Alkitab/Pangentasan/27

^27:1 "ꦒꦮꦺꦪꦩꦼꦱ꧀ꦧꦺꦃꦱꦏꦏꦪꦸꦲꦏꦱꦶꦪ꧈​ꦮꦸꦗꦸꦢ꧀ꦢꦺꦥꦼꦱꦒꦶ;ꦢꦮꦭꦤ꧀ꦲꦩ꧀ꦧꦤꦺꦥꦝ꧈​ꦪꦏꦸꦮꦶ2,2ꦩꦺꦠꦼꦂ꧉​ꦝꦸꦮꦸꦂꦫꦺ1,3ꦩꦺꦠꦼꦂ꧉​

^27:2 ꦮꦺꦤꦺꦃꦲꦤꦱꦸꦔꦸꦲꦶꦁꦱꦧꦼꦤ꧀ꦥꦺꦴꦗꦺꦴꦏ꧀ꦱꦶꦱꦶꦃꦤ꧀ꦝꦸꦮꦸꦂ꧉​ꦱꦸꦔꦸꦱꦸꦔꦸꦩꦲꦸꦏꦸꦢꦸꦢꦢꦶꦱꦶꦗꦶꦏꦫꦺꦴꦩꦼꦱ꧀ꦧꦺꦃ꧈​ꦱꦂꦠꦢꦶꦭꦥꦶꦱ꧀ꦱꦶꦥꦿꦸꦁꦒꦸ꧉​

^27:3 ꦒꦮꦺꦪꦮꦝꦃꦲꦮꦸ꧈​ꦱꦼꦏꦺꦴꦥ꧀꧈​ꦧꦏꦶ꧈​ꦒꦂꦥꦸꦭꦤ꧀ꦮꦝꦃꦒꦼꦤꦶ꧉​ꦥꦶꦫꦤ꧀ꦠꦶꦲꦶꦏꦸꦩꦲꦸꦏꦧꦺꦃꦏꦸꦢꦸꦢꦶꦒꦮꦺꦱꦏꦥꦿꦸꦁꦒꦸ꧉​

^27:4 ꦒꦮꦺꦪꦏꦿꦚ꧀ꦗꦁꦠꦼꦩ꧀ꦧꦒ꧈​ꦲꦮꦸꦗꦸꦢ꧀ꦗꦭꦱꦂꦠꦮꦺꦤꦺꦃꦲꦤꦒꦼꦭꦁꦔꦤ꧀ꦥꦥꦠ꧀ꦲꦶꦁꦥꦺꦴꦗꦺꦴꦏ꧀ꦏꦺꦏꦁꦒꦺꦴꦔꦸꦱꦸꦁ꧉​

^27:5 ꦝꦸꦮꦸꦂꦫꦺꦏꦿꦚ꧀ꦗꦁꦩꦲꦸꦱꦼꦥꦫꦺꦴꦤꦺꦝꦸꦮꦸꦂꦫꦺꦩꦼꦱ꧀ꦧꦺꦃ꧉​ꦭꦤ꧀ꦢꦶꦥꦱꦁꦔꦲꦶꦁꦱꦔꦶꦱꦺꦴꦂꦫꦶꦁꦮꦼꦁꦏꦸꦤꦺ꧉​

^27:6 ꦒꦮꦺꦪꦥꦶꦏꦸꦭ꧀ꦭꦤ꧀ꦱꦏꦏꦪꦸꦲꦏꦱꦶꦪꦱꦶꦁꦢꦶꦭꦥꦶꦱ꧀ꦱꦶꦥꦿꦸꦁꦒꦸ꧈​

^27:7 ꦱꦂꦠꦱ꧀ꦭꦺꦴꦧꦺꦴꦏ꧀ꦤꦲꦶꦁꦒꦼꦭꦁꦔꦤ꧀ꦥꦶꦏꦸꦭ꧀ꦭꦤ꧀ꦲꦶꦁꦱꦶꦱꦶꦃꦩꦼꦱ꧀ꦧꦺꦃꦏꦁꦒꦺꦴꦔꦸꦱꦸꦁ꧉​

^27:8 ꦩꦼꦱ꧀ꦧꦺꦃꦲꦶꦏꦸꦒꦮꦺꦤꦼꦤ꧀ꦱꦏꦧ꧀ꦭꦧꦒ꧀꧈​ꦲꦶꦁꦚ꧀ꦗꦼꦫꦺꦴꦏꦺꦴꦛꦺꦴꦁ꧈​ꦩꦤꦸꦠ꧀ꦫꦚ꧀ꦕꦁꦔꦤ꧀ꦱꦶꦁꦢꦏ꧀ꦝꦮꦸꦃꦲꦏꦺꦩꦫꦁꦏꦺꦴꦮꦺꦤꦭꦶꦏꦲꦤꦲꦶꦁꦒꦸꦤꦸꦁ꧉"​

^27:9 "ꦒꦮꦺꦪꦥ꧀ꦭꦠꦂꦫꦤ꧀ꦲꦶꦁꦏꦶꦮꦠꦼꦔꦼꦤ꧀ꦤꦺꦏꦺꦩꦃꦥꦊꦁꦒꦃꦲꦤ꧀ꦏꦸꦱꦶꦁꦢꦶꦮꦠꦼꦱ꧀ꦱꦶꦔꦁꦒꦺꦴꦒꦺꦴꦂꦝꦺꦤ꧀ꦏꦲꦶꦤ꧀ꦭꦺꦤꦲꦭꦸꦱ꧀꧉​ꦲꦶꦁꦱꦶꦱꦶꦃ꧊ꦏꦶꦢꦸꦭ꧀ꦒꦺꦴꦂꦝꦺꦤ꧀ꦩꦲꦸꦢꦮꦤꦺ44ꦩꦺꦠꦼꦂ꧈​

^27:10 ꦢꦶꦱꦁꦒꦕꦒꦏ꧀ꦥꦿꦸꦁꦒꦸꦫꦺꦴꦁꦥꦸꦭꦸꦃꦔꦁꦒꦺꦴꦲꦸꦩ꧀ꦥꦏ꧀ꦥꦿꦸꦁꦒꦸꦫꦺꦴꦁꦥꦸꦭꦸꦃ;ꦔꦁꦒꦺꦴꦕꦤ꧀ꦛꦺꦭ꧀ꦭꦤ꧀ꦭꦤ꧀ꦧ꧀ꦭꦤ꧀ꦢꦂꦱꦏꦱ꧀ꦭꦏ꧉​

^27:11 ꦒꦮꦺꦤꦼꦤ꧀ꦏꦪꦩꦼꦁꦏꦺꦴꦤꦺꦴꦲꦸꦒꦲꦶꦁꦱꦶꦱꦶꦃ꧊ꦭꦺꦴꦂ꧉​

^27:12 ꦲꦶꦁꦱꦶꦱꦶꦃ꧊ꦏꦸꦭꦺꦴꦤ꧀ꦒꦺꦴꦂꦝꦺꦤ꧀ꦤꦺꦢꦮꦤꦺ22ꦩꦺꦠꦼꦂ꧈​ꦔꦁꦒꦺꦴꦕꦒꦏ꧀ꦫꦺꦴꦁꦥꦸꦭꦸꦃꦱꦂꦠꦲꦸꦩ꧀ꦥꦏ꧀ꦫꦺꦴꦁꦥꦸꦭꦸꦃ꧉​

^27:13 ꦲꦶꦁꦱꦶꦱꦶꦃꦮꦺꦠꦤ꧀꧈​ꦱꦶꦁꦲꦤꦭꦮꦁꦔꦺ꧈​ꦥ꧀ꦭꦠꦂꦫꦤ꧀ꦩꦲꦸꦲꦩ꧀ꦧꦤꦺ22ꦩꦺꦠꦼꦂ꧉​

^27:14 (27:14-15)ꦲꦶꦁꦏꦶꦮꦠꦼꦔꦼꦤ꧀ꦤꦺꦭꦮꦁꦏꦸꦢꦸꦲꦤꦒꦺꦴꦂꦝꦺꦤ꧀ꦱꦶꦁꦢꦮꦤꦺ6,6ꦩꦺꦠꦼꦂꦔꦁꦒꦺꦴꦕꦒꦏ꧀ꦠꦼꦭꦸꦭꦤ꧀ꦲꦸꦩ꧀ꦥꦏ꧀ꦠꦼꦭꦸ꧉​

^27:15 (27:14)

^27:16 ꦏꦁꦒꦺꦴꦭꦮꦁꦔꦺꦏꦸꦢꦸꦲꦤꦒꦺꦴꦂꦝꦺꦤ꧀ꦱꦶꦁꦢꦮꦤꦺꦱꦔꦁꦩꦺꦠꦼꦂꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦶꦁꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦧꦶꦫꦸ꧈​ꦮꦸꦔꦸꦭꦤ꧀ꦲꦧꦁ꧈​ꦱꦂꦠꦢꦶꦉꦁꦒꦔꦁꦒꦺꦴꦱꦸꦭꦩ꧀ꦩꦤ꧀꧉​ꦒꦺꦴꦂꦝꦺꦤ꧀ꦩꦲꦸꦏꦸꦢꦸꦢꦶꦱꦁꦒꦢꦺꦤꦶꦁꦕꦒꦏ꧀ꦥꦥꦠ꧀ꦱꦤ꧀ꦝꦸꦮꦸꦂꦫꦶꦁꦲꦸꦩ꧀ꦥꦏ꧀ꦥꦥꦠ꧀꧉​

^27:17 ꦏꦧꦺꦃꦕꦒꦏ꧀ꦱꦏꦶꦮꦠꦼꦔꦼꦤ꧀ꦤꦺꦭꦮꦁꦩꦲꦸꦢꦶꦒꦤ꧀ꦝꦺꦁꦔꦁꦒꦺꦴꦒꦤ꧀ꦝꦺꦁꦔꦤ꧀ꦱ꧀ꦭꦏ;ꦕꦤ꧀ꦛꦺꦭ꧀ꦭꦤ꧀ꦤꦺꦏꦸꦢꦸꦱꦏꦱ꧀ꦭꦏꦭꦤ꧀ꦲꦸꦩ꧀ꦥꦏ꧀ꦏꦺꦱꦏꦥꦿꦸꦁꦒꦸ꧉​

^27:18 ꦥꦒꦼꦂꦱꦏꦸꦧꦼꦁꦔꦶꦁꦥ꧀ꦭꦠꦂꦫꦤ꧀ꦩꦲꦸꦢꦮꦤꦺ44ꦩꦺꦠꦼꦂ꧈​ꦲꦩ꧀ꦧꦤꦺ22ꦩꦺꦠꦼꦂꦱꦂꦠꦝꦸꦮꦸꦂꦫꦺ2,2ꦩꦺꦠꦼꦂ꧉​ꦒꦺꦴꦂꦝꦺꦤ꧀ꦤꦺꦢꦶꦒꦮꦺꦱꦏꦏꦲꦶꦤ꧀ꦭꦺꦤꦲꦭꦸꦱ꧀ꦱꦂꦠꦲꦸꦩ꧀ꦥꦏ꧀ꦏꦺꦱꦏꦥꦿꦸꦁꦒꦸ꧉​

^27:19 ꦥꦶꦫꦤ꧀ꦠꦶꦱꦶꦁꦢꦶꦲꦼꦁꦒꦺꦴꦲꦤꦲꦶꦁꦏꦺꦩꦃ꧈​ꦥꦛꦺꦴꦏ꧀ꦏꦺꦭꦤ꧀ꦥꦒꦼꦂꦫꦺꦏꦧꦺꦃꦢꦶꦒꦮꦺꦱꦏꦥꦿꦸꦁꦒꦸ꧉"​

^27:20 "ꦮꦺꦴꦁ꧊ꦆꦱꦿꦲꦺꦭ꧀ꦥꦿꦺꦤ꧀ꦠꦃꦲꦤꦔ꧀ꦒꦮꦊꦔꦗ꦳ꦲꦶꦠꦸꦤ꧀ꦱꦶꦁꦧꦼꦕꦶꦏ꧀ꦝꦺꦮꦺ꧈​ꦏꦁꦒꦺꦴꦔꦶꦱꦺꦤ꧀ꦤꦶꦢꦩꦂꦢꦩꦂꦲꦶꦁꦱꦗꦿꦺꦴꦤꦶꦁꦏꦺꦩꦃꦥꦊꦁꦒꦃꦲꦤ꧀ꦏꦸꦱꦸꦥꦪꦢꦶꦱꦸꦩꦼꦢ꧀ꦱꦧꦼꦤ꧀ꦧꦼꦔꦶ꧉​

^27:21 ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦏꦸꦢꦸꦥꦝꦚꦸꦩꦼꦢ꧀ꦢꦩꦂꦢꦩꦂꦩꦲꦸ꧉​ꦥꦁꦒꦺꦴꦤ꧀ꦤꦤ꧀ꦤꦺꦥꦼꦢꦩꦂꦫꦤ꧀ꦩꦲꦸꦲꦤꦲꦶꦁꦱꦚ꧀ꦗꦧꦤꦺꦒꦺꦴꦂꦝꦺꦤ꧀ꦱꦶꦁꦤꦸꦠꦸꦥ꧀ꦥꦶꦥꦼꦛꦶꦥꦽꦗꦚ꧀ꦗꦶꦪꦤ꧀꧉​ꦲꦶꦁꦥꦁꦒꦺꦴꦤ꧀ꦤꦤ꧀ꦏꦸ꧈​ꦭꦩ꧀ꦥꦸꦤꦺꦏꦸꦢꦸꦠꦼꦠꦼꦥ꧀ꦩꦸꦫꦸꦧ꧀ꦮꦶꦮꦶꦠ꧀ꦱꦸꦫꦸꦥ꧀ꦔꦤ꧀ꦠꦶꦲꦺꦱꦸꦏ꧀꧉​ꦝꦮꦸꦃꦲꦶꦏꦶꦏꦸꦢꦸꦢꦶꦠꦶꦤ꧀ꦢꦏ꧀ꦏꦏꦺꦱꦼꦭꦮꦱ꧀ꦭꦮꦱ꧀ꦱꦺꦢꦺꦤꦶꦁꦮꦺꦴꦁ꧊ꦆꦱꦿꦲꦺꦭ꧀ꦭꦤ꧀ꦠꦸꦫꦸꦤ꧀ꦠꦸꦫꦸꦤ꧀ꦤꦺ꧉"​