ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦥꦫꦫꦱꦸꦭ꧀/3

Saka Wikisumber

ꦥꦱꦭ꧀ ꧇​꧑꧇​ ꧇​꧒꧇​ ꧇​꧓꧇​ ꧇​꧔꧇​ ꧇​꧕꧇​ ꧇​꧖꧇​꧇​꧗꧇​ ꧇​꧘꧇​ ꧇​꧙꧇​ ꧇​꧑꧐꧇​ ꧇​꧑꧑꧇​ ꧇​꧑꧒꧇​ ꧇​꧑꧓꧇​꧇​꧑꧔꧇​ ꧇​꧑꧕꧇​ ꧇​꧑꧖꧇​꧇​꧑꧗꧇​ ꧇​꧑꧘꧇​ ꧇​꧑꧙꧇​ ꧇​꧒꧐꧇​ ꧇​꧒꧑꧇​꧇​꧒꧒꧇​꧇​꧒꧓꧇​ ꧇​꧒꧔꧇​꧇​꧒꧕꧇​ ꧇​꧒꧖꧇​ ꧇​꧒꧗꧇​ ꧇​꧒꧘꧇​

꧋ꦮꦺꦴꦁ​ꦭꦸꦩ꧀ꦥꦸꦃ​ꦢꦶꦮꦫꦱ꧀ꦱꦏꦺ꧉​

꧇​꧓꧇​ 1꧋ꦲꦶꦁ​ꦱꦏ꧀ꦮꦶꦗꦶꦤꦺꦢꦶꦤ​꧈​ꦏꦶꦫꦏꦶꦫ​ꦗꦩ꧀ꦠꦼꦭꦸ​ꦲꦮꦤ꧀ ꦮꦪꦃꦲꦺ​ꦏꦸꦩ꧀ꦥꦸꦭ꧀ ꦥꦤ꧀ꦢꦺꦴꦔ​꧈​ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦫꦱꦸꦭ꧀ꦪꦺꦴꦲꦤꦼꦱ꧀ꦧꦸꦢꦭ꧀ꦤꦁꦒꦿꦺꦗ​ꦒꦼꦢꦺ꧉​ 2ꦤꦁꦗꦺꦗꦺꦂꦫꦺ​ꦭꦮꦁꦔꦺ​ꦒꦿꦺꦗꦤꦺ꧈​ꦱꦶꦁ​ꦗꦼꦤꦼꦁꦔꦺ​ꦭꦮꦁ​ꦲꦥꦶꦏ꧀ ꦲꦺꦤꦺꦁꦮꦺꦴꦁ​ꦱꦶꦁ​ꦭꦸꦩ꧀ꦥꦸꦃ​ꦏꦮꦶꦠ꧀ꦭꦲꦶꦂꦫꦺ​꧉​ꦮꦺꦴꦁ​ꦲꦶꦏꦶ​ꦱꦧꦼꦤ꧀ꦢꦶꦤ​ꦢꦶꦒꦺꦤ꧀ꦢꦺꦴꦁꦢꦶꦱꦺꦭꦺꦃꦲꦏꦺꦤꦁꦗꦺꦗꦺꦂꦫꦺ​ꦭꦮꦁ​ꦏꦺꦴꦤꦺꦴ​꧈​ꦱꦸꦥꦪ​ꦔꦼꦩꦶꦱ꧀ꦩꦫꦁ​ꦮꦺꦴꦁ​ꦱꦶꦁ​ꦥꦢ​ꦩ꧀ꦊꦧꦸ​ꦤꦁꦒꦿꦺꦗ​ꦒꦼꦢꦺ​ꦏꦺꦴꦤꦺꦴ​꧉​ 3ꦏꦢꦸꦁ​ꦮꦺꦴꦁꦔꦺ​ꦮꦼꦫꦸꦃ​ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦫꦱꦸꦭ꧀ꦪꦺꦴꦲꦤꦼꦱ꧀ꦭꦶꦮꦠ꧀ꦏꦺꦴꦤꦺꦴ​꧈​ꦮꦺꦴꦁꦔꦺ​ꦠꦼꦫꦸꦱ꧀​ꦚ꧀ꦗꦭꦸꦏ꧀ꦢꦸꦮꦶꦠ꧀꧈​ 4ꦫꦱꦸꦭ꧀ꦭꦺꦴꦫꦺꦴ​ꦩꦲꦸ​ꦩꦤ꧀ꦢꦼꦁ​ꦮꦺꦴꦁꦔꦺ​ꦠꦼꦫꦸꦱ꧀ꦫꦱꦸꦭ꧀ꦦꦺꦠꦿꦸꦱ꧀ꦔꦺꦴꦩꦺꦴꦁ: 5“ꦢꦼꦭꦺꦴꦏ꧀ꦏꦼꦤ꧀ꦲꦏꦸ​ꦲꦶꦏꦶ​!”ꦮꦺꦴꦁꦔꦺ​ꦠꦼꦫꦸꦱ꧀​ꦤ꧀ꦢꦼꦭꦺꦴꦏ꧀ꦏꦏꦺꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦫꦱꦸꦭ꧀ꦪꦺꦴꦲꦤꦼꦱ꧀ ꦤ꧀ꦢꦫꦤ꧀ꦤꦶꦲꦉꦥ꧀ꦢꦶꦏꦺꦏ꧀ꦏꦶꦲꦥꦲꦥ​꧉​ 6ꦤꦁꦔꦶꦁ​ꦫꦱꦸꦭ꧀ꦦꦺꦠꦿꦸꦱ꧀ꦩꦭꦃ​ꦔꦺꦴꦩꦺꦴꦁ:“ꦢꦸꦮꦶꦠ꧀ꦲꦏꦸ​ꦲꦺꦴꦫ​ꦤ꧀ꦢꦸꦮꦺ꧈​ꦤꦁꦔꦶꦁ​ꦲꦥ​ꦤ꧀ꦢꦸꦮꦺꦩꦸꦠꦏ꧀ꦏꦺꦏ꧀ꦏꦏꦺꦩꦫꦁ​ꦏꦺꦴꦮꦺ​:ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ꦱꦁꦏꦟꦱꦫꦺꦠ꧀ ꦩ꧀ꦭꦏꦸꦮ​!” 7ꦫꦱꦸꦭ꧀ꦦꦺꦠꦿꦸꦱ꧀ꦠꦼꦫꦸꦱ꧀ꦚꦼꦏꦼꦭ꧀ꦠꦔꦤ꧀ꦤꦺ​ꦮꦺꦴꦁꦔꦺ​ꦱꦶꦁ​ꦠꦼꦔꦼꦤ꧀ꦠꦼꦫꦸꦱ꧀ꦢꦶꦫꦺꦮꦁꦔꦶ​ꦔꦢꦼꦏ꧀꧈​ꦱꦶꦏꦶꦭ꧀ꦭꦺ​ꦭꦤ꧀ꦥꦺꦴꦭꦺꦴꦏ꧀ꦏꦺ​ꦮꦺꦴꦁꦔꦺ​ꦠꦼꦫꦸꦱ꧀ꦱꦏ꧀ꦮꦠ꧀ꦏꦿꦱ​ꦏꦸꦮꦠ꧀꧈​ 8ꦮꦺꦴꦁꦔꦺ​ꦠꦼꦫꦸꦱ꧀ꦔꦢꦼꦏ꧀ꦗꦼꦗꦼꦏ꧀ꦭꦤ꧀ꦩꦺꦴꦭꦃꦲꦶꦩ꧀ꦭꦏꦸ​ꦫꦤꦫꦺꦤꦺ​꧈​ꦠꦼꦫꦸꦱ꧀ꦩꦺꦭꦸ​ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦫꦱꦸꦭ꧀ꦪꦺꦴꦲꦤꦼꦱ꧀​ꦩ꧀ꦊꦧꦸ​ꦒꦿꦺꦗ​ꦒꦼꦢꦺ​ꦏꦫꦺꦴ​ꦩꦼꦚ꧀ꦕꦺꦴꦭꦺꦴꦠ꧀ꦩꦼꦚ꧀ꦕꦺꦴꦭꦺꦴꦠ꧀​ꦭꦤ꧀ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 9ꦮꦺꦴꦁ​ꦥꦶꦫꦁꦥꦶꦫꦁ​ꦱꦶꦁ​ꦤꦁꦏꦺꦴꦤꦺꦴ​ꦥꦢ​ꦮꦼꦫꦸꦃ​ꦮꦺꦴꦁꦔꦺ​ꦩ꧀ꦭꦏꦸ​ꦭꦤ꧀ꦩꦼꦩꦸꦗꦶ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ 10ꦮꦺꦴꦁꦮꦺꦴꦁ​ꦤꦶꦠꦺꦤ꧀ꦤꦶ​ꦤꦺꦏ꧀ꦮꦺꦴꦁꦔꦺ​ꦏꦸꦮꦶ​ꦱꦶꦁ​ꦠꦸꦏꦁ​ꦔꦼꦩꦶꦱ꧀ꦤꦁꦗꦺꦗꦺꦂꦫꦺ​ꦭꦮꦁ​ꦲꦥꦶꦏ꧀꧈​ꦩꦸꦭꦤꦺ​ꦮꦺꦴꦁꦮꦺꦴꦁ​ꦔ꧀ꦒꦸꦩꦸꦤ꧀ꦤꦺꦲꦺꦴꦫ​ꦲꦺꦤꦺꦁꦲꦼꦤ꧀ꦠꦺꦏ꧀ꦏꦺ​ꦧꦧ꧀ꦱꦶꦁ​ꦏ꧀ꦭꦏꦺꦴꦤ꧀ꦲꦶꦁ​ꦲꦸꦫꦶꦥ꧀ꦥꦺꦮꦺꦴꦁ​ꦏꦸꦮꦶ​꧉​

꧋ꦠꦼꦩ꧀ꦧꦸꦁꦔꦺ​ꦫꦱꦸꦭ꧀ꦦꦺꦠꦿꦸꦱ꧀ꦤꦁꦒꦿꦺꦗ​ꦒꦼꦢꦺ꧉​

11꧋ꦮꦺꦴꦁ​ꦱꦶꦁ​ꦩꦲꦸꦤꦺ​ꦭꦸꦩ꧀ꦥꦸꦃ​ꦤꦁꦔꦶꦁ​ꦱꦲꦶꦏꦶ​ꦧꦶꦱ​ꦩ꧀ꦭꦏꦸ​ꦏꦸꦮꦶ​ꦠꦼꦫꦸꦱ꧀ꦔꦼꦠꦸꦠ꧀ꦠꦏꦺꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦫꦱꦸꦭ꧀ꦪꦺꦴꦲꦤꦼꦱ꧀ꦮꦲꦺ​꧈​ꦩꦸꦭꦤꦺ​ꦮꦺꦴꦁꦮꦺꦴꦁ​ꦱꦶꦁ​ꦔ꧀ꦒꦸꦩꦸꦤ꧀ꦩꦲꦸ​ꦥꦢ​ꦔꦿꦸꦧꦸꦁ​ꦫꦱꦸꦭ꧀ꦦꦺꦠꦿꦸꦱ꧀ꦭꦤ꧀ꦫꦱꦸꦭ꧀ꦪꦺꦴꦲꦤꦼꦱ꧀ꦤꦁꦏꦺꦴꦤꦺꦴ​꧈​ꦤꦁꦥꦁꦒꦺꦴꦤ꧀ꦤꦤ꧀ꦱꦶꦁ​ꦗꦼꦤꦼꦁꦔꦺ​ꦒꦢꦿꦶꦤꦺ​ꦯꦺꦴꦭꦺꦩꦤ꧀꧈​ 12ꦏꦢꦸꦁ​ꦫꦱꦸꦭ꧀ꦦꦺꦠꦿꦸꦱ꧀ꦮꦼꦫꦸꦃ​ꦮꦺꦴꦁ​ꦥꦶꦫꦁꦥꦶꦫꦁ​ꦩꦲꦸ​꧈​ꦢꦺꦏ꧀ꦤꦺꦠꦼꦫꦸꦱ꧀ꦔꦺꦴꦩꦺꦴꦁ:“ꦥꦫ​ꦱꦼꦢꦸꦭꦸꦂ​ꦧꦁꦱ​ꦆꦱꦿꦌꦭ꧀ ꦏꦼꦤꦺꦁꦲꦥ​ꦏꦺꦴꦮꦺ​ꦏꦺꦴꦏ꧀ꦥꦢ​ꦔ꧀ꦒꦸꦩꦸꦤ꧀꧈​ꦭꦃ​ꦏꦺꦴꦏ꧀ꦥꦢ​ꦚꦮꦁ​ꦏꦪ​ꦲꦮꦏ꧀ꦏꦺ​ꦢꦺꦮꦺꦮꦲꦺ​ꦱꦶꦁ​ꦩꦫꦏ꧀ꦏꦏꦺꦮꦺꦴꦁꦔꦺ​ꦧꦶꦱ​ꦩ꧀ꦭꦏꦸ​꧉​ 13ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦧꦥ​ꦄꦨꦿꦲꦩ꧀ ꦆꦱꦏ꧀ꦭꦤ꧀ꦪꦏꦸꦧ꧀ ꦒꦸꦱ꧀ꦠꦶ​ꦄꦭ꧀ꦭꦃꦲꦺ​ꦩ꧀ꦧꦃꦩ꧀ꦧꦲꦤ꧀ꦤꦺꦲꦮꦏ꧀ꦏꦺ​ꦢꦺꦮꦺ꧈​ꦮꦶꦱ꧀ꦔꦸꦁꦒꦸꦭ꧀ꦭꦏꦺꦥꦼꦭꦢꦺꦤ꧀ꦤꦺ​꧈​ꦪꦏꦸꦮꦶ​ꦒꦸꦱ꧀ꦠꦶ​ꦪꦺꦯꦸꦱ꧀꧈​ꦏꦺꦴꦮꦺ​ꦮꦶꦱ꧀ꦩꦱꦿꦃꦲꦏꦺꦢꦺꦏ꧀ꦤꦺ​ꦩꦫꦁ​ꦥꦫ​ꦥꦔ꧀ꦮꦱ​꧈​ꦤꦁꦔꦉꦥ꧀ꦥꦺ​ꦒꦿꦩꦁꦥꦶꦭꦠꦸꦱ꧀꧈​ꦢꦺꦏ꧀ꦤꦺ​ꦩ꧀ꦧꦺꦴꦏ꧀ꦠꦩ꧀ꦥꦶꦏ꧀ ꦱꦼꦤꦗꦤ꧀ꦥꦶꦭꦠꦸꦱ꧀ꦢꦺꦮꦺꦮꦶꦱ꧀​ꦔ꧀ꦒꦮꦺ​ꦥꦸꦠꦸꦱ꧀ꦱꦤ꧀ꦲꦉꦥ꧀ꦔꦼꦕꦸꦭ꧀ꦭꦏꦺ​ꦢꦺꦏ꧀ꦤꦺ​꧉​ 14ꦢꦺꦏ꧀ꦤꦺꦮꦺꦴꦁ​ꦱꦶꦁ​ꦔ꧀ꦭꦏꦺꦴꦤ꧀ꦤꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦢꦺꦏ꧀ꦤꦺꦲꦺꦴꦫ​ꦲꦺꦤꦺꦁꦱꦭꦃꦲꦺ​꧈​ꦤꦁꦔꦶꦁ​ꦩꦭꦃ​ꦲꦩ꧀ꦧꦺꦴꦏ꧀ꦠꦩ꧀ꦥꦶꦏ꧀꧈​ꦏꦺꦴꦮꦺ​ꦩꦭꦃ​ꦤꦼꦩ꧀ꦧꦸꦁ​ꦩꦫꦁ​ꦥꦶꦭꦠꦸꦱ꧀ꦏꦺꦴꦁꦏꦺꦴꦤ꧀ꦔꦸꦕꦸꦭ꧀ꦭꦶ​ꦮꦺꦴꦁ​ꦱꦶꦁ​ꦠꦸꦏꦁ​ꦩꦠꦺꦤ꧀ꦤꦶ​ꦮꦺꦴꦁ​꧉​ 15ꦠꦶꦧꦏꦺ​ꦏꦺꦴꦮꦺ​ꦩꦠꦺꦤ꧀ꦤꦶ​ꦮꦺꦴꦁ​ꦱꦶꦁ​ꦢꦢꦶ​ꦢꦭꦤ꧀ꦤꦺ​ꦏꦲꦸꦫꦶꦥ꧀ꦥꦤ꧀꧈​ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦤꦔꦺꦏ꧀ꦏꦺꦒꦸꦱ꧀ꦠꦶ​ꦪꦺꦯꦸꦱ꧀ꦱꦁꦏꦥꦠꦶ​ꦭꦤ꧀ꦲꦏꦸ​ꦭꦤ꧀ꦏꦚ꧀ꦕꦏꦚ꧀ꦕꦏꦸ​ꦮꦶꦱ꧀ꦚꦼꦏ꧀ꦱꦺꦤ꧀ꦤꦶ​ꦏꦸꦮꦶ​ꦢꦺꦮꦺ꧉​ 16ꦪ​ꦥꦔ꧀ꦮꦱꦤꦺ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦱꦶꦁ​ꦔꦼꦏꦺꦏ꧀ꦏꦶꦏꦼꦏꦸꦮꦠ꧀ꦠꦤ꧀ꦩꦫꦁ​ꦮꦺꦴꦁ​ꦲꦶꦏꦶ​꧉​ꦏꦺꦴꦮꦺ​ꦥꦢ​ꦤꦶꦠꦺꦤ꧀ꦤꦶ​ꦢꦺꦮꦺ꧈​ꦗꦭꦂꦫꦤ꧀ꦱꦁꦏꦥꦽꦕꦪ​ꦲꦶꦁ​ꦗꦼꦤꦼꦁꦔꦺ​ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ꦮꦺꦴꦁ​ꦭꦸꦩ꧀ꦥꦸꦃ​ꦲꦶꦏꦶ​ꦧꦶꦱ​ꦮꦫꦱ꧀ꦱꦏ꧀ꦏꦧꦺꦃꦲꦺ꧉​ꦏꦺꦴꦮꦺ​ꦥꦢ​ꦮꦼꦫꦸꦃ​ꦢꦺꦮꦺ꧉​

17꧋“ꦥꦫ​ꦱꦼꦢꦸꦭꦸꦂ​꧈​ꦲꦏꦸ​ꦱꦲꦶꦏꦶ​ꦥꦚ꧀ꦕꦺꦤ꧀ꦮꦶꦱ꧀ꦔꦼꦂꦠꦶ​ꦤꦺꦏ꧀ꦏꦺꦴꦮꦺ​ꦩꦲꦸꦤꦺ​ꦥꦢ​ꦏꦸꦫꦁ​ꦥꦔꦼꦂꦠꦶꦤꦺ꧉​ꦩꦸꦭꦤꦺ​ꦏꦺꦴꦮꦺ​ꦭꦤ꧀ꦥꦼꦤꦸꦤ꧀ꦠꦸꦤ꧀ꦥꦼꦤꦸꦤ꧀ꦠꦸꦤ꧀ꦩꦸꦥꦢ​ꦤꦶꦤ꧀ꦢꦏ꧀ꦏꦏꦺꦔꦺꦴꦤꦺꦴ​꧉​ 18ꦤꦁꦔꦶꦁ​ꦥꦚ꧀ꦕꦺꦤ꧀ꦮꦶꦱ꧀ꦏꦸꦢꦸ​ꦏ꧀ꦭꦏꦺꦴꦤ꧀ꦔꦺꦴꦤꦺꦴ​꧈​ꦱꦸꦥꦪ​ꦲꦥ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦠꦂꦫꦤ꧀ꦥꦫ​ꦤꦧꦶ​ꦲꦶꦁ​ꦗꦩꦤ꧀​ꦩ꧀ꦧꦶꦪꦺꦤ꧀ꦱꦲꦶꦏꦶ​ꦧꦶꦱ​ꦏꦼꦠꦸꦫꦸꦠ꧀ꦠꦤ꧀ ꦪꦏꦸꦮꦶ​:ꦏꦿꦶꦱ꧀ꦡꦸꦱ꧀ꦏꦸꦢꦸ​ꦔ꧀ꦭꦏꦺꦴꦤ꧀ꦤꦶ​ꦱꦁꦱꦫ​꧉​ 19ꦩꦸꦭꦤꦺ​ꦥꦫ​ꦱꦼꦢꦸꦭꦸꦂ​꧈​ꦥꦢ​ꦤꦶꦁꦒꦭ꧀ꦭ​ꦲꦸꦫꦶꦥ꧀ꦱꦶꦁ​ꦲꦭ​ꦭꦤ꧀ꦥꦢ​ꦧꦭꦶꦏ꧀ꦏꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦱꦸꦥꦪ​ꦏꦺꦴꦮꦺ​ꦧꦶꦱ​ꦤꦩ꧀ꦥ​ꦥꦔꦥꦸꦫ​ꦱꦁꦏꦢꦺꦴꦱꦩꦸ​꧉​ 20ꦒꦸꦱ꧀ꦠꦶ​ꦄꦭ꧀ꦭꦃ​ꦩꦼꦁꦏꦺꦴ​ꦩꦼꦱ꧀ꦠꦶꦠꦼꦫꦸꦱ꧀ꦔꦼꦥꦺꦤꦏ꧀ꦏꦏꦺꦲꦠꦶꦩꦸ​ꦭꦤ꧀ꦔꦺꦴꦁꦏꦺꦴꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ ꦱꦶꦁ​ꦮꦶꦱ꧀ꦢꦢꦶ​ꦗꦸꦫꦸ​ꦱ꧀ꦭꦩꦼꦠ꧀ꦩꦸ​꧈​ꦠꦼꦏ​꧉​ 21ꦒꦸꦱ꧀ꦠꦶ​ꦪꦺꦯꦸꦱ꧀ꦱꦲꦶꦏꦶ​ꦏꦸꦢꦸ​ꦔꦼꦤ꧀ꦠꦺꦤ꧀ꦤꦶ​ꦤꦁꦱ꧀ꦮꦂꦒ​ꦔꦤ꧀ꦠꦶ​ꦠꦼꦏꦤ꧀ꦮꦏ꧀ꦠꦸꦩꦸꦱꦼꦩ꧀ꦧꦫꦁ​ꦢꦢꦶ​ꦲꦚꦂ​꧈​ꦏꦪ​ꦱꦶꦁ​ꦮꦶꦱ꧀ꦢꦶꦲꦺꦴꦩꦺꦴꦁꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦠꦂꦫꦤ꧀ꦥꦫ​ꦤꦧꦶ​ꦲꦶꦁ​ꦗꦩꦤ꧀​ꦩ꧀ꦧꦶꦪꦺꦤ꧀꧈​ 22ꦮꦸꦗꦸꦠ꧀ꦠꦺꦤꦧꦶ​ꦩꦺꦴꦱꦼꦱ꧀ꦮꦶꦱ꧀ꦔꦺꦴꦩꦺꦴꦁꦔꦺꦤꦺ​:

‘ꦒꦸꦱ꧀ꦠꦶ​ꦄꦭ꧀ꦭꦃꦩꦸꦧꦏꦭ꧀
ꦔꦺꦴꦁꦏꦺꦴꦤ꧀ꦤꦧꦶ​ꦠꦼꦏ​ꦩꦫꦁ​ꦏꦺꦴꦮꦺ​꧈​
ꦏꦪ​ꦲꦼꦁꦒꦺꦴꦤꦺ​ꦔꦺꦴꦁꦏꦺꦴꦤ꧀ꦲꦏꦸ​꧈​
ꦤꦧꦶ​ꦱꦁꦏꦠꦼꦔꦃꦩꦸ​ꦢꦺꦮꦺ꧉​
ꦏꦺꦴꦮꦺ​ꦏꦸꦢꦸ​ꦔ꧀ꦒꦠꦺꦏ꧀ꦏꦏꦺ
ꦩꦫꦁ​ꦱꦼꦩ꧀ꦧꦫꦁ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦢꦺꦏ꧀ꦤꦺ꧉​
23ꦤꦁꦔꦶꦁ​ꦱꦥ​ꦱꦶꦁ​ꦲꦺꦴꦫ​ꦔ꧀ꦒꦸꦒꦸ​
ꦩꦫꦁ​ꦤꦧꦶ​ꦩꦲꦸ​꧈​ꦧꦏꦭ꧀ꦢꦶꦥꦶꦱꦃ​ꦭꦤ꧀ꦢꦶꦲꦸꦱꦶꦂ​
ꦱꦁꦏꦧꦿꦪꦠ꧀ꦠꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​’

24ꦥꦫ​ꦤꦧꦶ​ꦏꦧꦺꦃ​ꦱꦶꦁ​ꦥꦢ​ꦔꦼꦠꦺꦴꦏ꧀ꦏꦏꦺꦠꦼꦩ꧀ꦧꦸꦁꦔꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦩꦺꦴꦭꦃꦲꦶꦏꦫꦺꦴ​ꦤꦧꦶ​ꦱꦩꦸꦮꦺꦭ꧀ꦭꦤ꧀ꦭꦶꦪꦭꦶꦪꦤꦺ​ꦱꦏ꧀ꦲꦩ꧀ꦧꦸꦫꦶꦤꦺ​ꦢꦺꦏ꧀ꦤꦺ꧈​ꦏꦧꦺꦃ​ꦮꦶꦱ꧀ꦥꦢ​ꦔꦺꦴꦩꦺꦴꦁꦔꦏꦺꦧꦧ꧀ꦗꦩꦤ꧀ꦲꦶꦏꦸ​꧉​ 25ꦥꦽꦗꦚ꧀ꦗꦶ​ꦥꦽꦗꦚ꧀ꦗꦶꦪꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦢꦶꦲꦺꦴꦩꦺꦴꦁꦏꦫꦺꦴ​ꦥꦫ​ꦤꦧꦶ​ꦏꦸꦮꦶ​ꦏꦧꦺꦃ​ꦏꦁꦒꦺꦴ​ꦏꦺꦴꦮꦺ​꧉​ꦩꦸꦭꦤꦺ​ꦏꦺꦴꦮꦺ​ꦏꦠꦸꦠ꧀ꦲꦶꦁ​ꦥꦽꦗꦚ꧀ꦗꦶꦪꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦥꦫ​ꦱꦶꦩ꧀ꦧꦃꦲꦶꦁ​ꦗꦩꦤ꧀​ꦩ꧀ꦧꦶꦪꦺꦤ꧀ ꦪꦏꦸꦮꦶ​ꦥꦽꦗꦚ꧀ꦗꦶꦪꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦧꦥ​ꦄꦨꦿꦲꦩ꧀ꦱꦶꦁ​ꦲꦸꦤꦶꦤꦺ​ꦔꦺꦤꦺ​:

‘ꦏꦧꦺꦃ​ꦧꦁꦱ​ꦤꦁꦱꦏ꧀ꦭꦸꦩꦃꦲꦺꦧꦸꦩꦶ​
ꦧꦏꦭ꧀ꦩꦺꦭꦸ​ꦤꦩ꧀ꦥ​ꦧꦼꦂꦏꦃ​꧈​
ꦗꦭꦂꦫꦤ꧀ꦱꦁꦏꦠꦸꦫꦸꦤꦤ꧀ꦩꦸ꧉​’

26ꦪꦏꦸꦮꦶ​ꦩꦲꦸ​ꦗꦭꦂꦫꦤ꧀ꦤꦺ​ꦲꦼꦁꦒꦺꦴꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦩꦶꦭꦶꦃ​ꦭꦤ꧀ꦔꦺꦴꦁꦏꦺꦴꦤ꧀ꦥꦼꦭꦢꦺꦤ꧀ꦤꦺ​ꦤꦼꦏꦤꦶ​ꦏꦺꦴꦮꦺ​ꦤ꧀ꦢꦶꦱꦶꦏ꧀ ꦲꦩ꧀ꦧꦼꦂꦏꦃꦲꦶ​ꦭꦤ꧀ꦤꦸꦤ꧀ꦠꦸꦤ꧀ꦏꦺꦴꦮꦺ​ꦏꦧꦺꦃ​꧈​ꦱꦸꦥꦪ​ꦏꦺꦴꦮꦺ​ꦥꦢ​ꦤꦶꦁꦒꦭ꧀ꦢꦭꦤ꧀ꦱꦶꦁ​ꦲꦭ​꧉​”

↑ ↑ ↑

← ꧇​꧒꧇​   ꧇​꧔꧇​ →