Alkitab/Kaimaman/19

Saka Wikisumber

19:1 ꦒꦸꦱ꧀ꦠꦶꦄꦭ꧀ꦭꦃꦲꦸꦠꦸꦱ꧀ꦱꦤ꧀​꧊ꦩꦸꦱ
19:2 ꦤ꧀ꦝꦮꦸꦃꦲꦏꦺꦩꦫꦁꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ꧈​"ꦏꦺꦴꦮꦺꦥꦝꦢꦶꦱꦸꦕꦶ꧈​ꦩꦼꦂꦒꦲꦏꦸ꧈​ꦲꦭ꧀ꦭꦃꦩꦸꦱꦸꦕꦶ꧉​
19:3 ꦱꦧꦼꦤ꧀ꦮꦺꦴꦁꦏꦸꦢꦸꦔꦗꦺꦤ꧀ꦤꦶꦧꦥꦧꦶꦪꦸꦁꦔꦺꦱꦂꦠꦤꦸꦕꦺꦏ꧀ꦏꦏꦺꦢꦶꦤ​꧊ꦱꦧ꧀ꦧꦠ꧀꧈​ꦏꦪꦱꦶꦁꦢꦏ꧀ꦝꦮꦸꦃꦲꦏꦺ꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:4 ꦏꦺꦴꦮꦺꦲꦗꦚꦶꦁꦏꦸꦂꦩꦫꦁꦲꦏꦸꦭꦤ꧀ꦚꦼꦩ꧀ꦧꦃꦩꦫꦁꦧꦿꦲꦭꦧꦿꦲꦭ꧉​ꦲꦗꦒꦮꦺꦭꦤ꧀ꦚꦼꦩ꧀ꦧꦃꦧꦿꦲꦭꦱꦏꦧꦫꦁꦥꦼꦭꦶꦏꦤ꧀꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:5 ꦪꦺꦤ꧀ꦏꦺꦴꦮꦺꦱꦲꦺꦴꦱ꧀ꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀꧈​ꦏꦸꦢꦸꦩꦤꦸꦠ꧀ꦥꦽꦤꦠꦤ꧀ꦱꦶꦁꦢꦏ꧀ꦠꦼꦠꦼꦥ꧀ꦥꦏꦺ꧉​
19:6 ꦢꦒꦶꦁꦔꦺꦏꦺꦮꦤ꧀ꦏꦸꦢꦸꦢꦶꦥꦔꦤ꧀ꦠꦸꦁꦒꦭ꧀ꦢꦶꦤꦏꦫꦺꦴꦲꦼꦁꦒꦺꦴꦤꦺꦚꦼꦩ꧀ꦧꦼꦭꦺꦃ꧈​ꦲꦸꦠꦮꦲꦺꦱꦸꦏ꧀ꦏꦺ꧉​ꦢꦒꦶꦁꦱꦶꦁꦲꦶꦱꦶꦃꦠꦸꦫꦃꦲꦶꦁꦢꦶꦤꦏꦠꦼꦭꦸꦤꦺꦏꦸꦢꦸꦢꦶꦲꦺꦴꦧꦺꦴꦁ꧈​
19:7 ꦩꦼꦂꦒꦢꦒꦶꦁꦩꦲꦸꦤꦗꦶꦱ꧀꧉​ꦪꦺꦤ꧀ꦩꦼꦏ꧀ꦱꦢꦶꦥꦔꦤ꧀꧈​ꦏꦸꦂꦧꦤ꧀ꦤꦺꦢꦏ꧀ꦠꦩ꧀ꦥꦶꦏ꧀꧉​
19:8 ꦱꦥꦱꦶꦁꦩꦁꦔꦤ꧀ꦢꦒꦶꦁꦩꦲꦸ꧈​ꦏꦸꦮꦶꦏꦼꦭꦸꦥꦸꦠ꧀ꦠꦤ꧀꧈​ꦩꦼꦂꦒꦔꦁꦒꦼꦥ꧀ꦢꦒꦶꦁꦱꦶꦁꦮꦶꦱ꧀ꦢꦶꦥꦼꦛꦶꦁꦏꦁꦒꦺꦴꦲꦏꦸꦏꦪꦢꦒꦶꦁꦭꦸꦩꦿꦃ꧉​ꦮꦺꦴꦁꦩꦲꦸꦏꦸꦢꦸꦢꦶꦱꦺꦧꦿꦠ꧀ꦠꦏꦺꦱꦏꦲꦸꦩꦠ꧀​꧊ꦆꦱꦿꦲꦺꦭ꧀꧉​
19:9 ꦪꦺꦤ꧀ꦏꦺꦴꦮꦺꦢꦼꦉꦥ꧀꧈​ꦲꦗꦔꦼꦤꦺꦤ꧀ꦤꦶꦒꦤ꧀ꦢꦸꦩ꧀ꦱꦶꦁꦲꦤꦲꦶꦁꦥꦶꦁꦒꦶꦂ꧈​ꦭꦤ꧀ꦲꦗꦔꦱꦒ꧀ꦒꦤ꧀ꦢꦸꦩ꧀ꦱꦶꦁꦏ꧀ꦭꦶꦮꦠ꧀ꦠꦤ꧀꧉​
19:10 ꦏꦺꦴꦮꦺꦲꦗꦧꦭꦶꦩꦼꦚꦁꦏꦼꦧꦺꦴꦤ꧀ꦲꦁꦒꦸꦂꦩꦸꦔ꧀ꦭꦸꦩ꧀ꦥꦸꦏ꧀ꦏꦏꦺꦮꦺꦴꦃꦲꦁꦒꦸꦂꦱꦶꦁꦏꦼꦕꦺꦕꦺꦂ꧉​ꦏꦸꦮꦶꦢꦢꦶꦥꦤ꧀ꦢꦸꦩ꧀ꦩꦤ꧀ꦤꦺꦮꦺꦴꦁꦩꦶꦱ꧀ꦏꦶꦤ꧀ꦭꦤ꧀ꦮꦺꦴꦁꦩꦚ꧀ꦕ꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:11 ꦏꦺꦴꦮꦺꦲꦗꦚꦺꦴꦭꦺꦴꦁ꧈​ꦔꦥꦸꦱ꧀ꦱꦶꦲꦸꦠꦮꦒꦺꦴꦫꦺꦴꦃ꧉​
19:12 ꦲꦗꦗꦚ꧀ꦗꦶꦔꦁꦒꦺꦴꦱꦸꦩ꧀ꦥꦃꦪꦺꦤ꧀ꦱꦼꦗꦠꦶꦤꦺꦲꦺꦴꦫꦲꦉꦥ꧀ꦏꦺꦴꦏ꧀ꦠꦼꦠꦼꦥ꧀ꦥꦶ꧈​ꦱꦸꦥꦪꦲꦗꦚꦮꦶꦪꦃꦲꦱ꧀ꦩꦤꦺꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:13 ꦏꦺꦴꦮꦺꦲꦺꦴꦫꦏꦼꦤꦩꦼꦉꦱ꧀ꦥꦼꦥꦝꦩꦸꦲꦸꦠꦮꦔꦿꦩ꧀ꦥꦱ꧀ꦧꦫꦁꦔꦺ꧉​ꦲꦺꦴꦥꦃꦲꦺꦧꦸꦫꦸꦃꦩꦸꦲꦗꦏꦺꦴꦏ꧀ꦕꦤ꧀ꦝꦼꦠ꧀꧈​ꦱꦼꦤꦗꦤ꧀ꦩꦸꦁꦱꦼꦢꦶꦤꦮꦲꦺ꧉​
19:14 ꦏꦺꦴꦮꦺꦲꦺꦴꦫꦏꦼꦤꦔꦸꦗꦂꦲꦸꦗꦫꦶꦮꦺꦴꦁꦧꦸꦝꦼꦒ꧀꧈​ꦭꦤ꧀ꦲꦗꦩꦱꦁꦱꦤ꧀ꦝꦸꦁꦔꦤ꧀ꦲꦶꦁꦔꦉꦥ꧀ꦥꦺꦮꦺꦴꦁꦮꦸꦠ꧈​ꦱꦶꦁꦩꦫꦏ꧀ꦏꦏꦺꦮꦺꦴꦁꦩꦲꦸꦏꦼꦱꦤ꧀ꦝꦸꦁ꧉​ꦏꦺꦴꦮꦺꦏꦸꦢꦸꦮꦼꦢꦶꦏꦫꦺꦴꦄꦭ꧀ꦭꦃ;ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:15 ꦲꦼꦁꦒꦺꦴꦤ꧀ꦩꦸꦔꦢꦶꦭ꧀ꦭꦶꦮꦺꦴꦁꦥꦽꦏꦫꦤ꧀꧈​ꦏꦸꦢꦸꦱꦶꦁꦗꦸꦗꦸꦂꦭꦤ꧀ꦲꦢꦶꦭ꧀꧉​ꦲꦗꦔꦺꦭꦺꦴꦤ꧀ꦤꦶꦮꦺꦴꦁꦩꦶꦱ꧀ꦏꦶꦤ꧀ꦭꦤ꧀ꦲꦺꦫꦶꦁꦩꦫꦁꦮꦺꦴꦁꦱꦸꦒꦶꦃ꧉​
19:16 ꦏꦺꦴꦮꦺꦲꦗꦚꦼꦧꦂꦕꦿꦶꦠꦱꦶꦁꦲꦺꦴꦫꦚꦠꦱꦶꦁꦒꦮꦺꦲꦺꦭꦺꦏ꧀ꦏꦺꦗꦼꦤꦼꦁꦔꦺꦥꦼꦥꦝꦩꦸ꧉​ꦪꦺꦤ꧀ꦥꦠꦶꦲꦸꦫꦶꦥ꧀ꦥꦺꦮꦺꦴꦁꦱꦶꦁꦢꦶꦢꦏ꧀ꦮꦲꦶꦁꦥꦼꦔꦢꦶꦭ꧀ꦭꦤ꧀ꦒꦸꦩꦤ꧀ꦠꦸꦁꦲꦶꦁꦥꦽꦏꦫꦱꦶꦁꦭꦒꦶꦢꦶꦲꦢꦶꦭ꧀ꦭꦶ꧈​ꦪꦺꦤ꧀ꦥꦱꦼꦏ꧀ꦱꦶꦩꦸꦩꦲꦸꦧꦶꦱꦩꦶꦠꦸꦭꦸꦁꦔꦶꦮꦺꦴꦁꦔꦺ꧈​ꦏꦺꦴꦮꦺꦲꦮꦺꦃꦲꦥꦱꦼꦏ꧀ꦱꦶ꧉​ꦲꦏꦸꦲꦶꦏꦶꦄꦭ꧀ꦭꦃ꧉​
19:17 ꦲꦗꦔꦼꦤ꧀ꦝꦼꦩ꧀ꦱꦼꦔꦶꦠ꧀ꦩꦫꦁꦭꦶꦪꦤ꧀꧉​ꦥꦽꦏꦫꦱꦶꦁꦩꦫꦏ꧀ꦏꦏꦺꦠꦸꦏꦂꦥꦢꦸ꧈​ꦉꦩ꧀ꦧꦸꦒꦤ꧀ꦱꦶꦁꦲꦥꦶꦏ꧀꧈​ꦱꦸꦥꦪꦏꦺꦴꦮꦺꦲꦗꦒꦮꦺꦢꦺꦴꦱꦩꦼꦂꦒꦮꦺꦴꦁꦩꦲꦸ꧉​
19:18 ꦏꦺꦴꦮꦺꦲꦗꦩꦊꦱ꧀ꦥꦶꦪꦭꦩꦫꦁꦥꦼꦥꦝꦩꦸ꧈​ꦲꦸꦠꦮꦔꦼꦤ꧀ꦝꦼꦩ꧀ꦱꦼꦔꦶꦠ꧀ꦩꦫꦁꦱꦥꦮꦲꦺ꧈​ꦩꦭꦃꦠꦽꦱ꧀ꦤꦲꦩꦫꦁꦥꦼꦥꦝꦩꦸꦏꦪꦲꦼꦁꦒꦺꦴꦤ꧀ꦩꦸꦤꦽꦱ꧀ꦤꦤꦶꦩꦫꦁꦲꦮꦏ꧀ꦩꦸꦝꦺꦮꦺ꧉​ꦲꦏꦸꦲꦶꦏꦶꦄꦭ꧀ꦭꦃ꧉​
19:19 ꦝꦮꦸꦃꦏꦸ ꦲꦺꦱ꧀ꦠꦺꦴꦏ꧀ꦤ꧉​ꦏꦺꦮꦤ꧀ꦱꦶꦁꦲꦺꦴꦫꦥꦝꦧꦁꦱꦤꦺꦲꦗꦏꦺꦴꦏ꧀ꦏꦮꦶꦤ꧀ꦤꦏꦺ꧉​ꦥꦠꦼꦒꦭ꧀ꦭꦤ꧀ꦱꦶꦗꦶꦲꦗꦏꦺꦴꦏ꧀ꦱꦼꦧꦂꦫꦶꦮꦶꦗꦶꦤꦺꦠꦼꦠꦤ꧀ꦢꦸꦂꦫꦤ꧀ꦭꦺꦴꦫꦺꦴꦱꦶꦁꦲꦺꦴꦫꦥꦝꦧꦁꦱꦤꦺ꧉​ꦏꦺꦴꦮꦺꦲꦗꦔꦁꦒꦺꦴꦱꦤ꧀ꦝꦁꦔꦤ꧀ꦠꦼꦤꦸꦤ꧀ꦤꦤ꧀ꦱꦶꦁꦢꦶꦠꦼꦤꦸꦤ꧀ꦔꦁꦒꦺꦴꦧꦼꦤꦁꦱꦶꦁꦲꦺꦴꦫꦥꦝꦗꦶꦤꦶꦱ꧀ꦱꦺ꧉​
19:20 ꦪꦺꦤ꧀ꦲꦤꦮꦺꦴꦁꦭꦤꦁꦱꦶꦁꦮꦶꦱ꧀ꦗꦚ꧀ꦗꦶꦲꦉꦥ꧀ꦔꦼꦢꦺꦴꦭ꧀ꦧꦠꦸꦂꦠꦸꦏꦺꦴꦤ꧀ꦤꦺꦮꦢꦺꦴꦤ꧀ꦩꦫꦁꦮꦺꦴꦁꦭꦤꦁꦭꦶꦪ꧈​ꦱꦶꦁꦲꦉꦥ꧀ꦚꦼꦭꦶꦂꦧꦠꦸꦂꦩꦲꦸ꧈​ꦩꦁꦏꦱꦢꦸꦫꦸꦁꦔꦺꦢꦶꦧꦪꦂꦮꦶꦱ꧀ꦢꦶꦠꦸꦫꦺꦴꦤ꧀ꦤꦶꦝꦶꦱꦶꦏ꧀꧈​ꦮꦺꦴꦁꦩꦲꦸꦭꦤ꧀ꦧꦠꦸꦂꦫꦺꦏꦸꦢꦸꦢꦶꦲꦸꦏꦸꦩ꧀꧈​ꦤꦁꦔꦶꦁꦲꦗꦢꦶꦲꦸꦏꦸꦩ꧀ꦥꦠꦶ꧈​ꦩꦼꦂꦒꦮꦺꦴꦁꦮꦢꦺꦴꦤ꧀ꦏꦸꦮꦶꦧꦠꦸꦂꦠꦸꦏꦺꦴꦤ꧀ꦤꦺ꧉​
19:21 ꦮꦺꦴꦁꦭꦤꦁꦩꦲꦸꦏꦸꦢꦸꦔ꧀ꦒꦮꦮꦼꦝꦸꦱ꧀ꦭꦤꦁꦱꦶꦗꦶꦩꦼꦚꦁꦏꦺꦩꦃꦱꦸꦕꦶꦏꦁꦒꦺꦴꦏꦸꦂꦧꦤ꧀ꦝꦼꦤ꧀ꦝ꧉​
19:22 ꦲꦶꦩꦩ꧀ꦏꦸꦢꦸꦚꦲꦺꦴꦱ꧀ꦱꦏꦺꦮꦼꦝꦸꦱ꧀ꦩꦲꦸꦏꦁꦒꦺꦴꦏꦸꦂꦧꦤ꧀ꦥꦱꦸꦕꦺꦤ꧀꧈​ꦱꦸꦥꦪꦢꦺꦴꦱꦤꦺꦮꦺꦴꦁꦔꦺꦢꦶꦧꦶꦫꦠ꧀꧈​ꦠꦼꦩꦃꦄꦭ꧀ꦭꦃꦧꦏꦭ꧀ꦔꦥꦸꦫ꧉​
19:23 ꦪꦺꦤ꧀ꦏꦺꦴꦮꦺꦥꦝꦩ꧀ꦭꦼꦧꦸꦲꦶꦁꦠꦤꦃ​꧊ꦏꦺꦤꦲꦤ꧀ꦭꦤ꧀ꦤꦼꦤꦤ꧀ꦢꦸꦂꦮꦺꦴꦃꦮꦺꦴꦃꦲꦤ꧀ꦫꦸꦥꦫꦸꦥ꧈​ꦮꦺꦴꦃꦲꦺꦏꦸꦢꦸꦏꦺꦴꦏ꧀ꦲꦁꦒꦼꦥ꧀ꦤꦗꦶꦱ꧀ꦭꦤ꧀ꦲꦺꦴꦫꦏꦼꦤꦏꦺꦴꦏ꧀ꦥꦔꦤ꧀ꦔꦤ꧀ꦠꦶꦠꦼꦭꦸꦁꦠꦲꦸꦤ꧀ꦭꦮꦱ꧀ꦱꦺ꧉​
19:24 ꦲꦶꦁꦠꦲꦸꦤ꧀ꦏꦥꦶꦁꦥꦠꦺꦮꦺꦴꦃꦲꦺꦮꦶꦠ꧀ꦮꦶꦠ꧀ꦠꦤ꧀ꦩꦲꦸꦏꦸꦢꦸꦏꦺꦴꦏ꧀ꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧈​ꦏꦁꦒꦺꦴꦤꦺꦭꦏ꧀ꦏꦏꦺꦥꦤꦸꦮꦸꦤ꧀ꦩꦸꦩꦫꦁꦲꦏꦸ꧈​ꦲꦭ꧀ꦭꦃꦩꦸ꧉​
19:25 ꦭꦒꦶꦠꦲꦸꦤ꧀ꦏꦥꦶꦁꦭꦶꦩꦤꦺꦏꦺꦴꦮꦺꦥꦝꦲꦺꦴꦭꦺꦃꦩꦁꦔꦤ꧀ꦮꦺꦴꦃꦲꦺ꧉​ꦪꦺꦤ꧀ꦥꦽꦤꦠꦤ꧀ꦥꦽꦤꦠꦤ꧀ꦲꦶꦏꦶꦏꦺꦴꦏ꧀ꦭꦏꦺꦴꦤ꧀ꦤꦶ꧈​ꦮꦺꦴꦃꦲꦺꦮꦶꦠ꧀ꦮꦶꦠ꧀ꦠꦤ꧀ꦩꦸꦧꦏꦭ꧀ꦱꦪꦮꦸꦮꦸꦃꦲꦏꦺꦃ꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:26 ꦏꦺꦴꦮꦺꦲꦺꦴꦫꦏꦼꦤꦩꦁꦔꦤ꧀ꦢꦒꦶꦁꦱꦶꦁꦲꦶꦱꦶꦃꦲꦤꦒꦼꦠꦶꦃꦲꦺ꧉​ꦏꦺꦴꦮꦺꦲꦺꦴꦫꦏꦼꦤꦤꦶꦤ꧀ꦢꦏ꧀ꦏꦏꦺꦔꦺꦭ꧀ꦩꦸꦠꦼꦤꦸꦁꦭꦤ꧀ꦥꦺꦠꦸꦁꦔꦤ꧀ꦫꦸꦥꦲꦥꦮꦲꦺ꧉​
19:27 ꦫꦩ꧀ꦧꦸꦠ꧀ꦩꦸꦲꦺꦴꦫꦏꦼꦤꦏꦺꦴꦏ꧀ꦥꦺꦛꦺꦏ꧀ꦲꦸꦠꦮꦏꦺꦴꦏ꧀ꦏꦸꦚ꧀ꦕꦸꦁ꧉​ꦏꦺꦴꦮꦺꦲꦺꦴꦫꦏꦼꦤꦚꦸꦏꦸꦂꦗꦺꦁꦒꦺꦴꦠ꧀ꦩꦸ꧉​
19:28 ꦏꦺꦴꦮꦺꦲꦺꦴꦫꦏꦼꦤꦤꦠꦺꦴꦤ꧀ꦤꦶꦏꦸꦭꦶꦠ꧀ꦩꦸꦏꦫꦺꦴꦢꦶꦒꦩ꧀ꦧꦂꦫꦶꦠꦤ꧀ꦝꦠꦤ꧀ꦝꦲꦸꦠꦮꦢꦶꦥꦶꦁꦒꦼꦠ꧀ꦠꦶꦏꦁꦒꦺꦴꦥꦼꦔꦺꦭꦶꦁꦲꦺꦭꦶꦁꦩꦫꦁꦮꦺꦴꦁꦩꦠꦶ꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:29 ꦏꦺꦴꦮꦺꦲꦺꦴꦫꦏꦼꦤꦤꦗꦶꦱ꧀ꦱꦏꦺꦲꦤꦏ꧀ꦩꦸꦮꦢꦺꦴꦤ꧀ꦏꦺꦴꦏ꧀ꦢꦢꦺꦏ꧀ꦏꦏꦺꦮꦤꦶꦠꦠꦸꦤꦱꦸꦱꦶꦭꦲꦶꦁꦥꦥꦤ꧀ꦥꦚꦼꦩ꧀ꦧꦃꦲꦤ꧀ꦧꦿꦲꦭ꧉​ꦱꦿꦤꦠꦶꦤ꧀ꦢꦏ꧀ꦩꦼꦁꦏꦺꦴꦤꦺꦴꦏꦺꦴꦮꦺꦥꦝꦩꦺꦭꦸꦚꦼꦩ꧀ꦧꦃꦧꦿꦲꦭꦭꦤ꧀ꦩꦫꦏ꧀ꦏꦏꦺꦮꦺꦴꦁꦱꦤꦼꦒꦫꦥꦝꦭꦏꦸꦗꦶꦤ꧉​
19:30 ꦥꦝꦤꦼꦠꦼꦥ꧀ꦥꦤꦥꦽꦤꦠꦤꦺ​꧊ꦱꦧ꧀ꦧꦠ꧀꧈​ꦭꦤ꧀ꦔꦸꦂꦩꦠ꧀ꦠꦤꦥꦼꦢꦊꦩ꧀ꦩꦤ꧀ꦏꦸ ꧉​ꦲꦏꦸꦲꦶꦏꦶꦄꦭ꧀ꦭꦃ꧉​
19:31 ꦏꦺꦴꦮꦺꦲꦺꦴꦫꦏꦼꦤꦚ꧀ꦗꦭꦸꦏ꧀ꦥꦩꦿꦪꦺꦴꦒꦏꦫꦺꦴꦝꦸꦏꦸꦤ꧀ꦲꦸꦠꦮꦱꦼꦝꦺꦔꦃꦮꦺꦴꦁꦱꦶꦁꦊꦭꦪꦤ꧀ꦤꦤ꧀ꦏꦫꦺꦴꦫꦺꦴꦃꦲꦺꦮꦺꦴꦁꦩꦠꦶ꧉​ꦪꦺꦤ꧀ꦏꦺꦴꦮꦺꦤꦶꦤ꧀ꦢꦏ꧀ꦏꦏꦺꦱꦶꦁꦩꦼꦁꦏꦺꦴꦤꦺꦴ꧈​ꦏꦺꦴꦮꦺꦧꦏꦭ꧀ꦢꦢꦶꦤꦗꦶꦱ꧀꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:32 ꦏꦺꦴꦮꦺꦏꦸꦢꦸꦔꦗꦺꦤ꧀ꦤꦶꦩꦫꦁꦮꦺꦴꦁꦱꦶꦁꦲꦏꦺꦃꦲꦸꦩꦸꦂꦫꦺ꧉​ꦥꦝꦮꦼꦢꦶꦪꦩꦫꦁꦄꦭ꧀ꦭꦃ꧉​ꦥꦚ꧀ꦗꦼꦤꦼꦁꦔꦤ꧀ꦤꦺꦲꦸꦂꦩꦠ꧀ꦠꦤ꧈​ꦩꦼꦂꦒꦲꦏꦸꦲꦶꦏꦶꦲꦭ꧀ꦭꦃꦩꦸ꧉​
19:33 ꦮꦺꦴꦁꦩꦚ꧀ꦕꦱꦶꦁꦲꦤꦲꦶꦁꦠꦼꦔꦃꦩꦸꦲꦗꦏꦺꦴꦏ꧀ꦱꦶꦪꦱꦶꦪ꧉​
19:34 ꦮꦺꦴꦁꦮꦺꦴꦁꦩꦲꦸꦲꦁꦒꦼꦥ꧀ꦥꦼꦤ꧀ꦏꦪꦧꦁꦱꦩꦸꦝꦺꦮꦺ꧈​ꦭꦤ꧀ꦠꦽꦱ꧀ꦤꦤꦤꦏꦪꦲꦼꦁꦒꦺꦴꦤ꧀ꦩꦸꦤꦽꦱ꧀ꦤꦤꦶꦩꦫꦁꦲꦮꦏ꧀ꦩꦸꦝꦺꦮꦺ꧉​ꦲꦺꦭꦶꦁꦔꦪꦺꦤ꧀ꦏꦺꦴꦮꦺꦝꦺꦮꦺꦧꦶꦪꦺꦤ꧀ꦲꦶꦪꦠꦲꦸꦢꦢꦶꦮꦺꦴꦁꦩꦚ꧀ꦕꦲꦶꦁꦠꦤꦃ​꧊ꦩꦺꦱꦶꦂ꧉​ꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉​
19:35 ꦏꦺꦴꦮꦺꦲꦺꦴꦫꦏꦼꦤꦔꦥꦸꦱ꧀ꦱꦶꦮꦺꦴꦁꦭꦶꦪꦱꦿꦤꦩꦶꦒꦸꦤꦏ꧀ꦏꦏꦺꦥꦶꦫꦤ꧀ꦠꦶꦥꦭ꧀ꦱꦸ꧈​ꦢꦢꦶꦪꦱꦶꦁꦏꦁꦒꦺꦴꦔꦸꦏꦸꦂ꧈​ꦲꦶꦪꦱꦶꦁꦏꦁꦒꦺꦴꦤꦶꦩ꧀ꦧꦁꦲꦸꦠꦮꦏꦁꦒꦺꦴꦤꦏꦼꦂ꧉​
19:36 ꦥꦶꦫꦤ꧀ꦠꦶꦱꦶꦁꦏꦁꦒꦺꦴꦔꦸꦏꦸꦂ꧈​ꦤꦶꦩ꧀ꦧꦁꦭꦤ꧀ꦤꦏꦼꦂꦏꦸꦢꦸꦱꦶꦁꦕꦺꦴꦕꦺꦴꦒ꧀꧉​ꦲꦏꦸꦲꦶꦏꦶ​꧊ꦪꦺꦲꦸꦮꦃ꧈​ꦲꦭ꧀ꦭꦃꦩꦸ꧈​ꦏꦁꦮꦶꦱ꧀ꦔꦶꦫꦶꦢ꧀ꦭꦏꦸꦩꦸꦱꦏꦠꦤꦃ​꧊ꦩꦺꦱꦶꦂ꧉​
19:37 ꦱꦏꦺꦃꦲꦺꦲꦁꦒꦼꦂꦲꦁꦒꦼꦂꦭꦤ꧀ꦥꦼꦥꦏꦺꦴꦤ꧀ꦏꦸꦥꦝꦠꦼꦠꦼꦥ꧀ꦥꦤ꧉​ꦲꦏꦸꦲꦶꦏꦶꦲꦭ꧀ꦭꦃꦩꦸ꧉"​