Alkitab/Kaimaman/5

^5:1 ꦥꦤꦼꦫꦏ꧀ꦥꦤꦼꦫꦏ꧀ꦱꦶꦁꦥꦽꦭꦸꦢꦶꦱꦸꦮꦸꦤ꧀ꦤꦏꦺꦥꦔꦥꦸꦫꦱꦿꦤꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦏꦸꦮꦶꦱꦶꦁꦩꦼꦁꦏꦺꦤꦺ:ꦪꦺꦤ꧀ꦲꦤꦮꦺꦴꦁꦢꦶꦗꦭꦸꦏ꧀ꦢꦢꦶꦱꦼꦏ꧀ꦱꦶꦲꦶꦁꦥꦼꦔꦢꦶꦭ꧀ꦭꦤ꧀꧈​ꦤꦁꦔꦶꦁꦲꦺꦴꦫꦒꦼꦊꦩ꧀ꦲꦮꦺꦃꦏꦼꦠꦿꦔꦤ꧀ꦧꦧ꧀ꦱꦮꦶꦗꦶꦤꦶꦁꦥꦽꦏꦫ꧈​ꦱꦶꦁꦢꦶꦮꦼꦫꦸꦃꦲꦶꦲꦸꦠꦮꦢꦶꦫꦸꦔꦸ꧈​ꦮꦺꦴꦁꦩꦲꦸꦏꦼꦭꦸꦥꦸꦠ꧀ꦠꦤ꧀ꦭꦤ꧀ꦏꦸꦢꦸꦚꦁꦒꦥꦲꦸꦏꦸꦩ꧀ꦩꦤ꧀ꦤꦺ꧉​

^5:2 ꦮꦺꦴꦁꦱꦶꦁꦲꦺꦴꦫꦚ꧀ꦗꦫꦒ꧀ꦔ꧀ꦒꦼꦥꦺꦴꦏ꧀ꦧꦫꦁꦱꦶꦁꦤꦗꦶꦱ꧀꧈​ꦏꦪꦠꦧꦛꦁꦏꦺꦮꦤ꧀꧈​ꦱꦩꦱꦔꦼꦂꦠꦶꦲꦥꦱꦶꦁꦢꦶꦭꦏꦺꦴꦤ꧀ꦤꦶꦩꦲꦸ꧈​ꦢꦢꦶꦤꦗꦶꦱ꧀ꦭꦤ꧀ꦏꦼꦭꦸꦥꦸꦠ꧀ꦠꦤ꧀꧉​

^5:3 ꦮꦺꦴꦁꦱꦶꦁꦔ꧀ꦒꦼꦥꦺꦴꦏ꧀ꦧꦫꦁꦤꦗꦶꦱ꧀ꦱꦶꦁꦲꦱꦭ꧀ꦭꦺꦱꦏꦩꦤꦸꦁꦱ꧈​ꦱꦩꦱꦔꦼꦂꦠꦶꦲꦥꦱꦶꦁꦢꦶꦭꦏꦺꦴꦤ꧀ꦤꦶꦩꦲꦸ꧈​ꦢꦢꦶꦤꦗꦶꦱ꧀ꦭꦤ꧀ꦏꦼꦭꦸꦥꦸꦠ꧀ꦠꦤ꧀꧉​

^5:4 ꦮꦺꦴꦁꦱꦶꦁꦱꦸꦩ꧀ꦥꦃꦠꦤ꧀ꦥꦢꦶꦥꦶꦏꦶꦂꦧꦧ꧀ꦲꦥꦱꦶꦁꦢꦶꦏꦤ꧀ꦝꦏ꧀ꦏꦏꦺ꧈​ꦱꦩꦱꦔꦼꦂꦠꦶꦲꦥꦱꦶꦁꦢꦶꦭꦏꦺꦴꦤ꧀ꦤꦶꦩꦲꦸ꧈​ꦢꦢꦶꦤꦗꦶꦱ꧀ꦭꦤ꧀ꦏꦼꦭꦸꦥꦸꦠ꧀ꦠꦤ꧀꧉​

^5:5 ꦮꦺꦴꦁꦱꦶꦁꦔ꧀ꦭꦏꦺꦴꦤ꧀ꦤꦶꦥꦽꦏꦫꦥꦽꦏꦫꦲꦶꦁꦝꦸꦮꦸꦂꦩꦲꦸꦏꦸꦢꦸꦔꦏꦺꦴꦤ꧀ꦤꦶꦭꦸꦥꦸꦠ꧀ꦠꦺ꧉​

^5:6 ꦩꦼꦂꦒꦢꦺꦴꦱꦤꦺꦩꦲꦸ꧈​ꦮꦺꦴꦁꦏꦸꦮꦶꦏꦸꦢꦸꦱꦲꦺꦴꦱ꧀ꦏꦸꦂꦧꦤ꧀ꦩꦫꦁꦄꦭ꧀ꦭꦃ꧈​ꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦮꦢꦺꦴꦤ꧀ꦱꦶꦗꦶꦲꦸꦠꦮꦮꦼꦝꦸꦱ꧀ꦗꦮꦮꦢꦺꦴꦤ꧀ꦱꦶꦗꦶ꧉​ꦲꦶꦩꦩ꧀ꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦲꦸ꧈​ꦱꦸꦥꦪꦢꦺꦴꦱꦤꦺꦮꦺꦴꦁꦩꦲꦸꦢꦶꦲꦥꦸꦫ꧉​

^5:7 ꦪꦺꦤ꧀ꦮꦺꦴꦁꦩꦲꦸꦲꦺꦴꦫꦏꦸꦮꦠ꧀ꦚꦲꦺꦴꦱ꧀ꦱꦏꦺꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦮꦼꦝꦸꦱ꧀ꦗꦮꦏꦁꦒꦺꦴꦤꦼꦧꦸꦱ꧀ꦢꦺꦴꦱꦤꦺ꧈​ꦏꦸꦢꦸꦚꦲꦺꦴꦱ꧀ꦱꦏꦺꦩꦤꦸꦏ꧀ꦢꦽꦏꦸꦏꦸꦲꦸꦠꦮꦩꦤꦸꦏ꧀ꦢꦫꦱꦼꦗꦺꦴꦝꦺꦴ;ꦱꦶꦁꦱꦶꦗꦶꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦱꦶꦗꦶꦤꦺꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​

^5:8 ꦩꦤꦸꦏ꧀ꦩꦤꦸꦏ꧀ꦩꦲꦸꦏꦸꦢꦸꦢꦶꦥꦱꦿꦃꦲꦏꦺꦩꦫꦁꦲꦶꦩꦩ꧀;ꦱꦶꦁꦢꦶꦱꦲꦺꦴꦱ꧀ꦱꦏꦺꦝꦶꦱꦶꦏ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​ꦒꦸꦭꦸꦤꦺꦩꦤꦸꦏ꧀ꦩꦲꦸꦏꦸꦢꦸꦢꦶꦥꦸꦤ꧀ꦠꦶꦂ꧈​ꦤꦁꦔꦶꦁꦲꦼꦤ꧀ꦝꦱ꧀ꦱꦺꦲꦺꦴꦫꦏꦼꦤꦔꦤ꧀ꦠꦶꦥꦼꦝꦺꦴꦠ꧀꧉​

^5:9 ꦒꦼꦠꦶꦃꦲꦺꦩꦤꦸꦏ꧀ꦩꦲꦸꦏꦸꦢꦸꦢꦶꦕꦶꦥꦿꦠ꧀ꦕꦶꦥꦿꦠ꧀ꦠꦏꦺꦲꦶꦁꦱꦶꦏꦶꦭ꧀ꦭꦺꦩꦼꦱ꧀ꦧꦺꦃ꧉​ꦏꦸꦮꦶꦏꦸꦂꦧꦤ꧀ꦱꦶꦁꦏꦸꦢꦸꦢꦶꦱꦲꦺꦴꦱ꧀ꦱꦏꦺꦱꦸꦥꦪꦲꦺꦴꦭꦺꦃꦥꦔꦥꦸꦫꦤꦶꦁꦢꦺꦴꦱ꧉​

^5:10 ꦱꦮꦶꦱ꧀ꦱꦺꦏꦸꦮꦶꦲꦶꦩꦩ꧀ꦭꦒꦶꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦱꦶꦁꦏꦥꦶꦤ꧀ꦝꦺꦴ꧈​ꦪꦏꦸꦮꦶꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦩꦶꦠꦸꦫꦸꦠ꧀ꦥꦽꦤꦠꦤ꧀꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦶꦩꦩ꧀ꦲꦺꦴꦭꦺꦃꦲꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦁꦒꦺꦴꦮꦺꦴꦁꦱꦶꦁꦤꦼꦫꦏ꧀ꦮꦼꦮꦊꦂꦫꦺꦄꦭ꧀ꦭꦃ꧈​ꦭꦤ꧀ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦔꦥꦸꦫꦮꦺꦴꦁꦩꦲꦸ꧉​

^5:11 ꦪꦺꦤ꧀ꦮꦺꦴꦁꦱꦶꦁꦔ꧀ꦭꦏꦺꦴꦤ꧀ꦤꦶꦥꦤꦼꦫꦏ꧀ꦩꦲꦸꦲꦺꦴꦫꦏꦸꦮꦠ꧀ꦚꦲꦺꦴꦱ꧀ꦱꦏꦺꦩꦤꦸꦏ꧀ꦢꦼꦫꦸꦏ꧀ꦱꦼꦗꦺꦴꦝꦺꦴꦲꦸꦠꦮꦩꦤꦸꦏ꧀ꦢꦫꦱꦼꦗꦺꦴꦝꦺꦴꦏꦁꦒꦺꦴꦏꦸꦂꦧꦤ꧀꧈​ꦏꦸꦢꦸꦚꦲꦺꦴꦱ꧀ꦱꦏꦺꦒ꧀ꦭꦼꦥꦸꦁꦱꦏꦶꦭꦺꦴꦒꦿꦩ꧀꧉​ꦒ꧀ꦭꦼꦥꦸꦁꦩꦲꦸꦲꦺꦴꦫꦏꦼꦤꦢꦶꦮꦺꦤꦺꦃꦲꦶꦊꦔꦗ꦳ꦲꦶꦠꦸꦤ꧀ꦲꦸꦠꦮꦩꦼꦚꦤ꧀꧈​ꦩꦼꦂꦒꦢꦶꦲꦼꦁꦒꦺꦴꦱꦲꦺꦴꦱ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦭꦤ꧀ꦲꦺꦴꦫꦏꦁꦒꦺꦴꦏꦸꦂꦧꦤ꧀ꦝꦲꦂꦫꦤ꧀꧉​

^5:12 ꦒ꧀ꦭꦼꦥꦸꦁꦩꦲꦸꦏꦸꦢꦸꦢꦶꦥꦱꦿꦃꦲꦏꦺꦩꦫꦁꦲꦶꦩꦩ꧀꧉​ꦲꦶꦩꦩ꧀ꦧꦚ꧀ꦗꦸꦂꦏꦸꦢꦸꦚ꧀ꦗꦸꦥꦸꦏ꧀ꦒ꧀ꦭꦼꦥꦸꦁꦔꦺꦱꦼꦒꦼꦒꦼꦩ꧀꧈​ꦩꦶꦤꦁꦏꦠꦤ꧀ꦝꦪꦺꦤ꧀ꦒ꧀ꦭꦼꦥꦸꦁꦔꦺꦏꦧꦺꦃꦏꦱꦲꦺꦴꦱ꧀ꦱꦏꦺꦏꦁꦒꦺꦴꦏꦸꦂꦧꦤ꧀ꦩꦫꦁꦄꦭ꧀ꦭꦃ꧉​ꦒ꧀ꦭꦼꦥꦸꦁꦱꦼꦒꦼꦒꦼꦩ꧀ꦩꦲꦸꦧꦚ꧀ꦗꦸꦂꦢꦶꦲꦺꦴꦧꦺꦴꦁꦲꦶꦁꦩꦼꦱ꧀ꦧꦺꦃꦢꦢꦶꦏꦸꦂꦧꦤ꧀ꦝꦲꦂꦫꦤ꧀꧉​ꦏꦸꦂꦧꦤ꧀ꦩꦲꦸꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​

^5:13 ꦏꦸꦢꦸꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦶꦩꦩ꧀ꦲꦺꦴꦭꦺꦃꦲꦺꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦏꦁꦒꦺꦴꦮꦺꦴꦁꦱꦶꦁꦔ꧀ꦭꦏꦺꦴꦤ꧀ꦤꦶꦥꦤꦼꦫꦏ꧀꧈​ꦭꦤ꧀ꦄꦭ꧀ꦭꦃꦧꦏꦭ꧀ꦔꦥꦸꦫꦮꦺꦴꦁꦩꦲꦸ꧉​ꦠꦸꦫꦃꦲꦤ꧀ꦤꦺꦒꦤ꧀ꦢꦸꦩ꧀ꦩꦲꦸꦢꦢꦶꦧꦒꦺꦪꦤ꧀ꦤꦺꦲꦶꦩꦩ꧀꧈​ꦲꦺꦴꦫꦧꦺꦢꦏꦫꦺꦴꦪꦺꦤ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦲꦂꦫꦤ꧀꧉​

^5:14 ꦒꦸꦱ꧀ꦠꦶꦄꦭ꧀ꦭꦃꦥꦫꦶꦁꦝꦮꦸꦃꦩꦫꦁ​꧊ꦩꦸꦱꦩꦼꦁꦏꦺꦤꦺ꧈​

^5:15 "ꦩꦼꦤꦮꦲꦤꦮꦺꦴꦁꦱꦶꦁꦠꦤ꧀ꦥꦢꦶꦗꦫꦒ꧀ꦒꦮꦺꦢꦺꦴꦱꦩꦼꦂꦒꦭꦭꦶꦩꦱꦿꦃꦲꦏꦺꦥꦶꦱꦸꦁꦱꦸꦁꦮꦗꦶꦧ꧀ꦏꦒꦼꦩ꧀ꦄꦭ꧀ꦭꦃ꧈​ꦮꦺꦴꦁꦩꦲꦸꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦼꦤ꧀ꦝ꧈​ꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦮꦼꦝꦸꦱ꧀ꦗꦮꦱꦶꦗꦶ꧈​ꦭꦤꦁꦭꦤ꧀ꦩꦸꦭꦸꦱ꧀꧈​ꦠꦤ꧀ꦥꦕꦕꦢ꧀꧉​ꦉꦒꦤꦺꦢꦶꦠꦼꦠꦼꦥ꧀ꦥꦏꦺꦩꦶꦠꦸꦫꦸꦠ꧀ꦉꦒꦉꦱ꧀ꦩꦶ꧉​

^5:16 ꦮꦺꦴꦁꦩꦲꦸꦏꦸꦢꦸꦩ꧀ꦧꦪꦂꦱꦶꦁꦢꦢꦶꦮꦗꦶꦧ꧀ꦧꦺ꧈​ꦢꦶꦠꦩ꧀ꦧꦃꦫꦺꦴꦁꦥꦸꦭꦸꦃꦥꦼꦂꦱꦺꦤ꧀꧉​ꦏꦺꦮꦤ꧀ꦩꦲꦸꦏꦸꦢꦸꦢꦶꦠꦩ꧀ꦥꦏ꧀ꦏꦏꦺꦩꦫꦁꦲꦶꦩꦩ꧀꧈​ꦭꦤ꧀ꦲꦶꦩꦩ꧀ꦏꦸꦢꦸꦚꦲꦺꦴꦱ꧀ꦱꦏꦺꦏꦺꦮꦤ꧀ꦩꦲꦸꦢꦢꦶꦏꦸꦂꦧꦤ꧀ꦝꦼꦤ꧀ꦝꦏꦁꦒꦺꦴꦤꦼꦧꦸꦱ꧀ꦢꦺꦴꦱꦤꦺꦮꦺꦴꦁꦩꦲꦸ꧈​ꦭꦤ꧀ꦄꦭ꧀ꦭꦃꦧꦏꦭ꧀ꦔꦥꦸꦫ꧉​

^5:17 ꦪꦺꦤ꧀ꦮꦺꦴꦁꦠꦤ꧀ꦥꦢꦶꦗꦫꦒ꧀ꦤꦼꦫꦏ꧀ꦱꦭꦃꦱꦶꦗꦶꦤꦶꦁꦮꦼꦮꦊꦂꦫꦺꦄꦭ꧀ꦭꦃ꧈​ꦮꦺꦴꦁꦩꦲꦸꦏꦼꦭꦸꦥꦸꦠ꧀ꦠꦤ꧀꧈​ꦭꦤ꧀ꦏꦸꦢꦸꦢꦶꦲꦸꦏꦸꦩ꧀꧉​

^5:18 ꦩꦸꦭꦤꦺꦏꦸꦢꦸꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦝꦼꦤ꧀ꦝꦱꦶꦁꦏꦸꦢꦸꦢꦶꦠꦩ꧀ꦥꦏ꧀ꦏꦏꦺꦩꦫꦁꦲꦶꦩꦩ꧀ꦫꦸꦥꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦲꦸꦠꦮꦮꦼꦝꦸꦱ꧀ꦭꦤꦁꦱꦶꦗꦶ꧈​ꦱꦶꦁꦠꦤ꧀ꦥꦕꦕꦢ꧀꧉​ꦲꦗꦶꦤꦺꦏꦸꦢꦸꦢꦶꦠꦼꦠꦼꦥ꧀ꦥꦏꦺꦩꦤꦸꦠ꧀ꦉꦒꦱꦶꦁꦏꦁꦒꦺꦴꦲꦶꦁꦏꦺꦩꦃꦱꦸꦕꦶ꧉​ꦲꦶꦩꦩ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦩꦲꦸꦏꦁꦒꦺꦴꦤꦼꦧꦸꦱ꧀ꦢꦺꦴꦱꦤꦺꦮꦺꦴꦁꦱꦶꦁꦏꦼꦭꦸꦥꦸꦠ꧀ꦠꦤ꧀ꦩꦲꦸ꧈​ꦭꦤ꧀ꦄꦭ꧀ꦭꦃꦧꦏꦭ꧀ꦔꦥꦸꦫ꧉​ꦩꦼꦁꦏꦺꦴꦤꦺꦴꦩꦲꦸꦥꦽꦤꦠꦤꦺꦏꦸꦂꦧꦤ꧀ꦝꦼꦤ꧀ꦝꦱꦸꦥꦪꦲꦺꦴꦭꦺꦃꦲꦥꦸꦫꦤꦶꦁꦢꦺꦴꦱꦲꦶꦁꦔꦂꦱꦤꦺꦄꦭ꧀ꦭꦃ꧉"​

^5:19 ꦏꦪꦩꦼꦁꦏꦺꦴꦤꦺꦴꦩꦲꦸꦥꦽꦤꦠꦤꦺꦏꦸꦂꦧꦤ꧀ꦝꦼꦤ꧀ꦝꦱꦸꦥꦪꦲꦺꦴꦭꦺꦃꦲꦥꦸꦫꦤꦶꦁꦢꦺꦴꦱꦲꦶꦁꦔꦂꦱꦤꦺꦄꦭ꧀ꦭꦃ꧉"​