ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦥꦫꦫꦱꦸꦭ꧀/5

Saka Wikisumber

ꦥꦱꦭ꧀ ꧇​꧑꧇​ ꧇​꧒꧇​ ꧇​꧓꧇​ ꧇​꧔꧇​ ꧇​꧕꧇​ ꧇​꧖꧇​꧇​꧗꧇​ ꧇​꧘꧇​ ꧇​꧙꧇​ ꧇​꧑꧐꧇​ ꧇​꧑꧑꧇​ ꧇​꧑꧒꧇​ ꧇​꧑꧓꧇​꧇​꧑꧔꧇​ ꧇​꧑꧕꧇​ ꧇​꧑꧖꧇​꧇​꧑꧗꧇​ ꧇​꧑꧘꧇​ ꧇​꧑꧙꧇​ ꧇​꧒꧐꧇​ ꧇​꧒꧑꧇​꧇​꧒꧒꧇​꧇​꧒꧓꧇​ ꧇​꧒꧔꧇​꧇​꧒꧕꧇​ ꧇​꧒꧖꧇​ ꧇​꧒꧗꧇​ ꧇​꧒꧘꧇​

꧋ꦊꦭꦏꦺꦴꦤꦺ​ꦄꦤꦤꦶꦪꦱ꧀ꦭꦤ꧀ꦱꦥ꦳ꦶꦫ​꧉​

꧇​꧕꧇​ 1-2꧋ꦤꦁꦥꦱꦩꦸꦮꦤ꧀ꦏꦺꦴꦤꦺꦴ​ꦲꦸꦒ​ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦱꦶꦁ​ꦗꦼꦤꦼꦁꦔꦺ​ꦄꦤꦤꦶꦪꦱ꧀ꦭꦤ꧀ꦧꦺꦴꦗꦺꦴꦤꦺ​ꦗꦼꦤꦼꦁꦔꦺ​ꦱꦥ꦳ꦶꦫ​꧉​ꦄꦤꦤꦶꦪꦱ꧀ꦔꦼꦢꦺꦴꦭ꧀ꦏꦼꦧꦺꦴꦤꦺ​꧈​ꦤꦁꦔꦶꦁ​ꦱꦏ꧀ꦢꦸꦫꦸꦁꦔꦺꦩꦱꦿꦃꦲꦏꦺꦢꦸꦮꦶꦠ꧀ꦠꦺꦩꦫꦁ​ꦥꦫ​ꦫꦱꦸꦭ꧀ ꦢꦺꦏ꧀ꦤꦺꦚ꧀ꦗꦶꦏꦸꦏ꧀ꦏꦁꦒꦺꦴ​ꦢꦺꦏ꧀ꦤꦺꦢꦺꦮꦺ꧉​ꦱꦥ꦳ꦶꦫ​ꦲꦸꦒ​ꦱꦼꦠꦸꦗꦸ​꧉​ꦢꦸꦮꦶꦠ꧀ꦠꦺꦭꦶꦪꦤꦺ​ꦠꦼꦫꦸꦱ꧀ꦢꦶꦏꦺꦏ꧀ꦏꦏꦺꦩꦫꦁ​ꦥꦫ​ꦫꦱꦸꦭ꧀꧈​ 3ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦔꦺꦴꦩꦺꦴꦁ:“ꦄꦤꦤꦶꦪꦱ꧀ ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀​ꦔ꧀ꦭꦶꦭꦤꦶ​ꦱꦺꦠꦤ꧀ꦔ꧀ꦮꦱꦤꦶ​ꦲꦠꦶꦩꦸ​꧈​ꦔꦤ꧀ꦠꦶ​ꦏꦺꦴꦮꦺ​ꦮꦤꦶ​ꦔꦥꦸꦱ꧀ꦱꦶ​ꦫꦺꦴꦃ​ꦱꦸꦕꦶ​ꦭꦤ꧀ꦚꦺꦴꦭꦺꦴꦁ​ꦢꦸꦮꦶꦠ꧀ꦠꦺꦏꦼꦧꦺꦴꦤ꧀ꦩꦸ​? 4ꦱꦏ꧀ꦢꦸꦫꦸꦁꦔꦺꦲꦩ꧀ꦧꦺꦴꦏ꧀ꦲꦼꦢꦺꦴꦭ꧀ꦏꦼꦧꦺꦴꦤ꧀ꦏꦸꦮꦶ​ꦭꦲꦸꦠ꧀ꦮꦺꦏ꧀ꦩꦸꦢꦺꦮꦺꦠ​?ꦱꦏ꧀ꦮꦶꦱ꧀ꦱꦺ​ꦲꦩ꧀ꦧꦺꦴꦏ꧀ꦲꦼꦢꦺꦴꦭ꧀ꦢꦸꦮꦶꦠ꧀ꦠꦺꦭꦲꦸꦠ꧀ꦪ​ꦮꦺꦏ꧀ꦩꦸꦢꦺꦮꦺꦠ​?ꦲꦥ​ꦗꦭꦂꦫꦤ꧀ꦤꦺ​ꦏꦺꦴꦮꦺ​ꦏꦺꦴꦏ꧀ꦤꦶꦤ꧀ꦢꦏ꧀ꦏꦏꦺꦱꦶꦁ​ꦏꦪ​ꦔꦺꦴꦤꦺꦴ​?ꦢꦸꦢꦸ​ꦩꦤꦸꦁꦱ​ꦱꦶꦁ​ꦲꦩ꧀ꦧꦺꦴꦏ꧀ꦲꦥꦸꦱ꧀ꦱꦶ꧈​ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​!” 5ꦏꦢꦸꦁ​ꦏꦿꦸꦔꦸ​ꦠꦼꦩ꧀ꦧꦸꦁ​ꦏꦸꦮꦶ​꧈​ꦄꦤꦤꦶꦪꦱ꧀ꦠꦼꦫꦸꦱ꧀ꦠꦶꦧ​ꦩꦠꦶ​꧉​ꦮꦺꦴꦁ​ꦏꦧꦺꦃ​ꦱꦶꦁ​ꦏꦿꦸꦔꦸ​ꦧꦧ꧀ꦏꦸꦮꦶ​ꦠꦼꦫꦸꦱ꧀ꦥꦢ​ꦮꦼꦢꦶ​ꦧꦔꦼꦠ꧀꧈​ 6ꦱꦼꦢꦸꦭꦸꦂ​ꦲꦼꦤꦺꦴꦩ꧀ꦩꦼꦤꦺꦴꦩ꧀ꦩꦤ꧀ꦱꦶꦁ​ꦤꦁꦏꦺꦴꦤꦺꦴ​ꦠꦼꦫꦸꦱ꧀ꦥꦢ​ꦩ꧀ꦊꦧꦸ​꧈​ꦲꦩ꧀ꦧꦸꦤ꧀ꦠꦼꦭ꧀ꦭꦪꦺꦴꦤꦺ​ꦠꦼꦫꦸꦱ꧀ꦢꦶꦏꦸꦧꦸꦂ​꧉​

7꧋ꦏꦶꦫꦏꦶꦫ​ꦠꦼꦭꦸꦁ​ꦗꦩ꧀ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦱꦥ꦳ꦶꦫ​ꦠꦼꦫꦸꦱ꧀ꦠꦼꦏ​꧈​ꦤꦁꦔꦶꦁ​ꦲꦺꦴꦫ​ꦔꦼꦂꦠꦶ​ꦤꦺꦏ꧀ꦧꦺꦴꦗꦺꦴꦤꦺ​ꦮꦶꦱ꧀ꦩꦠꦶ​꧉​ 8ꦫꦱꦸꦭ꧀ꦦꦺꦠꦿꦸꦱ꧀ꦠꦏꦺꦴꦤ꧀ꦩꦫꦁ​ꦱꦥ꦳ꦶꦫ​:“ꦲꦥ​ꦢꦸꦮꦶꦠ꧀ꦲꦶꦏꦶ​ꦲꦺꦤ꧀ꦠꦸꦏ꧀ꦲꦺꦤ꧀ꦠꦸꦏ꧀ꦏꦺꦏꦧꦺꦃ​ꦱꦶꦁ​ꦢꦺꦴꦢꦺꦴꦭ꧀ꦏꦼꦧꦺꦴꦤ꧀?”

꧋ꦱꦥ꦳ꦶꦫ​ꦱꦼꦩꦲꦸꦂ​:“ꦪ​꧈​ꦤꦩꦸꦁ​ꦱꦼꦩꦺꦴꦤꦺꦴ​!”

9꧋ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦚꦼꦤꦺꦤ꧀ꦤꦶ:“ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦚꦼꦠꦸꦗꦺꦴꦤ꧀ꦤꦶ​ꦧꦺꦴꦗꦺꦴꦩꦸ​ꦭꦤ꧀ꦥꦢ​ꦚ꧀ꦗꦗꦭ꧀ꦫꦺꦴꦃꦲꦺ​ꦒꦸꦱ꧀ꦠꦶ​?ꦮꦺꦴꦁꦮꦺꦴꦁ​ꦱꦶꦁ​ꦲꦼꦤ꧀ꦠꦱ꧀ꦔꦸꦧꦸꦂ​ꦭꦪꦺꦴꦤꦺ​ꦧꦺꦴꦗꦺꦴꦩꦸ​ꦮꦶꦱ꧀ꦠꦼꦏ​ꦲꦉꦥ꧀​ꦔ꧀ꦒꦺꦴꦠꦺꦴꦁ​ꦏꦺꦴꦮꦺ​!” 10ꦱꦥ꦳ꦶꦫ​ꦱꦏ꧀ꦮꦠ꧀ꦠꦶꦧ​ꦩꦠꦶ​ꦤꦁꦔꦉꦥ꧀ꦥꦺ​ꦫꦱꦸꦭ꧀ꦦꦺꦠꦿꦸꦱ꧀꧈​ꦱꦼꦢꦸꦭꦸꦂ​ꦲꦼꦤꦺꦴꦩ꧀ꦩꦼꦤꦺꦴꦩ꧀ꦩꦤ꧀ꦩꦲꦸ​ꦠꦼꦫꦸꦱ꧀ꦥꦢ​ꦩ꧀ꦊꦧꦸ​ꦭꦤ꧀ꦮꦼꦫꦸꦃ​ꦮꦺꦴꦁ​ꦮꦺꦢꦺꦴꦏ꧀ꦩꦲꦸ​ꦮꦶꦱ꧀ꦩꦠꦶ​꧉​ꦭꦪꦺꦴꦤꦺ​ꦠꦼꦫꦸꦱ꧀ꦢꦶꦒꦺꦴꦠꦺꦴꦁ​ꦩꦼꦠꦸ​꧈​ꦢꦶꦏꦸꦧꦸꦂ​ꦤꦁꦗꦺꦗꦺꦂꦫꦺ​ꦱꦶꦁ​ꦭꦤꦁ​꧉​ 11ꦮꦺꦴꦁ​ꦱꦏ꧀ꦥꦱꦩꦸꦮꦤ꧀ꦭꦤ꧀ꦮꦺꦴꦁꦮꦺꦴꦁ​ꦭꦶꦪꦤꦺ​ꦏꦧꦺꦃ​ꦱꦶꦁ​ꦥꦢ​ꦏꦿꦸꦔꦸ​ꦧꦧ꧀ꦏꦸꦮꦶ​ꦥꦢ​ꦮꦼꦢꦶ​ꦧꦔꦼꦠ꧀꧈​

꧋ꦊꦭꦏꦺꦴꦤ꧀ꦊꦭꦏꦺꦴꦤ꧀ꦱꦶꦁ​ꦔ꧀ꦒꦸꦩꦸꦤ꧀ꦤꦏꦺ꧉​

12꧋ꦥꦫ​ꦫꦱꦸꦭ꧀ꦥꦢ​ꦤꦶꦤ꧀ꦢꦏ꧀ꦏꦏꦺꦩꦸꦗꦶꦗꦠ꧀ꦭꦤ꧀ꦠꦤ꧀ꦢꦥꦔ꧀ꦮꦱ​ꦥꦶꦫꦁꦥꦶꦫꦁ​ꦤꦁꦠꦼꦔꦃꦲꦺ​ꦮꦺꦴꦁ​ꦲꦺꦴꦏꦺꦃ꧉​ꦮꦺꦴꦁꦮꦺꦴꦁ​ꦱꦶꦁ​ꦥꦽꦕꦪ​ꦥꦢ​ꦔꦸꦩ꧀ꦥꦸꦭ꧀ꦤꦁꦒꦿꦺꦗ​ꦒꦼꦢꦺ​꧈​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​ꦒꦢꦿꦶꦤꦺ​ꦯꦺꦴꦭꦺꦩꦤ꧀꧈​ 13ꦮꦺꦴꦁ​ꦱꦏ꧀​ꦚ꧀ꦗꦧꦤꦺ​ꦥꦱꦩꦸꦮꦤ꧀ꦲꦺꦴꦫ​ꦲꦺꦤꦺꦁꦱꦶꦁ​ꦮꦤꦶ​ꦩꦺꦭꦸ​ꦏꦸꦩ꧀ꦥꦸꦭ꧀ꦭꦤ꧀ ꦱꦼꦤꦗꦤ꧀ꦏꦧꦺꦃ​ꦥꦢ​ꦔꦗꦺꦤ꧀ꦤꦶ​ꦠꦼꦤꦤ꧀ꦩꦫꦁ​ꦮꦺꦴꦁ​ꦥꦱꦩꦸꦮꦤ꧀ꦩꦲꦸ​꧉​ 14ꦤꦁꦔꦶꦁ​ꦱꦶꦁ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦼꦭꦺꦴꦠ꧀ꦱꦸꦮꦶꦱꦼꦭꦺꦴꦠ꧀ꦠꦩ꧀ꦧꦃ​ꦲꦺꦴꦏꦺꦃ꧈​ꦭꦤꦁ​ꦭꦤ꧀ꦮꦺꦢꦺꦴꦏ꧀꧈​ 15ꦩꦸꦗꦶꦗꦠ꧀ꦩꦸꦗꦶꦗꦠ꧀ꦱꦶꦁ​ꦢꦶꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦥꦫ​ꦫꦱꦸꦭ꧀ꦩꦲꦸ​ꦩꦫꦏ꧀ꦏꦏꦺꦮꦺꦴꦁ​ꦱꦶꦁ​ꦭꦫ​ꦥꦢ​ꦢꦶꦒꦺꦴꦠꦺꦴꦁꦔꦶꦤꦁꦢꦭꦤ꧀ꦢꦭꦤ꧀ꦭꦤ꧀ꦢꦶꦱꦺꦭꦺꦃꦲꦏꦺꦤꦁꦲꦩ꧀ꦧꦺꦤ꧀ꦲꦥ​ꦏ꧀ꦭꦱ​꧉​ꦮꦺꦴꦁꦮꦺꦴꦁ​ꦏꦸꦮꦶ​ꦔꦼꦤ꧀ꦠꦺꦤ꧀ꦤꦶ​ꦫꦱꦸꦭ꧀ꦦꦺꦠꦿꦸꦱ꧀ꦭꦶꦮꦠ꧀ ꦱꦸꦥꦪ​ꦱꦏ꧀ꦲꦺꦴꦫꦲꦺꦴꦫꦤꦺ​ꦲꦪꦁꦔꦪꦁꦔꦺꦤꦶꦧꦤꦶ​ꦱꦭꦃꦱꦶꦗꦶꦤꦺ​꧉​ 16ꦮꦺꦴꦁ​ꦥꦶꦫꦁꦥꦶꦫꦁ​ꦱꦁꦏꦏꦸꦠꦏꦸꦠꦤꦁꦱꦏ꧀ꦲꦸꦧꦼꦁꦔꦺ​ꦏꦸꦠꦪꦺꦫꦸꦱꦭꦺꦩ꧀ꦥꦢ​ꦒꦼꦩꦿꦸꦢꦸꦏ꧀ꦠꦼꦏ​꧈​ꦔ꧀ꦒꦮ​ꦱꦶꦁ​ꦭꦫ​ꦭꦤ꧀ꦱꦶꦁ​ꦏꦼꦊꦧꦺꦴꦤ꧀ꦢꦼꦩꦶꦠ꧀ꦭꦤ꧀ꦏꦧꦺꦃ​ꦤꦩ꧀ꦥ​ꦏ꧀ꦮꦫꦱ꧀ꦱꦤ꧀꧈​

꧋ꦥꦫ​ꦫꦱꦸꦭ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦱꦼꦠꦿꦥ꧀꧈​

17꧋ꦊꦭꦏꦺꦴꦤ꧀ꦊꦭꦏꦺꦴꦤ꧀ꦏꦸꦮꦶ​ꦏꦧꦺꦃ​ꦩꦫꦏ꧀ꦏꦏꦺꦲꦶꦩꦩ꧀ꦒꦼꦢꦺꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦱꦁꦏꦒꦺꦴꦭꦺꦴꦁꦔꦤ꧀ꦱꦢꦸꦏꦶ​ꦥꦢ​ꦩꦺꦫꦶ​ꦩꦫꦁ​ꦥꦫ​ꦫꦱꦸꦭ꧀꧈​ꦩꦸꦭꦤꦺ​ꦠꦼꦫꦸꦱ꧀ꦥꦢ​ꦠꦸꦩꦤ꧀ꦢꦁ​꧉​ 18ꦥꦫ​ꦫꦱꦸꦭ꧀ꦠꦼꦫꦸꦱ꧀ꦢꦶꦕꦼꦏꦼꦭ꧀ꦭꦤ꧀ꦢꦶꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀꧈​ 19ꦤꦁꦔꦶꦁ​ꦩ꧀ꦧꦼꦔꦶꦏꦸꦮꦶ​ꦩꦸꦭꦺꦏꦠ꧀ꦠꦺꦒꦸꦱ꧀ꦠꦶ​ꦲꦩ꧀ꦧꦸꦏꦏ꧀ꦭꦮꦁꦭꦮꦁꦔꦺ​ꦱꦼꦠꦿꦥꦤ꧀ꦤꦺꦭꦤ꧀ꦤꦸꦤ꧀ꦠꦸꦤ꧀ꦥꦫ​ꦫꦱꦸꦭ꧀ꦩꦼꦠꦸ​ꦱꦁꦏꦏꦺꦴꦤꦺꦴ​꧉​ 20ꦩꦸꦭꦺꦏꦠ꧀ꦩꦲꦸ​ꦔꦺꦴꦩꦺꦴꦁꦔꦺꦤꦺ​:“ꦏꦤ​ꦥꦢ​ꦤꦁꦒꦿꦺꦗ​ꦒꦼꦢꦺꦭꦤ꧀ꦮꦺꦴꦁꦮꦺꦴꦁ​ꦢꦶꦮꦸꦭꦁꦔꦶꦱꦼꦩ꧀ꦧꦫꦁ​ꦧꦧ꧀ꦲꦸꦫꦶꦥ꧀ꦲꦚꦂ​ꦲꦶꦏꦶ​꧉​” 21ꦥꦫ​ꦫꦱꦸꦭ꧀ꦥꦢ​ꦩꦤꦸꦠ꧀ꦩꦫꦁ​ꦠꦼꦩ꧀ꦧꦸꦁ​ꦏꦸꦮꦶ​ꦭꦤ꧀ꦲꦺꦱꦸꦏ꧀ꦲꦺꦱꦸꦏ꧀ꦩꦿꦸꦥꦸꦠ꧀ꦥꦢ​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​ꦠꦼꦫꦸꦱ꧀ꦩꦺꦴꦭꦃꦲꦶꦩꦸꦭꦁꦔꦶꦮꦺꦴꦁꦮꦺꦴꦁ​꧉​

꧋ꦲꦶꦁ​ꦮꦪꦃ​ꦏꦸꦮꦶ​ꦲꦶꦩꦩ꧀ꦒꦼꦢꦺ​ꦭꦤ꧀ꦏꦚ꧀ꦕꦏꦚ꧀ꦕꦤꦺ​ꦥꦢ​ꦔ꧀ꦭꦸꦩ꧀ꦥꦸꦏ꧀ꦏꦏꦺ ꦥꦶꦤꦶꦠꦸꦮꦤꦺ​ꦧꦁꦱ​ꦙꦸꦏꦧꦺꦃ​꧈​ꦥꦢ​ꦔꦤꦏ꧀ꦏꦏꦺꦏꦿꦸꦠꦺꦴꦤ꧀ꦲꦒꦩ​꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦏꦺꦴꦁꦏꦺꦴꦤ꧀ꦤꦤ꧀ꦔꦼꦠꦺꦴꦏ꧀ꦏꦏꦺꦥꦫ​ꦫꦱꦸꦭ꧀ꦲꦉꦥ꧀ꦢꦶꦠꦏꦺꦴꦤ꧀ꦤꦶ​꧉​ 22ꦤꦁꦔꦶꦁ​ꦏꦢꦸꦁ​ꦠꦼꦏꦤ꧀ꦱꦼꦠꦿꦥꦤ꧀ꦤꦺ꧈​ꦥꦫ​ꦫꦱꦸꦭ꧀ꦮꦶꦱ꧀ꦲꦺꦴꦫ​ꦲꦺꦤꦺꦁ꧉​ꦮꦺꦴꦁꦮꦺꦴꦁ​ꦠꦼꦫꦸꦱ꧀ꦧꦭꦶꦏ꧀ꦔꦺꦴꦩꦺꦴꦁ: 23“ꦢꦺꦴꦁꦔꦺꦲꦮꦏ꧀ꦏꦺ​ꦢꦺꦮꦺꦠꦼꦏꦤ꧀ꦱꦼꦠꦿꦥꦤ꧀ ꦭꦮꦁꦔꦺ​ꦲꦶꦗꦶꦏ꧀ꦢꦶꦏꦚ꧀ꦕꦶꦁ​ꦏꦧꦺꦃ​ꦭꦤ꧀ꦱꦶꦁ​ꦠꦸꦏꦁ​ꦗꦒ​ꦪ​ꦲꦶꦗꦶꦏ꧀ꦥꦢ​ꦚ꧀ꦗꦒ​ꦤꦁꦔꦉꦥ꧀ꦥꦺ​ꦭꦮꦁꦔꦺ​꧉​ꦤꦁꦔꦶꦁ​ꦏꦢꦸꦁ​ꦭꦮꦁꦔꦺ​ꦢꦶꦧꦸꦏꦏ꧀ ꦤꦁꦚ꧀ꦗꦼꦫꦺꦴ​ꦲꦺꦴꦫ​ꦲꦺꦤꦺꦁꦮꦺꦴꦁꦔꦺ​ꦱꦶꦗꦶꦱꦶꦗꦶꦪ​꧉​ 24ꦏꦸꦩꦼꦤ꧀ꦢꦤ꧀ꦤꦺꦱꦼꦏꦲꦸꦠ꧀ꦱꦶꦁ​ꦗꦒ​ꦒꦿꦺꦗ​ꦒꦼꦢꦺꦭꦤ꧀ꦥꦫ​ꦥꦼꦔꦉꦥ꧀ꦥꦺ​ꦲꦶꦩꦩ꧀ꦏꦿꦸꦔꦸ​ꦏꦧꦂ​ꦏꦸꦮꦶ​ꦩꦲꦸ​꧈​ꦠꦼꦫꦸꦱ꧀ꦥꦢ​ꦒꦺꦢꦺꦏ꧀ꦒꦺꦢꦺꦏ꧀ꦏꦧꦺꦃ​꧈​ꦔ꧀ꦒꦸꦩꦸꦤ꧀ꦩꦶꦏꦶꦂꦫꦏꦺꦊꦭꦏꦺꦴꦤ꧀ꦏꦫꦺꦴ​ꦥꦫ​ꦫꦱꦸꦭ꧀ꦏꦸꦮꦶ​꧉​ 25ꦤꦁꦔꦶꦁ​ꦲꦺꦴꦫ​ꦊꦠ꧀ꦱꦸꦮꦶꦲꦺꦤꦺꦁꦮꦺꦴꦁ​ꦩ꧀ꦊꦧꦸ​ꦏꦺꦴꦤꦺꦴ​ꦔꦺꦴꦩꦺꦴꦁ:“ꦮꦺꦴꦁꦮꦺꦴꦁ​ꦱꦶꦁ​ꦲꦩ꧀ꦧꦺꦴꦏ꧀ꦊꦧꦺꦴꦏ꧀ꦏꦏꦺꦤꦁꦱꦼꦠꦿꦥꦤ꧀ꦱꦲꦶꦏꦶ​ꦥꦢ​ꦤꦁꦒꦿꦺꦗ​ꦒꦼꦢꦺ​ꦩꦸꦭꦁꦔꦶꦮꦺꦴꦁ​ꦲꦺꦴꦏꦺꦃ꧉​” 26ꦏꦸꦩꦼꦤ꧀ꦢꦤ꧀ꦤꦺꦱꦼꦏꦲꦸꦠ꧀ꦱꦶꦁ​ꦗꦒ​ꦒꦿꦺꦗ​ꦒꦼꦢꦺꦠꦼꦫꦸꦱ꧀ꦧꦸꦢꦭ꧀ꦏꦫꦺꦴ​ꦱꦼꦏꦲꦸꦠ꧀ꦱꦼꦏꦲꦸꦠ꧀ꦠꦺꦲꦉꦥ꧀ꦚꦼꦏꦼꦭ꧀ꦥꦫ​ꦫꦱꦸꦭ꧀ ꦤꦁꦔꦶꦁ​ꦲꦺꦴꦫ​ꦔꦁꦒꦺꦴ​ꦥꦠꦿꦥ꧀ꦱꦶꦁ​ꦏꦱꦂ​꧈​ꦲꦮꦶꦠ꧀ꦮꦼꦢꦶ​ꦤꦺꦏ꧀ꦢꦶꦧꦤ꧀ꦢꦼꦩ꧀ꦩꦶꦮꦠꦸ​ꦏꦫꦺꦴ​ꦮꦺꦴꦁꦮꦺꦴꦁ​꧉​

27꧋ꦥꦫ​ꦫꦱꦸꦭ꧀ꦠꦼꦫꦸꦱ꧀ꦢꦶꦒꦮ​ꦩ꧀ꦊꦧꦸ​ꦤꦁꦔꦉꦥ꧀ꦥꦺ​ꦏꦿꦸꦠꦺꦴꦤ꧀ꦲꦒꦩ​ꦏꦺꦴꦤꦺꦴ​꧉​ꦲꦶꦩꦩ꧀ꦩꦺ​ꦒꦼꦢꦺ​ꦔꦺꦴꦩꦺꦴꦁ: 28“ꦏꦺꦴꦮꦺ​ꦭꦲꦸꦠ꧀ꦮꦶꦱ꧀ꦠꦏ꧀ꦥꦼꦔꦶꦁ​ꦩꦸꦭꦁ​ꦧꦧ꧀ꦪꦺꦯꦸꦱ꧀ꦠ​꧉​ꦭꦃ​ꦩꦭꦃ​ꦏꦼꦥꦿꦶꦪꦺ​?ꦏꦺꦴꦮꦺ​ꦩꦭꦃ​ꦥꦢ​ꦚꦼꦧꦂ​ꦥꦶꦮꦸꦭꦁ​ꦱꦩ꧀ꦥꦺꦏ꧀ꦩꦿꦺꦩꦺꦤ꧀ꦩꦿꦺꦩꦺꦤ꧀ꦤꦁꦱꦏ꧀ꦏꦸꦠꦪꦺꦫꦸꦱꦭꦺꦩ꧀ꦏꦧꦺꦃ​ꦭꦤ꧀ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦲꦩ꧀ꦧꦺꦴꦏ꧀ꦱꦭꦃꦲꦏꦺꦩꦠꦺꦤ꧀ꦤꦶ​ꦪꦺꦯꦸꦱ꧀꧈​”

29꧋ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦥꦫ​ꦫꦱꦸꦭ꧀ꦭꦶꦪꦤꦺ​ꦠꦼꦫꦸꦱ꧀ꦱꦼꦩꦲꦸꦂ​:“ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦔꦸꦁꦏꦸꦭ꧀ꦭꦶ​ꦏꦼꦏꦉꦥ꧀ꦥꦤ꧀ꦤꦺ​ꦩꦤꦸꦁꦱ​꧉​ 30ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦤꦔꦺꦏ꧀ꦏꦺꦒꦸꦱ꧀ꦠꦶ​ꦪꦺꦯꦸꦱ꧀ ꦱꦏ꧀ꦮꦶꦱ꧀ꦱꦺ​ꦢꦺꦏ꧀ꦤꦺ​ꦩ꧀ꦧꦺꦴꦏ꧀ꦥꦠꦺꦤ꧀ꦤꦶ​ꦤꦁꦏꦪꦸ​ꦥꦼꦤ꧀ꦠꦺꦁꦔꦤ꧀꧈​ 31ꦪ​ꦒꦸꦱ꧀ꦠꦶ​ꦪꦺꦯꦸꦱ꧀ꦲꦶꦏꦶ​ꦱꦶꦁ​ꦮꦶꦱ꧀ꦢꦶꦏꦺꦏ꧀ꦏꦶꦥꦔ꧀ꦮꦱ​ꦱꦶꦁ​ꦢꦸꦮꦸꦂꦢꦺꦮꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦢꦺꦏ꧀ꦤꦺ​ꦢꦶꦢꦢꦺꦏ꧀ꦏꦏꦺꦥꦼꦤꦸꦤ꧀ꦠꦸꦤ꧀ꦭꦤ꧀ꦗꦸꦫꦸ​ꦱ꧀ꦭꦩꦼꦠ꧀ ꦱꦸꦥꦪ​ꦧꦁꦱ​ꦆꦱꦿꦌꦭ꧀ꦧꦶꦱ​ꦲꦺꦤ꧀ꦠꦸꦏ꧀ꦏꦼꦭꦸꦁꦒꦂꦫꦤ꧀ꦤꦶꦁꦒꦭ꧀ꦭꦏꦸ​ꦲꦭ​ꦭꦤ꧀ꦧꦶꦱ​ꦤꦩ꧀ꦥ​ꦥꦔꦥꦸꦫꦤꦺ​ꦢꦺꦴꦱ​꧉​ 32ꦥꦽꦏꦫ​ꦲꦶꦏꦶ​ꦏꦧꦺꦃ​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦚꦼꦏ꧀ꦱꦺꦤ꧀ꦤꦶ​꧉​ꦱꦼꦩꦺꦴꦤꦺꦴ​ꦲꦸꦒ​ꦫꦺꦴꦃ​ꦱꦸꦕꦶ​ꦢꦢꦶ​ꦱꦼꦏ꧀ꦱꦶ​꧈​ꦪ​ꦫꦺꦴꦃ​ꦱꦸꦕꦶ​ꦲꦶꦏꦶ​ꦱꦶꦁ​ꦢꦶꦏꦺꦏ꧀ꦏꦏꦺꦩꦫꦁ​ꦱꦧꦼꦤ꧀ꦮꦺꦴꦁ​ꦱꦶꦁ​ꦩꦤꦸꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​” 33ꦥꦫ​ꦮꦂꦒꦤꦺ​ꦏꦿꦸꦠꦺꦴꦤ꧀ꦲꦒꦩ​ꦩꦲꦸ​ꦥꦢ​ꦤꦼꦱꦸ​ꦧꦔꦼꦠ꧀ꦏꦿꦸꦔꦸ​ꦱꦲꦸꦂꦫꦤ꧀ꦏꦸꦮꦶ​꧈​ꦭꦤ꧀​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀ꦲꦉꦥ꧀ꦩꦠꦺꦤ꧀ꦤꦶ​ꦥꦫ​ꦫꦱꦸꦭ꧀꧈​ 34ꦤꦁꦔꦶꦁ​ꦲꦺꦤꦺꦁꦱꦏ꧀ꦮꦶꦗꦶꦤꦺꦮꦺꦴꦁ​ꦥ꦳ꦫꦶꦱꦶ​ꦱꦶꦁ​ꦗꦼꦤꦼꦁꦔꦺ​ꦒꦩꦭꦶꦪꦺꦭ꧀ ꦒꦸꦫꦸ​ꦮꦺꦠ꧀ꦠꦺꦏꦶꦠꦧ꧀ ꦱꦶꦁ​ꦢꦶꦲꦗꦺꦤ꧀ꦤꦶ​ꦧꦔꦼꦠ꧀ꦏꦫꦺꦴ​ꦮꦺꦴꦁ​ꦏꦧꦺꦃ​꧉​ꦢꦺꦏ꧀ꦤꦺꦔꦢꦼꦏ꧀ꦠꦼꦫꦸꦱ꧀ꦔꦺꦴꦁꦏꦺꦴꦤ꧀​ꦔ꧀ꦒꦮ​ꦥꦫ​ꦫꦱꦸꦭ꧀ꦩꦼꦠꦸ​ꦱꦼꦢꦺꦭꦺꦴꦏ꧀꧈​ 35ꦒꦩꦭꦶꦪꦺꦭ꧀ꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦫ​ꦱꦼꦢꦸꦭꦸꦂ​ꦧꦁꦱ​ꦆꦱꦿꦌꦭ꧀!ꦏꦺꦴꦮꦺ​ꦏꦸꦢꦸ​ꦱꦶꦁ​ꦲꦠꦶꦲꦠꦶꦠꦼꦤꦤ꧀ꦏꦫꦺꦴ​ꦱꦶꦁ​ꦲꦉꦥ꧀ꦲꦩ꧀ꦧꦺꦴꦏ꧀ꦠꦶꦤ꧀ꦢꦏ꧀ꦏꦏꦺꦏꦫꦺꦴ​ꦮꦺꦴꦁꦮꦺꦴꦁ​ꦲꦶꦏꦶ​꧉​ 36ꦲꦮꦶꦠ꧀​ꦩ꧀ꦧꦶꦪꦺꦤ꧀ꦪ​ꦮꦶꦱ꧀ꦠꦲꦸ​ꦲꦺꦤꦺꦁꦮꦺꦴꦁ​ꦱꦶꦁ​ꦗꦼꦤꦼꦁꦔꦺ​ꦡꦺꦪꦺꦴꦢꦱ꧀​ꦚ꧀ꦗꦼꦢꦸꦭ꧀;ꦢꦺꦏ꧀ꦤꦺꦔꦏꦸꦤꦺ​ꦤ꧀ꦢꦸꦮꦺꦏ꧀ꦮꦱ​ꦒꦼꦢꦺꦭꦤ꧀ꦱꦶꦁ​ꦩꦺꦭꦸ​ꦢꦺꦏ꧀ꦤꦺꦏꦶꦫꦏꦶꦫ​ꦲꦺꦤꦺꦁꦮꦺꦴꦁ​ꦥꦠꦁ​ꦲꦠꦸꦱ꧀ꦲꦺꦴꦏꦺꦃꦲꦺ꧉​ꦡꦺꦪꦺꦴꦢꦱ꧀ꦠꦼꦫꦸꦱ꧀ꦢꦶꦥꦠꦺꦤ꧀ꦤꦶ​ꦭꦤ꧀ꦱꦶꦁ​ꦩꦺꦭꦸ​ꦢꦺꦏ꧀ꦤꦺꦱꦲꦶꦏꦶ​ꦥꦢ​ꦧꦸꦪꦂ​ꦏꦧꦺꦃ​ꦭꦤ꧀ꦒꦺꦴꦭꦺꦴꦁꦔꦤ꧀ꦏꦸꦮꦶ​ꦮꦶꦱ꧀ꦩꦠꦶ​꧉​ 37ꦱꦏ꧀ꦮꦶꦱ꧀ꦱꦺ​ꦏꦸꦮꦶ​ꦠꦼꦫꦸꦱ꧀ꦲꦺꦤꦺꦁꦭꦶꦪꦤꦺ​ꦩꦼꦤꦺꦃ​ꦚ꧀ꦗꦼꦢꦸꦭ꧀:ꦪꦸꦢꦱ꧀ꦱꦁꦏꦓꦭꦶꦭꦺꦪ​꧉​ꦏꦸꦮꦶ​ꦮꦪꦃꦲꦺ​ꦲꦺꦤꦺꦁꦲꦶꦠꦸꦁꦔꦶꦠꦸꦁꦔꦤ꧀ꦧꦁꦱ​꧉​ꦮꦺꦴꦁ​ꦥꦶꦫꦁꦥꦶꦫꦁ​ꦥꦢ​ꦩꦺꦭꦸ​ꦒꦺꦴꦭꦺꦴꦁꦔꦤ꧀ꦱꦶꦁ​ꦲꦺꦴꦫ​ꦲꦥꦶꦏ꧀ꦏꦸꦮꦶ​꧉​ꦪꦸꦢꦱ꧀ꦲꦸꦒ​ꦢꦶꦥꦠꦺꦤ꧀ꦤꦶ​ꦭꦤ꧀ꦮꦂꦒꦤꦺ​ꦧꦸꦪꦂ​ꦏꦧꦺꦃ​꧉​ 38ꦱꦼꦩꦺꦴꦤꦺꦴ​ꦲꦸꦒ​ꦱꦲꦶꦏꦶ​꧈​ꦩꦸꦭꦤꦺ​ꦏꦺꦴꦮꦺ​ꦏꦸꦢꦸ​ꦱꦶꦁ​ꦲꦠꦶꦲꦠꦶꦠꦼꦤꦤ꧀ ꦲꦗ​ꦱꦩ꧀ꦥꦺꦏ꧀ꦮꦺꦴꦁꦮꦺꦴꦁ​ꦲꦶꦏꦶ​ꦲꦩ꧀ꦧꦺꦴꦏ꧀ꦲꦥꦏ꧀ꦲꦥꦏ꧀ꦏꦏꦺ꧉​ꦲꦗ​ꦢꦶꦲꦭꦁꦔꦭꦁꦔꦶ꧈​ꦲꦮꦶꦠ꧀ꦤꦺꦏ꧀ꦥꦼꦁꦒꦮꦺꦤꦺ​ꦮꦺꦴꦁꦮꦺꦴꦁ​ꦲꦶꦏꦶ​ꦩꦼꦠꦸꦤꦺ​ꦱꦁꦏꦏꦉꦥ꧀ꦥꦺ​ꦩꦤꦸꦁꦱ​꧈​ꦩꦼꦱ꧀ꦠꦶꦱꦸꦮꦶꦱꦸꦮꦶꦧꦏꦭ꧀ꦩꦤ꧀ꦢꦼꦏ꧀ꦢꦺꦮꦺ꧉​ 39ꦤꦁꦔꦶꦁ​ꦤꦺꦏ꧀ꦥꦼꦁꦒꦮꦺꦤꦺ​ꦮꦺꦴꦁꦮꦺꦴꦁ​ꦲꦶꦏꦶ​ꦩꦼꦠꦸꦤꦺ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧈​ꦏꦺꦴꦮꦺ​ꦲꦺꦴꦫ​ꦧꦏꦭ꧀ꦧꦶꦱ​ꦔꦿꦸꦱꦏ꧀꧈​ꦲꦗ​ꦱꦩ꧀ꦥꦺꦏ꧀ꦩꦼꦁꦏꦺꦴ​ꦏꦺꦴꦮꦺ​ꦲꦼꦤ꧀ꦠꦺꦏ꧀ꦲꦼꦤ꧀ꦠꦺꦏ꧀ꦏꦺ​ꦗꦼꦧꦸꦭ꧀ꦭꦺ​ꦩꦭꦃ​ꦔ꧀ꦭꦮꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​꧉​”

40꧋ꦮꦺꦴꦁꦮꦺꦴꦁ​ꦤꦁꦏꦿꦸꦠꦺꦴꦤ꧀ꦲꦒꦩ​ꦏꦺꦴꦤꦺꦴ​ꦥꦢ​ꦩꦤꦸꦠ꧀ꦩꦫꦁ​ꦠꦼꦩ꧀ꦧꦸꦁꦔꦺ​ꦒꦩꦭꦶꦪꦺꦭ꧀ꦭꦤ꧀ꦥꦫ​ꦫꦱꦸꦭ꧀ꦠꦼꦫꦸꦱ꧀ꦢꦶꦕꦼꦭꦸꦏ꧀​ꦏꦺꦴꦁꦏꦺꦴꦤ꧀​ꦩ꧀ꦊꦧꦸ​ꦩꦼꦤꦺꦃ​꧉​ꦱꦏ꧀ꦮꦶꦱ꧀ꦱꦺ​ꦢꦶꦥꦼꦕꦸꦠ꧀ꦠꦶ​꧈​ꦥꦫ​ꦫꦱꦸꦭ꧀ꦠꦼꦫꦸꦱ꧀ꦢꦶꦥꦼꦔꦶꦁ​ꦩꦸꦭꦁ​ꦧꦧ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦩꦼꦤꦺꦃ​ꦠꦼꦫꦸꦱ꧀ꦢꦶꦲꦼꦠꦺꦴꦏ꧀ꦏꦏꦺ꧉​ 41ꦥꦫ​ꦫꦱꦸꦭ꧀ꦠꦼꦫꦸꦱ꧀ꦭꦸꦔ​ꦱꦁꦏꦏꦿꦸꦠꦺꦴꦤ꧀ꦲꦒꦩ​ꦏꦫꦺꦴ​ꦧꦸꦔꦃ​꧈​ꦲꦮꦶꦠ꧀ꦏꦼꦲꦁꦒꦼꦥ꧀ꦥꦤ꧀ꦠꦼꦱ꧀ꦤꦤ꧀ꦢꦁꦱꦁꦱꦫ​ꦏꦁꦒꦺꦴ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ 42ꦥꦫ​ꦫꦱꦸꦭ꧀ꦩꦲꦸ​ꦱꦧꦼꦤ꧀ꦢꦶꦤ​ꦠꦼꦫꦸꦱ꧀ꦥꦢ​ꦤꦼꦫꦸꦱ꧀ꦱꦏꦺꦲꦼꦁꦒꦺꦴꦤꦺ​ꦩꦸꦭꦁ​ꦭꦤ꧀​ꦔ꧀ꦒꦼꦭꦂꦫꦏꦺꦏꦧꦂ​ꦏꦧꦸꦔꦃꦲꦤ꧀ꦤꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦤꦁꦒꦿꦺꦗ​ꦒꦼꦢꦺꦭꦤ꧀ꦤꦁꦲꦺꦴꦩꦃꦲꦺꦴꦩꦃ​ꦭꦤ꧀ ꦤ꧀ꦢꦸꦤꦸꦁꦤ꧀ꦢꦸꦤꦸꦁꦔꦏꦺꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦸꦮꦶ​ꦏꦿꦶꦱ꧀ꦡꦸꦱ꧀꧈​

↑ ↑ ↑

← ꧇​꧔꧇​   ꧇​꧖꧇​ →