Alkitab/Wilangan/27

^27:1 ꦲꦤꦏ꧀ꦏꦺꦮꦢꦺꦴꦤ꧀​꧊ꦗ꦳ꦺꦭꦥ꦳ꦺꦲꦢ꧀ꦲꦤꦭꦶꦩ꧈​ꦪꦏꦸꦮꦶ:​꧊ꦩꦃꦲ꧀ꦭ꧈​​꧊ꦤꦺꦴꦮ꧈​​꧊ꦲꦺꦴꦒ꧀ꦭ꧈​​꧊ꦩꦶꦭ꧀ꦏꦭꦤ꧀​꧊ꦠꦶꦂꦗ꦳꧉​​꧊ꦗ꦳ꦺꦭꦥ꦳ꦺꦲꦢ꧀ꦲꦤꦏ꧀ꦏꦺ​꧊ꦲꦺꦥ꦳ꦺꦂ꧈​​꧊ꦲꦺꦥ꦳ꦺꦂꦲꦤꦏ꧀ꦏꦺ​꧊ꦒꦶꦭꦺꦪꦢ꧀꧈​​꧊ꦒꦶꦭꦺꦪꦢ꧀ꦲꦤꦏ꧀ꦏꦺ​꧊ꦩꦏꦶꦂ꧈​​꧊ꦩꦏꦶꦂꦲꦤꦏ꧀ꦏꦺ​꧊ꦩꦤꦱꦾꦺ꧈​ꦭꦤ꧀​꧊ꦩꦤꦱꦾꦺꦲꦤꦏ꧀ꦏꦺ​꧊ꦪꦸꦱꦸꦥ꦳꧀꧉​

^27:2 ꦮꦺꦴꦁꦮꦢꦺꦴꦤ꧀ꦭꦶꦩ꧈​ꦲꦤꦏ꧀ꦏꦺ​꧊ꦗ꦳ꦺꦭꦥ꦳ꦺꦲꦢ꧀ꦩꦲꦸꦥꦝꦔꦝꦼꦥ꧀ꦩꦫꦁ​꧊ꦩꦸꦱꦭꦤ꧀​꧊ꦌꦭꦺꦪꦗ꦳ꦂ꧈​ꦥꦫꦥꦼꦁꦒꦼꦝꦺꦱꦂꦠꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​ꦱꦶꦁꦭꦒꦶꦥꦝꦔ꧀ꦭꦸꦩ꧀ꦥꦸꦏ꧀ꦲꦶꦁꦭꦮꦁꦔꦺꦏꦺꦩꦃꦱꦸꦕꦶ꧉​ꦥꦔꦸꦕꦥ꧀ꦥꦺ꧈​

^27:3 "ꦧꦥꦏ꧀ꦏꦸꦭꦠꦶꦭꦂꦲꦶꦁꦥꦼꦱꦩꦸꦤꦤ꧀ꦭꦤ꧀ꦩ꧀ꦧꦺꦴꦠꦼꦤ꧀ꦒꦝꦃꦲꦤꦏ꧀ꦗꦊꦂ꧉​ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦩ꧀ꦧꦺꦴꦠꦼꦤ꧀ꦠꦸꦩꦸꦠ꧀ꦲꦶꦁꦥꦼꦩ꧀ꦧꦿꦺꦴꦤ꧀ꦠꦏ꧀ꦏꦤ꧀ꦤꦶꦥꦸꦤ꧀​꧊ꦏꦺꦴꦫꦃ꧉​ꦥꦼꦗꦃꦲꦶꦥꦸꦤ꧀ꦩꦼꦂꦒꦶꦱꦏꦶꦁꦢꦺꦴꦱꦤꦶꦥꦸꦤ꧀ꦥꦶꦪꦩ꧀ꦧꦏ꧀꧉​

^27:4 ꦤꦁꦔꦶꦁꦏꦺꦁꦔꦶꦁꦩꦼꦤꦥꦤꦩꦤꦶꦥꦸꦤ꧀ꦧꦥꦏ꧀ꦏꦸꦭꦭꦗꦼꦁꦩ꧀ꦧꦺꦴꦠꦼꦤ꧀ꦏꦱꦼꦧꦸꦠ꧀ꦲꦶꦁ​꧊ꦆꦱꦿꦲꦺꦭ꧀꧈​ꦤꦩꦸꦁꦩꦼꦂꦒꦶꦩ꧀ꦧꦺꦴꦠꦼꦤ꧀ꦒꦝꦃꦲꦤꦏ꧀ꦗꦊꦂ?ꦏꦸꦭꦱꦩꦶꦚꦸꦮꦸꦤ꧀ꦢꦶꦥꦸꦤ꧀ꦥꦫꦶꦁꦔꦶꦱꦶꦠꦶꦥꦸꦱꦏꦲꦸꦒꦶ꧈​ꦏꦢꦺꦴꦱ꧀ꦲꦤꦏ꧀ꦲꦤꦏ꧀ꦏꦶꦥꦸꦤ꧀ꦱꦼꦝꦺꦫꦺꦏ꧀ꦱꦼꦝꦺꦫꦺꦏ꧀ꦏꦶꦥꦸꦤ꧀ꦧꦥꦏ꧀ꦏꦸꦭ꧉"​

^27:5 ​꧊ꦩꦸꦱꦧꦚ꧀ꦗꦸꦂꦔꦠꦸꦂꦫꦏꦺꦥꦽꦏꦫꦩꦲꦸꦩꦫꦁꦔꦂꦱꦤꦺꦒꦸꦱ꧀ꦠꦶꦄꦭ꧀ꦭꦃ꧈​

^27:6 ꦭꦤ꧀ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦥꦫꦶꦁꦮꦁꦱꦸꦭ꧀ꦭꦤ꧀꧈​

^27:7 ꦥꦔꦤ꧀ꦢꦶꦏꦤꦺ꧈​"ꦥꦼꦚ꧀ꦗꦭꦸꦏ꧀ꦏꦺꦲꦤꦏ꧀ꦲꦤꦏ꧀ꦏꦺ​꧊ꦗ꦳ꦺꦭꦥ꦳ꦺꦲꦢ꧀ꦏꦸꦮꦶꦮꦶꦱ꧀ꦱꦩꦼꦱ꧀ꦛꦶꦤꦺ꧉​ꦩꦸꦭꦤꦺꦮꦺꦤꦺꦃꦲꦤꦊꦩꦃꦥꦸꦱꦏꦏꦪꦲꦤꦏ꧀ꦲꦤꦏ꧀ꦏꦺꦱꦼꦢꦸꦭꦸꦂꦫꦺꦧꦥꦏ꧀ꦤꦺ꧉​ꦮꦫꦶꦱ꧀ꦱꦤ꧀ꦱꦶꦁꦢꦢꦶꦲꦏ꧀ꦏꦺ​꧊ꦗ꦳ꦺꦭꦥ꦳ꦺꦲꦢ꧀ꦩꦲꦸꦏꦸꦢꦸꦢꦶꦠꦸꦫꦸꦤ꧀ꦤꦏꦺꦩꦫꦁꦲꦤꦏ꧀ꦲꦤꦏ꧀ꦏꦺꦮꦢꦺꦴꦤ꧀꧉​

^27:8 ꦲꦸꦩꦸꦩ꧀ꦤꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀꧈​ꦪꦺꦤ꧀ꦱꦩꦱꦲꦤꦮꦺꦴꦁꦩꦠꦶꦲꦺꦴꦫꦤꦶꦁꦒꦭ꧀ꦲꦤꦏ꧀ꦭꦤꦁ꧈​ꦧꦤ꧀ꦝꦤꦺꦏꦸꦢꦸꦢꦶꦮꦫꦶꦱ꧀ꦱꦏꦺꦩꦫꦁꦲꦤꦏ꧀ꦏꦺꦮꦢꦺꦴꦤ꧀꧉​

^27:9 ꦪꦺꦤ꧀ꦲꦺꦴꦫꦢꦸꦮꦺꦲꦤꦏ꧀ꦮꦢꦺꦴꦤ꧀꧈​ꦏꦸꦢꦸꦢꦶꦮꦫꦶꦱ꧀ꦱꦏꦺꦩꦫꦁꦱꦼꦢꦸꦭꦸꦂꦫꦺꦭꦤꦁ꧉​

^27:10 ꦪꦺꦤ꧀ꦲꦺꦴꦫꦢꦸꦮꦺꦱꦼꦢꦸꦭꦸꦂꦭꦤꦁ꧈​ꦏꦸꦢꦸꦢꦶꦮꦫꦶꦱ꧀ꦱꦏꦺꦩꦫꦁꦱꦼꦢꦸꦭꦸꦂꦱꦼꦢꦸꦭꦸꦂꦫꦺꦧꦥꦏ꧀ꦤꦺ꧉​

^27:11 ꦪꦺꦤ꧀ꦲꦺꦴꦫꦢꦸꦮꦺꦱꦼꦢꦸꦭꦸꦂꦭꦤꦁꦲꦸꦠꦮꦥꦩꦤ꧀꧈​ꦮꦫꦶꦱ꧀ꦱꦤ꧀ꦤꦺꦢꦢꦶꦲꦏ꧀ꦏꦺꦱꦶꦁꦕꦼꦝꦏ꧀ꦝꦺꦮꦺ꧉​ꦥꦽꦤꦠꦤ꧀ꦲꦶꦏꦶꦢꦢꦶꦪꦝꦱꦂꦱꦶꦁꦏꦸꦢꦸꦢꦶꦠꦶꦤ꧀ꦢꦏ꧀ꦏꦏꦺꦲꦶꦁ​꧊ꦆꦱꦿꦲꦺꦭ꧀꧉​ꦲꦏꦸ꧈​ꦥꦔꦺꦫꦤ꧀ꦱꦶꦁꦤ꧀ꦝꦮꦸꦃꦲꦏꦺꦲꦶꦏꦶꦩꦫꦁꦏꦺꦴꦮꦺ꧉"​

^27:12 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ​꧊ꦩꦸꦱ꧈​"ꦩꦸꦁꦒꦃꦲꦲꦶꦁꦒꦸꦤꦸꦁ​꧊ꦄꦧꦫꦶꦩ꧀꧈​ꦭꦤ꧀ꦤ꧀ꦢꦼꦊꦁꦔꦱꦏꦏꦤꦤꦼꦒꦫꦱꦶꦁꦧꦏꦭ꧀ꦢꦏ꧀ꦥꦫꦶꦁꦔꦏꦺꦩꦫꦁꦧꦁꦱ​꧊ꦆꦱꦿꦲꦺꦭ꧀꧉​

^27:13 ꦱꦮꦶꦱ꧀ꦱꦺꦤ꧀ꦢꦼꦊꦁꦤꦼꦒꦫꦩꦲꦸ꧈​ꦏꦺꦴꦮꦺꦧꦏꦭ꧀ꦢꦏ꧀ꦥꦸꦤ꧀ꦝꦸꦠ꧀ꦏꦪꦱꦼꦢꦸꦭꦸꦂꦩꦸꦲꦫꦸꦤ꧀꧈​

^27:14 ꦩꦼꦂꦒꦲꦶꦁꦱꦼꦒꦫꦮꦼꦝꦶ​꧊ꦗ꦳ꦶꦤ꧀ꦏꦺꦴꦮꦺꦭꦤ꧀ꦲꦫꦸꦤ꧀ꦮꦶꦱ꧀ꦩ꧀ꦧꦁꦏꦁꦩꦫꦁꦝꦮꦸꦃꦏꦸ꧉​ꦤꦭꦶꦏꦫꦏꦾꦠ꧀ꦏꦧꦺꦃꦲꦶꦁ​꧊ꦩꦺꦫꦶꦧꦥꦝꦚꦭꦃꦲꦏꦺꦲꦏꦸ꧈​ꦏꦺꦴꦮꦺꦲꦺꦴꦫꦥꦝꦏꦤ꧀ꦝꦩꦫꦁꦫꦏꦾꦠ꧀꧈​ꦪꦺꦤ꧀ꦩꦸꦁꦄꦭ꧀ꦭꦃꦥꦶꦪꦩ꧀ꦧꦏ꧀ꦱꦶꦁꦏꦒꦸꦁꦔꦤ꧀ꦥꦔ꧀ꦮꦱ꧉"​꧌​꧊ꦩꦺꦫꦶꦧꦲꦶꦏꦸꦠꦸꦏ꧀ꦲꦶꦁ​꧊ꦏꦢꦺꦱ꧀꧈​ꦲꦶꦁꦱꦼꦒꦫꦮꦼꦝꦶ​꧊ꦗ꦳ꦶꦤ꧀꧉꧍​

^27:15 ​꧊ꦩꦸꦱꦧꦚ꧀ꦗꦸꦂꦤ꧀ꦢꦼꦢꦺꦴꦔ꧈​

^27:16 "ꦝꦸꦃꦄꦭ꧀ꦭꦃ꧈​ꦲꦶꦁꦏꦁꦥꦫꦶꦁꦒꦼꦱꦁꦝꦠꦼꦁꦱꦼꦢꦪꦠꦸꦩꦶꦠꦃ꧉​ꦏꦼꦂꦱꦲꦤꦼꦢꦃꦲꦏꦼꦤ꧀ꦱꦶꦤ꧀ꦠꦼꦤ꧀ꦠꦶꦪꦁꦔꦶꦥꦸꦤ꧀ꦲꦶꦁꦏꦁꦧꦝꦺꦏꦏꦼꦂꦱꦏ꧀ꦏꦏꦼꦤ꧀ꦔꦶꦫꦶꦢ꧀ꦧꦁꦱꦩꦼꦤꦶꦏ꧈​

^27:17 ꦠꦶꦪꦁꦲꦶꦁꦏꦁꦱꦒꦼꦢ꧀ꦢꦢꦺꦴꦱ꧀ꦱꦺꦤꦥꦠꦶꦱꦩꦱꦥꦼꦫꦁ꧉​ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦥꦢꦸꦏꦤꦺꦒꦏ꧀ꦏꦏꦼꦤ꧀ꦲꦸꦩꦠ꧀ꦩꦼꦤꦶꦏꦏꦢꦺꦴꦱ꧀ꦥꦼꦥꦤ꧀ꦛꦤ꧀ꦩꦺꦤ꧀ꦢꦲꦶꦁꦏꦁꦠꦤ꧀ꦥꦥꦔꦺꦤ꧀꧉"​

^27:18 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ​꧊ꦩꦸꦱ꧈​"ꦤꦶꦩ꧀ꦧꦭ꧀ꦭꦤ​꧊ꦪꦺꦴꦱꦸꦮꦧꦶꦤ꧀​꧊ꦤꦸꦤ꧀꧉​ꦏꦸꦮꦶꦮꦺꦴꦁꦱꦶꦁꦏꦁꦒꦺꦴꦤ꧀ꦤꦤ꧀ꦫꦺꦴꦃ꧉​ꦱꦶꦫꦃꦲꦺꦠꦸꦩ꧀ꦥꦁꦔꦤꦠꦔꦤ꧀꧉​

^27:19 ꦝꦮꦸꦃꦲꦤꦔꦢꦼꦒ꧀ꦲꦶꦁꦔꦉꦥ꧀ꦥꦺꦲꦶꦩꦩ꧀​꧊ꦌꦭꦺꦪꦗ꦳ꦂꦭꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧉​ꦏꦺꦴꦮꦺꦔꦸꦩꦸꦩ꧀ꦤꦲꦶꦁꦔꦉꦥ꧀ꦥꦺꦮꦺꦴꦁꦩꦲꦸꦏꦧꦺꦃꦪꦺꦤ꧀​꧊ꦪꦺꦴꦱꦸꦮꦏꦸꦮꦶꦱꦶꦁꦔ꧀ꦒꦤ꧀ꦠꦶꦏꦺꦴꦮꦺ꧉​

^27:20 ꦥꦱꦿꦃꦤꦱꦥꦺꦫꦔꦤꦺꦥꦔ꧀ꦮꦱꦩꦸꦩꦫꦁꦝꦺꦮꦺꦏ꧀ꦏꦺ꧈​ꦱꦸꦥꦪꦲꦸꦩꦠ꧀​꧊ꦆꦱꦿꦲꦺꦭ꧀ꦤꦸꦫꦸꦠ꧀ꦩꦫꦁꦥꦿꦺꦤ꧀ꦠꦃꦲꦺ꧉​

^27:21 ​꧊ꦪꦺꦴꦱꦸꦮꦏꦸꦢꦸꦔꦝꦼꦥ꧀ꦏꦫꦺꦴꦲꦶꦩꦩ꧀​꧊ꦌꦭꦺꦪꦗ꦳ꦂ꧈​ꦭꦤ꧀​꧊ꦌꦭꦺꦪꦗ꦳ꦂꦧꦏꦭ꧀ꦚꦸꦮꦸꦤ꧀ꦥꦶꦂꦱꦩꦫꦁꦲꦏꦸꦧꦧ꧀ꦏꦼꦂꦱꦏꦸꦔꦁꦒꦺꦴ​꧊ꦈꦫꦶꦩ꧀ꦭꦤ꧀​꧊ꦠꦸꦩꦶꦩ꧀꧉​ꦱꦿꦤꦕꦫꦩꦼꦁꦏꦺꦴꦤꦺꦴ​꧊ꦌꦭꦺꦪꦗ꦳ꦂꦧꦏꦭ꧀ꦤꦸꦤ꧀ꦠꦸꦤ꧀ꦩꦫꦁ​꧊ꦪꦺꦴꦱꦸꦮꦭꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​ꦲꦶꦁꦱꦏꦺꦃꦲꦶꦁꦥꦽꦏꦫꦱꦶꦁꦢꦶꦲꦝꦼꦥ꧀ꦥꦶ꧉"​

^27:22 ​꧊ꦩꦸꦱꦔꦺꦱ꧀ꦠꦺꦴꦏ꧀ꦏꦏꦺꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦥꦔꦺꦫꦤ꧀ꦩꦲꦸ꧉​​꧊ꦪꦺꦴꦱꦸꦮꦧꦚ꧀ꦗꦸꦂꦢꦶꦏꦺꦴꦤ꧀ꦔꦢꦼꦒ꧀ꦲꦶꦁꦔꦉꦥ꧀ꦥꦺꦲꦶꦩꦩ꧀​꧊ꦌꦭꦺꦪꦗ꦳ꦂꦭꦤ꧀ꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧉​

^27:23 ꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦥꦔꦺꦫꦤ꧀꧈​​꧊ꦩꦸꦱꦲꦸꦒꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦱꦶꦫꦃꦲꦺ​꧊ꦪꦺꦴꦱꦸꦮꦭꦤ꧀ꦔꦸꦩꦸꦩ꧀ꦩꦏꦺꦪꦺꦤ꧀​꧊ꦪꦺꦴꦱꦸꦮꦏꦸꦮꦶꦢꦢꦶꦒꦤ꧀ꦠꦶꦤꦺ​꧊ꦩꦸꦱ꧉​