Yésus Panguculan/Pitutur lan tumindaké Yésus

by Willem de Vink - Surinaams Bijbelgenootschap

Mujijat ing Kana

[ 9 ] [Ing Kana, sakwijiné panggonan nang Galiléa, ènèng wong nduwé gawé kemantènan.] [Gusti Yésus, uga nang kono karo ibuné lan kantyané siji loro.]

[ 10 ] [Nanging ing tengahé wengi...] [Wong 1:] Wah, tyilaka angguré wis entèk. [Wong 2:] Tindakké apa kongkonané Gusti Yésus [Yésus:] Gendi-gendi gedé kuwi pada dikebeki banyu. Terus njikuk setitik lan dikèkké pengarepé sinoman dikongkon ngityipi. [Wong 3:] ? [Wong 3:] Banyu? Lah iki anggur sing énak banget! [Wong 3:] Ityipi ta! Lah iki anggur sing énak banget mbok suguhké kèri. [Wong 4:] Kepriyé kok bisa ya? Kemantènan sing kaya ngéné ijik pisan iki aku ngalami. Banyu kok dadi anggur sing énak banget [Wong 5:] Iku penggawéané Yésus sing sangka Nasarèt. [Wong 6:] Wong apa iku ya?

Nyeluk Pétrus lan duluré

[ 11 ] [Kapernakum iku Panggonané wong nggolèk iwak sing subur baget nang pinggiré mér Galiléa. Nang kono Gusti Yésus miwiti ngomongké bab kratoné Gusti Allah.] [Nang kono Dèkné uga miji murid-muridé sing sepisanan.] [Yésus:] Pétrus hayuk mentengah nang banyu sing jeruh. Lan diuntyalké jalamu. [Pétrus:] Gusti, sewengi muput awaké déwé sing nggolèk iwak nang kono, tanpa éntuk apa-apa. [Pétrus:] Nanging nèk kowé sing ngongkon ya tak tandangi. [Pétrus:] Waduh, aku ora pretyaya iki!

[ 12 ] [Pétrus:] Jakobus, Johannes mréné aku tulungi iwaké okèh banget. [Pétrus:] Aja nyedak aku Gusti awit aku wong dosa. [Yésus:] Aja wedi Pétrus, wiwit saiki kowé tak dadekké dadi tukang nggolèk wong [Yésus:] Hayuk, kowé kabèh bakal tak dadèkké tukang nggolèk wong [Yésus:] Ditutké Aku

Piwulangé Yésus

[ 13 ] [Yesus budal karo muridmuride ing bawah Galilea. Dekne nggabarke kratone Allah. Dekne nambani sakwernane lelara lan nundungi seta-sa-eta dikon lunga. Wong-wong-wong pada nggumun lan pada ngetutke. Pada teka sangka desa-desa liya lan sangka Yerusalem, kutane Israel. Pada ora gelem pisah karo Gusti.] [Yésus:] Nampa berkah sing pada miskin. Iku sing nduweni kratone Gusti Allah. [Yésus:] Nampa berkah sing pada ngelih. Bakal nampa kesampen. [Yésus:] Nampa berkah sing pada tangisan. Kuwi sing bakale ngguyu. [Yésus:] Nampa berkah yen kowe disengit lan diasorke awit kowe duwekku. Pada bungaha, awit kowe bakal nampa bayaranmu nang swarga.

[ 14 ] [Yésus:] Wong-wong pada diajèni kaya sing kowé kepéngin diajèni wong liya. [Yésus:] Trénaa marang satrumu lan pada didongakké. [Yésus:] Nèk nggawé kabetyikan aja digawé pamèran. [Yésus:] Sapa ndeleng wong wadon karo nduwé pikiran arep nyenengi wong wadon iku, ing atiné wis laku bédang. [Yésus:] Mripat kuwi dimaré awak, nèk mripaté bening awaké sakkujur nampa pepadang. Nèk mripaté buret, awaké ya nang pepeteng. [Yésus:] Ora ènèng wong bisa ngladèni mandor loro. Tegesé, kowé ngladèni Gusti apa duwit. [Yésus:] Aja sumelang bab dinané sésuk, pada nggolèki kratoné Gusti Allah, kowé bakal nampa apa sing mbok butuhké. [Yésus:] Tindakna pituturku, kowé dadi kaya wong sing ngedekné omah nang watu atos. Nèk kowé ora gelem nindakké, kowé kaya wong sing nggawé omah nang lemah santi.