ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦪꦏꦺꦴꦧꦸꦱ꧀/1

꧋ꦥꦼꦩ꧀ꦧꦸꦏꦏ꧀ꦏꦤ꧀ꦭꦤ꧀ꦏꦧꦂꦱ꧀ꦭꦩꦼꦠ꧀꧈​

꧇​꧑꧇​

¹꧋ꦭꦪꦁꦱꦁꦏꦪꦏꦺꦴꦧꦸꦱ꧀ ꦥꦼꦭꦢꦺꦤ꧀ꦤꦺꦒꦸꦱ꧀ꦠꦶꦄꦭ꧀ꦭꦃꦭꦤ꧀ꦒꦸꦱ꧀ꦠꦶꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ꦩꦫꦁꦱꦼꦢꦸꦭꦸꦂꦱꦼꦢꦸꦭꦸꦂꦏꦿꦶꦱ꧀ꦠꦼꦤ꧀ꦱꦁꦏꦧꦁꦱꦙꦸꦱꦶꦁꦥꦼꦚ꧀ꦕꦂꦤꦁꦱꦏ꧀ꦭꦸꦩꦃꦲꦺꦗꦒꦠ꧀꧈​ꦏꦧꦂꦱ꧀ꦭꦩꦼꦠ꧀ꦩꦫꦁꦏꦺꦴꦮꦺꦏꦧꦺꦃ꧉​

꧋ꦧꦧ꧀ꦥꦼꦔꦤ꧀ꦢꦼꦭ꧀ꦱꦶꦁꦩꦤ꧀ꦠꦼꦥ꧀ꦭꦤ꧀ꦏꦮꦼꦫꦸꦃ꧉​

^2-3꧋ꦥꦫ​ꦱꦼꦢꦸꦭꦸꦂ​꧈​ꦥꦢ​ꦧꦸꦔꦃꦲ​ꦤꦺꦏ꧀ꦏꦺꦴꦮꦺ​ꦏꦠꦼꦏꦤ꧀ꦮꦼꦂꦤꦮꦼꦂꦤ​ꦏꦔꦺꦭ꧀ꦭꦤ꧀꧈​ꦏꦸꦮꦶ​ꦤꦩꦸꦁ​ꦏꦁꦒꦺꦴ​ꦚ꧀ꦗꦗꦭ꧀ꦥꦼꦔꦤ꧀ꦢꦼꦭ꧀ꦩꦸ​꧉​ꦤꦺꦏ꧀ꦏꦺꦴꦮꦺ​ꦠꦼꦩꦼꦤ꧀ꦠꦼꦫꦸꦱ꧀ꦲꦶꦁ​ꦱꦏ꧀ꦗꦼꦫꦺꦴꦤꦺꦏꦔꦺꦭ꧀ꦭꦤ꧀ ꦥꦼꦔꦤ꧀ꦢꦼꦭ꧀ꦩꦸ​ꦧꦏꦭ꧀ꦠꦩ꧀ꦧꦃ​ꦩꦤ꧀ꦠꦼꦥ꧀꧈​ ⁴ꦏꦸꦮꦶ​ꦱꦶꦁ​ꦏꦸꦢꦸ​ꦲꦩ꧀ꦧꦺꦴꦏ꧀ꦒꦺꦴꦭꦺꦏ꧀ꦏꦶ;ꦥꦼꦔꦤ꧀ꦢꦼꦭ꧀ꦩꦸ​ꦏꦸꦢꦸ​ꦩꦤ꧀ꦠꦼꦥ꧀ꦭꦤ꧀ꦩꦠꦼꦁ​ꦭꦤ꧀ꦲꦺꦴꦫ​ꦲꦺꦤꦺꦁꦏꦸꦫꦁꦔꦺꦲꦥꦲꦥ​꧉​ ⁵ꦥꦫ​ꦱꦼꦢꦸꦭꦸꦂ​꧈​ꦤꦺꦏ꧀ꦤꦁꦠꦼꦔꦃꦩꦸ​ꦲꦺꦤꦺꦁꦱꦼꦢꦸꦭꦸꦂ​ꦫꦸꦩꦁꦱ​ꦏꦸꦫꦁ​ꦏꦮꦼꦫꦸꦃ꧈​ꦤ꧀ꦢꦼꦢꦺꦴꦔꦲ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​;ꦢꦺꦏ꧀ꦤꦺꦧꦏꦭ꧀ꦔꦼꦏꦺꦏ꧀ꦏꦶꦩꦫꦁ​ꦱꦥ​ꦮꦲꦺ​ꦠꦤ꧀ꦥ​ꦩꦲꦶꦢꦺꦴ​꧉​ ⁶ꦤꦁꦔꦶꦁ​ꦤꦺꦏ꧀ꦏꦺꦴꦮꦺ​ꦤ꧀ꦢꦺꦴꦁꦔ꧈​ꦏꦺꦴꦮꦺ​ꦏꦸꦢꦸ​ꦥꦽꦕꦪ​ꦤꦺꦏ꧀ꦢꦺꦏ꧀ꦤꦺꦧꦏꦭ꧀ꦔꦼꦏꦺꦏ꧀ꦏꦶ꧉​ꦲꦗ​ꦩꦔꦸꦩꦔꦸ​꧉​ꦮꦺꦴꦁ​ꦱꦶꦁ​ꦩꦔꦸꦩꦔꦸ​ꦏꦸꦮꦶ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦲꦺꦴꦩ꧀ꦧꦏ꧀ꦏꦺ​ꦭꦫꦏꦲꦺ​ꦱꦶꦁ​ꦫꦤꦫꦺꦤꦺ​ꦏꦼꦠꦼꦫꦏ꧀ꦲꦔꦶꦤ꧀꧈​ ^7-8ꦮꦺꦴꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦲꦗ​ꦚ꧀ꦗꦒꦏ꧀ꦏꦏꦺꦤꦺꦏ꧀ꦧꦏꦭ꧀ꦤꦩ꧀ꦥ​ꦲꦥꦲꦥ​ꦱꦁꦏꦒꦸꦱ꧀ꦠꦶ​꧈​ꦲꦮꦶꦠ꧀ꦲꦠꦶꦤꦺ​ꦩꦁꦒꦩꦫꦭꦤ꧀ꦲꦺꦴꦫ​ꦩꦤ꧀ꦠꦼꦥ꧀ꦏꦼꦏꦉꦥ꧀ꦥꦤ꧀ꦤꦺ​ꦲꦶꦁ​ꦠꦶꦤ꧀ꦢꦏ꧀ꦲꦥ​ꦮꦲꦺ​꧉​

꧋ꦱꦶꦁ​ꦩ꧀ꦭꦫꦠ꧀ꦭꦤ꧀ꦱꦶꦁ​ꦱꦸꦒꦶꦃ​꧉​

⁹꧋ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦭꦤ꧀ꦢꦢꦶ​ꦮꦺꦴꦁ​ꦕꦶꦭꦶꦏ꧀ꦲꦶꦁ​ꦢꦺꦴꦚ​ꦏꦺꦤꦺ​꧈​ꦥꦢ​ꦧꦸꦔꦃꦲ​!ꦲꦶꦁ​ꦩꦿꦶꦥꦠ꧀ꦠꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦺꦴꦮꦺ​ꦮꦺꦴꦁ​ꦒꦼꦢꦺ꧉​ ^10-11ꦤꦁꦔꦶꦁ​ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦱꦸꦒꦶꦃ​꧈​ꦥꦢ​ꦧꦸꦔꦃꦲ​ꦤꦺꦏ꧀ꦢꦶꦢꦢꦺꦏ꧀ꦏꦏꦺꦮꦺꦴꦁ​ꦕꦶꦭꦶꦏ꧀ꦲꦶꦁ​ꦢꦺꦴꦚ​ꦏꦺꦤꦺ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦲꦮꦶꦠ꧀ꦮꦺꦴꦁ​ꦱꦸꦒꦶꦃ​ꦪ​ꦧꦏꦭ꧀ꦩꦠꦶ​ꦲꦸꦒ​꧉​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦏꦼꦩ꧀ꦧꦁꦔꦺ​ꦱꦸꦏꦼꦠ꧀ꦏꦲꦺ​:ꦤꦺꦏ꧀ꦱꦽꦔꦺꦔꦺ​ꦱꦼꦩ꧀ꦭꦺꦴꦫꦺꦴꦠ꧀ꦭꦤ꧀ꦥꦤꦱ꧀ꦱꦺ​ꦠꦼꦏ​꧈​ꦱꦸꦏꦼꦠ꧀ꦠꦺ​ꦠꦼꦫꦸꦱ꧀ꦲꦭꦸꦩ꧀ꦭꦤ꧀ꦏꦼꦩ꧀ꦧꦁꦔꦺ​ꦠꦼꦫꦸꦱ꧀ꦒꦺꦴꦒꦿꦺꦴꦏ꧀ ꦲꦶꦭꦁ​ꦲꦥꦶꦏ꧀ꦏꦺ​꧉​ꦏꦪ​ꦔꦺꦴꦤꦺꦴ​ꦏꦸꦮꦶ​ꦊꦭꦏꦺꦴꦤꦺ​ꦮꦺꦴꦁ​ꦱꦸꦒꦶꦃ​:ꦲꦶꦁ​ꦱꦏ꧀ꦗꦼꦫꦺꦴꦤꦺꦩꦼꦩ꧀ꦥꦼꦁ​ꦔꦸꦤ꧀ꦢꦏ꧀ꦏꦏꦺꦏꦱꦸꦒꦶꦃꦲꦤ꧀ꦤꦺ​ꦢꦺꦏ꧀ꦤꦺꦧꦏꦭ꧀ꦩꦠꦶ​꧉​

꧋ꦧꦧ꧀ꦥꦁꦒꦺꦴꦢ꧉​

¹²꧋ꦧꦼꦗꦱꦼꦢꦸꦭꦸꦂ​ꦱꦶꦁ​ꦩꦤ꧀ꦠꦼꦥ꧀ꦥꦼꦔꦤ꧀ꦢꦼꦭ꧀ꦭꦺ​ꦲꦶꦁ​ꦱꦏ꧀ꦗꦼꦫꦺꦴꦤꦺꦥꦁꦒꦺꦴꦢ꧉​ꦲꦩ꧀ꦧꦺꦱꦸꦏ꧀ꦢꦺꦏ꧀ꦤꦺꦩꦼꦱ꧀ꦠꦶꦧꦏꦭ꧀ꦤꦩ꧀ꦥ​ꦲꦸꦥꦃꦲꦺ;ꦏꦸꦮꦶ​ꦠꦤ꧀ꦢꦏꦩꦼꦤꦁꦔꦤ꧀ꦱꦶꦁ​ꦮꦶꦱ꧀ꦢꦶꦗꦚ꧀ꦗꦶꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦏꦧꦺꦃ​ꦮꦺꦴꦁ​ꦱꦶꦁ​ꦠꦿꦺꦱ꧀ꦤꦩꦫꦁ​ꦢꦺꦏ꧀ꦤꦺ꧉​ꦠꦤ꧀ꦢꦏꦩꦼꦤꦁꦔꦤ꧀ꦏꦸꦮꦶ​ꦲꦸꦫꦶꦥ꧀ꦭꦁꦒꦼꦁ​꧉​ ¹³ꦤꦺꦏ꧀ꦲꦺꦤꦺꦁꦱꦼꦢꦸꦭꦸꦂ​ꦏꦼꦤꦺꦁꦥꦁꦒꦺꦴꦢ꧈​ꦱꦼꦢꦸꦭꦸꦂ​ꦏꦸꦮꦶ​ꦲꦺꦴꦫ​ꦏꦼꦤꦺꦁꦔꦺꦴꦩꦺꦴꦁꦤꦺꦏ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦔ꧀ꦒꦺꦴꦢꦢꦺꦏ꧀ꦤꦺ꧈​ꦲꦮꦶꦠ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦲꦺꦴꦫ​ꦏꦼꦤꦺꦁꦢꦶꦒꦺꦴꦢꦏꦫꦺꦴ​ꦲꦭ​ꦭꦤ꧀ꦒꦸꦱ꧀ꦠꦶ​ꦄꦭ꧀ꦭꦃ​ꦢꦺꦮꦺꦪ​ꦲꦺꦴꦫ​ꦩꦫꦏ꧀ꦏꦏꦺꦮꦺꦴꦁ​ꦢꦶꦒꦺꦴꦢꦏꦫꦺꦴ​ꦲꦭ​꧉​ ¹⁴ꦤꦁꦔꦶꦁ​ꦥꦼꦥꦺꦔꦶꦤ꧀ꦩꦸꦢꦺꦮꦺꦱꦶꦁ​ꦲꦭ​ꦏꦸꦮꦶ​꧈​ꦏꦸꦮꦶ​ꦱꦶꦁ​ꦤꦫꦶꦏ꧀ꦏꦺꦴꦮꦺ​ꦲꦶꦁ​ꦥꦁꦒꦺꦴꦢ꧉​ ¹⁵ꦪ​ꦥꦼꦥꦺꦔꦶꦤ꧀ꦩꦸꦱꦶꦁ​ꦲꦭ​ꦏꦸꦮꦶ​ꦤꦺꦏ꧀ꦢꦶꦠꦸꦫꦸꦠ꧀ꦠꦶ​ꦩꦫꦏ꧀ꦏꦏꦺꦏꦺꦴꦮꦺ​ꦔ꧀ꦭꦏꦺꦴꦤ꧀ꦤꦶ​ꦢꦺꦴꦱ​ꦭꦤ꧀ꦢꦺꦴꦱ​ꦏꦸꦮꦶ​ꦤꦺꦏ꧀ꦢꦶꦠꦼꦫꦸꦱ꧀ꦱꦏꦺꦔꦼꦏꦏ꧀ꦏꦺꦥꦠꦶ​꧉​

¹⁶꧋ꦥꦫ​ꦱꦼꦢꦸꦭꦸꦂ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧈​ꦲꦗ​ꦱꦩ꧀ꦥꦺꦏ꧀ꦥꦢ​ꦏ꧀ꦭꦺꦫꦸ​ꦔꦺꦴꦤꦺꦴ​꧈​ꦢꦸꦢꦸ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦤꦼꦏꦏ꧀ꦏꦏꦺꦥꦁꦒꦺꦴꦢ꧉​ ¹⁷ꦤꦩꦸꦁ​ꦱꦼꦩ꧀ꦧꦫꦁ​ꦱꦶꦁ​ꦲꦥꦶꦏ꧀ꦭꦤ꧀ꦱꦶꦁ​ꦱꦩ꧀ꦥꦸꦂꦤ​ꦠꦼꦏꦤꦺ​ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​ꦤꦁꦱ꧀ꦮꦂꦒ​꧉​ꦢꦺꦏ꧀ꦤꦺꦱꦶꦁ​ꦔ꧀ꦒꦮꦺ​ꦱꦏ꧀ꦲꦺꦤꦺꦁꦔꦺꦥꦼꦥꦢꦁꦤꦁꦭꦔꦶꦠ꧀ꦭꦤ꧀ꦢꦺꦏ꧀ꦤꦺꦥꦢꦁꦱꦏ꧀ꦏꦧꦺꦃꦲꦺ꧈​ꦲꦺꦴꦫ​ꦲꦺꦤꦺꦁꦥꦼꦠꦼꦁꦔꦺ​ꦧ꧀ꦭꦱ꧀꧈​ ¹⁸ꦒꦸꦱ꧀ꦠꦶ​ꦄꦭ꧀ꦭꦃ​ꦔꦼꦏꦺꦏ꧀ꦏꦶꦲꦸꦫꦶꦥ꧀ꦲꦚꦂ​ꦩꦫꦁ​ꦲꦮꦏ꧀ꦏꦺ​ꦢꦺꦮꦺꦭꦤ꧀ꦠꦂꦫꦤ꧀ꦥꦶꦠꦸꦠꦸꦂ​ꦱꦶꦁ​ꦧꦼꦤꦼꦂ​ꦱꦶꦁ​ꦢꦶꦏꦧꦂꦫꦏꦺꦩꦫꦁ​ꦲꦮꦏ꧀ꦏꦺ​ꦢꦺꦮꦺ꧉​ꦏꦸꦮꦶ​ꦥꦚ꧀ꦕꦺꦤ꧀ꦮꦶꦱ꧀ꦢꦢꦶ​ꦏꦼꦏꦉꦥ꧀ꦥꦤ꧀ꦤꦺ​ꦢꦺꦏ꧀ꦤꦺ꧉​ꦢꦢꦶꦤꦺ​ꦲꦮꦏ꧀ꦏꦺ​ꦢꦺꦮꦺꦢꦢꦶ​ꦏꦪ​ꦲꦤꦏ꧀ꦲꦤꦏ꧀ꦱꦶꦁ​ꦤ꧀ꦢꦶꦱꦶꦏ꧀ꦢꦺꦮꦺꦲꦶꦁ​ꦧꦿꦪꦠ꧀ꦠꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

꧋ꦔꦿꦸꦔꦺꦴꦏ꧀ꦏꦏꦺꦭꦤ꧀​ꦔ꧀ꦭꦏꦺꦴꦤ꧀ꦤꦶ​꧉​

¹⁹꧋ꦥꦫ​ꦱꦼꦢꦸꦭꦸꦂ​ꦱꦶꦁ​ꦠꦏ꧀ꦠꦿꦺꦱ꧀ꦤꦤ꧀ꦤꦶ꧈​ꦥꦢ​ꦔꦼꦂꦠꦶꦪ​!ꦱꦧꦼꦤ꧀ꦮꦺꦴꦁ​ꦏꦸꦢꦸ​ꦕꦼꦥꦼꦠ꧀ꦤꦺꦏ꧀ꦔꦿꦸꦔꦺꦴꦏ꧀ꦏꦏꦺ꧈​ꦤꦁꦔꦶꦁ​ꦲꦭꦺꦴꦤ꧀ꦲꦭꦺꦴꦤ꧀ꦤꦺꦏ꧀ꦲꦉꦥ꧀ꦔꦺꦴꦩꦺꦴꦁꦲꦥ​ꦤꦼꦱꦸ​꧉​ ²⁰ꦏꦼꦤꦺꦁꦲꦥ​ꦲꦏꦸ​ꦏꦺꦴꦏ꧀ꦔꦺꦴꦩꦺꦴꦁꦔꦺꦴꦤꦺꦴ​?ꦲꦮꦶꦠ꧀ꦮꦺꦴꦁ​ꦱꦶꦁ​ꦒꦩ꧀ꦥꦁ​ꦤꦼꦱꦸ​ꦏꦸꦮꦶ​ꦲꦺꦴꦫ​ꦧꦶꦱ​ꦤꦸꦫꦸꦠ꧀ꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ ²¹ꦩꦸꦭꦤꦺ​꧈​ꦥꦫ​ꦱꦼꦢꦸꦭꦸꦂ​꧈​ꦱꦼꦩ꧀ꦧꦫꦁ​ꦲꦶꦁ​ꦲꦸꦫꦶꦥ꧀ꦩꦸ​ꦱꦶꦁ​ꦲꦺꦴꦫ​ꦥꦤ꧀ꦠꦼꦱ꧀ꦭꦤ꧀ꦱꦏ꧀ꦮꦼꦂꦤꦤꦺ​ꦏ꧀ꦭꦏꦸꦮꦤ꧀ꦱꦶꦁ​ꦲꦺꦴꦫ​ꦲꦥꦶꦏ꧀ꦧꦸꦮꦁꦔꦼꦤ꧀ꦏꦧꦺꦃ​꧉​ꦱꦲꦶꦏꦶ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​꧈​ꦱꦶꦁ​ꦮꦶꦱ꧀ꦢꦶꦢꦼꦢꦼꦂꦲꦶꦁ​ꦲꦠꦶꦩꦸ​꧈​ꦢꦶꦒꦠꦺꦏ꧀ꦏꦏꦺꦔꦁꦒꦺꦴ​ꦲꦤ꧀ꦢꦥ꧀ꦥꦱꦺꦴꦂ꧈​ꦲꦮꦶꦠ꧀ꦥꦶꦠꦸꦠꦸꦂ​ꦏꦸꦮꦶ​ꦱꦶꦁ​ꦧꦶꦱ​ꦚ꧀ꦭꦩꦼꦠ꧀ꦠꦏꦺꦚꦮꦩꦸ​ꦏꦧꦺꦃ​꧉​

²²꧋ꦤꦁꦔꦶꦁ​ꦲꦗ​ꦤꦩꦸꦁ​ꦢꦶꦫꦸꦔꦺꦴꦏ꧀ꦏꦏꦺꦮꦲꦺ​꧈​ꦥꦶꦠꦸꦠꦸꦂ​ꦏꦸꦮꦶ​ꦏꦸꦢꦸ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​ꦠꦼꦤꦤ꧀꧈​ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦔꦿꦸꦔꦺꦴꦏ꧀ꦏꦏꦺ꧈​ꦠꦶꦧꦏꦺ​ꦏꦺꦴꦮꦺ​ꦔꦥꦸꦱ꧀ꦱꦶ​ꦲꦮꦏ꧀ꦩꦸ​ꦢꦺꦮꦺ꧉​ ²³ꦲꦮꦶꦠ꧀ꦤꦺꦏ꧀ꦏꦺꦴꦮꦺ​ꦤꦩꦸꦁ​ꦔꦿꦸꦔꦺꦴꦏ꧀ꦏꦏꦺ꧈​ꦤꦁꦔꦶꦁ​ꦲꦺꦴꦫ​ꦲꦩ꧀ꦧꦺꦴꦏ꧀ꦭꦏꦺꦴꦤ꧀ꦤꦶ​꧈​ꦏꦺꦴꦮꦺ​ꦏꦼꦤꦺꦁꦢꦶꦥꦢꦏ꧀ꦏꦏꦺꦏꦫꦺꦴ​ꦮꦺꦴꦁ​ꦱꦶꦁ​ꦔꦢꦼꦏ꧀ꦤꦁꦔꦉꦥ꧀ꦥꦼꦔꦶꦭꦺꦴꦤ꧀ꦏꦲꦺ​ꦭꦤ꧀ꦮꦼꦫꦸꦃ​ꦫꦸꦥꦤꦺ​ꦢꦺꦮꦺ꧉​ ²⁴ꦤꦁꦔꦶꦁ​ꦤꦺꦏ꧀ꦮꦶꦱ꧀ꦭꦸꦔ​ꦱꦁꦏꦏꦺꦴꦤꦺꦴ​ꦮꦺꦴꦁꦔꦺ​ꦭꦭꦶ​ꦩꦼꦤꦺꦃ​ꦫꦸꦥꦤꦺ​ꦏꦪ​ꦔꦥ​꧉​ ²⁵ꦤꦁꦔꦶꦁ​ꦱꦥ​ꦱꦶꦁ​ꦔ꧀ꦒꦠꦺꦏ꧀ꦏꦏꦺꦩꦫꦁ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀​ꦔ꧀ꦭꦏꦺꦴꦤ꧀ꦤꦶ​ꦏꦤ꧀ꦠꦶꦠꦼꦩꦼꦤ꧀ ꦠꦼꦒꦼꦱ꧀ꦱꦺ​ꦲꦺꦴꦫ​ꦤꦩꦸꦁ​ꦔꦿꦸꦔꦺꦴꦏ꧀ꦏꦏꦺꦮꦲꦺ​꧈​ꦒꦸꦱ꧀ꦠꦶ​ꦄꦭ꧀ꦭꦃ​ꦩꦼꦱ꧀ꦠꦶꦧꦏꦭ꧀ꦲꦩ꧀ꦧꦼꦂꦏꦃꦲꦶ​ꦮꦺꦴꦁ​ꦏꦸꦮꦶ​ꦲꦶꦁ​ꦠꦤ꧀ꦢꦁꦒꦮꦺꦲꦥ​ꦮꦲꦺ​꧈​ꦲꦮꦶꦠ꧀ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦏꦸꦮꦶ​ꦱꦩ꧀ꦥꦸꦂꦤ​ꦭꦤ꧀​ꦔ꧀ꦭꦸꦮꦂꦫꦶ​ꦩꦤꦸꦁꦱ​ꦱꦁꦏꦲꦸꦫꦶꦥ꧀ꦱꦶꦁ​ꦲꦭ​꧉​

²⁶꧋ꦤꦺꦏ꧀ꦤꦁꦠꦼꦔꦃꦩꦸ​ꦲꦺꦤꦺꦁꦱꦼꦢꦸꦭꦸꦂ​ꦱꦶꦁ​ꦫꦸꦩꦁꦱ​ꦤꦸꦫꦸꦠ꧀ꦒꦸꦱ꧀ꦠꦶ​ꦠꦼꦤꦤ꧀ ꦤꦁꦔꦶꦁ​ꦮꦸꦗꦸꦠ꧀ꦠꦺꦏꦭꦃ​ꦏꦫꦺꦴ​ꦲꦶꦭꦠ꧀ꦠꦺ​꧈​ꦱꦼꦢꦸꦭꦸꦂ​ꦏꦸꦮꦶ​ꦔꦥꦸꦱ꧀ꦱꦶ​ꦲꦮꦏ꧀ꦏꦺ​ꦢꦺꦏ꧀ꦤꦺꦢꦺꦮꦺꦭꦤ꧀ꦲꦼꦁꦒꦺꦴꦤꦺ​ꦤꦸꦫꦸꦠ꧀ꦒꦸꦱ꧀ꦠꦶ​ꦲꦺꦴꦫ​ꦲꦺꦤꦺꦁꦒꦸꦤꦤꦺ​꧉​ ²⁷ꦭꦃ​ꦱꦼꦢꦸꦭꦸꦂ​ꦱꦶꦁ​ꦢꦶꦲꦫꦤ꧀ꦤꦶ​ꦤꦸꦫꦸꦠ꧀ꦒꦸꦱ꧀ꦠꦶ​ꦱꦶꦁ​ꦠꦼꦩꦼꦤ꧀ꦤꦤ꧀ꦭꦤ꧀ꦱꦶꦁ​ꦢꦶꦲꦁꦒꦼꦥ꧀ꦠꦸꦱ꧀ꦥꦼꦔꦤ꧀ꦢꦼꦭ꧀ꦭꦺ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺꦲꦮꦏ꧀ꦏꦺ​ꦢꦺꦮꦺ꧈​ꦏꦸꦮꦶ​ꦱꦼꦢꦸꦭꦸꦂ​ꦱꦶꦁ​ꦏꦪ​ꦔꦥ​?ꦪꦏꦸꦮꦶ​ꦱꦼꦢꦸꦭꦸꦂ​ꦱꦶꦁ​ꦤꦸꦭꦸꦁꦔꦶ​ꦧꦺꦴꦕꦃ​ꦱꦶꦁ​ꦲꦺꦴꦫ​ꦤ꧀ꦢꦸꦮꦺꦮꦺꦴꦁ​ꦠꦸꦮ​ꦭꦤ꧀ꦲꦸꦒ​ꦱꦼꦢꦸꦭꦸꦂ​ꦱꦶꦁ​ꦤꦸꦭꦸꦁꦔꦶ​ꦫꦤ꧀ꦢꦫꦤ꧀ꦢꦲꦶꦁ​ꦏꦔꦺꦭ꧀ꦭꦤ꧀ꦤꦺ​꧉​ꦱꦼꦢꦸꦭꦸꦂ​ꦱꦶꦁ​ꦢꦶꦲꦫꦤ꧀ꦤꦶ​ꦠꦸꦱ꧀ꦥꦼꦔꦤ꧀ꦢꦼꦭ꧀ꦭꦺ​ꦏꦸꦮꦶ​ꦱꦼꦢꦸꦭꦸꦂ​ꦱꦶꦁ​ꦔꦠꦶꦲꦠꦶ​ꦲꦸꦫꦶꦥ꧀ꦥꦺ꧈​ꦱꦸꦥꦪ​ꦲꦺꦴꦫ​ꦏꦼꦤꦺꦁꦉꦒꦼꦠ꧀ꦠꦺꦢꦺꦴꦚ​꧉​

↑ ↑ ↑

꧇​꧒꧇​ →