Alkitab/Wilangan/16

^16:1 (16:1-2)​꧊ꦏꦺꦴꦫꦃꦧꦶꦤ꧀​꧊ꦪꦶꦗ꦳꧀ꦲꦂ꧈​ꦠꦸꦫꦸꦤ꧀ꦤꦺ​꧊ꦏꦺꦲꦠ꧀꧈​ꦠꦊꦂ​꧊ꦭꦺꦮꦶ꧈​ꦮꦤꦶꦩꦶꦮꦶꦠ꧀ꦠꦶꦩ꧀ꦧꦿꦺꦴꦤ꧀ꦠꦏ꧀ꦔ꧀ꦭꦮꦤ꧀ꦩꦫꦁ​꧊ꦩꦸꦱ꧉​ꦝꦺꦮꦺꦏ꧀ꦏꦺꦢꦶꦧꦤ꧀ꦠꦸꦮꦺꦴꦁꦠꦼꦭꦸꦱꦏꦠꦊꦂ​꧊ꦫꦸꦧꦺꦤ꧀—ꦪꦏꦸꦮꦶ​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀꧈​ꦲꦤꦏ꧀ꦲꦤꦏ꧀ꦏꦺ​꧊ꦌꦭꦶꦪꦧ꧀ꦭꦤ꧀ꦲꦺꦴꦤ꧀ꦲꦤꦏ꧀ꦏꦺ​꧊ꦥꦺꦭꦺꦠ꧀꧉​ꦏꦼꦗꦧꦏꦸꦮꦶꦢꦶꦧꦤ꧀ꦠꦸꦮꦺꦴꦁ​꧊ꦆꦱꦿꦲꦺꦭ꧀250ꦭꦶꦪꦤꦺ꧈​ꦪꦏꦸꦮꦶꦥꦫꦥꦼꦁꦒꦼꦝꦺꦱꦶꦁꦩꦶꦱꦸꦮꦸꦂ꧈​ꦱꦶꦁꦢꦶꦥꦶꦭꦶꦃꦢꦺꦤꦶꦁꦫꦏꦾꦠ꧀꧉​

^16:2 (16:1)

^16:3 ꦮꦺꦴꦁꦮꦺꦴꦁꦩꦲꦸꦏꦧꦺꦃꦧꦼꦧꦉꦁꦔꦤ꧀ꦔꦝꦼꦥ꧀ꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​ꦏꦫꦺꦴꦏꦤ꧀ꦝ꧈​"​꧊ꦩꦸꦱ꧈​ꦫꦸꦔꦺꦴꦏ꧀ꦤ!ꦱꦧꦼꦤ꧀ꦮꦺꦴꦁꦲꦶꦁ​꧊ꦆꦱꦿꦲꦺꦭ꧀ꦏꦺꦤꦺꦢꦶꦥꦶꦭꦶꦃꦏꦒꦼꦩ꧀ꦄꦭ꧀ꦭꦃ꧉​ꦭꦤ꧀ꦒꦸꦱ꧀ꦠꦶꦄꦭ꧀ꦭꦃꦲꦤꦲꦶꦁꦠꦼꦔꦃꦏꦶꦠ꧉​ꦤꦁꦔꦶꦁꦪꦒꦺꦤꦺꦏꦺꦴꦮꦺꦏꦺꦴꦏ꧀ꦔꦁꦒꦼꦥ꧀ꦲꦮꦏ꧀ꦩꦸꦔꦸꦁꦏꦸꦭ꧀ꦭꦶꦲꦸꦩꦠ꧀ꦠꦺꦄꦭ꧀ꦭꦃ꧉​ꦠꦸꦩꦶꦤ꧀ꦢꦏ꧀ꦩꦸꦱꦶꦁꦩꦼꦁꦏꦺꦴꦤꦺꦴꦏꦸꦮꦶꦮꦶꦱ꧀ꦏꦼꦧꦔꦼꦠ꧀ꦠꦼꦤ꧀!"

^16:4 ꦧꦉꦁꦏꦿꦸꦔꦸꦠꦼꦩ꧀ꦧꦸꦁꦩꦲꦸ꧈​​꧊ꦩꦸꦱꦧꦚ꧀ꦗꦸꦂꦗꦺꦁꦏꦺꦁ꧈​ꦱꦸꦩꦸꦁꦏꦼꦩ꧀ꦲꦶꦁꦧꦸꦩꦶꦱꦂꦠꦤ꧀ꦢꦼꦢꦺꦴꦔ꧉​

^16:5 ꦧꦚ꧀ꦗꦸꦂꦏꦤ꧀ꦝꦏꦫꦺꦴ​꧊ꦏꦺꦴꦫꦃꦭꦤ꧀ꦏꦚ꧀ꦕꦏꦚ꧀ꦕꦤꦺ꧈​"ꦱꦺꦱꦸꦏ꧀ꦲꦺꦱꦸꦏ꧀ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦩꦫꦶꦁꦔꦶꦥꦶꦂꦱꦩꦫꦁꦏꦶꦠ꧈​ꦱꦥꦮꦺꦴꦁꦔꦺꦱꦶꦁꦢꦶꦥꦶꦭꦶꦃꦢꦺꦤꦶꦁꦄꦭ꧀ꦭꦃ꧉​ꦮꦺꦴꦁꦱꦶꦁꦢꦶꦥꦶꦭꦶꦃꦏꦸꦮꦶꦱꦶꦁꦧꦏꦭ꧀ꦢꦶꦠꦸꦒꦱ꧀ꦱꦏꦺꦚꦼꦝꦏ꧀ꦏꦶꦩꦼꦱ꧀ꦧꦺꦃ꧉​

^16:6 (16:6-7)ꦱꦺꦱꦸꦏ꧀ꦲꦺꦱꦸꦏ꧀ꦏꦺꦴꦮꦺꦭꦤ꧀ꦏꦚ꧀ꦕꦏꦚ꧀ꦕꦩꦸꦏꦸꦢꦸꦥꦝꦔ꧀ꦒꦮꦥꦼꦢꦸꦥ꧀ꦥꦤ꧀꧈​ꦢꦶꦢꦺꦴꦏꦺꦴꦏ꧀ꦏꦶꦒꦼꦤꦶꦭꦤ꧀ꦩꦼꦚꦤ꧀꧈​ꦤꦸꦭꦶꦏꦸꦢꦸꦢꦶꦒꦮꦚꦼꦝꦏ꧀ꦏꦶꦩꦼꦱ꧀ꦧꦺꦃ꧉​ꦩꦼꦁꦏꦺꦴꦏꦶꦠꦧꦏꦭ꧀ꦮꦼꦫꦸꦃꦱꦥꦱꦶꦁꦱꦚꦠꦤꦺꦢꦶꦥꦶꦭꦶꦃꦢꦺꦤꦶꦁꦄꦭ꧀ꦭꦃ꧉​ꦏꦺꦴꦮꦺꦮꦺꦴꦁꦮꦺꦴꦁ​꧊ꦭꦺꦮꦶꦱꦶꦁꦥꦚ꧀ꦕꦺꦤ꧀ꦏꦼꦧꦔꦼꦠ꧀ꦠꦼꦤ꧀!"

^16:7 (16:6)

^16:8 ​꧊ꦩꦸꦱꦧꦚ꧀ꦗꦸꦂꦤꦼꦫꦸꦱ꧀ꦱꦏꦺꦏꦤ꧀ꦝꦤꦺꦏꦫꦺꦴ​꧊ꦏꦺꦴꦫꦃ꧈​"ꦫꦸꦔꦺꦴꦏ꧀ꦤ꧈​ꦏꦺꦴꦮꦺꦮꦺꦴꦁ​꧊ꦭꦺꦮꦶꦏꦧꦺꦃ!

^16:9 ꦲꦥꦏꦺꦴꦏ꧀ꦏꦶꦫꦲꦶꦏꦶꦥꦽꦏꦫꦱꦼꦥꦺꦭꦺꦢꦺꦤꦺꦲꦭ꧀ꦭꦃꦲꦺ​꧊ꦆꦱꦿꦲꦺꦭ꧀ꦮꦶꦱ꧀ꦩꦶꦭꦶꦃꦏꦺꦴꦮꦺꦏꦧꦺꦃꦱꦏꦲꦤ꧀ꦠꦫꦤꦺꦲꦸꦩꦠ꧀​꧊ꦆꦱꦿꦲꦺꦭ꧀꧈​ꦱꦸꦥꦪꦤꦶꦤ꧀ꦢꦏ꧀ꦏꦏꦺꦠꦸꦒꦱ꧀ꦲꦶꦁꦔꦂꦱꦤꦺ꧈​ꦭꦤ꧀ꦩ꧀ꦭꦼꦧꦸꦲꦶꦁꦏꦺꦩꦃꦱꦸꦕꦶ꧈​ꦱꦂꦠꦚꦩ꧀ꦧꦸꦠ꧀ꦒꦮꦺꦏꦁꦒꦺꦴꦲꦸꦩꦠ꧀​꧊ꦆꦱꦿꦲꦺꦭ꧀?

^16:10 ꦏꦺꦴꦮꦺ​꧊ꦏꦺꦴꦫꦃꦭꦤ꧀ꦮꦺꦴꦁꦮꦺꦴꦁ​꧊ꦭꦺꦮꦶꦭꦶꦪꦤꦺ꧉​ꦏꦺꦴꦮꦺꦫꦏ꧀ꦮꦶꦱ꧀ꦤꦩ꧀ꦥꦏꦲꦸꦂꦩꦠ꧀ꦠꦤ꧀ꦱꦏꦄꦭ꧀ꦭꦃ꧈​ꦪꦒꦺꦤꦺꦏꦺꦴꦮꦺꦱꦲꦶꦏꦶꦲꦶꦱꦶꦃꦏꦼꦥꦺꦔꦶꦤ꧀ꦢꦢꦶꦲꦶꦩꦩ꧀?

^16:11 ꦪꦺꦤ꧀ꦏꦺꦴꦮꦺ꧈​​꧊ꦏꦺꦴꦫꦃꦭꦤ꧀ꦏꦚ꧀ꦕꦏꦚ꧀ꦕꦩꦸꦥꦝꦔꦽꦱꦸꦭ꧈​ꦩꦺꦫꦶꦏꦫꦺꦴꦲꦫꦸꦤ꧀꧈​ꦏꦸꦮꦶꦱꦠꦼꦩꦼꦤ꧀ꦤꦺꦄꦭ꧀ꦭꦃꦥꦶꦪꦩ꧀ꦧꦏ꧀ꦱꦶꦁꦥꦝꦏꦺꦴꦏ꧀ꦭꦮꦤ꧀!"

^16:12 ​꧊ꦩꦸꦱꦧꦚ꧀ꦗꦸꦂꦲꦏꦺꦴꦤ꧀ꦔꦸꦤ꧀ꦢꦁ​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀꧈​ꦤꦁꦔꦶꦁꦥꦝꦲꦺꦴꦫꦒꦼꦊꦩ꧀ꦠꦼꦏ꧈​ꦏꦤ꧀ꦝꦤꦺ꧈​"ꦲꦏꦸꦲꦼꦩꦺꦴꦃꦩꦫ!

^16:13 ꦲꦥꦲꦶꦱꦶꦃꦏꦸꦫꦁꦲꦼꦁꦒꦺꦴꦤ꧀ꦩꦸꦒꦮꦺꦱꦼꦁꦱꦫꦏꦸ꧈​ꦏꦺꦴꦏ꧀ꦒꦮꦩꦼꦠꦸꦱꦏꦠꦤꦃ​꧊ꦩꦺꦱꦶꦂꦱꦶꦁꦭꦺꦴꦃꦗꦶꦤꦮꦶꦱꦸꦥꦪꦲꦏꦸꦥꦝꦔꦭꦩ꧀ꦩꦶꦩꦠꦶꦲꦶꦁꦥꦼꦱꦩꦸꦤꦤ꧀ꦏꦺꦤꦺ?ꦲꦥꦱꦲꦶꦏꦶꦏꦺꦴꦮꦺꦲꦶꦱꦶꦃꦲꦉꦥ꧀ꦩꦿꦺꦤ꧀ꦠꦃꦲꦏꦸ?

^16:14 ꦮꦶꦱ꧀ꦕꦼꦛꦪꦺꦤ꧀ꦏꦺꦴꦮꦺꦲꦺꦴꦫꦧꦏꦭ꧀ꦔꦶꦫꦶꦢ꧀ꦲꦏꦸꦩꦼꦚꦁꦥꦁꦒꦺꦴꦤ꧀ꦤꦤ꧀ꦱꦶꦁꦭꦺꦴꦃꦗꦶꦤꦮꦶ꧈​ꦭꦤ꧀ꦏꦺꦴꦏ꧀ꦥꦤ꧀ꦢꦸꦩ꧀ꦩꦶꦱꦮꦃꦱꦂꦠꦏꦼꦧꦺꦴꦤ꧀ꦲꦁꦒꦸꦂ꧉​ꦲꦥꦱꦲꦶꦏꦶꦏꦺꦴꦮꦺꦲꦶꦱꦶꦃꦲꦉꦥ꧀ꦔꦥꦸꦱ꧀ꦱꦶꦲꦏꦸꦩꦼꦤꦺꦃ?ꦲꦺꦴꦫ꧈​ꦲꦏꦸꦲꦺꦴꦫꦱꦸꦢꦶꦩꦫ!"

^16:15 ​꧊ꦩꦸꦱꦤꦼꦥ꧀ꦱꦸꦧꦔꦼꦠ꧀ꦭꦤ꧀ꦩꦠꦸꦂꦩꦫꦁꦄꦭ꧀ꦭꦃ꧈​"ꦝꦸꦃꦄꦭ꧀ꦭꦃ꧈​ꦩꦸꦒꦶꦱꦩ꧀ꦥꦸꦤ꧀ꦏꦼꦂꦱꦤꦩ꧀ꦥꦶꦱꦼꦱꦲꦺꦴꦱ꧀ꦱꦤ꧀ꦲꦶꦁꦏꦁꦏꦱꦲꦺꦴꦱ꧀ꦱꦏꦼꦤ꧀ꦢꦺꦤꦶꦁꦠꦶꦪꦁꦠꦶꦪꦁꦩꦼꦤꦶꦏ꧉​ꦢꦺꦫꦺꦁꦤꦠꦺꦏꦸꦭꦢꦩꦼꦭ꧀ꦥꦶꦠꦸꦤꦤꦶꦥꦸꦤ꧀ꦠꦶꦪꦁꦠꦶꦪꦁꦩꦼꦤꦶꦏ꧈​ꦱꦼꦤꦗꦤ꧀ꦏꦸꦭ꧀ꦢꦶꦱꦼꦠꦸꦁꦒꦭ꧀ꦏꦺꦩꦮꦺꦴꦤ꧀ꦢꦺꦫꦺꦁꦤꦠꦺꦏꦸꦭꦠꦩ꧀ꦥꦶꦱꦏꦶꦁꦥꦶꦪꦩ꧀ꦧꦏ꧀ꦏꦶꦥꦸꦤ꧀꧉"​

^16:16 ​꧊ꦩꦸꦱꦧꦚ꧀ꦗꦸꦂꦏꦤ꧀ꦝꦏꦫꦺꦴ​꧊ꦏꦺꦴꦫꦃ꧈​"ꦱꦺꦱꦸꦏ꧀ꦲꦺꦱꦸꦏ꧀ꦏꦺꦴꦮꦺꦭꦤ꧀ꦮꦺꦴꦁ250ꦏꦚ꧀ꦕꦏꦚ꧀ꦕꦩꦸꦥꦝꦠꦼꦏꦲꦲꦶꦁꦏꦺꦩꦃꦱꦸꦕꦶ꧉​ꦲꦫꦸꦤ꧀ꦲꦶꦪꦧꦏꦭ꧀ꦠꦼꦏꦩꦿꦤ꧉​

^16:17 ꦏꦺꦴꦮꦺꦏꦸꦢꦸꦥꦝꦔ꧀ꦒꦮꦥꦼꦢꦸꦥ꧀ꦥꦤ꧀ꦝꦺꦮꦺꦝꦺꦮꦺ꧈​ꦱꦶꦁꦮꦶꦱ꧀ꦏꦺꦴꦏ꧀ꦢꦺꦴꦏꦺꦴꦏ꧀ꦏꦶꦩꦼꦚꦤ꧀꧉​ꦏꦸꦮꦶꦱꦲꦺꦴꦱ꧀ꦤꦲꦶꦁꦩꦼꦱ꧀ꦧꦺꦃ꧉"​

^16:18 ꦏꦕꦿꦶꦠꦲꦺꦱꦸꦏ꧀ꦏꦺꦱꦧꦼꦤ꧀ꦮꦺꦴꦁꦩꦲꦸꦔ꧀ꦒꦮꦥꦼꦢꦸꦥ꧀ꦥꦤ꧀ꦢꦶꦲꦶꦱꦺꦤ꧀ꦤꦶꦩꦮꦭꦶꦩꦁꦲꦶꦗꦶꦭꦤ꧀ꦩꦼꦚꦤ꧀꧈​ꦤꦸꦭꦶꦔꦢꦼꦒ꧀ꦲꦶꦁꦭꦮꦁꦔꦺꦏꦺꦩꦃꦱꦸꦕꦶ꧈​ꦧꦉꦁꦏꦫꦺꦴ​꧊ꦩꦸꦱꦭꦤ꧀ꦲꦫꦸꦤ꧀꧉​

^16:19 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ​꧊ꦏꦺꦴꦫꦃꦧꦚ꧀ꦗꦸꦂꦔ꧀ꦭꦸꦩ꧀ꦥꦸꦏ꧀ꦏꦏꦺꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​ꦤꦸꦭꦶꦔꦢꦼꦒ꧀ꦲꦝꦼꦥ꧀ꦲꦝꦼꦥ꧀ꦥꦤ꧀ꦏꦫꦺꦴ​꧊ꦩꦸꦱꦭꦤ꧀ꦲꦫꦸꦤ꧀꧉​ꦢꦸꦩꦢꦏ꧀ꦏꦤ꧀ꦮꦺꦴꦁꦏꦧꦺꦃꦥꦝꦮꦼꦫꦸꦃꦕꦲꦾꦏꦩꦸꦭꦾꦤꦺꦄꦭ꧀ꦭꦃꦱꦸꦩꦸꦤꦂꦩ꧀ꦧ꧀ꦭꦼꦉꦁꦔꦶ꧉​

^16:20 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​

^16:21 "ꦥꦝꦱꦸꦩꦶꦁꦏꦶꦂꦫꦱꦏꦮꦺꦴꦁꦮꦺꦴꦁꦏꦸꦮꦶ꧈​ꦲꦉꦥ꧀ꦢꦏ꧀ꦱꦶꦂꦤꦏ꧀ꦏꦏꦺꦱꦲꦶꦏꦶꦲꦸꦒ꧉"​

^16:22 ꦤꦁꦔꦶꦁ​꧊ꦩꦸꦱꦭꦤ꧀ꦲꦫꦸꦤ꧀ꦤꦸꦭꦶꦱꦸꦗꦸꦢ꧀ꦱꦸꦩꦸꦁꦏꦼꦩ꧀ꦲꦶꦁꦧꦸꦩꦶ꧈​ꦲꦠꦸꦂꦫꦺ꧈​"ꦝꦸꦃꦄꦭ꧀ꦭꦃ꧉​ꦥꦢꦸꦏꦲꦶꦁꦏꦁꦥꦫꦶꦁꦒꦼꦱꦁꦝꦠꦼꦁꦱꦼꦢꦪꦠꦸꦩꦶꦠꦃ꧉​ꦩꦼꦤꦥꦩꦼꦂꦒꦶꦠꦶꦪꦁꦱꦼꦠꦸꦁꦒꦭ꧀ꦲꦶꦁꦏꦁꦔ꧀ꦭꦩ꧀ꦥꦃꦲꦶꦏꦊꦥꦠ꧀ꦠꦤ꧀꧈​ꦲꦸꦩꦠ꧀ꦱꦼꦢꦪꦧꦝꦺꦥꦢꦸꦏꦱꦶꦂꦤꦏ꧀ꦏꦏꦼꦤ꧀?"

^16:23 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ​꧊ꦩꦸꦱ꧈​

^16:24 "ꦮꦺꦴꦁꦏꦧꦺꦃꦏꦺꦴꦤ꧀ꦤꦼꦤ꧀ꦱꦸꦩꦶꦁꦏꦶꦂꦱꦏꦏꦺꦩꦃꦲꦺ​꧊ꦏꦺꦴꦫꦃ꧈​​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀꧉"​

^16:25 ​꧊ꦩꦸꦱꦭꦤ꧀ꦥꦼꦁꦒꦼꦝꦺꦤꦺ​꧊ꦆꦱꦿꦲꦺꦭ꧀ꦤꦸꦭꦶꦥꦝꦩꦼꦚꦁꦏꦺꦩꦃꦲꦺ​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀꧉​

^16:26 ꦏꦤ꧀ꦝꦤꦺ​꧊ꦩꦸꦱꦩꦫꦁꦮꦺꦴꦁꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃ꧈​"ꦥꦝꦱꦸꦩꦶꦁꦏꦶꦂꦫꦱꦏꦏꦺꦩꦃꦲꦺꦮꦺꦴꦁꦮꦺꦴꦁꦲꦭꦲꦶꦏꦶ꧈​ꦭꦤ꧀ꦲꦗꦔ꧀ꦒꦼꦥꦺꦴꦏ꧀ꦧꦫꦁꦢꦂꦧꦺꦏ꧀ꦏꦺꦲꦥꦮꦲꦺ꧉​ꦪꦺꦤ꧀ꦥꦝꦲꦺꦴꦫꦤꦸꦫꦸꦠ꧀꧈​ꦏꦺꦴꦮꦺꦧꦏꦭ꧀ꦥꦝꦏꦱꦶꦂꦤꦏ꧀ꦏꦏꦺꦧꦉꦁꦏꦫꦺꦴꦮꦺꦴꦁꦮꦺꦴꦁꦲꦭꦏꦸꦮꦶ꧉"​

^16:27 ꦮꦺꦴꦁꦲꦏꦺꦃꦩꦲꦸꦤꦸꦭꦶꦥꦝꦚꦶꦁꦏꦶꦂꦱꦏꦏꦺꦩꦃꦲꦺ​꧊ꦏꦺꦴꦫꦃ꧈​​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀꧉​​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀ꦩꦼꦠꦸ꧈​ꦔꦢꦼꦒ꧀ꦲꦤꦲꦶꦁꦭꦮꦁꦔꦶꦁꦏꦺꦩꦃꦲꦺꦝꦺꦮꦺꦝꦺꦮꦺ꧈​ꦱꦲꦤꦏ꧀ꦧꦺꦴꦗꦺꦴꦤꦺ꧉​

^16:28 ​꧊ꦩꦸꦱꦧꦚ꧀ꦗꦸꦂꦏꦤ꧀ꦝꦏꦫꦺꦴꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃ꧈​"ꦔꦁꦒꦺꦴꦕꦫꦲꦶꦏꦶꦏꦺꦴꦮꦺꦧꦏꦭ꧀ꦥꦝꦮꦼꦫꦸꦃꦲꦼꦁꦒꦺꦴꦤ꧀ꦏꦸꦢꦶꦝꦮꦸꦃꦲꦶꦤꦶꦤ꧀ꦢꦏ꧀ꦏꦏꦺꦲꦶꦏꦶꦏꦧꦺꦃ꧉​ꦲꦶꦏꦶꦲꦺꦴꦫꦩꦼꦂꦒꦱꦏꦏꦉꦥ꧀ꦏꦸꦝꦺꦮꦺ꧉​

^16:29 ꦪꦺꦤ꧀ꦮꦺꦴꦁꦮꦺꦴꦁꦲꦶꦏꦶꦥꦝꦩꦠꦶꦏꦪꦥꦠꦿꦥ꧀ꦥꦺꦮꦺꦴꦁꦭꦸꦩꦿꦃꦠꦤ꧀ꦥꦢꦶꦲꦸꦏꦸꦩ꧀ꦢꦺꦤꦶꦁꦄꦭ꧀ꦭꦃ꧈​ꦏꦸꦮꦶꦠꦤ꧀ꦝꦤꦺꦪꦺꦤ꧀ꦲꦏꦸꦲꦺꦴꦫꦢꦶꦲꦸꦠꦸꦱ꧀ꦢꦺꦤꦶꦁꦄꦭ꧀ꦭꦃ꧉​

^16:30 ꦤꦁꦔꦶꦁꦪꦺꦤ꧀ꦄꦭ꧀ꦭꦃꦤꦶꦤ꧀ꦢꦏ꧀ꦏꦏꦺꦥꦽꦏꦫꦱꦶꦁꦢꦸꦫꦸꦁꦠꦲꦸꦏꦺꦴꦏ꧀ꦫꦸꦔꦸꦱꦢꦸꦫꦸꦁꦔꦺ꧈​ꦭꦤ꧀ꦪꦺꦤ꧀ꦧꦸꦩꦶꦔꦔꦥ꧀ꦥꦏꦺꦕꦁꦏꦼꦩ꧀ꦩꦺꦭꦤ꧀ꦔꦸꦤ꧀ꦠꦭ꧀ꦮꦺꦴꦁꦮꦺꦴꦁꦏꦸꦮꦶꦲꦸꦫꦶꦥ꧀ꦲꦸꦫꦶꦥ꧀ꦥꦤ꧀ꦩꦸꦝꦸꦤ꧀ꦲꦶꦁꦥꦥꦤ꧀ꦤꦺꦮꦺꦴꦁꦩꦠꦶꦢꦭꦃꦱꦧꦫꦁꦢꦂꦧꦺꦏ꧀ꦏꦺ꧈​ꦏꦸꦮꦶꦠꦤ꧀ꦝꦤꦺꦪꦺꦤ꧀ꦮꦺꦴꦁꦮꦺꦴꦁꦩꦲꦸꦥꦝꦔ꧀ꦭꦮꦤ꧀ꦩꦫꦁꦄꦭ꧀ꦭꦃ꧉"​

^16:31 ꦭꦒꦶꦮꦲꦺ​꧊ꦩꦸꦱꦩꦼꦤꦼꦁ꧈​ꦧꦸꦩꦶꦱꦶꦁꦢꦶꦲꦼꦚ꧀ꦕꦶꦏ꧀ꦏꦶ​꧊ꦢꦠꦤ꧀ꦭꦤ꧀​꧊ꦄꦧꦶꦫꦩ꧀ꦩ꧀ꦭꦼꦏꦃ꧈​

^16:32 ꦔꦸꦤ꧀ꦠꦭ꧀ꦲꦸꦫꦶꦥ꧀ꦲꦸꦫꦶꦥ꧀ꦥꦤ꧀ꦮꦺꦴꦁꦮꦺꦴꦁꦩꦲꦸꦭꦤ꧀ꦥꦫꦧꦿꦪꦠ꧀ꦠꦺ꧈​ꦧꦼꦧꦉꦁꦔꦤ꧀ꦏꦫꦺꦴꦏꦚ꧀ꦕꦏꦚ꧀ꦕꦤꦺ​꧊ꦏꦺꦴꦫꦃꦏꦧꦺꦃꦲꦥꦢꦺꦤꦺꦱꦧꦫꦁꦢꦂꦧꦺꦏ꧀ꦏꦺ꧉​

^16:33 ꦩꦼꦁꦏꦺꦴꦤꦺꦴꦲꦼꦁꦒꦺꦴꦤꦺꦥꦝꦏꦕꦼꦩ꧀ꦥ꧀ꦭꦸꦁꦲꦸꦫꦶꦥ꧀ꦲꦸꦫꦶꦥ꧀ꦥꦤ꧀ꦲꦶꦁꦢꦺꦴꦚꦤꦺꦮꦺꦴꦁꦩꦠꦶꦧꦼꦧꦉꦁꦔꦤ꧀ꦏꦫꦺꦴꦧꦫꦁꦢꦂꦧꦺꦏ꧀ꦏꦺꦏꦧꦺꦃ꧉​ꦧꦸꦩꦶꦤꦺꦤꦸꦭꦶꦩꦶꦁꦏꦼꦩ꧀ꦩꦼꦤꦺꦃꦥꦸꦭꦶꦃꦏꦪꦩꦲꦸꦤꦺ꧉​

^16:34 ꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃꦱꦶꦁꦥꦝꦲꦤꦲꦶꦁꦏꦺꦴꦤꦺꦴꦏꦿꦸꦔꦸꦥꦚ꧀ꦗꦼꦫꦶꦠ꧀ꦠꦺꦮꦺꦴꦁꦮꦺꦴꦁꦱꦶꦁꦏꦲꦸꦤ꧀ꦠꦭ꧀ꦢꦺꦤꦶꦁꦧꦸꦩꦶꦩꦲꦸ꧈​ꦤꦸꦭꦶꦥꦝꦩ꧀ꦭꦪꦸ꧈​ꦏꦫꦺꦴꦧꦼꦔꦺꦴꦏ꧀ꦧꦼꦔꦺꦴꦏ꧀꧈​"ꦫꦶꦏꦠ꧀ꦩ꧀ꦭꦪꦸ!ꦲꦗꦔꦤ꧀ꦠꦶꦏꦶꦠꦲꦶꦪꦏꦠꦸꦠ꧀ꦢꦶꦲꦸꦤ꧀ꦠꦭ꧀ꦲꦶꦁꦧꦸꦩꦶ!"

^16:35 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦤꦼꦏꦏ꧀ꦏꦏꦺꦒꦼꦤꦶ꧈​ꦩꦸꦭꦢ꧀ꦩꦸꦭꦢ꧀ꦩꦁꦱꦮꦺꦴꦁ250ꦱꦶꦁꦥꦝꦚꦲꦺꦴꦱ꧀ꦱꦏꦺꦩꦼꦚꦤ꧀ꦲꦶꦁꦥꦼꦢꦸꦥ꧀ꦥꦤ꧀ꦩꦲꦸ꧉​

^16:36 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^16:37 "​꧊ꦌꦭꦺꦪꦗ꦳ꦂꦲꦤꦏ꧀ꦏꦺꦲꦶꦩꦩ꧀ꦲꦫꦸꦤ꧀ꦏꦺꦴꦤ꧀ꦤꦼꦤ꧀ꦔꦸꦏꦸꦥ꧀ꦥꦶꦠꦸꦫꦃꦲꦤ꧀ꦤꦺꦥꦼꦢꦸꦥꦤ꧀ꦥꦼꦢꦸꦥꦤ꧀꧈​ꦱꦶꦁꦒꦼꦩ꧀ꦭꦺꦛꦏ꧀ꦲꦶꦁꦲꦤ꧀ꦠꦫꦤꦺꦮꦺꦴꦁꦮꦺꦴꦁꦱꦶꦁꦏꦱꦶꦂꦤꦏ꧀ꦏꦏꦺꦩꦲꦸ꧉​ꦲꦉꦁꦲꦉꦁꦱꦶꦁꦲꦤꦲꦶꦁꦥꦼꦢꦸꦥꦤ꧀ꦥꦼꦢꦸꦥꦤ꧀ꦩꦲꦸꦢꦺꦴꦏꦺꦴꦏ꧀ꦤꦲꦶꦁꦥꦁꦒꦺꦴꦤ꧀ꦤꦤ꧀ꦭꦶꦪ꧈​ꦩꦼꦂꦒꦥꦼꦢꦸꦥꦤ꧀ꦥꦼꦢꦸꦥꦤ꧀ꦏꦸꦮꦶꦱꦸꦕꦶ꧉​

^16:38 ꦧꦫꦁꦧꦫꦁꦏꦸꦮꦶꦮꦶꦱ꧀ꦢꦶꦥꦶꦭꦶꦃꦤꦭꦶꦏꦢꦶꦱꦲꦺꦴꦱ꧀ꦱꦏꦺꦲꦤꦲꦶꦁꦩꦼꦱ꧀ꦧꦺꦃꦲꦺꦥꦔꦺꦫꦤ꧀꧉​ꦩꦸꦭꦤꦺꦗꦸꦥꦸꦏ꧀ꦏꦤꦱꦏꦥꦁꦒꦺꦴꦤ꧀ꦤꦤ꧀ꦤꦺꦮꦺꦴꦁꦮꦺꦴꦁꦱꦶꦁꦏꦠꦸꦩ꧀ꦥꦼꦱ꧀ꦩꦲꦸ꧉​ꦧꦫꦁꦧꦫꦁꦏꦸꦮꦶꦏꦸꦢꦸꦢꦶꦒꦼꦩ꧀ꦧ꧀ꦭꦺꦁ꧈​ꦢꦶꦢꦢꦺꦏ꧀ꦏꦏꦺꦭꦺꦩ꧀ꦥꦺꦁꦔꦤ꧀ꦠꦶꦥꦶꦱ꧀꧈​ꦭꦤ꧀ꦭꦺꦩ꧀ꦥꦺꦔꦤ꧀ꦭꦺꦩ꧀ꦥꦺꦔꦤ꧀ꦩꦲꦸꦏꦒꦮꦺꦪꦠꦸꦠꦸꦥ꧀ꦏꦁꦒꦺꦴꦩꦼꦱ꧀ꦧꦺꦃ꧉​ꦏꦸꦮꦶꦢꦢꦶꦪꦥꦼꦔꦺꦭꦶꦁꦲꦺꦭꦶꦁꦠꦸꦩꦿꦥ꧀ꦧꦁꦱ​꧊ꦆꦱꦿꦲꦺꦭ꧀꧉"​

^16:39 ​꧊ꦌꦭꦺꦪꦗ꦳ꦂꦧꦚ꧀ꦗꦸꦂꦔ꧀ꦭꦸꦩ꧀ꦥꦸꦏ꧀ꦏꦏꦺꦥꦼꦢꦸꦥꦤ꧀ꦥꦼꦢꦸꦥꦤ꧀ꦩꦲꦸ꧈​ꦭꦤ꧀ꦲꦏꦺꦴꦤ꧀ꦮꦺꦴꦁꦔ꧀ꦒꦼꦩ꧀ꦧ꧀ꦭꦺꦁꦢꦢꦶꦭꦺꦩ꧀ꦥꦺꦔꦤ꧀ꦭꦺꦩ꧀ꦥꦺꦔꦤ꧀ꦠꦶꦥꦶꦱ꧀꧈​ꦏꦒꦮꦺꦠꦸꦠꦸꦥ꧀ꦩꦼꦱ꧀ꦧꦺꦃ꧉​

^16:40 ꦏꦸꦮꦶꦏꦁꦒꦺꦴꦥꦼꦔꦺꦭꦶꦁꦲꦺꦭꦶꦁꦠꦸꦩꦿꦥ꧀ꦧꦁꦱ​꧊ꦆꦱꦿꦲꦺꦭ꧀꧈​ꦪꦺꦤ꧀ꦏꦼꦗꦧꦲꦤꦏ꧀ꦠꦸꦫꦸꦤꦺꦲꦫꦸꦤ꧀ꦲꦺꦴꦫꦲꦤꦮꦺꦴꦁꦱꦶꦁꦏꦼꦥꦉꦁꦚꦼꦝꦏ꧀ꦏꦶꦩꦼꦱ꧀ꦧꦺꦃ꧈​ꦔꦺꦴꦧꦺꦴꦁꦢꦸꦥꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​ꦮꦺꦴꦁꦱꦶꦁꦔ꧀ꦭꦁꦒꦂꦥꦽꦤꦠꦤ꧀ꦩꦲꦸꦧꦏꦭ꧀ꦢꦶꦠꦸꦩ꧀ꦥꦼꦱ꧀ꦏꦪ​꧊ꦏꦺꦴꦫꦃꦭꦤ꧀ꦏꦚ꧀ꦕꦏꦚ꧀ꦕꦤꦺ꧉​ꦩꦸꦭꦤꦺꦏꦧꦺꦃꦩꦲꦸꦢꦶꦠꦶꦤ꧀ꦢꦏ꧀ꦏꦏꦺꦢꦺꦤꦶꦁ​꧊ꦌꦭꦺꦪꦗ꦳ꦂꦏꦪꦏꦁꦏꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱ꧉​

^16:41 ꦲꦺꦱꦸꦏ꧀ꦏꦺꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃꦥꦝꦤꦼꦥ꧀ꦱꦺꦴꦤ꧀ꦤꦶ​꧊ꦩꦸꦱꦭꦤ꧀ꦲꦫꦸꦤ꧀꧈​ꦏꦤ꧀ꦝꦤꦺ꧈​"ꦏꦺꦴꦮꦺꦱꦶꦁꦩꦫꦏ꧀ꦏꦏꦺꦲꦸꦩꦠ꧀ꦠꦺꦄꦭ꧀ꦭꦃꦱꦭꦺꦴꦁꦥꦝꦩꦠꦶ꧉"​

^16:42 ꦱꦮꦶꦱ꧀ꦱꦺꦧꦼꦧꦉꦁꦔꦤ꧀ꦥꦝꦔ꧀ꦭꦮꦤ꧀ꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​ꦮꦺꦴꦁꦮꦺꦴꦁꦩꦲꦸꦥꦝꦤꦺꦴꦭꦺꦃꦩꦫꦁꦏꦺꦩꦃꦱꦸꦕꦶ꧉​ꦲꦶꦁꦏꦺꦴꦤꦺꦴꦥꦝꦮꦼꦫꦸꦃꦏꦺꦩꦃꦩꦲꦸꦏꦼꦠꦸꦠꦸꦥ꧀ꦥꦤ꧀ꦩꦺꦒꦭꦤ꧀ꦚꦸꦤꦂꦫꦏꦺꦕꦲꦾꦏꦩꦸꦭꦾꦤꦺꦄꦭ꧀ꦭꦃ꧈​ꦱꦶꦁꦩ꧀ꦧ꧀ꦭꦼꦉꦁꦔꦶ꧉​

^16:43 ​꧊ꦩꦸꦱꦭꦤ꧀ꦲꦫꦸꦤ꧀ꦥꦝꦔꦢꦼꦒ꧀ꦲꦶꦁꦭꦮꦁꦔꦺꦏꦺꦩꦃꦱꦸꦕꦶ꧉​

^16:44 ꦒꦸꦱ꧀ꦠꦶꦄꦭ꧀ꦭꦃꦧꦚ꧀ꦗꦸꦂꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^16:45 "ꦱꦸꦩꦶꦁꦏꦶꦂꦫꦱꦏꦮꦺꦴꦁꦮꦺꦴꦁꦏꦸꦮꦶ꧉​ꦲꦉꦥ꧀ꦢꦏ꧀ꦠꦸꦩ꧀ꦥꦼꦱ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦲꦸꦒ꧉"​​꧊ꦩꦸꦱꦭꦤ꧀ꦲꦫꦸꦤ꧀ꦤꦸꦭꦶꦥꦝꦱꦸꦗꦸꦢ꧀ꦱꦸꦩꦸꦁꦏꦼꦩ꧀ꦲꦶꦁꦧꦸꦩꦶ꧉​

^16:46 ꦏꦤ꧀ꦝꦤꦺ​꧊ꦩꦸꦱꦩꦫꦁꦲꦫꦸꦤ꧀꧈​"ꦥꦼꦢꦸꦥꦤꦺꦗꦸꦥꦸꦏ꧀ꦏꦼꦤ꧀꧈​ꦲꦶꦱꦺꦤ꧀ꦤꦤꦩꦮꦭꦶꦩꦁꦲꦶꦗꦶꦱꦏꦩꦼꦱ꧀ꦧꦺꦃ꧈​ꦤꦸꦭꦶꦩꦮꦏꦸꦮꦶꦥꦾꦸꦂꦫꦤꦩꦼꦚꦤ꧀꧉​ꦥꦼꦢꦸꦥ꧀ꦥꦤ꧀ꦏꦸꦮꦶꦲꦺꦁꦒꦭ꧀ꦒꦮꦤꦼꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦤꦺꦮꦺꦴꦁꦲꦏꦺꦃ꧈​ꦭꦤ꧀ꦤꦶꦤ꧀ꦢꦏ꧀ꦤꦲꦸꦥꦕꦫꦥꦶꦫꦸꦏꦸꦤ꧀꧉​ꦒꦼꦭꦶꦱ꧀ꦭꦏꦺꦴꦤ꧀ꦤꦤ!ꦥꦲꦸꦏꦸꦩ꧀ꦩꦤ꧀ꦤꦺꦄꦭ꧀ꦭꦃꦮꦶꦱ꧀ꦮꦶꦮꦶꦠ꧀ꦩꦸꦭꦢ꧀ꦩꦸꦭꦢ꧀ꦭꦤ꧀ꦥꦲꦸꦏꦸꦩ꧀ꦩꦤ꧀ꦤꦺꦮꦶꦱ꧀ꦮꦶꦮꦶꦠ꧀ꦤꦼꦩ꧀ꦥꦸꦃꦩꦫꦁꦲꦸꦩꦠ꧀ꦠꦺ꧉"​

^16:47 ꦲꦫꦸꦤ꧀ꦧꦚ꧀ꦗꦸꦂꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦢꦶꦏꦤ꧀ꦝꦏ꧀ꦏꦏꦺ​꧊ꦩꦸꦱ꧉​ꦲꦺꦁꦒꦭ꧀ꦲꦺꦁꦒꦭ꧀ꦚ꧀ꦗꦸꦥꦸꦏ꧀ꦥꦼꦢꦸꦥꦤꦺꦭꦤ꧀ꦩ꧀ꦭꦪꦸꦲꦶꦁꦱꦠꦼꦔꦃꦲꦺꦲꦸꦩꦠ꧀​꧊ꦆꦱꦿꦲꦺꦭ꧀ꦱꦶꦁꦭꦒꦶꦥꦝꦔ꧀ꦭꦸꦩ꧀ꦥꦸꦏ꧀꧉​ꦧꦉꦁꦮꦼꦫꦸꦃꦪꦺꦤ꧀ꦥꦲꦸꦏꦸꦩ꧀ꦩꦤ꧀ꦤꦺꦮꦶꦱ꧀ꦮꦶꦮꦶꦠ꧀ꦤꦼꦩ꧀ꦥꦸꦃ꧈​ꦩꦼꦚꦤ꧀ꦤꦺꦧꦚ꧀ꦗꦸꦂꦢꦶꦲꦸꦮꦸꦂꦲꦸꦮꦸꦂꦫꦏꦺꦲꦶꦁꦩꦮ꧈​ꦭꦤ꧀ꦩꦶꦮꦶꦠ꧀ꦠꦶꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦥꦶꦫꦸꦏꦸꦤ꧀꧉​

^16:48 ꦥꦲꦸꦏꦸꦩ꧀ꦩꦤ꧀ꦤꦺꦤꦸꦭꦶꦱꦶꦉꦥ꧀꧈​ꦭꦤ꧀ꦲꦫꦸꦤ꧀ꦔꦢꦼꦒ꧀ꦲꦶꦁꦲꦤ꧀ꦠꦫꦤꦺꦮꦺꦴꦁꦱꦶꦁꦮꦶꦱ꧀ꦩꦠꦶꦭꦤ꧀ꦱꦶꦁꦲꦶꦱꦶꦃꦲꦸꦫꦶꦥ꧀꧉​

^16:49 ꦕꦕꦃꦲꦺꦱꦶꦁꦩꦠꦶꦤꦭꦶꦏꦲꦶꦏꦸꦲꦤ14.700꧈​ꦢꦸꦫꦸꦁꦏꦼꦥꦺꦠꦸꦁꦮꦺꦴꦁꦱꦶꦁꦥꦝꦩꦠꦶꦧꦉꦁꦏꦫꦺꦴ​꧊ꦏꦺꦴꦫꦃ꧉​

^16:50 ꦱꦮꦶꦱ꧀ꦱꦺꦥꦲꦸꦏꦸꦩ꧀ꦩꦤ꧀ꦩꦲꦸꦱꦶꦉꦥ꧀꧈​ꦲꦫꦸꦤ꧀ꦧꦚ꧀ꦗꦸꦂꦧꦭꦶꦩꦫꦤꦶ​꧊ꦩꦸꦱꦲꦤꦲꦶꦁꦔꦉꦥ꧀ꦥꦺꦭꦮꦁꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​