ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦪꦏꦺꦴꦧꦸꦱ꧀/4

꧋ꦲꦗ​ꦥꦢ​ꦤꦸꦫꦸꦠ꧀ꦠꦶ​ꦏꦢꦺꦴꦚꦃꦲꦤ꧀꧈​

꧇​꧔꧇​ ¹꧋ꦥꦫ​ꦱꦼꦢꦸꦭꦸꦂ​꧈​ꦲꦥ​ꦠ​ꦱꦶꦁ​ꦩꦫꦏ꧀ꦏꦏꦺꦏꦺꦴꦮꦺ​ꦥꦢ​ꦥꦢꦸ​ꦭꦤ꧀ꦠꦸꦏꦂꦫꦤ꧀?ꦏꦺꦴꦮꦺ​ꦔꦼꦂꦠꦶ​ꦲꦥ​?ꦗꦭꦂꦫꦤ꧀ꦏꦺꦴꦮꦺ​ꦲꦶꦤ꧀ꦠꦼꦂꦲꦺꦴꦫ​ꦲꦶꦤ꧀ꦠꦼꦂꦏꦼꦥꦺꦔꦶꦤ꧀ꦤꦸꦫꦸꦠ꧀ꦠꦶ​ꦱꦼꦤꦼꦁꦔꦺ​ꦲꦠꦶꦩꦸ​ꦱꦶꦁ​ꦲꦺꦴꦫ​ꦲꦥꦶꦏ꧀꧈​ ²ꦤꦺꦏ꧀ꦏꦺꦴꦮꦺ​ꦏꦼꦥꦺꦔꦶꦤ꧀​ꦤ꧀ꦢꦸꦮꦺꦲꦥꦲꦥ​ꦏꦺꦴꦮꦺ​ꦲꦺꦴꦫ​ꦥꦼꦂꦢꦸꦭꦶꦩꦠꦺꦤ꧀ꦤꦶ​ꦮꦺꦴꦁ​꧈​ꦗꦚ꧀ꦗꦶ​ꦧꦶꦱ​ꦏꦼꦠꦸꦫꦸꦠ꧀ꦠꦤ꧀ꦱꦶꦁ​ꦲꦩ꧀ꦧꦺꦴꦏ꧀ꦏꦉꦥ꧀ꦥꦏꦺ꧉​ꦤꦺꦏ꧀ꦏꦺꦴꦮꦺ​ꦮꦼꦫꦸꦃ​ꦭꦶꦪꦤꦺ​ꦤ꧀ꦢꦸꦮꦺ꧈​ꦏꦺꦴꦮꦺ​ꦠꦼꦫꦸꦱ꧀ꦩꦺꦫꦶ​꧉​ꦭꦃ​ꦤꦺꦏ꧀ꦲꦺꦴꦫ​ꦧꦶꦱ​ꦏꦼꦠꦸꦫꦸꦠ꧀ꦠꦤ꧀ꦏꦉꦥ꧀ꦥꦺ​꧈​ꦏꦸꦮꦶ​ꦠꦼꦫꦸꦱ꧀ꦩꦫꦏ꧀ꦏꦏꦺꦥꦢꦸ​ꦭꦤ꧀ꦠꦸꦏꦂꦫꦤ꧀꧈​ꦏꦺꦴꦮꦺ​ꦲꦺꦴꦫ​ꦧꦶꦱ​ꦤꦼꦩꦸ​ꦱꦶꦁ​ꦲꦩ꧀ꦧꦺꦴꦏ꧀ꦏꦼꦥꦺꦔꦶꦤ꧀ꦤꦶꦏꦸꦮꦶ​ꦗꦭꦂꦫꦤ꧀ꦏꦺꦴꦮꦺ​ꦲꦺꦴꦫ​ꦤ꧀ꦢꦺꦴꦁꦔꦚ꧀ꦗꦭꦸꦏ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ³ꦤꦺꦏ꧀ꦏꦺꦴꦮꦺ​ꦤ꧀ꦢꦺꦴꦁꦔꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦢꦸꦫꦸꦁ​ꦩꦼꦱ꧀ꦠꦶꦤꦺꦏ꧀ꦧꦏꦭ꧀ꦤꦩ꧀ꦥ​ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀ ꦗꦭꦂꦫꦤ꧀ꦏꦼꦏꦉꦥ꧀ꦥꦤ꧀ꦩꦸ​ꦲꦺꦴꦫ​ꦲꦥꦶꦏ꧀;ꦱꦶꦁ​ꦲꦩ꧀ꦧꦺꦴꦏ꧀ꦗꦭꦸꦏ꧀ꦏꦸꦮꦶ​ꦤꦩꦸꦁ​ꦲꦉꦥ꧀ꦲꦩ꧀ꦧꦺꦴꦏ꧀ꦏꦁꦒꦺꦴꦏ꧀ꦏꦏꦺꦤꦸꦫꦸꦠ꧀ꦠꦶ​ꦏꦼꦱꦼꦤꦼꦁꦔꦤ꧀ꦱꦶꦁ​ꦲꦺꦴꦫ​ꦲꦥꦶꦏ꧀꧈​ ⁴ꦥꦫ​ꦱꦼꦢꦸꦭꦸꦂ​꧈​ꦏꦺꦴꦮꦺ​ꦏꦸꦮꦶ​ꦮꦺꦴꦁ​ꦱꦶꦁ​ꦲꦺꦴꦫ​ꦏꦼꦤꦺꦁꦢꦶꦗꦒꦏ꧀ꦏꦏꦺ꧈​ꦏꦪ​ꦮꦺꦴꦁ​ꦮꦺꦢꦺꦴꦏ꧀ꦱꦶꦁ​ꦤꦶꦁꦒꦭ꧀ꦧꦺꦴꦗꦺꦴꦤꦺ​꧉​ꦲꦥ​ꦏꦺꦴꦮꦺ​ꦲꦺꦴꦫ​ꦥꦢ​ꦔꦼꦂꦠꦶ​ꦤꦺꦏ꧀ꦮꦺꦴꦁ​ꦱꦶꦁ​ꦱꦼꦤꦼꦁ​ꦒꦿꦸꦢꦸꦏ꧀ꦏꦤ꧀ꦏꦫꦺꦴ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​ꦭꦤ꧀ꦤꦸꦫꦸꦠ꧀ꦠꦶ​ꦏꦼꦱꦼꦤꦼꦔꦤ꧀ꦤꦺꦮꦺꦴꦁ​ꦱꦶꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦢꦢꦶ​ꦩꦸꦁꦱꦸꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​?ꦢꦢꦶꦤꦺ​ꦱꦥ​ꦱꦶꦁ​ꦩꦺꦭꦸꦩꦺꦭꦸ​ꦏꦫꦺꦴ​ꦱꦶꦁ​ꦢꦶꦭꦏꦺꦴꦤ꧀ꦤꦶ​ꦏꦫꦺꦴ​ꦮꦺꦴꦁ​ꦱꦶꦁ​ꦲꦺꦴꦫ​ꦥꦽꦕꦪ​ ꦢꦢꦶ​ꦩꦸꦁꦱꦸꦃꦲꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁵ꦩꦸꦭꦤꦺ​ꦲꦗ​ꦢꦶꦒꦮꦺ​ꦱꦼꦩ꧀ꦧꦿꦤ​ꦠꦼꦩ꧀ꦧꦸꦁꦔꦺ​ꦏꦶꦠꦧ꧀ꦱꦶꦁ​ꦔꦺꦴꦩꦺꦴꦁ:“ꦲꦠꦶꦤꦺ​ꦩꦤꦸꦁꦱ​ꦤꦩꦸꦁ​ꦏꦸꦢꦸ​ꦫꦸꦩꦏꦼꦠ꧀ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺ꧉​” ⁶ꦤꦁꦔꦶꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦼꦥꦺꦔꦶꦤ꧀ꦔꦼꦠꦺꦴꦏ꧀ꦏꦏꦺꦏꦮꦼꦭꦱ꧀ꦱꦤ꧀ꦤꦺ​ꦱꦶꦁ​ꦒꦼꦢꦺꦩꦫꦁ​ꦩꦤꦸꦁꦱ​꧉​ꦩꦸꦭꦤꦺ​ꦤꦁꦏꦶꦠꦧ꧀ꦪ​ꦮꦶꦱ꧀ꦏꦼꦠꦸꦭꦶꦱ꧀ꦔꦺꦤꦺ​:“ꦒꦸꦱ꧀ꦠꦶ​ꦄꦭ꧀ꦭꦃ​ꦤꦩ꧀ꦥꦶꦏ꧀ꦮꦺꦴꦁ​ꦱꦶꦁ​ꦱꦺꦴꦩ꧀ꦧꦺꦴꦁ꧈​ꦤꦁꦔꦶꦁ​ꦢꦺꦏ꧀ꦤꦺꦔꦼꦠꦺꦴꦏ꧀ꦏꦏꦺꦏꦧꦼꦕꦶꦏ꧀ꦏꦤ꧀ꦤꦺ​ꦩꦫꦁ​ꦮꦺꦴꦁ​ꦱꦶꦁ​ꦲꦤ꧀ꦢꦥ꧀ꦥꦱꦺꦴꦂ꧉​”

⁷꧋ꦩꦸꦭꦤꦺ​ꦥꦫ​ꦱꦼꦢꦸꦭꦸꦂ​꧈​ꦥꦢ​ꦩꦤꦸꦠ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦤꦁꦔꦶꦁ​ꦱꦺꦠꦤ꧀ꦏꦸꦢꦸ​ꦲꦩ꧀ꦧꦺꦴꦏ꧀ꦭꦮꦤ꧀ ꦩꦼꦱ꧀ꦠꦶꦢꦺꦏ꧀ꦤꦺꦧꦏꦭ꧀ꦲꦩ꧀​ꦧ꧀ꦭꦪꦸꦭꦸꦔ​꧉​ ⁸ꦥꦢ​ꦚꦼꦢꦼꦏ꧀ꦏꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦢꦺꦏ꧀ꦤꦺꦲꦸꦒ​ꦧꦏꦭ꧀ꦚꦼꦢꦼꦏ꧀ꦏꦶꦏꦺꦴꦮꦺ​꧉​ꦏꦺꦴꦮꦺ​ꦱꦶꦁ​ꦥꦢ​ꦔ꧀ꦭꦏꦺꦴꦤ꧀ꦤꦶ​ꦲꦭ​꧈​ꦢꦶꦭꦺꦫꦺꦤ꧀ꦤꦶ​ꦭꦏꦸꦩꦸ​ꦱꦶꦁ​ꦲꦭ​ꦏꦸꦮꦶ​꧉​ꦭꦤ꧀ꦏꦺꦴꦮꦺ​ꦱꦶꦁ​ꦲꦠꦶꦤꦺ​ꦫꦤꦫꦺꦤꦺ​꧈​ꦉꦱꦶꦏ꧀ꦏꦤ​ꦭꦤ꧀ꦤꦸꦫꦸꦠ꧀ꦠ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ⁹ꦥꦢꦤ꧀ꦭꦁꦱꦲ꧈​ꦤꦔꦶꦱ꧀ꦱꦭꦤ꧀ꦥꦢꦱꦩ꧀ꦧꦠ꧀ꦠ꧉​ꦒꦼꦒꦸꦪꦸꦩꦸꦢꦢꦶꦪꦠꦔꦶꦱ꧀ꦭꦤ꧀ꦏꦧꦸꦔꦃꦲꦤ꧀ꦩꦸꦢꦢꦶꦪꦏꦱꦸꦱꦃꦲꦤ꧀ ꦲꦮꦶꦠ꧀ꦏꦺꦴꦮꦺꦔ꧀ꦭꦏꦺꦴꦤ꧀ꦤꦶꦢꦺꦴꦱ꧉​ ¹⁰ꦕꦼꦏꦏ꧀ꦏꦺ​ꦉꦩ꧀ꦧꦸꦏ꧀ꦥꦫ​ꦱꦼꦢꦸꦭꦸꦂ​:ꦥꦢ​ꦱꦸꦗꦸꦠ꧀ꦠꦤꦁꦔꦉꦥ꧀ꦥꦺ​ꦒꦸꦱ꧀ꦠꦶ​ꦭꦤ꧀ꦢꦺꦏ꧀ꦤꦺꦧꦏꦭ꧀ꦔꦁꦏꦠ꧀ꦏꦺꦴꦮꦺ​꧉​

꧋ꦲꦗ​ꦥꦢ​ꦔꦺꦭꦺꦏ꧀ꦲꦺꦭꦺꦏ꧀ꦏꦏꦺꦭꦶꦪꦤꦺ​꧉​

¹¹꧋ꦥꦫ​ꦱꦼꦢꦸꦭꦸꦂ​꧈​ꦲꦗ​ꦥꦢ​ꦔꦺꦴꦩꦺꦴꦁꦔꦏꦺꦲꦭ​ꦧꦧ꧀ꦭꦶꦪꦤꦺ​꧉​ꦲꦮꦶꦠ꧀ꦱꦥ​ꦚꦭꦃꦚꦭꦃꦲꦏꦺꦱꦼꦢꦸꦭꦸꦂꦫꦺ​ꦢꦺꦮꦺꦏꦸꦮꦶ​ꦱꦏ꧀ꦗꦤꦺꦚꦭꦃꦚꦭꦃꦲꦏꦺꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​꧉​ꦭꦤ꧀ꦱꦥ​ꦱꦶꦁ​ꦚꦭꦃꦚꦭꦃꦲꦏꦺꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦠꦶꦧꦏꦺ​ꦲꦺꦴꦫ​ꦔ꧀ꦭꦏꦺꦴꦤ꧀ꦤꦶ​ꦮꦺꦠ꧀ꦠꦺ꧈​ꦩꦭꦃ​ꦲꦉꦥ꧀ꦔꦸꦁꦏꦸꦭ꧀ꦭꦶ​ꦮꦺꦠ꧀ꦠꦺꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦢꦢꦶ​ꦱꦶꦁ​ꦠꦸꦏꦁ​ꦔꦿꦸꦠꦸ꧉​ ¹²ꦭꦃ​ꦱꦶꦁ​ꦔ꧀ꦒꦮꦺ​ꦮꦺꦠ꧀ꦏꦸꦮꦶ​ꦱꦥ​ꦭꦤ꧀ꦱꦶꦁ​ꦔꦿꦸꦠꦸꦩꦤꦸꦁꦱ​ꦏꦸꦮꦶ​ꦱꦥ​?ꦲꦥ​ꦲꦺꦴꦫ​ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺ?ꦤꦩꦸꦁ​ꦢꦺꦏ꧀ꦤꦺꦱꦶꦁ​ꦧꦶꦱ​ꦚ꧀ꦭꦩꦼꦠ꧀ꦠꦏꦺꦭꦤ꧀ꦚꦼꦠꦿꦥ꧀ꦩꦤꦸꦁꦱ​꧉​ꦫꦸꦩꦁꦱꦩꦸ​ꦏꦺꦴꦮꦺ​ꦏꦸꦮꦶ​ꦱꦥ​ꦏꦺꦴꦏ꧀ꦮꦤꦶ​ꦚꦭꦃꦚꦭꦃꦲꦏꦺꦠꦸꦁꦒꦭ꧀ꦱꦼꦢꦸꦭꦸꦂ​꧉​

꧋ꦲꦥꦶꦏ꧀ꦏꦺ​ꦚ꧀ꦗꦒꦏ꧀ꦏꦏꦺꦒꦸꦱ꧀ꦠꦶ​ꦄꦭ꧀ꦭꦃ​꧉​

¹³꧋ꦥꦫ​ꦱꦼꦢꦸꦭꦸꦂ​꧈​ꦱꦲꦶꦏꦶ​ꦲꦏꦸ​ꦲꦉꦥ꧀​ꦤ꧀ꦢꦸꦮꦺꦲꦺꦴꦩꦺꦴꦁ​ꦩꦫꦁ​ꦥꦫ​ꦱꦼꦢꦸꦭꦸꦂ​ꦱꦶꦁ​ꦠꦸꦏꦁ​ꦢꦼꦢꦒꦁ꧉​ꦏꦺꦴꦮꦺ​ꦥꦢ​ꦱꦼꦤꦼꦁ​ꦔꦺꦴꦩꦺꦴꦁ:“ꦱꦲꦶꦏꦶ​ꦲꦥ​ꦱꦺꦱꦸꦏ꧀ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦧꦸꦢꦭ꧀ꦤꦁꦏꦸꦠꦲꦶꦏꦶ​ꦲꦥ​ꦏꦸꦠꦏꦲꦺ​ꦭꦤ꧀ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦤꦁꦏꦤ​ꦱꦼꦠꦲꦸꦤ꧀ꦱꦸꦮꦺꦤꦺ​꧉​ꦲꦮꦏ꧀ꦏꦺ​ꦢꦺꦮꦺꦲꦉꦥ꧀​ꦤ꧀ꦢꦒꦁꦭꦤ꧀​ꦔ꧀ꦒꦮꦺ​ꦧꦠꦶꦱꦶꦁ​ꦲꦺꦴꦏꦺꦃ꧉​” ¹⁴ꦭꦃ​ꦏꦺꦴꦮꦺ​ꦥꦢ​ꦮꦤꦶ​ꦔꦺꦴꦩꦺꦴꦁꦔꦺꦴꦤꦺꦴ​ꦏꦸꦮꦶ​ꦲꦥ​ꦏꦺꦴꦮꦺ​ꦔꦼꦂꦠꦶ​ꦠꦼꦤꦤ꧀ꦲꦥ​ꦱꦶꦁ​ꦧꦏꦭ꧀​ꦏ꧀ꦭꦏꦺꦴꦤ꧀ꦱꦺꦱꦸꦏ꧀?ꦲꦥ​ꦏꦺꦴꦮꦺ​ꦲꦺꦴꦫ​ꦔꦼꦂꦠꦶ​ꦤꦺꦏ꧀ꦲꦸꦫꦶꦥ꧀ꦩꦸ​ꦏꦸꦮꦶ​ꦤꦩꦸꦁ​ꦏꦪ​ꦥꦼꦢꦸꦠ꧀ꦏꦲꦺ​꧈​ꦱꦲꦶꦏꦶ​ꦠꦼꦏ​꧈​ꦩꦼꦁꦏꦺꦴ​ꦮꦶꦱ꧀ꦲꦶꦭꦁ​꧉​ ¹⁵ꦏꦺꦴꦮꦺ​ꦏꦸꦢꦸ​ꦔꦺꦴꦩꦺꦴꦁꦔꦺꦤꦺ​:“ꦤꦺꦏ꧀ꦒꦸꦱ꧀ꦠꦶ​ꦔ꧀ꦭꦶꦭꦤꦶ​ꦭꦤ꧀ꦲꦮꦏ꧀ꦏꦺ​ꦢꦺꦮꦺꦲꦶꦗꦶꦏ꧀ꦢꦶꦏꦺꦏ꧀ꦏꦶꦲꦸꦫꦶꦥ꧀ꦲꦮꦏ꧀ꦏꦺ​ꦢꦺꦮꦺꦲꦉꦥ꧀ꦔꦺꦤꦺ​ꦲꦥ​ꦔꦺꦴꦤꦺꦴ​꧉​” ¹⁶ꦤꦁꦔꦶꦁ​ꦱꦲꦶꦏꦶ​ꦏꦺꦴꦮꦺ​ꦩꦭꦃ​ꦥꦢ​ꦱꦺꦴꦩ꧀ꦧꦺꦴꦁꦭꦤ꧀ꦥꦩꦺꦂ​ꦔꦺꦴꦤꦺꦴ​꧉​ꦏꦸꦮꦶ​ꦏ꧀ꦭꦺꦫꦸ​ꦧꦔꦼꦠ꧀꧈​

¹⁷꧋ꦩꦸꦭꦤꦺ​ꦥꦫ​ꦱꦼꦢꦸꦭꦸꦂ​꧈​ꦤꦺꦏ꧀ꦏꦺꦴꦮꦺ​ꦔꦼꦂꦠꦶ​ꦲꦥ​ꦱꦶꦁ​ꦧꦼꦤꦼꦂ​ꦤꦁꦔꦶꦁ​ꦲꦺꦴꦫ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​꧈​ꦠꦶꦧꦏꦺ​ꦏꦺꦴꦮꦺ​ꦢꦺꦴꦱ​꧉​

↑ ↑ ↑

← ꧇​꧓꧇​

꧇​꧕꧇​ →