Alkitab/Kaimaman/10

^10:1 ꦲꦶꦁꦱꦮꦶꦗꦶꦤꦶꦁꦢꦶꦤ​꧊ꦤꦢꦧ꧀ꦭꦤ꧀​꧊ꦄꦧꦶꦲꦸ꧈​ꦭꦺꦴꦫꦺꦴꦭꦺꦴꦫꦺꦴꦤꦺꦲꦤꦏ꧀ꦏꦺꦲꦫꦸꦤ꧀꧈​ꦥꦝꦔ꧀ꦒꦮꦥꦼꦢꦸꦥꦤꦺꦝꦺꦮꦺꦝꦺꦮꦺ꧈​ꦧꦚ꧀ꦗꦸꦂꦢꦶꦲꦶꦱꦺꦤ꧀ꦤꦶꦩꦮꦢꦶꦠꦸꦩ꧀ꦥꦁꦔꦶꦩꦼꦚꦤ꧀ꦏꦠꦸꦂꦩꦫꦁꦄꦭ꧀ꦭꦃ꧉​ꦤꦁꦔꦶꦁꦒꦼꦤꦶꦩꦲꦸꦱꦺꦗꦺ꧈​ꦢꦸꦢꦸꦒꦼꦤꦶꦱꦸꦕꦶ꧈​ꦚꦸꦭꦪꦤ꧀ꦤꦶꦏꦫꦺꦴꦝꦮꦸꦃꦲꦺꦄꦭ꧀ꦭꦃ꧉​

^10:2 ꦱꦤꦭꦶꦏꦄꦭ꧀ꦭꦃꦤꦼꦏꦏ꧀ꦏꦏꦺꦒꦼꦤꦶꦱꦶꦁꦩ꧀ꦧꦿꦔꦱ꧀ꦮꦺꦴꦁꦭꦺꦴꦫꦺꦴꦩꦲꦸꦔꦤ꧀ꦠꦶꦩꦠꦶꦔꦼꦁꦒꦺꦴꦤ꧀꧈​ꦲꦤꦲꦶꦁꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃꦏꦺꦴꦤꦺꦴ꧉​

^10:3 ​꧊ꦩꦸꦱꦧꦚ꧀ꦗꦸꦂꦏꦤ꧀ꦝꦏꦫꦺꦴꦲꦫꦸꦤ꧀꧈​"ꦪꦲꦶꦏꦶꦱꦶꦁꦢꦶꦏꦼꦂꦱꦏ꧀ꦏꦏꦺꦢꦺꦤꦶꦁꦄꦭ꧀ꦭꦃꦤꦭꦶꦏꦔꦤ꧀ꦢꦶꦏ꧈​‘ꦏꦧꦺꦃꦮꦺꦴꦁꦏꦁꦊꦭꦢꦶꦏꦁꦒꦺꦴꦲꦏꦸꦏꦸꦢꦸꦔꦸꦂꦩꦠ꧀ꦠꦶꦏꦱꦸꦕꦺꦤ꧀ꦏꦸ;ꦲꦏꦸꦧꦏꦭ꧀ꦔꦼꦠꦶꦔꦭ꧀ꦭꦏꦺꦏꦩꦸꦭꦾꦤ꧀ꦏꦸꦩꦫꦁꦲꦸꦩꦠ꧀ꦏꦸ꧉’"​ꦤꦁꦔꦶꦁꦲꦫꦸꦤ꧀ꦩꦼꦤꦼꦁꦮꦲꦺ꧉​

^10:4 ꦩꦸꦭꦤꦺ​꧊ꦩꦸꦱꦧꦚ꧀ꦗꦸꦂꦔꦸꦤ꧀ꦢꦁ​꧊ꦩꦶꦱꦲꦺꦭ꧀ꦭꦤ꧀​꧊ꦌꦭ꧀ꦱꦥ꦳ꦤ꧀꧈​ꦲꦤꦏ꧀ꦲꦤꦏ꧀ꦏꦺ​꧊ꦈꦗ꦳ꦶꦪꦺꦭ꧀꧈​ꦥꦩꦤ꧀ꦤꦺꦲꦫꦸꦤ꧀꧉​ꦏꦤ꧀ꦝꦤꦺ​꧊ꦩꦸꦱ꧈​"ꦗꦶꦱꦶꦩ꧀ꦩꦺꦱꦼꦢꦸꦭꦸꦂꦩꦸꦒꦮꦤꦼꦤ꧀ꦩꦼꦠꦸꦱꦏꦏꦺꦩꦃꦱꦸꦕꦶꦩꦼꦚꦁꦱꦚ꧀ꦗꦧꦤꦺꦏꦺꦩꦃ꧉"​

^10:5 ꦤꦸꦭꦶꦥꦝꦠꦸꦩꦤ꧀ꦢꦁ;ꦗꦶꦱꦶꦩ꧀ꦩꦺꦢꦶꦒꦺꦴꦠꦺꦴꦁꦢꦶꦭꦩ꧀ꦧꦂꦫꦶꦔꦁꦒꦺꦴꦱꦤ꧀ꦝꦁꦔꦤ꧀ꦱꦶꦁꦢꦶꦲꦼꦁꦒꦺꦴ꧈​ꦢꦶꦒꦮꦩꦼꦠꦸꦱꦏꦏꦺꦩꦃ꧈​ꦏꦪꦱꦶꦁꦢꦶꦝꦮꦸꦃꦲꦏꦺ​꧊ꦩꦸꦱ꧉​

^10:6 ​꧊ꦩꦸꦱꦧꦚ꧀ꦗꦸꦂꦏꦤ꧀ꦝꦏꦫꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦱꦶꦁꦲꦶꦱꦶꦃꦲꦸꦫꦶꦥ꧀꧈​ꦪꦏꦸꦮꦶ​꧊ꦌꦭꦺꦪꦗ꦳ꦂꦭꦤ꧀​꧊ꦆꦠꦩꦂ꧈​"ꦲꦮꦱ꧀꧈​ꦫꦩ꧀ꦧꦸꦠ꧀ꦩꦸꦲꦗꦏꦺꦴꦏ꧀ꦲꦝꦸꦭ꧀ꦲꦝꦸꦭ꧀ꦭꦤ꧀ꦏ꧀ꦭꦩ꧀ꦧꦶꦩꦸꦲꦗꦏꦺꦴꦏ꧀ꦱꦸꦮꦺꦏ꧀ꦏꦁꦒꦺꦴꦤꦺꦭꦏ꧀ꦏꦏꦺꦏꦱꦸꦱꦃꦲꦤ꧀ꦩꦸ꧉​ꦪꦺꦤ꧀ꦔ꧀ꦭꦏꦺꦴꦤ꧀ꦤꦶꦩꦼꦁꦏꦺꦴꦤꦺꦴꦏꦺꦴꦮꦺꦧꦏꦭ꧀ꦩꦠꦶ꧈​ꦭꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃꦧꦏꦭ꧀ꦏꦼꦤꦧꦼꦧꦼꦤ꧀ꦢꦸꦤꦺꦄꦭ꧀ꦭꦃ꧉​ꦮꦺꦴꦁ​꧊ꦆꦱꦿꦲꦺꦭ꧀ꦭꦶꦪꦤꦺꦏꦼꦤꦤꦔꦶꦱ꧀ꦱꦶꦥꦠꦶꦤꦺꦮꦺꦴꦁꦭꦺꦴꦫꦺꦴꦱꦶꦁꦏꦼꦧꦿꦔꦱ꧀ꦒꦼꦤꦶꦤꦺꦄꦭ꧀ꦭꦃꦩꦲꦸ꧉​

^10:7 ꦤꦁꦔꦶꦁꦏꦺꦴꦮꦺ꧈​ꦲꦫꦸꦤ꧀ꦭꦤ꧀ꦲꦤꦏ꧀ꦩꦸꦭꦺꦴꦫꦺꦴꦲꦗꦩꦼꦠꦸꦱꦏꦏꦺꦩꦃꦱꦸꦕꦶ꧈​ꦱꦸꦥꦪꦲꦗꦩꦠꦶ꧈​ꦩꦼꦂꦒꦏꦺꦴꦮꦺꦮꦶꦱ꧀ꦥꦝꦢꦶꦗꦼꦧꦢ꧀ꦢꦶꦭꦤ꧀ꦮꦶꦱ꧀ꦢꦶꦥꦶꦗꦶꦔ꧀ꦭꦢꦺꦴꦱ꧀ꦱꦶꦄꦭ꧀ꦭꦃ꧉"​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦥꦝꦤꦸꦫꦸꦠ꧀ꦩꦫꦁꦏꦤ꧀ꦝꦤꦺ​꧊ꦩꦸꦱ꧉​

^10:8 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁꦲꦫꦸꦤ꧀꧈​

^10:9 "ꦏꦺꦴꦮꦺꦭꦤ꧀ꦲꦤꦏ꧀ꦲꦤꦏ꧀ꦩꦸꦱꦩꦱꦲꦉꦥ꧀ꦩ꧀ꦭꦼꦧꦸꦲꦶꦁꦏꦺꦩꦃꦱꦸꦕꦶꦲꦗꦥꦝꦔꦺꦴꦩ꧀ꦧꦺꦲꦁꦒꦸꦂꦲꦸꦠꦮꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀ꦭꦶꦪꦤꦺꦱꦶꦁꦩꦼꦤ꧀ꦢꦼꦩ꧀ꦩꦶ꧉​ꦪꦺꦤ꧀ꦮꦼꦮꦊꦂꦲꦶꦏꦶꦏꦺꦴꦏ꧀ꦠꦼꦫꦏ꧀ꦏꦺꦴꦮꦺꦧꦏꦭ꧀ꦩꦠꦶ꧉​ꦝꦮꦸꦃꦲꦶꦏꦶꦥꦽꦤꦠꦤ꧀ꦏꦁꦒꦺꦴꦲꦶꦁꦱꦼꦭꦮꦱ꧀ꦱꦺ꧈​ꦏꦁꦒꦺꦴꦲꦤꦏ꧀ꦠꦸꦫꦸꦤ꧀ꦩꦸꦏꦧꦺꦃ꧉​

^10:10 ꦏꦺꦴꦮꦺꦮꦗꦶꦧ꧀ꦩ꧀ꦧꦺꦢꦏ꧀ꦏꦏꦺꦱꦩꦸꦧꦫꦁꦱꦶꦁꦱꦼꦁꦏꦼꦂꦫꦤ꧀꧈​ꦪꦏꦸꦮꦶꦱꦶꦁꦩ꧀ꦭꦶꦒꦶꦏꦒꦼꦩ꧀ꦄꦭ꧀ꦭꦃ꧈​ꦭꦤ꧀ꦱꦶꦁꦭꦸꦩꦿꦃ;ꦱꦶꦁꦱꦸꦕꦶꦭꦤ꧀ꦱꦶꦁꦤꦗꦶꦱ꧀꧉​

^10:11 ꦱꦏꦺꦃꦲꦶꦁꦥꦽꦤꦠꦤ꧀ꦱꦶꦁꦮꦶꦱ꧀ꦢꦏ꧀ꦝꦮꦸꦃꦲꦏꦺꦭꦤ꧀ꦠꦂꦫꦤ꧀​꧊ꦩꦸꦱ꧈​ꦏꦸꦢꦸꦏꦺꦴꦏ꧀ꦮꦸꦭꦁꦔꦏꦺꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀꧉"​

^10:12 ​꧊ꦩꦸꦱꦕ꧀ꦭꦛꦸꦏꦫꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦪꦏꦸꦮꦶ​꧊ꦌꦭꦺꦪꦗ꦳ꦂꦭꦤ꧀​꧊ꦆꦠꦩꦂ꧈​"ꦠꦸꦫꦃꦲꦤ꧀ꦤꦺꦏꦸꦂꦧꦤ꧀ꦒꦤ꧀ꦢꦸꦩ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦏꦸꦮꦶꦗꦸꦥꦸꦏ꧀ꦏꦼꦤ꧀꧈​ꦒꦮꦺꦤꦼꦤ꧀ꦫꦺꦴꦠꦶꦠꦤ꧀ꦥꦫꦒꦶꦭꦤ꧀ꦥꦔꦤ꧀ꦤꦼꦤ꧀ꦲꦶꦁꦱꦕꦼꦝꦏ꧀ꦏꦺꦩꦼꦱ꧀ꦧꦺꦃ꧈​ꦩꦼꦂꦒꦏꦸꦂꦧꦤ꧀ꦏꦸꦮꦶꦱꦸꦕꦶꦧꦔꦼꦠ꧀꧉​

^10:13 ꦫꦺꦴꦠꦶꦩꦲꦸꦥꦔꦤ꧀ꦤꦼꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ꧉​ꦏꦸꦮꦶꦥꦚ꧀ꦕꦺꦤ꧀ꦧꦒꦺꦪꦤ꧀ꦩꦸ꧈​ꦲꦫꦸꦤ꧀꧈​ꦭꦤ꧀ꦲꦤꦏ꧀ꦲꦤꦏ꧀ꦩꦸꦭꦤꦁ꧈​ꦱꦏꦝꦲꦂꦫꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ꧉​ꦩꦼꦁꦏꦺꦴꦤꦺꦴꦝꦮꦸꦃꦲꦺꦄꦭ꧀ꦭꦃꦩꦫꦁꦲꦏꦸ꧉​

^10:14 ꦢꦺꦤꦺꦢꦒꦶꦁꦝꦝꦭꦤ꧀ꦱꦩ꧀ꦥꦶꦭ꧀ꦭꦺꦩ꧀ꦧꦸꦫꦶꦏꦺꦮꦤ꧀ꦱꦶꦁꦢꦶꦒꦮꦺꦏꦸꦂꦧꦤ꧀ꦏꦸꦮꦶꦏꦼꦤꦏꦺꦴꦏ꧀ꦥꦔꦤ꧀ꦏꦫꦺꦴꦲꦤꦏ꧀ꦲꦤꦏ꧀ꦩꦸꦭꦤꦁꦭꦤ꧀ꦮꦢꦺꦴꦤ꧀꧉​ꦏꦸꦮꦶꦱꦲꦺꦴꦱ꧀ꦱꦤ꧀ꦩ꧀ꦭꦶꦒꦶꦩꦫꦁꦄꦭ꧀ꦭꦃ꧈​ꦱꦶꦁꦢꦶꦱꦸꦩ꧀ꦧꦁꦔꦏꦺꦏꦁꦒꦺꦴꦥꦫꦲꦶꦩꦩ꧀꧉​ꦏꦸꦮꦶꦏꦼꦤꦏꦺꦴꦏ꧀ꦥꦔꦤ꧀ꦲꦶꦁꦱꦼꦝꦺꦔꦃꦥꦁꦒꦺꦴꦤ꧀ꦤꦤ꧀ꦱꦶꦁꦱꦸꦕꦶ꧉​ꦱꦲꦺꦴꦱ꧀ꦱꦤ꧀ꦩꦲꦸꦢꦶꦥꦫꦶꦁꦔꦏꦺꦩꦫꦁꦏꦺꦴꦮꦺꦭꦤ꧀ꦲꦤꦏ꧀ꦲꦤꦏ꧀ꦩꦸꦢꦢꦶꦧꦒꦺꦪꦤ꧀ꦩꦸ꧈​ꦱꦏꦏꦸꦂꦧꦤ꧀ꦏꦼꦱ꧀ꦭꦩꦼꦠ꧀ꦠꦤ꧀ꦱꦶꦁꦢꦶꦱꦲꦺꦴꦱ꧀ꦱꦏꦺꦢꦺꦤꦶꦁꦲꦸꦩꦠ꧀​꧊ꦆꦱꦿꦲꦺꦭ꧀꧉​

^10:15 ꦱꦩ꧀ꦥꦶꦭ꧀ꦩ꧀ꦧꦸꦫꦶꦭꦤ꧀ꦢꦒꦶꦁꦝꦝꦏꦸꦮꦶꦏꦸꦢꦸꦢꦶꦠꦼꦂꦫꦏꦺꦩꦫꦁꦏꦺꦴꦮꦺ꧈​ꦱꦩꦱꦒꦗꦶꦃꦲꦺꦏꦺꦮꦤ꧀ꦩꦲꦸꦢꦶꦲꦺꦴꦧꦺꦴꦁꦩꦶꦤꦁꦏꦏꦸꦂꦧꦤ꧀ꦝꦲꦂꦫꦤ꧀ꦏꦒꦼꦩ꧀ꦄꦭ꧀ꦭꦃ꧉​ꦏꦸꦮꦶꦲꦏ꧀ꦩꦸꦭꦤ꧀ꦲꦏ꧀ꦏꦺꦲꦤꦏ꧀ꦲꦤꦏ꧀ꦩꦸꦲꦶꦁꦱꦼꦭꦮꦱ꧀ꦱꦺ꧈​ꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉"​

^10:16 ꦱꦮꦶꦱ꧀ꦱꦺꦏꦸꦮꦶ​꧊ꦩꦸꦱꦤꦏꦺꦴꦏ꧀ꦏꦏꦺꦲꦤꦲꦶꦁꦲꦼꦤ꧀ꦢꦶꦮꦼꦝꦸꦱ꧀ꦱꦶꦁꦲꦉꦥ꧀ꦢꦶꦲꦼꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​ꦢꦶꦏꦤ꧀ꦝꦤꦶꦪꦺꦤ꧀ꦮꦼꦝꦸꦱ꧀ꦱꦺꦮꦶꦱ꧀ꦢꦶꦲꦺꦴꦧꦺꦴꦁ꧉​​꧊ꦩꦸꦱꦤꦼꦥ꧀ꦱꦸꦩꦫꦁ​꧊ꦌꦭꦺꦪꦗ꦳ꦂꦭꦤ꧀​꧊ꦆꦠꦩꦂ꧈​

^10:17 "ꦪꦒꦺꦤꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦏꦸꦮꦶꦲꦺꦴꦫꦏꦺꦴꦏ꧀ꦥꦔꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶꦏꦤ?ꦏꦸꦂꦧꦤ꧀ꦩꦲꦸꦱꦸꦕꦶꦧꦔꦼꦠ꧀꧈​ꦭꦤ꧀ꦄꦭ꧀ꦭꦃꦮꦶꦱ꧀ꦩꦫꦶꦁꦔꦏꦺꦩꦫꦁꦏꦺꦴꦮꦺ꧈​ꦱꦸꦥꦪꦲꦸꦩꦠ꧀​꧊ꦆꦱꦿꦲꦺꦭ꧀ꦲꦺꦴꦭꦺꦃꦲꦥꦸꦫꦤꦶꦁꦢꦺꦴꦱ꧉​

^10:18 ꦱꦫꦺꦃꦤꦺꦒꦼꦠꦶꦃꦲꦺꦏꦺꦮꦤ꧀ꦏꦸꦮꦶꦲꦺꦴꦫꦢꦶꦒꦮꦩꦼꦚꦁꦏꦺꦩꦃꦱꦸꦕꦶ꧈​ꦏꦸꦢꦸꦤꦺꦏꦸꦂꦧꦤ꧀ꦩꦲꦸꦏꦺꦴꦏ꧀ꦥꦔꦤ꧀ꦲꦤꦲꦶꦁꦏꦤ꧈​ꦏꦪꦱꦶꦁꦢꦏ꧀ꦏꦤ꧀ꦝꦏ꧀ꦏꦏꦺ꧉"​

^10:19 ꦮꦁꦱꦸꦭ꧀ꦭꦤ꧀ꦤꦺꦲꦫꦸꦤ꧀꧈​"ꦲꦶꦁꦢꦶꦤꦲꦶꦏꦶꦲꦸꦩꦠ꧀​꧊ꦆꦱꦿꦲꦺꦭ꧀ꦫꦏ꧀ꦮꦶꦱ꧀ꦚꦲꦺꦴꦱ꧀ꦱꦏꦺꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦭꦤ꧀ꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀ꦱꦸꦩꦲꦺꦴꦱ꧀ꦩꦫꦁꦄꦭ꧀ꦭꦃ?ꦲꦥꦲꦏꦸꦲꦶꦪꦲꦶꦱꦶꦃꦧꦏꦭ꧀ꦏꦼꦠꦩꦤ꧀ꦧꦼꦧꦼꦤ꧀ꦢꦸꦤꦺꦄꦭ꧀ꦭꦃ?ꦱꦲꦸꦥꦩꦲꦶꦁꦢꦶꦤꦲꦶꦏꦶꦲꦸꦒꦲꦏꦸꦩꦁꦔꦤ꧀ꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱꦲꦥꦧꦶꦱꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ?"

^10:20 ​꧊ꦩꦸꦱꦚꦫꦸꦗꦸꦏ꧀ꦏꦶꦲꦸꦱꦸꦭ꧀ꦭꦺꦲꦫꦸꦤ꧀ꦩꦲꦸ꧉​