Alkitab/Kaimaman/27

^27:1 (27:1-2)ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦩꦫꦁ​꧊ꦩꦸꦱꦏꦁꦒꦺꦴꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ:"ꦮꦺꦴꦁꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦱꦿꦤꦏꦲꦸꦭ꧀꧈​

^27:2 (27:1)

^27:3 (27:3-7)ꦏꦼꦤꦢꦶꦭꦸꦮꦂꦫꦶꦔꦁꦒꦺꦴꦩ꧀ꦧꦪꦂꦝꦸꦮꦶꦠ꧀ꦩꦤꦸꦠ꧀ꦥꦼꦔꦗꦶꦉꦱ꧀ꦩꦶ꧈​ꦱꦶꦁꦢꦶꦥꦽꦤꦠꦩꦼꦁꦏꦺꦤꦺ:—ꦮꦺꦴꦁꦭꦤꦁ꧈​ꦱꦶꦁꦲꦸꦩꦸꦂꦫꦺ60ꦠꦲꦸꦤ꧀ꦭꦸꦮꦶꦃ:ꦲꦗꦶꦤꦺ15ꦝꦸꦮꦶꦠ꧀ꦱ꧀ꦭꦏ;—ꦮꦺꦴꦁꦮꦢꦺꦴꦤ꧀꧈​ꦱꦶꦁꦲꦸꦩꦸꦂꦫꦺ60ꦠꦲꦸꦤ꧀ꦭꦸꦮꦶꦃ:ꦲꦗꦶꦤꦺ10ꦝꦸꦮꦶꦠ꧀ꦱ꧀ꦭꦏ;—ꦮꦺꦴꦁꦭꦤꦁ꧈​ꦱꦶꦁꦲꦸꦩꦸꦂꦫꦺ20ꦠꦼꦏꦤ꧀60ꦠꦲꦸꦤ꧀:ꦲꦗꦶꦤꦺ50ꦝꦸꦮꦶꦠ꧀ꦱ꧀ꦭꦏ;—ꦮꦺꦴꦁꦮꦢꦺꦴꦤ꧀ꦢꦶꦮꦱ:ꦲꦗꦶꦤꦺ30ꦝꦸꦮꦶꦠ꧀ꦱ꧀ꦭꦏ;—ꦧꦺꦴꦕꦃꦭꦤꦁ꧈​ꦱꦶꦁꦲꦸꦩꦸꦂꦫꦺ5ꦠꦼꦏꦤ꧀20ꦠꦲꦸꦤ꧀:ꦲꦗꦶꦤꦺ20ꦝꦸꦮꦶꦠ꧀ꦱ꧀ꦭꦏ;—ꦧꦺꦴꦕꦃꦮꦢꦺꦴꦤ꧀:ꦲꦗꦶꦤꦺ10ꦝꦸꦮꦶꦠ꧀ꦱ꧀ꦭꦏ;—ꦧꦺꦴꦕꦃꦭꦤꦁꦱꦔꦶꦱꦺꦴꦂꦫꦺ5ꦠꦲꦸꦤ꧀:ꦲꦗꦶꦤꦺ5ꦝꦸꦮꦶꦠ꧀ꦱ꧀ꦭꦏ;—ꦧꦺꦴꦕꦃꦮꦢꦺꦴꦤ꧀ꦕꦶꦭꦶꦏ꧀:ꦲꦗꦶꦤꦺ3ꦝꦸꦮꦶꦠ꧀ꦱ꧀ꦭꦏ꧉​

^27:4 (27:3)

^27:5 (27:3)

^27:6 (27:3)

^27:7 (27:3)

^27:8 ꦪꦺꦤ꧀ꦱꦶꦁꦏꦲꦸꦭ꧀ꦩꦲꦸꦮꦺꦴꦁꦲꦺꦴꦫꦢꦸꦮꦺ꧈​ꦢꦢꦶꦲꦺꦴꦫꦏꦸꦮꦠ꧀ꦩ꧀ꦧꦪꦂꦥꦼꦔꦗꦶꦱꦶꦁꦢꦶꦠꦼꦠꦼꦥ꧀ꦥꦏꦺꦩꦲꦸ꧈​ꦏꦸꦢꦸꦔ꧀ꦒꦮꦮꦺꦴꦁꦲꦸꦠꦮꦧꦺꦴꦕꦃꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦱꦿꦤꦏꦲꦸꦭ꧀ꦩꦲꦸꦩꦫꦁꦲꦶꦩꦩ꧀꧉​ꦲꦶꦩꦩ꧀ꦏꦸꦢꦸꦤꦼꦠꦼꦥ꧀ꦥꦏꦺꦥꦼꦔꦗꦶꦱꦶꦁꦭꦸꦮꦶꦃꦕꦼꦤ꧀ꦝꦺꦏ꧀ꦩꦤꦸꦠ꧀ꦏꦼꦏꦸꦮꦠ꧀ꦠꦤ꧀ꦤꦺꦮꦺꦴꦁꦩꦲꦸ꧉​

^27:9 (27:9-10)ꦪꦺꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦱꦿꦤꦏꦲꦸꦭ꧀ꦩꦲꦸꦏꦺꦮꦤ꧀ꦱꦶꦁꦏꦼꦤꦢꦶꦲꦼꦁꦒꦺꦴꦏꦸꦂꦧꦤ꧀꧈​ꦲꦺꦴꦫꦏꦼꦤꦢꦶꦲꦶꦗꦺꦴꦭ꧀ꦭꦶꦔꦁꦒꦺꦴꦏꦺꦮꦤ꧀ꦭꦶꦪ꧈​ꦩꦼꦂꦒꦲꦥꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦏꦸꦮꦶꦱꦸꦕꦶ꧉​ꦪꦺꦤ꧀ꦩꦼꦏ꧀ꦱꦢꦶꦲꦶꦗꦺꦴꦭ꧀ꦭꦶꦏꦺꦮꦤ꧀ꦭꦶꦪꦤꦺ꧈​ꦏꦺꦮꦤ꧀ꦭꦺꦴꦫꦺꦴꦭꦺꦴꦫꦺꦴꦤꦺꦢꦢꦶꦏꦒꦸꦁꦔꦤ꧀ꦤꦺꦄꦭ꧀ꦭꦃ꧉​

^27:10 (27:9)

^27:11 ꦪꦺꦤ꧀ꦱꦶꦁꦢꦶꦏꦮꦸꦭ꧀ꦭꦏꦺꦩꦲꦸꦏꦺꦮꦤ꧀ꦱꦶꦁꦏꦫꦩ꧀꧈​ꦢꦢꦶꦲꦺꦴꦫꦏꦼꦤꦢꦶꦒꦮꦺꦏꦸꦂꦧꦤ꧀꧈​ꦮꦺꦴꦁꦔꦺꦱꦶꦁꦏꦲꦸꦭ꧀ꦩꦲꦸꦏꦸꦢꦸꦔ꧀ꦒꦮꦏꦺꦮꦤꦺꦩꦫꦁꦲꦶꦩꦩ꧀꧉​

^27:12 ꦲꦶꦩꦩ꧀ꦏꦸꦢꦸꦤꦼꦠꦼꦥ꧀ꦥꦏꦺꦉꦒꦤꦺꦏꦺꦮꦤ꧀ꦩꦲꦸ꧉​ꦉꦒꦱꦶꦁꦮꦶꦱ꧀ꦢꦶꦠꦼꦠꦼꦥ꧀ꦥꦏꦺꦩꦲꦸꦲꦺꦴꦫꦏꦼꦤꦢꦶꦲꦼꦚꦁ꧉​

^27:13 ꦪꦺꦤ꧀ꦮꦺꦴꦁꦔꦺꦏꦼꦥꦺꦔꦶꦤ꧀ꦤꦼꦧꦸꦱ꧀ꦔꦁꦒꦺꦴꦝꦸꦮꦶꦠ꧀꧈​ꦝꦺꦮꦺꦏ꧀ꦏꦺꦏꦸꦢꦸꦩ꧀ꦧꦪꦂꦉꦒꦤꦺꦏꦺꦮꦤ꧀ꦩꦲꦸꦢꦶꦭꦸꦮꦶꦃꦲꦶꦱꦥꦿꦭꦶꦩꦤꦺ꧉​

^27:14 ꦪꦺꦤ꧀ꦲꦤꦮꦺꦴꦁꦚꦲꦺꦴꦱ꧀ꦱꦏꦺꦲꦺꦴꦩꦃꦲꦺꦩꦫꦁꦄꦭ꧀ꦭꦃꦱꦿꦤꦏꦲꦸꦭ꧀꧈​ꦲꦶꦩꦩ꧀ꦏꦸꦢꦸꦤꦼꦠꦼꦥ꧀ꦥꦏꦺꦉꦒꦤꦺꦲꦺꦴꦩꦃꦩꦲꦸꦩꦤꦸꦠ꧀ꦏꦲꦤꦤꦺꦲꦺꦴꦩꦃꦲꦺ꧉​ꦉꦒꦱꦶꦁꦢꦶꦠꦼꦠꦼꦥ꧀ꦥꦏꦺꦩꦲꦸꦲꦺꦴꦫꦏꦼꦤꦢꦶꦲꦼꦚꦁ꧉​

^27:15 ꦪꦺꦤ꧀ꦮꦺꦴꦁꦔꦺꦲꦉꦥ꧀ꦔꦶꦗꦺꦴꦭ꧀ꦭꦶꦲꦺꦴꦩꦃꦩꦲꦸꦔꦁꦒꦺꦴꦝꦸꦮꦶꦠ꧀꧈​ꦏꦸꦢꦸꦩ꧀ꦧꦪꦂꦉꦒꦤꦺꦢꦶꦭꦸꦮꦶꦃꦲꦶꦱꦥꦿꦭꦶꦩꦤꦺ꧉​

^27:16 ꦪꦺꦤ꧀ꦲꦤꦮꦺꦴꦁꦲꦉꦥ꧀ꦚꦲꦺꦴꦱ꧀ꦱꦏꦺꦱꦥꦺꦫꦔꦤꦺꦊꦩꦃꦲꦺꦩꦫꦁꦄꦭ꧀ꦭꦃ꧈​ꦉꦒꦤꦺꦏꦸꦢꦸꦢꦶꦠꦼꦠꦼꦥ꧀ꦥꦏꦺꦩꦶꦠꦸꦫꦸꦠ꧀ꦲꦏꦺꦃꦲꦺꦮꦶꦗꦶꦒꦤ꧀ꦢꦸꦩ꧀ꦱꦶꦁꦢꦶꦧꦸꦠꦸꦃꦲꦏꦺꦱꦲꦸꦥꦩꦊꦩꦃꦩꦲꦸꦢꦶꦒꦫꦥ꧀꧉​ꦱꦧꦼꦤ꧀ꦫꦺꦴꦁꦥꦸꦭꦸꦃꦏꦶꦭꦺꦴꦒꦿꦩ꧀ꦮꦶꦗꦶꦒꦤ꧀ꦢꦸꦩ꧀ꦢꦶꦉꦒꦤꦶꦱꦼꦥꦸꦭꦸꦃꦝꦸꦮꦶꦠ꧀ꦱ꧀ꦭꦏ꧉​

^27:17 ꦩꦼꦤꦮꦊꦩꦃꦩꦲꦸꦢꦶꦱꦲꦺꦴꦱ꧀ꦱꦏꦺꦥꦱ꧀ꦱꦊꦧꦂꦫꦺꦠꦲꦸꦤ꧀​꧊ꦪꦺꦴꦧꦺꦭ꧀꧈​ꦏꦸꦢꦸꦢꦶꦧꦪꦂꦩꦸꦁꦩꦤꦸꦠ꧀ꦲꦥꦉꦒꦤꦺꦮꦲꦺ꧉​

^27:18 ꦪꦺꦤ꧀ꦲꦼꦁꦒꦺꦴꦤꦺꦚꦲꦺꦴꦱ꧀ꦱꦏꦺꦊꦩꦃꦩꦲꦸꦮꦶꦱ꧀ꦱꦮꦼꦠꦫꦠꦲꦸꦤ꧀ꦱꦊꦧꦂꦫꦺꦠꦲꦸꦤ꧀​꧊ꦪꦺꦴꦧꦺꦭ꧀꧈​ꦲꦶꦩꦩ꧀ꦏꦸꦢꦸꦔꦺꦠꦸꦁꦥꦶꦫꦥꦼꦔꦗꦶꦤꦺꦊꦩꦃꦩꦲꦸꦱꦲꦸꦥꦩꦢꦶꦲꦼꦢꦺꦴꦭ꧀ꦥꦱ꧀ꦱꦊꦧꦂꦫꦺꦠꦲꦸꦤ꧀​꧊ꦪꦺꦴꦧꦺꦭ꧀꧈​ꦧꦚ꧀ꦗꦸꦂꦔꦺꦠꦸꦁꦲꦶꦱꦶꦃꦥꦶꦫꦁꦠꦲꦸꦤ꧀ꦩꦼꦤꦺꦃꦠꦼꦏꦤꦺꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧈​ꦤꦸꦭꦶꦤꦼꦠꦼꦥ꧀ꦥꦏꦺꦉꦒꦤꦺꦊꦩꦃꦩꦲꦸꦱꦔꦶꦱꦺꦴꦂꦫꦺꦥꦼꦔꦗꦶꦤꦺ꧉​

^27:19 ꦪꦺꦤ꧀ꦮꦺꦴꦁꦔꦺꦲꦉꦥ꧀ꦤꦼꦧꦸꦱ꧀ꦊꦩꦃꦱꦶꦁꦢꦶꦱꦲꦺꦴꦱ꧀ꦱꦏꦺꦩꦲꦸ꧈​ꦏꦸꦢꦸꦩ꧀ꦧꦪꦂꦉꦒꦤꦺꦊꦩꦃꦢꦶꦭꦸꦮꦶꦃꦲꦶꦱꦥꦿꦭꦶꦩꦤꦺ꧉​

^27:20 ꦪꦺꦤ꧀ꦮꦺꦴꦁꦩꦲꦸꦔꦼꦢꦺꦴꦭ꧀ꦊꦩꦃꦲꦺꦠꦤ꧀ꦥꦩ꧀ꦧꦪꦂꦠꦼꦧꦸꦱ꧀ꦱꦤ꧀ꦤꦺꦩꦫꦁꦄꦭ꧀ꦭꦃ꧈​ꦮꦼꦮꦼꦤꦁꦔꦺꦤꦸꦏꦸꦧꦭꦶꦊꦩꦃꦩꦲꦸꦲꦶꦭꦁ꧉​

^27:21 ꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀ꦊꦩꦃꦩꦲꦸꦱꦼꦭꦮꦱ꧀ꦭꦮꦱ꧀ꦱꦺꦢꦢꦶꦏꦒꦸꦁꦔꦤ꧀ꦤꦺꦄꦭ꧀ꦭꦃꦭꦤ꧀ꦢꦶꦥꦫꦶꦁꦔꦏꦺꦩꦫꦁꦥꦫꦲꦶꦩꦩ꧀꧉​

^27:22 ꦪꦺꦤ꧀ꦲꦤꦮꦺꦴꦁꦚꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦊꦩꦃꦲꦺꦴꦭꦺꦃꦲꦺꦠꦸꦏꦸ꧈​

^27:23 ꦲꦶꦩꦩ꧀ꦏꦸꦢꦸꦤꦼꦏ꧀ꦱꦶꦂꦉꦒꦤꦺꦩꦤꦸꦠ꧀ꦕꦕꦃꦲꦺꦠꦲꦸꦤ꧀ꦠꦼꦏꦤ꧀ꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧉​ꦮꦺꦴꦁꦩꦲꦸꦲꦶꦁꦢꦶꦤꦏꦸꦮꦶꦲꦸꦒꦏꦸꦢꦸꦩ꧀ꦧꦪꦂꦉꦒꦱꦶꦁꦢꦶꦠꦼꦠꦼꦥ꧀ꦥꦏꦺꦢꦺꦤꦶꦁꦲꦶꦩꦩ꧀꧉​ꦝꦸꦮꦶꦠ꧀ꦏꦸꦮꦶꦢꦢꦶꦏꦒꦸꦁꦔꦤ꧀ꦤꦺꦄꦭ꧀ꦭꦃ꧉​

^27:24 ꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀꧈​ꦊꦩꦃꦩꦲꦸꦢꦶꦧꦭꦺꦏ꧀ꦏꦏꦺꦩꦫꦁꦱꦶꦁꦢꦸꦮꦺꦱꦼꦏꦮꦶꦠ꧀꧈​ꦲꦸꦠꦮꦩꦫꦁꦲꦤꦏ꧀ꦠꦸꦫꦸꦤꦺ꧉​

^27:25 ꦱꦏꦺꦃꦲꦶꦁꦉꦒꦏꦸꦢꦸꦢꦶꦠꦼꦠꦼꦥ꧀ꦥꦏꦺꦩꦤꦸꦠ꧀ꦥꦛꦺꦴꦏ꧀ꦏꦤ꧀ꦱꦶꦁꦏꦁꦒꦺꦴꦲꦶꦁꦏꦺꦩꦃꦱꦸꦕꦶ꧉​

^27:26 ꦲꦤꦏ꧀ꦥꦼꦩ꧀ꦧꦉꦥ꧀ꦥꦺꦏꦺꦮꦤ꧀꧈​ꦏꦸꦮꦶꦢꦢꦶꦏꦒꦸꦁꦔꦤ꧀ꦤꦺꦄꦭ꧀ꦭꦃ꧈​ꦩꦸꦭꦤꦺꦲꦺꦴꦫꦏꦼꦤꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦩꦤꦱꦸꦏ꧉​ꦥꦼꦝꦺꦠ꧀꧈​ꦕꦼꦩ꧀ꦥꦺꦤꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦕꦼꦩ꧀ꦥꦺꦤꦺꦮꦼꦝꦸꦱ꧀ꦗꦮꦏꦸꦮꦶꦏꦒꦸꦁꦔꦤ꧀ꦤꦺꦄꦭ꧀ꦭꦃ꧉​

^27:27 ꦲꦤꦏ꧀ꦥꦼꦩ꧀ꦧꦉꦥ꧀ꦥꦺꦏꦺꦮꦤ꧀ꦱꦶꦁꦏꦫꦩ꧀ꦏꦼꦤꦢꦶꦠꦼꦧꦸꦱ꧀ꦔꦁꦒꦺꦴꦉꦒꦉꦱ꧀ꦩꦶ꧈​ꦢꦶꦭꦸꦮꦶꦃꦲꦶꦱꦥꦿꦭꦶꦩꦤꦺ꧉​ꦪꦺꦤ꧀ꦏꦺꦮꦤ꧀ꦩꦲꦸꦢꦶꦠꦼꦧꦸꦱ꧀꧈​ꦏꦼꦤꦢꦶꦲꦼꦢꦺꦴꦭ꧀ꦩꦫꦁꦮꦺꦴꦁꦭꦶꦪꦔꦁꦒꦺꦴꦉꦒꦉꦱ꧀ꦩꦶ꧉​

^27:28 ꦮꦺꦴꦁꦲꦺꦴꦫꦏꦼꦤꦔꦼꦢꦺꦴꦭ꧀ꦲꦸꦠꦮꦤꦸꦏꦸꦩꦼꦤꦺꦃꦧꦫꦁꦱꦶꦁꦮꦶꦱ꧀ꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦠꦤ꧀ꦥꦱꦫꦠ꧀꧈​ꦲꦶꦪꦱꦶꦁꦫꦸꦥꦩꦤꦸꦁꦱ꧈​ꦲꦶꦪꦏꦺꦮꦤ꧀ꦲꦸꦠꦮꦥꦊꦩꦃꦲꦤ꧀꧉​ꦲꦶꦁꦱꦼꦭꦮꦱ꧀ꦭꦮꦱ꧀ꦱꦺꦢꦢꦶꦏꦒꦸꦁꦔꦤ꧀ꦤꦺꦄꦭ꧀ꦭꦃ꧉​

^27:29 ꦩꦭꦃꦩꦤꦸꦁꦱꦥꦶꦱꦤ꧀ꦱꦶꦁꦮꦶꦱ꧀ꦢꦶꦫꦸꦮꦠ꧀ꦩꦤꦸꦠ꧀ꦥꦽꦤꦠꦤꦺꦄꦭ꧀ꦭꦃꦲꦺꦴꦫꦏꦼꦤꦢꦶꦠꦼꦧꦸꦱ꧀;ꦮꦺꦴꦁꦩꦲꦸꦏꦸꦢꦸꦢꦶꦥꦠꦺꦤ꧀ꦤꦶ꧉​

^27:30 ꦱꦥꦿꦱꦼꦥꦸꦭꦸꦃꦲꦺꦥꦩꦼꦠꦸꦤꦺꦧꦸꦩꦶꦏꦧꦺꦃ꧈​ꦲꦶꦪꦒꦤ꧀ꦢꦸꦩ꧀ꦲꦶꦪꦮꦺꦴꦃꦮꦺꦴꦃꦲꦤ꧀ꦏꦸꦢꦸꦏꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧉​

^27:31 ꦪꦺꦤ꧀ꦱꦶꦁꦢꦸꦮꦺꦲꦉꦥ꧀ꦤꦼꦧꦸꦱ꧀ꦱꦥꦺꦫꦁꦔꦤ꧀꧈​ꦏꦸꦢꦸꦩ꧀ꦧꦪꦂꦲꦥꦩꦼꦱ꧀ꦛꦶꦤꦺ꧈​ꦢꦶꦭꦸꦮꦶꦃꦲꦶꦱꦥꦿꦭꦶꦩꦤꦺ꧉​

^27:32 ꦱꦥꦿꦱꦼꦥꦸꦭꦸꦃꦲꦺꦫꦗꦏꦪꦏꦸꦮꦶꦏꦒꦸꦁꦔꦤ꧀ꦤꦺꦄꦭ꧀ꦭꦃ꧉​ꦪꦺꦤ꧀ꦏꦺꦮꦤ꧀ꦏꦺꦮꦤ꧀ꦢꦶꦱꦲꦺꦴꦱ꧀ꦱꦏꦺ꧈​ꦱꦧꦼꦤ꧀ꦏꦺꦮꦤ꧀ꦱꦶꦁꦏꦱꦼꦥꦸꦭꦸꦃꦏꦸꦢꦸꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧉​

^27:33 ꦱꦶꦁꦢꦸꦮꦺꦫꦗꦏꦪꦩꦲꦸꦲꦺꦴꦫꦏꦼꦤꦩꦶꦭꦶꦃꦲꦶꦱꦶꦁꦧꦼꦕꦶꦏ꧀ꦧꦼꦕꦶꦏ꧀ꦲꦸꦠꦮꦱꦶꦁꦲꦭꦲꦭ꧈​ꦲꦸꦠꦮꦔ꧀ꦭꦶꦫꦺꦴꦤ꧀ꦤꦶ꧉​ꦪꦺꦤ꧀ꦢꦶꦭꦶꦫꦺꦴꦤ꧀ꦤꦶ꧈​ꦏꦺꦮꦤ꧀ꦱꦶꦁꦢꦶꦭꦶꦫꦺꦴꦤ꧀ꦤꦶꦭꦤ꧀ꦱꦶꦁꦏꦁꦒꦺꦴꦔ꧀ꦭꦶꦫꦺꦴꦤ꧀ꦤꦶꦭꦺꦴꦫꦺꦴꦭꦺꦴꦫꦺꦴꦤꦺꦢꦢꦶꦏꦒꦸꦁꦔꦤ꧀ꦤꦺꦄꦭ꧀ꦭꦃꦭꦤ꧀ꦲꦺꦴꦫꦏꦼꦤꦢꦶꦠꦼꦧꦸꦱ꧀꧉"​

^27:34 ꦏꦪꦩꦼꦁꦏꦺꦴꦤꦺꦴꦥꦽꦤꦠꦤ꧀ꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦲꦤꦲꦶꦁꦒꦸꦤꦸꦁ​꧊ꦱꦶꦤꦲꦶ꧈​ꦩꦫꦁ​꧊ꦩꦸꦱ꧈​ꦏꦁꦒꦺꦴꦧꦁꦱ​꧊ꦆꦱꦿꦲꦺꦭ꧀꧉​