Alkitab/Kaimaman/24

^24:1 ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦩꦫꦁ​꧊ꦩꦸꦱ꧈​

^24:2 ꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦫꦁꦧꦁꦱ​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ꧈​"ꦥꦝꦚꦲꦺꦴꦱ꧀ꦤꦊꦔꦗ꦳ꦲꦶꦠꦸꦤ꧀ꦱꦶꦁꦩꦸꦂꦤꦶꦭꦤ꧀ꦱꦶꦁꦲꦥꦶꦏ꧀ꦝꦺꦮꦺꦏꦁꦒꦺꦴꦭꦩ꧀ꦥꦸꦭꦩ꧀ꦥꦸꦥꦚ꧀ꦗꦼꦂꦫꦤ꧀ꦱꦶꦁꦲꦤꦲꦶꦁꦏꦺꦩꦃꦱꦸꦕꦶ꧈​ꦱꦸꦥꦪꦧꦶꦱꦩꦸꦫꦸꦧ꧀ꦠꦼꦫꦸꦱ꧀꧉​

^24:3 ꦱꦧꦼꦤ꧀ꦱꦺꦴꦫꦺꦲꦫꦸꦤ꧀ꦏꦸꦢꦸꦚꦸꦩꦼꦢ꧀ꦭꦩ꧀ꦥꦸꦭꦩ꧀ꦥꦸꦩꦲꦸ꧈​ꦢꦶꦥꦚ꧀ꦗꦼꦂꦮꦶꦮꦶꦠ꧀ꦱꦺꦴꦫꦺꦔꦤ꧀ꦠꦶꦲꦺꦱꦸꦏ꧀꧈​ꦲꦤꦲꦶꦁꦱꦚ꧀ꦗꦧꦤꦺꦒꦼꦧꦼꦂ꧈​ꦲꦶꦁꦔꦉꦥ꧀ꦥꦺꦥꦼꦛꦶꦥꦽꦗꦚ꧀ꦗꦶꦪꦤ꧀꧈​ꦱꦶꦁꦲꦤꦲꦶꦁꦱꦱꦤꦩꦲꦱꦸꦕꦶ꧉​ꦥꦽꦤꦠꦤ꧀ꦲꦶꦏꦶꦏꦸꦢꦸꦢꦶꦠꦼꦠꦼꦥ꧀ꦥꦶꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉​

^24:4 ꦲꦫꦸꦤ꧀ꦏꦸꦢꦸꦔꦸꦥꦏꦫꦭꦩ꧀ꦥꦸꦭꦩ꧀ꦥꦸꦱꦶꦁꦲꦤꦲꦶꦁꦗꦒꦿꦒ꧀ꦲꦼꦩꦱ꧀ꦩꦸꦂꦤꦶ꧉​ꦭꦩ꧀ꦥꦸꦭꦩ꧀ꦥꦸꦩꦲꦸꦏꦸꦢꦸꦲꦗꦼꦒ꧀ꦢꦶꦥꦱꦁꦭꦤ꧀ꦢꦶꦥꦚ꧀ꦗꦼꦂꦲꦤꦲꦶꦁꦏꦺꦩꦃꦱꦸꦕꦶ꧉"​

^24:5 "ꦚ꧀ꦗꦸꦥꦸꦏ꧀ꦏꦒ꧀ꦭꦼꦥꦸꦁꦒꦤ꧀ꦢꦸꦩ꧀ꦥꦶꦭꦶꦃꦲꦤ꧀ꦫꦺꦴꦭꦱ꧀ꦏꦶꦭꦺꦴꦒꦿꦩ꧀꧈​ꦭꦤ꧀ꦒꦮꦺꦪꦫꦺꦴꦠꦶꦫꦺꦴꦭꦱ꧀ꦲꦶꦗꦶ꧉​

^24:6 ꦫꦺꦴꦠꦶꦩꦲꦸꦱꦺꦭꦺꦃꦤꦲꦶꦁꦩꦺꦗꦱꦶꦁꦢꦶꦭꦥꦶꦱ꧀ꦲꦼꦩꦱ꧀꧈​ꦱꦶꦁꦲꦤꦲꦶꦁꦏꦺꦩꦃꦱꦸꦕꦶ꧉​ꦢꦢꦺꦏ꧀ꦤꦫꦺꦴꦁꦠꦸꦩ꧀ꦥꦸꦏ꧀꧈​ꦱꦠꦸꦩ꧀ꦥꦸꦏ꧀ꦏꦺꦤꦼꦩ꧀ꦲꦶꦗꦶ꧉​

^24:7 ꦱꦧꦼꦤ꧀ꦱꦼꦠꦸꦩ꧀ꦥꦸꦏ꧀ꦢꦺꦴꦏꦺꦴꦏ꧀ꦏꦤꦩꦼꦚꦤ꧀ꦩꦸꦂꦤꦶ꧉​ꦩꦼꦚꦤ꧀ꦏꦸꦮꦶꦩꦶꦤꦁꦏꦒꦤ꧀ꦠꦶꦤꦺꦫꦺꦴꦠꦶ꧈​ꦠꦤ꧀ꦝꦪꦺꦤ꧀ꦫꦺꦴꦠꦶꦤꦺꦮꦶꦱ꧀ꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦝꦲꦂꦫꦤ꧀ꦩꦫꦁꦄꦭ꧀ꦭꦃ꧉​

^24:8 ꦱꦧꦼꦤ꧀ꦢꦶꦤ​꧊ꦱꦧ꧀ꦧꦠ꧀ꦏꦸꦢꦸꦲꦤꦫꦺꦴꦠꦶꦏꦪꦩꦼꦁꦏꦺꦴꦤꦺꦴꦏꦸꦮꦶꦲꦤꦲꦶꦁꦏꦺꦩꦃꦱꦸꦕꦶ;ꦏꦸꦮꦶꦥꦽꦤꦠꦤ꧀ꦏꦁꦒꦺꦴꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧈​ꦱꦶꦁꦏꦸꦢꦸꦢꦶꦠꦼꦠꦼꦥ꧀ꦥꦶꦢꦺꦤꦶꦁꦲꦸꦩꦠ꧀​꧊ꦆꦱꦿꦲꦺꦭ꧀꧉​

^24:9 ꦫꦺꦴꦠꦶꦩꦲꦸꦢꦢꦶꦧꦒꦺꦪꦤ꧀ꦤꦺꦲꦫꦸꦤ꧀ꦭꦤ꧀ꦲꦤꦏ꧀ꦠꦸꦫꦸꦤꦺ꧉​ꦭꦤ꧀ꦏꦸꦢꦸꦢꦶꦥꦔꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦱꦸꦕꦶ꧈​ꦩꦼꦂꦒꦫꦺꦴꦠꦶꦩꦲꦸꦏ꧀ꦭꦼꦧꦸꦝꦲꦂꦫꦤ꧀ꦱꦶꦁꦏꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦏꦁꦒꦺꦴꦥꦔꦤ꧀ꦤꦺꦥꦫꦲꦶꦩꦩ꧀꧉"​

^24:10 (24:10-11)ꦲꦶꦁꦥꦁꦒꦺꦴꦤ꧀ꦤꦤ꧀ꦤꦺꦲꦸꦩꦠ꧀​꧊ꦆꦱꦿꦲꦺꦭ꧀ꦏꦺꦴꦤꦺꦴꦲꦤꦮꦺꦴꦁꦭꦤꦁ꧈​ꦧꦥꦏ꧀ꦤꦺꦮꦺꦴꦁ​꧊ꦩꦺꦱꦶꦂꦭꦤ꧀ꦲꦶꦧꦸꦤꦺꦮꦺꦴꦁ​꧊ꦆꦱꦿꦲꦺꦭ꧀꧈​ꦗꦼꦤꦼꦁꦔꦺ​꧊ꦱꦺꦭꦺꦴꦩꦶꦠ꧀꧉​​꧊ꦱꦺꦭꦺꦴꦩꦶꦠ꧀ꦏꦸꦮꦶꦲꦤꦏ꧀ꦏꦺ​꧊ꦢꦶꦧꦿꦶ꧈​ꦱꦏꦠꦊꦂ​꧊ꦝꦤ꧀꧉​ꦲꦶꦁꦱꦮꦶꦗꦶꦤꦶꦁꦢꦶꦤꦮꦺꦴꦁꦩꦲꦸꦥꦢꦸꦏꦫꦺꦴꦮꦺꦴꦁ​꧊ꦆꦱꦿꦲꦺꦭ꧀꧉​ꦱꦗꦿꦺꦴꦤꦺꦥꦝꦥꦢꦸ꧈​ꦮꦺꦴꦁꦏꦸꦮꦶꦔꦶꦥꦠ꧀ꦲꦶꦥꦠꦶꦒꦸꦱ꧀ꦠꦶꦄꦭ꧀ꦭꦃ꧉​ꦩꦸꦭꦤꦺꦧꦚ꧀ꦗꦸꦂꦢꦶꦲꦶꦫꦶꦢ꧀ꦢꦺꦤꦶꦁꦮꦺꦴꦁ​꧊ꦆꦱꦿꦲꦺꦭ꧀ꦱꦮꦼꦠꦫꦢꦶꦱꦺꦴꦮꦤ꧀ꦤꦏꦺ​꧊ꦩꦸꦱ꧉​

^24:11 (24:10)

^24:12 ꦮꦺꦴꦁꦔꦺꦢꦶꦠꦲꦤ꧀꧈​ꦔꦼꦤ꧀ꦠꦺꦤ꧀ꦤꦶꦝꦮꦸꦃꦲꦺꦄꦭ꧀ꦭꦃ꧈​ꦮꦺꦴꦁꦏꦸꦮꦶꦏꦸꦢꦸꦢꦶꦏꦥꦏ꧀ꦏꦏꦺ꧉​

^24:13 ꦝꦮꦸꦃꦲꦺꦄꦭ꧀ꦭꦃꦩꦫꦁ​꧊ꦩꦸꦱ꧈​

^24:14 "ꦮꦺꦴꦁꦔꦺꦒꦮꦤꦼꦤ꧀ꦩꦼꦠꦸꦱꦏꦲꦶꦁꦢꦺꦱ꧉​ꦱꦧꦼꦤ꧀ꦮꦺꦴꦁꦱꦶꦁꦏꦿꦸꦔꦸꦲꦼꦁꦒꦺꦴꦤꦺꦔꦶꦥꦠ꧀ꦲꦶꦥꦠꦶꦄꦭ꧀ꦭꦃ꧈​ꦏꦸꦢꦸꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦱꦶꦫꦃꦲꦺꦮꦺꦴꦁꦩꦲꦸ꧈​ꦩꦶꦤꦁꦏꦥꦱꦼꦏ꧀ꦱꦶꦪꦺꦤ꧀ꦮꦺꦴꦁꦩꦲꦸꦱꦭꦃ꧉​ꦤꦸꦭꦶꦮꦺꦴꦁꦱꦼꦢꦺꦱꦏꦸꦢꦸꦩ꧀ꦧꦼꦤ꧀ꦠꦸꦂꦫꦶꦮꦺꦴꦁꦩꦲꦸꦔꦁꦒꦺꦴꦮꦠꦸꦔꦤ꧀ꦠꦶꦩꦠꦶ꧉​

^24:15 ꦧꦚ꧀ꦗꦸꦂꦲꦸꦩꦸꦩ꧀ꦤꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀ꦪꦺꦤ꧀ꦱꦥꦱꦶꦁꦔꦶꦥꦠ꧀ꦲꦶꦥꦠꦶꦄꦭ꧀ꦭꦃꦏꦸꦢꦸꦩꦶꦏꦸꦭ꧀ꦢꦺꦴꦱꦤꦺ꧈​

^24:16 ꦭꦤ꧀ꦢꦶꦲꦸꦏꦸꦩ꧀ꦥꦠꦶ꧉​ꦱꦥꦮꦲꦺ꧈​ꦢꦢꦶꦪꦮꦺꦴꦁ​꧊ꦆꦱꦿꦲꦺꦭ꧀ꦲꦸꦠꦮꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦠꦼꦔꦃꦲꦺ​꧊ꦆꦱꦿꦲꦺꦭ꧀꧈​ꦪꦺꦤ꧀ꦔꦶꦥꦠ꧀ꦲꦶꦥꦠꦶꦄꦭ꧀ꦭꦃ꧈​ꦏꦸꦢꦸꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶꦢꦺꦤꦶꦁꦮꦺꦴꦁꦱꦢꦺꦱ꧉​

^24:17 ꦱꦥꦱꦶꦁꦩꦠꦺꦤ꧀ꦤꦶꦮꦺꦴꦁꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^24:18 ꦱꦥꦱꦶꦁꦩꦠꦺꦤ꧀ꦤꦶꦲꦶꦔꦺꦴꦤ꧀ꦲꦶꦔꦺꦴꦤ꧀ꦤꦺꦮꦺꦴꦁꦭꦶꦪ꧈​ꦏꦸꦢꦸꦔꦶꦗꦺꦴꦭ꧀ꦭꦶ꧉​ꦝꦱꦂꦫꦺ:‘ꦚꦮꦏꦸꦢꦸꦢꦶꦲꦶꦗꦺꦴꦭ꧀ꦭꦶꦚꦮ’꧉​

^24:19 ꦮꦺꦴꦁꦱꦶꦁꦩꦶꦭꦫꦮꦺꦴꦁꦭꦶꦪ꧈​ꦏꦸꦢꦸꦒꦼꦤ꧀ꦠꦶꦢꦶꦥꦶꦭꦂꦫ꧉​

^24:20 ꦱꦶꦁꦒꦮꦺꦥꦸꦠꦸꦁꦔꦺꦧꦭꦸꦁꦔꦺꦭꦶꦪꦤ꧀꧉​ꦏꦸꦢꦸꦢꦶꦮꦊꦱ꧀ꦢꦶꦥꦸꦠꦸꦁꦧꦭꦸꦁꦔꦺ꧉​ꦱꦶꦁꦒꦮꦺꦩꦿꦶꦥꦠ꧀ꦠꦺꦥꦼꦥꦝꦤꦺꦮꦸꦠꦱꦼꦱꦶꦱꦶꦃ꧈​ꦏꦸꦢꦸꦢꦶꦮꦊꦱ꧀ꦩꦿꦶꦥꦠ꧀ꦠꦺꦱꦼꦱꦶꦱꦶꦃꦢꦶꦒꦮꦺꦮꦸꦠ꧉​ꦱꦶꦁꦔꦤ꧀ꦠꦼꦩ꧀ꦥꦼꦥꦝꦤꦺꦔꦤ꧀ꦠꦶꦫꦩ꧀ꦥꦭ꧀ꦲꦸꦤ꧀ꦠꦸꦤꦺ꧈​ꦏꦸꦢꦸꦢꦶꦮꦊꦱ꧀ꦢꦶꦲꦤ꧀ꦠꦼꦩ꧀ꦔꦤ꧀ꦠꦶꦫꦩ꧀ꦥꦭ꧀ꦲꦸꦤ꧀ꦠꦸꦤꦺ꧉​ꦠꦠꦸꦲꦥꦮꦲꦺꦱꦶꦁꦢꦶꦱꦼꦧꦧ꧀ꦧꦏꦺꦢꦺꦤꦶꦁꦥꦼꦁꦒꦮꦺꦤꦺ꧈​ꦏꦸꦢꦸꦢꦶꦮꦊꦱ꧀ꦔꦁꦒꦺꦴꦠꦠꦸꦱꦶꦁꦱꦲꦸꦏꦸꦂꦏꦫꦺꦴꦥꦼꦁꦒꦮꦺꦤꦺ꧉​

^24:21 ꦱꦥꦱꦶꦁꦩꦠꦺꦤ꧀ꦤꦶꦏꦺꦮꦤ꧀꧈​ꦏꦸꦢꦸꦔꦶꦗꦺꦴꦭ꧀ꦭꦶ꧈​ꦤꦁꦔꦶꦁꦱꦥꦱꦶꦁꦩꦠꦺꦤ꧀ꦤꦶꦮꦺꦴꦁ꧈​ꦏꦸꦢꦸꦢꦶꦲꦸꦏꦸꦩ꧀ꦥꦠꦶ꧉​

^24:22 ꦲꦸꦏꦸꦩ꧀ꦩꦤ꧀ꦏꦁꦒꦺꦴꦮꦺꦴꦁ​꧊ꦆꦱꦿꦲꦺꦭ꧀ꦭꦤ꧀ꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦠꦼꦔꦃꦲꦺ꧈​ꦥꦝꦮꦲꦺ꧈​ꦩꦼꦂꦒꦲꦏꦸꦲꦶꦏꦶꦥꦔꦺꦫꦤ꧀꧈​ꦲꦭ꧀ꦭꦃꦩꦸ꧉"​

^24:23 ꦱꦮꦶꦱ꧀ꦱꦺ​꧊ꦩꦸꦱꦔꦸꦩꦸꦩ꧀ꦩꦏꦺꦥꦽꦤꦠꦤ꧀ꦩꦲꦸꦩꦫꦁꦧꦁꦱ​꧊ꦆꦱꦿꦲꦺꦭ꧀꧈​ꦮꦺꦴꦁꦔꦺꦱꦶꦁꦔꦶꦥꦠ꧀ꦲꦶꦥꦠꦶꦄꦭ꧀ꦭꦃꦩꦲꦸꦧꦚ꧀ꦗꦸꦂꦢꦶꦒꦮꦩꦼꦠꦸꦱꦏꦢꦺꦱꦭꦤ꧀ꦢꦶꦧꦼꦤ꧀ꦠꦸꦂꦫꦶꦮꦠꦸꦔꦤ꧀ꦠꦶꦩꦠꦶ꧉​ꦩꦼꦁꦏꦺꦴꦤꦺꦴꦧꦁꦱ​꧊ꦆꦱꦿꦲꦺꦭ꧀ꦔ꧀ꦭꦏꦺꦴꦤ꧀ꦤꦶꦲꦥꦱꦶꦁꦏꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱ꧉​