Alkitab/Kaimaman/11

^11:1 ꦒꦸꦱ꧀ꦠꦶꦄꦭ꧀ꦭꦃꦩꦫꦶꦁꦔꦏꦺꦥꦽꦤꦠꦤ꧀ꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀ꦏꦁꦒꦺꦴꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ:

^11:2 (11:2-3)ꦏꦺꦮꦤ꧀ꦏꦺꦮꦤ꧀ꦝꦫꦠ꧀ꦠꦤ꧀꧈​ꦱꦶꦁꦔ꧀ꦒꦪꦼꦩ꧀ꦩꦶꦭꦤ꧀ꦠꦿꦕꦏ꧀ꦏꦺꦧꦼꦭꦃ꧈​ꦏꦸꦮꦶꦏꦧꦺꦃꦏꦭꦭ꧀꧈​ꦢꦢꦶꦏꦼꦤꦢꦶꦥꦔꦤ꧀꧉​

^11:3 (11:2)

^11:4 (11:4-6)ꦤꦁꦔꦶꦁꦲꦸꦤ꧀ꦠ꧈​ꦏꦚ꧀ꦕꦶꦭ꧀ꦭꦤ꧀ꦩꦂꦩꦸꦠ꧀ꦲꦺꦴꦫꦏꦼꦤꦢꦶꦥꦔꦤ꧀꧉​ꦏꦺꦮꦤ꧀ꦏꦺꦮꦤ꧀ꦩꦲꦸꦏꦸꦢꦸꦢꦶꦲꦁꦒꦼꦥ꧀ꦏꦫꦩ꧀꧈​ꦩꦼꦂꦒꦱꦼꦤꦗꦤ꧀ꦔ꧀ꦒꦪꦼꦩ꧀ꦩꦶ꧈​ꦠꦿꦕꦏ꧀ꦏꦺꦲꦺꦴꦫꦧꦼꦭꦃ꧉​

^11:5 (11:4)

^11:6 (11:4)

^11:7 ꦧꦧꦶꦲꦶꦪꦲꦺꦴꦫꦏꦼꦤꦢꦶꦥꦔꦤ꧀;ꦏꦸꦢꦸꦢꦶꦲꦁꦒꦼꦥ꧀ꦏꦫꦩ꧀꧈​ꦩꦼꦂꦒꦱꦼꦤꦗꦤ꧀ꦠꦿꦕꦏ꧀ꦏꦺꦧꦼꦭꦃ꧈​ꦧꦧꦶꦏꦸꦮꦶꦲꦺꦴꦫꦔ꧀ꦒꦪꦼꦩ꧀ꦩꦶ꧉​

^11:8 ꦏꦺꦮꦤ꧀ꦏꦺꦮꦤ꧀ꦱꦶꦁꦩꦼꦁꦏꦺꦴꦤꦺꦴꦏꦸꦮꦶꦲꦺꦴꦫꦏꦼꦤꦢꦶꦥꦔꦤ꧀꧈​ꦲꦸꦠꦮꦢꦶꦒꦼꦥꦺꦴꦏ꧀ꦧꦛꦁꦔꦺ꧈​ꦩꦼꦂꦒꦏꦺꦮꦤ꧀ꦏꦺꦮꦤ꧀ꦩꦲꦸꦏꦫꦩ꧀꧉​

^11:9 ꦱꦏꦺꦃꦲꦺꦲꦶꦮꦏ꧀ꦱꦶꦁꦲꦤꦏꦺꦥꦺꦠ꧀ꦠꦺꦭꦤ꧀ꦲꦤꦱꦶꦱꦶꦏ꧀ꦏꦺ꧈​ꦏꦼꦤꦢꦶꦥꦔꦤ꧀꧉​

^11:10 (11:10-12)ꦤꦁꦔꦶꦁꦱꦏꦺꦃꦲꦺꦏꦺꦮꦤ꧀ꦱꦶꦁꦲꦸꦫꦶꦥ꧀ꦲꦶꦁꦧꦚꦸ꧈​ꦱꦶꦁꦲꦺꦴꦫꦔꦁꦒꦺꦴꦏꦺꦥꦺꦠ꧀ꦭꦤ꧀ꦱꦶꦱꦶꦏ꧀꧈​ꦏꦸꦢꦸꦢꦶꦲꦁꦒꦼꦥ꧀ꦏꦫꦩ꧀꧈​ꦢꦢꦶꦲꦺꦴꦫꦏꦼꦤꦢꦶꦥꦔꦤ꧀ꦭꦤ꧀ꦧꦛꦁꦔꦺꦲꦺꦴꦫꦏꦼꦤꦢꦶꦒꦼꦥꦺꦴꦏ꧀꧉​

^11:11 (11:10)

^11:12 (11:10)

^11:13 (11:13-19)ꦏꦺꦴꦮꦺꦲꦺꦴꦫꦏꦼꦤꦩꦁꦔꦤ꧀ꦧꦁꦱꦤꦺꦩꦤꦸꦏ꧀ꦩꦤꦸꦏ꧀ꦲꦶꦏꦶ:ꦩꦤꦸꦏ꧀ꦒꦫꦸꦝ꧈​ꦩꦤꦸꦏ꧀ꦧꦶꦝꦺꦴ꧈​ꦧꦁꦱꦤꦺꦮꦸꦭꦸꦁ꧈​ꦒꦒꦏ꧀ꦭꦤ꧀ꦩꦤꦸꦏ꧀ꦲꦸꦤ꧀ꦠ꧈​ꦩꦤꦸꦏ꧀ꦠꦃꦩꦱ꧀꧈​ꦧ꧀ꦭꦼꦏꦺꦴꦏ꧀ꦭꦤ꧀ꦱꦏꦺꦃꦲꦺꦩꦤꦸꦏ꧀ꦧꦁꦱꦤꦺꦧꦔꦺꦴ꧈​ꦏꦸꦤ꧀ꦠꦸꦭ꧀꧈​ꦢꦽꦩ꧀ꦧꦺꦴꦭꦺꦴꦏ꧀ꦭꦤ꧀ꦏꦭꦺꦴꦁ꧉​

^11:14 (11:13)

^11:15 (11:13)

^11:16 (11:13)

^11:17 (11:13)

^11:18 (11:13)

^11:19 (11:13)

^11:20 (11:20-23)ꦏꦧꦺꦃꦏꦺꦮꦤ꧀ꦒꦸꦩꦽꦩꦼꦠ꧀ꦱꦶꦁꦔꦁꦒꦺꦴꦱ꧀ꦮꦶꦮꦶꦏꦸꦢꦸꦢꦶꦲꦁꦒꦼꦥ꧀ꦏꦫꦩ꧀꧈​ꦏꦼꦗꦧꦱꦶꦁꦧꦶꦱꦩꦼꦚ꧀ꦕꦺꦴꦭꦺꦴꦠ꧀꧈​ꦏꦪꦠ:ꦮꦭꦁ꧈​ꦗꦁꦏꦿꦶꦏ꧀꧈​ꦮꦭꦁꦏꦢꦸꦁ꧈​ꦏꦸꦮꦶꦏꦼꦤꦏꦺꦴꦏ꧀ꦥꦔꦤ꧀꧉​

^11:21 (11:20)

^11:22 (11:20)

^11:23 (11:20)

^11:24 (11:24-28)ꦪꦺꦤ꧀ꦔꦤ꧀ꦠꦶꦔ꧀ꦒꦼꦥꦺꦴꦏ꧀ꦧꦛꦁꦔꦺꦏꦺꦮꦤ꧀ꦏꦺꦮꦤ꧀ꦱꦶꦁꦔꦁꦒꦺꦴꦠꦿꦕꦏ꧀꧌ꦏꦼꦗꦧꦏꦺꦮꦤ꧀ꦱꦶꦁꦠꦿꦕꦏ꧀ꦏꦺꦧꦼꦭꦃꦭꦤ꧀ꦔ꧀ꦒꦪꦼꦩ꧀ꦩꦶ꧍꧈​ꦱꦂꦠꦏꦺꦮꦤ꧀ꦱꦶꦏꦶꦭ꧀ꦥꦥꦠ꧀ꦱꦶꦁꦲꦤꦕꦏꦂꦫꦺ꧈​ꦏꦺꦴꦮꦺꦢꦢꦶꦤꦗꦶꦱ꧀ꦠꦼꦏꦤ꧀ꦮꦪꦃꦱꦸꦫꦸꦥ꧀꧉​ꦱꦶꦁꦱꦥꦔ꧀ꦒꦮꦧꦛꦁꦔꦺꦏꦺꦮꦤ꧀ꦏꦺꦮꦤ꧀ꦩꦲꦸ꧈​ꦱꦤ꧀ꦝꦁꦔꦤ꧀ꦤꦺꦏꦸꦢꦸꦢꦶꦏꦸꦩ꧀ꦧꦃ꧈​ꦭꦤ꧀ꦲꦶꦪꦢꦶꦲꦁꦒꦼꦥ꧀ꦤꦗꦶꦱ꧀ꦠꦼꦏꦤ꧀ꦮꦪꦃꦱꦸꦫꦸꦥ꧀꧉​

^11:25 (11:24)

^11:26 (11:24)

^11:27 (11:24)

^11:28 (11:24)

^11:29 (11:29-30)ꦠꦶꦏꦸꦱ꧀ꦭꦸꦩꦿꦃ꧈​ꦠꦶꦏꦸꦱ꧀ꦮꦶꦫꦺꦴꦒ꧀꧈​ꦠꦶꦏꦸꦱ꧀ꦥꦶꦛꦶꦭꦤ꧀ꦏꦝꦭ꧀꧈​ꦱꦫꦸꦥꦤꦶꦁ꧌ꦱꦮꦼꦂꦤꦤꦶꦁ꧍​ꦏꦺꦴꦝꦺꦴꦏ꧀꧈​ꦭꦤ꧀ꦝꦏ꧀꧈​ꦩꦼꦚꦮꦏ꧀꧈​ꦧꦼꦁꦏꦫꦸꦁ꧈​ꦏꦺꦪꦺꦴꦁꦭꦤ꧀ꦧꦸꦔ꧀ꦭꦺꦴꦤ꧀ꦏꦸꦢꦸꦢꦶꦲꦁꦒꦼꦥ꧀ꦤꦗꦶꦱ꧀꧉​

^11:30 (11:29)

^11:31 ꦱꦶꦁꦱꦥꦔ꧀ꦒꦼꦥꦺꦴꦏ꧀ꦧꦛꦁꦔꦺꦏꦺꦮꦤ꧀ꦏꦺꦮꦤ꧀ꦩꦲꦸꦢꦢꦶꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^11:32 ꦪꦺꦤ꧀ꦧꦛꦁꦔꦺꦏꦺꦮꦤ꧀ꦏꦸꦮꦶꦤꦶꦧꦤꦶꦱꦮꦼꦤꦺꦃꦲꦶꦁꦧꦫꦁ꧈​ꦧꦫꦁꦩꦲꦸꦢꦢꦶꦤꦗꦶꦱ꧀꧉​ꦧꦫꦁꦭꦤ꧀ꦥꦶꦫꦤ꧀ꦠꦶꦲꦥꦮꦲꦺ꧈​ꦱꦶꦁꦏꦼꦠꦶꦧꦤ꧀ꦢꦢꦶꦤꦗꦶꦱ꧀ꦭꦤ꧀ꦏꦸꦢꦸꦢꦶꦏꦸꦩ꧀ꦧꦃꦔꦁꦒꦺꦴꦧꦚꦸ꧉​ꦱꦼꦤꦗꦤ꧀ꦮꦶꦱ꧀ꦢꦶꦏꦸꦩ꧀ꦧꦃ꧈​ꦧꦫꦁꦩꦲꦸꦠꦼꦠꦼꦥ꧀ꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧈​ꦲꦶꦪꦥꦶꦫꦤ꧀ꦠꦶꦱꦶꦁꦢꦶꦒꦮꦺꦱꦏꦏꦪꦸ꧈​ꦠꦼꦤꦸꦤ꧀ꦤꦤ꧀꧈​ꦏꦸꦭꦶꦠ꧀꧈​ꦲꦸꦠꦮꦱꦏꦧꦒꦺꦴꦂ꧉​

^11:33 ꦪꦺꦤ꧀ꦧꦛꦁꦔꦺꦏꦺꦮꦤ꧀ꦩꦲꦸꦏꦕꦼꦩ꧀ꦥ꧀ꦭꦸꦁꦲꦶꦁꦏꦸꦮꦭꦶ꧈​ꦏꦸꦮꦭꦶꦱꦲꦶꦱꦶꦤꦺꦢꦢꦶꦤꦗꦶꦱ꧀ꦏꦧꦺꦃ꧉​ꦏꦸꦮꦭꦶꦩꦲꦸꦏꦸꦢꦸꦢꦶꦉꦩꦸꦏ꧀꧉​

^11:34 ꦥꦔꦤ꧀ꦤꦤ꧀ꦱꦶꦁꦭꦸꦩꦿꦃꦲꦺꦏꦼꦤꦢꦶꦥꦔꦤ꧀꧈​ꦤꦁꦔꦶꦁꦪꦺꦤ꧀ꦏꦼꦱꦶꦫꦩ꧀ꦧꦚꦸꦤꦺꦏꦸꦮꦭꦶꦩꦲꦸ꧈​ꦢꦢꦶꦤꦗꦶꦱ꧀;ꦱꦼꦩꦺꦴꦤꦺꦴꦲꦸꦒꦲꦺꦴꦩ꧀ꦧꦺꦤ꧀ꦲꦺꦴꦩ꧀ꦧꦺꦤ꧀ꦲꦶꦁꦮꦝꦃꦱꦶꦁꦏꦼꦕꦼꦩ꧀ꦥ꧀ꦭꦸꦁꦔꦤ꧀ꦧꦛꦁꦩꦲꦸ꧈​ꦲꦶꦪꦢꦢꦶꦤꦗꦶꦱ꧀꧉​

^11:35 ꦱꦏꦺꦃꦲꦺꦧꦫꦁꦱꦶꦁꦏꦼꦠꦶꦧꦤ꧀ꦧꦛꦁꦏꦪꦩꦼꦁꦏꦺꦴꦤꦺꦴꦩꦲꦸꦢꦢꦶꦤꦗꦶꦱ꧀꧉​ꦲꦔ꧀ꦭꦺꦴꦭꦤ꧀ꦭꦸꦮꦼꦁꦱꦶꦁꦏꦼꦠꦶꦧꦤ꧀ꦏꦸꦢꦸꦢꦶꦉꦩꦸꦏ꧀꧉​

^11:36 ꦱꦏꦺꦃꦲꦺꦧꦫꦁꦱꦶꦁꦏꦼꦒꦼꦥꦺꦴꦏ꧀ꦧꦛꦁꦩꦲꦸꦢꦢꦶꦤꦗꦶꦱ꧀꧈​ꦏꦼꦗꦧꦲꦼꦠꦸꦏ꧀ꦲꦸꦠꦮꦱꦸꦩꦸꦂ꧈​ꦏꦸꦮꦶꦢꦶꦲꦁꦒꦼꦥ꧀ꦠꦼꦠꦼꦥ꧀ꦉꦱꦶꦏ꧀꧉​

^11:37 ꦪꦺꦤ꧀ꦧꦛꦁꦩꦲꦸꦤꦶꦧꦤꦶꦮꦶꦗꦶꦱꦶꦁꦲꦉꦥ꧀ꦢꦶꦱꦼꦧꦂ꧈​ꦮꦶꦗꦶꦩꦲꦸꦠꦼꦠꦼꦥ꧀ꦉꦱꦶꦏ꧀꧉​

^11:38 ꦤꦁꦔꦶꦁꦪꦺꦤ꧀ꦮꦶꦗꦶꦩꦲꦸꦭꦒꦶꦢꦶꦏꦸꦩ꧀ꦲꦶꦁꦧꦚꦸ꧈​ꦩꦁꦏꦏꦼꦠꦶꦧꦤ꧀ꦧꦛꦁ꧈​ꦮꦶꦗꦶꦤꦺꦢꦢꦶꦤꦗꦶꦱ꧀꧉​

^11:39 ꦮꦺꦴꦁꦱꦶꦁꦔ꧀ꦒꦼꦥꦺꦴꦏ꧀ꦧꦛꦁꦔꦺꦏꦺꦮꦤ꧀ꦱꦶꦁꦏꦭꦭ꧀ꦢꦢꦶꦤꦗꦶꦱ꧀ꦠꦼꦏꦤ꧀ꦮꦪꦃꦱꦸꦫꦸꦥ꧀꧉​

^11:40 ꦮꦺꦴꦁꦱꦶꦁꦩꦁꦔꦤ꧀ꦧꦛꦁꦩꦲꦸ꧈​ꦥꦺꦫꦁꦔꦤ꧀ꦱꦶꦁꦔꦼꦤ꧀ꦢꦶꦮꦲꦺ꧈​ꦏꦸꦢꦸꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺ꧈​ꦲꦺꦮꦱꦼꦩꦺꦴꦤꦺꦴꦠꦼꦠꦼꦥ꧀ꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^11:41 ꦏꦺꦮꦤ꧀ꦕꦶꦭꦶꦏ꧀ꦱꦶꦁꦒꦼꦩꦿꦪꦃꦲꦶꦁꦊꦩꦃ꧈​

^11:42 ꦲꦶꦪꦱꦶꦁꦔ꧀ꦒꦼꦩꦼꦠ꧀꧈​ꦱꦶꦁꦱꦶꦏꦶꦭ꧀ꦥꦥꦠ꧀ꦲꦥꦢꦺꦤꦺꦱꦶꦁꦱꦶꦏꦶꦭ꧀ꦲꦏꦺꦃ꧈​ꦏꦧꦺꦃꦏꦫꦩ꧀꧉​

^11:43 ꦏꦺꦴꦮꦺꦲꦺꦴꦫꦏꦼꦤꦩꦁꦔꦤ꧀ꦧꦁꦱꦤꦺꦏꦺꦮꦤ꧀ꦏꦺꦮꦤ꧀ꦩꦲꦸꦱꦸꦥꦪꦲꦺꦴꦫꦢꦢꦶꦤꦗꦶꦱ꧀꧉​

^11:44 "ꦲꦏꦸꦲꦶꦏꦶꦲꦭ꧀ꦭꦃꦩꦸ꧈​ꦩꦸꦭꦤꦺꦲꦮꦏ꧀ꦩꦸꦉꦏ꧀ꦱꦤꦼꦤ꧀ꦱꦸꦥꦪꦠꦼꦠꦼꦥ꧀ꦱꦸꦕꦶ꧈​ꦩꦼꦂꦒꦲꦏꦸꦲꦶꦏꦶꦱꦸꦕꦶ꧉​

^11:45 ꦲꦏꦸꦲꦶꦏꦶꦄꦭ꧀ꦭꦃꦱꦶꦁꦔꦶꦫꦶꦢ꧀ꦭꦏꦸꦩꦸꦏꦧꦺꦃꦩꦼꦠꦸꦱꦏꦠꦤꦃ​꧊ꦩꦺꦱꦶꦂ꧈​ꦱꦸꦥꦪꦲꦏꦸꦗꦸꦩꦼꦤꦼꦁꦢꦢꦶꦲꦭ꧀ꦭꦃꦩꦸ꧉​ꦏꦺꦴꦮꦺꦥꦝꦢꦢꦶꦪꦱꦸꦕꦶ꧈​ꦩꦼꦂꦒꦲꦏꦸꦲꦶꦏꦶꦱꦸꦕꦶ꧉"​

^11:46 ꦏꦪꦩꦼꦁꦏꦺꦴꦤꦺꦴꦥꦽꦤꦠꦤ꧀ꦧꦧ꧀ꦏꦺꦮꦤ꧀ꦝꦫꦠ꧀ꦠꦤ꧀ꦭꦤ꧀ꦧꦁꦱꦤꦺꦩꦤꦸꦏ꧀꧈​ꦏꦺꦮꦤ꧀ꦱꦶꦁꦲꦸꦫꦶꦥ꧀ꦲꦶꦁꦧꦚꦸꦭꦤ꧀ꦱꦏꦺꦃꦲꦺꦏꦺꦮꦤ꧀ꦒꦸꦩꦽꦩꦼꦠ꧀꧉​

^11:47 ꦏꦺꦴꦮꦺꦥꦝꦩ꧀ꦧꦺꦢꦏ꧀ꦤꦱꦶꦁꦠ꧀ꦭꦶꦠꦶ꧈​ꦲꦼꦤ꧀ꦢꦶꦏꦺꦮꦤ꧀ꦱꦶꦁꦏꦭꦭ꧀ꦭꦤ꧀ꦲꦼꦤ꧀ꦢꦶꦱꦶꦁꦤꦗꦶꦱ꧀ꦲꦸꦠꦮꦏꦫꦩ꧀꧉​