Alkitab/Kaimaman/7

Saka Wikisumber
Menyang navigasi Menyang panggolèkan

7:1 ꦥꦽꦤꦠꦤ꧀ꦧꦧ꧀ꦏꦸꦂꦧꦤ꧀ꦝꦼꦤ꧀ꦝꦱꦶꦁꦱꦸꦕꦶꦧꦔꦼꦠ꧀ꦏꦸꦮꦶꦩꦼꦁꦏꦺꦤꦺ:
7:2 ꦏꦺꦮꦤ꧀ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦏꦸꦢꦸꦢꦶꦱꦼꦩ꧀ꦧꦼꦭꦺꦃꦲꦶꦁꦱꦭꦺꦴꦂꦫꦺꦩꦼꦱ꧀ꦧꦺꦃꦱꦶꦁꦏꦁꦒꦺꦴꦚꦼꦩ꧀ꦧꦼꦭꦺꦃꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀;ꦒꦼꦠꦶꦃꦲꦺꦧꦚ꧀ꦗꦸꦂꦏꦸꦢꦸꦢꦶꦱꦶꦫꦩ꧀ꦩꦏꦺꦲꦶꦁꦱꦶꦏꦶꦭ꧀ꦭꦶꦁꦩꦼꦱ꧀ꦧꦺꦃꦩꦸꦧꦼꦁ꧉​
7:3 ꦒꦗꦶꦃꦲꦺꦏꦧꦺꦃꦏꦸꦢꦸꦢꦶꦱꦶꦱꦶꦃꦲꦏꦺ;ꦢꦺꦤꦺꦱꦶꦁꦏꦸꦢꦸꦢꦶꦱꦲꦺꦴꦱ꧀ꦱꦏꦺꦲꦶꦁꦩꦼꦱ꧀ꦧꦺꦃꦪꦏꦸꦮꦶꦧꦸꦤ꧀ꦠꦸꦠ꧀ꦱꦒꦗꦶꦃꦲꦺ꧈​ꦒꦗꦶꦃꦱꦶꦁꦠꦸꦩꦺꦩ꧀ꦥꦺꦭ꧀ꦲꦶꦁꦗꦼꦫꦺꦴꦮꦤ꧀꧈​
7:4 ꦒꦶꦚ꧀ꦗꦼꦭ꧀ꦱꦒꦗꦶꦃꦲꦺ꧈​ꦭꦤ꧀ꦥꦺꦫꦁꦔꦤ꧀ꦤꦺꦲꦠꦶꦱꦶꦁꦲꦥꦶꦏ꧀ꦝꦺꦮꦺ꧉​
7:5 ꦲꦶꦩꦩ꧀ꦏꦸꦢꦸꦔꦺꦴꦧꦺꦴꦁꦒꦗꦶꦃꦩꦲꦸꦏꦧꦺꦃꦲꦶꦁꦩꦼꦱ꧀ꦧꦺꦃ꧈​ꦢꦢꦶꦏꦸꦂꦧꦤ꧀ꦝꦲꦂꦫꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​ꦩꦼꦁꦏꦺꦴꦤꦺꦴꦩꦲꦸꦱꦶꦁꦢꦶꦲꦫꦤ꧀ꦤꦶꦏꦸꦂꦧꦤ꧀ꦝꦼꦤ꧀ꦝ꧉​
7:6 ꦱꦧꦼꦤ꧀ꦮꦺꦴꦁꦭꦤꦁꦠꦸꦫꦸꦤ꧀ꦤꦺꦲꦶꦩꦩ꧀ꦏꦼꦤꦩꦁꦔꦤ꧀ꦢꦒꦶꦁꦔꦺꦏꦸꦂꦧꦤ꧀ꦩꦲꦸ꧈​ꦤꦁꦔꦶꦁꦏꦸꦢꦸꦢꦶꦥꦔꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ꧈​ꦩꦼꦂꦒꦏꦸꦂꦧꦤ꧀ꦏꦸꦮꦶꦱꦸꦕꦶꦧꦔꦼꦠ꧀꧉​
7:7 ꦥꦽꦤꦠꦤ꧀ꦧꦧ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦭꦤ꧀ꦏꦸꦂꦧꦤ꧀ꦝꦼꦤ꧀ꦝꦏꦸꦮꦶꦥꦝ꧈​ꦪꦏꦸꦮꦶ:ꦢꦒꦶꦁꦔꦺꦏꦺꦮꦤ꧀ꦱꦶꦁꦢꦶꦏꦸꦂꦧꦤ꧀ꦤꦏꦺꦏꦸꦮꦶꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧈​ꦱꦶꦁꦔ꧀ꦭꦢꦺꦏ꧀ꦏꦏꦺꦏꦸꦂꦧꦤ꧀ꦩꦲꦸ꧉​
7:8 ꦭꦸꦭꦁꦔꦺꦏꦺꦮꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀ꦱꦶꦁꦔ꧀ꦭꦢꦺꦏ꧀ꦏꦏꦺꦏꦸꦂꦧꦤ꧀ꦩꦲꦸ꧉​
7:9 ꦏꦸꦂꦧꦤ꧀ꦝꦲꦂꦫꦤ꧀ꦱꦶꦁꦢꦶꦒꦺꦴꦫꦺꦁꦲꦸꦠꦮꦢꦶꦥꦁꦒꦁꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀ꦱꦶꦁꦔ꧀ꦭꦢꦺꦏ꧀ꦏꦏꦺꦏꦸꦂꦧꦤ꧀꧉​
7:10 ꦤꦁꦔꦶꦁꦏꦸꦂꦧꦤ꧀ꦝꦲꦂꦫꦤ꧀ꦱꦶꦁꦲꦺꦴꦫꦢꦶꦲꦺꦴꦭꦃ꧈​ꦪꦱꦶꦁꦢꦶꦲꦸꦊꦠ꧀ꦏꦫꦺꦴꦊꦔꦲꦸꦠꦮꦱꦶꦁꦒꦫꦶꦁꦔꦤ꧀꧈​ꦢꦢꦶꦲꦏ꧀ꦏꦺꦥꦫꦲꦶꦩꦩ꧀ꦏꦧꦺꦃ꧈​ꦲꦤꦏ꧀ꦠꦸꦫꦸꦤꦺꦲꦫꦸꦤ꧀꧈​ꦭꦤ꧀ꦏꦸꦢꦸꦢꦶꦧꦒꦺꦫꦠ꧉​
7:11 ꦧꦧ꧀ꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦏꦸꦮꦶꦥꦽꦤꦠꦤꦺꦩꦼꦁꦏꦺꦤꦺ:
7:12 ꦪꦺꦤ꧀ꦩꦏ꧀ꦱꦸꦢ꧀ꦢꦺꦏꦸꦂꦧꦤ꧀ꦩꦲꦸꦏꦁꦒꦺꦴꦱꦲꦺꦴꦱ꧀ꦥꦤꦸꦮꦸꦤ꧀ꦩꦫꦁꦄꦭ꧀ꦭꦃ꧈​ꦏꦸꦂꦧꦤ꧀ꦩꦲꦸꦏꦸꦢꦸꦢꦶꦏꦤ꧀ꦛꦺꦤ꧀ꦤꦶꦱꦲꦺꦴꦱ꧀ꦱꦤ꧀ꦫꦺꦴꦠꦶꦠꦤ꧀ꦥꦫꦒꦶ꧉​ꦫꦺꦴꦠꦶꦤꦺꦏꦼꦤꦏꦤ꧀ꦢꦼꦭ꧀꧈​ꦢꦶꦲꦺꦴꦭꦃꦔꦁꦒꦺꦴꦊꦔꦗ꦳ꦲꦶꦠꦸꦤ꧀꧉​ꦏꦼꦤꦫꦺꦴꦠꦶꦠꦶꦥꦶꦱ꧀꧈​ꦲꦁꦒꦼꦂꦢꦶꦭꦺꦭꦺꦠ꧀ꦠꦶꦊꦔ꧈​ꦲꦸꦠꦮꦥꦔꦤ꧀ꦤꦤ꧀ꦱꦶꦁꦢꦶꦒꦮꦺꦱꦏꦒ꧀ꦭꦼꦥꦸꦁ꧈​ꦱꦶꦁꦢꦶꦲꦢꦺꦴꦤ꧀ꦤꦶꦔꦁꦒꦺꦴꦊꦔꦗ꦳ꦲꦶꦠꦸꦤ꧀꧉​
7:13 ꦱꦲꦺꦴꦱ꧀ꦱꦤ꧀ꦩꦲꦸꦏꦸꦢꦸꦢꦶꦠꦩ꧀ꦧꦃꦲꦶꦫꦺꦴꦠꦶꦱꦶꦁꦢꦶꦲꦺꦴꦭꦃꦔꦁꦒꦺꦴꦫꦒꦶ꧈​
7:14 ꦱꦭꦺꦴꦁꦏꦸꦢꦸꦢꦶꦱꦶꦱꦶꦃꦲꦏꦺꦢꦢꦶꦱꦲꦺꦴꦱ꧀ꦱꦤ꧀ꦩ꧀ꦭꦶꦒꦶꦏꦒꦼꦩ꧀ꦄꦭ꧀ꦭꦃ꧉​ꦏꦸꦮꦶꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀ꦱꦶꦁꦚ꧀ꦗꦸꦥꦸꦏ꧀ꦒꦼꦠꦶꦃꦲꦺꦏꦺꦮꦤ꧀ꦭꦤ꧀ꦚꦶꦫꦩ꧀ꦩꦏꦺꦒꦼꦠꦶꦃꦩꦲꦸꦲꦶꦁꦱꦶꦏꦶꦭ꧀ꦭꦺꦩꦼꦱ꧀ꦧꦺꦃꦩꦸꦧꦼꦁ꧉​
7:15 ꦢꦒꦶꦁꦔꦺꦏꦺꦮꦤ꧀ꦱꦶꦁꦢꦶꦏꦸꦂꦧꦤ꧀ꦤꦏꦺꦏꦸꦢꦸꦢꦶꦥꦔꦤ꧀ꦲꦶꦁꦢꦶꦤꦏꦸꦮꦶꦲꦸꦒ꧈​ꦱꦼꦛꦶꦛꦶꦏ꧀ꦮꦲꦺꦲꦺꦴꦫꦏꦼꦤꦲꦤꦱꦶꦁꦢꦶꦔꦺꦔꦺꦃꦠꦼꦏꦤ꧀ꦲꦺꦱꦸꦏ꧀ꦏꦺ꧉​
7:16 ꦪꦺꦤ꧀ꦲꦤꦮꦺꦴꦁꦱꦶꦁꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦏꦁꦒꦺꦴꦔ꧀ꦭꦸꦮꦂꦫꦶꦏꦲꦸꦭ꧀ꦭꦺ꧈​ꦲꦸꦠꦮꦩꦼꦂꦒꦏꦼꦥꦺꦔꦶꦤ꧀ꦱꦲꦺꦴꦱ꧀ꦱꦸꦏꦸꦂ꧈​ꦏꦸꦂꦧꦤ꧀ꦩꦲꦸꦲꦺꦴꦫꦏꦸꦢꦸꦢꦶꦲꦼꦤ꧀ꦠꦺꦏ꧀ꦏꦏꦺꦲꦶꦁꦢꦶꦤꦏꦸꦮꦶ꧉​ꦠꦸꦫꦃꦲꦤ꧀ꦤꦺꦏꦼꦤꦢꦶꦥꦔꦤ꧀ꦲꦺꦱꦸꦏ꧀ꦏꦺ꧉​
7:17 ꦪꦺꦤ꧀ꦲꦺꦱꦸꦏ꧀ꦏꦺꦩꦼꦤꦺꦃꦩꦼꦏ꧀ꦱꦲꦺꦴꦫꦲꦼꦤ꧀ꦠꦺꦏ꧀꧈​ꦢꦒꦶꦁꦱꦶꦁꦠꦸꦫꦃꦏꦸꦢꦸꦢꦶꦲꦺꦴꦧꦺꦴꦁꦔꦤ꧀ꦠꦶꦲꦼꦤ꧀ꦠꦺꦏ꧀꧉​
7:18 ꦪꦺꦤ꧀ꦠꦸꦫꦃꦲꦤ꧀ꦩꦲꦸꦢꦶꦥꦔꦤ꧀꧈​ꦄꦭ꧀ꦭꦃꦧꦏꦭ꧀ꦲꦺꦴꦫꦏꦼꦂꦱꦤꦩ꧀ꦥꦶꦏꦸꦂꦧꦤ꧀ꦩꦲꦸ꧉​ꦏꦸꦂꦧꦤ꧀ꦩꦲꦸꦲꦺꦴꦫꦤꦼꦏꦏ꧀ꦏꦏꦺꦧꦼꦂꦏꦃꦩꦫꦁꦮꦺꦴꦁꦔꦺ꧈​ꦩꦭꦃꦢꦶꦲꦁꦒꦼꦥ꧀ꦤꦗꦶꦱ꧀꧉​ꦮꦺꦴꦁꦱꦶꦁꦩꦁꦔꦤ꧀ꦏꦸꦂꦧꦤ꧀ꦱꦶꦁꦤꦗꦶꦱ꧀ꦩꦲꦸꦧꦏꦭ꧀ꦏꦲꦸꦏꦸꦩ꧀꧉​
7:19 ꦢꦒꦶꦁꦱꦶꦁꦤꦗꦶꦱ꧀ꦩꦲꦸꦲꦶꦪꦏꦸꦢꦸꦢꦶꦲꦺꦴꦧꦺꦴꦁꦔꦤ꧀ꦠꦶꦲꦼꦤ꧀ꦠꦺꦏ꧀ꦭꦤ꧀ꦢꦒꦶꦁꦱꦶꦁꦏꦼꦒꦼꦥꦺꦴꦏ꧀ꦧꦫꦁꦱꦶꦁꦤꦗꦶꦱ꧀ꦲꦺꦴꦫꦏꦼꦤꦢꦶꦥꦔꦤ꧀꧉​ꦩꦸꦁꦮꦺꦴꦁꦱꦶꦁꦲꦺꦴꦫꦤꦗꦶꦱ꧀ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧈​ꦏꦼꦤꦩꦁꦔꦤ꧀ꦢꦒꦶꦁꦔꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​
7:20 ꦮꦺꦴꦁꦱꦶꦁꦩꦤꦸꦠ꧀ꦥꦽꦤꦠꦤꦶꦁꦲꦒꦩꦤꦗꦶꦱ꧀꧈​ꦩꦁꦏꦩꦁꦔꦤ꧀ꦢꦒꦶꦁꦔꦶꦁꦏꦸꦂꦧꦤ꧀꧈​ꦏꦸꦮꦶꦢꦶꦱꦺꦧꦿꦠ꧀ꦤꦱꦏꦲꦸꦩꦠ꧀ꦠꦺꦄꦭ꧀ꦭꦃ꧉​
7:21 ꦱꦼꦩꦺꦴꦤꦺꦴꦲꦸꦒꦮꦺꦴꦁꦱꦶꦁꦤꦗꦶꦱ꧀ꦩꦼꦂꦒꦔ꧀ꦒꦼꦥꦺꦴꦏ꧀ꦱꦭꦃꦱꦮꦶꦗꦶꦤꦶꦁꦧꦫꦁꦱꦶꦁꦤꦗꦶꦱ꧀꧈​ꦱꦶꦁꦲꦤꦲꦶꦁꦩꦤꦸꦁꦱꦲꦸꦠꦮꦏꦺꦮꦤ꧀꧈​ꦩꦁꦏꦩꦁꦔꦤ꧀ꦢꦒꦶꦁꦏꦸꦂꦧꦤ꧀꧈​ꦲꦶꦪꦏꦱꦺꦧꦿꦠ꧀ꦤꦱꦏꦲꦸꦩꦠ꧀ꦠꦺꦄꦭ꧀ꦭꦃ꧉​
7:22 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦼꦁꦏꦺꦤꦺꦩꦫꦁ​꧊ꦩꦸꦱ
7:23 ꦏꦁꦒꦺꦴꦲꦸꦩꦠ꧀​꧊ꦆꦱꦿꦲꦺꦭ꧀:ꦒꦗꦶꦃꦲꦺꦱꦥꦶ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦮꦼꦝꦸꦱ꧀ꦗꦮꦲꦺꦴꦫꦏꦼꦤꦢꦶꦥꦔꦤ꧀꧉​
7:24 ꦧꦛꦁꦏꦺꦮꦤ꧀ꦱꦶꦁꦩꦠꦶꦤꦺꦭꦸꦩꦿꦃꦲꦸꦠꦮꦩꦼꦂꦒꦢꦶꦥꦠꦺꦤ꧀ꦤꦶꦢꦺꦤꦶꦁꦏꦺꦮꦤ꧀ꦭꦶꦪ꧈​ꦒꦗꦶꦃꦲꦺꦲꦺꦴꦫꦏꦼꦤꦢꦶꦥꦔꦤ꧀꧈​ꦤꦁꦔꦶꦁꦏꦼꦤꦢꦶꦲꦼꦁꦒꦺꦴꦏꦼꦥꦽꦭꦸꦮꦤ꧀ꦭꦶꦪ꧉​
7:25 ꦮꦺꦴꦁꦱꦶꦁꦩꦁꦔꦤ꧀ꦒꦗꦶꦃꦲꦺꦏꦺꦮꦤ꧀ꦱꦶꦁꦏꦼꦤꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦩꦫꦁꦄꦭ꧀ꦭꦃꦩꦲꦸ꧈​ꦏꦸꦢꦸꦢꦶꦱꦺꦧꦿꦠ꧀ꦠꦏꦺꦱꦏꦲꦸꦩꦠ꧀ꦠꦺꦄꦭ꧀ꦭꦃ꧉​
7:26 ꦩꦁꦒꦺꦴꦤꦲꦤꦲꦶꦁꦔꦼꦤ꧀ꦢꦶꦮꦲꦺ꧈​ꦮꦺꦴꦁ​꧊ꦆꦱꦿꦲꦺꦭ꧀ꦧꦧꦂꦥꦶꦱꦤ꧀ꦲꦺꦴꦫꦏꦼꦤꦩꦁꦔꦤ꧀ꦒꦼꦠꦶꦃꦲꦺꦩꦤꦸꦏ꧀ꦲꦸꦠꦮꦒꦼꦠꦶꦃꦲꦺꦏꦺꦮꦤ꧀ꦭꦶꦪ꧉​
7:27 ꦱꦥꦱꦶꦁꦤꦼꦫꦏ꧀ꦮꦼꦮꦊꦂꦲꦶꦏꦶꦏꦸꦢꦸꦢꦶꦱꦺꦧꦿꦠ꧀ꦠꦏꦺꦱꦏꦲꦸꦩꦠ꧀ꦠꦺꦄꦭ꧀ꦭꦃ꧉​
7:28 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦩꦼꦁꦏꦺꦤꦺꦩꦫꦁ​꧊ꦩꦸꦱ꧈​
7:29 ꦏꦁꦒꦺꦴꦧꦁꦱ​꧊ꦆꦱꦿꦲꦺꦭ꧀:ꦮꦺꦴꦁꦱꦶꦁꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦏꦸꦢꦸꦚꦶꦱꦶꦃꦲꦏꦺꦱꦥꦺꦫꦁꦔꦤ꧀ꦤꦶꦁꦏꦸꦂꦧꦤ꧀ꦩꦲꦸꦢꦢꦶꦥꦶꦱꦸꦁꦱꦸꦁꦩ꧀ꦭꦶꦒꦶꦏꦒꦼꦩ꧀ꦄꦭ꧀ꦭꦃ꧉​
7:30 ꦮꦺꦴꦁꦩꦲꦸꦝꦺꦮꦺꦱꦶꦁꦏꦸꦢꦸꦔ꧀ꦒꦮꦏꦸꦂꦧꦤ꧀ꦝꦲꦂꦫꦤ꧀ꦏꦸꦮꦶ꧉​ꦒꦗꦶꦃꦭꦤ꧀ꦢꦒꦶꦁꦝꦝꦤꦺꦏꦺꦮꦤ꧀ꦱꦶꦁꦢꦶꦏꦸꦂꦧꦤ꧀ꦤꦏꦺꦏꦸꦢꦸꦢꦶꦱꦶꦱꦶꦃꦲꦏꦺꦩ꧀ꦭꦶꦒꦶꦏꦒꦼꦩ꧀ꦒꦸꦱ꧀ꦠꦶꦄꦭ꧀ꦭꦃ꧉​
7:31 ꦒꦗꦶꦃꦩꦲꦸꦏꦸꦢꦸꦢꦶꦲꦺꦴꦧꦺꦴꦁꦢꦺꦤꦶꦁꦲꦶꦩꦩ꧀ꦲꦶꦁꦩꦼꦱ꧀ꦧꦺꦃ꧈​ꦤꦁꦔꦶꦁꦢꦒꦶꦁꦔꦺꦝꦝꦩꦲꦸꦧꦒꦺꦪꦤ꧀ꦤꦺꦥꦫꦲꦶꦩꦩ꧀꧉​ꦠꦼꦔꦼꦤ꧀ꦏꦸꦢꦸꦢꦶꦥꦱꦿꦃꦲꦏꦺꦩꦶꦤꦁꦏꦱꦸꦩ꧀ꦧꦁꦔꦤ꧀ꦩꦶꦫꦸꦁꦒꦤ꧀ꦩꦫꦁꦲꦶꦩꦩ꧀꧈​
7:32 ꦱꦩ꧀ꦥꦶꦭ꧀ꦭꦺꦠꦼꦔꦼꦤ꧀ꦏꦸꦢꦸꦢꦶꦥꦱꦿꦃꦲꦏꦺꦩꦶꦤꦁꦏꦱꦸꦩ꧀ꦧꦁꦔꦤ꧀ꦩꦶꦫꦸꦁꦒꦤ꧀ꦩꦫꦁꦲꦶꦩꦩ꧀꧈​
7:33 ꦱꦶꦁꦔ꧀ꦭꦢꦺꦏ꧀ꦏꦏꦺꦒꦼꦠꦶꦃꦭꦤ꧀ꦒꦗꦶꦃꦢꦢꦶꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​
7:34 ꦢꦒꦶꦁꦝꦝꦭꦤ꧀ꦱꦩ꧀ꦥꦶꦭ꧀ꦭꦺꦠꦼꦔꦼꦤ꧀ꦱꦶꦁꦢꦶꦥꦶꦱꦸꦁꦱꦸꦁꦔꦏꦺꦮꦺꦴꦁ​꧊ꦆꦱꦿꦲꦺꦭ꧀ꦏꦸꦮꦶꦢꦶꦝꦺꦮꦺꦏ꧀ꦏꦏꦺꦏꦁꦒꦺꦴꦥꦫꦲꦶꦩꦩ꧀꧉​ꦏꦸꦮꦶꦮꦸꦗꦸꦢ꧀ꦢꦺꦱꦸꦩ꧀ꦧꦁꦔꦤ꧀ꦤꦺꦮꦺꦴꦁ​꧊ꦆꦱꦿꦲꦺꦭ꧀ꦏꦁꦒꦺꦴꦥꦫꦲꦶꦩꦩ꧀꧈​ꦱꦶꦁꦏꦸꦢꦸꦢꦶꦠꦼꦠꦼꦥ꧀ꦥꦶꦲꦶꦁꦱꦼꦭꦮꦱ꧀ꦱꦺ꧉​
7:35 ꦪꦏꦸꦮꦶꦧꦒꦺꦪꦤ꧀ꦤꦺꦥꦫꦲꦶꦩꦩ꧀ꦱꦏꦏꦸꦂꦧꦤ꧀ꦝꦲꦂꦫꦤ꧀ꦱꦶꦁꦢꦶꦥꦫꦶꦁꦔꦏꦺꦢꦺꦤꦶꦁꦄꦭ꧀ꦭꦃꦩꦫꦁꦲꦫꦸꦤ꧀ꦭꦤ꧀ꦲꦤꦏ꧀ꦠꦸꦫꦸꦤꦺ꧈​ꦱꦩꦱꦢꦶꦠꦼꦠꦼꦥ꧀ꦥꦏꦺꦢꦢꦶꦲꦶꦩꦩ꧀꧉​
7:36 ꦲꦶꦁꦢꦶꦤꦏꦸꦮꦶꦒꦸꦱ꧀ꦠꦶꦄꦭ꧀ꦭꦃꦤ꧀ꦝꦮꦸꦃꦲꦏꦺꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀꧈​ꦪꦺꦤ꧀ꦱꦏꦏꦸꦂꦧꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺ꧈​ꦥꦺꦫꦁꦔꦤ꧀ꦩꦲꦸꦢꦢꦶꦪꦱꦸꦩ꧀ꦧꦁꦔꦤ꧀ꦏꦁꦒꦺꦴꦥꦫꦲꦶꦩꦩ꧀꧉​ꦥꦽꦤꦠꦤ꧀ꦲꦶꦏꦶꦏꦸꦢꦸꦢꦶꦠꦼꦠꦼꦥ꧀ꦥꦶꦢꦺꦤꦶꦁꦮꦺꦴꦁ​꧊ꦆꦱꦿꦲꦺꦭ꧀ꦱꦼꦭꦮꦱ꧀ꦭꦮꦱ꧀ꦱꦺ꧉​
7:37 ꦩꦼꦁꦏꦺꦴꦤꦺꦴꦩꦲꦸꦥꦽꦤꦠꦤ꧀ꦥꦽꦤꦠꦤ꧀ꦧꦧ꧀ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦏꦸꦂꦧꦤ꧀ꦝꦲꦂꦫꦤ꧀꧈​ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦏꦸꦂꦧꦤ꧀ꦝꦼꦤ꧀ꦝ꧈​ꦏꦸꦂꦧꦤ꧀ꦠꦼꦠꦼꦥ꧀ꦥꦤ꧀ꦭꦤ꧀ꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧉​
7:38 ꦥꦽꦤꦠꦤ꧀ꦥꦽꦤꦠꦤ꧀ꦩꦲꦸꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦩꦫꦁ​꧊ꦩꦸꦱꦲꦤꦲꦶꦁꦒꦸꦤꦸꦁ​꧊ꦱꦶꦤꦲꦶ꧈​ꦲꦶꦁꦱꦼꦒꦫꦮꦼꦝꦶ꧈​ꦤꦭꦶꦏꦥꦫꦶꦁꦝꦮꦸꦃꦩꦫꦁꦧꦁꦱ​꧊ꦆꦱꦿꦲꦺꦭ꧀ꦱꦸꦥꦪꦥꦝꦱꦲꦺꦴꦱ꧀ꦏꦸꦂꦧꦤ꧀꧉​