼꦏ꧀ꦱꦲꦺꦴꦫꦢꦶꦏꦤ꧀ꦝꦁ꧈​ꦪꦺꦤ꧀ꦱꦥꦶꦩꦲꦸꦏꦼꦭꦏꦺꦴꦤ꧀ꦚꦸꦤ꧀ꦝꦁꦮꦺꦴꦁꦔꦤ꧀ꦠꦶꦩꦠꦶ꧈​ꦏꦺꦮꦤ꧀ꦩꦲꦸꦏꦸꦢꦸꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶ;ꦢꦺꦤꦺꦱꦶꦁꦢꦸꦮꦺꦲꦸꦒꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​
21:30 ꦩꦼꦤꦮꦱꦶꦁꦢꦸꦮꦺꦱꦥꦶꦩꦲꦸꦲꦺꦴꦭꦺꦃꦩ꧀ꦧꦪꦂꦝꦼꦤ꧀ꦝꦤ꧀ꦏꦁꦒꦺꦴꦤꦼꦧꦸꦱ꧀ꦚꦮꦤꦺ꧈​ꦮꦺꦴꦁꦩꦲꦸꦏꦸꦢꦸꦩ꧀ꦧꦪꦂꦏꦧꦺꦃꦱꦶꦁꦢꦢꦶꦏꦸꦮꦗꦶꦧ꧀ꦧꦤ꧀ꦤꦺ꧉​
21:31 ꦥꦽꦤꦠꦤ꧀ꦩꦼꦁꦏꦺꦴꦤꦺꦴꦩꦲꦸꦲꦸꦒꦏꦁꦒꦺꦴꦧꦺꦴꦕꦃꦭꦤꦁꦲꦸꦠꦮꦮꦢꦺꦴꦤ꧀ꦱꦶꦁꦢꦶꦱꦸꦤ꧀ꦝꦁꦱꦥꦶꦔꦤ꧀ꦠꦶꦩꦠꦶ꧉​
21:32 ꦪꦺꦤ꧀ꦱꦶꦁꦢꦶꦱꦸꦤ꧀ꦝꦁꦔꦤ꧀ꦠꦶꦩꦠꦶꦩꦲꦸꦧꦠꦸꦂꦭꦤꦁꦲꦸꦠꦮꦮꦢꦺꦴꦤ꧀꧈​ꦮꦺꦴꦁꦱꦶꦁꦢꦸꦮꦺꦏꦺꦮꦤ꧀ꦩꦲꦸꦏꦸꦢꦸꦩ꧀ꦧꦪꦂꦝꦸꦮꦶꦠ꧀ꦱ꧀ꦭꦏꦠꦼꦭꦸꦁꦥꦸꦭꦸꦃꦩꦫꦁꦱꦶꦁꦢꦸꦮꦺꦧꦠꦸꦂ꧈​ꦭꦤ꧀ꦱꦥꦶꦤꦺꦏꦸꦢꦸꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶ꧉​ꦱꦥꦚ꧀ꦗꦸꦥꦸꦏ꧀ꦠꦸꦠꦸꦥ꧀ꦱꦸꦩꦸꦂꦲꦸꦠꦮꦤ꧀ꦝꦸꦝꦸꦏ꧀ꦱꦸꦩꦸꦂꦲꦺꦴꦫꦢꦶꦠꦸꦠꦸꦥ꧀ꦥꦶ꧈​ꦧꦚ꧀ꦗꦸꦂꦲꦤꦱꦥꦶꦲꦸꦠꦮꦏꦸꦭ꧀ꦢꦶꦱꦶꦁꦏꦕꦼꦩ꧀ꦥ꧀ꦭꦸꦁꦱꦸꦩꦸꦂꦩꦲꦸ꧈​
21:33 ꦱꦶꦁꦱꦥꦚ꧀ꦗꦸꦥꦸꦏ꧀ꦠꦸꦠꦸꦥ꧀ꦱꦸꦩꦸꦂꦲꦸꦠꦮꦤ꧀ꦝꦸꦝꦸꦏ꧀ꦱꦸꦩꦸꦂꦲꦺꦴꦫꦢꦶꦠꦸꦠꦸꦥ꧀ꦥꦶ꧈​ꦧꦚ꧀ꦗꦸꦂꦲꦤꦱꦥꦶꦲꦸꦠꦮꦏꦸꦭ꧀ꦢꦶꦱꦶꦁꦏꦕꦼꦩ꧀ꦥ꧀ꦭꦸꦁꦱꦸꦩꦸꦂꦩꦲꦸ꧈​
21:34 ꦱꦶꦁꦢꦸꦮꦺꦱꦸꦩꦸꦂꦏꦸꦢꦸꦩ꧀ꦧꦪꦂꦒꦤ꧀ꦠꦶꦫꦸꦒꦶꦩꦫꦁꦱꦶꦁꦢꦸꦮꦺꦏꦺꦮꦤ꧀;ꦤꦁꦔꦶꦁꦧꦛꦁꦔꦺꦏꦺꦮꦤ꧀ꦩꦲꦸꦢꦢꦶꦢꦸꦮꦺꦏ꧀ꦏꦺ꧉​
21:35 ꦪꦺꦤ꧀ꦲꦤꦱꦥꦶꦩꦠꦺꦤ꧀ꦤꦶꦱꦥꦶꦢꦸꦮꦺꦏ꧀ꦏꦺꦮꦺꦴꦁꦭꦶꦪ꧈​ꦱꦶꦁꦢꦸꦮꦺꦏꦸꦢꦸꦥꦝꦲꦢꦺꦴꦭ꧀ꦏꦺꦮꦤꦺꦱꦶꦁꦲꦶꦱꦶꦃꦲꦸꦫꦶꦥ꧀꧈​ꦝꦸꦮꦶꦠ꧀ꦠꦺꦧꦚ꧀ꦗꦸꦂꦢꦶꦥꦫꦺꦴ꧉​
21:36 ꦤꦁꦔꦶꦁꦪꦺꦤ꧀ꦱꦥꦶꦩꦲꦸꦥꦚ꧀ꦕꦺꦤ꧀ꦢꦸꦮꦺꦥꦏꦸꦭꦶꦤꦤ꧀ꦚꦸꦤ꧀ꦝꦁ꧈​ꦩꦁꦏꦱꦶꦁꦢꦸꦮꦺꦲꦺꦴꦫꦔ꧀ꦭꦼꦧꦺꦴꦏ꧀ꦏꦏꦺꦱꦥꦶꦤꦺꦲꦶꦁꦏꦤ꧀ꦝꦁ꧈​ꦮꦺꦴꦁꦩꦲꦸꦏꦸꦢꦸꦩ꧀ꦧꦪꦂꦒꦤ꧀ꦠꦶꦫꦸꦒꦶꦫꦸꦥꦱꦥꦶꦭꦤꦁꦱꦶꦁꦲꦶꦱꦶꦃꦲꦸꦫꦶꦥ꧀꧈​ꦢꦺꦤꦺꦱꦥꦶꦱꦶꦁꦮꦶꦱ꧀ꦩꦠꦶꦠꦼꦠꦼꦥ꧀ꦢꦢꦶꦢꦸꦮꦺꦏ꧀ꦏꦺ꧉"​