Alkitab/Wilangan/20

Saka Wikisumber

20:1 ꦤꦭꦶꦏꦱꦱꦶꦏꦥꦶꦱꦤ꧀ꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃꦮꦶꦱ꧀ꦠꦼꦏꦤ꧀ꦱꦼꦒꦫꦮꦼꦝꦶ​꧊ꦗ꦳ꦶꦤ꧀ꦭꦤ꧀ꦥꦝꦩꦱꦁꦏꦺꦩꦃꦲꦤꦲꦶꦁ​꧊ꦏꦢꦺꦱ꧀꧉​​꧊ꦩꦶꦂꦪꦩ꧀ꦠꦶꦭꦂꦢꦺꦴꦚꦲꦶꦁꦏꦺꦴꦤꦺꦴ꧈​ꦤꦸꦭꦶꦏꦏꦸꦧꦸꦂ꧉​
20:2 ꦲꦶꦁꦥꦭꦺꦫꦺꦃꦲꦤ꧀ꦏꦺꦴꦤꦺꦴꦲꦺꦴꦫꦲꦤꦧꦚꦸ꧈​ꦩꦸꦭꦤꦺꦮꦺꦴꦁꦮꦺꦴꦁꦥꦝꦤꦼꦏꦤꦶ​꧊ꦩꦸꦱꦭꦤ꧀ꦲꦫꦸꦤ꧀
20:3 ꦏꦫꦺꦴꦒꦿꦸꦤ꧀ꦢꦼꦭ꧀ꦭꦤ꧀ꦠꦼꦩ꧀ꦧꦸꦁꦔꦺ꧈​"ꦭꦸꦮꦶꦃꦧꦼꦕꦶꦏ꧀ꦱꦲꦸꦥꦩꦏꦶꦠꦲꦶꦏꦶꦥꦝꦩꦠꦶꦲꦶꦁꦔꦉꦥ꧀ꦥꦺꦏꦺꦩꦃꦱꦸꦕꦶ꧈​ꦧꦉꦁꦏꦫꦺꦴꦱꦼꦢꦸꦭꦸꦂꦱꦼꦢꦸꦭꦸꦂꦏꦶꦠꦧꦶꦪꦺꦤ꧀ꦏꦲꦺ꧉​
20:4 ꦪꦒꦺꦤꦺꦲꦏꦸꦏꦺꦴꦏ꧀ꦒꦮꦩꦼꦚꦁꦥꦼꦱꦩꦸꦤꦤ꧀ꦏꦺꦤꦺ?ꦲꦥꦲꦏꦸꦏꦺꦴꦏ꧀ꦏꦺꦴꦤ꧀ꦩꦠꦶꦏꦫꦺꦴꦫꦗꦏꦪꦏꦸꦲꦤꦲꦶꦁꦏꦺꦤꦺ?
20:5 ꦥꦽꦭꦸꦤꦺꦲꦥꦲꦏꦸꦏꦺꦴꦏ꧀ꦒꦮꦩꦼꦠꦸꦱꦏꦠꦤꦃ​꧊ꦩꦺꦱꦶꦂ꧈​ꦩꦼꦚꦁꦥꦁꦒꦺꦴꦤ꧀ꦤꦤ꧀ꦱꦶꦁꦒꦮꦺꦱꦼꦁꦱꦫꦩꦼꦁꦏꦺꦤꦺ꧈​ꦱꦶꦁꦲꦺꦴꦫꦲꦤꦠꦤ꧀ꦢꦸꦂꦫꦤ꧀ꦤꦺꦲꦥꦲꦥ?ꦲꦺꦴꦫꦲꦤꦒꦤ꧀ꦢꦸꦩ꧀꧈​ꦲꦺꦴꦫꦲꦤꦮꦶꦠ꧀ꦲꦚ꧀ꦗꦶꦂ꧈​ꦲꦺꦴꦫꦲꦤꦲꦁꦒꦸꦂ꧈​ꦲꦺꦴꦫꦲꦤꦮꦶꦠ꧀ꦢ꧀ꦭꦶꦩ꧉​ꦩꦭꦃꦧꦚꦸꦮꦲꦺꦲꦺꦴꦫꦲꦤ!"
20:6 ​꧊ꦩꦸꦱꦭꦤ꧀ꦲꦫꦸꦤ꧀ꦥꦝꦩꦼꦚꦁꦏꦺꦩꦃꦱꦸꦕꦶꦭꦤ꧀ꦔꦢꦼꦒ꧀ꦱꦕꦼꦝꦏ꧀ꦏꦺꦭꦮꦁꦔꦺ꧉​ꦲꦤꦲꦶꦁꦏꦺꦴꦤꦺꦴꦧꦚ꧀ꦗꦸꦂꦥꦝꦱꦸꦗꦸꦢ꧀ꦱꦸꦩꦸꦁꦏꦼꦩ꧀꧉​ꦕꦲꦾꦏꦩꦸꦭꦾꦤꦺꦥꦔꦺꦫꦤ꧀ꦤꦸꦭꦶꦚꦸꦤꦂꦫꦶꦮꦺꦴꦁꦭꦺꦴꦫꦺꦴꦩꦲꦸ꧉​
20:7 ꦥꦔꦤ꧀ꦢꦶꦏꦤꦺꦄꦭ꧀ꦭꦃꦩꦫꦁ​꧊ꦩꦸꦱ꧈​
20:8 "ꦚ꧀ꦗꦸꦥꦸꦏ꧀ꦏꦠꦼꦏꦼꦤ꧀ꦩꦸ꧉​ꦏꦺꦴꦮꦺꦭꦤ꧀ꦲꦫꦸꦤ꧀ꦏꦏꦁꦩꦸꦲꦏꦺꦴꦤ꧀ꦤꦲꦸꦩꦠ꧀​꧊ꦆꦱꦿꦲꦺꦭ꧀ꦏꦧꦺꦃꦱꦸꦥꦪꦥꦝꦔ꧀ꦭꦸꦩ꧀ꦥꦸꦏ꧀꧉​ꦲꦤꦲꦶꦁꦔꦉꦥ꧀ꦥꦺꦮꦺꦴꦁꦏꦧꦺꦃꦩꦲꦸꦏꦺꦴꦮꦺꦔꦸꦕꦥ꧀ꦥꦩꦫꦁꦒꦸꦤꦸꦁꦮꦠꦸ꧈​ꦱꦸꦥꦪꦩꦼꦠꦺꦴꦏ꧀ꦏꦏꦺꦧꦚꦸ꧉​ꦱꦿꦤꦩꦼꦁꦏꦺꦴꦤꦺꦴꦏꦺꦴꦮꦺꦔꦺꦠꦺꦴꦏ꧀ꦤꦧꦚꦸꦱꦏꦒꦸꦤꦸꦁꦮꦠꦸꦏꦸꦮꦶꦏꦁꦒꦺꦴꦔꦺꦴꦩ꧀ꦧꦺꦲꦸꦩꦠ꧀ꦭꦤ꧀ꦫꦗꦏꦪꦤꦺ꧉"​
20:9 ​꧊ꦩꦸꦱꦤꦸꦭꦶꦚ꧀ꦗꦸꦥꦸꦏ꧀ꦠꦼꦏꦼꦤꦺꦱꦏꦏꦺꦩꦃꦱꦸꦕꦶ꧈​ꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉​
20:10 ꦧꦉꦁ​꧊ꦩꦸꦱꦭꦤ꧀ꦲꦫꦸꦤ꧀ꦮꦶꦱ꧀ꦔ꧀ꦭꦸꦩ꧀ꦥꦸꦏ꧀ꦏꦏꦺꦲꦸꦩꦠ꧀ꦏꦧꦺꦃꦲꦶꦁꦔꦉꦥ꧀ꦥꦺꦒꦸꦤꦸꦁꦮꦠꦸꦩꦲꦸ꧈​ꦧꦚ꧀ꦗꦸꦂ​꧊ꦩꦸꦱꦏꦤ꧀ꦝꦏꦫꦺꦴꦮꦺꦴꦁꦲꦏꦺꦃꦩꦲꦸ꧈​"ꦫꦸꦔꦺꦴꦏ꧀ꦤ꧈​ꦲꦺꦃꦮꦺꦴꦁꦗꦲꦠ꧀꧈​ꦲꦥꦲꦏꦸꦏꦸꦢꦸꦔꦼꦠꦺꦴꦏ꧀ꦏꦏꦺꦧꦚꦸꦱꦏꦒꦸꦤꦸꦁꦮꦠꦸꦲꦶꦏꦶ?"
20:11 ​꧊ꦩꦸꦱꦧꦚ꧀ꦗꦸꦂꦔꦁꦏꦠ꧀ꦠꦔꦤ꧀ꦤꦺꦭꦤ꧀ꦚ꧀ꦗꦺꦴꦗꦺꦴꦃꦒꦸꦤꦸꦁꦮꦠꦸꦩꦲꦸꦔꦁꦒꦺꦴꦠꦼꦏꦼꦤꦺꦏꦥꦶꦁꦥꦶꦤ꧀ꦝꦺꦴ꧉​ꦱꦤꦭꦶꦏꦧꦚꦸꦤꦺꦩꦼꦠꦸ꧈​ꦮꦸꦱꦤꦲꦸꦩꦠ꧀ꦏꦧꦺꦃꦭꦤ꧀ꦫꦗꦏꦪꦤꦺꦧꦶꦱꦥꦝꦔꦺꦴꦩ꧀ꦧꦺ꧉​
20:12 ꦤꦁꦔꦶꦁꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​"ꦱꦫꦺꦃꦤꦺꦏꦺꦴꦮꦺꦲꦺꦴꦫꦥꦝꦥꦽꦕꦪꦩꦫꦁꦲꦏꦸꦭꦤ꧀ꦲꦺꦴꦫꦔꦸꦂꦩꦠ꧀ꦠꦶꦩꦫꦁꦏꦭꦸꦲꦸꦂꦫꦤ꧀ꦏꦸꦲꦤꦲꦶꦁꦔꦉꦥ꧀ꦥꦺꦲꦸꦩꦠ꧀​꧊ꦆꦱꦿꦲꦺꦭ꧀꧈​ꦩꦸꦭꦤꦺꦏꦺꦴꦮꦺꦲꦺꦴꦫꦧꦏꦭ꧀ꦔꦶꦫꦶꦢ꧀ꦧꦁꦱꦲꦶꦏꦶꦩ꧀ꦭꦼꦧꦸꦲꦶꦁꦠꦤꦃꦱꦶꦁꦮꦶꦱ꧀ꦢꦏ꧀ꦥꦫꦶꦁꦔꦏꦺꦩꦫꦁꦲꦸꦩꦠ꧀ꦏꦸ꧉"​
20:13 ꦲꦶꦪꦲꦤꦲꦶꦁꦠꦸꦏ꧀​꧊ꦩꦺꦫꦶꦧꦏꦺꦤꦺꦮꦺꦴꦁ​꧊ꦆꦱꦿꦲꦺꦭ꧀ꦥꦝꦔ꧀ꦭꦮꦤ꧀ꦄꦭ꧀ꦭꦃ꧈​ꦱꦂꦠꦄꦭ꧀ꦭꦃꦔꦼꦠꦶꦔꦭ꧀ꦭꦏꦺꦏꦩꦸꦭꦾꦤꦺꦩꦫꦁꦧꦁꦱꦩꦲꦸ꧉​
20:14 ꦱꦮꦶꦱ꧀ꦱꦺꦊꦭꦏꦺꦴꦤ꧀ꦩꦲꦸ꧈​ꦱꦏ​꧊ꦏꦢꦺꦱ꧀ꦏꦺꦴꦤꦺꦴ​꧊ꦩꦸꦱꦏꦺꦴꦁꦏꦺꦴꦤ꧀ꦤꦤ꧀ꦮꦺꦴꦁꦤꦼꦩꦺꦴꦤ꧀ꦤꦶꦫꦗ​꧊ꦌꦢꦺꦴꦩ꧀꧈​ꦢꦶꦏꦺꦴꦤ꧀ꦩꦠꦸꦂ꧈​"ꦥꦚ꧀ꦗꦼꦤꦼꦁꦔꦤ꧀ꦥꦶꦂꦱꦱꦼꦥꦶꦤ꧀ꦠꦼꦤ꧀ꦏꦱꦶꦱꦃꦲꦤ꧀ꦲꦶꦁꦏꦁꦏꦱꦁꦒꦶꦢꦺꦤꦶꦁꦱꦼꦝꦺꦫꦺꦏ꧀ꦥꦚ꧀ꦗꦼꦤꦼꦁꦔꦤ꧀꧈​ꦲꦸꦩꦠ꧀​꧊ꦆꦱꦿꦲꦺꦭ꧀꧉​
20:15 ꦊꦭꦸꦲꦸꦂꦫꦶꦥꦸꦤ꧀ꦱꦩꦶꦏꦺꦱꦃꦝꦠꦼꦁꦠꦤꦃ​꧊ꦩꦺꦱꦶꦂ꧈​ꦭꦤ꧀ꦏꦸꦭꦱꦩꦶꦔꦤ꧀ꦠꦺꦴꦱ꧀ꦢꦔꦸꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏ꧉​ꦏꦸꦭꦭꦤ꧀ꦥꦫꦊꦭꦸꦲꦸꦂꦏꦸꦭꦱꦩꦶꦢꦶꦥꦸꦤ꧀ꦲꦤꦶꦲꦪꦢꦺꦤꦶꦁꦠꦶꦪꦁ​꧊ꦩꦺꦱꦶꦂ꧉​
20:16 ꦮꦸꦱꦤꦏꦸꦭꦱꦩꦶꦱꦼꦱꦩ꧀ꦧꦠ꧀ꦝꦠꦼꦁꦥꦔꦺꦫꦤ꧀꧉​ꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦩꦶꦪꦂꦱꦏ꧀ꦏꦏꦼꦤ꧀ꦥꦼꦱꦩ꧀ꦧꦠ꧀ꦏꦸꦭ꧈​ꦭꦗꦼꦁꦔꦸꦠꦸꦱ꧀ꦩꦭꦲꦺꦏꦠ꧀ꦠꦶꦥꦸꦤ꧀ꦔꦶꦫꦶꦢ꧀ꦏꦸꦭꦩꦼꦢꦭ꧀ꦱꦏꦶꦁꦠꦤꦃ​꧊ꦩꦺꦱꦶꦂ꧉​ꦱꦩꦼꦤꦶꦏꦏꦸꦭꦱꦩꦶꦢꦸꦩꦸꦒꦶꦲꦶꦁ​꧊ꦏꦢꦺꦱ꧀꧈​ꦏꦶꦛꦲꦭꦶꦠ꧀ꦲꦶꦁꦠꦥꦼꦭ꧀ꦮꦠꦼꦱ꧀ꦱꦺꦢꦲꦺꦫꦃꦥꦚ꧀ꦗꦼꦤꦼꦁꦔꦤ꧀꧉​
20:17 ꦩꦼꦤꦮꦶꦏꦼꦥꦉꦁꦏꦸꦭꦚꦸꦮꦸꦤ꧀ꦲꦶꦢꦶꦤ꧀ꦤ꧀ꦝꦺꦫꦺꦏ꧀ꦭꦁꦏꦸꦁꦲꦶꦁꦤꦼꦒꦫꦶꦥꦚ꧀ꦗꦼꦤꦼꦁꦔꦤ꧀꧉​ꦏꦸꦭꦩ꧀ꦧꦺꦴꦠꦼꦤ꧀ꦧꦝꦺꦱꦩꦶꦔꦶꦢꦏ꧀ꦲꦶꦢꦏ꧀ꦥꦠꦼꦒꦶꦭ꧀ꦭꦤ꧀ꦭꦤ꧀ꦏꦼꦧꦺꦴꦤ꧀ꦲꦁꦒꦸꦂꦥꦚ꧀ꦗꦼꦤꦼꦁꦔꦤ꧀꧉​ꦲꦶꦁꦒꦶꦃꦩ꧀ꦧꦺꦴꦠꦼꦤ꧀ꦧꦝꦺꦔꦺꦴꦩ꧀ꦧꦺꦠꦺꦴꦪꦱꦏꦶꦁꦱꦸꦩꦸꦂꦥꦚ꧀ꦗꦼꦤꦼꦁꦔꦤ꧀꧉​ꦏꦸꦭꦧꦝꦺꦩꦼꦢꦭ꧀ꦩꦼꦂꦒꦶꦲꦒꦼꦁꦏꦺꦩꦮꦺꦴꦤ꧀꧈​ꦠꦤ꧀ꦥꦚꦶꦩ꧀ꦥꦁꦔꦶꦮꦲꦸꦠꦮꦶꦤꦼꦔꦼꦤ꧀꧈​ꦔꦤ꧀ꦠꦺꦴꦱ꧀ꦩꦼꦢꦭ꧀ꦱꦏꦶꦁꦠꦥꦼꦭ꧀ꦮꦠꦼꦱ꧀ꦢꦲꦺꦫꦃꦥꦚ꧀ꦗꦼꦤꦼꦁꦔꦤ꧀꧉"​
20:18 ꦤꦁꦔꦶꦁꦮꦺꦴꦁ​꧊ꦌꦢꦺꦴꦩ꧀ꦩꦁꦱꦸꦭ꧀ꦭꦶ꧈​"ꦲꦺꦴꦫꦏꦼꦤꦏꦺꦴꦮꦺꦭꦶꦮꦠ꧀ꦤꦼꦒꦫꦏꦸꦏꦺꦤꦺ꧉​ꦪꦺꦤ꧀ꦏꦺꦴꦮꦺꦩꦼꦏ꧀ꦱ꧈​ꦧꦏꦭ꧀ꦢꦏ꧀ꦥꦼꦛꦸꦏ꧀ꦏꦏꦺꦔꦁꦒꦺꦴꦥꦼꦝꦁ꧉"​
20:19 ꦮꦁꦱꦸꦭ꧀ꦭꦤ꧀ꦤꦺꦮꦺꦴꦁ​꧊ꦆꦱꦿꦲꦺꦭ꧀꧈​"ꦏꦸꦭꦤꦩꦸꦁꦧꦝꦺꦩ꧀ꦭꦩ꧀ꦥꦃꦩꦼꦢꦭ꧀ꦩꦼꦂꦒꦶꦲꦒꦼꦁꦏꦺꦩꦮꦺꦴꦤ꧀꧈​ꦭꦤ꧀ꦩꦼꦤꦮꦶꦏꦸꦭꦲꦸꦠꦮꦶꦫꦗꦏꦪꦏꦸꦭꦔꦺꦴꦩ꧀ꦧꦺꦲꦶꦁꦱꦸꦩꦸꦂꦥꦚ꧀ꦗꦼꦤꦼꦁꦔꦤ꧀꧈​ꦏꦸꦭꦱꦒꦃꦩ꧀ꦧꦪꦂꦩꦼꦤꦥꦩꦼꦱ꧀ꦛꦶꦤꦶꦥꦸꦤ꧀꧈​ꦲꦁꦒꦼꦂꦏꦸꦭꦢꦶꦥꦸꦤ꧀ꦥꦉꦁꦔꦏꦼꦤ꧀ꦭꦁꦏꦸꦁ꧉​ꦤꦩꦸꦁꦩꦼꦤꦶꦏꦥꦚꦸꦮꦸꦤ꧀ꦏꦸꦭ꧉"​
20:20 ꦤꦁꦔꦶꦁꦢꦶꦮꦁꦱꦸꦭ꧀ꦭꦶ꧈​"ꦲꦺꦴꦫꦏꦼꦤ!"ꦩꦭꦃꦮꦺꦴꦁ​꧊ꦌꦢꦺꦴꦩ꧀ꦧꦚ꧀ꦗꦸꦂꦩꦼꦠꦸꦔ꧀ꦒꦮꦮꦺꦴꦁꦲꦏꦺꦃꦭꦤ꧀ꦔꦗꦺꦴꦏ꧀ꦏꦏꦺꦠꦼꦤ꧀ꦠꦫꦤꦺꦥꦶꦱꦤ꧀꧉​
20:21 ꦧꦉꦁꦮꦺꦴꦁ​꧊ꦌꦢꦺꦴꦩ꧀ꦲꦺꦴꦫꦔꦺꦴꦭꦺꦃꦲꦏꦺꦮꦺꦴꦁ​꧊ꦆꦱꦿꦲꦺꦭ꧀ꦭꦶꦮꦠ꧀ꦲꦶꦁꦢꦲꦺꦫꦃꦲꦺꦏꦺꦴꦤꦺꦴ꧈​ꦮꦺꦴꦁ​꧊ꦆꦱꦿꦲꦺꦭ꧀ꦧꦚ꧀ꦗꦸꦂꦚꦶꦩ꧀ꦥꦁꦢꦭꦤ꧀꧉​
20:22 ꦧꦁꦱ​꧊ꦆꦱꦿꦲꦺꦭ꧀ꦤꦼꦫꦸꦱ꧀ꦱꦏꦺꦭꦏꦸꦤꦺꦔꦤ꧀ꦠꦶꦠꦼꦏꦤ꧀ꦒꦸꦤꦸꦁ​꧊ꦲꦺꦴꦂ꧉​
20:23 ꦲꦤꦲꦶꦁꦱꦕꦼꦝꦏ꧀ꦏꦺꦠꦥꦼꦭ꧀ꦮꦠꦼꦱ꧀ꦱꦺ​꧊ꦌꦢꦺꦴꦩ꧀ꦏꦺꦴꦤꦺꦴꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​
20:24 "ꦲꦫꦸꦤ꧀ꦲꦉꦥ꧀ꦢꦏ꧀ꦥꦸꦤ꧀ꦝꦸꦠ꧀꧈​ꦢꦏ꧀ꦏ꧀ꦭꦸꦩ꧀ꦥꦸꦏ꧀ꦏꦏꦺꦏꦫꦺꦴꦥꦫꦊꦭꦸꦲꦸꦂꦫꦺ꧈​ꦩꦸꦭꦤꦺꦧꦏꦭ꧀ꦲꦺꦴꦫꦩ꧀ꦭꦼꦧꦸꦲꦶꦁꦤꦼꦒꦫꦱꦶꦁꦮꦶꦱ꧀ꦢꦏ꧀ꦗꦚ꧀ꦗꦺꦏ꧀ꦏꦏꦺꦩꦫꦁꦧꦁꦱ​꧊ꦆꦱꦿꦲꦺꦭ꧀꧉​ꦱꦼꦧꦧ꧀ꦏꦺꦴꦮꦺꦮꦺꦴꦁꦭꦺꦴꦫꦺꦴꦮꦶꦱ꧀ꦏꦼꦭꦸꦥꦸꦠ꧀ꦠꦤ꧀꧈​ꦤꦼꦫꦏ꧀ꦝꦮꦸꦃꦏꦸꦲꦶꦁꦱꦕꦼꦝꦏ꧀ꦏꦺꦠꦸꦏ꧀​꧊ꦩꦺꦫꦶꦧ꧉​
20:25 ꦲꦫꦸꦤ꧀ꦭꦤ꧀​꧊ꦌꦭꦺꦪꦗ꦳ꦂ꧈​ꦲꦤꦏ꧀ꦏꦺ꧈​ꦲꦗꦏ꧀ꦏꦼꦤ꧀ꦩꦸꦁꦒꦃꦒꦸꦤꦸꦁ​꧊ꦲꦺꦴꦂ꧉​
20:26 ꦱꦤ꧀ꦝꦁꦔꦤ꧀ꦏꦲꦶꦩꦩ꧀ꦩꦤ꧀ꦤꦺꦲꦫꦸꦤ꧀ꦲꦸꦕꦸꦭ꧀ꦭꦤ꧈​ꦲꦼꦁꦒꦺꦴꦏ꧀ꦤ​꧊ꦌꦭꦺꦪꦗ꦳ꦂ꧉​ꦲꦫꦸꦤ꧀ꦧꦚ꧀ꦗꦸꦂꦧꦏꦭ꧀ꦢꦏ꧀ꦥꦸꦤ꧀ꦝꦸꦠ꧀ꦲꦤꦲꦶꦁꦏꦺꦴꦤꦺꦴ꧉"​
20:27 ​꧊ꦩꦸꦱꦤꦸꦭꦶꦔ꧀ꦭꦏꦺꦴꦤ꧀ꦤꦶꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉​ꦮꦺꦴꦁꦠꦼꦭꦸꦩꦲꦸꦥꦝꦩꦸꦁꦒꦃꦲꦶꦁꦒꦸꦤꦸꦁ​꧊ꦲꦺꦴꦂ꧈​ꦢꦶꦲꦮꦱ꧀ꦱꦏꦺꦢꦺꦤꦶꦁꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃ꧉​
20:28 ​꧊ꦩꦸꦱꦔꦸꦕꦸꦭ꧀ꦭꦶꦥꦼꦔꦁꦒꦺꦴꦤꦺꦲꦫꦸꦤ꧀꧈​ꦢꦶꦲꦼꦁꦒꦺꦴꦏ꧀ꦏꦏꦺ​꧊ꦌꦭꦺꦪꦗ꦳ꦂ꧈​ꦲꦤꦏ꧀ꦏꦺ꧈​ꦲꦫꦸꦤ꧀ꦠꦶꦁꦒꦭ꧀ꦢꦺꦴꦚꦲꦶꦁꦥꦸꦕꦏ꧀ꦏꦺꦒꦸꦤꦸꦁ​꧊ꦲꦺꦴꦂꦏꦺꦴꦤꦺꦴ꧉​​꧊ꦩꦸꦱꦭꦤ꧀​꧊ꦌꦭꦺꦪꦗ꦳ꦂꦤꦸꦭꦶꦩꦸꦝꦸꦤ꧀ꦱꦏꦒꦸꦤꦸꦁꦩꦲꦸ꧉​
20:29 ꦧꦉꦁꦮꦼꦫꦸꦃꦪꦺꦤ꧀ꦲꦫꦸꦤ꧀ꦠꦶꦁꦒꦭ꧀ꦢꦺꦴꦚ꧈​ꦮꦺꦴꦁ​꧊ꦆꦱꦿꦲꦺꦭ꧀ꦏꦧꦺꦃꦥꦝꦤꦔꦶꦱ꧀ꦱꦶ;ꦭꦮꦱ꧀ꦱꦺꦥꦼꦠꦔꦶꦱ꧀ꦱꦤ꧀ꦔꦤ꧀ꦠꦶꦠꦼꦭꦸꦁꦥꦸꦭꦸꦃꦢꦶꦤ꧉​