Alkitab/Wilangan/24

Saka Wikisumber

24:1 ꦱꦲꦶꦏꦶ​꧊ꦧꦶꦭꦺꦪꦩ꧀ꦮꦶꦱ꧀ꦔꦼꦂꦠꦶꦪꦺꦤ꧀ꦏꦼꦂꦱꦤꦺꦒꦸꦱ꧀ꦠꦶꦄꦭ꧀ꦭꦃꦏꦸꦮꦶ​꧊ꦧꦶꦭꦺꦪꦩ꧀ꦱꦸꦥꦪꦩ꧀ꦧꦼꦂꦏꦃꦲꦶꦧꦁꦱ​꧊ꦆꦱꦿꦲꦺꦭ꧀꧉​ꦩꦸꦭꦤꦺꦲꦺꦴꦫꦭꦸꦔꦤꦼꦒꦼꦱ꧀ꦩꦫꦁꦏꦼꦂꦱꦤꦺꦄꦭ꧀ꦭꦃꦏꦪꦱꦶꦁꦲꦸꦮꦶꦱ꧀ꦲꦸꦮꦶꦱ꧀꧉​​꧊ꦧꦶꦭꦺꦪꦩ꧀ꦔꦮꦱ꧀ꦱꦏꦺꦥꦼꦱꦩꦸꦤꦤ꧀꧈​
24:2 ꦤꦸꦭꦶꦮꦼꦫꦸꦃꦥꦭꦺꦫꦺꦤ꧀ꦤꦤ꧀ꦤꦺꦧꦁꦱ​꧊ꦆꦱꦿꦲꦺꦭ꧀ꦱꦶꦁꦥꦝꦩꦱꦁꦏꦺꦩꦃꦲꦺꦩꦶꦠꦸꦫꦸꦠ꧀ꦠꦸꦫꦸꦤ꧀ꦭꦤ꧀ꦠꦊꦂꦫꦺꦝꦺꦮꦺꦝꦺꦮꦺ꧉​ꦫꦺꦴꦃꦲꦺꦥꦔꦺꦫꦤ꧀ꦤꦸꦭꦶꦔ꧀ꦮꦲꦺꦴꦱ꧀ꦱꦶ​꧊ꦧꦶꦭꦺꦪꦩ꧀꧈​
24:3 ꦩꦸꦭꦤꦺ​꧊ꦧꦶꦭꦺꦪꦩ꧀ꦧꦚ꧀ꦗꦸꦂꦩꦼꦝꦂꦮꦁꦱꦶꦠ꧀ꦩꦼꦁꦏꦺꦤꦺ:"ꦲꦶꦏꦶ​꧊ꦧꦶꦭꦺꦪꦩ꧀ꦧꦶꦤ꧀​꧊ꦧꦺꦪꦺꦴꦂ꧈​ꦲꦮꦺꦃꦠꦤ꧀ꦝ꧈​ꦮꦺꦴꦁꦮꦶꦕꦏ꧀ꦱꦤꦲꦮꦺꦃꦥꦮꦂꦠ꧉​
24:4 ꦲꦏꦸꦢꦶꦥꦫꦶꦁꦔꦶꦏꦿꦸꦔꦸꦱꦧ꧀ꦢꦤꦺꦄꦭ꧀ꦭꦃꦱꦶꦁꦭꦸꦒꦸ꧉​ꦏ꧀ꦭꦮꦤ꧀ꦩꦠꦠꦶꦤꦂꦧꦸꦏ꧈​ꦲꦏꦸꦮꦼꦫꦸꦃꦮꦲꦾꦸꦤꦺꦄꦭ꧀ꦭꦃꦏꦁꦩꦲꦏ꧀ꦮꦱ꧉​
24:5 ꦏꦺꦩꦃꦏꦺꦩꦃꦲꦺꦏꦠꦺꦴꦤ꧀ꦲꦥꦶꦏ꧀꧈​ꦲꦺ​꧊ꦪꦏꦸꦧ꧀꧈​ꦲꦶꦪꦥꦥꦤ꧀ꦥꦢꦸꦤꦸꦁꦔꦤ꧀ꦩꦸ꧈​ꦲꦺ​꧊ꦆꦱꦿꦲꦺꦭ꧀꧉​
24:6 ꦏꦪꦊꦧꦏ꧀ꦏꦁꦒꦸꦩꦼꦭꦂ꧈​ꦏꦪꦠꦩꦤ꧀ꦲꦶꦁꦥꦶꦁꦒꦶꦂꦏꦭꦶ꧈​ꦏꦪꦮꦶꦠ꧀ꦒꦲꦫꦸꦱꦶꦁꦢꦶꦠꦤ꧀ꦢꦸꦂꦥꦔꦺꦫꦤ꧀꧈​ꦏꦪꦮꦶꦠ꧀ꦲꦺꦫꦺꦱ꧀ꦕꦼꦝꦏ꧀ꦏꦺꦥꦚ꧀ꦕꦸꦂꦫꦤ꧀꧉​
24:7 ꦮꦶꦗꦶꦱꦸꦧꦸꦂꦛꦸꦏꦸꦭ꧀ꦲꦶꦁꦊꦩꦃ꧈​ꦲꦸꦢꦤ꧀ꦤꦺꦲꦏꦺꦃ꧈​ꦧꦚꦸꦤꦺꦩꦸꦫꦃ꧉​ꦫꦠꦸꦤꦺꦲꦸꦁꦒꦸꦭ꧀꧈​ꦲꦺꦴꦫꦲꦤꦠꦤ꧀ꦝꦶꦁꦔꦺꦲꦩ꧀ꦧꦠꦤꦃꦗꦗꦃꦲꦤ꧀ꦤꦺ꧉​
24:8 ꦄꦭ꧀ꦭꦃꦔꦶꦫꦶꦢ꧀ꦭꦏꦸꦤꦺ꧈​ꦱꦏ​꧊ꦩꦺꦱꦶꦂꦲꦱꦭ꧀ꦭꦺ꧈​ꦏꦪꦧꦤ꧀ꦛꦺꦁꦥꦼꦫꦁꦔꦺ꧈​ꦔ꧀ꦭꦮꦤ꧀ꦩꦸꦁꦱꦸꦃꦲꦺ꧉​ꦩꦸꦁꦱꦸꦃꦲꦺꦢꦶꦲꦸꦤ꧀ꦠꦭ꧀ꦩꦭꦁ꧈​ꦢꦶꦱꦸꦮꦺꦏ꧀꧈​ꦢꦶꦉꦩꦸꦏ꧀ꦧꦭꦸꦁꦔꦺ꧈​ꦥꦤꦃꦲꦺꦢꦶꦕꦺꦴꦏ꧀ꦭꦺꦏ꧀꧉​
24:9 ꦧꦁꦱꦏꦸꦮꦶꦏꦪꦱꦶꦔꦥꦿꦏꦺꦴꦱ꧈​ꦪꦺꦤ꧀ꦚ꧀ꦗꦼꦫꦸꦩ꧀꧈​ꦱꦥꦮꦤꦶꦔ꧀ꦒꦺꦴꦝ?ꦱꦶꦁꦩ꧀ꦧꦼꦂꦏꦃꦲꦶꦝꦺꦮꦺꦏ꧀ꦏꦺ꧈​ꦲꦺꦴꦭꦺꦃꦫꦃꦩꦠ꧀꧈​ꦱꦶꦁꦚꦼꦥꦠꦤꦶꦲꦺꦴꦭꦺꦃꦭꦏ꧀ꦤꦠ꧀꧉"​
24:10 ​꧊ꦧꦭꦏ꧀ꦤꦼꦥ꧀ꦱꦸꦧꦔꦼꦠ꧀ꦏꦫꦺꦴꦒꦼꦠꦼꦩ꧀ꦒꦼꦠꦼꦩ꧀ꦔꦼꦥꦼꦭ꧀ꦠꦔꦤ꧀ꦤꦺ꧈​ꦠꦼꦩ꧀ꦧꦸꦁꦔꦺꦩꦫꦁ​꧊ꦧꦶꦭꦺꦪꦩ꧀꧈​"ꦥꦚ꧀ꦗꦼꦤꦼꦁꦔꦤ꧀ꦏꦸꦭꦲꦸꦤ꧀ꦢꦁꦩꦿꦶꦏꦶꦱꦸꦥꦢꦺꦴꦱ꧀ꦔꦶꦥꦠ꧀ꦲꦶꦥꦠꦶꦩꦼꦁꦱꦃꦏꦸꦭꦩꦼꦤꦶꦏ꧈​ꦗꦼꦧꦸꦭ꧀ꦩꦭꦃꦥꦚ꧀ꦗꦼꦤꦼꦁꦔꦤ꧀ꦧꦼꦂꦏꦃꦲꦶꦔꦤ꧀ꦠꦺꦴꦱ꧀ꦏꦥꦶꦁꦠꦶꦒ!
24:11 ꦱꦩꦼꦤꦶꦏꦲꦸꦒꦶꦥꦚ꧀ꦗꦼꦤꦼꦁꦔꦤ꧀ꦏꦼꦢꦃꦏꦺꦱꦃꦱꦏꦶꦁꦔꦿꦶꦏꦶ!ꦏꦸꦭꦱꦩ꧀ꦥꦸꦤ꧀ꦗꦚ꧀ꦗꦶꦧꦝꦺꦚꦮꦶꦱ꧀ꦱꦶꦲꦺꦴꦥꦃ꧈​ꦤꦁꦔꦶꦁꦄꦭ꧀ꦭꦃꦩ꧀ꦧꦺꦴꦠꦼꦤ꧀ꦩꦉꦁꦔꦏꦼꦤ꧀ꦥꦚ꧀ꦗꦼꦤꦼꦁꦔꦤ꧀ꦤꦩ꧀ꦥꦺꦤ꧀ꦤꦶꦲꦺꦴꦥꦃꦩꦼꦤꦶꦏ꧉"​
24:12 ꦮꦁꦱꦸꦭ꧀ꦭꦤ꧀ꦤꦺ​꧊ꦧꦶꦭꦺꦪꦩ꧀꧈​"ꦏꦸꦭꦫꦏ꧀ꦱꦩ꧀ꦥꦸꦤ꧀ꦕꦿꦶꦪꦺꦴꦱ꧀ꦝꦠꦼꦁꦥꦫꦲꦸꦠꦸꦱ꧀ꦱꦤ꧀ꦥꦚ꧀ꦗꦼꦤꦼꦁꦔꦤ꧀꧈​
24:13 ꦧꦶꦭꦶꦃ꧈​ꦱꦼꦤꦗꦤ꧀ꦥꦚ꧀ꦗꦼꦤꦼꦁꦔꦤ꧀ꦧꦝꦺꦚꦸꦏꦤꦶꦱꦼꦢꦪꦱꦼꦭꦏꦭꦤ꧀ꦲꦼꦩꦱ꧀ꦲꦶꦁꦏꦁꦮꦺꦴꦤ꧀ꦠꦼꦤ꧀ꦲꦶꦁꦏꦼꦝꦠꦺꦴꦤ꧀ꦥꦚ꧀ꦗꦼꦤꦼꦁꦔꦤ꧀꧈​ꦏꦸꦭꦩ꧀ꦧꦺꦴꦠꦼꦤ꧀ꦧꦝꦺꦔ꧀ꦭꦮꦤ꧀ꦝꦠꦼꦁꦝꦮꦸꦃꦲꦶꦥꦸꦤ꧀ꦥꦔꦺꦫꦤ꧀ꦭꦤ꧀ꦤꦶꦤ꧀ꦢꦏ꧀ꦏꦏꦼꦤ꧀ꦥꦶꦏꦗꦼꦁꦏꦸꦭꦥꦶꦪꦩ꧀ꦧꦏ꧀꧉​ꦏꦸꦭꦤꦩꦸꦁꦱꦒꦼꦢ꧀ꦚꦫꦶꦪꦺꦴꦱ꧀ꦱꦏꦼꦤ꧀ꦩꦼꦤꦥꦲꦶꦁꦏꦁꦏꦝꦮꦸꦃꦲꦏꦼꦤ꧀ꦢꦺꦤꦶꦁꦥꦔꦺꦫꦤ꧀ꦝꦠꦼꦁꦏꦸꦭ꧉"​
24:14 ​꧊ꦧꦶꦭꦺꦪꦩ꧀ꦕ꧀ꦭꦛꦸꦩꦫꦁ​꧊ꦧꦭꦏ꧀ꦩꦼꦁꦏꦺꦤꦺ꧈​"ꦱꦩꦼꦤꦶꦏꦏꦸꦭꦧꦝꦺꦮꦁꦱꦸꦭ꧀ꦝꦠꦼꦁꦤꦼꦒꦫꦶꦏꦸꦭꦩꦭꦶꦃ꧉​ꦤꦁꦔꦶꦁꦱꦢꦺꦫꦺꦁꦔꦶꦥꦸꦤ꧀ꦧꦶꦝꦭ꧀ꦏꦸꦭꦏꦼꦥꦺꦔꦶꦤ꧀ꦔꦠꦸꦂꦫꦶꦥꦶꦂꦱꦧꦧ꧀ꦩꦼꦤꦥꦲꦶꦁꦏꦁꦩ꧀ꦧꦺꦚ꧀ꦗꦶꦁꦧꦝꦺꦥꦚ꧀ꦗꦼꦤꦼꦁꦔꦤ꧀ꦲꦭꦩ꧀ꦩꦶꦱꦏꦶꦁꦧꦁꦱ​꧊ꦆꦱꦿꦲꦺꦭ꧀ꦩꦼꦤꦶꦏ꧉"​
24:15 ​꧊ꦧꦶꦭꦺꦪꦩ꧀ꦧꦚ꧀ꦗꦸꦂꦩꦼꦝꦂꦮꦁꦱꦶꦠ꧀ꦩꦼꦁꦏꦺꦤꦺ:"ꦲꦶꦏꦶ​꧊ꦧꦶꦭꦺꦪꦩ꧀ꦧꦶꦤ꧀​꧊ꦧꦺꦪꦺꦴꦂ꧈​ꦲꦮꦺꦃꦠꦤ꧀ꦝ꧈​ꦮꦺꦴꦁꦱꦶꦢꦶꦏ꧀ꦲꦮꦺꦃꦥꦮꦂꦠ꧉​
24:16 ꦱꦶꦁꦏꦥꦫꦶꦁꦔꦤ꧀ꦥꦔꦿꦸꦔꦸꦥꦔꦤ꧀ꦢꦶꦏꦤꦺꦄꦭ꧀ꦭꦃꦱꦠꦸꦲꦸ꧉​ꦱꦶꦁꦏꦥꦫꦶꦁꦔꦤ꧀ꦮꦼꦫꦸꦃꦏꦮꦿꦸꦃꦭꦸꦲꦸꦁ꧈​ꦢꦶꦒꦮꦺꦮꦢꦶꦲꦶꦁꦄꦭ꧀ꦭꦃꦩꦲꦲꦒꦸꦁ꧉​ꦏ꧀ꦭꦮꦤ꧀ꦩꦠꦠꦶꦤꦂꦧꦸꦏ꧈​ꦢꦏ꧀ꦢꦼꦊꦁꦮꦲꦾꦸꦤꦺꦄꦭ꧀ꦭꦃꦏꦁꦩꦲꦏ꧀ꦮꦱ꧉​
24:17 ꦢꦏ꧀ꦢꦼꦊꦁ​꧊ꦆꦱꦿꦲꦺꦭ꧀ꦲꦶꦁꦩ꧀ꦧꦺꦱꦸꦏ꧀ꦏꦺ꧈​ꦲꦤꦫꦗꦱꦏ​꧊ꦆꦱꦿꦲꦺꦭ꧀ꦩꦶꦪꦺꦴꦱ꧀ꦱꦺ꧈​ꦏꦪꦭꦶꦤ꧀ꦠꦁꦩꦸꦚ꧀ꦕꦸꦭ꧀ꦭꦺ꧈​ꦥꦝꦁꦕꦲꦾꦤꦺ꧈​ꦥꦼꦁꦒꦼꦝꦺꦤꦺꦧꦁꦱ​꧊ꦩꦺꦴꦮꦧ꧀ꦢꦶꦠꦼꦭꦸꦏ꧀ꦏꦏꦺ꧈​ꦧꦁꦱꦱꦺꦠ꧀ꦢꦶꦏꦭꦃꦲꦏꦺ꧉​
24:18 ​꧊ꦌꦢꦺꦴꦩ꧀ꦩꦸꦁꦱꦸꦃꦲꦺꦢꦶꦱꦶꦂꦤꦏ꧀ꦏꦏꦺ꧈​ꦠꦤꦃꦲꦺꦢꦶꦉꦧꦸꦠ꧀ꦢꦢꦶꦢꦸꦮꦺꦏ꧀ꦏꦺ꧈​ꦊꦱ꧀ꦠꦫꦶꦏꦫꦺꦴꦱꦤ꧀ꦤꦺ꧉​
24:19 ꦩꦸꦁꦱꦸꦃꦲꦺꦲꦼꦤ꧀ꦠꦺꦏ꧀ꦢꦶꦲꦶꦢꦏ꧀ꦩꦠꦶ꧈​ꦠꦤ꧀ꦲꦤꦱꦶꦗꦶꦱꦶꦁꦏꦫꦶ꧉"​
24:20 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦲꦶꦁꦱꦗꦿꦺꦴꦤꦶꦁꦮꦲꦾꦸ​꧊ꦧꦶꦭꦺꦪꦩ꧀ꦮꦼꦫꦸꦃꦮꦺꦴꦁꦮꦺꦴꦁ​꧊ꦄꦩꦭꦺꦏ꧀꧉​ꦩꦸꦭꦤꦺꦧꦚ꧀ꦗꦸꦂꦩꦼꦕꦩꦼꦁꦏꦺꦤꦺ꧈​"ꦏꦧꦺꦃꦧꦁꦱꦱꦗꦒꦢ꧀꧈​​꧊ꦄꦩꦭꦺꦏ꧀ꦝꦺꦮꦺꦱꦶꦁꦲꦺꦧꦠ꧀꧉​ꦤꦁꦔꦶꦁꦲꦏꦶꦂꦫꦺ꧈​ꦔꦭꦩ꧀ꦩꦶꦲꦸꦒꦩꦸꦱ꧀ꦤ꧈​ꦱꦶꦂꦤ꧉"​
24:21 ꦱꦗꦿꦺꦴꦤꦺꦮꦲꦾꦸꦩꦲꦸ​꧊ꦧꦶꦭꦺꦪꦩ꧀ꦲꦸꦒꦮꦼꦫꦸꦃꦲꦤꦏ꧀ꦠꦸꦫꦸꦤꦺꦏꦲꦶꦤ꧀꧈​ꦠꦼꦩꦃꦧꦚ꧀ꦗꦸꦂꦩꦼꦕꦩꦼꦁꦏꦺꦤꦺ꧈​"ꦏꦲꦶꦤ꧀ꦱꦼꦤ꧀ꦠꦺꦴꦱꦥꦼꦩꦁꦒꦺꦴꦤ꧀ꦩꦸ꧈​ꦏꦪꦱꦸꦱꦸꦃꦲꦶꦁꦥꦸꦕꦸꦏ꧀ꦒꦸꦤꦸꦁꦮꦠꦸ꧉​
24:22 ꦤꦁꦔꦶꦁꦏꦺꦴꦮꦺꦮꦺꦴꦁ​꧊ꦏꦺꦤꦶ꧈​ꦧꦏꦭ꧀ꦢꦶꦠꦸꦩ꧀ꦥꦼꦱ꧀ꦱꦶꦂꦤ꧈​ꦢꦶꦧꦺꦴꦪꦺꦴꦁ​꧊ꦄꦱꦾꦸꦂ꧈​ꦢꦢꦶꦠꦮꦤ꧀ꦤꦤ꧀꧈​ꦢꦶꦒꦮꦭꦸꦔ꧉"​
24:23 ​꧊ꦧꦶꦭꦺꦪꦩ꧀ꦧꦚ꧀ꦗꦸꦂꦲꦸꦒꦔꦸꦕꦥ꧀ꦩꦼꦁꦏꦺꦤꦺ꧈​"ꦱꦏ​꧊ꦭꦺꦴꦂꦮꦺꦴꦁꦲꦏꦺꦃꦥꦝꦠꦼꦏ꧈​ꦱꦥꦠ?
24:24 ꦲꦶꦏꦸꦮꦺꦴꦁ​꧊ꦱꦶꦥꦿꦸꦱ꧀ꦠꦼꦏꦤꦸꦩ꧀ꦥꦏ꧀ꦥꦿꦲꦸ꧉​ꦮꦺꦴꦁ​꧊ꦄꦱꦾꦸꦂꦭꦤ꧀ꦮꦺꦴꦁ​꧊ꦌꦧꦺꦂꦢꦶꦭꦭꦥ꧀ꦧꦁꦱꦩꦲꦸ꧈​ꦤꦁꦔꦶꦁꦲꦏꦶꦂꦫꦺꦲꦺꦴꦫꦭꦮꦱ꧀꧈​ꦲꦸꦒꦢꦶꦠꦸꦩ꧀ꦥꦼꦱ꧀ꦠꦤ꧀ꦥꦠꦶꦭꦱ꧀꧉"​
24:25 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ​꧊ꦧꦶꦭꦺꦪꦩ꧀ꦧꦚ꧀ꦗꦸꦂꦠꦠꦠꦠꦭꦤ꧀ꦧꦸꦝꦭ꧀꧈​ꦩꦸꦭꦶꦃꦩꦼꦚꦁꦤꦼꦒꦫꦤꦺ꧉​ꦱꦼꦩꦺꦴꦤꦺꦴꦲꦸꦒ​꧊ꦧꦭꦏ꧀ꦲꦶꦪꦧꦚ꧀ꦗꦸꦂꦩꦸꦭꦶꦃ꧉​