ꦱꦼꦫꦠ꧀ꦢꦩꦂꦮꦸꦭꦤ꧀

Pupuh 1-13

[ f.1r ]

ꦥ꧈​ꦲꦏ꧀ꦱꦫꦧꦔꦼꦠ꧀ꦩꦩꦫꦸ꧈​ꦠꦤ꧀ꦢꦸꦏ꧀ꦏꦶꦥꦸꦤ꧀ꦠꦤ꧀ꦥꦕꦫ​
꧄ꦱꦸꦫꦸꦥ꧀ꦥꦺꦥꦿꦠꦁꦒꦥꦠꦶ꧈​ꦱꦁꦪꦁꦭꦠꦿꦶꦏꦥꦒꦸꦠꦤ꧀‌​ꦒꦩ꧀ꦧꦸꦫꦲꦶꦩꦲꦶꦩꦤꦺ꧈​ꦒꦤ꧀ꦠꦶꦠꦸꦒꦁꦲꦶꦁꦔꦕꦭ꧈​ꦒꦩ꧀ꦧꦸꦫꦩꦫꦁꦩꦺꦒ꧈​ꦠꦼꦒꦼꦱ꧀ꦱꦺꦲꦶꦏꦁꦒꦤ꧀ꦝꦤꦸ꧈​ꦪꦺꦤ꧀ꦤꦸꦮꦁꦩꦫꦁ

[ f.1v ]

꧁ꦲꦱ꧀ꦩꦫꦤ꧀ꦢꦤ꧂

꧄ꦤꦠ꧀ꦏꦭꦮꦶꦮꦶꦠ꧀ꦠꦶꦤꦸꦭꦶꦱ꧀ ꦲꦺꦤ꧀ꦗꦁꦣꦶꦤ꧀ꦠꦼꦤ꧀ꦤꦺꦗꦸꦩꦲꦠ꧀ ꦥꦶꦱꦁꦔꦲꦶꦏꦸꦠꦁꦒꦭ꧀ꦭꦺ꧈ꦲꦶꦁꦱꦱꦶꦲꦸꦫꦧ꧀ꦧꦶꦲꦮꦭ꧀ ꦩꦤꦶꦱ꧀​ꦫꦁꦏꦼꦥ꧀ꦥꦶꦁꦝꦶꦤ꧈ꦲꦤ꧀ꦠꦸꦏ꧀ꦏꦶꦁꦮꦺꦴꦁꦱꦶꦱꦶꦤꦲꦸ꧈ꦲꦠꦼꦩ꧀ꦧꦁꦲꦱ꧀ꦩꦫꦤ꧀ꦢꦤ꧈
꧄ꦱꦒꦸꦁꦲꦶꦁꦏꦁꦩꦲꦺꦴꦱ꧀ꦠꦸꦭꦶꦱ꧀ ꦢꦺꦤ꧀ꦤꦒꦸꦁꦱꦥꦸꦤ꧀ꦠꦼꦤ꧀ꦢꦶꦏ꧈ꦲꦏ꧀ꦱꦫꦏꦶꦫꦁꦠꦤ꧀ꦢꦸꦏ꧀ꦏꦺ꧈ꦲꦏ꧀ꦱꦫꦩꦩꦣꦫꦸꦥ꧈ꦪꦺꦤ꧀ꦏꦶꦫꦁꦮꦸꦮꦸꦃꦲꦤ꧈ꦢꦺꦤ꧀ꦤꦼꦭꦺꦴꦁꦔꦭꦩꦺꦴꦤ꧀ꦭꦁꦏꦸꦁ꧈ꦏꦸꦩꦮꦶꦥꦏ꧀ꦱꦧꦸꦩꦶꦱ꧈
꧄ꦏꦥꦏ꧀ꦱꦣꦶꦏꦺꦴꦤ꧀ꦤꦸꦤꦸꦭꦶꦱ꧀ ꦲꦤꦸꦠ꧀ꦥꦫꦺꦤ꧀ꦠꦃꦲꦶꦁꦠꦸꦮꦁ꧈ꦏꦶꦤꦺꦤ꧀ꦚꦫꦶꦠꦏꦼꦤ꧀ꦩꦁꦏꦺꦴ꧈ ꦏꦤ꧀ꦝꦃꦲꦶꦁꦣꦸꦏ꧀ꦠꦠꦧꦸꦣ꧈ ꦲꦭꦩ꧀ꦩꦶꦁꦠꦤꦃꦗꦮ꧈ ꦏꦫꦸꦕꦶꦭ꧀ꦲꦶꦁꦗꦼꦗꦼꦂꦫꦶꦥꦸꦤ꧀ ꦏꦢꦾꦪꦁꦪꦁꦩꦸꦁꦒꦺꦁꦱꦼꦫꦠ꧀
꧄ꦱꦁꦤꦠꦲꦒꦸꦁꦒꦶꦤꦸꦥꦶꦠ꧀ ꦗꦼꦤꦼꦁꦮꦶꦗ꧈ꦲꦶꦁꦩꦗꦥꦲꦶꦠ꧀ꦏꦶꦛꦤꦺ꧈ꦲꦶꦁꦏꦁꦏꦶꦤꦂꦪꦮꦶꦮꦶꦠꦤ꧀ ꦱꦁꦤꦧꦿꦮꦶꦗꦪ꧈ꦏꦭꦗꦼꦤꦼꦁꦔꦶꦥꦸꦤ꧀ꦤꦿꦠꦸ꧈ꦧꦿꦮꦶꦗꦪꦠꦤ꧀ꦥꦱꦩ꧈

[ f.2r ]

꧄ꦱꦸꦪꦸꦣ꧀ꦱꦏꦺꦃꦲꦶꦁꦤꦒꦫꦶꦲꦶꦁꦗꦮꦭꦤ꧀ꦠꦤꦃꦱꦧꦿꦁ꧈ꦲꦠꦸꦂꦲꦸꦥꦼꦠꦶꦱꦁꦏꦠꦺꦴꦁ꧈ ꦏꦮꦂꦤꦲꦱꦩ꧀ꦥꦸꦤ꧀ꦭꦩ꧈ꦗꦼꦤꦼꦁꦔꦶꦫꦱꦁꦤꦠ꧈ꦏꦒꦼꦤ꧀ꦠꦺꦤꦤ꧀ꦥꦸꦠꦿꦤꦶꦥꦸꦤ꧀ ꦗꦁꦏꦼꦥ꧀ꦥꦺꦠꦼꦣꦏ꧀ꦥꦶꦠꦶꦒ꧈
꧄ꦧꦿꦮꦶꦗꦪꦏꦁꦏꦫꦶꦲꦶꦤ꧀ ꦠꦤ꧀ꦤꦣꦂꦧꦺꦥꦸꦠꦿꦭꦤꦁ꧈ꦲꦩꦸꦁꦱꦗꦸꦒꦥꦸꦠꦿꦤꦺ꧈ꦏꦭꦺꦴꦏꦏꦗꦤꦥꦿꦶꦪ꧈ꦲꦤꦼꦁꦒꦶꦃꦮꦱ꧀ꦠꦤꦶꦫ꧈ꦏꦸꦱꦸꦩꦏꦤ꧀ꦕꦤꦮꦸꦁꦔꦸ꧈ꦲꦸꦩꦸꦂꦏꦮꦤ꧀ꦮꦼꦭꦱ꧀ ꦮꦂꦱ꧈
꧄ꦠꦶꦤꦫꦶꦏꦿꦩꦱꦁꦥꦸꦠꦿꦶ꧈ꦏꦱꦫꦸꦏꦁꦫꦩꦱꦺꦣ꧈ꦲꦤꦼꦁꦒꦶꦃꦲꦠ꧀ꦩꦗꦮꦣꦺꦴꦤ꧀ ꦤꦼꦁꦒꦶꦃꦒꦼꦤ꧀ꦠꦺꦤꦶꦏꦁꦫꦩ꧈ꦗꦸꦩꦼꦤꦼꦁꦮꦶꦭꦠꦶꦏ꧀ꦠ꧈ꦱꦣꦪꦏꦥꦿꦧꦺꦴꦤ꧀ꦤꦶꦥꦸꦤ꧀ ꦏꦒꦼꦤ꧀ꦠꦺꦤꦤ꧀ꦤꦶꦁꦏꦁꦥꦸꦠꦿ꧈

[ f.2v ]

꧄ꦗꦁꦏꦤ꧀ꦤꦶꦁꦮꦺꦴꦁꦩꦗꦥꦲꦶꦠ꧀ ꦲꦶꦁꦏꦁꦲꦭꦸꦭ꧀ꦲꦩꦶꦕꦫ꧈ꦧꦺꦱꦸꦏ꧀ ꦲꦤꦂꦫꦠꦸꦮꦣꦺꦴꦤ꧀ ꦭꦸꦮꦶꦃꦲꦂꦗꦤꦶꦁꦤꦒꦫ꧈ꦲꦶꦁꦗꦒꦢ꧀ꦠꦤ꧀ꦥꦱꦩ꧈ꦱꦩꦶꦥꦥꦣꦤꦶꦁꦫꦠꦸ꧈ꦥꦿꦧꦸꦲꦺꦱ꧀ꦠꦿꦶꦠꦤ꧀ꦥꦱꦩ꧈
꧄ꦏꦭꦗꦼꦤꦼꦁꦔꦺꦤꦂꦥꦠꦶ꧈ꦥꦿꦧꦸꦲꦺꦱ꧀ꦠꦿꦶꦩꦗꦊꦁꦏ꧈ꦥꦫꦧꦸꦪꦸꦠ꧀​ꦲꦣꦺꦤ꧀ꦣꦺꦤ꧀ ꦲꦗꦂꦮꦮꦱꦶꦃꦗꦗꦒꦤ꧀ ꦩꦭꦤ꧀ꦢꦁꦭꦤ꧀ꦧꦸꦗꦁꦒ꧈ꦥꦫꦗꦸꦫꦸꦥꦫꦱꦼꦥꦸꦃ꧈ꦲꦠꦸꦂꦧꦏ꧀ꦠꦶꦏꦸꦩꦮꦸꦭ꧈
꧄ꦱꦗꦼꦤꦼꦁꦔꦺꦱꦿꦶꦧꦺꦴꦥꦠꦶ꧈ꦤ꧀ꦚꦏꦿꦮꦠꦶꦧꦲꦸꦣꦼꦁꦣ꧈ꦭꦶꦂꦧꦤ꧀ꦚꦸꦩꦶꦭꦶꦣꦤꦤ꧀ꦤꦺ꧈ꦲꦱꦿꦶꦲꦂꦗꦤꦶꦁꦤꦒꦫ꧈ꦱꦗꦒꦢ꧀ꦠꦤ꧀ꦥꦱꦩ꧈ꦮꦢꦾꦧꦭꦱꦩꦾꦉꦩ꧀ꦥꦸꦒ꧀ꦠꦸꦲꦸꦲꦣꦶꦭ꧀ꦥꦭꦩꦂꦠ꧈
꧄ꦲꦶꦏꦁꦏꦶꦤꦂꦪꦥꦥꦠꦶꦃ꧈ꦣꦺꦤꦶꦫꦱꦁꦥꦿꦧꦸꦏꦼꦤ꧀ꦚ꧈ꦤꦼꦁꦒꦶꦃꦏꦶꦥꦠꦶꦃꦭꦺꦴꦒꦼꦤ꧀ꦢꦺꦂ꧈ꦲꦒꦸꦁꦣꦶꦥꦸꦤ꧀ꦧꦥꦧꦥ꧈ꦣꦺꦤꦶꦫꦱꦿꦶꦤꦭꦼꦤ꧀ꦢꦿ꧈ꦣꦠꦤ꧀ꦥꦼꦒꦠ꧀ꦢꦶꦥꦸꦤ꧀ꦠꦁꦠꦸꦤ꧈ ꦪꦺꦤ꧀ꦱꦁꦥꦸꦠꦿꦶꦣꦂꦧꦺꦏꦂꦱ꧈
꧄ꦏꦱꦸꦱꦿꦪꦺꦤ꧀ꦤꦿꦠꦸꦭꦸꦮꦶꦃ꧈ꦥꦿꦧꦸꦲꦺꦱ꧀ꦠꦿꦶꦩꦗꦊꦁꦏ꧈ꦲꦒꦸꦁꦮꦣꦾꦧ꧀ꦧꦭꦏꦧꦺꦃ꧈ꦥꦫꦺꦤ꧀ꦠꦃꦭꦶꦂꦒꦸꦭꦣꦿꦮ꧈ꦱꦸꦏꦱꦸꦒꦶꦃꦮꦺꦴꦁꦣꦺꦱ꧈ ꦠꦸꦭꦸꦱ꧀ꦏꦁꦱꦂꦪꦠꦶꦤꦤ꧀ꦢꦸꦂ꧈ꦩꦸꦫꦃꦏꦁꦱꦂꦪꦠꦶꦤꦸꦩ꧀ꦧꦱ꧀
꧄ꦏꦭꦁꦏꦸꦁꦱꦶꦔꦶꦠ꧀ꦤꦂꦥꦠꦶ꧈ ꦏꦭꦩꦶꦪꦺꦴꦱ꧀ꦱꦶꦤꦺꦮꦏ꧈ꦲꦤꦺꦁꦗꦿꦺꦴꦤꦶꦁꦏꦺꦴꦧꦺꦴꦁꦩꦁꦏꦺꦴ꧈ ꦩꦸꦁꦒꦺꦁꦔꦶꦁꦏꦛꦶꦭ꧀ꦏꦤ꧀ꦕꦤ꧈ꦲꦩꦮꦶꦒꦭꦺꦣꦺꦒ꧀ꦒꦤ꧀ ꦱꦶꦤꦺꦫꦺꦣ꧀ꦥꦼꦣꦼꦏꦤ꧀ꦤꦒꦸꦁ꧈ ꦭꦭꦁꦱꦺꦏꦸꦩꦶꦠꦶꦂꦗꦶꦒ꧈
꧄ꦱꦏꦺꦃꦲꦺꦮꦺꦴꦁꦩꦗꦥꦲꦶꦠ꧀ ꦥꦫꦩꦤ꧀ꦠꦿꦶꦭꦤ꧀ꦥꦺꦴꦁꦒꦮ꧈ꦠꦤ꧀ꦮꦶꦏꦤ꧀ꦩꦫꦁꦱꦁꦏꦠꦺꦴꦁ꧈ꦲꦩꦸꦁꦱꦾꦫꦤꦺꦏꦥꦶꦂꦱ꧈ꦪꦺꦤ꧀ꦏꦭꦲꦁꦔꦤ꧀ꦢꦶꦏ꧈ꦲꦒꦼꦠꦱ꧀ꦉꦤ꧀ꦚꦃꦠꦸꦂꦲꦫꦸꦩ꧀ ꦏꦣꦶꦔꦭꦥ꧀ꦥꦤꦗꦶꦮ꧈

[ f.3r ]

꧄ꦱꦁꦤꦠꦩꦶꦪꦺꦴꦱ꧀ꦠꦶꦤꦁꦏꦶꦭ꧀ ꦣꦮꦼꦒ꧀ꦩꦶꦪꦺꦴꦱ꧀ꦱꦶꦤꦺꦮꦏ꧈ꦲꦶꦁꦔꦪꦥ꧀ꦥꦼꦣꦼꦏꦤ꧀ꦤꦏꦺꦃ꧈ꦲꦶꦁꦏꦺꦫꦶꦏꦭꦮꦤ꧀ꦏꦤꦤ꧀ ꦲꦤ꧀ꦝꦺꦂꦥꦸꦁꦒꦮꦱꦺꦧ꧈ꦏꦶꦥꦠꦶꦃꦩꦸꦁꦒꦺꦃꦲꦶꦁꦔꦪꦸꦤ꧀ ꦥꦼꦥꦼꦏꦤ꧀ꦥꦫꦱꦤ꧀ꦠꦤ꧈
꧄ꦏꦁꦔꦤꦺꦁꦔꦂꦱꦤꦂꦥꦠꦶ꧈ꦫꦫꦺꦧꦸꦭꦺꦫꦫꦺꦧꦗꦁ꧈ꦠꦤ꧀ꦤꦥꦶꦮꦺꦴꦁꦏꦼꦏꦼꦧꦶꦫꦺꦤ꧀ ꦮꦺꦴꦁꦱꦭꦶꦮꦃꦫꦫꦺꦏꦼꦩ꧀ꦧꦂ꧈ꦫꦲꦤ꧀ꦝꦥ꧀ꦏꦺꦱꦺꦴꦣꦤ꧀ ꦫꦫꦺꦧꦸꦕꦸꦫꦫꦺꦮꦸꦁꦏꦸꦏ꧀ ꦫꦫꦺꦣꦺꦩ꧀ꦥꦺꦠ꧀​ꦏꦮꦤ꧀ꦥꦱꦁ꧈
꧄ꦏꦏꦕꦸꦩꦱ꧀ꦱꦮꦸꦁꦒꦭꦶꦁ꧈ꦏꦶꦣꦁꦭꦤ꧀ꦤꦂꦣꦮꦭꦶꦏ꧈ꦮꦲꦺꦴꦱ꧀ꦩꦩꦱ꧀ꦧꦶꦤꦁꦲꦤ꧀ꦝꦺꦂ꧈ꦱꦶꦤꦸꦭꦩ꧀ꦭꦮꦤ꧀ꦏꦤ꧀ꦕꦤ꧈ꦗꦶꦁꦒꦿꦶꦁꦥꦺꦴꦤ꧀ꦛꦁꦲꦠꦫꦥ꧀ ꦧꦺꦴꦏꦺꦴꦂꦏꦤ꧀ꦕꦤꦥꦶꦤꦁꦒꦸꦭ꧀ ꦏꦭꦮꦤ꧀ꦏꦼꦤ꧀ꦝꦶꦥꦿꦠꦸꦭ꧀
꧄ꦲꦣꦁꦔꦸꦣꦺꦤ꧀ꦚꦠꦶꦤꦁꦏꦶꦭ꧀ ꦏꦱꦼꦤꦼꦤ꧀ꦤꦶꦁꦫꦣꦶꦠꦾ꧈ꦣꦶꦤꦸꦭꦸꦥꦠꦶꦁꦥꦤ꧀ꦕꦺꦴꦫꦺꦴꦁ꧈ꦥꦿꦧꦸꦏꦼꦤ꧀ꦚꦔꦤ꧀ꦢꦶꦏ꧈ꦱꦒꦸꦁꦔꦶꦁꦮꦣꦾꦧꦭ꧈ꦥꦿꦱꦩꦾꦏꦺꦴꦗꦼꦩ꧀ꦠꦸꦩꦸꦁꦏꦸꦭ꧀ ꦭꦁꦏꦸꦁꦲꦗꦿꦶꦃꦲꦶꦁꦱꦁꦤꦠ꧈
꧄ꦲꦶꦁꦔꦤ꧀ꦢꦶꦏꦤ꧀ꦩꦫꦶꦁꦔꦂꦱꦶ꧈ꦮꦲꦸꦠꦉꦏꦾꦤꦥꦠꦾ꧈ ꦲꦶꦁꦔꦤ꧀ꦢꦶꦏꦤ꧀ꦏꦶꦭꦺꦴꦒꦼꦤ꧀ꦢꦺꦂ꧈ꦱꦫꦮꦸꦲꦺꦲꦶꦁꦔꦗꦼꦁꦔꦤ꧀ ꦲꦶꦁꦔꦮꦺꦩꦫꦁꦔꦂꦱ꧈ꦲꦁꦔꦤ꧀ꦢꦶꦏꦱꦁꦔꦥꦿꦧꦸ꧈ꦭꦃꦲꦶꦤ꧀ꦚꦥꦣꦩꦸꦤ꧀ꦢꦸꦂꦫ꧉

[ f.3v ]
꧅ ꦚ꧀ꦖ ꧅

꧁ꦢꦸꦂꦩ꧂

꧄ꦧꦥꦥꦠꦶꦃꦩꦤꦶꦫꦏꦢꦾꦥꦸꦤꦥ꧈ꦫꦺꦃꦲꦶꦱꦸꦤ꧀ꦤꦿꦠꦸꦲꦺꦱ꧀ꦠꦿꦶ꧈ꦲꦒꦼꦤ꧀ꦠꦺꦤꦶꦫꦩ꧈ꦠꦸꦭꦸꦱ꧀ꦗꦼꦤꦼꦁꦩꦤꦶꦫ꧈ꦲꦸꦩꦠꦸꦂꦉꦏꦾꦤꦥꦠꦶꦃ꧈ꦲꦤꦸꦲꦸꦤ꧀ꦢꦸꦏ꧈ꦥꦸꦏꦸꦭꦸꦤ꧀ꦥꦤ꧀ꦢꦸꦏꦗꦶ
꧄ꦗꦁꦏꦤꦶꦥꦸꦤ꧀​ꦲꦶꦁꦏꦁꦠꦥꦏꦶꦤꦏꦶꦤ꧈ꦲꦗꦂꦭꦮꦤ꧀ꦮꦮꦱꦶꦃ꧈ꦩꦶꦮꦃꦏꦁꦧꦸꦗꦁꦒ꧈ꦧꦸꦪꦸꦠ꧀ꦭꦤ꧀ꦥꦫꦩꦺꦤꦏ꧀​ꦲꦤꦢꦺꦤꦺꦏꦔ꧀ꦮꦸꦱ꧀ꦭꦸꦮꦶꦃ꧈ꦱꦩꦶꦲꦗꦁꦏ꧈ꦠꦸꦭꦸꦱ꧀ꦥꦤ꧀ꦢꦸꦏꦲꦗꦶ
꧄ꦲꦁꦔꦤ꧀ꦢꦶꦏꦮꦲꦸꦱꦁꦥꦿꦧꦸꦮꦤꦺꦴꦢꦾ꧈ꦤꦒꦫꦩꦗꦥꦲꦶꦠ꧀​ꦒꦼꦩꦃꦲꦼꦤ꧀ꦢꦶꦧꦥ꧈ꦩꦁꦏꦺꦭꦚ꧀ꦗꦩꦤ꧀ꦏꦶꦤ꧀ꦤ꧈ꦭꦤ꧀ꦮꦺꦴꦁꦕꦶꦭꦶꦲꦏꦺꦃꦲꦼꦤ꧀ꦢꦶ꧈ꦏꦭꦶꦪꦤ꧀ꦏꦶꦤ꧀ꦤ꧈ꦩꦠꦸꦂꦉꦏꦾꦤꦥꦠꦶ
꧄ꦒꦼꦩꦃꦩꦁꦏꦶꦤ꧀ꦥꦸꦏꦸꦭꦸꦤ꧀ꦭꦮꦤ꧀ꦤꦶꦁꦏꦸꦤ꧈ꦠꦤ꧀ꦤꦥꦶꦮꦢꦾꦲꦭꦶꦠ꧀ꦏꦭꦤꦺꦥꦸꦤꦶꦏ꧈ꦲꦶꦁꦱꦠꦶꦔꦭ꧀ꦏꦮꦸꦭ꧈ꦲꦱꦸꦏꦱꦸꦒꦶꦃꦮꦺꦴꦁꦕꦶꦭꦶ꧈ꦱꦁꦥꦿꦧꦸꦏꦼꦤ꧀ꦚ ꦩꦺꦱꦼꦩ꧀ꦱꦗꦿꦺꦴꦤ꧀ꦤꦶꦁꦔꦠꦶ꧈ [ f.4r ]

꧄ꦏꦺꦤ꧀ꦤꦥꦠꦶꦃꦲꦸꦩꦠꦸꦂꦫꦗꦗꦸꦮꦶꦠ꧈ ꦥꦸꦏꦸꦭꦸꦤ꧀​ꦥꦤ꧀ꦢꦸꦏꦗꦶ꧈ꦏꦮꦸꦭꦠꦩꦶꦪꦤ꧈ꦮꦺꦴꦤ꧀ꦠꦼꦤ꧀ꦠꦼꦁꦔꦃꦱꦩꦸꦢꦿ꧈ ꦧꦲꦶꦠꦏꦥꦭ꧀ꦏꦏꦭꦶꦃ꧈ꦲꦶꦁꦏꦁꦥꦺꦴꦠꦸꦱ꧀ꦱꦤ꧀ ꦫꦠꦸꦮꦤ꧀ꦝꦤ꧀ꦭꦤ꧀ꦤꦁꦒꦿꦶꦱ꧀
꧄ꦱꦼꦗꦤꦶꦥꦸꦤ꧀ꦥꦸꦏꦸꦭꦸꦤ꧀ꦤꦂꦫꦲꦁꦔ꧀ꦭꦩꦂ꧈ꦲꦁꦔꦼꦧꦸꦤ꧀ꦤꦼꦧꦸꦤ꧀ꦤꦺꦤ꧀ꦗꦶꦁ꧈ꦣꦠꦼꦁꦱꦿꦶꦤꦭꦺꦤ꧀ꦢꦿ꧈ ꦲꦁꦔꦠꦸꦂꦫꦶꦧꦫꦤ꧈ꦏꦛꦃꦲꦺꦱꦭꦮꦺꦏꦼꦛꦶ꧈ꦩꦸꦒꦏꦠꦸꦂꦫ꧈ꦥꦸꦏꦸꦭꦸꦤ꧀ꦥꦤ꧀ꦢꦸꦏꦗꦶ꧈
꧄ꦲꦁꦔꦤ꧀ꦢꦶꦏꦮꦲꦸꦱꦁꦥꦿꦧꦸꦮꦤꦺꦴꦢꦾ꧈ꦲꦶꦁꦱꦸꦤ꧀ꦠꦤ꧀ꦤꦂꦱꦏꦿꦩꦶ꧈ꦔꦼꦤ꧀ꦢꦶꦲꦤꦧꦥ꧈ꦲꦺꦱ꧀ꦠꦿꦶꦭꦸꦩꦸꦃꦲꦶꦁꦥꦿꦶꦪ꧈ꦧꦺꦤ꧀ꦗꦁꦩꦤ꧀ꦤꦶꦫꦲꦏꦿꦩꦶ꧈ꦪꦺꦤ꧀ꦤꦁꦱꦭ꧀ꦠꦶꦁꦔꦭ꧀ ꦲꦶꦏꦁꦥꦤꦸꦗꦸꦔꦠꦶ꧈
꧄ꦩꦶꦭꦤꦶꦥꦸꦤ꧀ꦤꦶꦁꦱꦸꦤ꧀ꦠꦤ꧀ꦤꦂꦱꦲꦏꦿꦩ꧈ꦪꦺꦤ꧀ꦤꦶꦁꦱꦸꦤ꧀ꦤꦤꦶꦔꦭ꧀ꦭꦶ꧈ꦩꦤ꧀ꦠꦿꦶꦩꦗꦊꦁꦏ꧈ꦲꦶꦁꦏꦁꦏꦪꦏꦺꦴꦩ꧀ꦧꦭ꧈ꦏꦁꦱꦩꦶꦲꦒꦼꦁꦲꦲꦶꦁꦒꦶꦭ꧀ ꦏꦁꦱꦶꦩ꧀ꦧꦂꦣꦣ꧈ꦭꦶꦂꦢꦸꦭꦸꦥꦣꦲꦶꦱ꧀ꦠꦿꦶ꧈

[ f.4v ]

꧄ꦧꦭꦺꦏ꧀ꦏꦼꦤ꧀ꦤꦲꦸꦠꦸꦱ꧀ꦱꦤ꧀ꦤꦺꦫꦠꦸꦮꦤ꧀ꦝ꧈ꦏꦭꦮꦤ꧀ꦤꦿꦠꦸꦲꦁꦒꦿꦶꦱ꧀ ꦏꦫꦺꦴꦧꦭꦺꦏ꧀ꦏꦼꦤ꧀ꦤ꧈ ꦲꦶꦁꦱꦸꦤ꧀ꦠꦤ꧀ꦤꦂꦱꦏꦿꦩ꧈ ꦱꦸꦩꦁꦏꦺꦪꦤ꧀ꦤꦿꦠꦸꦱꦸꦒꦶꦃ꧈ ꦔꦠꦸꦂꦫꦶꦧꦿꦤ꧈ꦲꦶꦁꦱꦸꦤ꧀ꦥꦸꦒꦶꦃꦥꦿꦶꦧꦢꦶ꧈
꧄ꦧꦥꦥꦠꦶꦃꦲꦭꦃꦱꦶꦫꦢꦺꦤ꧀ꦥꦿꦪꦠ꧀ꦤ꧈ꦩꦤꦮꦶꦲꦁꦔꦭꦤ꧀ꦤꦶ꧈ ꦧꦠꦸꦂꦗꦒꦧꦺꦭ꧈ ꦭꦮꦤ꧀ꦮꦺꦴꦁꦏꦗꦶꦤꦼꦩ꧀ꦩꦤ꧀ ꦧꦠꦸꦂꦏꦸꦮꦺꦴꦁꦢꦸꦫꦥꦠꦶ꧈ ꦭꦃꦲꦸꦤ꧀ꦝꦁꦔꦤ꧀ꦤ꧈ ꦏꦧꦺꦃꦢꦶꦥꦸꦤ꧀ꦤꦒꦼꦭꦶꦱ꧀
꧄ꦠꦶꦩ꧀ꦧꦭ꧀ꦭꦤꦲꦶꦁꦏꦁꦲꦠꦸꦁꦒꦸꦠꦩ꧀ꦥꦶꦁꦔꦤ꧀ ꦱꦏꦺꦃꦩꦤ꧀ꦕꦤꦼꦒꦫꦶ꧈ꦱꦶꦲꦢꦶꦥꦠꦶꦢꦲ꧈ ꦲꦕꦲꦺꦴꦱ꧀ꦤꦒꦒꦩꦤ꧀ ꦥꦠꦿꦺꦴꦭ꧀ꦭꦤꦠꦼꦥꦶꦱ꧀ꦮꦶꦫꦶꦁ꧈ ꦫꦏ꧀ꦱꦠꦩ꧀ꦥꦶꦁꦔꦤ꧀ ꦥꦣꦢꦶꦁꦔꦠꦶꦲꦠ꧀ꦠꦶ꧈
꧄ꦱꦶꦒꦿꦧꦸꦧꦂꦥꦿꦧꦸꦮꦤꦺꦴꦢꦾꦱꦶꦤꦺꦧ꧈ꦩꦊꦧꦼꦠ꧀ꦢꦊꦩ꧀ꦥꦸꦫꦶ꧈ ꦏꦢꦶꦧꦿꦮꦶꦗꦪ꧈ꦢꦶꦥꦸꦤ꧀ꦤꦶꦫꦶꦁꦧꦶꦪꦢ꧈ꦩꦸꦁꦱꦶꦫꦶꦏ꧀ꦏꦫꦠꦸꦲꦺꦱ꧀ꦠꦿꦶ꧈ ꦢꦠꦤ꧀ꦏꦮꦂꦤ꧀ꦤ꧈ꦲꦶꦏꦁꦩꦊꦧꦸꦥꦸꦫꦶ꧈
꧄ꦲꦭꦸꦮꦂꦫꦤ꧀ꦱꦒꦸꦁꦔꦶꦁꦩꦤ꧀ꦠꦿꦶꦲꦱꦺꦧ꧈ꦏꦶꦥꦠꦶꦃꦩꦸꦤ꧀ꦢꦸꦂꦩꦸꦭꦶꦃ꧈ ꦲꦶꦁꦔꦶꦫꦶꦁꦥꦸꦠꦿꦤ꧀ꦚ꧈ ꦫꦃꦲꦢꦺꦤ꧀ꦭꦪꦁꦱꦺꦠꦿ꧈ꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ ꦤꦶꦲꦤ꧀ꦗꦼꦱ꧀ꦩꦫ꧈ꦥꦸꦠꦿꦤꦺꦏꦁꦮꦸꦫꦒꦶꦭ꧀
꧄ꦱꦏꦭꦁꦏꦸꦁꦲꦪꦸꦤꦺꦤꦶꦲꦤ꧀ꦗꦼꦱ꧀ꦩꦫ꧈ꦮꦱꦶꦱ꧀ꦱꦭꦶꦫꦶꦁꦏꦂꦢꦶ꧈ ꦮꦶꦒ꧀ꦚꦩꦼꦩꦫꦢ꧈ ꦤꦺꦴꦁꦏꦺꦠ꧀ꦲꦤꦼꦤꦸꦤ꧀​ꦫꦺꦤ꧀ꦢ꧈ ꦤꦼꦤꦸꦤ꧀ꦤꦭꦸꦱ꧀​ꦔꦤ꧀ꦠꦶꦃꦲꦭꦶꦠ꧀ ꦠꦤ꧀ꦥꦢꦺꦴꦁꦢꦺꦴꦩꦤ꧀ ꦭꦩꦸꦤ꧀ꦢꦩꦼꦭ꧀ꦏꦸꦭꦩ꧀ꦧꦶ꧉
꧅ ꦚ꧀ꦖ ꧅

꧁ꦱꦶꦤꦺꦴꦩ꧀꧂

꧄ꦥꦸꦃꦱꦤ꧀ꦠꦤꦒꦼꦫꦺꦴꦒꦺꦴꦭ꧀

[ f.5r ]

꧄ꦏꦶꦧꦸꦪꦸꦠ꧀ꦠꦶꦥꦭꦸꦲꦩ꧀ꦧ꧈ꦲꦶꦁꦏꦁꦥꦶꦤꦸꦂꦮꦲꦶꦁꦏꦮꦶ꧈ ꦏꦭꦁꦏꦸꦁꦩꦸꦏ꧀ꦠꦶꦮꦶꦧꦮ꧈ꦏꦺꦫꦶꦁꦔꦤ꧀ꦩꦤ꧀ꦕꦤꦼꦒꦫꦶ꧈ꦮꦱꦶꦱ꧀ꦱꦁꦭꦶꦂꦫꦶꦁꦏꦢꦶ꧈ ꦲꦩ꧀ꦧꦼꦏ꧀ꦏꦶꦁꦩꦤꦃꦫꦃꦲꦪꦸ꧈ꦢꦂꦧꦺꦥꦸꦠꦿꦱꦤꦸꦁꦒꦭ꧀ ꦥꦮꦺꦱ꧀ꦠꦿꦶꦱꦩ꧀ꦥꦸꦤ꧀ꦤꦭꦏꦶ꧈ ꦥꦤ꧀ꦏꦒꦂꦮꦩꦫꦁꦏꦶꦥꦠꦶꦃꦲꦸꦢꦫ꧈
꧄ꦲꦤꦼꦁꦒꦶꦃꦥꦠꦶꦃꦲꦸꦢꦫ꧈ꦥꦥꦠꦶꦃꦲꦶꦁꦩꦗꦥꦲꦶꦠ꧀ꦱꦥꦠꦶꦤꦺꦧꦿꦮꦶꦗꦪ꧈ꦩꦺꦫꦁꦩꦤꦃꦲꦺꦏꦶꦥꦠꦶꦃ꧈ꦩꦶꦭꦠꦶꦭꦂꦤꦒꦫꦶ꧈ꦥꦸꦂꦮꦢꦸꦏ꧀ꦱꦁꦤꦠꦲꦶꦏꦸ꧈ꦥꦏꦂꦠꦶꦤꦺꦲꦢꦒꦁ꧈ꦏꦭꦁꦏꦸꦁꦔꦩꦠꦶꦫꦒꦶ꧈ꦏꦩ꧀ꦧꦶꦭ꧀ꦩꦤ꧀ꦠꦸꦢꦺꦤꦶꦁꦧꦸꦪꦸꦠ꧀ꦥꦭꦸꦲꦩ꧀ꦧ꧈

[ f.5v ]

​꧄ꦢꦸꦏ꧀ꦚꦶꦣꦩ꧀ꦚꦶꦣꦩ꧀ꦏꦮꦺꦴꦂꦫꦤ꧀ꦏꦶꦥꦠꦶꦃꦏꦺꦱꦃꦥꦿꦠꦥꦶ꧈​ꦲꦶꦁꦒꦸꦮꦱꦶꦒꦭꦒꦭ꧈ꦗꦭ꧀ꦩꦩꦫꦗꦭ꧀ꦩꦩꦠꦶ꧈​ꦏꦭꦁꦏꦸꦁꦩꦠꦶꦫꦒꦶ꧈ꦩꦶꦭꦠꦥꦤꦺꦒꦶꦤꦼꦤ꧀ꦠꦸꦂ꧈​ꦥꦤꦼꦣꦤꦺꦲꦶꦁꦢꦺꦮ꧈​ꦭꦩꦸꦤ꧀ꦤꦠ꧀ꦩꦗꦤꦺꦭꦲꦶꦂ꧈​ꦲꦩꦼꦁꦏꦸꦮꦤꦒꦫꦲꦶꦁꦩꦗꦊꦁꦏ꧈​
꧄ꦥꦤ꧀ꦏꦕꦠꦸꦂꦫꦺꦴꦫꦺꦴꦱꦤꦏ꧀ꦏꦶꦥꦠꦶꦃꦲꦸꦢꦫꦱꦶꦒꦶꦃ꧈​ꦥꦠꦶꦃꦲꦸꦢꦫꦏꦁꦠꦸꦮ꧈ꦲꦤꦼꦁꦒꦶꦃꦮꦲꦸꦏꦁꦫꦪꦶ꧈ꦩꦏ꧀ꦱꦶꦃꦢꦢꦶꦥꦥꦠꦶꦃ꧈ꦥꦠꦶꦃꦭꦺꦴꦒꦼꦤ꧀ꦢꦺꦂꦫꦤ꧀ꦤꦶꦥꦸꦤ꧀​ꦲꦥꦤ꧀ꦠꦼꦣꦏ꧀ꦠꦸꦩꦼꦣꦏ꧀​ꦲꦁꦔꦸꦪꦸꦤꦶꦩꦗꦥꦲꦶꦠ꧀​ꦥꦽꦤꦃꦧꦸꦪꦸꦠ꧀ꦩꦫꦶꦁꦥꦠꦶꦃꦒꦗꦃꦩꦢ꧈​
꧄ꦮꦼꦮꦼꦏꦱꦺꦏꦾꦤꦥꦠꦾꦃ꧈​ꦏꦫꦶꦲꦶꦤ꧀ꦝꦠꦼꦁꦏꦁꦫꦪꦶ꧈​ꦪꦺꦤ꧀ꦤꦠ꧀ꦩꦗꦤꦶꦫꦭꦤꦁ꧈​ꦲꦫꦤ꧀ꦤꦤꦢꦩꦂꦱꦱꦶ꧈​​ꦭꦩꦸꦤ꧀ꦩꦶꦪꦺꦴꦱ꧀ꦥꦮꦺꦱ꧀ꦠꦿꦶ꧈ꦱꦏꦂꦱꦤꦶꦤꦶꦫꦗꦸꦗꦸꦭꦸꦏ꧀​ꦢꦸꦥꦶꦠꦼꦏꦺꦁꦔꦤ꧀ꦠꦫ꧈​ꦭꦲꦶꦂꦲꦶꦏꦁꦗꦧꦁꦧꦪꦶ꧈​ꦩꦶꦪꦺꦴꦱ꧀ꦭꦤꦁꦲꦶꦔꦫꦤ꧀ꦤꦤꦤ꧀ꦢꦩꦂꦮꦸꦭꦤ꧀​
꧄ꦏꦕꦠꦸꦂꦱꦩ꧀ꦥꦸꦤ꧀ꦢꦶꦮꦱ꧈​ꦧꦒꦸꦱ꧀ꦱꦺꦠꦤ꧀ꦤꦤꦠꦤ꧀ꦝꦶꦁ꧈ꦠꦤ꧀ꦱꦃꦠꦶꦤꦫꦶꦲꦏꦿꦩ꧈ꦲꦶꦁꦔꦶꦧꦸꦏꦭꦶꦪꦤ꧀ꦏꦏꦶ꧈ꦤꦁꦔꦶꦁꦏꦶꦢꦩꦂꦱꦱꦶ꧈ꦭꦁꦒꦤꦤꦶꦫꦏꦭꦁꦏꦸꦁ꧈ꦗꦼꦗꦼꦥ꧀ꦭꦏ꧀​ꦭꦤ꧀ꦭꦭꦔꦏ꧀​ꦲꦁꦔꦸꦁꦒꦃꦲꦶꦢꦶꦥꦸꦤ꧀ꦠꦩ꧀ꦥꦶꦏ꧀​ꦏꦮꦂꦤꦲꦏꦲꦶꦲꦼꦩꦱ꧀ꦢꦩꦂꦮꦸꦭꦤ꧀​
꧄ꦪꦠꦮꦲꦸꦠꦏꦺꦴꦤ꧀ꦧꦥ꧈ꦥꦶꦠꦸꦁꦢꦶꦤꦥꦶꦠꦸꦁꦧꦼꦁꦔꦶ꧈ꦲꦩꦺꦴꦤ꧀ꦛꦃꦲꦠꦏꦺꦴꦤ꧀ꦧꦥ꧈ꦩꦺꦴꦗꦂꦤ꧀ꦚꦲꦶꦥꦿꦩꦺꦱꦾꦫꦶ꧈ꦏꦠꦸꦮꦺꦴꦤꦺꦮꦏ꧀ꦩꦩꦶ꧈​ꦫꦫꦒꦼꦣꦁꦠꦤ꧀ꦥꦏꦏꦸꦁ꧈​ꦲꦥꦸꦥꦸꦠꦿꦲꦶꦁꦱꦶꦫ꧈​ꦫꦫꦒꦼꦣꦁꦠꦤ꧀ꦥꦭꦏꦶ꧈​ꦲꦤꦤꦶꦫꦱꦏꦶꦁꦏꦂꦱꦤꦶꦁꦧꦛꦫ꧈
꧄ꦲꦭꦺꦴꦤ꧀ꦤꦠꦸꦂꦫꦺꦏꦁꦥꦸꦠꦿꦲꦣꦸꦃꦲꦶꦧꦸꦲꦠꦸꦂꦩꦩꦶ꧈ꦱꦤꦢꦾꦤ꧀ꦱꦶꦭꦶꦃꦥꦶꦱꦁꦔ꧈ꦱꦪꦏ꧀ꦠꦶꦲꦢꦂꦧꦺꦭꦏꦶ꧈ꦭꦏꦶꦤꦺꦥꦶꦱꦁꦲꦸꦒꦶꦃ꧈ꦲꦶꦁꦒꦶꦃꦲꦶꦧꦸꦏꦁꦔꦤꦤ꧀ꦢꦸꦂ꧈ꦪꦺꦤ꧀ꦏꦂꦱꦤꦶꦁꦧꦛꦫ꧈ꦱꦶꦤ꧀ꦠꦼꦤ꧀ꦢꦺꦮꦤꦺꦤꦸꦫꦸꦤꦶ꧈ꦥꦿꦩꦺꦱꦾꦫꦶꦏꦺꦩꦼꦁꦔꦤ꧀ꦠꦤ꧀ꦥꦏꦫꦤ꧈

[ f.6r ]

꧄ꦱꦱꦩ꧀ꦧꦠ꧀ꦠꦺꦲꦩ꧀ꦭꦱ꧀ꦱꦂꦱ꧈​ ꦮꦸꦮꦸꦱ꧀ꦱꦺꦲꦮꦺꦴꦂꦭꦤ꧀ꦠꦁꦔꦶꦱ꧀ ꦏꦤꦶꦲꦪꦏꦁꦠꦶꦠꦶꦭꦂ꧈​ ꦲꦺꦴꦫꦧꦶꦱꦲꦶꦁꦱꦸꦤ꧀ꦏꦫꦶ꧈​ꦢꦺꦮꦒꦮꦤꦼꦤ꧀ꦩꦩꦶꦠꦤ꧀ꦧꦶꦱꦲꦩꦺꦴꦁꦩꦺꦴꦁꦱꦸꦤꦸ꧈​ꦧꦪꦤꦺꦴꦫꦤꦸꦥꦼꦤ꧀ꦤ ꦏꦭꦁꦏꦸꦁꦔꦩꦠꦶꦫꦒꦶ꧈​ꦪꦺꦤ꧀ꦥꦸꦠꦿꦤꦺꦲꦩꦺꦴꦭꦂꦲꦠꦏꦺꦴꦤ꧀ꦧꦥ꧈​
꧄ꦢꦠꦤ꧀ꦏꦮꦂꦤꦱꦩꦤ꧈​ꦏꦺꦩꦼꦁꦔꦤ꧀ꦤꦶꦥꦿꦩꦺꦱꦾꦫꦶ꧈​ꦒꦶꦤꦸꦧꦼꦭ꧀ꦢꦺꦤꦶꦁꦏꦁꦥꦸꦠꦿ꧈​ꦠꦼꦩꦲꦤ꧀​ꦭꦸꦩꦪꦸꦤꦁꦔꦶꦱ꧀ ꦠꦤ꧀ꦏꦮꦂꦤꦲꦶꦁꦩꦂꦒꦶ꧈​ ꦲꦤꦸꦁꦏꦼꦩꦶꦥꦢꦱꦩ꧀ꦥꦸꦤ꧀ ꦥꦢꦤꦺꦲꦶꦁꦏꦁꦫꦩ꧈​ꦲꦠꦸꦂꦫꦺꦲꦩꦼꦭ꧀ꦭꦱ꧀ꦱꦱꦶ꧈​ꦲꦁꦔꦤ꧀ꦢꦶꦏ꧈​ꦏꦶꦧꦸꦪꦸꦠ꧀ꦠꦶꦁꦥꦭꦸꦲꦩ꧀ꦧ꧈​
꧄ꦫꦫꦠꦱꦶꦫꦩꦠꦸꦂꦫ꧈​ꦥꦒꦺꦤꦺꦱꦶꦫꦲꦤꦁꦔꦶꦱ꧀ ꦲꦭꦺꦴꦤ꧀ꦤꦠꦸꦂꦫꦺꦏꦁꦥꦸꦠꦿ꧈​ꦩꦶꦭꦏꦮꦸꦭꦲꦤꦁꦔꦶꦱ꧀ ꦲꦩꦼꦒꦼꦭ꧀ꦭꦏꦼꦤ꧀ꦤꦠꦶ ꦮꦪꦃꦱꦩ꧀ꦥꦺꦪꦤ꧀ꦥꦸꦏꦸꦭꦸꦤ꧀ ꦲꦩꦺꦴꦭꦂꦠꦏꦺꦴꦤ꧀ꦧꦥ꧈​ ꦭꦏꦸꦁꦱꦸꦥꦼꦏ꧀ꦲꦶꦁꦏꦁꦒꦭꦶꦃ꧈​ꦲꦁꦔꦤ꧀ꦢꦶꦏꦏꦶꦧꦸꦪꦸꦠ꧀ꦠꦶꦁꦥꦭꦸꦲꦩ꧀ꦧ꧈​
꧄ꦲꦺꦃꦫꦫꦱꦶꦫꦩꦠꦸꦫꦥꦒꦺꦤꦺꦱꦶꦫꦲꦤꦁꦔꦶꦱ꧀ ꦲꦭꦺꦴꦤ꧀ꦤꦠꦸꦂꦫꦺꦏꦁꦥꦸꦠꦿ꧈​ꦩꦶꦭꦏꦮꦸꦭꦲꦤꦁꦔꦶꦱ꧀ ꧂
꧄ꦏꦪꦭꦩꦺꦴꦤ꧀ꦩꦼꦁꦏꦤꦲ ꦗꦶꦁꦔꦤ꧀ꦮꦶꦱ꧀ꦢꦶꦮꦱꦲꦼꦤ꧀ꦠꦶꦁ꧈​ꦧꦭꦶꦏ꧀ꦠꦫꦶꦤꦼꦤ꧀ꦤꦏꦿꦩ꧈​ꦢꦶꦩꦺꦤ꧀ꦤꦺꦩꦉꦩ꧀ꦏꦁꦔꦠꦶ꧈​ꦱꦸꦁꦔꦤꦩꦱ꧀ꦭꦤ꧀ꦥꦶꦕꦶꦱ꧀ ꦢꦶꦩꦺꦤꦺꦏꦺꦕꦺꦏ꧀ꦭꦤ꧀ꦝꦣꦸ꧈​ꦲꦒꦶꦩꦼꦂꦔꦢꦸꦲꦪꦩ꧀ ꦥꦿꦩꦺꦱꦾꦫꦶꦩꦠꦸꦂꦫꦫꦶꦱ꧀ ꦥꦶꦤ꧀ꦝꦺꦢꦩꦼꦭ꧀ꦮꦪꦃꦱꦩ꧀ꦥꦺꦪꦤ꧀ꦥꦸꦫꦸꦤ꧀ꦤ꧈​

[ f.6v ]

꧄ꦏꦶꦧꦸꦪꦸꦠ꧀ꦠꦶꦁꦥꦭꦸꦲꦩ꧀ꦧ ꦮꦸꦮꦸꦱ꧀ꦱꦺꦲꦫꦸꦩ꧀ꦩꦩꦤꦶꦱ꧀ ꦭꦪꦏ꧀ꦭꦩꦺꦴꦤ꧀ꦩꦁꦏꦺꦴꦤꦺꦴꦮ꧈​ꦥꦲꦺꦣꦶꦁꦔꦶꦤ꧀ꦭꦒꦶꦕꦶꦭꦶ꧈​ꦪꦺꦤ꧀ꦮꦪꦃꦲꦶꦁꦔꦺꦴꦁꦤꦔꦶꦱ꧀ ꦩꦼꦤꦼꦁꦥꦁꦒꦭ꧀ꦭꦮꦤ꧀ꦒꦤ꧀ꦝꦸ꧈​ꦲꦥꦤ꧀ꦱꦩ꧀ꦥꦸꦤ꧀ꦢꦶꦮꦱ꧈​ꦥꦱ꧀ꦛꦶꦲꦠꦏꦺꦤ꧀ꦱꦸꦢꦂꦩꦶ꧈​ꦪꦺꦤ꧀ꦩꦁꦏꦺꦴꦤꦺꦴꦥꦸꦠꦸꦤꦶꦁꦱꦸꦤ꧀ꦠꦶꦩ꧀ꦧꦭ꧀ꦭꦤ꧈​
꧄ꦏꦶꦢꦩꦂꦮꦸꦭꦤ꧀ꦮꦸꦱ꧀ꦥꦿꦥ꧀ꦠ ꦲꦶꦁꦔꦂꦱꦤꦺ​​ꦲꦺꦪꦁꦏꦏꦶ꧈​ꦏꦶꦧꦸꦪꦸꦠ꧀ꦠꦭꦺꦴꦤ꧀ꦔꦤ꧀ꦢꦶꦏ꧈​ꦲꦣꦸꦃꦥꦸꦠꦸꦤꦶꦁꦱꦸꦤ꧀ꦏꦏꦶ꧈​ꦲꦗꦱꦶꦫꦲꦧꦸꦢꦶ꧈​ꦏꦮꦼꦭꦱ꧀ꦱꦤꦲꦶꦧꦸꦩꦸ꧈​ ꦧꦭꦶꦏ꧀ꦱꦶꦫꦏꦿꦩꦲ꧈​ꦱꦸꦠꦮꦢꦺꦤꦼꦤ꧀ꦥꦸꦤ꧀ꦏꦏꦶ꧈​ꦭꦃꦠꦸꦁꦠꦸꦤꦼꦤ꧀ꦱꦶꦏꦏꦶꦩꦫꦁꦥꦠꦺꦴꦥꦤ꧀​
꧄ꦧꦭꦶꦏ꧀ꦠꦱꦶꦫꦏꦿꦩꦲ꧈​ꦱꦱꦼꦤꦼꦁꦔꦶꦫꦥꦿꦶꦧꦢꦶ꧈​ꦲꦠ꧀ꦩꦗꦤꦺꦥꦫꦩꦺꦤꦏ꧀ ꦗꦗꦒꦤ꧀ꦭꦮꦤ꧀ꦮꦮꦱꦶꦃ꧈​ꦲꦶꦁꦱꦸꦤ꧀ꦭꦩꦂꦫꦺꦏꦏꦶ꧈​ꦩꦶꦮꦃꦲꦤꦏ꧀ꦥꦫꦲꦼꦩ꧀ꦥꦸ꧈​ꦲꦢꦺꦤ꧀ꦤꦢꦺꦤ꧀ꦤꦏꦛꦃ꧈​ꦲꦭꦩ꧀ꦩꦶꦁꦮꦺꦴꦁꦩꦗꦥꦲꦶꦠ꧀ ꦲꦥꦤ꧀ꦱꦶꦫꦥꦸꦠꦸꦲꦩꦸꦏ꧀ꦠꦶꦮꦶꦧꦮ꧈​
꧄ꦲꦭꦺꦴꦤ꧀ꦤꦠꦸꦂꦫꦺꦏꦁꦮꦪꦃ꧈​ꦲꦠꦸꦂꦏꦮꦸꦭꦪꦁꦏꦏꦶ꧈​ꦧꦺꦴꦠꦼꦤ꧀ꦥꦸꦫꦸꦤ꧀ꦏꦸꦭꦏꦿꦩ꧈​ꦲꦩꦸꦁꦠꦸꦢꦸꦃꦲꦼꦤꦲꦸꦒꦶꦃ꧈​ꦲꦶꦁꦏꦁꦲꦪꦸꦒꦩꦩꦶ꧈​ꦥꦼꦂꦤꦃꦲꦺꦱꦸꦢꦂꦩꦤꦶꦱꦸꦤ꧀ ꦭꦩꦺꦴꦤ꧀ꦩꦏ꧀ꦱꦶꦃꦲꦒꦼꦱꦁ꧈​ꦲꦪꦸꦤ꧀ꦏꦮꦸꦭꦔꦸꦤ꧀ꦗꦸꦁꦔꦶ꧈​ꦪꦺꦤ꧀ꦒꦼꦱꦁꦔ꧈​ꦥꦸꦤ꧀ꦢꦶꦥꦽꦤꦃꦲꦺꦱꦶꦫꦩ꧈​
꧄ꦏꦭꦁꦏꦸꦁꦱꦔꦼꦠ꧀ꦏꦮꦸꦭ꧈​ꦲꦗꦼꦁꦲꦤꦼꦩ꧀ꦧꦃꦱꦸꦢꦂꦩꦶ꧈​ꦲꦂꦱꦔꦧꦏ꧀ꦠꦶꦲꦶꦁꦧꦥ꧈​ꦩꦶꦭꦭꦫꦤꦺꦏꦁꦔꦠꦶ꧈​ꦏꦮꦸꦭꦲꦩꦫꦤꦶ꧈​ꦲꦶꦁꦮꦺꦴꦁꦔꦸꦤ꧀ꦝꦲꦸꦤ꧀ꦝꦩꦤꦸꦏ꧀ ꦒꦼꦒꦤ꧀ꦝꦺꦴꦤ꧀ꦥꦼꦥꦁꦒꦭꦤ꧀ꦱꦉꦁꦏꦮꦸꦭꦥꦫꦤꦶ꧈​ꦏꦸꦭꦠꦼꦏꦥꦤ꧀ꦱꦩꦶꦧꦸꦧꦂꦱꦢꦪ꧈​
꧄ꦥꦁꦔꦸꦕꦥ꧀ꦥꦺꦮꦺꦴꦁꦔꦏꦛꦃ꧈​ꦲꦶꦏꦸꦏꦶꦩꦱ꧀ꦢꦩꦂꦱꦱꦶ꧈​ꦲꦶꦏꦸꦲꦸꦒꦠ꧀ꦥꦧꦥ꧈​ꦥꦤꦱꦺꦲꦁꦭꦶꦭꦶꦮꦠꦶ꧈​ꦲꦺꦴꦫꦏꦼꦤ꧀ꦤꦱꦶꦤꦤ꧀ꦝꦶꦁꦲꦶꦏꦸꦢꦺꦁꦲꦭꦭꦏꦸ꧈​ꦥꦤ꧀ꦠꦸꦩ꧀ꦥꦼꦂꦕꦶꦤꦮꦼꦠꦤ꧀ ꦥꦤꦱꦺꦲꦔ꧀ꦭꦶꦭꦶꦮꦠꦶ꧈​ꦠꦤ꧀ꦥꦧꦥ꧈​ꦲꦶꦏꦸꦲꦫ​ꦤ꧀ꦢꦩꦂꦮꦸꦭꦤ꧀

[ f.7r ]

꧄ꦪꦺꦤ꧀ꦥꦸꦤ꧀ꦤꦺꦪꦁꦧꦺꦴꦠꦼꦤ꧀ꦠꦺꦢꦃꦥꦼꦂꦤꦃꦲꦺꦱꦸꦢꦂꦩꦩꦩꦶ꧈​ꦥꦱ꧀ꦛꦶꦏꦸꦭꦲꦩꦶꦠ꧀ꦏꦺꦱꦃꦩꦤ꧀ꦗꦶꦁꦮꦤꦤꦶꦧꦕꦸꦫꦶ꧈​ꦩꦸꦁꦒꦃꦲꦶꦁꦔꦂꦢꦶꦱꦸꦁꦔꦶꦭ꧀ ꦱꦸꦏꦩꦠꦶꦪꦮꦤꦒꦸꦁ꧈​ꦏꦶꦧꦸꦪꦸꦠ꧀ꦠꦁꦔꦤ꧀ꦢꦶꦏ꧈​ꦲꦣꦸꦃꦥꦸꦠꦸꦤꦶꦁꦱꦸꦤ꧀ꦏꦏꦶ꧈​ꦲꦥꦤ꧀ꦱꦶꦫꦥꦸꦠꦸꦲꦢꦸꦮꦺꦱꦸꦢꦫ꧈​
꧄ ꦲꦥꦤ꧀ꦏꦶꦥꦠꦶꦃꦲꦸꦢꦫ꧈​ꦥꦥꦠꦶꦃꦲꦶꦁꦩꦗꦥꦲꦶꦠ꧀ ꦲꦶꦪꦲꦶꦏꦸꦫꦩꦤꦶꦫ꧈​ꦤꦁꦔꦶꦁꦲꦏꦼꦱꦃꦥꦿꦠꦥꦶ꧈​ꦧꦸꦃꦒꦺꦴꦤꦺꦩꦠꦶꦫꦒꦶ꧈​ꦥꦤꦼꦣꦤꦺꦢꦺꦮꦲꦒꦸꦁ꧈​ꦩꦸꦭꦤꦺꦲꦥꦿꦠꦥ꧈​ꦲꦺꦴꦫꦏꦺꦠꦁꦠꦤ꧀ꦢꦿꦥꦠꦶ꧈​ꦱꦗꦠꦶꦤ꧀ꦤꦺꦲꦤꦥꦏ꧀ꦏꦏꦼꦤ꧀ꦤꦶꦁꦱꦶꦫ꧈​
꧄ꦤꦔꦶꦁꦱꦸꦤ꧀ꦢꦸꦒꦲꦶꦁꦤꦭꦫꦩꦤꦶꦫꦮꦸꦱ꧀​ꦔꦼꦩ꧀ꦩꦱ꧀ꦱꦶ꧈​ꦱꦸꦥꦩꦶꦭꦩꦺꦴꦤ꧀ꦒꦼꦱꦁꦔ꧈​ꦲꦺꦁꦒꦭ꧀ꦭꦮꦱ꧀ꦱꦺꦮꦸꦱ꧀ꦥꦿꦥ꧀ꦠꦶ꧈​ꦢꦸꦏ꧀ꦭꦸꦁꦔꦤꦺꦥꦿꦠꦥꦶ꧈​ꦤꦠ꧀ꦏꦭꦤ꧀ꦚꦶꦣꦩ꧀ꦲꦶꦧꦸꦩꦸ꧈​ꦭꦒꦶꦤ꧀ꦚꦶꦣꦩ꧀ꦏꦮꦺꦴꦂꦫꦤ꧀ ꦩꦭꦃꦩꦁꦏꦺꦢꦺꦫꦺꦁꦥꦿꦥ꧀ꦠꦶ꧈​ꦫꦩꦤꦶꦫꦠꦤ꧀ꦧꦸꦃꦒꦺꦴꦤ꧀ꦤꦺꦩꦠꦶꦫꦒ꧈​
꧄ꦏꦶꦢꦩꦂꦮꦸꦭꦤ꧀ꦤꦁꦔꦸꦕꦥ꧀ ꦲꦺꦪꦁꦏꦮꦸꦭꦲꦥ꧀ꦥꦩꦶꦠ꧀ ꦲꦔꦸꦭꦂꦫꦶꦣꦠꦼꦁꦫꦩ꧈​ꦲꦤ꧀ꦗꦗꦃꦒꦸꦮꦏꦁꦱꦶꦁꦔꦶꦠ꧀ ꦩꦶꦒꦃꦲꦶꦁꦔꦂꦢꦶꦱꦸꦔꦶꦭ꧀ ꦤꦢꦾꦤ꧀ꦩꦠꦶꦪꦮꦏ꧀ꦏꦶꦁꦱꦸꦤ꧀ ꦏꦶꦧꦸꦪꦸꦠ꧀ꦠꦁꦔꦤ꧀ꦢꦶꦏ꧈​ꦮꦸꦮꦸꦱ꧀ꦱꦺꦲꦫꦸꦩꦩꦤꦶꦱ꧀ ꦲꦗꦭꦸꦁꦔꦥꦸꦤ꧀ꦤꦺꦪꦁꦢꦢꦺꦴꦱ꧀ꦥꦸꦤꦥ꧈​
꧄ꦧꦭꦶꦏ꧀ꦱꦶꦫꦔꦮꦸꦭꦲꦩꦿꦶꦁꦤꦒꦫꦩꦗꦥꦲꦶꦠ꧀ ꦱꦢꦸꦭꦸꦫꦺꦫꦩꦤꦶꦫ꧈​ꦥꦤ꧀ꦩꦏ꧀ꦱꦶꦃꦢꦢꦺꦴꦱ꧀ꦥꦥꦠꦶꦃ꧈​ꦲꦤꦁꦔꦶꦁꦩꦗꦥꦲꦶꦠ꧀ ꦥꦠꦶꦃꦭꦺꦴꦒꦼꦤ꧀ꦢꦺꦂꦫꦤ꧀ꦤꦶꦥꦸꦤ꧀ ꦫꦩꦤꦶꦫꦏꦁꦠꦸꦮ꧈​ꦥꦠꦶꦃꦭꦺꦴꦒꦼꦤ꧀ꦢꦺꦂꦏꦁꦫꦪꦶ꧈​ꦤꦁꦔꦶꦁꦱꦶꦫꦥꦸꦠꦸꦢꦺꦤ꧀ꦧꦶꦱꦔꦮꦸꦭ

[ f.7v ]

꧄ꦮꦼꦮꦼꦏꦱ꧀ꦱꦶꦁꦱꦸꦤ꧀ꦤꦶꦁꦱꦶꦫ꧈​ꦩꦤꦮꦏꦶꦥꦠꦶꦃꦭꦭꦶ꧈​ꦏꦭꦶꦁꦔꦤ꧀ꦤꦶꦁꦏꦮꦶꦧꦮꦤ꧀ ꦮꦤ꧀ꦠꦸꦤ꧀ꦤꦶꦁꦮꦺꦴꦁꦗꦩꦤ꧀ꦩꦁꦏꦶꦤ꧀ ꦤꦸꦭꦶꦒꦼꦭꦶꦱ꧀ꦱꦩꦸꦭꦶꦃ꧈​ꦲꦗꦱꦶꦫꦥꦫꦶꦏꦸꦢꦸ꧈​ꦏꦁꦮꦪꦃꦲꦠꦸꦂꦱꦼꦩ꧀ꦧꦃꦲꦶꦔꦺꦪꦃꦤꦸꦭꦾꦔꦸꦤ꧀ꦗꦸꦁꦔꦶ꧈​ꦲꦶꦧꦸꦤꦶꦫꦲꦤ꧀ꦢꦸꦭꦸꦲꦱ꧀ꦩꦸꦏꦫꦸꦤ꧈​
꧄ꦏꦁꦔꦶꦧꦸꦲꦭꦺꦴꦤ꧀ꦤꦁꦔꦸꦕꦥ꧀ ꦲꦭꦥꦪꦸꦩꦸꦭꦶꦣꦶꦔꦶꦤ꧀ ꦲꦼꦩꦱ꧀ꦱꦶꦫꦧꦸꦱꦤꦲ꧈​ꦲꦶꦱꦥꦠꦸꦠ꧀ꦠꦺꦮꦺꦴꦁꦩꦶꦱ꧀ꦏꦶꦤ꧀ ꦥꦱ꧀ꦛꦶꦲꦏꦺꦃꦔꦺꦱꦼꦩ꧀ꦩꦶꦏꦁꦲꦺꦴꦫꦣꦼꦩꦼꦤ꧀ꦩꦫꦶꦁꦱꦸꦤ꧀ ꦪꦺꦤ꧀ꦱꦶꦫꦔꦁꦒꦺꦴꦲꦭ꧈​ꦥꦤ꧀ꦤꦿꦩꦤꦶꦫꦏꦫꦶꦲꦶꦤ꧀ ꦩꦶꦭꦸꦏꦂꦪꦤꦒꦫꦲꦶꦁꦩꦗꦊꦁꦏ꧈​
꧄ꦏꦶꦤꦩ꧀ꦥꦸꦮꦤ꧀ꦗꦶꦒꦩꦱ꧈​ꦫꦶꦤꦺꦗꦺꦁꦠꦸꦩ꧀ꦥꦭ꧀ꦭꦺꦲꦢꦶ꧈​ꦲꦏꦸꦭꦸꦏ꧀ꦏꦶꦤꦤꦶꦒꦫ꧈​ꦭꦤ꧀ꦕꦶꦁꦔꦤ꧀ꦱꦼꦏꦂꦧꦭꦶꦁꦧꦶꦁ꧈​ꦲꦱꦧꦸꦏ꧀ꦕꦶꦤ꧀ꦝꦺꦫꦶꦁꦒꦶꦠ꧀ ꦲꦸꦏꦶꦂꦫꦤ꧀ꦕꦸꦭꦱꦶꦤꦼꦩꦸ꧈​ꦏꦤ꧀ꦢꦼꦭꦤ꧀ꦕꦶꦤꦫꦁꦕꦁ꧈​ꦲꦁꦔꦸꦕꦥ꧀ꦤꦶꦥꦿꦩꦺꦱꦾꦫꦶ꧈​ꦧꦒꦸꦱ꧀ꦠꦼꦩꦼꦤ꧀ꦧꦧꦸꦲꦤꦏ꧀ꦏꦺꦱꦶꦧꦶꦪꦁ꧈​
꧄ꦤꦶꦫꦁꦣꦲꦶꦁꦥꦭꦸꦲꦩ꧀ꦧꦮꦸꦮꦸꦱ꧀ꦱꦺꦲꦫꦸꦩꦩꦤꦶꦱ꧀ ꦲꦣꦸꦃꦤ꧀ꦚꦮꦲꦤꦏ꧀ꦏꦶꦁꦮꦁ꧈​ꦲꦗꦱꦶꦫꦭꦩꦶꦭꦩꦶ꧈​ꦤꦸꦭꦶꦒꦼꦭꦶꦱ꧀ꦱꦩꦸꦭꦶꦃ꧈​ꦢꦢꦶꦥꦸꦤ꧀ꦤꦥꦥꦸꦤ꧀ꦤꦶꦧꦸꦫꦩꦤꦶꦫꦲꦶꦁꦏꦸꦤ꧀ꦤꦠꦶꦭꦂꦥꦤꦏꦮꦤ꧀ꦏꦭꦶꦃ꧈​ꦱꦧ꧀ꦢꦥꦭꦺꦴꦤ꧀ꦤꦪꦒꦺꦁꦒꦺꦴꦁꦠꦶꦤꦶꦩ꧀ꦧꦭꦤ꧈​
꧄ꦏꦁꦏꦶꦤꦺꦤ꧀ꦱꦩ꧀ꦥꦸꦤ꧀ꦭꦸꦩꦩ꧀ꦥꦃ꧈​ꦤꦶꦩ꧀ꦧꦭꦶꦥꦮꦺꦴꦁꦔꦤ꧀ꦏꦭꦶꦃ꧈​ꦏꦶꦤꦪꦒꦺꦁꦒꦺꦴꦁꦥꦸꦤꦶꦏ꧈​ꦏꦶꦱꦧ꧀ꦢꦥꦭꦺꦴꦤ꧀ꦏꦥꦁꦒꦶꦃ꧈​ꦲꦤꦺꦁꦱꦺꦴꦂꦫꦶꦁꦮꦫꦶꦁꦔꦶꦤ꧀ ꦥꦤ꧀ꦱꦶꦮꦼꦒ꧀ꦱꦩꦶꦲꦣꦣꦸ꧈​ꦥꦮꦺꦴꦁꦔꦤ꧀ꦤꦭꦺꦴꦤ꧀ꦩꦺꦴꦗꦂ꧈​ꦤꦪꦒꦺꦁꦒꦺꦴꦁꦢꦶꦠꦶꦩ꧀ꦧꦭ꧀ꦭꦶ꧈​ꦭꦤ꧀ꦩꦤ꧀ꦱꦧ꧀ꦢ꧈​ꦥꦣꦢꦶꦏꦺꦴꦤ꧀ꦏꦼꦏꦼꦧꦠ꧀ꦠꦤ꧀

[ f.8r ]

꧄ꦏꦶꦱꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀ ꦲꦤꦒꦮꦺꦲꦥꦲꦶꦏꦶ꧈​ꦲꦶꦔꦺꦴꦁꦧꦶꦧꦶꦭꦒꦶꦏꦭꦃ꧈​ꦤꦪꦒꦺꦁꦒꦺꦴꦁꦲꦁꦭꦶꦁꦔꦫꦶꦱ꧀ ꦩꦁꦱꦧꦢꦲꦲꦶꦏꦶꦮꦸꦱ꧀ꦩꦪꦸꦥꦣꦭꦸꦩꦏꦸ꧈​ꦤꦸꦭꦶꦱꦉꦁꦭꦸꦩꦩ꧀ꦥꦃ꧈​ꦲꦶꦁꦥꦺꦴꦠꦸꦱꦤ꧀ꦱꦩ꧀ꦥꦸꦤ꧀ꦏꦺꦫꦶꦁ꧈​ꦤꦸꦭꦾꦥꦿꦥ꧀ꦠꦲꦶꦔꦂꦱꦤꦺꦥꦿꦩꦺꦱꦾꦫ
꧄ꦏꦁꦔꦶꦧꦸꦲꦫꦶꦱ꧀​ꦔꦤ꧀ꦢꦶꦏ꧈​ꦱꦼꦧ꧀ꦢꦥꦭꦺꦴꦤ꧀ꦢꦶꦲꦧꦼꦕꦶꦏ꧀ ꦤꦪꦒꦺꦁꦒꦺꦴꦁꦢꦶꦥꦿꦪꦠ꧀ꦤ꧈​ꦥꦣꦢꦺꦤ꧀ꦤꦔꦠꦶꦲꦠꦶ꧈​ꦔꦶꦫꦶꦁꦒꦸꦱ꧀ꦠꦶꦩꦸꦲꦶꦏꦶꦱꦼꦧ꧀ꦢꦥꦭꦺꦴꦤ꧀ꦤꦸꦭꦾꦩꦠꦸꦂ꧈​ꦲꦶꦁꦒꦶꦃꦧꦼꦤ꧀ꦢꦫꦏꦸꦭꦲꦗꦼꦁꦭꦸꦩꦩ꧀ꦥꦃꦲꦶꦁꦥꦸꦤ꧀ꦢꦶ꧈​ꦥꦿꦩꦾꦺꦱꦾꦫꦔꦤ꧀ꦢꦶꦏꦩꦿꦶꦁꦩꦗꦊꦁꦏ꧈​
꧄ꦲꦉꦥ꧀ꦩꦊꦔꦮꦸꦭꦲꦶꦁꦥꦩꦤ꧀ꦤꦤꦺꦏꦶꦥꦠꦶꦃ꧈​ꦲꦶꦁꦗꦿꦺꦴꦏꦸꦛꦩꦗꦊꦏ꧈​ꦱꦧ꧀ꦢꦥꦭꦺꦴꦤ꧀ꦩꦠꦸꦂꦫꦫꦶꦱ꧀ ꦲꦶꦁꦒꦶꦃꦏꦮꦸꦭꦒꦸꦱ꧀ꦠꦶ꧈​ꦱꦩ꧀ꦥꦺꦪꦤ꧀ꦥꦫꦶꦁꦔꦶꦱꦁꦔꦸ꧈​ꦏꦸꦭꦢꦺꦫꦺꦁꦱꦼꦱꦫꦥ꧀ ꦏꦭꦶꦃꦱꦠꦲꦶꦁꦏꦁꦩꦤ꧀ꦢꦶ꧈​ꦱꦼꦧ꧀ꦢꦥꦭꦺꦴꦤ꧀​ꦕꦫꦺꦕꦺꦠ꧀ꦠꦺꦢꦶꦥꦸꦤ꧀ꦒꦼ​ꦭꦂ꧈​
꧄ꦱꦩ꧀ꦥꦸꦤ꧀ꦱꦶꦫꦱꦶꦤꦔꦺꦴꦤꦤ꧀ ꦮꦲꦸꦥꦤꦏꦮꦤ꧀ꦏꦭꦶꦃ꧈​ꦤꦪꦒꦺꦁꦒꦺꦴꦁꦧꦺꦴꦁꦒꦺꦴꦭ꧀ꦮꦣꦁ꧈​ꦢꦩꦼꦭ꧀ꦱꦼꦱꦫꦥ꧀ꦥꦶꦁꦩꦂꦒꦶ꧈​ꦥꦤ꧀ꦱꦩ꧀ꦥꦸꦤ꧀ꦥꦶꦤꦶꦱꦭꦶꦤ꧀ꦥꦤꦼꦏꦮꦤ꧀ꦏꦭꦶꦃꦲꦶꦥꦸꦤ꧀ꦲꦤꦸꦭꦾꦱꦉꦁꦤꦼꦩ꧀ꦧꦃ꧈​ꦮꦲꦸꦣꦠꦼꦁꦥꦿꦩꦺꦱꦾꦫꦶ꧈​ꦢꦩꦂꦮꦸꦭꦤ꧀​​ꦲꦁꦔꦸꦤ꧀ꦗꦸꦁꦔꦶꦲꦶꦧꦸꦤꦶꦫ꧈​

[ f.8v ]

꧄ꦏꦁꦔꦶꦧꦸꦲꦫꦶꦱ꧀​ꦔꦤ꧀ꦢꦶꦏ꧈​ꦱꦼꦧ꧀ꦢꦥꦭꦺꦴꦤ꧀ꦮꦼꦏꦱ꧀ꦩꦩꦶ꧈​ꦱꦸꦤ꧀ꦏꦂꦪꦏꦼꦂꦠꦮꦢꦤ꧀ꦤ꧈​ꦏꦂꦠꦲꦸꦥꦩꦤꦺꦲꦺꦱ꧀ꦛꦶ꧈​ꦮꦢꦤꦭꦶꦂꦱꦫꦠꦶ꧈​ꦢꦺꦤ꧀ꦧꦶꦱꦲꦁ​ꦫꦏ꧀ꦱꦏꦺꦮꦸꦃ꧈​ꦪꦺꦤ꧀ꦤꦺꦤꦏ꧀ꦏꦗꦺꦴꦏ꧀ꦏꦼꦤ꧈​ꦪꦺꦤ꧀ꦢꦸꦢꦸꦢꦸꦂꦉꦤ꧀ꦤꦱꦶꦁꦒꦶꦃ꧈​ꦥꦺꦴꦩꦥꦺꦴꦩꦢꦺꦤ꧀ꦧꦶꦱꦲꦗꦥꦺꦥꦺꦏ꧈​
꧄ꦏꦶꦢꦩꦂꦮꦸꦭꦤ꧀ꦮꦸꦱ꧀ꦏꦺꦱꦃꦱꦼꦗꦩꦫꦶꦁꦩꦗꦥꦲꦶꦠ꧀ ꦥꦤꦏꦮꦤꦺꦤꦺꦁꦮꦸꦤ꧀ꦠꦠ꧀ ꦢꦠꦤ꧀ꦏꦮꦂꦤꦲꦶꦁꦩꦂꦒꦶ꧈​ꦲꦏꦛꦃꦏꦁꦤꦶꦔꦭ꧀ꦭꦶ꧈​ꦲꦶꦁꦮꦂꦤꦤꦺꦏꦁꦭꦸꦩꦏꦸ꧈​ꦗꦼꦗꦼꦥ꧀ꦭꦏ꧀ꦭꦤ꧀ꦭꦼꦭꦁꦔꦏ꧀ ꦩꦺꦴꦩꦺꦴꦤ꧀ꦢꦿꦺꦁꦭꦮꦤ꧀ꦢꦸꦢꦸꦁꦔꦶꦏ꧀ ꦲꦫꦤ꧀ꦠꦧꦤ꧀ꦗꦼꦧ꧀ꦭꦺꦴꦒ꧀ꦒꦤ꧀ꦭꦮꦤ꧀ꦤꦭꦸꦫꦤ꧀
꧄ꦠꦼꦒꦼꦱ꧀ꦱꦺꦗꦼꦧ꧀ꦭꦺꦴꦒꦤ꧀ꦤꦿꦁꦣ꧈​ꦲꦭꦸꦫꦤ꧀ꦏꦼꦉꦥ꧀ꦥꦭꦏꦶ꧈​ꦩꦺꦴꦩꦺꦴꦤ꧀ꦢꦿꦺꦁꦲꦶꦏꦸꦱꦺꦴꦩꦃꦲꦤ꧀ ꦢꦸꦢꦸꦁꦔꦶꦏ꧀ꦥꦫꦮꦤ꧀ꦱꦸꦤ꧀ꦛꦶ꧈​ꦲꦭꦩ꧀ꦮꦺꦴꦁꦩꦗꦥꦲꦶꦠ꧀ ꦮꦸꦱ꧀ꦠꦠꦤꦺꦥꦫꦧꦸꦪꦸꦠ꧀ ꦗꦼꦗꦼꦥ꧀ꦭꦏ꧀ꦭꦤ꧀ꦭꦭꦁꦔꦏ꧀ ꦲꦤꦺꦁꦩꦂꦒꦠꦶꦁꦏꦂꦫꦶꦤ꧀ꦠꦶꦥ꧀ ꦲꦠꦤꦥꦶꦧꦧꦏꦸꦭ꧀ꦭ​ꦤ꧀ꦱꦩ꧀ꦧꦺꦮꦫ꧈​
꧄ꦣꦱꦂꦮꦺꦴꦁꦧꦒꦸꦱ꧀ꦱꦸꦠꦩꦮꦂꦤꦤꦶꦫꦢꦩꦂꦱꦱꦶ꧈​ꦲꦒꦸꦁꦲꦶꦁꦏꦁꦲꦗꦗꦮꦠ꧀ ꦲꦏꦺꦃꦩꦺꦴꦩꦺꦴꦤ꧀ꦢꦿꦺꦁꦲꦁꦔꦶꦤ꧀ꦛꦶꦭ꧀ ꦮꦺꦴꦁꦢꦺꦴꦢꦺꦴꦭ꧀ꦭꦭꦶꦁꦔꦫꦶꦱ꧀ ꦩꦩ꧀ꦥꦶꦂꦫꦲꦶꦁꦣꦱꦂꦲꦶꦱꦸꦤ꧀ ꦧꦠꦸꦂꦫꦺꦢꦺꦴꦢꦺꦴꦭ꧀ꦔꦸꦕꦥ꧀ ꦩꦩ꧀ꦥꦶꦂꦫꦲꦶꦁꦣꦱꦂꦩꦩꦶ꧈​ꦢꦢꦾꦠꦸꦏꦂꦮꦮꦫꦸꦁꦥꦠꦶꦧꦫꦏ꧀ꦏꦿꦏ꧀

[ f.9r ]꧄ꦏꦶꦱꦼꦧ꧀ꦢꦥꦭꦺꦴꦤ꧀ꦤꦿꦫꦪꦃꦲꦺꦴꦤ꧀ꦝꦺꦲꦺꦴꦤ꧀ꦝꦺꦢꦶꦏꦤ꧀ꦝꦸꦠ꧀ꦠꦶ꧈​ꦲꦩ꧀ꦧꦉꦤ꧀ꦢꦸꦁꦮꦼꦠꦼꦁꦔꦶꦫ꧈​ꦤꦪꦒꦺꦴꦁꦲꦤ꧀ꦗꦸꦥꦺꦴꦏꦶ꧈​ꦲꦩ꧀ꦥꦾꦁꦭꦮꦤ꧀ꦱꦼꦫꦧꦶ꧈​ꦮꦸꦱ꧀ꦥꦶꦤꦁꦔꦤ꧀​ꦔꦩꦸꦏ꧀ꦏꦩꦸꦏ꧀ ꦲꦮꦏ꧀ꦏꦺꦢꦸꦭꦺꦮꦺꦂꦫꦤ꧀ ꦭꦼꦕꦠ꧀ꦠꦺꦔꦤ꧀ꦝꦸꦠ꧀ꦒꦼꦭꦭꦶ꧈​ꦏꦁꦣꦣꦱꦂꦱꦩꦾꦠꦸꦭꦸꦁꦠꦶꦤꦸꦭꦸꦁꦔꦤ꧀
꧄ꦱꦮꦤꦺꦃꦲꦤꦗꦗꦮꦠ꧀ꦮꦸꦮꦸꦱꦺꦲꦤ꧀ꦚꦭꦮꦢꦶ꧈​ꦏꦶꦲꦼꦩꦱ꧀ꦢꦶꦏꦩꦩ꧀ꦥꦶꦂꦫ꧈​ꦱꦩ꧀ꦥꦸꦤ꧀ꦏꦮꦸꦭꦕꦮꦶꦱꦶ꧈​ꦱꦸꦱꦸꦩ꧀ꦥꦶꦁꦱꦸꦫꦺꦁꦥꦠꦶ꧈​ꦩꦢꦠ꧀ꦱꦥꦕꦺꦠꦤ꧀ꦤꦶꦥꦸꦤ꧀ ꦲꦸꦢꦸꦢ꧀ꦢꦫꦺꦴꦏꦺꦴꦏ꧀ꦢꦮ꧈​ꦮꦸꦱ꧀ꦱꦸꦤ꧀ꦗꦺꦴꦒꦶꦩꦼꦤ꧀ꦚꦤ꧀ꦥꦸꦠꦶꦃ꧈​ꦱꦸꦤ꧀ꦏꦼꦧꦸꦠꦶꦮꦺꦴꦁꦧꦒꦸꦱ꧀ꦝꦲꦫꦮꦺꦢꦁ꧈​
꧄ꦱꦮꦤꦺꦃꦲꦤꦲꦁꦔꦕꦥ꧀ ꦲꦺꦴꦫꦧꦱꦩꦩ꧀ꦧꦸꦲꦠꦶ꧈​ꦏꦶꦗꦏꦠꦶꦭꦂꦱꦱꦤ꧈​ꦲꦒꦮꦺꦫꦱꦤꦶꦁꦔꦠꦶ꧈​ꦥꦱ꧀ꦛꦶꦲꦶꦏꦲꦱꦼꦥꦶꦥꦭꦸꦲꦩ꧀ꦧꦏꦼꦩ꧀ꦧꦁꦔꦶꦥꦸꦤ꧀ ꦥꦱ꧀ꦛꦶꦱꦸꦮꦸꦁꦏꦺꦮꦭ꧈​ꦪꦺꦤ꧀ꦏꦺꦱꦃꦏꦶꦢꦩꦂꦱꦱꦶ꧈​ꦲꦺꦴꦫꦤꦤ꧈​ꦧꦼꦧꦤ꧀ꦛꦺꦁꦔꦤ꧀ꦥꦭꦸꦲꦩ꧀ꦧ꧈​
꧄ꦲꦤꦩꦤꦶꦁꦏꦁꦗꦗꦮꦠ꧀ꦩꦩ꧀ꦥꦶꦂꦫꦲꦶꦁꦮꦶꦱ꧀ꦩꦩꦩꦶ꧈​ꦱꦸꦤ꧀ꦕꦮꦶꦱ꧀ꦱꦶꦣꦣꦲꦂꦫꦤ꧀ ꦔꦶꦤꦼꦥ꧀ꦥꦠꦼꦏꦱꦮꦼꦔꦶ꧈​ꦏꦶꦲꦼꦩꦱ꧀ꦢꦩꦂꦱꦱꦶ꧈​ꦭꦸꦔꦢꦒꦁꦭꦏꦶꦤꦶꦁꦱꦸꦤ꧀ ꦠꦸꦮꦫꦸꦥꦤꦺꦲꦭ꧈​ꦲꦏꦼꦉꦁꦧꦫꦶꦩꦢꦠ꧀ꦠꦶ꧈​ꦥꦤꦼꦣꦏꦸꦲꦗꦏꦺꦴꦁꦱꦶꦩꦸꦭꦶꦃꦮꦶꦱ꧀ꦩ꧈​
꧄ꦲꦤꦱꦮꦶꦗꦶꦲꦁꦔꦸꦕꦥ꧀ꦩꦩ꧀ꦥꦶꦂꦫꦮꦼꦮꦫꦸꦁꦩꦩꦶ꧈​ꦛꦼꦛꦺꦁꦔꦺꦭ꧀ꦭꦶꦁꦥꦭꦸꦲꦩ꧀ꦧ꧈​ꦲꦁꦔꦶꦤꦁꦔꦗꦩ꧀ꦧꦺꦮꦁꦔꦶ꧈​ꦱꦠꦏꦁꦭꦸꦮꦶꦃꦩꦤ꧀ꦢꦶ꧈​ꦱꦸꦫꦸꦃꦕꦤꦁꦲꦥꦸꦕꦩ꧀ꦥꦸꦂ꧈​ꦱꦮꦤꦺꦃꦲꦤꦔꦸꦕꦥ꧀ ꦮꦸꦮꦸꦱ꧀ꦱꦺꦲꦱꦼ [ f.9v ]ꦩꦸꦠꦁꦔꦶꦱ꧀ ꦥꦤ꧀ꦤꦠꦺꦩ꧀ꦧꦏ꧀​ꦲꦒꦼꦧꦒꦤ꧀ꦤꦫꦤ꧀ꦠꦧꦤ꧀

꧄ꦏꦶꦱꦼꦧ꧀ꦢꦥꦭꦺꦴꦤ꧀ꦤꦁꦮꦸꦤ꧀ꦠꦠ꧀ ꦲꦕꦶꦁꦕꦶꦁꦲꦮꦒꦼꦠ꧀ꦏꦸꦥꦶꦁ꧈​ꦧꦿꦲꦭꦤꦺꦏꦸꦭꦮꦺꦫꦤ꧀ ꦫꦸꦤ꧀ꦠꦶꦏ꧀ꦱꦏꦺꦃꦲꦤꦶꦔꦭ꧀ꦭꦶ꧈​ꦧꦪꦲꦶꦏꦮꦺꦴꦁꦧꦫꦶꦁ꧈​ꦏꦺꦴꦤ꧀ꦛꦺꦴꦭ꧀ꦭꦺꦏꦠꦺꦴꦤ꧀ꦒꦸꦩꦤ꧀ꦝꦸꦭ꧀ ꦱꦼꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀ꦢꦶꦥꦿꦩꦤꦲꦤꦶꦔꦭ꧀ꦭꦶ꧈​ꦲꦶꦪꦩꦼꦁꦏꦺꦴꦔꦺꦴꦁꦩꦭꦏꦸꦭꦺꦭꦺꦤ꧀ꦝꦺꦏ꧀ꦏꦤ꧀
꧄ꦲꦤꦥꦫꦮꦤ꧀ꦤꦁꦔꦸꦕꦥ꧀ꦱꦶꦣꦼꦁꦏꦃꦏꦺꦴꦤ꧀ꦛꦺꦴꦭ꧀ꦭꦺꦱꦁꦭꦶꦂ꧈​ꦏꦶꦱꦼꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀ ꦲꦥꦱꦁ​ꦭꦶꦂꦱꦁ​ꦭꦶꦂ​ꦲꦶ​ꦏꦶ꧈​ꦤꦶꦮꦸꦭꦤ꧀ꦗꦂꦤꦲꦸꦫꦶꦤ꧀ꦚꦠꦪꦺꦤ꧀ꦱꦁ​ꦭꦶꦂꦏꦺꦴꦤ꧀ꦛꦺꦴꦭ꧀ꦩꦸ꧈​ꦱꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀ꦭꦩꦺꦴꦤ꧀ꦠꦗꦼꦩ꧀ꦏꦺꦴꦤ꧀ꦛꦺꦴꦭ꧀ꦩꦩꦶ꧈​ꦭꦫꦁꦲꦸꦪꦃꦩꦸꦫꦃꦧꦼꦫꦱ꧀ꦩꦗꦊꦁꦏ꧈​
꧄ꦢꦠꦤ꧀ꦏꦮꦂꦤꦲꦶꦁꦩꦂꦒ ꦮꦸꦱ꧀ꦥꦿꦥ꧀ꦠꦲꦶꦁꦩꦗꦥꦲꦶꦠ꧀ ꦭꦩ꧀ꦥꦃꦲꦺꦏꦶꦢꦩꦂꦮꦸꦭꦤ꧀ ꦗꦸꦗꦸꦒ꧀ꦢꦊꦩꦺꦏꦶꦥꦠꦶꦃ꧈​ꦱꦩ꧀ꦥꦸꦤ꧀ꦩꦊꦧꦸꦏꦺꦴꦫꦶ꧈​ꦏꦤ꧀ꦝꦼꦒ꧀ꦥꦫꦺꦒꦺꦴꦭꦤ꧀ꦤꦶꦥꦸꦤ꧀ꦩꦁꦭꦺꦴꦁꦩꦁꦭꦺꦴꦁꦲꦶꦁꦭꦮꦁ꧈​ꦮꦲꦸꦫꦢꦺꦤ꧀ꦢꦩꦂꦱꦱꦶ꧈​ꦏꦁꦠꦸꦩꦷꦔꦭ꧀ꦥꦣꦔꦼꦩꦸꦒꦸꦭꦢꦿꦮ [ f.10r ]
꧅ ꦚ꧀ꦖ ꧅

꧁ꦝꦤ꧀ꦝꦁꦒꦸꦭ꧂

꧄ꦥꦤ꧀ꦚꦤꦤꦺꦮꦺꦴꦁꦔꦶꦁꦩꦗꦥꦲꦶꦠ꧀ ꦢꦶꦥꦸꦤ꧀ꦚꦤ꧀ꦤꦏꦶꦗꦏꦥꦸꦤꦶꦏꦱꦤ꧀ꦠꦤꦤꦺꦏꦁꦔꦒꦼꦣꦺ꧈​ꦱꦏꦺꦲꦺꦏꦁꦲꦤ꧀ꦢꦸꦭꦸ꧈​ꦢꦠꦤ꧀ꦮꦤꦶꦔꦫꦸꦲꦫꦸꦲꦶ꧈​ꦩꦫꦁꦏꦶꦢꦩꦂꦮꦸꦭꦤ꧀ꦕꦪꦤꦺꦲꦸꦩꦤ꧀ꦕꦸꦂ꧈​ꦤ꧀ꦚꦤꦤꦺꦮꦺꦴꦁꦏꦥꦠꦶꦪꦤ꧀ꦢꦶꦥꦸꦤ꧀ꦚꦤ꧈​ꦱꦤ꧀ꦠꦤꦤꦺꦱꦁꦤꦂꦥꦠꦶ꧈​ꦢꦺꦤꦶꦁꦠꦤ꧀ꦩꦮꦶꦠꦲ꧈​
꧄ꦏꦮꦂꦤꦲꦥꦸꦠꦿꦤꦺꦏꦶꦥꦠꦶꦃ ꦭꦪꦁꦱꦺꦠꦿ꧈​ꦮꦱ꧀ꦠꦤꦺꦏꦁꦠꦸꦮ꧈​ ꦭꦪꦁꦏꦸꦩꦶꦠꦶꦂꦏꦁꦔꦤꦺꦴꦩ꧀ ꦱꦺꦴꦃꦲꦤ꧀ꦤꦶꦁꦫꦩꦤꦶꦥꦸꦤ꧀ ꦒꦸꦭꦁꦒꦸꦭꦁ꧈​ꦏꦛꦃꦲꦁꦔꦶꦫꦶꦁ꧈​ꦢꦸꦫꦥꦠꦶꦲꦶꦁꦔꦂꦱꦗꦒꦧꦺꦭꦥꦸꦁꦏꦸꦂ꧈​ꦩꦶꦮꦃꦏꦁꦮꦺꦴꦁꦧꦉꦁꦠꦤ꧀ꦢꦁ꧈​ꦱꦩꦶꦧꦏ꧀ꦠꦒꦒꦩꦤ꧀ꦥꦼꦣꦁꦭꦤ꧀ꦠꦩ꧀ꦱꦶꦂ꧈​ꦭꦤ꧀ꦮꦲꦺꦴꦱ꧀ꦕꦺꦕꦺꦧꦺꦴꦭꦤ꧀ [ f.10v ]

꧄ꦏꦶꦭꦪꦁꦱꦺꦠꦿꦏꦒꦺꦠ꧀ꦤꦶꦔꦭ꧀ꦭꦶ꧈​ꦭꦪꦁꦏꦸꦩꦶꦠꦶꦂꦲꦮꦱ꧀ꦠꦸꦩꦶꦔꦭ꧀ ꦲꦤ꧀ꦢꦸꦭꦸꦮꦺꦴꦁꦧꦒꦸꦱ꧀ꦱꦤꦺꦴꦩ꧈​ꦮꦸꦱ꧀ꦠꦶꦤꦶꦩ꧀ꦧꦭꦤ꧀ꦱꦩ꧀ꦥꦸꦤ꧈​ꦠꦶꦤꦏꦺꦴꦤꦤ꧀ꦭꦤ꧀ꦧꦱꦫꦶꦫꦶ꧈​ꦏꦶꦤꦼꦥꦸꦁꦲꦤꦺꦁꦠꦼꦁꦔꦃꦢꦩꦂꦮꦸꦭꦤ꧀ꦮꦲꦸ꧈​ꦲꦁꦔꦸꦕꦥ꧀ꦏꦶꦭꦪꦁꦱꦺꦠꦿ ꦱꦶꦫꦲꦶꦏꦶ꧈​ꦫꦗꦱꦶꦤꦠꦿꦶꦪꦔꦼꦤ꧀ꦢꦶ꧈​ꦢꦺꦤꦶꦁꦩꦁꦭꦺꦴꦁꦲꦶꦁꦭꦮꦁ꧈​
꧄ꦱꦥꦱꦶꦤ꧀ꦠꦼꦤ꧀ꦱꦶꦤꦩ꧀ꦧꦠ꧀ꦮꦮꦁꦔꦶ꧈​ ꦲꦭꦺꦴꦤ꧀ꦤꦠꦸꦂꦫꦺꦏꦶꦢꦩꦂꦮꦸꦭꦤ꧀ꦤꦠꦸꦂꦏꦮꦸꦭꦫꦃꦲꦢꦺꦤ꧀꧈​ꦮꦶꦱ꧀ꦩꦏꦮꦸꦭꦣꦸꦱꦸꦤ꧀ꦥꦭꦸꦲꦩ꧀ꦧꦮꦱ꧀ꦠꦤꦺꦱꦶꦁꦒꦶꦃ꧈​ꦲꦶꦁꦒꦶꦃꦥꦸꦤ꧀ꦢꦩꦂꦮꦸꦭꦤ꧀ꦤꦿꦢꦺꦤ꧀ꦤꦫꦤ꧀ꦤꦶꦁꦱꦸꦤ꧀ ꦏꦶꦧꦸꦪꦸꦠ꧀ꦠꦶꦁꦥꦭꦸꦲꦩ꧀ꦧꦥꦽꦤꦃꦏꦏꦶ꧈​ꦫꦢꦺꦤ꧀ꦝꦠꦼꦁꦏꦮꦸꦭꦺꦏꦶ꧈​ꦲꦱꦭ꧀ꦱꦶꦁꦥꦭꦸꦲꦩ꧀ꦧ꧈​
꧄ꦲꦱꦿꦸꦔꦤ꧀ꦢꦶꦏꦭꦪꦁꦏꦸꦩꦶꦠꦶꦂ꧈​ꦲꦺꦃꦮꦺꦴꦁꦧꦒꦸꦱ꧀​ꦥꦫꦱꦼꦗꦤꦶꦫꦥꦏꦤꦶꦫꦠꦼꦏꦏꦺꦤꦺ꧈​ꦢꦩꦂꦮꦸꦭꦤ꧀ꦤꦸꦩꦠꦸꦂ꧈​ꦮꦼꦂꦠꦶꦤꦶꦥꦸꦤ꧀​ꦏꦶꦪꦲꦶꦥꦠꦶꦃꦱꦣꦺꦫꦺꦏꦺꦥꦸꦤ꧀ꦧꦥ꧈​ꦤꦼꦁꦒꦶꦃꦫꦩꦤꦶꦱꦸꦤ꧀ ꦲꦫꦤ꧀ꦏꦶꦥꦠꦶꦃꦲꦸꦢꦫ꧈​ꦩꦶꦭꦤꦶꦥꦸꦤ꧀ꦏꦮꦸꦭꦩꦉꦏ꧀ꦩꦂꦫꦶꦏꦶ꧈​ꦲꦂꦱꦲꦩꦤꦏꦮꦤ꧀
꧄ꦱꦸꦏꦭꦶꦭ꧈​ꦒꦶꦤꦣꦸꦮꦤ꧀ꦤꦫꦶꦠ꧈​ꦥꦤ꧀ꦱꦤ꧀ꦢꦶꦏ꧈​ꦩꦶꦏꦸꦭꦏꦼꦂꦫꦤ꧀ꦗꦁꦲꦱꦧꦸꦏ꧀ꦏꦥꦤ꧀ꦝꦫꦠ꧀ꦠꦺ꧈​ꦪꦺꦤ꧀ꦱꦮꦮꦶꦮꦏ꧀ꦏꦶꦁꦱꦸꦤ꧀ ꦭꦫꦥ꧀ꦥꦼꦤ꧀ꦤꦣꦠꦼꦁꦏꦶꦥꦠꦶꦃ꧈​ꦪꦠꦏꦶꦭꦪꦁꦱꦺꦠꦿ꧈​ꦱꦲꦸꦂꦫꦺꦲꦱꦼꦤ꧀ꦝꦸ꧈​ꦲꦱꦿꦸꦢꦺꦤ꧀ꦤꦶꦫꦲꦤ꧀ꦚꦼꦤ꧀ꦠꦏ꧀ ꦮꦸꦱ꧀ꦗꦩꦏ꧀ꦏꦺꦮꦺꦴꦁꦢꦺꦱꦠꦤ꧀ꦮꦿꦸꦃꦲꦶꦠꦶꦠꦶ꧈​ꦲꦩꦸꦫꦁꦠꦠꦏꦿꦩ꧈​
꧄ꦲꦥꦤꦶꦫꦏꦁꦗꦼꦁꦏꦾꦲꦶꦥꦠꦶꦃ꧈​ꦠꦼꦏꦱꦶꦫꦠꦤ꧀ꦩꦮꦶꦭꦫꦥꦤ꧀ ꦲꦁꦔꦢꦼꦒ꧀ꦥꦫꦺꦒꦺꦴꦭ꧀ꦭꦤꦺ꧈​ꦥꦤ꧀ꦢꦸꦢꦸꦕꦼꦕꦼꦤ꧀ꦝꦺꦁꦩꦸ꧈​ꦢꦸꦢꦸꦏꦢꦁꦲꦶꦫꦏꦶꦪꦲꦶ꧈​ꦭꦤ꧀ꦢꦸꦢꦸꦭꦼꦱ꧀ꦏꦂꦫꦶꦫ꧈​ꦢꦸꦢꦸꦏꦮꦸꦭꦩꦸ꧈​ꦢꦸꦢꦸꦠꦼꦠꦼꦧꦸꦱ꧀ꦱꦤ꧀ꦤꦶꦫꦏꦁꦗꦼꦁꦫꦫ꧈​ꦥꦼꦥꦤ꧀ꦠꦼꦱ꧀ꦱꦺꦲꦺꦴꦫꦱꦸꦢꦶ꧈​ꦢꦸꦮꦺꦥꦸꦠꦿꦲꦶꦢꦺꦱ꧈​

[ f.11r ]

꧄ꦏꦠꦸꦮꦺꦴꦁꦤꦺꦮꦺꦴꦁꦢꦺꦱꦠꦸꦂꦢꦺꦱꦶ꧈​ꦗꦧꦫꦁꦏꦃꦠꦸꦂꦫꦢꦺꦴꦃꦥꦫꦺꦤ꧀ꦠꦃ꧈​ꦏꦺꦴꦫꦺꦏꦃꦠꦤ꧀ꦧꦸꦃꦲꦱꦶꦭ꧀ꦭꦺ꧈​ꦧꦪꦱꦶꦫꦏꦥꦲꦸꦁꦲꦺꦴꦫꦲꦶꦣꦼꦥ꧀ꦢꦊꦩ꧀ꦢꦶꦥꦠꦶ꧈​ꦠꦼꦏꦲꦩꦭꦁꦏꦣꦏ꧀ꦥꦶꦤ꧀ꦠꦸꦤꦺꦮꦺꦴꦁꦔꦒꦸꦁ꧈​ꦧꦪꦠꦤ꧀ꦢꦸꦮꦺꦢꦸꦢꦸꦒꦢꦺꦤ꧀ꦤꦶꦁꦲꦶꦏꦸ꧈​ꦥꦤꦏꦮꦤ꧀ꦤꦺꦏꦏꦭꦶꦃ꧈​ꦏꦫꦺꦴꦥꦣꦩꦤ꧀ꦚꦸꦤ꧀ꦚꦁ꧈​
꧄ꦲꦱꦿꦸꦩꦺꦴꦗꦂꦏꦶꦭꦪꦁꦏꦸꦩꦶꦠꦶꦂ꧈​ꦧꦪꦮꦶꦱ꧀ꦩꦩꦸꦲꦶꦁꦥꦭꦸꦲꦩ꧀ꦧꦲꦺꦴꦫꦤꦤꦮꦺꦴꦁꦣꦮꦸꦏ꧀ꦏꦺ꧈​ꦪꦺꦤ꧀ꦤꦤꦲꦮꦺꦴꦁꦗꦩ꧀ꦧꦸꦭ꧀​ꦥꦱ꧀ꦛꦶꦲꦤꦏꦁꦩꦩꦫꦲꦶ꧈​ꦲꦶꦁꦠꦠꦏꦿꦩꦤꦶꦫꦮꦂꦤꦩꦸꦲꦧꦒꦸꦱ꧀​​ꦠꦼꦏꦲꦠꦶꦭꦂꦢꦸꦢꦸꦒ꧈​ꦠꦶꦁꦥꦭꦺꦴꦁꦔꦺꦴ꧈​ꦲꦶꦏꦸꦧꦠꦸꦂꦫꦺꦏꦏꦭꦶꦃ꧈​ꦣꦁꦏꦭ꧀ꦥꦣꦏꦥꦫꦠ꧀
꧄ꦱꦼꦧ꧀ꦢꦥꦭꦺꦴꦤ꧀​ꦲꦤꦲꦸꦫꦶꦫꦶꦫꦶꦃ꧈​ꦭꦢꦏ꧀ꦠꦼꦩꦼꦤ꧀ꦥꦸꦠꦿꦏꦥꦠꦶꦪꦤ꧀​ꦏꦪꦢꦸꦢꦸꦲꦶꦁꦱꦤꦏ꧀ꦏꦺ꧈​ꦣꦱꦂꦫꦺꦭꦮꦁꦏꦪꦸ꧈​ꦩꦼꦤ꧀ꦠꦏ꧀​ꦔꦥꦏꦺꦢꦼꦏ꧀ꦱꦛꦶꦛꦶꦏ꧀ ꦱꦺꦴꦏ꧀ꦏꦗꦩꦤ꧀ꦗꦶꦁꦔꦸꦩꦃ꧈​ꦛꦺꦛꦺꦴꦁꦏꦿꦺꦴꦁꦲꦶꦁꦏꦱꦸꦂ꧈​ꦲꦶꦏꦸꦱꦼꦣꦼꦁꦢꦶꦥꦸꦤ꧀ꦱꦤ꧀ꦠꦥ꧀ ꦏꦭꦸꦮꦶꦪꦤ꧀​ꦲꦼꦢꦶꦂꦪꦺꦤ꧀ꦥꦸꦠꦿꦤꦶꦁꦥꦠꦶꦃꦥꦤ꧀ꦢꦸꦢꦸꦭꦮꦁꦲꦼꦩꦱ꧀

[ f.11v ]

꧄ꦲꦭꦺꦴꦤ꧀ꦤꦠꦸꦂꦫꦺꦏꦶꦢꦩꦂꦱꦱꦶ꧈​ꦲꦶꦁꦒꦶꦃꦏꦮꦸꦭ꧈​ꦤꦼꦣꦲꦥꦸꦫ꧈​ꦏꦁꦩꦤꦃꦭꦁꦏꦸꦁꦱꦸꦥꦺꦤꦺ꧈​ꦮꦤ꧀ꦠꦸꦠꦶꦠꦶꦪꦁꦣꦸꦱꦸꦤ꧀ ꦲꦺꦴꦫꦮꦶꦏꦤ꧀ꦢꦊꦩ꧀ꦢꦶꦥꦠꦶ꧈​ꦲꦩꦸꦁꦤꦼꦩ꧀ꦧꦺꦥꦸꦤꦶꦏꦲꦸꦤꦶꦁꦔꦱꦶꦱꦶꦏꦸ꧈​ꦪꦏ꧀ꦠꦺꦴꦱ꧀ꦏꦮꦸꦭꦮꦺꦴꦁꦢꦺꦱ꧈​ꦗꦧꦫꦁꦏꦃꦮꦤ꧀ꦠꦸꦤꦺꦢꦺꦢꦺꦤꦼꦒꦫꦶ꧈​ꦲꦤꦼꦝꦥꦁꦔꦥꦸꦫ
꧄ꦪꦺꦤ꧀ꦏꦮꦸꦭꦮꦺꦴꦁꦔꦶꦁꦩꦗꦥꦲꦶꦠ꧀ ꦲꦁꦭꦩ꧀ꦥꦃꦲꦶꦏꦁꦏꦢꦾꦥꦸꦤꦶꦏꦱꦼꦣꦼꦁꦥꦶꦤꦠꦺꦤꦤ꧀ꦤꦿꦢꦺꦤ꧀ ꦩꦼꦁꦒꦼꦃꦠꦶꦠꦶꦪꦁꦣꦸꦱꦸꦤ꧀ ꦲꦶꦁꦔꦥꦸꦫ꧈​ꦫꦺꦃꦲꦶꦁꦮꦺꦴꦁꦢꦺꦱꦶ꧈​ꦮꦤ꧀ꦠꦸꦮꦺꦴꦁꦗꦧꦫꦁꦏꦃꦱꦺꦴꦱꦺꦴꦠ꧀ꦠꦩ꧀ꦧꦸꦁꦭꦏꦸꦁ꧈​ꦏꦶꦭꦪꦁꦱꦺꦠꦿꦲꦁꦔꦸꦕꦥ꧀ ꦲꦏꦭꦶꦪꦤ꧀ꦤꦿꦲꦢꦺꦤ꧀ꦭꦪꦁꦏꦸꦩꦶꦠꦶꦂ꧈​ꦲꦱꦿꦸꦢꦺꦤ꧀ꦤꦶꦫꦤꦧ꧀ꦢ꧈​
꧄ꦲꦒꦺꦲꦸꦭꦸꦁꦔꦼꦤ꧀ꦤꦏꦿꦶꦱ꧀ꦩꦸꦲꦤ꧀ꦗꦶꦁ꧈​ꦱꦶꦫꦲꦶꦏꦸꦏꦊꦧꦸꦭꦫꦁꦔꦤ꧀ ꦲꦒꦺꦠꦲꦶꦁꦱꦸꦤ꧀ꦥꦸꦤ꧀ꦝꦸꦠ꧀ꦠꦺ꧈​ꦲꦶꦏꦸꦭꦶꦫꦺꦴꦤ꧀ꦤꦶꦁꦔꦸꦩꦸꦂ꧈​ꦲꦭꦺꦴꦤ꧀ꦩꦠꦸꦂꦏꦶꦢꦩꦂꦱꦱꦶ꧈​ꦧꦺꦴꦏ꧀ꦱꦩ꧀ꦥꦸꦤ꧀ꦱꦥꦸꦤꦶꦏꦏꦭꦶꦩꦤ꧀ꦏꦱꦸꦲꦸꦤ꧀ ꦣꦸꦲꦸꦁꦔꦺꦠꦶꦠꦶꦪꦁꦢꦺꦱ꧈​ꦱꦸꦤ꧀ꦮꦠꦫ꧈​ꦩꦁꦱꦥꦪꦸꦮꦱꦧꦶꦠꦶ꧈​ꦤꦁꦔꦶꦁꦱꦸꦤ꧀​ꦠꦺꦴꦲꦶꦥꦼꦗꦃ꧈​
꧄ꦭꦪꦁꦏꦸꦩꦶꦠꦶꦂꦱꦶꦒꦿꦔꦼꦗꦺꦥꦶ꧈​ꦏꦗꦶꦤꦼꦩꦩꦤ꧀​ꦭꦮꦤ꧀ꦒꦸꦭꦁꦒꦸꦭꦁꦱꦩꦶꦲꦁꦔꦼꦧꦾꦺꦴꦏ꧀ꦏꦶꦏꦧꦺꦃ꧈​ꦲꦤꦲꦶꦁꦏꦁꦔꦧꦸꦱꦸꦂ꧈​ꦲꦤꦲꦶꦏꦁꦩꦼꦣꦁꦲꦤꦩ꧀ꦱꦶꦂ꧈​ꦲꦤꦲꦶꦁꦏꦁꦲꦤ꧀ꦚꦁꦒꦃꦫꦢꦺꦤ꧀ꦏꦶꦤꦫꦸꦧꦸꦠ꧀ ꦩꦭꦃꦲꦺꦴꦫꦔꦩ꧀ꦧꦃꦊꦩꦃꦢꦩꦂꦮꦸꦭꦤ꧀​ꦲꦁꦭꦺꦭꦺꦃꦢꦶꦥꦸꦤ꧀ꦠꦸꦩ꧀ꦧꦏ꧀ꦏꦶ꧈​ꦩꦫꦁꦏꦶꦭꦪꦁꦱꦺꦠꦿ꧈​

[ f.12r ]

꧄ꦩꦭꦃꦥꦸꦠꦸꦁꦭꦮꦸꦁꦤꦒꦱꦫꦶ꧈​ꦮꦲꦺꦴꦱ꧀ꦱꦶꦫꦠꦸꦂꦧꦶꦫꦶꦁꦭꦤꦁꦔꦤ꧀ꦢꦢꦶꦒꦸꦭꦭꦶꦏꦫꦺꦴꦤ꧀ꦤꦺ꧈​ ꦏꦭꦁꦏꦸꦁꦠꦼꦒꦸꦃꦲꦶꦥꦸꦤ꧀ ꦩꦸꦠꦃꦒꦼꦠꦶꦃ꧈​ꦏꦶꦢꦩꦂꦱꦱꦶ꧈​ꦤꦔꦶꦁꦣꦸꦲꦸꦁꦠꦤ꧀ꦏꦼꦤ꧀ꦤꦩꦏ꧀ꦱꦶꦲꦤꦺꦁꦭꦩ꧀ꦧꦸꦁ꧈​ꦏꦶꦱꦧ꧀ꦢꦥꦭꦺꦴꦤ꧀ꦥꦸꦤꦶꦏꦤꦪꦒꦺꦁꦫꦺꦴꦁꦏꦫꦺꦴꦥꦣꦢꦶꦠꦼꦤ꧀ꦝꦁꦔꦶ꧈​ꦮꦺꦴꦁꦫꦺꦴꦫꦺꦴꦠꦶꦤꦭꦺꦤꦤ꧀
꧄ꦏꦶꦢꦩꦂꦮꦸꦭꦤ꧀ꦮꦸꦱ꧀ꦩꦸꦠꦃꦒꦼꦠꦶꦃꦏꦭꦺꦢꦤ꧀​ꦫꦶꦤꦩ꧀ꦥꦺꦴꦒ꧀ꦮꦺꦴꦁꦏꦛꦃꦤꦔꦶꦁꦠꦤ꧀ꦥꦱꦃꦏꦸꦭꦶꦠꦺ꧈​ꦲꦶꦗꦼꦫꦺꦴꦲꦶꦁꦏꦁꦮꦼꦫꦸꦃ꧈​ ꦱꦱꦩ꧀ꦧꦠ꧀ꦠꦺ꧈​ꦲꦩꦼꦭꦱ꧀ꦱꦱꦶ꧈​ꦲꦶꦧꦸꦏꦮꦸꦭꦥꦼꦗꦃꦲꦤꦺꦁꦩꦭꦁꦔꦸ꧈​ꦲꦶꦧꦸꦲꦠꦸꦏꦸꦮꦮꦂꦠ꧈​ꦥꦸꦠꦿꦢꦶꦏ꧈​ꦩꦠꦶꦲꦤꦺꦁꦩꦗꦥꦲꦶꦠ꧀ꦏꦮꦸꦭꦢꦺꦤ꧀ꦱꦶꦏꦫ​
꧄ ꦩꦸꦁꦏꦼꦫꦶꦱ꧀ꦱꦺꦩꦏ꧀ꦱꦶꦃꦢꦺꦤ꧀ꦱꦸꦁꦏꦼꦩ꧀ꦩꦶ꧈​ꦏꦶꦱꦼꦧ꧀ꦢꦥꦭꦺꦴꦤ꧀ꦤꦱꦿꦸꦏꦫꦸꦤ꧀ꦤ꧈​ꦲꦤꦁꦔꦶꦱꦶꦲꦶꦁꦒꦸꦱ꧀ꦠꦶꦤ꧀ꦤꦺ꧈​ꦱꦼꦁꦒꦿꦸꦱ꧀ꦏꦽꦁꦒꦿꦸꦏ꧀​ꦲꦩꦸꦮꦸꦱ꧀ ꦏꦤꦶꦲꦪꦮꦺꦴꦁꦏ꧀ꦏꦺꦤꦺꦲꦶꦏꦶ꧈​ꦮꦺꦴꦁꦲꦁꦔꦸꦭꦂꦫꦶꦱꦤꦏ꧀ꦠꦼꦏꦢꦶꦥꦿꦶꦃꦭꦩ꧀ꦥꦸꦱ꧀ ꦱꦾꦫꦤꦶꦮꦺꦴꦁꦏꦢꦾꦒꦼꦫꦃ ꦢꦩꦂꦮꦸꦭꦤ꧀ꦤꦁꦭꦺꦭꦺꦃꦢꦶꦥꦸꦤ꧀ꦠꦸꦩ꧀ꦧꦏ꧀ꦏꦶ꧈​ꦢꦺꦤꦶꦁꦏꦶꦭꦪꦁꦱꦺꦠꦿ꧈​

[ f.12v ]

꧄ꦭꦪꦁꦏꦸꦩꦶꦠꦶꦂꦲꦱꦿꦸꦤꦸꦩ꧀ꦧꦏ꧀ꦏꦶ꧈​​ꦪꦠꦏꦒꦺꦠ꧀​ꦏꦶꦉꦏꦾꦃꦤꦥꦠꦾꦃꦩꦶꦪꦺꦴꦱ꧀ꦢꦶꦥꦠꦶꦭꦺꦴꦒꦼꦤ꧀ꦢꦺꦂ꧈​​ꦲꦩꦶꦕꦫꦲꦶꦁꦏꦭ꧀ꦧꦸ꧈​​ꦥꦤ꧀ꦚꦤꦤꦺꦉꦏꦾꦤꦥꦠꦶꦃ꧈​​ꦮꦺꦴꦁꦥꦣꦠꦶꦁꦒꦫꦶꦪꦲꦥꦤꦕꦏ꧀ꦱꦮꦸꦁ꧈​​ꦱꦥꦿꦥ꧀ꦠꦤꦶꦫꦲꦶꦁꦗꦧꦲꦭꦺꦴꦤ꧀ꦩꦠꦸꦂ꧈​​ꦱꦶꦫꦏꦶꦭꦪꦁꦏꦸꦩꦶꦠꦶꦂ꧈​​ꦭꦤ꧀ꦤꦿꦢꦺꦤ꧀ꦭꦪꦁꦱꦺꦠꦿ꧈​​
꧄ꦲꦭꦺꦴꦤ꧀ꦤꦠꦸꦂꦫꦺꦭꦪꦁꦏꦸꦩꦶꦠꦶꦂ꧈​​ꦲꦏꦭꦶꦪꦤ꧀ꦤꦢꦺꦤ꧀ꦭꦪꦁꦱꦺꦠꦿ꧈​​ꦲꦏꦾꦥꦠꦶꦃꦠꦶꦩ꧀ꦧꦭꦤ꧀ꦤꦺ꧈​​ꦱꦶꦫꦩꦼꦤ꧀​ꦭꦮꦤ꧀ꦧꦤ꧀ꦚꦸ꧈​​ꦠꦶꦩ꧀ꦧꦭꦤ꧀ꦤꦲꦶꦁꦔꦂꦱꦩꦩꦶ꧈​​ꦪꦠꦏꦶꦢꦩꦂꦮꦸꦭꦤ꧀ꦮꦸꦱ꧀ꦱꦶꦤꦶꦫꦩ꧀ꦧꦤ꧀ꦚꦸ꧈​​ꦢꦩꦂꦮꦸꦭꦤ꧀ꦏꦭꦺꦱꦺꦢꦤ꧀ꦢꦸꦥꦶꦭꦶꦭꦶꦂ꧈​​ꦏꦥꦶꦱꦼꦊꦏ꧀ꦩꦸꦠꦃꦒꦼꦠꦶꦃꦲꦁꦔꦣꦸꦃꦱꦩ꧀ꦧꦠ꧀ꦧꦶꦪꦁ
꧄ꦏꦶꦢꦩꦂꦮꦸꦭꦤ꧀ꦮꦸꦱ꧀ꦢꦶꦠꦶꦩ꧀ꦧꦭ꧀ꦭꦶ꧈​​ꦥꦿꦥ꧀ꦠꦔꦂꦱꦤꦺꦉꦏꦾꦤꦥꦠꦾꦃ꧈​​ꦲꦤꦶꦏꦼꦭ꧀ꦲꦱ꧀ꦠꦭꦶꦁꦒꦶꦲꦺ꧈​​ꦏꦶꦲꦥꦠꦶꦃꦲꦩꦸꦮꦸꦱ꧀ ꦱꦶꦫꦤ꧀ꦚꦮꦧꦺꦴꦕꦃꦱꦶꦁꦔꦼꦤ꧀ꦢꦶ꧈​​ꦱꦥꦱꦸꦢꦂꦩꦤꦶꦫꦢꦩꦂꦮꦸꦭꦤ꧀ꦩꦠꦸꦂ꧈​​ꦢꦼꦭꦥ꧀ꦥꦺꦏꦁꦔꦱꦸꦁꦔꦫꦤ꧀ꦢꦩꦂꦮꦸꦭ​ꦤ꧀​ꦮꦱ꧀ꦠꦏꦮꦸꦭꦏꦶꦪꦲꦶ꧈​​ꦲꦶꦁꦒꦶꦃꦱꦶꦁꦥꦭꦸꦲꦩ꧀ꦧ
꧄ꦲꦁꦔꦤ꧀ꦢꦶꦏꦏꦶꦉꦏꦾꦤꦥꦠꦶ꧈​​ꦱꦥꦫꦤ꧀ꦤꦺ꧈​​ꦱꦸꦢꦂꦩꦩꦤꦶꦫꦮꦺꦴꦁꦱꦏꦶꦁꦔꦼꦤ꧀ꦢꦶꦮꦶꦗꦶꦭ꧀ꦭꦺ꧈ꦢꦩꦂꦮꦸꦭꦤ꧀ꦤꦸꦩꦠꦸꦂꦠꦶꦪꦁꦱꦏꦶꦲꦶꦁꦩꦗꦥꦲꦶꦠ꧀ꦲꦫꦤ꧀ꦥꦠꦶꦃꦲꦸꦢꦫ꧈​​ꦗꦠꦶꦤꦺꦥꦸꦤꦶꦏꦸ꧈​​ꦩꦶꦭꦥꦸꦥꦸꦠꦿꦏꦮꦸꦭꦏꦩ꧀ꦧꦶꦭ꧀ꦩꦤ꧀ꦠꦸ꧈​​ꦣꦠꦼꦁꦥꦸꦤ꧀ꦤꦺꦪꦁꦏꦶꦪꦲꦶ꧈​​ꦏꦶꦧꦸꦪꦸꦠ꧀ꦥꦭꦸꦲꦩ꧀ꦧ

[ f.13r ]

꧄ꦏꦶꦪꦥꦠꦶꦃꦲꦩꦶꦕꦫꦺꦁꦔꦠꦶ꧈​ꦫꦫꦺ꧈​ꦲꦶꦏꦶꦲꦤꦏꦺꦱꦶꦏꦏꦁꦲꦧꦒꦸꦱ꧀ꦱꦤꦺꦴꦩ꧀ꦮꦂꦤꦤꦺ꧈​ꦪꦺꦤ꧀ꦏꦠꦸꦂꦫꦱꦁꦥꦿꦧꦸ꧈​ꦲꦤꦏ꧀ꦏꦶꦁꦱꦸꦤ꧀ꦭꦪꦁꦏꦸꦩꦶꦠꦶꦂ꧈​ꦩꦶꦮꦃꦱꦶꦭꦪꦁꦱꦺꦠꦿ꧈​ꦥꦱ꧀ꦛꦶꦪꦺꦤ꧀ꦏꦭꦸꦁꦱꦸꦂ꧈​ꦥꦸꦠꦿꦏꦸꦏꦫꦺꦴꦏꦱꦺꦴꦂꦫꦤ꧀ ꦫꦫꦺꦲꦶꦏꦶ꧈​ꦱꦸꦗꦤꦲꦶꦁꦥꦱꦁꦭꦸꦁꦔꦶꦢ꧀ ꦮꦱꦶꦱ꧀ꦱꦶꦁꦠꦠꦏꦿꦩ
꧄ꦥꦩꦿꦶꦃꦲꦶꦱꦸꦤ꧀ꦤꦶꦁꦱꦿꦶꦤꦫꦥꦠꦶ꧈​ꦲꦗꦲꦤ꧈​ꦲꦶꦁꦏꦁꦏꦶꦤꦱꦶꦪꦤ꧀ ꦲꦩꦸꦁꦔꦤꦏ꧀ꦏꦶꦁꦱꦸꦤ꧀ꦝꦺꦮꦺꦏ꧀ꦏꦠꦸꦂꦫꦲꦶꦁꦱꦁꦥꦿꦧꦸ꧈​ꦫꦗꦲꦺꦱ꧀ꦠꦿꦶꦲꦶꦁꦩꦗꦥꦲꦶꦠ꧀ ꦏꦶꦪꦥꦠꦶꦃꦔꦤ꧀ꦢꦶꦏ ꦭꦶꦁꦤ꧀ꦚꦩꦤꦶꦱ꧀ꦱꦫꦸꦩ꧀ ꦲꦥꦧꦪꦱꦼꦗꦤꦶꦫꦗꦸꦩꦫꦺꦴꦒ꧀ꦗꦺꦴꦒ꧀ꦩꦊꦧꦸꦲꦶꦁꦢꦊꦩ꧀ꦩꦩꦶ꧈​ꦠꦼꦏꦲꦥꦤ꧀ꦕꦏꦫ

[ f.13v ]

꧄ꦲꦭꦺꦴꦤ꧀ꦩꦠꦸꦂꦏꦶꦩꦱ꧀ꦢꦩꦂꦱꦱꦶ꧈​ꦩꦶꦭꦏꦮꦸꦭꦩꦉꦏ꧀ꦏꦶꦁꦠꦸꦮꦤ꧀ ꦲꦤꦏꦮꦤ꧀ꦮꦶꦪꦺꦴꦱ꧀ꦱꦺ꧈​ꦱꦸꦏꦭꦶꦭꦮꦏ꧀ꦏꦶꦁꦱꦸꦤ꧀ꦱꦧꦸꦏ꧀ꦠꦩ꧀ꦥꦂꦤꦸꦏꦼꦭꦁꦲꦫꦶꦠ꧀ ꦲꦩꦶꦏꦸꦭꦏꦼꦫꦤ꧀ꦗꦁꦏꦶꦥꦠꦶꦃꦒꦸꦩꦸꦪꦸ꧈​ꦲꦶꦪꦤ꧀ꦚꦮꦔꦺꦴꦁꦠꦫꦶꦩ꧈​ ꦱꦸꦏꦸꦂꦧꦒꦺ꧈​ꦱꦶꦫꦲꦁꦔꦮꦸꦭꦩꦩꦶ꧈​ ꦔꦺꦴꦁꦏꦂꦪꦒꦩꦼꦭ꧀ꦱꦶꦫ
꧄ꦥꦤ꧀ꦱꦢꦱꦉꦏꦺꦏꦸꦢꦩꦩꦶ꧈​ꦒꦩꦼꦭ꧀ꦭꦤꦥꦗꦼꦒ꧀ꦒꦼꦤ꧀ꦱꦢꦪꦢꦶꦥꦸꦤ꧀ꦏꦫꦏ꧀ꦱꦥꦁꦔꦤꦺ꧈​ꦥꦤ꧀ꦱꦶꦫꦲꦺꦴꦫꦥꦠꦸꦠ꧀ ꦮꦺꦴꦁꦔꦒꦩꦼꦭ꧀ꦧꦸꦱꦤꦲꦢꦶ꧈​ꦭꦃꦲꦶꦤ꧀ꦢꦶꦏꦩ꧀ꦥꦸꦃꦲꦶꦫꦱꦧꦸꦏ꧀ꦭꦮꦤ꧀ꦝꦸꦲꦸꦁ꧈​ꦲꦸꦩꦠꦸꦂꦏꦶꦢꦩꦂꦮꦸꦭꦤ꧀ꦥꦤ꧀ꦱꦸꦩꦁꦒꦲꦶꦁꦏꦂꦱꦏꦗꦼꦁꦏꦶꦪꦲꦶ꧈​ꦣꦠꦼꦁꦱꦸꦩꦁꦒꦏꦂꦱ
꧄ꦏꦠꦸꦂꦫꦏꦩ꧀ꦥꦸꦃꦭꦤ꧀ꦱꦧꦸꦏ꧀ꦩꦩꦶ꧈​ꦲꦠꦁꦤꦥꦶ꧈​ꦭꦤ꧀ꦕꦶꦁꦔꦤꦺꦥꦶꦱꦤ꧀ꦱꦂꦠꦭꦮꦤ꧀ꦥꦤꦶꦁꦱꦼꦠ꧀ꦠꦺ꧈​ꦤꦔꦶꦁꦣꦸꦲꦸꦁꦏꦱꦸꦲꦸꦤ꧀ ꦧꦺꦴꦠꦼꦤ꧀ꦱꦸꦏꦏꦸꦭꦏꦶꦪꦲꦶ꧈​ꦱꦤꦢꦾꦤ꧀ꦤꦁꦔꦫꦶꦠꦪꦏ꧀ꦠꦶꦧꦺꦴꦠꦼꦤ꧀ꦏꦤ꧀ꦠꦸꦤ꧈​ꦩꦤꦮꦲꦤꦫꦤ꧀ꦕꦤꦲꦤꦺꦁꦠꦼꦒꦭ꧀ꦥꦸꦤꦶꦏꦱꦸꦤ꧀ꦒꦮꦩꦠꦶ꧈​ꦠꦶꦠꦶꦭꦂꦫꦺꦱꦶꦧꦥ
꧄ꦏꦶꦢꦩꦂꦮꦸꦭꦤ꧀ꦮꦸꦱ꧀ꦥꦶꦤꦶꦱꦭꦶꦤ꧀ ꦏꦶꦤꦩ꧀ꦥꦸꦮꦤ꧀ꦱꦫꦸꦁ​ꦫꦺꦴꦫꦺꦴꦩ꧀ꦧꦺꦁꦔꦤ꧀ ꦠꦸꦂꦮꦫꦶꦁꦲꦩꦺꦴꦃꦱꦧꦸꦏ꧀ꦏꦺꦏꦮꦂꦤꦲꦲꦶꦁꦔꦼꦤꦸꦮꦲꦸꦱꦶꦫꦏꦶꦢꦩꦂꦱꦱꦶ꧈​ꦱꦩ꧀ꦥꦸꦤ꧀ꦩꦫꦶꦁꦒꦼꦣꦺꦴꦒꦤ꧀ ꦱꦩꦤꦮꦸꦱ꧀ꦭꦸꦁꦒꦸ꧈​ꦏꦶꦱꦧ꧀ꦢꦥꦭꦺꦴꦤ꧀ꦏꦫꦸꦤ꧈​ꦤꦪꦒꦺꦁꦒꦺꦴꦁꦒꦸꦱ꧀ꦠꦶꦤꦺꦢꦶꦥꦸꦤ꧀ꦠꦁꦔꦶꦱ꧀ꦱꦶ꧈​ꦥꦤ꧀ꦱꦂꦮꦶꦱꦶꦤꦸꦏꦼꦩꦤ꧀
꧄ꦏꦶꦢꦩꦂꦮꦸꦭꦤ꧀ꦱꦶꦤꦸꦁꦔꦤ꧀ꦤꦫꦶꦠ꧀ ꦲꦥꦤ꧀ꦱꦂꦮꦶ꧈​ꦱꦶꦤꦸꦁꦔꦤ꧀ꦏꦼꦫꦤ꧀ꦗꦁ꧈​ꦱꦝꦼꦥꦲꦩ꧀ꦧꦲꦶꦢꦼꦫꦺ꧈​ꦠꦸꦂꦠꦶꦩꦃꦲꦫꦶꦠ꧀ꦠꦶꦥꦸꦤ꧀ ꦒꦼꦝꦺꦤꦶꦫꦱꦒꦺꦴꦝꦺꦴꦁꦥꦫꦶ꧈​ꦱꦼꦧ꧀ꦢꦥꦭꦺꦴꦤ꧀ꦏꦫꦸꦤꦲꦝꦸꦃꦒꦸꦱ꧀ꦠꦶꦤꦶꦁꦱꦸꦤ꧀ ꦩꦁꦱꦲꦩꦁꦱꦲꦩ꧀ꦧꦁꦏꦠ꧀ꦠꦏꦂꦪ꧈​ꦲꦫꦶꦠ꧀ꦠꦼꦤ꧀ꦤ꧈​ꦩꦫꦁꦮꦝꦸꦏ꧀ꦏꦺꦱꦶꦥꦠꦶꦃꦠꦶꦩꦃꦩꦁꦱꦩꦼꦩ꧀ꦥꦤ꧀

[ f.14r ]

꧄ꦤꦪꦒꦺꦁꦒꦺꦴꦁꦩꦠꦸꦂꦲꦮꦺꦴꦂꦠꦁꦔꦶꦱ꧀ ꦲꦝꦸꦃꦒꦸꦱ꧀ꦠꦶ꧈​ꦤ꧀ꦚꦮꦝꦮꦼꦒ꧀ꦩꦶꦁꦒꦠ꧀ꦱꦭꦶꦫꦩꦠꦶꦠꦼꦩꦲꦺ꧈​ꦥꦸꦤꦥꦲꦁꦱꦶꦭ꧀ꦭꦶꦥꦸꦤ꧀ ꦏꦸꦢꦸꦮꦺꦴꦤ꧀ꦠꦼꦤ꧀ꦤꦶꦁꦩꦗꦥꦲꦶꦠ꧀꧈​ꦱꦶꦤꦸꦁꦔꦤ꧀ꦤꦫꦶꦠ꧀ꦠꦶꦩꦃꦭꦁꦏꦸꦁꦏꦼꦝꦸꦭ꧀ꦭꦶꦥꦸꦤ꧀ ꦩꦁꦱꦲꦩ꧀ꦧꦁꦏꦠꦏꦂꦪ꧈​ꦠꦸꦂꦱꦢꦱꦏꦸꦢꦤꦺꦏꦶꦪꦲꦶꦥꦠꦶꦃ꧈​ꦱꦥꦏꦼꦭꦫꦤ꧀ꦚꦁꦒ​
꧄ꦏꦶꦝꦩꦂꦮꦸꦭꦤ꧀ꦤꦭꦺꦴꦤ꧀ꦤꦲꦸꦫꦶ꧈​ꦱꦩ꧀ꦥꦸꦤ꧀ꦏꦂꦱꦤꦶꦁꦢꦺꦮꦧꦛꦫ꧈​ꦥꦝꦭꦶꦤꦏꦺꦴꦤ꧀ꦭꦫꦤꦺ꧈​ꦥꦶꦫꦁꦧꦫꦲꦶꦁꦧꦺꦱꦸꦏ꧀ ꦩꦁꦒꦶꦃꦥꦥꦤ꧀ꦭꦩ꧀ꦥꦃꦲꦶꦩꦸꦏ꧀ꦠꦶ꧈​ꦤꦁꦔꦶꦁꦠꦥꦶꦫꦁꦧꦫꦲꦩꦁꦒꦶꦃꦫꦃꦪꦸ꧈​ꦏꦶꦱꦧ꧀ꦢꦥꦭꦺꦴꦤ꧀ꦤꦶꦁꦔꦸꦕꦥ꧀ꦢꦺꦢꦺꦥꦢꦸ꧈​ꦥꦱ꧀ꦛꦶꦏꦁꦲꦱ꧀ꦠꦲꦱꦏꦶꦠ꧀ ꦧꦧꦸꦠ꧀ꦧꦧꦸꦠ꧀ꦏꦺꦮꦭ
꧄ꦏꦮꦂꦤꦲꦫꦶꦱꦩ꧀ꦥꦸꦤ꧀ꦤꦭꦩꦶ꧈​ꦢꦩꦂꦮꦸꦭꦤ꧀ ꦲꦒꦩꦼꦭ꧀ꦥꦸꦤꦶꦏꦱꦏꦭꦁꦏꦸꦁꦱꦶꦪꦱꦠ꧀ꦠꦺ꧈​ꦤꦪꦒꦺꦁꦒꦺꦴꦁꦲꦤ꧀ꦗꦸꦗꦸ꧉ꦱꦧ꧀ꦢꦥꦭꦺꦴꦤ꧀ꦤꦶꦁꦏꦁꦲꦁꦔꦫꦶꦠ꧀ ꦲꦥꦤ꧀ꦱꦂꦮꦶꦏꦫꦸꦤ꧀ꦤꦲꦝꦸꦃꦒꦸꦱ꧀ꦠꦶꦤꦶꦱꦸꦤ꧀ ꦤꦼꦝꦒꦸꦱ꧀ꦠꦶꦢꦮꦼꦒ꧀ꦩꦶꦁꦒꦠ꧀ ꦱꦥꦏꦼꦭꦂ꧈​ꦲꦤ꧀ꦗꦸꦗꦸꦃꦧꦫꦶꦲꦁꦔ꧀ꦫꦶꦠ꧀ ꦝꦸꦃꦫꦢꦺꦤ꧀ꦢꦮꦼꦒ꧀ꦩꦺꦫꦢ꧀
꧄ꦱꦼꦧ꧀ꦢꦥꦭꦺꦴꦤ꧀ꦩꦠꦸꦂꦲꦁꦫꦶꦫꦶꦤ꧀ꦠꦶꦃꦲꦝꦸꦃꦫꦢꦺꦤ꧀ ꦤ꧀ꦚꦮꦢꦮꦼꦒ꧀ꦩꦶꦒꦠ꧀ ꦩꦤꦶꦫꦠꦤ꧀ꦧꦼꦠꦃꦭꦸꦮꦺ꧉ꦪꦺꦤ꧀ꦩꦸꦤ꧀ꦕꦸꦭ꧀ꦕꦠꦸꦤꦶꦥꦸꦤ꧀ ꦱꦼꦒꦩꦩ꧀ꦧꦸꦲꦮꦺꦴꦂꦠꦶꦩꦼꦤ꧀ꦝꦶꦭ꧀ ꦮꦶꦕꦫꦪꦺꦤ꧀ꦤꦏꦺꦲꦠꦤ꧀ꦱꦸꦢꦶꦲꦩꦸꦭꦸꦏ꧀ ꦪꦺꦤ꧀ꦗꦫꦤꦺꦏꦶꦫꦁꦥꦏꦤ꧀ꦮꦶꦔꦶꦱꦺꦴꦫꦺ꧈​ꦏꦸꦭꦢꦶꦱꦸꦊꦢꦶꦒꦼꦤ꧀ꦤꦶ꧈​ꦢꦺꦤꦶꦁꦏꦶꦏꦶꦫꦶꦏ꧀ꦱꦺꦠꦿ꧈​

[ f.14v ]

꧄ꦏꦶꦢꦩꦂꦮꦸꦭꦤ꧀ꦤꦭꦺꦴꦤ꧀ꦤꦲꦸꦫꦶ꧈​ ꦭꦩꦺꦴꦤ꧀ꦤꦿꦶꦏ꧈​ꦥꦩꦤ꧀ꦤꦺꦴꦫꦏꦼꦭꦂꦥꦣꦩꦸꦭꦶꦪꦢꦺꦤ꧀ꦤꦒꦺ꧈​ꦲꦶꦁꦔꦺꦴꦁꦣꦺꦮꦺꦏ꧀ꦏꦁꦏꦤ꧀ꦠꦸꦤ꧀ ꦲꦁꦔꦫꦶꦠꦶ꧈​ꦏꦸꦢꦱꦢꦱꦶꦱꦼꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀ ꦤꦪꦒꦺꦁꦒꦺꦴꦁꦩꦸꦮꦸꦱ꧀ ꦱꦤꦢꦾꦤ꧀ꦥꦼꦗꦃꦒꦼꦱꦁꦔꦧꦺꦴꦠꦼꦤ꧀ꦠꦺꦒ꧈​ꦲꦠꦶꦭꦂꦣꦠꦼꦁꦔꦶꦁꦒꦸꦱ꧀ꦠꦶ꧈​ ꦏꦺꦠꦁꦏꦁꦔꦠꦶꦠꦶꦭꦂ꧈​
꧄ꦏꦮꦂꦤꦲꦫꦶꦱꦩ꧀ꦥꦸꦤ꧀ꦤꦭꦩꦶ꧈​ꦢꦩꦂꦮꦸꦭꦤ꧀​ꦲꦤꦒꦩꦼꦭ꧀ꦥꦸꦤꦶꦏ꧈​ꦱꦏꦭꦁꦏꦸꦁꦱꦶꦪꦱꦠ꧀ꦠꦺ꧈​ꦠꦤ꧀ꦏꦮꦂꦤꦲꦶꦁꦔꦼꦤꦸꦢꦩꦂꦮꦸꦭꦤ꧀​ꦏꦺꦱꦃꦲꦁꦔꦫꦶꦠ꧀ ꦪꦠꦭꦁꦏꦸꦁꦔꦶꦁꦥꦱꦂꦏꦛꦃꦏꦁꦔꦤ꧀ꦢꦸꦭꦸ꧈​ꦧꦧꦏꦸꦭ꧀ꦭꦤ꧀ꦱꦩ꧀ꦧꦺꦮꦫ꧈​ꦏꦁꦱꦮꦤꦺꦃꦲꦤꦏꦁꦔꦫꦸꦲꦫꦸꦲꦶ꧈​ꦮꦺꦴꦁꦔꦼꦤ꧀ꦢꦶꦲꦶꦏꦧꦪ
꧄ꦧꦧꦏꦸꦭ꧀ꦭꦺꦮꦺꦴꦁꦔꦶꦁꦩꦗꦥꦲꦶꦠ꧀ ꦲꦏꦏꦱꦶꦃꦤꦶꦧꦏꦸꦭ꧀ꦥꦫꦢꦏꦭꦁꦏꦸꦁꦏꦱꦸꦒꦶꦃꦲꦤ꧀ꦤꦺ꧈​ꦥꦤ꧀ꦤꦤꦗꦗꦂꦫꦶꦥꦸꦤ꧀ ꦲꦏꦏꦱꦶꦃꦧꦏꦸꦭ꧀ꦱꦸꦩꦩ꧀ꦥꦶꦂ꧈​ ꦭꦮꦤ꧀ꦧꦏꦸꦭ꧀ꦥꦫꦸꦗꦁꦲꦶꦏꦸꦗꦗꦂꦲꦶꦥꦸꦤ꧀ ꦭꦮꦤ꧀ꦧꦏꦸꦭ꧀ꦥꦸꦱ꧀ꦥꦭꦪ꧈​ꦱꦉꦁꦩꦸꦭꦠ꧀ꦱꦢꦪꦮꦼꦭꦱ꧀ꦤꦶꦔꦭ꧀ꦭꦶ꧈​ꦩꦫꦶꦁꦏꦶꦢꦩꦂꦮꦸꦭꦤ꧀
꧄ꦪꦠꦔꦲꦸꦧ꧀ꦤꦺꦁꦱꦺꦴꦂꦫꦶꦁꦮꦫꦶꦁꦔꦶꦤ꧀ꦮꦲꦸꦱꦶꦫ꧈​ꦫꦢꦺꦤ꧀ꦢꦩꦂꦮꦸꦭꦤ꧀ꦤꦤ꧀ꦚꦸꦭꦩꦶꦏꦼꦫꦤ꧀ꦗꦁꦔꦺ꧈​ꦧꦧꦏꦸꦭ꧀ꦱꦩꦶꦫꦮꦸꦃ ꦲꦠꦠꦤ꧀ꦚꦩꦿꦶꦁꦢꦩꦂꦱꦱꦶ꧈​ꦧꦒꦸꦱ꧀ꦱꦶꦁꦥꦸꦤ꧀ꦢꦶꦮꦶꦱ꧀ꦩꦠꦼꦩ꧀ꦧꦺꦤ꧀ꦤꦺꦏꦢꦸꦭꦸ꧈​ꦲꦁꦔꦸꦕꦥ꧀ꦏꦶꦢꦩꦂꦮꦸꦭꦤ꧀ꦥꦤ꧀ꦏꦮꦸꦭ꧈​ꦒꦩꦼꦭ꧀ꦭꦺꦏꦶꦪꦲꦶꦥꦠꦶꦃ꧈​ꦲꦂꦱꦔꦫꦶꦠ꧀ꦏꦮꦸꦭ꧈​

[ f.15r ]

꧄ꦥꦫꦧꦏꦸꦭ꧀​ꦲꦩꦶꦕꦫꦺꦁꦔꦠꦶ꧈​ꦮꦲꦸꦱꦶꦫꦤ꧀ꦚꦲꦶꦱꦩ꧀ꦧꦺꦮꦫ꧈​ꦲꦣꦸꦃꦭꦲꦺꦏꦠꦸꦮꦺꦴꦤ꧀ꦤꦺ꧈​ꦢꦺꦤꦶꦁꦮꦺꦴꦁꦧꦒꦸꦱ꧀ꦠꦸꦭꦸꦱ꧀ ꦲꦺꦩꦤ꧀ꦠꦼꦩꦼꦤ꧀ꦢꦢꦶꦥꦁꦔꦫꦶꦠ꧀ ꦫꦩꦢꦶꦏꦲꦶꦁꦏꦸꦤ꧀ꦤꦱꦶꦤ꧀ꦮꦱ꧀ꦠꦤꦶꦥꦸꦤ꧀ ꦲꦁꦔꦸꦕꦥ꧀ꦏꦶꦢꦩꦂꦮꦸꦭꦤ꧀ ꦮꦂꦠꦤꦶꦥꦸꦤ꧀​ꦢꦸꦏ꧀ꦝꦶꦁꦔꦶꦤ꧀ꦮꦺꦴꦁꦩꦗꦥꦲꦶꦠ꧀ ꦲꦫꦤ꧀ꦥꦠꦶꦃꦲꦸꦢꦫ
꧄ꦥꦫꦧꦏꦸꦭ꧀ꦱꦢꦪꦤꦸꦁꦏꦼꦩꦶ꧈​ꦲꦣꦸꦃꦲꦁꦒꦺꦂꦲꦤꦏ꧀ꦏꦺꦱꦶꦧꦶꦪꦁꦩꦁꦏꦺꦱꦸꦤ꧀ꦥꦗꦂꦫꦶꦫꦢꦺꦤ꧀ ꦩꦸꦭꦤꦺꦱꦸꦒꦶꦃꦲꦶꦱꦸꦤ꧀ ꦥꦤ꧀ꦏꦮꦸꦭꦢꦶꦥꦸꦤ꧀ꦒꦣꦸꦲꦶ꧈​ꦩꦫꦁꦥꦠꦶꦃꦲꦸꦢꦫ꧈​ꦪꦠꦿꦒꦁꦱꦭ꧀ꦭꦺꦮꦸ꧈​ꦏꦮꦸꦭꦢꦸꦩ꧀ꦮꦺꦴꦁꦱꦏꦮꦤ꧀ ꦪꦺꦤ꧀ꦱꦼꦩ꧀ꦧꦢ꧈​ꦲꦤ꧀ꦢꦶꦏꦱꦩ꧀ꦥꦸꦤ꧀ꦤꦁꦔꦫꦶꦠ꧀ ꦏꦮꦸꦭꦤ꧀ꦚꦲꦺꦴꦱ꧀ꦱꦤ​
꧄ꦱꦧ꧀ꦢꦥꦭꦺꦴꦤ꧀ꦧꦸꦁꦔꦃꦲꦺꦠꦤ꧀ꦱꦶꦥꦶ꧈​ꦪꦺꦤ꧀ꦩꦁꦏꦺꦴꦤꦺꦴꦤ꧀ꦚꦲꦶꦱꦩ꧀ꦧꦺꦮꦫꦱꦲꦺꦴꦱ꧀ꦱꦸꦏꦼꦠ꧀ꦢꦶꦲꦏꦺꦃ꧈​ꦏꦮꦸꦭ꧀ꦭꦱꦧꦼꦤ꧀ꦏꦺꦱꦸꦏ꧀ ꦥꦱ꧀ꦛꦶꦤ꧀ꦚꦲꦶꦗꦸꦗꦸꦒ꧀ꦩꦂꦫꦶꦏꦶ꧈​ꦩꦺꦴꦗꦂꦧꦏꦸꦭ꧀​ꦥꦫꦢꦭꦤ꧀ꦱꦧꦠꦸꦂꦲꦶꦥꦸꦤ꧀ ꦱꦩ꧀ꦥꦸꦤ꧀ꦔꦁꦒꦺꦮꦭꦁꦢꦿꦶꦪ꧈​ꦱꦧꦼꦤ꧀ꦤꦺꦗꦶꦁ꧈​ꦥꦱ꧀ꦛꦶꦏꦮꦸꦭꦕꦲꦺꦴꦱ꧀ꦱꦶ꧈​ ꦱꦸꦤ꧀ꦠꦸꦩ꧀ꦧꦱ꧀ꦏꦼꦤ꧀ꦏꦺꦮꦭ
꧄ꦤꦪꦒꦺꦁꦒꦺꦴꦁꦗꦮꦶꦭ꧀ꦱꦏꦶꦁꦮꦸꦫꦶ꧈​ꦤ꧀ꦚꦲꦶꦧꦏꦸꦭ꧀​ꦲꦶꦔꦺꦴꦁꦤꦼꦣꦱꦫꦧ꧀ ꦥꦼꦫꦶꦃꦠꦼꦩꦼꦤ꧀ꦮꦼꦠꦼꦁꦏꦶꦪꦺ꧈​ꦏꦥꦺꦔꦶꦤ꧀ꦠꦼꦩꦼꦤ꧀ꦥꦸꦛꦸ꧈​ꦏꦪꦔꦶꦊꦂꦢꦼꦭꦼꦁꦱꦸꦫꦧꦶ꧈​ꦤ꧀ꦚꦲꦶꦧꦏꦸꦭ꧀ꦭꦁꦔꦸꦕꦥ꧀ꦭꦤ꧀ꦱꦧꦠꦸꦂꦫꦶꦥꦸꦤ꧀ ꦤ꧀ꦚꦃꦲꦶꦏꦶꦫꦶꦏꦗꦗꦤ꧈​ꦱꦼꦤꦼꦁꦫꦶꦏ꧈​ꦮꦺꦴꦁꦥꦥꦠ꧀​ꦲꦮꦺꦃꦤ꧀ꦚꦠꦭꦶ꧈​ꦱꦧ꧀ꦢꦥꦭꦺꦴꦤ꧀ꦤꦤ꧀ꦗꦗꦗꦤ꧀
꧄ꦤꦔꦶꦁꦮꦺꦴꦤ꧀ꦠꦼꦤ꧀ꦮꦼꦏꦱ꧀ꦏꦸꦭꦧꦶꦧꦶ꧈​ꦥꦸꦤ꧀ꦥꦩꦤ꧀ꦱꦼꦧ꧀ꦢꦥꦭꦺꦴꦤ꧀​ꦥꦸꦤꦶꦏꦢꦶꦥꦸꦤ꧀ꦏꦫꦏ꧀ꦱꦥꦁꦔꦤ꧀ꦤꦺ꧈​ꦢꦶꦏꦒꦮꦤꦶꦱꦼꦏꦸꦭ꧀ ꦪꦺꦤ꧀ꦩꦫꦤꦶꦱꦸꦏꦼꦠ꧀ꦩꦫꦶꦏꦶ꧈​ꦩꦺꦗꦂꦧꦏꦸꦭ꧀ꦥꦫꦢꦭꦤ꧀ꦱꦧꦠꦸꦂꦫꦶꦥꦸꦤ꧀ ꦱꦩ꧀ꦥꦸꦤ꧀ꦢꦶꦏꦏꦸꦩꦭꦩꦂ꧈​ꦢꦺꦤ꧀ꦥꦶꦪꦤ꧀ꦢꦼꦭ꧀​ꦏꦶꦢꦩꦂꦮꦸꦭꦤ꧀ꦮꦸꦱ꧀ꦩꦸꦭꦶꦃ꧈​ꦲꦤ꧀ꦚꦥꦺꦴꦤꦶꦒꦼꦝꦺꦴꦒꦤ꧀

[ f.15v ]

꧄ꦏꦮꦂꦤꦲꦫꦶꦱꦩ꧀ꦥꦸꦤ꧀ꦤꦭꦩꦶꦢꦩꦂꦮꦸꦭꦤ꧀​ꦲꦒꦩꦼꦭ꧀ꦥꦸꦤꦶꦏ꧈​ꦱꦏꦭꦁꦏꦸꦁꦱꦶꦪꦱꦠ꧀ꦠꦺ꧈​ꦱꦢꦪꦱꦩꦶꦊꦩꦸ꧈​ꦠꦸꦫꦁꦤꦺꦏꦶꦪꦲꦶꦥꦠꦶꦃ꧈​ꦩꦶꦮꦃꦏꦶꦢꦩꦂꦮꦸꦭꦤ꧀ꦱꦣꦲꦂꦫꦺꦠꦸꦮꦸꦏ꧀ ꦢꦶꦥꦸꦤ꧀ꦏꦶꦫꦶꦩ꧀ꦱꦧꦤ꧀ꦢꦶꦤ꧈​ꦤꦔꦶꦁꦫꦢꦺꦤ꧀ꦮꦲꦸꦠꦤ꧀ꦤꦂꦱꦲꦧꦸꦏ꧀ꦠꦶ꧈​ꦏꦶꦧ꧀ꦢꦲꦧꦼꦭꦼꦤ꧀ꦝꦁ
꧄ꦱꦧ꧀ꦢꦥꦭꦺꦴꦤ꧀​ꦧꦸꦁꦔꦃꦲꦺꦠꦤ꧀ꦱꦶꦥꦶ꧈​ꦤꦪꦒꦺꦁꦒꦺꦴꦁꦥꦤ꧀ꦤꦺꦴꦫꦏꦔꦺꦭꦤ꧀꧈​ꦲꦁꦔꦫꦶꦠꦶꦁꦥꦥꦱꦂꦧꦲꦺ꧈​ꦧꦫꦶꦮꦣꦸꦏ꧀ꦏꦺꦥꦼꦤꦸꦃ꧈​ꦱꦧꦼꦤ꧀ꦤꦺꦤ꧀ꦗꦶꦁꦗꦗꦤ꧀ꦱꦼꦫꦧꦶ꧈​ꦲꦥꦼꦩ꧀ꦏꦭꦮꦤ꧀ꦕꦫꦧꦶꦤꦺꦴꦁꦒꦺꦴꦭ꧀ꦧꦉꦤ꧀ꦢꦸꦁ꧈​ꦥꦶꦤꦁꦔꦤ꧀ꦭꦸꦲꦸꦂꦒꦼꦣꦺꦴꦒꦤ꧀ꦱꦼꦧ꧀ꦢꦥꦭꦺꦴꦤ꧀ ꦲꦁꦔꦶꦩꦼꦭ꧀ꦩꦁꦔꦤ꧀ꦭꦶꦭꦶꦤ꧀ꦛꦶꦁ꧈​ꦗꦁꦒꦸꦠ꧀ꦠꦺꦒꦸꦭꦢꦿꦲꦤ꧀

[ f.16r ]

꧄ ꦢꦩꦂꦮꦸꦭꦤ꧀ꦮꦲꦸꦢꦺꦤ꧀ꦏꦶꦤ꧀ꦠꦸꦤꦶꦏꦩ꧀ꦥꦸꦃꦗꦶꦁꦒ꧈​ꦭꦤ꧀ꦕꦶꦁꦔꦤꦺꦥꦶꦱꦤ꧀ꦱꦂꦠꦭꦮꦤ꧀ꦥꦤꦶꦁꦱꦼꦠ꧀ꦠꦺ꧈​ꦢꦩꦂꦮꦸꦭꦤ꧀ꦤꦩꦸꦮꦸꦱ꧀ ꦧꦭꦺꦏ꧀ꦏꦼꦤꦥꦩꦤ꧀ꦢꦶꦲꦒ꧀ꦭꦶꦱ꧀ ꦪꦏ꧀ꦠꦶꦤꦺꦠꦤ꧀ꦥꦁ​ꦫꦱꦏꦪꦲꦮꦏ꧀ꦏꦶꦁꦱꦸ꧈​ꦮꦺꦴꦁꦔꦒꦩꦼꦭ꧀ꦏꦩ꧀ꦥꦸꦃꦗꦶꦁꦒ꧈​ꦮꦸꦱ꧀ꦥꦤ꧀ꦠꦼꦱ꧀ꦱꦺꦧꦼꦧꦼꦢ꧀ꦱꦫꦸꦁꦧꦺꦴꦱꦺꦴꦏ꧀ꦩꦩꦶ꧈​ꦲꦶꦏꦼꦠ꧀ꦕꦼꦫꦺꦕꦺꦠ꧀ꦧꦱꦃ​
꧄ꦏꦮꦂꦤꦲꦥꦸꦠꦿꦤꦺꦏꦶꦥꦠꦶꦃ꧈​ꦲꦏꦏꦱꦶꦃꦢꦺꦮꦶꦲꦤ꧀ꦗꦼꦱ꧀ꦩꦫ꧈​ꦏꦭꦁꦏꦸꦁꦲꦪꦸꦤꦿꦸꦥꦤꦺ꧈​ꦲꦶꦏꦸꦮꦸꦫꦒꦶꦭ꧀ꦭꦶꦥꦸꦤ꧀ ꦲꦁꦔꦶꦁꦱꦁꦢꦾꦠꦤ꧀ꦤꦂꦱꦏꦿꦩꦶ꧈​ꦱꦏꦺꦃꦩꦤ꧀ꦠꦿꦶꦥꦺꦴꦁꦒꦮ꧈​ꦮꦺꦴꦁꦔꦶꦁꦩꦗꦭꦁꦔꦸ꧈​ꦢꦶꦥꦸꦤ꧀ꦠꦩ꧀ꦥꦶꦏꦶꦱꦢꦪ꧈​ꦱꦁꦢꦾꦲꦪꦸ꧈​ꦢꦲꦠ꧀ꦠꦤ꧀ꦤꦂꦱꦲꦏꦿꦩꦶ꧈​ꦭꦒꦶꦩꦺꦴꦁꦩꦺꦴꦁꦱꦭꦶꦫ
꧄ꦤꦶꦲꦤ꧀ꦗꦼꦱ꧀ꦩꦫꦲꦩꦸꦮꦸꦱ꧀ꦱꦫꦶꦱ꧀ ꦧꦶꦪꦁꦲꦶꦤ꧀ꦚꦲꦶꦁꦱꦸꦤ꧀ꦤꦩꦶꦲꦂꦱꦪꦺꦤ꧀ꦏꦁꦗꦼꦁꦫꦩꦮꦂꦠꦶꦤꦺ꧈​ꦲꦤꦮꦺꦴꦁꦔꦤ꧀ꦚꦂꦫꦮꦸꦃ꧈​ꦩꦤꦏ꧀ꦏꦮꦤ꧀ꦤꦶꦁꦫꦩꦩꦩꦶ꧈​ꦮꦺꦴꦁꦱꦏꦶꦁꦥꦭꦸꦲꦩ꧀ꦧ꧈​ꦮꦂꦤꦤꦺꦲꦧꦒꦸꦱ꧀ ꦢꦸꦏ꧀ꦥꦿꦥ꧀ꦠꦗꦸꦗꦸꦒ꧀ꦒꦶꦁꦭꦮꦁ꧈​ꦱꦶꦤꦶꦏꦫ꧈​ꦲꦶꦁꦏꦏꦁꦭꦪꦁꦏꦸꦩꦶꦠꦶꦂꦭꦤ꧀ꦏꦏꦁꦭꦪꦁꦱꦺꦠꦿ
꧄ꦥꦮꦺꦴꦁꦔꦤꦺꦲꦱꦿꦸꦲꦠꦸꦂꦤꦺꦏꦶ꧈​ꦲꦥꦤ꧀ꦏꦶꦗꦏꦲꦶꦁꦥꦭꦸꦲꦩ꧀ꦧꦏꦶꦤꦂꦪꦒꦩꦼꦮꦶꦪꦺꦴꦱ꧀ꦱꦺ꧈​ꦲꦺꦩꦤ꧀ꦠꦼꦩꦼꦤ꧀ꦮꦺꦴꦁꦧꦒꦸꦱ꧀ ꦩꦼꦱꦏ꧀ꦏꦏꦼꦤ꧀ꦢꦢꦶꦥꦁꦔꦫꦶꦠ꧀ ꦏꦂꦱꦤꦺꦫꦩꦤ꧀ꦢꦶꦏꦤꦶꦲꦪꦏꦭꦏꦸ꧈​ꦥꦶꦤꦶꦭꦫ​ꦱꦧ꧀ꦢꦶꦤ꧀ꦤꦭꦩꦸꦤ꧀ꦏꦶꦫꦁ꧈​ꦒꦸꦱ꧀ꦛꦶꦱꦸꦏꦼꦠ꧀ꦠꦺꦱꦝꦶꦝꦶꦏ꧀​ꦠꦸꦂꦱꦶꦤꦸꦁꦲꦫꦶꦠ꧀​ꦠꦶꦩ

[ f.16v ]꧄ꦢꦺꦤꦶꦔꦺꦴꦤꦶꦒꦸꦱ꧀ꦠꦶꦱꦼꦒꦲꦏꦶꦁ꧈ꦮꦶꦤꦣꦃꦲꦤ꧀ꦕꦺꦴꦮꦺꦠ꧀ꦒꦺꦴꦮꦺꦁꦔꦶꦏꦠꦸꦂꦲꦮꦺꦴꦂꦠꦶꦩꦼꦤ꧀ꦝꦶꦭ꧀ꦧꦲꦺ꧈ꦱꦁꦢꦾꦮꦼꦭꦱ꧀ꦱꦁꦫꦸꦁꦔꦸ꧈ꦱꦏꦭꦁꦏꦸꦁꦲꦁꦉꦱ꧀ꦱꦶꦁꦔꦠꦶ꧈ꦱꦶꦫꦤꦶꦲꦤ꧀ꦗꦼꦱ꧀ꦩꦫꦏꦱ꧀ꦩꦫꦤ꧀ꦤꦶꦁꦏꦭ꧀ꦧꦸ꧈ꦩꦤꦲꦺꦮꦣꦏ꧀ꦮꦶꦣꦶꦏ꧀ꦏꦤ꧀​ꦲꦁꦔꦤ꧀ꦢꦶꦏꦔꦺꦴꦁꦠꦶꦭꦶꦏ꧀ꦏꦤꦺꦠꦸꦩꦸꦭꦶ꧈ꦩꦫꦶꦁꦔꦶꦁꦥꦒꦩꦼꦭꦤ꧀
꧄ꦏꦶꦢꦩꦂꦮꦸꦭꦤ꧀ꦏꦥꦁꦒꦶꦃꦒꦸꦭꦶꦁ꧈ꦤꦶꦲꦤ꧀ꦗꦼꦱ꧀ꦩꦫꦏꦕꦠꦸꦂꦥꦿꦥ꧀ꦠ꧈ꦲꦁꦔꦢꦼꦒ꧀ꦒꦤꦁꦢꦒꦤ꧀ꦤꦺ꧈ꦲꦩꦶꦕꦫꦲꦶꦁꦏꦭ꧀ꦧꦸ꧈ꦧꦪꦲꦶꦏꦶꦏꦁꦢꦢꦶꦕꦮꦶꦱ꧀​ꦱꦥꦲꦫꦤꦺꦧꦪꦮꦂꦤꦤꦺꦲꦧꦒꦸꦱ꧀​ꦱꦧ꧀ꦢꦥꦭꦺꦴꦤ꧀ꦤꦺꦴꦫꦮꦶꦏꦤ꧀​ꦲꦤ꧀ꦗꦼꦱ꧀ꦩꦫ꧈ꦲꦩꦸꦮꦸꦱ꧀ꦱꦏꦶꦁꦔꦶꦁꦮꦸꦫꦶ꧈ꦱꦼꦧ꧀ꦢꦥꦭꦺꦴꦤ꧀ꦤꦤ꧀ꦗꦺꦴꦭ
꧄ꦏꦶꦢꦩꦂꦮꦸꦭꦤ꧀ꦮꦲꦸꦠꦶꦤꦁꦔꦶ꧈ꦤꦶꦲꦤ꧀ꦗꦼꦱ꧀ꦩꦫꦭꦺꦴꦤ꧀​ꦔꦤ꧀ꦢꦶꦏꦥꦩꦤ꧀ꦢꦶꦩꦺꦤꦺꦲꦱꦫꦺ꧈ꦢꦩꦂꦮꦸꦭꦤ꧀ꦤꦠꦸꦫꦸ꧈ꦲꦤꦁꦱꦺꦴꦫꦶꦁꦲꦶꦁꦤꦒꦱꦫꦶ꧈ꦲꦭꦺꦩꦺꦏ꧀ꦠꦿꦺꦴꦤꦶꦁꦥꦶꦱꦁ꧈ꦕꦪꦤꦺꦲꦸꦩꦚ꧀ꦕꦸꦂ꧈ꦏꦢꦾꦮꦸꦭꦤ꧀ꦏꦫꦲꦶꦤꦤ꧀​ꦲꦤ꧀ꦗꦼꦱ꧀ꦩꦫ꧈ꦲꦭꦶꦮꦸꦁꦱꦗꦿꦺꦴꦤꦶꦁꦔꦠꦶ꧈ꦏꦱ꧀ꦩꦫꦤ꧀ꦤꦶꦁꦮꦂꦢꦪ
꧄ꦤꦶꦲꦤ꧀ꦗꦼꦱ꧀ꦩꦫꦲꦩꦸꦮꦸꦱ꧀ꦱꦫꦶꦱ꧀​ꦱꦥꦫꦤꦺ꧈ꦒꦸꦱ꧀ꦠꦶꦫꦶꦏꦥꦩꦤ꧀​ꦏꦁꦭꦒꦶꦩꦸꦗꦸꦁꦲꦱꦫꦺ꧈ꦩꦤ꧀ꦢꦃꦱꦫꦺꦪꦏꦱꦸꦂ꧈ꦧꦪꦩꦠꦶꦲꦺꦴꦫꦲꦁꦭꦶꦭꦶꦂ꧈ꦮꦺꦴꦁꦭꦺꦩꦺꦏ꧀ꦏꦿꦺꦴꦤꦶꦁꦥꦶꦱꦁꦏ [ f.17r ]ꦥꦠꦶꦲꦠꦸꦫꦸ꧈ꦭꦤ꧀ꦱꦥꦏꦁꦢꦸꦮꦺꦥꦸꦠꦿ꧈ꦱꦸꦤ꧀ꦮꦠꦫ꧈ꦢꦸꦢꦸꦲꦤꦏ꧀ꦏꦶꦁꦮꦺꦴꦁꦕꦶꦭꦶ꧈ꦥꦒꦩꦼꦭ꧀ꦭꦺꦱꦶꦫꦩ
꧄ꦱꦼꦧ꧀ꦢꦥꦭꦺꦴꦤ꧀ꦤꦱꦿꦸꦲꦠꦸꦂꦤꦺꦏꦶ꧈ꦲꦏꦏꦱꦶꦃꦗꦏꦢꦩꦂꦮꦸꦭꦤ꧀​ꦱꦶꦁꦥꦭꦸꦲꦩ꧀ꦧꦮꦶꦗꦶꦭ꧀ꦭꦺ꧈ꦲꦤꦼꦁꦒꦶꦃꦫꦩꦤꦶꦥꦸꦤ꧀​ꦠꦶꦪꦁꦱꦏꦶꦁꦲꦶꦁꦩꦗꦥꦲꦶꦠ꧀​ꦲꦫꦤ꧀ꦥꦠꦶꦃꦲꦸꦢꦫ꧈ꦤꦁꦔꦶꦁꦱꦩ꧀ꦥꦸꦤ꧀ꦭꦩ꧀ꦥꦸꦱ꧀​ꦤꦼꦁꦒꦶꦃꦏꦶꦥꦠꦶꦃꦲꦸꦢꦫꦱꦢꦸꦭꦸꦫꦺꦢꦊꦩ꧀ꦭꦺꦴꦒꦼꦤ꧀ꦢꦺꦂꦱꦼꦁꦗꦲꦶꦭ꧀​ꦏꦶꦲꦸꦢꦫꦏꦁꦠꦸꦮ
꧄ꦤꦶꦲꦤ꧀ꦗꦼꦱ꧀ꦩꦫꦔꦤ꧀ꦢꦶꦏꦲꦫꦶꦱ꧀​ꦲꦠꦠꦤ꧀ꦚꦲꦶꦁꦥꦮꦺꦴꦁꦔꦤ꧀ꦤꦶꦫ꧈ꦲꦶꦤ꧀ꦚꦤ꧀ꦤꦺꦲꦫꦶꦱ꧀ꦱꦠꦸꦫꦺ꧈ꦲꦭꦼꦉꦱ꧀ꦱꦠꦸꦂꦫꦶꦥꦸꦤ꧀​ꦲꦥꦤ꧀ꦤꦿꦩꦢꦶꦏꦏꦫꦶꦲꦶꦤ꧀​ꦲꦢꦂꦧꦺꦏꦢꦁꦠꦸꦮꦤꦼꦁꦒꦶꦃꦮꦱ꧀ꦠꦤꦶꦥꦸꦤ꧀​ꦲꦫꦤ꧀ꦏꦶꦥꦠꦶꦃꦲꦸꦢꦫ꧈ꦫꦩꦤ꧀ꦢꦶꦏ꧈ꦏꦭ꧀ꦭꦶꦁꦔꦤ꧀ꦗꦼꦁꦮꦺꦴꦁꦮꦸꦱ꧀ꦩꦸꦏ꧀ꦠꦶ꧈ꦲꦼꦢꦶꦂꦢꦢꦺꦴꦱ꧀ꦥꦫꦺꦤ꧀ꦠꦃ
꧄ꦤꦶꦲꦤ꧀ꦗꦼꦱ꧀ꦩꦫꦧꦸꦁꦔꦃꦠꦤ꧀ꦱꦶꦥꦶꦃ꧈ꦪꦺꦤ꧀ꦩꦼꦁꦏꦺꦴꦤꦺꦴꦗꦏꦢꦩꦂꦮꦸꦭꦤ꧀ꦤꦿꦢꦩꦩ꧀ꦧꦸꦏꦢꦁꦣꦺꦮꦺꦏ꧀​ꦮꦂꦤꦤꦶꦥꦸꦤ꧀ꦤꦧꦒꦸꦱ꧀​ꦩꦼꦱꦏꦏꦼꦤ꧀ꦢꦢꦶꦥꦁꦔꦫꦶꦠ꧀​ꦩꦤꦮꦏꦁꦗꦼꦁꦫꦩꦧꦪꦭꦒꦶꦮꦸꦫꦸ꧈ꦭꦭꦶꦩꦫꦁꦏꦥꦺꦴꦤꦏꦤ꧀ꦏꦮꦂꦤꦲ꧈ꦤꦶꦲꦤ꧀ꦗꦼꦱ꧀ꦩꦫꦮꦸꦱ꧀ꦩꦸꦭꦶꦃ꧈ꦭꦺꦁꦱꦺꦂꦱꦶꦁꦥꦒꦩꦼꦭ꧀ꦭꦤ꧀
꧄ꦱꦥꦿꦥ꧀ꦠꦤꦺꦲꦶꦁꦮꦶꦱ꧀ꦩꦲꦭꦶꦒꦶꦃꦤꦶꦲꦤ꧀ꦗꦼꦱ꧀ꦩꦫꦱꦶꦒꦿꦧꦸꦱꦤꦕꦶꦤ꧀ꦝꦺꦏꦸꦏꦸꦥꦸꦱꦶꦤ꧀ꦗꦁꦔꦺ꧈ꦱꦁꦏꦁꦧꦥꦁꦩꦔꦸꦁꦏꦸꦁ꧈ꦲꦏꦼꦏꦼꦩ꧀ꦧꦤ꧀ꦗꦶꦁꦒꦠꦶꦤꦼꦥꦶ꧈ꦣꦱꦂꦲꦪꦸꦲꦸꦠꦩ꧈ꦥꦶꦥꦶꦭꦶꦱꦺꦮꦸꦔꦸ꧈ꦤꦶꦲꦤ꧀ꦗꦼꦱ꧀ꦩꦫꦔꦤ꧀ꦢꦶꦏꦧꦶꦪꦁꦔꦶꦤ꧀ꦚ꧈ꦩꦶꦪꦁꦔꦥꦱꦂꦠꦸꦩꦸꦭ꧀ꦭꦶ꧈ꦠꦸꦏꦸꦮꦣꦣꦲꦂꦫꦤ꧀
꧄ꦲꦒꦮꦺꦪꦮꦶꦢ [ f.17v ]ꦲꦶꦏꦁꦮꦁꦔꦶ꧈ꦱꦸꦤ꧀ꦥꦁꦒꦶꦲꦤꦺꦏꦁꦢꦩꦂꦮꦸꦭꦤ꧀ꦲꦶꦏꦏꦢꦁꦔꦶꦁꦱꦸꦤ꧀ꦝꦺꦮꦺꦏ꧀​ꦫꦩꦏ꧀ꦏꦤꦺꦏꦫꦸꦲꦸꦤ꧀​ꦥꦤ꧀ꦱꦶꦲꦸꦮꦲꦸꦢꦫꦣꦶꦔꦶꦤ꧀​ꦩꦤꦮꦏꦤ꧀ꦗꦼꦁꦫꦩꦧꦪꦭꦒꦶꦮꦸꦫꦸ꧈ꦭꦭꦶꦩꦫꦶꦁꦏꦥꦺꦴꦤꦏꦤ꧀​ꦢꦩꦂꦮꦸꦭꦤ꧀​ꦧꦶꦪꦁꦮꦂꦤꦤꦺꦗꦭꦤ꧀ꦛꦶꦂ꧈ꦥꦒꦩꦼꦭ꧀ꦭꦺꦱꦶꦫꦩ꧀ꦩ

꧄ꦲꦶꦁꦱꦸꦤ꧀ꦧꦶꦪꦁꦠꦶꦤꦫꦶꦪꦭꦏꦶ꧈ꦱꦏꦛꦃꦲꦺ꧈ꦩꦤ꧀ꦠꦿꦶ꧈ꦭꦤ꧀ꦥꦺꦴꦁꦒꦮꦧꦶꦪꦁꦱꦸꦤ꧀ꦠꦩ꧀ꦥꦏ꧀ꦏꦶꦏꦧꦺꦃ꧈ꦲꦺꦴꦫꦤꦤꦥꦤꦸꦗꦸ꧈ꦲꦩꦸꦁꦲꦶꦏꦶꦏꦁꦢꦩꦂꦱꦱꦶ꧈ꦫꦲꦺꦴꦱꦺꦲꦶꦁꦏꦁꦩꦤꦃꦭꦶꦂꦢꦸꦭꦸꦕꦼꦩ꧀ꦥꦭꦸꦏ꧀​ꦱꦼꦩꦁꦱꦤꦺꦭꦒꦶꦤ꧀ꦚꦣꦩ꧀ꦢꦩꦂꦮꦸꦭꦤ꧀ꦧꦶꦪꦁꦫꦸꦥꦤꦺꦲꦫꦩ꧀ꦥꦶꦁ꧈ꦥꦏꦛꦶꦏ꧀ꦏꦺꦱꦶꦫꦩ
꧄ꦤꦶꦲꦤ꧀ꦗꦼꦱ꧀ꦩꦫꦱꦶꦒꦿꦩꦫꦤꦶꦲꦶꦁꦥꦽꦤꦲꦺꦗꦏꦢꦩꦂꦮꦸꦭꦤ꧀​ꦤꦸꦗꦸꦠꦁꦒꦭ꧀ꦥꦢ꧀ꦧꦼꦭꦱ꧀ꦱꦺ꧈ꦣꦱꦂꦮꦺꦴꦁꦔꦪꦸꦠꦸꦭꦸꦱ꧀​ꦭꦺꦭꦺꦮꦤꦺ [ f.18r ]ꦲꦤ꧀ꦗꦸꦏꦫꦁꦔꦶ꧈ꦱꦉꦁꦩꦼꦩ꧀ꦧꦠ꧀ꦠꦶꦁꦩꦢꦾꦠꦶꦤꦺꦴꦤ꧀ꦩꦤ꧀ꦢꦸꦭ꧀ꦩꦤ꧀ꦢꦸꦭ꧀​ꦏꦢꦶꦥꦢꦥꦏꦁꦔꦶꦤ꧈ꦭꦺꦩ꧀ꦧꦺꦪꦤꦺ꧈ ꦲꦫꦶꦪꦏ꧀ꦒꦗꦃꦲꦁꦔꦸꦭꦶꦁ꧈ꦭꦶꦂꦔꦭꦥ꧀ꦥꦤꦗꦶꦮ
꧄ꦒꦤ꧀ꦢꦤ꧀ꦚꦫꦸꦩ꧀ꦭꦶꦂꦤꦼꦫꦸꦱ꧀ꦥꦿꦠꦶꦮꦶ꧈ꦤꦶꦲꦤ꧀ꦗꦼ ꦱ꧀ꦩꦫꦲꦤꦸꦭꦶꦥꦿꦥ꧀ꦠ꧈ꦲꦤ꧀ꦗꦸꦗꦸꦒ꧀ꦩꦫꦁꦥꦿꦤꦲꦺ꧈ꦢꦩꦂꦮꦸꦭꦤ꧀ꦭꦸꦩꦪꦸ꧈ꦲꦤ꧀ꦗꦼꦱ꧀ꦩꦫꦱꦶ ꦒꦿꦤꦸꦠꦸꦠ꧀ꦠꦶ꧈ꦩꦸꦧꦼꦁꦲꦤꦺꦁꦒꦼꦣꦺꦴꦒꦤ꧀ꦥꦤ꧀ꦱꦩ꧀ꦥꦸꦤ꧀ꦏꦧꦸꦠꦸꦃ꧈ꦕꦶꦤꦤ꧀ꦝꦏ꧀ꦱꦧꦸꦏ꧀ꦏꦺ ꦠꦩ꧀ꦥꦂ꧈ꦢꦩꦂꦮꦸꦭꦤ꧀​ꦠꦼꦏꦥꦸꦭꦤ꧀ꦠꦂꦥꦸꦭꦶꦤ꧀ꦠꦶꦂ꧈ꦩꦺꦴꦗꦂꦱꦫꦺꦴꦤꦶꦁꦏꦩꦭ꧀

꧅ ꦚ꧀ꦖ ꧅

꧁ꦱꦶꦤꦺꦴꦩ꧀꧂

꧄ꦥꦒꦺꦤꦺꦏꦶꦢꦩꦂꦮꦸꦭꦤ꧀ꦭꦸꦩꦪꦸꦲꦶꦁꦔꦺꦴꦁꦥꦫꦤꦶ꧈ꦩꦥꦤ꧀ꦤꦶꦁꦱꦸꦤ꧀ꦢꦸꦢꦸꦧꦸꦠ꧈ꦢꦸꦢꦸꦩꦕꦤ꧀ꦱꦂꦥꦩꦤ꧀ꦢꦶ꧈ꦏꦠꦺꦴꦤ꧀ꦥꦸꦤꦥꦩꦩꦶꦱꦶꦣꦼꦁꦏꦃꦠꦼꦏꦭꦸꦩꦪꦸ꧈ꦭꦃꦩꦫꦭꦸꦩꦪꦸꦮ꧈ꦱꦧꦸꦏ꧀ꦏꦶꦫꦱꦸꦤ꧀ꦧꦺꦴꦤ꧀ꦝꦺꦠꦶ꧈ꦱꦸꦤ꧀ꦠꦼꦤ꧀ꦚꦼꦔꦥꦸꦠꦸꦁꦲꦶꦒꦮꦼꦏꦱ꧀ꦱꦶꦫ [ f.18v ]
꧄ꦲꦤ꧀ꦝꦺꦥꦺꦴꦏ꧀ꦏꦶꦢꦩꦂꦮꦸꦭꦤ꧀ꦮꦸꦮꦸꦱ꧀ꦱꦺꦲꦮꦺꦴꦂꦭꦤ꧀ꦠꦁꦔꦶꦱ꧀​ꦱꦶꦫꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦲꦏꦼꦤ꧀ꦕꦼꦁꦢꦺꦤ꧀ꦚꦧꦺꦴꦤ꧀ꦝꦺꦠ꧀ꦠꦶ꧈ꦏꦼꦤꦁꦔꦥꦲꦤꦁꦔꦶꦱ꧀ꦩꦁꦱꦧꦺꦴꦪꦲꦮꦺꦃꦲꦸꦕꦸꦭ꧀​ꦧꦪꦮꦺꦴꦁꦭꦤꦁꦔꦥ꧈ꦏꦪꦮꦺꦴꦁꦭꦤꦁꦏꦼꦩ꧀ꦩꦁꦔꦶ꧈ꦧꦒꦸꦱ꧀ꦱꦺꦤꦺꦴꦩ꧀ꦕꦕꦢ꧀ꦢꦺꦮꦼꦢꦶꦮꦤ꧀ꦤꦺꦴꦢꦾ

꧄ꦏꦶꦢꦩꦂꦮꦸꦭꦤ꧀ꦤꦁꦔꦸꦕꦥ꧀ꦩꦱ꧀ꦱꦪꦸꦕꦸꦭ꧀ꦭꦼꦤꦩꦩꦶ꧈ꦥꦤ꧀ꦤꦺꦴꦫꦲꦸꦠꦁꦲꦤ꧀ꦚꦼꦭꦁ꧈ꦩꦸꦭꦤꦺꦢꦶꦏꦧꦺꦴꦤ꧀ꦝꦺꦠꦶ꧈ꦩꦫꦱꦺꦲꦶꦁꦏꦁꦔꦠꦶ꧈ꦲꦭꦃꦲꦥꦢꦸꦏ꧀ꦏꦫꦸꦲꦸꦤ꧀​ꦭꦒꦾꦏꦮꦸꦭꦥꦿꦥ꧀ꦠ꧈ꦧꦶꦤꦺꦤ꧀ꦢꦿꦺꦴꦁꦲꦶꦁꦠꦸꦩ꧀ꦧꦏ꧀ꦏꦼꦫꦶꦱ꧀​ꦩꦭꦃꦩꦁꦏꦺ꧈ꦩꦫꦱꦺꦲꦠꦶꦏꦮꦸꦭ
꧄ꦢꦢꦺꦴꦱ꧀ꦥꦸꦤꦥꦏꦮꦸꦭꦏꦠꦸꦫꦣꦠꦼꦁꦏꦶꦪꦲꦶ꧈ꦥꦱ꧀ꦛꦶꦏꦮꦸꦭꦥꦭꦱ꧀ꦠꦿ꧈ꦠꦶꦤꦼꦭꦱꦤ꧀ꦤꦶꦁꦏꦶꦥꦠꦶꦃ꧈ꦤꦶꦲꦤ꧀ꦗꦼꦱ꧀ꦩꦫꦲꦁꦭꦶꦁꦭꦩꦺꦴꦤ꧀ꦢꦶꦏꦠꦼꦏꦁꦭꦩ꧀ꦥꦸꦱ꧀​ꦏꦸꦭꦩꦁꦱꦏꦫꦶꦪ꧈ꦠꦠꦸꦗꦗꦔꦺꦴꦁꦧꦺꦭꦤꦶ꧈ꦲꦩꦸꦁꦢꦶꦏꦲꦶꦁꦏꦁꦢꦢꦶꦭꦫꦧꦿꦁꦠ
꧄ꦲꦁꦔꦸꦕꦥ꧀ꦏꦶꦢꦩꦂꦮꦸꦭꦤ꧀ꦩꦱ꧀ꦱꦪꦸꦕꦸꦭ꧀ꦭꦼꦤꦩꦩꦶ꧈ꦲꦪꦸꦤ꧀ꦚꦥꦺꦴꦤꦶꦒꦼꦣꦺꦴꦒ꧀ꦒꦤ꧀​ꦲꦂꦱꦩꦏꦤ꧀ꦤꦶꦠꦸꦫꦁꦒꦶ꧈ꦤꦶꦲꦤ꧀ꦗꦼꦱ꧀ꦩꦫꦲꦁꦭꦶꦁꦢꦪꦢꦺꦪꦺꦲꦮꦺꦃꦲꦸꦕꦸꦭ꧀​ꦪꦼꦤ꧀ꦤꦺꦴꦫꦗꦩ꧀ꦥꦺꦤ꧈ꦏꦁꦔꦠꦶꦏꦣꦺꦴꦲꦤ꧀ꦏꦶꦁꦏꦶꦤ꧀​ꦗꦼꦧꦸꦒ꧀ꦒꦫꦸꦩ꧀ꦥꦭꦤꦼꦤ꧀ꦏꦶꦢꦸꦁꦱꦼꦁꦒꦫ
꧄ꦲꦶꦁꦱꦸꦤ꧀ꦤꦸꦒꦕꦶꦭꦶꦩꦸꦭꦒꦼꦛꦶꦁꦮꦺꦴꦁꦭꦤꦁꦲꦤꦁꦔꦶꦱ꧀​ꦠꦼꦩ꧀ꦧꦺꦩꦤꦶꦫꦠꦸꦩꦶꦔꦭ꧀​ꦮꦺꦴꦁꦭꦤꦁꦮꦼꦢꦶꦥꦮꦺꦱ꧀ꦠꦿꦶ꧈ꦪꦺꦤ꧀ꦱꦶꦫꦩꦲꦸꦢꦤꦶꦢꦶꦏꦩꦶꦫꦺꦴꦁꦏꦩ꧀ꦥꦸꦃꦱꦶꦤ꧀ꦢꦸꦂꦥ [ f.19r ]ꦪꦸꦩꦫꦶꦁꦥꦥꦽꦩꦤ꧀​ꦮꦸꦭꦸꦃꦫꦮꦲꦮꦏ꧀ꦩꦩꦶ꧈ꦫꦒꦩꦫ꧈ꦲꦶꦁꦱꦸꦤ꧀ꦏꦂꦪꦤꦼꦤ꧀ꦤꦥꦸꦁꦔꦤ꧀
꧄ꦢꦶꦏꦲꦸꦒꦱꦤꦏ꧀ꦏꦶꦁꦮꦁ꧈ꦲꦤꦏ꧀ꦏꦺꦱꦶꦲꦸꦮꦣꦶꦁꦔꦤ꧀​ꦲꦫꦤ꧀ꦮꦥꦠꦶꦃꦲꦸꦢꦫ꧈ꦧꦶꦪꦁꦔꦶꦤ꧀ꦚꦏꦁꦔꦮꦂꦠꦶ꧈ꦧꦺꦴꦏ꧀ꦏꦗꦔꦢ꧀ꦢꦶꦲꦢꦶ꧈ꦱꦸꦩꦏꦺꦪꦤ꧀ꦮꦺꦴꦁꦧꦶꦤꦒꦸꦱ꧀​ꦱꦺꦴꦏ꧀ꦏꦥꦉꦁꦔꦲꦸꦒꦲꦗꦠꦁꦒꦸꦁꦩꦭꦒꦶꦠꦶꦏ꧀​ꦗꦲꦺꦮꦤꦏꦁꦔꦠꦶꦥꦺꦴꦪꦁꦥꦪꦶꦁꦔꦤ꧀
꧄ꦏꦶꦱꦼꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀ꦝꦸꦃꦫꦢꦺꦤ꧀ꦢꦶꦏꦲꦺꦕꦤꦶ꧈ꦩꦺꦱ꧀ꦱꦪꦸꦲꦶꦁꦏꦥꦠꦶꦪꦤ꧀​ꦪꦺꦤ꧀ꦠꦸꦲꦸꦲꦱꦶꦃꦏꦥꦠꦶ꧈ꦪꦠꦏꦶꦢꦩꦂꦱꦱꦶ꧈ꦲꦩꦶꦕꦫꦗꦿꦺꦴꦤꦶꦁꦏꦭ꧀ꦧꦸ꧈ꦏꦭꦲꦥꦫꦫꦱꦤ꧀​ꦮꦢꦸꦁꦥꦫꦶꦱꦸꦤ꧀ꦮꦱ꧀ꦠꦤꦶ꧈ꦏꦤꦶꦲꦪ꧈ꦩꦱ꧀ꦱꦪꦸꦲꦶꦁꦏꦥꦠꦶꦪꦤ꧀
꧄ꦏꦶꦱꦼꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀​ꦝꦸꦃꦫꦢꦺꦤ꧀ꦱꦩ꧀ꦥꦸꦤ꧀ꦏꦼꦮꦠꦶꦂ꧈ꦩꦱꦭꦃꦩꦏꦤꦶꦗꦫꦤ꧀​ꦤꦶꦲꦼꦩꦱ꧀ꦢꦶꦏꦠꦸꦫꦸꦠ꧀ꦠꦶ꧈ꦏꦸꦭꦫꦏ꧀ꦱꦲꦶꦁꦗꦮꦶ꧈ꦧꦶꦭꦶꦃꦮꦺꦴꦤ꧀ꦠꦼꦤ꧀ꦭꦁꦭꦁꦏꦺꦮꦸꦃꦏꦥꦁꦒꦶꦪꦏꦮꦸꦭꦫꦢꦺꦤ꧀ꦢꦶꦲꦺꦕꦲꦫꦱ꧀ꦩꦶ꧈ꦥꦤ꧀ꦮꦱꦶꦱꦤ꧀ꦤꦶꦲꦼꦩꦱ꧀ꦤꦶꦫꦸꦏꦼꦠ꧀ꦥꦶꦱꦤ꧀​
꧄ꦮꦲꦸꦫꦢꦺꦤ꧀ꦢꦩꦂꦮꦸꦭꦤ꧀​ꦱꦩꦤꦲꦶꦏꦮꦸꦱ꧀ꦏꦺꦫꦶꦁ꧈ꦩꦫꦁꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦱꦩ꧀ꦥꦸꦤ꧀ꦥꦿꦥ꧀ꦠꦠꦶꦭꦩ꧀ꦮꦁꦔꦶ꧈ꦥꦤ꧀ꦱꦩ꧀ꦥꦸꦤ꧀ꦥꦶꦤꦱꦭꦶꦤ꧀​ꦧꦶꦤꦺꦴꦫꦺꦪꦤ꧀ꦗꦼꦧꦠ꧀ꦢꦫꦸꦩ꧀​ꦱꦤꦢꦾꦤ꧀ꦮꦺꦴꦁꦔꦠꦥ꧈ꦲꦏꦺꦃꦮꦸꦣꦂꦲꦶꦁꦥꦮꦺꦱ꧀ꦠꦿꦶ꧈ꦣꦱꦂꦲꦪꦸ꧈ꦲꦕꦁꦒꦺꦃꦤꦶꦲꦤ꧀ꦗꦼꦱ꧀ꦩꦫ
꧄ꦣꦱꦂꦧꦒꦸꦱ꧀ꦢꦩꦂꦮꦸꦭꦤ꧀ꦱꦶꦤꦸꦩ꧀ꦥꦶꦁꦔꦤ꧀ꦱꦸꦫꦺꦁꦥꦠꦶ꧈ꦏꦶꦤꦩ꧀ꦥꦸꦮꦤ꧀ꦗꦶꦒ[...][...]ꦢꦾꦠꦤ꧀ꦱꦃꦲꦩ꧀ꦧꦺꦴꦠꦶ꧈ꦱꦂꦪꦢꦶꦥꦸꦤ꧀ꦠꦸꦫꦺꦴꦤ꧀ꦤꦶꦢꦩꦂꦮꦸꦭ꧀ꦭꦤ꧀ꦥꦁꦏꦺꦴ [ f.19v ]ꦤꦶꦥꦸꦤ꧀​ꦣꦱꦂꦤꦶꦲꦤ꧀ꦗꦼꦱ꧀ꦩꦫ꧈ꦏꦭꦁꦏꦸꦁꦕꦁꦒꦺꦃꦲꦶꦁꦫꦱ꧀ꦩꦶ꧈ꦲꦁꦉꦉꦩ꧀ꦥ꧈ꦭꦶꦂꦏꦸꦩ꧀ꦧꦁꦲꦁꦔꦶꦱꦼꦥ꧀ꦱꦼꦏꦂ
꧄ꦲꦮꦪꦃꦩꦺꦃꦧꦔꦸꦤ꧀ꦤꦿꦶꦤꦢꦩꦂꦮꦸꦭꦤ꧀ꦤꦂꦱꦩꦸꦭꦷꦃ꧈ꦮꦲꦸꦩꦫꦁꦥꦒꦩꦼꦭꦤ꧀​ꦤꦶꦲꦤ꧀ꦗꦼꦱ꧀ꦩꦫꦧꦺꦴꦤ꧀ꦠꦶ꧈ꦮꦸꦮꦸꦱ꧀ꦱꦺꦔꦱꦶꦃꦲꦱꦶꦃꦧꦪꦣꦼꦩ꧀ꦩꦼꦤ꧀ꦏꦩ꧀ꦥꦸꦃꦮꦸꦭꦸꦁ꧈ꦲꦏꦸꦛꦃꦭꦮꦤ꧀ꦝꦣꦒ꧀​ꦮꦺꦴꦁꦧꦒꦸꦱ꧀ꦏꦥꦠꦶꦥꦠꦶ꧈ꦥꦱ꧀ꦛꦶꦲꦺꦩꦤ꧀ꦩꦠꦶꦪꦏꦭꦮꦤ꧀ꦏꦸꦭ꧈
꧄ꦪꦠꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦲꦩ꧀ꦧꦺꦴꦤ꧀ꦝꦺꦠ꧀ꦠꦤ꧀ꦤꦮꦺꦴꦁꦩꦸꦭꦶꦃ꧈ꦏꦺꦩꦼꦁꦔꦤ꧀ꦏꦶꦢꦩꦂꦮꦸꦭꦤ꧀​ꦱꦼꦧ꧀ꦢꦥꦭꦺꦴꦤ꧀ꦏꦁꦠꦶꦤꦸꦣꦶꦁ꧈ꦭꦤ꧀ꦤꦪꦒꦺꦁꦒꦺꦴꦁꦲꦶꦏꦶ꧈ꦮꦺꦴꦁꦫꦺꦴꦫꦺꦴꦮꦸꦱ꧀ꦏꦶꦤꦺꦤ꧀ꦩꦤ꧀ꦠꦸꦏ꧀​ꦲꦠꦸꦁꦒꦸꦥꦒꦩꦼꦭꦤ꧀​ꦥꦺꦴꦩꦥꦩꦤ꧀ꦢꦶꦲꦧꦼꦕꦶꦏ꧀​ꦩꦁꦱꦧꦺꦴꦮꦺꦴꦁꦔꦮꦸꦱ꧀ꦠꦸꦮ
꧄ꦏꦺꦴꦕꦥ꧀ꦥꦏꦶꦭꦪꦁꦱꦺꦠꦿꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦭꦒꦶꦩꦶꦔꦼꦂꦲꦂꦱꦭꦭꦁ

[ f.20r ]

ꦲꦱꦶꦏꦼꦥ꧀ꦥꦼꦣꦁꦭꦤ꧀ꦠꦩ꧀ꦱꦶꦂ꧈ꦢꦶꦁꦔꦫꦤ꧀ꦥꦣꦁꦱꦱꦶ꧈ꦲꦤꦧꦼꦧꦼꦤ꧀ꦖ꧀ꦖꦺꦠꦸꦠꦸꦲꦸ꧈ꦮꦶꦱ꧀ꦩꦤꦺꦲꦤ꧀ꦗꦼꦱ꧀ꦩꦫꦮꦲꦸꦲꦶꦁꦏꦁꦢꦺꦤ꧀ꦱꦩ꧀ꦧꦼꦫꦶ꧈ꦮꦸꦱ꧀ꦱꦗꦼꦗꦼꦥꦏꦼꦁꦫꦏꦏꦫꦺꦴꦭꦶꦂꦣꦸꦱ꧀ꦛ
꧄ꦲꦁꦔꦸꦕꦥ꧀ꦏꦶꦭꦪꦁꦱꦺꦠꦿꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦧꦪꦭꦒꦶꦕꦕꦫꦶꦠ꧈ꦱꦶꦲꦤ꧀ꦗꦼꦱ꧀ꦩꦫꦲꦮꦶꦢꦶꦱꦢꦁꦔꦸꦤꦶꦤꦶꦂꦱꦺꦏꦶꦱꦏꦭꦁꦏꦸꦁꦩꦼꦭꦱ꧀ꦱꦪꦸꦤ꧀​ꦢꦁꦔꦸꦢꦁꦔꦸꦥꦶꦤꦶꦂꦱ꧈ꦏꦁꦫꦪꦶꦲꦤ꧀ꦚꦭꦮꦢꦶ꧈ꦱꦉꦁꦩꦸꦤ꧀ꦢꦸꦂ꧈ꦏꦁꦫꦏꦏꦫꦺꦴꦧꦿꦩꦠꦾ
꧄ꦲꦱꦿꦸꦩꦺꦴꦗꦂꦱꦶꦫꦫꦢꦺꦤ꧀ꦭꦪꦁꦱꦺꦠꦿ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦱꦥꦫꦺꦴꦮꦔꦶꦫ꧈ꦱꦶꦫꦤꦶꦲꦤ꧀ꦗꦼꦱ꧀ꦩꦫꦤꦶꦲꦤ꧀ꦗꦼꦱ꧀ꦩꦫꦤꦲꦸꦫꦶ꧈ꦏꦏꦁꦭꦶꦒꦶꦪ꧈ꦏꦢꦁꦢꦶꦏꦥꦿꦶꦧꦢꦶ
꧄ꦲꦤꦲꦸꦫꦶꦱꦶꦫꦫꦢꦺꦤ꧀ꦭꦪꦁꦱꦺꦠꦿ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦮꦺꦴꦁꦔꦶꦁꦔꦼꦤ꧀ꦢꦶꦧꦪ꧈ꦲꦺꦴꦫꦲꦢꦸꦮꦺꦏꦢꦁ꧈ꦤꦶꦲꦤ꧀ꦗꦼꦱ꧀ꦩꦫꦤꦲꦸꦫꦶꦭꦃꦠꦶꦔꦭ꧀ꦭꦤ꧈ꦩꦤꦮꦢꦶꦏꦥꦁꦭꦶꦁ [ f.20v ]
꧄ꦢꦶꦏꦭꦶꦁꦒꦶꦃꦏꦏꦁꦲꦸꦢꦸꦢ꧀​ꦫꦺꦴꦏꦺꦴꦏ꧀ꦢꦮ꧈ꦔꦶꦤꦁꦔꦗꦩ꧀ꦧꦺꦮꦁꦔꦶ꧈ꦣꦲꦂꦫꦥꦶꦗꦼꦠꦤ꧀​ꦩꦁꦒꦶꦱ꧀ꦏꦭꦮꦤ꧀ꦢꦸꦂꦪꦤ꧀​ꦏꦏꦁꦥꦶꦤꦉꦏꦫꦶꦏꦶꦭꦃꦠꦶꦔꦭ꧀ꦭꦤ꧈ꦲꦶꦥꦺꦢꦶꦏꦗꦼꦭꦤ꧀ꦛꦶꦂ
꧄ꦪꦠꦲꦮꦱ꧀ꦲꦤ꧀ꦢꦸꦭꦸꦏꦶꦭꦪꦁꦱꦺꦠꦿ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦲꦩꦶꦕꦫꦺꦁꦤꦭ꧈ꦤ꧀ꦚꦠꦱꦶꦒꦩꦼꦭ꧀ꦭꦭ꧈ꦗꦸꦂꦗꦤꦲꦤ꧀ꦚꦶꦢꦿꦫꦱ꧀ꦩꦶ꧈ꦱꦶꦲꦤ꧀ꦗꦼꦱ꧀ꦩꦫ꧈ꦲꦭꦏꦥꦠꦶꦥꦠꦶ
꧄ꦲꦱꦿꦸꦩꦺꦴꦗꦂꦱꦶꦫꦫꦢꦺꦤ꧀ꦭꦪꦁꦱꦺꦠꦿ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦲꦭꦲꦤ꧀ꦗꦼꦱ꧀ꦩꦫ꧈ꦲꦶꦏꦸꦱꦶꦢꦩꦂꦮꦸꦭꦤ꧀​ꦱꦶꦒꦩꦼꦭ꧀ꦲꦗꦼꦗꦼꦩ꧀ꦧꦼꦫꦶ꧈ꦮꦸꦱ꧀ꦱꦶꦁꦔꦶꦔꦺꦴꦤꦤ꧀​ꦠꦼꦏꦲꦤ꧀ꦚꦶꦢꦿꦫꦱ꧀ꦩꦶ
꧄ꦲꦤꦲꦸꦫꦶꦱꦶꦫꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦭꦒꦶꦲꦶꦔꦺꦴꦁꦔꦠꦸꦫꦶ꧈ꦮꦶꦕꦫꦱꦸꦮꦺꦪ꧈ꦠꦶꦤꦸꦤ꧀ꦝꦸꦁꦢꦺꦴꦱꦲꦥ꧈ꦲꦸꦗꦂꦢꦶꦏꦮꦺꦴꦁꦮꦸꦱ꧀ꦩꦸꦏ꧀ꦠꦶ꧈ꦲꦢꦂꦧꦺ꧈ꦏꦢꦁ꧈ꦢꦶꦥꦸꦤ꧀ꦏꦂꦪꦥꦁꦔꦫꦶꦠ꧀
꧄ꦲꦥꦧꦪꦲꦭꦤꦺꦫꦪꦶꦲꦤ꧀ꦢꦶꦏ꧈ꦲꦁꦔꦫꦶꦠ꧀ꦢꦶꦭꦏꦺꦴꦤꦶ꧈ꦱꦥꦂꦢꦺꦤꦺꦏꦏꦁꦧꦺꦴꦪꦱꦶꦤꦸꦁꦔꦤ꧀ꦱꦤ꧀ꦝꦁ꧈ꦮꦺꦴꦁꦲꦩ꧀ꦧꦁꦏꦺꦏ꧀ꦏꦚ꧀ꦗꦸꦭꦤ꧀ꦛꦶꦂ꧈ꦱꦪꦏ꧀ꦠꦶꦲꦺꦩꦤ꧀​ꦱꦶꦏꦏꦁꦤ꧀ꦚꦤ꧀ꦝꦁꦮꦸꦫꦶꦏ꧀
꧄ꦲꦤꦲꦸꦫꦶꦱꦶꦫꦫꦢꦺꦤ꧀ꦭꦪꦁꦱꦠꦿ꧈ꦣꦶꦔꦶꦤ꧀ꦠꦶꦤꦫꦶꦭꦏꦶ꧈ꦩꦫꦁꦏꦁꦗꦼꦁꦫꦩ꧈ꦲꦠꦸꦂꦫꦶꦫꦭꦁꦒꦤ꧀ꦤ꧈ ꦱꦏꦺꦃꦲꦶꦁꦮꦺꦴꦁꦩꦗꦥꦲꦶꦠ꧀ꦱꦶꦫꦠꦤ꧀ꦤꦂꦱꦩꦼꦏꦺꦴꦲꦺꦴꦭꦶꦃꦥꦁꦔꦫꦶꦠ꧀
꧄ꦲꦤꦲꦸꦫꦶꦱꦶꦫꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦤꦢꦾꦤ꧀ꦥꦺꦴꦁꦒꦮꦩꦤ꧀ꦠꦿꦶ꧈ꦲꦶꦁꦔꦺꦴꦁꦒꦮꦺꦲꦥ꧈ꦫꦸꦥꦤꦺꦏꦪꦏꦺꦴꦩ꧀ꦥꦿ꧈ꦱꦤꦢꦾꦤ꧀ꦤꦶꦏꦶꦥꦁꦔꦫꦶꦠ꧀​ꦥꦤꦸꦗꦸꦩꦤꦃꦲꦁꦉꦱꦼꦥ꧀ꦥꦏꦼꦤ꧀ꦤꦠ꧀ꦠꦶ
꧄ [ f.21r ]ꦭꦃꦢꦺꦤ꧀ꦤꦺꦁꦒꦭ꧀ꦒꦩꦼꦭ꧀ꦩꦼꦠꦸꦮꦲꦶꦁꦗꦧ꧈ꦲꦥꦒꦮꦺꦩꦸꦲꦤ꧀ꦗꦶꦁ꧈ꦲꦤꦺꦁꦥꦮꦢꦺꦴꦤꦤ꧀​ꦥꦕꦮꦶꦱ꧀ꦠꦤ꧀ꦥꦁꦫꦱ꧈ꦏꦶꦢꦩꦂꦮꦸꦭꦤ꧀ꦤꦲꦸꦫꦶ꧈ꦮꦶꦠ꧀ꦤꦶꦁꦏꦮꦸꦭ꧈ꦲꦂꦱꦩꦼꦢꦭ꧀ꦩꦁꦒꦶꦲꦶ
꧄ꦥꦶꦤ꧀ꦝꦺꦴꦒꦮꦺꦫꦪꦶꦲꦤ꧀ꦢꦶꦏꦲꦮꦺꦪ꧈ꦏꦮꦸꦭ꧀ꦢꦶꦧꦺꦴꦤ꧀ꦝꦺꦠ꧀ꦠꦶ꧈ꦱꦂꦮꦶꦠꦶꦤꦔꦶꦱꦤ꧀​ꦠꦼꦊꦱ꧀ꦏꦩ꧀ꦥꦸꦃꦏꦮꦸꦭ꧈ꦤꦶꦲꦤ꧀ꦗꦼꦱ꧀ꦩꦫꦤꦲꦸꦫꦶ꧈ꦩꦁꦱꦲꦮꦺꦪꦗꦼꦂꦲꦉꦥ꧀ꦢꦶꦥꦠꦺꦤ꧀ꦤꦶ
꧄ꦱꦏꦭꦁꦏꦸꦁꦧꦿꦩꦠꦾꦏꦶꦭꦪꦁꦱꦺꦠꦿ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦒꦼꦧꦾꦺꦴꦒ꧀ꦠꦶꦤꦫꦗꦁ꧈ꦫꦸꦧꦸꦃꦥꦠꦶꦁꦱꦸꦭꦪꦃ꧈ꦠꦶꦤꦫꦗꦁꦏꦤꦤ꧀ꦏꦺꦫꦶ꧈ꦏꦶꦢꦩꦂꦮꦸꦭꦤ꧀​​ꦏꦶꦤꦼꦩ꧀ꦧꦸꦭꦤ꧀ꦤꦗꦸꦫꦶꦠ꧀
꧄ꦥꦁꦫꦱꦤꦺꦭꦶꦂꦲꦩꦼꦣꦁꦮꦮꦪꦁꦔꦤ꧀​ꦢꦩꦂꦮꦸꦭꦤ꧀ꦠꦤ꧀ꦒꦶꦁꦱꦶꦂ꧈ꦲꦱꦿꦸꦢꦺꦤ꧀ꦚꦩꦼꦣꦁ꧈ꦤꦁꦔꦶꦁꦫꦢꦺꦤ꧀ꦠꦤ꧀ꦏꦼꦤ꧀ꦚ꧈ꦏꦶꦭꦪꦁꦱꦺꦠꦿꦲꦤꦶꦠꦶꦂ꧈ꦥꦤ꧀ꦏꦢꦶꦪꦏ꧀ꦱ꧈ꦠꦤ꧀ꦢꦁꦔꦺꦲꦩꦼꦣꦁꦔꦶ
꧄ꦲꦗꦸꦂꦲꦩꦺꦴꦃꦒꦸꦧꦃꦱꦸꦠꦿꦏꦼꦤꦁꦥꦼꦣꦁ꧈ꦒꦸꦒꦸꦭꦶꦁꦱꦶꦂꦤꦲꦼꦤ꧀ꦠꦶꦁ꧈ꦧꦤ꧀ꦠꦭ꧀ꦠꦶꦁꦣꦫꦺꦴꦁꦏꦃ꧈ꦫꦤ꧀ꦗꦁꦥꦠꦶꦁꦥꦊꦱꦠ꧀​ꦒꦸꦒꦸꦭꦶꦁꦔꦺꦫꦺꦴꦤ꧀ꦠꦁꦫꦤ꧀ꦠꦶꦁ꧈ꦏꦢꦾꦏꦶꦠꦶꦂꦫꦤ꧀​ꦥꦼꦣꦁꦔꦺꦩꦺꦴꦮꦠ꧀ꦩꦮꦶꦠ꧀
꧄ꦢꦩꦂꦮꦸꦭꦤ꧀ꦱꦲꦺꦁꦒꦭꦶꦂꦮꦮꦪꦁꦔꦤ꧀​ꦏꦶꦤꦼꦩ꧀ꦧꦸꦭꦤ꧀ꦠꦤ꧀ꦒꦶꦁꦱꦶꦂ꧈ꦫꦢꦺꦤ꧀ꦭꦪꦁꦱꦺꦠꦿ꧈ꦤꦫꦗꦁꦱꦏꦶꦁꦏꦶꦮ꧈ꦫꦲꦢꦺꦤ꧀ꦭꦪꦁꦏꦸꦩꦶꦠꦶꦂ꧈ꦥꦤ꧀ꦏꦢꦶꦪꦏ꧀ꦱꦠꦤ꧀ꦢꦁꦔꦺꦲꦩꦼꦣꦁꦔꦶ꧈
꧄ꦮꦸꦱ꧀ꦖꦶꦤꦤ꧀ꦝꦏ꧀ꦱꦶꦫꦮꦲꦸꦭꦪꦁꦱꦺꦠꦿ꧈ꦢꦺꦤꦶꦁꦏꦶꦢꦩꦂꦱꦱꦶ꧈ꦲꦤꦸꦭꦾꦧꦶꦤꦸꦮꦁ꧈ꦏꦥꦼꦭꦒ꧀ꦒꦶꦁꦢꦼꦭ꧀ꦭꦶꦏ꧈ꦲꦩ꧀ꦧꦼꦏ꧀ꦏꦤꦺꦏꦼꦩ꧀ꦥꦱ꧀ꦏꦼ [ f.21v ]ꦩ꧀ꦥꦶꦱ꧀​ꦤꦏꦸꦕꦶꦁꦮꦗꦁꦧꦛꦸꦏ꧀ꦏꦺꦢꦶꦕꦏꦫꦶ
꧄ꦮꦸꦱ꧀ꦤꦫꦗꦁꦲꦪꦁꦏꦸꦩꦶꦠꦶꦂꦕꦶꦤꦤ꧀ꦝꦏ꧀ꦢꦺꦤꦶꦁꦏꦶꦢꦩꦂꦱꦱꦶ꧈ꦲꦤꦸꦭꦾꦧꦶꦤꦸꦮꦁꦏꦠꦁꦒꦺꦴꦂꦲꦶꦁꦱꦱꦏ꧈ꦧꦛꦸꦏ꧀ꦏꦺꦧꦼꦤ꧀ꦗꦸꦠ꧀ꦱꦕꦼꦏꦶꦂ꧈ꦧꦤ꧀ꦗꦸꦂꦏꦭꦸꦩꦃ꧈ꦧꦼꦊꦩꦤ꧀ꦤꦁꦫꦸꦁꦏꦼꦧ꧀ꦧꦶ
꧄ꦮꦸꦱ꧀ꦱꦿꦲꦶꦤꦭꦸꦩꦪꦸꦏꦶꦭꦪꦁꦱꦺꦠꦿ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦩꦠꦸꦂꦣꦠꦼꦁꦫꦩ꧈ꦥꦸꦤ꧀ꦢꦩꦂꦮꦸꦭꦤ꧀ꦲꦭ꧈ꦗꦸꦂꦗꦤꦲꦤ꧀ꦚꦶꦢꦿꦫꦱ꧀ꦩꦶ꧈ꦥꦸꦤ꧀ꦢꦩꦂꦮꦸꦭꦤ꧀​ꦲꦗꦼꦁꦏꦸꦭꦥꦠꦺꦤ꧀ꦤꦶ꧈
꧄ꦥꦤ꧀ꦥꦏꦺꦮꦸꦃꦧꦺꦴꦏ꧀ꦏꦭꦶꦫꦸꦲꦤ꧀ꦗꦼꦱ꧀ꦩꦫ꧈ꦏꦺꦭꦁꦔꦤ꧀ꦱꦤꦏ꧀ꦏꦺꦱ꧀ꦠꦿꦶ꧈ꦏꦶꦥꦠꦶꦃꦧꦿꦩꦠꦾꦮꦺꦴꦁꦔꦭꦒꦮꦺꦲꦥ꧈ꦥꦠꦺꦤ꧀ꦤꦤꦢꦩꦂꦱꦱꦶ꧈ꦤꦶꦲꦤ꧀ꦗꦼꦱ꧀ꦩꦫ꧈ꦲꦗꦱꦶꦫꦥꦠꦺꦤꦶ
꧄ꦱꦩ꧀ꦥꦸꦤ꧀ꦥꦼꦥꦼꦏ꧀ꦱꦏꦛꦃꦲꦺꦗꦒꦧꦺꦭ꧀ꦭ꧈ꦭꦮꦤ꧀ꦮꦺꦴꦁꦢꦸꦫꦥꦠꦶ꧈ꦭꦮꦤ꧀ꦒꦸꦭꦁꦒꦸꦭꦁ꧈ꦭꦮꦤ꧀ꦮꦺꦴꦁꦧꦉꦁꦠꦤ꧀ꦢꦁ꧈ꦱꦔꦸꦱꦤꦲꦶꦁꦔꦗꦸꦫꦶꦠ꧀​ꦭꦶꦂꦮꦼꦂꦢꦸꦮꦁꦒꦱꦩꦶꦲꦁꦔꦼꦥꦸꦁꦮꦤ꧀ꦤꦶ
꧄ꦱꦧ꧀ꦢꦥꦭꦺꦴꦤ꧀ꦤꦪꦒꦺꦁꦒꦺꦴꦁꦲꦩꦶꦲꦂꦱ꧈ꦱꦩꦶꦔꦥꦶꦁꦔꦶꦒꦸꦱ꧀ꦠꦶ꧈ꦱꦧ꧀ꦢꦥꦭꦺꦴꦤ꧀ꦔꦸꦕꦥ꧀​ꦲꦶꦏꦶꦏꦼꦫꦶꦱ꧀ꦏꦸꦒꦼꦫꦁ꧈ꦱꦼꦧꦫꦶꦥꦏ꧀ꦱꦶꦤꦺꦒꦼꦤ꧀ꦠꦶꦁꦲꦔꦸꦂꦱꦭꦫꦏ꧀​ꦢꦏ꧀ꦒꦮꦺꦔꦩꦸꦏ꧀ꦧꦼꦕꦶꦏ꧀
꧄ꦪꦠꦱꦶꦒꦿꦢꦩꦂꦮꦸꦭꦤ꧀ꦏꦶꦤ꧀ꦤꦼꦩ꧀ꦧꦸꦭꦤ꧀​ꦱꦶꦤꦺꦴꦱꦺꦴꦒ꧀ꦮꦲꦺꦴꦱ꧀ꦧꦶꦫꦶꦁꦥꦫꦸꦁꦭꦤ꧀ꦒꦺꦴꦢꦺꦧꦒ꧀​ꦢꦩꦂꦮꦸꦭꦤ꧀​ꦠꦤ꧀ꦥꦱꦃ꧈ꦩꦭꦺꦱꦺꦢ꧀ꦤꦺꦴꦫꦤꦼꦣꦱꦶ꧈ꦮꦺꦴꦁꦏꦥꦠꦶꦪꦤ꧀​ꦥꦣꦔꦭꦺꦴꦏ꧀ꦏꦼꦤ꧀ꦩꦠꦶ
꧄ꦤꦒꦱꦫꦶꦒꦶꦒꦶꦠꦶꦏ꧀ꦏꦶꦫꦱꦣꦼꦥ꧀ꦥ꧈ꦔꦩꦸꦏ꧀ꦏꦶꦢꦩꦂꦱꦱꦶ꧈ꦧꦭ [ f.22r ]ꦏꦥꦠꦶꦪꦤ꧀​ꦲꦤꦲꦼꦤ꧀ꦝꦱꦺꦥꦼꦕꦃ꧈ꦏꦁꦱꦼꦩ꧀ꦥꦭ꧀ꦧꦲꦸꦤ꧀ꦤꦺꦏꦭꦶꦃ[[ꦏꦁꦥꦺꦤ꧀ꦢꦺꦁꦒꦼꦒꦼꦂꦱꦺꦱꦩꦶ]]ꦲꦶꦭꦁꦏꦸꦥꦶꦁꦤ꧀ꦚ꧈ꦧꦭꦤꦺꦏꦾꦤꦥꦠꦶꦃ
꧄ꦱꦧ꧀ꦢꦥꦭꦺꦴꦤ꧀ꦤꦔꦩꦸꦏ꧀ꦏꦫꦺꦴꦱꦼꦭꦫꦏ꧀​ꦠꦤ꧀ꦢꦁꦔꦺꦧꦠ꧀ꦠꦧꦶꦠ꧀​ꦱꦶꦁꦏꦥꦫꦒ꧀ꦧꦸꦧꦂꦤꦲꦒꦺꦁꦒꦺꦴꦁꦥꦸꦤꦶꦏ꧈ꦥꦤ꧀ꦤꦁꦔꦩꦸꦏ꧀ꦏꦫꦺꦴꦲꦫꦶꦠ꧀​ꦠꦸꦂꦲꦫꦶꦠ꧀ꦠꦶꦩꦃ꧈ꦢꦮꦤꦺꦩꦸꦁꦱꦠꦸꦣꦶꦁ
꧄ꦪꦠꦲꦤꦏꦗꦶꦤꦼꦩꦤ꧀ꦱꦶꦗꦶꦠꦶꦧ꧈ꦲꦤꦸꦭꦾꦠꦶꦠꦸꦁꦒꦁꦔꦶ꧈ꦲꦶꦁꦔꦫꦶꦠ꧀​ꦮꦼꦠꦼꦁꦤ꧀ꦚ꧈ꦏꦗꦶꦤꦼꦩꦤ꧀ꦤꦭꦠꦃ꧈ꦲꦣꦸꦃꦏꦼꦫꦶꦮꦼꦠꦼꦁꦩꦩꦶꦏꦶꦤꦪꦲꦶꦏ꧈ꦲꦭꦫꦲꦶꦏꦁꦔꦠꦶ
꧄ꦏꦗꦶꦤꦼꦩꦤ꧀ꦢꦶꦥꦸꦤ꧀ꦤꦫꦶꦠ꧀ꦒꦸꦭꦸꦤꦶꦫ꧈ꦧꦼꦤꦼꦂꦫꦶꦏꦭꦩꦼꦤ꧀ꦗꦶꦁ꧈ꦮꦲꦸꦲꦫꦶꦠ꧀ꦠꦶꦩꦃꦲꦶꦏꦥꦶꦤꦶꦤ꧀ꦝꦠꦠꦃꦒꦒꦫꦤꦺꦢꦶꦥꦸꦤ꧀ꦠꦶꦩ꧀ꦧꦶꦱ꧀​ꦗꦁꦏꦼꦥ꧀ꦥꦶꦁꦱꦁꦔ꧈ꦏꦗꦶꦤꦼꦩꦤ꧀ꦩꦭꦶꦫꦶꦏ꧀
꧄ꦤꦪꦒꦺꦁꦒꦺꦴꦁꦲꦧꦏ꧀ꦱꦱꦂꦮꦶꦲꦩ꧀ꦧꦥꦁꦲꦩꦸꦏ꧀ꦧꦭꦤꦺꦥꦠꦶꦃ꧈ꦏꦺꦏꦺꦗꦺꦏ꧀ꦩꦏꦤ꧀ꦗꦂꦮꦸꦱ꧀ꦩꦺꦴꦢꦂꦧꦧꦂꦥꦶꦱꦤ꧀​ꦩꦠꦶꦱꦶꦫꦲꦶꦁꦱꦸꦤ꧀ꦠꦶꦩ꧀ꦧꦶꦱ꧀​ꦲꦫꦶꦠ꧀ꦏꦥꦫꦠ꧀​ꦏꦪꦥꦼꦭ꧀ꦭꦶꦤꦶꦁꦥꦠꦶꦃ
꧄ꦏꦾꦤꦥꦠꦶꦃꦏꦭꦁꦏꦸꦁꦢꦺꦤ꧀ꦚꦧꦿꦩꦠꦾ꧈ꦤꦶꦔꦭ꧀ꦭꦶꦢꦩꦂꦱꦱꦶ꧈ꦠꦊꦩ꧀ꦥꦼꦏ꧀ꦖꦶꦤꦤ꧀ꦝꦏ꧀​ꦱꦶꦒꦿꦏꦶꦥꦠꦶꦃꦩꦫ꧈ꦲꦁꦔꦸꦕꦥ꧀ꦱꦂꦪꦤꦸꦣꦶꦁꦔꦶ꧈ꦤꦶꦲꦤ꧀ꦗꦼꦱ꧀ꦩꦫ꧈ꦱꦶꦒꦿꦲꦩꦭꦪꦺꦴꦤ꧀ꦤꦶ
꧄ꦲꦤꦸꦁꦏꦼꦩꦶꦲꦤꦺꦁꦥꦢꦤ꧀ꦤꦺꦏꦁꦫꦩ꧈ꦩꦠꦸꦂꦱꦂꦮꦶꦲꦤꦁꦔꦶꦱ꧀​ꦲꦣꦸꦃꦢꦺꦮꦫꦩ꧈ꦥꦸꦏꦸꦭꦸꦤ꧀ꦤꦂ [ f.22v ]ꦱꦲꦥ꧈ꦠꦼꦏꦒꦼꦛꦤꦒꦼꦛꦶꦤ꧀ꦤꦶ꧈ꦧꦪꦠꦤ꧀ꦮꦼꦭꦱ꧀​ꦲꦤꦶꦔꦭ꧀ꦭꦶꦲꦶꦁꦩꦩꦶ
꧄ꦧꦪꦲꦂꦱꦲꦩꦠꦺꦤ꧀ꦤꦶꦲꦶꦁꦱꦶꦏꦏꦁ꧈ꦲꦁꦭꦼꦁꦏꦮꦸꦭꦣꦶꦁꦔꦶꦤ꧀​ꦫꦩꦥꦠꦺꦤ꧀ꦤꦤꦢꦺꦤꦶꦁꦢꦢꦮꦮꦶꦫꦁ꧈ꦪꦺꦤ꧀ꦏꦮꦸꦭꦩꦏ꧀ꦱꦶꦲꦸꦫꦶꦥ꧀ꦩꦁꦱꦲꦮꦺꦪ꧈ꦏꦁꦔꦼꦩꦱ꧀ꦢꦶꦥꦠꦺꦤ꧀ꦤꦶ
꧄ꦲꦤ꧀ꦗꦼꦱ꧀ꦩꦫꦲꦸꦩꦠꦸꦂꦱꦂꦪꦏꦫꦸꦤ꧈ꦏꦠꦸꦮꦺꦴꦤꦺꦮꦏ꧀ꦩꦩꦶꦭꦒꦶꦲꦂꦱꦏꦿꦩ꧈ꦲꦤꦏꦁꦢꦢꦶꦠꦽꦱ꧀ꦤ꧈ꦤꦸꦭꦶꦲꦂꦱꦢꦺꦤ꧀ꦥꦠꦺꦤꦶ꧈ꦣꦸꦃꦢꦺꦮꦫꦩꦲꦁꦔꦸꦂꦏꦮꦸꦭꦣꦶꦔꦶꦤ꧀
꧄ꦏꦾꦤꦥꦠꦶꦃꦏꦭꦁꦏꦸꦁꦢꦺꦤꦶꦫꦮꦼꦭꦱ꧀ꦝꦠꦼꦁꦲꦠ꧀ꦩꦗꦲꦺꦱ꧀ꦠꦿꦶ꧈ꦢꦢꦶꦠꦽꦱ꧀ꦤꦤꦶꦫꦢꦺꦤꦶꦁꦲꦺꦱ꧀ꦠꦿꦶꦱꦠꦸꦁꦒꦭ꧀​ꦠꦲꦸꦠꦠꦺꦲꦤ꧀ꦢꦺꦴꦢꦺꦴꦠ꧀ꦠꦶ꧈ꦤ꧀ꦚꦧꦸꦏꦶꦫꦩ꧈ꦔꦸꦣꦼꦁꦔꦶꦔꦸꦭꦩ꧀ꦧꦺꦤꦶ
꧄ꦏꦾꦥꦠꦶꦃꦲꦩꦶꦕꦫꦗꦿꦺꦴꦤꦶꦁꦤꦭ꧈ꦧꦪꦱꦩ꧀ꦥꦸꦤ꧀ꦥꦶꦤꦱ꧀ꦛꦶ꧈ꦲꦶꦁꦱꦸꦤ꧀ꦏꦮꦶꦫꦁꦔꦤ꧀​ꦩꦂꦒꦱꦏꦶꦁꦔꦶꦁꦱꦶꦫ꧈ꦲꦸꦥꦩꦲꦶꦁꦱꦸꦤ꧀ꦥꦠꦺꦤꦶ꧈ꦱꦶꦢꦩꦂꦮꦸꦭꦤ꧀​ꦱꦶ​ꦫꦫꦩꦶꦭꦸꦩꦠꦶ꧈
꧄ꦪꦺꦤ꧀ꦩꦁꦏꦺꦴꦤꦺꦴꦱꦶꦫꦭꦫꦱꦸꦤ꧀ꦏꦺꦴꦤ꧀ꦗꦫ꧈ꦭꦮꦤ꧀ꦱꦶꦢꦩꦂꦱꦱꦶ꧈ꦩꦺꦴꦗꦂꦲꦤ꧀ꦗꦼꦱ꧀ꦩꦫ꧈ꦤꦢꦾꦤ꧀ꦢꦶꦥꦸꦤ꧀ꦝꦺꦁꦣꦺꦁꦔ꧈ꦱꦩ꧀ꦥꦸꦤ꧀ꦥꦶꦱꦃꦮꦺꦴꦁꦏꦼꦏꦭꦶꦃꦭꦮꦤ꧀ꦱꦶꦏꦏꦁ꧈ꦩꦤ꧀ꦠꦸꦢꦶꦏꦗꦸꦭꦤ꧀ꦛꦶꦂ

꧄ꦢꦩꦂꦮꦸꦭꦤ꧀ꦮꦸꦱ꧀ꦥꦿꦥ꧀ꦠꦲꦩ꧀ꦧꦤ꧀ꦢꦠꦁꦔꦤ꧀​ꦩꦶꦫꦺꦴꦁꦒꦣꦸꦁꦩꦭꦛꦶ꧈ꦱꦩ꧀ꦥꦸꦤ꧀ꦥꦿꦥ꧀ꦠꦔꦂꦱ꧈ꦤꦶꦫꦉꦏꦾꦤꦥꦠꦾꦔꦠꦸꦂꦫꦏꦼꦤ꧀ꦥꦠꦶꦲꦸꦫꦶꦥ꧀​ꦤꦶꦲꦤ꧀ꦗꦼꦱ꧀ꦩꦫ꧈ꦩꦸꦁꦏꦸꦂꦱꦂꦪꦲꦤ꧀ꦤꦁꦔꦶ [ f.23r ]

꧄ꦲꦤꦼꦁꦒꦶꦃꦤꦶꦲꦤ꧀ꦗꦼꦱ꧀ꦩꦫ꧈ꦏꦶꦤꦺꦴꦤ꧀ꦗꦫꦏꦭꦮꦤ꧀ꦢꦩꦂꦱꦱꦶ꧈ꦥꦏꦼꦧꦺꦴꦤꦤ꧀ꦥꦽꦤꦃꦲꦶꦥꦸꦤ꧀​ꦲꦺꦴꦫꦱꦶꦤꦸꦁꦔꦤ꧀ꦥꦔꦤ꧀​ꦱꦼꦧ꧀ꦢꦥꦭꦺꦴꦤ꧀ꦤꦪꦒꦺꦁꦒꦺꦴꦁꦠꦶꦤꦭꦶꦏꦸꦁ꧈ꦱꦁꦥꦿꦧꦸꦲꦶꦁꦧꦭꦁꦧꦁꦔꦤ꧀​ꦲꦶꦏꦁꦥꦶꦤꦸꦂꦮꦲꦶꦁꦏꦮꦶ꧈
꧄ꦱꦁꦥꦿꦧꦸꦲꦶꦁꦧꦭꦁꦧꦁꦔꦤ꧀ꦤꦥꦤ꧀ꦤꦿꦠꦸꦒꦒꦃꦥꦿꦮꦶꦫꦺꦁꦗꦸꦫꦶꦠ꧀​ꦧꦶꦱꦶꦏ꧀ꦏꦤ꧀ꦤꦶꦫꦱꦁꦥꦿꦧꦸ꧈ꦤꦭꦺꦤ꧀ꦢꦿ꧈ꦩꦺꦤꦏ꧀ꦗꦶꦁ [ f.23v ]ꦒꦲꦺꦴꦫꦥꦱꦃꦱꦠꦥꦏ꧀ꦠꦶꦭꦱ꧀ꦱꦶꦁꦥꦭꦸ꧈ꦩꦶꦮꦃꦠꦼꦥꦏ꧀​ꦏꦶꦁꦒꦸꦫꦶꦤ꧀ꦢ꧈ꦩꦸꦮꦃꦱꦱꦶꦱꦤ꧀ꦤꦶꦁꦏꦶꦏꦶꦂ
꧄ꦠꦤ꧀ꦤꦤꦧꦿꦗꦠꦸꦩꦩ꧈ꦱꦿꦶꦤꦭꦺꦤ꧀ꦢꦿꦠꦤ꧀ꦥꦱꦃꦢꦺꦤꦶꦁꦮꦼꦱ꧀ꦱꦶ꧈ꦱꦏꦭꦁꦏꦸꦁꦠꦼꦒꦸꦃꦠꦶꦩ꧀ꦧꦸꦭ꧀​ꦫꦗꦲꦶꦁꦧꦭꦁꦧꦁꦔꦤ꧀​ꦱꦏꦛꦃꦲꦤꦒꦫꦧꦁꦮꦺꦠꦤ꧀ꦱꦸꦪꦸꦢ꧀​ꦩꦿꦶꦁꦱꦁꦤꦠꦧꦭꦁꦧꦁꦔꦤ꧀​ꦏꦸꦩꦮꦸꦭꦲꦠꦸꦂꦥꦸꦠꦿꦶ
꧄ꦢꦶꦥꦠꦶꦲꦶꦁꦧꦭꦶꦱꦺꦧ꧈ꦲꦢꦶꦥꦠꦶꦧꦤ꧀ꦝꦸꦁꦥꦿꦥ꧀ꦠꦲꦤꦁꦏꦶꦭ꧀꧈ꦢꦶꦥꦠꦶꦕꦁꦕꦁꦔꦤ꧀ꦤꦿꦮꦸꦃ꧈ꦢꦶꦥꦠꦶꦥꦿꦧꦭꦶꦁꦒ꧈ꦲꦢꦶꦥꦠꦶ꧈ꦲꦶꦁꦏꦶꦤ꧀ꦖꦁꦒꦼꦤ꧀ꦝꦸꦁꦱꦫꦸꦮꦸꦁ꧈ꦲꦢꦶꦧꦠꦶꦥꦣꦺꦴꦩꦱꦤ꧀​ꦩꦶꦮꦃꦲꦢꦶꦥꦠꦶꦒꦼꦤ꧀ꦝꦶꦁ
꧄ꦢꦶꦥꦠꦶꦮꦭꦺꦫꦶꦱꦺꦧ꧈ꦲꦢꦶꦥꦠꦶ꧈ꦠꦽꦁꦒꦺꦴꦭꦏ꧀ꦱꦩꦾꦤꦁꦏꦶꦭ꧀​ꦲꦶꦁꦏꦂꦠꦱꦤꦲꦕꦸꦤ꧀ꦝꦸꦏ꧀​ꦲꦱꦿꦃꦥꦸꦠꦿꦶꦔꦮꦸꦭ꧀ꦭ꧈ꦲꦢꦶꦥꦠꦶꦲꦶꦁꦱꦉꦁꦔꦠ꧀ꦱꦩ꧀ꦥꦸꦤ꧀ꦤꦿꦮꦸꦃꦱꦸꦪꦸꦠ꧀ꦩꦫꦁꦩꦺꦤꦏ꧀ꦗꦶꦁꦒ꧈ꦩꦶꦮꦃꦮꦗꦏ꧀ꦮꦠꦸꦲꦸꦫꦶꦥ꧀
꧄ꦱꦏꦺꦃꦤꦒꦫꦧꦁꦮꦺꦠꦤ꧀​ꦱꦧꦤ꧀ꦮꦂꦱ꧈ꦲꦁꦔꦠꦸꦫꦶꦲꦸꦥꦼꦠ꧀ꦠꦶ꧈ꦩꦫꦁꦩꦺꦤꦏ꧀ꦗꦶꦁꦒꦱꦸꦪꦸꦢ꧀​ꦱꦩꦾꦲꦠꦸꦂꦫꦸꦫꦸꦧ꧈ꦥꦤ꧀ꦏꦱꦸꦏ꧀ꦱꦿꦃꦱꦁꦤꦠꦪꦺꦤ꧀ꦤꦿꦠꦸꦠꦼꦒꦸꦃ꧈ꦩꦲꦫꦗꦩꦺꦤꦏ꧀ꦗꦶꦁꦒ꧈ꦠꦤ꧀ꦥꦠꦤ꧀ꦝꦶꦁꦪꦺꦤ꧀ꦤꦗꦸꦫꦶꦠ꧀
꧄ꦏꦂꦱꦤꦺꦏꦶꦩꦺꦤꦏ꧀ꦗꦶꦁꦒ꧈ꦲꦂꦱꦭꦩꦂꦩꦫꦁꦔꦶꦁꦩꦗꦥꦲꦶꦠ꧀​ꦏꦁꦮꦢꦾꦥꦶꦤꦼꦥꦼꦏ꧀ꦱꦩ꧀ꦥꦸꦤ꧀​ꦩꦶꦮꦃꦥꦫꦢꦶꦥꦠꦾ꧈ꦩꦺꦤꦏ꧀ꦱꦺꦴꦥꦭ꧀ꦭ꧀​​ꦲꦶꦁꦠꦿꦁꦒꦺꦴꦭꦏ꧀ [ f.24r ]ꦱꦩ꧀ꦥꦸꦤ꧀ꦤꦿꦮꦸꦃ꧈ꦏꦶꦩꦺꦤꦏ꧀ꦏꦸꦭꦸꦥꦶꦭꦲꦢ꧈ꦲꦶꦏꦸꦲꦢꦶꦥꦠꦶꦒꦼꦤ꧀ꦝꦶ
꧄ꦏꦶꦩꦺꦤꦏ꧀ꦗꦪꦩꦶꦫꦸꦢꦲꦶꦪꦲꦶꦏꦸꦲꦢꦶꦥꦠꦶꦲꦶꦁꦧꦭꦶ꧈ꦤꦼꦁꦒꦶꦃꦲꦢꦶꦥꦠꦶꦧꦤ꧀ꦝꦸꦁ꧈ꦩꦺꦤꦏ꧀ꦗꦪꦥꦿꦭꦪ꧈ꦥꦤ꧀ꦤꦶꦁꦮꦗꦏ꧀ꦩꦺꦤꦏ꧀ꦥꦤꦠꦱ꧀ꦱꦿꦤ꧀ꦤꦶꦥꦸꦤ꧀​​ꦲꦢꦶꦥꦠꦶꦥꦗꦫꦏꦤ꧀​ꦲꦫꦤ꧀ꦩꦺꦤꦏ꧀ꦗꦪꦺꦁꦥꦠꦶ
꧄ꦥꦥꦠꦶꦃꦲꦶꦁꦧꦭꦁꦧꦁꦔꦤ꧀​ꦲꦏꦏꦱꦶꦃꦲꦁꦏꦠ꧀ꦧꦸꦠꦲꦤꦼꦁꦒꦶꦃ꧈ꦥꦸꦤ꧀ꦏꦺꦴꦠ꧀ꦧꦸꦠꦱꦶꦱꦶꦲꦶꦥꦸꦤ꧀​ꦱꦩꦶꦒꦒꦃꦥꦿꦏꦺꦴꦱ꧈ꦠꦲꦸꦠꦠꦺ꧈ꦲꦁꦫꦸꦱꦏ꧀ꦗꦗꦲꦤ꧀ꦩꦸꦱꦸꦃ꧈ꦲꦁꦔꦼꦭꦂꦗꦗꦲꦶꦁꦫꦤ꧈ꦠꦠꦺꦫꦁꦱꦁꦧꦺꦴꦭꦸꦮꦂꦠꦶ
꧄ꦥꦼꦥꦼꦏ꧀ꦱꦒꦸꦁꦔꦶꦁꦥꦺꦴꦁꦒꦮ꧈ꦲꦠꦤ꧀ꦤꦥꦶꦱꦒꦸꦁꦥꦫꦥꦿꦗꦸꦫꦶꦠ꧀​ꦏꦁꦏꦪꦱꦶꦔꦢꦶꦤꦸꦭꦸ꧈ꦲꦤꦏꦁꦏꦪꦩꦕꦤ꧀​ꦏꦁꦱꦮꦤꦺꦃꦏꦪꦥꦣꦮꦁꦔꦤ꧀ꦤꦒꦸꦁ꧈ꦲꦤꦏꦁꦏꦪꦧꦫꦺꦴꦁꦔꦤ꧀​ꦥꦿꦏꦺꦴꦱꦲꦁꦒꦶꦒꦶꦭꦤꦶꦤ꧀
꧄ꦲꦤꦗꦶꦩꦠ꧀ꦏꦶꦤꦠꦶꦥ꧈ꦏꦁꦱꦮꦤꦺꦃꦱꦒꦸꦁꦥꦫꦥꦿꦗꦸꦫꦶꦠ꧀​​ꦲꦤꦱꦶꦩ꧀ꦧꦂꦗꦗꦤꦶꦥꦸꦤ꧀​ꦏꦢꦶꦏꦺꦴꦩ꧀ꦧꦭꦮꦸꦣꦂ꧈ꦏꦁꦱꦮꦤꦺꦃꦗꦺꦁꦗꦺꦁꦒꦺꦴꦠ꧀ꦠꦶꦥꦸꦤ꧀ꦤꦿꦁꦒꦸꦪꦸꦠ꧀​​ꦲꦤꦒꦺꦴꦣꦺꦒ꧀ꦥꦭꦮꦁꦔꦤ꧀​​ꦲꦱꦮꦁꦭꦸꦭꦸꦩꦸꦠ꧀ꦠꦏꦶꦁ
꧄ꦲꦤꦏꦁꦧꦽꦁꦔꦺꦴꦱ꧀ꦱꦏꦶꦭꦤ꧀​ꦢꦶꦥꦸꦤ꧀ꦥꦶꦢꦶꦃꦏꦢꦾꦭꦶꦤ꧀ꦠꦃꦔꦼꦩ꧀ꦩꦱ꧀ꦱꦶ꧈ꦲꦮꦂꦤꦮꦂꦤꦢꦶꦤꦸꦭꦸ꧈ꦱꦧꦸꦱꦤꦤꦺꦲꦶꦏ꧈ꦏꦁꦧꦧꦣꦺꦴꦁꦱꦮꦤ꧀ꦖꦶꦮꦤ꧀ꦖꦶꦒꦼꦁꦔꦶꦥꦸꦤ꧀​​ꦲꦶꦏꦁꦭꦤ꧀ꦝꦺꦪꦤ꧀ꦏꦤ꧀ꦖꦤ꧈ꦱꦒꦺꦴꦭꦺꦏ꧀ꦒꦺꦴꦭꦺꦏ꧀​ꦔꦗꦿꦶꦲꦶ
꧄ꦲꦤꦏꦁꦗꦩꦁꦏꦤ꧀ꦖꦤ꧈ꦏꦁꦱꦮꦤꦺꦃꦱꦸꦱꦸꦩ꧀ꦥꦶꦁꦱꦸꦫꦺꦁꦥꦠꦶ꧈ꦲꦤꦲꦶꦁꦏꦁꦲꦕꦸꦕꦸ [ f.24v ]ꦤ꧀ꦝꦸꦏ꧀​ꦗꦫꦺꦴꦠ꧀ꦔꦱꦼꦩ꧀ꦏꦤ꧀ꦖꦤ꧈ꦏꦁꦱꦮꦤꦺꦃꦲꦱꦸꦩ꧀ꦥꦶꦁꦥꦸꦣꦏ꧀ꦱꦣꦥꦸꦂ꧈ꦢꦭꦃꦥꦤ꧀ꦝꦺꦴꦒꦤꦺꦥꦶꦱꦤ꧀​ꦏꦤ꧀ꦖꦤꦲꦶꦁꦏꦁꦏꦶꦤꦂꦢꦶ
꧄ꦲꦤꦏꦁꦗꦶꦩꦠ꧀ꦏꦺꦴꦩꦭꦫꦶꦤꦗꦸꦠꦤ꧀ꦏꦤ꧀ꦖꦤꦏꦁꦏꦶꦤꦂꦢꦶ꧈ꦩꦸꦁꦒꦺꦁ​ꦮꦮꦁꦏꦶꦁꦔꦤ꧀ꦩꦸꦫꦸꦧ꧀​ꦱꦶꦤꦮꦸꦂꦭꦮꦤ꧀ꦩꦶꦫꦃ꧈ꦏꦁꦱꦮꦤꦺꦃꦲꦁꦔꦁꦒꦺꦴꦥꦫꦶꦥꦶꦃꦱꦸꦱꦸꦤ꧀​ꦏꦶꦤꦤ꧀ꦖꦶꦔꦤ꧀ꦤꦼꦩꦱ꧀ꦗꦶꦁꦒ꧈ꦏꦤ꧀ꦖꦤꦱꦶꦤꦶꦭꦶꦃꦲꦱꦶꦃ꧈
꧄ꦱꦁꦤꦠꦲꦶꦁꦧꦭꦁꦧꦁꦔꦤ꧀ꦩꦺꦤꦏ꧀ꦗꦶꦁꦒ꧈ꦲꦺꦤ꧀ꦗꦁꦩꦶꦪꦺꦴꦱ꧀ꦠꦶꦤꦁꦏꦶꦭ꧀​​​ꦲꦗꦩꦁꦏꦤ꧀ꦖꦤꦩꦸꦫꦸꦧ꧀​​ꦲꦒꦼꦭꦁꦏꦁꦫꦶꦤꦺꦏ꧈ꦲꦕꦸꦕꦸꦤ꧀ꦝꦸꦏ꧀ꦱꦁꦤꦠꦲꦱꦼꦏꦂꦱꦸꦲꦸꦤ꧀​ꦥꦶꦤꦉꦏ꧀ꦏꦶꦁꦱꦶꦠꦶꦧꦼꦤ꧀ꦠꦂ꧈ꦏꦺꦴꦗꦼꦩ꧀ꦱꦒꦸꦁꦔꦶꦁꦧꦺꦴꦥꦠꦶ
꧄ꦱꦏꦺꦃꦲꦺꦥꦫꦢꦶꦥꦠꦾꦲꦶꦁꦔꦤ꧀ꦢꦶꦏꦤ꧀ꦩꦗꦼꦁꦣꦠꦼꦁꦔꦶꦁꦔꦂꦱꦶ꧈ꦧꦺꦴꦥꦠꦶꦱꦩꦾꦮꦺꦴꦠ꧀ꦱꦤ꧀ꦠꦸꦤ꧀​ꦱꦩꦶꦕꦸꦤ꧀ꦝꦸꦏ꧀ꦱꦢꦪ꧈ꦱꦏꦛꦃꦲꦺꦥꦫꦧꦺꦴꦥꦠꦶꦠꦶꦤꦁꦠꦸꦤ꧀​ꦱꦏꦺꦃꦲꦺꦱꦤꦏ꧀ꦩꦤꦶꦫ꧈ꦥꦣꦫꦧꦺꦏ꧀ꦏꦼꦤ꧀ꦤꦩꦩꦶ
꧄ꦲꦺꦃꦪꦪꦶꦗꦪꦱꦤ꧀ꦠꦶꦏ꧈ꦲꦠꦤ꧀ꦤꦥꦶꦪꦪꦶꦗꦪꦥꦿꦭꦒꦶ꧈ꦲꦺꦃꦪꦪꦶꦩꦺꦤꦏ꧀ꦥꦩꦸꦠꦸꦁꦩꦶꦮꦃꦱꦶꦩꦺꦤꦏ꧀ꦱꦺꦴꦥꦭ꧀​​ꦲꦣꦶꦩꦺꦤꦏ꧀ꦧꦭꦫꦸꦕꦶꦭꦤ꧀ꦥꦩꦁꦱꦸꦭ꧀​​ꦪꦪꦶꦩꦺꦤꦏ꧀ꦠꦸꦤ꧀ꦗꦸꦁꦱꦺꦠ꧈ꦲꦣꦶꦩꦺꦤꦏ꧀ꦮꦶꦭꦢꦺꦏꦶ
꧄ꦱꦢꦪꦱꦤꦏ꧀ꦩꦤꦶꦫ꧈ꦲꦥꦤ꧀ꦤꦶꦁꦔꦺꦴꦁꦲꦶꦏꦶꦏꦂꦱꦲꦫꦧ꧀ꦧꦶ꧈ꦲꦶꦁꦱꦸꦤ꧀ꦤꦩꦶꦣꦁꦔꦼꦠ꧀ꦠꦸꦠꦸꦂ꧈ꦱꦏꦶꦁꦗꦸꦫꦒꦤ꧀ꦢꦒꦁ꧈ꦏꦁꦗꦸꦩꦼꦤꦼꦁꦩꦗꦥꦲꦶꦠ꧀​​ꦫꦠꦸꦲꦪꦸ꧈ꦏꦭꦺꦴꦏꦲꦶꦁꦱꦫꦠ꧀ꦗꦮ꧈ꦪꦺꦤ꧀​​ꦉꦩ꧀ꦥꦸꦒ꧀ꦲꦶꦁꦔꦺꦴꦁꦏꦂꦱꦤꦶ
꧄ꦧꦺꦴ [ f.25r ]ꦥꦠꦶꦉꦩ꧀ꦥꦒ꧀ꦱꦢꦪ꧈ꦱꦩꦶꦩꦠꦸꦂꦣꦠꦼꦁꦱꦿꦶꦤꦫꦥꦠꦶ꧈ꦲꦶꦁꦒꦶꦃꦥꦸꦏꦸꦭꦸꦤ꧀ꦤꦉꦩ꧀ꦥꦸꦒ꧀​​ꦪꦺꦤ꧀ꦏꦢꦾꦱꦥꦸꦤꦶꦏ꧈ꦭꦁꦏꦸꦁꦣꦺꦫꦺꦏ꧀ꦥꦠꦶꦧꦿꦱꦺꦮꦸꦗꦸꦩꦸꦫꦸꦁ꧈ꦪꦺꦤ꧀ꦱꦮꦮꦶꦲꦶꦁꦔꦸꦠꦸꦱ꧀ꦱꦤ꧀​ꦣꦸꦩꦠꦼꦁꦔꦶꦁꦩꦗꦥꦲꦶꦠ꧀
꧄ꦪꦺꦤ꧀ꦱꦮꦮꦶꦲꦶꦁꦔꦸꦠꦸꦱꦤ꧀​​ꦲꦠꦸꦂꦱꦼꦫꦠ꧀ꦝꦠꦼꦁꦔꦶꦁꦩꦗꦥꦲꦶꦠ꧀꧈ꦏꦶꦩꦺꦤꦏ꧀ꦗꦶꦁꦒꦲꦩꦸꦮꦸꦱ꧀​​ꦪꦪꦶꦩꦺꦤꦏ꧀ꦥꦤꦠꦱ꧀​ꦤꦸꦤꦸꦭꦶꦱꦏꦁꦪꦺꦴꦒꦾꦏꦠꦸꦂꦮꦺꦴꦁꦔꦒꦸꦁ꧈ꦏꦶꦲꦢꦶꦥꦠꦶꦲꦶꦁ​ꦮꦗꦏ꧀​ꦩꦺꦤꦏ꧀ꦥꦤꦠꦱ꧀ꦤꦸꦤꦸꦭꦶꦱ꧀
꧄ꦮꦸꦱ꧀ꦢꦢꦾꦥꦸꦤꦁꦤꦮꦭ꧈ꦥꦤ꧀ꦤꦥꦺꦭꦒ꧀ꦥꦔꦏ꧀ꦱꦩꦤꦶꦁꦠꦸꦭꦶꦱ꧀​ꦮꦸꦱ꧀ꦏꦠꦸꦂꦣꦠꦼꦁꦱꦁꦥꦿꦧꦸ꧈ꦩꦺꦤꦏ꧀ꦗꦶꦁꦒꦔꦤ꧀ꦢꦶꦏ꧈ꦏꦾꦤꦥꦠꦶꦃꦠꦶꦤꦶꦩ꧀ꦧꦭꦤ꧀ꦩꦫꦁꦔꦪꦸꦤ꧀​ꦏꦺꦴꦠ꧀ꦧꦸꦠꦭꦤ꧀ꦤꦁꦏꦠ꧀ꦧꦸꦠ꧈ꦮꦸꦱ꧀ꦩꦗꦼꦁꦏꦺꦴꦗꦼꦩ꧀ꦩꦶꦁꦱꦶꦠꦶ
꧄ꦏꦶꦩꦺꦤꦏ꧀ꦗꦶꦁꦒꦔꦤ꧀ꦢꦶꦏ꧈ꦲꦺꦃꦪꦥꦠꦶꦃꦔꦺꦴꦁꦔꦸꦠꦸꦱ꧀ꦩꦗꦥꦲꦶꦠ꧀​​​ꦲꦠꦸꦂꦉꦤ꧀ꦤꦱꦸꦫꦠ꧀ꦠꦶꦁꦱꦸꦤ꧀​ꦩꦫꦁꦥꦿꦧꦸꦮꦤꦺꦴꦢꦾ꧈ꦏꦁꦗꦸꦩꦼꦤꦼꦁꦩꦗꦥꦲꦶꦠ꧀​​ꦫꦠꦸꦲꦪꦸ꧈ꦏꦱꦸꦏ꧀ꦱꦿꦲꦶꦁꦱꦫꦠ꧀ꦗꦒꦠ꧀​​ꦪꦺꦤ꧀ꦤꦿꦠꦸꦲꦪꦸꦭꦶꦤꦸꦮꦶ
꧄ꦱꦢꦶꦤꦩꦼꦁꦏꦺꦴꦩꦶꦪꦔ꧈ꦮꦸꦱ꧀ꦢꦁꦢꦤ꧀ꦤꦲꦺꦃꦥꦠꦶꦃꦢꦺꦤ꧀ꦤꦒꦼꦭ꧀ꦭꦶꦱ꧀​​ꦥꦺꦴꦩꦥꦕꦸꦮꦤ꧀ꦢꦶꦏꦠꦸꦂ꧈ꦲꦁꦏꦠ꧀ꦧꦸꦠꦠꦸꦂꦱꦼꦩ꧀ꦧꦃ꧈ꦥꦸꦤ꧀ꦏꦺꦴꦠ꧀ꦧꦸꦠꦠꦸꦂꦱꦼꦩ꧀ꦧꦃꦱꦼꦫꦠ꧀ꦥꦶꦤꦁꦒꦸꦭ꧀​ꦱꦩ꧀ꦥꦸꦤ꧀ꦩꦶꦪꦺꦴꦱ꧀ꦥꦶꦤꦪꦸꦔꦤ꧀꧈ꦲꦶꦁꦔꦶꦫꦶꦁ​ꦮꦺꦴꦁꦢꦸꦫꦥꦠꦶ
꧄ꦮꦸꦱ꧀ꦱꦩꦶꦤꦶꦠꦶꦃꦠꦸꦫꦁꦒ꧈ꦲꦮꦠꦫ꧈ꦠꦶꦒꦁꦔꦠꦸꦱ꧀ꦏꦁꦔꦶꦫꦶꦁ꧈ꦱꦩꦶꦱꦶꦏꦼꦥ꧀ꦥꦼꦣꦁꦱꦸꦢꦸꦏ꧀​ꦧꦼꦣꦶꦭ꧀ꦏꦼꦂ [ f.25v ]ꦧꦶꦤ꧀ꦤꦸꦁꦒꦭꦤ꧀​ꦤ꧀ꦚꦤ꧀ꦢꦼꦂꦤ꧀ꦚꦺꦴꦁꦏ꧀ꦭꦁꦠꦤ꧀ꦤꦤꦏꦁꦣꦫꦠ꧀ꦠꦶꦏꦸ꧈ꦫꦲꦶꦤꦮꦼꦁꦔꦶꦭꦸꦩꦩ꧀ꦥꦃ꧈ꦲꦤꦺꦤ꧀ꦢꦿꦧꦫꦶꦭꦸꦩꦫꦶꦱ꧀
꧄ꦏꦁꦩꦶꦤꦁꦏꦥꦁꦔꦤ꧀ꦤꦶꦫ꧈ꦲꦫꦼꦫꦪꦃꦒꦺꦫꦶꦪꦥꦼꦣꦼꦏ꧀ꦩꦂꦒꦶ꧈ꦭꦩꦺꦴꦤ꧀ꦮꦲꦸꦩꦁꦒꦶꦃꦱꦼꦏꦸꦭ꧀​ꦤꦺꦴꦫꦏꦺꦴꦁꦱꦶꦗꦶꦤꦼꦧꦧ꧀​ꦧꦺꦧꦺꦏ꧀ꦏꦪꦩ꧀ꦥꦤ꧀ꦤꦺꦴꦫꦔꦁꦒꦺꦴꦲꦤ꧀ꦗꦭꦸꦏ꧀​​ꦲꦶꦁꦏꦁꦢꦂꦧꦺꦭꦩꦺꦴꦤ꧀ꦮꦁ​ꦭ꧈ꦢꦺꦤ꧀ꦧꦼꦣꦶꦭ꧀ꦱꦏꦶꦁꦠꦸꦫꦁꦒꦶ
꧄ꦮꦤ꧀ꦠꦸꦤꦺꦧꦭꦧꦁ​ꦮꦺꦠꦤ꧀ꦥꦣꦮꦤ꧀ꦠꦼꦂꦏꦧꦺꦃꦮꦤꦶꦔꦼꦩ꧀ꦩꦱ꧀ꦱꦶ꧈ꦪꦺꦤ꧀ꦩꦁꦒꦶꦃꦥꦮꦺꦱ꧀ꦠꦿꦶꦲꦪꦸ꧈ꦲꦁꦔꦶꦫꦱ꧀ꦱꦶꦁꦔꦩ꧀ꦧꦸꦁꦔꦤ꧀​​ꦲꦶꦏꦁꦗꦭꦼꦂꦱꦩꦶꦭꦸꦩꦪꦸꦲꦤꦸꦱꦸꦥ꧀​ꦠꦤ꧀ꦮꦤꦶꦲꦩꦁꦒꦶꦃꦲꦤ꧈ꦮꦤ꧀ꦠꦸꦢꦸꦠꦤꦶꦁꦤꦂꦥꦠꦶ꧈
꧄ꦤꦼꦁꦔꦼꦤꦲꦶꦁꦏꦁ​ꦭꦸꦩꦩ꧀ꦥꦃꦩꦺꦤꦏ꧀ꦗꦶꦁꦒꦏꦁꦏꦫꦶꦢꦊꦩ꧀ꦥꦸꦫꦶ꧈ꦲꦤ꧀ꦢꦿꦮꦶꦤꦩꦁꦔꦤ꧀ꦔꦶꦤꦸꦩ꧀​ꦭꦮꦤ꧀ꦥꦫꦢꦶꦥꦠꦾ꧈ꦱꦩꦶꦥꦶꦱ꧀ꦠꦒꦸꦩꦼꦫꦃꦲꦶꦁꦢꦊꦩ꧀ꦩꦒꦸꦁ꧈ꦥꦱꦁꦢꦩꦂꦭꦶꦂꦫꦲꦶꦤ꧈ꦒꦩꦼꦭꦤ꧀ꦗꦼꦫꦺꦴꦭꦤ꧀ꦗꦮꦶ
꧄ꦱꦩ꧀ꦥꦸꦤ꧀ꦭꦼꦏꦱ꧀ꦧꦼꦧꦼꦣꦪꦤ꧀​ꦢꦊꦩ꧀ꦥꦸꦫꦒꦩꦼꦭꦤ꧀ꦤꦁꦫꦫꦁꦔꦶꦤ꧀​ꦧꦺꦴꦥꦠꦶꦱꦢꦪꦔꦶꦤꦸꦩ꧀​​ꦲꦁꦒꦸꦂꦲꦫꦏ꧀ꦮꦼꦫꦒꦁ꧈ꦕꦺꦴꦥꦺꦴꦠ꧀ꦏꦺꦴꦥꦾꦃꦲꦸꦱꦶꦲꦸꦱꦶꦱꦸꦫꦏ꧀ꦏꦶꦥꦸꦤ꧀​ꦩꦫꦶꦪꦼꦩ꧀ꦮꦸꦱ꧀ꦱꦶꦤꦸꦊꦢꦤ꧀​​ꦲꦶꦁꦔꦭꦸꦤ꧀ꦤꦭꦸꦤ꧀​ꦔꦶꦢꦼꦫꦶ
꧄ꦏꦺꦴꦣꦺꦴꦏ꧀ꦔꦺꦴꦫꦺꦏ꧀​​ꦲꦱꦲꦸꦫꦤ꧀ꦒꦼꦭꦺꦣꦺꦒꦤ꧀ꦭꦮꦤ꧀ꦤꦶꦁꦥꦤ꧀ꦖꦤꦶꦠꦶ꧈ꦒꦼꦩꦼꦫꦃꦏꦁꦱꦩꦶꦤꦪꦸꦧ꧀​ꦮꦲꦸꦏꦁꦔꦤꦺꦁꦥꦸꦫ꧈ꦠꦶꦱꦸꦭꦪꦃꦏꦁꦩꦼꦤ꧀ꦢꦼꦩ꧀ꦮꦸꦱ꧀ꦱꦩꦾꦩꦼꦠꦸ꧈ꦮꦺꦴꦤ꧀ꦠꦼꦤ꧀ꦏꦁꦔꦶꦁꦔꦏꦸꦧꦥ꧈ꦣꦠꦼꦁꦱꦶꦫꦱꦿꦶꦧꦺꦴꦥꦠꦶ
꧄ꦲꦗꦂ [ f.26r ]ꦥꦩꦼꦁꦒꦼꦂꦮꦱ꧀ꦠꦤ꧀ꦚꦲꦥꦶꦠꦸꦠꦸꦂꦣꦠꦼꦁꦱꦿꦶꦤꦫꦥꦠꦶ꧈ꦱꦏꦭꦁꦏꦸꦁꦤꦺꦴꦫꦥꦼꦛꦸꦏ꧀​ꦏꦂꦱꦤꦺꦩꦺꦤꦏ꧀ꦗꦶꦁꦒ꧈ꦲꦥꦶꦠꦸꦠꦸꦂꦭꦶꦂꦥꦺꦤ꧀ꦢꦃꦏꦁꦧꦺꦛꦺꦠ꧀ꦱꦺꦮꦸ꧈ꦏꦢꦶꦥꦏ꧀ꦱꦶꦲꦢꦺꦴꦤ꧀ꦮꦺꦴꦲꦤ꧀​ꦥꦶꦠꦸꦠꦸꦫꦺꦲꦩꦿꦶꦃꦱꦶꦁꦒꦶꦃ
꧄ꦱꦁꦥꦿꦧꦸꦱꦩ꧀ꦥꦸꦤ꧀ꦩꦁꦏꦤꦱꦩ꧀ꦥꦸꦤ꧀ꦢꦶꦏꦭꦩꦂꦩꦿꦶꦁꦩꦗꦥꦲꦶꦠ꧀​​ꦥꦱ꧀ꦛꦶꦕꦶꦭꦏꦠꦶꦤꦼꦩꦸ꧈ꦢꦺꦢꦺꦱꦱꦩꦶꦢꦶꦏ꧈ꦥꦤ꧀ꦩꦤꦮꦶꦊꦩꦃꦊꦧꦏ꧀ꦩꦶꦭꦶꦧꦤ꧀ꦚꦸ꧈ꦭꦸꦮꦁꦔꦺꦲꦶꦁꦏꦶꦤꦏꦶꦤ꧈ꦠꦤ꧀ꦮꦺꦴꦤ꧀ꦠꦼꦤ꧀ꦏꦢꦶꦤꦂꦥꦠꦶ
꧄ꦢꦸꦏ꧀ꦏꦶꦁꦏꦸꦤꦧꦭꦁꦧꦁꦔꦤ꧀ꦏꦥꦫꦺꦤ꧀ꦠꦃꦣꦠꦼꦁꦲꦶꦁꦩꦗꦥꦲꦶꦠ꧀​​ꦪꦺꦤ꧀ꦱꦼꦮꦮꦶꦢꦶꦏꦱꦸꦱꦸꦭ꧀​ꦭꦩ꧀ꦥꦃꦲꦺꦏꦶꦪꦥꦠꦾ꧈ꦲꦗꦏꦺꦴꦁꦱꦶꦣꦸꦩꦠꦼꦁꦔꦶꦁꦩꦗꦥꦭꦁꦔꦸ꧈ꦮꦱꦶꦱꦤ꧀ꦤꦠꦸꦂꦫꦸꦫꦸꦧ꧈ꦣꦸꦩꦠꦼꦁꦱꦁꦥꦿꦧꦸꦲꦺꦱ꧀ꦠꦿꦶ꧈
꧄ꦠꦤ꧀ꦧꦸꦃꦲꦱꦶꦭꦺꦥꦸꦤ꧀ꦧꦥ꧈ꦢꦶꦏꦢꦩꦼꦭ꧀ꦱꦼꦱꦺꦴꦕꦤꦶꦁꦤꦒꦫꦶ꧈ꦠꦤ꧀ꦏꦣꦲꦂꦢꦂꦧꦺꦲꦠꦸꦂ꧈ꦏꦸꦭꦩꦺꦴꦁꦩꦺꦴꦁꦥꦤ꧀ꦢꦸꦏ꧈ꦩꦺꦤꦏ꧀ꦗꦶꦁꦒꦲꦱꦼꦤ꧀ꦝꦸꦱꦼꦤ꧀ꦝꦸꦏꦁ​ꦮꦸꦮꦸꦱ꧀​ꦮꦶꦱ꧀ꦧꦥꦫꦶꦏꦩꦼꦤꦼꦁꦔ꧈ꦲꦺꦴꦫꦭꦪꦏ꧀​​ꦪꦺꦤ꧀ꦠꦶꦤꦫꦶ
꧄ꦲꦫꦤ꧀ꦗꦩꦏ꧀ꦏꦶꦁ​ꦮꦺꦴꦁ​ꦭꦤꦁ꧈ꦲꦁꦔꦸꦭꦂꦫꦶ꧈ꦗꦺꦴꦣꦺꦴꦭꦮꦤ꧀ꦥꦮꦺꦱ꧀ꦠꦿꦶ꧈ꦲꦶꦁꦏꦶꦤꦲꦗꦮꦶꦤꦸꦮꦸꦱ꧀​​ꦲꦭꦩ꧀ꦩꦼꦁꦏꦺꦴꦏꦺꦮꦭ꧈ꦲꦥꦤ꧀ꦤꦏꦸꦱꦏꦭꦁꦏꦸꦁꦧꦿꦁꦠꦮꦸꦪꦸꦁ꧈ꦩꦫꦁꦱꦁꦥꦿꦧꦸꦮꦤꦺꦴꦢꦾ꧈ꦫꦠꦸꦲꦪꦸꦩꦗꦥꦲꦶꦠ꧀
꧄ꦲꦂꦱꦲꦤꦺꦴꦫꦲꦂꦱꦲ꧈ꦫꦠꦸꦲꦪꦸꦲꦁꦔꦶꦁꦲꦶꦔꦺꦴꦁ [ f.26v ]ꦏꦂꦱꦤꦶ꧈ꦫꦱꦪꦲꦒꦸꦫꦸꦱꦺꦮꦸ꧈ꦫꦺꦪꦁꦩꦁꦱꦮꦼꦢꦶꦪ꧈ꦲꦥꦧꦪꦏꦶꦤꦂꦪꦩꦠꦺꦤꦶꦲꦶꦁꦱꦸꦤ꧀​ꦥꦤ꧀ꦤꦶꦱꦸꦤ꧀ꦤꦿꦠꦸꦏꦮꦱ꧈ꦤꦺꦴꦫꦥꦱꦃꦢꦺꦤꦶꦁ​ꦮꦼꦱꦶ
꧄ꦏꦶꦲꦗꦂꦥꦩꦼꦁꦒꦼꦂꦩꦺꦴꦗꦂ꧈ꦱꦩ꧀ꦥꦸꦤ꧀ꦏꦶꦧꦶꦂꦢꦶꦏꦱꦿꦶꦤꦫꦥꦠꦶ꧈ꦩꦂꦒꦤꦺꦠꦶꦮꦱ꧀ꦱꦁꦥꦿꦧꦸ꧈ꦥꦶꦥꦶꦭꦶꦁꦔꦤ꧀ꦏꦁꦏꦶꦮ꧈ꦲꦁ​ꦭꦩ꧀ꦥꦃꦲꦶꦲꦤ꧀ꦢꦶꦏꦠꦸꦩꦼꦏꦭꦩ꧀ꦥꦸꦱ꧀​ꦥꦤ꧀ꦮꦺꦱꦶꦏꦸꦤꦶꦁꦥꦸꦥꦸꦗꦤ꧀​​ꦲꦤ꧀ꦢꦶꦏꦫꦏ꧀ꦱꦢꦺꦤ꧀ꦧꦼꦕꦶꦏ꧀
꧄ꦏꦶꦩꦺꦤꦏ꧀ꦗꦶꦁꦒꦧꦿꦩꦠꦾꦪꦺꦤ꧀ꦱꦩ꧀ꦥꦸꦤ꧀ꦤꦲꦗꦂꦤꦸꦭꦾꦔꦺꦱꦲꦶ꧈ꦏꦥꦶꦤꦼꦣꦁꦔꦒꦥꦿꦸꦏ꧀​​ꦪꦠꦏꦶꦩꦺꦤꦏ꧀ꦗꦶꦁꦒ꧈ꦲꦮꦼꦏꦱꦤ꧀ꦲꦱꦼꦤ꧀ꦝꦸꦱꦼꦤ꧀ꦝꦸꦏꦁ​ꦮꦸꦮꦸꦱ꧀​ꦱꦸꦣꦃꦭꦸꦥꦶꦒꦶꦱꦼꦏꦫꦁ꧈ꦠꦶꦣꦧꦲꦺꦲꦺꦴꦫꦁꦲꦶꦤꦶ
꧄ꦤꦸꦭꦾꦭꦺꦁꦱꦺꦂꦩꦺꦤꦏ꧀ꦗꦶꦁꦒ꧈ꦲꦩꦫꦤꦶꦱꦒꦸꦁꦔꦶꦁꦥꦫꦫꦧꦶ꧈ꦲꦶꦁꦥꦗꦸꦔꦸꦠꦤ꧀ꦮꦸꦱ꧀ꦱꦿꦮꦸꦃ꧈ꦕꦉꦩ꧀ꦱꦼꦭꦶꦂꦭꦤ꧀ꦒꦂꦮ꧈ꦱꦏꦭꦁꦏꦸꦁꦒꦺꦤ꧀ꦤꦶꦫꦤꦸꦮꦸꦏꦶꦏꦪꦸꦤ꧀​ꦥꦫꦒꦂꦮꦤꦺꦱꦢꦪ꧈ꦱꦏꦭꦁꦏꦸꦁ​ꦮꦼꦢꦶꦒꦼꦛꦶꦁ
꧄ꦭꦥꦏ꧀ꦏꦶꦥꦸꦤ꧀ꦏꦮꦱꦺꦱ꧈ꦏꦫꦤ꧀ꦠꦼꦤ꧀ꦤꦺꦏꦼꦤ꧀ꦤꦲꦥꦸꦭꦁꦫꦱ꧀ꦩꦶ꧈ꦏꦶꦩꦺꦤꦏ꧀ꦗꦶꦁꦒꦲꦩꦸꦮꦸꦱ꧀​ꦏꦧꦺꦃꦮꦢꦺꦴꦤꦤ꧀ꦤꦶꦁ​ꦮꦁ꧈ꦭꦩꦺꦴꦤ꧀ꦤꦶꦁꦱꦸꦤ꧀​​ꦲꦶꦁꦧꦺꦤ꧀ꦗꦁꦏꦭꦏꦺꦴꦤ꧀ꦠꦼꦩꦸ꧈ꦱꦏꦺꦃꦲꦺꦫꦧꦶꦏꦸꦭꦮꦱ꧀​ꦥꦣꦲꦶꦔꦺꦴꦁꦒꦮꦺꦕꦺꦛꦶ
꧄ꦏꦧꦺꦃꦥꦣꦲꦩꦉꦏꦤ꧀​​ꦪꦺꦤ꧀ꦱꦁꦥꦸꦠꦿꦶꦧꦺꦤ꧀ꦗꦁ [ f.27r ]ꦲꦂꦱꦲꦶꦁꦩꦩꦶ꧈ꦱꦏꦛꦃꦲꦺꦧꦺꦴꦗꦺꦴꦤꦶꦁꦱꦸꦤ꧀​ꦧꦺꦤ꧀ꦗꦁꦥꦣꦔꦮꦸꦭ꧈ꦢꦶꦢꦶꦩꦺꦤꦺꦫꦠꦸꦲꦪꦸꦲꦱꦶꦃꦭꦸꦭꦸꦠ꧀​ꦥꦥꦤ꧀ꦠꦼꦱ꧀ꦱꦺꦗꦭꦸꦏ꧀ꦏꦼꦩ꧀ꦧꦤ꧀​ꦧꦫꦶꦗꦶꦮꦶꦂꦗꦶꦮꦶꦂꦏꦸꦥꦶꦁ
꧄ꦤꦢꦾꦤ꧀ꦱꦶꦭꦶꦃꦤ꧀ꦚꦮꦺꦴꦮꦺꦴꦮ꧈ꦩꦿꦶꦁ​ꦭꦩ꧀ꦧꦺꦏꦸꦧꦺꦤ꧀ꦗꦁꦢꦺꦤ꧀ꦏꦺꦴꦁꦱꦶꦣꦮꦶꦂ꧈ꦲꦤꦩ꧀ꦥꦼꦏꦮꦗꦫꦸꦤ꧀ꦠꦸꦃ꧈ꦩꦁꦱꦲꦶꦁꦱꦸꦤ꧀ꦢꦸꦏꦲ꧈ꦩꦼꦤꦏ꧀ꦔꦿꦸꦤ꧀ꦠꦶꦏ꧀ꦏꦿꦠꦸꦲꦪꦸꦩꦗꦭꦁꦔꦸ꧈ꦥꦤ꧀ꦤꦶꦁꦱꦸꦤ꧀ꦧꦶꦱꦱꦼꦁꦒꦫ꧈ꦫꦁꦫꦩ꧀​​ꦫꦸꦁꦫꦸꦩ꧀ꦲꦶꦁꦔꦶꦏ꧀ꦏꦶꦁꦔꦶꦏ꧀
꧄ꦪꦺꦤ꧀ꦤꦿꦠꦸꦲꦪꦸꦏꦫꦸꦤ꧀ꦤꦲꦶꦁꦔꦺꦴꦁꦔꦼꦩ꧀ꦧꦤ꧀ꦧꦫꦶꦔꦺꦴꦁꦱꦼꦁꦒꦫꦤꦶ꧈ꦥꦤ꧀ꦤꦶꦁꦱꦸꦤ꧀ꦧꦶꦱꦲꦁꦔꦶꦢꦸꦁ꧈ꦠꦶꦠꦶꦭꦂꦫꦺꦱꦶꦧꦥ꧈ꦗꦩ꧀ꦧꦸꦲꦭꦱ꧀​​ꦲꦸꦪꦃꦲꦱꦶꦤ꧀ꦧꦤ꧀ꦚꦸꦲꦗꦸꦂ꧈ꦧꦊꦁꦔꦸꦂꦥꦸꦠꦿꦤꦶꦁꦧꦤ꧀ꦚꦏ꧀​ꦮꦭꦸꦃꦧꦸꦤ꧀ꦢꦼꦂꦲꦼꦫꦶꦭꦤ꧀ꦖꦶꦥ꧀
꧄ꦱꦏꦲꦺꦏꦁꦥꦫꦒꦂꦮ꧈ꦲꦩꦶꦪꦂꦱꦥꦣꦲꦺꦮꦏꦁꦔꦠꦶ꧈ꦏꦶꦢꦸꦁꦔꦺꦮꦺꦴꦁꦏꦼꦤꦁꦔꦤ꧀ꦠꦸ꧈ꦠꦼꦏꦔꦼꦤꦼꦂꦏꦺꦮꦭ꧈ꦗꦩꦏ꧀ꦮꦭꦸꦃꦲꦧꦸꦤ꧀ꦢꦼꦂꦏꦪꦲꦼꦤ꧀ꦝꦱ꧀ꦩꦸ꧈ꦧꦪꦲꦼꦫꦃꦲꦶꦫꦧꦺꦤ꧀ꦗꦁ꧈ꦩꦼꦠꦸꦏꦪꦲꦸꦪꦃꦲꦱꦶꦤ꧀
꧄ꦥꦤꦼꦣꦤꦶꦁꦱꦸꦤ꧀ꦤꦶꦁꦧꦺꦤ꧀ꦗꦁ꧈ꦔꦤ꧀ꦠꦶꦲꦥꦢꦸꦫꦸꦁꦲꦤꦩꦠꦺꦤ꧀ꦤꦶ꧈ꦩꦫꦶꦁꦱꦶꦢꦶꦏꦼꦫꦃꦔꦱꦸ꧈ꦥꦤ꧀ꦤꦶꦁꦱꦸꦤꦺꦴꦫꦱꦺꦴꦏ꧀ꦠꦃꦔꦏꦸꦭꦏꦶ꧈ꦩꦫꦶꦁ​ꦮꦺꦴꦁꦏꦁꦏꦪꦲꦶꦏꦸ꧈ꦥꦤ꧀ꦤꦶꦁꦱꦸꦤ꧀ꦤꦂꦱꦭꦼꦁꦒꦤ꧈ꦮꦼꦢꦶꦩꦼꦤꦏ꧀ꦢꦶꦥꦠꦺꦤ꧀ꦤꦶ
꧄ꦮꦤ꧀ꦠꦸꦤꦺꦏꦶꦩꦺꦤꦏ꧀ꦗꦶꦒ꧈ꦩꦫꦶꦁꦱꦼꦭꦶꦂꦠꦤ꧀ꦤꦥꦶꦥꦫꦫꦧꦶ꧈ꦭꦩꦺꦴꦤ꧀ꦭꦼꦁꦒꦤꦱꦭꦸꦭꦸꦠ꧀​​ꦥꦱ꧀ꦛꦶꦤꦺꦥꦶꦤꦼꦗꦲꦤ꧀​ꦥꦣꦲꦗꦿꦶꦃꦲꦤꦶꦔꦭꦶꦠꦼꦥꦤꦶꦥꦸꦤ꧀​ꦭꦸꦮꦁ [ f.27v ]ꦔꦺꦏꦁꦏꦭꦩ꧀ꦥꦲꦤ꧀​ꦩꦶꦭꦤꦺꦱꦢꦪꦮꦼꦢꦶ

꧄ꦤꦼꦁꦔꦼꦤꦏꦶꦩꦺꦤꦏ꧀ꦗꦶꦁꦒꦏꦮꦂꦤꦲꦱꦥꦿꦧꦸꦩꦗꦥꦲꦶꦠ꧀꧈ꦱꦶꦤꦺꦧꦥꦺꦴꦁꦒꦮꦲꦒꦸꦁ꧈ꦲꦼꦩ꧀ꦥꦸꦭꦮꦤ꧀ꦩꦭꦤ꧀ꦢꦁ꧈ꦭꦪꦁꦱꦺꦠꦿꦭꦪꦁꦏꦸꦩꦶꦠꦶꦂꦤꦺꦁꦔꦪꦸꦤ꧀​ꦱꦠꦺꦴꦁꦱꦤ꧀ꦗꦠꦲꦱꦺꦧ꧈ꦩꦶꦮꦃꦏꦶꦩꦺꦤꦏ꧀ꦒꦶꦪꦤ꧀ꦠꦶ
꧄ꦏꦶꦩꦺꦤꦏ꧀ꦏꦶꦢꦁꦒꦤ꧀ꦝꦺꦴꦫ꧈ꦲꦠꦤ꧀ꦤꦥꦶꦏꦶꦩꦺꦤꦏ꧀ꦏꦶꦒꦤ꧀ꦝꦶꦭꦶ꧈ꦩꦶꦮꦃꦠꦸꦩꦼꦁꦒꦸꦁꦠꦭꦸꦠꦸꦂ꧈ꦩꦶꦮꦃꦏꦶꦲꦂꦪꦧꦁꦔꦃ꧈ꦲꦢꦶꦥꦠꦶꦭꦺꦴꦒꦼꦤ꧀ꦢꦺꦂꦩꦸꦁꦒꦺꦁꦔꦶꦁꦔꦪꦸꦤ꧀​ꦏꦶꦩꦺꦤꦏ꧀ꦗꦩꦁꦔꦱꦺꦧ꧈ꦩꦶꦮꦃꦏꦶꦲꦂꦪꦱꦶꦱꦶꦩ꧀ꦥꦶꦁ
꧄ꦫꦁꦒꦩꦶꦤꦁꦱꦿꦪꦱꦺꦧ꧈ꦲꦶꦪꦲꦶꦏꦸꦱꦤ꧀ꦠꦤꦤꦺꦤꦂꦥꦠꦶ꧈ꦭꦸꦭꦸꦫꦃꦲꦺꦗꦪꦺꦁꦫꦤꦸ꧈ꦱꦩꦶꦱꦺꦧꦱꦢꦪ꧈ꦱꦧꦸꦏ꧀ꦒꦶꦮꦁꦏꦭꦮꦤ꧀ꦏꦶꦱꦧꦸꦏ꧀ꦗꦤꦸꦂ꧈ꦱꦧꦸꦏ꧀ꦗꦁꦔꦼꦠ꧀ꦱꦧꦸꦏ꧀ꦠꦩ꧀ꦥꦂꦏꦶꦱꦧꦸꦏ꧀ꦩꦶꦁꦩꦁꦲꦤꦁꦏꦶꦭ꧀
꧄ꦱꦧꦸꦏ꧀ꦏꦭꦸꦱꦧꦸꦏ꧀ꦮꦁꦔꦤ꧀​ꦱꦧꦸꦏ꧀ꦱꦸꦩꦸꦂ [ f.28r ]ꦱꦧꦸꦏ꧀ꦧꦭꦸꦁꦧꦁꦤꦁꦏꦶꦭ꧀​​ꦲꦤ꧀ꦝꦺꦂꦥꦺꦴꦁꦒꦮꦲꦶꦁꦔꦪꦸꦤ꧀​ꦩꦶꦪꦺꦴꦱ꧀ꦱꦁꦥꦿꦧꦸꦏꦼꦤ꧀ꦚ꧈ꦩꦸꦁꦒꦺꦁꦏꦺꦴꦧꦺꦴꦁꦱꦁꦤꦠꦢꦠꦤ꧀ꦏꦢꦸꦭꦸ꧈ꦪꦺꦤ꧀ꦱꦁꦥꦸꦠꦿꦶꦲꦁꦔꦤ꧀ꦢꦶꦏ꧈ꦏꦱ꧀ꦩꦫꦤ꧀ꦏꦁꦩꦶꦪꦂꦱꦺꦏꦶ

꧄ꦭꦒꦶꦱꦏꦺꦕꦠꦶꦤꦁꦏꦶꦭ꧀​ꦏꦱꦫꦸꦏꦁꦢꦸꦠꦥꦿꦥ꧀ꦠ꧈ꦱꦏꦶꦁꦧꦭꦁꦧꦁꦔꦤ꧀ꦩꦁꦏꦺꦴ꧈ꦏꦺꦴꦠ꧀ꦧꦸꦠꦭꦤ꧀ꦤꦁꦏꦠ꧀ꦧꦸꦠ꧈ꦲꦶꦁꦏꦁꦧꦏ꧀ꦠꦤꦮꦭ꧈ꦱꦼꦫꦠ꧀ꦱꦏꦶꦁꦱꦁꦔꦥꦿꦧꦸ꧈ꦱꦿꦶꦤꦭꦺꦤ꧀ꦢꦿꦩꦺꦤꦏ꧀ꦗꦶꦁꦒ
꧄ꦮꦸꦱ꧀ꦏꦠꦸꦂꦣꦠꦼꦁꦱꦁꦥꦸꦠꦿꦶ꧈ꦭꦩꦺꦴꦤ꧀ꦤꦤꦢꦸꦠꦥꦿꦥ꧀ꦠ꧈ꦱꦶꦁꦧꦭꦁꦧꦁꦔꦤ꧀ꦱꦁꦏꦤ꧀ꦤꦺ꧈ꦲꦸꦠꦸꦱ꧀ꦱꦤꦺꦩꦺꦤꦏ꧀ꦗꦶꦁꦒ꧈ꦔꦠꦸꦂꦫꦏꦼꦤ꧀ꦤꦮꦭ꧈ꦥꦿꦧꦸꦮꦤꦺꦴꦢꦾꦲꦩꦸꦮꦸꦱ꧀​ꦠꦶꦩ꧀ꦧꦭꦤꦩꦫꦁꦔꦂꦱ꧈
꧄ꦥꦣꦲꦥꦶꦁꦔꦤꦩꦩꦶ꧈ꦩꦤꦮꦶꦱꦭꦃꦧꦭꦶꦭ꧈ꦱꦁꦢꦸꦠꦮꦸꦱ꧀ꦥꦿꦥ꧀ꦠꦏꦫꦺꦴꦲꦶꦁꦔꦂꦱꦤꦺꦥꦿꦧꦸꦏꦼꦤ꧀ꦚ꧈ꦢꦸꦠꦩꦶꦕꦫꦺꦁꦤꦭ꧈ꦏꦪꦲꦥꦮꦂꦤꦤꦶꦥꦸꦤ꧀​ꦧꦪꦱꦁꦧꦪꦱꦁꦥꦿꦧꦸꦮꦤꦺꦴꦢꦾ
꧄ꦏꦭꦶꦁꦔꦤꦺꦥꦿꦧꦸꦲꦶꦱ꧀ꦠꦿꦶ꧈ꦭꦩꦸꦤ꧀ꦩꦶꦪꦺꦴꦱ꧀ꦱꦶꦤꦺꦮꦏ [ f.28v ]ꦧꦪꦲꦤꦁꦏꦺꦴꦧꦺꦴꦁꦧꦲꦺ꧈ꦪꦺꦤ꧀ꦤꦶꦁꦱꦸꦤ꧀ꦠꦶꦤꦠꦏꦺꦴꦤꦤ꧀​ꦩꦿꦶꦁꦒꦸꦱ꧀ꦠꦶꦥꦤꦼꦩ꧀ꦧꦃꦲꦤ꧀​ꦏꦪꦥꦫꦤ꧀ꦤꦠꦸꦂꦲꦶꦁꦱꦸꦤ꧀​ꦢꦺꦤꦺꦠꦤ꧀ꦮꦶꦏꦤ꧀ꦤꦶꦁ​ꦮꦂꦤ
꧄ꦲꦁꦔꦤ꧀ꦢꦶꦏꦥꦿꦧꦸꦲꦺꦱ꧀ꦠꦿꦶ꧈ꦲꦺꦃꦢꦸꦠꦏꦶꦤꦺꦴꦁꦏꦺꦴꦤ꧀ꦤꦥ꧈ꦱꦶꦫꦩꦫꦁꦲꦶꦁꦱꦁꦏꦠꦺꦴꦁ꧈ꦢꦺꦤꦺꦲꦮꦢꦶꦠꦱꦶꦫ꧈ꦤꦺꦴꦫꦩꦮꦶꦭꦫꦥꦤ꧀ꦱꦁꦢꦸꦠꦏꦫꦺꦴꦲꦸꦩꦠꦸꦂ꧈ꦏꦼꦧꦼꦏ꧀ꦭ​ꦊꦂꦕꦁꦏꦼꦩ꧀ꦩꦶꦫ꧈
꧄ꦱꦥꦢꦠꦤ꧀ꦏꦼꦤꦲꦭꦶꦁ꧈ꦭꦥꦏ꧀ꦏꦺꦩꦶꦲꦂꦱꦱꦾꦫ꧈ꦲꦩꦶꦕꦫꦗꦿꦺꦴꦏꦭ꧀ꦧꦸꦤꦺ꧈ꦩꦤ꧀ꦢꦃꦲꦤꦺꦏꦁꦔꦤ꧀ꦢꦶꦏ꧈ꦧꦪꦲꦱꦺꦴꦂꦏꦸꦱꦸꦩ꧈ꦮꦼꦕꦤꦤꦺꦥꦲꦶꦠ꧀ꦩꦢꦸ꧈ꦠꦼꦏꦥꦸꦤ꧀ꦗꦸꦭ꧀ꦭꦶꦁꦏꦁꦱꦾꦫ
꧄ꦱꦁꦢꦸꦠꦲꦸꦩꦠꦸꦂꦲꦫꦶꦱ꧀​ꦥꦸꦏꦸꦭꦸꦤ꧀ꦭꦩ꧀ꦥꦃꦏꦮꦸꦭ꧈ꦲꦶꦁꦔꦸꦠꦸꦱ꧀ꦩꦫꦁꦱꦁꦏꦠꦺꦴꦁ꧈ꦒꦸꦱ꧀ꦠꦶꦏꦸꦭꦩꦺꦤꦏ꧀ꦗꦶꦁꦒ꧈ꦲꦔꦠꦸꦂꦫꦏꦼꦤ꧀ꦱꦼꦫꦠ꧀​ꦏꦺꦴꦤ꧀ꦗꦸꦏ꧀ꦏꦣꦠꦼꦁꦱꦁꦥꦿꦧꦸ꧈ꦮꦼꦭꦶꦔꦺꦒꦸꦱ꧀ꦠꦶꦏꦮꦸꦭ
꧄ꦲꦗꦭꦶꦪꦤ꧀ꦏꦁꦤꦩ꧀ꦥꦤꦶ꧈ꦪꦺꦤ꧀ꦢꦸꦢꦸꦥꦿꦧꦸꦮꦤꦺꦴꦢꦾ꧈ꦒꦸꦱ꧀ꦠꦶꦏꦸꦥꦁꦔꦤ꧀ꦢꦶꦏꦤꦺ꧈ꦧꦥꦥꦠꦶꦃꦠꦩ꧀ꦥꦏ꧀ꦏꦼꦤ꧀ꦤ꧈ꦫꦶꦏꦮꦏꦶꦭ꧀ꦩꦤꦶꦫ꧈ꦏꦾꦥꦠꦶꦃꦲꦤ꧀ꦚꦤ꧀ꦝꦏ꧀​ꦒꦸꦥꦸꦃꦤꦮꦭꦤꦺꦱꦿꦶꦤꦭꦺꦤ꧀ꦢꦿ
꧄ꦲꦁꦔꦤ꧀ꦢꦶꦏꦥꦿꦧꦸꦲꦺꦱ꧀ꦠꦿꦶ꧈ꦧꦥꦥꦠꦶꦃꦲꦸꦭꦸꦁꦔꦼꦤ꧈ꦤꦮꦭꦱꦸꦤ꧀ꦠꦁꦔꦭ꧀​ꦭ꧀ꦭꦤꦺ꧈ꦏꦾꦤꦥꦠꦶꦃꦱꦶꦒꦿꦩꦫ꧈ꦔꦠꦸꦂꦫꦏꦼꦤ꧀ꦤꦮꦭ꧈ꦪꦠꦠꦶꦤꦩ꧀ꦥꦤꦤ꧀ꦱꦩ꧀ꦥꦸꦤ꧀​ꦩꦸꦁꦒꦺꦁꦲꦱ꧀ꦠꦲꦶꦁꦏꦁꦏꦶꦮ
꧄ꦥꦿꦧꦸꦏꦼꦤ꧀ꦚꦩꦗꦥꦲꦶꦠ꧀​ꦣꦱꦂꦮꦱꦶꦱ꧀ꦱꦶꦁꦔꦏ꧀ꦱꦫ꧈ꦤꦮꦭꦥꦶꦤꦶꦗꦼꦠ꧀ꦧꦲꦺ꧈ꦲꦸꦤꦶꦤꦺꦱꦩ꧀ꦥꦸꦤ꧀ꦏ [ f.29r ]ꦢꦸꦒ꧈ꦩꦁꦏꦤꦠꦤ꧀ꦢꦸꦏ꧀ꦏꦶꦫ꧈ꦤꦮꦭꦤꦺꦲꦁꦔꦥꦿꦧꦸ꧈ꦏꦁꦥꦊꦁꦒꦃꦧꦼꦭꦁꦧꦁꦔꦤ꧀
꧄ꦥꦿꦠꦤ꧀ꦝꦤꦺꦲꦶꦁꦏꦁꦠꦸꦭꦶꦱ꧀​ꦏꦠꦸꦂꦫꦏꦁꦱꦭꦩ꧀ꦢꦺꦴꦔ꧈ꦣꦸꦩꦠꦼꦁꦱꦁ​ꦭꦶꦫꦶꦁꦱꦶꦤꦺꦴꦩ꧀​ꦏꦁꦥꦊꦁꦒꦃꦩꦗꦊꦁꦏ꧈ꦩꦶꦭꦥꦸꦤ꧀ꦩꦺꦤꦏ꧀ꦗꦶꦁꦒ꧈ꦔꦠꦸꦂꦫꦶꦱꦼꦫꦠ꧀​ꦮꦺꦴꦁꦔꦒꦸꦁ꧈ꦱꦃꦱꦩ꧀ꦥꦸꦤꦶꦁꦱꦭꦩ꧀ꦏꦸꦭ
꧄ꦥꦔꦏ꧀ꦱꦩꦤꦶꦁꦱꦸꦤ꧀ꦒꦸꦱ꧀ꦠꦶ꧈ꦩꦸꦒꦶꦱꦁꦥꦿꦧꦸꦮꦤꦺꦴꦢꦾ꧈ꦠꦶꦤꦸꦭꦸꦱ꧀ꦱꦼꦤꦗꦼꦤꦼꦁꦔꦺ꧈ꦥꦶꦤꦤ꧀ꦗꦁꦔꦼꦤꦏꦁꦪꦸꦱꦾ꧈ꦠꦸꦠꦸꦒꦧꦲꦸꦣꦼꦁꦣ꧈ꦫꦠꦸꦩꦱ꧀ꦏꦤ꧀ꦖꦤꦮꦸꦁꦔꦸ꧈ꦱꦸꦒꦶꦪꦱꦸꦱꦸꦏꦮꦿꦶꦪꦲ
꧄ꦭꦮꦤ꧀ꦏꦥꦶꦁꦏꦭꦶꦃꦩꦭꦶꦃ꧈ꦮꦶꦪꦺꦴꦱ꧀ꦱꦺꦏꦶꦩꦺꦤꦏ꧀ꦗꦶꦁꦒ꧈ꦲꦩꦤꦏꦮꦤ꧀ꦮꦶꦪꦺꦴꦱꦺ꧈ꦪꦺꦤ꧀ꦏꦁꦒꦺꦱꦁꦥꦿꦧꦸꦏꦼꦤ꧀ꦚꦫꦠꦸꦲꦶꦁꦩꦗꦊꦁꦏ꧈ꦏꦮꦸꦭꦲꦁꦔꦮꦸꦲꦮꦸ꧈ꦲꦒꦼꦱꦁꦱꦱꦠ꧀ꦥꦿꦭꦪ
꧄ꦢꦶꦏꦩꦸꦤ꧀ꦝꦸꦠ꧀ꦱꦺꦴꦱꦺꦴꦠꦾꦢꦶ꧈ꦩꦱ꧀ꦉꦠ꧀ꦤꦫꦗꦧꦼꦫꦤ꧀ꦤ꧈ꦒꦸꦱ꧀ꦠꦶꦢꦶꦲꦧꦺꦴꦠ꧀ꦠꦸꦏꦺꦴꦤꦺ꧈ꦏꦁꦔꦤꦥꦶꦠꦩ꧀ꦧꦸꦃꦲꦤ꧈ꦒꦸꦱ꧀ꦠꦶꦭꦃꦲꦩꦸꦩꦸꦤ꧀ꦝꦸꦠ꧀ꦠ꧈ꦱꦗꦺꦴꦁ​ꦭꦮꦤ꧀ꦱꦥꦫꦲꦸ꧈ꦣꦠꦼꦁꦱꦸꦩꦁꦒꦲꦶꦁꦏꦂꦱ
꧄ꦭꦩꦺꦴꦤ꧀ꦱꦶꦁꦥꦸꦠꦿꦶꦲꦤꦩ꧀ꦥꦶꦏ꧀​ꦣꦸꦩꦠꦼꦁꦥꦸꦤ꧀ꦩꦺꦤꦏ꧀ꦗꦶꦁꦒ꧈ꦗꦼꦫꦺꦴꦏ꧀ꦏꦼꦤꦭꦭꦫꦺꦤꦺ꧈ꦭꦕꦶꦥ꧀ꦥꦤꦏꦥꦸꦫꦤ꧀ꦖꦁ꧈ꦢꦶꦏꦤ꧀ꦢꦼꦭ꧀ꦧꦶꦠꦶꦁꦔꦶꦫ꧈ꦏꦼꦏꦫꦱꦺꦢꦶꦲꦣꦸꦮꦸꦂ꧈ꦲꦺꦴꦧꦠ꧀ꦩꦶꦩꦶꦱ꧀ꦢꦶꦲꦏꦛꦃ
꧄ꦏꦼꦫꦶꦒ꧀ꦒꦼꦤ꧀ꦮꦺꦴꦁꦩꦗꦥꦲꦶꦠ꧀​ꦢꦥꦠ꧀ꦮꦺꦴꦁꦩꦤ꧀ꦖꦤꦼꦒꦫ꧈ꦢꦶꦲꦒꦸꦁꦧꦼꦣꦶꦭ꧀ꦮꦲꦺꦴꦱ꧀ꦱꦺ꧈ꦩꦁꦱꦮꦤ꧀ꦢꦺꦪꦔꦺꦴꦁꦥꦿꦥ꧀ꦠ꧈ꦥꦱ꧀ꦛꦶꦢꦢꦶꦲꦶꦉꦁꦔ [ f.29v ]ꦤ꧀​ꦩꦗꦥꦲꦶꦠ꧀​​ꦲꦶꦁꦱꦸꦤ꧀ꦒꦼꦩ꧀ꦥꦸꦂꦩꦁꦏꦤꦲꦸꦤꦶꦤꦶꦁꦱꦼꦫꦠ꧀​
꧄ꦥꦿꦧꦸꦲꦺꦱ꧀ꦠꦿꦶꦩꦗꦥꦲꦶꦠ꧀​ꦩꦶꦲꦂꦱꦲꦸꦔꦼꦭ꧀ꦭꦶꦱꦼꦫꦠ꧀​ꦏꦭꦁꦏꦸꦁꦫꦸꦤ꧀ꦠꦶꦏ꧀ꦩꦤꦲꦺ꧈ꦲꦩꦶꦕꦫꦗꦿꦺꦴꦤꦶꦁꦤꦭ꧈ꦧꦪꦏꦂꦱꦤꦶꦁꦢꦺꦮ꧈ꦪꦺꦤ꧀ꦗꦩꦤ꧀ꦭꦒꦶꦧꦶꦤꦮꦸꦂ꧈ꦪꦺꦤ꧀ꦝꦶꦁꦔꦶꦤ꧀ꦤꦶꦁꦔꦼꦭꦁꦧꦁꦔꦤ꧀​
꧄ꦏꦥꦫꦺꦤ꧀ꦠꦃꦩꦗꦥꦲꦶꦠ꧀​​ꦲꦺꦪꦁꦠꦸꦩꦼꦏꦲꦶꦁꦫꦩ꧈ꦩꦁꦏꦺꦲꦁ​ꦭꦩꦂꦩꦫꦶꦁꦔꦺꦴꦁ꧈ꦢꦢꦾꦤ꧀ꦤꦶꦁꦱꦸꦤ꧀ꦤꦏꦿꦩꦲ꧈ꦠꦤ꧀ꦤꦂꦱꦮꦺꦴꦁꦧꦁ​ꦮꦺꦠꦤ꧀​ꦱꦁꦤꦠꦫꦶꦪꦏ꧀​​​ꦲꦲꦶꦢꦸ꧈ꦤꦮꦭꦤꦸꦭꦾꦧꦶꦤꦸꦮꦁ
꧄ꦮꦸꦱ꧀ꦭꦺꦁꦱꦺꦂꦱꦁꦥꦿꦧꦸꦲꦺꦱ꧀ꦠꦿꦶ꧈ꦩꦊꦧꦸꦲꦶꦁꦣꦠꦸꦭꦪ꧈ꦲꦺꦱ꧀ꦩꦸꦱꦸꦁꦏꦮꦩꦤꦃꦲꦺ꧈ꦏꦁꦩꦏ꧀ꦱꦶꦃꦲꦤꦺꦁꦥꦱꦺꦧꦤ꧀​ꦭꦪꦁꦏꦸꦩꦶꦠꦶꦂꦱꦶꦒꦿ꧈ꦒꦸꦥꦸꦃꦤ꧀ꦚꦢ꧀ꦝꦏ꧀ꦱꦸꦫꦠ꧀ꦱꦩ꧀ꦥꦸꦤ꧀​ꦮꦶꦤꦕꦱꦶꦤꦸꦩꦺꦁꦤꦭ꧈
꧄ꦱꦩ꧀ꦥꦸꦤ꧀ꦏꦣꦣꦏꦁꦠꦸꦭꦶꦱ꧀​ꦧꦿꦩꦠꦾꦱꦶꦤꦸꦮꦺꦏ꧀ꦥꦶꦱꦤ꧀​ꦱꦶꦤꦧꦼꦠ꧀ꦠꦏꦼꦤ꧀ꦩꦸꦏꦤꦺ꧈ꦧꦤ꧀ꦗꦸꦂ꧈ꦲꦤꦫꦶꦏ꧀ꦕꦸꦫꦶꦒ꧈ꦕꦶꦤꦤ꧀ꦝꦏ꧀ꦭꦪꦁꦱꦺꦠꦿ꧈ꦲꦣꦶꦤꦶꦱ꧀ꦛꦗꦼꦤꦼꦁꦔꦶꦥꦸꦤ꧀​​ꦲꦥꦤ꧀ꦖꦏꦫꦭꦤ꧀ꦢꦸꦠ
꧄ꦲꦁꦔꦸꦕꦥ꧀ꦭꦪꦁꦏꦸꦩꦶꦠꦶꦂ꧈ꦩꦠꦸꦂꦫꦱꦶꦩꦺꦤꦏ꧀ꦗꦶꦁꦒ꧈ꦒꦸꦱ꧀ꦠꦶꦩꦸꦲꦺꦢꦤ꧀ꦤꦭꦩꦺꦴꦁ꧈ꦏꦥꦤ꧀ꦒꦸꦱ꧀ꦠꦶꦩꦸꦭꦸꦫꦸꦒ꧀ꦒ꧈ꦩꦫꦁꦔꦶꦁꦩꦗꦊꦁꦏ꧈ꦏꦁꦗꦼꦁꦫꦠꦸꦩꦗꦭꦁꦔꦸ꧈ꦤꦺꦴꦫꦲꦂꦱꦲꦺꦴꦫꦁꦒꦶꦭ꧈
꧄ꦲꦗꦱꦶꦪꦁꦤꦢꦾꦤ꧀ꦭꦠꦿꦶ꧈ꦔꦺꦴꦁꦕꦲꦺꦴꦱꦶꦧꦶꦠꦶꦁꦗꦗ꧈ꦲꦶꦱꦸꦤ꧀ꦏꦼꦩ꧀ꦧꦫꦤꦺꦣꦺꦮꦺꦏ꧀​ꦥꦼꦥꦣꦤꦺꦗꦼꦤ꧀ꦛꦶꦏ꧀ꦏꦶꦮ꧈ꦲꦱꦸꦲꦶꦁꦧꦼꦭꦁꦧꦁꦔꦤ꧀ [ f.30r ]ꦧꦪꦒꦸꦱ꧀ꦠꦶꦩꦸꦏꦥꦲꦸꦁ꧈ꦮꦸꦱ꧀ꦱꦒꦺꦥꦣꦩꦤ꧀ꦠꦺꦴꦒ꧈
꧄ꦏꦶꦥꦠꦶꦃꦏꦺꦴꦠ꧀ꦧꦸꦠꦲꦁ​ꦭꦶꦁ꧈ꦲꦺꦃꦲꦥꦠꦼꦔꦼꦫꦤ꧀ꦤꦶꦫ꧈ꦭꦪꦁꦏꦸꦩꦶꦠꦶꦂꦱꦲꦸꦫꦺ꧈ꦲꦶꦁꦧꦺꦤ꧀ꦗꦁꦠꦼꦔꦼꦫꦤ꧀ꦤꦶꦁ​ꦮꦁ꧈ꦲꦶꦏꦸꦱꦶꦫꦤꦿꦗꦁꦔ꧈ꦥꦥꦫꦶꦲꦤꦺꦴꦩ꧀ꦲꦶꦁꦧꦺꦱꦸꦏ꧀​​ꦲꦗꦲꦺꦴꦤ꧀ꦖꦠ꧀ꦤꦫꦗꦁꦔ
꧄ꦧꦿꦩꦠꦾꦤꦶꦫꦠꦤ꧀ꦱꦶꦥꦶꦏꦶꦪꦥꦠꦶꦃꦲꦁꦏꦠ꧀ꦧꦸꦠ꧈ꦢꦶꦥꦸꦤ꧀ꦥꦸꦭꦶꦂꦧꦧꦽꦁꦔꦺꦴꦱ꧀ꦱꦺ꧈ꦲꦂꦱꦧꦶꦤꦤ꧀ꦠꦶꦁꦏꦺꦮꦭ꧈ꦱꦶꦤꦶꦏꦼꦥ꧀ꦥꦶꦁꦏꦺꦴꦠ꧀ꦧꦸꦠ꧈ꦲꦸꦤ꧀ꦠꦸꦤꦺꦱꦩ꧀ꦥꦸꦤ꧀ꦢꦺꦤꦢꦸ꧈ꦲꦣꦶꦱꦩ꧀​ꦥꦸꦤ꧀​ꦱꦁꦢꦾꦲꦶꦏ
꧄ꦏꦶꦥꦠꦶꦃꦏꦺꦴꦠ꧀ꦧꦸꦠꦲꦁ​ꦭꦶꦁ꧈ꦣꦸꦃꦲꦣꦶꦱꦩ꧀ꦥꦸꦤ꧀ꦩꦼꦁꦏꦤ꧈ꦩꦤ꧀ꦢꦃꦢꦸꦏꦤꦺꦱꦁꦏꦠꦺꦴꦁ꧈ꦭꦩꦺꦴꦤ꧀ꦢꦶꦏꦩꦠꦺꦤ꧀ꦤꦤ꧈ꦩꦤ꧀ꦠꦿꦶꦲꦶꦩꦗꦊꦁꦏ꧈ꦲꦣꦶꦥꦣꦱꦩꦶꦩꦤ꧀ꦠꦸꦏ꧀​​ꦲꦸꦩꦠꦸꦂꦣꦠꦼꦁꦱꦁꦤꦠ
꧄ꦱꦩ꧀ꦥꦸꦤ꧀ꦤꦤꦶꦠꦶꦃꦠꦸꦫꦁꦒꦶ꧈ꦏꦺꦴꦠ꧀ꦧꦸꦠꦭꦤ꧀ꦤꦁꦏꦠ꧀ꦧꦸꦠ꧈ꦢꦠꦤ꧀ꦏꦮꦂꦤꦭꦩ꧀ꦥꦃꦲꦺ꧈ꦱꦶꦪꦁꦢꦭꦸꦱꦱꦤ꧀ꦢꦼꦫꦤ꧀​ꦮꦸꦱ꧀ꦥꦿꦥ꧀ꦠꦲꦶꦁꦧꦁ​ꦮꦺꦠꦤ꧀​ꦏꦶꦩꦺꦤꦏ꧀ꦗꦶꦁꦒꦮꦶꦤꦸꦮꦸꦱ꧀​​​ꦲꦤ꧀ꦝꦺꦂꦧꦺꦴꦥꦠꦶꦱꦺꦱꦺꦧꦤ꧀
꧄ꦥꦼꦥꦼꦏ꧀ꦏꦤꦁꦥꦤ꧀ꦖꦤꦶꦠꦶ꧈ꦩꦤ꧀ꦠꦿꦶꦏꦭꦮꦤ꧀ꦢꦶꦥꦠꦾ꧈ꦥꦸꦁꦒꦮꦊꦁꦒꦃꦲꦠꦺꦫꦺꦥ꧀​ꦱꦤ꧀ꦠꦤꦗꦗꦂꦲꦁ​ꦭꦩ꧀ꦧꦏ꧀​ꦔꦗꦼꦁꦔꦺꦱꦿꦶꦤ꧀ꦤꦭꦺꦤ꧀ꦢꦿ꧈ꦏꦶꦥꦠꦶꦃꦏꦫꦺꦴꦮꦸꦱ꧀ꦱꦿꦮꦸꦃ꧈ꦕꦶꦔꦏ꧀ꦱꦒꦸꦁ​ꦮꦺꦴꦁꦱꦺꦱꦺꦧꦤ꧀​
꧄ꦱꦩ꧀ꦥꦸꦤ꧀ꦥꦿꦥ꧀ꦠꦲꦤꦺꦁꦔꦂꦱꦶ꧈ꦏꦫꦺꦴꦩꦠꦸꦂꦲꦮꦺꦴꦠ꧀ꦱꦼꦏꦂ꧈ꦱꦁꦤꦠꦥꦁꦔꦤ꧀ꦢꦶꦏꦤꦺ꧈ꦲꦺꦴꦭꦶꦃꦒꦮꦺꦥꦠꦶꦃꦱꦶꦫꦢꦶꦩꦗꦸꦩꦫꦁꦔꦂꦱ꧈ꦏꦶꦥꦠꦶꦃ [ f.30v ]ꦩꦗꦼꦁꦮꦺꦴꦠ꧀ꦱꦤ꧀ꦠꦸꦤ꧀​ꦱꦩ꧀ꦥꦸꦤ꧀ꦏꦮꦸꦭꦭꦸꦩꦩ꧀ꦥꦃ

꧄ꦣꦸꦩꦠꦼꦁꦔꦶꦁꦩꦗꦥꦲꦶꦠ꧀​​ꦲꦁꦔꦠꦸꦂꦉꦤꦏꦁꦱꦼꦫꦠ꧀​​ꦲꦤꦸꦲꦸꦤ꧀ꦢꦸꦏꦱꦁꦏꦠꦺꦴꦁ꧈ꦱꦁꦥꦿꦧꦸꦲꦶꦁꦩꦗꦊꦁꦏ꧈ꦢꦠꦤ꧀ꦤꦂꦱꦲꦏꦿꦩ꧈ꦤꦁꦔꦶꦁꦏꦮꦸꦭꦱꦁꦥꦿꦧꦸ꧈ꦮꦂꦤꦤꦺꦢꦺꦫꦺꦁꦔꦸꦤꦶꦁꦔ
꧄ꦱꦁꦥꦿꦧꦸꦲꦶꦁꦩꦗꦥꦲꦶꦠ꧀ꦏꦭꦩꦶꦪꦺꦴꦱ꧀ꦱꦶꦤꦺꦮꦏ꧈ꦲꦤꦁꦗꦿꦺꦴꦤꦶꦁꦏꦺꦴꦧꦺꦴꦁꦧꦲꦺ꧈ꦮꦢꦾꦧꦭꦤꦺꦱꦢꦪ꧈ꦧ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦤꦸꦔꦶꦁꦔ꧈ꦥꦿꦧꦸꦮꦤꦺꦴꦢꦾꦥꦸꦏꦸꦭꦸꦤ꧀​ꦠꦤ꧀ꦤꦂꦱꦣꦠꦼꦁꦥꦤ꧀ꦢꦸꦏ꧈
꧄ꦮꦢꦤꦭꦶꦂꦩꦼꦠꦸꦒꦼꦤ꧀ꦤꦶ꧈ꦧꦿꦩꦠꦾꦏꦶꦩꦺꦤꦏ꧀ꦗꦶꦁꦒ꧈ꦲꦱꦁꦔꦼꦠ꧀ꦥꦁꦔꦤ꧀ꦢꦶꦏꦤꦺ꧈ꦱꦸꦤ꧀ꦒꦼꦩ꧀ꦥꦸꦂꦫꦺꦩꦗꦊꦁꦏ꧈ꦥꦱ꧀ꦛꦶꦢꦢꦶꦲꦶꦉꦁꦔꦤ꧀​ꦱꦸꦤ꧀ꦏꦂꦪꦤꦺꦲꦭꦱ꧀ꦱꦒꦸꦁ꧈ꦧꦥꦲꦗꦂꦠꦶꦩ꧀ꦧꦭ꧀ꦭꦤ
꧄ꦏꦶꦲꦗꦂꦲꦤꦸꦭꦾꦥꦿꦥ꧀ꦠꦶ꧈ꦏꦶꦩꦺꦤꦏ꧀ꦗꦶꦁꦒꦔꦤ꧀ꦢꦶꦏ꧈ꦲꦺꦃꦧꦥꦏꦪꦏꦥꦿꦶꦪꦺ꧈ꦲꦶꦁꦱꦸꦤ꧀ꦤꦂꦱꦲꦁꦭꦸꦫꦸꦒꦩꦫꦁꦔꦶꦁꦩꦗꦊꦁꦏ [ f.31r ] ꦏꦶꦲꦗꦂꦥꦩꦼꦁꦒꦼꦂꦩꦠꦸꦂ꧈ꦥꦠꦶꦧꦿꦱꦩ꧀ꦥꦸꦤ꧀ꦩꦁꦏꦤ
꧄ꦢꦺꦤ꧀ꦭꦸꦫꦸꦒ꧀ꦒꦤꦤꦂꦥꦠꦶ꧈ꦲꦶꦁꦗꦮꦭꦤ꧀ꦠꦤꦃꦱꦧꦿꦁꦢꦺꦤ꧀ꦱꦩꦶꦱꦸꦫꦺꦁꦥꦭꦸꦒꦺꦴꦤ꧀​ꦢꦠꦤ꧀ꦧꦼꦣꦃꦩꦗꦊꦁꦏ꧈ꦒꦸꦱ꧀ꦠꦶꦲꦠꦸꦂꦏꦮꦸꦭ꧈ꦏꦫꦶꦪꦱꦲꦸꦧ꧀ꦧꦶꦁꦥꦪꦸꦁ꧈ꦩꦸꦤ꧀ꦢꦸꦂꦫꦲꦗꦥꦺꦥꦺꦏ꧈
꧄ꦱꦏꦭꦁꦏꦸꦁꦧꦿꦩꦠꦾꦏꦶꦩꦺꦤꦏ꧀ꦗꦶꦁꦒ꧈ꦧꦥꦲꦗꦧꦫꦶꦧꦶꦤ꧀​ꦧꦪꦫꦶꦏꦒꦶꦭꦭꦩꦺꦴꦤ꧀ꦤꦶꦁꦱꦸꦤ꧀ꦠꦫꦶꦪ꧈ꦩꦸꦤ꧀ꦢꦸꦂꦠꦼꦏꦒꦺꦒꦺꦫꦶꦱ꧀ꦱꦶ꧈ꦏꦏꦺꦪꦤ꧀ꦥꦺꦴꦭꦃ꧈ꦮꦸꦱ꧀ꦧꦸꦧꦂꦲꦼꦤ꧀ꦤꦥꦠꦶꦃ
꧄ꦏꦾꦤꦥꦠꦶꦃꦱꦩ꧀ꦥꦸꦤꦤꦠꦒꦒꦩꦤ꧀​ꦭꦺꦤ꧀ꦖꦺꦁꦒꦶꦤꦺꦴꦪꦁꦲꦤ꧀ꦗꦿꦶꦠ꧀​ꦠꦩ꧀ꦧꦸꦂꦫꦺꦲꦁꦔꦮꦁ꧈ꦲꦮꦺꦴꦂꦧꦼꦤ꧀ꦝꦺꦱꦲꦸꦫꦤ꧀​ꦱꦩ꧀ꦥꦸꦤ꧀ꦠꦲꦲꦶꦁꦏꦁꦧꦫꦶꦱ꧀​ꦮꦺꦴꦁꦧꦭꦁꦧꦁꦔꦤ꧀​ꦩꦶꦮꦃꦥꦫꦢꦶꦥꦠꦶ
꧄ꦮꦂꦤꦮꦂꦤꦧꦫꦶꦱ꧀ꦱꦺꦩꦤ꧀ꦖꦤꦒꦫ꧈ꦥꦪꦸꦁꦧꦮꦠ꧀ꦏꦺꦃꦩꦶꦗꦶꦭ꧀​ꦱꦶꦤꦂꦏꦁꦧꦼꦤ꧀ꦢꦺꦫ꧈ [ f.31v ]ꦲꦭꦸꦤ꧀ꦤꦭꦸꦤ꧀ꦤꦒꦼꦭꦂ꧈ꦲꦮꦺꦴꦂꦱꦾꦫꦤ꧀ꦤꦶꦁꦠꦸꦫꦁꦒꦶꦧꦫꦶꦱ꧀ꦱꦼꦤ꧀ꦗꦠ꧈ꦭꦶꦂꦏꦶꦭꦠ꧀ꦭꦮꦤ꧀ꦛꦛꦶꦠ꧀
꧄ꦗꦒꦧꦺꦭꦏꦭꦮꦤ꧀ꦮꦺꦴꦁꦏꦗꦶꦤꦼꦩꦤ꧀​ꦩꦶꦮꦃꦮꦺꦴꦁꦢꦸꦫꦥꦠꦶꦔꦒꦼꦩ꧀ꦮꦲꦺꦴꦱ꧀ꦩꦩꦱ꧀​ꦧꦸꦁꦔꦩ꧀ꦥꦺꦭ꧀ꦭꦮꦤ꧀ꦥꦺꦴꦤ꧀ꦛꦁ꧈ꦲꦕꦼꦭꦤꦏꦼꦫꦺꦮꦼꦱꦶꦭꦤ꧀ꦒꦼꦒꦼꦤ꧀ꦢꦺꦂꦫꦤ꧀​ꦏꦸꦭꦩ꧀ꦧꦶꦱꦺꦴꦫꦱꦫꦶ
꧄ꦱꦏꦺꦃꦧꦭꦠꦤ꧀ꦏꦭꦶꦫꦸꦲꦶꦁꦕꦼꦥꦼꦁꦤ꧀ꦚ꧈ꦏꦮꦸꦭꦱꦫꦒꦼꦤ꧀ꦤꦶ꧈ꦚꦼꦥꦼꦁꦧꦼꦣꦶꦭ꧀ꦠꦶꦁꦒꦂ꧈ꦮꦠꦫꦏꦭꦶꦃꦤꦩ꧀ꦧꦁ꧈ꦱꦢꦪꦫꦱꦸꦏꦤ꧀ꦏꦸꦤꦶꦁ꧈ꦮꦸꦱ꧀ꦱꦩꦶꦲꦗꦂ꧈ꦲꦤꦺꦁ​ꦭꦸꦲꦸꦂꦠꦸꦫꦁꦒꦶ
꧄ꦭꦶꦂꦫꦢꦶꦠꦾꦭꦭꦪꦸꦭꦮꦤ꧀ꦧꦤ꧀ꦢꦺꦫ꧈ꦢꦭꦸꦒ꧀ꦢꦒ꧀ꦠꦶꦤꦺꦴꦤ꧀ꦤꦱꦿꦶ꧈ꦭꦶꦂꦱꦼꦏꦂꦱꦠꦩꦤ꧀​ꦒꦒꦩ꧀​ꦩꦤ꧀ꦧꦼꦭꦁꦧꦁꦔꦤ꧀​ꦧꦼꦣꦶꦭ꧀ꦒꦼꦣꦺꦩꦁꦏꦠ꧀ꦝꦶꦔꦶꦤ꧀​ꦮꦼꦭꦸꦂꦲꦶꦁꦩꦂꦒ꧈ꦒꦒꦩꦤ꧀ꦤꦔꦶꦧꦼꦏ꧀ꦏꦶ
꧄ꦒꦸꦭꦁꦒꦸꦭꦁꦱꦩꦶꦏꦸꦭꦩ꧀ꦧꦶꦱꦁꦏꦼꦭꦠ꧀​​ꦫꦶꦤꦁꦏꦼꦥ꧀ꦏꦸꦠꦁꦥꦸꦠꦶꦃ꧈ꦔꦁꦒꦺꦴꦥꦼꦣꦁꦢꦮ꧈ꦕꦭꦤꦧꦺꦴꦭꦁꦧꦺꦴꦭꦁ꧈ꦏꦺꦴꦥꦾꦲꦺꦭꦭꦤ꧀ꦖꦸꦂꦏꦸꦤꦶ꧈ꦮꦺꦴꦁꦏꦮꦤ꧀ꦢꦱ꧈ꦧꦽꦁꦔꦺꦴꦱ꧀ꦱꦺꦢꦶꦧꦸꦤ꧀ꦝꦼꦭ꧀ꦭꦶ
꧄ꦱꦧꦿꦒꦣꦏꦮꦤ꧀ꦢꦱꦗꦒꦧꦺꦭ꧈ꦱꦩꦾꦫꦱꦸꦏꦤ꧀ꦥꦸꦠꦶꦃ꧈ꦱꦩꦶꦣꦼꦱ꧀ꦛꦂꦗꦶꦁꦒ꧈ꦕꦭꦤꦤꦶꦥꦸꦤ꧀ꦤꦧꦁ꧈ꦱꦩꦾꦱꦶꦏꦼꦥ꧀ꦏꦼꦥꦼꦁꦕꦸꦤ꧀ꦢꦿꦶꦏ꧀​ꦮꦺꦴꦁꦒꦒꦁꦱꦶꦁꦔꦤ꧀​ꦥꦣꦮꦤꦶꦔꦼꦩꦱ꧀ꦱꦶ
꧄ꦲꦂꦪꦲꦶꦉꦁꦏꦼꦭꦩ꧀ꦧꦶꦤꦺꦧꦉꦁꦠꦤ꧀ꦢꦁ꧈ꦕꦭꦤꦫꦤ꧀ꦠꦺꦮꦼꦱ꧀꧈ꦠꦶꦪꦁꦏꦮꦤ꧀ꦢꦱꦣꦱ꧀ꦛꦗꦶꦁꦒꦤꦺꦴꦤꦺꦴꦩꦤ꧀​ꦤ꧀ꦚꦼꦏꦼꦭ꧀ꦠꦩꦺꦁ​ꦭꦮꦤ꧀ꦭꦼꦩ꧀ꦧꦶꦁ꧈ꦮꦸꦱ꧀ꦱꦩꦶꦲꦗꦂꦲꦶꦔ [ f.32r ]ꦭꦸꦤ꧀ꦤꦭꦸꦤ꧀ꦧꦫꦶꦱ꧀​
꧄ꦮꦢꦾꦧꦭꦧꦁꦔꦤ꧀ꦠꦺꦴꦱ꧀ꦮꦲꦸꦱꦁꦤꦠ꧈ꦣꦼꦣꦼꦒ꧀ꦥꦩꦶꦲꦧꦫꦶꦱ꧀​ꦱꦩꦶꦭꦸꦭꦸꦩ꧀ꦧꦸꦁꦔꦤ꧀​​ꦲꦶꦁꦏꦁꦱꦶꦏꦼꦥ꧀ꦱꦼꦤ꧀ꦗꦠ꧈ꦮꦲꦺꦴꦱ꧀ꦒꦺꦴꦠꦺꦴꦁꦱꦩ꧀ꦥꦸꦤ꧀ꦩꦶꦗꦶꦭ꧀​ꦱꦏꦶꦁꦗꦿꦺꦴꦥꦸꦫ꧈ꦮꦼꦭꦸꦂꦩꦶꦪꦺꦴꦱ꧀ꦱꦶꦗꦮꦶ
꧄ꦩꦺꦤꦏ꧀ꦗꦶꦁꦒꦲꦤꦫꦶꦲꦶꦁꦥꦫꦒꦂꦮ꧈ꦥꦥꦢꦁꦢꦤ꧀ꦤꦪꦪꦶ꧈ꦲꦶꦁꦱꦸꦤ꧀ꦒꦮꦱꦶꦫ꧈ꦩꦫꦁꦔꦶꦁꦩꦗꦊꦁꦏ꧈ꦩꦭꦂꦢꦢꦶꦪꦥꦁꦔꦫꦶꦥꦱ꧀ꦛꦶꦏꦠꦮꦤ꧀​ꦥꦸꦠꦿꦶꦲꦶꦁꦩꦗꦥꦲꦶꦠ꧀
꧄ꦧꦺꦱꦸꦏ꧀ꦱꦶꦫꦪꦪꦶꦥꦣꦧꦺꦴꦪꦺꦴꦁꦔꦤ꧈ꦲꦶꦁꦫꦠꦸꦩꦗꦥꦲꦶꦠ꧀​ꦱꦁꦥꦿꦧꦸꦮꦤꦺꦴꦢꦾ꧈ꦧꦺꦤ꧀ꦗꦁꦪꦺꦤ꧀ꦤꦤꦁꦩꦂꦒ꧈ꦢꦺꦤ꧀ꦧꦶꦱꦲꦁꦔꦫꦶꦲꦫꦶ꧈ꦩꦭꦂꦲꦶꦁꦧꦺꦤ꧀ꦗꦁ꧈ꦲꦱꦶꦪꦣꦠꦼꦁꦩꦩꦶ
꧄ꦱꦶꦒꦿꦢꦁꦢꦤ꧀ꦱꦏꦛꦃꦲꦺꦥꦫꦒꦂꦮ꧈ꦱꦩꦾꦧꦸꦱꦤꦲꦢꦶ꧈ꦱꦶꦫꦩꦺꦤꦏ꧀ꦗꦶꦁꦒ꧈ꦱꦩ꧀ꦥꦸꦤ꧀ꦤꦿꦱꦸꦏ꧀ꦩꦏꦸꦛ꧈ꦲꦧꦸꦱꦤꦱꦂꦪꦲꦢꦶ꧈ꦲꦁꦔꦁꦒꦺꦗꦶꦩꦠ꧀​​ꦲꦧꦶꦒꦼꦭ꧀ꦱꦶꦭꦶꦃꦲꦱꦶꦃ
꧄ꦮꦸꦱ꧀ꦥꦭꦱ꧀ꦛꦩꦺꦤꦏ꧀ꦗꦶꦁꦒꦢꦺꦤ꧀ꦚꦢꦁꦢꦤ꧀​ꦱꦩ꧀ꦥꦸꦤ꧀ꦤꦤꦶꦠꦶꦃꦲꦶꦱ꧀ꦛꦶ꧈ꦲꦶꦁꦏꦁꦥꦫꦒꦂꦮ꧈ꦤꦶꦠꦶꦃꦗꦺꦴꦭꦶꦗꦩ꧀ꦥꦤ꧈ꦱꦢꦪꦠꦲꦸꦮꦸꦱ꧀ꦩꦶꦗꦶꦭ꧀ꦱꦏꦶꦁꦗꦿꦺꦴꦥꦸꦫ꧈ꦢꦸꦭꦸꦂꦭꦩ꧀ꦥꦃꦲꦶꦩꦂꦒꦶ
꧄ꦲꦮꦸꦫꦲꦤ꧀​​ꦲꦶꦁꦏꦁꦱꦩꦶꦤꦠꦠꦸꦤ꧀ꦝꦤ꧀​ꦠꦶꦠꦶꦪꦤ꧀ꦥꦫꦤ꧀ꦚꦲꦶ꧈ꦮꦸꦱ꧀ꦖꦲꦺꦴꦱ꧀ꦩꦫꦥꦒ꧀​ꦠꦸꦤ꧀ꦝꦤ꧀ꦏꦸꦢꦠꦶꦁꦠꦶꦁꦪꦁꦧꦣꦺꦲꦶꦁꦏꦁꦉꦩ꧀ꦧꦠ꧀ꦗꦺꦴꦭꦶꦮꦸꦱ꧀ꦱꦩꦶꦧꦸꦣꦭ꧀​ꦩꦸꦩꦾꦁꦒꦸꦩꦸꦫꦸꦃꦩꦂꦒꦶ
꧄ꦏꦁ​ꦭꦸꦩꦩ꧀ꦥꦃꦲꦶꦁꦔꦂꦱꦣꦣꦥꦿꦮꦶꦫ꧈ꦲꦢꦶꦥꦠꦶꦲꦶꦁꦧꦭꦶ꧈ꦲꦢꦶꦥꦠꦶꦏꦶꦤ꧀ꦖꦁ꧈ꦧꦤ꧀ꦝꦸꦁ​ꦭꦮꦤ꧀ꦕꦁꦕꦁꦔꦤ꧀​ꦱꦒꦼꦒꦩꦤ꧀ꦱꦲꦩꦤ꧀ꦠꦿꦶ꧈ [ f.32v ]ꦉꦩ꧀ꦥꦼꦒ꧀ꦒꦶꦁꦧꦭ꧈ꦫꦩꦺꦠꦸꦫꦁꦒꦩꦸꦤꦶ
꧄ꦲꦢꦶꦥꦠꦶꦥꦗꦫꦏ꧀ꦏꦤ꧀ꦠꦸꦒꦫꦤ꧈ꦲꦶꦁꦏꦁ​ꦭꦸꦩꦩ꧀ꦥꦃꦮꦸꦫꦶ꧈ꦱꦃꦲꦩꦤ꧀ꦠꦿꦶꦤꦶꦫ꧈ꦢꦶꦥꦠꦶꦥꦿꦧꦭꦶꦒ꧈ꦲꦢꦶꦥꦠꦶꦲꦶꦁ​ꦮꦭꦺꦫꦶꦱꦒꦼꦒꦩꦤ꧀ꦚ꧈ꦧꦤ꧀ꦢꦺꦫꦩꦤ꧀ꦖꦮꦂꦤꦶ꧈
꧄ꦠꦶꦤꦗꦸꦧꦸꦁꦒꦶꦤꦉꦧꦼꦢꦺꦤꦶꦁꦧꦭ꧈ꦮꦲꦸꦱꦿꦶꦤꦫꦥꦠꦶ꧈ꦠꦩ꧀ꦧꦸꦫꦺꦲꦔꦮꦁ꧈ꦲꦼꦒꦺꦴꦁꦧꦼꦤ꧀ꦝꦺꦱꦲꦸꦫꦤ꧀​ꦧꦣꦧꦏ꧀ꦱꦕꦫꦧꦭꦶ꧈ꦲꦁꦤ꧀ꦚꦼꦥꦼꦁꦩꦩꦱ꧀​ꦮꦲꦸꦥꦫꦏꦥꦶꦭꦶꦃ
꧄ꦪꦠꦮꦲꦸꦭꦩ꧀ꦥꦲꦺꦏꦶꦩꦺꦤꦏ꧀ꦗꦶꦁꦒ꧈ꦲꦱꦿꦲꦸꦩꦾꦁꦲꦶꦁꦩꦂꦒꦶ꧈ꦭꦶꦂꦱꦒꦫꦧꦼꦤ꧀ꦤ꧈ꦱꦺꦴꦁꦱꦺꦴꦁꦲꦮꦂꦤꦮꦂꦤ꧈ꦮꦲꦸꦏꦁꦥꦫꦧꦺꦴꦥꦠꦶ꧈ꦏꦁꦥꦼꦣꦼꦏ꧀ꦩꦂꦒ꧈ꦮꦺꦴꦁꦢꦺꦱꦱꦩꦶꦔꦶꦭꦶ
꧄ꦥꦣꦸꦱꦸꦤꦤ꧀ꦠꦶꦪꦁꦲꦭꦶꦠ꧀ꦱꦩꦶꦧꦸꦧꦂ꧈ꦩꦶꦁꦒꦃꦣꦠꦼꦁꦔꦶꦁꦔꦂꦢꦶ꧈ꦮꦲꦸꦱꦿꦶꦤꦭꦺꦤ꧀ꦢꦿꦮꦸꦱ꧀ꦭꦼꦥꦱ꧀ꦭꦩ꧀ꦥꦃꦲꦶꦫ꧈ꦭꦶꦂꦥꦺꦤ꧀ꦢꦃꦱꦺꦭꦧ꧀ꦭꦼꦏꦶꦛꦶꦭꦩ꧀ꦥꦃꦲꦶꦁꦧꦭ꧈ꦗꦼꦗꦼꦭ꧀ꦏꦼꦧꦼꦏ꧀ꦏꦶꦁꦩꦂꦒꦶ
꧄ꦮꦸꦱ꧀ꦏꦤ꧀ꦖꦶꦏꦤ꧀ꦠꦼꦥꦶꦱ꧀ꦮꦶꦫꦶꦁꦔꦺꦮꦺꦴꦁꦢꦲꦢꦺꦤꦶꦁꦢꦶꦥꦠꦶꦧꦭꦶ꧈ꦮꦺꦴꦁꦥꦩꦶꦁꦒꦶꦂꦢꦺꦱ꧈ꦔꦸꦁꦱꦶꦤꦒꦫꦶꦢꦲ꧈ꦧꦺꦧꦺꦏ꧀ꦏꦪꦩ꧀ꦩꦺꦏꦁꦏꦫꦶꦥꦣꦢꦺꦤ꧀​​ꦫꦪꦃ꧈ꦏꦼꦧꦺꦴꦢꦶꦱꦼꦩ꧀ꦧꦼꦭꦺꦲꦶ
꧄ꦱꦶꦤꦺꦮꦏꦱꦶꦫꦲꦢꦶꦥꦠꦶꦢꦲ꧈ꦥꦼꦥꦼꦏ꧀ꦥꦸꦁꦒꦮꦩꦤ꧀ꦠꦿꦶꦩꦶꦮꦃꦏꦁꦱꦤ꧀ꦠꦤ꧈ꦭꦸꦫꦃꦧꦼꦧꦼꦏꦼꦭ꧀ꦢꦺꦱ꧈ꦲꦸꦩꦠꦸꦂꦲꦶꦔꦢꦶꦥꦠꦶ꧈ [ f.33r ]ꦲꦧ꧀ꦢꦶꦱꦩ꧀ꦥꦺꦪꦤ꧀​ꦉꦱꦏ꧀ꦢꦶꦥꦸꦤ꧀ꦤꦿꦪꦲꦶ

꧄ꦥꦸꦃꦏꦼꦤꦁꦭꦼꦭꦠꦼꦁ
꧄ꦩꦺꦴꦗꦂꦲꦢꦶꦥꦠꦶꦢꦲ꧈ꦭꦩꦺꦴꦤ꧀ꦤꦶꦁꦱꦸꦤ꧀ꦩꦁꦏꦺꦩꦒꦸꦠ꧀ꦠꦗꦸꦫꦶꦠ꧀​ꦤꦢꦾꦤ꧀ꦠꦸꦩꦼꦏꦲꦭꦩ꧀ꦥꦸꦱ꧀​ꦏꦠꦺꦴꦤꦲꦶꦁꦱꦁꦤꦠ꧈ꦧꦼꦧꦼꦕꦶꦏꦺꦲꦮꦺꦃꦮꦼꦫꦸꦃꦩꦗꦭꦁꦔꦸ꧈ꦤꦢꦾꦤ꧀ꦤꦶꦁꦱꦸꦤ꧀ꦤꦪꦸꦢꦲꦪꦺꦤ꧀ꦮꦶꦱ꧀ꦏꦠꦸꦂꦲꦶꦁꦱꦁꦥꦸꦠꦿꦶ꧈
꧄ꦲꦺꦃꦪꦪꦶꦩꦺꦤꦏ꧀ꦱꦤ꧀ꦠꦼꦤꦤ꧀​ꦤꦸꦤꦸꦭꦶꦱ꧀ꦱꦧꦣꦺꦏꦺꦴꦤ꧀ꦗꦸꦏ꧀ꦱꦁꦥꦸꦠꦿꦶ꧈ꦫꦺꦤꦶꦁꦏꦲꦸꦁꦒꦲꦤ꧀ꦩꦸꦱꦸꦃꦫꦠꦸꦲꦶꦁꦧꦭꦁꦧꦁꦔꦤ꧀​ꦭꦃꦲꦸꦤꦶꦤꦺꦲꦶꦏꦸꦲꦤ꧀ꦗꦭꦸꦏ꧀ꦏꦧꦤ꧀ꦠꦸ꧈ꦲꦺꦃꦪꦪꦶꦱꦶꦫꦩꦶꦪꦁꦔ꧈ꦥꦿꦪꦺꦴꦒꦩꦠꦸꦂꦤꦂꦥꦠꦶ
꧄ꦩꦺꦤꦏ꧀ꦱꦤ꧀ꦠꦼꦤꦤ꧀ꦭꦸꦩꦩ꧀ꦥꦃꦤ꧀ꦚꦤ꧀ꦢꦼꦂꦤ꧀ꦚꦺꦴꦏꦾꦁꦮꦸꦱ꧀ꦥꦿꦥ꧀ꦠꦩꦗꦥꦲꦶ꧈ꦤꦮꦭꦤꦶꦫꦮꦸꦏꦺꦴꦤ꧀ꦗꦸꦏ꧀​ꦲꦶꦁꦱꦁꦥꦿ [ f.33v ]ꦧꦸꦮꦤꦺꦴꦢꦾ꧈ꦏꦁꦤꦮꦭꦤꦸꦭꦾꦲꦶꦁꦔꦸꦁꦏꦧꦤ꧀ꦱꦩ꧀ꦥꦸꦤ꧀​ꦢꦺꦤꦶꦁꦱꦁꦥꦿꦧꦸꦮꦤꦺꦴꦢꦾ꧈ꦮꦸꦱ꧀ꦧꦶꦤꦧꦂꦥꦸꦤꦁꦠꦸꦭꦶꦱ꧀꧄

꧁ꦥꦸꦃꦥꦠꦿꦠꦿꦸꦤ꧂
꧄ꦲꦤꦸꦲꦸꦤ꧀ꦢꦸꦏꦏꦮꦸꦭꦏꦠꦸꦂꦫꦲꦶꦁꦏꦁꦗꦼꦁꦒꦸꦱ꧀ꦠꦶ꧈ꦲꦧ꧀ꦢꦶꦱꦩ꧀ꦥꦺꦪꦤ꧀ꦥꦸꦤ꧀ꦢꦲ꧈ꦔꦠꦸꦂꦫꦏꦼꦤ꧀ꦥꦠꦶꦲꦸꦫꦶꦥ꧀​ꦠꦶꦮꦱ꧀ꦠꦼꦁꦒꦼꦤꦒꦫꦶ꧈ꦢꦺꦤꦶꦁꦏꦣꦠꦼꦁꦔꦤ꧀ꦩꦸꦱꦸꦃ꧈ꦱꦁꦥꦿꦧꦸꦧꦭꦁꦧꦁꦔꦤ꧀​ꦧꦭꦤ꧀ꦤꦶꦥꦸꦤ꧀ꦏꦛꦃꦥꦿꦥ꧀ꦠꦶ꧈ꦤꦸꦲꦸꦤ꧀ꦧꦤ꧀ꦠꦸꦏꦮꦸꦭꦧꦺꦴꦤ꧀ꦠꦼꦤ꧀ꦏꦮꦮ
꧄ꦩꦁꦏꦤꦲꦸꦔꦼꦭ꧀ꦭꦶꦁꦱꦼꦫꦠ꧀​ꦥꦿꦧꦸꦲꦺꦱ꧀ꦠꦿꦶꦩꦗꦥꦲꦶꦠ꧀​​ꦲꦁꦔꦤ꧀ꦢꦶꦏꦣꦠꦼꦁꦫꦒ꧈ꦲꦒꦮꦺꦪꦱꦸꦫꦠ꧀ꦏꦭꦶꦃ꧈ꦩꦿꦶꦁꦩꦤ꧀ꦢꦶꦥꦠꦶꦠꦸꦧꦶꦤ꧀​ꦱꦮꦶꦗꦶꦱꦸꦫꦠ꧀ꦥꦸꦤꦶꦏꦸ꧈ꦏꦁꦱꦮꦶꦗꦶꦩꦿꦶꦁꦢꦲ꧈ꦫꦁꦒꦩꦶꦤꦁꦱꦿꦪꦤꦸꦭꦶꦱ꧀​ꦏꦮꦂꦤꦲ꧈ꦮꦸꦱ꧀ꦢꦢꦾꦥꦸꦤꦁꦤꦮꦭ
꧄ꦮꦸꦱ꧀ꦏꦠꦸꦂꦣꦠꦼꦁꦱꦁꦤꦠ꧈ꦲꦁꦔꦤ꧀ꦢꦶꦏꦥꦿꦧꦸꦲꦺꦱ꧀ꦠꦿꦶ꧈ꦭꦪꦁꦏꦸꦩꦶꦠꦶꦂꦩꦶꦪꦁꦔ꧈ꦩꦿꦶꦁꦥꦩꦤ꧀ꦢꦶꦥꦠꦶꦠꦸꦧꦶꦤ꧀​​ꦲꦠꦼꦂꦤꦱꦸꦫꦠ꧀ꦩꦩꦶ꧈ꦥꦺꦴꦩꦲꦶꦏꦶꦢꦶꦥꦸꦤ꧀ꦏꦠꦸꦂ꧈ꦒꦮꦲꦏꦗꦶꦤꦼꦩꦤ꧀​ꦗꦒꦧꦺꦭꦢꦸꦫꦥꦠꦶ꧈ꦱꦃꦏꦼꦫꦶꦒꦼꦤ꧀​ꦱꦶꦫꦲꦩ꧀ꦧꦤ꧀ꦗꦸꦫꦥꦼꦫꦁ
꧄ꦲꦺꦃꦭꦪꦁꦱꦺꦠꦿꦩꦶꦪꦁꦔ꧈ꦲꦠꦼꦂꦉꦤ꧀ꦤꦱꦸꦫꦠ꧀ꦩꦩꦶ꧈ꦩꦫꦁꦲꦢꦶꦥꦠꦶꦢꦲ꧈ꦲꦤꦶꦠꦶꦲꦤꦒꦗꦸꦫꦶꦠ꧀​ꦱꦏꦺꦃꦩꦤ꧀ꦖꦤꦒꦫꦶꦥꦣꦢꦸꦤꦼꦤ꧀ꦤꦥꦿꦁꦥꦸꦥꦸꦃ꧈ꦒꦮꦲ [ f.34r ]ꦥꦼꦫꦁꦠꦤ꧀ꦢꦁꦗꦒꦧꦺꦭꦢꦸꦫꦥꦠꦶ꧈ꦲꦗꦩꦸꦭꦶꦃꦲꦩ꧀ꦧꦤ꧀ꦗꦸꦫꦲꦶꦔꦪꦸꦢ
꧄ꦥꦸꦤ꧀ꦭꦪꦁꦱꦺꦠꦿꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦱꦏꦛꦃꦲꦺꦗꦒꦧꦺꦭ꧈ꦏꦗꦶꦤꦺꦩꦤ꧀​ꦢꦸꦫꦥꦠꦶꦥꦼꦫꦁꦠꦤ꧀ꦢꦁꦠꦤ꧀ꦏꦫꦶ꧈ꦏꦶꦤꦼꦫꦶꦒ꧀ꦱꦧꦠꦸꦂꦫꦶꦥꦸꦤ꧀​ꦮꦠꦫꦏꦮꦤ꧀ꦤꦩ꧀​ꦧꦁ꧈ꦱꦢꦪꦱꦩ꧀ꦥꦸꦤ꧀ꦥꦶꦤꦭꦶꦃ꧈ꦏꦁꦱꦥꦶꦤ꧀ꦝꦃꦠꦸꦩꦸꦠ꧀ꦝꦠꦼꦁ​ꦭꦪꦁꦱꦺꦠꦿ
꧄ꦱꦩꦶꦲꦤꦶꦠꦶꦃꦠꦸꦫꦁꦒꦢꦠꦤ꧀ꦏꦮꦂꦤꦲꦶꦁꦩꦂꦒꦶ꧈ꦮꦲꦸꦠꦲꦶꦁꦏꦁꦏꦺꦴꦕꦥ꧀ꦥ꧈ꦏꦶꦪꦢꦶꦥꦠꦶꦠꦸꦧꦶꦤ꧀​​ꦲꦥꦤ꧀ꦏꦕꦠꦸꦂꦱꦶꦁꦒꦶꦃꦪꦺꦤ꧀ꦤꦿꦺꦴꦫꦺꦴꦱꦢꦸꦭꦸꦂꦫꦶꦥꦸꦤ꧀​​ꦲꦶꦱ꧀ꦠꦿꦶꦲꦶꦁꦏꦁꦔꦠꦸꦮ꧈ꦢꦶꦥꦠꦶꦠꦸꦧꦤ꧀ꦮꦸꦫꦒꦶꦭ꧀​​ꦲꦶꦏꦁꦫꦏ꧈ꦏꦒꦂꦮꦲꦶꦧꦿꦮꦶꦗꦪ
꧄ꦲꦢꦂꦧꦺꦥꦸꦠꦿꦱꦤꦸꦁꦒꦭ꧀​ꦤꦼꦁꦒꦶꦃꦩꦶꦪꦺꦴꦱ꧀ꦥꦿꦧꦸꦲꦺꦱ꧀ꦠꦿꦶ꧈ꦥꦤ꧀ꦏꦥꦼꦂꦤꦃꦏꦥꦺꦴꦤꦏꦤ꧀​ꦩꦫꦁꦲꦢꦶꦥꦠꦶꦠꦸꦧꦶꦤ꧀​ꦏꦁꦔꦶꦧꦸꦱꦩ꧀ꦥꦸꦤ꧀ꦩꦠꦶ꧈ꦱꦥꦸꦤꦶꦏꦏꦤ꧀ꦝꦤꦶꦥꦸꦤ꧀​ꦏꦶꦫꦁ​ꦒꦭꦮꦺꦠꦸꦧꦤ꧀​ꦩꦶꦪꦺꦴꦱ꧀ꦱꦶꦤꦺꦧꦲꦶꦁꦩꦤ꧀ꦠꦿꦶ꧈ꦥꦼꦥꦼꦏ꧀​ꦏꦧꦺꦃꦱꦒꦸꦁꦔꦶꦁꦩꦤ꧀ꦠꦿꦶꦲꦱꦺꦧ
꧄ꦭꦪꦁꦏꦸꦩꦶꦠꦶꦂꦮꦸꦱ꧀ꦥꦿꦥ꧀ꦠꦔꦂꦱꦤ꧀ꦤꦺꦢꦶꦥꦠꦶꦠꦸꦧ꧀ꦧꦶꦤ꧀​ꦭꦪꦁꦏꦸꦩꦶꦠꦶꦂꦲꦁꦔꦸꦕꦥ꧀​ꦱꦸꦩꦁꦒꦏꦂꦱꦤꦂꦥꦠꦶ꧈ꦏꦠꦸꦂꦱꦁꦔꦢꦶꦥꦠꦶ꧈ꦤꦮꦭꦠꦶꦤꦩ꧀ꦥꦤ꧀ꦱꦩ꧀ꦥꦸꦤ꧀​​ꦲꦤꦸꦭꦾꦲꦶꦁꦔꦸꦁꦏꦧ꧀ꦧꦤ꧀​​ꦲꦸꦊꦱ꧀ꦱꦺꦠꦭꦸꦏꦶꦏꦸꦤꦶꦁ꧈ꦮꦸꦱ꧀ꦮꦶꦤꦕ꧈ꦤꦮꦭꦢꦺꦤꦶꦁꦏꦶꦲꦂꦪ
꧄ꦏꦠꦸꦂꦫꦱꦼꦩ꧀ꦧꦃꦏꦮꦸꦭꦥꦿꦧꦸꦲꦺꦱ꧀ꦠꦿꦶꦩꦗꦥꦲꦶꦠ꧀​ꦣꦸꦩꦠꦼꦁꦔꦩꦿꦶꦁꦥꦸꦤ꧀ꦥꦩꦤ꧀꧈ꦏꦁ​ꦊꦁ [ f.34v ]ꦒꦃꦤꦒꦫꦶꦠꦸꦧꦶꦤ꧀​ꦮꦶꦪꦺꦴꦱ꧀ꦱꦶꦥꦸꦤ꧀ꦏꦁꦠꦸꦭꦶꦱ꧀ꦩꦸꦁꦢꦶꦏꦮꦺꦴꦁꦠꦸꦮꦤꦶꦁꦱꦸꦤ꧀​ꦒꦼꦒꦼꦤ꧀ꦠꦶꦤꦺꦥꦸꦤ꧀ꦧꦥ꧈ꦥꦩꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦏꦭꦶꦃ꧈ꦏꦁꦥꦿꦪꦺꦴꦒꦔꦸꦤ꧀ꦢꦸꦂꦉꦤ꧀ꦤꦩꦸꦱꦸꦃꦥꦿꦥ꧀ꦠ꧈
꧄ꦔꦺꦴꦁꦠꦼꦩ꧀ꦥꦸꦃꦲꦏꦼꦤ꧀ꦥꦸꦤ꧀ꦥꦩꦤ꧀ꦩꦸꦱꦸꦃꦧꦁ​ꦮꦺꦠꦤ꧀ꦏꦁꦥꦿꦥ꧀ꦠꦶ꧈ꦩꦁꦱꦧꦺꦴꦫꦺꦴꦁꦔꦥꦸꦤ꧀ꦥꦩꦤ꧀​​ꦲꦩꦿꦶꦪꦺꦴꦒꦲꦔꦗꦸꦫꦶꦠ꧀​ꦥꦤ꧀ꦤꦶꦁꦔꦺꦴꦁꦫꦠꦸꦲꦺꦱ꧀ꦠꦿꦶꦒꦉꦧꦾꦸꦃꦏꦮꦿꦠꦤ꧀ꦥꦶꦤ꧀ꦗꦸꦁ꧈ꦥꦺꦴꦩꦥꦩꦤ꧀ꦢꦶꦥꦠꦾ꧈ꦲꦶꦭꦁꦔꦼꦤ꧀ꦤꦏꦁꦏꦭꦶꦭꦶꦥ꧀​ꦱꦥꦸꦤꦶꦏ꧈ꦲꦸꦔꦼꦭ꧀ꦭꦺꦲꦶꦁꦏꦁꦤꦮꦭ꧀ꦭ꧈
꧄ꦏꦒꦺꦠ꧀ꦠꦢꦶꦥꦠꦶꦠꦸꦧꦤ꧀​​ꦲꦁꦔꦸꦱꦥ꧀ꦗꦗꦥꦿꦶꦧꦢꦶ꧈ꦥꦿꦧꦸꦫꦫꦏꦸꦫꦁꦠꦺꦒ꧈ꦲꦢꦂꦧꦺꦥꦩꦤ꧀ꦤꦶꦁꦩꦩꦶ꧈ꦩꦁꦱꦲꦗꦿꦶꦪꦥꦠꦶ꧈ꦫꦺꦁꦲꦶꦁꦱꦸꦤ꧀​ꦩꦺꦴꦁꦩꦺꦴꦁꦱꦁꦥꦿꦧꦸ꧈ꦧꦺꦴꦗꦂꦢꦶꦥꦠꦶꦠꦸꦧꦤ꧀​ꦢꦺꦤ꧀ꦤꦏꦼꦧꦠ꧀ꦱꦁꦒꦭꦁꦔꦶꦠ꧀​​ꦲꦤꦧꦸꦮꦠꦁꦔꦫꦲꦩꦼꦥꦼꦏ꧀ꦧꦭ
꧄ꦤꦼꦁꦒꦶꦃꦥꦥꦠꦶꦃꦲꦶꦁꦠꦸꦧꦤ꧀​​ꦲꦫꦤ꧀ꦢꦼꦩꦁꦱꦁꦒꦭꦔꦶꦠ꧀​ꦭꦤ꧀ꦢꦼꦩꦁꦗꦸꦫꦁꦒꦫꦮ꧈ꦏꦗꦶꦤꦼꦩꦤ꧀ꦤꦿꦸꦗꦏ꧀ꦧꦼꦭ꧀ꦭꦶꦁ꧈ꦭꦮꦤ꧀ꦥꦸꦤ꧀ꦏꦶꦭꦠ꧀ꦛꦛꦶꦠ꧀​ꦥꦤ꧀ꦱꦩꦶꦮꦺꦴꦁꦠꦼꦒꦸꦃꦠꦶꦩ꧀ꦧꦸꦭ꧀​ꦠꦠꦺꦲꦁꦔꦼꦭꦂꦗꦗ꧈ꦲꦁꦱꦿꦶꦁꦫꦁꦱꦁꦧꦺꦴꦭꦸꦮꦂꦠꦶ꧈ꦲꦶꦁꦥꦱꦺꦧꦤ꧀ꦱꦩ꧀ꦥꦸꦤ꧀ꦤꦤꦧꦸꦃꦠꦼꦁꦔꦫ
꧄ꦭꦺꦴꦤ꧀ꦖꦺꦁꦏꦭꦶꦃꦮꦸꦱ꧀ꦒꦶꦤꦺꦴꦪꦁꦲꦢꦁꦔꦸꦱꦠꦼꦔꦃꦲꦫꦶ꧈ꦧꦭꦠꦸꦧꦤ꧀ꦱꦩꦶꦥꦿꦥ꧀ꦠ꧈ꦩꦼꦫꦁꦒꦸꦏꦁꦒꦿꦶꦪꦠꦼꦧꦶꦃ꧈ꦮꦸꦱ꧀ꦥꦼꦥꦼꦏ꧀ꦥꦤ꧀ꦖꦤꦶꦠꦶ꧈ꦲꦤ꧀ꦚꦼꦥꦼꦁꦒꦒꦩꦤ꧀ꦤꦶꦥꦸꦤ꧀​ꦥꦤ꧀ꦱꦩꦶꦧꦧꦫꦶꦱꦤ꧀​ꦱꦲꦧꦭꦤꦺꦮꦺꦴꦁꦠꦸꦧꦶꦤ꧀​ꦮꦸꦱ꧀ꦥꦼꦥꦼꦏꦤ꧀ꦩꦤ꧀ꦠꦿꦶ [ f.35r ]ꦏꦭꦮꦤ꧀ꦱꦤ꧀ꦠꦤ
꧄ꦲꦸꦱꦂꦲꦶꦫꦏꦮꦤ꧀ꦢꦱꦲꦧꦫꦶꦱ꧀ꦱꦲꦠꦸꦫꦁꦒꦶ꧈ꦭꦭꦪꦸꦔꦢꦼꦒ꧀ꦭꦶꦂꦠꦺꦠ꧈ꦧꦤ꧀ꦢꦺꦫꦤꦺꦭꦸꦱꦶꦂꦏꦸꦤꦶꦁ꧈ꦧꦸꦁꦔꦩ꧀ꦥꦺꦭ꧀ꦮꦲꦺꦴꦱ꧀ꦗꦶꦁꦒꦿꦶꦁ꧈ꦧꦼꦤꦁꦧꦭꦺꦫꦺꦁꦲꦏꦸꦩ꧀ꦥꦸꦭ꧀​ꦱꦭꦸꦫꦃꦔꦭꦶꦃꦢꦱ꧈ꦮꦸꦱ꧀ꦠꦠꦧꦫꦶꦱ꧀ꦱꦶꦔꦸꦧꦶꦤ꧀​ꦠꦶꦁꦒꦊꦧꦾꦂꦭꦶꦂꦛꦛꦶꦠ꧀ꦧꦫꦸꦁ​ꦭꦤ꧀ꦏꦶꦭꦠ꧀
꧄ꦏꦶꦪꦢꦶꦥꦠꦶꦲꦶꦁꦠꦸꦧꦤ꧀​​ꦲꦥꦩꦶꦠ꧀ꦠꦶꦁꦥꦫꦫꦧꦶ꧈ꦲꦠ꧀ꦩꦗꦤꦶꦫꦠꦶꦠꦶꦒ꧈ꦥꦮꦺꦱ꧀ꦠꦿꦶꦲꦶꦁꦏꦁꦱꦮꦶꦗꦶ꧈ꦲꦫꦤ꧀ꦢꦺꦮꦶꦱꦏꦠꦶ꧈ꦲꦠ꧀ꦩꦗꦤꦶꦫꦏꦁꦱꦼꦥꦸꦃ꧈ꦥꦁꦒꦸꦭꦸꦤꦺꦥꦸꦤꦶꦏꦫꦢꦺꦤ꧀ꦧꦸꦤ꧀ꦠꦂꦫꦤ꧀ꦤꦥ꧀ꦥꦼꦏꦶꦏ꧀​​ꦮꦸꦫꦒꦶꦭ꧀ꦭꦺ꧈ꦲꦮꦱ꧀ꦠꦫꦢꦺꦤ꧀ꦮꦠꦁꦔꦤ꧀
꧄ꦥꦤ꧀ꦢꦺꦫꦺꦔ꧀ꦮꦺꦴꦤ꧀ꦠꦼꦤ꧀ꦤꦏꦿꦩ꧈ꦥꦸꦠꦿꦲꦶꦱ꧀ꦠꦿꦶꦮꦸꦱ꧀ꦧꦶꦫꦲꦶ꧈ꦲꦠ꧀ꦩꦗꦤꦶꦫꦏꦁ​ꦭꦤꦁ꧈ꦢꦶꦮꦼꦒ꧀ꦱꦩꦶꦧꦼꦧꦼꦏꦸꦏ꧀ꦏꦶ꧈ꦤꦼꦁꦒꦶꦃꦲꦶꦁꦏꦁꦱꦮꦶꦗꦶꦲꦸꦩꦸꦂꦒꦁꦱꦭ꧀ꦮꦼꦭꦱ꧀ꦠꦲꦸꦤ꧀​​ꦪꦠꦫꦢꦺꦤ꧀ꦮꦠꦁꦔꦤ꧀​​ꦲꦸꦩꦸꦂꦠꦶꦒꦮꦼꦭꦱ꧀ꦮꦂꦱꦶ꧈ꦱꦩꦾꦩꦺꦴꦤ꧀ꦛꦃꦏꦼꦢꦃꦠꦸꦩꦸꦠ꧀ꦠꦶꦁꦏꦁꦫꦩ
꧄ꦱꦏꦛꦲꦺꦥꦫꦒꦂꦮꦱꦢꦪꦱꦩꦶꦤꦸꦁꦏꦼꦩꦶ꧈ꦩꦺꦴꦗꦂꦲꦢꦶꦥꦠꦶꦠꦸꦧꦤ꧀​​ꦲꦶꦱꦸꦤ꧀​​ꦪꦪꦶꦤꦺꦴꦫꦭꦩꦶ꧈ꦤꦸꦭꦶꦲꦒꦼꦭꦶꦱ꧀ꦥꦿꦥ꧀ꦠꦶ꧈ꦪꦺꦤ꧀ꦱꦩ꧀ꦥꦸꦤ꧀ꦤꦥꦿꦁꦔꦥꦸꦥꦸꦃ꧈ꦱꦥꦪꦺꦴꦒꦾꦤꦺꦧꦪ꧈ꦏꦁ​ꦮꦤꦶꦲꦩꦒꦸꦠ꧀ꦗꦸꦫꦶꦠ꧀​ꦔꦸꦤ꧀ꦢꦸꦂꦉꦤ꧀ꦤꦩꦸꦱꦸꦃꦲꦒꦸꦃꦲꦶꦁꦏꦁꦥꦿꦥ꧀ꦠ
꧄ꦥꦸꦠꦿꦏꦭꦶꦃꦱꦁꦔꦼꦠ꧀ꦩꦺꦴꦭꦂ꧈ꦏꦼꦢꦃꦲꦩꦶꦭꦸꦲꦗꦸꦫꦶꦠ꧀​​ꦪꦠꦲꦢꦶꦥꦠꦶꦠꦸꦧꦤ꧀​​ꦲꦁꦔꦶꦩꦸꦂꦏꦁ​ꦥꦫꦫꦧ꧀ꦧꦶ꧈ꦏꦕꦠꦸꦂꦠꦶꦒꦁ​ꦮꦼꦁꦔꦶ꧈ꦒꦺꦤ꧀ꦚꦲꦤꦸꦮꦸꦏꦶꦏꦪꦸꦤ꧀​ꦱꦩ꧀ꦥꦸ [ f.35v ]ꦠꦼꦏꦺꦃꦱꦼꦩꦪ꧈ꦮꦼꦮꦼꦏꦱ꧀ꦱꦺꦮꦤ꧀ꦠꦶꦮꦤ꧀ꦠꦶ꧈ꦤꦶꦱꦏꦠꦶ꧈ꦲꦤꦸꦁꦏꦼꦩ꧀ꦩꦶꦩꦿꦶꦁꦏꦁꦫꦩ꧈
꧄ꦲꦁꦔꦸꦕꦥ꧀ꦱꦂꦮꦶꦏꦫꦸꦤ꧀ꦤꦫꦩꦱꦩ꧀ꦥꦸꦤ꧀ꦭꦩꦶꦭꦩꦶ꧈ꦢꦶꦥꦠꦶꦠꦸꦧꦤ꧀ꦤꦁꦔꦸꦕꦥ꧀​​ꦲꦶꦁꦱꦸꦤ꧀ꦤꦿꦫꦤꦺꦴꦫꦭꦩꦶ꧈ꦤꦸꦭꦾꦲꦒꦼꦭꦶꦱ꧀ꦥꦿꦥ꧀ꦠꦶ꧈ꦲꦠ꧀ꦩꦗꦗꦭꦸꦲꦩꦸꦮꦸꦱ꧀​ꦏꦮꦸꦭꦠꦸꦩꦸꦠ꧀ꦠꦥꦿꦁꦱꦪꦏ꧀ꦠꦶꦤꦺꦭꦸꦩꦸꦃꦏꦫꦶ꧈ꦮꦸꦱ꧀ꦗꦩꦏ꧀ꦏꦺꦥꦸꦠꦿꦭꦤꦁꦩꦶꦭꦸꦲꦥꦿꦁ
꧄ꦢꦶꦥꦠꦶꦠꦸꦧꦤ꧀ꦔꦤ꧀ꦢꦶꦏ꧈ꦥꦸꦠꦿꦔꦺꦴꦁꦒꦮꦤꦼꦤ꧀ꦝꦶꦁꦔꦶꦤ꧀​ꦢꦼꦩꦁꦒꦛꦸꦭ꧀ꦢꦶꦲꦏꦼꦧꦠ꧀​ꦥꦸꦠꦿꦔꦺꦴꦁꦱꦸꦤ꧀ꦒꦮꦗꦸꦫꦶꦠ꧀​ꦏꦶꦢꦼꦩꦁꦲꦮꦺꦴꦠ꧀ꦱꦫꦶ꧈ꦱꦩ꧀ꦥꦸꦤ꧀ꦏꦢꦸꦒꦲꦶꦁꦱꦼꦩꦸꦱꦶꦒꦿꦫꦢꦺꦤ꧀ꦧꦸꦤ꧀ꦠꦫꦤ꧀​​ꦫꦢꦺꦤ꧀ꦮꦠꦁꦔꦤ꧀ꦔꦱ꧀ꦠꦸꦠꦶ꧈ꦮꦸꦱ꧀ꦧꦶꦤꦏ꧀ꦠꦕꦁꦏꦿꦩꦣꦠꦼꦁꦔꦶꦁ​ꦮꦤ
꧄ꦱꦩ꧀ꦥꦸꦤ꧀ꦏꦠꦸꦁꦏꦸꦭ꧀ꦏꦁꦥꦸꦠꦿꦏꦶꦪꦢꦶꦥꦠꦶꦲꦶꦁꦠꦸꦧꦶꦤ꧀​ꦱꦩ꧀ꦥꦸꦤ꧀ꦤꦁꦫꦱꦸꦏ꧀ꦧꦸꦱꦤꦱꦏꦥꦿꦧꦸꦤ꧀ꦤꦶꦁꦔꦗꦸꦫꦶꦠ꧀​​ꦲꦒꦼꦭꦁꦲꦤ꧀ꦠꦶꦁꦲꦤ꧀ꦠꦶꦁꦏꦶꦭꦠ꧀ꦧꦲꦸꦭꦤ꧀ꦏꦼꦏꦭꦸꦁ꧈ꦫꦶꦤꦺꦏꦲꦶꦁꦏꦤ꧀ꦖꦤ꧈ꦠꦶꦤꦫꦺꦠꦺꦱ꧀ꦲꦶꦤ꧀ꦠꦼꦤ꧀ꦤꦢꦶ꧈ꦔꦁꦒꦺꦥꦼꦣꦁꦣꦸꦲꦸꦁꦤ꧀ꦚꦸꦫꦶꦒꦱꦏꦮꦤ꧀
꧄ꦮꦸꦱ꧀ꦩꦶꦪꦺꦴꦱ꧀ꦢꦶꦥꦠꦶꦠꦸꦧꦤ꧀​ꦱꦶꦒꦿꦲꦤꦶꦠꦶꦃꦠꦸꦫꦁꦒꦶ꧈ꦱꦸꦩꦲꦧ꧀ꦭꦩ꧀ꦥꦃꦲꦶꦁꦧꦭ꧈ꦏꦢꦶꦲꦸꦢꦤ꧀ꦱꦶꦤꦩꦺꦤ꧀ꦤꦶ꧈ꦤꦼꦁꦒꦶꦃꦥꦸꦤ꧀ꦏꦶꦭꦠ꧀ꦛꦛꦶꦠ꧀ꦏꦁꦢꦢꦶꦕꦸꦕꦸꦏ꧀ꦏꦶꦁ​ꦭꦏꦸ꧈ꦫꦱꦸꦏꦤ꧀ꦏꦼꦫꦺꦮꦗ꧈ꦲꦕꦼꦭꦤꦫꦤ꧀ꦠꦺꦮꦼꦱꦶ꧈ꦤꦶꦠꦶꦃꦏꦸꦢ꧈ꦥꦼꦣꦁꦔꦺꦏꦁꦱꦂꦲꦶꦁ​ꦊꦩꦃ
꧄ꦢꦠꦤ꧀ꦏꦮꦂꦤꦲꦶꦁꦩꦂꦒ꧈ꦏꦶꦪꦢꦶꦥꦠꦶꦲꦶꦁꦠꦸꦧꦶꦤ꧀​ꦱꦏꦺꦲꦺꦩꦤ꧀ꦖꦤꦼꦒꦫ꧈ꦱꦢꦪꦱꦩꦾꦏꦶꦤꦼꦫꦶꦒ꧀​ꦱꦮꦲꦤ [ f.36r ]ꦲꦗꦸꦫꦶꦠ꧀​ꦢꦶꦥꦠꦶꦭꦱꦼꦩ꧀ꦱꦶꦢꦪꦸ꧈ꦲꦶꦁ​ꦮꦫꦸꦁꦒꦫꦺꦴꦧꦺꦴꦒꦤ꧀ꦢꦶꦥꦠꦶꦉꦩ꧀ꦧꦁꦒꦉꦱꦶꦏ꧀​​ꦲꦢꦶꦥꦠꦶꦏꦭꦁꦧꦿꦺꦠ꧀ꦭꦮꦤ꧀ꦧꦭꦺꦴꦫ
꧄ꦢꦶꦥꦠꦶꦗꦶꦥꦁꦥꦤꦺꦴꦭꦤ꧀​​ꦲꦶꦁꦗꦶꦁꦒꦤ꧀ꦭꦤ꧀ꦥꦸꦤꦫꦒꦶ꧈ꦏꦢꦸꦮꦁ​ꦭꦤ꧀ꦥꦩꦒꦼꦠꦤ꧀​ꦩꦢꦶꦪꦸꦤ꧀ꦭꦤ꧀ꦱꦸꦫꦧꦁꦒꦶ꧈ꦢꦼꦩꦏ꧀ꦗꦼꦥꦫꦔꦶꦫꦶꦁ꧈ꦢꦶꦥꦠꦶꦏꦥꦸꦠꦿꦤ꧀ꦤꦿꦮꦸꦃ꧈ꦱꦩ꧀ꦥꦸꦤ꧀ꦢꦢꦺꦴꦱꦠꦸꦒꦭ꧀​ꦒꦒꦩꦤ꧀ꦩꦤ꧀ꦖꦤꦒꦫꦶ꧈ꦪꦺꦤ꧀ꦱꦶꦤꦮꦁꦏꦢꦶꦲꦂꦢꦶꦏꦮꦭꦒꦂ
꧄ꦭꦪꦁꦏꦸꦩꦶꦠꦶꦂꦥꦸꦤꦶꦏ꧈ꦤꦶꦠꦶꦃꦏꦸꦢꦲꦤꦺꦁ​ꦮꦸꦫꦶ꧈ꦒꦶꦤꦉꦧꦼꦒ꧀ꦥꦶꦤꦪꦸꦔꦤ꧀​ꦢꦺꦤ꧀ꦤꦶꦫꦶꦁ​ꦮꦺꦴꦁꦢꦸꦫꦥꦠꦶ꧈ꦒꦒꦩꦤ꧀ꦩꦗꦥꦲꦶꦠ꧀​ꦱꦒꦺꦴꦭꦺꦴꦁꦔꦤ꧀​​ꦲꦤꦺꦁꦥꦸꦁꦏꦸꦂ꧈ꦧꦤ꧀ꦢꦺꦫꦮꦂꦤꦮꦂꦤ꧈ꦲꦢꦸꦭꦸꦂꦲꦤꦁꦔꦶꦁꦩꦂꦒꦶ꧈ꦏꦢꦶꦏꦶꦭꦠ꧀ꦒꦼꦧꦾꦂꦫꦺꦱꦤ꧀ꦗꦠꦭꦤꦁ
꧄ꦪꦺꦤ꧀ꦥꦶꦤꦶꦂꦱꦏꦁꦒꦩꦼꦭꦤ꧀​ꦭꦶꦂꦠꦫꦸꦱꦼꦣꦼꦁꦔꦺꦱꦼꦩꦶ꧈ꦲꦁ​ꦊꦉꦱ꧀ꦱꦶꦭꦧꦸꦃꦏꦥꦠ꧀​ꦏꦢꦾꦪꦪꦁꦩꦸꦁꦒꦺꦁꦠꦸꦭꦶꦱ꧀​ꦱꦸꦉꦩ꧀ꦏꦁꦧꦤꦱ꧀ꦥꦠꦶ꧈ꦏꦭꦶꦁꦔꦤ꧀ꦢꦺꦤꦶꦁ​ꦭꦭꦪꦸꦲꦺꦤ꧀ꦝꦺꦏꦺꦴꦩ꧀ꦧꦭꦧꦣꦏ꧀​ꦥꦼꦣꦁꦠꦩꦺꦁ​ꦮꦲꦺꦴꦱ꧀ꦗꦶꦁꦒꦿꦶꦁ꧈ꦲꦮꦸꦫꦲꦤ꧀​​ꦲꦮꦺꦴꦂꦥꦁꦫꦶꦏ꧀ꦏꦶꦁꦠꦸꦫꦒ
꧄ꦱꦩꦤꦮꦸꦱ꧀ꦩꦱꦁꦒꦿꦲꦤ꧀ꦏꦶꦪꦢꦶꦥꦠꦶꦲꦶꦁꦠꦸꦧꦶꦤ꧀​ꦱꦩꦶꦥꦱꦁꦥꦧꦶꦠꦶꦁꦔꦤ꧀​ꦱꦏꦺꦲꦺꦩꦤ꧀ꦖꦤꦒꦫꦶ꧈ꦱꦧꦿꦁꦏꦶꦭꦺꦤ꧀ꦤꦶꦁꦫꦮꦶ꧈ꦲꦣꦸꦮꦸꦂꦏꦼꦏꦫꦱ꧀ꦱꦶꦥꦸꦤ꧀​ꦮꦲꦸꦢꦠꦤ꧀ꦏꦮꦂꦤ꧈ꦲꦶꦁꦏꦁꦔꦗꦼꦁꦔꦏꦼꦤ꧀ꦗꦸꦫꦶꦠ꧀​ꦏꦮꦂꦤꦲꦭꦩ꧀ꦥꦃꦲꦺꦏꦶꦭ [ f.36v ]ꦪꦁꦱꦺꦠꦿ
꧄ꦏꦶꦪꦲꦢꦶꦥꦠꦶꦢꦲꦩꦶꦪꦺꦴꦱ꧀ꦱꦶꦤꦺꦧꦲꦶꦁꦩꦤ꧀ꦠꦿꦶ꧈ꦏꦶꦭꦪꦁꦱꦺꦠꦿꦮꦸꦱ꧀ꦥꦿꦥ꧀ꦠ꧈ꦥꦶꦤꦫꦶꦁꦔꦏꦼꦤ꧀ꦠꦸꦩꦸꦭꦶ꧈ꦩꦫꦁꦱꦁꦔꦢꦶꦥꦠꦶ꧈ꦤꦮꦭꦠꦶꦤꦩ꧀ꦥꦤ꧀ꦱꦩ꧀ꦥꦸꦤ꧀​ꦩꦫꦁꦢꦶꦥꦠꦶꦢꦲ꧈ꦮꦸꦱ꧀ꦮꦶꦤꦕꦥꦸꦤꦁꦠꦸꦭꦶꦱ꧀​ꦭꦩꦠ꧀ꦱꦼꦫꦠ꧀ꦠꦸꦩꦼꦏꦲꦲꦶꦁꦱꦶꦢꦲ
꧄ꦥꦺꦁꦔꦼꦠ꧀ꦥꦸꦤꦶꦏꦏꦁꦱꦸꦫꦠ꧀ꦭꦪꦁꦔꦺꦱꦁꦥꦿꦧꦸꦲꦺꦱ꧀ꦠꦿꦶ꧈ꦱꦶꦫꦢꦸꦫꦸꦁꦧꦧꦏ꧀ꦧꦸꦤ꧀ꦚꦏ꧀​ꦤꦸꦭꦾꦲꦏꦺꦤ꧀ꦤꦩ꧀ꦧꦤ꧀ꦠꦺꦴꦤꦶ꧈ꦪꦺꦤ꧀ꦱꦶꦫꦮꦼꦢꦶꦩꦠꦶ꧈ꦲꦁꦔꦸꦂꦭꦃꦲꦒꦺꦪꦥꦶꦤ꧀ꦗꦸꦁ꧈ꦢꦺꦤ꧀ꦤꦶꦁꦮꦸꦱ꧀ꦱꦮꦶꦧꦮ꧈ꦲꦁꦫꦺꦃꦲꦶꦁꦮꦺꦴꦁꦱꦤꦼꦒꦫꦶ꧈ꦧꦺꦴꦏ꧀ꦏꦶꦪꦲ꧈ꦮꦤꦶꦪꦪꦸꦢꦏꦼꦤ꧀ꦤꦏ꧈꧃

[ f.37r ]

꧄ꦩꦺꦴꦗꦂꦲꦢꦶꦥꦠꦶꦢꦲꦧꦼꦭꦺꦃꦲꦶꦁꦱꦸꦤ꧀ꦭꦩꦺꦴꦤ꧀ꦤꦗꦶꦪꦩꦠꦶ꧈ꦤꦢꦾꦤ꧀ꦠꦸꦩꦼꦏꦲꦭꦩ꧀ꦥꦸꦱ꧀​ꦏꦠꦺꦴꦤ꧀ꦤꦲꦶꦁꦱꦁꦤꦠ꧈ꦲꦺꦮꦸꦃꦠꦼꦩꦼꦤ꧀ꦤꦁꦔꦮꦸꦭꦫꦠꦸꦲꦪꦸ꧈ꦲꦤꦮꦺꦴꦁꦔꦠꦸꦂꦲꦸꦤꦶꦁꦔ꧈ꦲꦶꦁꦔꦫꦤ꧀ꦮꦼꦢꦶꦩꦠꦶ
꧄ꦧꦿꦩꦠꦾꦢꦶꦥꦠꦶꦢꦲ꧈ꦒꦶꦒꦶꦠ꧀ꦮꦗ꧈ꦧꦼꦧꦽꦁꦔꦺꦴꦱꦺꦢꦶꦥꦸꦭꦶꦂ꧈ꦏꦮꦸꦭꦲꦱꦺꦴꦫꦺꦴꦃꦲꦩꦸꦏ꧀​ꦩꦒꦸꦠ꧀ꦠꦶꦁꦥꦿꦧꦭꦶꦁꦒ꧈ꦲꦤꦏ꧀ꦏꦶꦁꦮꦁꦲꦶꦁꦧꦺꦤ꧀ꦗꦁꦱꦩ꧀ꦥꦸꦤ꧀ꦢꦶꦲꦶꦁꦔꦸ꧈ꦪꦺꦤ꧀ꦤꦢꦶꦥꦠꦶꦲꦶꦁꦢꦲ꧈ꦥꦭꦱ꧀ꦠꦿꦠꦠꦸꦤꦺꦒꦶꦒꦶꦂ
꧄ꦱꦶꦒꦿꦲꦢꦶꦥꦠꦶꦢꦲꦠꦶꦭꦂꦧꦭ꧈ꦲꦮꦲꦤꦠꦸꦫꦁꦒꦶ꧈ꦱꦏꦛꦃꦲꦺꦧꦭꦤꦶꦥꦸꦤ꧀​ꦥꦣꦤꦸꦱꦸꦭ꧀ꦏꦺꦮꦭ꧈ꦩꦤ꧀ꦠꦿꦶꦢꦲꦱꦲꦸꦥꦕꦫꦤ꧀ꦚꦤꦸꦱꦸꦭ꧀​​ꦲꦮꦠꦫꦮꦺꦴꦁꦱꦤꦩ꧀ꦧꦁ꧈ꦮꦸꦱ꧀ꦱꦼꦗꦧꦉꦁꦔꦼꦩ꧀ꦩꦱ꧀ꦱꦶ
꧄ꦱꦩ꧀ꦥꦸꦤ꧀ꦖꦩ꧀ꦥꦸꦃꦏꦁꦔꦪꦸꦢꦲꦢꦶꦥꦠꦶꦒꦼꦤ꧀ꦝꦶꦁꦠꦶꦤꦼꦩ꧀ꦥꦸꦃꦣꦶꦔꦶꦤ꧀​ꦮꦢꦾꦲꦭꦶꦠ꧀ꦱꦩꦶꦕꦸꦕꦸ꧈ꦱꦸꦂꦫꦏ꧀ꦏꦩ꧀ꦧꦭꦩ꧀ꦧ [ f.37v ]ꦭꦤ꧀​ꦭꦶꦂꦧꦼꦫꦺꦴꦤ꧀ꦢꦺꦴꦁꦱꦾꦫꦤꦶꦁꦧꦼꦣꦶꦭ꧀ꦏꦸꦩꦿꦸꦠꦸꦒ꧀​ꦏꦢꦾꦥꦾꦃꦲꦫꦲꦶꦁ​ꦮꦤ꧈ꦏꦁ​ꦮꦤ꧀ꦠꦼꦂꦒꦼꦭꦶꦱ꧀​ꦔꦼꦩ꧀ꦩꦱ꧀ꦱꦶ
꧄ꦲꦧꦼꦤ꧀ꦛꦏ꧀ꦒꦤ꧀ꦗꦸꦂꦭꦤ꧀ꦮꦠꦁꦲꦩꦼꦏꦤ꧀ꦗꦂꦫꦩꦺꦲꦱꦶꦭꦶꦃꦲꦸꦏꦶꦃ꧈ꦲꦤꦲꦶꦁꦏꦁꦱꦭꦶꦤ꧀ꦱꦸꦢꦸꦏ꧀ꦥꦣꦥꦠꦶꦁꦏꦫꦺꦴꦩ꧀​ꦥ꧀ꦭꦃ꧈ꦲꦶꦁꦏꦁꦏꦤꦶꦤ꧀ꦥꦣꦢꦶꦒꦺꦤ꧀ꦝꦺꦴꦁ​ꦭꦸꦩꦪꦸ꧈ꦮꦲꦸꦲꦶꦏꦁꦢꦸꦮꦺꦱꦤꦏ꧀​ꦩꦏ꧀ꦱꦶꦃꦫꦩꦺꦏꦁꦔꦗꦸꦫꦶꦠ꧀
꧄ꦲꦢꦶꦥꦠꦶꦥꦿꦧꦭꦶꦒ꧈ꦲꦤꦫꦗꦁ​ꦮꦲꦸꦱꦏꦶꦁꦔꦶꦁ​ꦮꦸꦫꦶ꧈ꦧꦭꦲꦶꦁꦢꦲꦮꦸꦱ꧀ꦒꦼꦩ꧀ꦥꦸꦂ꧈ꦢꦶꦥꦠꦶꦥꦗꦫꦏꦤ꧀​​ꦲꦤꦫꦗꦁ​ꦮꦲꦸꦱꦏꦶꦁꦏꦤꦤ꧀ꦤꦶꦥꦸꦤ꧀꧈ꦏꦶꦪꦢꦶꦥꦠꦶꦲꦶꦁ​ꦮꦗꦏ꧀​​ꦲꦤꦫꦗꦁꦱꦏꦶꦁꦏꦺꦫꦶ
꧄ꦏꦶꦭꦪꦁꦱꦺꦠꦿꦠꦸꦩꦶꦁꦔꦭ꧀​​ꦪꦺꦤ꧀ꦢꦶꦥꦠꦶꦢꦲꦱꦩ꧀ꦥꦸꦤ꧀​ꦔꦼꦩꦱ꧀ꦱꦶ꧈ꦏꦸꦢꦤꦺꦱꦶꦤꦧꦼꦠ꧀ꦩꦩ꧀ꦥꦿꦸꦁ꧈ꦱꦧꦠꦸꦂꦫꦺꦱꦢꦪ꧈ꦕꦺꦴꦕꦺꦴꦁꦏ꧀ꦭꦁꦔꦤ꧀ꦱꦾꦫꦤꦶꦫꦒꦸꦩꦫꦸꦢꦸꦒ꧀​ꦩꦭꦪꦸꦠꦸꦤ꧀ꦗꦁꦠꦶꦤꦸꦗꦁꦗꦸꦗꦸꦒ꧀ꦧꦫꦶꦱꦺꦮꦺꦴꦁꦠꦸꦧꦶꦤ꧀
꧄ꦭꦪꦁꦱꦺꦠꦿꦲꦠꦸꦂꦱꦼꦩ꧀ꦧꦃ꧈ꦏꦢꦶꦥꦸꦤ꧀ꦢꦶꦏꦂꦱꦢꦶꦏꦏꦶꦪꦲꦶ꧈ꦢꦶꦥꦠꦶꦢꦲꦏꦱꦩ꧀ꦧꦸꦠ꧀​ꦩꦼꦱꦼꦃꦔꦤ꧀ꦖꦶꦏ꧀​ꦩꦿꦶꦁꦢꦲ꧈ꦪꦺꦤ꧀ꦱꦮꦮꦶꦏꦶꦪꦲꦶꦢꦮꦼꦒ꧀ꦥꦶꦤꦒꦸꦠ꧀​​ꦪꦸꦢꦤꦺꦮꦺꦴꦁꦥꦿꦧꦭꦶꦒ꧈ꦩꦸꦁꦥꦸꦁꦢꦺꦫꦺꦁꦤꦧꦿꦁ​ꦮꦫꦶ
꧄ꦢꦶꦥꦠꦶꦠꦸꦧꦤ꧀​ꦔꦤ꧀ꦢꦶꦏ꧈ꦩꦫꦁꦱꦒꦸꦁꦲꦶꦁꦏꦁꦥꦫꦢꦶꦥꦠꦶ꧈ꦢꦶꦥꦠꦶꦭꦱꦼꦩ꧀ꦱꦶꦪꦸ꧈ꦥꦛꦶꦭꦮꦤ꧀ꦧꦼꦭꦺꦴꦫ꧈ꦲꦠꦤ꧀ꦤꦥꦶꦉꦩ꧀ꦧꦁ​ꦭꦩꦺꦴꦁꦔꦤ꧀ꦩꦢꦶꦪꦸꦤ꧀​​ꦲꦶꦁ​ꦮꦫꦸꦁ​ꦭ [ f.38r ]ꦤ꧀ꦒꦫꦺꦴꦧꦺꦴꦒꦤ꧀​ꦔꦺꦴꦁꦏꦂꦪꦥꦁꦔꦮꦠ꧀ꦏꦺꦫꦶ
꧄ꦢꦶꦲꦠꦶꦗꦶꦥꦁꦥꦤꦺꦴꦭꦤ꧀​​ꦲꦢꦶꦥꦠꦶꦗꦶꦁꦒꦤ꧀ꦭꦤ꧀ꦱꦲꦺꦴꦱ꧀ꦱꦿꦒꦶ꧈ꦲꦶꦁꦥꦽꦤꦫꦒꦲꦏꦸꦩ꧀ꦥꦸꦭ꧀​ꦏꦢꦸꦮꦁꦥꦩꦒꦼꦠꦤ꧀​ꦢꦺꦤ꧀ꦥꦿꦪꦠ꧀ꦤꦲꦗꦤꦶꦤꦶꦮꦱ꧀ꦱꦶꦏꦺꦮꦸꦃ꧈ꦩꦤꦶꦫꦏꦁꦢꦢꦶꦣꦣꦱꦧꦭꦤꦶꦔꦺꦴꦁ​ꦮꦺꦴꦁꦠꦸꦧꦶꦤ꧀
꧄ꦩꦶꦮꦃꦲꦤꦏ꧀ꦭꦪꦁꦱꦺꦠꦿ꧈ꦲꦠꦤ꧀ꦤꦥꦶꦲꦤꦏ꧀ꦭꦪꦁꦏꦸꦩꦶꦠꦶꦂ꧈ꦔꦺꦴꦁꦏꦂꦪꦕꦸꦕꦸꦏ꧀ꦏꦶꦁꦏꦺꦮꦸꦃ꧈ꦭꦮꦤ꧀ꦮꦺꦴꦁꦏꦗꦶꦤꦼꦩꦤ꧀​ꦗꦒꦧꦺꦭꦢꦸꦫꦥꦠꦶꦩꦗꦭꦁꦔꦸ꧈ꦱꦥꦏꦁꦠꦶꦭꦂꦒꦼꦭꦁꦒꦁ꧈ꦥꦱ꧀ꦛꦶꦱꦸꦤ꧀ꦠꦸꦩ꧀ꦧꦏ꧀ꦱꦶꦁ​ꦮꦸꦫꦶ
꧄ꦱꦒꦸꦁꦔꦶꦥꦫꦢꦶꦥꦠꦾꦥꦤ꧀ꦱꦢꦪꦠꦶꦤꦫꦶꦱꦁꦒꦸꦥ꧀ꦮꦤꦶ꧈ꦢꦶꦥꦠꦶꦠꦸꦧꦤ꧀ꦤꦩꦸꦮꦸꦱ꧀​ꦠꦸꦫꦁꦒꦱꦲꦺꦴꦱ꧀ꦱꦼꦤ꧀ꦤ꧈ꦲꦤꦧꦸꦮꦠꦁꦔꦫꦤꦺꦮꦺꦴꦁꦥꦿꦁꦥꦸꦥꦸꦃ꧈ꦠꦸꦁꦒꦸꦔꦺꦴꦁꦱꦶꦫꦥꦱꦁꦔ꧈ꦏꦁꦕꦶꦫꦶꦮꦤꦫꦥꦸꦠꦶꦃ
꧄ꦮꦺꦴꦁꦠꦸꦧꦤ꧀​​ꦲꦠꦠꦧꦸꦮꦤ꧀​ꦠꦁꦔꦫꦤꦺ꧈ꦭꦩꦺꦴꦤ꧀ꦩꦶꦪꦺꦴꦱ꧀ꦱꦶꦗꦸꦫꦶꦠ꧀​ꦧꦼ​ꦤ꧀ꦝꦺꦠꦶꦤꦧꦸꦃꦲꦁꦔꦸꦁꦏꦸꦁ꧈ꦏꦼꦤ꧀ꦝꦁꦏꦼꦤꦺꦴꦁꦱꦲꦸꦫꦤ꧀​​ꦲꦼꦒꦺꦴꦁꦧꦺꦫꦶꦪꦺꦤ꧀ꦤꦿꦶꦤꦸꦔꦸꦏꦩꦫꦸꦱꦸꦏ꧀​​ꦲꦮꦺꦴꦂꦱꦾꦫꦤꦶꦁꦠꦸꦫꦁꦒ꧈ꦪꦺꦤ꧀ꦥꦶꦤꦶꦂꦱꦒꦺꦒꦺꦫꦶꦱ꧀ꦱꦶ
꧄ꦱꦩꦾꦩꦶꦪꦺꦴꦱꦶꦲꦪꦸꦢ꧈ꦮꦸꦱ꧀ꦱꦥꦒꦸꦠ꧀ꦏꦥꦁꦒꦶꦃꦥꦣꦮꦤꦶ꧈ꦒꦸꦩꦫꦸꦢꦸꦏ꧀ꦱꦩꦶꦕꦸꦕꦸꦃ꧈ꦤꦁꦔꦶꦁꦏꦭꦁ [ f.38v ]ꦔꦤ꧀ꦠꦺꦴꦪ꧈ꦲꦶꦁꦏꦁ​ꦮꦤ꧀ꦠꦼꦂꦲꦩ꧀ꦧꦾꦂꦭꦤ꧀ꦠꦸꦫꦁꦒꦤ꧀ꦤꦶꦥꦸꦤ꧀​​ꦲꦁ​ꦭꦁꦔꦶꦲꦤꦁꦔꦶꦁꦠꦺꦴꦪ꧈ꦩꦠꦶꦢꦺꦤ꧀ꦏꦼꦫꦸꦠꦸꦒ꧀ꦧꦼꦣꦶꦭ꧀
꧄ꦲꦮꦺꦴꦂꦏꦸꦏꦸꦱ꧀ꦱꦶꦁꦱꦸꦤ꧀ꦢꦮ꧈ꦥꦼꦠꦼꦁꦣꦼꦣꦼꦠ꧀ꦥꦤ꧀ꦏꦢꦶꦠꦼꦁꦔꦃꦮꦼꦔꦶ꧈ꦭꦶꦂꦏꦶꦭꦠ꧀ꦛꦛꦶꦠ꧀ꦠꦩ꧀ꦧꦫꦸꦁ꧈ꦥꦤ꧀ꦖꦺꦴꦫꦺꦴꦠ꧀ꦠꦶꦁꦱꦸꦤ꧀ꦢꦮ꧈ꦲꦭꦶꦩꦼꦔꦤ꧀ꦧꦼꦣꦶꦭ꧀ꦩꦸꦤꦶꦧꦸꦩ꧀ꦭꦸꦫꦸꦏ꧀​ꦩꦶꦩꦶ​ꦱ꧀ꦱꦤꦺꦁꦔꦮꦁꦔꦮꦁ꧈ꦢꦶꦤꦸꦭꦸꦭꦶꦂꦲꦸꦢꦤ꧀ꦤꦥꦶ
꧄ꦱꦶꦒꦿꦏꦶꦥꦠꦶꦃꦏꦺꦴꦠ꧀ꦧꦸꦠ꧈ꦭꦤ꧀ꦏꦶꦥꦠꦶꦃꦲꦁꦏꦠ꧀ꦧꦸꦠꦤꦶꦔꦭ꧀ꦭꦶ꧈ꦧꦭꦲꦶꦁꦒꦼꦤ꧀ꦝꦸꦁꦱꦫꦸꦮꦸꦁ꧈ꦢꦶꦥꦸꦤ꧀ꦤꦶꦫꦶꦢ꧀ꦱꦢꦪ꧈ꦩꦸꦁꦧꦫꦶꦱꦺꦭꦪꦁꦏꦸꦩꦶꦠꦶꦂꦗꦶꦤꦸꦗꦸꦒ꧀​ꦏꦺꦴꦠ꧀ꦧꦸꦠꦭꦤ꧀ꦤꦁꦏꦠ꧀ꦧꦸꦠ꧈ꦧꦁꦔꦲꦤ꧀ꦢꦶꦥꦸꦤ꧀ꦭꦁꦔꦺꦤ꧀ꦤꦶ
꧄ꦱꦧꦭꦤꦶꦫꦮꦸꦱ꧀ꦩꦼꦤ꧀ꦠꦱ꧀​​ꦲꦤꦶꦔꦭ꧀ꦭꦶꦧꦫꦶꦱ꧀ꦱꦶꦁꦩꦗꦥꦲꦶꦠ꧀​ꦠꦁꦒꦶꦤꦱꦶꦤꦤ꧀ꦢꦼꦂꦲꦱꦿꦸꦫꦩꦺꦱꦶꦭꦶꦃꦩꦂꦗꦪ꧈ꦒꦤ꧀ꦗꦸꦂꦫꦩ꧀ꦥꦏ꧀​​ꦲꦫꦩ꧀ꦩꦺꦲꦩꦸꦏ꧀ꦏꦶꦁꦔꦩꦸꦏ꧀​ꦏꦺꦴꦠ꧀ꦧꦸꦠꦭꦤ꧀ꦤꦁꦏꦠ꧀ꦧꦸꦠ꧈ꦥꦁꦔꦩꦸꦏ꧀ꦏꦺꦒꦺꦴꦭꦺꦴꦁꦥꦶꦥꦶꦱ꧀
꧄ꦏꦶꦭꦪꦁꦱꦺꦠꦿꦭꦸꦩꦗꦂ꧈ꦲꦏꦭꦶꦪꦤ꧀ꦤꦿꦢꦺꦤ꧀ꦭꦪꦁꦏꦸꦩꦶꦠꦶꦂ꧈ꦒꦒꦧꦃꦲꦤ꧀ꦩꦗꦭꦁꦔꦸ꧈ꦱꦩ꧀ꦥꦸꦤ꧀ꦉꦩ꧀ꦥꦸꦃꦱꦢꦪ꧈ꦱꦧꦸꦏ꧀ꦭꦸꦩ꧀ꦥꦁꦏꦶꦱꦧꦸꦏ꧀ꦒꦶꦮꦁꦏꦥꦸꦥꦸ꧈ꦱꦧꦸꦤ꧀ꦗꦁꦔꦼꦠ꧀ꦧꦧꦂꦥꦶꦱꦤ꧀​ꦏꦶꦱꦧꦸꦏ꧀ꦱꦸꦩꦸꦂꦔꦼꦩꦱ꧀ꦱꦶ
꧄ꦏꦶꦱꦧꦸꦏ꧀ꦠꦩ꧀ꦥꦂꦥꦭꦱ꧀ꦠꦿ꧈ꦱꦧꦸꦏ꧀ꦝꦣꦸꦁꦱꦧꦸꦏ꧀ꦮꦁꦔꦤ꧀ [ f.39r ]ꦔꦼꦩ꧀ꦩꦱ꧀ꦱꦶ꧈ꦱꦠ꧀ꦢꦺꦴꦁꦱꦤ꧀ꦗꦠꦭꦸꦩꦪꦸ꧈ꦠꦤ꧀ꦤꦩꦁꦒꦥꦸꦭꦶꦪ꧈ꦉꦩꦼꦏ꧀ꦏꦧꦺꦃꦏꦗꦶꦤꦼꦩꦤ꧀ꦩꦗꦭꦁꦔꦸ꧈ꦏꦺꦴꦠ꧀ꦧꦸꦠꦱꦩꦶꦲꦩ꧀ꦧꦼꦣꦒ꧀​ꦱꦧꦭꦤꦶꦫꦲꦁꦔꦸꦱꦶꦂ꧈
꧄ꦏꦶꦲꦁꦏꦠ꧀ꦧꦸꦠꦲꦁꦔꦸꦕꦥ꧀​ꦭꦃꦩꦤ꧀ꦝꦼꦒ꧀ꦒꦱꦶꦫꦭꦪꦁꦏꦸꦩꦶꦠꦶꦂ꧈ꦥꦒꦺꦤꦺꦱꦶꦫꦭꦸꦩꦪꦸ꧈ꦲꦁꦔꦸꦕꦥ꧀ꦭꦪꦁꦱꦺꦠꦿ꧈ꦲꦼꦩꦺꦴꦃꦏꦼꦤ꧀ꦢꦼꦭ꧀ꦩꦤꦮꦕꦼꦤ꧀ꦝꦼꦏ꧀ꦏꦁꦔꦸꦩꦸꦂ꧈ꦗꦼꦗꦼꦫꦶꦃꦲꦁꦔꦸꦂꦲꦸꦫꦶꦥ꧀ꦥ꧈ꦲꦮꦺꦠꦩꦁꦔꦤ꧀ꦤꦿꦗꦼꦏꦶ
꧄ꦩꦭꦪꦸꦠꦸꦤ꧀ꦗꦁꦠꦶꦤꦸꦤ꧀ꦗꦁ꧈ꦭꦪꦁꦱꦺꦠꦿꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦮꦸꦱ꧀ꦱꦶꦔꦶꦢꦤ꧀ꦧꦫꦶꦱ꧀ꦱꦒꦸꦁ꧈ꦏꦸꦢꦤꦶꦫꦉꦔꦺꦴꦱꦤ꧀​ꦭꦪꦁꦱꦺꦠꦿꦭꦪꦁꦏꦸꦩꦶꦠꦶꦂꦮꦸꦱ꧀ꦩꦸꦣꦸꦤ꧀​​ꦲꦮꦺꦴꦂꦭꦤ꧀ꦩꦤ꧀ꦖꦤꦒꦫ꧈ꦥꦤ꧀ꦱꦩꦶꦥꦠꦶꦁꦏꦉꦩ꧀ꦥꦶꦱ꧀
꧄ꦏꦶꦩꦺꦤꦏ꧀ꦱꦺꦴꦥꦭ꧀ꦮꦸꦱ꧀ꦤꦧꦿꦁ꧈ꦲꦢꦶꦥꦠꦶꦥꦿꦧꦭꦶꦁꦒꦭꦤ꧀ꦒꦼꦤ꧀ꦝꦶꦁ꧈ꦏꦶꦤ꧀ꦖꦁꦏꦶꦤꦤ꧀ꦝꦁꦠꦤ꧀ꦏꦤ꧀ꦠꦸꦤ꧀​ꦢꦶꦥꦠꦶꦥꦗꦫꦏꦤ꧀​ꦮꦸꦱ꧀ꦥꦶꦤꦥꦒ꧀​ꦢꦺꦤꦶꦁꦧꦭꦤꦶꦁꦱꦶꦢꦪꦸ꧈ꦭꦱꦼꦩ꧀ꦥꦛꦶꦭꦤ꧀ꦧꦭꦺꦴꦫ꧈ꦒꦫꦺꦴꦧꦺꦴꦒꦤ꧀ꦤꦔꦼꦧꦾꦺꦴꦏ꧀ꦏꦶ
꧄ꦲꦫꦩꦺꦲꦼꦧꦾꦺꦴꦏ꧀ꦏꦶꦁ​ꦮꦠꦁꦢꦠꦤ꧀ꦏꦤ꧀ꦝꦼꦒ꧀ꦏꦤ꧀ꦤꦧꦿꦁꦲꦤꦺꦁ​ꦮꦸꦫꦶ꧈ꦢꦭꦸꦒ꧀ꦢꦒ꧀ꦭꦮꦤ꧀ꦭꦭꦪꦸ꧈ꦩꦥꦤ꧀ꦩꦶꦤꦁꦏꦲꦫꦩ꧀​​ꦲꦺꦤ꧀ꦝꦺꦏꦤ꧀ꦠꦂꦏꦠꦸꦗꦃꦠꦸꦫꦁꦒꦉꦩꦸꦏ꧀​ꦱꦸꦩꦲꦧ꧀ꦏꦁꦔꦤꦺꦁꦔꦂꦱꦱ꧈ꦧꦁꦔꦮꦤ꧀ꦢꦶꦥꦸꦤ꧀ꦭꦁꦔꦺꦤꦶ
꧄ꦥꦫꦢꦶꦥꦠꦶꦧꦁ​ꦮꦺꦠꦤ꧀​ꦱꦏꦛꦃ [ f.39v ]ꦲꦺꦱꦩꦶꦤꦧꦿꦁꦧꦼꦤ꧀ꦤꦮꦶ꧈ꦱꦶꦒꦿꦥꦶꦤꦒꦸꦠ꧀ꦥꦿꦁꦥꦸꦥꦸꦃ꧈ꦩꦫꦁꦢꦶꦥꦠꦶꦗꦶꦥꦁꦲꦢꦶꦥꦠꦶꦲꦶꦁꦗꦶꦁꦒꦤ꧀ꦭꦮꦤ꧀ꦩꦢꦶꦪꦸꦤ꧀​ꦮꦢꦾꦲꦭꦶꦠ꧀ꦱꦩꦶꦧꦼꦤ꧀ꦛꦏ꧀​ꦏꦁꦔꦗꦿꦶꦃꦩꦸꦤ꧀ꦢꦸꦂꦠꦤ꧀ꦥꦩꦶꦠ꧀

꧄ꦫꦩꦺꦤꦶꦥꦿꦁꦠꦤ꧀ꦧꦸꦃꦩꦸꦱꦸꦃꦭꦮꦤ꧀ꦤꦿꦺꦴꦮꦁ꧈ꦫꦩꦺꦲꦱꦶꦭꦶꦲꦸꦏꦶꦃ꧈ꦭꦶꦂꦒꦧꦃꦔꦶꦤ꧀ꦠꦼꦂꦫꦤ꧀​​ꦲꦧꦶꦭꦸꦭꦸꦔꦤ꧀ꦱꦩꦾ꧈ꦏꦁꦱꦩꦶꦮꦤ꧀ꦠꦼꦂꦲꦗꦸꦫꦶꦠ꧀꧈ꦱꦩ꧀ꦧꦸꦁꦔꦤ꧀ꦏꦺꦴꦤ꧀ꦖꦱꦸꦢꦸꦏ꧀ꦱꦶꦤꦸꦢꦸꦏ꧀ꦱꦩꦶ
꧄ꦏꦁꦱꦮꦤꦺꦃꦩꦸꦱꦸꦲꦺꦱꦂꦮꦶꦠꦼꦠꦼꦒꦂ꧈ꦲꦩꦸꦏ꧀ꦥꦣꦥꦿꦗꦸꦫꦶꦠ꧀​​ꦲꦤꦸꦭꦶꦤꦫꦗꦁ꧈ꦫꦩꦺꦱꦼꦫꦁꦱꦶꦤꦼꦫꦁ꧈ꦥꦼꦣꦁꦲꦸꦗꦸꦁꦔꦤ꧀ꦭꦤ꧀ꦏꦼꦫꦶꦱ꧀​ꦥꦤ꧀ꦏꦕꦺꦏ꧀ꦢꦮ꧈ꦲꦱ꧀ꦠꦤꦺꦲꦗꦸꦂꦏꦭꦶꦃ
꧄ꦫꦩꦺꦤ꧀ꦤꦶꦥꦿꦁꦏꦸꦤꦂꦥꦱꦸꦱꦸꦤ꧀ꦤꦠꦸꦩ꧀ꦥꦁ꧈ꦧꦲꦸꦤ꧀ꦚꦔꦸꦮꦶꦂꦲꦸꦮꦶꦂ꧈ꦧꦼꦣꦶꦭ꧀​ꦧꦽꦒ꧀ꦒꦼꦧꦽꦒ꧀ꦒꦤ꧀​ꦱꦸꦫꦏꦩ꧀ꦧꦭꦩ꧀ꦧꦭꦤ꧀​​ꦲꦮꦺꦴꦂ [ f.40r ]ꦭꦮꦤ꧀ꦒꦸꦠꦸꦏ꧀ꦏꦥꦶꦏꦢꦶꦥꦿꦲꦫ꧈ꦭꦶꦂꦒꦼꦉꦃꦱꦾꦫꦤꦺꦏꦶ

꧄ꦏꦁꦱꦮꦤꦺꦃꦲꦤꦱꦩ꧀ꦧꦠ꧀ꦧꦶꦪꦁꦧꦶꦪꦁ꧈ꦲꦤꦏꦁꦱꦩ꧀ꦧꦠ꧀ꦠꦿꦧꦶ꧈ꦭꦃꦧꦺꦴꦗꦺꦴꦏꦫꦶꦪ꧈ꦲꦶꦁꦱꦸꦤ꧀ꦩꦠꦶꦥꦥꦿꦁꦔꦤ꧀​​ꦲꦗꦱꦶꦫꦭꦏꦶꦩꦤꦶꦁꦩꦺꦴꦁꦩꦺꦴꦁꦔꦲꦤꦏ꧀​ꦏꦼꦤ꧀ꦢꦩꦸꦔꦺꦔꦺꦫꦶ
꧄ꦠꦶꦤꦶꦔꦭꦤ꧀ꦭꦸꦢꦶꦫꦭꦶꦂꦭꦺꦥꦺꦤ꧀ꦧꦼꦤ꧀ꦤ꧈ꦲꦤꦁꦠꦼꦁꦔꦃꦲꦶꦁꦧꦫꦶꦱ꧀​ꦭꦶꦂꦧꦸꦭꦸꦱ꧀ꦤꦺꦁꦫꦮ꧈ꦮꦱ꧀ꦠꦿꦮꦠꦁ​ꦭꦶꦂꦱꦫꦃꦮꦸꦱ꧀ꦢꦢꦾꦱꦒꦫꦒꦼꦠꦶꦃ꧈ꦲꦼꦒꦺꦴꦁꦏꦺꦃꦏꦩ꧀ꦧꦁ꧈ꦏꦢꦾꦧꦸꦭꦸꦱ꧀ꦱꦁ​ꦭꦁꦔꦶ
꧄ꦏꦮꦂꦤꦲꦏꦁꦔꦤꦺꦁꦥꦁꦔꦮꦏ꧀ꦏꦶꦮ꧈ꦲꦢꦶꦥꦠꦶꦲꦶꦁꦧꦭꦶ꧈ꦢꦶꦥꦠꦶꦕꦁꦕꦁꦔꦤ꧀​ꦧꦤ꧀ꦝꦸꦁ​ꦭꦤ꧀ꦥꦱꦸꦫꦸꦮꦤ꧀​ꦢꦶꦥꦠꦶꦮꦗꦏ꧀ꦮꦠꦸꦫꦶꦥ꧀​ꦮꦸꦱ꧀ꦱꦩꦶꦤꦧꦿꦁ꧈ꦲꦩ꧀ꦧꦾꦸꦂꦣꦠꦼꦁꦔꦶꦁꦫꦮꦶ
꧄ꦱꦩ꧀ꦥꦸꦤ꧀ꦤꦧꦿꦁꦥꦫꦢꦶꦥꦠꦶꦧꦁ​ꦮꦺꦠꦤ꧀​ꦱꦧꦭꦭꦤ꧀ꦠꦸꦫꦁꦒꦶ꧈ꦠꦤ꧀ꦏꦼꦤꦮꦶꦤꦶꦭꦁꦱꦩꦶꦭꦁꦔꦶꦤꦺꦁꦠꦺꦴ [ f.40v ]ꦪ꧈ꦱꦸꦩꦲꦧ꧀ꦱꦸꦱꦸꦤ꧀ꦤꦠꦶꦤ꧀ꦝꦶꦃ꧈ꦏꦁꦔꦤꦺꦁꦔꦂꦱ꧈ꦏꦠꦸꦤ꧀ꦗꦁꦲꦶꦁꦠꦸꦫꦁꦒꦶ
꧄ꦒꦤ꧀ꦗꦸꦂꦮꦠꦁ​ꦭꦭꦪꦸꦩꦶꦤꦁꦏꦲꦫꦩ꧀​ꦏꦛꦃꦩꦠꦶꦤꦺꦃꦮꦫꦶ꧈ꦏꦠꦸꦤ꧀ꦗꦁꦏꦺꦮꦭꦢꦺꦤꦶꦁꦏꦛꦃꦲꦶꦁꦧꦭ꧈ꦢꦢꦶꦮꦺꦴꦠ꧀ꦠꦺꦏꦁꦤꦺꦁ​ꦮꦸꦫꦶ꧈ꦠꦸꦤ꧀ꦗꦁꦠꦶꦤꦸꦤ꧀ꦗꦁꦱꦩꦶꦲꦉꦧꦸꦠ꧀ꦝꦶꦁꦔꦶꦤ꧀
꧄ꦲꦤꦮꦺꦴꦁꦲꦁ​ꦭꦁꦔꦶꦲꦫꦩꦺꦴꦤ꧀ꦮꦠꦁꦢꦸꦫꦸꦁꦠꦸꦩꦼꦏꦥꦶꦒꦶꦂ꧈ꦱꦼꦊꦏ꧀ꦏꦠꦒꦶꦪꦤ꧀​ꦤꦸꦭꦶꦫꦺꦫꦺꦤ꧀ꦤꦁꦔꦸꦤ꧀ꦠꦭ꧀​ꦧꦠꦸꦂꦫꦺꦏꦶꦤꦺꦤ꧀ꦗꦒꦤꦶ꧈ꦪꦺꦤ꧀ꦤꦶꦁꦱꦸꦤ꧀ꦤꦸꦒ꧈ꦏꦲꦸꦭ꧀​​ꦪꦺꦤ꧀ꦠꦼꦏꦥꦶꦁꦒꦶꦂ
꧄ꦱꦸꦤ꧀ꦤꦸꦤ꧀ꦢꦁꦔꦶꦩꦼꦏꦺꦴꦪꦺꦤ꧀ꦮꦶꦱ꧀ꦥꦿꦥ꧀ꦠꦣꦫꦠ꧀​​ꦲꦶꦁꦏꦁꦥꦣꦩꦢꦠ꧀ꦠꦶ꧈ꦤꦸꦭꦶꦧꦸꦮꦁꦩꦢꦠ꧀​​ꦲꦒꦸꦁꦔꦺꦱꦥꦫꦥꦠ꧀​ꦱꦸꦤ꧀ꦒꦺꦴꦲꦤꦲꦸꦂꦥꦸꦤꦒꦶꦃ꧈ꦱꦺꦴꦏ꧀ꦝꦸꦩꦠꦼꦁꦔꦲꦶꦁꦱꦸꦤ꧀ꦩꦫꦁꦥꦶꦥꦶꦁꦒꦶꦂ
꧄ꦱꦩ꧀ꦥꦸꦤ꧀ꦒꦼꦩꦸꦠ꧀​ꦧꦺꦴꦥꦠꦶꦧꦁ​ꦮꦺꦠꦤ꧀ꦤꦧꦿꦁ꧈ꦧꦭꦥꦣꦥꦿꦗꦸꦫꦶꦠ꧀​ꦮꦸꦱ꧀ꦱꦗꦼꦁꦔꦗꦼꦁꦔꦤ꧀​ꦩꦸꦱꦸꦃꦏꦭꦮꦤ꧀ꦤꦿꦺꦴꦮꦁ꧈ꦲꦧꦼꦭꦧꦂꦮꦤꦒꦶꦫꦶ꧈ꦱꦸꦫꦏ꧀ꦏꦶꦁꦧꦭ꧈ꦭꦶꦂꦫꦸꦧꦸꦲꦼꦤ꧀ꦤꦭꦁꦔꦶꦠ꧀
꧄ꦲꦢꦶꦥꦠꦶꦭꦱꦼꦩ꧀ꦏꦭꦮꦤ꧀ꦧꦼꦭꦺꦴꦫꦏꦸꦢꦸꦱ꧀ꦭꦱꦼꦩ꧀ꦭꦤ꧀ꦥꦛꦶ꧈ꦮꦸꦱ꧀ꦩꦗꦸꦲꦪꦸꦢ꧈ꦔꦩꦸꦏ꧀ꦥꦤ꧀ꦱꦲꦧꦭ꧈ꦠꦤ꧀ꦤꦤꦏꦁꦱꦩ꧀ꦧꦠ꧀ꦠꦗꦿꦶꦃꦩꦸꦱꦸꦃꦭꦤ꧀ꦤꦺꦴꦮꦁꦥꦣꦠꦤ꧀ꦤꦤꦒꦶꦁꦱꦶꦂ
꧄ꦭꦶꦂꦲꦩ꧀ꦥꦸꦮꦤ꧀ꦱꦾꦫꦤꦶꦁꦧꦭꦏꦧꦿꦤꦤ꧀​ꦧꦼꦣꦶꦭ꧀ꦤꦺꦴꦫꦤꦩꦸꦤꦶ꧈ꦲꦏꦸꦮꦼꦭ꧀ꦏꦺꦮꦭ꧈ꦫꦩꦺꦲꦧꦉꦏꦸꦃꦮꦤ꧀​ꦒꦸꦩꦼꦫꦃꦏꦁꦱꦩꦶꦏꦤꦶꦤ꧀​​ꦲꦶꦁꦏꦁ​ꦭꦸꦩꦗꦂꦱꦩꦶꦢꦶꦥꦸꦤ꧀ꦧꦼꦣꦶꦭ꧀ꦭꦶ
꧄ꦠꦸꦠꦸꦩ꧀ꦥꦼꦱꦤ꧀ꦤꦶꦁ​ꦮ [ f.41r ]ꦲꦸꦏꦁ​ꦮꦢꦾꦧꦭ꧈ꦱꦏꦶꦁ​ꦮꦤ꧀ꦠꦼꦂꦲꦶꦁꦗꦸꦫꦶꦠ꧀​​ꦲꦥꦸꦁꦔꦤ꧀ꦧꦼꦁꦔꦮꦤ꧀​ꦥꦿꦗꦸꦫꦶꦠ꧀ꦏꦁꦱꦥꦶꦤ꧀ꦝꦃ꧈ꦠꦁꦠꦁꦠꦶꦤꦁꦠꦁ​ꦮꦢꦾꦭꦶꦠ꧀​​ꦲꦤꦩꦏꦤ꧀ꦗꦂ꧈ꦲꦤꦤ꧀ꦚꦶꦥꦠ꧀ꦠꦶꦁꦧꦼꦣꦶꦭ꧀

꧄ꦒꦶꦤ꧀ꦤꦼꦧꦾꦸꦂꦫꦤ꧀ꦧꦁꦔꦮꦤ꧀ꦥꦤ꧀ꦭꦶꦤꦁꦔꦺꦤꦤ꧀​ꦱꦲꦧꦭꦠꦸꦫꦁꦒꦶ꧈ꦢꦺꦤ꧀ꦧꦼꦣꦶꦭ꧀ꦱꦶꦁꦣꦫꦠ꧀​​ꦲꦶꦁꦏꦁ​ꦭꦁꦔꦶꦲꦶꦁꦠꦺꦴꦪ꧈ꦧꦺꦴꦥꦠꦶꦤꦺꦤꦧꦿꦁꦣꦶꦔꦶꦤ꧀​ꦩꦶꦭꦏꦁꦧꦭ꧈ꦥꦣꦲꦉꦧꦸꦠ꧀ꦝꦶꦁꦔꦶꦤ꧀
꧄ꦤꦺꦴꦫꦏꦤ꧀ꦝꦼꦒ꧀ꦱꦶꦤꦺꦴꦱꦺꦴꦒ꧀ꦒꦶꦁꦒꦤ꧀ꦗꦸꦂꦫꦩ꧀ꦥꦏ꧀​ꦧꦶꦤꦫꦺꦴꦤ꧀ꦢꦺꦴꦁꦔꦶꦁꦧꦼꦣꦶꦭ꧀​ꦱꦏꦶꦔꦶꦁꦣꦫꦠꦤ꧀​ꦩꦶꦩꦶꦱ꧀ꦱꦤꦩ꧀ꦥꦂꦠꦺꦴꦪ꧈ꦠꦤ꧀ꦏꦤ꧀ꦝꦼꦒ꧀ꦒꦺꦤ꧀ꦚꦲꦁ​ꦭꦁꦔꦶ꧈ꦲꦱꦫꦃꦮꦠꦁ꧈ꦏꦁꦥꦼꦗꦃꦥꦣꦏꦺꦭ꧀ꦭꦶ
꧄ꦲꦶꦁꦏꦁꦱꦩ꧀ꦥꦸꦤ꧀ꦩꦼꦤ꧀ꦠꦱ꧀ꦒꦺꦴꦤ꧀ꦤꦶꦫꦲꦤꦧꦿꦁ꧈ꦲꦁꦔꦩꦸꦏ꧀​ꦔꦺꦴꦧꦠ꧀ꦠꦧꦶꦠ꧀​​ꦫꦩꦺꦤꦺꦏꦁꦔꦥꦿꦁ꧈ꦭꦶꦤ꧀ꦝꦸꦲꦮꦺꦴꦂꦥꦿꦲꦫ꧈ꦲꦥꦤ꧀ꦱꦸꦉꦩ꧀ꦥꦸꦤꦁ​ꦮ [ f.41v ] ꦫꦶꦢꦺꦤꦶꦁ​ꦭꦸꦢꦶꦫ꧈ꦱꦸꦩ꧀ꦩꦩ꧀ꦧꦸꦫꦠ꧀ꦭꦶꦂꦫꦶꦫꦶꦱ꧀
꧄ꦲꦶꦏꦁꦱꦩꦶꦥꦼꦗꦃꦲꦤꦺꦁꦔꦶꦁꦔꦗꦼꦁꦔꦤ꧀​​ꦲꦺꦴꦫꦤꦤꦲꦤꦺꦴꦭꦶꦃ꧈ꦱꦩꦶꦲꦶꦁꦔꦶꦢꦼꦏꦤ꧀​ꦏꦶꦤꦂꦪꦮꦺꦴꦠ꧀ꦏꦺꦮꦭ꧈ꦥꦤ꧀ꦱꦩ꧀ꦥꦸꦤ꧀ꦱꦒꦫꦒꦼꦠꦶꦃꦒꦸꦤꦸꦁꦏꦥꦭ꧈ꦏꦁꦔꦸꦫꦶꦥ꧀ꦩꦏ꧀ꦱꦶꦃꦮꦤ꧀ꦤꦶ
꧄ꦏꦁꦧꦁꦔꦮꦤ꧀ꦤꦥꦤ꧀ꦤꦱꦫꦃꦏꦸꦤꦂꦥꦱꦩ꧀ꦥꦸꦤ꧀ꦤꦭꦫꦸꦒꦼꦠꦶꦃ꧈ꦠꦸꦠꦸꦒꦼꦭꦤ꧀ꦮꦠꦁ꧈ꦲꦁ​ꦭꦩ꧀ꦧꦏ꧀ꦏꦶꦁꦧꦁꦔꦮꦤ꧀​​ꦲꦶꦁ​ꦮꦸꦫꦶꦩꦏ꧀ꦱꦶꦃꦲꦁ​ꦭꦁꦔꦶꦥꦠꦶꦁꦏꦸꦣꦁꦱꦁ꧈ꦠꦤ꧀ꦤꦤꦔꦸꦕꦥ꧀ꦥꦗꦿꦶꦃ
꧄ꦲꦶꦁꦥꦥꦿꦁꦔꦤ꧀ꦥꦼꦠꦼꦁꦣꦼꦣꦼꦠ꧀ꦠꦭꦶꦩꦸꦤ꧀​ꦩꦶꦩꦶꦱ꧀ꦏꦢꦶꦒꦼꦫꦶꦩꦶꦱ꧀​ꦥꦿꦱꦩꦶꦲꦧꦁꦔꦭ꧀​​ꦲꦶꦁꦏꦁꦲꦧꦿꦠꦪꦸꦢ꧈ꦥꦣꦮꦤ꧀ꦠꦼꦂꦲꦶꦁꦔꦗꦸꦫꦶꦠ꧀​ꦥꦫꦢꦶꦥꦠꦾ꧈ꦮꦲꦸꦱꦩꦶꦔꦗꦺꦴꦤ꧀ꦤꦶ
꧄ꦲꦢꦶꦥꦠꦶꦲꦶꦁꦗꦶꦥꦁꦔꦩꦸꦏ꧀ꦩꦤꦼꦔꦃ꧈ꦲꦱꦶꦏꦼꦥ꧀ꦮꦠꦁꦥꦸꦠꦶꦃ꧈ꦏꦸꦢꦲꦸꦊꦱ꧀ꦤꦥꦱ꧀​ꦱꦶꦔꦏꦠꦿꦗꦁꦧꦸꦧꦂ꧈ꦲꦁꦔꦸꦕꦥ꧀ꦱꦂꦪꦤꦸꦣꦶꦔꦶ꧈ꦭꦃꦲꦶꦪꦩꦫ꧈ꦲꦗꦔꦢꦸꦮꦺꦴꦁꦕꦶꦭꦶ
꧄ꦲꦶꦪꦲꦼꦤ꧀ꦢꦶꦧꦺꦴ [ f.42r ] ꦥꦠꦶꦤꦺꦮꦺꦴꦁꦧꦁ​ꦮꦺꦠꦤ꧀​​ꦲꦶꦏꦁꦲꦸꦮꦶꦱ꧀ꦱꦩꦸꦏ꧀ꦠꦶ꧈ꦥꦪꦸꦥꦥꦒ꧀ꦒꦼꦤꦠꦤ꧀ꦝꦶꦁꦔꦲꦶꦁꦔꦪꦸꦢ꧈ꦱꦶꦒꦿꦢꦶꦥꦠꦶꦮꦭꦺꦫꦶꦩꦫꦲꦶꦁꦔꦂꦱ꧈ꦲꦱꦶꦏꦼꦥ꧀ꦮꦠꦁꦥꦸꦠꦶꦃ
꧄ꦲꦢꦶꦥꦠꦶꦮꦭꦺꦫꦶꦭꦁꦏꦸꦁꦧꦿꦩꦠꦾ꧈ꦩꦗꦸꦱꦂꦮꦶꦱꦶꦱꦶꦫꦶꦒ꧀​ꦮꦠꦁꦔꦺꦲꦶꦁꦔꦶꦏꦭ꧀​​ꦲꦶꦁꦔꦼꦩ꧀ꦧꦠ꧀ꦠꦤꦺꦁꦔꦱ꧀ꦠ꧈ꦏꦥꦁꦒꦶꦃꦱꦩꦾꦢꦶꦥꦠꦶ꧈ꦲꦱꦿꦸꦲꦁꦔꦸꦕꦥ꧀​​ꦲꦢꦶꦥꦠꦶꦮꦭꦺꦫꦶ꧈
꧄ꦭꦃꦩꦸꦤ꧀ꦢꦸꦂꦫꦱꦶꦫꦲꦢꦶꦥꦠꦶꦗꦶꦥꦁ꧈ꦲꦺꦩꦤ꧀ꦩꦤꦮꦩꦠꦶ꧈ꦧꦭꦶꦏ꧀ꦔꦮꦸꦭꦲꦩꦫꦶꦁꦔꦶꦁꦧꦭꦁꦧꦁꦔꦤ꧀​ꦢꦶꦥꦠꦶꦗꦶꦥꦁꦤꦸꦣꦶꦁꦔꦶ꧈ꦱꦶꦫꦩꦸꦤ꧀ꦢꦸꦫ꧈ꦲꦺꦩꦤ꧀ꦩꦤꦮꦩꦠꦶ
꧄ꦲꦢꦶꦥꦠꦶꦮꦭꦺꦫꦶꦲꦱꦿꦸꦲꦤꦸꦩ꧀ꦧꦏ꧀​ꦗꦫꦤꦺꦤꦸꦭꦾꦩꦠꦶ꧈ꦲꦢꦶꦥꦠꦶꦗꦶꦥꦁ꧈ꦠꦶꦧꦏꦫꦁꦏꦁꦫꦁꦏꦁ꧈ꦱꦸꦫꦏ꧀ꦭꦶꦂꦏꦫꦸꦔꦸꦭꦁꦔꦶꦠ꧀ꦩꦸꦱꦸꦃꦭꦤ꧀ꦤꦿꦺꦴꦮꦁꦧꦼꦤ꧀ꦝꦺꦏꦭꦮꦤ꧀ꦧꦺꦫꦶ
꧄ꦔꦶꦏꦭ꧀​ꦮꦠꦁꦲꦠꦁꦔꦶꦢꦶꦥꦠꦶꦗꦶꦥꦁ꧈ꦲꦤꦸꦭꦶꦢꦺꦤ꧀ꦭꦲꦶꦫꦶ꧈ꦗꦗꦏꦥꦿꦗꦪ꧈ꦮꦭꦺꦫꦶꦱꦩ꧀ꦥꦸꦤ꧀ꦤꦶꦧ꧈ꦱꦸꦫꦏ꧀ꦏꦺꦲ [ f.42v ]ꦮꦤ꧀ꦠꦶꦮꦤ꧀ꦠꦶ꧈ꦱꦩ꧀ꦥꦸꦤ꧀ꦏꦧꦿꦤꦤ꧀​ꦒꦶꦤꦺꦴꦠꦺꦴꦁꦩꦸꦤ꧀ꦢꦸꦂꦱꦩꦶ

꧄ꦱꦭꦶꦤ꧀ꦏꦸꦢꦱꦶꦫꦲꦢꦶꦥꦠꦶꦗꦶꦥꦁ꧈ꦩꦗꦸꦱꦂꦪꦱꦶꦱꦶꦫꦶꦒ꧀​ꦱꦂꦪꦔꦶꦏꦭ꧀ꦮꦠꦁ꧈ꦲꦶꦁꦔꦼꦩ꧀ꦧꦠ꧀ꦠꦤꦺꦁꦔꦱ꧀ꦠ꧈ꦏꦼꦩ꧀ꦧꦸꦭꦤꦱꦸꦤ꧀ꦤꦗꦸꦫꦶꦠ꧀​ꦮꦺꦴꦁꦧꦭꦁꦧꦁꦔꦤ꧀​​ꦲꦗꦔꦢꦸꦮꦺꦴꦁꦕꦶꦭꦶ
꧄ꦏꦠꦶꦁꦔꦭꦤ꧀ꦢꦺꦤꦶꦫꦱꦁꦩꦺꦤꦏ꧀ꦱꦺꦴꦥꦭ꧀​​ꦲꦱꦶꦏꦼꦥ꧀ꦮꦠꦁꦧꦶꦫꦶꦁ꧈ꦏꦸꦢꦤꦺꦲꦤ꧀ꦚꦺꦴꦁꦏ꧀ꦭꦁ꧈ꦲꦸꦊꦱ꧀ꦱꦺꦲꦧꦁꦱꦼꦥꦃ꧈ꦭꦃꦔꦸꦕꦥ꧀ꦱꦂꦪꦤꦸꦣꦶꦁꦔꦶ꧈ꦏꦶꦩꦺꦤꦏꦏ꧀ꦱꦺꦴꦥꦭ꧀​​ꦲꦗꦢꦩꦸꦒꦶꦁꦱꦶꦫꦶ
꧄ꦫꦶꦱꦏ꧀ꦱꦤ꧈ꦏꦥꦁꦒꦶꦃꦲꦪꦸꦤ꧀ꦤꦪꦸꦤꦤ꧀​ꦠꦸꦣꦶꦁꦠꦶꦤꦸꦣꦶꦁꦱꦩꦶ꧈ꦱꦶꦫꦩꦺꦤꦏ꧀ꦱꦺꦴꦥꦭ꧀​ꦠꦸꦫꦁꦒꦤꦺꦠꦶꦤꦸꦩ꧀ꦧꦏ꧀​​ꦲꦁ​ꦭꦸꦩ꧀ꦧꦲꦤꦸꦭꦾꦩꦠꦶ꧈ꦏꦶꦩꦺꦤꦏ꧀ꦱꦺꦴꦥꦭ꧀​ꦠꦶꦧꦏꦺꦴꦁꦱꦼꦧ꧀ꦏꦮꦭꦶꦏ꧀
꧄ꦱꦶꦒꦿꦠꦁꦔꦶꦱꦂꦮꦶꦲꦤꦫꦶꦏ꧀ꦖꦸꦫꦶꦒ꧈ꦲꦤꦸꦭꦾꦢꦺꦤ꧀ꦭꦲꦶꦫꦶ꧈ꦮꦼꦠꦼꦁꦔꦶꦁꦠꦸꦫꦁꦒ꧈ꦗꦫꦤ꧀ꦤꦶꦫꦲꦁ​ꦭꦸꦩ꧀ꦧ꧈ꦲꦤꦸꦭꦾꦠꦶꦧꦏꦮꦭꦶꦏ꧀​ꦢꦶꦥꦠꦶꦗꦶꦥꦁ꧈ꦲꦤꦸꦭꦶꦢꦺꦤ꧀ꦏꦏꦲꦶ
꧄ꦲꦶꦁꦔꦶꦢꦼꦏꦤ꧀ꦱꦶꦤꦩ꧀ꦧꦼꦭꦺꦃꦒꦸꦭꦸꦤꦶꦫ꧈ꦢꦶꦥꦠꦶꦗꦶꦥꦁꦩꦠꦶ꧈ꦱꦶꦒꦿꦩꦺꦤ [ f.43r ] ꦏ꧀ꦱꦺꦴꦥꦭ꧀​ꦱꦩ꧀ꦥꦸꦤ꧀ꦱꦭꦶꦤ꧀ꦠꦸꦫꦁꦒ꧈ꦩꦗꦸꦱꦂꦮꦶꦲꦱꦶꦱꦶꦫꦶꦒ꧀​​ꦲꦱꦸꦩ꧀ꦧꦂꦱꦸꦩ꧀ꦧꦂ꧈ꦥꦪꦸꦥꦣꦧꦺꦴꦥꦠꦶ
꧄ꦪꦠꦮꦲꦸꦏꦶꦪꦢꦶꦥꦠꦶꦲꦶꦁꦠꦸꦧꦤ꧀​ꦩꦁꦒꦸꦁ​ꦭꦸꦲꦸꦂꦠꦸꦫꦁꦒꦶ꧈ꦱꦂꦮꦶꦥꦶꦤꦪꦸꦁꦔꦤ꧀​ꦮꦠꦁꦲꦶꦁꦏꦺꦫꦶꦏꦤꦤ꧀​ꦥꦤꦸꦫꦸꦁꦕꦼꦩꦼꦁꦲꦁꦔꦥꦶꦠ꧀​ꦥꦤ꧀ꦮꦲꦺꦴꦱ꧀ꦱꦸꦭꦩ꧀​​ꦲꦶꦁ​ꦮꦶꦁꦏꦶꦁꦲꦤ꧀ꦗꦗꦫꦶ
꧄ꦥꦤ꧀ꦤꦶꦁꦔꦣꦼꦥ꧀ꦢꦺꦤꦶꦁꦠꦶꦪꦁꦒꦒꦧꦃꦲꦤ꧀​ꦧꦣꦺꦏꦁꦩꦶꦭꦸꦩꦠꦶ꧈ꦠꦸꦮꦸꦏ꧀ꦢꦶꦥꦸꦤ꧀ꦢꦢꦂꦲꦢꦶꦥꦠꦶꦲꦶꦁꦠꦸꦧꦤ꧀​ꦧꦭꦧꦃꦠꦸꦭꦸꦱ꧀ꦱꦶꦁꦧꦸꦢꦶ꧈ꦱꦧꦂꦢꦫꦤ꧀ꦤ꧈ꦫꦁꦒꦭꦮꦺꦲꦶꦁꦠꦸꦧꦶꦤ꧀
꧄ꦲꦤꦶꦔꦭ꧀ꦭꦶꦲꦢꦶꦥꦠꦶꦗꦶꦥꦁꦥꦼꦗꦃ꧈ꦲꦤꦸꦭꦾꦲꦁꦔꦮꦠ꧀ꦠꦶ꧈ꦤ꧀ꦚꦤ꧀ꦝꦏ꧀ꦥꦁꦔꦮꦶꦤꦤ꧀​ꦮꦸꦱ꧀ꦱꦤ꧀ꦚꦩꦼꦛꦶꦏꦸꦢ꧈ꦲꦺꦣꦺꦪꦤ꧀ꦚꦺꦴꦁꦏ꧀ꦭꦁꦲꦫꦶꦫꦶꦃ꧈ꦤ꧀ꦚꦶꦫꦶꦒ꧀ꦩꦼꦤ꧀ꦝꦥꦤ꧀​ꦱꦸꦫꦏ꧀ꦏꦧꦺꦃꦮꦺꦴꦁꦠꦸꦧꦶꦤ꧀
꧄ꦮꦲꦺꦴꦱ꧀ꦱꦶꦫꦲꦣꦥꦸꦂꦧꦶꦫꦶꦁ​ꦭꦤꦁꦔꦤ꧀​ꦭꦤ꧀ꦝꦺꦪꦤꦺꦠꦁꦒꦸꦭꦶ꧈ꦮꦲꦺꦴꦱ꧀ꦠꦶꦒꦁꦣꦼꦥ꧈ꦲꦶꦁꦔꦼꦩ꧀ꦧꦠ꧀ꦭꦶꦂꦏꦶꦠꦶꦂꦫꦤ꧀​ꦮꦲꦺꦴꦱ꧀ꦱꦺꦲꦩ꧀ꦥꦸꦃꦲꦭꦸꦔꦶꦢ꧀ꦩꦫꦁꦲꦶꦁꦔꦂꦱ꧈ꦏꦸꦢꦤ꧀ꦤꦺꦲꦭꦺꦴꦤ꧀ꦚꦶꦫꦶꦒ꧀
꧄ꦤ꧀ꦚꦺꦴꦏ꧀ꦭꦁ​ꦮꦼꦣꦂꦏꦸꦢꦤꦺꦢꦶꦥꦠꦶꦠꦸꦧꦤ꧀ [ f.43v ]ꦲꦱꦸꦩ꧀ꦧꦂꦲꦶꦁꦔꦗꦸꦫꦶꦠ꧀​​ꦉꦧꦸꦠꦼꦤ꧀ꦤꦪꦸꦢ꧈ꦲꦢꦶꦥꦠꦶꦲꦶꦁꦠꦸꦧꦤ꧀​ꦭꦗꦼꦂꦫꦺꦮꦺꦴꦁꦩꦗꦥꦲꦶꦠ꧀​ꦭꦃꦥꦥꦒ꧀ꦒꦼꦤ꧀ꦤ꧈ꦏꦁꦥꦣꦮꦸꦱ꧀ꦱꦩꦸꦏ꧀ꦠꦶ

꧄ꦤꦶꦠꦶꦃꦏꦸꦢꦲꦢꦶꦥꦠꦶꦥꦿꦧꦭꦶꦒ꧈ꦔꦼꦩ꧀ꦧꦠ꧀ꦮꦠꦁꦫꦱ꧀ꦥꦠꦶ꧈ꦥꦁꦒꦶꦃꦪꦸꦤ꧀ꦤꦪꦸꦤꦤ꧀​​ꦲꦤꦸꦭꦶ꧈ꦭꦶꦤꦫꦶꦪꦤ꧀​ꦏꦶꦪꦢꦶꦥꦠꦶꦲꦶꦁꦠꦸꦧꦶꦤ꧀​ꦱꦶꦒꦿꦲꦁꦒꦼꦧꦁ꧈ꦮꦠꦁꦔꦺꦠꦶꦭꦱ꧀ꦥꦕꦶꦁ
꧄ꦢꦾꦤ꧀ꦮꦶꦤꦊꦱ꧀​ꦩꦺꦤꦏ꧀ꦥꦿꦭꦒꦏꦠꦮꦤ꧀​ꦧꦲꦸꦤꦺꦲꦶꦁꦏꦁꦏꦤꦶꦤ꧀​ꦭꦸꦢꦶꦫꦤꦺꦩꦸꦤ꧀ꦖꦂ꧈ꦫꦶꦤꦼꦧꦠ꧀ꦢꦺꦤꦶꦁꦧꦭ꧈ꦮꦸꦱ꧀ꦒꦶꦤꦺꦴꦠꦺꦴꦁꦔꦤ꧀ꦠꦸꦩꦸꦭꦶ꧈ꦠꦶꦤꦤ꧀ꦝꦸꦏꦼꦧꦠ꧀​ꦱꦸꦫꦏ꧀ꦧꦭꦲꦶꦁꦠꦸꦧꦶꦤ꧀
꧄ꦩꦺꦤꦏ꧀ꦱꦺꦴꦥꦭ꧀ꦏꦭꦁꦏꦸꦁꦧꦿꦩꦠꦾꦤꦶꦫ꧈ꦏꦸꦢꦤ꧀ꦤꦺꦕꦶꦩꦩꦼꦛꦶ꧈ꦱꦂꦮꦶꦔꦼꦩ꧀ꦧꦠ꧀ꦮꦠꦁ꧈ꦏꦥꦁꦒꦶꦃꦪꦸꦤ꧀ꦤꦪꦸꦤꦤ꧀​ꦩꦺꦤꦏ꧀​ꦱꦺꦴꦥꦭ꧀ꦲꦤꦸꦣꦶꦁꦔꦶ꧈ꦱꦶꦫꦩꦸꦤ꧀ꦢꦸꦂꦫ꧈ꦲꦱꦸꦫꦁꦒꦲꦶꦁꦠꦸꦧꦶꦤ꧀
꧄ꦥꦸꦠꦿꦶꦤꦶꦫꦲ[...]ꦤ꧀ꦤꦩꦺꦤꦏ꧀ꦗꦶꦁꦒ꧈ꦭꦤ꧀ꦱꦶꦫꦲꦢꦶꦥꦠꦶ꧈ꦧꦤ꧀ꦗꦸꦫꦔꦮꦸꦭ꧈ꦩꦫꦁ​ꦮꦺꦴꦁꦧꦭꦁꦧꦁꦔ[...]ꦱ꧀ꦛꦗꦼꦤꦼꦁꦔꦶꦁꦧꦺꦴꦥꦠꦶ꧈ꦏꦺꦴꦮꦼꦤ꧀ꦮꦺꦴꦁꦠꦸꦧꦤ꧀​ꦔꦮꦸꦭꦫꦠꦸꦲꦺꦱ꧀ꦠꦿꦶ
꧄ [ f.44r ]ꦏꦪꦲꦶꦁꦱꦸꦤ꧀​​ꦲꦁꦔꦸꦂꦔꦭꦸꦮꦠꦥꦶꦱꦤ꧀​ꦔꦮꦸꦭꦫꦠꦸꦲꦺꦱ꧀ꦠꦿꦶ꧈ꦲꦢꦶꦥꦠꦶꦠꦸꦧꦤ꧀​ꦭꦁꦏꦸꦁꦢꦺꦤ꧀ꦚꦧꦿꦩꦠꦾ꧈ꦮꦶꦠ꧀ꦤꦶꦁꦔꦶꦁꦱꦸꦤ꧀ꦤꦺꦴꦫꦱꦸꦢꦶ꧈ꦲꦥꦿꦁ​ꦭꦤ꧀ꦱꦶꦫ꧈ꦥꦤ꧀ꦱꦶꦫꦮꦺꦴꦁꦔꦩ꧀ꦧꦭꦶꦏ꧀

꧄ꦩꦺꦤꦏ꧀ꦱꦺꦴꦥꦭ꧀ꦔꦸꦭꦸꦮꦲꦩ꧀ꦧꦼꦏꦤ꧀ꦤꦶꦫ꧈ꦢꦺꦤꦶꦁꦱꦲꦺꦩꦸꦲꦸꦫꦶꦥ꧀​ꦱꦶꦫꦮꦼꦢꦶꦥꦼꦗꦃ꧈ꦲꦥꦿꦁ​ꦭꦤ꧀ꦩꦺꦤꦏ꧀ꦗꦶꦁꦒ꧈ꦮꦸꦱ꧀ꦩꦸꦤ꧀ꦢꦸꦂꦫꦲꦺꦴꦫꦱꦸꦢꦶ꧈ꦩꦸꦱꦸꦃꦭꦤ꧀ꦱꦶꦫ꧈ꦣꦶꦁꦔꦶꦤ꧀ꦏꦥꦿꦺꦠꦃꦩꦩꦶ
꧄ꦩꦺꦤꦏ꧀ꦱꦺꦴꦥꦭ꧀ꦏꦭꦁꦏꦸꦁꦧꦿꦩꦠꦾꦤꦶꦫ꧈ꦲꦤꦸꦭꦾꦤꦸꦩ꧀ꦧꦏ꧀ꦝꦶꦁꦔꦶꦤ꧀​​ꦲꦤꦸꦭꦾꦒꦶꦤꦼꦧꦁ꧈ꦮꦲꦺꦴꦱ꧀ꦱꦶꦥꦸꦤ꧀ꦏꦁꦱꦶꦁꦱꦭ꧀​ꦢꦶꦥꦠꦶꦠꦸꦧꦤ꧀ꦭꦫꦶꦲꦶ꧈ꦗꦗꦏꦧꦿꦤꦤ꧀ꦩꦺꦤꦏ꧀ꦱꦺꦴꦥꦭ꧀ꦔꦼꦩꦱ꧀ꦱꦶ
꧄ꦲꦢꦶꦥꦠꦶꦕꦁꦕꦁꦔꦤ꧀​​ꦫꦥ꧀ꦥꦏꦼꦤ꧀ꦏꦸꦢ꧈ꦔꦼꦩ꧀ꦧꦠ꧀ꦮꦠꦁꦫꦱ꧀ꦥꦠꦶ꧈ꦱꦩꦶꦪꦸꦤ꧀ꦤꦪꦸꦤꦤ꧀ꦭꦁꦏꦸꦁꦏꦼꦧꦠ꧀ꦠꦕꦸꦏꦠ꧀​​ꦫꦁꦒꦭꦮꦺꦢꦺꦤ꧀ꦭꦫꦶꦲꦶ꧈ꦗꦁꦏꦼꦥ꧀ꦥꦶꦁꦠꦶꦒ꧈ꦏꦼꦧꦠ꧀ꦢꦺꦤ꧀ꦚꦲꦤꦁꦏꦶꦱ꧀꧈
꧄ꦩꦼꦱꦠ꧀ꦒꦶꦒꦭ꧀ꦮꦠꦁꦔꦶꦫꦠꦶꦧꦺꦁ​ꦊꦩꦃ꧈ꦫꦁꦒꦭꦮꦺꦭꦫꦶꦲꦶ꧈ꦠꦼꦁꦒꦼꦏ꧀ꦏꦥꦿꦗꦪ꧈ꦭꦸꦢꦶꦫꦤꦶꦫꦩꦸꦤ꧀ꦖꦂ꧈ꦤꦶꦧꦱꦏꦶꦁꦔꦶꦁꦠꦸꦫꦁꦒꦶ꧈ꦮꦸꦱ꧀ꦒꦶꦤꦺꦴꦱꦺꦴꦁꦔꦤ꧀​ꦠꦸꦤ꧀ꦗꦸꦁꦱꦺꦠꦔꦼꦩ꧀ꦩꦱꦶ [ f.44v ]ꦠꦔꦼꦩ꧀ꦩꦱ꧀ꦱꦶ

꧄ꦩꦗꦸꦫꦤ꧀ꦤꦲꦢꦶꦥꦠꦶꦥꦱꦸꦫꦸꦮꦤ꧀​ꦔꦼꦩ꧀ꦧꦠ꧀ꦮꦠꦁꦏꦸꦩꦶꦠꦶꦂ꧈ꦥꦁꦒꦶꦃꦪꦸꦤ꧀ꦤꦪꦸꦤꦤ꧀​ꦭꦤ꧀ꦤꦢꦶꦥꦠꦶꦠꦸꦧꦤ꧀​ꦥꦱꦸꦫꦸꦮꦤ꧀ꦩꦁꦏꦾꦲꦁ​ꦭꦶꦁ꧈ꦱꦶꦫꦩꦸꦤ꧀ꦢꦸꦂꦫ꧈ꦫꦁꦒꦭꦮꦺꦲꦶꦁꦠꦸꦧꦶꦤ꧀
꧄ꦲꦔꦸꦂꦱꦶꦫꦔꦮꦸꦭꦲꦩꦺꦤꦏ꧀ꦗꦶꦁꦒ꧈ꦫꦠꦸꦩꦸꦥꦿꦧꦸꦲꦺꦱ꧀ꦠꦿꦶ꧈ꦱꦶꦫꦲꦠꦸꦂꦉꦤ꧀ꦤ꧈ꦩꦿꦶꦁꦒꦸꦱ꧀ꦠꦶꦩꦺꦤꦏ꧀ꦗꦶꦁꦒ꧈ꦧꦿꦩꦠꦾꦢꦶꦥꦠꦶꦠꦸꦧꦶꦤ꧀​ꦱꦶꦒꦿꦲꦤꦸꦩ꧀ꦧꦏ꧀​ꦥꦱꦸꦫꦸꦮꦤ꧀ꦔꦼꦩꦱ꧀ꦱꦶ
꧄ꦔꦶꦏꦭ꧀ꦮꦠꦁꦏꦶꦫꦁꦒꦭꦮꦺꦲꦶꦠꦸꦧꦶꦤ꧀​ꦏꦸꦢꦤꦺꦲꦱꦶꦱꦶꦫꦶꦒ꧀​ꦥꦪꦸꦏꦼꦩ꧀ꦧꦸꦭ꧀ꦭꦤ꧈ꦲꦶꦏꦶꦫꦸꦥꦤꦺꦲꦶꦪ꧈ꦭꦗꦼꦂꦫꦺꦮꦺꦴꦁꦩꦗꦥꦲꦶꦠ꧀​ꦱꦶꦩꦺꦤꦏ꧀ꦗꦶꦁꦒ꧈ꦩꦼꦠꦸꦮꦔꦺꦴꦁꦏꦼꦩ꧀ꦧꦂꦫꦶ
꧄ꦮꦸꦱ꧀ꦏꦭꦶꦤ꧀ꦝꦶꦃꦪꦸꦢꦤꦺꦮꦺꦴꦁꦔꦶꦁꦧꦁ​ꦮꦺꦠꦤ꧀​​ꦉꦩ꧀ꦥꦸꦃꦠꦤ꧀ꦤꦤꦏꦫꦶ꧈ꦒꦺꦒꦺꦫꦥꦸꦪꦼꦁꦔꦤ꧀​ꦭꦸꦩꦪꦸꦉꦧꦸꦠ꧀ꦥꦫꦤ꧀​​ꦪꦠꦲꦢꦶꦥꦠꦶꦠꦸꦧꦶꦤ꧀​ꦮꦸꦱ꧀ꦩꦱꦁꦒꦿꦲꦤ꧀​ꦱꦩ꧀ꦥꦸꦤ꧀ꦤꦤꦠꦧꦫꦶꦱ꧀​
꧄ꦏꦮꦂꦤꦲꦏꦁꦔꦤꦁꦔꦶꦁꦥꦿꦧꦭꦶꦒ꧈ꦩꦺꦤꦏ꧀ꦗꦶꦁꦒꦠꦶꦤꦁꦏꦶꦭ꧀​ꦏꦶꦥꦠꦶꦃꦏꦺꦴꦠ꧀ꦧꦸ [ f.45r ] ꦠ꧈ꦲꦶꦁꦏꦁꦩꦸꦒꦺꦁꦲꦶꦁꦔꦂꦱ꧈ꦲꦸꦩꦠꦸꦂꦣꦠꦼꦁꦤꦂꦥꦠꦶ꧈ꦲꦤꦸꦲꦸꦤ꧀ꦢꦸꦏ꧈ꦥꦸꦏꦸꦭꦸꦤ꧀ꦥꦤ꧀ꦢꦸꦏꦗꦶ
꧄ꦲꦧ꧀ꦢꦶꦢꦊꦩ꧀​​ꦲꦶꦁꦏꦁꦲꦩꦒꦸꦠ꧀ꦠꦪꦸꦢ꧈ꦉꦱꦏ꧀ꦏꦮꦸꦭꦲꦭꦶꦠ꧀​ꦠꦤ꧀ꦩꦁꦒꦥꦸꦭꦶꦪ꧈ꦏꦛꦃꦥꦼꦗꦃꦲꦶꦁꦠꦺꦴꦪ꧈ꦧꦺꦴꦥꦢꦶꦏꦛꦃꦔꦼꦩꦱ꧀ꦱꦶ꧈ꦫꦪꦶꦱꦩ꧀ꦥꦺꦪꦤ꧀​ꦩꦺꦤꦏ꧀ꦱꦺꦴꦥꦭ꧀ꦔꦼꦩꦱ꧀ꦱꦶ
꧄ꦫꦪꦶꦥꦤ꧀ꦢꦸꦏꦢꦶꦥꦠꦶꦥꦿꦧꦭꦶꦁꦒ꧈ꦩꦺꦤꦏ꧀ꦗꦪꦥꦿꦭꦒꦶ꧈ꦥꦤ꧀ꦤꦤꦤ꧀ꦝꦁꦧꦿꦤ꧈ꦲꦢꦶꦥꦠꦶꦕꦁꦕꦁꦔꦤ꧀​ꦗꦪꦱꦤ꧀ꦠꦶꦏꦔꦼꦩ꧀ꦩꦱꦶ꧈ꦮꦸꦱ꧀ꦏꦠꦿꦶꦮꦤ꧀ꦝꦤ꧀​​ꦲꦢꦶꦥꦠꦶꦮꦭꦺꦫꦶ
꧄ꦫꦪꦶꦢꦶꦏꦏꦶꦪꦢꦶꦥꦠꦶꦲꦶꦁꦏꦶꦤ꧀ꦖꦁ꧈ꦧꦭꦫꦸꦕꦶꦔꦼꦩ꧀ꦩꦱ꧀ꦱꦶ꧈ꦲꦢꦶꦥꦠꦶꦠꦸꦧꦤ꧀​ꦭꦁꦏꦸꦁꦢꦺꦤꦶꦁꦥꦿꦮꦶꦫ꧈ꦲꦢꦶꦥꦠꦶꦤꦺꦮꦺꦴꦁꦠꦸꦧꦶꦤ꧀ꦏꦼꦧꦠ꧀ꦠꦕꦸꦏ꧀​​ꦲꦠꦼꦒꦸꦃꦠꦸꦂꦠꦫꦩ꧀ꦥꦶꦭ꧀​
꧄ꦥꦿꦶꦠ꧀ꦠꦤꦼꦧ꧈ꦒꦼꦭꦂꦫꦺꦢꦶꦥꦠꦶꦠꦸꦧꦤ꧀​ꦱꦧꦼꦤ꧀ꦤꦺꦪꦺꦤ꧀ꦤꦗꦸꦫꦶꦠ꧀​ꦏꦭꦁꦏꦸꦁꦧꦿꦩꦠꦾ [ f.45v ]ꦱꦶꦫꦏꦶꦩꦺꦤꦏ꧀ꦗꦶꦁꦒ꧈ꦪꦺꦤ꧀ꦠꦩꦁꦏꦺꦴꦤꦺꦴꦮꦥꦠꦶꦃꦱꦸꦥꦶꦠꦼꦤ꧀ꦤꦸꦫꦁ꧈ꦱꦶꦫꦁꦒꦭꦮꦺꦠꦸꦧꦶꦤ꧀

꧄ꦥꦠꦶꦃꦱꦶꦫꦒꦮꦲꦧꦭꦱꦭꦏ꧀ꦱ꧈ꦱꦶꦫꦢꦢꦶꦪꦱꦸꦥꦶꦠ꧀​ꦭꦮꦤ꧀ꦱꦶꦏꦠ꧀ꦧꦸꦠ꧈ꦠꦸꦩꦼꦁꦒꦸꦁꦠꦸꦁꦒꦫꦤ꧈ꦲꦩꦼꦤ꧀ꦝꦼꦩ꧀ꦩꦲꦶꦁ​ꦮꦤꦢꦿꦶ꧈ꦲꦗꦏꦠꦶꦔꦭ꧀​ꦢꦺꦤꦶꦁꦧꦭꦲꦶꦁꦠꦸꦧꦶꦤ꧀
꧄ꦱꦶꦢꦶꦥꦠꦶꦲꦶꦁꦧꦤ꧀ꦝꦸꦁ​ꦭꦤ꧀ꦤꦶꦁ​ꦮꦁꦱꦸꦭꦤ꧀​ꦢꦢꦶꦱꦸꦁꦔꦸꦠ꧀ꦠꦶꦁꦗꦸꦫꦶꦠ꧀​ꦢꦶꦥꦠꦶꦥꦿꦒꦸꦤꦤ꧀​​ꦲꦶꦁꦧꦠꦭ꧀ꦥꦣꦺꦴꦩꦱꦤ꧀​​ꦲꦶꦁ​ꦮꦗꦏ꧀ꦭꦮꦤ꧀ꦮꦠꦸꦫꦶꦠ꧀​ꦱꦩꦤ꧀ꦠꦿꦶꦤꦶꦫ꧈ꦏꦧꦺꦃꦲꦗꦤꦏꦫꦶ꧈
꧄ꦱꦮꦂꦤꦶꦤꦺꦧꦺꦴꦥꦠꦶꦏꦁꦱꦩ꧀ꦥꦸꦤ꧀ꦥꦼꦗꦃꦥꦠꦶꦪꦺꦏꦺꦤ꧀ꦒꦼꦤ꧀ꦠꦺꦤ꧀ꦤꦶ꧈ꦏꦁꦢꦂꦧꦺꦲꦠ꧀ꦩꦗ꧈ꦒꦶꦤꦤ꧀ꦠꦺꦤ꧀ꦢꦺꦤꦶꦁꦥꦸꦠꦿ꧈ꦲꦤꦒꦤ꧀ꦠꦶꦲꦶꦁꦥꦥꦠꦶꦃꦱꦩꦶꦢꦶꦤꦢꦂ꧈ꦫꦱꦸꦏꦤ꧀ꦤꦶꦁꦏꦁꦔꦢ꧀ꦢꦶ
꧄ꦱꦩ꧀ꦥꦸꦤ꧀ꦉꦩ꧀ꦥꦸꦒ꧀ꦱꦒꦸꦁꦔꦶꦁꦥꦫꦢꦶꦥꦠꦾ꧈ꦲꦏꦱꦸꦏꦤ꧀ꦱꦮꦼꦁꦔꦶ꧈ꦫꦩꦺꦲꦤ꧀ꦢꦿꦮꦶꦤ꧈ꦲꦤꦁꦔꦶꦁꦥꦿꦧꦭꦶꦁꦒ꧈ꦪꦠ [ f.46r ] ꦏꦮꦂꦤꦲꦲꦺꦤ꧀ꦗꦶꦁ​ꦮꦸꦱ꧀ꦱꦩꦶꦢꦁꦢꦤ꧀​ꦱꦧꦸꦱꦤꦲꦗꦸꦫꦶꦠ꧀
꧄ꦠꦠꦧꦸꦩꦤ꧀ꦒꦺꦴꦁꦲꦒꦼꦁꦩꦸꦤꦶꦱꦲꦸꦫꦤ꧀​ꦒꦸꦩꦸꦫꦸꦃꦧꦼꦤ꧀ꦝꦺꦤꦶꦠꦶꦂ꧈ꦠꦩ꧀ꦧꦸꦂꦫꦺꦲꦁꦔꦮꦁ꧈ꦧꦫꦶꦱ꧀ꦱꦺꦲꦥꦼꦥꦤ꧀ꦛꦤ꧀​ꦢꦶꦤꦸꦭꦸꦭꦶꦂꦒꦸꦤꦸꦁꦲꦥꦶ꧈ꦧꦸꦱꦤꦲꦧꦿ꧈ꦱꦸꦉꦩ꧀ꦏꦁꦧꦤꦱ꧀ꦥꦠꦶ
꧄ꦲꦁꦏꦠ꧀ꦧꦸꦠꦲꦁꦒꦮꦧꦭꦱꦭꦏ꧀ꦱꦲꦱꦶꦔꦶꦢꦤ꧀ꦮꦤꦢꦿꦶ꧈ꦏꦶꦥꦠꦶꦃꦏꦺꦴꦠ꧀ꦧꦸꦠ꧈ꦩꦥꦤ꧀ꦒꦮꦱꦭꦏ꧀ꦱ꧈ꦲꦩꦼꦤ꧀ꦝꦼꦩ꧀ꦥꦁꦔꦮꦠ꧀ꦏꦺꦫꦶ꧈ꦱꦁꦔꦢꦶꦥꦠꦾ꧈ꦠꦸꦧꦤ꧀ꦩꦁꦱꦼꦃꦲꦗꦸꦫꦶꦠ꧀
꧄ꦭꦪꦁꦱꦺꦠꦿꦏꦁꦢꦢꦶꦕꦸꦕꦸꦏ꧀ꦏꦶꦁꦪꦸꦢ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦭꦮꦤ꧀ꦒꦸꦭꦁꦒꦸꦭꦁ꧈ꦩꦶꦮꦃꦮꦺꦴꦁꦏꦗꦶꦤꦼꦩꦤ꧀​ꦧꦉꦁꦠꦤ꧀ꦢꦁꦢꦸꦫꦥꦠꦶ꧈ꦧꦭꦲꦶꦁꦠꦸꦧꦤ꧀​ꦱꦩꦤꦲꦤꦺꦁ​ꦮꦶꦁꦏꦶꦁ
꧄ꦱꦩ꧀ꦥꦸꦤ꧀ꦩꦁꦏꦠ꧀ꦏꦶꦫꦁꦒꦭꦮꦺꦲꦶꦁꦠꦸꦧꦤ꧀​ꦭꦮꦤ꧀ꦮꦺꦴꦁꦱꦲꦺꦴꦱ꧀ꦱꦿꦒꦶ꧈ꦭꦱꦼꦩ꧀ꦭꦤ꧀ꦧꦭꦺꦴꦫ꧈ꦧꦫꦶꦱ꧀ꦱꦺꦮꦸꦱ꧀ꦱꦠꦠ꧈ꦧꦫꦶꦱꦺꦩꦤ꧀ꦖꦤ [ f.46v ]ꦤꦒꦫꦶ꧈ꦮꦸꦱ꧀​ꦣꦼꦥ꧀ꦥꦣꦼꦥꦤ꧀​ꦏꦥꦁꦒꦶꦃꦥꦣꦲꦤꦶ
꧄ꦲꦤꦢꦺꦤꦺꦮꦲꦸꦲꦶꦏꦁꦢꦢꦶꦣꦣ꧈ꦱꦏꦺꦃꦲꦧꦭꦠꦸꦧꦶꦤ꧀​ꦮꦸꦱ꧀ꦠꦁꦠꦁꦠꦶꦤꦁꦠꦁ꧈ꦫꦩꦺꦲꦧꦼꦧꦼꦣꦶꦭꦤ꧀​​ꦲꦤꦁꦲꦶꦁꦏꦁꦏꦼꦤꦁꦩꦶꦩꦶꦱ꧀​ꦧꦭꦲꦶꦁꦠꦸꦧꦤ꧀꧈ꦩꦗꦼꦁꦏꦁꦔꦤꦺꦁ​ꦮꦸꦫꦶ
꧄ꦭꦪꦁꦱꦺꦠꦿꦤꦶꦔꦭ꧀ꦭꦶꦲꦸꦤ꧀ꦠꦧ꧀ꦧꦶꦁꦩꦼꦁꦱꦃꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦩꦤꦲꦺꦏꦸꦩꦼꦥꦾꦂ꧈ꦧꦺꦴꦏꦺꦴꦁꦔꦺꦠꦠꦫꦸꦁꦔꦤ꧀​​ꦲꦤꦺꦁ​ꦭꦸꦲꦸꦂꦲꦶꦁꦠꦸꦫꦁꦒꦶ꧈ꦥꦣꦲꦥꦸꦁꦔꦤ꧀​​ꦲꦣꦶꦲꦶꦁꦏꦺꦤꦺꦣꦶꦔꦶꦤ꧀
꧄ꦭꦪꦁꦏꦸꦩꦶꦠꦶꦂꦔꦸꦕꦥ꧀ꦥꦒꦸꦫꦮꦭꦤ꧀​ꦭꦃꦱꦸꦏꦸꦂꦏꦏꦁꦲꦶꦁꦒꦶꦃ꧈ꦏꦮꦸꦭꦠꦸꦩꦶꦔꦭ꧀​ꦩꦸꦱꦸꦃꦢꦺꦢꦺꦮꦢꦶꦤ꧀ꦚ꧈ꦲꦗꦏꦠꦶꦁꦔꦭ꧀ꦮꦺꦴꦠꦸꦧꦶꦤ꧀​ꦣꦱꦂꦏꦭꦶꦔꦤ꧀​ꦒꦼꦒꦺꦴꦢꦺꦴꦒ꧀ꦲꦶꦁ​ꦮꦤꦢꦿꦶ꧈
꧄ꦱꦶꦒꦿꦕꦩ꧀ꦥꦸꦃꦪꦸꦢꦤꦺꦮꦺꦴꦁꦔꦶꦁꦧꦁ​ꦮꦺꦠꦤ꧀​ꦏꦭꦁꦏꦸꦁꦒꦺꦴꦭꦺꦴꦁꦥꦶꦥꦶꦱ꧀​​ꦲꦼꦧꦾꦺꦴꦏ꧀ꦏꦶꦔꦼꦧꦾꦺꦴꦏꦤ꧀​​ꦲꦏꦺꦃꦥꦠꦶꦁꦱꦉꦩ꧀ꦥꦭ꧀​​ꦲꦤꦏꦁꦢꦺꦤ꧀ꦒꦶꦠꦶꦏ꧀ꦧꦼꦣꦶꦭ꧀​​ꦲꦼꦤ꧀ꦝꦱꦺꦥꦼꦕꦃ꧈ꦩꦁꦱꦼꦃꦏꦁꦔꦤꦺꦁ​ꦮꦶꦁꦏꦶꦁ
꧄ꦏꦢꦾꦒꦸꦤꦸꦁꦏꦸꦤꦂꦥꦱꦸꦱꦸꦤ꧀ꦤꦠꦸꦩ꧀ꦥꦁ꧈ꦉꦩ꧀ꦥꦸꦃꦩꦤ꧀ꦖꦤꦼꦒꦫꦶꦮꦠꦁꦠꦶꦁꦒꦫꦺꦴꦥꦏ꧀​ꦏꦁ​ꦭꦸꦩꦪꦸꦏꦧꦿꦤꦤ꧀​​ꦲꦶꦁꦏꦁ​ꦮꦤ꧀ꦠꦼꦂꦲꦁꦔꦼꦩꦱ꧀ꦱꦶ꧈ꦮꦺꦴꦁꦔꦶꦁꦧꦁ​ꦮꦺꦠꦤ꧀​ꦩꦏ꧀ꦱꦶꦃꦩꦗꦼꦁꦲꦶꦁ​ꦮꦶꦁꦏꦶꦁ
꧄ꦮꦺꦴꦁꦧꦁꦏꦸꦭꦺꦴꦤ꧀​​ꦲꦠꦁꦒꦺꦴꦃꦲꦼꦁ [ f.47r ]ꦒꦼꦤ꧀ꦚꦪꦸꦢ꧈ꦮꦺꦴꦁ​ꦮꦺꦠꦤ꧀ꦱꦸꦱꦸꦤ꧀ꦡꦶꦤ꧀ꦝꦶꦃꦮꦠꦁꦏꦢꦶꦱꦫꦃꦧꦤ꧀ꦢꦺꦫꦠꦶꦁꦱꦸꦭꦪꦃ꧈ꦲꦶꦁꦏꦁꦣꦁꦔꦤ꧀ꦢꦶꦫꦁꦏꦼꦥ꧀ꦥꦶ꧈ꦮꦲꦺꦴꦱ꧀ꦱꦼꦤ꧀ꦗꦠ꧈ꦒꦺꦤ꧀ꦝꦺꦴꦁꦩꦤ꧀ꦠꦸꦤꦺꦏꦤꦶꦤ꧀
꧄ꦮꦸꦱ꧀ꦏꦭꦶꦤ꧀ꦝꦶꦃꦢꦶꦥꦠꦶꦭꦱꦼꦩ꧀ꦧꦭꦺꦴꦫ꧈ꦢꦼꦩꦏ꧀ꦏꦸꦢꦸꦱ꧀ꦒꦉꦱꦶꦏ꧀​ꦮꦫꦸꦒꦫꦺꦴꦧꦺꦴꦒꦤ꧀​ꦢꦠꦤ꧀ꦩꦁꦒꦥꦸꦭꦶꦪ꧈ꦲꦤꦏꦁꦩꦭꦶꦏ꧀ꦏꦸꦭꦩ꧀ꦧꦶ꧈ꦲꦶꦏꦁ​ꦭꦸꦩꦗꦂ꧈ꦢꦼꦢꦼꦫꦺꦢꦶꦥꦸꦠꦸꦁꦔꦶ
꧄ꦩꦗꦸꦫꦤꦢꦶꦥꦠꦶꦉꦩ꧀ꦧꦁꦠꦼꦠꦼꦒꦂꦱꦶꦏꦼꦥ꧀ꦮꦠꦁꦔꦗꦿꦶꦲꦶ꧈ꦏꦶꦩꦺꦤꦏ꧀ꦥꦿꦭꦒꦱꦶꦒꦿꦩꦼꦒꦠ꧀ꦠꦶꦔꦂꦱ꧈ꦲꦁꦔꦸꦕꦥ꧀ꦱꦂꦮꦶꦤꦸꦣꦶꦁꦔꦶ꧈ꦭꦃꦭꦸꦩꦪꦸꦮ꧈ꦩꦸꦁꦥꦸꦁꦢꦸꦫꦸꦁꦔꦼꦩ꧀ꦩꦱ꧀ꦱꦶ
꧄ꦏꦱꦉꦁꦔꦤ꧀ꦢꦶꦥꦠꦶꦉꦩ꧀ꦧꦁꦲꦤꦸꦩ꧀ꦧꦏ꧀​ꦤꦁꦔꦶꦁꦲꦺꦴꦫꦤꦼꦣꦱ꧀ꦱꦶ꧈ꦏꦶꦩꦺꦤꦏ꧀ꦥꦿꦭꦒꦲꦺꦕꦒꦺꦤ꧀ꦚꦠꦼꦠꦼꦒ꧀ꦒꦂ꧈ꦏꦸꦢꦤꦺꦤꦺꦴꦁꦏ꧀ꦭꦁꦲꦤ꧀ꦚꦶꦫꦶꦒ꧀​ꦧꦉꦁꦔꦩꦫ꧈ꦏꦧꦺꦃꦮꦺꦴꦁꦩꦗꦥꦲꦶꦠ꧀
꧄ꦮꦸꦱ꧀ꦮꦶꦤꦊꦱ꧀ꦢꦶꦥꦠꦶꦉꦩ꧀ꦧꦁꦏꦧꦿꦤꦤ꧀​​ꦲꦤꦶꦧꦤꦸꦭꦾꦩꦠꦶ꧈ꦥꦤ꧀ꦏꦱꦸꦕꦶꦩꦠ꧈ꦢꦶꦥꦠꦶꦭꦱꦼꦩ꧀ꦩꦫ꧈ꦲꦁꦔꦸꦕꦥ꧀ꦱꦂꦪꦤꦸꦣꦶꦁꦔꦶ꧈ꦧꦺꦴꦥꦠꦶꦮꦺꦠꦤ꧀​​ꦲꦗꦤꦏꦁꦒꦸꦩꦶꦁꦱꦶꦂ
꧄ꦏꦶꦤꦼꦩ꧀ꦧꦸꦭꦤ꧀ꦢꦺꦤꦶꦁꦏꦶꦩꦺꦤꦏ꧀ꦥꦿꦭꦒ꧈ꦲꦶꦁꦏꦁꦤꦁꦒꦺꦴꦲꦶꦗꦸꦫꦶꦠ꧀​​ꦫꦩꦺꦱꦶꦭꦶꦃꦮꦠꦁ꧈ꦠꦤ꧀ꦤꦤꦏꦁꦏꦱꦺꦴꦫꦤ꧀​ꦧꦼꦤ꧀ꦛꦏ꧀​​ꦲꦶꦁ​ꦭꦸꦲꦸꦂꦠꦸꦫꦁꦒꦶ꧈ꦮꦸꦱ꧀ꦏꦱꦶꦱꦶꦥꦤ꧀​ꦢꦶꦥꦠꦶꦭꦱꦼꦩ꧀ꦩꦠꦶ
꧄ꦧꦸꦧꦂꦭꦫꦸꦠ꧀ꦱꦏꦫꦶꦤꦺꦲꦶꦁꦏꦁꦥꦼꦗꦃꦉꦩ꧀ꦥꦸꦃꦩꦤ꧀ꦖꦤꦼꦒꦫꦶ꧈ꦠꦤ꧀ꦩꦁꦒꦥꦸꦭꦶꦪꦱꦩꦶꦠꦶꦭꦂꦒꦼꦭꦁꦒꦁ꧈ꦔꦸꦁꦱꦶꦏꦶꦛꦩꦗꦥꦲꦶꦠ꧀ꦱꦼꦗꦤꦺꦥꦣ꧈ꦩꦠꦸꦂꦲꦶꦁꦱꦁꦤꦂꦥꦠꦶ
꧄ꦠꦤ꧀ꦢꦁꦔꦶꦫꦥꦫꦢꦶꦥ [ f.47v ]Barkas:Serat Damar Wulan (page 100-101 crop).jpg

ꦠꦶꦧꦁ​ꦮꦺꦠꦤ꧀​ꦏꦭꦁꦏꦸꦁꦒꦶꦒꦶꦭꦤ꧀ꦤꦶ꧈ꦭꦶꦂꦱꦶꦔꦩꦂꦗꦪꦒꦭꦏ꧀ꦏꦩꦁꦱꦱꦂꦥ꧈ꦲꦉꦧꦸꦠ꧀ꦧꦤ꧀ꦝꦁꦔꦤ꧀ꦱꦩꦶ꧈ꦥꦠꦶꦁꦒꦭꦶꦢꦿ꧈ꦮꦲꦸꦥꦫꦢꦶꦥꦠꦶ ꧁ꦥꦸꦃꦫꦫꦧꦿꦁꦠ꧈꧂
꧄ ꦧꦫꦶꦱꦺꦢꦶꦥꦠꦶꦠꦸꦧꦶꦤ꧀​​ꦲꦁ​ꦭ꧀ꦭꦶꦒ꧀ꦭꦒ꧀ꦒꦤꦁꦥꦪꦸꦢꦤ꧀​ꦢꦺꦫꦺꦁꦔꦺꦴꦧꦃꦱꦧꦭꦤꦺ꧈ꦱꦲꦺꦒꦤꦺꦭꦶꦂꦣꦮꦸꦲꦤ꧀ꦮꦢꦾꦲꦶꦁꦩꦗꦊꦁꦏ꧈ꦏꦠꦼꦩ꧀ꦥꦸꦃꦲꦶꦁꦧꦤ꧀ꦗꦸꦂꦭꦫꦸꦠ꧀​ꦏꦫꦶꦭꦗꦼꦂꦫꦺꦏꦺꦮꦭ
꧄ꦏꦥꦶꦤꦁꦏꦭꦗꦼꦂꦱꦶꦒꦶꦃ꧈ꦏꦶꦪꦢꦶꦥꦠꦶꦲꦶꦁꦠꦸꦧꦤ꧀​​ꦲꦫꦸꦩ꧀ꦱꦾꦫꦤꦶꦁꦏꦼꦤ꧀ꦝꦁꦒꦺꦴꦁ꧈ꦲꦒꦺꦴꦂꦲꦒꦺꦴꦂꦏꦥꦶꦲꦂꦱ꧈ꦏꦢꦾꦫꦫꦏꦫꦸꦤ꧈ꦲꦁꦒꦸꦧꦼꦢ꧀ꦏꦁꦔꦸꦩ꧀ꦧꦸꦭ꧀ꦭꦸꦩ꧀ꦧꦸꦭ꧀​ꦠꦤ꧀ꦝꦤꦺꦭꦩꦸꦤ꧀ꦏꦱꦺꦴꦂꦫꦤ꧀
꧄ꦱꦶꦒꦿꦠꦶꦤꦼꦩ꧀ꦥꦸꦃꦠꦸꦩꦸꦭꦶ꧈ꦏꦶꦫꦁꦒꦭꦮꦺꦲꦶꦁꦠꦸꦧꦤ꧀​ꦢꦺꦤ꧀ꦤꦶꦁꦩꦸꦱꦸꦃꦱꦏꦛꦃꦲꦺ꧈ꦱꦶ

↑ ↑ ↑

Pupuh 14-34

Serat iki lagi katiti-waca nganti kaca 100. Éwangana niti waca kaca-kaca sabanjuré.

↑ ↑ ↑

Pupuh 35-49

[ f.105r ]

꧅ ꦚ꧀ꦖ ꧅ꦥꦸꦃꦊꦧꦂꦠ꧀‌ꦮ꧀ꦤꦺꦩ꧀ ꧄
꧄ꦥꦤ꧀ꦠꦼꦱꦺꦩꦶꦁꦒꦠ꧀ꦱꦶꦒꦼꦗꦸꦭ꧀‌ꦭꦧꦼꦠ꧀ꦠꦺꦔꦸꦤ꧀ꦠꦭ꧀ꦠꦼꦠꦲꦶ꧈ꦏꦱꦸꦱꦸꦭꦲꦶꦁꦢꦢꦤ꧀‌ꦲꦺꦴꦫꦮꦸꦫꦸꦁꦱꦸꦤ꧀ꦥꦠꦺꦤꦶ꧈ꦏꦸꦩꦏꦸꦏꦧꦶꦤꦧꦶꦤ꧈ꦲꦱꦁꦒꦸꦥ꧀ꦮꦤꦶꦲꦗꦸꦫꦶꦠ꧀
꧄ꦢꦺꦤ꧀ꦱꦔꦺꦴꦤꦶꦫꦺꦪꦭ꧀ꦱꦠꦸꦱ꧀‌ꦢꦺꦤꦶꦁꦥꦸꦠꦿꦶꦩꦗꦥꦲꦶꦠ꧀‌ꦱꦂꦮꦶꦢꦶꦒꦸꦁꦒꦸꦁꦱꦶꦲꦺꦢꦤ꧀‌ꦠꦸꦂꦲꦮꦏ꧀ꦏꦺꦏꦸꦫꦸꦲꦏꦶꦁ꧈ꦮꦺꦴꦁꦢꦺꦱꦠꦸꦂꦧꦤ꧀ꦚꦏ꧀‌ꦲꦏꦭ꧀‌ꦏꦮꦂꦤꦲꦢꦩꦂꦱꦱꦶ
꧄ꦮꦸꦱ꧀ꦩꦤ꧀ꦗꦶꦁꦥꦏꦸꦮꦺꦴꦤ꧀ꦤꦶꦥꦸꦤ꧀‌ꦮꦪꦃꦲꦶꦫꦠꦼꦔ‌ꦃ‌ꦮꦼꦔꦶ꧈ꦲꦁꦊꦉꦱ꧀ꦱꦶꦥꦝꦁꦮꦸꦭꦤ꧀꧈ꦲꦤꦸꦗꦸꦥꦸꦂꦤꦩꦱꦶꦢꦶ꧈ꦏꦶꦱꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀‌ꦢꦮꦼꦒ꧀‌ꦫꦢꦺꦤ꧀ꦭꦩ꧀ꦥꦃꦩꦭꦶꦁ
꧄ꦲꦤꦲꦧꦤꦶꦁꦠꦼꦠꦸꦲꦸ꧈ꦧꦼꦧꦼꦤ꧀ꦕꦺꦧꦼꦧꦺꦏꦼꦂꦩꦸꦤꦶ꧈ꦲꦔꦸꦧꦼꦁ [ f.105v ]ꦔꦶꦢꦊꦩ꧀ꦥꦸꦫ꧈ꦲꦼꦲꦶꦲꦸꦩꦾꦁꦲꦶꦁꦮꦫꦶꦁꦔꦶꦤ꧀‌ꦲꦤꦩ꧀ꦧꦼꦫꦸꦥꦒꦼꦂꦧꦠ꧀ꦮ꧀꧈ꦏꦲꦼꦫꦸꦢꦺꦤꦶꦁꦒꦺꦴꦁꦩꦸꦤꦶ
꧄ꦥꦫꦒꦂꦮꦏꦁꦮꦶꦤꦸꦮꦸꦱ꧀‌ꦲꦶꦁꦭꦠꦂꦲꦤ꧀ꦝꦺꦂ‌ꦲꦭꦶꦁꦒꦶꦃ꧈ꦭꦒꦾꦥꦝꦥꦒꦸꦤꦼꦩꦤ꧀‌ꦱ꧀‌ꦮ꧀ꦏꦛꦲꦺꦥꦫꦥꦸꦠꦿꦶ꧈ꦥꦤꦼꦝꦤꦺꦥꦫꦒꦂꦮꦩꦺꦤꦏ꧀ꦗꦶꦁꦒꦢꦺꦤ꧀ꦥꦼꦥꦠꦶ
꧄ꦱꦲꦸꦂꦥꦏ꧀ꦱꦶꦥꦫꦲꦫꦸꦩ꧀‌ꦫꦠꦸꦲꦪꦸꦩꦗꦥꦲꦶꦠ꧀ꦢꦺꦤꦶꦁꦭꦮꦱ꧀ꦤꦺꦴꦫꦥꦿꦥ꧀ꦠ‌꧈ꦧꦱꦤꦺ‌ꦲꦉꦥ꧀ꦔꦸꦁꦒꦲꦶ‌꧈ꦤꦁꦔꦶꦁꦠꦲꦺꦴꦮꦤꦼꦝꦤꦶꦁꦮꦁ꧈ꦲꦗꦏꦺꦴꦁꦱꦶꦲꦁꦔꦸꦁꦒꦲꦶ
꧄ꦢꦺꦤꦶꦁꦲꦺꦩꦤ꧀ꦠꦼꦩꦼꦤ꧀ꦤꦶꦏꦸ꧈ꦲꦭꦏꦶꦲꦺꦴꦭꦶꦃꦮꦺꦴꦁꦧꦫꦶꦁꦧꦪꦥꦸꦠꦿꦶꦩꦗꦊꦁꦏ꧈ꦥꦤ꧀ꦠꦺꦱꦺꦲꦤ꧀ꦝꦥ꧀ꦥꦶꦁꦧꦸꦢꦶ꧈ꦢꦺꦤ꧀ꦠꦁꦒꦸꦃꦢꦺꦢꦺꦮꦺꦴꦁꦒꦶꦭꦫꦧꦶꦤꦺꦱꦏꦧꦺꦃꦗꦼꦫꦶꦁ
꧄ꦉꦠ꧀ꦤꦕꦩ꧀ꦥꦏꦲꦩꦸꦮꦸꦱ꧀‌ꦤꦁꦔꦶꦁꦠꦥꦤꦼꦝꦩꦩꦶ꧈ꦫꦠꦠꦸꦩꦗꦊꦁꦏ꧈ꦲꦺꦴꦭꦶꦪꦱꦿꦪꦏꦁꦱꦏ꧀ꦠꦶ‌꧈ꦏꦁꦪꦺꦴꦒꦾꦏꦼꦭꦂꦩꦒꦸꦠ꧈ꦩꦫꦁꦪꦸꦢꦤꦺꦱꦶꦲꦤ꧀ꦗꦶꦁ
꧄ꦉꦠ꧀ꦤꦮꦶꦪꦠꦶꦲꦩꦸꦮꦸꦱ꧀‌ꦤꦁꦔꦶꦁꦠꦤꦺꦴꦮꦤꦼꦝꦩꦩꦶ꧈ꦏꦺꦴꦁꦱꦶꦩꦠꦶꦩꦺꦤꦏ꧀ꦗꦶꦁꦒ꧈ꦏꦲꦸꦭ꧀ꦭꦶꦁꦱꦸꦤ꧀ꦧꦸꦮꦁꦥꦠꦶꦃ꧈ꦲꦔꦸꦂꦩꦫꦏꦧꦺꦴꦪꦺꦴꦔ꧈ꦢꦺꦤꦶꦁꦥꦸꦠꦿꦶꦩꦗꦥꦲꦶꦠ꧀
꧄ꦏꦶꦢꦩꦂꦮꦸꦭꦤ꧀ꦮꦸꦱꦿꦮꦸꦃꦔꦢꦺꦒꦶꦁꦥꦸꦫꦶ꧈ꦥꦫꦥꦸꦠꦿꦶꦠꦤ꧀ꦤꦸꦤꦶꦔ꧀ꦮ꧀꧈ꦲꦝꦺꦲꦺꦩ꧀ꦝꦺꦲꦺꦩ꧀ꦩꦫꦶꦫꦶꦃꦥꦫꦥꦸꦠꦿꦶꦥꦝꦧꦸꦧꦂ꧈ꦱꦶꦔꦶꦢꦤ꧀ꦩꦫꦶꦁꦏꦁꦱꦼꦥꦶ
꧄ꦤ꧀ꦚꦤꦤꦶꦥꦸꦤ꧀ꦥꦫꦲꦫꦸ [ f.106r ]ꦩ꧀‌ꦏꦶꦩꦺꦤꦏ꧀ꦗꦶꦁꦒꦩꦿꦶꦁꦥꦸꦫꦶ꧈ꦥꦤ꧀ꦱꦩꦶꦥꦯꦱꦶꦔꦶꦢꦤ꧀‌ꦩꦤꦲꦺꦱꦢꦪꦲꦗꦿꦶꦃ꧈ꦏꦶꦢꦩꦂꦮꦸꦭꦤ꧀ꦤꦁꦔꦸꦕꦥ꧀‌ꦥꦤ꧀ꦤꦶꦁꦔꦺꦴꦁꦮꦺꦴꦁꦩꦗꦥꦲꦶꦠ꧀
꧄ꦱꦾꦫꦤꦺꦩꦤꦶꦱ꧀ꦠꦸꦂꦲꦫꦸꦩ꧀‌ꦠꦼꦏꦉꦱꦼꦥꦏꦺꦤ꧀ꦤꦠꦶ꧈ꦱꦼꦤꦼꦤ꧀ꦤꦶꦁꦲꦗꦿꦶꦃꦏꦭꦶꦔꦤ꧀‌ꦒꦸꦩꦤ꧀ꦠꦸꦁꦱꦼꦤꦼꦤ꧀ꦤꦶꦁꦥꦼꦏꦶꦏ꧀‌ꦏꦢꦾꦩꦸꦂꦕꦏꦼꦝꦺꦥꦼꦤ꧀ꦤ꧈ꦒꦸꦩꦶꦮꦁꦱꦼꦩꦸꦤꦼꦊꦲꦶ
꧄ꦏꦶꦢꦩꦂꦮꦸꦭꦤ꧀ꦤꦩꦸꦮꦸꦱ꧀‌ꦩꦫꦶꦁꦱꦏꦛꦲꦶꦁꦥꦸꦠꦿꦶ꧈ꦲꦭꦃꦲꦶꦁꦒꦶꦃꦱꦩ꧀ꦥꦸꦤ꧀ꦧꦸꦧꦂ꧈ꦏꦮꦸꦭꦢꦺꦢꦺꦤꦂꦥꦠꦶꦱꦢꦪꦥꦫꦧꦶꦪꦢ꧈ꦲꦥꦤ꧀ꦤꦸꦮꦸꦱ꧀ꦧꦭꦶꦩꦤꦶꦁ
꧄ꦥꦸꦠꦿꦶꦱꦢꦪꦲꦩꦸꦮꦸꦱ꧀‌ꦢꦶꦏꦏꦠꦸꦫꦤꦺꦁꦫꦶꦏꦶ꧈ꦭꦤ꧀ꦥꦸꦤꦥꦏꦁꦱꦶꦤꦼꦢꦾ꧈ꦥꦶꦤꦉꦏ꧀ꦏꦤꦺꦁꦲꦶꦁꦫꦶꦏꦶ꧈ꦱꦶꦤ꧀ꦠꦼꦤ꧀ꦱꦶꦤꦩ꧀ꦧꦠ꧀ꦠꦶꦁꦤꦩ꧈ꦥꦶꦤꦉꦏ꧀ꦏꦤꦺꦁꦲꦶꦁꦫꦶꦏꦸ
꧄ꦲꦫꦤ꧀ꦤꦶꦁꦱꦸꦤ꧀ꦢꦩꦂꦱꦤ꧀ꦠꦸꦤ꧀‌ꦢꦺꦤ꧀ꦤꦸꦠꦸꦱ꧀ꦢꦺꦤꦶꦁꦱꦁꦥꦸꦠꦿꦶ꧈ꦏꦶꦤꦺꦏꦺꦤ꧀ꦤꦶꦁꦱꦸꦤ꧀ꦤꦝꦸꦱ꧀ꦛ꧈ꦮꦺꦴꦤ꧀ꦢꦺꦤꦺꦏꦁꦱꦸꦤ꧀ꦥꦤ꧀ꦢꦸꦁꦔꦶ꧈ꦢꦸꦢꦸꦢꦸꦤ꧀ꦚꦢꦸꦢꦸꦧꦿꦤ꧈ꦩꦸꦂꦢꦤꦶꦫꦱꦁꦤꦂꦥꦠꦶ
꧄ꦧꦫꦶꦥꦫꦫꦧꦶꦤꦶꦥꦸꦤ꧀‌ꦲꦶꦁꦱꦸꦤ꧀ꦏꦶꦤꦺꦤ꧀ꦤꦩ꧀ꦧꦺꦴꦪꦺꦴꦁꦔꦶ꧈ꦥꦫꦒꦂꦮꦏꦧꦺꦃꦔꦸꦕꦥ꧀‌ꦢꦺꦤꦶꦁꦠꦼꦏꦏꦸꦩꦮꦤꦶ꧈ꦩ꧀‌ꦮ꧀ꦭꦶꦁꦔꦺꦮꦺꦴꦁꦩꦗꦊꦔ꧀ꦭ꧈ꦧꦒꦸꦱ꧀ꦱꦺꦲꦁꦊꦮꦠ꧀ꦠꦶ
꧄ꦱꦩꦶꦏꦱ꧀ꦩꦫꦤ꧀ꦤꦤ꧀ꦢꦸꦭꦸ꧈ꦱꦏꦛꦲꦺꦥꦫꦫꦧꦶ꧈ꦥꦝꦱꦩꦶꦱꦸꦏꦧꦸꦔ‌ꦃ꧈ꦲꦤꦲꦠꦸꦂꦧꦸꦫꦠ꧀‌ꦮꦔꦶ꧈ꦲꦤꦏꦁꦔꦠꦸꦂꦫꦶꦠꦶꦒꦤ꧀‌ꦲꦤꦏꦼꦩ꧀ꦧꦁꦱꦸꦫꦺꦁꦥꦠꦶ꧄
꧄ ꦥꦸꦃꦤꦼꦤꦁꦊꦭꦠꦼꦁ
꧄ [ f.106v ]

꧄
꧄
꧄
꧄ ꦏꦺꦴꦕꦥ꧀ꦥꦏꦶꦩꦺꦤꦏ꧀ꦗꦶꦁꦒ꧈ꦧꦸꦧꦂꦔꦶꦤꦸꦩ꧀‌ꦮꦲꦸꦩꦊꦧꦺꦁꦥꦸꦫꦶ꧈ꦲꦁꦔꦸꦮꦸꦃꦩꦫꦶꦁꦱꦶꦢꦪꦸꦤ꧀‌ꦏꦧꦺꦃꦮꦢꦺꦴꦤꦤꦤ꧀ꦤꦶꦁꦮꦁ꧈ꦭꦃꦲꦸꦤ꧀ꦢꦔꦼꦤ꧀ꦢꦺꦤ꧀ꦤꦒꦺꦪꦺꦤ꧀ꦤꦶꦁꦔꦺꦴꦁꦫꦮꦸꦃꦱꦏꦧꦺꦃꦏꦺꦴꦤꦼꦤ꧀ꦤꦩꦥꦒ꧀‌ꦩꦠꦸꦫꦪꦺꦤ꧀ꦤꦶꦁꦔꦺꦴꦁꦥꦿꦥ꧀ꦠꦶ
꧄ꦏꦶꦩꦺꦤꦏ꧀ꦗꦶꦁꦒꦲꦁꦔꦸꦕꦥ꧀‌ꦥꦝꦲꦺꦢꦤ꧀ꦱꦏꦺꦲꦺꦧꦺꦴꦗꦺꦴꦩꦩꦶ꧈ꦥꦤ꧀ꦤꦶꦁꦔꦺꦴꦁꦭꦁꦒꦶꦲꦁꦔꦶꦤꦸꦩ꧀‌ꦤꦺꦴꦫꦤꦤꦲꦩꦥꦒ꧀ ꦱꦺꦴꦏ꧀ꦝꦠꦼꦔꦫꦠꦸꦲꦪꦸꦩꦗꦭꦔꦸ꧈ꦱꦏꦺꦲꦺꦧꦺꦴꦗꦺꦴꦏꦸꦭꦮꦱ꧀‌ꦥꦝꦲꦶꦁꦔꦺꦴꦁꦒꦮꦺꦕꦺꦛꦶ
꧄ꦭꦃꦢꦺꦤ꧀ꦤꦒꦺꦩꦊꦧꦸꦮꦏꦼꦧꦠ꧀ꦠꦼꦤ꧈ꦱꦏꦧꦺꦃꦒꦂꦮꦩꦩꦶ꧈ꦩꦠꦸꦫꦪꦺꦤꦶꦁꦔꦺꦴꦁꦫꦮꦸꦃ꧈ꦏꦺꦴꦤ꧀ꦥꦝꦲ [ f.107r ]ꦩꦂꦮꦫꦸꦥꦤ꧀ꦤꦫꦸꦝꦤ꧀ꦤꦶꦁꦥꦔꦭꦶꦩ꧀‌ꦤꦸꦤꦫꦠꦸꦠꦃꦝꦤ꧀ꦤꦥꦮꦺꦮꦺꦴꦤ꧀ꦤꦲꦧꦸꦱꦤ꧈ꦥꦝꦏꦺꦴꦤꦼꦤ꧀ꦭꦭꦺꦩ꧀ꦧꦺꦪꦤ꧀ꦭꦼꦁꦏꦸꦁꦊꦁꦏꦸꦁ꧈ꦥꦸꦤ꧀ꦢꦪꦸꦤ꧀ꦱꦶꦒꦿꦭꦸꦩꦩꦩꦥꦃ꧈ꦮꦸꦱ꧀ꦥꦿꦥ꧀ꦠꦲꦶꦁꦗꦶꦤꦼꦩ꧀ꦮꦔꦶ

꧄ꦏꦶꦢꦪꦸꦤ꧀ꦗꦺꦴꦩ꧀‌ꦧ꧀ꦭꦺꦴꦁꦏꦺꦮꦭ꧈ꦲꦤꦶꦁꦔꦭꦶꦝꦠꦼꦁꦏꦶꦢꦩꦂꦱꦱꦶ꧈ꦲꦤꦸꦭꦾꦩꦠꦸꦂꦥꦸꦤ꧀ꦢꦪꦸꦤ꧀‌ꦏꦧꦺꦃꦢꦶꦏꦔꦤ꧀ꦢꦶꦏꦤ꧀‌ꦩꦫꦢꦶꦏꦲꦥꦤ꧀ꦭꦒꦾꦮꦸꦫꦸꦔꦶꦤꦸꦩ꧀‌ꦥꦸꦠꦿꦶꦱꦢꦪꦲꦁꦔꦸꦕꦥ꧀‌ꦩꦠꦸꦫꦲꦤꦠꦼꦠꦩꦶ
꧄ꦮꦺꦴꦁꦥꦸꦤ꧀ꦢꦶꦠꦼꦠꦩꦸꦢꦶꦏ꧈ꦲꦤꦲꦸꦫꦶꦲꦶꦪꦮꦺꦴꦁꦩꦗꦥꦲꦶꦠ꧀‌ꦲꦤꦸꦭꦾꦩꦼꦢꦭ꧀ꦥꦸꦤ꧀ꦢꦪꦸꦤ꧀‌ꦩꦠꦸꦂꦲꦶꦁꦩꦺꦤꦏ꧀ꦗꦶꦁꦒ꧈ꦫꦪꦶꦢꦶꦏꦱꦩꦶꦊꦔ꧀ꦒꦤꦠꦸꦫꦶꦥꦸꦤ꧀‌ꦲꦥꦤꦱꦶꦮꦮꦼꦒ꧀ꦝꦼꦝꦪꦺꦴꦲꦤ꧀‌ꦠꦶꦪꦁꦱꦏꦶꦁꦩꦗꦥꦲꦶꦠ꧀
꧄ꦏꦶꦩꦺꦤꦏ꧀ꦗꦶꦁꦒꦲꦁꦔꦸꦕꦥ꧀‌ꦝꦪꦺꦴꦃꦲꦥꦠꦼꦏꦗꦸꦗꦸꦒ꧀ꦥꦮꦺꦱ꧀ꦠꦿꦶ꧈ꦲꦥꦲꦶꦱ꧀ꦠꦿꦶꦲꦥꦗꦭꦸ꧈ꦏꦶꦢꦪꦸꦤ꧀ꦤꦠꦸꦂꦱꦼꦩ꧀ꦧꦃ꧈ꦲꦶꦁꦒꦶꦃꦗꦭꦸꦮꦂꦤꦤꦺꦲꦤꦺꦴꦩ꧀ꦩꦧꦒꦸꦱ꧀‌ꦱꦏꦺꦲꦺꦫꦪꦶ [ f.107v ]ꦲꦤ꧀ꦢꦶꦏ꧈ꦥꦝꦱꦩꦶꦒꦸꦩꦠꦺꦤꦶ
꧄ꦏꦶꦩꦺꦤꦏ꧀ꦗꦶꦁꦒꦲꦁꦔꦸꦕꦥ꧀ꦱꦶꦫꦢꦪꦸꦤ꧀ꦱꦸꦤ꧀ꦤꦫꦤꦶꦥꦤ꧀ꦚꦏꦶꦠ꧀‌ꦥꦒꦺꦤꦺꦤꦺꦴꦫꦏꦺꦴꦱꦸꦢꦸꦏ꧀‌ꦲꦫꦤ꧀ꦤꦶꦏꦸꦮꦺꦴꦁꦝ꧀‌ꦱ꧀ꦛ꧈ꦱꦶꦫꦢꦪꦸꦤ꧀ꦤꦭꦺꦴꦤ꧀ꦤꦲꦸꦫꦶꦮꦸꦮꦸꦱ꧀‌ꦲꦺꦴꦫꦒꦼꦊꦩ꧀ꦲꦸꦠꦁꦥꦼꦗꦃ꧈ꦠꦼꦠꦼꦥ꧀ꦧꦼꦤꦼꦂꦲꦠꦶꦲꦺꦭꦶꦁ
꧄ꦏꦶꦩꦺꦤꦏ꧀ꦗꦶꦁꦒꦧꦿꦩꦠꦾ꧈ꦠꦤ꧀ꦢꦔꦶꦫꦏꦭꦁꦏꦸꦁꦒꦼꦒꦶꦭꦤ꧀ꦤꦶ꧈ꦩꦺꦤꦏ꧀ꦗꦶꦁꦒꦃꦲꦁꦫꦶꦏ꧀‌ꦔꦸꦮꦸꦃ꧈ꦏꦒꦺꦠ꧀ꦏꦶꦢꦩꦂꦮꦸꦭꦤ꧀‌ꦲꦂꦱꦱꦩꦼꦢꦭ꧀ꦒꦶꦤꦸꦧꦼꦭ꧀ꦭꦶꦁꦥꦫꦲꦫꦸꦩ꧀‌ꦏꦶꦢꦩꦂꦮꦸꦭꦤ꧀ꦤꦁꦔꦸꦕꦥ꧀‌ꦩꦫꦁꦱꦒꦸꦁꦥꦫꦥꦸꦠꦿꦶ
꧄ꦩꦱ꧀ꦱꦪꦸꦕꦸꦭ꧀ꦭꦼꦤ꧀ꦤꦲꦶꦁꦮꦁ꧈ꦲꦥꦤ꧀ꦤꦶꦁꦔꦺꦴꦁꦢꦸꦢꦲꦶꦁꦩꦗꦥꦲꦶꦠ꧀‌ꦏꦶꦤꦺꦤ꧀ꦤꦶꦒꦱ꧀ꦩꦸꦂꦢꦤꦶꦥꦸꦤ꧀꧈ꦲꦼꦤ꧀ꦝꦱꦺꦩꦺꦤꦏ꧀ꦗꦶꦁꦒ꧈ꦥꦫꦒꦂꦮꦲꦭꦺꦴꦤ꧀ꦢꦺꦤꦶꦫꦲꦩꦸꦮꦸꦱꦶꦁꦒꦶꦃꦠꦩꦁꦏꦺꦫ‌ꦃꦲꦢꦾꦤ꧀‌ꦤꦁꦔꦶꦁꦠꦢꦺꦤ꧀‌ꦔꦠꦶꦲꦠꦶ
꧄ꦫꦢꦺꦤ꧀ꦢꦩꦂꦮꦸꦭꦤ꧀ꦩꦺꦴꦗꦂ꧈ꦩꦺꦤꦏ꧀ꦗꦶꦁꦒꦲꦭꦶꦁꦱꦂꦮꦶꦤꦸꦝꦶꦁꦔꦶ꧈ꦢꦺꦤꦶꦁꦮꦂꦤꦩꦸꦲꦧꦒꦸꦱ꧀‌ꦩꦭꦶꦁꦱꦥꦫꦤ꧀ꦤꦶꦫ꧈ꦭꦤ꧀ꦮꦺꦴꦁꦥꦶꦫꦒꦺꦴꦭꦺꦴꦔꦤ꧀ꦤꦶꦫꦭꦸꦭꦸꦁꦒꦸꦃ꧈ꦭꦤ꧀ꦥꦶꦫꦏꦩꦸꦏ꧀ꦠꦺꦤ꧀ꦤꦶꦫ꧈ꦧꦪꦱꦶꦫꦧꦺꦴꦱꦼꦤ꧀ꦤꦸꦫꦶꦥ꧀
꧄ꦏꦶꦢꦩꦂꦮꦸꦭꦤ꧀ꦤꦁꦔꦸꦕꦥ꧀‌ꦲꦶꦪꦲꦶꦁꦱꦸꦤ꧀ꦩꦤ꧀ꦠꦸꦤꦺꦏꦶꦲꦥꦠꦶꦃ꧈ꦥꦤ꧀ꦤꦺꦴꦫꦢꦸꦮꦺꦭꦸꦭꦸꦒꦸꦃ꧈ꦢꦸꦢꦸꦩꦤ꧀ꦠꦿꦶꦥꦺꦴꦁꦒꦮ꧈ꦱꦏꦛꦲꦺꦧꦏꦩꦤ꧀ꦠꦿꦶꦩꦗꦭꦁꦔꦸ꧈ꦠꦤ꧀ [ f.108r ]ꦤꦮꦤꦶꦲꦶꦁꦱꦶꦫ꧈ꦩꦸꦁꦲꦏꦸꦱꦁꦒꦸꦥ꧀ꦩꦠꦺꦤꦶ
꧄ꦏꦶꦩꦺꦤꦏ꧀ꦗꦶꦁꦒꦲꦭꦠꦃꦲꦥꦱꦶꦫꦒꦮꦺꦩꦠꦺꦤꦶꦩꦩꦶ꧈ꦥꦶꦭꦶꦃꦲꦤꦔꦂꦱꦥꦸꦁꦏꦸꦂ꧈ꦏꦺꦫꦶꦏꦭꦮꦤ꧀ꦏꦤꦤ꧀ꦲꦥꦤ꧀ꦤꦏꦸꦥꦿꦗꦸꦫꦶꦠ꧀ꦠꦼꦒꦸꦃꦲꦠꦶꦩ꧀ꦧꦸꦭ꧀‌ꦮꦼꦱꦶꦱꦗꦒꦠ꧀ꦱꦢꦪ꧈ꦤꦺꦴꦫꦥꦱꦃꦩꦫꦁꦩꦩꦶ
꧄ꦥꦤ꧀ꦏꦪꦢꦸꦢꦸꦮꦤꦺꦴꦢꦾꦲꦁꦒꦺꦴꦫꦺꦴꦲꦶꦫꦠꦸꦲꦶꦁꦩꦗꦥꦲꦶꦠ꧀ꦱꦸꦤ꧀ꦱꦶꦝꦼꦥ꧀ꦩꦮꦺꦴꦁꦔꦤ꧀ꦠꦸꦲꦸ꧈ꦫꦠꦸꦲꦶꦁꦩꦗꦊꦁꦏ꧈ꦧꦪꦮꦸꦫꦸꦁꦩꦫꦧꦫꦶꦊꦁꦏꦸꦁꦭ꧀ꦭꦼꦁꦏꦸ꧈ꦧꦭꦶꦏ꧀ꦱꦶꦫꦭꦸꦩꦪꦸꦲ꧈ꦠꦤ꧀ꦮꦸꦫꦸꦁꦱꦶꦫꦔꦼꦩꦱꦶ
꧄ꦏꦶꦢꦩꦂꦮꦸꦭꦤ꧀ꦧꦿꦩꦠꦾꦠꦤ꧀ꦢꦫꦤꦤꦸꦭꦾꦲꦤ꧀ꦔꦿꦶꦏ꧀ꦏꦼꦫꦶꦱ꧀‌ꦲꦱꦿꦸꦢꦺꦤꦶꦫꦲꦤꦸꦢꦸꦏ꧀‌ꦩꦺꦤꦏ꧀ꦗꦶꦁꦒꦠꦤ꧀ꦥꦱꦃ꧈‌ꦤꦺꦴꦫꦏꦺꦁꦱꦼꦂꦲꦮꦤ꧀ꦠꦶꦮꦤ꧀ꦠꦶꦱꦶꦤꦸꦢꦸꦏ꧀‌ꦏꦶꦩꦺꦤꦏ꧀ꦗꦶꦁꦒꦃꦮ꧀ꦭꦠꦃ꧈ꦲꦮꦤ꧀ꦠꦶꦮꦤ꧀ꦠꦶꦠꦶꦤꦶꦠꦶꦂ
꧄ꦏꦶꦢꦩꦂꦮꦸꦭꦤ꧀ꦏꦺꦮꦸꦲꦤ꧀‌ꦲꦱ꧀ꦠꦤꦶꦫꦤꦶꦂꦔ꧀꧈ꦩꦭꦃꦢꦺꦤ꧀ꦤꦁꦭꦸꦃꦱꦏꦶꦠ꧀‌ꦱꦶꦤꦸꦢꦸꦏꦤ꧀ꦱꦏꦶꦁꦔꦪꦸꦤ꧀‌ꦏꦺꦫꦶꦏꦭꦮꦤ꧀ꦏꦤꦤ꧀‌ꦲꦏꦼꦏꦺꦗꦺꦏ꧀ꦏꦶꦩꦺꦤꦏ꧀ꦗꦶꦁꦒꦒꦸꦩꦸꦪꦸ꧈ꦲꦱꦸꦏꦲꦭꦠꦃꦭꦠꦃꦥꦼꦒꦼꦭ꧀ꦠꦾꦱꦺꦢꦩꦂꦱꦱꦶ
꧄ꦥꦸꦁꦒꦼꦭ꧀ꦥꦸꦕꦸꦏ꧀ꦏꦶꦁꦕꦸꦫꦶꦒ꧈ꦩꦸꦮꦼꦂꦥꦼꦕꦃꦲꦸꦏꦶꦫꦤ꧀ꦠꦸꦁꦒꦏ꧀ꦱꦼꦩꦶ꧈ꦲꦱ꧀ꦠꦤꦶꦫꦔꦼꦩꦸꦩꦫꦸꦱ꧀‌ꦩꦺꦤꦏ꧀ꦗꦶꦁꦒꦲꦭꦠꦃꦢꦩꦂ [ f.108v ]ꦮꦸꦭꦤ꧀ꦗꦶꦤꦺꦴꦒꦺꦢꦤ꧀ꦤꦤꦺꦁꦲꦪꦸꦤ꧀꧈ꦩꦫꦩꦫꦥꦶꦭꦶꦃꦲꦤ꧈ꦲꦤ꧀ꦚꦸꦢꦸꦏ꧀ꦏꦢꦺꦤ꧀ꦤꦫꦶꦫꦶ
꧄ꦏꦶꦩꦺꦤꦏ꧀ꦗꦶꦁꦒꦲꦁꦔꦸꦕꦥ꧀‌ꦥꦤ꧀ꦩꦁꦏꦺꦤꦺꦧꦪꦫꦱꦤꦺꦧꦺꦤ꧀ꦗꦶꦁ꧈ꦥꦥꦁꦒꦶꦭꦺꦫꦠꦸꦲꦪꦸ꧈ꦝꦼꦝꦺꦴꦁꦏ꧀ꦭꦺꦏ꧀ꦩꦗꦊꦁꦏ꧈ꦱꦼꦁꦏꦿꦁꦱꦼꦁꦏꦿꦔꦿꦠꦸꦲꦪꦸꦲꦗꦒꦫꦸꦠ꧀ꦩꦼꦤꦏ꧀ꦥꦸꦁꦒꦼꦭ꧀ꦏꦸꦏꦸꦤ꧀ꦤꦶꦫ꧈ꦕꦊꦏꦠ꧀ꦕꦊꦏꦶꦠ꧀ꦗꦶꦮꦶꦠ꧀
꧄ꦏꦶꦩꦺꦤꦏ꧀ꦗꦶꦁꦒꦗꦶꦤꦩ꧀ꦧꦏ꧀‌ꦮꦲꦸꦢꦺꦤꦶꦁꦫ‌ꦃꦲꦢꦺꦤ꧀ꦢꦩꦂꦱꦱꦶ꧈ꦢꦶꦥꦸꦤ꧀ꦒꦺꦴꦫꦺꦴꦏ꧀ꦒꦸꦭꦸꦤꦶꦥꦸꦤ꧀‌ꦩꦺꦤꦏ꧀ꦗꦶꦒꦲꦭꦠꦃ‌꧈ꦲꦗꦤ꧀ꦚꦼꦛꦺꦴꦠ꧀‌ꦫꦠꦸꦲꦪꦸꦩꦗꦭꦁꦔꦸ꧈ꦲꦗꦔꦼꦭꦶꦏ꧀ꦏꦼꦭꦶꦏ꧀ꦗꦁꦒ꧈ꦲꦏꦼꦫꦶꦏꦁꦏꦭꦩꦼꦤ꧀ꦗꦶꦁ
꧄ꦢꦶꦥꦸꦤ꧀ꦥꦼꦫꦁꦕꦁꦏꦼꦩ꧀ꦩꦶꦫ꧈ꦤꦺꦴꦫꦥꦱꦃꦩꦭꦃꦧꦼꦁꦏꦸꦁꦏꦁꦏꦼꦫꦶꦱ꧀‌ꦏꦶꦩꦺꦤꦏ꧀ꦗꦶꦁꦒꦲꦩꦸꦮꦸꦱ꧀ꦱꦂꦮꦶꦒꦸꦩꦸꦪꦸꦱꦸꦏ꧈ꦲꦤ꧀ꦚꦮꦺꦴꦮꦺꦴꦮꦿꦠꦸꦲꦪꦸꦩꦗꦭꦁꦔꦸ꧈ꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀‌ꦥꦼꦒꦼꦭ꧀ꦠꦾꦱ꧀ꦱꦶꦫꦲꦤꦁꦔꦶꦱ꧀
꧄ꦏꦶꦩꦺꦤꦏ꧀ꦗꦶꦁꦒꦲꦁꦔꦸꦕꦥ꧀‌ꦒꦼꦩ꧀ꦧꦺꦁꦠꦼꦩꦼꦤ꧀ꦤꦿꦠꦸꦲꦶꦁꦩꦗꦥꦲꦶꦠ꧀‌ꦥ꧀ꦧꦪꦥꦸꦁꦒꦼꦭ꧀ꦏꦸꦏꦸꦤꦶꦥꦸꦤ꧀‌ꦏꦼꦱꦼꦭ꧀ꦗꦶꦮꦶꦠ꧀ꦠꦒꦼꦧ꧀ꦭꦒ꧈ꦏꦼꦱꦼꦭ꧀ꦭꦒꦼꦧ꧀ꦭꦺꦴꦒ꧀ꦒꦒꦫꦸꦠꦏꦼꦫꦏ꧀ꦏꦼꦫꦸꦏ꧀‌ꦏꦼꦱꦼꦭ꧀ꦚꦼꦛꦺꦴꦤ꧀ꦚꦮꦺꦴꦮꦺꦴꦲ꧈ꦩꦫꦁꦲꦶꦁꦭꦩ꧀ꦧꦺꦏꦸꦏꦭꦶꦃ
꧄ꦏꦶꦱꦧ꧀ꦢꦥꦤ꧀ꦤꦺꦁꦭꦮꦁꦲꦶꦏꦁꦭꦮꦁꦱꦏꦶꦁꦗꦼꦫꦺꦴꦏꦶ‌ꦤꦸꦤ꧀ꦕꦶ꧈ꦱꦏꦺꦃ [ f.109r ]ꦮꦢꦾꦲꦺꦴꦫꦮꦼꦫꦸꦃꦏꦱꦩꦸꦂꦲꦶꦁꦒꦩꦼꦭꦤ꧀‌ꦥꦝꦤꦪꦸꦧ꧀ꦱꦾꦫꦤꦺꦥꦠꦶꦁꦕꦉꦁꦏꦸꦁ꧈ꦱꦶꦫꦢꦪꦸꦤ꧀ꦤꦂꦱꦩꦼꦢ ꦭ꧀‌ꦤꦪꦒꦺꦁꦒꦺꦴꦁꦲꦁꦔꦝꦁꦔꦶ‌꧈ꦚ꧀

꧄ꦏꦶꦱꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀ꦥꦪꦸꦢꦪꦸꦤ꧀ꦲꦥꦿꦁꦏꦭꦮꦤ꧀ꦩꦩꦶ꧈ꦥꦸꦤ꧀ꦢꦪꦸꦤ꧀ꦤꦭꦺꦴꦤ꧀ꦤꦩꦸꦮꦸꦱ꧀‌ꦫꦺꦪꦁꦫꦫꦺꦲꦭꦶꦩꦤ꧀ꦠꦼꦠꦼꦥ꧀ꦧꦼꦤꦼꦂꦲꦠꦶꦲꦺꦭꦶꦁꦲꦮꦏ꧀ꦏꦶꦁꦱꦸꦤ꧀‌ꦲꦼꦤ꧀ꦚꦏꦼꦫꦶꦱ꧀ꦏꦸꦠꦶꦤꦠꦃꦭꦤ꧀ꦤꦸꦮꦁꦤꦼꦩ꧀ꦱꦸꦏꦸꦲꦶꦏꦶ
꧄ꦲꦸꦮꦁꦏꦸꦭꦃꦥꦶꦭꦶꦃꦲꦤꦭꦩꦺꦴꦤ꧀ꦤꦤꦒꦼꦝꦺꦴꦁ꧈ꦥꦽꦏꦶꦱ꧀‌ꦱ꧀ꦱꦮꦶꦗꦶ꧈ꦧꦭꦺꦏꦼꦤ꧀ꦤꦩꦫꦁꦲꦶꦁꦱꦸꦤ꧀‌ꦥꦝꦫꦫꦺꦒꦩ꧀ꦥꦁꦔꦤ꧀‌ꦲꦸꦥꦩꦤꦺꦒꦶꦤꦮꦺꦤꦼꦩ꧀ꦥꦸꦂꦲꦶꦁꦧꦺꦱꦸꦏ꧀‌ꦠꦶꦤꦩ꧀ꦥꦶꦏ꧀ꦭꦃꦧꦭꦺꦏꦼꦤ꧀ꦤ꧈ꦥꦝ [ f.109v ]ꦫꦫꦺꦠꦁꦒꦺꦴꦃꦩꦩꦶ
꧄ꦏꦶꦱꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀‌ꦗꦭꦸꦏ꧀ꦱꦼꦒꦭꦸꦮꦺꦠꦼꦩꦼꦤꦱꦸꦤ꧀ꦤꦶꦏꦶ꧈ꦱꦶꦢꦪꦸꦤ꧀ꦤꦭꦺꦴꦤ꧀ꦤꦩꦸꦮꦸꦱ꧀‌ꦫꦺꦪꦁꦫꦫꦺꦮꦼꦭꦱꦤ꧀‌ꦱꦶꦒꦿꦔꦩ꧀ꦧꦶꦭ꧀ꦱꦼꦒꦮꦲꦸꦮꦱꦠꦸꦠꦸꦩ꧀ꦧꦸ꧈ꦲꦸꦭꦩ꧀ꦒꦼꦒꦺꦴꦫꦺꦁꦔꦤ꧀ꦕꦁꦔꦏ꧀‌ꦗꦔꦤ꧀ꦥꦶꦤ꧀ꦝꦁꦫꦺꦴꦁꦏꦼꦮꦭꦶ
꧄ꦏꦶꦤꦪꦒꦺꦁꦒꦺꦴꦁꦲꦁꦔꦸꦕꦥ꧀‌ꦲꦗꦢꦼꦊꦁꦩꦼꦁꦏꦺꦴꦲꦶꦁꦔꦺꦴꦁꦱꦸꦢꦸꦏꦶ꧈ꦏꦶꦢꦪꦸꦤ꧀ꦤꦭꦺꦴꦤ꧀ꦤꦩꦸꦮꦸꦱ꧀‌ꦫꦺꦪꦁꦧꦔꦸ‌ꦤ꧀ꦠꦸꦫꦸꦠꦤ꧀‌ꦏꦢꦾꦥꦼꦂꦗꦏ꧀ꦢꦩꦂꦮꦸꦭꦤ꧀ꦥꦺꦴꦭꦃꦲꦶꦥꦸꦤ꧀‌ꦱꦿꦶꦧꦺꦴꦥꦠꦶꦧꦭꦁꦧꦁꦔꦤ꧀‌ꦒꦸꦩꦸꦪꦸꦲꦧꦼꦭꦶꦏ꧀ꦧꦼꦭꦶꦏ꧀
꧄ꦏꦁꦥꦫꦥꦸꦠꦿꦶꦱꦢꦪ꧈ꦱꦩꦶꦔꦶꦤ꧀ꦠꦶꦥ꧀ꦝꦠꦼꦁꦲꦶꦏꦁꦲꦗꦸꦫꦶꦠ꧀‌ꦱꦏꦭꦁꦏꦸꦁꦩꦂꦩꦤꦶꦥꦸꦤ꧀ꦏꦢꦶꦫꦲꦶꦤ꧀ꦤ꧈ꦢꦩꦂꦮꦸꦭꦤ꧀ꦤꦭꦺꦴꦤ꧀ꦢꦺꦤꦶꦫꦲꦩꦸꦮꦸꦱ꧀‌ꦭꦃꦩꦺꦤꦏ꧀ꦗꦶꦁꦒꦩꦊꦱ꧈ꦪꦺꦤ꧀ꦱꦶꦫꦠꦸꦲꦸꦥꦿꦗꦸꦫꦶꦠ꧀
꧄ꦱꦁꦤꦠꦤꦫꦶꦏ꧀ꦕꦸꦫꦶꦒ꧈ꦩꦺꦤꦏ꧀ꦗꦶꦁꦒꦲꦱꦿꦸꦤꦶꦫꦲꦁꦭꦶꦁ꧈ꦢꦺꦤ꧀ꦥꦿꦪꦠ꧀ꦤꦱꦶꦫꦭꦩ꧀ꦥꦸꦱ꧀‌ꦩꦺꦤꦏ꧀ꦗꦶꦁꦒꦤꦫꦗꦁ꧈ꦱꦶꦒꦿꦒꦺꦴꦕꦺꦴꦲꦫꦩꦺꦱꦸꦢꦸꦏ꧀ꦱꦶꦤꦸꦢꦸꦏ꧀‌ꦠꦤ꧀ꦤꦤꦲꦶꦁꦏꦁꦏꦱꦺꦴꦫꦤ꧀ꦱꦩꦶꦥꦿꦮꦶꦫꦤꦺꦏꦭꦶꦃ
꧄ꦱꦉꦁꦕꦩ꧀ꦥꦸꦃꦏꦁꦕꦸꦫꦶꦒ꧈ꦩꦺꦤꦏ꧀ꦗꦶꦁꦒ꧈ꦤ꧀ꦚꦏ꧀ꦠꦊꦩ꧀ꦥꦼꦏ꧀ꦏꦒ꧀ꦭꦶꦱ꧀‌ꦠꦶꦤꦸꦩ꧀ꦧꦏ꧀ꦏꦶꦢꦩꦂꦱꦤ꧀ꦠꦸꦤ꧀‌ꦤꦁꦔꦶꦁꦱꦶꦫꦠꦤ꧀ꦥꦱꦃ꧈ꦮꦸꦱ꧀ꦏꦭꦶꦩ꧀ꦥꦺꦤꦸꦭꦾꦫꦶꦤꦼꦧꦠ꧀ꦏꦁꦭꦮꦸꦁ꧈ꦮꦶꦤꦊꦱ꧀ꦏꦶꦩꦺꦤꦏ꧀ꦗꦶꦁꦒ꧈ꦒꦸꦩꦸꦪꦸꦱꦶꦫꦠꦤ꧀ꦧꦸꦱꦶꦏ꧀
꧄ꦩꦺꦤꦏ꧀ꦗꦶꦁ [ f.110r ]ꦒꦤꦫꦶꦏ꧀ꦥꦼꦝꦁ꧈ꦲꦱꦿꦸꦩꦼꦝꦤꦁꦩꦫꦁꦏꦶꦢꦩꦂꦱꦱꦶ꧈ꦮꦸꦱꦿꦸꦧꦸꦃꦏꦶꦢꦩꦂꦱꦤ꧀ꦠꦸꦤ꧀‌ꦪꦠꦭꦤ꧀ꦠꦏ꧀ꦭꦸꦢꦶꦫ꧈ꦤꦺꦴꦫꦥꦱꦃꦤꦁꦔꦶꦁꦏꦊꦔꦺꦂꦠꦤ꧀ꦤꦺꦩꦸꦠ꧀‌ꦤ꧀ꦚꦤꦤꦶꦥꦸꦤ꧀ꦩꦼꦤꦏ꧀ꦗꦶꦁꦒ꧈ꦏꦶꦢꦩꦂꦮꦸꦭꦤ꧀ꦮꦸꦱ꧀ꦩꦠꦶ
꧄ꦏꦶꦩꦺꦤꦏ꧀ꦗꦶꦁꦒꦲꦁꦔꦸꦕ꧀‌ꦮ꧀ꦥ꧀‌ꦱꦶꦫꦢꦪꦸꦤꦉꦏ꧀ꦱꦤꦼꦤ꧀ꦠꦼꦭꦶꦲꦭꦶꦏꦶ꧈ꦲꦥꦤ꧀ꦤꦶꦏꦶꦲꦸꦮꦸꦱ꧀ꦭꦩ꧀ꦥꦸꦱ꧀‌ꦧꦺꦤ꧀ꦗꦁꦲꦺꦤ꧀ꦗꦁꦫꦲꦶꦤ꧀ꦤ꧈ꦔꦺꦴꦁꦠꦶꦒꦱꦺꦢꦺꦤ꧀ꦧꦼꦕꦶꦏ꧀ꦏꦁꦫꦏ꧀ꦱꦕꦪꦸꦤ꧀‌ꦥꦸꦠꦿꦶꦱꦢꦪꦠꦸꦩꦶꦔꦭ꧀‌ꦲꦮꦼꦭꦱ꧀ꦮꦱ꧀ꦥꦤꦺꦩꦶꦗꦶꦭ꧀
꧄
꧄
꧄ ꦏꦶꦩꦺꦤꦏ꧀ꦗꦶꦒꦢꦸꦏꦠꦤ꧀ꦱꦶꦥꦶ꧈ꦩꦫꦁꦥꦫꦮꦢꦺꦴꦤ꧀‌ꦔꦼꦩ꧀ꦥꦭ꧀ꦭꦼꦩ꧀ꦥꦸꦭ꧀ꦭꦏꦺꦃꦥꦶꦥꦶꦱꦸꦲꦺ꧈ꦢꦺꦤꦶꦁꦲꦭꦏꦧꦺꦃꦱꦸꦤ꧀ꦢꦼꦭ꧀ꦭꦤ꧀ꦗꦶꦁ꧈ꦲꦶꦪꦧꦺꦤ꧀ꦗꦶꦁꦔꦺꦤ꧀ꦗꦶꦁ꧈ꦏꦧꦺꦃꦲꦶꦁꦔꦺꦴꦁꦧꦸꦤꦸꦃ
꧄ꦧꦼꦤ꧀ꦗꦁꦫꦲꦶꦤꦱꦒꦸꦁꦔꦶꦁꦥꦸꦠꦿꦶ꧈ꦏꦁꦲꦺꦢꦤ꧀ꦤꦭꦩꦺꦴꦁ꧈ꦥꦱ꧀ꦛꦶꦭꦩꦺꦴꦤ꧀ꦱꦸꦤ꧀ꦠꦸꦮꦼꦏꦶꦏꦧꦺꦃ꧈ꦩꦺꦤꦏ꧀ꦗꦶꦒꦮꦸꦱ꧀ꦱꦺꦕꦏꦁꦲꦠꦶ꧈ꦲꦤꦶꦧꦲꦶꦁꦏꦛꦶꦭ꧀‌ꦏꦥꦠꦶꦲꦠꦸꦫꦸ
꧄ꦏꦁꦥꦫꦥꦸꦠꦿꦶꦥꦠꦶꦁꦏꦊꦱꦶꦏ꧀‌ꦲꦗꦿꦶꦃꦏꦭꦏꦺꦴꦤ꧀‌ꦲꦤꦲꦶꦁꦏꦁꦔꦗꦏ꧀ꦩꦶꦁꦒꦠ꧀ꦧꦲꦺ꧈ꦏꦁꦱꦮꦤꦺꦃꦲꦮꦼꦮꦼꦏꦱ꧀ꦝꦶꦔꦶꦤ꧀‌ꦮꦤꦺꦃꦤꦁꦔꦶꦱꦿꦶꦫꦶꦫꦶꦃ꧈ꦱꦩ꧀ꦧꦠ꧀‌ꦫꦩꦲꦶꦧꦸ
꧄ꦪꦠꦲꦤꦮꦲꦸꦥꦸꦠꦿꦶꦏꦭꦶꦃꦲꦪꦸꦤꦺꦏꦶꦤꦲꦺꦴꦠ꧀‌ꦤꦼꦁꦒꦶꦃꦢꦺꦮꦶꦮꦲꦶꦠꦤꦩꦤꦺ꧈ꦱꦏꦶꦁꦗꦥꦤ꧀ꦤꦁꦱꦭ꧀ꦭꦺꦏꦫꦶꦲꦶꦤ꧀‌ꦏꦁꦱꦏꦶꦁꦮꦭꦺꦫꦶ꧈ꦤꦶꦥꦸꦪꦼꦁꦔꦤ꧀ꦤꦪꦸ [ f.110v ]

꧄ꦥꦸꦠꦿꦶꦏꦭꦶꦃꦠꦤ꧀ꦏꦼꦤꦱꦶꦤꦤ꧀ꦝꦶꦁ꧈ꦝꦠꦢꦺꦤ꧀ꦚꦭꦸꦩꦺꦴꦃ꧈ꦲꦺꦴꦫꦱꦸꦢꦶꦲꦶꦁꦩꦺꦤꦏ꧀ꦗꦶꦁꦒꦤꦺ꧈ꦲꦥꦤ꧀ꦱꦁꦢꦾꦢꦺꦤ꧀ꦥꦭꦲꦸꦂꦩꦠꦶ꧈ꦥꦝꦱꦶꦤ꧀ꦗꦁꦥꦸꦠꦶꦃ꧈ꦱꦩꦁꦱꦤꦺꦭꦩ꧀ꦥꦸꦱ꧀
꧄ꦮꦺꦴꦤ꧀ꦠꦼꦤ꧀ꦥꦼꦝꦼꦏꦤ꧀ꦱꦮꦶꦗꦶꦲꦁꦭꦶꦁ꧈ꦩꦠꦸꦂꦱꦁꦭꦶꦂꦲꦤꦺꦴꦩ꧀‌ꦮꦲꦸꦏꦮꦸꦭꦤꦶꦔꦭꦶꦲꦁꦒꦺꦂ꧈ꦱꦏꦭꦁꦏꦸꦁꦮꦼꦭꦱ꧀ꦱꦺꦲꦶꦁꦔꦠꦶ꧈ꦩꦭꦸꦁꦲꦶꦁꦏꦁꦩꦠꦶ꧈ꦱꦺꦴꦫꦶꦁꦤꦒꦱꦤ꧀ꦠꦸꦤ꧀꧈
꧄ꦏꦼꦏꦱꦶꦲꦺꦒꦸꦱ꧀ꦠꦶꦥꦸꦤꦁꦠꦼꦭꦶꦏ꧀‌ꦢꦩꦂꦮꦸꦭꦤ꧀ꦏꦁꦮꦺꦴꦁꦏꦭꦁꦏꦸꦢꦺꦤꦶꦁꦧꦒꦸꦱ꧀‌ꦫꦸꦥꦤꦺ꧈ꦱꦼꦱꦸꦩ꧀ꦧꦫꦺꦮꦲꦸꦢꦁꦔꦗꦸꦫꦶꦠ꧀‌ꦩꦤ꧀ꦠꦸꦤꦺꦏꦸꦥꦠꦶꦃ꧈ꦢꦺꦫꦺꦁꦲꦥꦭꦸꦁꦒꦸꦃꦥꦸꦠꦿꦶꦏꦭꦶꦃꦲꦁꦭꦶꦁꦩꦫꦁꦕꦺꦛꦶ꧈ꦲꦶꦁꦱꦸꦤ꧀ꦤꦂꦱꦠꦶꦤꦺꦴꦤ꧀‌ꦩꦼꦤꦏ꧀ꦮꦼꦫꦸꦃꦲꦶꦁꦩꦺꦤꦏ꧀ꦗꦶꦁꦒꦤꦺ꧈ꦢꦢꦶꦲꦥꦲꦶꦪꦲꦮꦏ꧀ꦩꦩꦶ꧈ꦥꦮꦺꦴꦁꦔꦤ꧀ꦠꦸꦂꦧꦏ꧀ꦠꦶ꧈ꦩꦺꦤꦏ꧀ꦗꦶꦁꦒꦠꦸꦫꦸ
꧄ [ f.111r ]ꦱꦩ꧀ꦥꦸꦤ꧀ꦭꦸꦩꦩ꧀ꦥꦃꦱꦁꦥꦸꦠꦿꦶꦏꦭꦶꦃ꧈ꦥꦤ꧀ꦱꦂꦮꦶꦲꦩꦶꦫꦺꦴꦁ꧈ꦝꦱꦂꦏꦼꦤ꧀ꦚꦱꦁꦲꦪꦸꦮꦂꦤꦤꦺ꧈ ꦱꦶꦤ꧀ꦗꦁꦱꦺꦠꦲꦧꦼꦧꦺꦴꦫꦺꦃꦮꦔꦶ꧈ꦏꦢꦶꦮꦶꦢꦢꦫꦶ꧈ꦏꦫꦺꦴꦒꦤ꧀ꦢꦿꦸꦁꦒꦤ꧀ꦢꦿꦸꦁ꧃ꦲꦏꦼꦏꦼ ꦩ꧀ꦧꦼꦤꦤꦺꦗꦶꦁꦒꦠꦶꦤꦼꦥꦶ꧈ꦠꦥꦶꦃꦕꦶꦤ꧀ꦝꦺꦲꦶꦗꦺꦴ꧈ꦭꦶꦂꦥꦫꦢꦱꦁꦫꦫꦒꦼꦧꦾꦫꦺ꧈ꦭꦺꦭꦺꦥꦺꦤꦺ ꦪꦲꦶꦤ꧀ꦠꦼꦤ꧀ꦱꦫꦏꦶꦠ꧀‌ꦒꦼꦧꦾꦫꦺꦭꦶꦂꦛꦛꦶꦠ꧀‌ꦱꦭꦶꦫꦩꦊꦠꦸꦏ꧀꧃ꦱꦶꦫꦮꦲꦸꦫꦢꦺꦤ꧀ꦢ ꦩꦂꦱꦱꦶ꧈ꦤꦺꦁꦲꦶꦱꦺꦴꦂꦏꦼꦏꦪꦺꦴꦤ꧀‌ꦪꦠꦏꦱꦶꦭꦶꦂꦱꦩꦶꦫꦤꦤꦺ꧈ꦏꦶꦢꦩꦂꦮꦸꦭꦤ꧀ꦤꦸꦭꦾ ꦭꦶꦭꦶꦂ꧈ꦩꦼꦒꦃꦩꦸꦠꦃꦒꦼꦠꦶꦃ꧈ꦢꦩꦂꦮꦸꦭꦤ꧀ꦔꦝꦸꦃ꧃ꦲꦤ꧀ꦗꦼꦱ꧀ꦩꦫꦲꦫꦶꦤ꧀ꦤꦶꦁꦱꦸꦤ꧀‌ꦪꦪꦶ꧈ꦮꦺꦴꦁ ꦏꦸꦤꦶꦁꦩꦤ꧀ꦕꦺꦴꦫꦺꦴꦁ꧈ꦲꦶꦁꦱꦸꦤ꧀‌ꦪꦪꦶꦩꦠꦶꦲꦤꦺꦁꦏꦺꦤꦺ꧈ꦢꦸꦫꦸꦁꦩꦊꦱ꧀ꦱꦶꦲꦶꦫꦩꦱ꧀ ꦪꦪꦶ꧈ꦱꦼꦊꦏ꧀ꦏꦁꦔꦼꦩꦱ꧀ꦱꦶ꧈ꦏꦫꦶꦲꦮꦺꦴꦁꦲꦪꦸ꧃ꦢꦺꦮꦶꦮꦲꦶꦠꦲꦤꦸꦏꦾꦥꦿꦥ꧀ꦠꦶ꧈ꦔꦂꦱ ꦤꦺꦱꦁꦔꦤꦺꦴꦩ꧀‌ꦒꦼꦥꦼꦃꦤ꧀ꦚꦤ꧀ꦝꦏ꧀‌ꦲꦱ꧀ꦠꦏꦶꦮꦲꦒꦺ꧈ꦢꦺꦮꦶꦥꦸꦪꦼꦁꦔꦤ꧀ꦤꦤꦸꦭꦾꦥꦿꦥ꧀ꦠꦶ꧈ ꦤ꧀ꦚꦤ꧀ꦝꦏ꧀ꦏꦱ꧀ꦠꦏꦺꦫꦶ꧈ꦏꦫꦺꦴꦱꦩꦶꦤꦸꦁꦠꦸꦤ꧀꧃ꦏꦶꦱꦧ꧀ꦢꦥꦭꦺꦴꦤ꧀ꦤꦺꦕꦲꦒꦸꦭꦶꦁ꧈ ꦭꦮꦤ꧀ꦤꦪꦒꦺꦁꦒꦺꦴꦁ꧈ꦥꦝꦠꦸꦫꦸꦲꦶꦁꦥꦫꦺꦒꦺꦴꦭ꧀ꦭꦤꦺ꧈ꦭꦩꦺꦴꦔꦸꦱ꧀ꦠꦶꦤꦺꦩꦠꦶꦠ ꦤ꧀ꦤꦸꦤꦶꦁ꧈ꦔꦼꦭꦺꦴꦤꦶꦏꦼꦮꦭꦶ꧈ꦲꦤ꧀ꦚꦼꦁꦏꦼꦭꦶꦁꦲꦶꦫꦸꦱ꧀꧃ꦱꦶꦫꦢꦪꦸꦤ꧀ꦤꦺꦕꦢꦺꦤ꧀ꦚ ꦒꦸꦭꦶꦁꦲꦗꦼꦁꦏꦶꦁꦲꦁꦔꦺꦴꦫꦺꦴꦏ꧀‌ꦲꦺꦴꦫꦲꦸꦤꦶꦁꦩꦫꦁꦫꦫꦏ꧀ꦱꦤ꧀ꦤꦺ꧈ꦲꦺꦴꦫꦤ꧀ꦚ ꦤꦱꦩꦂꦮꦸꦭꦤ꧀ꦤꦸꦫꦶꦥ꧀‌ꦫꦢꦺꦤ꧀ꦢꦩꦂꦱꦱꦶ꧈ꦮꦲꦸꦏꦁꦫꦶꦤꦸꦁꦠꦸꦤ꧀꧃ꦫꦢꦺꦤ꧀ꦧꦶꦤꦏ꧀ꦠ [ f.111v ]ꦲꦶꦁꦠꦶꦭꦩ꧀ꦮꦔꦶ꧈ꦢꦺꦤ꧀ꦠꦸꦁꦠꦸꦤ꧀ꦮꦺꦴꦁꦫꦺꦴꦫꦺꦴꦂ꧈ꦢꦩꦂꦮꦸꦭꦤ꧀ꦏꦒꦒꦱ꧀ꦮꦶꦫꦁꦔꦺ꧈ꦢꦺꦤ꧀ꦤꦶꦁꦩꦼ ꦤ꧀ꦠꦱ꧀‌ꦏꦱꦺꦴꦫꦤ꧀ꦤꦶꦁꦗꦸꦫꦶꦠ꧀‌ꦫꦢꦺꦤ꧀ꦢꦩꦂꦱꦱꦶ꧈ꦲꦮꦏ꧀ꦏꦶꦁꦥꦸꦤ꧀ꦥꦼꦱꦸꦃ꧃ꦥꦸꦠꦿꦶ ꦏꦭꦶꦃꦩꦫꦱꦺꦏꦁꦲꦠꦶ꧈ꦒꦸꦥꦸꦃꦤ꧀ꦚꦤ꧀ꦝꦏ꧀ꦧꦺꦴꦏꦺꦴꦂ꧈ꦥꦤ꧀ꦏꦱꦸꦱꦸꦧꦤ꧀ꦚꦸꦲꦶꦢꦸꦧ ꦲꦺ꧈ꦱꦶꦒꦿꦮꦶꦤꦼꦝꦏ꧀ꦏꦏꦼꦤ꧀ꦠꦸꦩꦸꦭꦶ꧈ꦩꦫꦱꦺꦏꦁꦲꦠꦶ꧈ꦩꦼꦤꦏ꧀ꦱꦼꦊꦏ꧀ꦭꦩ꧀ꦥꦸꦱ꧀꧃ ꦢꦺꦮꦶꦮꦲꦶꦠꦩꦫꦱ꧀ꦏꦁꦲꦠꦶ꧈ꦲꦩꦤꦃꦱꦼꦝꦃꦮꦺꦴꦃ꧈ꦱꦶꦫꦫꦢꦺꦤ꧀ꦱꦶꦤꦼꦩ꧀ꦧꦸꦂ ꦧꦛꦸꦏ꧀ꦏꦺ꧈ꦢꦺꦮꦶꦮꦲꦶꦠꦱꦂꦮꦶꦗꦥꦤꦶ꧈ꦥꦤ꧀ꦩꦁꦏꦤꦲꦸꦒꦶꦃ‌ꦗꦥꦤꦺꦱꦁꦲꦪꦸ꧃ꦏꦏꦶ ꦲꦸꦩꦤꦶꦤꦶꦪꦁꦥꦿꦩꦺꦱ꧀ꦛꦶ꧈ꦲꦁꦫꦱꦪꦲꦶꦁꦔꦺꦴꦁꦲꦁꦫꦱꦢꦺꦴꦱ꧀ꦏꦁꦩꦶꦒꦼꦤ꧀ꦤꦏꦧꦺꦃ꧈ꦮꦫ ꦱꦼꦤꦱꦠꦿꦶꦪꦏꦁꦱꦏꦶꦠ꧀‌ꦕꦕꦶꦁꦏꦽꦩꦶꦩꦠꦶ꧈ꦩꦺꦱꦼꦩ꧀ꦢꦩꦂꦱꦤ꧀ꦠꦸꦤ꧀꧃ꦏꦶꦢꦩꦂꦮꦸꦭ ꦤ꧀ꦩꦶꦕꦫꦔꦠꦶ꧈ꦢꦶꦥꦸꦤ꧀ꦱꦸꦮꦸꦏ꧀ꦏꦶꦁꦔꦺꦴꦁ꧈ꦢꦶꦥꦸꦤ꧀ꦤꦸꦭꦶꦲꦏꦺꦤ꧀ꦭꦒꦾꦫꦫꦺ꧈ꦏꦶꦢꦩꦂꦮꦸꦭꦤ꧀ꦤꦤꦸꦭꦾ ꦭꦶꦁꦒꦶꦃꦫꦏꦥꦸꦠꦿꦶꦏꦭꦶꦃ꧈ꦏꦱ꧀ꦩꦫꦤ꧀ꦤꦤ꧀ꦢꦸꦭꦸ꧃ ꧄ ꧄ ꧃

[ f.112r ]

꧃ꦲꦁꦭꦶꦁꦫꦢꦺꦤ꧀ꦢꦩꦂꦱꦱꦶ꧈ꦮꦺꦴꦁꦔꦪꦸꦏꦢꦾꦥꦸꦤꦥ꧈ꦲꦶꦁꦔꦺꦴꦁꦢꦶꦒꦮꦩꦫꦺꦤꦺ꧈ꦲꦁꦔꦸꦕꦥ꧀ꦢꦺꦮꦶꦮꦲꦶꦠ꧈ꦭꦮꦤ꧀ꦢꦺꦮꦶꦥꦸꦪꦼꦁꦔꦤ꧀​ꦲꦺꦩꦤ꧀ꦩꦠꦶꦪꦮꦺꦴꦁꦧꦒꦸꦱ꧀​ꦫꦧꦶꦤꦺꦧꦸꦫꦶꦏꦺꦭꦁꦔꦤ꧀ ꧃ꦢꦺꦤꦶꦁꦫꦸꦥꦤꦺꦲꦥꦼꦏꦶꦏ꧀​ꦲꦥꦤ꧀ꦏꦢꦶꦏꦩꦗꦪ꧈ꦱꦸꦮꦤ꧀ꦢꦏꦶꦫꦁꦗꦗꦭ꧀ꦭꦺ꧈ꦢꦺꦤꦶꦁꦠꦫꦸꦁꦔꦺꦏꦱꦺꦴꦫꦤ꧀​ꦱꦮꦸꦁꦔꦮꦶꦗꦶꦭ꧀ꦩꦸꦲꦂ꧈ꦥꦼꦥꦼꦉꦥꦺꦏꦸꦫꦁꦱꦼꦫꦸ꧈ꦧꦪꦢꦶꦏꦏꦸꦫꦁꦒꦧꦃ ꧃ꦏꦏꦫꦸꦮꦭꦮꦤ꧀ꦩꦩꦶ꧈ꦲꦩꦠꦺꦤ꧀ꦤꦶꦩꦺꦤ꧀ꦗꦶꦁꦒ꧈ꦱꦸꦤ꧀ꦮꦠꦫꦤꦺꦴꦫꦱꦸꦮꦺ꧈ꦮꦼꦱꦶꦲꦶꦁꦗꦒꦠ꧀ꦱꦢꦪ꧈ꦤꦺꦴꦫꦤꦤꦠꦸꦩꦩ꧈ꦪꦺꦤ꧀ꦱꦶꦱꦶꦥ꧀ꦥꦿꦠꦶꦏꦺꦭ꧀ꦭꦶꦥꦸꦤ꧀​ꦪꦺꦤ꧀ꦧꦼꦤꦼꦂꦒꦩ꧀ꦥꦁꦏꦺꦮꦭ ꧃ꦩꦺꦴꦗꦂꦱꦁꦥꦸꦠꦿꦶꦮꦭꦺꦫꦶ꧈ꦩꦁꦱꦠꦱꦶꦭꦶꦃꦲꦂꦱꦲ꧈ꦱꦱꦤꦏ꧀ꦭꦤ꧀ꦮꦺꦴꦁꦏꦶꦤꦸꦧꦺꦴꦤ꧀​ꦲꦶꦁꦱꦸꦤ꧀ꦱꦁꦒꦸꦥ꧀ꦥꦱꦸꦁꦥꦽꦤꦃ꧈ꦥꦠꦶꦤꦺꦩꦺꦤꦏ꧀ꦗꦶꦁꦒ꧈ꦢꦢꦶꦗꦲꦶꦭ꧀ꦭꦠꦶꦤꦶꦁꦱꦸꦤ꧀​ꦠꦸꦂꦩꦱꦢꦺꦤ꧀ꦤꦸ [ f.112v ]ꦥꦃꦲꦤ ꧃ꦩꦺꦱꦼꦩ꧀ꦩꦿꦢꦺꦤ꧀ꦢꦩꦂꦱꦱꦶ꧈ꦲꦫꦸꦩ꧀ꦩꦶꦗꦶꦭ꧀ꦭꦶꦁ​ꦮꦕꦤ꧈ꦲꦠ꧀ꦩꦒꦸꦱ꧀ꦠꦶꦗꦶꦮꦤꦶꦁꦔꦺꦴꦁ꧈ꦏꦁꦱꦮꦁꦉꦠ꧀ꦤꦥꦏꦗ꧈ꦮꦼꦭꦱ꧀ꦱꦲꦶꦁꦏꦮꦸꦭ꧈ꦏꦪꦥꦿꦶꦪꦺꦥꦺꦴꦭꦃꦲꦶꦁꦱꦸꦤ꧀​​ꦲꦩꦠꦺꦤꦶꦩꦺꦤꦏ꧀ꦗꦶꦁꦒ ꧃ꦢꦺꦤꦶꦁꦏꦭꦁꦏꦸꦁꦲꦱꦏ꧀ꦠꦶ꧈ꦮꦲꦸꦢꦸꦏ꧀ꦏꦥꦿꦁ​ꦭꦤ꧀ꦤꦶꦁ​ꦮꦁ꧈ꦲꦶꦁꦱꦸꦒꦺꦴꦕꦺꦴꦭꦠꦃꦧꦲꦺ꧈ꦩꦭꦃꦲꦶꦁꦱꦸꦤ꧀ꦢꦶꦏꦸꦏꦸꦢꦁ꧈ꦠꦤ꧀ꦮꦤ꧀ꦢꦺꦲꦶꦔꦺꦴꦁꦥꦼꦗꦃ꧈ꦏꦫꦤ꧀ꦠꦼꦤ꧀ꦤꦶꦥꦸꦤ꧀ꦮꦺꦴꦁꦔꦪꦸ꧈ꦪꦺꦤ꧀ꦤꦱꦶꦃꦲꦗꦏꦥꦭꦁ ꧃ꦩꦱ꧀ꦱꦪꦸꦢꦺꦤ꧀ꦠꦸꦭꦸꦱ꧀ꦱꦱꦶꦃꦫꦶꦤꦁꦏꦸꦭ꧀ꦢꦺꦮꦶꦮꦲꦶꦠ꧈ꦩꦸꦁꦒꦺꦁꦔꦱꦠꦼꦁꦔꦼꦤ꧀ꦩꦁꦏꦺꦴ꧈ꦫꦶꦤꦁꦏꦸꦭ꧀ꦭꦶꦁꦔꦱ꧀ꦠꦏꦶꦮ꧈ꦱꦶꦫꦢꦺꦮꦶꦥꦸꦪꦼꦁꦔꦤ꧀​​ꦲꦒ꧀ꦒꦼꦤ꧀ꦠꦶꦏꦶꦤꦸꦱꦾꦮꦲꦸ꧈ꦮꦸꦮꦸꦱꦺꦲꦩꦼꦭꦱ꧀ꦱꦂꦱ ꧃ꦭꦶꦂꦕꦶꦥ꧀ꦠꦏꦲꦮꦏ꧀ꦩꦩꦶꦤꦺꦁꦠꦮꦁꦲꦥꦶꦤ꧀ꦠꦮꦂꦱ꧈ꦲꦠ꧀ꦩꦗꦶꦮꦤꦶꦁꦱꦸꦤ꧀ꦏꦫꦺꦴ꧈ꦏꦢꦾꦕꦤ꧀ꦛꦸꦏ꧀ꦏꦥꦸꦤ꧀ꦏꦏꦁ꧈ꦲꦤꦺꦁꦱꦗꦿꦺꦴꦤꦶꦁꦗꦸꦫꦁ꧈ꦪꦺꦤ꧀ꦩꦱ꧀ꦱꦪꦸꦠꦸꦭꦸꦱ꧀ꦩꦸꦥꦸ꧈ꦥꦿꦱꦱꦠ꧀ꦩꦶꦁꦒꦃꦲꦶꦁꦱꦾꦂꦒ ꧃ꦪꦺꦤ꧀ꦩꦺꦤꦏ꧀ꦗꦶꦁꦒꦔꦼꦩ꧀ꦩꦱ꧀ꦱꦶ꧈ꦏꦠꦮꦤ꧀ꦤꦶꦁꦔꦱ꧀ꦠꦤꦶꦮꦁ꧈ꦩꦂꦒꦱꦶꦁꦩꦱ꧀ꦱꦪꦸꦏꦫꦺꦴ꧈ꦫꦸꦗꦶꦠꦼꦤ꧀ꦏꦢꦶꦥꦸꦱ꧀ꦥꦶꦠ꧈ꦥꦸꦤ꧀ꦏꦏꦁꦠꦤ꧀ꦭꦁꦒꦤ꧈ꦣꦸꦩꦠꦼꦁꦱꦁ​ꦭꦶꦫꦶꦁꦱꦤ꧀ꦠꦸꦤ꧀​ꦥꦸꦤ꧀ꦏꦏꦁꦏꦮꦸꦭꦏꦼꦤ꧀ꦤ ꧃ꦮꦺꦴꦁꦔꦪꦸꦢꦺꦤ꧀ꦠꦸꦭꦸꦱ꧀ꦱꦱꦶ꧈ꦏꦮꦸꦭꦤꦼꦣꦒꦒꦩꦤ꧀​ꦱꦥꦸꦠꦿꦶꦱꦸꦩꦲꦸꦂꦏꦫꦺꦴ꧈ꦏꦸꦢꦸꦗꦲꦶꦭ꧀ꦭꦱꦶꦭ꧀ꦭꦥ꧈ꦩꦁꦱꦢꦶꦲꦸꦥꦃꦲꦤ꧈ꦏꦸꦫꦁꦒꦮꦺꦏꦸꦢꦸꦠꦸꦠꦸꦂ꧈ꦥꦽꦤꦃꦲꦺꦱꦤ꧀ꦗꦠꦩꦸꦭꦾ ꧃ꦲꦏꦺꦃꦲꦸꦗꦂ [ f.113r ]ꦲꦶꦁ​ꦮꦺꦴꦁꦱꦏꦶꦠ꧀​ꦭꦩꦺꦴꦤ꧀ꦱꦩ꧀ꦥꦸꦤ꧀ꦩꦼꦤꦁꦔꦥꦿꦁ꧈ꦫꦒꦤꦶꦁꦱꦸꦤ꧀ꦭꦶꦂꦧꦶꦤ꧀ꦠꦫꦺꦴ꧈ꦱꦥꦱꦸꦢꦶꦪꦩꦸꦥꦸꦮ꧈ꦢꦺꦮꦶꦥꦸꦪꦼꦁꦔꦤ꧀ꦩꦺꦴꦗꦂ꧈ꦢꦸꦫꦸꦁꦏꦫꦸꦮꦤ꧀ꦤꦶꦁꦧꦺꦱꦸꦏ꧀​ꦒꦮꦺꦧꦼꦕꦶꦏ꧀ꦏꦭꦲꦥ ꧃ꦏꦶꦢꦩꦂꦮꦸꦭꦤ꧀ꦩꦁꦏꦾꦭꦶꦁ꧈ꦮꦕꦤꦤꦺꦥꦲꦶꦠ꧀ꦏꦶꦭꦁꦢꦺꦮꦶꦮꦲꦶꦠꦲꦠꦸꦫꦺ꧈ꦏꦏꦁꦏꦁꦏꦮꦸꦭꦠꦼꦣ꧈ꦠꦸꦤ꧀ꦗꦸꦁꦩꦼꦏꦂꦲꦶꦁꦤꦭ꧈ꦫꦢꦶꦠꦾꦠꦤ꧀ꦏꦼꦤꦱꦸꦫꦸꦥ꧀​ꦱꦼꦒꦫꦠꦤ꧀ꦏꦼꦤꦲꦱꦠ꧀ ꧃ꦩꦺꦱꦼꦩ꧀​​ꦫꦢꦺꦤ꧀ꦢꦩꦂꦱꦱꦶ꧈ꦱꦼꦩꦸꦤꦺꦱꦩ꧀ꦥꦸꦤ꧀ꦤꦤ꧀ꦢꦸꦒ꧈ꦠꦸꦤ꧀ꦗꦸꦁꦩꦼꦏꦂꦲꦶꦁꦤꦭꦤꦺ꧈ꦠꦼꦒꦼꦱꦺꦤꦼꦣꦲꦱ꧀ꦩꦫ꧈ꦱꦒꦫꦲꦺꦴꦫꦲꦱꦠ꧀​​ꦲꦥꦤ꧀ꦱꦼꦩꦸꦤꦺꦱꦁꦔꦪꦸ꧈ꦲꦶꦁꦧꦺꦤ꧀ꦗꦁꦢꦶꦥꦸꦤ꧀ꦤꦼꦩꦺꦴꦁꦔ ꧃ꦱꦽꦔꦺꦔꦺꦠꦤ꧀ꦏꦼꦤ꧀ꦤꦮꦼꦔꦶ꧈ꦱꦥꦶꦱꦤ꧀ꦠꦸꦩꦼꦏꦺꦁꦥꦼꦗꦃ꧈ꦏꦪꦩꦁꦏꦤꦱꦼꦩꦸꦤꦺ꧈ꦱꦭꦺꦴꦏꦠꦶꦒꦁꦥꦿꦏꦫ꧈ꦏꦸꦩ꧀ꦥꦸꦭ꧀ꦢꦢꦺꦴꦱ꧀ꦱꦤꦸꦒꦭ꧀​​ꦲꦥꦠꦼꦒꦼꦱ꧀ꦱꦺꦱꦁꦔꦪꦸ꧈ꦏꦫꦺꦴꦤꦺꦲꦂꦱꦩꦮꦺꦴꦁꦔꦤ꧀ ꧃ꦲꦶꦏꦁꦩꦕꦧꦤ꧀ꦚꦺꦴꦭ꧀ꦭꦶꦏꦶ꧈ꦤꦼꦁꦒꦶꦃꦱꦼꦩꦸꦤꦶꦁ​ꦮꦤꦺꦴꦢꦾ꧈ꦏꦭꦶꦃꦥꦿꦏꦫꦏꦛꦃꦲꦺ꧈ꦏꦁꦔꦫꦤ꧀ꦏꦸꦱꦸꦩꦭꦺꦤ꧀ꦤ꧈ꦭꦤꦲꦶꦏꦸꦧꦧꦛꦁ꧈ꦲꦶꦁꦏꦁꦧꦱꦃꦭꦸꦮꦶꦃꦲꦫꦸꦩ꧀​​ꦲꦶꦪꦪꦺꦤ꧀ꦮꦤ꧀ꦤꦺꦴꦢꦾꦏꦺꦴꦂꦢ ꧃ꦠꦼꦒꦼꦱ꧀ꦱꦺꦏꦸꦱꦸꦩꦲꦢꦶ꧈ꦲꦶꦏꦸꦏꦼꦩ꧀ꦧꦁꦲꦸꦥꦩꦤ꧀ꦚ꧈ꦲꦮꦁꦔꦶꦭꦸꦮꦶꦃꦒꦤ꧀ꦢꦤꦺ꧈ꦲꦶꦏꦸꦲꦠꦶꦤꦶꦁ​ꦮꦤꦺꦴꦢꦾ꧈ [ f.113v ]ꦪꦺꦤ꧀ꦮꦁꦔꦶꦏꦢꦶꦏꦼꦩ꧀ꦧꦁ꧈ꦪꦺꦤ꧀ꦤꦢꦂꦧꦺꦩꦤꦃꦲꦶꦥꦸꦤ꧀​​ꦪꦺꦤ꧀ꦤꦢꦂꦧꦺꦧꦤ꧀ꦗꦶꦂꦧꦛꦁ ꧃ꦲꦤꦮꦺꦴꦁꦧꦏ꧀ꦠꦶꦲꦭꦏꦶ꧈ꦒꦶꦤꦮꦮꦪꦸꦃꦲꦶꦁꦥꦿꦶꦪ꧈ꦲꦶꦁꦏꦁꦔꦗꦿꦶꦃꦲꦶꦁꦏꦏꦸꦁꦔꦺꦲꦥꦤ꧀ꦤꦺꦴꦫꦩꦸꦤꦱꦶꦏ꧈ꦠꦼꦏꦩꦶꦁꦒꦸꦏꦺꦮꦭ꧈ꦔꦤ꧀ꦝꦸꦠ꧀ꦏꦼꦩꦶꦫꦶꦠꦼꦠꦼꦭꦸ꧈ꦥꦤ꧀ꦢꦢꦶꦲꦮꦸꦱꦢꦪ ꧃ꦏꦁꦫꦢꦮꦤꦶꦲꦶꦁ​ꦭꦏꦶ꧈ꦒꦶꦤꦮꦮꦪꦸꦃꦲꦶꦁꦥꦿꦶꦪ꧈ꦭꦒꦶꦢꦶꦥꦸꦤ꧀ꦠꦫꦶꦧꦲꦺ꧈ꦱꦺꦴꦱꦺꦴꦠ꧀ꦠꦺꦭꦶꦂꦕꦭꦥꦶꦠ꧈ꦲꦶꦏꦁ​ꦭꦤꦁꦢꦶꦥꦭ꧈ꦲꦶꦁꦏꦁ​ꦭꦤꦁꦫꦢꦏꦸꦫꦸ꧈ꦢꦺꦤ꧀ꦱꦸꦱꦸꦮꦺꦏ꧀ꦮꦮꦫꦱꦤ꧀ ꧃ꦱꦩ꧀ꦥꦸꦤꦺꦲꦥꦸꦭꦁꦫꦱ꧀ꦩꦶ꧈ꦲꦁ​ꦭꦶꦁꦫꦢꦺꦤ꧀ꦢꦩꦂꦮꦸꦭꦤ꧀​​ꦲꦠ꧀ꦩꦗꦶꦮꦤ꧀ꦤꦶꦁꦱꦸꦤ꧀ꦏꦫꦺꦴꦩꦤꦮꦱꦼꦊꦏ꧀ꦏꦿꦲꦶꦤꦒꦸꦱ꧀ꦠꦶꦢꦢꦶꦥꦸꦤ꧀ꦤꦥ꧈ꦭꦃꦠꦸꦠ꧀ꦢꦸꦃꦲꦼꦤ꧀ꦤꦮꦏ꧀ꦏꦶꦁꦱꦸꦤ꧀​ꦥꦼꦂꦤꦲꦺꦱꦤ꧀ꦗꦠꦩꦸꦭꦾ ꧃ꦥꦁꦫꦲꦺꦴꦱ꧀ꦱꦺꦥꦸꦠꦿꦶꦏꦭꦶꦃ꧉ꦲꦤ꧀ꦤꦶꦔꦭ꧀ꦭꦶꦢꦩꦂꦮꦸꦭꦤ꧀꧉ꦲꦠꦶꦱ꧀ꦤꦭꦁꦏꦸꦁ​ꦮꦼꦭꦱ꧀ꦱꦺ꧉ꦥꦁꦫꦱ꧀ꦱꦤ꧀ꦤꦺꦲꦶꦁꦏꦁꦩꦤ꧀ꦤꦃ꧉ꦪꦺꦤ꧀ꦥꦼꦗꦃꦲꦺꦢꦩꦂꦮꦸꦭꦤ꧀꧉ꦏꦪꦥꦩꦶꦭꦸꦮꦭꦩ꧀ꦥꦸꦱ꧀꧉ꦱꦏꦶꦁꦠꦽꦱ꧀ꦤꦤ꧀ꦤꦺꦏꦁꦩꦤ꧀ꦤꦃ꧉ ꧃ꦢꦺꦮꦶꦮꦲꦶꦠꦩꦁꦏꦾꦭꦶꦁ꧉ꦏꦁꦩꦠꦺꦤ꧀ꦤꦶꦩꦺꦤ꧀ꦤꦏ꧀ꦗꦶꦁꦒ꧉ꦥꦤ꧀ꦮꦼꦱ꧀ꦱꦶꦏꦸꦤ꧀ꦤꦶꦔ꧀ꦮꦱ꧀ꦡꦤ꧀ꦤꦺ꧉ꦥꦸꦤ꧀ꦤꦶꦏꦣꦶꦔꦶꦤ꧀ꦡꦠꦶꦧꦤ꧀꧉ꦏꦁꦪꦺꦴꦒꦾꦪꦩꦠꦺꦤ꧀ꦤꦤ꧀ꦤ꧉ꦲꦔꦶꦁꦔꦫꦸꦥꦶꦥꦼꦥꦼꦤ꧀ꦛꦸꦁ꧉ꦲꦤ꧀ꦤꦺꦁꦏꦤ꧀ꦝꦒꦏꦤ꧀ꦖꦤ꧀ꦤ꧉ ꧃ꦢꦶꦤꦺꦴꦏꦺꦴꦤ꧀​ꦭꦸꦲꦸꦂꦫꦺꦒꦸꦭꦶꦁ꧉ꦩꦶꦭꦏꦮꦸꦭꦲꦸꦤ꧀ꦤꦶꦁꦁ꧉ꦲꦗꦂꦥꦩꦼꦁꦒꦼꦂꦮꦂꦠꦶꦤ꧀ꦤꦺ꧉ꦥꦸꦤ꧀ꦤꦶꦏ [ f.114r ]ꦲꦶꦁꦔꦏꦼꦤ꧀ꦧꦥ꧉ꦢꦺꦤ꧀ꦤꦶꦁꦥꦸꦤ꧀ꦩꦺꦤ꧀ꦤꦏ꧀ꦗꦶꦁꦒ꧉ꦠꦠ꧀ꦏꦭꦤ꧀ꦤꦺꦲꦥꦶꦠꦸꦠꦸꦂ꧉ꦩꦶꦭꦏꦮꦸꦭꦩꦶꦪꦂꦱ ꧃ꦱꦏꦛꦃꦲꦶꦁꦥꦫꦥꦸꦠꦿꦶ꧉ꦢꦠꦤ꧀ꦮꦺꦴꦤ꧀ꦡꦼꦤ꧀ꦤꦩꦶꦪꦂꦱ꧉ꦤꦠ꧀ꦏꦭꦤ꧀ꦤꦺꦥꦕꦭꦛꦺꦴꦤ꧀꧉ꦲꦩꦸꦁꦏꦮꦸꦭꦩꦶꦪꦂꦱ꧉ꦏꦭꦶꦃꦢꦺꦮꦶꦥꦸꦪꦼꦁꦔꦤ꧀꧉ꦱꦁꦥꦸꦠꦿꦶꦏꦫꦺꦴꦲꦩ꧀ꦩꦸꦮꦸꦱ꧀꧉ꦩꦤ꧀ꦤꦶꦫꦱꦒꦸꦥ꧀​ꦔꦩ꧀ꦧꦶꦭ꧀ꦭ꧉ ꧃ꦤꦁꦔꦶꦁꦫꦢꦺꦤ꧀ꦤꦠꦸꦂꦩꦩꦶ꧉ꦭꦩ꧀ꦩꦺꦴꦤ꧀ꦢꦶꦏꦩꦼꦤ꧀ꦤꦁꦔꦥꦿꦁ꧉ꦲꦩꦸꦏ꧀ꦡꦶꦗꦸꦩ꧀ꦩꦼꦤ꧀ꦤꦼꦁꦏꦠꦺꦴꦁ꧉ꦱꦩ꧀ꦥꦸꦤ꧀ꦢꦶꦏꦢꦺꦴꦢꦺꦴꦭ꧀ꦒꦸꦭ꧀ꦭ꧉ꦱꦩ꧀ꦥꦸꦤ꧀ꦭꦭꦶꦏꦮꦸꦭ꧉ꦏꦶꦢꦩꦂꦮꦸꦭꦤ꧀ꦤꦩꦸꦮꦸꦱ꧀꧉ꦪꦏꦺꦃꦢꦺꦤ꧀ꦚꦥꦿꦱꦼꦠꦾ꧉ ꧃ꦲꦁ​ꦭꦶꦁꦫꦗꦥꦸꦠꦿꦶꦏꦭꦶꦃ꧉ꦲꦤ꧀ꦢꦶꦏꦲꦠꦼꦂꦫꦃꦲꦢꦾꦤ꧀꧉ꦩꦁꦏꦺꦮꦸꦭꦲꦩ꧀ꦧꦶꦭ꧀ꦭꦺ꧉ꦲꦥꦠꦱꦩ꧀ꦥꦸꦤ꧀ꦭꦸꦩ꧀ꦩꦩ꧀ꦥꦃ꧉ꦢꦩꦂꦮꦸꦭꦤ꧀ꦤꦺꦁ​ꦭꦠꦂ꧉ꦱꦥꦸꦠꦿꦶꦏꦭꦶꦃꦩꦊꦧꦸ꧉ꦩꦶꦤ꧀ꦝꦶꦏ꧀ꦩꦶꦤ꧀ꦝꦶꦏ꧀ꦏꦢꦶꦣꦸꦱ꧀ꦛ꧉ ꧃ꦱꦶꦉꦥ꧀ꦱꦒꦸꦁꦥꦫꦥꦸꦠꦿꦶ꧉ꦲꦥꦤ꧀ꦡꦏꦢꦶꦠꦶꦤꦸꦧ꧉ꦩꦺꦤ꧀ꦤꦏ꧀ꦗꦶꦁꦒꦲꦺꦕꦔꦺꦴꦫꦺꦴꦏ꧀꧉ꦢꦺꦤ꧀ꦤꦶꦫꦠꦸꦫꦸꦲꦩ꧀ꦧꦛꦁ꧉ꦲꦭꦶꦤ꧀ꦢꦸꦂꦩꦺꦤ꧀ꦤꦏ꧀ꦗꦶꦁꦒ꧉ꦫꦠꦸꦲꦪꦸꦩꦗꦭꦁꦔꦸ꧉ꦲꦼꦤ꧀ꦚꦃꦣꦣꦒꦫꦸꦠ꧀ꦡꦤ꧀ꦤ꧉ ꧃ꦥꦸꦠꦿꦶꦏꦭꦶꦃꦩꦶꦤ꧀ꦝꦶꦏ꧀ꦩꦶꦤ꧀ꦝꦶꦏ꧀​ꦤꦺꦭꦸꦲꦸꦂꦫꦺꦩꦺꦤ꧀ꦤꦏ꧀ꦗꦶꦁꦒ꧉ꦱꦫꦶꦫꦤ꧀ꦤꦺꦣꦼꦫꦺꦴꦣꦺꦴꦏ꧀꧉ꦏꦢꦶꦱꦮꦸꦁꦩꦠꦫꦁꦔꦤ꧀꧉ꦪꦥꦺꦴꦭꦃꦲꦺꦏꦁꦲꦣꦸꦱ꧀ꦛ꧉ꦠꦤ꧀ꦤꦤ꧀ꦤꦣꦫꦠ꧀ꦡꦤ꧀ꦏꦺꦠꦸꦁ꧉ꦩꦸꦁꦏꦕꦶꦥ꧀ꦡꦢꦩꦂꦮꦸ [ f.114v ]ꦭꦤ꧀꧉ ꧃ꦮꦸꦱ꧀ꦏꦼꦤ꧀ꦤꦩꦼꦢꦭ꧀ꦡꦸꦩꦸꦭꦶ꧉ꦲꦭꦶꦁꦤꦶꦢꦺꦮꦶꦮꦲꦶꦠ꧉ꦲꦶꦁꦱꦸꦤ꧀ꦏꦏꦁꦲꦱꦭ꧀ꦒꦮꦺ꧉ꦩꦺꦱꦼꦩ꧀ꦫꦢꦺꦤ꧀ꦢꦩꦂꦮꦸꦭꦤ꧀꧉ꦱꦁꦥꦸꦠꦿꦶꦏꦫꦺꦴꦲꦶꦁꦔꦫꦱ꧀꧉ꦏꦤ꧀ꦝꦒꦧꦶꦤ꧀ꦤꦸꦏ꧀ꦏꦱꦩ꧀ꦥꦸꦤ꧀꧉ꦩꦸꦫꦸꦧ꧀ꦏꦁꦥꦼꦥꦼꦤ꧀ꦛꦸꦁ​ꦮꦗ꧉ ꧃ꦢꦺꦮꦶꦮꦲꦶꦠꦩꦁꦏꦾꦭꦶꦁ꧉ꦪꦺꦤ꧀ꦩꦁꦏꦺꦢꦶꦏꦲꦥꦿꦁ꧉ꦢꦶꦏꦒꦶꦠꦶꦏ꧀ꦏꦥꦶꦭꦶꦔꦤ꧀ꦤꦺ꧉ꦩꦺꦤ꧀ꦤꦏ꧀ꦗꦶꦁꦒꦲꦶꦁꦏꦁꦏꦶꦮ꧉ꦥꦱ꧀ꦛꦶꦭꦩ꧀ꦩꦺꦴꦤ꧀ꦥꦭꦱ꧀ꦡꦿ꧉ꦱꦥꦸꦤ꧀ꦤꦶꦏꦥꦗꦂꦫꦶꦥꦸꦤ꧀꧉ꦲꦗꦂꦥꦩ꧀ꦩꦼꦒꦼꦂꦫꦶꦁꦏꦶꦤ꧀ꦤ꧉ ꧃ꦩꦸꦁꦥꦸꦁꦩꦺꦤꦏ꧀ꦗꦶꦁꦒꦒꦸꦭꦶꦁ꧈ꦢꦮꦼꦒ꧀ꦫꦢꦺꦤ꧀ꦥꦶꦤꦫꦤꦤ꧀​ꦢꦶꦏꦒꦶꦠꦶꦏ꧀ꦥꦶꦭꦶꦁꦔꦤꦺ꧈ꦩꦺꦴꦗꦂꦫꦢꦺꦤ꧀ꦢꦩꦂꦮꦸꦭꦤ꧀​ꦢꦸꦢꦸꦥꦿꦗꦸꦫꦶꦠ꧀ꦚꦠ꧈ꦲꦩꦠꦺꦤꦶꦮꦺꦴꦁꦔꦠꦸꦫꦸ꧈ꦪꦺꦤ꧀ꦤꦗꦿꦶꦃꦲꦁꦔꦸꦂꦩꦸꦤ꧀ꦢꦸꦂꦫ꧃ ꧃ ꧃ꦲꦭꦺꦴꦤ꧀ꦩꦺꦗꦂꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀​ꦱꦶꦫꦢꦁꦢꦤ꧀ꦤꦪꦪꦶ꧈ꦱꦺꦴꦏ꧀ꦱꦶꦁ

[ f.115r ]

ꦏꦕꦁꦏꦶꦁꦔ꧈ꦩꦸꦂꦢꦤꦺꦩꦺꦤꦏ꧀ꦗꦶꦁꦒ꧈ꦥꦤ꧀ꦱꦶꦫꦱꦸꦤ꧀ꦒꦮꦣꦶꦁꦔꦶꦤ꧀​ꦢꦭꦸꦏꦺꦮꦭꦩꦫꦁꦔꦶꦁꦩꦗꦥꦲꦶꦠ꧀ ꧃ꦭꦁꦏꦸꦁꦧꦸꦁꦔꦃꦱꦁꦢꦾꦏꦭꦶꦃꦩꦤꦃꦲꦶꦫꦱꦩ꧀ꦥꦸꦤ꧀ꦤꦢꦁꦢꦤ꧀ꦏꦭꦶꦃ꧈ꦫꦢꦺꦤ꧀ꦢꦩꦂꦮꦸꦭꦤ꧀​ꦩꦫꦁꦔꦶꦁꦥꦫꦺꦒꦺꦴꦭꦤ꧀​ꦏꦶꦱꦧ꧀ꦢꦥꦭꦺꦴꦤ꧀ꦏꦥꦁꦒꦶꦃꦭꦤ꧀ꦤꦪꦒꦺꦴꦁꦒꦺꦴꦁ꧈ꦲꦁꦔꦼꦭꦺꦴꦤ꧀ꦤꦶꦏꦺꦮꦭꦶ ꧃ꦪꦠꦭꦶꦤ꧀ꦢꦸꦂꦏꦶꦱꦧ꧀ꦢꦥꦭꦺꦴꦤ꧀ꦤꦁꦔꦺꦴꦩꦾꦁꦗꦼꦤꦁꦧꦼꦏꦠꦸꦭ꧀ꦭꦶꦤ꧀ꦛꦶꦭ꧀​​ꦲꦼꦩꦥ꧀ꦭꦺꦏ꧀ꦭꦶꦭꦶꦤ꧀ꦠꦶꦁꦔꦤ꧀​​ꦲꦁꦏꦼꦥ꧀ꦥꦁꦏꦼꦥ꧀ꦥꦺꦥꦶꦱꦤ꧀​ꦢꦶꦭꦺꦂꦠꦩ꧀ꦥꦃꦱꦸꦫꦸꦲꦸꦥꦶꦃꦧꦉꦁꦔꦩꦫ꧈ꦒꦸꦭꦭꦤ꧀ꦱꦤ꧀ꦠꦼꦤ꧀ꦏꦏꦤꦶꦭ꧀꧈ ꧃ꦮꦸꦱ꧀ꦝꦶꦤꦸꦥꦏ꧀ꦏꦶꦱꦧ꧀ꦢꦥꦭꦺꦴꦤ꧀ꦤꦤ꧀ꦗꦺꦴꦭ꧈ꦫꦢꦺꦤ꧀​​ꦲꦩꦸꦮꦸꦱ꧀ꦱꦫꦶꦱ꧀​ꦥꦩꦤ꧀ꦢꦶꦲꦏꦼꦧꦠ꧀​ꦒꦸꦒꦲꦼꦤ꧀ꦩꦺꦤꦏ꧀ꦗꦶꦁꦒ꧈ꦩꦼꦁꦏꦺꦴꦪꦺꦤ꧀ꦤꦸꦮꦸꦱ꧀ꦱꦠꦁꦔꦶ꧈ꦭꦃꦭꦸ [ f.115v ]ꦩꦪꦸꦮ꧈ꦲꦶꦁꦱꦸꦤ꧀ꦝꦺꦮꦺꦏ꧀ꦔꦼꦩ꧀ꦧꦂꦫꦶ ꧃ꦱꦼꦧ꧀ꦢꦥꦭꦺꦴꦤ꧀ꦒꦸꦥꦸꦃꦤꦸꦭꦾꦕꦕꦮꦼꦠꦤ꧀​ꦠꦠꦸꦲꦶꦠꦼꦩ꧀ꦱꦶꦤꦸꦁꦒꦶ꧈ꦲꦸꦩ꧀ꦥꦏ꧀ꦏꦶꦁꦗꦩ꧀ꦧꦔꦤ꧀​ꦩꦊꦧꦸꦥꦱꦫꦺꦪꦤ꧀​ꦩꦺꦤꦏ꧀ꦗꦶꦁꦒꦩꦏ꧀ꦱꦶꦃꦒꦸꦭꦶꦁꦢꦺꦤ꧀ꦧꦭꦁꦱꦺꦭ꧈ꦗꦗꦤꦺꦢꦶꦲꦤ꧀ꦠꦼꦧꦶ ꧃ꦭꦶꦂꦒꦊꦥꦸꦁ​ꦮꦠꦸꦲꦶꦠꦼꦩ꧀ꦠꦶꦧꦗꦗ꧉ꦩꦺꦤꦏ꧀ꦗꦶꦒꦠꦤ꧀ꦧꦸꦱꦶꦏ꧀​​ꦲꦁ​ꦭꦶꦤ꧀ꦢꦸꦂꦏꦺꦮꦭ꧈ꦱꦶꦫꦏꦶꦩꦺꦤꦏ꧀ꦗꦶꦒ꧈ꦫꦠꦸꦲꦪꦸꦩꦗꦥꦲꦶꦠ꧀​ꦭꦩꦺꦴꦤ꧀ꦤꦿꦸꦢꦶꦠ꧈ꦱꦺꦴꦏ꧀ꦗꦗꦢꦶꦒꦭ꧀ꦧꦺꦴꦒ꧀ꦒꦶ ꧃ꦤꦪꦒꦺꦁꦒꦺꦴꦁꦱꦶꦒꦿꦒꦮꦲꦭꦸꦩꦫ꧈ꦣꦼꦢꦼꦁꦏꦸꦭ꧀ꦭꦺꦢꦺꦤ꧀ꦒꦶꦠꦶꦏ꧀​​ꦲꦭꦸꦭꦶꦂꦒꦊꦥꦁ꧈ꦲꦁ​ꦭꦶꦤ꧀ꦢꦸꦂꦩꦺꦤꦏ꧀ꦗꦶꦁꦒ꧈ꦫꦠꦸꦲꦪꦸꦩꦗꦥꦲꦶꦠ꧀​ꦭꦩꦺꦴꦤ꧀ꦤꦿꦸꦢꦶꦠ꧈ꦣꦼꦣꦼꦁꦏꦸꦭ꧀ꦢꦶꦕꦶꦛꦺꦴꦠ꧀ꦠꦶ ꧃ꦱꦼꦧ꧀ꦢꦥꦭꦺꦴꦤ꧀ꦱꦶꦒꦿꦩꦁꦒꦸꦭ꧀​​ꦲꦼꦤ꧀ꦖꦺꦃꦒꦼꦣꦃꦏꦁꦔꦶꦱꦶꦲꦫꦏ꧀ꦏꦥꦶ꧈ꦢꦺꦤ꧀ꦱꦺꦴꦏ꧀ꦏꦏꦼꦤ꧀ꦱꦶꦒꦿ꧈ꦩꦫꦁ​ꦮꦢꦤꦤꦶꦫ꧈ꦩꦺꦤꦏ꧀ꦗꦶꦁꦒꦤꦸꦭꦾꦭꦶꦭꦶꦂꦲꦒꦸꦭꦒꦼꦥꦤ꧀​​ꦲꦁꦒꦼꦧꦿꦺꦱ꧀ꦱꦂꦪꦮꦲꦶꦤ꧀ ꧃ꦠꦸꦫꦸꦩꦤꦶꦁꦏꦶꦩꦺꦤꦏ꧀ꦗꦶꦁꦒꦲꦁꦔꦺꦴꦩꦾꦁ꧈ꦒꦮꦺꦴꦏ꧀ꦠꦼꦩꦼꦤ꧀ꦏꦁꦔꦠꦶ꧈ꦫꦠꦸꦩꦗꦊꦁꦏ꧈ꦊꦁꦏꦸꦁ​ꦊꦁ​ꦏꦸꦁꦪꦺꦤ꧀ꦢꦸꦏ꧈ꦱꦺꦴꦏ꧀ꦖꦁꦏꦼꦩ꧀ꦢꦶꦥꦸꦤ꧀ꦤꦸꦪꦸꦲꦶꦲꦸꦪꦸꦃꦲꦸꦠꦩ꧈ꦱꦸꦮꦺꦱꦸꦮꦺꦔꦼꦤ꧀ꦢꦼꦩ꧀ꦩꦶ ꧃ꦱꦼꦧ꧀ꦢꦥꦭꦺꦴꦤ꧀ꦱꦶꦒꦿꦲꦩꦁꦒꦸꦭ꧀ꦧꦣꦶꦪꦁ꧈ꦩꦫꦺꦴꦁ​ꦮꦁ​ꦮꦤꦺꦢꦢꦶ꧈ꦱꦶꦒꦿꦲꦶꦁꦔꦤ꧀ꦠꦼꦧꦤ꧀​ꦩꦸꦂꦢꦤꦺꦩꦺꦤꦏ꧀ꦗꦶꦁꦒꦢꦢꦾꦫꦩ꧀ꦧꦸꦠ꧀ꦠꦺꦏꦺꦴꦧꦂꦧꦶꦂꦩꦸꦫꦸꦧ꧀ꦩꦼꦔꦔꦃꦩꦺꦤꦏ꧀ꦗꦶꦁꦒꦲꦠꦔꦶ꧈ ꧃ꦱꦼꦧ꧀ꦢꦥꦭꦺꦴꦤ꧀ꦤꦪ [ f.116r ]ꦒꦺꦁꦒꦺꦴꦁ​ꦮꦸꦱ꧀ꦩꦊꦩ꧀ꦥꦠ꧀​ꦭꦸꦩꦪꦸꦠꦶꦧꦠꦁꦔꦶ꧈ꦏꦒꦺꦠ꧀ꦩꦺꦤꦏ꧀ꦗꦶꦁꦒ꧈ꦲꦤꦶꦔꦭ꧀ꦭꦶꦏꦤ꧀ꦝꦒ꧈ꦏꦁꦔꦲꦶꦱꦶꦮꦼꦱꦶꦏꦸꦤꦶꦁ꧈ꦥꦤ꧀ꦤꦺꦴꦫꦤꦤ꧈ꦧꦿꦩꦠꦾꦤꦺꦠ꧀ꦤ꧀ꦱꦶꦥꦶ ꧃ꦱꦏꦭꦁꦏꦸꦁꦧꦿꦩꦠꦾꦤꦶꦫꦱꦁꦤꦠ꧈ꦱꦏꦺꦲꦺꦥꦫꦫꦧꦶ꧈ꦲꦤꦗꦶꦤꦼꦗꦼꦏꦤ꧀​​ꦲꦤꦏꦁꦢꦶꦥꦸꦤ꧀ꦝꦸꦥꦏ꧀​​ꦲꦤꦏꦁꦢꦶꦥꦸꦤ꧀ꦠꦩ꧀ꦥꦶꦭꦶꦁ꧈ꦱꦂꦪꦲꦁꦔꦸꦕꦥ꧀​ꦢꦸꦮꦺꦏꦸꦲꦤꦁꦔꦼꦤ꧀ꦢꦶ꧈ ꧃ꦢꦩꦂꦮꦸꦭꦤ꧀ꦱꦸꦩ꧀ꦧꦂꦱꦸꦩ꧀ꦧꦂꦲꦤꦺꦔ꧀ꦭꦠꦂ꧈ꦥꦤ꧀ꦤꦶꦁꦱꦸꦤ꧀ꦤꦺꦴꦫꦩꦠꦶ꧈ꦥꦪꦸꦩꦺꦤꦏ꧀ꦗꦶꦁꦒ꧈ꦪꦺꦤ꧀ꦥꦿꦗꦸꦫꦶꦠ꧀ꦩꦼꦠꦸꦮ꧈ꦥꦣꦲꦠꦤ꧀ꦝꦁꦏꦮꦤꦶꦤ꧀​ꦏꦒꦺꦠ꧀ꦩꦶꦲꦂꦱ꧈ꦥꦼꦣꦁꦔꦺꦢꦶꦥꦸꦤ꧀ꦠꦫꦶꦏ꧀ ꧃ꦠꦤ꧀ꦤꦤ꧀ꦠꦫꦏꦶꦩꦺꦤꦏ꧀ꦗꦶꦁꦒꦤꦫꦗꦁ꧈ꦥꦶꦤꦼꦣꦁꦢꦩꦂꦱꦱꦶ꧈ꦲꦥꦤ꧀ꦤꦺꦴꦫꦥꦱꦃꦢꦩꦂꦮꦸꦭꦤ꧀ꦤꦔꦸꦕꦥ꧀​ꦠꦸꦩꦸꦁꦏꦸꦭꦲꦶꦁꦥꦿꦠꦶꦮꦶꦤꦼꦔꦲꦏꦱ꧈ꦱꦩ꧀ꦧꦠꦏꦁꦔꦪꦺꦴꦒ꧀ꦒꦶ ꧃ꦮꦸꦱ꧀ꦥꦶꦤꦱ꧀ꦛꦶꦠꦶꦧꦤꦺꦲꦤ꧀ꦠꦏꦤꦶꦫ꧈ꦲꦶꦪꦱꦮꦼꦁꦔꦶꦩꦁꦏꦶꦤ꧀​​ꦫꦢꦺꦤ꧀ꦢꦩꦂꦮꦸꦭꦤ꧀​ꦱꦶꦒꦿꦤꦸꦭꦶꦤꦫꦗꦁꦏꦶꦩꦺꦤꦏ꧀ꦗꦶꦁꦒꦠꦶꦤꦶꦁꦒꦶꦭ꧀​ꦥꦶꦭꦶꦁꦔꦤ꧀ꦏꦶꦮ꧈ꦲꦤꦶꦧꦲꦁꦔꦼꦩꦱ꧀ꦱꦶ ꧃ꦩꦺꦤꦏ꧀ꦗꦶꦁꦒꦲꦸꦥꦩꦤꦺꦮꦼꦱꦶꦲꦧꦁ꧈ꦱꦶꦤꦶꦫꦩ꧀ꦢꦺꦤꦶꦁ​ꦮꦫꦶ꧈ꦲꦠꦼꦩꦃꦩꦸꦂꦕꦶꦠ꧈ꦠꦤ꧀ꦏꦺꦴꦁꦱꦶꦲꦩꦊꦱ꧈ꦭꦸꦢꦶꦫꦤꦺꦲꦤ꧀ꦢꦽꦱ꧀ꦩꦶꦗꦶꦭ꧀​ꦥꦤ꧀ꦱꦸꦩꦩ꧀ꦧꦸꦫꦠ꧀​ꦒꦸꦩꦸꦭꦶꦁꦲꦤꦺꦁꦱꦶꦠꦶ

꧃ꦱꦧ꧀ꦢꦥꦭꦺꦴꦤ꧀ꦤꦧꦏ꧀ꦱꦱꦂꦮꦶꦲꦩ꧀ꦧꦥꦁ꧈ꦧꦪꦲꦺꦕꦏꦁꦔꦠꦶ꧈ꦏꦶꦤ꧀ꦛꦺꦴꦭ꧀ꦩꦺꦤꦏ꧀ꦗꦶꦁꦒ꧈ꦒꦺꦤꦺꦥꦸꦭꦁꦲꦱ꧀ꦩꦫ꧈ꦭꦮꦤ꧀ꦤꦿꦠꦸꦩꦗꦥꦲꦶꦠ꧀​​ꦲꦼꦤ꧀ꦝꦱ꧀ [ f.116v ]

ꦱꦺꦥꦼꦕꦃꦧꦪꦢꦶꦥꦸꦤ꧀ꦤꦶꦢꦺꦴꦤꦶ ꧃ꦮꦸꦱ꧀ꦠꦶꦤꦶꦒꦱ꧀​ꦩꦸꦢꦤꦺꦏꦶꦩꦺꦤꦏ꧀ꦗꦶꦁꦒ꧈ꦢꦺꦤꦶꦁꦏꦶꦢꦩꦂꦱꦱꦶ꧈ꦢꦶꦤꦭꦃꦏꦼꦤ꧀ꦝꦒ꧈ꦱꦏꦺꦲꦺ꧈ꦒꦂꦮꦤꦶꦫ꧈ꦱꦢꦪꦢꦶꦥꦸꦤ꧀ꦠꦶꦩ꧀ꦧꦭꦶ꧈ꦢꦺꦤꦶꦁꦫꦃꦲꦢꦾꦤ꧀​ꦮꦺꦴꦁꦲꦤꦺꦴꦩ꧀ꦩꦪꦸꦫꦩ꧀ꦥꦶꦁ ꧃ ꧃ ꧃ ꧃ꦩꦺꦴꦗꦂꦫꦢꦺꦤ꧀ꦢꦩꦂꦮꦸꦭꦤ꧀ꦱꦏꦺꦲꦺꦥꦸꦠꦿꦶꦠꦶꦤꦫꦶ꧈ꦱꦥꦏꦁꦩꦶꦭꦸꦥꦭꦱ꧀ꦠꦿꦏꦁꦔꦱꦶꦃꦲꦢꦸꦮꦺꦭꦏꦶ꧈ꦪꦏ꧀ꦠꦶꦤꦺꦱꦸꦤ꧀ꦥꦠꦺꦤꦶꦩꦺꦴꦗꦂꦱꦒꦸꦁꦥꦫꦲꦫꦸꦩ꧀​ꦧꦺꦴꦪꦏꦸꦢꦸꦲꦧꦺꦭ꧈ꦏꦧꦺꦴꦪꦺꦴꦁꦔꦱꦸꦤ꧀ꦭꦏꦺꦴꦤꦶ꧈ꦱꦸꦏꦸꦂꦱꦺꦮꦸꦩꦺꦤꦏ꧀ꦗꦶꦁꦒꦪꦺꦤ꧀ꦩꦠꦶꦪ

꧃ꦱꦏꦛꦃꦲꦺꦥꦫꦒꦂꦮ꧈ꦱꦩꦾꦤꦲꦸꦫꦶꦥꦸꦤꦒꦶꦃꦲꦤꦏꦲꦸꦭ꧀​ꦧꦸꦮꦁꦫꦺꦪꦭ꧀​​ꦲꦤꦏꦲꦸꦭ꧀ꦚꦼꦧꦂꦥꦶꦕꦶꦱ꧀​​ꦲꦤꦏꦲꦸꦭ꧀ꦲꦤ꧀ꦗꦼꦁꦏꦶꦁꦲꦤꦏꦁꦏꦲꦸꦭ꧀​ꦩꦕꦸꦕꦸ꧈ꦲꦤꦏꦲꦸꦭ꧀ꦮꦸꦮꦸꦢ꧈ꦲꦤꦁꦔꦼꦁꦒꦺꦴꦤꦺꦏꦁꦱꦼ [ f.117r ]

ꦱꦼꦥꦶ꧈ꦏꦁꦱꦮꦼꦤꦺꦃꦲꦤꦏꦲꦸꦭ꧀​ꦔꦸꦫꦲꦸꦫ ꧃ꦢꦺꦮꦶꦮꦲꦶꦠꦲꦁꦔꦸꦕꦥ꧀​​ꦪꦺꦤ꧀ꦩꦼꦁꦒꦼꦃꦮꦲꦮꦏ꧀ꦩꦩꦶ꧈ꦮꦸꦱ꧀ꦏꦼꦤꦁꦥꦸꦭꦁꦲꦱ꧀ꦩꦫ꧈ꦮꦸꦱ꧀ꦏꦺꦴꦤ꧀ꦗꦫꦢꦢꦶꦫꦧꦶ꧈ꦪꦺꦤ꧀ꦩꦺꦤꦏ꧀ꦗꦶꦁꦒꦩꦠꦶ꧈ꦗꦩꦏ꧀ꦏꦺꦩꦶꦭꦸꦮꦭꦩ꧀ꦥꦸꦱ꧀​​ꦪꦺꦤ꧀ꦩꦸꦁꦒꦸꦃꦤꦶꦮꦲꦶꦠ꧈ꦲꦱꦶꦃꦩꦫꦁꦢꦩꦂꦱꦱꦶ꧈ꦭꦭꦸꦏꦼꦤ꧀ꦝꦠ꧀ꦭꦸꦩꦸꦃꦩꦫꦶꦁꦩꦺꦤꦏ꧀ꦗꦶꦁꦒ ꧃ꦲꦸꦥꦩꦤꦺꦲꦮꦏ꧀ꦏꦶꦁ​ꦮꦁ꧈ꦪꦺꦤ꧀ꦩꦠꦶꦏꦶꦢꦩꦂꦱꦱꦶ꧈ꦥꦱ꧀ꦛꦶꦲꦶꦁꦱꦸꦤ꧀ꦩꦶꦭꦸꦥꦼꦗꦃ꧈ꦩꦺꦴꦗꦂꦱꦒꦸꦁꦥꦫꦥꦸꦠꦿ꧈ꦱꦏꦂꦱꦤꦺꦩꦱ꧀ꦠꦤꦶ꧈ꦲꦥꦤ꧀ꦭꦉꦱ꧀ꦱꦿꦢꦺꦤ꧀ꦤꦪꦸ꧈ꦔꦣꦁꦏꦸꦕꦃꦲꦤ꧀ꦢꦶꦏ꧈ꦤꦢꦾꦤ꧀ꦤꦶꦁꦔꦥꦸꦭꦁꦫꦱ꧀ꦩꦶ꧈ꦥꦤ꧀ꦤꦫꦶꦩ꧈ꦏꦼꦏꦧꦂꦲꦶꦥꦸꦤ꧀ꦏꦺꦮꦭ ꧃ꦢꦺꦮꦶꦮꦲꦶꦠꦲꦫꦶꦪꦏ꧀​ꦮꦸꦮꦸꦱ꧀ꦱꦺꦲꦤ꧀ꦚꦭꦮꦢꦶ꧈ꦢꦺꦤꦶꦁꦔꦶꦁꦱꦸꦤ꧀ꦮꦸꦱ꧀ꦱꦭꦩ꧈ꦲꦶꦁꦔꦫꦃꦲꦥꦸꦭꦁꦫꦱ꧀ꦩꦶ꧈ꦲꦶꦁꦩꦺꦤꦏ꧀ꦗꦶꦁꦒꦧꦫꦶꦁ꧈ꦥꦤ꧀ꦤꦶꦁꦱꦸꦤ꧀ꦥꦭꦲꦸꦂꦭꦩ꧀ꦥꦸꦱ꧀​​ꦲꦁ​ꦭꦶꦁꦢꦺꦮꦶꦥꦸ [ f.117v ]ꦪꦼꦁꦔꦤ꧀​ꦥꦣꦮꦺꦴꦁꦢꦼꦭꦥ꧀ꦥꦲꦸꦫꦶꦥ꧀​ꦭꦭꦸꦥꦼꦗꦃꦭꦸꦩꦸꦃꦩꦫꦁꦲꦱꦸꦲꦧꦁ ꧃ꦫꦶꦤꦁꦏꦸꦭ꧀ꦢꦺꦮꦶꦥꦸꦪꦼꦁꦔꦤ꧀ꦩꦫꦁꦫꦢꦺꦤ꧀ꦢꦩꦂꦱꦱꦶ꧈ꦲꦠ꧀ꦩꦒꦸꦱ꧀ꦠꦶꦤꦺꦱꦶꦏꦏꦁ꧈ꦏꦁꦔꦱꦶꦃꦲꦢꦸꦮꦺꦭꦏꦶ꧈ꦩꦂꦩꦤꦶꦁꦱꦸꦤ꧀ꦤꦲꦸꦫꦶꦥ꧀ꦱꦏꦶꦁꦱꦶꦫꦫꦢꦺꦤ꧀ꦤꦪꦸ꧈ꦧꦪꦩꦱ꧀ꦱꦪꦸꦱꦶꦫ꧈ꦢꦶꦤꦸꦱ꧀ꦱꦶꦁꦒꦸꦤ꧀ꦤꦥꦶꦫꦤ꧀ꦠꦶ꧈ꦧꦪꦱꦶꦫꦩꦶꦱꦃꦏꦁꦩꦸꦁꦒꦺꦁꦏꦸꦩꦸꦢ ꧃ꦪꦠꦤꦶꦢꦺꦮꦶꦮꦲꦶꦠ꧈ꦲꦁꦒꦺꦤ꧀ꦢꦺꦁꦱꦏꦶꦁꦔꦶꦁ​ꦮꦸꦫꦶ꧈ꦏꦏꦁꦏꦸꦭꦏꦫꦶꦲꦥ꧈ꦩꦺꦱꦼꦩ꧀​​ꦫꦢꦺꦤ꧀ꦢꦩꦂꦱꦱꦶ꧈ꦲꦶꦪꦩꦤꦶꦁꦔꦤ꧀ꦤꦶꦏꦶ꧈ꦒꦸꦱ꧀ꦠꦶꦤꦺꦥꦸꦤ꧀ꦢꦩꦂꦱꦤ꧀ꦠꦸꦤ꧀​ꦏꦁꦔꦱꦮꦁꦏꦺꦴꦩꦭꦏꦸꦤꦶꦁꦔꦺꦲꦤꦼꦩꦸꦒꦶꦫꦶꦁ꧈ꦱꦸꦏꦢꦺꦴꦭꦼꦤ꧀ꦱꦶꦏꦏꦁꦣꦠꦼꦁ​ꦭꦁꦒꦤ꧀ꦤ ꧃ꦫꦶꦤꦁꦏꦸꦭ꧀ꦢꦺꦮꦶꦮꦲꦶꦠ꧈ꦢꦺꦤꦶꦁꦫꦢꦺꦤ꧀ꦢꦩꦂꦱꦱꦶ꧈ꦲꦒꦼꦤ꧀ꦠꦶꦥꦶꦤꦿꦶꦪꦼꦩ꧀ꦧꦢ꧈ꦱꦏꦠꦛꦃꦲꦺꦥꦫꦥꦸꦠꦿꦶ꧈ꦱꦩꦶꦭꦶꦁꦱꦼꦩ꧀ꦤꦶꦔꦭ꧀ꦭꦶ꧈ꦲꦤꦏꦁ​ꦭꦸꦁꦒꦸꦃꦠꦸꦩꦸꦁꦏꦸꦭ꧀​​ꦲꦤꦱꦤ꧀ꦢꦶꦲꦔꦶꦤꦁ꧈ꦲꦤꦱꦤ꧀ꦢꦶꦏꦼꦤꦁꦔꦼꦫꦶ꧈ꦏꦁꦱꦮꦤꦺꦃꦲꦤꦏꦁꦲꦶꦢꦸꦲꦁꦔꦶꦮ ꧃ꦲꦮꦪꦃꦧꦁꦔꦸꦤ꧀ꦤꦿꦲꦶꦤꦲꦁ​ꦭꦶꦁꦫꦢꦺꦤ꧀ꦢꦩꦂꦱꦱꦶ꧈ꦱꦏꦺꦲꦺꦥꦸꦠꦿꦶꦏꦫꦶꦪ꧈ꦢꦺꦤꦶꦁꦧꦺꦤ꧀ꦗꦁꦱꦸꦤ꧀ꦧꦭꦺꦤꦶ꧈ꦲꦺꦴꦫꦩꦼꦩꦼꦏꦱ꧀ꦩꦩꦶꦢꦺꦤ꧀ꦧꦶꦱꦱꦶꦫꦤꦭꦶꦩꦸꦂ꧈ꦱꦏꦺꦃꦮꦺꦴꦁꦧꦭꦁꦧꦁꦔꦤ꧀​ꦥꦣꦏꦶꦭꦥ꧀ꦥꦤꦪꦪꦶ꧈ꦲꦗꦮꦶꦏꦤ꧀ꦪꦺꦤ꧀ꦩꦺꦤꦏ꧀ꦗꦶꦁꦒꦥꦿꦭꦪ

꧃ꦢꦠꦤ꧀ꦏꦮꦂꦤꦱꦩꦤꦏꦶꦢꦩꦂꦮꦸꦱ꧀ꦩꦸꦭꦶꦃ꧈ꦲꦩꦸꦁꦤꦶꦢꦺꦮꦶꦮꦲꦶꦠ꧈ꦏꦭꦮꦤ꧀ꦥꦸꦠꦿꦶꦮꦭꦺꦫꦶ꧈ꦲꦶꦁꦏꦁꦧꦶꦤ [ f.118v ]

ꦔꦸꦕꦥꦺꦲꦮꦺꦴꦂꦠꦁꦔꦶꦱ꧀​ꦲꦶꦁꦒꦶꦃꦢꦮꦼꦒ꧀ꦏꦶꦩꦱ꧀ꦠꦏꦏꦸꦭꦲꦼꦩ꧀ꦧꦤ꧀ ꧃ꦏꦺꦴꦕꦥ꧀ꦥꦏꦶꦭꦪꦁꦱꦺꦠꦿꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦲꦤꦁꦱꦠꦼꦁꦔꦃꦲꦁꦮꦤ꧈ꦱꦒꦒꦩꦤ꧀ꦱꦠꦸꦫꦁꦒꦶ꧈ꦧꦭꦤꦺꦏꦁꦱꦶꦤꦼꦭꦶꦂ꧈ꦲꦮꦠꦫꦥꦠꦁꦥꦸꦭꦸꦃ꧈ꦱꦔꦁꦥꦸꦭꦸꦃꦏꦁꦝꦫꦠ꧀​ꦩꦱꦁꦒꦿꦲꦤꦶꦁꦮꦤꦢꦿꦶ꧈ꦱꦧꦭꦤ꧀ꦤꦺꦪꦺꦤ꧀ꦧꦸꦏ꧀ꦠꦶꦱꦩꦶꦫꦫꦪꦃ ꧃ꦏꦒꦺꦠ꧀ꦠꦿꦢꦺꦤ꧀ꦭꦪꦁꦱꦺꦠꦿꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦲꦤꦶꦔꦭ꧀ꦭꦶꦢꦩꦂꦮꦸꦭꦤ꧀​ꦱꦂꦪꦔꦶꦫꦶꦁꦔꦏꦼꦤ꧀ꦥꦸꦠꦿꦶ꧈ꦲꦥꦠꦤꦺꦴꦫꦥꦁꦭꦶꦁ꧈ꦱꦶꦒꦿꦥꦶꦤꦫꦤꦤ꧀ꦒꦸꦥꦸꦃ꧈ꦱꦩ꧀ꦥꦸꦤ꧀ꦭꦶꦁꦒꦶꦃꦱꦠꦠ꧈ꦏꦶꦤꦼꦥꦸꦁꦏꦶꦢꦩꦂꦱꦱꦶ꧈ꦧꦭꦤꦶꦫꦲꦥꦤ꧀ꦱꦂꦮꦶꦮꦶꦤꦁꦱꦶꦠꦤ꧀

꧃ꦪꦠꦫꦢꦺꦤ꧀ꦢꦩꦂꦮꦸꦭꦤ꧀ꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦱꦩꦶꦫꦁꦏꦸꦭ꧀ꦢꦩꦂ [ f.119r ]

ꦮꦸꦭꦤ꧀​ꦩꦺꦴꦗꦂꦏꦶꦭꦪꦁꦏꦸꦩꦶꦠꦶꦂ꧈ꦥꦸꦤꦥꦲꦁꦱꦭ꧀ꦏꦂꦢꦶ꧈ꦫꦺꦃꦢꦶꦏꦲꦝꦶꦲꦶꦁꦔꦸꦠꦸꦱ꧀​ꦩꦺꦴꦗꦂꦏꦶꦢꦩꦂꦮꦸꦭꦤ꧀ꦱꦏꦶꦁꦧꦂꦏꦠ꧀ꦠꦶꦁꦤꦂꦥꦠꦶ꧈ꦲꦶꦁꦒꦶꦃꦲꦁꦱꦭ꧀​ꦫꦃꦲꦢꦺꦤ꧀ꦭꦩ꧀ꦥꦃꦏꦮꦸꦭ ꧃ꦩꦸꦂꦢꦤꦺꦏꦶꦩꦺꦤꦏ꧀ꦗꦶꦁꦒ꧈ꦥꦸꦤꦶꦏꦱꦩ꧀ꦥꦸꦤ꧀ꦏꦕꦁꦏꦶꦁ꧈ꦩꦸꦁꦒꦺꦁꦏꦤ꧀ꦝꦒꦏꦤ꧀ꦕꦤ꧈ꦩꦺꦴꦗꦂꦏꦶꦭꦪꦁꦏꦸꦩꦶꦠꦶꦂ꧈ꦤꦼꦁꦒꦶꦃꦥꦮꦺꦱ꧀ꦠꦿꦶꦏꦭꦶꦃ꧈ꦏꦥꦽꦤꦃꦥꦸꦤꦥꦤꦶꦥꦸꦤ꧀​ꦩꦫꦁꦥꦸꦤ꧀ꦩꦺꦤꦏ꧀ꦗꦶꦁꦒ꧈ꦩꦺꦴꦗꦂꦫꦢꦺꦤ꧀ꦢꦩꦂꦱꦱꦶ꧈ꦥꦤ꧀ꦏꦒꦂꦮ꧈ꦤꦁꦔꦶꦁꦢꦺꦫꦺꦁꦥꦒꦼꦥꦺꦴꦏꦤ꧀ ꧃ꦲꦁꦔꦸꦕꦥ꧀ꦏꦶꦭꦪꦁꦱꦺꦠꦿ꧈ꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦥꦮꦺꦱ꧀ꦠꦿꦶꦏꦭꦶꦃꦥꦸꦤꦶꦏ꧈ꦏꦮꦸꦭꦒꦮꦏꦫꦶꦲꦶꦤ꧀​ꦲꦩꦿꦶꦃꦒꦁꦱꦂꦲꦶꦁꦩꦂꦒꦶ꧈ꦠꦶꦤꦸꦁꦒꦁꦔꦏꦼꦤꦶꦁꦠꦤ꧀ꦝꦸ꧈ꦱꦩꦂꦮꦺꦴꦤ꧀ꦠꦼꦤ꧀ꦤꦶꦁꦩꦂꦒ꧈ꦲꦱꦲꦺꦱꦩꦶꦲꦶꦁꦔꦶꦫꦶꦁ꧈ꦠꦤ꧀ꦭꦁꦒꦤ꧈ꦫꦃꦲꦢꦾꦤ꧀ꦥꦸꦤꦥꦏꦂꦱ ꧃ꦱꦁꦥꦸꦠꦿꦶꦮꦸꦱ꧀ꦱꦶꦁꦔꦥꦸꦱꦤ꧀​ꦲꦤꦶꦠꦶꦃꦠꦤ꧀ꦝꦸꦏꦫꦶꦲꦶꦤ꧀​ꦲ [ f.119v ]ꦠꦠꦫꦱꦲꦺꦴꦤ꧀ꦠꦺꦴꦠꦤ꧀​ꦏꦶꦭꦪꦁꦱꦺꦠꦿꦔꦼꦧꦾꦺꦴꦏꦶ꧈ꦭꦮꦤ꧀ꦭꦪꦁꦏꦸꦩꦶꦠꦶꦂꦮꦸꦱ꧀ꦖꦶꦤꦼꦏꦼꦭ꧀ꦢꦩꦂꦱꦤ꧀ꦠꦸꦤ꧀​ꦩꦺꦴꦗꦂꦏꦶꦢꦩꦂꦮꦸꦭꦤ꧀​ꦲꦺꦴꦫꦢꦺꦴꦱꦲꦮꦏ꧀ꦩꦩꦶ꧈ꦭꦪꦁꦱꦺꦠꦿꦲꦁꦔꦸꦕꦥ꧀ꦱꦶꦫꦲꦱꦿꦪ ꧃ꦲꦁꦔꦸꦕꦥ꧀ꦏꦶꦢꦩꦂꦮꦸꦭꦤ꧀​ꦲꦶꦪꦲꦱꦿꦃꦥꦠꦶꦲꦸꦫꦶꦥ꧀​ꦲꦶꦁꦢꦺꦮꦭꦮꦤ꧀ꦧꦛꦫ꧈ꦲꦶꦁꦱꦶꦪꦁꦏꦭꦮꦤ꧀ꦭꦠꦿꦶꦪꦺꦤ꧀ꦩꦫꦶꦁꦱꦶꦫꦲꦸꦒꦶꦃꦥꦱ꧀ꦛꦶꦲꦶꦱꦸꦤ꧀ꦤꦺꦫꦲꦱꦸꦁ꧈ꦱꦩꦶꦤꦫꦶꦏ꧀ꦕꦸꦫꦶꦒꦱꦺꦠꦿꦏꦭꦮꦤ꧀ꦏꦸꦩꦶꦠꦶꦂ꧈ꦱꦉꦁꦒꦺꦴꦕꦺꦴꦠꦶꦤꦶꦠꦶꦂꦠꦶꦤꦶꦩ꧀ꦧꦭ꧀ꦠꦶꦩ꧀ꦧꦭ꧀ ꧃ꦩꦭꦃꦥꦸꦁꦒꦼꦭ꧀ꦱꦩꦶꦥꦼꦕꦃꦩꦭꦺꦫꦺꦴꦏꦭꦶꦃꦏꦁꦏꦼꦫꦶꦱ꧀​ꦮꦸꦭꦸꦱꦭꦩ꧀ꦧꦠꦤ꧀ꦥꦱꦃ꧈ꦲꦁꦔꦸꦕꦥ꧀ꦭꦪꦁꦏꦸꦩꦶꦠꦶꦂ꧈ꦏꦶꦭꦪꦁꦱꦺꦠꦿꦲꦁꦭꦶꦁꦲꦸꦗꦂꦩꦸꦠꦺꦒꦲꦶꦁꦭꦩ꧀ꦥꦸꦱ꧀​ꦢꦸꦩꦺꦲꦥꦠꦤ꧀ꦭꦶꦭ꧈ꦲꦶꦁꦢꦺꦮꦧꦛꦫꦭꦸꦮꦶꦃ꧈ꦲꦥꦤ꧀ꦤꦶꦁꦱꦸꦤ꧀ꦏꦶꦤꦂꦪꦩꦂꦒꦗꦭꦫꦤ꧀ ꧃ꦪꦠꦫꦢꦺꦤ꧀ꦢꦩꦂꦮꦸꦭꦤ꧀​ꦲꦭꦺꦴꦤ꧀ꦱꦶꦫꦩꦸꦮꦸꦱ꧀ꦱꦫꦶꦱ꧀​ꦏꦱꦸꦱꦸꦠꦤ꧀ꦥꦒꦤ꧀ꦗꦫꦤ꧀ꦏꦁꦔꦂꦱꦲꦫꦧꦶꦥꦸꦠꦿꦶ꧈ꦱꦏꦺꦃꦲꦶꦁꦠꦥꦲꦶꦏꦶꦮꦸꦱ꧀ꦏꦭꦏꦺꦴꦤ꧀ꦢꦺꦤꦶꦁꦔꦶꦁꦱꦸꦤ꧀​ꦏꦁꦢꦸꦫꦸꦁꦏꦭꦩ꧀ꦥꦃꦲꦤ꧀​ꦲꦠꦥꦥꦸꦕꦸꦏ꧀ꦏꦶꦁꦏꦼꦫꦶꦱ꧀​ꦭꦃꦠꦩꦫꦱꦸꦤ꧀ꦠꦥꦥꦸꦕꦸꦏ꧀ꦏꦶꦁꦧꦿꦗ ꧃ꦲꦶꦁꦔꦸꦁꦔꦭ꧀ꦭꦏꦼꦤ꧀ꦗꦗꦤ꧀ꦚꦲꦶꦪꦲꦸꦮꦶꦱ꧀ꦱꦱꦿꦃ [ f.120r ]ꦩꦩꦶ꧈ꦲꦶꦁꦢꦺꦮꦭꦮꦤ꧀ꦧꦛꦫ꧈ꦱꦶꦫꦏꦁꦢꦢꦶꦪꦩꦂꦒꦶ꧈ꦲꦶꦁꦱꦸꦤ꧀ꦤꦶꦁꦏꦁꦭꦩ꧀ꦥꦃꦲꦶ꧈ꦲꦤꦸꦭꦾꦱꦉꦁꦲꦤꦸꦢꦸꦏ꧀​ꦥꦱꦃꦭꦸꦢꦶꦫꦩꦸꦧꦾꦂ꧈ꦏꦭꦺꦱꦺꦢꦤ꧀ꦤꦤꦺꦁꦱꦶꦠꦶ꧈ꦏꦁꦱꦶꦤꦩ꧀ꦧꦠ꧀​ꦲꦩꦸꦁꦢꦺꦮꦶꦲꦤ꧀ꦗꦼꦱ꧀ꦩꦫ ꧃ꦪꦪꦶꦩꦱ꧀ꦱꦶꦫꦏꦫꦶꦪ꧈ꦏꦮꦸꦭꦲꦩꦶꦠ꧀ꦔꦼꦩꦱ꧀ꦱꦶ꧈ꦲꦗꦲꦠꦏꦺꦤ꧀ꦥꦸꦤ꧀ꦏꦏꦁ꧈ꦮꦶꦠ꧀ꦤꦶꦁꦩꦤꦶꦫꦠꦪꦪꦶ꧈ꦭꦁꦏꦸꦁꦩꦤ꧀ꦝꦼꦒ꧀ꦠꦸꦩꦺꦴꦭꦶꦃꦢꦺꦤꦶꦁꦠꦥꦱꦶꦪꦤ꧀ꦤꦩꦸ꧈ꦥꦤ꧀ꦢꦸꦫꦸꦁꦏꦮꦊꦱꦤ꧀​ꦥꦸꦤ꧀ꦏꦏꦁꦱꦼꦊꦏ꧀ꦔꦼꦩꦱ꧀ꦱꦶ꧈ꦭꦃꦏꦤ꧀ꦠꦸꦤ꧀ꦤꦥꦸꦤ꧀ꦏꦏꦁꦲꦩꦶꦠ꧀ꦠꦶꦁꦱꦶꦫ ꧃ꦢꦩꦂꦮꦸꦭꦤ꧀ꦏꦸꦣꦁꦣꦁꦔꦤ꧀ꦏꦥꦶꦱꦼꦊꦏ꧀ꦩꦸꦠꦃꦒꦼꦠꦶꦃ꧈ꦩꦼꦒꦃꦱꦩ꧀ꦧꦠ꧀ꦠꦤ꧀ꦗꦼꦱ꧀ꦩꦫ꧈ꦥꦫꦤ꧀ꦥꦺꦴꦭꦃꦲꦶꦫꦪꦪꦶ꧈ꦱꦸꦤ꧀ꦠꦼꦣꦢꦺꦮꦭꦸꦮꦶꦃꦲꦶꦪꦲꦶꦁꦱꦠꦶꦭꦂꦲꦶꦱꦸꦤ꧀​ꦒꦸꦱ꧀ꦠꦶꦱꦶꦫꦏꦿꦩꦲ꧈ꦏꦁꦧꦒꦸꦱ꧀ꦱꦧꦂꦲꦶꦁꦧꦸꦢꦶ꧈ꦲꦶꦁꦱꦱꦩꦶꦥꦣꦤꦶꦫꦮꦺꦴꦁꦱꦤ꧀ꦠꦤ꧀ꦤ ꧃ꦏꦶꦱꦧ꧀ꦢꦥꦭꦺꦴꦤ꧀ꦥꦸꦤꦶꦏꦏꦫꦺꦴꦩꦠꦶꦢꦺꦤ꧀ꦒꦶꦠꦶꦏ꧀ꦏꦶ꧈ꦏꦶꦢꦩꦂꦮꦸꦭꦤ꧀ꦮꦸꦱ꧀ꦤꦶꦧ꧈ꦊꦒꦠꦾꦱ꧀ꦱꦺꦫꦢꦺꦤ꧀ꦏꦭꦶꦃ꧈ꦢꦺꦤꦶꦁꦠꦸꦩꦼꦏꦥꦠꦶ꧈ꦱꦶꦫꦮꦲꦸꦢꦩꦂꦱꦤ꧀ꦠꦸꦤ꧀​ꦱꦶꦫꦏꦶꦭꦪꦁꦱꦺꦠꦿ꧈ꦩꦶꦮꦃꦏꦶꦭꦪꦁꦏꦸꦩꦶꦠꦶꦂ꧈ꦢꦩꦂꦮꦸꦭꦤ꧀​ꦏꦸꦤꦂꦥꦤꦺꦒꦶꦭꦁꦒꦶꦭꦁ ꧃ꦏꦶꦱꦼꦧ꧀ꦢꦥꦭꦺꦴꦤ꧀ꦥꦸꦤꦶꦏ꧈ꦏꦫꦺꦴꦥꦣꦢꦶꦠꦭꦺꦤ꧀ꦤꦶ꧈ꦧꦶꦤꦸꦮꦁꦗꦿꦺꦴꦱꦸꦩꦸꦂꦩꦁꦏꦺꦴ꧈ꦏꦁꦔꦤꦺꦁꦱꦺꦴꦂꦫꦶꦁꦮꦫꦶꦔꦶꦤ꧀​ꦭꦪꦺꦴꦤꦺꦢꦩꦂꦱꦱꦶ [ f.120v ]ꦫꦢꦺꦤ꧀ꦏꦭꦶꦃꦧꦸꦧꦂꦩꦤ꧀ꦠꦸꦏ꧀​ꦭꦸꦁꦔꦩꦮꦂꦠꦱꦸꦠ꧈ꦱꦢꦭꦤ꧀ꦢꦺꦤ꧀ꦚꦱꦶꦱꦶꦫꦶꦒ꧀​ꦩꦸꦂꦢꦤꦶꦫꦏꦶꦩꦺꦤꦏ꧀ꦗꦶꦁꦒꦧꦶꦤꦏ꧀ꦠ ꧃ꦏꦺꦴꦕꦥꦲꦤꦮꦺꦴꦁꦠꦥꦏꦭꦁꦏꦸꦁꦢꦺꦤ꧀ꦤꦶꦫꦱꦏ꧀ꦠꦶ꧈ꦲꦤꦼꦁꦒꦶꦃꦏꦏꦱꦶꦃꦲꦶꦫ꧈ꦲꦫꦤ꧀ꦤꦗꦂꦠꦸꦁꦒꦸꦭ꧀ꦩꦤꦶꦏ꧀​ꦥꦿꦠꦥꦤ꧀ꦤꦶꦫꦱꦶꦁꦒꦶꦃꦱꦸꦏꦸꦤꦶꦁꦒꦸꦤꦸꦁꦩꦩꦺꦫꦸ꧈ꦭꦁꦏꦸꦁꦢꦺꦤꦶꦁꦏꦮꦱ꧈ꦠꦲꦸꦔꦸꦫꦶꦥꦶꦮꦺꦴꦁꦩꦠꦶ꧈ꦱꦥꦺꦴꦭꦲꦺ꧈ꦏꦪꦮꦺꦴꦁꦪꦸꦢꦏꦼꦤ꧀ꦤꦏ

[ f.121r ]ꦤ꧀ꦤꦶꦥꦸꦤ꧀​ꦮꦪꦃꦲꦸꦩꦸꦂꦏꦭꦶꦃꦮꦼꦭꦱ꧀ꦮꦂꦱ꧈ꦥꦶꦤꦸꦥꦸꦏꦮꦼꦭꦱ꧀ꦱꦱꦶ ꧃ ꦏꦏꦭꦶꦃꦲꦠ꧀ꦩꦗꦤꦶꦫꦗꦊꦂꦲꦺꦱ꧀ꦠꦿꦶꦲꦥꦤ꧀ꦱꦩꦶꦭꦶꦤꦸꦮꦶꦃ꧈ꦤꦶꦠꦤ꧀ꦥꦲꦸꦤꦶꦱꦠꦸꦲꦸꦗꦠꦶꦤꦶꦥꦸꦤ꧀ꦔꦸꦱꦸꦱ꧀ꦩ꧈ꦲꦶꦏꦔ꧀ꦭꦤꦁꦠꦤ꧀ꦥꦲꦸꦤ꧀ꦮꦱ꧀ꦠꦤꦶꦥꦸꦤ꧀​ꦱꦩꦶꦮꦶꦗꦶꦭ꧀ꦭꦶꦁꦏꦸꦱꦸꦩ꧈​ꦱꦏꦩꦗꦲꦭꦤ꧀ꦤꦿꦠꦶ ꧃ ꦏꦶꦤꦿꦲꦗꦂꦥꦤ꧀ꦤꦺꦴꦫꦏꦶꦭꦥ꧀ꦭꦩꦺꦴꦤ꧀ꦤꦿꦠꦸꦲꦶꦏꦲꦱꦭ꧀ꦭꦺꦣꦶꦁꦔꦶꦤ꧀​​ꦤꦼꦁꦒꦶꦃꦲꦱꦭ꧀ꦭꦺꦏꦫꦸꦲꦸꦤ꧀​​ꦫꦠꦸꦱꦶꦁꦥꦗꦗꦫꦤ꧀​​ꦏꦕꦫꦶꦠꦲꦶꦁꦏꦶꦤ꧀ꦤꦱꦺꦢꦭꦶꦤꦧꦸꦃ꧈ꦭꦮꦔꦮꦤꦺꦱꦤꦸꦁꦒꦭ꧀​ꦩꦁꦒꦶꦃꦲꦶꦁꦏꦺꦴꦤ꧀ꦠꦫꦮꦼꦱꦶ ꧃ ꦱꦶꦪꦁꦢꦭꦸꦲꦧꦭꦤ꧈ꦩꦿꦶꦁꦏꦶꦲꦗꦲꦠꦸꦫꦺꦲꦩ꧀ꦭꦱ꧀ꦱꦱꦶ꧈​ꦫꦢꦺꦤ꧀ꦠꦤ꧀ꦥꦲꦸꦤꦩꦸꦮꦸꦱ꧀​ꦧꦥꦭꦤ꧀ꦠꦶꦥꦸꦤꦥ꧈ꦲꦮꦏ꧀ꦏꦶꦁꦥꦁꦲꦒꦺꦗꦸꦩꦼꦤꦼꦁꦔꦫꦠꦸ꧈ꦏꦫꦱꦭꦒꦾꦲꦶꦏꦸꦤ꧀ꦤꦩꦤꦶꦫꦤꦭꦺꦤ꧀ꦢꦿꦭꦸꦮꦶꦃ ꧃ ꦲꦗꦂꦠꦸꦒꦸꦭ꧀ꦩꦤꦶꦏ꧀ꦩꦺꦴꦗꦂꦲꦶꦪꦱꦶꦫꦒꦸꦱ꧀ꦠꦶꦲꦶꦔꦺꦴꦁꦠꦸꦫꦸꦠꦶ꧈ꦲꦶꦁꦏꦺꦤꦺꦲꦤꦮꦺꦴꦁꦭꦩ꧀ꦥꦸꦱ꧀​​ꦲꦔꦶꦁꦢꦸꦫꦸꦁꦥꦭꦱ꧀ꦠꦿꦲꦏꦏꦱꦶꦃꦏꦶꦢꦩꦂꦮꦸꦭꦤ꧀ꦤꦧꦒꦸꦱ꧀​​ꦲꦶꦏꦸꦱꦶꦫꦥꦤ꧀ꦠꦶꦁꦔꦊ꧈ꦢꦢꦶꦥꦥꦏꦸꦤꦶꦁꦧꦸꦩꦶ ꧃ ꦱꦱꦩ꧀ꦥꦸꦤ꧀ꦤꦶꦫꦮꦶꦤꦂꦗꦤꦸꦭꦾꦱꦶꦫꦮꦲꦸꦲꦭꦧꦸꦃꦒꦼꦤ꧀ꦤꦶ꧈ꦲꦶꦔꦸꦫꦲꦺꦴꦱ꧀ꦱꦼꦤꦏꦭ꧀ꦧꦸꦲꦶꦏꦸꦲꦶꦁꦏꦁꦥꦭꦱ꧀ꦠꦿ꧈ꦱꦥꦲꦶꦏꦁꦲꦩꦸꦏ꧀ꦠꦶꦮꦶꦧꦮꦧꦺꦱꦸꦏ꧀​ꦮꦂꦤꦤꦺꦱꦶꦫꦫꦃꦲꦢꦾꦤ꧀​ꦏꦢꦶꦠꦲꦼꦩ꧀ꦩꦱ꧀ꦱꦶꦤꦁꦭꦶꦁ ꧃ ꦲꦸꦥꦩꦤꦺꦱꦶꦫꦫ [ f.121v ]ꦢꦾꦤ꧀ꦏꦢꦶꦏꦥꦸꦏ꧀ꦧꦸꦩꦶꦧꦲꦤꦺꦁꦮꦫꦶ꧈ꦏꦂꦱꦤꦶꦁꦧꦛꦫꦭꦸꦲꦸꦁ꧈ꦠꦤ꧀ꦤꦱꦩꦂꦲꦶꦁꦠꦶꦠ꧈ꦲꦸꦥꦩꦤꦺꦭꦶꦂꦲꦼꦩꦱ꧀ꦭꦠꦶꦧꦤ꧀ꦱꦼꦥꦸꦃꦒꦸꦥꦸꦃꦲꦤꦸꦁꦏꦼꦩꦶꦥꦢ꧈ꦢꦺꦮꦶꦠꦤ꧀ꦥꦲꦸꦤꦶꦤꦁꦔꦶꦱ꧀ ꧃ ꦣꦸꦃꦧꦥꦏꦮꦸꦭꦲꦗꦂꦱꦩ꧀ꦥꦸꦤ꧀ꦏꦫꦶꦩꦫꦶꦁꦥꦤꦸꦠꦤ꧀ꦩꦩꦶ꧈ꦏꦺꦠꦁꦔꦸꦏ꧀ꦏꦭꦏꦫꦸꦲꦸꦤ꧀​​ꦲꦩꦸꦏ꧀ꦠꦶꦲꦮꦶꦧꦮ꧈ꦲꦁꦫꦺꦃꦗꦒꦠ꧀​​ꦲꦩꦺꦴꦁꦩꦺꦴꦁꦔꦥꦒꦫꦩꦫꦸ꧈ꦪꦠꦒꦸꦩꦸꦪꦸꦲꦱꦸꦏ꧈ꦏꦾꦲꦶꦲꦗꦂꦠꦸꦁꦒꦸꦭ꧀ꦩꦤꦶꦏ꧀ ꧃ ꦲꦶꦒꦔꦺꦴꦁꦠꦸꦫꦸꦠ꧀ꦠꦶꦱꦶꦫ꧈ꦲꦗꦱꦩꦂꦩꦂꦒꦲꦶꦏꦁꦔꦧꦼꦕꦶꦏ꧀​​ꦒꦲꦶꦏꦺꦤꦺꦲꦤꦫꦠꦸ꧈ꦏꦸꦛꦤꦺꦩꦗꦊꦁꦏ꧈ꦲꦏꦏꦱꦶꦃꦫꦠꦸꦩꦱ꧀ꦏꦤ꧀ꦕꦔꦮꦸꦔꦸ꧈ꦲꦶꦏꦸꦱꦶꦫꦥꦤ꧀ꦗꦶꦁꦔꦤ꧀꧈ꦠꦸꦂꦏꦼꦤ꧀ꦚꦢꦸꦫꦸꦁꦲꦏꦿꦩꦶ ꧃ ꦱꦱꦩ꧀ꦥꦸꦤ꧀ꦤꦶꦫꦮꦶꦤꦼꦗꦁ꧈ꦏꦸꦱꦸꦩꦲꦸꦤꦸꦭꦾꦩꦊꦧꦸꦒꦼꦤꦶ꧈ꦏꦂꦱꦤꦶꦁꦧꦛꦫꦭꦸꦲꦸꦁ꧈ꦲꦺꦴꦫꦤꦤꦏꦔ꧀ꦮꦶꦏꦤ꧀​​ꦥꦿꦭꦩ꧀ꦧꦶꦤꦺꦭꦶꦂꦲꦼꦩꦱ꧀ꦏꦠꦶꦧꦤ꧀ꦱꦼꦥꦸꦃꦲꦥꦲꦶꦁꦏꦁꦱꦶꦤꦼꦥꦸꦲꦤ꧀​​ꦥꦸꦤꦥꦲꦶꦁꦏꦁꦤꦼꦥꦸꦮꦶ ꧃ ꦩꦶꦭꦤꦶꦥꦸꦤ꧀ꦏꦭꦩ꧀ꦥꦲꦤ꧀​​ꦲꦤꦥꦸꦠꦿꦥꦥꦒꦶꦃꦭꦮꦤ꧀ꦥꦸꦠꦿꦶ꧈ꦥꦫꦤ꧀ꦢꦺꦤꦺꦲꦺꦴꦫꦠꦸꦭꦸꦱ꧀​​ꦲꦠꦼꦩꦃꦥꦼꦥꦼꦒꦠꦤ꧀​​ꦤꦸꦭꦶꦏꦿꦩ꧈ꦲꦤꦏ꧀ꦏꦶꦤꦶꦱ꧀ꦛꦏꦭꦁꦏꦸꦁ꧈ꦠꦼꦏꦠꦸꦩꦼꦣꦏ꧀ꦥꦶꦁꦱꦁꦔ꧈ꦔꦂꦠꦠ꧀ꦠꦺꦠꦸꦁꦒꦭ꧀ꦥꦤꦶꦠꦶꦱ꧀ ꧃ ꦲꦫꦤꦺꦏꦁꦲꦺꦴꦫꦮꦶꦏꦤ꧀​​ꦫꦢꦺꦤ꧀ꦤꦪꦸꦣꦶꦔꦶꦤ꧀ꦤꦢꦺꦴꦥ꧀ꦧꦤ꧀ꦚꦼꦤ꧀ꦚꦶꦏ꧀​​ꦩꦁꦧꦢꦶꦫꦧꦺꦢꦶꦁꦫꦠꦸ꧈ꦢꦢꦶꦥꦢ꧀ꦡꦁ​​꧈ꦩꦶꦲꦸꦠꦥ꧈ꦏꦶꦤꦂꦪꦤꦤ꧀​​ꦲꦥ [ f.122r ]ꦫꦺꦤ꧀ꦠꦃꦥꦫꦲꦫꦸꦩ꧀​​ꦲꦸꦗꦂꦫꦺꦏꦁꦱꦩ꧀ꦥꦸꦤ꧀ꦮꦶꦏꦤ꧀​​ꦠꦸꦁꦒꦭ꧀ꦠꦶꦠꦃꦮꦸꦱ꧀ꦥꦶꦤꦱ꧀ꦛꦶ ꧃ ꦩꦸꦣꦸꦤ꧀ꦱꦏꦶꦁꦲꦶꦁꦔꦭ꧀ꦢꦏ꧈ꦱꦶꦫꦮꦲꦸꦏꦶꦲꦗꦂꦠꦸꦒꦸꦭ꧀ꦩꦤꦶꦏ꧀​​ꦲꦶꦁꦔꦶꦫꦶꦁꦥꦿꦲꦫꦭꦶꦱꦸꦱ꧀​​ꦲꦸꦢꦤꦺꦩꦤ꧀ꦕꦸꦮꦸꦫ꧈ꦏꦫꦤꦲꦏꦁꦔꦤꦁꦱꦗꦿꦺꦴꦤꦶꦁꦱꦸꦩꦸꦂ꧈ꦏꦶꦱꦧ꧀ꦢꦥꦭꦺꦴꦤ꧀ꦱꦩꦤ꧈ꦭꦶꦏꦺꦴꦣꦺꦴꦏ꧀ꦏꦤꦁꦔꦶꦮꦫꦶ ꧃ ꦲꦢꦶꦲꦶꦤ꧀ꦠꦼꦭ꧀ꦭꦱꦺꦴꦩꦲꦤ꧀​​ꦤꦪꦒꦺꦁꦒꦺꦴꦁꦱꦧ꧀ꦢꦥꦭꦺꦴꦤꦺꦁꦮꦫꦶ꧈ꦲꦥꦤ꧀ꦱꦩꦶꦢꦺꦤ꧀ꦠꦭꦶꦏꦸꦁ꧈ꦲꦠꦁꦔꦶꦤꦺꦴꦫꦧꦶꦱ꧈ꦥꦣꦤꦁꦔꦶꦱ꧀​​ꦱꦩ꧀ꦧꦠ꧀ꦗꦼꦥꦁꦭꦤ꧀ꦧꦼꦏꦠꦸꦭ꧀​​ꦢꦺꦮꦲꦼꦤ꧀ꦠꦱꦼꦤ꧀ꦏꦮꦸꦭ꧈ꦩꦤꦶꦫꦤꦼꦣꦒꦸꦭꦭꦶ ꧃ ꧃ ꧃ ꧃ ꦪꦠꦥꦿꦠꦲꦗꦂꦲꦸꦁꦒꦸꦭ꧀ꦩꦤꦶꦏ꧀ꦲꦶꦁꦥꦽꦤꦃꦲꦺꦏꦁꦲꦤꦤ꧀ꦝꦁꦧꦿꦤꦏꦶꦢꦩꦂꦮꦸꦭꦤ꧀ꦤꦿꦒꦤ꧀ꦤꦺ꧈ꦲꦗꦂꦩꦁꦏꦾꦲꦤ꧀ꦢꦸꦭꦸ꧈ꦲꦶꦂꦮꦂꦤꦤꦺꦏꦁꦤꦤ꧀ꦝꦁꦠꦤꦶꦤ꧀​​ꦧꦒꦸꦱ꧀ꦏꦶꦢꦩꦂꦮꦸꦭꦤ꧀​​ꦕꦪꦤꦺꦲꦸꦩꦤ꧀ꦕꦂ꧈ꦭꦶꦂꦱꦱꦶꦏꦠꦿꦁꦔꦤ꧀ꦩꦺꦒ꧈ꦏꦪꦩꦺꦱꦼꦩ꧀​​ꦮꦂꦤꦤꦺꦏꦁꦤꦤ꧀ꦝꦁꦏꦤꦶꦤ꧀ꦩꦸꦁꦒꦺꦁꦱꦤ꧀ꦝꦥ꧀ꦥꦼꦒꦺꦴꦂꦢ ꧃ ꦩꦺꦱꦼꦩ꧀ꦩꦺꦴꦗꦂꦲꦗꦂꦠꦸꦁꦒꦸꦭ꧀ꦩꦤꦶꦏ꧀​​ꦲꦥꦢꦺꦴꦱꦤꦺꦲꦶꦁꦏꦁꦥꦭꦱ꧀ꦠꦿ꧈ꦢꦺꦤꦶꦁꦲꦗꦼꦫꦺꦴꦠꦠꦸꦤ꧀ꦤꦺ꧈ꦩꦤ꧀ꦢꦃꦢꦸꦏ꧀ꦔꦸꦫꦶꦥ꧀ꦥꦶꦥꦸꦤ꧀​​ꦲꦺꦩ꧀ꦠꦼꦩꦼꦤ꧀ꦤꦤꦤ꧀ꦝꦁꦠꦤꦶꦤ꧀​​ꦥꦤ꧀ꦠꦼꦱ꧀ꦢꦢꦶꦤꦭꦺꦤ꧀ꦢꦿꦲꦶꦔ꧀ꦮꦠꦫꦤꦶꦁꦱꦸꦤ꧀​​ꦧꦪꦠꦔꦸꦧꦸꦁꦥꦭꦱ꧀ꦠꦿ꧈ꦔꦸꦏ꧀ꦢꦶꦤꦸꦩꦸꦏ꧀​​ꦗ [ f.122v ]

ꦗꦤꦺꦏꦁꦤꦤ꧀ꦝꦁꦏꦤꦶꦤ꧀​ꦠꦶꦭꦱ꧀ꦏꦣꦺꦴꦲꦤꦫ ꧃ꦲꦺꦩꦤ꧀ꦠꦼꦩꦼꦤ꧀ꦮꦺꦴꦁꦧꦒꦸꦱ꧀ꦔꦼꦩꦱ꧀ꦱꦶ꧈ꦏꦪꦲꦤ꧀ꦚꦂ꧈ꦠꦶꦭꦱꦺꦥꦭꦱ꧀ꦠꦿꦩꦏ꧀ꦱꦶꦃꦠꦼꦊꦱ꧀ꦭꦸꦢꦶꦫꦤꦺ꧈ꦤꦁꦔꦶꦁ​ꦮꦠꦫꦤꦶꦁꦱꦸꦤ꧀​ꦢꦸꦫꦸꦁꦩꦠꦶꦱꦠꦿꦶꦪꦲꦶꦏꦶ꧈ꦲꦤꦸꦭꦾꦒꦶꦤꦫꦪꦁꦮꦲꦸꦗꦗꦤꦶꦥꦸꦤ꧀꧈ꦥꦽꦤꦲꦺꦏꦣꦺꦴꦲꦤ꧀ꦭꦫꦥꦤ꧀ꦚꦶꦥ꧀ꦠꦤ꧀ꦤꦺ꧈ꦲꦤꦁꦏꦸꦏꦸꦭꦸꦁꦔꦶꦁꦔꦠꦶ꧈ꦭꦥꦏ꧀ꦱꦁꦔꦼꦠ꧀ꦠꦁ​ꦭꦫ꧈

꧃ꦭꦁꦏꦸꦁꦲꦮꦱ꧀ꦏꦶꦲꦗꦂꦤꦶꦔꦭ꧀ꦭꦶ꧈ꦩꦫꦁ​ꦮꦲꦸꦏꦁꦲꦤ꧀ꦚꦤ꧀ꦝꦁꦧꦿꦤ꧀ꦤꦲꦺꦩꦤ꧀ꦏꦭꦁꦏꦸꦁꦠꦽꦱ꧀ꦤꦤ꧀ꦤꦺ꧈ꦲꦁ​ꦭꦶꦭꦶꦫꦏꦁ​ꦭꦩ꧀ꦥꦸꦱ꧀​ꦭꦮꦤ꧀ꦥꦏꦺꦴꦤ꧀ꦤꦶꦁꦢꦺꦮꦭꦸꦮꦶꦃꦤ꧀ꦚꦮ [ f.123r ]ꦮꦱꦶꦫꦠꦁꦔꦶꦪ꧈ꦠꦤ꧀ꦤꦺꦴꦱꦶꦏ꧀ꦏꦁꦭꦩ꧀ꦥꦸꦱ꧀​ꦩꦏ꧀ꦱꦶꦃꦲꦩꦸꦫꦸꦁꦏꦺꦮꦭꦏꦲꦺꦲꦗꦂ꧈ꦒꦸꦩꦸꦗꦼꦁꦲꦠꦸꦠꦸꦥ꧀ꦭꦛꦶ꧈ꦲꦭꦺꦴꦤ꧀ꦩꦶꦗꦶꦭ꧀ꦭꦶꦁꦱꦧ꧀ꦢ ꧃ ꦲꦔꦤ꧀ꦢꦶꦏꦲꦗꦂꦠꦸꦒꦸꦭ꧀ꦩꦤꦶꦤꦶꦏ꧀​​ꦲꦪꦔꦶꦪꦤ꧀ꦚꦮꦥꦸꦠꦸꦤꦶꦮꦁꦭꦮꦤ꧀ꦥꦏꦺꦴꦤ꧀ꦤꦶꦁꦱꦸꦤ꧀ꦝꦺꦮꦺꦏ꧀​​ꦭꦺꦩ꧀ꦧꦺꦴꦤ꧀ꦠꦼꦤ꧀ꦩꦼꦤ꧀ꦤꦠꦸꦫꦸ꧈ꦤꦸꦭꦾꦭꦶꦭꦶꦂꦏꦶꦢꦩꦂꦱꦱꦶ꧈ꦠꦠꦸꦤꦶꦥꦸꦤ꧀ꦮꦭꦸꦭ꧀ꦒꦱꦸꦩꦸꦁꦏꦼꦩ꧀ꦩꦶꦁꦱꦸꦏꦸ꧈ꦏꦶꦢꦩꦂꦮꦸꦭꦤ꧀ꦏꦫꦸꦤꦥꦤ꧀ꦏꦶꦲꦗꦂ꧈ꦩꦺꦱꦼꦩ꧀ꦱꦗꦼꦫꦺꦴꦤꦶꦁꦔꦠꦶ꧈ꦲꦫꦸꦩ꧀ꦩꦶꦗꦶꦭ꧀ꦭꦶꦁꦱꦧ꧀ꦢ꧈ ꧃ ꦲꦗꦤꦁꦔꦶꦱ꧀ꦥꦸꦠꦸꦤꦶꦁꦱꦸꦤ꧀ꦏꦏꦶ꧈ꦱꦠꦿꦶꦪꦲꦶꦧꦸ꧈ꦭꦩꦺꦴꦤ꧀ꦏꦫꦸꦤ꧀꧈ꦥꦱ꧀ꦛꦶꦒꦼꦠꦱ꧀ꦧꦼꦔꦭꦸꦁꦔꦺ꧈ꦲꦩꦺꦴꦃꦲꦶꦁꦏꦸꦭꦶꦠ꧀ꦠꦶꦥꦸꦤ꧀​ꦩꦶꦭꦱꦶꦫꦲꦤꦤ꧀ꦝꦁꦏꦔꦶꦤ꧀​​ꦩꦫꦱꦶꦫꦥꦗꦂꦫꦢꦩꦂꦮꦸꦭꦤ꧀ꦩꦠꦸꦂ꧈ꦠꦶꦤꦸꦧꦸꦁꦱꦥꦺꦴꦭꦃꦲꦶꦫ꧈ꦪꦠꦩꦺꦱꦼꦩ꧀​​ꦲꦔꦲꦶꦲꦗꦂꦠꦸꦁꦒꦸꦭ꧀ꦩꦤꦶꦏ꧀​​ꦲꦫꦸꦩ꧀ꦩꦶꦗꦶꦭ꧀ꦮꦼꦕꦤ ꧃ ꦲꦗꦱꦶꦫꦠꦸꦠꦸꦂꦮꦸꦱ꧀ꦱꦸꦢꦤ꧀ꦤꦶꦮꦼꦭꦱ꧀ꦠꦼꦩꦼꦤ꧀​​ꦲꦶꦁꦱꦸꦤ꧀ꦩꦫꦁꦱꦶꦫ꧈ꦮꦺꦴꦁꦲꦺꦴꦫꦢꦺꦱꦥꦶꦤꦠꦺꦤ꧀​ꦥꦤ꧀ꦱꦩ꧀ꦥꦸꦤ꧀ꦗꦩꦏ꧀ꦏꦶꦥꦸꦤ꧀​​ꦮꦶꦠ꧀ꦤꦶꦁꦩꦸꦏ꧀ꦠꦶ꧈ꦩꦂꦒꦤꦶꦁꦥꦠꦶ꧈ꦠꦼꦏꦲꦶꦔ꧀ꦭꦫꦭꦥꦏꦏꦶꦥꦸꦠꦿꦤꦶꦁꦱꦸꦤ꧀​ꦮꦺꦴꦁꦲꦂꦱꦗꦸꦩꦼꦤꦼꦁꦤꦠꦏꦫꦤ꧀ꦠꦼꦤ꧀ꦤꦺ꧈ꦧꦺꦏꦤꦶꦫꦣꦶꦁꦔꦶꦤ꧀ꦥꦿꦥ꧀ꦠꦶ꧈ꦤꦁꦔꦶꦁꦤꦺꦴꦫꦔꦥꦲ ꧃ ꦮꦸꦱ꧀ꦥꦶꦤꦱ꧀ꦛꦶꦥꦸꦠꦸꦤꦶꦁꦱꦸꦤ꧀ꦏꦏꦶ꧈ꦱꦏꦶꦁꦏꦂꦱꦤꦶꦁꦢꦺꦮꦧꦛꦫꦫꦢꦢꦶꦫꦠꦸꦱꦶꦫꦠꦼꦩ꧀ꦧꦺ꧈ꦲꦤꦁꦔꦶꦁꦩꦗꦭꦁꦔꦸ꧈ꦥꦤ꧀ꦤꦏ꧀ꦚꦏꦿꦏꦸꦱꦸꦩꦲꦢꦶ꧈ [ f.123v ]ꦥꦶꦭꦶꦃꦏꦁꦏꦪꦱꦶꦫꦪꦠꦸꦫꦸꦤ꧀ꦠꦸꦩꦸꦫꦸꦤ꧀​ꦮꦸꦱꦶꦫꦫꦢꦺꦤ꧀ꦩꦸꦭꦶꦪꦢꦺꦤ꧀ꦤꦏꦼꦧꦠ꧀​ꦩꦫꦶꦁꦏꦶꦛꦩꦗꦥꦲꦶꦠ꧀​ꦩꦠꦸꦂꦏꦶꦢꦩꦂꦮꦸꦭꦤ꧀ ꧃ ꦤꦶꦁꦔꦶꦁꦏꦮꦸꦭꦭꦁꦒꦤꦩꦸꦭꦶꦃꦥꦺꦗꦃꦒꦼꦱꦁꦠꦸꦩꦸꦠ꧀ꦠꦶꦁꦏꦶꦲꦗꦂ꧈ꦏꦶꦲꦗꦂꦲꦭꦺꦴꦤ꧀ꦮꦸꦮꦸꦱ꧀ꦱꦺ꧈ꦱꦶꦫꦠꦸꦫꦸꦠ꧀ꦠꦲꦶꦁꦱꦸꦤ꧀​ꦏꦁꦲꦠꦥꦲꦤ꧀ꦚꦁꦏꦸꦧꦸꦩꦶ꧈ꦏꦔꦺꦭꦶꦤ꧀ꦏꦪꦱꦶꦫ꧈ꦥꦤ꧀ꦢꦢꦶꦪꦫꦠꦸ꧈ꦥꦤ꧀ꦤꦶꦏꦸꦮꦼꦏꦱ꧀ꦱꦶꦁꦭꦩ꧀ꦥꦃꦱꦶꦫꦲꦶꦏꦸꦮꦸꦱ꧀ꦢꦢꦶꦱꦶꦫꦧꦏꦭ꧀ꦭꦶ꧈ꦩꦸꦤ꧀ꦢꦸꦂꦩꦼꦫꦁꦔꦶꦠꦠꦭ꧀ ꧃ ꦭꦃꦠꦸꦫꦸꦠꦼꦤ꧀ꦤꦗꦂꦲꦶꦁꦱꦸꦤ꧀ꦏꦏꦶ꧈ꦲꦶꦪꦱꦶꦫꦫꦃꦲꦢꦺꦤ꧀ꦩꦸꦭꦶꦪ꧈ꦏꦶꦢꦩꦂꦮꦸꦭꦤ꧀ꦤꦠꦸꦫꦺ꧈ꦏꦮꦸꦭꦢꦂꦧꦺꦧꦠꦸꦂꦲꦥꦶꦠꦸꦩꦸꦠ꧀​ꦢꦶꦥꦸꦤ꧀ꦥꦼꦗꦃꦲꦶ꧈ꦮꦶꦏꦤꦺꦒꦺꦤ꧀ꦤꦩ꧀ꦧꦸꦮꦁ꧈ꦏꦶꦲꦗꦂꦒꦸꦩꦸꦪꦸ꧈ꦏꦶꦲꦗꦂꦠꦸꦩꦸꦭꦾꦩꦸꦭꦠ꧀​​ꦲꦤꦺꦁꦱꦸꦩꦸꦂ꧈ꦮꦺꦴꦁꦫꦺꦴꦫꦺꦴꦥꦣꦫꦶꦫꦶꦤ꧀ꦠꦶꦃ꧈ꦱꦩꦶꦲꦫꦫꦁꦏꦸꦭꦤ꧀​ ꧃ ꦱꦧ꧀ꦢꦥꦭꦺꦴꦤ꧀ꦭꦁꦏꦸꦁꦏꦮ꧀ꦭꦱ꧀ꦱꦱꦶ꧈ꦲꦁꦫꦶꦫꦶꦤ꧀ꦠꦶꦃꦲꦤꦺꦁꦗꦿꦺꦴꦤꦶꦁꦠꦺꦴꦪ꧈ꦮꦺꦴꦁꦫꦺꦴꦫꦺꦴꦏꦶꦤꦤ꧀ꦛꦺꦠ꧀ꦧꦲꦺ꧈ꦕꦁꦏꦼꦩ꧀ꦏꦼꦧꦼꦏ꧀ꦢꦶꦁ​ꦧꦤ꧀ꦚꦸ꧈ꦤꦪꦒꦺꦁꦒꦺꦴꦁꦱꦂꦪꦏꦥꦺꦱꦶꦁ꧈ꦠꦲꦶꦤꦺꦏꦸꦫꦩ꧀ꦧꦁꦔꦤ꧀​​ꦲꦼꦧꦼꦏ꧀ꦏꦤꦁꦗꦁꦒꦸꦠ꧀​ꦏꦶꦱꦧ꧀ꦢꦥꦭꦺꦴꦤ꧀ꦤꦁꦔꦸꦱꦥ꧀​ꦤꦪꦒꦺꦁꦒꦺꦴꦁꦧꦺꦴꦏ꧀ꦏꦗꦱꦶꦫꦲꦁꦔꦶꦱꦶꦁ꧈ꦱꦶꦭꦶꦠ꧀ꦩꦸꦱꦸꦩ꧀ꦥꦼꦭ꧀ꦭꦤ꧀ꦤ ꧃ ꦗꦁꦒꦸꦠ꧀ꦠꦶꦁꦥꦁꦊꦭꦺꦴꦛꦺꦴꦢꦶꦁꦠꦲꦶ꧈ꦤꦪꦒꦺꦁꦒꦺꦴꦁ꧈ꦲꦶꦏꦸꦭꦺꦴꦫꦺꦴꦧ꧀ꦧꦤꦲꦗꦏꦺꦴꦁꦱꦶꦩꦫꦔ꧀ꦭꦩ꧀ꦧꦺ꧈​ꦤꦪ [ f.124r ]ꦒꦺꦁꦒꦺꦴꦁꦲꦩꦸꦮꦸꦱ꧀​ꦤꦗꦤ꧀ꦏꦼꦤ꧀ꦤꦢꦶꦥꦸꦤ꧀ꦭꦺꦫꦺꦴꦧꦶ꧈ꦏꦥꦿꦶꦪꦺꦒꦺꦤ꧀ꦚꦧꦸꦮꦁ꧈ꦱꦧ꧀ꦢꦥꦭꦺꦴꦤ꧀ꦩꦸꦮꦸꦱ꧀꧈ꦲꦼꦩꦸꦠꦼꦤ꧀ꦤꦶꦁꦕꦁꦏꦼꦩ꧀ꦩꦶꦫ꧈ꦔꦸꦭꦲꦏꦸꦲꦶꦪꦲꦶꦁꦏꦁꦔꦸꦮꦺꦠꦲꦶ꧈ꦲꦺꦴꦫꦱꦺꦴꦠ꧀ꦠꦃꦲꦩ꧀ꦧꦸꦤ꧀ꦚ ꧃ ꦱꦧ꧀ꦢꦥꦭꦺꦴꦤ꧀ꦤꦭꦫꦲꦤꦁꦔꦶꦱ꧀​ꦤꦪ​ꦒꦺꦁꦒꦺꦴꦁꦔꦩ꧀ꦧꦸꦥꦸꦏꦺꦮꦭ꧀꧈ꦥꦠꦶꦁꦱꦊꦁꦔꦿꦸꦏ꧀ꦠꦁꦔꦶꦱ꧀ꦱꦺ꧈ꦱꦩꦶꦥꦠꦶꦁꦏꦕꦼꦧꦸꦂ꧈ꦲꦤꦺꦁꦠꦺꦴꦪꦠꦶꦪꦁꦏꦏꦭꦶꦃꦲꦩꦼꦤ꧀ꦠꦱ꧀ꦤꦺꦴꦫꦧꦶꦱ꧈ꦱꦧ꧀ꦢꦥꦭ꧀ꦭꦺꦴꦤ꧀ꦩꦸꦮꦸꦱ꧀​ꦢꦺꦮꦲꦼꦤ꧀ꦠꦱꦼꦤ꧀ꦩꦤꦶꦫꦪꦺꦤ꧀ꦮꦸꦱ꧀ꦩꦼꦤ꧀ꦠꦱ꧀​​ꦮꦺꦃꦲꦤꦧꦏꦠꦸꦭ꧀ꦭꦶꦤ꧀ꦛꦶꦭ꧀​​ꦥꦛꦶꦏ꧀ꦭꦏꦶꦮꦤ꧀ꦕ ꧃ ꦏꦶꦱꦧ꧀ꦢꦥꦭꦺꦴꦤ꧀ꦩꦸꦭꦠ꧀ꦠꦶꦁꦔꦶꦁꦒꦶꦭ꧀​ꦥꦤ꧀ꦤꦢꦸꦭꦸꦭꦩꦺꦴꦤ꧀ꦤꦤꦗꦭ꧀ꦩꦱꦶꦤꦥꦲꦫꦶꦱ꧀ꦱꦸꦗꦫꦺ꧈ꦱꦥꦱꦶꦤ꧀ꦠꦼꦤ꧀ꦥꦸꦤꦶꦏꦸ꧈ꦲꦥꦢꦺꦮꦏꦁꦔꦮꦺꦃꦲꦶꦤ꧀ꦠꦶꦭ꧀​ꦪꦺ​ꦤ꧀ꦮꦼꦭꦱ꧀ꦱꦶꦁꦩꦤꦶꦫ꧈ꦲꦒꦺꦤꦼꦣꦠꦸꦭꦸꦁ꧈ꦠꦤ꧀ꦧꦼꦠꦃꦲꦤꦁꦔꦶꦁꦠꦺꦴꦪꦥꦤ꧀ꦏꦶꦲꦗꦂ꧈ꦔꦸꦮꦸꦱ꧀ꦱꦺꦲꦫꦸꦩꦩꦤꦶꦱ꧀​​ꦲꦶꦁꦱꦸꦤ꧀ꦥꦤ꧀ꦢꦸꦢꦸꦢꦺꦮ ꧃ ꦲꦶꦪꦻꦁꦱꦸꦤ꧀ꦤꦗꦂꦠꦸꦁꦒꦸꦭ꧀ꦩꦤꦶꦏ꧀ꦮꦼꦭꦱ꧀ꦠꦼꦩꦼꦤ꧀​​ꦲꦶꦁꦱꦸꦤ꧀ꦩꦫꦁꦱꦶꦫ꧈ꦮꦺꦴꦁꦲꦺꦴꦫꦢꦺꦴꦱꦥꦶꦤꦠꦺꦤ꧀​​ꦱꦶꦫꦲꦤꦁꦗꦿꦺꦴꦱꦸꦩꦸꦂ꧈ꦲꦉꦥ꧀ꦩꦼꦤ꧀ꦠꦱ꧀ꦠꦱꦶꦫꦏꦏꦶꦱꦧ꧀ꦢꦥꦭꦺꦴꦤ꧀ꦤꦶꦁꦔꦸꦕ [ f.124v ]

ꦥ꧀​ꦲꦶꦁꦒꦶꦃꦱꦏꦭꦁꦏꦸꦁꦏꦶꦲꦗꦂꦲꦤ꧀ꦚꦶꦥ꧀ꦠꦲꦤ꧀ꦝꦩꦸꦁꦒꦺꦁꦱꦸꦩꦸꦂ꧈ꦮꦺꦴꦁꦫꦺꦴꦫꦺꦴꦱꦩꦶꦤꦶꦔꦭ꧀ꦭꦶ꧈ꦲꦩꦼꦤ꧀ꦠꦱ꧀ꦉꦉꦧꦸꦠꦤ꧀ ꧃ꦥꦣꦤꦁꦔꦶꦱ꧀ꦏꦫꦺꦴꦲꦤꦸꦁꦏꦼꦩꦶ꧈ꦏꦲꦶꦲꦗꦂ꧈ꦲꦭꦺꦴꦤ꧀ꦤꦁꦔꦤ꧀ꦢꦶꦏꦲꦣꦸꦃꦥꦸꦠꦸꦤꦶꦁꦱꦸꦤ꧀ꦏꦫꦺꦴꦱꦼꦧ꧀ꦢꦥꦭꦺꦴꦤ꧀ꦤꦩꦸꦮꦸꦱ꧀​ꦒꦸꦱ꧀ꦠꦶꦏꦸꦭꦢꦶꦥꦸꦤ꧀ꦥꦼꦗꦃꦲꦶꦏꦶꦲꦗꦂꦲꦁꦔꦤ꧀ꦢꦶꦏꦱꦂꦮꦶꦲꦥꦶꦠꦸꦣꦸꦃ꧈ꦏꦏꦶꦲꦶꦏꦒꦸꦱ꧀ꦠꦶꦤꦶꦫꦮꦸꦱ꧀ꦮꦭꦸꦪ꧈ꦱꦏꦶꦁꦧꦛꦫꦏꦁꦲꦼꦤꦶꦁ꧈ꦩꦸꦒꦺꦁꦱꦤ꧀ꦝꦥ꧀ꦥꦶꦁꦒꦺꦴꦂꦢ ꧃ꦱꦧ꧀ꦢꦥꦭꦺꦴꦤ꧀ꦱꦉꦁꦲꦤꦶꦔꦭ꧀ꦭꦶ꧈ꦲꦶꦁꦒꦸꦱ꧀ꦠꦶꦤꦺꦥꦤ꧀ꦥꦶꦤꦭꦗꦼꦁꦔꦤ꧀ꦱꦩꦶꦤꦸꦁꦏꦼꦩꦶꦮꦺꦴꦁꦫꦺꦴꦫꦺꦴ꧈ꦣꦸꦃꦲꦁꦒꦺꦂꦒꦸꦱ꧀ꦠꦶꦤꦶꦁꦱꦸꦤ꧀​ꦧꦺꦴꦤ꧀ꦠꦼꦤ꧀ꦚꦤꦲꦤ꧀ꦢꦶꦏꦲꦸꦫꦶꦥ꧀​ꦱꦸꦤ꧀ꦱꦶꦣꦼꦥ꧀ꦮꦸꦱ꧀ꦥꦭꦱ꧀ꦠꦿꦢꦭꦃꦲꦗꦸꦂꦩꦸꦩꦸꦂ꧈ꦏꦶꦢꦩꦂꦮꦸꦭꦤ꧀ꦤꦁꦔꦸꦕꦥ꧀ꦱꦏꦶꦁꦧꦂꦏꦠ꧀ꦠꦶꦁꦔꦺꦪꦁꦱꦁꦩꦲꦪꦏ꧀ꦠꦶ꧈ꦲꦶꦏꦸꦏꦁꦔꦮꦺꦃꦒꦼꦱꦁ

꧃ꦲꦁꦔꦤ꧀ꦢꦶꦏ [ f.125r ]

ꦲꦗꦂꦠꦸꦁꦒꦸꦭ꧀ꦩꦤꦶꦏ꧀​ꦮꦸꦱ꧀ꦏꦫꦶꦪ꧈ꦱꦸꦤ꧀ꦤꦩꦶꦠ꧀ꦠꦶꦁꦱꦶꦫ꧈ꦤꦁꦔꦶꦁꦢꦶꦥꦸꦤ꧀ꦥꦼꦤ꧀ꦤꦼꦢ꧀ꦢꦿꦢꦺꦤ꧀​ꦫꦢꦾꦤ꧀ꦤꦸꦭꦾꦮꦺꦴꦠ꧀ꦱꦤ꧀ꦠꦸꦤ꧀​ꦏꦲꦶꦲꦗꦂꦤꦸꦭꦾꦔꦸꦩꦫꦶꦱ꧀​ꦩꦤ꧀ꦠꦸꦏ꧀ꦩꦫꦶꦁꦥꦠꦥꦤ꧀ꦒꦸꦤꦸꦁꦩꦲꦩꦺꦫꦸ꧈ꦪꦠꦫꦢꦺꦤ꧀ꦢꦩꦂꦮꦸꦭꦤ꧀ꦤꦂꦱꦩꦤ꧀ꦠꦸꦏ꧀​ꦣꦸꦩꦠꦼꦁꦔꦶꦁꦩꦗꦥꦲꦶꦠ꧀​ꦩꦗꦸꦩꦸꦤ꧀ꦢꦸꦂꦏꦁꦩꦤꦃ ꧃ꦲꦁꦔꦤ꧀ꦢꦶꦏꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀​ꦲꦶꦁꦱꦸꦤ꧀ꦠꦤ꧀ꦱꦲꦺꦩꦸꦭꦶꦃ꧈ꦥꦪꦸꦧꦭꦶꦥꦩꦤ꧀​ꦩꦫꦁꦔꦶꦁꦥꦿꦧꦭꦶꦒ꧈ꦲꦩ꧀ꦧꦺꦴꦪꦺꦴꦁꦥꦸꦠꦿꦶꦏꦁꦏꦫꦶ꧈ꦤꦸꦭꦶꦏꦠꦸꦂꦫ꧈ꦩꦫꦁꦱꦁꦥꦿꦧꦸꦲꦺꦱ꧀ꦠꦿꦶ ꧃ꦲꦺꦴꦫꦮꦤ꧀ꦢꦺꦱꦶꦫꦪꦪꦶꦲ [ f.125v ]ꦤ꧀ꦗꦼꦱ꧀ꦩꦫ꧈ꦲꦠꦏꦺꦤ꧀ꦩꦫꦶꦁꦩꦩꦶ꧈ꦗꦭꦸꦏ꧀ꦏꦁꦱꦭ꧀ꦭꦱꦭ꧀​​ꦪꦺꦤ꧀ꦤꦶꦁꦱꦸꦤ꧀ꦠꦤ꧀ꦤꦶꦁꦱꦭ꧀ꦭꦥꦱ꧀ꦛꦶꦲꦮꦶꦫꦁ​ꦲꦲꦸꦫꦶꦥ꧀​ꦥꦪꦸꦠꦥꦩꦤ꧀​​ꦲꦁꦔꦩ꧀ꦧꦶꦭ꧀ꦥꦸꦠꦿꦶꦩꦭꦶꦃ ꧃ ꦩꦤ꧀ꦢꦃꦲꦤꦺꦠꦁꦔꦶꦱ꧀ꦱꦺꦤꦶꦲꦤ꧀ꦗꦼꦱ꧀ꦩꦫ꧈ꦲꦶꦁꦱꦸꦤ꧀ꦏꦮꦼꦠꦩꦠꦶ꧈ꦱꦸꦤ꧀ꦠꦼꦣꦲꦶꦁꦢꦺꦮ꧈ꦲꦗꦏꦺꦴꦁꦱꦶꦲꦧꦺꦭ꧈ꦥꦸꦤ꧀ꦏꦏꦁꦤꦺꦴꦫꦔꦼꦩ꧀ꦩꦱꦶ꧈ꦩꦸꦁꦧꦺꦴꦕꦃꦲꦶꦏ꧈ꦏꦁꦒꦺꦤ꧀ꦢꦺꦁꦒꦺꦤ꧀ꦢꦺꦁꦲꦠꦶ ꧃ ꦪꦠꦱꦶꦒꦿꦫꦃꦲꦢꦾꦤ꧀ꦱꦩ꧀ꦥꦸꦤ꧀ꦭꦸꦩꦩ꧀ꦥꦃꦠꦤ꧀ꦏꦮꦂꦤꦲꦶꦁꦩꦂꦒꦶ꧈ꦥꦿꦥ꧀ꦠꦥꦿꦧꦭꦶꦁꦒ꧈ꦱꦏꦺꦲꦺꦮꦺꦴꦁꦧꦔ꧀ꦮꦺꦠꦤ꧀​ꦥꦿꦱꦩꦾꦲꦠꦏꦺꦴꦤ꧀ꦮꦂꦠꦶ꧈ꦠꦤ꧀ꦤꦤꦮꦶꦏꦤ꧀​​ꦪꦺꦤ꧀ꦩꦺꦤꦏ꧀ꦗꦶꦁꦒꦩꦠꦶ ꧃ ꦱꦏꦛꦃꦲꦺꦏꦁꦥꦿꦩꦺꦱ꧀ꦮꦫꦶꦱꦢꦪ꧈ꦱꦩꦶꦧꦶꦱꦤꦱꦧ꧀ꦧꦶ꧈ꦫꦩꦺꦠꦠꦧꦸꦮꦤ꧀​​ꦲꦶꦁꦊꦧꦼꦠ꧀ꦧꦼꦧꦼꦣꦪꦤ꧀​​ꦭꦮꦁꦲꦒꦼꦁꦢꦶꦥꦸꦤ꧀ꦔꦸꦤ꧀ꦕꦶ꧈ꦤ꧀ꦚꦤꦤꦶꦁꦧꦭ꧈ꦩꦺꦤꦏ꧀ꦗꦶꦁꦒꦢꦺꦴꦤ꧀​​ꦫꦱ꧀ꦩꦶ ꧃ ꦱꦩ꧀ꦥꦸꦤ꧀ꦥꦿꦥ꧀ꦠꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀​​ꦲꦶꦁꦔꦂꦱꦤꦺꦏꦶꦥꦠꦶꦃ꧈ꦲꦩꦶꦪꦏ꧀ꦒꦒꦩꦤ꧀​ꦤ꧀ꦚꦤꦤꦺꦮꦺꦴꦁꦔꦏꦛꦃ꧈​ꦲꦂꦱꦩꦊꦧꦸꦥꦏꦛꦶꦏ꧀ꦩꦫꦁꦏꦶꦥꦠꦾꦃ꧈ꦠꦤ꧀ꦮꦿꦸꦃꦪꦺꦤ꧀ꦤꦩ꧀ꦧꦪꦤ꧀ꦤꦶ ꧃ ꦲꦁꦔꦤ꧀ꦢꦶꦏꦏꦶꦪꦥꦠꦶꦃꦲꦁꦏꦠ꧀ꦧꦸꦠ꧈ꦭꦃꦲꦶꦏꦶꦪꦁꦮꦺꦴꦁꦔꦼꦤ꧀ꦢꦶ꧈ꦲꦁꦔꦢꦼꦒ꧀ꦒꦶꦁꦔꦂꦱ꧈ꦲꦶꦔꦺꦴꦁꦭꦒꦶꦱꦶꦤꦺꦧ꧀꧈ꦩꦺꦴꦗꦂꦫꦢꦺꦤ꧀ꦢꦩꦂꦱꦱꦶ꧈ꦮꦺꦴꦁꦩꦗꦊꦁꦏ꧈ꦲꦶꦁꦔꦸꦠꦸꦱ꧀ꦱꦶꦁꦤꦂꦥꦠꦶ ꧃ ꦲꦥꦤ꧀ꦤꦶꦁꦱꦸꦤ꧀ꦏꦶꦤꦺꦤ꧀ꦤꦶꦒ [ f.126r ]ꦱ꧀ꦩꦸꦂꦢꦤꦶꦫ꧈ꦧꦫꦶꦏꦶꦤꦺꦤ꧀ꦧꦺꦴꦪꦁꦔꦶ꧈ꦩꦿꦶꦁꦥꦸꦠꦿꦶꦱꦢꦪ꧈ꦫꦧꦶꦤꦺꦩꦺꦤꦏ꧀ꦗꦶꦁꦒ꧈ꦧꦿꦃꦩꦠꦾꦉꦏꦾꦤꦥꦠꦶꦃꦲꦤꦫꦶꦏ꧀ꦥꦼꦣꦁ꧈ꦲꦭꦺꦴꦏ꧀ꦏꦊꦧꦺꦴꦤ꧀ꦠꦼꦭꦶꦏ꧀ ꧃ ꦠꦶꦤꦼꦩ꧀ꦧꦭꦤ꧀ꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀​​ꦢꦺꦤꦶꦁꦥꦫꦥꦿꦗꦸꦫꦶꦠ꧀​​ꦲꦤꦏꦁꦲꦩꦼꦣꦁꦲꦤꦲꦶꦁꦏꦁꦔꦤꦸꦩ꧀ꦧꦏ꧀​​ꦲꦤꦤ꧀ꦚꦸꦤ꧀ꦝꦶꦏ꧀ꦏꦤꦊꦩ꧀ꦧꦶꦁ꧈ꦭꦶꦂꦥꦺꦤ꧀ꦢꦃꦒꦼꦫꦃ꧈ꦢꦺꦤ꧀ꦕꦁꦔꦃꦲꦺꦴꦫꦏꦼꦤꦶ ꧃ ꦠꦤ꧀ꦢꦁꦔꦶꦫꦫꦃꦲꦢꦺꦤ꧀ꦭꦶꦂꦱꦫꦔꦸꦭꦃꦥꦁꦔꦩꦸꦏ꧀ꦏꦺꦔꦗꦿꦶꦲꦶ꧈ꦱꦶꦁꦏꦥꦫꦏ꧀ꦧꦸꦧꦂ꧈ꦏꦶꦪꦥꦠꦶꦃꦏꦺꦴꦠ꧀ꦧꦸꦠ꧈ꦭꦶꦂꦤꦶꦠꦶꦏ꧀ꦤꦸꦭꦶꦔꦼꦩꦱ꧀ꦱꦶ꧈ꦥꦠꦶꦁꦱꦸꦭꦪꦃ꧈ꦏꦫꦺꦴꦥꦠꦶꦃꦮꦸꦱ꧀ꦩꦠꦶ ꧃ ꦏꦢꦾꦩꦸꦫꦸꦧ꧀ꦮꦲꦸꦏꦁꦥꦼꦥꦼꦤ꧀ꦛꦽꦁꦮꦗ꧈ꦲꦤꦺꦁꦔꦱ꧀ꦠꦏꦸꦩꦶꦠꦶꦂ꧈ꦱꦶꦔꦩꦫꦥꦼꦗꦃꦱꦩꦶꦲꦼꦤ꧀ꦝꦱ꧀ꦱꦶꦒꦂ꧈ꦱꦶꦁꦏꦱꦩ꧀ꦥꦺꦠꦶꦒꦱ꧀ꦥꦕꦶꦁ꧈ꦧꦸꦧꦂꦏꦧꦿꦱꦠ꧀​​ꦩꦮꦸꦂꦥꦫꦢꦶꦦꦠꦶ ꧃ ꦮꦸꦱ꧀ꦠꦶꦤꦶꦒꦱ꧀ꦩꦸꦂꦢꦤꦺꦥꦠꦶꦃꦏꦺꦴꦠ꧀ꦧꦸꦠ꧈ꦱꦩꦶꦢꦶꦥꦸꦤ꧀ꦏꦤ꧀ꦛꦺꦠ꧀ꦠꦶꦭꦤ꧀​ꦏꦶꦲꦁꦏꦠ꧀ꦧꦸꦠ꧈ꦩꦁꦏꦺꦱꦸꦱꦸꦤ꧀ꦤꦠꦺꦩ꧀ꦧꦏ꧀​​ꦱꦧ꧀ꦢꦥꦭꦺꦴꦤ꧀ꦤꦁꦫꦪꦁꦲꦶ꧈ꦏꦼꦫꦶꦱ꧀ꦭꦤ꧀ꦥꦼꦣꦁꦕꦭꦤꦭꦤ꧀ꦔꦸꦭꦩ꧀ꦧꦶ ꧃ ꦤꦪꦒꦺꦁꦒꦺꦴꦁꦫꦫꦪꦃꦢꦺꦴꦢꦺꦴꦠ꧀ꦭꦤ꧀ꦏꦺꦴꦥꦾꦃꦱꦏꦺꦲꦺꦏꦁꦮꦸꦱ꧀ꦩꦠꦶ꧈ꦱꦂꦮꦶꦲꦩꦏꦤ꧀ꦗꦂ꧈ꦲꦧꦏ꧀ꦱꦗꦶꦗꦶꦁꦏ꧀ꦭꦏꦤ꧀​​ꦮꦸꦱ꧀ꦭꦫꦸꦠ꧀ꦥꦸꦁꦒꦮꦩꦤ꧀ꦠꦿꦶꦧꦸꦔꦂꦱꦢꦪ꧈ꦩꦭꦗꦼꦁꦉꦧꦸꦠ꧀ꦝꦶꦁꦔꦶꦤ꧀ ꧃ ꦱꦧ꧀ꦢꦥꦭꦺꦴꦔꦸꦥꦸꦃꦱꦶꦫꦒꦮꦁꦮ [ f.126v ]ꦥꦱꦁ​ꦒꦿꦲꦤ꧀ꦢꦶꦧꦱ꧀ꦩꦶ​꧈​ꦩꦸꦤ꧀ꦠꦧ​ꦥꦸꦤꦁ​​ꦧꦿꦩ​꧈​ꦭꦶꦱꦸꦱ꧀ꦱꦒꦸꦁ​​ꦭꦶꦩ꧀ꦧꦸꦔꦤ꧀​꧈​ꦢꦶꦤꦸꦭꦸ​ꦲꦥꦶ​ꦭꦶꦂ​ꦲꦸꦏꦶꦂ​꧈​ꦥꦠꦶꦁ​​ꦧꦊꦝꦒ꧀​​ꦏꦱꦼꦫꦺꦴꦠ꧀ꦢꦺꦤꦶꦁ​​ꦲꦔꦶꦤ꧀​ ꧃ ꦏꦢꦾ​ꦩꦶꦤ​ꦱꦲꦺꦒ​ꦏꦊꦧꦺꦴꦤ꧀ꦠꦸꦧ​꧈​ꦱꦶꦔ​ꦩꦁ​ꦱꦼꦃ​ꦔꦼꦩ꧀ꦩꦱ꧀ꦱꦶ​꧈​ꦮꦺꦴꦂ​ꦏꦸꦏꦸꦱ꧀ꦭꦶꦩꦼꦁꦔꦤ꧀​​ꦭꦸꦩꦪꦸ​ꦉꦧꦸꦠ꧀ꦥꦫꦤ꧀​ꦠꦤ꧀ꦤꦤ​ꦮꦤꦶ​ꦲꦥꦸꦭꦶꦃ​ꦥꦠꦶꦁ​​ꦧꦊꦱꦂ​꧈​ꦲꦤ​ꦒꦸꦩ꧀ꦧꦼꦁꦔꦺ​ꦏꦫꦶ​ ꧃ ​ꦱꦭꦺꦴꦏꦤꦺ​ꦱꦶꦫ​ꦫꦢꦺꦤ꧀ꦢꦩꦂꦮꦸꦭꦤ꧀​​ꦤꦶꦱ꧀ꦛꦩꦗꦲꦸꦠꦩꦶ​꧈​ꦢꦺꦤꦶꦁ​​ꦤꦶꦱ꧀ꦛꦤꦶꦫ​꧈​ꦲꦺꦴꦫ​ꦲꦁꦔꦢꦸ​ꦧꦭ​꧈​ꦩꦢꦾꦤꦺ​ꦩꦼꦤꦁ​​ꦔꦗꦸꦫꦶꦠ꧀​꧈​ꦲꦸꦠꦩꦤꦶꦫ​ꦢꦺꦤꦶꦁ​​ꦲꦩ꧀ꦧꦺꦴꦪꦺꦴꦁ​​ꦥꦸꦠꦿꦶ​ ꧃ ꦪ​ꦠ​ꦲꦤ​ꦩꦤ꧀ꦠꦿꦶ​ꦭꦒꦶ​ꦩꦩꦢꦠꦤ꧀​꧈​ꦏꦠꦸꦤ꧀ꦗꦁ​​ꦢꦺꦤꦶꦁ​​ꦔꦥꦶ​꧈​ꦗꦶꦩꦠ꧀ꦧꦽꦧꦽꦏꦠꦤ꧀​ꦮꦲꦺꦴꦱ꧀ꦝꦸꦲꦸꦁ​​ꦠꦶꦤꦶꦭꦂ​꧈​ꦭꦸꦩꦪꦸ​ꦲꦏꦺꦴꦤ꧀ꦛꦭ꧀ꦏꦤ꧀ꦛꦶꦭ꧀​​ꦲꦩꦸꦁ​​ꦥꦢꦸꦢꦤ꧀​​ꦊꦁꦔ​ꦱꦸꦩ꧀ꦧꦸ​ꦠꦤ꧀ꦏꦫꦶ ꧃ ​ꦪ​ꦠ​ꦲꦤ​ꦱꦶꦏꦼꦥ꧀ꦢꦺꦱ​ꦲꦉꦥ꧀ꦩꦁꦔꦤ꧀​꧈​ꦭꦒꦶ​ꦲꦔꦼꦫꦸꦏ꧀ꦏꦶꦤ꧀ꦠꦶꦥ꧀​​ꦗꦼꦭ꧀ꦧꦺꦴꦱ꧀ꦠꦁꦔꦤꦶꦫ​꧈​ꦲꦶꦏꦸ​ꦥꦼꦤ꧀ꦛꦶꦭ꧀ꦭꦺ​ꦒꦿꦺꦴꦮꦃ​​ꦱꦼꦊꦏ꧀ꦏꦠꦸꦤ꧀ꦗꦁ​​ꦲꦶ​ꦔꦥꦶ​꧈​ꦱꦶꦒꦿ​ꦭꦸꦩꦗꦂ​꧈​ꦏꦶꦭꦠ꧀ꦧꦲꦸ​ꦥꦼꦥꦼꦤ꧀ꦝꦶꦭ꧀ ꧃ ​ꦥꦤ꧀ꦭꦸꦩꦪꦸ​ꦏꦶꦤꦶꦥꦠ꧀ꦠꦏꦼꦤ꧀ꦠꦤ꧀ꦏꦼꦤ​꧈​ꦥꦼꦒꦼꦭ꧀ꦭꦠꦶꦤꦺ​ꦤꦔꦶꦱ꧀​꧈​ꦭꦫ​ꦏꦼꦤꦁ​​ꦮꦶꦁ​ꦏꦲꦺꦩꦤ꧀ꦢꦶꦥꦸꦤ꧀ꦥꦼꦕꦲ​꧈​ꦱꦱꦩ꧀ꦧꦠꦺ​ꦲꦤ꧀ꦢꦿꦼꦱ꧀ꦩꦶꦭꦶ​꧈​ꦭꦃ​ꦠꦸꦭꦸꦁꦔꦤ​꧈​

ꦱꦶ​ꦤꦭ​ꦲꦉꦥ꧀ꦩꦠꦶ​ ꧃ ​​ꦧꦠꦸꦂꦲꦶꦫ​ꦱꦮꦶꦗꦶ​ꦲꦶꦏ​​ꦲꦁꦔꦸꦕꦥ꧀​​ꦱꦶꦫ​ꦒꦼꦕꦼꦏ꧀ꦏ​ꦲꦒ꧀ꦭꦶꦱ꧀​꧈​ꦱꦸꦩꦲꦸꦂ [ f.127r ]ꦏꦫꦸꦤ꧀ꦤ꧈​ꦪꦺꦤ꧀ꦏꦼꦏꦼꦤ꧀ꦝꦶꦭ꧀ꦏꦸ​ꦥꦼꦕꦃ​​ꦲꦏꦸ​ꦥꦶꦤꦤ꧀ꦭ꧀ꦭꦶꦁ​​ꦫꦧꦶ꧈​ꦥꦼꦤ꧀ꦝꦶꦭ꧀ꦏꦸ​ꦮꦱ꧈​ꦱꦗꦼꦒ꧀ꦒꦺ​ꦲꦺꦴꦫ​ꦔꦶꦤ꧀ꦠꦶꦥ꧀ ꧃ ​ꦱꦶꦒꦿ​ꦩꦫ​ꦏꦶ​ꦮꦁ​ꦱ​ꦲꦁ​ꦒꦮ​ꦒꦺꦴꦧ꧀ꦧꦁꦒꦶꦤꦼꦕꦼꦏ꧀ꦏꦁ​​ꦏꦼꦏꦼꦤ꧀ꦝꦶꦭ꧀​​ꦏꦶ​ꦤꦭ​ꦲꦤ꧀ꦗꦺꦴꦭ꧈​ꦱꦶꦔꦮꦁ​ꦱ​ꦲꦁꦔꦸꦕꦥ꧀​ꦧꦺꦱꦸꦏ꧀​ꦲꦠꦸꦏꦸꦮ​ꦩꦤꦶꦁ​​​ꦩꦿꦶꦁ​​ꦥꦼꦏ꧀ꦏꦭꦁꦔꦤ꧀​ꦪꦺꦤ꧀ꦮꦸꦱ꧀ꦏꦼꦂꦠ​ꦤꦼꦒꦫꦶ​ ꧃ ​ꦪ​ꦠ​ꦲꦤ​ꦏꦁ​​ꦏꦫꦏꦼꦠ꧀​ꦩꦺꦤꦏ꧀ꦗꦶꦁ​ꦒ꧈​ꦲꦶꦏꦸ​ꦭꦸꦫꦃꦲꦶꦁ​​ꦩꦭꦶꦁ​​꧈​ꦏꦶ​ꦩꦫꦮꦱ꧀ꦠꦤ꧀ꦚ꧈​ꦭꦸꦩꦪꦸ​ꦏꦺꦴꦗꦺꦁ​ꦏꦁꦔꦤ꧀​꧈​ꦠꦁ​ꦒꦶꦤꦱ꧀ꦢꦶꦥꦸꦤ꧀ꦕꦼꦒꦠ꧀ꦠꦶ꧈​ꦲꦶ​ꦤꦪꦒꦺꦁ​ꦒꦺꦴꦁ​​꧈​ꦢꦶꦲꦼꦥꦺꦴꦏ꧀ꦢꦶꦧꦼꦏꦼꦩ꧀ꦩꦶ ꧃ ​ꦱꦧ꧀ꦢꦥꦭꦺꦴꦤ꧀ꦩꦫꦤꦶ​ꦧꦫꦶ​ꦛꦶꦛꦶꦏꦿꦁ​​꧈​ꦥꦸꦤ꧀ꦝꦏ꧀ꦥꦶꦤꦤ꧀ꦕꦢ꧀ꦱꦶꦗꦶ꧈​ꦏꦶꦪꦺ​ꦲꦼꦮꦺꦴꦁ​​ꦔꦥ꧈​ꦭꦸꦩꦪꦸ​ꦧꦫꦶ​ꦧꦏ꧀ꦱ​꧈ꦥꦸꦤ꧀ꦝꦏ꧀ꦏꦺ​ꦢꦶꦥꦸꦤ꧀ꦤꦪꦸꦮꦶ꧈​ꦏꦶ​ꦩꦫ​ꦲꦶꦏ​꧈​ꦒꦼꦫꦺꦴ​ꦒꦼꦫꦺꦴ​ꦲꦤꦁꦔꦶꦱ꧀​ ꧃ ​ꦏꦮꦂꦤꦲ​ꦱꦶꦫ​ꦫꦢꦺꦤ꧀ꦢꦩꦂꦮꦸꦭꦤ꧀​​ꦱꦩ꧀ꦥꦸꦤ꧀ꦩꦊꦧꦺꦁ​​ꦥꦸꦫꦶ​꧈​ꦏꦶꦛ​ꦥꦿꦧꦭꦶꦁ​ꦒ​꧈ꦱꦏꦺꦲꦺ​ꦥꦫ​ꦒꦂꦮ​꧈​ꦏꦶ​ꦩꦺꦤꦏ꧀ꦗꦶꦁ​ꦒ​ꦏꦁ​​ꦩꦠꦶ​꧈​ꦠꦫꦥ꧀ꦥꦶꦁ​​ꦭꦠꦂ​꧈ꦱꦩꦶ​ꦧꦸꦔꦃ​ꦠꦤ꧀ꦱꦶꦥꦶꦃ​ ꧃ ​ꦥꦤ꧀ꦱꦢꦪ​ꦥꦫ​ꦥꦸꦠꦿꦶ​ꦱꦩꦶ​ꦢꦁ​ꦢꦤ꧀​꧈​ꦱꦼꦢꦾ​ꦩꦿꦶꦁ​​ꦩꦗꦥꦲꦶꦠ꧀​​ꦮꦺꦴꦁ​​ꦔꦶꦁ​​ꦧꦭꦁꦔꦶꦁꦔꦤ꧀​꧈​ꦮꦸꦱ꧀ꦱꦤꦸꦁ​ꦏꦸꦭ꧀ꦱꦢꦪ​꧈​ꦩꦫꦁ​​ꦫꦢꦺꦤ꧀ꦢꦩꦂꦱꦱꦶ​꧈​ꦲꦠꦸꦂ​ꦧꦺꦴꦁ​ꦏꦺꦴꦏꦤ꧀​ꦱꦢꦪ​ꦮꦸꦱ꧀ꦏꦶꦤꦤ꧀ꦛꦶ [ f.127v ]

꧃꧃ꦧꦸꦱꦼꦏꦤ꧀ꦮꦺꦴꦁꦢꦊꦩ꧀ꦩꦒꦸꦁ꧈ꦲꦶꦏꦁꦢꦢꦤ꧀ꦡꦤ꧀ꦝꦸꦗꦺꦴꦭꦶ꧈ꦒꦉꦧꦺꦴꦁ​ꦭꦮꦤ꧀ꦗꦩ꧀ꦥꦤ꧈ꦫꦶꦤꦺꦴꦧꦾꦺꦴꦁꦔꦤ꧀ꦖꦶꦤ꧀ꦝꦺꦮꦶꦭꦶꦱ꧀​ꦲꦤꦫꦺꦴꦧꦾꦺꦴꦁꦕꦶꦤ꧀ꦝꦺꦲꦧꦁ꧈ꦱꦮꦤꦺꦃꦩꦤ꧀ꦝꦭꦒꦶꦫꦶ ꧃ꦥꦫꦤ꧀ꦚꦲꦶꦢꦁꦢꦤ꧀ꦱꦩ꧀ꦥꦸꦤꦤ꧀​ꦱꦢꦪꦏꦭꦩ꧀ꦧꦶꦥꦸꦠꦶꦃ꧈ꦲꦤꦏꦁꦔꦼꦩ꧀ꦧꦤ꧀ꦭꦭꦤ꧀ꦖꦁ꧈ꦥꦣꦲꦫꦤ꧀ꦭꦮꦤ꧀ꦏꦼꦤ꧀ꦝꦶ꧈ꦥꦲꦶꦢꦺꦴꦤ꧀ꦠꦤ꧀ꦏꦼꦤꦠꦼꦧꦃ꧈ꦠꦤ꧀ꦝꦸꦗꦺꦴꦭꦶꦱꦩ꧀ꦥꦸꦤ꧀ꦩꦶꦗꦶꦭ꧀ ꧃ꦩꦶꦪꦺꦴꦱ꧀ꦱꦶꦏꦸꦛꦲꦢꦸꦭꦸꦂ꧈ꦲꦶꦪꦲꦶꦁꦏꦁꦤꦶꦠꦶꦃꦗꦺꦴꦭꦶ꧈ꦲꦶꦏꦸꦤꦶꦉꦠ꧀ꦤꦕꦼꦩ꧀ꦥꦏ꧈ꦲꦥꦤ꧀ꦥꦶꦤꦪꦸꦁꦔꦤ꧀ꦏꦸꦤꦶꦁ꧈ꦔꦁꦒꦺꦴꦭꦼꦭꦺꦫꦺꦒꦤ꧀ꦱꦸꦠꦿ꧈ꦲꦶꦁꦔꦩ꧀ꦥꦾꦒ꧀ꦒꦶꦁꦥꦫꦤ꧀ꦚꦲꦶ

꧃ꦲꦶꦁꦔꦥꦶꦠ꧀ꦭꦮꦤ꧀ꦥꦤꦸꦫꦸꦁ​ꦮꦲꦸꦤꦶꦉꦠ꧀ꦤꦮꦶꦢꦸꦫꦶ꧈ꦲꦤꦶꦠꦶꦃꦠꦤ꧀ꦝꦸꦤꦼꦤꦒꦤ꧀​ꦫꦶꦤꦺꦴꦧꦾꦺꦴꦁꦔꦤ꧀ꦖꦶꦤ꧀ꦝꦺꦮꦶꦭꦶꦱ꧀​ꦥꦶꦤꦪꦸꦁꦔꦤ꧀ꦥꦼꦥꦼꦫꦢꦤ꧀ [ f.128r ]

ꦮꦲꦺꦴꦱ꧀ꦩꦩꦱ꧀ꦱꦗꦗꦫꦶ ꧃ꦉꦠ꧀ꦤꦮꦿꦱꦫꦶꦤꦺꦁꦥꦸꦁꦏꦸꦂꦲꦤꦶꦠꦶꦃꦗꦺꦴꦭꦁꦫꦱ꧀ꦥꦠꦶ꧈ꦭꦺꦭꦺꦫꦺꦒꦤ꧀ꦱꦸꦠꦿꦗꦶꦁꦒ꧈ꦮꦲꦺꦴꦱ꧀ꦱꦸꦭꦩ꧀ꦩꦗꦗꦫꦶ꧈ꦥꦪꦸꦁꦲꦶꦗꦺꦴꦥꦶꦤꦼꦫꦢ꧈ꦭꦤ꧀ꦖꦁꦥꦲꦶꦢꦺꦴꦤ꧀ꦤꦁꦔꦥꦶꦠ꧀ ꧃ꦉꦠ꧀ꦤꦏꦼꦤꦁꦔꦤꦺꦁꦔꦪꦸꦤ꧀​ꦮꦲꦺꦴꦱ꧀ꦥꦺꦴꦤ꧀ꦛꦁꦲꦤ꧀ꦗꦗꦫꦶ꧈ꦤꦶꦠꦶꦃꦠꦤ꧀ꦝꦸꦒꦼꦒꦼꦫꦸꦣꦤ꧀​ꦭꦺꦫꦺꦒꦤ꧀ꦱꦸꦠꦿꦩꦗꦼꦛꦶ꧈ꦱꦺꦴꦱꦺꦴꦁ​ꦮꦸꦁꦔꦸꦮꦶꦤꦫꦢ꧈ꦗꦗꦂꦭꦤ꧀ꦉꦠ꧀ꦤꦮꦶꦪꦠꦶ ꧃ꦲꦤꦶꦠꦶꦃꦒꦉꦧꦺꦴꦁꦲꦸꦒꦸꦭ꧀​ꦮꦲꦺꦴꦱ꧀ꦧꦶꦤꦁꦲꦤ꧀ꦗꦗꦫꦶ꧈ꦥꦫꦤ꧀ꦚꦲꦶꦤꦺꦏꦸꦩꦼꦫꦧ꧀​​ꦲꦼꦩ꧀ꦧꦤ꧀ꦤꦶꦤ꧀ꦚꦭꦮꦤ꧀ꦖꦺꦛꦶ꧈ꦒꦸꦒꦸꦪꦺꦴꦤ꧀ꦱꦢꦭꦤ꧀ꦢꦭꦤ꧀​ꦮꦤ꧀ꦠꦸꦤꦶꦁꦮꦺꦴꦁꦢꦊꦩ꧀ꦥꦸꦫꦶ

꧃ꦲꦶꦁꦏꦁꦭꦸꦩꦩ꧀ꦥꦃꦏꦫꦸꦲꦸꦤ꧀​ꦧꦺꦴꦁꦏꦺꦴꦏ꧀ꦏꦤ꧀ꦮꦲꦺꦴꦱ꧀ꦭꦤ꧀ꦧꦼꦣꦶꦭ꧀​ꦥꦼꦣꦁꦊꦩ꧀ꦧꦶꦁꦭꦮꦤ꧀ꦥꦤꦃꦱꦢꦪꦢꦶꦥꦸꦤ꧀ꦧꦺꦴꦁ [ f.128v ]ꦏꦺꦴꦏ꧀ꦏꦶ꧈ꦢꦸꦤ꧀ꦚꦤꦺꦏꦶꦩꦺꦤꦏ꧀ꦗꦶꦒ꧈ꦲꦢꦸꦭꦸꦂꦢꦶꦥꦸꦔꦺꦴꦠꦺꦴꦁꦔꦶ ꧃ ꦪꦺꦤ꧀ꦠꦶꦤꦺꦴꦤ꧀ꦏꦢꦶꦏꦸꦏꦸꦥꦸ꧈ꦱꦺꦴꦁꦱꦺꦴꦁꦲꦔꦸꦭꦸꦂꦭꦸꦩꦫꦶꦱ꧀​ꦒꦩꦼꦭꦤ꧀ꦗꦶꦤꦧꦸꦃꦫꦫꦱ꧀​​ꦮꦲꦸꦧꦶꦱꦲꦸꦫꦸꦠ꧀ꦩꦂꦒꦶ꧈ꦱꦧ꧀ꦢꦥꦭꦺꦴꦤ꧀ꦤꦤꦺꦁꦮꦸꦤ꧀ꦠꦠ꧀​ꦲꦤꦶꦠꦶꦲꦶꦏꦸꦢꦒꦼꦫꦶꦁ ꧃ ꦥꦔꦁꦒꦺꦴꦤꦶꦫꦧꦉꦤ꧀ꦢꦸꦁ꧈ꦱꦶꦏꦶꦭ꧀ꦢꦶꦱꦫꦸꦁꦧꦏꦺꦤꦶ꧈ꦲꦸꦤ꧀ꦢꦸꦂꦔꦿꦸꦏ꧀ꦲꦁꦔꦁꦒꦺꦴꦕꦧꦁ꧈ꦏꦸꦠꦁꦢꦶꦫꦁꦏꦼꦥꦶꦫꦺꦴꦏꦶ꧈ꦤꦸꦁꦒꦁꦗꦫꦤ꧀ꦭꦼꦁꦒꦏ꧀ꦭꦼꦁꦒꦏ꧀ꦱꦼꦩ꧀ꦧꦫꦶꦩꦁꦏꦸꦥꦼꦥꦼꦤ꧀ꦝꦶꦭ꧀ ꧃ ꦏꦶꦤꦪꦒꦺꦁꦒꦺꦴꦁꦤꦺꦁꦥꦸꦁꦏꦸꦂ꧈ꦏꦶꦤ꧀ꦤꦤ꧀ꦝꦸꦒꦺꦪꦺꦴꦁꦭꦸꦩꦫꦶꦱ꧀​ꦱꦩ꧀ꦧꦫꦶꦩꦁꦏꦸꦣꦼꦣꦸꦭꦁꦲꦶꦱꦶꦲꦩ꧀ꦥꦾꦁꦭꦤ꧀ꦒꦼꦭꦭꦶ꧈ꦥꦶꦤꦶꦏꦸꦭ꧀ꦧꦫꦶꦩꦼꦩꦁꦔꦤ꧀​​ꦔꦼꦗꦏ꧀ꦭꦺꦫꦺꦤ꧀ꦭꦩꦺꦴꦤ꧀ꦔꦶꦱꦶꦁ ꧃ ꦱꦢꦪꦮꦸꦱ꧀ꦱꦩꦶꦠꦸꦩꦸꦠ꧀ꦲꦒꦼꦁꦲꦭꦶꦠ꧀ꦱꦩꦶꦔꦶꦫꦶꦁ꧈ꦮꦲꦸꦫꦢꦺꦤ꧀ꦢꦩꦂꦮꦸꦭꦤ꧀​ꦠꦶꦠꦶꦲꦤꦺꦏꦥꦭ꧀ꦠꦺꦗꦶ꧈ꦲꦥꦤ꧀ꦱꦂꦮꦶꦥꦶꦤꦪꦸꦁꦔꦤ꧀​ꦔꦶꦫꦶꦁꦔꦏꦼꦤ꧀ꦥꦫꦥꦸꦠꦿꦶ ꧃ ꦤꦶꦲꦤ꧀ꦗꦼꦱ꧀ꦩꦫꦮꦶꦤꦸꦮꦱ꧀​ꦥꦤ꧀ꦱꦩ꧀ꦥꦸꦤ꧀ꦩꦶꦁꦲꦂꦱꦮꦂꦠꦶ꧈ꦪꦺꦤ꧀ꦏꦁꦫꦏꦱꦩ꧀ꦥꦸꦤ꧀ꦥꦼꦗꦃꦏꦱꦺꦴꦫꦤ꧀ꦒꦺꦤ꧀ꦤꦶꦫꦗꦸꦫꦶꦠ꧀​​ꦲꦤꦺꦁꦤꦒꦿꦶꦥꦿꦧꦭꦶꦁꦒ꧈ꦠꦁꦔꦶꦱꦺꦏꦪꦱꦸꦤ꧀ꦠꦫꦶ꧈ ꧃ ꦲꦺꦴꦫꦲꦺꦠꦁꦫꦩꦲꦶꦧꦸ꧈ꦭꦸꦩꦪꦸꦩꦤ꧀ꦗꦶꦁ​ꦮꦤꦢꦿꦶ꧈ꦱꦢꦭꦤ꧀ꦢꦭꦤ꧀ꦏꦫꦸꦤ꧀ꦤ꧈ꦱꦱꦩ꧀ꦧꦠ꧀ꦠꦺꦲꦩ꧀ꦭꦱ꧀ꦱꦱꦶ꧈ꦱꦼꦢꦾꦣꦠꦼꦁꦥꦿꦧꦭꦶꦁꦒ꧈ꦲꦁꦭꦸꦫꦸꦃꦭꦒꦺꦴꦤ꧀ꦤꦶꦁꦭꦏꦶ [ f.129r ]

꧃ ​ꦱꦱꦩ꧀ꦧꦠꦺ​ꦲꦩ꧀ꦭꦱ꧀ꦱꦪꦸ ​꧃ ​ꦲꦺꦴꦫ​ꦤ꧀ꦚꦤ​ꦲꦺꦴꦫ​ꦔꦶꦩ꧀ꦥꦶ​꧈​ꦏꦏꦁ​​ꦫꦢꦺꦤ꧀ꦢꦩꦂꦮꦸꦭꦤ꧀​​ꦠꦺꦒ​ꦠꦶꦭꦂ​ꦩꦫꦁ​​ꦩꦩꦶ​꧈​ꦔꦼꦤ꧀ꦢꦶ​ꦒꦺꦴꦤꦺ​ꦏꦸꦤꦂꦥꦤ꧀ꦚ​꧈​ꦲꦏꦸ​ꦣꦺꦮꦺꦏ꧀ꦏꦼꦏꦥꦺꦴꦤꦶ​ ꧃ ​ꦗꦤꦸꦂ​ꦏꦸꦤꦶꦁ​​ꦲꦮꦏ꧀ꦏꦶꦁ​ꦱꦸꦤ꧀ꦱꦸꦤ꧀ꦥꦸꦥꦸꦱ꧀ꦏꦮꦼꦭꦱꦱꦱꦶ​​ꦢꦺꦴꦢꦺꦴꦭ꧀ꦒꦸꦭ​ꦢꦶꦏ​ꦏꦏꦁ​​꧈​ꦲꦗ​ꦭꦭꦶ​ꦩꦫꦶꦁ​​ꦩꦩꦶ​꧈​ꦲꦺꦴꦩ꧀ꦧꦏ꧀ꦏꦒꦸꦁ​​ꦲꦶꦁ​​ꦠꦸꦤ꧀ꦗꦸꦁ​​ꦧꦁ​​꧈​ꦒꦭꦁ​​ꦒꦺꦴꦭꦺꦴꦁ​​ꦮꦺꦴꦁ​​ꦏꦏꦭꦶꦃ​ ꧃ ​ꦲꦸꦥꦩꦤꦺ​ꦲꦮꦏ꧀ꦏꦶꦁ​ꦱꦸꦤ꧀​ꦭꦶꦂ​ꦲꦼꦮꦺꦴꦃ​ꦧꦶꦤ꧀ꦠꦫꦺꦴ​ꦏꦺꦭꦶ​꧈​ꦱꦥ​ꦱꦸꦢꦶ​ꦪꦩꦸꦥꦸꦮ​꧈​ꦏꦁ​​ꦔꦩꦸꦥꦸ​ꦩꦸꦁ​​ꦱꦮꦶꦗꦶ​꧈​ꦠꦼꦩꦲꦤ꧀ꦤꦺꦴꦭꦶ​ꦥꦭꦱ꧀ꦠꦿ​꧈​ꦣꦸꦃ​ꦏꦁ​​ꦔꦼꦩꦱ꧀ꦩꦶꦭꦸ​ꦩꦠꦶ​ ꧃ ​ꦏꦁ​​ꦱꦺꦴꦏ​ꦥꦢꦥ​ꦮꦸꦁꦔꦸ​꧈​ꦏꦏꦁ​​ꦔꦼꦩꦱ꧀ꦗꦼꦤꦁ​​ꦱꦶꦠꦶ​꧈​ꦱꦥ​ꦲꦶꦁ​ꦱꦸꦤ꧀ꦤꦭꦩ꧀ꦩꦭꦩ꧀​​ꦊꦧꦸꦂ​ꦭꦸꦭꦸꦃ​ꦲꦗ​ꦏꦫꦶ​꧈​ꦧ꧀ꦧꦪ​ꦲꦶꦁ​ꦱꦸ​ꦒꦸꦣꦺ​ꦥꦤ꧀ꦝꦏ꧀ꦮꦺꦴꦁ​​ꦥꦥ​ꦢꦼꦭꦥ꧀ꦥꦲꦸꦫꦶꦥ꧀ ꧃ ​ꦠꦤ꧀ꦤꦠꦁ​​ꦒꦭꦒꦃ​ꦫꦪꦸꦁ​​ꦲꦤꦸꦱꦸꦥ꧀ꦔꦸꦏꦸꦮꦸꦠ꧀ꦠꦶꦫꦶ​꧈​ꦲꦤꦱꦏ꧀ꦏꦶꦁꦔꦭꦁ​ꦔꦭꦁ​​꧈​ꦲꦮꦏ꧀ꦏꦗꦸꦂ​ꦏꦼꦤꦁꦔꦼꦫꦶ​꧈​ꦱꦶꦤ꧀ꦗꦁꦔꦺ​ꦥꦠꦶꦁ​​ꦱꦉꦩ꧀ꦥꦭ꧀​꧈​ꦱꦥꦿꦤ꧀ꦢꦺꦤꦺ​ꦠꦤ꧀ꦠꦶꦤꦺꦴꦭꦶꦃ​ ꧃ ​ꦲꦤꦶꦧ​ꦠꦁꦔꦶ​ꦱꦁ​​ꦔꦪꦸ​꧈​ꦏꦺꦠꦁ​​ꦲꦼꦤ꧀ꦠꦺꦤ [ f.129v ]ꦤ​ꦩꦩꦶ​꧈​ꦱꦂꦮꦶ​ꦩꦭ​ꦩꦭ​ꦗꦗ​꧈​ꦱꦱꦩ꧀ꦧꦠ꧀ꦠꦺ​ꦲꦩ꧀ꦭꦱ꧀ꦱꦱꦶ​꧈​ꦧꦪ​ꦲꦶꦏꦶ​ꦱꦶꦫ​ꦥꦤꦱ꧀​꧈​ꦠꦤ꧀ꦢꦂꦩꦤ꧀ꦤꦢꦸꦮꦺ​ꦭꦏꦶ​ ꧃ ​​ꦱꦸꦤ꧀ꦏꦼꦏꦼꦩ꧀ꦧꦁ​​ꦲꦮꦏ꧀ꦏꦶꦁ​ꦱꦸꦤ꧀​꧈​ꦱꦼꦏꦂ​ꦱꦠꦼꦁꦔꦃꦲꦶꦁ​​ꦔꦼꦫꦶ​꧈​ꦱꦥ​ꦱꦸꦢꦶ​ꦪꦩꦸꦥꦸꦮ​ꦏꦁ​​ꦔꦩꦸꦥꦸ​ꦱꦩ꧀ꦥꦸꦤ꧀ꦩꦠꦶ​꧈​ꦩꦼꦫꦏ꧀ꦩꦸꦤꦶ​ꦲꦱꦲꦸꦫꦤ꧀ꦏꦪ​ꦥꦔꦸꦤ꧀ꦢꦔꦶꦁ​​ꦭꦏꦶ​ ꧃ ​ꦭꦩ꧀ꦥꦲꦺ​ꦱꦁ​ꦱꦪ​ꦢꦫꦸꦁ​​꧈​ꦲꦤꦁ​​ꦱꦠꦼꦔꦃ​ꦮꦤꦢꦿꦶ​꧈​ꦱꦶꦫ​ꦢꦺꦮꦶ​ꦲꦤ꧀ꦗꦼꦱ꧀ꦩꦫ​꧈​ꦱꦭꦶꦫꦤꦺ​ꦢꦶꦭꦼꦧꦸꦲꦶ​꧈​ꦲꦶꦏꦶ​ꦱꦶꦫ​ꦔꦤ꧀ꦠꦶ​ꦲꦥ​꧈​ꦢꦸꦫꦸꦁ​​ꦤꦸꦱꦸꦭ꧀​ꦩꦶꦭꦸ​ꦩꦠꦶ​ ꧃ ​​ꦲꦸꦥꦩꦤꦺ​ꦲꦮꦏ꧀ꦏꦶꦁ​ꦱꦸꦤ꧀​꧈​ꦪꦺꦤ꧀ꦱꦼꦏꦂ​ꦲꦂꦒꦸꦭꦺꦴ​ꦥꦸꦠꦶꦃ​꧈​ꦲꦤꦁ​​ꦱꦠꦼꦔꦃꦲꦶꦁ​​ꦫꦮ​꧈​ꦲꦺꦴꦫ​ꦤꦤ​ꦏꦁ​​ꦭꦔꦺꦤꦶ​꧈​ꦲꦩꦸꦁ​​ꦏꦁ​ꦩꦱ꧀ꦢꦩꦂꦮꦸꦭꦤ꧀​꧈​ꦥꦭꦁꦔꦤ꧀ꦩꦠꦶ​ꦲꦗꦸꦫꦶꦠ꧀​ ꧃ ​​ꦗꦩ꧀ꦧꦺ​ꦤꦺꦴꦩ꧀ꦧꦁ​ꦧꦁꦔꦤ꧀ꦠꦁ​ꦒꦸꦁ​​꧈​ꦢꦺꦤꦶꦁ​​ꦒꦼꦒꦼꦭ꧀ꦭꦺ​ꦏꦁ​​ꦔꦠꦶ​꧈​ꦢꦺꦫꦺꦁ​​ꦩꦸꦏ꧀ꦠꦶ​ꦲꦮꦶꦧꦮ​꧈​ꦲꦺꦴꦫ​ꦏꦼꦤ꧀ꦤ​ꦱꦸꦤ꧀ꦮꦫꦲꦶ​꧈​ꦲꦸꦗꦂ​ꦲꦶꦁ​ꦱꦸꦤ꧀ꦱꦶꦭꦶꦃ​ꦲꦥ​꧈​ꦏꦸꦢꦸ​ꦩꦶꦭꦸ​ꦩꦒꦸꦠ꧀ꦗꦸꦫꦶꦠ꧀​ ꧃ ​ꦱꦸꦏꦸꦤꦺ​ꦥꦠꦶ​ꦥꦭꦼꦥꦸꦃ​꧈​ꦱꦼꦁ​ꦏꦁ​​ꦫꦸꦤ꧀ꦠꦸꦃ​ꦠꦤ꧀ꦠꦶꦤꦺꦴꦭꦶꦃ​꧈​ꦫꦺꦩ​ꦲꦼꦧꦼꦏ꧀ꦥꦼꦥꦸꦭꦸꦠꦤ꧀​ꦲꦤ꧀ꦚꦼꦫꦁ​​ꦫꦶ​ꦧꦤ꧀ꦝꦶꦭ꧀ꦱꦶꦱꦶꦂ​꧈​ꦕꦼꦒꦼꦫꦺꦫꦺꦠ꧀ꦠꦱꦲꦸꦫꦤ꧀​​ꦥꦏ꧀ꦱꦶ​ꦥꦸꦛꦸꦠ꧀ꦩꦸꦤꦶ​ꦔꦶꦁ​ꦒꦶꦭ꧀ ꧃ ​​ꦒꦼꦢꦼꦫꦶꦁ​​ꦥꦏ꧀ꦱꦶ​ꦱꦸꦩꦮꦸꦂ​꧈​ꦲꦮꦸꦫꦲꦤ꧀ꦩꦺꦤ꧀ꦕꦺꦴꦏ꧀ꦔꦶꦒꦶꦭ꧀​ꦕꦏꦼꦠ꧀ꦠꦼꦥꦶꦤ꧀ꦤꦶꦁ​​ꦥꦼꦒꦒꦤ꧀​꧈​ꦲꦼꦩ꧀ꦧꦸꦃ​ꦫꦱꦤꦺ​ꦏꦁ​​ꦲꦠꦶ​꧈​ꦏꦺꦴꦏꦶꦭ​ꦩꦺꦤ꧀ꦕꦺꦴ [ f.130r ]ꦏ꧀ꦏꦤꦺꦁ​​ꦥꦁ​​꧈​ꦒꦼꦒꦺꦴꦩ꧀ꦧꦺꦴꦭ꧀ꦢꦼꦉꦒꦼꦩ꧀ꦩꦸꦤꦶ ꧃ ​ꦱꦼꦱꦩ꧀ꦧꦠ꧀ꦠꦺ​ꦏꦢꦾ​ꦥꦸꦭꦸꦁ​​꧈​ꦭꦶꦂ​ꦕꦶꦥ꧀ꦠꦏ​ꦩꦶꦤ꧀ꦠ​ꦫꦶꦱ꧀​ꦠꦺꦴꦪ​ꦧꦤ꧀ꦗꦶꦂ​ꦲꦶꦁ​​ꦱꦩꦸꦢꦿ​꧈​ꦲꦒꦮꦺ​ꦲꦼꦫꦺꦴꦧ꧀ꦧꦶꦁꦔꦠꦶ​꧈​ꦧꦪ​ꦲꦶꦁ​ꦱꦸꦤ꧀ꦒꦸꦝꦺ​ꦥꦤ꧀ꦝꦏ꧀​꧈​ꦮꦺꦴꦁ​​ꦥꦥ​ꦢꦼꦭꦥ꧀ꦥꦲꦸꦫꦶꦥ꧀​ ꧃ ​ꦮꦺꦴꦮꦺꦴꦲꦤ꧀ꦩꦶꦤ꧀ꦝ​ꦏꦶꦭꦪꦸ​꧈​ꦗꦸꦮꦼꦠ꧀ꦠꦺ​ꦏꦁ​​ꦔꦮꦺꦃ​ꦲꦸꦫꦶꦥ꧀​​ꦢꦸꦮꦼꦠ꧀ꦠꦭꦶꦠ꧀​ꦫꦺꦫꦺꦤ꧀ꦠꦺꦁꦔꦤ꧀​​ꦠꦤ꧀ꦏꦼꦤ​ꦱꦸꦤ꧀ꦏꦶꦭꦪꦺꦴꦤꦶ​꧈​ꦱꦼꦏꦂ​ꦗꦶꦤꦃ​ꦲꦶꦁ​​ꦮꦂꦢꦪ​꧈​ꦠꦤ꧀ꦏꦼꦤ​ꦱꦸꦤ꧀ꦢꦶꦔꦊꦩ꧀ꦩꦶ ꧃ ꦱꦼꦩꦸꦠ꧀ꦠꦧꦁ​​ꦏꦁ​​ꦮꦼꦮꦸꦁ​ꦏꦸꦱ꧀​ꦲꦫꦁ​​ꦲꦫꦁ​​ꦲꦥꦥꦁ​ꦒꦶꦃ​꧈​ꦧꦭꦶꦁ​ꦧꦶꦁ​​ꦲꦮꦺꦴꦃ​ꦮꦶꦢꦫꦸ​꧈​ꦢꦸꦫꦸꦁ​​ꦕꦉꦩ꧀ꦔꦸꦭ​ꦭꦏ꧀ꦏꦶ​꧈​ꦱꦼꦏꦂ​ꦥꦶꦱꦁ​​ꦢꦶꦏ​ꦏꦁ​​꧈​ꦒꦸꦩꦠꦸꦁ​​ꦲꦤꦁ​​ꦲꦶꦁ​​ꦔꦠꦶ​ ꧃ ​ꦏꦼꦩ꧀ꦧꦸ​ꦢꦮ​ꦲꦮꦏ꧀ꦏꦶꦁ​ꦱꦸꦤ꧀​​ꦮꦸꦮꦸꦃ​ꦠꦽꦱ꧀ꦤꦤꦺ​ꦏꦁ​​ꦔꦠꦶ​꧈​ꦮꦺꦴꦃꦲꦶꦁ​​ꦔꦫꦺꦤ꧀ꦱꦺꦴꦏ꧀ꦏꦺꦭꦶꦁꦔꦤ꧀​꧈​ꦒꦫꦁ​ꦒꦠꦶ​ꦱꦧ​ꦮꦫꦶ​꧈​ꦱꦥ​ꦲꦶꦁ​ꦏꦁ​​ꦤꦫꦶꦩꦲ​꧈​ꦢꦺꦤ꧀ꦤꦶꦁ​ꦒꦁ​​ꦲꦁ​ꦒꦁ​​ꦮꦺꦴꦁ​​ꦭꦏꦶ​ ꧃ ​ꦏꦭꦥꦏꦶꦁ​​ꦮꦺꦴꦁ​​ꦔꦧꦒꦸꦱ꧀​ꦥꦏ꧀ꦱ​ꦔꦶꦫꦶꦁꦔꦏꦼꦤ꧀ꦥꦸꦠꦿꦶ​꧈​ꦏꦸꦩꦼꦤ꧀ꦠꦸꦭ꧀ꦒꦸꦁ​​ꦱꦧ​ꦮꦿꦏ꧀ꦱ​꧈​ꦒꦠꦶ​ꦒꦠꦶ​ꦭꦸꦔ​ꦗꦸꦫꦶꦠ꧀​꧈​ꦒꦼꦤ꧀ꦛ​ꦏꦪꦸ​ꦲꦮꦏ꧀ꦏꦶꦁꦮꦁ​​꧈​ꦏꦸꦫꦏ꧀ꦏꦿꦏꦤ꧀ꦱꦸꦤ꧀ꦭꦭꦫꦶ​ ꧃ ​ꦲꦩꦤ꧀ꦝꦼꦒ꧀ꦩꦔꦸ​ꦭꦸꦩꦏꦸ​꧈​ꦮꦱ꧀ꦥ​ꦩꦶꦗꦶꦭ꧀ꦢꦶꦪꦸꦱꦥꦶ​꧈​ꦒꦸꦂꦤꦶꦠ​ꦏꦠꦺꦴꦤ꧀ꦱꦸꦩꦶꦫꦠ꧀​​ꦏꦫꦱ​ꦲꦺꦱꦼꦩ꧀ꦩꦶꦁꦭꦏꦶ​꧈​ꦏꦭ​ꦲꦤ​ꦥꦒꦸꦭꦶꦁꦔꦤ꧀​꧈​ꦲꦔꦣꦸꦃ​ꦲꦱꦩ꧀ꦧꦠ꧀ꦩꦠꦶ​ ꧃ ​ꦲꦸ​​ [ f.130v ]ꦥꦩꦤꦺꦲꦮꦏ꧀ꦏꦶꦁ​ꦱꦸꦤ꧀​​ꦭꦸꦁ​​ꦭꦸꦁꦔꦤ꧀ꦩꦶꦤ꧀ꦝ​ꦕꦶꦕꦶꦥꦶꦂ​꧈​ꦏꦏꦁ​​ꦔꦼꦩꦱ꧀ꦢꦩꦂꦮꦸꦭꦤ꧀​​ꦏꦸꦩꦼꦁ​ꦏꦫ​ꦩꦶꦭꦸ​ꦗꦸꦫꦶꦠ꧀​​ꦏꦼꦩ꧀ꦧꦁ​​ꦗꦩ꧀ꦧꦺ​ꦢꦶꦏ​ꦏꦏꦁꦏꦸꦩꦪꦁꦪꦁ​​ꦩꦺꦴꦤ꧀ꦝꦺꦴꦁ​​ꦥꦸꦠꦿꦶ ꧃ ​​​ꦏꦪ​ꦥꦿꦺꦩꦺꦤ꧀ꦥꦺꦴꦭꦃ​ꦲꦶꦱꦸꦤ꧀​​ꦪꦺꦤ꧀ꦏꦏꦁ​​ꦔꦼꦩꦱ꧀ꦔꦼꦩꦱ꧀ꦱꦶ​꧈​ꦕꦺꦤ꧀ꦛꦺꦴꦁ​​ꦲꦭꦶꦠ꧀ꦥꦭꦶꦮꦼꦠ꧀ꦠꦤ꧀​​ꦒꦭꦺꦴ​ꦒꦭꦺꦴ​ꦱꦸꦤ꧀ꦠꦁꦔꦶꦱꦶ​꧈​ꦧꦭꦒ꧀ꦧꦒ꧀​ꦲꦶꦁ​​ꦥꦤꦼꦤꦸꦤꦤ꧀​ꦢꦪ​ꦢꦪ​ꦩꦱꦶꦃ​ꦲꦸꦫꦶꦥ꧀​ ꧃ ​​​ꦲꦗ​ꦢꦢꦶ​ꦢꦺꦮ​ꦫꦠꦸ​꧈​ꦪꦺꦤ꧀ꦏꦮꦸꦭ​ꦲꦁꦔꦼꦩ꧀ꦩꦱ꧀ꦱꦶ​꧈​ꦢꦢꦶꦪ​ꦱꦫꦶꦤꦶꦁ​​ꦏꦼꦩ꧀ꦧꦁ​​꧈​ꦏꦁ​​ꦲꦼꦩꦱ꧀ꦧꦿꦩꦫ​ꦲꦢꦶ​꧈​ꦲꦁꦔꦶꦁ​ꦱꦼꦥ꧀ꦥ​ꦲꦶꦁ​​ꦏꦮꦸꦭ​꧈​ꦪꦺꦤ꧀ꦏꦁꦔꦼꦩꦱ꧀ꦢꦢꦶ​ꦥꦏ꧀ꦱꦶ​ ꧃ ​​​ꦢꦢꦶꦪ​ꦮꦺꦴꦮꦺꦴꦲꦤ꧀ꦤꦶꦁ​ꦱꦸꦤ꧀​꧈​ꦲꦤꦸꦕꦸꦏ꧀ꦏꦮꦏ꧀ꦩꦩꦶ​꧈​ꦪꦺꦤ꧀ꦏꦁ​​ꦔꦼꦩꦱ꧀ꦢꦢꦶ​ꦗꦭ꧀ꦩ​꧈​ꦏꦮꦸꦭ​ꦢꦢꦶꦪ​ꦩꦂꦒꦶ​꧈​ꦲꦗ​ꦭꦶꦪꦤꦤ꧀ꦏꦁ​​ꦲꦁꦔꦩ꧀ꦧꦃ​꧈​ꦲꦩꦸꦁ​​ꦏꦁ​ꦩꦱ꧀ꦢꦩꦂꦱꦱꦶ​ ꧃ ​​​ꦠꦤ꧀ꦭꦶꦪꦤ꧀ꦤꦶꦁ​​ꦏꦏꦸꦁꦔꦶꦥꦸꦤ꧀​ꦲꦶꦁ​ꦏꦁ​​ꦱꦶꦤꦩ꧀ꦧꦠ꧀ꦠꦶꦁꦠꦁꦔꦶꦱ꧀​​ꦮꦲꦸ​ꦢꦺꦮꦶꦲꦤ꧀ꦗꦼꦱ꧀ꦩꦫ​ꦲꦤꦶꦧ​ꦤꦶꦧ​ꦲꦶꦁ​​ꦕꦸꦫꦶ​꧈​ꦲꦁꦔꦿꦸꦁꦔꦸ​ꦲꦧꦤꦶꦁ​​ꦒꦩꦼꦭꦤ꧀​​ꦥꦪꦸꦁ​​ꦲꦒꦸꦁ​​ꦏꦛꦃ​ꦏꦏ꧀ꦱꦶ​ ꧃ ​​ꦢꦠꦤ꧀ꦏꦮꦂꦤ​ꦲꦶꦁ​​ꦔꦼꦤꦸ​​ꦮꦲꦸ​ꦫꦢꦺꦤ​ꦢꦩꦂꦱꦱꦶ​꧈​ꦲꦁꦔꦶꦫꦶꦁꦔꦏꦼꦤ꧀​ꦧꦺꦴꦪꦺꦴꦁꦔꦤ꧀​ꦗꦩ꧀ꦥꦤ​ꦠꦤ꧀ꦝꦸ​ꦭꦤ꧀ꦗꦺꦴꦭꦶ​꧈​ꦤꦶ​ꦲꦤ꧀ꦗꦼꦱ꧀ꦩꦫꦠꦸꦩꦶꦔꦭ꧀​꧈​ꦩꦠ​ꦏꦥꦺꦤ꧀ꦤꦺꦴꦫ​ꦥꦁꦭꦶꦁ​​ ꧃ ​​ꦲꦩꦶꦕꦫ​ꦗꦿꦺꦴꦤꦶꦁ​​ꦏꦭ꧀ꦧꦸ​꧈​ꦏꦏꦁ​​ꦲꦼꦩꦱ꧀ꦩꦏ꧀ꦱꦶꦃ​ꦲꦸꦫꦶꦥ꧀​꧈​ꦔꦒꦺꦪ​ꦕꦫ​ꦮꦭꦤ꧀ꦢ​ꦩꦁ​ꦱ​ꦧꦺꦴꦪ​ꦏꦸꦭ​ꦥꦁꦭꦶꦁ​​꧈​ꦲꦺꦢꦤ꧀ꦠ [ f.131r ]

ꦲꦸꦤ꧀ꦏꦁ​​ꦮꦮꦂꦠ꧈​ꦏꦔꦼꦩꦱ꧀ꦱꦶꦔꦫꦤ꧀ꦩꦠꦶ ​꧃ ​ꦱꦸꦏꦸꦂꦫꦶꦤꦏ꧀ꦢꦺꦮ​ꦒꦸꦁ​꧈​ꦏꦏꦔꦼꦩꦱ꧀​ꦩꦏ꧀ꦱꦶꦃ​ꦲꦸꦫꦶꦥ꧀​ꦮꦼꦫꦸꦮꦪꦺꦤ꧀ꦩꦏ꧀ꦱꦶꦃ​ꦒꦼꦱꦁ​​꧈​ꦩꦁ​ꦱ​ꦤꦸꦱꦸꦭ꧀ꦭ​ꦮꦏ꧀ꦩꦩꦶ​꧈​ꦤꦶ​ꦲꦤ꧀ꦗꦼꦱ꧀ꦩꦫ​ꦠꦁ​ꦒꦶꦤꦱ꧀​​ꦱꦶꦒꦿ​ꦮꦲꦸ​ꦩꦭꦪꦺꦴꦤꦶ ​꧃ ​ꦏꦁ​​ꦫꦏ​ꦲꦺꦕ​ꦭꦸꦩꦏꦸ​ꦤꦶꦠꦶꦃ​ꦏꦸꦢ​ꦢꦺꦤ꧀ꦥꦪꦸꦔꦶ꧈​ꦱꦶꦫ​ꦢꦺꦮꦶ​ꦲꦤ꧀ꦗꦼꦱ꧀ꦩꦫ​꧈​ꦲꦁ​ꦫꦁ​ꦏꦸꦭ꧀ꦥꦢꦤꦺ​ꦱꦶꦗꦶ꧈​ꦥꦤ꧀ꦱꦂꦮꦶ​ꦱꦶꦫ​ꦏꦫꦸꦤ꧀ꦤꦏꦒꦸꦁꦔꦤ꧀ꦠꦼꦩꦼꦤ꧀ꦮꦺꦴꦁ​​ꦲꦶꦏꦶ​ ​꧃ ​​ꦤꦶ​ꦲꦤ꧀ꦗꦼꦱ꧀ꦩꦫ​ꦲꦩꦸꦮꦸꦱ꧀​꧈​ꦲꦁ​ꦏꦺꦴꦃ​ꦠꦼꦩꦼꦤ꧀ꦮꦺꦴꦁ​​ꦥꦸꦤꦶꦏꦶ​꧈​ꦮꦼꦫꦸꦮ​ꦪꦺꦤ꧀ꦩꦏ꧀ꦱꦶꦃ​ꦒꦼꦱꦁ​​꧈​ꦏꦢꦼꦉꦁ​​ꦠꦼꦩꦼꦤ꧀​ꦱꦸꦤ꧀ꦤꦶꦏꦶ​꧈​ꦤꦶ​ꦲꦤ꧀ꦗꦼꦱ꧀ꦩꦫ​ꦠꦸꦩꦼꦁꦔ꧈​ꦱꦁꦔꦤꦺꦴꦩ꧀ꦏꦒꦺꦠ꧀ꦤꦶꦔꦭ꧀ꦭꦶ ​꧃ ​​ꦩꦸꦣꦸꦤ꧀ꦱꦏꦶꦁ​ꦔꦶꦁ​ꦠꦸꦫꦁ​ꦒ꧈ꦫꦃꦲꦢꦺꦤ꧀ꦤꦱꦼꦩꦸ​ꦠꦔꦶꦱ꧀​​ꦱꦏꦭꦁ​ꦏꦸꦁ​​ꦮꦼꦭꦱ꧀ꦱꦶꦫ​꧈​ꦲꦤꦶꦔꦭ꧀ꦭꦶ​ꦲꦶꦁ​ꦏꦁ​​ꦫꦪꦶ꧈​ꦥꦤ꧀ꦱꦂꦮꦶ​ꦢꦺꦤ꧀ꦤꦸꦭꦥꦶ​ [ f.131v ]

​ꦥꦸꦥꦸꦭꦸꦠꦤ꧀ꦢꦸꦏ꧀ꦏꦤꦸꦱꦸꦥ꧀꧈ꦱꦶꦤ꧀ꦗꦁꦔꦺ​ꦠꦶꦁ​​ꦱꦉꦩ꧀ꦥꦭ꧀​​ꦲꦮꦏ꧀ꦏꦗꦸꦂ​ꦏꦼꦤꦁꦔꦼꦫꦶ꧈ꦠꦶꦤꦔꦶꦱꦤ꧀​ꦏꦁ​​ꦫꦪꦶ​ꦏꦶꦤꦸꦱꦾ​ꦏꦸꦱꦾ​ ​꧃ ​ꦤꦶ​ꦲꦤ꧀ꦗꦼꦱ꧀ꦩꦫ​ꦲꦶꦔꦼꦩ꧀ꦧꦤ꧀ꦤꦩꦸꦭꦂ​ꦭꦫ​ꦲꦤꦁꦔꦶꦱ꧀꧈ꦏꦼꦢꦼꦃ​ꦲꦩꦸꦣꦸꦤ꧀ꦤꦶꦁ​​ꦊꦩꦃ꧈ꦭꦃ​ꦗꦼꦤꦠ꧀ꦠꦸꦣꦸꦤ꧀ꦤ​ꦩꦩꦶ꧈ꦱꦸꦏꦸꦂ​ꦭꦩꦺꦴꦤ꧀ꦤꦩꦸꦏ꧀ꦠꦶ꧈ꦤꦸꦁ​ꦒꦁ​​ꦗꦫꦤ꧀ꦩꦁ​ꦒꦸꦠ꧀ꦩꦁ​ꦒꦸꦠ꧀꧈ꦔꦶꦫꦶꦔꦏꦼꦤ꧀ꦧꦺꦴꦪꦺꦴꦁꦔꦤ꧀꧈ꦲꦺꦴꦫ​ꦲꦺꦠꦁ​​ꦩꦫꦶꦁ​​ꦫꦧꦶ꧈ꦱꦺꦭꦺꦃꦲꦼꦤ​ꦩꦤꦶꦫ​ꦲꦶꦏꦶ​ꦮꦺꦴꦁꦁꦔꦥ ​꧃ ​ꦮꦼꦫꦸꦮ​ꦪꦺꦤ꧀ꦩꦏ꧀ꦱꦶ​ꦒꦼꦱꦁ꧈ꦱꦸꦥꦪ​ꦤꦸꦱꦸꦭ꧀ꦭꦩꦩꦶ꧈ꦢꦺꦤꦶꦁ​​ꦮꦂꦠꦤꦺ​ꦮꦸꦱ꧀ꦥꦼꦗꦃ꧈ꦲꦤꦺꦁ​​ꦠꦼꦔꦃꦲꦶꦁ​​ꦔꦗꦸꦫꦶꦠ꧀꧈ꦠꦤ꧀ꦤꦤ​ꦲꦁꦫꦮꦠ꧀ꦠꦶ꧈ꦲꦸꦱꦸꦱ꧀ꦱꦺ​ꦢꦶꦕꦸꦕꦸꦏ꧀ꦩꦤꦸꦏ꧀꧈ꦪꦏ꧀ꦠꦶ​ꦲꦶꦁꦱꦸꦤ꧀ꦠꦤ꧀ꦤ꧀ꦤꦺꦠꦁ꧈ꦭꦧꦼꦠꦺ​ꦠꦽꦱ꧀ꦤ​ꦮꦺꦴꦁ​​ꦭꦏꦶ꧈ꦊꦧꦸꦂ​ꦭꦸꦭꦸꦃ​ꦥꦮꦺ [ f.132r ]

ꦥꦮꦺꦱ꧀ꦠꦿꦶ​ꦩꦁ​ꦱ​ꦲꦤ꧀ꦢꦼꦭ꧀ꦭ ​꧃ ꦊꦒ​ꦫꦱꦤꦺ​ꦏꦁ​ꦩꦤꦃꦲꦶꦁ​ꦱꦸꦤ꧀ꦲꦸꦤ꧀ꦢꦁ​ꦏꦺꦴꦱꦶ​ꦲꦲꦶꦭ꧀꧈ꦧꦪ​ꦲꦺꦩꦤ꧀ꦱꦸꦩꦲꦸꦂꦫ꧈ꦏꦭꦤꦺ​ꦩꦶꦪꦁ​ꦲꦗꦸꦫꦶꦠ꧀꧈ꦲꦶꦁ​ꦱꦸꦤ꧀ꦠꦶꦤꦶꦭꦂ​ꦒꦸꦭꦶꦁ​꧈ꦱꦠꦁꦔꦶꦤꦶꦁ​ꦱꦸꦤ꧀ꦤꦠꦸꦫꦸ꧈ꦲꦤ꧀ꦤꦼꦔꦼꦣ​ꦲꦶꦁ​ꦢꦺꦮ꧈ꦠꦫꦏ꧀ꦧꦿꦠ​ꦱꦸꦤ꧀ꦭꦏꦺꦴꦤꦶ​꧈ꦲꦸꦣꦸꦤ꧀ꦤꦼꦤ​ꦩꦤꦶꦫ​ꦲꦶꦏꦶ​ꦮꦺꦴꦁ​ꦔꦥ ​꧃ ꦲꦒꦺ​ꦲꦸꦝꦸꦤ꧀ꦤꦼꦤ​ꦲꦶꦁꦮꦁ​꧈ꦲꦂꦱ​ꦲꦩꦶꦤ꧀ꦕꦠ꧀ꦠꦶꦲꦼꦫꦶ꧈ꦱꦸꦏꦸꦏꦸ​ꦏꦼꦤꦁ​ꦫꦶ​ꦩꦗ꧈ꦩꦺꦴꦗꦂ​ꦫꦢꦺꦤ꧀ꦢꦩꦂꦱꦱꦶ​꧈ꦲꦶꦪ​ꦤꦶ​ꦲꦼꦩꦱ꧀ꦩꦼꦤ꧀ꦢꦶ​꧈ꦱꦸꦤ꧀ꦕꦠꦺꦴꦤꦺ​ꦫꦢꦺꦤ꧀ꦲꦪꦸ꧈ꦪ​ꦠ​ꦤꦶꦲꦤ꧀ꦗꦼꦱ꧀ꦩꦫ꧈ꦢꦭꦩꦏꦤ꧀ꦤꦺ​ꦏ꧀ꦏꦁꦏꦺꦫꦶ꧈ꦢꦶꦤꦩꦺꦴꦤꦤ꧀​ꦫꦸꦤ꧀ꦠꦸꦃ​ꦲꦼꦫꦶꦤꦺ​ꦱꦼꦁ​ꦱꦔ ​꧃ ꦥꦤꦶꦁ​ꦱꦼꦠ꧀ꦠꦺ​ꦕꦶꦤ꧀ꦝꦺ​ꦏꦼꦩ꧀ꦧꦁ꧈ꦫꦲꦢꦺꦤ꧀ꦢꦶꦥꦸꦤ꧀ꦤꦱꦸꦂꦭ꧀ꦭꦶ꧈ꦱꦁ​ꦔꦪꦸ​ꦮꦸꦱ꧀ꦱꦶꦤꦶꦤ꧀ꦗꦁꦔꦤ꧀꧈ꦩꦸꦁ​ꦔꦶꦏꦶ​ꦮꦺꦴꦲꦺ​ꦮꦏ꧀ꦩꦩꦶ꧈ꦮꦺꦴꦁꦔꦪꦸ​ꦩꦶꦭꦁꦔꦺꦴꦤꦶ​꧈ꦤꦔꦶꦁ​ꦧꦫꦶꦁ​ꦏꦼꦏ꧀ꦏꦭꦁ​ꦏꦸꦁ​꧈ꦤꦸꦭꦶ​ꦲꦒꦼꦭꦶꦱ꧀ꦭꦼꦗꦂ [ f.132v ]​ꦩꦶꦫꦃꦲꦺ​ꦥꦸꦤ꧀ꦢꦩꦂꦱꦱꦶ꧈ꦲꦩꦸꦁ​ꦱꦶꦫ꧈​ꦏꦁ​ꦱꦼꦕ​ꦠꦸꦲꦸ​ꦩꦫꦶꦁꦮꦁ ꧃ ꦱꦏꦛꦃꦲꦶꦁ​ꦥꦸꦠꦿꦶ​ꦠꦮꦤ꧀ꦱꦢꦪ​ꦱꦩꦶ​ꦔꦠꦸꦫꦶ꧈ꦩꦫꦁ​ꦢꦺꦮꦶ​ꦲꦤ꧀ꦗꦼꦱ꧀ꦩꦫ꧈ꦲꦠꦸꦂ​ꦱꦶꦤ꧀ꦗꦁ​ꦧꦸꦱꦤ​ꦢꦶ꧈ꦤꦔꦶꦁ​ꦠ​ꦢꦺꦤ꧀ꦠꦩ꧀ꦥꦤꦶ꧈ꦤꦶꦲꦤ꧀ꦗꦼꦱ꧀ꦩꦫ​ꦲꦩꦸꦮꦸꦱ꧀꧈ꦧꦺꦴꦪ​ꦠꦲꦸ​ꦧꦸꦱꦤ꧈ꦧꦪ​ꦱꦸꦤ꧀ꦥꦭꦲꦸꦂꦩꦠꦶ꧈ꦲꦺꦴꦫ​ꦱꦸꦢꦶ​ꦲꦔꦲꦸꦧ꧀ꦧꦶꦁ​ꦧꦼꦧꦺꦴꦪꦺꦴꦁꦔꦤ꧀ ꧃ ꦩꦺꦴꦗꦂ​ꦫꦢꦺꦤ꧀ꦢꦩꦂꦮꦸꦭꦤ꧀ꦥꦸꦤ꧀ꦏꦏꦁ​ꦲꦠꦝꦃ​ꦫꦸꦤ꧀ꦠꦶꦏ꧀​꧈ꦫꦸꦗꦶꦠꦼꦤ꧀ꦏꦢꦶ​ꦥꦸꦱ꧀ꦥꦶꦠ꧈ꦱꦏꦶꦁ​ꦱꦶꦱꦶꦥ꧀ꦥꦶꦁ​ꦱꦸꦤ꧀​ꦪꦪꦶ꧈ꦤꦔꦶꦁ​ꦢꦺꦤ꧀ꦠꦸꦭꦸꦱ꧀ꦲꦱꦶ꧈ꦩꦶꦫꦃ​ꦲꦶꦁ​ꦱꦸꦤ꧀ꦤꦿꦢꦺꦤ꧀ꦤꦪꦸ꧈ꦪꦺꦤ꧀ꦥꦸꦤ꧀ꦏꦏꦁ​ꦱꦒꦼꦢ꧀ꦢ꧈ꦏꦸꦱꦸꦩ​ꦫꦺꦮꦁꦔꦶꦩꦸꦏ꧀꧈ꦭꦃ​ꦩꦺꦱꦼꦩ꧀ꦩ​ꦱꦸꦤ꧀ꦠꦼꦧꦱ꧀ꦱ​ꦫꦺꦴꦁ​ꦒꦺꦴꦠꦺꦴꦁꦔꦤ꧀ ꧃ ꦲꦪꦸꦤꦶꦫ​ꦏꦢꦶ​ꦉꦠ꧀ꦤ꧈ꦏꦁ​ꦱꦼꦠꦾ​ꦲꦱꦶꦃ​ꦲꦶꦁ​ꦩꦩꦶ꧈ꦩꦶꦫꦃꦲꦺꦥꦸꦤ꧀ꦢꦩꦂꦮꦸꦭꦤ꧀꧈ꦮꦺꦴꦁꦔꦪꦸ​ꦱꦼꦣꦼꦁ​ꦧꦶꦫꦲꦶ꧈ꦥꦤ꧀ꦠꦼꦱ꧀ꦒꦼꦩꦶ​ꦤꦱ꧀ꦠꦶꦠꦶ꧈ꦠꦸꦂꦲꦭꦸꦭ꧀ꦭꦩꦺꦴꦤ꧀ꦤꦸꦤꦸꦫꦸꦠ꧀꧈ꦥꦼꦥꦼꦏ꧀ꦏꦶꦁ​ꦧꦣꦺꦤꦶꦫ꧈ꦏꦁ​ꦔꦱꦶꦃ​ꦲꦶꦁ​ꦔꦮꦏ꧀ꦩꦩꦶ꧈ꦲꦤ꧀ꦗꦼꦱ꧀ꦩꦫ​ꦱꦩ꧀ꦥꦸꦤ꧀ꦩꦉꦩ꧀ꦩꦶꦁꦏꦁ​ꦩꦤꦃ ꧃ ꦏꦶꦱꦧ꧀ꦢꦥꦭꦺꦴꦤ꧀ꦥꦸꦤꦶꦏ꧈ꦗꦮꦶꦭ꧀ꦗꦮꦶꦭ꧀ꦥꦫꦤ꧀ꦚꦲꦶ꧈ꦮꦺꦴꦁ​ꦥꦮꦺꦱ꧀ꦠꦿꦶ​ꦧꦸꦧꦂ​ꦧꦸꦧꦂ꧈ꦤꦪꦒꦺꦁ​ꦒꦺꦴꦁ​ꦩꦸꦮꦸꦱ꧀ꦱꦫꦶꦱ꧀꧈ꦒꦫꦺꦴꦧꦺꦴ​ꦠꦼꦩꦼꦤ꧀ꦤꦶꦏꦶ꧈ꦏꦶ​ꦱꦧ꧀ꦢꦥꦭꦺꦴꦤ꧀ꦥꦸꦩꦲꦸꦂ꧈ꦮꦺꦴꦁ​ꦗꦺꦤ꧀ꦝꦺꦠ꧀ꦏꦭꦸꦮꦶꦲꦤ꧀꧈ꦗꦭꦸꦏ꧀ꦧꦏꦺꦴ​ꦲꦺꦴꦫ​ꦲꦺꦴꦭꦶꦃ [ f.133r ]ꦥꦸꦁ​ꦥꦸꦁ​ꦫꦪꦾꦤ꧀​ꦒꦺꦁ​ꦒꦺꦴꦁ​ꦥꦣ​ꦱꦼꦱꦺꦴꦒꦺꦴꦏ꧀ꦏꦤ꧀​ ​꧃ ꦪ​ꦠ​ꦢꦺꦮꦶ​ꦲꦤ꧀ꦗꦼꦱ꧀ꦩꦫꦲꦶꦁꦔꦸꦁ​ꦒꦃꦲꦏꦼꦤ꧀ꦠꦸꦩꦸꦭꦶ꧈ꦲꦶꦁ​ꦗꦺꦴꦭꦶ​ꦭꦶꦁ​ꦒꦶꦃ​ꦏꦭꦶꦪꦤ꧀​ꦭꦮꦤ꧀ꦤꦿꦢꦺꦤ꧀ꦢꦩꦂꦱꦱꦶ꧈ꦧꦸꦣꦭ꧀ꦏꦁ​ꦧꦭ​ꦔꦶꦫꦶꦁ꧈ꦥꦸꦠꦿꦶꦠꦮꦤ꧀ꦤꦤꦺꦁ​ꦥꦸꦁ​ꦏꦸꦂ꧈ꦱꦏꦛꦃꦲꦺ​ꦮꦺꦴꦁ​ꦮꦺꦠꦤ꧀꧈ꦏꦁ​ꦠꦼꦭꦸꦏ꧀ꦩꦿꦶꦁ​ꦢꦩꦂꦱꦱꦶ꧈ꦲꦒꦼꦧꦒ꧀ꦒꦤ꧀​ꦏꦁ​ꦮꦢꦾ​ꦱꦩꦶ​ꦭꦸꦩꦩ꧀ꦥꦃ​ ​꧃ ꦪ​ꦠꦱꦩ꧀ꦥꦸꦤ꧀ꦥꦣ​ꦧꦸꦧꦂ꧈ꦧꦺꦴꦪꦺꦴꦁꦔꦤ꧀ꦥꦿꦱꦩꦶꦔꦥꦶꦠ꧀꧈ꦱꦏꦛꦲꦺ​ꦮꦺꦴꦁ​ꦧꦁ​ꦮꦺꦠꦤ꧀꧈ꦗꦗꦫꦤꦺ​ꦲꦤꦼꦊꦲꦶ꧈ꦧꦶꦤꦁ​ꦧꦸꦁ​ꦲꦩ꧀ꦥꦺꦭ꧀ꦭꦱꦿꦶ꧈ꦮꦲꦺꦴꦱ꧀ꦥꦺꦴꦤ꧀ꦛꦁ​ꦱꦩꦾ​ꦢꦸꦭꦸꦂ꧈ꦲꦭꦺꦫꦺꦁ​ꦭꦮꦤ꧀ꦥꦺꦴꦤ꧀꧈ꦭꦭꦪꦸ​ꦢꦸꦭꦸꦂ​ꦲꦶꦁ​ꦩꦂꦒꦶ꧈ꦲꦧꦿ​ꦱꦶꦤꦁ​ꦧꦤ꧀ꦢꦺꦫ​ꦲꦮꦂꦤ​ꦮꦂꦤ​ ​꧃ ꦲꦶꦁ​ꦔꦪꦸꦤ꧀ꦥꦸꦠꦿꦶ​ꦕꦁ​ꦕꦁꦔꦤ꧀꧈ꦲꦮꦱ꧀ꦠꦕꦼꦩ꧀ꦥꦏꦮꦠꦶ꧈ꦲꦤꦶꦠꦶꦃ​ꦠꦤ꧀ꦝꦸꦲꦁꦫꦫꦱ꧀꧈ꦲꦱꦩꦶꦫꦤ꧀ꦥꦪꦸꦁ​ꦏꦸꦏ꧀ꦤꦶꦁ꧈ꦥꦸꦠꦿꦶ​ꦧꦭꦶ​ꦤꦺꦁ​ꦮꦸꦫꦶꦲꦤꦶꦠꦶꦃ​ꦗꦺꦴꦭꦶꦲꦥꦠꦸꦠ꧀꧈ꦱꦩꦶꦫꦤ꧀ꦥꦪꦸꦁ​ꦲꦧꦁ​꧈ꦲꦮꦱ꧀ꦠꦕꦩ꧀ꦥꦏꦮꦠꦶ꧈ꦤꦶꦠꦶꦃ​ꦠꦤ꧀ꦝꦸ​ꦱꦁ​ꦥꦸꦠꦿꦶ​ꦲꦶꦁ​ꦥꦿꦧꦭꦶꦁ​ꦒ​ ​꧃ ꦤꦶꦭꦮꦠꦶ​ꦲꦶꦁ​ꦏꦁ​ꦤꦩ꧈ꦲꦱꦩꦶꦫꦤ꧀ꦱꦸꦠꦿ​ꦏꦸꦤꦶꦁ​꧈ꦱꦺꦴꦁ​ꦱꦺꦴꦁ​ꦕꦼꦩꦼꦁ​ꦥꦶꦤꦫꦢ꧈ꦢꦶꦤꦸꦭꦸ​ꦠꦼꦏ​ꦩꦤ꧀ꦠꦼꦱ꧀ꦱꦶ꧈ꦥꦸꦠꦿꦶ​ꦠꦿꦒꦺꦴꦭꦏ꧀ꦮꦶꦁ​ꦏꦶꦁ​꧈ꦫꦱ꧀ꦥꦠꦶ​ꦲꦤꦶꦠꦶꦃ​ꦠꦤ꧀ꦝꦸ꧈ꦱꦩꦶꦫꦤ꧀ꦱꦺꦴꦁ​ꦱꦺꦴꦁ​ꦥꦼꦛꦏ꧀꧈ꦭꦺꦫꦺꦒꦤ꧀ꦩꦤ꧀ꦝꦭꦒꦶꦫꦶ꧈ꦲꦶꦏꦁ​ꦤꦩ​ꦢꦺꦮꦶ​ꦮꦶꦪꦠꦶ​ꦮꦱ꧀ꦠꦤ꧀ꦚ​ ​꧃ ꦥꦸꦠꦿꦶ [ f.133v ]ꦮꦗꦏ꧀ꦏꦤꦺꦁ​ꦮꦸꦤ꧀ꦠꦠ꧀꧈ꦲꦤꦶꦠꦶꦃ​ꦗꦺꦴꦭꦶ​ꦫꦶꦤꦸꦏ꧀ꦩꦶ꧈ꦲꦱꦩꦶꦫꦤ꧀ꦱꦸꦠꦿ​ꦗꦶꦁ​ꦒ꧈ꦱꦺꦴꦁ​ꦱꦺꦴꦁ​ꦲꦶꦗꦺꦴ​ꦢꦶꦥꦸꦤ꧀ꦤꦿꦱ꧀ꦩꦶ꧈ꦲꦶꦁꦥꦗꦫꦏꦤ꧀ꦤꦢꦶ꧈ꦲꦤꦶꦠꦶꦃ​ꦗꦺꦴꦭꦁꦲꦥꦠꦸꦠ꧀꧈ꦱꦩꦶꦫꦤ꧀ꦒꦼꦒꦼꦣꦲꦤ꧀꧈ꦲꦮꦱ꧀ꦠ​ꦲꦩ꧀ꦧꦫꦮꦠꦶ꧈ꦲꦠꦤꦥꦶ​ꦥꦸꦠꦿꦶ​ꦧꦠꦭ꧀ꦥꦣꦺꦴꦩꦱꦤ꧀​ ​꧃ ꦱꦫꦶꦫꦱ​ꦲꦶꦁ​ꦏꦁ​ꦤꦩ꧈ꦱꦶꦂꦤꦫꦱ​ꦏꦁ​ꦮꦼꦮꦔꦶ꧈ꦲꦤꦶꦠꦶꦃ​ꦠꦤ꧀ꦝꦸ​ꦲꦗꦗꦂ꧈ꦲꦱꦩꦶꦫꦤ꧀ꦕꦶꦤ꧀ꦝꦺ​ꦮꦶꦭꦶꦱ꧀꧈ꦏꦶꦤ꧀ꦕꦁ​ꦏꦶꦤ꧀ꦤꦤ꧀ꦝꦁ​ꦲꦶꦏꦶꦲꦤꦶꦠꦶꦃ​ꦗꦺꦴꦭꦶ​ꦲꦥꦠꦸꦠ꧀꧈ꦱꦩꦶꦫꦤ꧀ꦥꦪꦸꦁ​ꦲꦧꦁ꧈ꦢꦶꦤꦸꦭꦸ​ꦠꦼꦏ​ꦩꦤ꧀ꦠꦼꦱ꧀ꦱꦶ꧈ꦲꦮꦸꦫꦲꦤ꧀ꦏꦁ​ꦠꦮꦤ꧀ꦱꦩꦶ​ꦭꦸꦩꦩ꧀ꦥꦃ​ ​꧃ ꦥꦉꦏꦤ꧀ꦱꦩꦶ​ꦭꦸꦩꦩ꧀ꦥꦃꦒꦸꦩꦫꦸꦢꦸꦒ꧀ꦲꦤꦁ​ꦩꦂꦒꦶ꧈ꦱꦩꦶ​ꦠꦸꦠꦸꦣꦸꦁꦱꦭꦺꦤ꧀ꦝꦁ꧈ꦲꦤ​ꦏꦁ​ꦩꦶꦁꦏꦶꦱ꧀ꦏꦸꦭꦩꦶ꧈ꦒꦸꦒꦸꦪꦺꦴꦤ꧀ꦤꦸꦫꦸꦠ꧀ꦩꦂꦒꦶ꧈ꦲꦤ​ꦔꦸꦫꦺ​ꦲꦸꦫꦺ​ꦒꦼꦭꦸꦁ​꧈ꦲꦤ​ꦲꦶꦁ​ꦏꦁ​ꦲꦁꦔꦶꦤꦁ꧈ꦗꦭꦸꦏ꧀ꦗꦶꦤꦭꦸꦏ꧀ꦏꦤ꧀ꦱꦩꦶ꧈ꦏꦁ​ꦏꦼꦔꦺꦭꦤ꧀​ꦥꦫ​ꦤ꧀ꦚꦲꦶ​ꦤꦶꦠꦶꦃꦠꦸꦤ꧀ꦝꦤ꧀​ ​꧃ ꦮꦸꦱ꧀​ꦔꦩ꧀ꦧꦃ​ꦲꦶꦁ​ꦥꦢꦺꦢꦺꦱꦤ꧀꧈ꦲꦏꦛꦃ​ꦲꦶꦁ​ꦏꦁ​ꦤꦶꦔꦭ꧀ꦭꦶ꧈ꦱꦸꦏ꧀ꦧꦸꦔꦃ​ꦏꦁ​ꦠꦸꦩꦶꦔꦭ꧀꧈ꦱꦮꦤꦺꦃ​ꦗꦮꦶꦭ꧀ꦗꦶꦤꦮꦶꦭ꧀꧈ꦲꦤ​ꦲꦶꦁ​ꦏꦁ​ꦧꦼꦧꦶꦱꦶꦏ꧀​ꦱꦮꦤꦺꦃ​ꦲꦤ​ꦲꦩꦸꦮꦸꦱ꧀꧈ꦲꦺꦢꦤꦺ​ꦏꦁꦮꦮꦂꦠ꧈ꦫꦃꦲꦢꦺꦤ꧀ꦤꦶꦁꦔꦫꦤ꧀ꦩꦠꦶ꧈ꦩꦏ꧀ꦱꦶꦃ​ꦧꦤ꧀ꦕꦺꦂ​ꦭꦏꦶꦤꦺ​ꦤꦶ​ꦲꦤ꧀ꦗꦼꦱ꧀ꦩꦫ​ ​꧃ ꦲꦶꦭꦁ​ꦏꦼꦩ꧀ꦧꦁꦔꦶꦁ​ꦤꦒꦫ꧈ꦪꦺꦤ꧀ꦥꦼꦗꦃ​ꦏꦶꦢꦩꦂꦱꦱꦶ꧈ꦧꦸꦱꦼꦏꦤ꧀​ꦮꦺꦴꦁ​ꦩꦗ [ f.134r ]​ꦊ​ꦏ꧈ꦭꦼꦱꦼꦏ꧀ꦗꦼꦗꦼꦭ꧀ꦭꦤꦺꦁ​ꦩꦂꦒꦶ꧈ꦲꦶꦏꦁ​ꦱꦮꦶꦗꦶ​ꦲꦁꦭꦶꦁ​꧈ꦫꦢꦺꦤ꧀ꦤꦼꦩꦱ꧀ꦢꦩꦂꦱꦤ꧀ꦠꦸꦤ꧀꧈ꦢꦺꦤꦶꦁ​ꦮꦂꦠꦤꦺ​ꦥꦼꦗꦃꦩꦼꦁ​ꦏꦺꦴ​ꦥꦿꦥ​ꦧꦺꦴꦪꦺꦴꦁ​ꦥꦸꦠꦿꦶ꧈ꦏꦁ​ꦱꦮꦤꦺꦃ​ꦏꦺꦴꦤ꧀ꦠꦿꦁ​​ꦏꦤ꧀ꦠꦿꦶꦁ​ꦲꦤꦺꦁ​ꦩꦂꦒ ​꧃ ꦥꦠꦶꦁ​ꦧꦊꦢꦿꦺꦒ꧀ꦭꦸꦩꦗꦂ꧈ꦮꦲꦸ​ꦲꦶꦏꦁ​ꦲꦤꦶꦔꦭ꧀ꦭꦶ꧈ꦏꦶꦢꦩꦂꦮꦸꦭꦤ꧀ꦮꦸꦱ꧀ꦥꦿꦥ꧀ꦠ꧈ꦥꦫ​ꦢꦶꦥꦠꦶ​ꦏꦁ​ꦔꦶꦫꦶꦁ​꧈ꦥꦶꦤꦺꦴꦤ꧀ꦝꦺꦴꦏ꧀ꦏꦏꦼꦤ꧀ꦱꦩꦶ꧈ꦲꦶꦁ​ꦢꦊꦩꦺ​ꦥꦫ​ꦧꦏꦸꦭ꧀꧈ꦲꦼꦧꦼꦏ꧀ꦲꦩ꧀ꦧꦺꦂ​ꦧꦭꦧꦂ꧈ꦲꦥꦺꦴꦤ꧀ꦝꦺꦴꦏꦤ꧀ꦥꦫ​ꦩꦤ꧀ꦠꦿꦶ꧈ꦥꦸꦱ꧀​ꦥꦭꦪ​ꦱꦸꦩꦩ꧀ꦥꦶꦂ​ꦭꦮꦤ꧀ꦥꦫꦸꦗꦁ ​꧃ ꦱꦶꦫ​ꦤꦶ​ꦧꦏꦸꦭ꧀ꦥꦫꦢ꧈ꦢꦊꦩ꧀ꦩꦺ​ꦢꦶꦥꦸꦤ꧀ꦉꦱꦶꦏꦶ꧈ꦮꦸꦱ꧀ꦢꦺꦤ꧀ꦥꦼꦥꦗꦁ​ꦲꦥꦺꦭꦒ꧀​ꦏꦥꦺꦴꦤ꧀ꦝꦺꦴꦏꦤ꧀ꦥꦫ​ꦥꦸꦠꦿꦶ꧈ꦤ꧀ꦚꦲꦶ​ꦧꦏꦸꦭ꧀​ꦱꦸꦩꦩ꧀ꦥꦶꦂ꧈ꦥꦼꦥꦗꦁꦔꦤꦺ​ꦧꦿ​ꦩꦸꦫꦸꦧ꧀꧈ꦤ꧀ꦚꦲꦶ​ꦧꦏꦸꦭ꧀ꦥꦫꦸꦗꦁ​꧈ꦢꦊꦩ꧀ꦩꦺ​ꦭꦶꦂ​ꦱꦾꦂꦒ​ꦔꦭꦶꦃ꧈ꦥꦫ​ꦥꦸꦠꦿꦶ​ꦱꦢꦪ​ꦮꦸꦱ꧀ꦩꦱꦁ​ꦒꦿꦲꦤ꧀ ​꧃ ꦥꦠꦶꦃ​ꦭꦺꦴꦒꦼꦤ꧀ꦢꦺꦂ​ꦥꦸꦤꦶꦏ꧈ꦥꦶꦤꦉꦏ꧀ꦏꦶꦁ​ꦥꦤ꧀ꦕꦤꦶꦠꦶ꧈ꦏꦾꦤ​ꦥꦠꦶꦃ​ꦱꦼꦩꦸ​ꦩꦺꦫꦁ​꧈ꦥꦸꦠꦿ​ꦏꦭꦶꦃ​ꦢꦺꦤ꧀ꦥꦲꦺꦱ꧀ꦱꦶ꧈ꦲꦫꦲꦺ​ꦏꦶ​ꦪꦥꦠꦶꦃ꧈ꦤꦢꦾꦤ꧀ꦱꦶ​ꦤ꧀ꦚꦤ꧀ꦝꦔ​ꦥꦢꦸ꧈ꦭꦮꦤ꧀ꦏꦶ​ꦢꦩꦂꦮꦸꦭꦤ꧀​ꦏꦫꦲꦺꦴꦱ꧀​ꦪꦺꦤ꧀ꦩꦼꦤꦁ​ꦲꦸꦤꦶ꧈ꦏꦮꦂꦤꦲ​ꦮꦲꦸ​ꦱꦁ​ꦥꦿꦧꦸ​ꦮꦤꦺꦴꦢꦾ ​꧃ ꦏꦁ​ꦭꦒꦶ​ꦩꦸꦗꦸꦁ​ꦲꦤꦺꦤ꧀ꦢꦿꦏꦭꦁ​ꦏꦸꦁ​ꦢꦺꦤ꧀ꦚ​ꦥꦿꦶꦪꦠꦶꦤ꧀꧈ꦥꦸꦠꦼꦏꦤ꧀ꦧꦢꦿ​ꦲꦺꦫꦮꦤ꧀ꦢꦺꦤꦶꦁ​ꦫꦢꦺꦤ꧀ꦢꦩꦂꦱꦱꦶ꧈ [ f.134v ]

꧃ꦏꦮꦂꦠꦲꦁꦔꦼꦩ꧀ꦩꦱ꧀ꦱꦶꦏꦤꦶꦲꦪꦤꦺꦢꦺꦮꦒꦸꦁ꧈ꦲꦶꦪꦏꦁꦔꦱꦸꦁꦱꦾꦫ꧈ꦧꦱꦤꦺꦏꦶꦢꦩꦂꦱꦱꦶ꧈ꦧꦁꦏꦠ꧀ꦏꦂꦪ꧈ꦲꦩꦠꦺꦤꦶꦩꦺꦤꦏ꧀ꦗꦶꦁꦒ ꧃ꦢꦸꦫꦸꦁꦩꦸꦏ꧀ꦠꦶꦲꦮꦶꦧꦮꦲꦤꦺꦁꦏꦶꦛꦩꦗꦥꦲꦶꦠ꧀​ꦏꦶꦥꦁꦔꦤ꧀ꦠꦺꦤ꧀ꦢꦩꦂꦮꦸꦭꦤ꧀​ꦠꦼꦏꦥꦸꦮꦫꦔꦼꦩꦱ꧀ꦱꦶ꧈ꦲꦺꦴꦫꦤ꧀ꦚꦤꦲꦁꦔꦶꦩ꧀ꦥꦶꦏꦶꦥꦼꦁꦔꦤ꧀ꦢꦩꦂꦱꦤ꧀ꦠꦸꦤ꧀​ꦭꦪꦏ꧀ꦧꦁꦏꦠꦏꦂꦪꦢꦺꦤꦶꦁꦠꦼꦏꦤꦶꦤꦶꦮꦱ꧀ꦱꦶ꧈ꦥꦿꦧꦸꦏꦼꦤ꧀ꦚ꧈ꦤꦶꦧꦠꦁꦔꦶꦏꦫꦸꦁꦫꦸꦁꦔꦤ꧀ ꧃ꦥꦤ꧀ꦠꦼꦱ꧀ꦱꦺꦱꦶꦲꦤ꧀ꦗꦼꦱ꧀ꦩꦫꦲꦤꦼꦩ꧀ꦥꦸꦃꦲꦏꦼꦤ꧀ꦤꦶꦁꦩꦩꦶ꧈ꦲꦥꦲꦶꦱꦸꦤ꧀ꦭꦶꦫꦺꦴꦏ꧀ꦏꦼꦤ꧀ꦤ꧈ꦥꦲꦺꦧꦼꦧꦼꦛꦸꦠ꧀ꦭꦤ꧀ꦏꦶꦱꦶ꧈ꦒꦩ꧀ꦥꦁꦲꦁꦭꦶꦭꦶꦫꦺꦴꦤꦶ꧈ꦩꦼꦁꦒꦼꦃꦏꦠꦼꦥꦸꦮꦤ꧀ꦏꦏꦸꦁ꧈ꦲꦥꦱꦸꦤ꧀ꦤꦶꦭꦺꦏ꧀ꦏꦼꦤ꧀ꦤ꧈ꦲꦺꦮꦸꦃꦠꦼꦩꦼꦤ꧀ꦤꦶꦁꦏꦁꦔꦠꦶ꧈ꦥꦿꦧꦸꦏꦼꦤ꧀ꦚꦩꦺꦴꦁꦒꦺꦴꦩꦺꦴꦁ [ f.135r ]​ꦒꦺꦴꦊꦁ​ꦊꦁ​​ꦧꦿꦁ​ꦠ ​꧃ ꦤꦭꦤꦺ​ꦮꦣꦏ꧀ꦮꦶꦣꦶꦏꦤ꧀ꦲꦥꦤ꧀ꦱꦂꦮꦶ​ꦱꦼꦤꦶꦒ꧀ꦱꦼꦤꦶꦒ꧀

Cithakan:Gambar kurang

ꦩꦶꦕꦫ​ꦗꦿꦺꦴꦤꦶꦁ​ꦤꦭ꧀ꦭꦪꦺꦤ꧀ꦤꦶꦁ​ꦱꦸꦤ꧀ꦱꦶꦢ​ꦲꦭꦏꦶ꧈ꦭꦮꦤ꧀ꦭꦪꦁ​ꦏꦸꦩꦶꦠꦶꦂ꧈ꦢꦢꦶ​ꦗꦩꦤ꧀ꦤꦺ​ꦫ​ꦲꦺꦫꦸ꧈ꦩꦶꦮꦃ​ꦏꦶ​ꦭꦪꦁ​ꦱꦺꦠꦿ꧈ꦪꦺꦤ꧀ꦢꦢꦶꦪ​ꦭꦏꦶ​ꦩꦩꦶ꧈ꦲꦺꦴꦫ​ꦏꦼꦂꦠ​ꦤꦒꦫ​ꦲꦶꦁꦮꦶꦭꦠꦶꦏ꧀ꦠ ​꧃ ꦲꦁꦔꦤ꧀ꦢꦶꦏ​ꦥꦿꦧꦸ​ꦏꦼꦤ꧀ꦚꦪꦪꦶ​ꦱꦶꦫ​ꦱꦸꦤ꧀ꦠꦏꦺꦴꦤ꧀ꦤꦶ꧈ꦏꦁ​ꦩꦠꦺꦤ꧀ꦤꦶꦩꦺꦤꦏ꧀ꦗꦶꦁ​ꦒ꧈ꦱꦠꦼꦩꦼꦤ꧀ꦠꦼꦩꦼꦤ꧀ꦤꦺ​ꦪꦪꦶ꧈ꦩꦠꦸꦫ​ꦢꦶꦱꦪꦏ꧀ꦠꦶ꧈ꦢꦺꦮꦶ​ꦮꦲꦶꦠ​ꦲꦸꦩꦠꦸꦂ꧈ꦲꦶꦁ​ꦒꦶꦃ​ꦲꦶꦏꦁ​ꦲꦤꦶꦒꦱ꧀​ꦪꦏ꧀ꦠꦺꦴꦱ꧀ꦱꦿꦫꦢꦺꦤ꧀ꦢꦩꦂꦱꦱꦶ꧈ꦩꦺꦤꦏ꧀ꦗꦶꦁ​ꦒ꧈​ꦥꦼꦗꦲꦶꦥꦸꦤ꧀ꦥꦼꦱꦁꦒꦿꦲꦤ꧀ ​꧃ ꦠꦠꦸꦤ꧀ꦤꦺ​ꦏꦶ​ꦩꦺꦤꦏ꧀ꦗꦶꦁ​ꦒ꧈ꦲꦶꦁꦒꦶꦃ​ꦱꦭꦸꦲꦸꦫꦶꦁ​ꦏꦸꦥꦶꦁ​꧈ꦥꦶꦭꦶꦔꦤ꧀ꦤꦺ​ꦲꦶꦏꦁ​ꦏꦶꦮ꧈꧀ꦒꦶꦒꦶꦤꦶꦠꦶꦏ꧀ꦩꦿꦶꦁ​ꦢꦩꦂꦱꦱꦶ꧈ꦥꦠꦶꦤꦺ​ꦠꦼꦔꦃ​ꦮꦼꦔꦶ꧈ꦧꦭꦤꦺ​ꦠꦤ꧀ꦤꦤ​ꦮꦼꦫꦸꦃ​ [ f.135v ]

ꦭꦶꦂ​ꦥꦏ꧀ꦱꦶ​ꦲꦤ꧀ꦢꦺꦴꦤ꧀ꦮꦺꦴꦲꦤ꧀꧈ꦲꦠꦸꦫꦺ​ꦱꦁ​ꦥꦸꦠꦿꦶ​ꦏꦭꦶꦃ꧈ꦥꦤ꧀ꦏꦱꦫꦸ​ꦣꦠꦼꦁꦔꦺ​ꦤꦶꦲꦤ꧀ꦗꦼꦱ꧀ꦩꦫ ꧃ ꦱꦩ꧀ꦥꦸꦤ꧀ꦩꦤ꧀ꦗꦶꦁ​ꦢꦊꦩ꧀ꦥꦸꦫꦶꦱꦶꦫ​ꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦲꦔꦠꦸꦫꦏꦼꦤ꧀ꦠꦮꦤꦺ꧈ꦏꦭꦮꦤ꧀ꦏꦁ​ꦫꦗꦧꦿꦤ꧈ꦱꦩ꧀ꦥꦸꦤ꧀ꦏꦠꦸꦂ​ꦱꦢꦪ​​꧈ꦮꦲꦸ​ꦫꦢꦺꦤ꧀ꦢꦩꦂꦱꦤ꧀ꦠꦸꦤ꧀​ꦥꦶꦤ꧀ꦤꦉꦏ꧀ꦏꦶꦁ​ꦥꦤꦁ​ꦏꦶꦭꦤ꧀ ꧃ ꦱꦶꦤꦺꦧ​ꦲꦶꦁ​ꦧꦭ​ꦱꦩꦶ꧈ꦠꦼꦠꦼꦭꦸꦏꦤ꧀ꦱꦏꦶꦁ​ꦮꦺꦠꦤ꧀꧈ꦧꦺꦴꦥꦠꦶ​ꦭꦤ꧀ꦱꦩꦤ꧀ꦠꦿꦶꦤꦺ꧈ꦲꦤ​ꦭꦶꦁ​ꦒꦶꦃ​ꦱꦧꦿꦒꦣ꧈ꦥꦸꦠꦿ​ꦏꦭꦶꦃ​ꦲꦶꦁ​ꦠꦸꦧꦤ꧀​ꦱꦶꦤꦺꦧ​ꦲꦶꦁ​ꦩꦤ꧀ꦠꦿꦶꦤꦶꦥꦸꦤ꧀​​ꦫꦢꦺ​ꦤ꧀ꦮꦠꦁꦔꦤ꧀ꦧꦸꦤ꧀ꦠꦫꦤ꧀ ꧃ ꦩꦶꦮꦃ​ꦩꦤ꧀ꦠꦿꦶ​ꦩꦗꦥꦲꦶꦠ꧀​ꦥꦫ​ꦲꦼꦩ꧀ꦥꦸ​ꦭꦤ꧀ꦮꦭꦤ꧀ꦢꦁ​꧈ꦮꦺꦴꦁ​ꦥꦂꦢꦶꦏꦤ꧀ꦥꦼꦥꦼꦏ꧀ꦏꦧꦺꦃ꧈ꦥꦶꦤꦶꦱꦼꦥꦸꦃ​ꦭꦤ꧀ꦗꦗ​ꦒꦤ꧀​ꦫ​ꦩꦺ​ꦱꦩꦶꦫꦫꦱꦤ꧀ [ f.136r ]

ꦢꦺꦤꦶꦁ​ꦮꦂꦠꦤꦺ​ꦮꦸꦱ꧀ꦭꦩ꧀ꦥꦸꦱ꧀​ꦠꦼꦩꦲꦤ꧀ꦤꦺꦴꦭꦶꦃꦧꦺꦴꦪꦺꦴꦔꦤ꧀ ꧃ ꦏꦁ​ꦭꦒꦾ​ꦲꦤꦁ​ꦔꦶ​ꦥꦸꦫꦶꦱꦶꦫ​ꦢꦺꦮꦶ​ꦲꦤ꧀ꦗꦼꦱ꧀ꦩꦫ꧈ꦲꦭꦺꦴꦤ꧀ꦩꦠꦸꦂ​ꦲꦶꦁ​ꦱꦁ​ꦏꦠꦺꦴꦁ​꧈ꦥꦼꦗꦃꦲꦶꦥꦸꦤ꧀ꦩꦺꦤꦏ꧀ꦗꦶꦁ​ꦒ꧈ꦏꦮꦸꦭ​ꦤꦸꦲꦸꦤ꧀ꦥꦿꦶꦏ꧀ꦱ꧈ꦲꦥꦤ꧀ꦥꦠꦶꦤꦺ​ꦥꦸꦤꦶꦏꦸ꧈ꦲꦁꦔꦤ꧀ꦢꦶꦏ​ꦥꦿꦧꦸ​ꦏꦼꦤ꧀ꦚ ꧃ ꦥꦤ꧀ꦤꦤ​ꦲꦸꦗꦂꦏꦸꦣꦶꦔꦶꦤ꧀ꦏꦁ​ꦩꦠꦺꦤꦶ​ꦩꦺꦤꦏ꧀ꦗꦶꦁ​ꦒ꧈ꦕꦺꦏꦺꦭꦤ꧀ꦭꦺꦴꦁꦔꦤ꧀ꦤꦶꦁ​ꦧꦭꦺ꧈ꦩꦶꦮꦃ​ꦮꦺꦴꦁꦏꦸꦩ꧀ꦧꦃ​ꦏꦫꦏꦃꦲꦱꦭ꧀ꦲꦩ꧀ꦧꦏꦠ꧀ꦏꦂꦪ꧈ꦲꦤꦺꦴꦩ꧀ꦱꦸꦤ꧀ꦤꦏꦸꦱꦢꦸꦭꦸꦂ꧈ꦪꦺꦤ꧀ꦠꦸꦮ​ꦱꦸꦤ꧀ꦤꦏꦸ​ꦧꦥ ꧃ ꦲꦁꦔꦤ꧀ꦢꦶꦏ​ꦥꦿꦧꦸꦲꦺꦱ꧀ꦠꦿꦶ꧈ꦥꦢ꧀ꦩꦶꦤꦺ​ꦱꦶ​ꦩꦺꦤꦏ꧀ꦗꦶꦁ​ꦒ꧈ꦲꦶꦪ​ꦱꦥꦠꦏꦱꦶꦪꦺ꧈ꦲꦸꦩꦠꦸꦂ​ꦤꦶꦲꦤ꧀ꦗꦼꦱ꧀ꦩꦫ꧈ꦲꦫꦤ꧀ꦉꦠ꧀ꦤ​ꦕꦼꦩ꧀ꦥꦏ꧈ꦉꦠ꧀ꦤ​ꦏꦼꦤꦁꦔ​ꦥꦁ​ꦒꦸꦭꦸ꧈ꦉꦠ꧀ꦤ​ꦮꦿꦠ꧀ꦱꦫꦶ​ꦥꦩꦼꦏ꧀ꦏꦱ꧀ ꧃ ꦭꦤ꧀ꦩ [ f.136v ]ꦭꦶꦪꦺꦤꦶ​ꦮꦶꦪꦠꦶ꧈ꦏꦭꦶꦲꦤ꧀ꦉꦠ꧀ꦤ​ꦕꦤ꧀ꦢꦿꦱ꧈ꦤꦶꦭꦮꦠꦶꦏꦼꦏꦱꦶꦲꦺ꧈ꦏꦤꦏꦮꦠꦶ​ꦥꦸꦤꦶꦏ꧈ꦱꦩꦶ​ꦲꦪꦸ​ꦲꦸꦠꦩ꧈ꦩꦺꦤꦏ꧀ꦗꦶꦁ​ꦒ​ꦒꦂꦮꦤꦶꦥꦸꦤ꧀꧈ꦥꦸꦤꦶꦏ​ꦒꦸꦱ꧀ꦠꦶ​ꦏꦠꦸꦂꦫ ꧃ ꦱꦢꦪ​ꦢꦶꦥꦸꦤ꧀ꦠꦏꦺꦤꦶ꧈ꦩꦫꦁ​ꦱꦁ​ꦥꦿꦧꦸ​ꦮꦤꦺꦴꦢꦾ꧈ꦥꦫ​ꦥꦸꦠꦿꦶ​ꦩꦠꦸꦂ​ꦏꦧꦺꦃꦲꦶꦁ​ꦒꦶꦃ​ꦫꦢꦺꦤ꧀ꦢꦩꦂꦮꦸꦭꦤ꧀꧈ꦏꦁ​ꦤꦶꦒꦱ꧀ꦩꦺꦤꦏ꧀ꦗꦶꦁ​ꦒ꧈ꦲꦶꦁ​ꦒꦶꦃ​ꦒꦸꦱ꧀ꦠꦶ​ꦠꦠꦸꦤꦶꦥꦸꦤ꧀꧈ꦥꦶꦥꦶꦭꦶꦁꦔꦤꦺ​ꦏꦁ​ꦏꦶꦮ ꧃ ꦲꦁꦔꦤ꧀ꦢꦶꦏ​ꦥꦿꦧꦸ​ꦲꦶꦱ꧀ꦠꦿꦶꦲꦸꦗꦂ​ꦲꦶꦁ​ꦱꦸꦤ꧀ꦝꦶꦔꦶꦤ꧀ꦤꦥ꧈ꦲꦶꦫ​ꦭꦶꦤ꧀ꦚꦺꦴ​ꦲꦸꦗꦂ​ꦲꦶꦔꦺꦴꦁ​꧈ꦪꦺꦤ꧀ꦤꦤꦏ꧀ꦏꦺꦥ꧀ꦧ​ꦥꦠꦾꦃꦏꦫꦺꦴ​ꦥꦣ​ꦗꦸꦂꦗꦤ꧈ꦥꦣ​ꦧꦶꦱ​ꦔꦏꦸ​ꦲꦏꦸ꧈ꦏꦫꦺꦴꦤꦺ​ꦮꦺꦴꦁ​ꦥꦣ​ꦕꦶꦢꦿ ꧃ ꦥꦿꦧꦸ​ꦏꦼꦤ꧀ꦚ​ꦔꦤ꧀ꦢꦶꦏ​ꦫꦶꦱ꧀​ꦧꦶꦪꦁꦔꦶꦤ꧀ꦚ​ꦠꦶꦩ꧀ꦧꦭ꧀ꦭ꧀ꦭ꧀ꦭꦤ꧈ꦧꦥ​ꦥꦠꦶꦃ​ꦢꦶꦥꦸꦤ꧀ꦤꦒꦺ꧈ꦢꦶ​ꦲꦶꦤ꧀ꦚ​ꦩꦼꦢꦭ꧀ꦭꦶꦁꦗꦧꦏꦶ​ꦥꦠꦶꦃ​ꦠꦶꦤꦶꦩ꧀ꦧꦭꦤ꧀​ꦱꦶꦫꦲꦼꦩ꧀ꦧꦤ꧀ꦱꦼꦥꦼꦠ꧀ꦩꦢꦸ꧈ꦏꦶ​ꦥꦠꦶꦃ​ꦮꦸꦱ꧀ꦩꦸꦁ​ꦒꦺꦁ​ꦔꦂꦱ ꧃ ꦲꦔꦤ꧀ꦢꦶꦏ​ꦥꦿꦧꦸꦲꦺꦱ꧀ꦠꦿꦶ꧈ꦧꦥ​ꦥꦠꦶꦃ​ꦱꦸꦤ꧀ꦤꦠꦤ꧀ꦚꦲꦮꦕꦲ​ꦱꦧꦼꦤꦼꦫꦺ꧈ꦲꦸꦩꦠꦸꦂ​ꦏꦶꦤꦪꦤ​ꦥꦠꦾꦃꦲꦶꦒꦶꦃ​ꦲꦤꦏ꧀ꦏꦮꦸꦭ꧈ꦮꦺꦴꦁ​ꦏꦏꦭꦶꦃ​ꦱꦉꦁ​ꦤꦸꦢꦸꦏ꧀​ꦩꦶꦭꦩꦺꦤꦏ꧀ꦗꦶꦁ​ꦒ​ꦥꦼꦗꦃ ꧃ ꦲꦶꦁ​ꦒꦶꦃ​ꦥꦸꦤ꧀ꦭꦪꦁ​ꦏꦸꦩꦶꦠꦶꦂꦏꦭꦮꦤ꧀ꦥꦸꦤ꧀ꦭꦪꦁ​ꦱꦺꦠꦿ꧈ꦱꦩꦶ​ꦒꦶꦤꦺꦴꦕꦺꦴ​ꦮꦺꦴꦁ​ꦫꦺꦴ꧈ꦥꦸꦤ꧀ꦩꦺꦤꦏ꧀ꦗꦶꦁ​ꦒ​ꦲꦤꦶꦧ꧈ꦲꦤꦸꦭꦶ​ꦢꦶꦥꦸꦤ꧀ꦠꦶꦒꦱ꧀​ꦩꦺꦱꦼꦩ꧀ [ f.137r ]ꦱꦼꦭꦶꦂ​ꦥꦫ​ꦲꦫꦸꦩ꧀꧈ꦲꦁꦔꦤ꧀ꦢꦶꦏ​ꦥꦿꦧꦸ​ꦏꦼꦤ꧀ꦚ ꧃ ꦲꦸꦗꦂ​ꦮꦂꦠꦶꦤꦺ​ꦮꦺꦴꦁ​ꦗꦮꦶ꧈ꦩꦱꦼꦮꦸꦂ​ꦪꦺꦤ꧀ꦢꦩꦂꦮꦸꦭꦤ꧀​ꦤꦶꦲꦤ꧀ꦗꦼꦱ꧀ꦩꦫ​ꦲꦠꦸꦫꦺ꧈ꦥꦤ꧀ꦭꦏꦶꦤꦺꦲꦤ꧀ꦗꦼꦱ꧀ꦩꦫ꧈ꦲꦶꦪ​ꦏꦁ​ꦲꦺꦴꦭꦶꦃ​ꦏꦂꦪ꧈ꦲꦶꦏꦸ​ꦮꦂꦠꦶꦤꦺ​ꦩꦶꦱꦼꦮꦸꦂ꧈ꦧꦭꦤꦺ​ꦲꦺꦴꦫ​ꦲꦸꦤꦶꦁꦔ ꧃ ꦤꦶ​ꦲꦤ꧀ꦗꦼꦱ꧀ꦩꦫ​ꦤꦲꦸꦫꦶ꧈ꦱꦶ​ꦧꦥ​ꦏꦶꦫꦁ​ꦥꦫꦶꦏ꧀ꦱ꧈ꦲꦺꦴꦫ​ꦔꦁ​ꦒꦺꦴ​ꦱꦧꦼꦤꦼꦫꦺꦲꦠ꧀ꦩꦗꦤꦺ​ꦥꦣ​ꦕꦶꦢꦿ꧈ꦥꦫꦤ꧀ꦢꦺꦤꦺ​ꦢꦶꦒꦼꦒ꧈ꦲꦁꦔꦤ꧀ꦢꦶꦏ​ꦱꦁꦔꦥꦿꦧꦸ꧈ꦪꦺꦤ꧀ꦩꦁ​ꦏꦺꦴꦤꦺꦴꦲꦤ꧀ꦗꦼꦱ꧀ꦩꦫ ꧃ ꦲꦶꦁ​ꦱꦸꦤ꧀ꦤꦢꦸ​ꦲꦥꦿꦁ​ꦠꦤ꧀ꦝꦶꦁ​​​ꦭꦃ​ꦠꦫꦶꦤꦼꦤ꧀ꦭꦏꦶꦤꦶꦫ꧈ꦮꦤꦶꦏꦶꦤꦫꦸꦧꦸꦠ꧀ꦠꦺꦴꦫꦺꦴ꧈ꦥꦁꦔꦏꦸꦤꦺ​ꦭꦪꦁ​ꦱꦺꦠꦿ꧈ꦩꦠꦺꦤꦶꦩꦺꦤꦏ꧀ꦗꦶꦁ​ꦒ꧈ꦧꦥ​ꦥꦠꦶꦃ​ꦢꦺꦤ꧀ꦤꦒꦸꦥꦸꦃ꧈ꦠꦫꦶꦤꦼꦤ꧀ꦤꦠ꧀ꦩꦗꦤꦶꦫ ꧃ ꦏꦶ​ꦪꦥꦠꦶꦃ​ꦱꦩ꧀ꦥꦸꦤ꧀ꦩꦶꦗꦶꦭ꧀꧈​ꦮꦲꦸ​ꦣꦠꦼꦁ​ꦢꦊꦩ꧀ꦥꦸꦫ꧈ꦲꦤꦏ꧀ꦏꦺ​ꦢꦺꦤ꧀ꦠꦫꦶ​ꦏꦫꦺꦴꦱꦩꦶ​ꦲꦱꦁ​ꦒꦸꦥ꧀ꦏꦁ​ꦥꦸꦠꦿ꧈ꦮꦃꦤꦶꦲꦥꦿꦁ​ꦠꦤ꧀ꦝꦶꦁꦔꦤ꧀​ꦢꦺꦮꦶꦲꦤ꧀ꦗꦼꦱ꧀ꦩꦫ​ꦫꦮꦸꦃ꧈ꦲꦤꦫꦶꦣꦠꦼꦁ​ꦏꦁꦥꦿꦶꦪ ꧃ ꦢꦺꦮꦶꦲꦤ꧀ꦗꦼꦱ꧀ꦩꦫ​ꦲꦁꦭꦶꦁ꧈ꦭꦃ​ꦏꦏꦁ​ꦲꦠꦸꦂ​ꦏꦮꦸꦭ꧈​ꦮꦺꦴꦁ​ꦧꦒꦸꦱ꧀ꦏꦮꦸꦭ​ꦠꦫꦺꦴꦱ꧀​ꦥꦸꦤꦥ​ꦢꦶꦏ​ꦮꦤꦶꦪ꧈ꦲꦶꦁꦔꦢꦸ​ꦥꦿꦁ​ꦠꦤ꧀ꦝꦶꦁꦔꦤ꧀​ꦭꦮꦤ​ꦏꦂꦱꦤꦺ​ꦱꦁ​ꦥꦿꦧꦸ꧈ꦲꦩꦸꦱꦸꦃ​ꦏꦶ​ꦭꦪꦁ​ꦱꦺꦠꦿ ꧃ ꦏꦭꦶꦃ​ꦏꦁ​ꦭꦪꦁ​ꦏꦸꦩꦶꦠꦶꦂ꧈ꦲꦶꦏꦸ​ꦠꦶꦩ꧀ꦧꦭꦤ꧀ꦤꦶ​ꦤꦠ꧈ꦢꦶꦏ​꧈ꦏꦶꦤꦫꦸꦧꦸꦠ꧀ [ f.137v ]ꦫꦺꦴꦫꦺꦴ꧈ꦥꦁꦔꦏꦸꦤꦺ​ꦭꦪꦁ​ꦱꦺꦠꦿ꧈ꦩꦠꦺꦤꦶ​ꦩꦺꦤꦏ꧀ꦗꦶꦁ​ꦒ꧈ꦏꦶ​ꦢꦩꦂꦮꦸꦭꦤ꧀ꦒꦸꦩꦸꦪꦸ꧈ꦲꦭꦺꦴꦤ꧀ꦩꦶꦗꦶꦭ꧀ꦭꦶꦁ​ꦮꦕꦤ ꧃ ꦱꦸꦏꦸꦂꦮꦶꦧꦮ​ꦲꦩꦸꦏ꧀ꦠꦶꦲꦤꦺꦁ​ꦤꦒꦿꦶ​ꦩꦗꦊꦁ​ꦏ꧈ꦥꦣ​ꦲꦁꦔꦲꦸꦧ꧀ꦧꦶꦁꦔꦶꦥꦺ꧈ꦱꦶꦱꦶꦤꦲꦸ​ꦩꦤꦏꦮꦤ꧀ꦩꦤꦮꦶ​ꦏꦊꦫꦼꦱꦤ꧀​ꦲꦤ꧀ꦗꦼꦱ꧀ꦩꦫ​ꦗꦶꦮꦼꦭ꧀ꦥꦸꦥꦸ꧈ꦥꦤ꧀ꦱꦂꦮꦶ​ꦱꦶꦫ​ꦲꦁꦔꦸꦕꦥ꧀ ꧃ ꦪꦺꦤ꧀ꦭꦪꦁ​ꦏꦸꦩꦶꦠꦶꦂ​ꦩꦸꦏ꧀ꦠꦶ꧈ꦲꦠꦤ꧀ꦤꦥꦶ​ꦭꦪꦁ​ꦱꦺꦠꦿ꧈ꦥꦱ꧀ꦛꦶ​ꦢꦶꦏ​ꦲꦗꦸꦂ​ꦲꦩꦺꦴꦃ꧈ꦠꦸꦂ​ꦩꦁ​ꦱ​ꦢꦶꦪꦸꦫꦶꦥ꧀ꦥꦤ꧈ꦥꦱ꧀ꦛꦶ​ꦢꦶꦏ​ꦥꦭꦱ꧀ꦠꦿ꧈ꦲꦥꦤ꧀ꦒꦼꦛꦶꦁ​ꦤꦤ꧀ꦝꦼꦱ꧀ꦧꦭꦸꦁ​꧈ꦲꦢꦂꦧꦺ​ꦲꦶꦥꦺ​ꦥꦤ꧀ꦢꦸꦏ ꧃ ꦢꦺꦮꦶ​ꦲꦤ꧀ꦗꦼꦱ꧀ꦩꦫ​ꦲꦭꦶꦁ​꧈ꦭꦃ​ꦏꦏꦁ​ꦲꦠꦸꦂ​ꦏꦮꦸꦭ꧈ꦮꦺꦴꦁ​ꦔꦸꦫꦶꦥ꧀ꦱꦫꦺꦲꦶ​ꦧꦲꦺ꧈ꦱꦥꦧꦼꦕꦶꦏ꧀ꦧꦶꦤꦼꦕꦶꦏꦤ꧀​ꦮꦺꦴꦁꦔꦭ​ꦲꦶꦔꦭꦤꦤ꧀꧈ꦱꦤꦢꦾꦤ꧀ꦤꦶꦥꦺ​ꦱꦢꦸꦭꦸꦂ꧈ꦮꦺꦴꦁꦔꦭ​ꦒꦶꦤꦮꦺ​ꦲꦥ ꧃ ꦱꦧ꧀ꦢꦥꦭꦺꦴꦤ꧀ꦤꦤꦲꦸꦫꦶꦪꦺꦤ꧀ꦤꦤ꧀ꦢꦶꦏ​ꦮꦼꦢꦶ​ꦲꦥꦿꦁ​ꦮꦼꦢꦶꦏꦶꦤꦫꦸꦧꦸꦠ꧀ꦠꦿꦺꦴꦫꦺꦴ꧈ꦠꦸꦂ​ꦏꦸꦭ​ꦩꦁ​ꦱ​ꦲꦗꦼꦔ꧈ꦔꦏꦸ​ꦒꦸꦱ꧀ꦠꦶ​ꦩꦿꦶꦁ​ꦢꦶꦏ꧈ꦪꦺꦤ꧀ꦮꦼꦢꦶ​ꦲꦥꦿꦁ​ꦲꦥꦸꦥꦸꦃ꧈ꦩꦏ꧀ꦱꦶꦃ​ꦲꦮꦿꦠ꧀ꦩꦺꦤꦏ꧀ꦗꦶꦁ​ꦒ ꧃ ꦏꦶ​ꦢꦩꦂꦮꦸꦭꦤ꧀ꦱꦶꦫ​ꦭꦶꦁ​꧈ꦩꦱ꧀ꦱꦪꦸ​ꦱꦶꦫ​ꦩꦠꦸꦂꦫ꧈ꦩꦫꦁ​ꦏꦸꦱꦸꦩꦤꦶꦁ​ꦱꦶꦤꦺꦴꦩ꧀​ꦭꦩꦸꦤ꧀ꦤꦶꦁ​ꦱꦭ꧀ꦭ​ꦥꦁꦔꦗ꧈ꦱꦩ [ f.138r ]ꦥꦸꦤ꧀ꦩꦼꦁꦒꦃꦥꦸꦤꦶꦏ꧈ꦤꦢꦾꦤ꧀ꦤꦿꦸꦥꦲꦫꦺꦴꦁꦔꦠꦸꦱ꧀​ꦏꦮꦸꦭꦩꦁꦱꦮꦼꦢꦶꦪ ꧃ꦱꦶꦫꦩꦠꦸꦫꦠꦸꦩꦸꦭꦶ꧈ꦣꦸꦩꦠꦼꦁꦱꦁꦥꦿꦧꦸꦏꦼꦤ꧀ꦚ꧈ꦲꦶꦁꦒꦶꦃꦲꦶꦁꦱꦥꦫꦺꦤ꧀ꦠꦲꦺ꧈ꦤꦢꦾꦤꦤꦲꦱꦭꦏ꧀ꦱ꧈ꦲꦶꦁꦱꦸꦤ꧀ꦩꦁꦱꦮꦼꦢꦶꦪ꧈ꦤꦢꦾꦤ꧀ꦱꦶꦪꦁꦤꦢꦾꦤ꧀ꦢꦭꦸ꧈ꦩꦺꦱꦼꦩ꧀ꦢꦺꦮꦶꦲꦤ꧀ꦗꦼꦱ꧀ꦩꦫ ꧃ꦱꦩ꧀ꦥꦸꦤ꧀ꦥꦿꦥ꧀ꦠꦢꦊꦩ꧀ꦥꦸꦫꦶ꧈ꦱꦶꦫꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦥꦿꦧꦸꦏꦼꦤ꧀ꦚꦔꦤ꧀ꦢꦶꦏꦭꦺꦴꦤ꧀​ꦏꦪꦥꦿꦶꦪꦺ꧈ꦲꦤ꧀ꦗꦼꦱ꧀ꦩꦫ꧈ꦱꦁꦒꦸꦥꦺꦭꦏꦶꦤꦶꦫ꧈ꦤꦶꦲꦤ꧀ꦗꦼꦱ꧀ꦩꦫꦲꦸꦩꦠꦸꦂ꧈ꦲꦸꦤ꧀ꦗꦸꦏ꧀ꦏꦺꦭꦏꦶꦏꦮꦸꦭ ꧃ꦲꦥꦤ꧀ꦧꦺꦴꦠꦼꦤ꧀ꦱꦁꦒꦸꦥ꧀ꦮꦤꦶꦲꦗꦿꦶꦃꦥꦤ꧀ꦢꦺꦫꦺꦁꦏꦫꦸꦮꦤ꧀꧈ꦣꦠꦼꦁꦱꦸꦩꦁꦒꦲꦠꦸꦂꦫꦺ꧈ꦪꦺꦤ꧀ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦔꦗ꧈ꦱꦩ꧀ꦥꦸꦤ꧀ꦩꦼꦒꦃꦥꦸꦤꦶꦏ꧈ꦏꦸꦱꦸꦩꦲꦶꦁꦩꦗꦭꦔꦸ꧈ꦲꦤꦸꦭꦾꦱꦭꦶꦤ꧀ꦧꦸꦱꦤ ꧃ꦮꦸꦱ꧀ꦱꦱꦶꦤ꧀ꦗꦁꦕꦶꦤ꧀ꦝꦺꦮꦶꦭꦶꦱ꧀​ꦲꦣꦥꦸꦂꦱꦩ꧀ꦥꦏꦩꦸꦭꦾ꧈ꦲꦏꦩ꧀ꦥꦸꦃꦗꦶꦁꦒꦱꦏꦭꦺꦴꦂ꧈ꦲꦂꦗꦱꦼꦁꦏꦁꦤꦠꦧꦿꦁꦠ꧈ꦥꦤꦸꦁꦒꦸꦭ꧀​​ꦲꦶꦤ꧀ꦠꦼꦤ꧀ꦩꦸꦭꦾ꧈ꦢꦶꦤꦸꦭꦸꦮꦂꦤꦤꦺꦩꦤ꧀ꦖꦸꦂ꧈ꦥꦣꦲꦺꦱ꧀ꦠꦿꦶꦊꦁꦊꦁꦧꦿꦁꦠ ꧃ꦱꦏꦛꦃꦲꦺꦥꦫꦥꦸꦠꦿꦶ꧈ꦫꦧꦶꦤꦺꦏꦶꦩꦺꦤꦏ꧀ꦗꦶꦁꦒ꧈ꦮꦸꦱ꧀ꦏꦶꦤꦺꦤ꧀ꦧꦸꦱꦤꦏꦧꦺꦃ꧈ꦲꦠꦤꦥꦶꦤꦶꦮꦲꦶꦠ꧈ꦩꦶꦮꦃꦢꦺꦮꦶꦥꦸꦪꦼꦁꦔꦤ꧀​ꦮꦂꦤꦤꦶ [ f.138v ]ꦫꦮꦸꦮꦸꦃꦲꦪꦸ꧈ꦱꦢꦪꦱꦭꦶꦤ꧀ꦧꦸꦱꦤ ꧃ꦲꦏꦩ꧀ꦥꦸꦃꦒꦣꦸꦁꦩꦭꦛꦶ꧈ꦮꦲꦸꦤꦶꦉꦠ꧀ꦤꦕꦩ꧀ꦥꦏ꧈ꦩꦸꦫꦸꦧ꧀ꦥꦶꦤꦫꦢꦲꦧꦾꦺꦴꦂꦏꦼꦏꦼꦩ꧀ꦧꦼꦤꦺꦲꦸꦢꦫꦒ꧈ꦫꦶꦤꦺꦗꦺꦁꦲꦶꦁꦠꦺꦴꦪꦩꦱ꧀​ꦲꦱꦼꦁꦏꦁꦧꦥꦁꦩꦁꦔꦸꦁꦏꦸꦁ꧈ꦲꦥꦤ꧀ꦤꦸꦁꦒꦸꦭ꧀ꦲꦶꦤ꧀ꦠꦼꦤ꧀ꦩꦸꦧꦾꦂ ꧃ꦱꦭꦶꦫꦭꦸꦫꦸꦱ꧀​ꦫꦱ꧀ꦥꦠꦶ꧈ꦧꦺꦴꦤ꧀ꦚꦺꦴꦮꦶꦤꦶꦢꦏꦊꦩ꧀ꦥꦏ꧀​ꦉꦠ꧀ꦤꦏꦤꦁꦔꦏꦩ꧀ꦥꦸꦃꦲꦺ꧈ꦭꦶꦩꦂꦕꦼꦥꦸꦏ꧀​ꦥꦶꦤꦫꦢ꧈ꦏꦼꦩ꧀ꦧꦼꦤ꧀ꦗꦶꦁꦒꦫꦶꦤꦺꦤ꧀ꦢ꧈ꦲꦱꦼꦁꦏꦁꦩꦤꦶꦏ꧀ꦏꦶꦁꦧꦤ꧀ꦚꦸ꧈ꦲꦁꦔꦤ꧀ꦢꦶꦏꦥꦿꦧꦸꦏꦼꦤ꧀ꦚ ꧃ꦱꦏꦺꦃꦲꦺꦏꦁꦥꦫꦥꦸꦠꦿꦶ꧈ꦥꦣꦔꦶꦫꦶꦁꦔꦩꦫꦶꦁꦮꦁ꧈ꦥꦪꦸꦥꦣꦲꦤꦼꦤꦺꦴꦁꦠꦺꦴꦤ꧀​ꦮꦺꦴꦁꦲꦂꦱꦲꦥꦿꦁꦠꦤ꧀ꦝꦶꦁꦔꦤ꧀​ꦱꦥꦏꦁꦩꦼꦤꦁꦲꦥꦿꦁ꧈ꦥꦱ꧀ꦛꦶꦱꦸꦤ꧀ꦔꦺꦔꦺꦫꦶꦧꦺꦱꦸꦏ꧀​ꦧꦫꦶꦔꦺꦴꦁꦱꦿꦲꦶꦤꦒꦫ ꧃ꦱꦁꦥꦿꦧꦸꦏꦼꦤ꧀ꦚꦠꦶꦤꦁꦏꦶꦱ꧀​ꦥꦶꦤꦉꦏ꧀ꦏꦶꦱꦶꦠꦶꦧꦼꦤ꧀ꦠꦂ꧈ꦲꦥꦤ꧀ꦠꦤ꧀ꦤꦩꦮꦶꦏꦺꦴꦧꦺꦴꦁ꧈ꦮꦺꦴꦁꦥꦸꦫꦩꦼꦢꦭ꧀ꦱꦢꦪꦤꦶꦁꦔꦭ꧀ꦭꦶꦮꦺꦴꦁꦠꦠꦤ꧀ꦝꦶꦁꦔꦤ꧀​ꦒꦸꦩꦼꦢꦼꦂꦮꦺꦴꦁꦢꦊꦩ꧀ꦩꦒꦸꦁ꧈ꦱꦩꦶꦏꦶꦤꦺꦤ꧀ꦤꦔꦼꦥꦸꦁꦔ

꧃ꦠꦼꦥꦶꦱ꧀ꦮꦶꦫꦶꦁꦲꦶꦁꦥꦩꦶꦒꦶꦂ꧈ꦥꦤ꧀ꦱꦩꦶꦥꦿꦥ꧀ꦠꦱꦢꦪ꧈ꦮꦺꦴꦁꦢꦺꦱꦮꦸꦱ꧀ꦥꦿꦥ꧀ꦠꦏꦧꦺꦃ꧈ꦩꦭꦃꦲꦩ꧀ꦧꦺꦂꦒꦭꦺꦣꦺꦒꦤ꧀​ꦲꦶꦁꦏꦔ꧀ꦭꦏꦺꦴꦤ꧀ꦤꦿꦺꦴꦁꦢꦶꦤ꧈ꦱꦢꦪꦮꦸꦱ꧀ꦱꦩꦶ [ f.139v ]

ꦱꦱꦶꦃꦏꦮꦸꦭ꧈ꦒꦸꦱ꧀ꦠꦶꦤꦺꦥꦸꦤ꧀ꦢꦩꦂꦱꦤ꧀ꦠꦸꦤ꧀​ꦏꦁꦱꦼꦕꦠꦸꦲꦸꦩꦫꦶꦁꦮꦁ ꧃ꦱꦶꦫꦥꦸꦤ꧀ꦭꦪꦁꦏꦸꦩꦶꦠꦶꦂ꧈ꦮꦸꦱ꧀ꦱꦏꦩ꧀ꦥꦸꦃꦥꦫꦁꦫꦸꦱꦏ꧀​ꦠꦶꦤꦠꦸꦫꦁꦒꦏꦼꦫꦶꦱꦺ꧈ꦲꦱꦧꦸꦏ꧀ꦱꦸꦠꦿꦢꦶꦮꦁꦒ꧈ꦱꦩ꧀ꦥꦸꦤ꧀ꦤꦱꦶꦏꦼꦥ꧀ꦮꦠꦁ꧈ꦲꦧꦏ꧀ꦱꦲꦁꦔꦶꦏꦭ꧀ꦭꦮꦸꦁ꧈ꦲꦏꦺꦏꦺꦗꦺꦏ꧀ꦏꦶꦁꦏꦭꦁꦔꦤ꧀ ꧃ꦏꦶꦭꦪꦁꦱꦺꦠꦿꦠꦤ꧀ꦏꦫꦶ꧈ꦮꦸꦱ꧀ꦱꦏꦩ꧀ꦥꦸꦃꦭꦱ꧀ꦱꦭꦱꦤ꧀​ꦲꦣꦸꦲꦸꦁꦥꦫꦸꦁꦱꦫꦶꦤꦺ꧈ꦲꦱꦧꦸꦏ꧀ꦱꦸꦠꦿꦢꦶꦥꦥꦤ꧀​ꦏꦺꦏꦺꦗꦺꦏ꧀ꦏꦶꦁꦏꦭꦁꦔꦤ꧀​ꦲꦧꦏ꧀ꦱꦲꦁꦔꦶꦏꦭ꧀ꦭꦮꦸꦁ꧈ꦲꦺꦴꦁꦏꦺꦏ꧀ꦧꦲꦸꦩꦼꦩꦼꦤ꧀ꦝꦥꦤ꧀​ ꧃ꦱꦏꦺꦃꦲꦶꦁꦮꦺꦴꦁꦩꦗꦥꦲꦶꦠ꧀​ꦥꦫꦩꦤ꧀ꦠꦿꦶꦭꦤ꧀ꦥꦺꦴꦁꦒꦮ꧈ꦥꦤ꧀ꦱꦩꦶꦠꦺꦴꦠꦺꦴꦮꦤ꧀ꦏꦧꦺꦃ꧈ꦲꦤꦏꦁꦲꦼꦠꦺꦴꦃꦏꦤ꧀ꦝꦒ꧈ꦲꦤꦠꦺꦴꦃꦥꦪꦸꦁꦧꦮꦠ꧀​ꦲꦤꦲꦼꦠꦺꦴꦃꦮꦲꦺꦴꦱ꧀ꦝꦸꦲꦸꦁ꧈ꦲꦤꦧꦣꦶꦏ꧀ꦏꦤꦒꦺꦴꦧꦁ

꧃ [ f.140r ]

ꦏꦁꦱꦸꦒꦶꦃꦲꦼꦠꦺꦴꦃꦩꦱ꧀ꦥꦶꦕꦶꦱ꧀​ꦲꦸꦮꦁꦲꦠꦤꦥꦶꦫꦺꦪꦭ꧀​ꦲꦤꦃꦠꦺꦴꦃꦱꦫꦸꦮꦭ꧀ꦭꦺ꧈ꦒꦼꦤ꧀ꦛꦺꦴꦤꦺꦮꦺꦴꦁꦩꦗꦊꦏ꧈ꦠꦤ꧀ꦤꦤꦔꦶꦭꦺꦴꦤꦤ꧈ꦣꦠꦼꦁꦫꦢꦺꦤ꧀ꦢꦩꦂꦱꦤ꧀ꦠꦸꦤ꧀​ꦏꦁꦫꦺꦴꦫꦺꦴꦒꦒꦃꦥꦿꦏꦺꦴꦱ ꧃ꦲꦩꦸꦁꦁꦱꦠꦿꦶꦪꦲꦶꦁꦠꦸꦧꦶꦤ꧀​ꦲꦮꦱ꧀ꦠꦫꦢꦺꦤ꧀ꦧꦸꦤ꧀ꦠꦫꦤ꧀​ꦫꦢꦺꦤ꧀ꦮꦠꦁꦔꦤ꧀ꦤꦫꦶꦤ꧀ꦤꦺ꧈ꦏꦭꦮꦤ꧀ꦮꦺꦴꦁꦠꦼꦠꦼꦭꦸꦏ꧀ꦏꦤ꧀​ꦏꦁꦩꦶꦭꦸꦢꦩꦂꦮꦸꦭꦤ꧀​ꦧꦲꦺꦧꦲꦺꦥꦣꦠꦸꦩ꧀ꦥꦸꦏ꧀​ꦏꦧꦺꦃꦠꦶꦤꦏꦸꦠ꧀ꦱꦢꦪ ꧃ꦣꦱꦂꦱꦠꦿꦶꦪꦲꦶꦁꦠꦸꦧꦶꦤ꧀​ꦥꦤꦱ꧀ꦱꦠꦶꦤꦺꦠꦸꦩꦶꦔꦭ꧀​ꦩꦿꦶꦁꦥꦸꦠꦿꦥꦠꦶꦃꦭꦺꦴꦒꦼꦤ꧀ꦢꦺꦂ꧈ꦪꦺꦤ꧀ꦤꦶꦔꦭ꧀ꦭꦶꦭꦪꦁꦱꦺꦠꦿ꧈ꦩꦸꦁꦒꦸꦃꦲꦁꦱꦭ꧀ꦥꦁꦔꦗ꧈ꦏꦪꦱꦶꦤꦸꦢꦸꦏ꧀ꦏꦒꦥꦿꦸꦏ꧀​ꦮꦤꦶꦲꦠꦏꦼꦂꦭꦸꦢꦶꦫ ꧃ꦮꦺꦴꦤ꧀ꦠꦼꦤ꧀ꦠꦱꦠꦿꦶꦪꦩꦭꦶꦃꦮꦱ꧀ꦠꦫꦢꦺꦤ꧀ꦩꦺꦤꦏ꧀ꦏꦺꦴꦤ꧀ꦖꦂꦱꦏꦶꦁꦭꦸꦩꦗꦁ [ f.140v ]ꦮꦶꦗꦶꦭ꧀ꦭꦺ꧈ꦱꦠꦿꦶꦪꦥꦿꦮꦶꦫꦺꦁꦪꦸꦢ꧈ꦤꦶꦔꦭꦶꦭꦪꦁꦱꦺꦠꦿ꧈ꦲꦸꦤ꧀ꦠꦸꦤꦺꦠꦤ꧀ꦱꦃꦲꦶꦁꦔꦢꦸ꧈ꦱꦏꦶꦁꦥꦤꦱ꧀ꦱꦺꦠꦸꦩꦶꦔꦭ꧀ ꧃ꦥꦫꦩꦤ꧀ꦠꦿꦶꦩꦗꦥꦲꦶꦠ꧀​ꦣꦱꦂꦮꦤ꧀ꦠꦼꦂꦪꦺꦤ꧀ꦠꦺꦴꦠꦺꦴꦲꦤ꧀​​ꦲꦁꦔꦤ꧀ꦢꦼꦭ꧀ꦭꦏꦼꦤ꧀ꦗꦒꦺꦴꦤ꧀ꦤꦺ꧈ꦲꦼꦠꦺꦴꦃꦲꦶꦥꦸꦤ꧀ꦒꦒꦤ꧀ꦠꦁꦔꦤ꧀​​ꦲꦥꦤ꧀ꦱꦩꦶꦠꦸꦩ꧀ꦥꦸꦏꦤ꧀​ꦱꦢꦪꦱꦩꦶꦠꦶꦤꦏꦸꦠ꧀​ꦩꦫꦁꦫꦢꦺꦤ꧀ꦩꦺꦤꦏꦺꦴꦤ꧀ꦖꦂ ꧃ꦱꦩꦶꦱꦶꦫꦩꦸꦮꦸꦱ꧀ꦱꦫꦶꦱ꧀​ꦧꦺꦴꦥꦠꦶꦏꦁꦠꦼꦭꦸꦏ꧀ꦏꦤ꧀ꦚꦂ꧈ꦲꦩꦶꦕꦫꦱꦫꦺꦴꦮꦁꦔꦺ꧈ꦲꦶꦏꦶ꧈ꦩꦤꦶꦁꦪꦺꦤ꧀ꦤꦁꦒꦲ꧈ꦲꦩꦸꦱꦸꦃꦢꦩꦂꦮꦸꦭꦤ꧀​ꦩꦏ꧀ꦱꦶꦃꦠꦠꦧ꧀ꦒꦸꦱ꧀ꦠꦶꦤꦶꦁꦱꦸꦤ꧀​ꦱꦥꦂꦢꦺꦤꦶꦥꦸꦤ꧀ꦥꦭꦱ꧀ꦠꦿ ꧃ꦲꦸꦗꦂꦫꦺꦏꦁꦢꦸꦫꦸꦁꦲꦸꦤꦶꦁ​ꦭꦪꦏ꧀ꦏꦭꦃꦢꦩꦂꦮꦸꦭꦤ꧀​ꦏꦁ​ꦮꦸꦥꦿꦶꦏ꧀ꦱꦲꦶꦁꦒꦮꦺꦤꦺ꧈ꦥꦱ꧀ꦛꦶꦩꦼꦤꦁꦢꦩꦂꦮꦸꦭꦤ꧀​ꦭꦏꦶꦤꦺꦲꦤ꧀ꦗꦼꦱ꧀ꦩꦫ꧈ꦣꦱꦂꦫꦸꦥꦤꦺꦲꦧꦒꦸꦱ꧀​ꦱꦼꦩꦸꦤꦺꦠꦼꦏꦮꦶꦊꦠꦤ꧀ ꧃ꦲꦶꦁꦏꦁ​ꦮꦺꦴꦤ꧀ꦠꦼꦤ꧀ꦤꦶꦁꦱꦶꦠꦶꦒꦶꦭ꧀​ꦱꦏꦛꦃꦲꦺꦥꦸꦠꦿꦶ꧈ꦠꦮꦤ꧀​ꦩꦶꦮꦃꦥꦫꦤ꧀ꦚꦲꦶꦏꦧꦺꦃ꧈ꦱꦢꦪꦱꦩꦶꦤꦼꦤꦼꦣ꧈ꦲꦶꦪꦢꦺꦮꦩꦼꦤꦁꦔ꧈ꦲꦺꦩꦤ꧀ꦩꦠꦶꦪꦮꦺꦴꦁꦧꦒꦸꦱ꧀​​ꦪꦺꦤ꧀ꦤꦺꦴꦫꦏꦼꦭꦂꦩꦸꦤ꧀ꦢꦸꦂꦫ

꧃ ꧃ ꧃ꦱꦧ꧀ꦢꦥꦭꦺꦴꦤ꧀ꦭꦫꦲꦠꦶꦤꦺꦩꦶꦲꦂꦱꦢꦺꦤꦶꦁꦢꦺꦤ꧀ꦩꦗꦤꦤꦶ꧈ꦩꦫꦩꦸꦱꦸꦃꦲꦤꦩꦶꦭꦸꦮꦏꦶꦫꦶꦏ꧀ꦱꦺꦠꦿ꧈ꦲꦶꦁꦱꦸꦤ꧀ꦩꦶꦭꦸꦒꦸꦱ꧀ꦠꦶꦩꦩꦶ꧈ꦢꦺꦴꦢꦺꦴꦠ꧀ꦩꦤꦶꦫ [ f.141r ]

ꦩꦸꦱꦸꦃꦲꦤꦭꦼꦭꦶꦤ꧀ꦠꦶꦁ ꧃ꦱꦧꦸꦏ꧀ꦏꦶꦮꦁꦩꦫꦩꦸꦱꦸꦃꦲꦤꦏꦶꦤ꧀ꦖ꧈ꦭꦃꦩꦫꦮꦼꦣꦸꦁꦩꦩꦶꦩꦩꦶ꧈ꦩꦸꦱꦸꦃꦲꦤꦗꦼꦤꦁ꧈ꦲꦶꦏꦶꦱꦫꦸꦮꦭ꧀ꦭꦶꦮꦁ꧈ꦩꦫꦩꦸꦱꦸꦃꦲꦤꦥꦛꦶ꧈ꦲꦶꦏꦼꦠ꧀ꦩꦤꦶꦫ꧈ꦩꦸꦱꦸꦃꦲꦼꦤ꧀ꦭꦮꦤ꧀ꦤꦶꦤ꧀ꦛꦶꦭ꧀ ꧃ꦱꦼꦧ꧀ꦢꦥꦭꦺꦴꦤ꧀ꦱꦶꦒꦿꦕꦸꦕꦸꦭ꧀​ꦲꦮꦸꦮꦸꦢ꧈ꦥꦤ꧀ꦱꦩ꧀ꦥꦸꦤ꧀ꦢꦶꦩꦸꦱꦸꦲꦶ꧈ꦲꦶꦤ꧀ꦛꦶꦭ꧀ꦭꦮꦤ꧀ꦗꦼꦤꦁ꧈ꦥꦛꦶꦏꦭꦮꦤ꧀ꦏꦶꦤ꧀ꦖ꧈ꦲꦤꦸꦭꦾꦢꦺꦤ꧀ꦥꦁꦔꦤ꧀ꦝꦶꦔꦶꦤ꧀ꦒꦼꦩꦸꦠ꧀ꦱꦢꦪ꧈ꦭꦶꦂꦥꦶꦤꦁꦔꦤ꧀ꦤꦶꦁꦧꦼꦭꦶꦱ꧀ ꧃ꦧꦠꦸꦂꦲꦶꦥꦸꦤ꧀​ꦠꦺꦴꦠꦺꦴꦲꦤ꧀ꦤꦱꦿꦸꦲꦁꦔꦸꦕꦥ꧀​ꦠꦼꦏꦢꦶꦥꦁꦔꦤ꧀ꦝꦶꦔꦶꦤ꧀​ꦥꦤ꧀ꦢꦸꦫꦸꦁꦏꦫꦸꦮꦤ꧀​ꦩꦼꦤꦁꦔꦺꦭꦮꦤ꧀ꦏꦭꦃ꧈ꦱꦼꦧ꧀ꦢꦥꦭꦺꦴꦤ꧀ꦤꦲꦸꦫꦶꦥꦱ꧀ꦛꦶꦪꦺꦤ꧀ꦩꦼꦤꦁ꧈ꦭꦃꦥꦪꦸꦧꦲꦺꦩꦤꦶꦁ ꧃ꦱꦩ꧀ꦥꦸꦤ꧀ꦩꦸꦤꦶꦒꦩꦼꦭꦤ꧀ꦤꦥꦿꦁꦠꦤ꧀ꦝꦶꦁꦔꦤ꧀​ꦤꦶꦲꦤ꧀ꦗꦼꦱ꧀ꦩꦫꦲꦁꦭꦶꦁ꧈ꦣꦸꦃꦢꦺꦮꦏꦮꦸꦭ꧈ꦏꦏꦁꦲꦤ꧀ꦢꦶꦏꦧꦏ꧀ꦱ꧈ꦩꦺꦱꦼꦩ꧀​ꦫꦢꦺꦤ꧀ꦢꦩꦂꦱꦱꦶꦪꦪꦶꦠ [ f.141v ]ꦠꦤ꧀ꦧꦶꦱ꧈ꦏꦥꦶꦁꦏꦭꦶꦃꦲꦲꦶꦱꦶꦤ꧀ ꧃ꦕꦼꦤ꧀ꦛꦺꦁꦕꦼꦤ꧀ꦛꦺꦁꦱꦶꦫꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦧꦪꦠꦤ꧀ꦢꦂꦧꦺꦒꦭꦶꦃ꧈ꦮꦺꦴꦁꦧꦤ꧀ꦖꦺꦂꦥꦸꦤꦥ꧈ꦲꦺꦴꦫꦧꦶꦱꦲꦧꦏ꧀ꦱ꧈ꦪꦺꦤ꧀ꦱꦮꦸꦔꦮꦶꦫꦶꦁꦏꦸꦤꦶꦁ꧈ꦮꦶꦗꦶꦭ꧀ꦩꦠꦫꦩ꧀​ꦏꦁꦔꦼꦩꦱ꧀ꦢꦩꦂꦱꦱꦶ ꧃ꦮꦠꦫꦏꦸꦤ꧀ꦚꦁꦒꦲꦼꦠꦺꦴꦃꦏꦺꦴꦏꦺꦴꦪꦤꦤ꧀​ꦠꦼꦏꦲꦁ​ꦭꦶꦭꦶꦁꦱꦼꦩꦶ꧈ꦲꦥꦤ꧀ꦏꦢꦶꦒꦼꦫꦃ꧈ꦢꦩꦂꦮꦸꦭꦤ꧀ꦱꦶꦤꦸꦫꦏ꧀​ꦢꦺꦤꦶꦁ​ꦮꦺꦴꦁꦔꦶꦁꦩꦗꦥꦲꦶꦠ꧀​​ꦲꦁꦫꦱꦮꦶꦫꦁ꧈ꦏꦺꦴꦤ꧀ꦖꦤꦺꦢꦶꦥꦸꦤ꧀ꦮꦶꦮꦶꦂ ꧃ꦤ꧀ꦚꦤ꧀ꦝꦏ꧀ꦗꦼꦧꦼꦁꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀​ꦩꦸꦁꦒꦺꦁꦲꦱ꧀ꦠꦤꦺꦏꦺꦫꦶ꧈ꦲꦱ꧀ꦠꦤꦺꦏꦁꦏꦤꦤ꧀​​ꦲꦤ꧀ꦚꦧꦼꦠ꧀ꦠꦏꦼꦤ꧀ꦏꦺꦴꦤ꧀ꦖ꧈ꦏꦢꦾꦲꦩꦼꦫꦏ꧀ꦏꦱꦶꦩ꧀ꦥꦶꦂ꧈ꦩꦗꦸꦩꦤ꧀ꦝꦥꦤ꧀​ꦮꦶꦒꦾꦲꦧꦏ꧀ꦱꦫꦁꦔꦶꦤ꧀ ꧃ꦢꦶꦥꦸꦤ꧀ꦤꦶꦏꦭ꧀ꦗꦼꦧꦼꦁꦔꦺꦱꦮꦁꦒꦸꦂꦤꦶꦠ꧈ꦭꦶꦂꦢꦭꦶꦤꦩ꧀ꦥꦂꦮꦫꦶ꧈ꦩꦗꦸꦩꦩꦤ꧀ꦝꦥꦤ꧀​ꦩꦸꦤ꧀ꦢꦸꦂꦲꦔꦺꦴꦤ꧀ꦮꦶꦫꦩ꧈ꦩꦺꦴꦩꦺꦴꦤ꧀ꦢꦿꦺꦁꦏꦛꦃꦤꦶꦔꦭ꧀ꦭꦶ꧈ꦥꦣꦏꦱ꧀ꦩꦫꦤ꧀​ꦊꦁ​ꦊꦁꦱꦒꦸꦁꦔꦶꦁꦥꦸꦠꦿꦶ ꧃ꦲꦤ꧀ꦗꦼꦱ꧀ꦩꦫꦩꦺꦱꦼꦩ꧀ꦱꦂꦮꦶꦏꦼꦥ꧀ꦭꦺꦴꦏ꧀ꦠꦁꦔꦤ꧀​ꦭꦶꦂꦏꦩꦤ꧀ꦝꦁꦢꦺꦤ꧀ꦚꦭꦶꦁ꧈ꦱꦥꦏꦁꦠꦺꦴꦠꦺꦴꦲꦤ꧀​ꦭꦩꦸꦤ꧀ꦤꦉꦥ꧀ꦩꦼꦤꦁꦔ꧈ꦩꦶꦭꦸꦮꦲꦶꦁꦢꦺꦮꦩꦩꦶ꧈ꦪꦏꦏꦁꦲꦼꦩꦱ꧀​ꦩꦏ꧀ꦱꦶꦃꦧꦤ꧀ꦖꦺꦂꦗꦸꦭꦤ꧀ꦛꦶꦂ ꧃ꦲꦤ꧀ꦗꦼꦱ꧀ꦩꦫꦮꦲꦸꦱꦶꦫꦧꦺꦴꦤ꧀ꦝꦺꦠ꧀ꦏꦺꦴꦤ꧀ꦖ꧈ꦣꦸꦃꦏꦏꦁꦲꦸꦮꦶꦱ꧀ꦱꦸꦮꦶꦱ꧀​ꦱꦩ꧀ꦥꦸꦤ꧀ꦢꦶꦏꦧꦏ꧀ꦱ꧈ꦩꦫꦱ꧀ꦱꦠꦶꦏꦮꦸꦭ꧈ꦲꦏꦺꦃꦩꦺꦴꦩꦺꦴꦤ꧀ꦢꦿꦺꦁꦢꦸꦢꦸꦔꦶꦏ꧀ [ f.142r ]ꦥꦣꦏꦱ꧀ꦩꦫꦤ꧀​ꦧꦺꦴꦏ꧀ꦢꦶꦏꦢꦺꦤ꧀ꦩꦭꦶꦁꦔꦶ ꧃ꦪꦠꦩꦺꦱꦼꦩ꧀ꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀​ꦠꦼꦏꦲꦁꦫꦺꦫꦺꦧꦼꦢ꧀ꦢꦶ꧈ꦩꦺꦴꦗꦂꦲꦤ꧀ꦗꦼꦱ꧀ꦩꦫ꧈ꦮꦼꦢꦶꦲꦢꦺꦴꦃꦩꦤꦶꦫ꧈ꦲꦏꦺꦃꦥꦸꦠꦿꦶꦲꦤꦶꦔꦭ꧀ꦭꦶꦥꦣꦤꦺꦁ​ꦮꦸꦤ꧀ꦠꦠ꧀​ꦧꦺꦴꦏ꧀ꦏꦸꦭꦢꦶꦒꦿꦸꦮꦼꦏ꧀ꦏꦶ꧈ ꧃ꦱꦏꦛꦃꦲꦺꦥꦫꦥꦸꦠꦿꦶꦲꦶꦁꦧꦁ​ꦮꦺꦠꦤ꧀​ꦥꦣꦧꦿꦁꦠꦤꦶꦔꦭ꧀ꦭꦶ꧈ꦲꦤ꧀ꦢꦸꦭꦸꦲꦤ꧀ꦗꦼꦱ꧀ꦩꦫ꧈ꦮꦲꦸꦭꦺꦭꦺꦮꦤꦶꦫ꧈ꦩꦤꦃꦲꦶꦫꦩꦼꦢꦭ꧀ꦒꦼꦤ꧀ꦤꦶ꧈ꦱꦶꦭꦺꦤ꧀ꦗꦺꦃꦲꦶꦏ꧈ꦩꦠꦶꦪꦏꦼꦤꦁꦏꦼꦫꦶꦱ꧀ ꧃ꦱꦧ꧀ꦢꦥꦭꦺꦴꦤ꧀ꦩꦺꦤ꧀ꦛꦺꦴꦏ꧀ꦩꦺꦤ꧀ꦛꦺꦴꦢꦺꦤ꧀ꦚꦧꦏ꧀ꦱꦲꦤꦺꦁ​ꦮꦸꦫꦶꦤꦶꦁꦧꦫꦶꦱ꧀​ꦥꦤ꧀ꦱꦂꦮꦶꦮꦸꦮꦸꦢ꧈ꦏꦺꦴꦤ꧀ꦛꦺꦴꦭ꧀ꦭꦺꦏꦸꦭꦮꦺꦫꦤ꧀​ꦥꦤ꧀ꦱꦂꦮꦶꦤ꧀ꦚꦼꦏꦼꦭ꧀ꦏꦼꦮꦭꦶ꧈ꦠꦩꦺꦁꦣꦸꦣꦸꦭꦁ꧈ꦭꦶꦂꦧꦸꦭꦸꦱ꧀ꦏꦼꦤꦁꦥꦤ꧀ꦖꦶ ꧃ꦲꦸꦕꦸꦭ꧀ꦭꦼꦤ꧀ꦤꦪꦪꦶꦲꦗꦧꦺꦴꦤ꧀ꦝꦺꦠ꧀ꦏꦺꦴꦤ꧀ꦖ꧈ꦱꦸꦤ꧀ꦩꦁꦱꦼꦃꦲꦥꦿꦁꦠꦤ꧀ꦝꦶꦁ꧈ꦩꦸꦱꦸꦃꦏꦏꦁꦔꦶꦫ꧈ꦲꦤ꧀ꦗꦼꦱ꧀ꦩꦫꦲꦁꦔꦸꦕꦥ꧀​ꦏꦁꦔꦼꦩꦱ꧀ꦏꦛꦃꦢꦸꦢꦸꦔꦶꦏ꧀​ꦩꦼꦤꦏ꧀ꦏꦮꦸꦭ꧈ꦢꦶꦱꦪꦺꦴꦩ꧀ꦥꦫꦥꦸꦠꦿꦶ ꧃ꦭꦩꦺꦴꦤ꧀ꦢꦶꦏꦠꦤ꧀ꦥꦶꦪꦤ꧀ꦢꦼꦭ꧀ꦭꦶꦁꦩꦤꦶꦫꦏꦏꦁꦥꦼꦗꦃꦤꦣꦶꦔꦶꦤ꧀​ꦏꦏꦁꦧꦺꦴꦠꦼꦤ꧀ꦱꦸꦏ꧈ꦱꦂꦮꦶꦲꦩꦼꦭꦱ꧀ꦱꦂꦱ꧈ꦲꦺꦴꦫꦢꦸꦮꦺꦏꦢꦁꦏꦶꦢꦶꦁꦲꦩꦸꦁꦲꦤ꧀ꦢꦶꦏ꧈ꦏꦮꦸꦭꦠꦸꦩꦸꦠ꧀ꦩꦠꦶ

꧃ꦣꦶꦔꦶꦤ꧀ꦏꦸꦭꦏꦮꦸꦭꦱꦸꦫꦩꦼꦩꦼꦫꦠ꧈ꦮꦤꦶꦩꦼꦫꦁꦫꦫꦲꦶ꧈ꦩꦺꦴꦗꦂꦢꦩꦂꦮꦸꦭꦤ꧀​​ꦪꦪꦶꦤꦼꦢꦾ [ f.142v ]

ꦥꦸꦤꦥ꧈ꦲꦶꦔꦺꦴꦁꦔꦣꦼꦥ꧀ꦥꦏꦼꦤ꧀ꦥꦠꦶ꧈ꦤꦶꦲꦤ꧀ꦗꦼꦱ꧀ꦩꦫ꧈ꦩꦺꦁꦏꦺꦴꦏ꧀ꦩꦺꦁꦏꦺꦴꦏ꧀​​ꦲꦁꦭꦶꦫꦶꦁ ꧃ꦧꦸꦮꦁꦗꦼꦧꦼꦁꦱꦶꦫꦫꦢꦺꦤ꧀ꦢꦩꦂꦮꦸꦭꦤ꧀​ꦣꦸꦃꦲꦠ꧀ꦩꦗꦶꦮꦩꦩꦶ꧈ꦩꦶꦫꦃꦲꦺꦥꦸꦤ꧀ꦏꦏꦁ꧈ꦩꦺꦁꦏꦺꦴꦏ꧀ꦤꦶꦲꦤ꧀ꦗꦼꦱ꧀ꦩꦫ꧈ꦏꦺꦴꦩꦭꦤꦶꦁꦩꦶꦫꦃꦲꦢꦶ꧈ꦲꦗꦏꦫꦸꦤ꧀ꦤ꧈ꦲꦁꦔꦺꦫꦺꦴꦤꦶꦏꦁꦔꦠꦶ ꧃ꦏꦮꦂꦤꦲꦏꦁꦔꦤꦺꦁꦲꦶꦁꦥꦥꦁꦒꦸꦁꦔꦤ꧀​ꦤꦶꦔꦭ꧀ꦭꦶꦮꦺꦴꦁꦥꦿꦁꦠꦤ꧀ꦝꦶꦁ꧈ꦲꦤ꧀ꦝꦺꦂꦥꦸꦠꦿꦶꦠꦮꦤ꧀​ꦲꦤꦺꦁꦩꦢꦺꦒꦫꦸꦣ꧈ꦲꦥꦭꦶꦱꦶꦂꦱꦸꦠꦿꦏꦸꦤꦶꦁ꧈ꦱꦁꦥꦿꦧꦸꦏꦼꦤ꧀ꦚꦊꦁꦊꦁꦱꦗꦿꦺꦴꦤꦶꦁꦔꦠꦶ

꧃ꦱꦩ꧀ꦥꦸꦤ꧀ꦩꦁꦱꦼꦃꦏꦶꦭꦪꦁꦱꦺꦠꦿꦲꦤꦸꦩ꧀ꦧꦏ꧀​ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦲꦁꦫꦲꦺꦴꦱ꧀ꦱꦶꦱꦪꦃꦭꦶꦂꦤꦸꦩ꧀ꦧꦏ꧀ꦮꦮꦪꦁꦔꦤ꧀​ꦏꦶꦢꦩꦂꦮꦸꦭꦤ꧀ꦠꦤ꧀ꦒꦶꦁꦱꦶꦂ꧈ꦤꦶꦲꦤ꧀ꦗꦼꦱ꧀ꦩ [ f.143r ]

ꦫ꧈ꦠꦁꦔꦶꦱ꧀ꦱꦺꦏꦺꦴꦤ꧀ꦠꦿꦁꦏꦤ꧀ꦠꦿꦶꦁ ꧃ꦲꦤ꧀ꦗꦼꦱ꧀ꦩꦫꦏꦢꦶꦢꦺꦮꦶꦤꦶꦭꦺꦴꦠꦩꦤꦠ꧀ꦏꦭꦩꦶꦭꦸꦗꦸꦫꦶꦠ꧀​ꦩꦫꦁꦱꦁꦔꦂꦗꦸꦤ꧀ꦤ꧈ꦩꦸꦱꦸꦃꦤꦶꦠꦾꦏꦮꦕ꧈ꦱꦶꦫꦥꦸꦤ꧀ꦭꦪꦁꦏꦸꦩꦶꦠꦶꦂꦭꦤ꧀ꦭꦪꦁꦱꦺꦠꦿ꧈ꦲꦤꦼꦕꦼꦂꦲꦤꦸꦩ꧀ꦧꦏ꧀ꦏꦶ ꧃ꦠꦤ꧀ꦢꦁꦔꦶꦫꦮꦺꦴꦁꦫꦺꦴꦫꦺꦴꦏꦒꦶꦭꦒꦶꦭ꧈ꦲꦤꦸꦩ꧀ꦧꦏ꧀ꦏꦤꦤ꧀ꦏꦺꦫꦶ꧈ꦫꦢꦺꦤ꧀ꦢꦩꦂꦮꦸꦭꦤ꧀ꦠꦶꦤꦸꦩ꧀ꦧꦏ꧀ꦤꦺꦴꦫꦏꦼꦤ꧀ꦤ꧈ꦲꦺꦕꦒꦺꦤ꧀ꦚꦧꦏ꧀ꦱꦫꦁꦔꦶꦤ꧀​ꦤꦶꦲꦤ꧀ꦗꦼꦱ꧀ꦩꦫ꧈ꦲꦤꦁꦔꦶꦱ꧀ꦗꦼꦫꦶꦠ꧀ꦗꦼꦫꦶꦠ꧀ ꧃ꦢꦶꦥꦸꦤ꧀ꦒꦶꦠꦶꦏ꧀ꦏꦶꦁꦗꦼꦧꦼꦁꦏꦶꦭꦪꦁꦱꦺꦠꦿ꧈ꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦏꦫꦺꦴꦏꦭꦧꦏꦤ꧀​ꦩꦭꦃꦭꦭꦶꦲꦶꦁꦮꦠꦁ꧈ꦩꦭꦪꦸꦤꦫꦗꦁꦧꦫꦶꦱ꧀ꦩꦼꦣꦺꦴꦠ꧀ꦧꦭꦧꦂꦱꦶꦤꦸꦫꦏ꧀ꦧꦭꦶꦩꦤꦶꦁ ꧃ꦲꦤ꧀ꦗꦼꦱ꧀ꦩꦫꦲꦩꦼꦒꦠ꧀ꦠꦶꦱꦏꦶꦁꦔꦂꦱ꧈ꦏꦏꦁꦲꦺꦭꦶꦁꦔ [ f.143v ]ꦭꦶꦁꦔꦏꦭꦶꦃꦱꦩ꧀ꦥꦸꦤ꧀ꦏꦤꦶꦲꦪ꧈ꦩꦫꦁꦏꦁꦢꦩꦂꦮꦸꦭꦤ꧀​ꦧꦿꦩꦠꦾꦭꦪꦁꦏꦸꦩꦶꦠꦶꦂ꧈ꦤꦶꦲꦤ꧀ꦗꦼꦱ꧀ꦩꦫ꧈ꦤꦸꦭꦶꦢꦶꦥꦸꦤ꧀ꦭꦲꦶꦫꦶ ꧃ꦥꦤ꧀ꦒꦸꦩꦼꦤ꧀ꦚꦁꦥꦩ꧀ꦧꦪꦸꦤꦺꦲꦺꦴꦫꦥꦱꦃꦤꦶꦲꦤ꧀ꦗꦼꦱ꧀ꦩꦫꦲꦁ​ꦭꦶꦁ꧈ꦲꦣꦸꦃꦏꦏꦁꦲꦼꦩꦱ꧀​ꦊꦧꦂꦏꦒꦸꦁꦔꦤ꧀ꦢꦶꦏ꧈ꦢꦶꦠꦸꦩ꧀ꦧꦏ꧀ꦮꦺꦴꦁꦲꦺꦢꦤ꧀ꦧꦫꦶꦁ꧈ꦱꦶꦫꦶꦏ꧀ꦏꦁꦔꦼꦩꦱ꧀​​ꦲꦤꦶꦩ꧀ꦧꦸꦭ꧀ꦱꦧꦤ꧀ꦮꦼꦁꦔꦶ ꧃ꦥꦩ꧀ꦧꦪꦸꦤꦺꦲꦩꦶꦤ꧀ꦝꦩꦗꦏꦤ꧀ꦕꦤ꧈ꦲꦮꦪꦃꦕꦸꦩꦁꦏꦿꦩꦶ꧈ꦥꦤ꧀ꦱꦶꦤꦁꦒꦩꦪ꧈ꦱꦼꦣꦼꦁꦔꦒꦼꦁꦔꦺꦲꦶꦏ꧈ꦲꦂꦠꦶꦤꦺꦥꦩ꧀ꦧꦪꦸꦤ꧀ꦏꦭꦶꦃ꧈ꦩꦼꦁꦒꦼꦃꦱꦠꦿꦶꦪ꧈ꦥꦕꦁꦏꦿꦩꦤ꧀ꦏꦁꦔꦢꦶ ꧃ꦪꦠꦲꦤꦲꦶꦏꦸꦫꦁꦣꦤꦺꦮꦺꦴꦁꦠꦺꦴꦣꦤ꧀​ꦥꦩ꧀ꦧꦪꦸꦤꦺꦥꦸꦤꦶꦏꦶ꧈ꦲꦩ꧀ꦧꦠꦸꦂꦫꦢꦮ꧈ꦢꦶꦥꦸꦤ꧀ꦠꦼꦏꦸꦏ꧀ꦥꦶꦁꦱꦁꦔ꧈ꦲꦏꦼꦤ꧀ꦖꦼꦁꦢꦶꦏꦼꦏꦼꦩ꧀ꦧꦼꦤꦶ꧈ꦲꦫꦲꦺꦲꦶꦏ꧈ꦏꦠꦺꦴꦤ꧀ꦤꦩꦼꦤꦶꦱ꧀ꦩꦼꦤ꧀ꦤꦶꦱ꧀ ꧃ꦪꦠꦲꦺꦕꦒꦺꦤ꧀ꦚꦩꦶꦣꦁ​ꦭꦤ꧀ꦛꦔ꧀ꦭꦤ꧀ꦛꦁꦏꦼꦏꦼꦩ꧀ꦧꦼꦤ꧀ꦮꦸꦣꦂꦩꦂꦒꦶꦭꦁꦏꦸꦁ​ꦮꦶꦫꦁꦔꦶꦫꦢꦺꦤꦶꦁꦏꦼꦏꦼꦩ꧀ꦧꦼꦤ꧀ꦮꦸꦣꦂ꧈ꦲꦏꦺꦃꦮꦺꦴꦁꦧꦒꦸꦱ꧀ꦤꦶꦔꦭ꧀ꦭꦶ꧈ꦩꦸꦭꦶꦃꦲꦁ​ꦭꦫꦱ꧀​​ꦲꦤ꧀ꦗꦺꦴꦤ꧀ꦠꦿꦺꦴꦠ꧀ꦠꦶꦥꦱꦶꦱꦶꦂ ꧃ꦱꦏꦭꦁꦏꦸꦁꦢꦸꦏꦤꦺꦏꦶꦢꦩꦂꦮꦸꦭꦤ꧀​​ꦲꦱꦿꦸꦢꦺꦤ꧀ꦤꦶꦫꦲꦁ​ꦭꦶꦁ꧈ꦲꦶꦪꦭꦪꦁꦱꦺꦠꦿꦲꦶꦏꦶꦧꦤ꧀ꦛꦁꦔꦺꦲꦤ꧈ꦠꦼꦏꦲꦤꦸꦩ꧀ꦧꦏ꧀ꦗꦗꦮꦶ꧈ꦭꦩꦸꦤ꧀ꦩꦠꦶꦪ꧈ꦏꦺꦭꦁꦔꦤ꧀ꦱꦤꦏ꧀ꦏꦶꦱ꧀ꦠꦿꦶ

꧃ꦲꦤꦸꦢꦸꦏ꧀ꦏꦶꦮꦲꦸꦫꦢꦺꦤ꧀ꦭꦪꦁꦱꦺꦠꦿꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦲ [ f.144r ]

ꦱꦿꦸꦤꦸꦢꦸꦏ꧀ꦏꦶꦫ꧈ꦩꦫꦁꦏꦶꦢꦩꦂꦮꦸꦭꦤ꧀​ꦥꦸꦠꦿꦶꦱꦢꦪꦤꦶꦔꦭ꧀ꦭꦶ꧈ꦱꦶꦁꦏꦠꦼꦧꦃꦲꦤ꧀​ꦱꦩꦶꦩꦺꦱꦼꦩꦶꦁꦔꦠꦶ ꧃ꦲꦁꦔꦤꦤ꧀ꦢꦶꦏꦏꦁꦔꦤꦺꦁꦲꦶꦁꦩꦢꦺꦫꦠ꧀ꦤ꧈ꦮꦲꦸꦱꦁꦥꦿꦧꦸꦲꦺꦱ꧀ꦠꦿꦶ꧈ꦩꦫꦁꦧꦧꦸꦲꦶꦤ꧀ꦚ꧈ꦧꦶꦪꦁꦏꦶꦢꦩꦂꦮꦸꦭꦤ꧀​ꦏꦺꦴꦤ꧀ꦤꦼꦤ꧀ꦩꦊꦱ꧀ꦢꦶꦥꦸꦤ꧀ꦤꦒ꧀ꦭꦶꦱ꧀​ꦤꦶꦧꦧꦸꦲꦶꦤ꧀ꦤ꧈ꦥꦿꦥ꧀ꦠꦩꦿꦶꦁꦢꦩꦂꦱꦱꦶ ꧃ꦫꦢꦺꦤ꧀ꦤꦼꦩꦱ꧀ꦏꦮꦸꦭꦔꦼꦩ꧀ꦧꦤ꧀ꦠꦶꦩ꧀ꦧꦭꦤ꧀​​ꦲꦤ꧀ꦝꦮꦸꦃꦲꦏꦼꦤ꧀ꦩꦁꦏꦶꦤ꧀​ꦏꦠꦸꦫꦩꦿꦶꦁꦢꦶꦏ꧈ꦠꦶꦩ꧀ꦧꦭꦤꦺꦱꦁꦤꦠ꧈ꦮꦲꦸꦏꦶꦤꦺꦤ꧀ꦩꦊꦱ꧀ꦠꦸꦭꦶ꧈ꦩꦿꦶꦁ​ꦭꦪꦁꦱꦺꦠꦿ꧈ꦩꦶꦮꦃꦭꦪꦁꦏꦸꦩꦶꦠꦶꦂ ꧃ꦢꦩꦂꦮꦸꦭꦤ꧀ꦮꦲꦸꦲꦠꦸꦫꦺꦱꦤ꧀ꦢꦶꦏ꧈ꦥꦸꦤ꧀ꦤꦶꦤ꧀ꦚꦩꦸꦤ꧀ꦢꦸꦂꦲꦒ꧀ꦭꦶꦱ꧀​ꦱꦶꦒꦿꦢꦩꦂꦮꦸꦭꦤ꧀​ꦒꦸꦥꦸꦃꦤꦸꦭꦾꦲꦤ꧀ꦝꦏ꧀​ꦱꦶꦫꦏꦶꦭꦪꦁꦏꦸꦩꦶꦠꦶꦂ꧈ꦭꦤ꧀ꦭꦪꦁꦱꦺꦠꦿ꧈ꦏꦫꦺꦴꦱꦩꦶꦧꦶꦤꦤ꧀ꦠꦶꦁ

꧃ꦥꦸꦃ꧃ꦩꦸ꧃ꦣ꧃ꦏꦶꦭꦪꦁ​ [ f.144v ]

ꦱꦠꦿꦏꦱꦺꦴꦫꦤ꧀​ꦏꦊꦁꦔꦼꦂꦧꦶꦤꦤ꧀ꦠꦶꦁꦱꦶꦠꦶ꧈ꦭꦪꦁꦏꦸꦩꦶꦠꦶꦂꦏꦱꦴꦫꦤ꧀​ꦏꦸꦭꦺꦭꦺꦠꦤ꧀ꦤꦤꦺꦁꦱꦶꦠꦶ꧈ꦏꦫꦺꦴꦥꦠꦶꦁꦒꦸꦭꦶꦤ꧀ꦠꦶꦁ꧈ꦠꦤ꧀ꦤꦤꦧꦶꦱꦲꦭꦸꦁꦒꦸꦃ꧈ꦏꦶꦥꦠꦶꦃꦮꦸꦱ꧀ꦭꦸꦩꦗꦂ꧈ꦲꦁꦫꦁꦏꦸꦭꦩꦿꦶꦁꦢꦩꦂꦱꦱꦶ꧈ꦲꦸꦫꦶꦥ꧀ꦥꦼꦤ꧀ꦤꦲꦶꦏꦸꦒꦸꦱ꧀ꦠꦶꦏꦢꦁꦔꦶꦫ ꧃ꦮꦺꦴꦁꦠꦸꦧꦤ꧀ꦤꦱꦿꦸꦲꦱꦸꦫꦏ꧀​ꦒꦸꦩꦸꦫꦸꦃꦱꦾꦫꦤꦶꦫꦺꦏꦶ꧈ꦏꦭꦮꦤ꧀ꦮꦺꦴꦁꦠꦼꦠꦼꦭꦸꦏꦤ꧀​ꦒꦸꦩꦸꦫꦸꦃꦱꦾꦫꦔꦼꦧꦼꦏ꧀ꦏꦶ꧈ꦱꦩꦶꦤꦫꦶꦏ꧀ꦠꦺꦴꦃꦤꦺꦏꦶ꧈ꦮꦺꦴꦁꦠꦸꦧꦤ꧀ꦱꦸꦏ꧀ꦒꦸꦩꦸꦫꦸꦃ꧈ꦢꦺꦤꦺꦮꦺꦴꦁꦩꦗꦊꦁꦏ꧈ꦏꦧꦺꦃꦥꦣꦢꦺꦤ꧀ꦝꦺꦣꦺꦭ꧀ꦭꦶ꧈ꦏꦺꦫꦸꦠ꧀ꦏꦧꦺꦃꦲꦼꦠꦺꦴꦲꦺꦢꦺꦤꦶꦁꦮꦺꦴꦁꦠꦸꦧꦤ꧀

꧃ꦱꦮꦤꦺꦃꦲꦤꦲꦤꦸꦁꦒꦏ꧀​ꦲꦱꦼꦩꦪꦩꦼꦁꦏꦺꦴꦧꦼꦁꦔꦶ꧈ꦲꦤꦢꦺꦤ꧀ꦝꦺꦣꦺꦭꦶꦱꦶꦫ꧈ꦧꦼꦧꦼꦢ꧀ꦢꦶꦏꦼꦠ꧀ꦭꦤ꧀ꦏꦸꦭꦩ꧀ꦧꦶ꧈ꦱꦏꦺꦃꦮꦺꦴꦁꦩꦗꦥꦲꦶꦠ꧀​ꦧꦫꦸꦤ꧀ꦝꦸꦭ꧀ꦩꦸꦭꦶꦃꦲꦩ꧀ꦧꦼꦤ꧀ꦕꦸꦁ​ꦭ꧀​ꦱꦮꦤꦺꦃꦲꦤꦤꦸꦁ [ f.145r ]

ꦒ꧀​ꦢꦶꦏꦶꦤ꧀ꦛꦶꦭ꧀​ꦢꦺꦤꦶꦁꦮꦺꦴꦁꦠꦸꦧꦶꦤ꧀​ꦥꦿꦥ꧀ꦠꦒꦿꦶꦪꦮꦶꦕꦫꦤꦺꦲꦉꦉꦩ꧀ꦥ ꧃ꦲꦤꦲꦶꦏꦁꦠꦶꦤꦧꦺꦴꦏꦤ꧀​ꦲꦤꦭꦸꦩꦪꦸꦲꦒꦼꦤ꧀ꦢꦿꦶ꧈ꦲꦤꦲꦶꦏꦁꦲꦱꦶꦔꦶꦢꦤ꧀​ꦲꦤꦲꦶꦁꦏꦁꦔꦼꦔꦼꦩ꧀ꦧꦁꦔꦶ꧈ꦲꦤꦏꦁꦔꦱꦶꦃꦲꦱꦶꦃꦧꦺꦱꦸꦏ꧀ꦏꦼꦩ꧀ꦧꦺꦤ꧀ꦤꦶꦔꦺꦴꦁꦤ꧀ꦚꦲꦸꦂ꧈ꦧꦺꦱꦸꦏ꧀ꦠꦼꦠꦒꦤꦶꦮꦁ꧈ꦏꦼꦧꦺꦴꦤꦺꦢꦶꦕꦁꦕꦁꦗꦮꦶ꧈ꦲꦮꦸꦫꦲꦤ꧀ꦏꦁꦏꦭꦃꦢꦶꦥꦸꦤ꧀ꦧꦼꦧꦪꦁ ꧃ꦏꦶꦥꦠꦶꦃꦭꦺꦴꦒꦼꦤ꧀ꦢꦺꦂꦲꦶꦏ꧈ꦱꦶꦣꦏꦼꦥ꧀ꦧꦫꦶꦲꦤꦁꦔꦶꦱ꧀​ꦩꦉꦏ꧀ꦩꦫꦁꦢꦩꦂꦮꦸꦭꦤ꧀​ꦣꦸꦃꦗꦼꦤꦠ꧀ꦱꦸꦤ꧀ꦠꦼꦣꦒꦸꦱ꧀ꦠꦶ꧈ꦥꦤ꧀ꦏꦢꦁꦲꦶꦫꦏꦭꦶꦃꦲꦱꦁꦔꦼꦠ꧀ꦥꦤꦼꦣꦤꦶꦱꦸꦤ꧀​ꦏꦂꦪꦤꦼꦤ꧀ꦥꦤꦼꦏꦮꦤ꧀​ꦫꦢꦺꦤ꧀ꦱꦩ꧀ꦥꦸꦤ꧀ꦢꦶꦥꦼꦗꦃꦲꦶ꧈ꦲꦤ꧀ꦗꦼꦱ꧀ꦩꦫ꧈ꦗꦭꦸꦏꦼꦤꦢꦸꦭꦸꦂꦫꦶꦫ ꧃ꦏꦶꦱꦧ꧀ꦢꦥꦭꦺꦴꦤ꧀ꦥꦸꦤꦶꦏ꧈ꦮꦲꦸꦩꦊꦣꦶꦁꦔꦶꦱꦶꦭꦶꦠ꧀​ꦏꦶꦤꦪꦒꦺꦁꦒꦺꦴꦁꦥꦸꦤꦶꦏ꧈ꦔꦺꦢꦺꦲꦺꦢꦺꦩꦿꦶꦁꦏꦶꦥꦠꦶꦃꦱꦼꦧ꧀ꦢꦥꦭꦺꦴꦤ꧀ꦤꦲꦸꦫꦶꦭꦃꦠꦼꦧꦸꦁꦱꦼꦤ꧀ꦭꦤ꧀ꦧꦼꦏꦠꦸꦭ꧀​ꦤꦪꦒꦺꦁꦒꦺꦴꦁꦲꦁꦔꦸꦕꦥ꧀​ꦥꦠꦶꦃꦏꦶꦤ꧀ꦖꦲꦗꦏ [ f.145v ]ꦫꦶꦱꦤ꧀ꦠꦼꦤ꧀ꦏꦤꦶꦤ꧀​​ꦲꦤꦲꦮꦺꦴꦭꦸꦁꦗꦩ꧀ꦧꦫꦤ꧀ ꧃ꦤꦶꦲꦤ꧀ꦗꦼꦱ꧀ꦩꦫꦲꦁꦔꦸꦕꦥ꧀​ꦥꦩꦸꦮꦸꦱ꧀ꦱꦺꦲꦱ꧀ꦩꦸꦠꦁꦔꦶꦱ꧀​ꦏꦁꦔꦼꦩꦱ꧀ꦏꦮꦸꦭꦠꦼꦣ꧈ꦱꦢꦸꦭꦸꦂꦏꦮꦸꦭꦏꦭꦶꦃꦱꦩ꧀ꦥꦸꦢꦶꦏꦥꦠꦺꦤꦶꦩꦤꦮꦶꦥꦸꦥꦸꦠꦿꦶꦧꦺꦱꦸꦏ꧀꧈ꦱꦶꦤ꧀ꦠꦼꦤ꧀ꦧꦶꦤꦱꦤ꧀ꦤꦸꦮ꧈ꦩꦺꦱꦼꦩ꧀​​ꦫꦢꦺꦤ꧀ꦢꦩꦂꦱꦱꦶ꧈ꦮꦸꦱ꧀ꦠꦶꦤꦮ꧈ꦏꦁꦫꦏꦏꦫꦺꦴꦮꦭꦸꦪ ꧃ꦤꦶꦲꦤ꧀ꦗꦼꦱ꧀ꦩꦫꦏꦫꦸꦤ꧀ꦤꦩꦂꦩꦤꦺꦭꦫꦲꦤꦁꦔꦶꦱ꧀​ꦏꦫꦲꦺꦴꦱ꧀ꦱꦶꦁꦤꦭꦤ꧀ꦤꦶꦫ꧈ꦩꦤꦮꦏꦁꦫꦏꦱꦶꦁꦒꦶꦃꦥꦶꦤꦸꦤ꧀ꦝꦸꦠ꧀ꦠꦶꦁꦱꦁꦥꦸꦠꦿꦶ꧈ꦩꦂꦩꦤꦶꦥꦸꦤ꧀ꦱꦼꦁꦒꦿꦸꦏ꧀ꦱꦼꦁꦒꦿꦸꦏ꧀​​ꦪꦠꦏꦶꦢꦩꦂꦮꦸꦭꦤ꧀​​ꦲꦁꦫꦁꦏꦸꦭ꧀ꦱꦏꦶꦁꦔꦶꦁ​ꦮꦸꦫꦶ꧈ꦩꦶꦭꦤꦶꦫꦲꦤꦁꦔꦶꦱ꧀ꦠꦥꦏꦫꦤ ꧃ꦒꦊꦥꦸꦁꦩꦸꦒꦃꦮꦢꦤꦱꦸꦱꦸꦭꦸꦁꦏꦁꦩꦼꦢꦭ꧀ꦭꦺꦤ꧀ꦗꦶꦁ꧈ꦱꦠꦲꦸꦤ꧀ꦩꦁꦱꦭꦶꦥꦸꦫ꧈ꦪꦺꦤ꧀ꦠꦢꦺꦫꦺꦁ꧈ꦲꦭꦶꦫꦺꦴꦱ꧀ꦱꦶꦃꦮꦶꦭꦠꦸꦁꦲꦶꦁꦩꦫꦥꦶ꧈ꦠꦶꦠꦶꦔꦭꦼꦤ꧀ꦤꦮꦏ꧀ꦏꦶꦁꦱꦸꦤ꧀​ꦠꦺꦴꦪꦧꦺꦂꦣꦶꦤꦮꦸꦮꦤ꧀​ꦥꦼꦤꦭꦶꦠ꧀ꦩꦼꦒꦠ꧀​ꦩꦂꦒꦶ꧈ꦤꦺꦴꦫꦮꦸꦫꦸꦁ꧈ꦢꦺꦤ꧀ꦩꦩꦫꦸꦲꦺꦴꦫꦁꦧꦼꦱꦂ ꧃ꦥꦤꦸꦧꦶꦫꦸꦩꦸꦁꦒꦺꦁꦗꦗꦩꦸꦁꦱꦶꦫꦱꦸꦤ꧀ꦠꦺꦴꦲꦶꦥꦠꦶ꧈ꦏꦭꦧꦁꦱꦶꦤꦤ꧀ꦝꦸꦁꦩꦸꦤ꧀ꦖꦂ꧈ꦲꦺꦴꦫꦉꦤ꧀ꦤꦏꦸꦭꦪꦪꦶ꧈ꦣꦺꦁꦣꦺꦁꦢꦼꦊꦒ꧀​ꦮꦏ꧀ꦩꦩꦶ꧈ꦱꦸꦤ꧀ꦭꦮꦤꦶꦧꦺꦴꦭꦂꦧꦭꦸꦂꦲꦶꦒꦶꦃꦲꦩꦸꦁꦲꦤ꧀ꦢꦶꦏ꧈ꦏꦁꦢꦢꦶꦠꦼꦊꦁꦔꦶꦁꦒꦭꦶꦃ꧈ꦲꦤ꧀ꦗꦗꦲꦤꦒꦫꦩꦁꦱꦲꦤ꧀ꦠꦸꦏ ꧃ꦩꦺꦴꦗꦂꦢꦺꦮꦶꦲꦤ꧀ꦗꦼꦱ꧀ꦩꦫꦲꦶꦁꦫꦏꦱꦂꦮꦶꦲꦤ꧀ꦗꦶꦮꦶꦠ꧀​ꦩꦫꦱ꧀ꦱꦺꦲ [ f.146r ]ꦠꦶꦏꦮꦸꦭ꧈ꦏꦁꦲꦼꦩꦱ꧀ꦱꦶꦁꦱꦸꦤ꧀ꦠꦸꦠꦸꦫꦶ꧈ꦢꦺꦤꦶꦁꦢꦺꦢꦺꦱꦱꦩꦶ꧈ꦮꦺꦴꦁꦩꦩꦫꦸꦭꦤ꧀ꦮꦺꦴꦁꦔꦒꦸꦁ꧈ꦤꦁꦔꦶꦁꦏꦁꦔꦼꦩꦱ꧀ꦥꦺꦴꦩ꧈ꦒꦼꦒꦼꦭꦁꦩꦸꦁꦒꦺꦁꦗꦫꦶꦗꦶ꧈ꦲꦏꦿꦩꦲ꧈ꦲꦗꦭꦭꦶꦲꦶꦁꦏꦮꦶꦠꦤ꧀ ꧃ꦱꦁꦥꦿꦧꦸꦏꦼꦤ꧀ꦚꦠꦸꦩꦶꦔꦭ꧀​ꦲꦶꦁꦩꦤꦃꦏꦣꦺꦴꦲꦤ꧀ꦏꦶꦁꦏꦶꦤ꧀​ꦲꦩꦸꦁꦫꦢꦺꦤ꧀ꦢꦩꦂꦮꦸꦭꦤ꧀​ꦤꦺꦴꦫꦢꦂꦧꦺꦕꦶꦥ꧀ꦠꦏꦭꦶꦃ꧈ꦲꦩꦶꦕꦫꦲꦶꦁꦔꦠꦶ꧈ꦱꦶꦱꦶꦤꦲꦸꦩꦺꦴꦁꦩꦺꦴꦁꦩꦫꦸ꧈ꦧꦪꦏꦂꦱꦤꦶꦁꦢꦺꦮ꧈ꦤꦺꦴꦫꦧꦏꦭ꧀ꦭꦶꦁꦮꦺꦴꦁꦭꦏꦶ꧈ꦏꦏꦶꦢꦺꦮ꧈ꦠꦼꦒꦸꦃꦲꦼꦤ꧀ꦤꦮꦏ꧀ꦏꦶꦁꦮꦁ ꧃ꦤꦢꦾꦤ꧀ꦉꦏꦺꦃꦠꦸꦩꦸꦫꦸꦤ꧈ꦮꦶꦢꦢꦫꦮꦶꦢꦢꦫꦶ꧈ꦲꦮꦸꦮꦸꦮꦢꦺꦮꦶꦲꦸꦩ꧈ꦏꦭꦮꦤ꧀ꦱꦁꦪꦁꦥꦿꦩꦺꦱ꧀ꦛꦶ꧈ꦏꦪꦠꦤ꧀ꦏꦼꦤ꧀ꦤꦩꦫꦶ꧈ꦲꦤꦩ꧀ꦧꦤꦶꦭꦫꦤꦶꦁꦱꦸꦤ꧀​ꦢꦺꦮꦭꦫꦏꦮꦸꦭꦤꦺꦴꦫꦩꦠꦶꦤꦺꦴꦫꦲꦸꦫꦶꦥ꧀​ꦭꦫꦤꦶꦁꦱꦸꦤ꧀ꦩꦺꦴꦁꦒꦺꦴꦩꦺꦴꦁꦒꦺ꧈ꦏꦫꦸꦁꦫꦺꦁꦔꦤ꧀ ꧃ꦲꦁꦔꦢꦼꦒ꧀ꦏꦶꦢꦩꦂꦮꦸꦭꦤ꧀ꦮꦺꦴꦤ꧀ꦠꦼꦤ꧀ꦱꦤ꧀ꦝꦥ꧀ꦥꦶꦁꦮꦫꦶꦁꦔꦶꦤ꧀​ꦥꦿꦧꦸꦏꦼꦤ꧀ꦚꦱꦶꦫꦩꦸꦭꦠ꧀​ꦮꦱ꧀ꦥꦢꦢꦺꦤ꧀ꦚꦤꦶꦔꦭ꧀ꦭꦶ꧈ꦧꦪꦱꦩ꧀ꦥꦸꦤ꧀ꦥꦶꦤꦱ꧀ꦛꦶ꧈ꦗꦭꦸꦲꦺꦲꦺꦱ꧀ꦠꦿꦶꦱꦩꦶꦢꦸꦭꦸ꧈ꦤꦁꦔꦶꦁꦱꦏꦼꦣꦥ꧀ꦤꦺꦠꦿ꧈ꦏꦢꦶꦫꦢꦶꦠꦾꦭꦤ꧀ꦱꦱꦶ꧈ꦗꦭꦸꦲꦺꦱ꧀ꦠꦿꦶꦊꦊꦲꦶꦩ꧀ꦧꦸꦃꦲꦶꦁꦔꦶꦩ꧀ꦧꦸꦮꦤ꧀ ꧃ꦪꦠꦮꦲꦸꦥꦿꦧꦸꦏꦼꦤ꧀ꦚꦩꦊꦧꦸꦲꦶꦁꦢꦊꦩ꧀ꦥꦸꦫꦶ꧈ꦱꦏꦛꦃꦲꦺꦥꦸꦠꦿꦶꦠꦮꦤ꧀​ꦱꦢꦪꦱꦩꦶꦲꦁꦔꦶꦫꦶꦁ꧈ꦱꦶꦫ [ f.146v ]ꦱꦁꦥꦿꦧꦸꦲꦺꦱ꧀ꦠꦿꦶꦭꦩ꧀ꦥꦃꦲꦶꦥꦸꦤ꧀ꦒꦤ꧀ꦢꦿꦸꦁꦒꦤ꧀ꦢꦿꦸꦁ꧈ꦫꦱꦤꦺꦲꦶꦁꦏꦁꦩꦤꦃꦏꦪꦩꦠꦶꦏꦪꦲꦸꦫꦶꦥ꧀​ꦭꦁꦏꦸꦁꦱꦼꦩꦁꦱꦼꦤꦤ꧀ꦱꦼꦤ꧀ꦤꦶꦒ꧀ꦩꦤꦲꦶꦫ ꧃ꦱꦏꦛꦃꦲꦺꦫꦗꦧꦿꦤꦲꦶꦏꦁꦱꦩꦶꦲꦢꦶꦭꦸꦮꦶꦃꦱꦶꦤ꧀ꦗꦁꦲꦶꦏꦁꦱꦂꦮꦲꦺꦤ꧀ꦢꦃꦱꦺꦴꦱꦺꦴꦮꦩꦶꦫꦃꦏꦁꦔꦢꦶꦱꦢꦪꦢꦶꦣꦸꦣꦲꦶ꧈ꦏꦶꦤꦂꦪꦥꦁꦭꦶꦥꦸꦂꦮꦸꦪꦸꦁ꧈ꦩꦫꦁꦱꦁꦥꦿꦧꦸꦏꦼꦤ꧀ꦚ꧈ꦱꦥꦿꦤ꧀ꦢꦺꦤꦺꦩꦏ꧀ꦱꦶꦃꦧꦿꦁꦠꦶ꧈ꦲꦁꦔꦤ꧀ꦢꦶꦏꦲꦸꦤ꧀ꦢꦁꦔꦼꦤ꧀ꦱꦶꦲꦤ꧀ꦗꦼꦱ꧀ꦩꦫ ꧃ꦢꦠꦤ꧀ꦏꦮꦂꦤꦱꦩꦤ꧈ꦢꦺꦮꦶꦲꦤ꧀ꦗꦼꦱ꧀ꦩꦫꦥꦿꦥ꧀ꦠꦶ꧈ꦲꦁꦔꦤ꧀ꦢꦶꦏꦥꦿꦧꦸꦏꦼꦤ꧀ꦚ꧈ꦩꦸꦁꦢꦶꦏꦱꦢꦸꦭꦸꦂꦩꦩꦶ꧈ꦪꦪꦶꦢꦺꦤ꧀ꦩꦫꦁꦔꦂꦱꦶ꧈ꦤꦸꦭꦾꦩꦗꦼꦁꦲꦮꦺꦴꦠ꧀ꦱꦤ꧀ꦠꦸꦤ꧀​ꦱꦥꦿꦥ꧀ꦠꦤꦺꦔꦗꦼꦁꦔꦤ꧀​​ꦲꦁꦔꦤ꧀ꦢꦶꦏꦥꦿꦧꦸꦲꦺꦱ꧀ꦠꦿꦶ꧈ꦲꦶꦁꦱꦸꦤ꧀ꦥꦸꦤ꧀ꦝꦸꦠ꧀​​ꦪꦪꦶꦥꦠꦶꦲꦸꦫꦶꦥ꧀ꦥꦶꦫ ꧃ꦲꦶꦪꦱꦢꦸꦭꦸꦂꦩꦤꦶꦫꦱꦶꦫꦱꦸꦤ꧀ꦧꦱꦤꦶꦪꦪꦶ꧈ꦢꦶꦥꦸꦤ꧀ꦭꦶꦭꦩꦤꦃꦲꦶꦫ꧈ꦥꦪꦸꦪꦪꦶꦥꦣꦩꦸꦏ꧀ꦠꦶ꧈ꦲꦤꦁꦔꦶꦁꦩꦗꦥꦲꦶꦠ꧀ꦱꦶꦱꦶꦤꦲꦸꦩꦺꦴꦁꦩꦺꦴꦁꦩꦫꦸ꧈ꦩꦠꦸꦂꦤꦶꦲꦤ꧀ꦗꦼꦱ꧀ꦩꦫ꧈ꦒꦸꦩꦸꦪꦸꦱꦂꦪꦮꦺꦴꦠ꧀ꦱꦫꦶ꧈ꦫꦶꦤ꧀ꦠꦼꦤ꧀ꦢꦭꦸ꧈ꦣꦠꦼꦁꦱꦸꦩꦁꦒꦲꦶꦁꦏꦂꦱ ꧃ꦱꦩ꧀ꦥꦸꦤ꧀ꦩꦼꦁꦒꦃꦱꦥꦸꦤꦶꦏ꧈ꦤꦢꦾꦤ꧀ꦥꦠꦶꦭꦮꦤ꧀ꦤꦸꦫꦶꦥ꧀​ꦱꦸꦩꦁꦒꦏꦂꦱꦤꦠ꧈ꦢꦾꦤ꧀​ꦔꦤ꧀ꦢꦶꦏꦥꦿꦧꦸꦲꦺꦱ꧀ꦠꦿꦶ꧈ꦠꦫꦶꦩꦤ꧀ꦤꦶꦁꦱꦸꦤ꧀ꦤꦶꦏꦶ꧈ꦔꦼꦥꦺꦏ꧀ꦧꦲꦺꦪꦪꦶꦲꦶꦁꦱꦸꦤ꧀​ꦱꦏꦺꦃꦲꦺꦥꦸꦠꦿꦶꦠꦮꦤ꧀ꦏꦱꦿꦃꦲꦲꦶꦱꦶꦫꦪꦪꦶ꧈ꦮꦶꦱ꧀ꦩꦸꦭꦶꦪ꧈ꦲꦠꦸꦂ [ f.147r ]ꦫꦤꦭꦏꦶꦤꦶꦫ ꧃ꦱꦏꦛꦃꦲꦺꦥꦸꦠꦿꦶꦠꦮꦤ꧀ꦱꦩꦶꦲꦩꦶꦕꦫꦺꦁꦔꦠꦶ꧈ꦧꦪꦮꦸꦱ꧀ꦏꦂꦱꦤꦶꦁꦢꦺꦮ꧈ꦭꦭꦏꦺꦴꦤꦺꦲꦮꦏ꧀ꦩꦩꦶ꧈ꦠꦤ꧀ꦢꦽꦩꦤ꧀ꦭꦶꦭꦶꦮꦠꦶ꧈ꦲꦥꦶꦱꦃꦭꦤ꧀ꦤꦿꦩꦲꦶꦧꦸ꧈ꦥꦿꦥ꧀ꦠꦲꦶꦁꦩꦗꦊꦁꦏ꧈ꦲꦠꦼꦩꦃꦏꦗꦶꦮꦧꦸꦩꦶ꧈ꦮꦶꦱ꧀ꦩꦁꦏꦺꦴꦤꦺꦴꦢꦺꦤ꧀ꦩꦩꦫꦸ꧈ꦲꦺꦴꦫꦁꦧꦼꦱꦂ ꧃ꦭꦺꦁꦱꦺꦂꦢꦺꦮꦶꦲꦤ꧀ꦗꦼꦱ꧀ꦩꦫꦮꦲꦸꦱꦏꦶꦁꦢꦊꦩ꧀ꦥꦸꦫꦶꦔ꧀​ꦱꦏꦛꦃꦲꦶꦁꦥꦸꦠꦿꦶꦠꦮꦤ꧀​ꦱꦢꦪꦱꦩꦶꦲꦁꦔꦶꦫꦶꦁ꧈ꦲꦤ꧀ꦗꦼꦱ꧀ꦩꦫꦤꦺꦁꦔꦂꦱꦶ꧈ꦒꦶꦤꦉꦧꦼꦒ꧀ꦥꦫꦲꦫꦸꦩ꧀​ꦥꦫꦥꦸꦠꦿꦶꦱꦢꦪ꧈ꦒꦂꦮꦤꦺꦥꦫꦢꦶꦥꦠꦶ꧈ꦱꦩꦾꦔꦶꦫꦶꦁꦢꦸꦏ꧀ꦩꦊꦧꦼꦠ꧀ꦢꦊꦩ꧀ꦥꦸꦫ ꧃ꦮꦸꦱ꧀ꦥꦿꦥ꧀ꦠꦏꦒꦺꦴꦏ꧀ꦥꦶꦁꦠꦶꦁꦒꦥꦸꦁꦒꦮꦭꦤ꧀ꦥꦫꦩꦤ꧀ꦠꦿꦶ꧈ꦮꦸꦱ꧀ꦱꦩꦶꦧꦭꦶꦱꦢꦪ꧈ꦱꦏꦛꦃꦲꦺꦥꦫꦥꦸꦠꦿꦶ꧈ꦱꦢꦪꦱꦩꦶꦔꦶꦫꦶꦁ꧈ꦢꦸꦏ꧀ꦩꦊꦧꦼꦠ꧀ꦢꦊꦩ꧀ꦩꦒꦸꦁ꧈ꦪꦠꦱꦁꦥꦿ ꦧꦸꦏꦼꦤ꧀ꦚ꧈ꦮꦸꦱ꧀ꦱꦶꦤ꧀ꦗꦁꦒꦫꦶꦁꦱꦶꦁꦫꦶꦁꦒꦶꦠ꧀​ꦠꦤ꧀ꦥꦱꦼꦁꦏꦁ꧈ꦲꦩꦥꦒ꧀ꦒꦶꦁꦥꦫꦺꦒꦺꦴꦭ꧀ꦭꦤ꧀ ꧃ꦪꦠꦮꦲꦸꦥꦿꦧꦸꦏꦼꦤ꧀ꦚꦲꦤ꧀ꦢꦸꦭꦸꦩꦿꦶꦁꦢꦩꦂꦱꦱꦶ꧈ꦗꦗꦤꦺꦏꦁꦏꦠꦶꦔꦭꦤ꧀​ꦥꦶꦤꦤ꧀ꦢꦼꦁꦢꦺꦤꦶꦁꦱꦁꦥꦸꦠꦿꦶ꧈ꦲꦥꦤ꧀ꦏꦶꦢꦩꦂꦱꦱꦶꦗꦗꦤꦺꦩꦸꦫꦸꦧ꧀ꦥꦸꦩꦸꦤꦸ꧈ꦲꦥꦤ꧀ꦥꦠꦁꦥꦿꦏꦫꦲꦸꦫꦸꦧꦶꦁꦗꦗꦲꦮꦼꦤꦶꦁ꧈ꦫꦲꦺꦴꦱ꧀ꦱꦼꦤꦱꦼꦩꦸꦤ꧀ꦤꦶꦁꦲꦸꦫꦸꦧ꧀ꦧꦶꦁꦗꦗ ꧃ꦲꦸꦫꦸꦧ꧀ꦧꦺꦲꦶꦁꦏꦁꦔꦥꦼꦛꦏ꧀​ꦤ꧀ꦚꦠꦮꦶꦗꦶꦭ꧀​ꦭꦶꦁꦔꦠꦥꦶ꧈ꦲꦸꦫꦸꦧ꧀ꦧꦺꦲꦶꦏꦲꦲꦧꦁꦤ꧀ꦚ [ f.147v ]ꦠꦉꦩ꧀ꦧꦼꦱ꧀ꦢꦤꦮꦫꦶ꧈ꦲꦶꦪꦲꦶꦏꦁꦲꦏꦸꦤꦶꦁꦲꦶꦏꦸꦤ꧀ꦚꦠꦢꦩꦂꦱꦤ꧀ꦠꦸꦤ꧀​ꦤ꧀ꦚꦠꦠꦽꦲ꧀​​ꦲꦶꦁꦏꦸꦱꦸꦩ꧈ꦏꦏꦶꦧꦒꦮꦤ꧀ꦭꦶꦤꦸꦮꦶꦃꦲꦶꦧꦸꦱꦺꦴꦫ꧈ꦧꦥꦩꦢꦸꦫꦠꦽꦲ꧀​ꦏꦸꦱꦸꦩ ꧃ꦱꦶꦂꦤꦲꦸꦫꦸꦧꦺꦏꦁꦗꦗ꧈ꦢꦶꦤꦸꦭꦸꦲꦤꦮꦺꦴꦁ​ꦭꦶꦁꦒꦶꦃꦩꦸꦁꦒꦺꦃꦣꦣꦩ꧀ꦥꦂꦏꦤ꧀ꦖꦤ꧈ꦲꦶꦁꦒꦂꦧꦤꦺꦢꦩꦂꦱꦱꦶ꧈ꦲꦶꦁꦔꦪꦥ꧀ꦥꦫꦥꦸꦠꦿꦶ꧈ꦲꦩꦏꦸꦛꦲꦧꦿꦩꦸꦫꦸꦧ꧀​​ꦲꦒꦼꦭꦸꦁꦏꦼꦏꦼꦭꦶꦁꦔꦤ꧀​ꦕꦪꦤꦺꦭꦸꦮꦶꦃꦤꦼꦭꦼꦲꦶ꧈ꦲꦺꦴꦫꦱꦩꦂ꧈ꦲꦥꦤ꧀ꦮꦸꦱ꧀ꦠꦸꦁꦒꦭ꧀ꦥꦤꦸꦏ꧀ꦩ ꧃ꦪꦠꦱꦁꦥꦿꦧꦸꦮꦤꦺꦴꦢꦾꦒꦸꦥꦸꦃꦒꦸꦥꦸꦃꦩꦭꦪꦺꦴꦤꦶ꧈ꦩꦫꦁꦫꦢꦺꦤ꧀ꦢꦩꦂꦮꦸꦭꦤ꧀​ꦱꦁꦢꦾꦤꦺꦲꦂꦱꦔꦸꦤ꧀ꦗꦸꦁꦔꦶ꧈ꦱꦶꦤꦩ꧀ꦧꦸꦠ꧀ꦥꦿꦧꦸꦲꦺꦲꦱ꧀ꦠꦿꦶ꧈ꦥꦶꦤꦺꦴꦤ꧀ꦝꦺꦴꦁꦱꦁꦩꦸꦂꦠꦶꦤꦶꦫꦸꦩ꧀​​ꦲꦣꦸꦃꦢꦺꦮꦤꦺꦱꦶꦏꦏꦁꦏꦸꦱꦸꦩꦒꦺꦴꦤ꧀ꦤꦶꦁꦱꦸꦤ꧀​ꦔꦧ꧀ꦢꦶ꧈ꦲꦩꦸꦁꦱꦶꦫꦩꦸꦱ꧀ꦠꦶꦏꦤꦶꦁꦩꦗꦊꦁꦏ ꧃ꦩꦺꦴꦗꦂꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦩꦫꦁꦱꦒꦸꦁꦥꦫꦥꦸꦠꦿꦶ꧈ꦥꦪꦸꦥꦣꦠꦠꦧꦸꦮꦤ꧀​ꦒꦼꦤ꧀ꦝꦶꦁꦔꦺꦲꦶꦏꦁꦔꦧꦼꦕꦶꦏ꧀​ꦮꦸꦱ꧀ꦱꦩꦶꦢꦺꦤ꧀ꦒꦼꦭꦫꦶ꧈ꦢꦺꦤꦶꦁꦱꦒꦸꦁꦥꦫꦲꦫꦸꦩ꧀​ꦧꦼꦣꦪꦮꦸꦱ꧀ꦩꦫꦥꦒ꧀​ꦒꦩꦼꦭꦤ꧀ꦩꦸꦤ꧀ꦚꦫꦫꦁꦔꦶꦤ꧀​ꦭꦶꦂꦧꦿꦩꦫ꧈ꦏꦁꦔꦤꦺꦁꦔꦶꦁꦥꦒꦸꦭꦶꦁꦔꦤ꧀ ꧃ꦒꦩꦼꦭꦤ꧀ꦩꦸꦤꦶꦲꦁꦫꦫꦱ꧀ꦭꦶꦂꦠꦫꦸꦱꦼꦣꦼꦁꦔꦺꦱꦼꦩꦶ꧈ꦤꦶꦲꦤ꧀ꦗꦼꦱ꧀ꦩꦫꦲꦁꦔꦸꦕꦥ꧀​ꦩꦫꦁꦱꦒꦸꦁꦥꦫꦥꦸꦠꦿꦶ꧈ꦲꦗꦲꦤ꧀ꦗꦗꦫꦸꦮꦶꦲꦺꦃꦱꦏꦧꦺꦃꦏꦤ꧀ꦖꦤꦶꦱꦸꦤ꧀​ꦭꦃꦮꦶꦱ꧀ꦥ [ f.148r ]ꦪꦥꦣꦮꦶꦱꦤ꧀​ꦱꦏꦛꦃꦲꦺꦥꦫꦥꦸꦠꦿꦶ꧈ꦥꦣꦩꦸꦭꦶꦃꦲꦗꦫꦺꦧꦼꦢ꧀ꦢꦶꦤꦶꦭꦸꦫ ꧃ꦧꦶꦤꦏ꧀ꦠꦩꦿꦶꦁꦥꦒꦸꦭꦶꦁꦔꦤ꧀​ꦮꦲꦸꦠꦱꦁꦥꦿꦧꦸꦲꦶꦱ꧀ꦠꦿꦶ꧈ꦣꦠꦼꦁꦫꦢꦺꦤ꧀ꦢꦩꦂꦮꦸꦭꦤ꧀​ꦏꦭꦁꦏꦸꦁꦲꦁꦔꦱꦶꦃꦲꦱꦶꦃ꧈ꦱꦂꦮꦶꦲꦁꦔꦫꦱ꧀ꦥꦶꦥꦶꦥꦁꦫꦸꦁꦫꦸꦩꦺꦥꦲꦶꦠ꧀​ꦗꦸꦫꦸꦃ꧈ꦲꦺꦴꦫꦫꦸꦩꦱꦏꦿꦩ꧈ꦫꦸꦩꦱꦭꦩꦺꦴꦤ꧀ꦤꦔꦧ꧀ꦢꦶ꧈ꦲꦩꦸꦁꦢꦶꦏ꧈ꦫꦠꦸꦲꦼꦩꦱ꧀ꦱꦢꦶꦩꦸꦭꦾ ꧃ꦪꦺꦤ꧀ꦱꦸꦤ꧀ꦱꦮꦁ​ꦮꦂꦤꦤꦶꦫꦱꦗꦒꦠ꧀ꦠꦤ꧀ꦤꦤꦠꦤ꧀ꦝꦶꦁꦏꦁꦏꦢꦶꦏꦸꦱꦸꦩꦤꦶꦫꦠ꧀​​ꦲꦶꦤ꧀ꦠꦼꦤ꧀ꦤꦿꦠ꧀ꦤꦏꦁ​ꦭꦶꦤꦸꦮꦶꦃ꧈ꦩꦶꦫꦃꦤꦶꦭꦮꦶꦢꦸꦫꦶ꧈ꦏꦺꦴꦩꦭꦤꦺꦩꦶꦫꦃꦢꦢꦸ꧈ꦱꦺꦴꦫꦺꦴꦠ꧀ꦲꦤ꧀ꦢꦿꦧꦸꦮꦤ꧈ꦩꦶꦢꦼꦫꦱꦺꦮꦸꦤꦼꦒꦫꦶ꧈ꦲꦩꦸꦁꦱꦶꦫꦫꦠꦸꦲꦪꦸꦲꦢꦶꦩꦸꦭꦾ ꧃ꦠꦼꦒꦼꦱ꧀ꦱꦺꦏꦸꦱꦸꦩꦏꦼꦩ꧀ꦧꦁꦢꦸꦢꦸꦒꦩ꧀ꦥꦶꦂꦭꦤ꧀ꦩꦭꦛꦶ꧈ꦢꦸꦢꦸꦕꦩ꧀ꦥꦏꦏꦼꦤꦔ꧈ꦢꦸꦢꦸꦏꦼꦩ꧀ꦧꦁꦲꦶꦁꦏꦁ​ꦮꦁꦔꦶ꧈ꦱꦗꦠꦶꦤꦺꦏꦸꦪꦪꦶꦏꦁꦲꦤꦸꦏ꧀ꦩꦲꦶꦁꦥꦁ​ꦭꦸꦭꦸꦠ꧀​ꦠꦶꦔꦭ꧀ꦭꦺꦢꦩꦂꦮꦸꦭꦤ꧀​ꦣꦸꦩꦠꦼꦁꦱꦁꦥꦿꦧꦸꦲꦺꦱ꧀ꦠꦿꦶꦫꦲꦺꦴꦱ꧀ꦱꦼꦤ꧀ꦤ꧈ꦏꦼꦣꦶꦏ꧀​ꦠꦺꦴꦪꦤꦶꦁꦱꦒꦫ

꧃ꦱꦏꦛꦃꦲꦺꦥꦫꦲꦶꦤ꧀ꦚꦱꦢꦪꦱꦩꦶꦲꦁꦔꦷꦤ꧀ꦠꦶꦥ꧀​ꦩꦫꦁꦫꦢꦺꦤ꧀ꦢꦩꦂꦮꦸꦭꦤ꧀​ꦧꦼꦧꦺꦏ꧀ꦏꦤꦺꦲꦏꦸꦩꦠꦶ꧈ꦠꦤ꧀ꦏꦮꦮꦩꦶꦂꦱꦺꦏꦶ꧈ꦱꦾꦫꦤꦺꦲꦭꦸꦮꦶꦃꦲꦫꦸꦩ꧀​ꦭꦶꦂꦩꦢꦸꦥꦶꦤꦱ꧀ꦛꦶꦏ꧈ꦱꦾꦫꦤꦺꦲꦩ꧀ꦩꦼꦭꦱ꧀ꦱꦱꦶ꧈ꦭꦫꦥꦫꦤ꧀ꦖꦶꦁꦕꦶꦁꦕꦶꦁꦕꦶꦁꦤꦼꦣ [ f.148v ]

ꦫꦺꦴꦮꦁ ꧃ꦢꦠꦤ꧀ꦏꦮꦂꦤꦲꦶꦁꦱꦶꦪꦁ​ꦮꦲꦸꦒꦸꦩꦤ꧀ꦠꦶꦏꦁ​ꦮꦼꦔꦶ꧈ꦱꦁꦏꦏꦸꦁꦲꦩꦿꦶꦪꦼꦩ꧀ꦧꦢ꧈ꦱꦁꦏꦏꦸꦁꦲꦁꦔꦫꦶꦲꦫꦶ꧈ꦱꦶꦪꦁꦢꦭꦸꦭꦶꦂꦩꦶꦩꦶ꧈ꦠꦤ꧀ꦏꦼꦤꦧꦼꦁꦒꦁꦱꦫꦩ꧀ꦧꦸꦠ꧀​ꦭꦁꦏꦸꦁꦢꦺꦤ꧀ꦚꦥꦱꦶꦪꦤ꧀​ꦠꦤ꧀ꦏꦼꦤꦧꦼꦁꦒꦁꦱꦤ꧀ꦚꦫꦶ꧈ꦱꦶꦪꦁꦢꦭꦸꦫꦶꦤꦸꦁꦫꦸꦩ꧀ꦭꦶꦂꦒꦸꦭꦢꦿꦮ ꧃ ꧃ ꧃ꦏꦮꦂꦤꦲꦮꦲꦸꦠꦱꦁꦢꦺꦮꦶ꧈ꦲꦤ꧀ꦗꦼꦱ꧀ꦩꦫ꧈ꦲꦭꦫꦏꦫꦸꦤ꧈ꦥꦶꦲꦂꦱꦮꦲꦸꦠꦁꦔꦶꦱ꧀ꦱꦺ꧈ꦪꦠꦏꦸꦱꦸꦩꦤꦶꦁꦫꦸꦩ꧀​​ꦫꦗꦥꦸꦠꦿꦶ꧈ꦲꦩꦸꦮꦸꦱ꧀ꦱꦫꦶꦱ꧀​ꦏꦏꦁꦫꦪꦶꦲꦤ꧀ꦢꦶꦏꦲꦭꦫꦲꦩꦸꦁꦔꦸꦤ꧀​​ꦉꦠ꧀ꦤꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦢꦶꦏꦠꦸꦭꦸꦁ꧈ꦩꦁꦱꦧꦺꦢꦮꦺꦴꦁꦲꦭꦏꦶ꧈ꦏꦏꦁꦱꦥꦣꦥꦣ

꧃ꦩꦺꦱꦼꦩ꧀ꦱꦁꦏꦏꦸꦁꦲꦁꦔꦫꦱ꧀ꦥꦶꦥꦶ꧈ꦭꦃꦏꦤ꧀ꦠꦸꦤ꧈ꦩꦶꦫꦃꦲꦺꦱꦶꦏꦏꦁ꧈ꦲꦶꦁꦱꦸꦤ꧀ꦤꦠꦸꦭꦸꦁꦲꦫꦶꦤꦺ꧈ꦪꦠꦱꦁꦫꦗꦱꦸꦤꦸ [ f.149r ]

ꦱꦩ꧀ꦥꦸꦤ꧀ꦥꦿꦥ꧀ꦠꦱꦶꦤꦩ꧀ꦧꦸꦠ꧀ꦠꦒ꧀ꦭꦶꦱ꧀​​ꦲꦤ꧀ꦗꦼꦱ꧀ꦩꦫꦏꦫꦸꦤ꧀ꦤ꧈ꦠꦁꦒꦶꦤꦱ꧀ꦱꦁꦒꦫꦸꦠ꧀​ꦭꦃꦗꦼꦤꦠ꧀ꦲꦸꦣꦸꦤ꧀ꦤꦲꦶꦮꦁ꧈ꦤꦺꦴꦂꦏꦼꦭꦂꦢꦺꦤ꧀ꦩꦩꦫꦸꦭꦤ꧀ꦤꦂꦥꦠꦶ꧈ꦲꦶꦁꦱꦸꦤ꧀ꦠꦤ꧀ꦏꦫꦮꦠ ꧃ꦪꦠꦫꦶꦤꦸꦁꦫꦸꦩ꧀ꦩꦶꦁꦔꦫꦶꦲꦫꦶ꧈ꦥꦤ꧀ꦠꦼꦱ꧀ꦠꦼꦩꦼꦤ꧀ꦩꦶꦫꦃꦲꦺꦱꦶꦏꦏꦁ​ꦮꦺꦴꦁꦔꦪꦸꦥꦸꦠꦸꦁꦔꦤ꧀ꦤꦠꦺꦤ꧀​ꦧꦫꦶꦁꦏꦼꦏ꧀ꦏꦺꦏꦭꦁꦏꦸꦁ꧈ꦱꦥꦧꦪ꧈ꦏꦁꦢꦸꦮꦫꦧꦶ꧈ꦲꦶꦪꦏꦶꦢꦩꦂꦮꦸꦭꦤ꧀​​ꦲꦪꦸꦤꦺꦲꦤꦸꦭꦸꦱ꧀​ꦤꦁꦔꦶꦁꦱꦏꦼꦣꦥ꧀ꦏꦺꦮꦭ꧈ꦤꦸꦭꦶꦊꦗꦂ꧈ꦧꦶꦤꦏ꧀ꦠꦩꦸꦁꦒꦃꦲꦒꦸꦭꦶꦁ꧈ꦮꦲꦸꦤꦶꦲꦤ꧀ꦗꦼꦱ꧀ꦩꦫ ꧃ꦏꦶꦤꦸꦱꦾꦏꦸꦱꦾꦮꦲꦸꦏꦁꦫꦪꦶ꧈ꦲꦥꦤ꧀ꦱꦱꦩ꧀ꦥꦸꦤ꧀​ꦏꦒꦤ꧀ꦠꦺꦤꦤ꧀ꦤꦿꦱ꧈ꦲꦤꦥꦸꦠꦿꦶꦏꦭꦶꦃꦩꦁꦏꦺꦴꦤꦶꦮꦲꦶꦠꦲꦩꦸꦁꦔꦸꦤ꧀​ꦤꦶꦥꦸꦪꦼꦁꦔꦤ꧀ꦭꦫꦲꦤꦁꦔꦶꦱ꧀​ꦱꦩ꧀ꦧꦠ꧀ꦠꦺꦲꦩ꧀ꦭꦱ꧀ꦱꦂꦱ꧈ꦲꦣꦸꦃꦲꦮꦏ꧀ꦏꦶꦁꦱꦸꦤ꧀​​ꦲꦠꦶꦭꦂꦲꦶꦁꦔꦶꦧꦸꦫꦩ [ f.149v ]ꦲꦠꦼꦩꦲꦤ꧀​​ꦲꦶꦁꦱꦸꦤ꧀ꦤꦤꦺꦁꦩꦗꦥꦲꦶꦠ꧀​ꦠꦼꦏꦏ꧀ꦱꦸꦫꦁꦱꦸꦫꦁ ꧃ꦲꦥꦤ꧀ꦱꦩ꧀ꦥꦸꦤ꧀ꦱꦶꦤ꧀ꦧꦸꦠ꧀ꦠꦸꦩꦸꦭꦶ꧈ꦤꦶꦮꦲꦶꦠ꧈ꦤꦶꦥꦸꦪꦼꦁꦔꦤ꧀ꦱꦶꦒꦿ꧈ꦏꦗꦠꦺꦤ꧀ꦤꦿꦱꦤ꧀ꦏꦭꦶꦪꦺ꧈ꦩꦶꦮꦃꦏꦁꦥꦫꦲꦫꦸꦩ꧀​​ꦲꦥꦤ꧀ꦱꦩ꧀ꦥꦸꦤ꧀ꦏꦗꦠꦺꦤ꧀ꦤꦸꦤꦶ꧈ꦫꦱꦏꦁ​ꦭꦸꦮꦶꦃꦩꦸꦭꦾꦮꦲꦸꦱꦁꦔꦧꦒꦸꦱ꧀​ꦱꦩ꧀ꦥꦸꦤ꧀ꦥꦶꦤꦉꦏ꧀ꦏꦠꦠꦫꦠꦸꦲꦪꦸ꧈ꦏꦸꦱꦸꦩꦏꦤ꧀ꦖꦤꦮꦠꦶ꧈ꦭꦮꦤ꧀ꦤꦶꦲꦤ꧀ꦗꦼꦱ꧀ꦩꦫ ꧃ꦤꦶꦮꦲꦶꦠꦥꦸꦪꦼꦁꦔꦤ꧀ꦤꦶꦁꦔꦂꦱꦶ꧈ꦥꦫꦥꦸꦠꦿꦶ꧈ꦲꦠꦫꦥ꧀ꦔꦗꦼꦁꦔꦤ꧀​ꦥꦼꦣꦼꦏꦤ꧀ꦤꦸꦩꦾꦁꦱꦾꦫꦤꦺ꧈ꦲꦁ​ꦭꦭꦢꦺꦤꦶꦱꦩ꧀ꦥꦸꦤ꧀​ꦥꦥꦁꦔꦤꦤ꧀ꦏꦁꦲꦢꦶꦲꦢꦶ꧈ꦩꦶꦮꦃꦥꦸꦠꦿꦶꦲꦶꦁꦠꦸꦧꦤ꧀ꦤꦶꦱꦏꦠꦶꦲꦶꦏꦸ꧈ꦥꦸꦠꦿꦶꦢꦲꦲꦤꦺꦁꦔꦂꦱ꧈ꦥꦿꦧꦸꦏꦼꦤ꧀ꦚ꧈ꦲꦶꦁꦔꦥꦶꦠ꧀ꦒꦺꦤ꧀ꦚꦲꦭꦶꦁꦒꦶꦃꦔꦂꦱꦥꦸꦠꦿꦶꦲꦒꦼꦭꦂ ꧃ꦱꦩ꧀ꦥꦸꦤ꧀ꦏꦱꦿꦃꦱꦲꦶꦱꦶꦤꦶꦥꦸꦫꦶ꧈ꦲꦶꦁꦏꦁ​ꦮꦂꦤ꧈ꦩꦱꦿꦗꦧꦫꦤ꧈ꦮꦸꦱ꧀ꦱꦱꦭꦶꦤ꧀ꦗꦸꦗꦸꦭꦸꦏ꧀ꦏꦺ꧈ꦧꦿꦮꦶꦗꦪꦱꦁꦥꦿꦧꦸ꧈ꦥꦿꦧꦸꦲꦤꦺꦴꦩ꧀​​ꦲꦶꦩꦲꦺꦴꦱ꧀ꦥꦲꦶꦠ꧀​​ꦲꦒꦼꦭꦸꦁꦏꦼꦏꦼꦭꦶꦁꦔꦤ꧀​ꦥꦁꦔꦁꦒꦺꦴꦤ꧀ꦤꦶꦁꦫꦠꦸ꧈ꦱꦩ꧀ꦥꦸꦤ꧀ꦤꦶꦁꦔꦒꦺꦱꦢꦪꦱꦸꦏꦧꦸꦁꦔꦃꦱꦏꦛꦃꦲꦺꦥꦫꦥꦸꦠꦿꦶ꧈ꦩꦶꦮꦃꦥꦫꦥꦮꦺꦴꦁꦔꦤ꧀ ꧃ꦲꦺꦤ꧀ꦗꦶꦁꦱꦁꦤꦠꦩꦶꦪꦺꦴꦱ꧀ꦠꦶꦤꦁꦏꦶꦭ꧀​ꦥꦼꦥꦼꦏ꧀ꦏꦧꦺꦃ꧈ꦏꦥꦫꦥꦸꦁꦒꦮ꧈ꦩꦤ꧀ꦠꦿꦶꦩꦗꦥꦲꦶꦠ꧀ꦏꦧꦺꦃ꧈ꦧꦺꦴꦥꦠꦶꦲꦶꦁꦏꦁꦠꦼꦭꦸꦏ꧀​ꦱꦩ꧀ꦥꦸꦤ꧀ꦥꦿꦥ꧀ꦠꦱꦏꦤ꧀ꦖꦤꦺꦏꦶ꧈ꦲꦒꦂꦲꦶꦁꦥꦒꦼꦭꦫꦤ꧀ꦤꦠꦫꦥ꧀ꦥꦭꦸꦁꦒꦸꦃ꧈ꦮꦸꦱ꧀ꦥꦶꦤꦉꦏ꧀ꦱꦿꦶꦤꦭꦺꦤ꧀ꦢꦿ꧈ꦲꦶꦁꦣꦣꦩ꧀ꦥꦂ꧈ꦏꦤ꧀ꦖꦤꦲꦢꦶꦫꦶꦤꦸꦏ꧀ꦩꦶ꧈ꦠꦫꦥ꧀ꦏꦁ [ f.150r ]ꦥꦫꦲꦶꦤ꧀ꦚ ꧃ꦱꦧ꧀ꦢꦥꦭꦺꦴꦤ꧀ꦤꦭꦶꦁꦒꦶꦃꦲꦶꦁꦔꦂꦱꦶ꧈ꦤꦪꦒꦺꦁꦒꦺꦴꦁꦥꦶꦤꦉꦏ꧀ꦏꦶꦁꦔꦂꦱꦲꦮꦺꦴꦂꦭꦤ꧀ꦮꦺꦴꦁ​ꦮꦢꦺꦴꦤ꧀ꦤꦏꦺꦃ꧈ꦩꦭꦁꦏꦼꦫꦶꦏ꧀ꦏꦭꦸꦁꦒꦸꦃ꧈ꦥꦫꦲꦶꦤ꧀ꦚꦩꦶꦕꦫꦺꦁꦔꦠꦶ꧈ꦲꦶꦏꦶꦠꦧꦪꦱꦥ꧈ꦲꦮꦺꦴꦂꦢꦺꦤ꧀ꦚꦭꦸꦁꦒꦸꦃ꧈ꦏꦧꦺꦃꦥꦣꦭꦶꦁꦒꦶꦃꦠꦼꦧꦃꦲꦶꦏꦶꦣꦺꦮꦺꦏ꧀​ꦠꦼꦏꦲꦮꦺꦴꦂꦭꦤ꧀ꦥꦮꦺꦱ꧀ꦠꦿꦶ꧈ꦱꦧ꧀ꦢꦥꦭꦺꦴꦤ꧀ꦩꦸꦤ꧀ꦖꦁꦔꦃ ꧃ꦱꦩꦶꦏꦺꦴꦗꦼꦩ꧀ꦱꦒꦸꦁꦲꦤꦶꦔꦭ꧀ꦭꦶ꧈ꦥꦫꦢꦶꦥꦠꦶꦩꦤ꧀ꦠꦿꦶꦥꦺꦴꦁꦒꦮ꧈ꦱꦩꦶꦠꦸꦩꦸꦁꦏꦸꦭ꧀ꦱꦶꦭꦲꦺ꧈ꦲꦶꦏꦁꦭꦶꦁꦒꦶꦃꦲꦶꦁꦔꦪꦸꦤ꧀​ꦫꦢꦺꦤ꧀ꦧꦸꦤ꧀ꦠꦂꦮꦠꦁꦔꦤ꧀ꦤꦸꦤꦶ꧈ꦭꦤ꧀ꦤꦿꦢꦺꦤ꧀ꦩꦺꦤꦏ꧀ꦏꦺꦴꦤ꧀ꦖꦂꦲꦊꦁꦒꦃꦠꦸꦩꦸꦁꦒꦸꦭ꧀​ꦥꦿꦧꦸꦲꦤꦺꦴꦩ꧀ꦩꦁꦔꦤ꧀ꦢꦶꦏ꧈ꦱꦏꦛꦃꦲꦺ꧈ꦧꦺꦴꦥꦠꦶꦏꦁꦩꦠꦶꦗꦸꦫꦶꦠ꧀​ꦥꦣꦤꦸꦁꦒꦏ꧀ꦱꦼꦩꦶꦪ ꧃ꦪꦪꦶꦧꦸꦤ꧀ꦠꦂꦫꦤ꧀ꦮꦠꦁꦔꦤ꧀ꦱꦶꦁꦒꦶꦃ꧈ꦗꦸꦩꦼꦤꦼꦁꦔ꧈ꦢꦶꦥꦠꦶꦲꦶꦁꦠꦸꦧꦤ꧀​ꦲꦶꦏꦸꦭꦸꦮꦶꦃꦥꦿꦪꦺꦴꦒꦤ꧀ꦤꦺ꧈ꦩꦤ꧀ꦖ ꦤꦒꦫꦲꦶꦏꦸ꧈ꦭꦃꦲꦁꦫꦺꦲꦼꦤ꧀ꦤꦶꦁꦱꦶꦫꦪꦪꦶ꧈ꦱꦶꦫꦲꦶꦁꦏꦁꦩꦫꦺꦤ꧀ꦠꦃꦱꦮꦂꦤꦤꦺꦲꦶꦏꦸ꧈ꦩꦺꦤꦏ꧀ꦏꦺꦴꦤ꧀ꦖꦂꦗꦸꦩꦼꦤꦼꦁꦔꦲꦶꦁ​ꦭꦸꦩꦗꦁ꧈ꦲꦶꦏꦸꦤꦒꦫꦤ꧀ꦤꦺꦣꦶꦔꦶꦤ꧀​ꦧꦁ​ꦮꦺꦠꦤ꧀ꦏꦲꦼꦫꦪ ꧃ꦱꦩ꧀ꦥꦸꦤ꧀ꦮꦲꦸꦲꦶꦁꦔꦸꦤ꧀ꦝꦁꦔꦤ꧀ꦱꦩꦶꦲꦶꦁꦏꦁꦥꦼꦗꦃꦩꦫꦁꦔꦢꦶꦭꦒ꧈ꦱꦩꦶꦲꦶꦁꦔꦸꦤ꧀ꦝꦁꦔꦤꦸꦁꦒꦏ꧀ꦱꦼꦩꦶꦏꦧꦺꦃ꧈ꦲꦶꦁꦢꦲꦥꦸꦠꦿꦤꦶꦥꦸꦤ꧀​ꦩꦸꦁꦱꦮꦶꦗꦶꦤꦼꦒꦶꦃꦥꦮꦺꦱ꧀ꦠꦿꦶ꧈ꦲꦫꦤ꧀​ꦢꦺꦮꦶꦒꦿꦲꦶꦠꦥꦤ꧀ꦤꦤꦺꦁꦏꦣꦠꦸꦤ꧀​ꦠ [ f.150v ]ꦤ꧀ꦤꦤꦏꦁꦗꦸꦩꦼꦤꦼꦁꦔ꧈ꦱꦶꦫꦫꦢꦺꦤ꧀ꦮꦠꦁꦔꦤ꧀ꦤꦤꦁꦏꦣꦶꦫꦶ꧈ꦗꦸꦩꦼꦤꦼꦁꦲꦤꦺꦁꦢꦲ ꧃ꦱꦩ꧀ꦢꦁꦔꦸꦱꦁꦤꦠꦠꦶꦤꦁꦏꦶꦭ꧀​​ꦪꦠꦏꦺꦴꦤ꧀ꦢꦸꦂꦱꦁꦔꦧꦿꦮꦶꦗꦪ꧈ꦧꦸꦧꦂꦥꦸꦁꦒꦮꦩꦤ꧀ꦠꦿꦶꦤ꧀ꦤꦺ꧈ꦲꦶꦁꦔꦶꦫꦶꦁꦥꦫꦲꦫꦸꦩ꧀​ꦩꦾꦁꦥꦼꦣꦼꦏꦤ꧀ꦭꦤ꧀ꦥꦫꦕꦺꦛꦶ꧈ꦥꦿꦥ꧀ꦠꦏꦒꦺꦴꦏ꧀ꦥꦶꦁꦠꦶꦒꦭꦩ꧀ꦥꦃꦲꦺꦱꦁꦥꦿꦧꦸ꧈ꦏꦢꦶꦗꦼꦤꦼꦁꦔꦺꦏꦁꦫꦩꦧꦿꦮꦶꦗꦪ꧈ꦏꦫꦶꦲꦶꦤ꧀ꦏꦁꦱꦩ꧀ꦥꦸꦤ꧀ꦭꦭꦶꦱ꧀​ꦏꦒꦼꦤ꧀ꦠꦺꦤ꧀ꦢꦩꦂꦮꦸꦭꦤ꧀ ꧃ꦥꦿꦧꦸꦏꦼꦤ꧀ꦚꦲꦩꦥꦒ꧀ꦒꦶꦁ​ꦭꦏꦶ꧈ꦲꦏꦼꦏꦤ꧀ꦛꦺꦤ꧀ꦭꦮꦤ꧀ꦤꦤ꧀ꦗꦼꦱ꧀ꦩꦫ꧈ꦮꦸꦱ꧀ꦥꦿꦥ꧀ꦠꦩꦼꦤ꧀ꦝꦼꦏ꧀ꦏꦭꦶꦲꦺ꧈ꦱꦶꦒꦿꦤꦸꦭꦾꦱꦶꦤꦩ꧀ꦧꦸꦠ꧀​ꦱꦩ꧀ꦥꦸꦤ꧀ꦮꦲꦸꦥꦶꦤꦉꦏ꧀ꦱꦩꦶ꧈ꦥꦸꦪꦼꦁꦔꦤ꧀ꦤꦤꦺꦁꦔꦂꦱꦮꦲꦶꦠꦲꦶꦁꦔꦪꦸꦤ꧀​​ꦲꦶꦁꦔꦥꦶꦠ꧀ꦢꦺꦤꦶꦫꦊꦁꦒꦃꦥꦿꦧꦸꦏꦼꦤ꧀ꦚ꧈ꦠꦤ꧀ꦠꦼꦧꦃꦒꦺꦤ꧀ꦤꦶꦫꦭꦶꦁꦒꦶꦃ꧈ꦭꦮꦤ꧀ꦤꦶꦲꦤ꧀ꦗꦼꦱ꧀ꦩꦫ ꧃ꦏꦮꦂꦤꦲꦏꦒꦼꦤ꧀ꦠꦺꦤ꧀ꦤꦶꦁꦱꦱꦶ꧈ꦥꦣꦁ​ꦮꦸꦭꦤ꧀​ꦥꦤ꧀ꦢꦶꦢꦶꦫꦲꦶꦤ꧀ꦤꦮꦸꦱ꧀ꦏꦶꦤꦺꦤ꧀ꦒꦩꦼꦭꦤ꧀ꦤꦒꦺ꧈ꦧꦼꦧꦼꦣꦪꦤ꧀ꦱꦁꦥꦿꦧꦸ꧈ꦲꦏꦱꦸꦏꦤ꧀​ꦭꦤ꧀ꦥꦫꦫꦧꦶ꧈ꦥꦿꦧꦸꦲꦤꦺꦴꦩ꧀​ꦔꦤ꧀ꦢꦶꦏꦣꦠꦼꦁꦲꦼꦩ꧀ꦧꦤ꧀ꦤꦶꦥꦸꦤ꧀​ꦧꦧꦸꦲꦶꦤ꧀ꦚꦠꦶꦩ꧀ꦧꦭ꧀ꦭꦩꦺꦤꦏꦺꦴꦤ꧀ꦖꦂ꧈ꦧꦸꦤ꧀ꦠꦂꦮꦠꦁꦔꦤ꧀ꦢꦺꦤ꧀ꦤꦒ꧀ꦭꦶꦱ꧀​ꦧꦧꦸꦲꦶꦤ꧀ꦚꦠꦸꦂꦱꦼꦩ꧀ꦧꦃ

꧃ꦧꦧꦸꦲꦶꦤ꧀ꦚꦮꦸꦱ꧀ꦥꦿꦥ꧀ꦠꦲꦶꦁꦗꦮꦶ꧈ꦲꦶꦁꦔꦤ꧀ꦢꦶꦏꦤ꧀ꦥꦤ꧀ꦱꦩ꧀ꦥꦸꦤ꧀ꦭꦸꦩꦩ꧀ꦥꦃꦏꦠꦶꦒꦥꦿꦥ꧀ꦠꦔꦂꦱꦤꦺ꧈ꦪꦪꦶꦢꦺꦤ꧀ꦩꦫꦁꦔꦪꦸꦤ꧀ [ f.151r ]

ꦲꦠꦸꦂꦱꦼꦩ꧀ꦧꦃꦱꦠꦿꦶꦪꦏꦭꦶꦃ꧈ꦭꦤ꧀​​ꦫꦢꦺꦤ꧀​ꦩꦺꦤꦏ꧀ꦏꦺꦴꦤ꧀ꦖꦂꦲꦊꦁꦒꦃꦠꦸꦩꦸꦁꦏꦸꦭ꧀​​ꦲꦫꦩꦺꦒꦺꦤ꧀ꦚꦧꦼꦣꦪꦤ꧀ꦒꦩꦼꦭꦤꦺ꧈ꦲꦶꦏꦁꦤꦧꦸꦃꦥꦣꦲꦺꦱ꧀ꦠꦿꦶ꧈ꦱꦾꦫꦤ꧀ꦤꦶꦥꦸꦤ꧀ꦤꦁꦫꦫꦱ꧀ ꧃ꦪꦠ꧀ꦠꦮꦲꦸꦧꦸꦤ꧀ꦠꦂꦫꦤ꧀ꦤꦶꦔꦭ꧀ꦭꦶ꧈ꦩꦿꦶꦁꦲꦫꦶꦤ꧀ꦤꦺꦫꦢꦺꦤ꧀ꦩꦺꦤꦏ꧀ꦏꦺꦴꦤ꧀ꦖꦂ꧈ꦥꦸꦠꦿꦶꦭꦸꦩꦗꦁ​ꦮꦶꦗꦶꦭ꧀ꦭꦺ꧈ꦫꦫꦱ꧀ꦱꦠꦶꦫꦤ꧀ꦤꦶꦥꦸꦤ꧀​ꦱꦢꦔꦸꦤꦺꦥꦶꦤꦤ꧀ꦢꦼꦁ​ꦭꦶꦫꦶꦁ꧈ꦣꦱꦂꦱꦩ꧀ꦥꦸꦤ꧀ꦏꦱ꧀ꦩꦫꦤ꧀ꦮꦠꦁꦔꦤ꧀ꦤꦤ꧀ꦢꦸꦭꦸꦩꦿꦶꦁꦥꦸꦠꦿꦶꦢꦶꦥꦠꦶꦢꦲꦩꦺꦤꦏ꧀ꦏꦺꦴꦤ꧀ꦖꦂ꧈ꦢꦺꦮꦶꦱꦏꦠꦶꦢꦺꦤ꧀ꦭꦶꦫꦶꦁ꧈ꦩꦺꦫꦁꦒꦺꦤ꧀ꦤꦶꦫꦩꦸꦭꦠ꧀ ꧃ꦥꦿꦧꦸꦲꦤꦺꦴꦩ꧀ꦠꦸꦩꦶꦔꦭ꧀ꦭꦮꦱꦶꦱ꧀​ꦮꦸꦱ꧀ꦱꦸꦤꦶꦁꦔ꧈ꦱꦼꦩꦸꦤꦺꦱꦢꦪꦥꦫꦱꦤ꧀ꦠꦤꦥꦶꦏꦶꦫꦺ꧈ꦥꦿꦧꦸꦲꦤꦺꦴꦩ꧀ꦩꦮꦸꦱ꧀​ꦣꦠꦼꦁꦱꦶꦫ꧈ꦧꦸꦤ꧀ꦠꦫꦤ꧀ꦤꦸꦤꦶ꧈ꦪꦪꦶꦱꦶꦫꦏꦿ [ f.151v ]ꦩꦲꦭꦮꦤ꧀ꦤꦫꦶꦤꦶꦱꦸꦤ꧀​ꦱꦶꦮꦠꦁꦔꦤ꧀ꦤꦥꦁꦒꦶꦪ꧈ꦩꦶꦮꦃꦏꦏꦁ꧈ꦩꦺꦤꦏ꧀ꦏꦺꦴꦤ꧀ꦖꦂꦲꦶꦁꦔꦺꦴꦁꦠꦫꦶ꧈ꦱꦢꦪꦩꦮꦶꦏꦿꦩ ꧃ꦪꦠꦮꦲꦸꦱꦩꦶꦲꦁꦔꦧꦏ꧀ꦠꦶ꧈ꦧꦸꦤ꧀ꦠꦂꦮꦠꦁꦔꦤ꧀ꦭꦤ꧀ꦩꦺꦤꦏ꧀​ꦏꦺꦴꦕꦂꦱꦩꦶꦲꦤꦸꦲꦸꦤ꧀ꦤꦠꦸꦂꦫꦺ꧈ꦲꦤ꧀ꦗꦼꦱ꧀ꦩꦫꦠꦶꦤꦁꦠꦸꦤ꧀​ꦮꦲꦸꦣꦠꦼꦁꦲꦶꦭꦁꦤꦂꦥꦠꦶ꧈ꦲꦠꦸꦂꦲꦶꦥꦸꦤ꧀ꦱꦤ꧀ꦢꦶꦏ꧈ꦥꦿꦧꦸꦲꦤꦺꦴꦩ꧀ꦩꦸꦮꦸꦱ꧀​​ꦪꦪꦶꦱꦶꦫꦥꦁꦒꦶꦃꦲꦼꦤ꧀ꦤꦥꦸꦠꦿꦶꦢꦲ꧈ꦭꦤ꧀ꦤꦿꦪꦶꦮꦠꦁꦔꦤ꧀ꦤꦸꦤꦶ꧈ꦏꦁ​ꦮꦱ꧀ꦠꦤꦶꦒꦿꦲꦶꦠ ꧃ꦫꦫꦱ꧀ꦱꦠꦶꦭꦤ꧀ꦧꦸꦤ꧀ꦠꦫꦤ꧀ꦤꦸꦤꦶꦤꦶꦱꦏꦠꦶꦱꦶꦫꦲꦥꦁꦒꦶꦪ꧈ꦏꦭꦮꦤ꧀ꦏꦢꦁꦔꦺꦣꦺꦮꦺꦏ꧀​ꦩꦺꦤꦏ꧀ꦏꦺꦴꦕꦂꦲꦥꦠꦸꦠ꧀​​ꦪꦠꦱꦩ꧀ꦥꦸꦤ꧀ꦢꦶꦤꦸꦩꦤ꧀ꦤꦿꦢꦶꦤ꧀​ꦱꦏꦺꦃꦥꦫꦱꦤ꧀ꦠꦤꦠꦶꦤꦫꦶꦩꦤ꧀ꦱꦩ꧀ꦥꦸꦤ꧀​ꦏꦭꦁꦏꦸꦁꦥꦿꦪꦺꦴꦒꦤꦶꦫ꧈ꦪꦠꦧꦸꦧꦂ꧈ꦏꦁꦱꦩ꧀ꦥꦸꦤ꧀ꦤꦠꦩꦥ꧀ꦥꦸꦠꦿꦶ꧈ꦱꦢꦪꦱꦸꦏꦧꦸꦁꦔ ꧃ꦏꦶꦱꦼꦧ꧀ꦢꦥꦭꦺꦴꦤ꧀ꦗꦶꦤꦸꦁꦗꦸꦁ​ꦭꦶꦁꦒꦶꦃ꧈ꦲꦥꦤ꧀ꦮꦲꦸꦢꦺꦤꦶꦁꦱꦿꦶꦤꦭꦺꦤ꧀ꦢꦿ꧈ꦢꦼꦩꦁꦱꦼꦕꦧꦮꦫꦤ꧀ꦤꦺ꧈ꦤꦪꦒꦺꦁꦒꦺꦁꦗꦶꦤꦸꦁꦗꦸꦁ꧈ꦱꦼꦕꦪꦸꦢ꧈ꦲꦶꦁꦏꦁ​ꦮꦼꦮꦁꦔꦶ꧈ꦮꦸꦱ꧀ꦥꦶꦤꦫꦶꦔꦤ꧀ꦢꦺꦱ꧈ꦢꦩꦼꦭ꧀ꦒꦁꦱꦭ꧀ꦭꦠꦸꦱ꧀​ꦥꦩꦶꦪꦺꦴꦱ꧀ꦱꦶꦏꦁꦤꦒꦫꦥꦗꦼꦒ꧀ꦒꦶꦤ꧀ꦛꦶꦭ꧀​ꦧꦼꦧꦺꦴꦁꦏꦺꦴꦏꦭꦮꦤ꧀ꦥꦶꦥꦶꦱ꧀​ꦒꦼꦁꦔꦺꦱꦒꦸꦢꦺꦭ꧀ꦩꦺꦴꦢꦂ ꧃ꦥꦁꦔꦶꦫꦶꦁꦔꦺꦗꦼꦤꦁ​ꦭꦤ꧀ꦒꦸꦭꦭꦶ꧈ꦥꦔꦗꦼꦁꦔꦺꦪꦧꦏꦠꦸꦭ꧀ꦩꦼꦤ꧀ꦠꦃ꧈ꦱꦤ꧀ꦠꦼꦤ꧀ꦏꦤꦶꦤ꧀ꦒꦁꦱꦭ꧀ꦥꦤꦺ꧈ [ f.152r ]ꦏꦶꦤ꧀ꦖꦏꦭꦮꦤ꧀ꦗꦸꦫꦸꦃꦱꦧꦼꦤ꧀ꦥꦼꦤ꧀ꦝꦏ꧀ꦱꦼꦤꦺꦤ꧀​ꦔꦠꦸꦂꦫꦶ꧈ꦱꦩꦶꦱꦼꦣꦶꦃꦧꦠꦸꦂꦤ꧀ꦚꦭꦺꦩꦺꦴꦤ꧀ꦤꦺꦫꦩꦼꦠꦸ꧈ꦧꦶꦤꦺꦴꦪꦺꦴꦁꦲꦤꦏ꧀ꦏꦿꦧꦶꦤ꧀ꦚꦏꦲꦶꦢꦼꦩꦁ꧈ꦱꦩ꧀ꦥꦸꦤ꧀ꦠꦶꦤꦫꦶꦩꦤ꧀ꦥꦸꦠꦿꦶ꧈ꦏꦶꦤ꧀ꦖꦁ​ꦭꦮꦤ꧀ꦏꦶꦤꦤ꧀ꦝꦁ ꧃ꦏꦮꦂꦤꦲꦫꦶꦱꦩ꧀ꦥꦸꦤꦭꦩꦶꦥꦿꦧꦸꦲꦤꦺꦴꦩ꧀​ꦭꦶꦁꦒꦶꦃꦩꦗꦊꦁꦏꦧꦿꦮꦶꦗꦪꦧꦶꦱꦶꦏ꧀ꦏꦤꦺ꧈ꦲꦒꦸꦁꦒꦮꦺꦤꦸꦤꦸꦩ꧀ꦥꦸ꧈ꦏꦶꦢꦁ​ꦭꦮꦤ꧀ꦩꦤ꧀ꦗꦔꦤ꧀ꦏꦤ꧀ꦖꦶꦭ꧀​ꦢꦺꦤ꧀ꦤꦶꦫꦶꦁꦲꦶꦁꦧꦣꦪ꧈ꦥꦉꦏꦤ꧀ꦒꦸꦩꦸꦫꦸꦃ꧈ꦲꦏꦤ꧀ꦛꦺꦤ꧀ꦭꦤ꧀ꦤꦤ꧀ꦗꦼꦱ꧀ꦩꦫꦥꦿꦧꦸꦏꦼꦤ꧀ꦚ꧈ꦱꦥꦫꦤꦺꦤꦺꦴꦫꦏꦫꦶ꧈ꦮꦲꦶꦠꦭꦤ꧀ꦥꦸꦪꦼꦁꦔꦤ꧀ ꧃ꦲꦏꦱꦸꦏꦤ꧀​​ꦲꦤꦺꦴꦥꦺꦁꦲꦁꦫꦶꦁꦒꦶꦠ꧀​ꦒꦼꦣꦺꦴꦒ꧀ꦥꦼꦂꦮ꧈ꦭꦮꦤ꧀ꦧꦧꦫꦺꦴꦁꦔꦤ꧀​ꦮꦺꦴꦁꦔꦩ꧀ꦧꦤ꧀ꦗꦼꦠ꧀ꦮꦺꦴꦁꦔꦧꦺꦛꦺꦴ꧈ꦲꦠꦤ꧀ꦤꦥꦶꦮꦺꦴꦁꦒꦼꦩ꧀ꦧꦾꦸꦁ꧈ꦔꦸꦫꦲꦸꦫꦏꦶꦣꦭꦁꦫꦸꦢꦶꦤ꧀​ꦤꦸꦠꦸꦒ꧀ꦏꦱꦸꦏꦤ꧀ꦤꦶꦫꦮꦲꦸꦱꦁꦔꦥꦿꦧꦸ꧈ꦲꦼꦒꦺꦴꦤ꧀ꦩꦺꦏꦸꦤꦼꦒꦫꦭꦁꦏꦸꦁꦏꦼꦂꦠ꧈ꦤꦒꦫꦲꦶꦩꦗꦥꦲꦶꦠ꧀​ꦱꦂꦪꦩꦸꦫꦃꦠꦶꦤꦸꦩ꧀ꦧꦱ꧀

꧃ꦭꦁꦏꦸꦁꦒꦼꦩꦃꦏꦶꦛꦩꦗꦥꦲꦶꦠ꧀​ꦥꦢꦺꦢꦺꦱꦤ꧀​ꦢꦥꦏ꧀ꦥꦮꦸꦏꦶꦂꦫꦤ꧀​​ꦲꦼꦮꦺꦴꦱ꧀ꦠꦤ꧀ꦤꦤꦉꦒꦤꦺ꧈ꦠꦸꦭꦸꦱ꧀ꦱꦂꦪ​ꦠꦶꦤꦤ꧀ꦢꦸꦂꦱꦸꦏꦱꦸꦒꦶꦃꦮꦲꦸꦮꦺꦴꦁꦕꦶꦭꦶꦱꦏꦶꦁꦧꦼꦂꦏꦃꦤꦼꦒꦫꦉꦁꦉꦁꦱꦼꦩꦸꦤꦶꦥꦸꦤ꧀​ꦤꦼꦁꦔꦼꦤ꧀ꦤꦤꦠꦤ꧀ꦏꦮꦂꦤ꧈ꦏꦁꦱꦶꦤꦶꦪꦤ꧀​ꦥꦿꦧꦸꦲꦤꦺꦴꦩ꧀ꦩꦗꦥꦲꦶꦠ꧀​ꦏꦁꦲꦩꦸꦏ꧀ꦠꦶꦮꦶꦧꦮ꧈ [ f.152v ]

꧃ꦏꦮꦂꦤꦲꦏꦶꦉꦏꦾꦤꦠꦶꦃꦭꦒꦾꦥꦶꦤꦉꦏ꧀​​ꦲꦶꦁꦥꦭꦠꦂꦫꦤ꧀​​ꦲꦒꦸꦤꦼꦩ꧀ꦭꦮꦤ꧀ꦒꦂꦮꦤ꧀ꦤꦺ꧈ꦥꦸꦠꦿꦏꦭꦶꦃꦤꦺꦁꦔꦪꦸꦤ꧀​ꦭꦪꦁꦱꦺꦠꦿ꧈ꦭꦪꦁꦏꦸꦩꦶꦠꦶꦂ꧈ꦱꦶꦭꦃꦲꦤꦁꦔꦶꦁꦔꦂꦱꦔꦣꦼꦥ꧀​​ꦫꦩꦤꦶꦥꦸꦤ꧀​ꦏꦾꦤꦥꦠꦶꦃꦲꦁꦔꦤ꧀ꦢꦶꦏ꧈ꦏꦏꦥꦿꦶꦪꦺ꧈ꦉꦩ꧀ꦥꦒ꧀ꦒꦶꦫꦥꦿꦩꦺꦱꦾꦫꦶ꧈ꦲꦥꦏꦂꦱꦤꦸꦁꦏꦸꦭ꧀ꦭ ꧃ꦩꦫꦁꦲꦶꦏꦁꦲꦫꦤ꧀ꦢꦩꦂꦱꦱꦶ꧈ꦪꦠꦩꦠꦸꦂꦮꦲꦸꦲꦶꦏꦁꦒꦂꦮ꧈ꦪꦺꦤ꧀ꦉꦩ꧀ꦥꦸꦏ꧀ꦏꦮꦸꦭꦩꦁꦏꦺ꧈ꦢꦮꦼꦒ꧀ꦱꦩꦶꦲꦤꦸꦁꦏꦸꦭ꧀​ꦩꦫꦁꦫꦠꦸꦲꦶꦁꦩꦗꦥꦲꦶꦠ꧀​ꦩꦁꦱꦢꦶꦥꦸꦤ꧀ꦧꦸꦕꦭ꧀ꦭ꧈ꦲꦤ꧀ꦗꦼꦱ꧀ꦩꦫꦲꦶꦏꦸ꧈ꦲꦶꦁꦔꦢꦸꦭꦮꦤ꧀ꦱꦁꦤꦠ꧈ꦥꦥꦤ꧀ꦠꦼꦱ꧀ꦱꦺ꧈ꦲꦶꦁꦔꦥꦸꦫꦲꦶꦁꦤꦂꦥꦠꦶ꧈ꦩꦂꦒꦱꦶꦲꦤ꧀ꦗꦼꦱ꧀ꦩꦫ

꧃ꦭꦪꦁꦱꦺꦠꦿꦲꦱꦿꦸꦲꦤꦲꦸꦫꦶ꧈ꦭꦪꦁꦏꦸꦩꦶꦠꦶꦂ꧈ꦲꦱꦿꦸꦲꦁꦔꦸꦕꦥ꧀​​ꦲꦸꦩꦠꦸꦂꦩꦫꦁꦒꦩꦤ꧀ꦤꦺ꧈ꦪꦺꦤ꧀ꦱꦮꦮꦶꦥꦸꦏꦸꦭꦸꦤ꧀​​ꦲꦁꦔꦸꦭꦂꦫꦶꦱꦿꦪꦏꦁꦱꦏ꧀ꦠꦶ꧈ꦩꦁꦱꦏꦸꦫꦁꦔꦗꦩꦤ꧀ [ f.153r ]

ꦠꦤ꧀ꦱꦲꦺꦏꦠꦺꦁꦱꦸꦤ꧀​ꦔꦮꦸꦭꦲꦶꦁꦢꦩꦂꦮꦸꦭꦤ꧀​ꦒꦩꦼꦭ꧀ꦢꦶꦏ꧈ꦥꦸꦤꦶꦏꦲꦱꦭ꧀ꦭꦺꦣꦶꦔꦶꦤ꧀​ꦮꦶꦗꦶꦭ꧀ꦏꦶꦏꦶꦫꦶꦏ꧀ꦢꦺꦱ ꧃ꦩꦤ꧀ꦢꦃꦲꦤꦺꦮꦶꦫꦁꦔꦺꦏꦁꦔꦠꦶ꧈ꦲꦁꦔꦮꦸꦭ꧈ꦩꦫꦁꦢꦩꦂꦮꦸꦭꦤ꧀​​ꦲꦶꦁꦒꦶꦃꦫꦩꦏꦠꦺꦴꦁꦱꦺꦴꦤ꧀ꦤꦺ꧈ꦏꦶꦥꦠꦶꦃꦲꦭꦺꦴꦤ꧀ꦩꦸꦮꦸꦱ꧀​ꦩꦫꦁꦔꦼꦤ꧀ꦢꦶ꧈ꦒꦺꦴꦤꦶꦫꦔꦸꦁꦱꦶ꧈ꦏꦁ​ꦭꦪꦏ꧀ꦩꦼꦗꦃꦲꦤꦩꦫꦁꦢꦩꦂꦱꦤ꧀ꦠꦸꦤ꧀​ꦭꦪꦁꦏꦸꦩꦶꦠꦶꦂꦲꦤꦼꦩ꧀ꦧꦃꦥꦤ꧀ꦤꦶꦁꦫꦶꦏꦶ꧈ꦏꦏꦭꦶꦃꦫꦠꦸꦱꦶꦤꦏ꧀ꦠꦶ꧈ꦲꦁꦒꦿꦶꦱ꧀ꦏꦭꦮꦤ꧀ꦮꦤ꧀ꦝꦤ꧀ ꧃ꦲꦥꦤ꧀ꦤꦶꦁꦒꦶꦃꦏꦁ​ꦭꦩꦂꦏꦫꦶꦲꦶꦤ꧀​​ꦲꦶꦁꦒꦶꦃꦫꦩ꧈ꦱꦲꦺꦮꦶꦤꦂꦠꦤꦤ꧀​ꦱꦁꦥꦿꦧꦸꦏꦼꦤ꧀ꦚꦭꦏꦶꦤꦺ꧈ꦲꦺꦴꦭꦶꦃꦥꦏꦛꦶꦏ꧀ꦝꦸꦱꦸꦤ꧀​​ꦲꦺꦴꦫꦭꦪꦏ꧀ꦢꦢꦶꦤꦂꦥꦠꦶ꧈ꦲꦁ​ꦊꦁꦱꦁꦫꦠꦸꦮꦤ꧀ꦝꦤ꧀ꦭꦤ꧀ꦤꦁꦒꦿꦶꦱ꧀ꦥꦸꦤꦶꦏꦸ꧈ꦏꦶꦥꦠꦶꦃꦲꦭꦺꦴ [ f.153v ]ꦤ꧀ꦔꦤ꧀ꦢꦶꦏ꧈ꦭꦃꦢꦁꦢꦤ꧈ꦏꦗꦶꦤꦼꦩꦤ꧀ꦢꦸꦫꦥꦠꦶ꧈ꦭꦤ꧀ꦱꦲꦺꦴꦱ꧀ꦉꦩ꧀ꦧꦠꦤ꧀ ꧃ꦥꦿꦩꦺꦱꦾꦫꦶꦲꦏꦺꦃꦲꦠꦸꦂꦤꦺꦏꦶ꧈ꦱꦩ꧀ꦥꦸꦤ꧀ꦢꦶꦏ꧈ꦏꦺꦱꦃꦩꦶꦤꦁꦱꦿꦪ꧈ꦤꦗꦤ꧀ꦤꦤꦫꦠꦸꦏꦲꦺꦴꦠ꧀​ꦠꦤ꧀ꦚꦁꦒꦗꦸꦫꦶꦠ꧀ꦠꦶꦥꦸꦤ꧀​ꦢꦩꦂꦮꦸꦭꦤ꧀ꦭꦁꦏꦸꦁꦱꦶꦤꦏ꧀ꦠꦶ꧈ꦱꦶꦤꦶꦪꦤ꧀ꦤꦶꦁꦗꦮꦠꦥꦶꦭꦶꦃꦠꦤ꧀ꦝꦶꦁꦔꦶꦥꦸꦤ꧀​ꦭꦪꦁꦏꦸꦩꦶꦠꦶꦂꦲꦤ꧀ꦚꦼꦤ꧀ꦠꦏ꧀ꦠꦩ꧀ꦧꦸꦃꦠꦩ꧀ꦧꦸꦃ꧈ꦲꦁꦒꦸꦒꦸꦲꦸꦗꦂꦲꦶꦁꦲꦶꦱ꧀ꦠꦿꦶꦩꦁꦱꦢꦢꦶꦢꦁꦢꦁꦤꦤ ꧃ꦱꦩ꧀ꦥꦸꦤ꧀ꦱꦸꦫꦸꦥ꧀ꦏꦒꦼꦤ꧀ꦠꦺꦤꦤ꧀ꦱꦱꦶꦏꦗꦶꦤꦼꦩꦤ꧀​ꦭꦮꦤ꧀ꦒꦸꦭꦁꦒꦸꦭꦁ꧈ꦕꦸꦩꦲꦺꦴꦱ꧀ꦢꦸꦫꦥꦠꦶꦤꦺ꧈ꦠꦤ꧀ꦝꦸꦉꦩ꧀ꦧꦠꦤ꧀ꦤꦒꦸꦁ꧈ꦤꦸꦭꦾꦧꦸꦣꦭ꧀ꦉꦏꦾꦤꦥꦠꦶꦃ꧈ꦮꦼꦭꦸꦂꦠꦤꦤ꧀ꦤꦔꦸꦕꦥ꧀ꦩꦺꦴꦫꦺꦴꦢ꧀ꦠꦼꦔꦃꦢꦭꦸ꧈ꦲꦮꦠꦫꦏꦫꦺꦴꦧꦼꦭꦃꦒꦒꦩꦤꦺ꧈ꦮꦲꦸꦏꦶꦉꦏꦾꦤꦥꦠꦶꦃ꧈ꦱꦼꦗꦔꦸꦁꦱꦶꦩꦿꦶꦁ​ꦮꦤ꧀ꦝꦤ꧀ ꧃ꦏꦮꦂꦤꦲꦮꦸꦱ꧀ꦏꦠꦸꦂꦱꦁꦔꦱꦁꦔꦗꦶꦥꦿꦧꦸꦲꦤꦺꦴꦩ꧀​ꦭꦁꦏꦸꦁꦩꦂꦩꦤꦶꦫꦪꦺꦥꦠꦶꦃꦭꦺꦴꦒꦼꦤ꧀ꦢꦺꦂꦩꦺꦴꦫꦺꦴꦢ꧀​ꦏꦺꦱꦃꦲꦺꦠꦼꦔꦃꦢꦭꦸ꧈ꦲꦺꦴꦫꦤꦤꦲꦶꦁꦏꦁꦔꦸꦢꦤꦶ꧈ꦱꦁꦥꦿꦧꦸꦧꦿꦮꦶꦗꦪ꧈ꦭꦁꦏꦸꦁꦢꦺꦤ꧀ꦚꦔꦸꦁꦔꦸꦤ꧀​ꦱꦥꦧꦪꦏꦁꦔꦼꦩꦺꦴꦁꦔꦲꦮꦏ꧀ꦏꦶꦁꦱꦸꦤ꧀ꦪꦺꦤ꧀ꦢꦺꦢꦺꦪꦧꦥꦥꦠꦶꦃꦏꦁ​ꦭꦪꦏ꧀ꦢꦢꦶꦣꦣ ꧃ꦲꦤ꧀ꦗꦼꦱ꧀ꦩꦫꦩꦁꦏꦺꦩꦠꦸꦂꦫꦶꦫꦶꦃꦱꦩ꧀ꦥꦸꦤ꧀ꦩꦼꦁꦒꦃꦏꦏꦁ​ꦮꦺꦴꦁꦔꦠꦸꦮ꧈ꦮꦺꦴꦁꦲꦮꦺꦴꦤ꧀ꦏꦉꦥꦺ

↑ ↑ ↑

Pupuh 50-70

[ f.154r ]ꦣꦮꦺꦏ꧀​ꦱꦤꦢꦾꦤ꧀ꦮꦺꦴꦁꦔꦱꦼꦥꦸꦃ꧈ꦧꦺꦴꦠꦼꦤ꧀ꦏꦺꦁꦔꦶꦁꦒꦶꦤꦮꦺꦧꦺꦕꦶꦏ꧀​ꦩꦁꦱꦠꦮꦺꦴꦁꦔꦭꦶꦪꦩꦁꦒꦶꦃꦭꦫꦤꦶꦥꦸꦤ꧀​ꦤꦢꦾꦤ꧀ꦱꦶꦭꦺꦃꦏꦁꦔꦪꦺꦴꦒꦤꦺꦴꦠꦼꦤ꧀ꦤꦶꦣꦼꦥ꧀ꦏꦧꦼꦕꦶꦏꦤ꧀ꦱꦩꦶꦱꦩꦶ꧈ꦠꦼꦩꦃꦩꦁꦒꦶꦃꦕꦶꦭꦏ
꧄ꦲꦭꦺꦴꦤ꧀ꦤꦿꦶꦤꦁꦏꦸꦭ꧀ꦮꦲꦸꦏꦁꦫꦪꦶꦱꦼꦢꦾꦤꦶꦁꦱꦸꦤ꧀ꦩꦶꦫꦃꦧꦥꦥꦠꦾꦃ꧈ꦱꦸꦤ꧀ꦤꦼꦏꦺꦴꦤ꧀ꦩꦸꦏ꧀ꦠꦶꦤꦺꦁꦏꦺꦤ꧀ꦤꦺ꧈ꦲꦁꦔꦸꦪꦸꦤ꧀ꦤꦤꦲꦶꦏꦸ꧈ꦱꦏꦛꦃꦲꦺꦥꦫꦧꦸꦥꦠꦶ꧈ꦪꦠꦢꦠꦤ꧀ꦮꦶꦤꦂꦤꦮꦸꦱꦭꦩꦶꦠꦶꦤꦸꦠꦸꦂ꧈ꦢꦊꦩꦺꦤꦶꦲꦤ꧀ꦗꦼꦱ꧀ꦩꦫꦩꦸꦁꦒꦺꦏꦶꦭꦺꦤ꧀​ꦲꦶꦏꦁꦠꦼꦔꦃꦥꦿꦧꦸꦲꦺꦱ꧀ꦠꦿꦶ꧈ꦏꦁꦮꦺꦠꦤ꧀ꦤꦶꦮꦲꦶꦠ
꧄ꦏꦭꦮꦤ꧀ꦢꦺꦮꦶꦥꦸꦪꦼꦁꦔꦤ꧀ꦱꦶꦒꦶꦃ꧈ꦥꦿꦧꦸꦏꦼꦤ꧀ꦚ꧈ꦢꦢꦾꦠꦸꦁꦒꦸꦭ꧀ꦭꦶꦫ꧈ꦲꦤ꧀ꦗꦼꦱ꧀ꦩꦫꦲꦶꦁꦏꦺꦫꦶꦤꦺ꧈ꦥꦫꦺꦤ꧀ꦠꦃꦥꦫꦲꦫꦸꦩ꧀​ꦠꦸꦫꦸꦤ꧀ꦤꦤꦺꦢꦺꦮꦶꦮꦭꦺꦫꦶ꧈ꦭꦮꦤ꧀ꦢꦺꦮꦶꦮꦲꦶꦠꦭꦁꦏꦸꦁꦉꦩ꧀ꦥꦸꦒ꧀ꦒꦶꦥꦸꦤ꧀​ꦮꦸꦱ꧀ꦱꦗꦁꦏꦼꦥ꧀ꦏꦮꦤ꧀ꦢꦱ꧈ꦗꦼꦗꦩꦲꦤ꧀​ꦏꦁꦥꦢ꧀ꦩꦶꦱꦏꦮꦤ꧀ꦤꦸꦤꦶ꧈ꦥꦸꦠꦿꦶꦩꦸꦁꦏꦸꦂꦱꦢꦪ꧄

꧄ꦏꦺꦴꦕꦥ꧀ꦥꦱꦁꦫꦠꦸꦮꦤ꧀ꦝꦤ꧀​ꦲꦏꦭꦶꦪꦤ꧀ꦮꦲꦸꦱꦁꦫꦗꦲꦒꦿꦶꦱ꧀​ꦭꦒꦾꦱꦶꦤꦺꦧꦱꦁꦥꦿꦧꦸ꧈ꦥꦼꦥꦼꦏ꧀ꦏꦁꦮꦢꦾꦮꦤ꧀ꦝꦤ꧀​ꦱꦺꦱꦺꦧꦤꦺꦲꦤ꧀ꦝꦺꦂꦭꦶꦂꦏꦁꦮꦸꦏꦶꦂꦱꦤ꧀ꦠꦸꦤ꧀​ꦗꦒꦧꦺꦭꦮꦸꦱ꧀ꦱꦠꦠ꧈ꦮꦺꦴꦁꦒꦸꦭꦁꦒꦸꦭꦁꦩꦫꦥꦶꦠ꧀ [ f.154v ]

꧄ꦥꦫꦲꦸꦥꦼꦱꦶꦂꦲꦠꦠꦥꦤ꧀ꦤꦏꦛꦃꦮꦢꦾꦧꦭꦲꦶꦁꦔꦒꦿꦶꦱ꧀​ꦧꦸꦱꦤꦥꦠꦶꦁꦥꦭꦤ꧀ꦖꦸꦂꦲꦱꦿꦶꦲꦧꦿꦲꦱꦶꦤꦁ꧈ꦠꦼꦠꦧꦸꦮꦤ꧀ꦱꦤꦠ꧈ꦱꦸꦏꦏꦭꦁꦏꦸꦁ꧈ꦏꦥꦶꦠ꧀ꦠꦤ꧀ꦩꦤ꧀ꦢꦿꦸꦱ꧀ꦮꦸꦱ꧀ꦥꦿꦥ꧀ꦠꦧꦭꦮꦤ꧀ꦝꦤ꧀ꦭꦮꦤ꧀ꦤꦁꦒꦿꦶꦱ꧀​
꧄ꦱꦩꦶꦲꦺꦕꦒꦺꦤ꧀ꦱꦺꦱꦺꦧꦤ꧀​ꦥꦤ꧀ꦏꦱꦫꦸꦣꦠꦼꦁꦔꦺꦏꦶꦪꦥꦠꦶꦃ꧈ꦠꦶꦤꦶꦩ꧀ꦧꦭꦤ꧀ꦩꦫꦁꦔꦪꦸꦤ꧀​ꦢꦺꦤꦶꦁꦱꦁꦫꦠꦸꦮꦤ꧀ꦝꦤ꧀​ꦫꦗꦲꦁꦒꦿꦶꦱ꧀​ꦲꦭꦺꦴꦤ꧀ꦢꦺꦤꦶꦫꦲꦩꦸꦮꦸꦱ꧀​ꦢꦺꦤ꧀ꦤꦿꦢꦩꦫꦁꦔꦶꦁꦔꦂꦱ꧈ꦏꦶꦥꦠꦶꦃꦩꦗꦼꦁꦮꦺꦴꦠ꧀ꦱꦫꦶ
꧄ꦱꦁꦤꦠꦮꦤ꧀ꦝꦤ꧀​ꦔꦤ꧀ꦢꦶꦏ꧈ꦲꦣꦏꦼꦂꦗ꧈ꦲꦼꦭꦸꦢꦠꦁꦣꦶꦱꦶꦤꦶ꧈ꦲꦺꦴꦫꦁꦲꦺꦧꦤ꧀ꦚꦏ꧀​​ꦲꦶꦠꦸ꧈ꦏꦶꦥꦠꦶꦃꦲꦠꦸꦂꦱꦼꦩ꧀ꦧꦃ꧈ꦲꦶꦒꦶꦃꦏꦸꦭꦲꦱꦭ꧀ꦭꦺꦮꦺꦴꦁꦩꦗꦭꦁꦔꦸ꧈ꦱꦼꦗꦲꦁꦔꦸꦁꦱꦶꦏꦮꦸꦭ꧈ꦣꦸꦩꦠꦼꦁꦱꦿꦶꦤꦫꦥꦠꦶ [ f.155r ]

꧄ꦮꦶꦪꦺꦴꦱ꧀ꦱꦺꦲꦠꦸꦂꦏꦮꦸꦭꦣꦠꦼꦁꦠꦸꦮꦤ꧀​ꦢꦺꦤꦶꦁꦱꦁꦥꦿꦧꦸꦲꦺꦱ꧀ꦠꦿꦶ꧈ꦲꦏꦿꦩꦲꦺꦴꦭꦶꦃꦮꦺꦴꦁꦣꦸꦱꦸꦤ꧀ꦝꦶꦔꦶꦤ꧀‌ꦒꦩꦼꦭ꧀ꦏꦮꦸꦭ꧈ꦩꦁꦏꦺꦢꦢꦶꦫꦠꦸꦲꦤꦩꦗꦭꦔꦸ꧈ꦏꦮꦸꦭꦏꦶꦤꦸꦪꦏꦸꦪ꧈ꦥꦤ꧀ꦤꦂꦱꦢꦶꦥꦸꦤ꧀ꦥꦠꦺꦤꦶ
꧄ꦪꦺꦤ꧀ꦱꦮꦮꦶꦏꦭꦶꦃ‌ꦠꦸꦮꦤ꧀‌ꦭꦶꦤꦸꦫꦸꦒꦤ꧀‌ꦤꦒ ꦫꦶꦩꦗꦥꦲꦶꦠ꧀‌ꦲꦺꦩꦤ꧀ꦱꦶꦭꦶꦃꦥꦸꦠꦿꦶꦤꦶꦥꦸꦤ꧀꧈ꦏꦒꦂꦮ‌ꦲꦶꦁꦮꦺꦴꦁꦢꦺꦱ꧈ꦭꦤ꧀ꦥꦿꦪꦺꦴꦒꦫꦶꦤꦼꦧꦸꦠ꧀ꦠ‌ꦥꦿꦁꦔꦥꦸꦥꦸꦃ꧈ꦧꦶꦤꦼꦝꦃ‌ꦲꦶꦁꦩꦗꦊꦁꦏ꧈ꦲꦏꦺꦃ‌ꦲꦠꦸꦫꦺꦏꦶꦥꦠꦶꦃ
꧄ꦫꦠꦸꦮꦶꦁꦮꦤ꧀ꦝꦤ꧀ꦩꦶꦪꦂꦱ꧈ꦲꦠꦤ꧀ꦤꦥꦶꦱꦶꦫꦫꦗꦱꦁꦫꦗꦴꦁꦒꦿꦶꦱ꧀‌ꦏꦭꦁꦏꦸꦁꦒꦺꦤ꧀ꦤꦶꦫꦧꦼꦤ꧀ꦝꦸ꧈ꦗꦗꦤꦺꦮꦶꦔꦃꦮꦶꦔꦃ꧈ꦢꦺꦤꦶꦁꦝꦶꦔꦶꦤ꧀‌ꦲꦶꦒꦶꦁꦭꦩꦂꦲꦺꦴꦫꦩ‌ꦲꦸ꧈ꦩꦼꦏꦺꦴꦭꦏꦶꦪꦸꦫꦁꦢꦺꦱ꧈ꦮꦁꦭꦸꦩꦸꦃꦒꦶꦤꦮꦺꦧꦼꦕꦶ [ f.155v ]

꧄ꦲꦥꦠꦼꦩꦼꦤ꧀ꦤꦠꦸꦂꦢꦶꦏ꧈ꦧꦶ‌ꦭꦶꦃꦱꦶꦫꦲꦁꦭꦺꦴꦫꦺꦴꦥꦏꦼꦤ꧀ꦩꦩꦩꦶ꧈ꦩꦗꦥꦲꦶꦠ꧀‌ꦲꦶꦔꦺꦴꦁꦒꦼꦩ꧀ꦥꦸꦂ꧈ꦫꦠꦸꦩꦢꦏꦮꦺꦴꦔꦤ꧀‌ꦪꦠꦩꦠꦸꦂꦏꦶꦥꦠꦶꦃꦭꦺꦴꦒꦼꦤ꧀ꦢꦺꦂꦮꦪꦸꦩ꧀꧈ꦏꦮꦸꦭꦝꦠꦲꦼꦁꦱꦸꦩꦁꦒ꧈ꦥꦶꦤꦸꦤ꧀ꦝꦸꦠ꧀ꦠ‌ꦱꦼꦕꦩꦩꦶ
꧄ꦤꦸꦭꦾꦲꦤꦧꦸꦃ‌ꦠꦔꦫ꧈ꦏꦭꦮꦤ꧀ꦝꦤ꧀ꦧꦭꦮꦤ꧀ꦝꦤ꧀ꦏꦭꦮꦤꦁꦒꦿꦶꦱ꧀‌ꦒꦺꦴꦁꦧꦺꦫꦶꦩꦸꦤꦶꦒꦸꦩꦸꦫꦸꦃ‌‌ꦠꦼꦠꦼꦒ꧀ꦏꦪꦧꦸꦠꦸꦭ꧈ꦱꦩ꧀ꦥꦸꦤ꧀ꦥꦼꦥꦼꦏ꧀‌ꦒꦸꦩꦸꦫꦸꦃ‌ꦏꦁꦱꦫꦝꦝꦸ꧈ꦩꦶꦮꦃ‌ꦒꦸꦤꦠꦶꦂꦲꦶꦁꦮꦤ꧀ꦝꦤ꧀ꦩ‌ꦩꦶꦮꦃ‌ꦏꦁꦥꦫꦲꦸꦥꦼꦱꦶꦂ
꧄ꦱꦏꦺꦕꦶꦏꦭꦮꦤ꧀ꦏꦥꦭ꧀‌ꦧꦼꦧꦺꦴꦤ꧀ꦠꦺꦔꦤ꧀ꦥꦼꦂꦒꦠꦮꦸꦱ꧀ꦱꦸꦩꦤ꧀ꦝꦶ꧈ꦱꦼꦭꦸꦥ꧀ꦭꦮꦤ꧀ꦭꦩ꧀ꦧꦸ‌ꦏꦸꦫꦸꦁ꧈ꦠꦫꦥ꧀ꦥꦶꦁꦥꦭꦧꦸꦲꦤ꧀‌ꦲꦢꦾꦧꦭꦱꦢꦪꦤꦸꦩ꧀ꦥꦏ꧀ꦥꦼꦫꦲꦸ꧈ꦫꦗꦲꦁꦒꦿꦶꦱ꧀ꦭ‌ꦝꦤ꧀꧈ꦮꦶꦱ꧀ꦩꦸꦁꦒꦃ‌ꦩꦫꦁꦱꦏꦺꦕꦶ [ f.156r ]

꧄ꦧꦤ꧀ꦢꦺꦫ‌ꦮꦸꦱ꧀ꦧꦶꦤꦧꦂ‌ꦫꦤ꧀‌ꦩꦫꦶꦪꦼꦩꦺꦥꦶꦤꦱꦁꦒꦤ꧀ꦠꦶꦒꦤ꧀ꦠꦶ꧈ꦥꦼ ꦠꦼꦁ‌ꦝꦼꦝꦼꦠ꧀ꦠ‌ꦤꦁꦭꦲꦸꦠ꧀‌ꦱꦩ꧀ꦥꦸꦤ꧀ꦤ‌ꦧꦼꦝꦺꦴꦭ꧀ꦗꦁꦏꦂ꧈ꦱꦩ꧀ꦥꦸꦤ꧀ꦧꦧꦂ‌ꦭꦪꦫꦺꦏꦢꦾꦏꦼꦏꦸꦥꦸ꧈ꦥꦭꦪꦸꦤꦺꦏꦢꦾ‌ꦔꦺꦫꦥ꧀‌ꦱꦏꦶꦁ‌ꦱꦤ꧀ꦠꦼꦫꦺ‌ꦏꦁꦲꦔꦶꦤ꧀‌
꧄ꦤꦼꦁꦔꦼꦤꦲꦶꦁꦏꦁꦭꦸꦩꦩ꧀ꦥꦃ‌ꦤꦠꦮꦤ꧀ꦝꦤ꧀ꦏꦭꦮꦤ꧀ꦤꦠꦲꦁꦒꦿꦶꦱ꧀‌ꦮꦺꦴꦤ꧀ꦩꦭꦶꦃ ꦏꦁꦮꦶꦤꦸꦮꦸꦱ꧀‌ꦠꦭꦠꦃꦩꦗꦊꦁꦏꦔ꧈ꦥꦝ꧀ꦱꦸꦤꦤ꧀ꦢꦶ‌ꦤꦸꦭꦸꦮꦱꦿꦶꦏꦪꦸꦁꦪꦸꦤ꧀ꦤꦏ꧀ꦏꦭꦥꦠꦶꦲꦸꦢꦫ꧈ꦏꦺꦱꦲꦺꦱꦏꦶꦁꦤꦒꦫꦶ
꧄ꦥꦤ꧀ꦝꦶꦠꦲꦶꦁꦥꦱꦮꦲꦤ꧀‌ꦲꦠ꧀ꦩꦗꦤꦺꦏ‌ꦭꦁꦏꦸꦁꦲꦪꦸꦭꦸꦮꦶꦃ‌꧈ꦒꦼꦒꦂꦮꦲꦸꦢꦫꦱꦩ꧀ꦥꦸꦤ꧀ꦭꦩꦶꦭꦩꦶꦥꦼꦥꦸꦠꦿ꧈ꦩꦶꦪꦺꦴꦱ꧀ꦭꦤꦁ‌ꦮꦂꦤꦤꦺꦲꦤꦺꦴꦩ꧀ꦩ‌ꦧꦒꦸꦱ꧀‌ꦏꦸꦢꦫꦫꦁ‌ꦔꦶꦤ꧀ꦮꦱ꧀ꦠꦢꦾ꧈ꦲꦧꦒꦸꦱꦤꦺꦴꦩ꧀ꦧꦶꦫꦲꦶ꧈
꧄ꦕꦶꦤꦫꦶꦠ [ f.156v ]ꦭꦲꦶꦂ‌ꦫꦶꦫ꧈ꦲꦶꦧꦸꦤꦶꦫꦥꦼꦗꦃ‌ꦏꦺꦴꦤ꧀ꦢꦸꦫꦤ꧀ꦝꦶꦔꦶꦤ꧀‌ꦩꦶꦭꦱꦏ꧀ꦠꦶꦤꦺꦏꦭꦁꦏꦸꦁꦥꦶꦤꦸꦥꦸꦢꦺꦤꦶꦁꦫꦁꦝ꧈ꦥꦼꦱꦮꦲꦤ꧀ꦤꦶꦫꦁꦝꦩꦼꦱ꧀ꦏꦶꦤ꧀ꦏꦭꦁꦏꦸꦁ꧈ꦏꦭ‌ꦲꦁꦱꦭ꧀ꦥꦶꦠꦸꦁꦢꦶꦤ꧀ꦤ꧈ꦲꦶꦁꦩꦁꦏꦺꦱꦩ꧀ꦥꦸꦤ꧀ꦧꦶꦫꦲꦶ
꧄ꦏꦸꦢꦫꦫꦶꦔꦶꦤ꧀ꦥꦸꦤꦶꦏꦪꦺꦤ꧀ꦱꦱꦮꦃ‌ꦠꦤ꧀ꦢꦂꦧꦺꦏꦼꦧꦺꦴꦱꦶꦱ꧀ꦗꦶ꧈ꦱꦧꦶꦤꦺꦮꦶꦪꦂꦏꦭꦁꦏꦸꦁ꧈ꦥꦶꦫꦁꦥꦶꦫꦁꦥꦗꦸꦔꦤ꧀‌ꦪꦺꦤ꧀ꦩꦭꦸꦏꦸꦮꦺꦴꦁꦢꦺꦱꦏꦶꦤꦼꦫꦶꦒ꧀ꦥꦸꦫꦸꦤ꧀‌ꦏꦶꦤꦺꦔꦫꦱꦮꦃ‌ꦲꦶꦫ꧈ꦱꦥꦏꦺꦴꦤꦺꦢꦶꦭꦏꦺꦴꦤꦶ
꧄ꦮꦺꦴꦁꦢꦺꦱꦲꦺꦴꦫꦥꦸꦫꦸꦤ꧀ꦤꦲꦩꦭꦸꦏꦸꦱꦮꦲꦺꦏꦸꦢꦫꦶꦔꦶꦤ꧀ꦧꦶꦤꦶꦠꦶꦩꦲꦶꦱꦤꦶꦥꦸꦤ꧀‌ꦢꦺꦤꦶꦁꦫꦗꦥꦶꦤꦸꦠꦿ꧈ꦏꦸꦢꦫꦔꦶꦤ꧀ꦭꦁꦏꦸꦁꦗꦼꦩ꧀ꦧꦂ‌ꦧꦸꦢꦶꦤꦶꦥꦸꦤ꧀‌ꦲꦺꦴꦫꦥꦱꦃ‌ꦢꦺꦤꦶꦁꦧꦿꦗ꧈ꦠꦲꦸꦠꦠꦺꦔꦸꦤ꧀ꦝꦊꦩ꧀ꦧꦶꦁ
꧄ꦏꦕꦫꦶꦠꦱꦩ꧀ꦥꦸꦤ꧀ꦭꦩ꧈ꦥꦲꦱꦸꦒꦃ‌ꦲꦶꦏꦸꦤꦶꦫꦁꦝꦩꦶꦱ꧀ꦏꦶꦤ꧀‌ꦏꦸꦉꦫꦔꦶꦤ꧀ꦮꦶꦤꦸꦮꦸꦱ꧀‌ꦲꦂꦱꦔꦸꦭꦂ‌ꦱꦸꦢꦂꦩ꧈ꦱꦩ꧀ꦥꦸꦤ꧀ꦩꦉꦏꦥꦤ꧀ꦢꦶꦠ꧈ꦏꦁꦮꦱꦶꦱ꧀ꦏꦺꦏꦮꦿꦸꦃ꧈ꦲꦼꦒꦺꦤꦺꦱꦸꦢꦂꦩꦤꦶꦫ꧈ꦮꦸꦱ꧀ꦏꦺꦱꦃ‌ꦏꦸꦉꦫꦔꦶꦤ꧀
꧄ꦏꦸꦢꦫꦔꦶꦤ꧀ꦩꦚ꧀ꦗꦶꦁꦮꦤ꧈ꦲꦼꦤꦼꦁꦤꦼꦤ꧀ꦤꦭꦩ꧀ꦥꦲꦺꦏꦸꦢꦫꦔꦶꦤ꧀‌ꦏꦁꦠꦥꦥꦸꦕꦸꦏꦶꦁꦒꦸꦤꦸꦁ꧈ꦱꦔꦼꦠ꧀ꦥꦠꦥꦤꦶꦫ꧈ꦲꦗꦂꦠꦸꦁꦒꦸꦭ꧀ꦩꦤꦤ꧀ꦤꦶꦏ꧀ꦭꦁꦏꦸꦁꦱꦏ꧀ꦠꦶꦤꦶꦥꦸꦤ꧀ [ f.157r ]ꦲꦸꦤꦶꦁꦔꦢꦸꦫꦸꦁꦮꦶꦤꦫꦃ꧈ꦲꦗꦸꦂꦲꦗꦺꦂ‌ꦲꦁꦭꦩ꧀ꦥꦲꦶ
꧄ꦲꦁꦭꦶꦃ‌ꦥꦠꦥꦤ꧀ꦤꦶꦫ꧈ꦲꦤꦺꦁꦥꦸꦚ꧀ꦕꦏ꧀ꦏꦶꦁꦲꦂꦢꦶ‌ꦲꦶꦁꦏꦁ‌ꦲꦶꦁꦒꦶꦭ꧀‌ꦏꦪꦸꦁꦪꦸꦤ꧀ꦥꦿꦠꦥꦤ꧀ꦤꦶꦥꦸꦤ꧀‌ꦠꦤ꧀ꦮꦺꦴꦤ꧀ꦠꦼꦤ꧀ꦔꦸꦁꦏꦸꦭꦤ꧀ꦤ꧈ꦥꦠꦥꦤꦺꦏꦶꦲꦗꦂ‌ꦲꦶꦏꦏꦭꦁꦏꦸꦁ꧈ꦏꦸꦢꦉꦫꦔꦶꦤ꧀ꦮꦸꦱ꧀ꦥꦿꦥ꧀ꦠ꧈ꦏꦭꦶꦃꦥꦤꦏꦮꦤ꧀ꦱꦶꦗꦶ
꧄ꦏꦶꦏꦸꦠꦶꦱ꧀ꦮꦱ꧀ꦠꦤꦺ‌ꦲꦶꦏ꧈ꦲꦺꦴꦫꦏꦫꦶꦲꦁꦔꦶꦤ꧀ꦛꦶꦭ꧀ꦭꦤꦺꦁꦮꦸꦫꦶ꧈ꦏꦶꦲꦗꦂꦲꦭꦺꦴꦤꦿꦸꦩꦸꦮꦱꦱꦱꦿ꧀‌ꦝꦩꦫꦁꦔꦂꦱ꧈ꦫꦗꦥꦸꦠꦤꦸꦭꦾꦩꦗꦼꦁꦲꦮꦺꦴꦠ꧀ꦱꦤ꧀ꦠꦸꦤ꧀‌ꦏꦶꦲꦗꦂꦲꦭꦺꦴꦤ꧀‌ꦔꦤ꧀ꦢꦶꦏꦥꦫꦤ꧀ꦏꦂꦱꦤ꧀ꦤꦶꦫꦏꦏꦶ
꧄ꦝꦺꦤꦺꦩꦸꦁꦒꦃꦲꦶꦁꦥꦠꦥꦤ꧀‌ꦏꦸꦢꦫꦔꦶꦤ꧀‌ꦲꦠꦸꦫꦺꦲꦩ꧀ꦭꦱꦱꦶꦩꦶꦭꦲꦸꦩꦉꦏ꧀ꦥꦸꦏꦸꦭꦸꦤ꧀‌ꦲꦂꦱꦔꦸꦭꦂꦱꦸꦢꦂꦩ꧈ꦭꦃ‌ꦲꦶꦁꦥꦸꦤ꧀ꦢꦶ‌ꦲꦼꦔ꧀ꦒꦺꦤꦺꦱꦸꦢꦂꦩꦤꦶꦁꦱꦸꦤ꧀ꦪꦺꦤ꧀ꦥꦼꦗꦃ‌ꦥꦸꦤ꧀ꦢꦶꦕꦤ꧀ꦝꦶꦚ꧈ꦪꦺꦔꦼꦱꦁ‌ꦲꦼꦁꦒꦺꦤꦺꦥꦸꦤ꧀ꦢꦶ
꧄ꦏꦶꦲꦗꦂꦲꦭꦺꦤ꧀ꦤꦁ​ꦔꦸꦕꦥ꧀‌ꦮꦿꦸꦲꦤ꧀ꦤꦶꦫꦲꦁꦒꦺꦂ‌ꦱꦸꦢꦂꦩꦤꦺꦏꦶ꧈ꦠꦤ꧀ꦏꦫꦸꦲꦤ꧀ꦥꦼꦂꦤꦲꦶꦥꦸꦤ꧀‌ꦠꦤ꧀ꦧꦸꦃ‌ꦥꦼꦗꦃ‌ꦒꦼꦱꦁꦔ꧈ꦤꦔꦶꦁꦱꦶꦫꦏꦶꦧꦒꦸꦱ꧀ꦢꦸꦮꦺꦱꦢꦸꦭꦸꦂ‌ꦲꦏꦼꦏꦱꦶꦃꦝꦩꦂꦮꦸꦭꦤ꧀‌ꦮꦂꦤꦤꦺꦲꦤꦺꦴꦩ꧀ꦗꦤ꧀ꦛꦶꦂ꧈
꧄ꦮꦂꦤꦤꦺꦮꦸꦱ꧀ꦏꦪꦱꦶꦫ꧈ꦲꦁꦲꦼꦧ꧀ꦭꦼꦒꦶꦲꦤ꧀ꦩꦺꦩ꧀ꦥꦼꦂ‌ꦤꦺꦴꦫꦲꦶꦫꦶꦧ꧀‌ꦥꦕꦼꦏꦶꦁꦗꦁꦒꦭꦤ꧀ꦧꦲꦸ꧈ꦲꦱ꧀ꦠꦩꦶꦤ꧀ꦝꦒꦤ꧀ꦝꦺꦮ꧈ꦱꦭꦶꦫꦤꦺꦩꦿꦏꦤꦶꦁꦒꦸꦤ꧀ꦠꦶꦁꦲꦥꦠꦸꦠ꧀‌ꦲꦶꦪꦸꦱꦶꦫꦲꦸꦭꦫꦤ‌ꦩꦸꦁꦥꦸꦔꦲꦼꦲꦼꦤꦺꦴꦩ꧀ꦢꦶꦏꦥꦁꦒꦶꦃ [ f.157v ]

ꦠꦸꦒꦸꦭ꧀‌ꦤꦶꦁꦫꦠꦸ

ꦏꦸꦢꦫꦫꦔꦶꦤ꧀

ꦲꦸꦠ‌ꦱꦃ

꧄
꧄
꧄ꦮꦂꦤꦤꦺꦮꦸꦱ꧀ꦏꦪꦱꦶꦫ꧈ꦲꦮꦱ꧀ꦠꦏꦶꦢꦩꦂꦱꦱꦶ꧈ꦥꦤ꧀ꦱꦶꦫꦲꦶꦏꦁꦠꦫꦸꦤ꧈ꦏꦁꦠꦸꦮꦏꦶꦢꦩꦂꦱꦱꦶꦩꦠꦸꦂꦏꦸꦢꦉꦫꦔꦶꦤ꧀‌ꦭꦃꦲꦶꦁꦥꦸꦤ꧀ꦢꦶꦥꦽꦤꦲꦶꦥꦸꦤ꧀‌ꦏꦸꦭꦤꦸꦭꦶꦥꦁꦒꦶꦲꦭꦤ꧀ꦏꦢꦁꦏꦸꦢꦩꦂꦱꦱꦶ꧈ꦱꦁꦥꦤ꧀ꦝꦶꦠꦲꦫꦶꦱ꧀ꦢꦺꦤꦶꦫꦔꦤ꧀ꦢꦶꦏ
꧄ꦭꦩꦺꦴꦤ꧀ꦱꦶꦫꦲꦸꦭꦂ‌ꦫꦤ꧈ꦱꦗꦒꦠ꧀ꦢꦠꦤ꧀ꦏꦥꦁꦒꦶꦃ꧈ꦏꦪꦤꦺꦴꦫꦏꦠꦼꦩꦸꦲ꧈ꦪꦺꦤ꧀ꦥꦱ꧀ꦛꦶꦠꦼꦩꦼꦤ꧀ꦥꦶꦤꦁꦒꦶꦃ꧈ꦤꦔꦶꦁꦥꦠꦸꦝꦸꦃ‌ꦩꦩꦶ꧈ꦲꦔꦝꦔꦲꦶꦁꦢꦼꦭꦁꦒꦸꦁ꧈ꦲꦶꦁꦩꦂꦒꦩꦫꦥꦠꦤ꧀‌ꦩꦠꦺꦤ꧀ꦤꦤꦱꦏꦺꦃꦗꦭ꧀ꦩꦶ꧈ꦪꦺꦤ꧀ꦮꦸꦱꦺꦴꦭꦶꦃꦲꦼꦤ꧀ꦝ‌ꦱ꧀ꦱꦠꦸꦱ꧀ꦱꦶꦫꦧꦺꦚ꧀ꦗꦁ
꧄ꦩꦂꦒꦤꦺꦲꦤꦸꦭꦶꦠꦼꦏ꧈ꦏꦢꦁꦲꦶꦫꦢꦩꦂꦱꦱꦶ꧈ꦲꦤꦺꦁꦩꦂꦒꦥ [ f.158r ]ꦩꦫꦥꦠꦤ꧀‌ꦲꦸꦮꦶꦱ꧀ꦩꦁꦏꦠꦢꦺꦤ꧀ꦤꦒ꧀ꦭꦶꦱ꧀‌ꦤꦸꦭꦶꦏꦸꦢꦫꦫꦔꦶꦤ꧀ꦤꦶꦁ​ꦔꦤ꧀ꦝꦥꦤ꧀ꦱꦩꦥꦸꦤꦿꦮꦸꦃ꧈ꦩꦸꦝꦸꦤ꧀ꦱꦏꦶꦁꦥꦠꦥꦤ꧀꧈ꦲꦶꦁꦩꦂꦒꦶꦥꦤ꧀ꦱꦩ꧀ꦥꦸꦤ꧀ꦥꦿꦥ꧀ꦠꦶ꧈ꦲꦔꦝꦲꦶ‌ꦲꦤꦺꦁꦩꦂꦒꦶꦩꦫꦥꦠꦤ꧀
꧄ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦚ꧀ꦗꦭ꧀ꦩꦭꦶꦮꦠ꧀‌ꦏꦸꦢꦫꦫꦔꦶꦤ꧀‌ꦩꦼꦒꦠ꧀ꦠꦶ꧈ꦕꦶꦤꦤ꧀ꦝꦏ꧀ꦤꦸꦭꦶꦠꦶꦤꦶꦒꦱ꧀‌ꦱꦶꦫꦲꦺꦱꦩ꧀ꦥꦸꦤ꧀ꦏꦕꦁꦏꦶꦁ꧈ꦏꦶꦏꦸꦠꦶꦱ꧀ꦏꦁꦤꦁꦒꦥꦶ꧈ꦱꦏꦛꦲꦺꦢꦶ‌ꦫꦃꦮꦲꦸ꧈ꦩꦶꦮꦃꦮꦺꦴꦁꦏꦭꦶꦃꦢꦱ꧈ꦠꦶꦤꦶꦒꦱ꧀ꦗꦁꦒꦤꦺꦱꦩꦶ꧈ꦩꦭꦃꦥꦼꦗꦃꦲꦶꦏꦁꦩꦂꦒꦶꦩꦫꦥꦠꦤ꧀
꧄ꦤꦼꦔꦼꦤꦏꦁꦔꦝꦁꦢꦭꦤ꧀ꦲꦸꦕꦥꦼꦤ꧀ꦱꦁꦤꦠꦲꦒꦿꦶꦱ꧀‌ꦏꦭꦮꦤ꧀ꦱꦁꦫꦠꦸꦮꦤ꧀ꦝꦤ꧀ꦥꦠꦶꦃꦭꦺꦴꦒꦼꦤ꧀ꦢꦺꦂꦏꦶꦤꦤ꧀ꦛꦶ꧈ꦪꦠꦮꦸꦱ꧀ꦥꦿꦥ꧀ꦠꦱꦩꦶ꧈ꦠꦼꦥꦶꦱ꧀ꦮꦶꦫꦶꦁꦩꦗꦭꦔꦸꦥꦢꦺꦢꦺꦱꦤ꧀ꦧꦶꦤꦲꦏ꧀‌ꦮꦺꦴꦁꦥꦩꦶꦁꦒꦶꦂꦥꦝꦔꦶꦭꦶ꧈ꦲꦥꦸꦪꦼꦔꦤ꧀ꦏꦁꦧꦭꦲꦔꦸꦁꦱꦶꦏꦶꦛ
꧄ꦲꦶꦁꦢꦼꦩꦏ꧀ꦮꦸꦱ꧀ꦏꦭꦶꦮꦠꦤ꧀‌ꦲꦶꦏꦸꦢꦸꦱ꧀ꦏꦁꦢ꧀ꦥꦸꦤ꧀ꦲꦚ꧀ꦕꦶꦏ꧀‌ꦲꦸꦱ꧀ꦠꦼꦭꦸꦏ꧀ꦩꦿꦶꦁꦤꦠꦮꦤ꧀ꦝꦤ꧀꧈ꦲꦂꦤꦤꦼꦤ꧀ꦤꦶꦁ​ꦩꦗꦥꦲꦶꦠ꧀‌ꦥꦿꦧꦸꦲꦤꦺꦴꦩ꧀ꦠꦶꦤꦁꦏꦶꦭ꧀‌ꦥꦼꦥꦼꦏ꧀ꦱꦒꦸꦁꦥꦫꦲꦫꦸꦩ꧀‌ꦲꦼꦩ꧀ꦥꦸꦭꦮꦤ꧀ꦩꦭꦤ꧀ꦢꦁ꧈ꦠꦸꦩꦼꦁꦒꦸꦁꦭꦮꦤ꧀‌ꦔꦧꦺꦲꦶ꧈ꦥꦼꦥꦼꦏ꧀ꦏꦧꦺꦃꦲꦝꦺꦤ꧀ꦤꦝꦺꦤ꧀ꦩꦗꦊꦁꦏ
꧄ꦧꦸꦤ꧀ꦠꦂꦮꦠꦔꦤ꧀ꦤꦶꦁ​ꦔꦂꦱ꧈ꦏꦶꦩꦺꦤꦏ꧀ꦏꦺꦴꦚ꧀ꦕꦂꦥꦥꦺꦫꦶꦁ꧈ꦲꦸꦩꦠꦸꦂꦏꦶꦩꦺꦤꦏꦺꦴꦚ꧀ꦗꦂ꧈ꦫꦗ꧀‌ꦮ꧀ꦮꦤ꧀ꦝꦤ꧀ꦤꦝꦠꦼꦁ [ f.158v ]ꦠꦼꦔꦶ꧈ꦭꦮꦤ꧀ꦱꦁꦤꦠꦲꦁꦒꦿꦶꦱ꧀‌ꦱꦸꦮꦮꦶꦒꦸꦱ꧀ꦠꦶꦥꦶꦤꦼꦛꦸꦏ꧀‌ꦲꦸꦏꦥꦸꦤ꧀ꦩꦺꦤꦏ꧀ꦏꦺꦴꦚ꧀ꦕꦂ꧈ꦢ꧀ꦢꦶꦧꦼꦧꦤ꧀ꦠꦼꦤ꧀ꦤꦶꦁ​ꦗꦸꦫꦶꦠ꧀‌ꦥꦿꦧꦸꦲꦤꦺꦴꦩ꧀ꦲꦫꦶꦱ꧀ꦢꦺꦤꦶꦫꦔꦤ꧀ꦢꦶꦏ
꧄ꦭꦃꦩꦫꦱꦶꦫꦧꦸꦝꦭ꧀ꦤꦥꦸꦁꦒꦮꦭꦤ꧀ꦥꦫꦩꦤ꧀ꦠꦿꦶ꧈ꦱꦶꦫꦩꦶꦪꦺꦴꦱ꧀ꦱꦲꦪꦸꦢ꧈ꦧꦸꦤ꧀ꦠꦔꦩ꧀ꦱꦶꦫꦠꦸꦂꦧꦏ꧀ꦠꦶ꧈ꦠꦁꦔꦫꦲꦶꦁꦲꦗꦸꦫꦶꦠ꧀‌ꦒꦸꦩꦼꦉꦃꦮꦺꦴꦁꦩꦗꦭꦔꦸꦲꦸꦩꦾꦁꦲꦤꦠꦧꦭ꧈ꦏꦸꦩꦼꦫꦧꦶꦁꦏꦁꦠꦸꦂ‌ꦫꦁꦒꦶ꧈ꦏꦭꦤ꧀ꦠꦏꦮꦼꦭꦸꦂꦱꦩꦶꦲꦶꦁꦔꦸꦱꦸꦁꦔꦤ꧀
꧄ꦥꦼꦝꦁꦠꦩꦺꦁꦭꦤ꧀ꦱꦫꦩ꧀ꦥꦁꦒꦺꦴꦢꦺꦧꦒ꧀ꦭꦮ‌ꦚ꧀ꦗꦩ꧀ꦥꦫꦶꦁ꧈ꦝꦝꦥ꧀ꦒꦚ꧀ꦗꦸꦂꦭꦮꦤ꧀ꦥꦤꦃꦢ꧀ꦲꦭꦸꦒ꧀ꦢꦒ꧀ꦥꦤ꧀ꦠꦶꦤꦺꦴꦲꦱꦿꦶ꧈ꦧꦶꦤꦁꦧꦸꦁꦔꦩ꧀ꦥꦺꦭ꧀ꦗꦶꦁꦒꦶꦁꦲꦸꦩ꧀ꦧꦸꦭ꧀ꦲꦸꦩ꧀ꦧꦸꦭ꧀ꦭꦤ꧀ꦭꦼꦭꦪꦸ꧈ꦥꦺꦴꦤ꧀ꦛꦁꦭꦤ꧀ꦮꦲꦺꦴꦱ꧀ꦱꦸꦭꦩ꧀ꦮꦲꦺꦴꦱ꧀ꦕꦼꦩꦼꦁꦔꦔꦶꦢꦼꦂꦫꦶꦮꦲꦺꦴꦱ꧀ꦥꦼꦛꦥ꧀‌ꦤ꧀ꦱꦩꦶꦱꦺꦴꦥꦭ꧀ꦏꦚ꧀ꦕꦤ
꧄ꦥꦿꦧꦸꦲꦤꦺꦴꦩ꧀ꦩꦗꦊꦁꦏꦩꦊꦧꦺꦠ꧀ꦠꦶꦁꦢꦊꦩ꧀ꦥꦸꦫꦶ꧈ꦏꦸꦱꦸꦩꦲꦪꦸꦲꦩꦥꦒ꧀‌ꦲꦥꦩꦶꦠ꧀ꦠꦶꦁꦥꦫꦫꦧꦶ꧈ꦱꦩ꧀ꦥꦸꦤ꧀ꦥꦿꦥ꧀ꦠꦲꦶꦁꦥꦸꦫꦶꦏꦷꦤꦤ꧀ꦛꦶꦏꦸꦱꦸꦩꦲꦪꦸ꧈ꦭꦤ꧀ꦢꦺꦮꦶꦲꦚ꧀ꦗꦼꦱ꧀ꦩꦫ꧈ꦮꦲꦶꦠꦥꦸꦪꦼꦔꦤ꧀ꦱꦩꦶ꧈ꦮꦸꦱ꧀ꦥꦶꦤꦉꦏ꧀ꦏꦭꦶꦮꦔꦂꦮꦱꦏꦮꦤ꧀
꧄ꦲꦥꦩꦶꦠ꧀ꦝꦠꦼꦁꦏꦁꦒꦂꦮꦫ꧈ꦲꦂꦱꦩꦶꦪꦺꦴꦱꦶꦲꦗꦸꦫꦶꦠ꧀‌ꦏꦭꦮꦤ꧀ꦱꦁꦫꦠꦸꦮꦤ꧀ꦝꦤ꧀‌ꦲꦸꦩꦾꦁꦱꦒꦸꦁꦥꦫꦥꦸꦠꦿꦶ꧈ꦠꦤ꧀ꦮꦺꦴꦤ꧀ꦠꦼꦤ꧀ꦥꦸꦫꦸꦤ꧀ꦏꦫꦶ꧈ꦥꦼꦗꦃꦒꦼꦱꦁꦲꦗꦼꦁꦠꦸꦩꦸꦠ꧀‌ꦪꦠꦱꦁꦥꦿꦧꦸꦏꦼꦢꦾꦲꦸ [ f.159r ]ꦩꦠꦸꦂꦩꦫꦁꦏꦁꦏꦏꦶ꧈ꦥꦼꦗꦃ‌ꦒꦺꦱꦁꦠꦤ꧀ꦥꦸꦫꦸ‌ꦤ꧀ꦥꦶꦱꦃ‌ꦏꦮꦸꦭ
꧄ꦫꦠ꧀ꦤꦝꦺꦮꦶꦲꦚ꧀ꦗꦼꦱ꧀ꦩꦫꦲꦸꦩꦠꦸꦂꦩꦫꦁꦏꦁꦏꦏꦶ꧈ꦏꦮꦸꦭꦠꦸꦩꦸꦛꦪꦸꦢꦲꦤꦶꦔꦭꦶꦮꦺꦴꦁꦲꦪꦸꦫꦶꦠ꧀‌ꦪꦠꦧꦸꦱꦤꦱꦩꦶꦱꦏꦛꦲꦺꦥꦫꦲꦫꦸꦩꦥꦿꦧꦸꦲꦤꦺꦴꦩ꧀ꦮꦸꦱ꧀ꦩꦼꦢꦭ꧀‌ꦲꦶꦁꦔꦶꦫꦶꦁꦔꦶꦁꦥꦫꦥꦸꦠꦿꦶ꧈ꦤꦶꦠꦶꦃꦗꦺꦴꦭꦁꦥꦿꦧꦸꦲꦤꦺꦴꦩ꧀ꦭꦤ꧀ꦏꦁꦒꦂꦮ
꧄ꦏꦠꦶꦒꦤꦶꦲꦚ꧀ꦗꦼꦱ꧀ꦩꦫ꧈ꦱꦏꦮꦤ꧀ꦥꦸꦠꦿꦶꦮꦭꦺꦫꦶꦏꦭꦶꦩꦢꦺꦮꦲꦶꦠ꧈ꦮꦸꦱ꧀ꦩꦸꦁꦒꦲꦶꦁꦗꦭ꧀ꦭꦶꦱꦩꦶ꧈ꦩꦶꦮꦃꦏꦁꦥꦫꦱꦼꦭꦶꦂ꧈ꦲꦤꦶꦠꦶꦃ‌ꦠꦤ꧀ꦝꦸꦮꦢꦸꦭꦸꦂ꧈ꦗꦗꦫꦤꦺꦧꦫꦤꦁ꧈ꦮꦸꦱ꧀ꦠꦶꦤꦺꦴꦤ꧀ꦭꦁꦏꦸꦁꦔꦗꦿꦶꦲꦶ꧈ꦥꦁꦲꦁꦒꦺꦤꦺꦥꦸꦠꦿꦶꦏꦁꦫꦏꦶꦠ꧀ꦧꦝꦪ
꧄ꦩꦶꦪꦺꦴꦱ꧀ꦏꦁꦧꦫꦶꦱꦱ꧀ꦠꦠ꧈ꦫꦢꦺꦤ꧀ꦧꦸꦤ꧀ꦠꦫꦤ꧀ꦤꦶꦁ​ꦔꦂꦱꦶ꧈ꦮꦺꦴꦁꦢꦲꦱꦥꦺꦴꦭꦲꦶꦫ꧈ꦢꦶꦤꦸꦭꦸꦠꦼꦏꦔꦗꦿꦶꦲꦶ꧈ꦒꦼꦒꦩꦤꦺꦔꦶꦢꦼꦫꦶ꧈ꦮꦺꦴꦁꦠꦸꦧꦤ꧀ꦤꦶꦏꦮꦸꦱꦿꦮꦸꦃ꧈ꦧꦸꦱꦤꦱꦂꦪꦲꦺꦤ꧀ꦢꦃꦧ꧀‌ꦤ꧀ꦢꦺꦫꦤꦺꦮꦂꦤꦮꦂꦤꦶ꧈ꦲꦧꦿꦱꦶꦤꦔꦶꦁꦏꦁꦏꦸꦭꦩ꧀ꦧꦶꦱꦁꦏꦼꦭꦠ꧀
꧄ꦢꦸꦫꦥꦠꦶꦤꦺꦮꦺꦴꦁꦠꦸꦧꦤ꧀‌ꦲꦺꦴꦁꦗꦒꦪꦸꦢꦲꦁꦔꦥꦶꦠ꧀‌ꦢꦶꦤꦸꦭꦸꦭꦶꦂꦩꦕꦟ꧀ꦒꦭꦏ꧀‌ꦮꦺꦴꦁꦭꦸꦩꦗꦁꦲꦤꦸꦭ꧀ꦭꦶ꧈ꦲꦧꦿꦧꦸꦱꦤꦤꦺꦏꦶ꧈ꦲꦱꦶꦏꦼꦥ꧀ꦮꦠꦁꦲꦢꦸꦭꦸꦂ꧈ꦱꦶꦫꦏꦶꦩꦺꦤꦏ꧀ꦏꦺꦴꦕꦂꦤꦶꦠꦶꦃ‌ꦏꦸꦢꦢꦺꦤ꧀ꦥꦪꦸꦔꦶ꧈ꦥꦿꦧꦸꦲꦤꦺꦴꦩ꧀ꦒꦶꦤꦉꦧꦺꦒꦶꦁꦥꦸꦁꦒꦮ
꧄ꦲꦤ꧀ꦱꦩ꧀ꦥꦸꦏꦂꦪꦥꦁꦒꦸꦔꦤ꧀‌ꦲꦮꦶꦪꦂꦭ꧀‌ꦮꦴꦮꦶꦪꦂꦭꦁ [ f.159v ]ꦏꦸꦁꦔꦲꦶꦁꦒꦶꦭ꧀‌ꦥꦿꦧꦸꦲꦤꦺꦴꦩ꧀ꦱꦩ꧀ꦥꦸꦤ꧀ꦩꦸꦁꦒꦃ‌ꦥꦼꦥꦁꦒꦸꦁꦔꦤ꧀ꦠꦶꦤꦺꦴꦤꦱꦿꦶꦱꦏꦺꦲꦺꦥꦫꦱꦼꦭꦶꦂ꧈ꦮꦻꦴꦱ꧀ꦩꦸꦁꦒꦺꦁꦲꦤꦔꦶꦁꦥꦁꦒꦸꦁ꧈ꦢꦺꦤꦺꦱꦁꦥꦿꦧꦸꦏꦼꦤ꧀ꦚꦲꦚ꧀ꦗꦼꦩꦫꦫꦺꦴꦮꦁꦤꦺꦏꦶ꧈ꦤꦶꦮꦲꦶꦠꦥꦶꦤꦉꦏ꧀ꦭꦮꦤ꧀ꦥꦸꦪꦼꦔꦤ꧀
꧄ꦲꦤꦶꦔꦭꦶꦮꦺꦴꦁꦔꦪꦸꦢꦱꦏꦛꦲꦶꦁꦥꦫꦥꦸꦠꦿꦶꦥꦺꦥꦥꦪꦺꦴꦤ꧀ꦤꦺꦱꦁꦏꦼꦭꦠ꧀ꦧꦁ꧈ꦥꦶꦤꦭꦶꦱꦶꦂꦱꦸꦠꦿꦏꦸꦤꦶꦁ꧈ꦏꦭꦁꦏꦸꦁꦲꦢꦶꦭꦸꦮꦶꦃ꧈ꦥꦔꦁꦒꦺꦤ꧀ꦤꦺꦥꦫꦲꦫꦸꦩ꧀‌ꦏꦁꦒꦶꦮꦁꦏꦫꦏꦢꦾꦪꦁꦪꦁꦩꦸꦁꦒꦺꦁꦠꦸꦭꦶꦱ꧀ꦱꦼꦱꦸꦥꦺꦤꦺꦭꦶꦂꦏꦼꦏꦸꦤꦁꦲꦩ꧀ꦧꦫꦤꦁ
꧄ꦲꦶꦏꦁꦩꦱꦼꦃꦲꦶꦁꦔꦪꦸꦢ꧈ꦩꦺꦤꦏ꧀ꦏꦺꦴꦚ꧀ꦕꦂꦏꦁꦮꦼꦮꦔꦶ꧈ꦲꦶꦏꦁꦤꦠꦤꦠꦧꦭꦧꦸꦤ꧀ꦠꦂꦮꦠꦔꦤ꧀ꦥꦿꦗꦸꦫꦶꦠ꧀ꦱꦒꦸꦁꦥꦫꦏꦥꦶꦭꦶꦃꦢꦢꦶꦥꦔꦶꦫꦶꦝ꧀ꦢꦶꦁꦏꦪꦸꦤ꧀‌ꦢꦺꦤꦺꦏꦁꦢꦢꦶꦝꦝ꧈ꦏꦶꦩꦺꦤꦏ꧀ꦏꦺꦴꦚ꧀ꦕꦂꦥꦿꦗꦸꦫꦶꦠ꧀‌ꦱꦧꦭꦤꦺꦥꦤ꧀ꦱꦩꦶꦥꦿꦗꦸꦫꦶꦠ꧀‌ꦪꦸꦢ
꧄ꦮꦸꦱ꧀ꦥꦼꦥꦼꦏ꧀ꦩꦚ꧀ꦕꦤꦒꦫꦢꦶꦥꦠꦶꦲꦸꦫꦸꦠ꧀ꦥꦱꦶꦱꦶꦂꦏꦶꦲꦢꦶꦥꦠꦶꦲꦶꦁꦗꦶꦥꦁ꧈ꦩꦢꦶꦪꦸꦤ꧀ꦭꦤ꧀ꦥꦽꦤꦫꦒꦶ꧈ꦏꦢꦸꦮꦁꦮꦠꦸꦲꦸꦫꦶꦥ꧀‌ꦢꦶꦥꦠꦶꦏꦥꦸꦠꦿꦤ꧀ꦤꦿꦮꦸꦃ꧈ꦥꦕꦭꦁꦒꦫꦒꦫꦏꦶꦚ꧀ꦕꦁꦏꦶꦤꦤ꧀ꦝꦁꦮꦸꦱ꧀ꦥꦿꦠꦶ꧈ꦲꦠꦤꦥꦶꦲꦶꦁꦧꦠꦭꦤ꧀ꦥꦝꦺꦴꦩꦱꦤ꧀
꧄ꦱꦶꦢꦥꦏ꧀ꦱꦥꦗꦫꦏꦤ꧀‌ꦲꦶꦁꦫꦼꦩ꧀ꦧꦮꦗꦏ꧀ꦮꦠꦸꦫꦶꦥ꧀‌ꦲꦮꦺꦴꦂꦭꦮꦤ꧀ꦩꦺꦤꦏ꧀ꦏꦺꦴꦚ꧀ꦕꦂ꧈ꦠꦠꦭ꧀ꦥꦝꦺꦴꦩꦱ [ f.160r ]ꦤ꧀ꦥꦿꦥ꧀ꦠꦶ꧈ ꦱꦢꦪꦱꦩꦶꦥꦿꦥ꧀ꦠꦶꦧꦺꦴꦥꦠꦶꦥꦱꦶꦱꦶꦂꦏꦶꦢꦸꦭ꧀‌ꦫꦮꦏꦭꦁꦧꦿꦺꦠ꧀ꦥꦿꦥ꧀ꦠ꧈ꦗꦥꦤ꧀ꦥꦱꦸꦫꦸꦮꦤ꧀ꦥꦿꦥ꧀ꦠꦶ꧈ꦥꦼꦥꦼꦏ꧀ꦏꦧꦺꦃꦱꦧꦸꦱ꧀ꦤꦶꦁꦔꦪꦸꦢ
꧄ꦠꦼꦠꦼꦒꦭ꧀ꦧꦉꦧꦼꦱ꧀ꦥꦿꦥ꧀ꦠ꧈ꦒꦼꦧꦁꦕꦉꦧꦺꦴꦤ꧀ꦮꦸꦱ꧀ꦥꦿꦥ꧀ꦠꦶ꧈ꦏꦥꦼꦛꦏꦤ꧀ꦱꦶꦔꦫꦗ꧀ꦮ꧀꧈ꦢꦽꦩꦪꦸꦕꦶꦲꦱꦼꦩ꧀ꦥꦿꦥ꧀ꦠꦶ꧈ꦢꦶꦥꦠꦶꦲꦶꦁꦕꦶꦊꦱꦶ꧈ꦕꦶꦲꦤ꧀ꦗꦸꦂ‌ꦏꦭꦮꦤ꧀ꦧꦤ꧀ꦝꦸꦁ꧈ꦥꦫꦏꦤ꧀ꦩꦸꦚ꧀ꦕꦁꦥꦿꦥ꧀ꦠ꧈ꦱꦸꦩꦼꦝꦁꦭꦤ꧀ꦏꦤ꧀ꦝꦁꦮꦼꦱꦶ꧈ꦱꦺꦴꦏꦥꦸꦫꦕꦶꦲꦩꦶꦱ꧀‌ꦲꦶꦩ꧀ꦧꦤꦼꦒꦫ
꧄ꦏꦮꦱꦺꦤ꧀ꦭꦮꦤ꧀ꦱꦼꦭꦒ꧈ꦮꦔꦺꦭꦮꦤ꧀‌ꦧ꧀ꦠꦁꦔꦗꦶ꧈ꦝꦪꦭꦸꦲꦸꦂꦭꦤ꧀ꦧꦤ꧀ꦚꦸꦩꦱ꧀‌ꦫꦺꦴꦩꦧꦒꦼꦭꦺꦤ꧀ꦮꦸꦱ꧀ꦥꦿꦥ꧀ꦠꦶ꧈ꦭꦮꦤ꧀ꦮꦺꦴꦁꦮꦺꦴꦫꦮꦫꦶ꧈ꦮꦺꦴꦁꦫꦺꦤ꧀ꦝꦺꦠꦚ꧀ꦕꦼꦏꦭ꧀ꦱꦺꦮꦸ꧈ꦔꦼꦔꦼꦝꦺꦴꦏ꧀ꦧꦺꦴꦒꦮꦤ꧀ꦠ꧈ꦏꦼꦝꦸꦭꦮꦤꦤ꧀ꦤꦲꦢꦶꦥꦱꦶꦂ꧈ꦒꦸꦤꦸꦁꦏꦶꦢꦸꦭ꧀ꦩꦠꦲꦺꦴꦏ꧀ꦭꦼꦧꦏ꧀ꦥꦕꦶꦠꦤ꧀
꧄ꦥꦼꦩ꧀ꦩꦼꦧꦼꦁꦭꦤ꧀ꦥꦼꦁꦔꦁꦱꦭꦤ꧀ꦮꦶꦫꦢꦺꦱꦭꦤ꧀ꦭꦗꦩꦶ꧈ꦧꦠꦁꦏꦼꦤ꧀ꦝꦭ꧀ꦥꦭꦧꦸꦧꦸꦮꦤ꧀‌ꦲꦢꦶꦥꦠꦶꦭꦺꦥꦺꦤ꧀ꦠꦔꦶ꧈ꦱꦩꦫꦁꦭꦤ꧀ꦠꦽꦧꦒꦸ꧈ꦢꦼꦩꦏ꧀ꦭꦮꦚ꧀ꦕꦼꦏꦭ꧀ꦱꦺꦮꦸ꧈ꦮꦸꦱ꧀ꦥꦿꦥ꧀ꦠꦩꦗꦊꦁꦏ꧈ꦱꦫꦸꦥꦤꦺꦠꦤꦃꦗꦮꦶ꧈ꦲꦮꦤ꧀ꦤꦥꦶ꧈ꦮꦺꦴꦁꦪꦺꦴꦒꦾꦭꦤ꧀ꦏꦼꦂꦠꦱꦸꦫ꧈
꧄ꦏꦁꦢꦢꦶꦥꦔꦮꦏ꧀ꦏꦶꦮ꧈ꦫꦢ꧀‌ꦤ꧀ꦧꦸꦤ꧀ꦠꦫꦤ꧀ꦥꦿꦗꦸꦫꦶꦠ꧀‌ꦏꦁꦠꦼꦔꦤ꧀ꦤꦿꦤ꧀ꦮꦺꦠꦁꦔꦤ꧀‌ꦩꦺꦤꦏ꧀ꦏꦺꦴꦚ꧀ꦕꦂꦏꦁꦝꦝꦤꦶ꧈ꦏꦸꦩꦿꦧ꧀ꦠꦸꦫꦁꦒꦲꦱꦿꦶ꧈ꦏꦁꦱꦸꦫꦑꦸꦩꦾꦔ꧀ꦒꦸꦩꦸꦫꦸꦃ꧈ꦒꦼꦒꦩꦤ꧀ꦤꦧꦿꦱꦶꦤꦁ꧈ꦮꦸꦱꦠꦠꦠꦶꦤꦺꦴꦤ꧀ꦔꦗꦿꦶꦲꦶ꧈ꦲꦥꦿꦁꦥꦥꦏ꧀ꦮꦺꦴꦁꦮꦤ꧀ꦝꦤ꧀ꦩꦸꦤ꧀ꦢꦸꦂꦱꦢꦪ꧄ [ f.160v ]

꧄ꦏꦥꦶꦪꦂꦱꦱꦸꦫꦏ꧀ꦏꦺꦮꦺꦴꦁꦩꦗꦊꦁꦏ꧈ꦮꦺꦴꦁꦮꦤ꧀ꦝꦤ꧀ꦭꦤ꧀ꦮꦺꦴꦁꦲꦁꦒꦿꦶꦱ꧀‌ꦮꦸꦱ꧀ꦩꦁꦏꦠ꧀ꦱꦢꦪ꧈ꦱꦸꦫꦑꦩ꧀ꦧꦭ꧀ꦲꦩ꧀ꦧꦭꦤ꧀‌ꦒꦸꦩꦼꦠꦃꦧꦼꦤ꧀ꦝꦺꦒꦺꦴꦁꦩꦸꦤꦸ꧈ꦠꦩ꧀ꦧꦸꦂꦲꦔꦮꦁ꧈ꦱꦭꦺꦴꦩ꧀ꦥꦽꦠ꧀ꦭꦮꦤ꧀ꦱꦸꦭꦶꦁ
꧄ꦤꦸꦭꦾꦩꦗꦸꦮꦺꦴꦁꦠꦸꦧꦤ꧀ꦭꦶꦂꦱꦫꦢꦸꦭꦃ꧈ꦲꦠꦤꦥꦶꦮꦺꦴꦁꦲꦁꦒꦿꦶꦱ꧀‌ꦥꦤ꧀ꦱꦩ꧀ꦥꦸꦤ꧀ꦥꦶꦤꦥꦒ꧀ꦢꦺꦤꦶꦁꦧꦭꦢꦲ꧈ꦲꦒꦿꦒꦸꦠ꧀ꦏꦁꦧꦭꦩꦤ꧀ꦠꦿꦶꦫꦩꦺꦤꦶꦁꦪꦸꦢ꧈ꦮꦺꦴꦁꦠꦸꦧꦤ꧀ꦤꦤꦸꦁꦏꦼꦧ꧀ [ f.161r ]

꧄ꦤꦸꦭꦾꦩꦗꦸꦮꦺꦴꦁꦮꦤ꧀ꦝꦤ꧀ꦭꦮꦤ꧀ꦮꦺꦴꦁꦠꦸꦧꦤ꧀꧈ꦮꦺꦴꦁꦭꦸꦩꦗꦁꦤꦁꦏꦼꦧ꧀ꦧꦶ꧈ꦠꦼꦩ꧀ꦥꦸꦃ‌ꦲꦶꦁꦔꦪꦸꦢ꧈ꦏꦢꦶꦧꦔꦮꦤ꧀ꦧꦼꦤ꧀ꦤ꧈ꦱꦼꦉꦒꦱꦶꦤꦼꦫꦺꦒ꧀ꦔꦮꦤꦶ꧈ꦧꦸꦤ꧀ꦠꦂꦧꦶꦤꦸꦤ꧀ꦠꦂ꧈ꦠꦼꦩ꧀ꦥꦸꦃꦥꦱꦶꦂꦭꦤ꧀ꦩꦶꦩꦶꦱ꧀
꧄ꦠꦫꦸꦁꦥꦼꦝꦁꦒꦸꦩꦼꦧꦾꦂꦏꦢꦶꦒꦸꦫꦶꦤ꧀ꦢ꧈ꦱꦸꦫꦏꦧꦭꦲꦶꦁꦠꦸꦧꦶꦤ꧀‌ꦱꦲꦸꦂꦱꦶꦟꦸꦫꦤ꧀‌ꦩꦗꦸꦫꦤꦮ꧀ꦮꦺꦴꦁꦢꦲꦔꦏꦸꦮꦼꦭ꧀ꦭꦲꦺꦪꦤ꧀ꦮꦺꦴꦁꦲꦁꦒꦿꦶꦱ꧀‌ꦲꦸꦩꦾꦁ‌ꦮꦸꦫꦲꦤ꧀‌ꦭꦶꦂꦒꦼꦭꦥ꧀ꦧꦫꦸꦁꦛꦛꦶꦠ꧀
꧄ꦠꦤ꧀ꦢꦁꦔꦶꦫꦮꦺꦴꦁꦠꦸꦧꦤ꧀ꦭꦶꦂꦱꦫꦢꦢꦸꦭꦃ꧈ꦥꦔꦩꦏꦺꦔꦗꦿꦶꦲꦶ꧈ꦲꦺꦴꦫꦤꦺꦴꦭꦶꦃꦫꦺꦴꦮꦁ꧈ꦱꦩꦾꦉꦧꦸꦠ꧀ꦧꦤ꧀ꦝꦔꦤ꧀‌ꦮꦺꦴꦁꦲꦁꦒꦿꦶꦱ꧀ꦱꦁꦫꦁꦱꦼꦒ꧀ꦮꦤꦶꦩꦫꦁꦮꦺꦴꦁꦢꦲ꧈ꦥꦔꦩꦸꦏꦺꦩꦁꦏꦸꦏꦶꦃ
꧄ꦲꦸꦩ꧀ꦧꦸꦭꦸꦩ꧀ꦧꦸꦭ꧀ꦏꦢꦶꦲꦤ꧀ꦢꦫꦸꦲꦠꦶꦧ꧈ꦧꦼꦝꦶꦭ꧀ꦤꦺꦴꦫꦤꦩꦸꦤꦶ꧈ꦲꦏꦸꦮꦼꦭ꧀ꦏꦺꦮꦭ꧈ꦱꦩꦶꦱꦶꦭꦶꦃ‌ꦩꦂꦗꦪ꧈ꦥꦼꦫꦁꦔꦺꦲꦒꦼꦠꦶꦏꦼꦫꦶꦱ꧀‌ꦫꦩꦺꦤꦶꦁꦪꦸꦢ꧈ꦮꦺꦴꦁ [ f.161v ]ꦲꦁꦒꦿꦶꦱ꧀ꦱꦏꦺꦃꦩꦠꦶ
꧄ꦲꦤꦲꦶꦁꦏꦁꦲꦩ꧀ꦧꦶꦛꦶꦥꦝꦧꦠꦸꦂꦤ꧀ꦚ꧈ꦏꦼꦮꦼꦧꦤ꧀ꦠꦶꦁꦧꦶꦤꦤ꧀ꦠꦶꦁ꧈ꦱꦏꦶꦁꦥꦸꦃ‌ꦲꦶꦁꦥꦼꦫꦁ꧈ꦠꦤ꧀ꦧꦸꦃꦩꦸꦱꦸꦃꦭꦤꦿꦺꦴꦮꦁ꧈ꦲꦺꦔꦼꦠ꧀‌ꦪꦺꦤ꧀ꦧꦠꦸꦂꦥꦿꦶꦧꦢꦶꦲꦫꦫꦏꦸꦭꦤ꧀‌ꦗꦭꦸꦏ꧀ꦱꦥꦸꦫꦱꦩꦶ
꧄ꦮꦺꦴꦁꦲꦶꦁꦩꦗ꧀ꦥꦲꦶꦠ꧀ꦏꦺꦃꦠꦶꦤꦸꦩ꧀ꦧꦏ꧀ꦭꦠꦃ‌ꦲꦫꦁꦏꦁꦩꦼꦩ꧀ꦥꦤ꧀ꦩꦶꦩꦶꦱ꧀‌ꦏꦁꦥꦶꦤꦼꦝꦁꦏꦺꦴꦤ꧀ꦠꦭ꧀‌ꦱꦶꦤꦸꦢꦸꦏ꧀ꦏ‌ꦔꦗꦶꦮꦠ꧀‌ꦧꦭꦲꦁꦒꦿꦶꦱ꧀ꦏꦛꦃꦩꦠꦶ꧈ꦥꦠꦶꦁꦱꦸꦭꦪꦃꦢꦺꦤꦶꦁꦮꦺꦴꦁꦩꦗꦥꦲꦶꦠ꧀
꧄ꦲꦤꦲꦶꦁꦏꦁꦠꦶꦤꦩ꧀ꦥꦼꦭ꧀ꦏꦼꦥꦼꦁꦏꦺꦮꦭ꧈ꦠꦸꦭꦸꦥ꧀ꦥꦱꦼꦂꦝꦠꦼꦁꦔꦶ꧈ꦠꦭꦺꦫꦺꦥ꧀ꦥꦶꦁꦥꦺꦝꦁꦏ꧀ꦢꦶꦏꦶꦭꦠ꧀ꦭꦮꦤꦤ꧀‌ꦲꦮꦺꦴꦂꦏꦸꦏꦸꦱ꧀ꦒꦸꦠꦸꦏ꧀ꦏꦥꦶꦧꦼꦝꦶꦭ꧀‌ꦫꦫꦁꦏꦿꦁ꧈ꦥꦤ꧀ꦏꦢꦶꦠꦼꦔ‌ꦃꦮꦼꦔꦶ
꧄ꦮꦠꦁꦥꦸꦠꦸꦁꦭꦶꦂ‌ꦱ‌ꦫ‌ꦃꦏꦺꦭꦶꦤꦺꦁꦠꦺꦴꦪꦢꦭꦸꦢꦒ꧀ꦠꦶꦤꦺꦴꦤ꧀ꦤꦲꦱꦿꦶꦭꦶꦂꦒꦁꦒꦼꦁꦏꦸꦩꦩ꧀ꦧꦁ꧈ꦧꦼꦝꦶꦭ꧀ꦠꦶꦧꦤꦺꦁꦊꦩꦃ꧈ꦧꦼꦤ꧀ꦝꦺꦭꦶꦂꦧꦸꦭꦸꦱ꧀ꦤꦺꦁꦮꦫꦶ꧈ꦱꦩ꧀ꦧꦠ꧀ꦏꦧꦿꦤꦤ꧀‌ꦭꦶꦂ‌ꦲꦸꦢꦤ꧀ꦱꦶꦤꦩꦺꦤꦶ
꧄ꦏꦁꦱꦮꦤꦺꦁꦲꦤꦁꦔꦶꦱꦼꦱꦩ꧀ꦧꦠ꧀ꦧꦧꦥ꧈ꦲꦤꦲꦱꦩ꧀ꦧꦠ꧀ꦤꦶꦤꦶ꧈ꦲꦤꦴꦱꦩ꧀ꦧꦠ꧀ꦥꦩꦤ꧀‌ꦲꦤꦏꦁꦱꦩ꧀ꦧꦠ꧀ꦠꦸꦮ꧈ꦲꦤꦲꦶꦁꦏꦁꦱꦩ꧀ꦧꦠ꧀ꦠꦿꦧꦶ꧈ꦮꦺꦴꦁꦲꦁꦒꦿꦶꦱ꧀ꦮꦤ꧀ꦝꦤ꧀‌ꦥꦶꦠꦸꦁꦭꦏ꧀ꦱꦏꦁꦏꦤꦶꦤ꧀
꧄ꦪꦠꦱꦶꦒꦿꦮꦲꦸꦫꦢꦺꦤ꧀ꦩꦺꦤꦏ꧀ꦏꦺꦴꦚ꧀ꦕꦂ꧈ꦤꦶꦠꦶꦃꦏꦸꦢꦱꦶꦱꦶꦫꦶꦒ꧀‌ꦩꦱꦃꦲꦶꦁꦫꦤꦁꦒ꧈ꦱꦂꦮꦶꦲꦔꦶꦏꦭ꧀ꦮꦠꦁ꧈ꦏꦸꦩꦶꦠꦶꦂꦲꦶꦁꦲꦱ꧀ꦠꦏꦭꦶꦃ [ f.162r ]ꦥꦸꦠꦿꦲꦶꦁꦠꦸꦧꦤ꧀‌ꦩꦁꦱꦼꦃꦫꦧꦔꦗꦿꦶꦲꦶ
꧄ꦲꦢꦶꦥꦠꦸꦲꦶꦁꦢꦲꦫꦢꦺꦤ꧀ꦮꦠꦁꦔꦤ꧀‌ꦱꦩ꧀ꦥꦸꦤ꧀ꦩꦁꦱꦃꦔꦗꦸꦫꦶꦠ꧀‌ꦭꦶꦂꦒꦧꦃꦔꦶꦤ꧀ꦠꦼꦂꦫꦤ꧀‌ꦫꦩꦺꦲꦧꦶꦭꦸꦭꦸꦔꦤ꧀‌ꦏꦸꦩꦼꦂꦫ꧀ꦧꦶꦁꦏꦁꦔꦼꦩ꧀ꦧꦸꦭ꧀ꦭꦶ꧈ꦫꦢꦺꦤ꧀ꦮꦠꦔꦤ꧀‌ꦠꦶꦤꦸꦩ꧀ꦧꦏ꧀ꦏꦤꦤ꧀ꦏꦺꦫꦶ
꧄ꦮꦺꦴꦁꦠꦼꦠꦶꦒꦱꦉꦁꦢꦺꦤ꧀ꦚꦔꦩꦸꦏꦿꦩ꧀ꦥꦏ꧀‌ꦪꦺꦤ꧀ꦠꦶꦤꦺꦴꦤ꧀ꦤꦔꦗꦿꦶꦲꦶ꧈ꦏꦢꦾꦱꦫꦢꦸꦭꦃꦒꦭꦏ꧀ꦏꦲꦩꦁꦱꦱꦂꦥ꧈ꦮꦺꦴꦁꦮꦝ‌ꦤ꧀ꦤꦔꦁꦒꦿꦶꦱ꧀ꦔꦼꦧꦾꦺꦴꦏꦶ꧈ꦏꦶꦩꦺꦤꦏ꧀ꦏꦺꦴꦚ꧀ꦕꦂꦥꦁꦒꦼꦃꦢꦠꦤ‌ꦒꦸꦩꦶꦁꦱꦶꦂ
꧄ꦏꦁꦏꦠꦼꦩ꧀ꦥꦸꦃꦢꦺꦤꦶꦁꦱꦠꦿꦶꦪꦠꦼꦠꦶꦒ꧈ꦭꦫꦸꦠ꧀ꦏꦛꦃꦏꦁꦩꦠꦶ꧈ꦭꦶꦂꦱꦼꦱꦥꦸꦮꦸꦝꦂ꧈ꦱ‌ꦠꦼꦔꦃꦲꦶꦁꦥꦥꦿꦔꦤ꧀‌ꦧꦭꦮꦤ꧀ꦝꦤ꧀ꦭꦮꦤ꧀ꦤꦁꦒꦿꦶꦱ꧀ꦒꦼꦩ꧀ꦥꦸꦂꦱꦢꦪ꧈ꦩꦭꦗꦼꦁꦲꦶꦁꦏꦁꦏꦤꦶꦤ꧀
꧄ꦏꦶꦢꦶꦥꦠꦶꦭꦸꦩꦗꦁꦏꦶꦩꦺꦤꦏ꧀ꦏꦺꦴꦚ꧀ꦕꦂ꧈ꦭꦁꦏꦸꦁꦥꦿꦮꦶꦉꦁꦗꦸꦫꦶꦠ꧀‌ꦲꦔꦩꦸꦏ꧀ꦩꦤꦺꦔꦃ꧈ꦩꦶꦮꦃꦫꦢꦺꦤ꧀ꦧꦸꦤ꧀ꦠꦂꦫꦤ꧀‌ꦫꦢꦺꦤ꧀ꦮꦠꦔꦤ꧀ꦥꦿꦗꦸꦫꦶꦠ꧀ꦥꦔꦤꦸꦏ꧀ꦏꦶꦫ꧈ꦏꦱꦥꦸꦠ꧀ꦢꦺꦤꦶꦁꦮꦼꦔꦶ
꧄ꦲꦺꦚ꧀ꦗꦁꦩꦭꦶꦃꦠꦁꦏꦼꦥ꧀ꦥꦺꦲꦶꦁꦮꦺꦴꦁꦔꦪꦸꦢ꧈ꦧꦼꦤ꧀ꦝꦺꦒꦺꦴꦁꦭꦮꦤ꧀ꦧꦺꦫꦶ꧈ꦫꦲꦢꦺꦤ꧀ꦧꦸꦤ꧀ꦠꦫꦤ꧀‌ꦮꦲꦸꦥꦁꦔꦤꦸꦏ꧀ꦏꦶꦫ꧈ꦧꦭꦮꦤ꧀ꦤꦒꦿꦶꦱ꧀‌ꦔꦶꦱꦶꦱ꧀ꦱꦩꦾꦭꦸꦩꦗꦂ꧈ꦱꦏꦫꦶꦤꦺꦏꦁꦩꦠꦶ [ f.162v ]

꧄ꦠꦶꦱꦸꦭꦪꦃꦮꦢꦾꦲꦁꦒꦿꦶꦱ꧀ꦭꦮꦤ꧀ꦮꦤ꧀ꦝꦤ꧀‌ꦏꦁꦥꦁꦒꦼꦃꦥꦝꦩꦠꦶ꧈ꦱꦩꦶꦏꦧꦫꦱꦠ꧀‌ꦒꦺꦒꦺꦫꦺꦲꦥꦸꦪꦼꦁꦔꦤ꧀‌ꦮꦺꦴꦁꦩꦗꦥꦲꦶꦠ꧀ꦚꦸꦫꦏ꧀ꦏꦶꦩꦶꦮꦃꦭꦸꦩꦗꦁꦢꦲꦏꦭꦮꦤ꧀ꦠꦸꦧꦶꦤ꧀
꧄ꦭꦪꦁꦱꦺꦠꦿꦭꦪꦁꦏꦸꦩꦶꦠꦶꦂꦭꦸꦩꦗꦂ꧈ꦮꦺꦴꦁꦫꦺꦴꦫꦺꦴꦤꦶꦧꦠꦔꦶ꧈ꦭꦁꦏꦸꦁꦢꦺꦤ꧀ꦚꦒꦶꦫꦱ꧀‌ꦧꦭꦮꦤ꧀ꦝꦤ꧀ꦏꦺꦃꦥꦼꦗꦃ꧈ꦥꦭꦪꦸꦤꦺꦭꦺꦴꦚ꧀ꦗꦺꦴꦁꦩꦶꦩꦶꦱ꧀‌ꦭꦤ꧀ꦤ‌ꦫꦶꦤꦶꦫ꧈ꦫꦢꦺꦤ꧀ꦭꦪꦁꦏꦸꦩꦶꦠꦶꦂ꧅

꧄ꦮꦂꦤꦤꦼꦤ꧀ꦏꦸꦢꦫꦫꦔꦶꦤ꧀‌ꦲꦶꦁꦏꦁꦔꦝꦁꦔꦶꦢꦺꦢꦭꦤ꧀‌ꦥꦤ꧀ꦏꦺꦴꦁꦱꦶꦩꦂꦠꦶꦩꦂꦒꦶꦤꦺ꧈ꦱꦺꦴꦏ꧀ꦮꦺꦴꦁꦭꦶꦮꦠ꧀ꦢꦶꦥꦸꦤ꧀ꦠꦶꦒꦱ꧀‌ꦱꦭꦮꦺꦏꦭꦶꦃꦢꦱ꧈ꦲꦤꦸꦭꦾꦠꦶ\ꦤꦶꦒꦱ꧀ꦱꦩ꧀ꦥꦸꦤ꧀‌ꦮꦸꦱ꧀ꦏꦸꦩ꧀ꦥꦸꦭ꧀ꦱꦶꦂꦫꦃꦲꦶꦁꦗꦭ꧀ꦩ
꧄ꦮꦸꦱ꧀ꦏꦛ꧀ꦮꦃꦱꦶꦫꦲꦶꦁꦗꦭ꧀ꦩꦶꦤꦔꦶꦁꦠꦏꦶꦫꦁꦱꦤꦸꦁꦒꦭ꧀‌ꦏꦱꦼꦊꦏ꧀ꦩꦠꦶꦩꦂꦒꦶꦤꦺ꧈ꦢꦶꦪꦁꦢꦭꦸꦢꦺꦤ꧀ꦚꦔꦝꦁ꧈ꦤ꧀ꦤꦺꦴꦫꦤꦤꦮꦺꦴꦁꦭꦶꦮꦠ꧀‌ꦪꦠꦥꦼꦒꦼꦭ꧀ꦩꦤꦃ‌ꦲꦶꦥꦸꦤ꧀‌ꦔꦸꦢꦫꦫꦁꦔꦶꦤ꧀ꦤꦔꦸꦕ꧀‌ꦮ꧀ꦥ꧀ [ f.163r ]

꧄ꦏꦪꦥꦿꦶꦲꦺꦲꦏꦭ꧀ꦭꦶꦏꦶ꧈ꦏꦶꦂꦔꦺꦱꦶ‌ꦫ‌ꦃ ꦱꦠꦸꦁꦒꦭ꧀‌ꦭꦃꦏꦸꦠꦶꦱ꧀ꦱꦶꦫꦱꦸꦤ꧀ꦠꦫꦺꦴꦱ꧀‌ꦲꦼꦤ꧀ꦢꦶꦱꦶꦭꦶꦲꦼꦤ꧀ꦝꦱ꧀ꦱꦶꦫ ꦲꦶꦁꦱꦸꦤ꧀ꦠꦶꦒꦱ꧀ꦱꦺꦲꦶꦪ꧈ꦱꦸꦤ꧀ꦏꦂꦪꦒꦼꦒꦼꦤꦼꦥ꧀ꦥꦶꦥꦸꦤ꧀‌ꦱꦶꦫ‌ꦃꦲꦶꦏꦶꦫꦁꦱ ꦠꦸꦁꦒꦭ꧀
꧄ꦲꦒꦲꦒꦺꦪꦥꦼꦥꦁꦒꦶꦃ꧈ꦭꦤ꧀ꦏꦢꦁꦏꦸꦢꦩꦂꦮꦸꦭꦤ꧀ꦏꦶꦏꦸꦠꦶ ꦱ꧀ꦱꦧꦼꦏꦶꦱ꧀ꦩꦁꦏꦺꦴ꧈ꦲꦶꦏꦶꦱꦶꦭꦺꦃꦧꦱꦏꦼꦤ꧈ꦏꦁꦩꦺꦴꦁꦩꦺꦴꦁꦕꦶꦭꦶꦏ꧀ꦩꦸꦭ꧈ ꦲꦝꦸꦃꦠꦼꦏꦢꦸꦢꦸꦥꦢꦸ꧈ꦲꦼꦤ꧀ꦝꦱ꧀ꦏꦸꦲꦩꦸꦁꦱꦠꦸꦁꦒꦭ꧀
꧄ꦧꦸꦭꦱꦶꦢꦸꦮꦺ ꦭꦏꦭꦶꦃ꧈ꦱꦸꦤ꧀ꦤꦠꦸꦂꦫꦏꦼꦤ꧀ꦱꦠꦸꦁꦒꦭ꧀‌ꦝꦸꦃꦫꦢꦺꦤ꧀ꦱꦩ꧀ꦥꦸꦤ꧀ꦩꦁꦏꦺꦴꦤꦺꦴ ꦧꦶꦭꦶꦃꦮꦶꦝꦸꦁꦲꦮꦏ꧀ꦏꦸꦭ꧈ꦮꦺꦴꦁꦲꦺꦴꦫꦢꦸꦮꦺꦲꦼꦤ꧀ꦝꦱ꧀‌ꦪꦺꦤ꧀ꦩꦁꦏꦺꦤꦺ ꦠꦼꦩꦃꦲꦶꦥꦸꦤ꧀‌ꦩꦁꦱꦔꦮꦸꦭꦩꦿꦶꦁꦢꦶꦏ [ f.163v ]

꧄ꦲꦸꦗꦼꦂꦠꦼꦩꦼꦤ꧀ꦤꦶꦁꦱꦸꦟꦶꦏꦶ꧈ꦫ ꦲꦢꦾꦤ꧀ꦝꦠꦼꦁꦔꦤ꧀ꦢꦶꦏꦤꦢꦾꦤ꧀ꦢꦸꦮꦺꦲꦼꦤ꧀ꦝꦱꦺꦫꦺꦴꦫꦺꦴ꧈ꦥꦤ꧀ꦏꦸꦭꦩꦁꦱ ꦱꦸꦏꦲ꧈ꦩꦤ꧀ꦢꦃꦲꦼꦭꦺꦴꦏ꧀ꦏꦶꦁꦧꦱ꧈ꦮꦺꦴꦁꦫꦼꦫꦸꦱꦏ꧀ꦥꦒꦼꦂꦲꦪꦸ꧈ꦫꦢꦺ ꦤ꧀ꦤꦂꦪꦭꦠꦃꦭꦠꦃ
꧄ꦏꦱꦫꦸꦭꦪꦁꦏꦸꦩꦶꦠꦶꦂꦏꦭꦮꦤ꧀ꦏꦶꦭꦪꦁꦱꦺ ꦠꦿꦫꦢꦺꦤ꧀ꦏꦭꦁꦏꦸꦁꦧꦸꦔꦲꦺ꧈ꦲꦩꦶꦕꦫꦗꦿꦺꦴꦤꦶꦁꦤꦭ꧈ꦲꦶꦏꦭꦸꦮꦶꦃꦱ ꦠꦸꦁꦒꦭ꧀‌ꦮꦸꦱ꧀ꦠꦶꦤꦺꦲꦤ꧀ꦠꦏꦩꦸ꧈ꦏꦁꦱꦶꦗꦶꦧꦲꦺꦱꦸꦤ꧀ꦠꦶꦒꦱ꧀
꧄ꦲꦔꦸꦕ ꦥ꧀ꦏꦸꦢꦫꦫꦔꦶꦤ꧀‌ꦏꦁꦱꦶꦗꦶꦱꦶꦫꦩꦤ꧀ꦝꦼꦒ꧀ꦒ꧈ꦏꦁꦱꦶꦗꦶꦭꦶꦮꦠ꧀ꦠꦲꦒꦺ꧈ꦱꦶꦗꦶ ꦧꦲꦺꦲꦶꦁꦱꦸꦤ꧀ꦠꦶꦒꦱ꧀‌ꦩꦫꦺꦤꦺꦲꦼꦤ꧀ꦝꦱ꧀ꦱꦶꦫ꧈ꦱꦸꦤ꧀ꦏꦂꦪꦒꦼꦒꦼꦤꦼꦥ꧀ꦥꦶꦥꦸꦤ꧀ ꦭꦃꦲꦶꦏꦶꦏꦸꦫꦁꦱꦠꦸꦁꦒꦭ꧀ [ f.164r ]

꧄ꦥ‌ꦤ꧀ꦤꦶꦁꦱꦸꦟꦂꦱꦲꦸꦢꦤꦶ꧈ꦱꦢꦸꦭꦸꦂꦏꦸꦢꦩꦂ ꦮꦸꦭꦤ꧀‌ꦭꦪꦁꦏꦸꦩꦶꦠꦶꦂꦩꦤꦲꦺ꧈ꦏꦭꦁꦏꦸꦁꦢꦺꦤ꧀ꦤꦶꦫꦩꦫꦔ꧀‌ꦢꦺꦤꦶꦲꦉ ꦥ꧀ꦢꦶꦠꦶꦒꦱ꧀‌ꦩꦶꦪꦂꦱꦮꦼꦕꦤꦤꦶꦥꦸꦤ꧀‌ꦪꦺꦤ꧀ꦱꦤꦏ꧀ꦏꦺꦢꦩꦂꦮꦸꦭꦤ꧀
꧄ꦮꦸꦮꦮꦸ ꦱ꧀ꦱꦺꦲꦩꦼꦭ꧀ꦱꦱꦶ꧈ꦲꦤ꧀ꦝꦼꦁꦏꦸꦲꦤꦺꦁꦱꦩ꧀ꦥꦺꦪꦤ꧀‌ꦫꦲꦢꦾꦤ꧀ꦏꦮꦸꦭ ꦠꦏꦺꦴꦤ꧀‌ꦩꦶꦭꦤ꧀ꦤꦶꦥꦸꦤ꧀ꦱꦥꦸꦤꦶꦏ꧈ꦲꦤꦶꦒꦱꦏꦺꦃꦗꦭ꧀ꦩ꧈ꦢꦭꦃꦏꦺꦴꦱꦶ ꦲꦭꦸꦩ꧀‌ꦏꦸꦢꦂꦫꦫꦔꦶꦤ꧀ꦤꦔꦸꦕꦥ꧀
꧄ꦲꦤ꧀ꦤꦶꦁꦱꦸꦤ꧀ꦤꦂꦱꦥꦼꦥꦁꦒꦶꦃꦏꦭꦶꦪꦤ꧀ꦏ ꦏꦢꦁꦩꦤ꧀ꦤꦶꦫ꧈ꦏꦶꦢꦩꦂꦮꦸꦭꦩ꧀ꦮꦱ꧀ꦠꦤꦺ꧈ꦭꦤ꧀ꦔꦸꦝꦃꦥꦺꦮꦺꦴꦁꦭꦺꦥ꧈ꦪꦺꦤ꧀ꦤꦶꦁꦔ꧀ꦩꦠꦺ ꦤ꧀ꦤꦤ꧈ꦏꦺꦴꦁꦱꦶꦪꦺꦴꦭꦶꦲꦼꦤ꧀ꦝꦱ꧀ꦱꦠꦸꦱ꧀‌ꦲꦶꦁꦧꦺꦚ꧀ꦗꦁꦲꦶꦁꦱꦸꦤ꧀ꦏꦥꦼꦤ꧀ꦝꦏ꧀
꧄ ꦏꦭꦮꦤ꧀ꦏꦶꦢꦩꦂꦱꦱꦶ꧈ꦲꦶꦏꦶꦠꦏꦸꦫꦁꦱꦠꦸꦁꦒꦭ꧀‌ꦠꦤ꧀ꦤꦺꦴꦭꦶꦃꦲꦔꦝꦁꦲꦶ ꦔꦺꦴꦁ꧈ꦏꦥꦉꦁꦔꦱꦶꦫꦠꦼꦏ꧈ꦭꦃꦩꦫꦲꦶꦁꦱꦸꦤ꧀ꦠꦶꦒꦱ꧀‌ꦭꦪꦁꦏꦸꦩꦶꦠꦶꦂꦲꦸ ꦩꦠꦸꦂ꧈ꦩꦁꦏꦺꦏꦮꦸꦭꦮꦼꦮꦂꦠ
꧄ꦱꦩ꧀ꦥꦸꦤ꧀ꦢꦶꦏꦲꦩꦼꦗꦃꦲꦶ꧈ꦭꦃꦩꦁꦏꦺ [ f.164v ]ꦏꦸꦭꦲꦸꦤꦶꦔ꧈ꦲꦼꦁꦒꦼꦤꦺꦏꦢꦁꦱꦁꦲꦤꦺꦴꦩ꧀‌ꦲꦶꦒꦶꦃꦮꦺꦴꦤ꧀ꦠꦼꦤ꧀ꦩꦗꦊꦏ꧈ꦏꦁ ꦔꦫꦤ꧀ꦢꦩꦂꦮꦸꦭꦤ꧀‌ꦏꦶꦤꦺꦴꦚ꧀ꦗꦫꦲꦶꦁꦱꦁꦥꦿꦧꦸ꧈ꦱꦁꦫꦠꦸꦲꦶꦁꦩꦗꦊꦁꦏ
꧄ꦏ ꦭꦁꦏꦸꦁꦏꦮꦼꦭꦱ꧀ꦱꦱꦶ꧈ꦱꦼꦱꦩ꧀ꦧꦠꦺꦔꦫꦸꦲꦫ꧈ꦪꦺꦤ꧀ꦱꦶꦪꦁꦱꦁꦔꦼꦠ꧀ꦢꦶꦲꦼꦥꦺ꧈ ꦥꦤ꧀ꦏꦺꦴꦢꦤꦧ꧀ꦏꦥꦤꦱꦤ꧀‌ꦧꦺꦴꦠꦼꦤ꧀ꦱꦶꦤꦸꦁꦔꦤ꧀ꦠꦼꦝ꧈ꦭꦩꦺꦴꦤ꧀ꦢꦭꦸꦢꦶꦥꦸꦤ꧀ꦤꦼ ꦏꦸꦩ꧀‌ꦏꦶꦤꦩꦝꦸꦃꦱꦶꦤꦼꦩ꧀ꦥꦾꦺꦴꦏ꧀ꦏꦤ꧀
꧄ꦫꦲꦢꦾꦤ꧀ꦏꦸꦢꦫꦫꦁꦔꦶꦤ꧀ ꦧꦿꦩꦠꦾꦤꦶꦫꦏꦭꦶꦤ꧀ꦠꦁ꧈ꦱꦂꦪꦩꦶꦗꦶꦭ꧀ꦭꦶꦁꦮꦱ꧀ꦥꦤꦺ꧈ꦲꦔꦸꦕꦥꦼꦤ꧀ꦢꦶꦥꦽꦤꦃ ꦤ꧀ꦚ꧈ꦲꦼꦒꦺꦴꦤꦺꦏꦶꦤꦺꦴꦚ꧀ꦗꦫ꧈ꦭꦤ꧀ꦱꦥꦗꦼꦤꦼꦁꦔꦤ꧀ꦤꦩꦸ꧈ꦭꦪꦁꦏꦸꦩꦶꦠꦶꦂꦩꦠꦸ ꦤ꧀ꦚ
꧄ꦲꦶꦒꦶꦃꦏꦮꦸꦭꦥꦸꦤꦶꦏꦶ꧈ꦥꦸꦠꦿꦤꦶꦥꦸꦤ꧀ꦏꦶꦲꦥꦠꦾꦲ꧀ꦭꦺꦴꦒꦼꦤ꧀ꦢꦺꦂꦲꦶꦏꦁꦠꦶꦤ ꦫꦺꦴꦱ꧀‌ꦢꦺꦤꦶꦁꦱꦁꦫꦠꦸꦮꦤꦺꦴꦢꦾ꧈ꦩꦸꦭꦤꦺꦩꦶꦤꦁꦱꦿꦪ꧈ꦲꦶꦒꦶꦃꦥꦿꦏꦮꦶ ꦱ꧀ꦥꦸꦤꦶꦏꦸ꧈ꦢꦺꦤꦶꦁꦫꦠꦸꦩꦗꦊꦁꦏ
꧄ꦏꦁꦗꦸꦩꦼꦤꦼꦁꦫꦠꦸꦩꦁꦏꦶꦤ꧀‌ꦲꦁꦱꦭ꧀ꦭꦺ ꦠꦼꦠꦶꦪꦁꦢꦺꦱ꧈ꦕꦺꦕꦺꦏꦺꦂꦭꦺꦴꦁꦔ‌ꦤ꧀ꦤꦶꦁꦧꦭꦺ꧈ꦩꦶꦭꦏꦮꦸꦭꦏꦭꦶꦤ꧀ꦠꦁ ꦲꦁ‌ꦉꦧꦠ꧀ꦢꦩꦂꦮꦸꦭꦤ꧀‌ꦲꦶꦏꦸꦏꦊꦧꦸꦱꦢꦸꦭꦸꦂ꧈ꦲꦶꦪꦲꦫꦤ꧀ꦢꦩꦂꦮꦸꦭꦤ꧀
꧄ꦤꦼꦒꦶꦃꦏꦥꦶꦤ꧀ꦝꦺꦴꦤꦺꦩꦭꦶꦃ꧈ꦲꦶꦏꦸꦲꦫꦤ꧀ꦢꦩꦂꦮꦸꦭꦤ꧀ꦏꦮꦸꦮꦸꦲꦤ꧀ꦢꦢꦶ ꦲꦶꦥꦺ꧈ꦩꦤ꧀ꦠꦸꦤꦺꦥꦸꦤ꧀ꦧꦥꦥꦠꦾꦃ꧈ꦩꦶꦭ‌ꦲꦁꦱꦿꦸ‌ꦲꦁ‌ꦉꦧꦠ꧀‌ꦱꦶꦮꦼꦏ꧀ꦏꦸꦭꦲꦥꦿꦁꦕꦸ [ f.165r ]ꦕꦸꦃ꧈ꦭꦮꦤ꧀ꦤꦿꦠꦸꦩꦗꦊꦁꦏ
꧄ꦏꦮꦸꦭꦧꦺꦴꦠꦼꦤ꧀ꦏꦮꦮꦶ꧈ꦩꦶꦭꦏꦸꦭꦩꦶꦁꦱꦿ ꦪ꧈ꦲꦶꦁꦫꦠꦸꦲꦁꦒꦿꦶꦱ꧀ꦱꦁꦏꦠꦺꦴꦁ꧈ꦱꦶꦮꦼꦒ꧀ꦏꦕꦸꦕꦸꦃꦥꦸꦤꦶꦏ꧈ꦫꦠꦸꦲꦁꦒꦿꦶꦱ꧀ꦭꦤ꧀ꦮ ꦤ꧀ꦝꦤ꧀‌ꦮꦺꦴꦁꦮꦤ꧀ꦝꦤ꧀ꦏꦛꦃꦏꦥꦸꦥꦸ꧈ꦧꦭꦲꦁꦒꦿꦶꦱ꧀ꦏꦛꦃꦥꦼꦗꦃ
꧄ꦏꦭꦁꦏꦸꦁꦗꦼ ꦒ꧀ꦭꦺꦴꦁꦏꦁꦧꦫꦶꦱ꧀‌ꦱꦏꦺꦲꦺꦮꦺꦴꦁꦩꦗꦊꦁꦏ꧈ꦮꦺꦴꦁꦥꦱꦶꦱꦶꦂꦏꦺꦫꦸꦠ꧀ꦏꦧꦺꦃ꧈ꦥꦼ ꦥꦼꦑꦤꦺꦁꦥꦧꦫꦶꦱꦤ꧀‌ꦱꦏꦺꦃꦥꦫꦢꦶꦥꦠꦾ꧈ꦩꦶꦭꦧꦭꦮꦤ꧀ꦝꦤ꧀ꦩꦮꦸꦂ꧈ꦧ ꦭꦲꦁꦒꦿꦶꦱ꧀ꦱꦏꦺꦃꦫꦸꦱꦏ꧀
꧄ꦏꦶꦭꦪꦁꦱꦺꦠꦿꦏꦸꦩ꧀ꦠꦶꦂ꧈ꦲꦩꦸꦮꦸꦱ꧀ꦱꦂꦮꦶ ꦉꦉꦩ꧀ꦥ꧈ꦪꦺꦤ꧀ꦱꦼꦮꦮꦶꦠꦱꦁꦲꦤꦺꦴꦩ꧀‌ꦭꦃꦢꦮꦼꦒ꧀ꦱꦩꦶꦫꦶꦤꦼꦧꦠ꧀‌ꦩꦸꦁꦥꦸꦁ ꦮꦺꦴꦤ꧀ꦠꦼꦤ꧀ꦤꦶꦁꦮꦿꦤ꧈ꦱꦁꦫꦠꦸꦲꦶꦁꦩꦗꦭꦔꦸ꧈ꦢꦮꦼꦒ꧀ꦒꦶꦁꦔꦩꦸꦏ꧀ꦏꦺꦮꦭ
꧄ꦫꦲ ꦢꦺꦤ꧀ꦏꦸꦢꦫꦫꦁꦔꦶꦤ꧀‌ꦲꦩꦸꦮꦸꦱ꧀ꦱꦂꦮꦶꦧꦿꦩꦠꦾ꧈ꦲꦶꦪꦩꦪꦸꦲꦗꦱꦸꦮꦺꦲꦼꦁ ꦒꦺꦴꦤꦺꦃꦪ꧈ꦏꦢꦁꦏꦸꦢꦩꦂꦮꦸꦭꦤ꧀‌ꦏꦁꦢꦺꦤ꧀ꦥꦶꦤꦭꦫꦲꦶꦏꦸ꧈ꦢꦺꦤ꧀ꦤꦶꦁ ꦫꦠꦸꦩꦗꦊꦁꦏ
꧄ꦪꦺꦤ꧀ꦏꦁꦢꦩꦂꦮꦸꦭꦤ꧀ꦩꦠꦶ꧈ꦔꦤ꧀ꦠꦶꦪꦧꦭꦺꦱꦶꦲꦠ꧀ꦩ꧈ ꦥꦁꦔꦔꦼꦤ꧀ꦤꦁꦔꦼꦤ꧀ꦥꦽꦤꦲꦺ꧈ꦏꦏꦁꦱꦸꦤ꧀ꦧꦺꦭꦤꦶꦢꦶꦏ꧈ꦭꦃꦥꦪꦸꦭꦪꦁ ꦱꦺꦠꦿ ꦭꦪꦁꦏꦸꦩꦶꦠꦶꦂꦗꦏꦤ꧀ꦠꦸꦤ꧀‌ꦲꦶꦁꦱꦸꦤ꧀ꦭꦧꦸꦃꦲꦶꦥꦥꦿꦁꦔꦤ꧀
꧄ꦲꦲꦢꦾꦤ꧀ꦏꦸꦢꦫꦫꦁꦔꦶꦤ꧀ ꦭꦩ꧀ꦥꦃꦲꦶꦫꦒꦼꦒꦚ꧀ꦕꦁꦔꦤ꧀‌ꦲꦒꦺꦪꦥꦿꦥ꧀ꦠꦔꦼꦒꦺꦴꦤꦺ꧈ꦠꦤ꧀ꦤꦱꦸꦮꦺꦤꦸꦭꦾ [ f.165v ]ꦥꦿꦥ꧀ꦠ꧈ꦲꦶꦁꦱꦠꦼꦁ‌ꦲꦶꦁꦃꦫꦤ꧈ꦏꦸꦢꦫꦫꦔ‌ꦲꦶꦤ꧀ꦤꦩꦸꦮꦸꦱ꧀‌ꦝꦠꦼꦁꦫꦢꦺꦤ꧀ꦭꦪꦁꦱꦺꦠꦿ꧈
꧄ꦔꦼꦤ꧀ꦢꦶꦪꦼꦁꦒꦺꦴꦤꦺꦥꦸꦤꦶꦏꦶ꧈ꦧꦫꦶꦱ꧀ꦱꦺꦮꦺꦴꦁꦩꦗꦊꦁꦏ꧈ꦭꦪꦁꦏꦸꦩꦶꦠꦶꦂꦲ ꦠꦸꦫꦺ꧈ꦲꦶꦁꦒꦶꦃꦥꦸꦤꦶꦏꦫꦲꦢꦾꦤ꧀‌ꦔꦼꦧꦼꦏ꧀ꦏꦶ‌ꦲꦲꦫ‌꧈ꦏꦁꦫꦢꦥꦔꦮ ꦏ꧀ꦏꦶꦢꦸꦭ꧀‌ꦏꦁ‌ꦲꦼꦭꦺꦂꦩꦚ꧀ꦕꦤꦼꦒꦫ
꧄ꦮꦺꦴꦁꦮꦤ꧀ꦝꦤ꧀ꦭꦮꦤ꧀ꦮꦺꦴꦁꦲꦁꦢꦿꦶꦱ꧀‌ꦮꦸ ꦱ꧀ꦱꦩꦶꦲꦠꦠꦤ꧀ꦠꦠꦤ꧀‌ꦱꦸꦫꦏ꧀ꦱꦶꦤꦸꦫꦏ꧀ꦏꦫꦩꦺ꧈ꦮꦺꦴꦁꦲꦁꦒꦿꦶꦱ꧀ꦭꦮꦤ꧀ꦮꦺꦴꦁꦮ ꦤ꧀ꦝꦤ꧀‌ꦱꦩ꧀ꦥꦸꦤ꧀ꦱꦩꦶꦪꦤꦺꦩ꧀ꦧꦏ꧀‌ꦱꦾꦫꦤꦶꦁꦧꦼꦝꦶꦭ꧀ꦒꦸꦩꦺꦪꦸꦢꦸꦒ꧀‌ꦒꦸꦠꦸꦏ꧀ꦏ ꦥꦶꦭꦔꦸꦩꦢ
꧄ꦮꦺꦴꦁꦩꦗꦥꦲꦶꦠ꧀ꦩꦊꦱ꧀ꦱꦶ꧈ꦲꦧꦺꦝꦶꦭ꧀ꦭꦶꦂꦒꦸꦤꦸꦁꦫꦼꦧꦃ꧈ꦲꦩ꧀ꦧꦽ ꦒ꧀ꦒꦩ꧀ꦧꦽꦒꦤꦱꦾꦫꦤꦺ꧈ꦭꦶꦂꦥꦺꦤ꧀ꦢꦃꦮꦤꦏꦧꦏꦂ꧈ꦥꦼꦠꦼꦁꦝꦼꦝꦼꦠ꧀ꦠꦶꦫꦤ꧀ꦤ꧈ꦩ ꦭꦃꦏꦢꦶꦠꦼꦔ‌ꦃꦢꦭꦸ꧈ꦢꦺꦤꦶꦁꦏꦸꦏꦸꦱ꧀ꦱꦶꦁꦱꦸꦤ꧀ꦢꦮ
꧄ꦱꦩ꧀ꦥꦸꦚ꧀ꦕꦩ꧀ꦥꦸꦃꦥꦸꦤꦁ ꦗꦸꦫꦶꦠ꧀‌ꦮꦺꦴꦁꦮꦤ꧀ꦝꦤ꧀ꦥꦔꦮꦠ꧀ꦏꦶꦮ꧈ꦮꦺꦴꦁꦲꦁꦒꦿꦶꦱ꧀ꦤꦼꦩ꧀ꦥꦸꦃꦝꦝꦤꦺ꧈ ꦲꦫꦩꦺꦱꦶꦭꦶꦃꦩꦂꦗꦪ꧈ꦮꦺꦴꦁꦲꦁꦒꦿꦶꦱ꧀ꦱꦩ꧀ꦥꦸꦤ꧀ꦤꦼꦔꦃ꧈ꦮꦺꦴꦁꦩꦗꦥꦲꦶ ꦠ꧀ꦠꦁꦫꦸꦠꦸꦒ꧀‌ꦲꦩ꧀ꦧꦺꦤ꧀ꦢꦿꦺꦴꦁꦭꦮꦤ꧀ꦱꦼꦚ꧀ꦗꦠ
꧄ꦥꦔꦮꦠ꧀ꦏꦤ꧀ꦤꦁꦏꦼꦧ꧀ꦧꦶ ꦮꦺꦴꦁꦲꦁꦒꦿꦶꦱ꧀ꦏꦁꦠꦶꦤꦁꦏꦼꦧ꧀ꦧꦤ꧀‌ꦮꦺꦴꦁꦲꦁꦒꦿꦶꦱ꧀ꦠꦤ꧀ꦧꦸꦃꦥꦺꦴꦭꦃꦲꦺ꧈ꦮꦢꦾꦧꦭ ꦭꦠꦶꦁꦱꦸꦭꦪꦃ꧈ꦏꦛꦃꦩꦤ꧀ꦠꦿꦶꦏꦠꦿꦮꦤ꧀‌ꦮꦺꦴꦁꦮꦤ꧀ꦝꦤ꧀ꦤꦏꦺꦃꦏꦥꦸꦥꦸ꧈ꦥꦤ [ f.166r ]ꦱꦩꦶꦥꦠꦶꦁꦱꦸꦭꦪꦃ
꧄ꦭꦪꦁꦏꦸꦩꦶꦠꦶꦂꦤꦶꦔꦭ꧀‌ꦭꦶ꧈ꦠꦤ꧀ꦢꦁꦔꦺꦏꦶꦩꦺꦤꦏ꧀ꦏꦺꦴꦚ꧀ꦕꦂ ꦒꦸꦩꦼꦠꦼꦂꦏꦠꦸꦠ꧀ꦏꦸꦥꦶꦁꦔꦺ꧈ꦩꦤꦃꦲꦶꦫꦠꦧ꧀ꦧꦼꦠꦧꦤ꧀ꦩꦠꦸꦂꦝꦠꦼꦁꦫꦲꦢꦤ꧀‌ꦏꦸ ꦢꦫꦫꦁꦔꦶꦤ꧀ꦤꦩꦸꦮꦸꦱ꧀‌ꦩꦸꦁꦏꦸꦂꦪꦺꦤ꧀ꦮꦸꦱ꧀ꦏꦫꦸꦮꦤ꧀꧄

꧄ꦏꦸꦢꦫꦫꦁꦔꦶꦤ꧀ꦤꦁꦔꦸꦕꦥ꧀‌ꦭꦃꦠꦩꦼꦤ꧀ꦢꦶꦧꦫꦶꦱ꧀ꦱꦶꦁꦩꦗꦥꦲꦶꦠ꧀‌ꦏꦶꦭꦪꦁ ꦱꦺꦠꦿꦲꦸꦩꦠꦸꦂ꧈ꦲꦶꦒꦶꦃꦥꦸꦤꦶꦏꦫꦢꦾꦤ꧀‌ꦏꦁꦲꦁꦭꦶꦁꦏꦸꦁꦝꦠꦼꦁꦧꦭꦲꦁꦒꦿꦶꦱ꧀ꦮ‌ꦲꦸ꧈ ꦩꦸꦮꦃꦏꦮꦢꦾꦲꦶꦁꦮꦤ꧀ꦝꦤ꧀‌ꦮꦺꦴꦁꦲꦁꦒꦿꦶꦱ꧀ꦱꦏꦺꦃꦏꦁꦩꦠꦶ
꧄ꦏꦸꦢꦫꦫꦁ ꦔꦶꦤ꧀ꦤꦁꦔꦸꦕꦥ꧀‌ꦮꦸꦱ꧀ꦠꦁꦠꦁꦔꦼꦤ꧀ꦩꦼꦁꦏꦺꦴꦲꦶꦁꦱꦸꦤ꧀ꦏꦼꦩ꧀ꦧꦸꦭ꧀ꦭꦶ꧈ꦏꦶꦭꦪꦁꦱꦺꦠꦿꦲꦩꦸꦮꦸꦱ꧀ ꦱꦩ꧀ꦥꦸꦤ꧀ꦏꦮꦸꦭꦠꦁꦠꦁ꧈ꦢꦸꦏ꧀ꦏꦫꦸꦲꦸꦤ꧀ꦏꦮꦸꦭꦱꦔꦼꦠ꧀ꦧꦶꦤꦸꦫꦸ꧈ꦏꦥꦭ꧀ꦏꦮꦸꦭꦏꦧꦤ꧀ꦝꦁ ꦩꦶꦭꦤꦺꦏꦮꦸꦭꦲꦗꦿꦶꦃ
꧄ꦏꦸꦢꦫꦫꦁꦔꦶꦤ꧀ꦤꦁꦔꦸꦕꦥ꧀‌ꦲꦭꦃꦠꦥꦪꦸꦏꦸꦠꦶ ꦱ꧀ꦱꦸꦤ꧀ꦤꦗꦏ꧀ꦩꦠꦶ꧈ꦥꦸꦤ꧀ꦏꦸꦠꦶꦱ꧀ꦱꦭꦺꦴ‌ꦤ꧀ꦤꦩꦸꦮꦸꦱ꧀‌ꦭꦩꦺꦴꦤ꧀ꦧꦺꦴꦪꦥꦩ꧀ꦧꦼꦁꦔꦤ꧀‌ꦱꦶ ꦫꦫꦢꦾꦤ꧀ꦤꦩꦺꦱꦼꦩ꧀ꦱꦂꦪꦲꦩꦸꦮꦸꦱ꧀‌ꦥꦭꦔꦤ꧀ꦤꦥꦠꦢꦶꦫ꧈ꦥꦸꦤ꧀ꦏꦸꦠꦶꦱ꧀ꦱ ꦭꦺꦴꦤ꧀ꦤꦲꦸꦫꦶ
꧄ꦏꦮꦸꦭꦲꦂꦱꦠꦼꦠꦺꦴꦪ꧈ꦲꦶꦔ꧀ꦒꦉꦱꦶꦏ꧀‌ꦕꦺꦕꦺ ꦮꦺꦴꦏ꧀ꦩꦗꦥꦲꦶꦠ꧀‌ꦫꦲꦢꦾꦤ꧀ꦤꦩꦸꦮꦸꦱ꧀‌ꦭꦃꦩꦫꦤꦤꦁꦠꦁꦔ꧈ꦧꦺꦴ

ꦥꦠꦶꦤꦺꦏꦁꦥꦝꦱꦏ꧀ꦠꦶ‌ꦭꦤ꧀ꦤꦶꦁꦱꦸꦤ꧀‌ꦲꦗꦔꦗꦺꦴꦏ꧀ꦏꦏꦼꦤ꧀ꦧꦭ꧈ꦩꦗꦸꦲꦥꦝꦱꦶꦤꦏ꧀ꦠꦶ [ f.166v ]
꧄ꦮꦺꦴꦁꦮꦤ꧀ꦝꦤ꧀ꦤꦁꦒꦿꦶꦱ꧀ꦭꦶꦩ꧀ꦧꦸꦁꦔꦤ꧀‌ꦥꦤ꧀ꦮꦸꦱ꧀ꦱꦶꦭꦁꦮꦲꦸꦠꦠꦤꦶꦁꦧꦫꦶꦱ꧀‌ꦥꦿꦗꦸꦫꦶꦠ꧀ꦏꦛꦃꦏꦥꦸꦥꦸ꧈ꦠꦤ꧀ꦢꦁꦱꦶꦫꦫꦲꦢꦾꦤ꧀‌ꦥꦤ꧀ꦠꦸꦩꦶꦔꦭ꧀ꦧꦭꦮꦤ꧀ꦝꦤ꧀ꦤꦁꦒꦿꦶꦱ꧀ꦭꦺꦧꦸꦂ꧈ꦫ‌ꦲꦢꦾꦤ꧀ꦤꦫꦶꦏ꧀ꦕꦸꦫꦶꦒ꧈ꦲꦶꦁꦔꦩꦸꦏ꧀ꦮꦺꦴꦁꦩꦗꦥꦲꦶꦠ꧀
꧄ꦝꦝꦭ꧀ꦧꦫꦶꦱꦺꦮꦺꦴꦁ‌ꦉꦩ꧀ꦧꦁ꧈ꦲꦶꦁꦒꦉꦱꦶꦏ꧀ꦱꦩꦶꦭꦸꦩꦗꦼꦁꦲꦶꦏꦶ꧈ꦏꦸꦢꦫꦫꦁꦔꦶꦤ꧀ꦮꦔꦶꦮꦸꦢ꧀‌ꦥꦁꦔꦩꦸꦏ꧀ꦩꦺꦤꦼꦁꦔ꧈ꦥꦝꦭꦫꦸꦠ꧀ꦢꦼꦩꦏ꧀ꦥꦛꦶꦭꦮꦤ꧀ꦏꦸꦢꦸꦱ꧀‌ꦏꦸꦢꦫꦫꦁꦔꦶꦤ꧀ꦤꦤꦼꦁ꧈ꦔꦸꦱꦶꦂꦧꦫꦶꦱ꧀ꦩꦗꦥꦲꦶꦠ꧀
꧄ꦲꦶꦁꦔꦸꦱꦼꦢ꧀ꦧꦺꦴꦥꦠꦶꦤꦶꦫ꧈ꦪꦠꦮꦲꦸꦥꦶꦤꦫꦶꦧꦸꦃꦲꦶꦁꦩꦤ꧀ꦠꦿꦶ꧈ꦠꦶꦤꦸꦩ꧀ꦧꦏ꧀ꦏꦤ꧀ꦱꦏꦶꦁꦥꦸꦁꦏꦸꦂ꧈ꦥꦶꦤꦼꦝꦁꦠꦶꦤꦩ꧀ꦱꦶꦫꦤ꧀‌ꦥꦤ꧀ꦤꦶꦔꦼꦧꦾꦺꦴꦏ꧀ꦧꦤ꧀ꦢꦺꦫꦏꦭꦮꦒꦤ꧀ꦗꦸꦂ꧈ꦥꦶꦤꦺꦴꦥꦺꦴꦂ‌ꦫꦤ꧀ꦱꦼꦚ꧀ꦗꦠ꧈ꦏꦶꦤꦫꦺꦴꦕꦺꦴꦏ꧀ꦱꦏꦶꦁꦮꦶꦁꦏꦶꦁ
꧄ꦏꦸꦢꦫꦫꦁꦔꦶꦤ꧀ꦥꦸꦤꦶꦏ꧈ꦲꦺꦴꦫꦏꦼꦤꦧꦶꦤꦺꦤ꧀ꦢꦿꦺꦴꦁ꧈ꦭꦮꦤ꧀ꦧꦼꦝꦶꦭ꧀‌ꦠꦤ꧀ꦏꦼꦤꦲꦺꦤ꧀ꦝꦺꦭꦔꦒꦚ꧀ꦗꦸꦂ꧈ꦲꦺꦴꦫꦏꦼꦤꦮꦶꦤꦠꦁ꧈ꦲꦺꦴꦫꦏꦤ꧀ꦝꦼꦒ꧀ꦥꦔꦩꦸꦏꦺꦭꦶꦮꦁꦭꦶꦮꦸꦁ꧈ꦫꦲꦢꦺꦤ꧀ꦱꦩ꧀ꦥꦸꦤ꧀ꦤꦤꦼꦁꦔꦮꦺꦴꦁꦩꦗꦥꦲꦶꦠ꧀ꦏꦺꦃꦩꦠꦶ
꧄ꦫꦲꦢꦺꦤ꧀ꦥꦁꦔꦩꦸꦏ꧀ꦏꦶꦫ꧈ꦭꦶꦂꦢꦶꦫꦢꦾ꧈ꦲꦩꦼꦠꦔꦗꦿꦶꦲꦶ꧈ꦲꦶꦁꦏꦁꦥꦉꦏ꧀ꦢꦶꦥꦸꦤ꧀ꦱꦸꦢꦸꦏ꧀‌ꦲꦶꦏꦁꦠꦼꦧꦃꦮꦶꦤꦠꦁ꧈ꦲꦶꦏꦁꦤꦶꦠꦶꦃꦏꦸꦢꦥꦤ꧀ꦧꦶꦤꦤ꧀ꦠꦶꦁꦱꦩ꧀ꦥꦸꦤ꧀‌ꦏꦁꦝꦫꦠꦶꦁꦱꦸꦭꦪꦃ꧈ꦉꦱꦏ꧀ꦧꦭꦥꦝꦩꦠꦶ [ f.167r ]

ꦫꦺꦃꦲꦺꦩꦩꦶꦂꦢꦾꦤ꧀‌ꦮ꧀‌ꦮꦁꦱꦢꦸꦠ

꧄ꦫꦲꦢꦾ ꦢꦾꦤ꧀ꦱꦩ꧀ꦥꦸꦤ꧀ꦤꦤꦼꦁꦔ꧈ꦧꦧꦫꦶꦱ꧀ꦱꦒꦼꦁꦲꦶꦁꦠꦸꦧꦤ꧀ꦏꦁꦢꦺꦤ꧀ꦤꦸꦱꦶꦂ꧈ꦧꦝꦺꦴꦭꦺꦁꦭꦮꦤ꧀ꦱꦶ ꦢꦪꦸ꧈ꦗꦶꦥꦁꦭꦮꦒꦤ꧀ꦒꦼꦫꦺꦴꦧꦺꦴꦒꦤ꧀‌ꦱꦩꦾꦔꦼꦭꦸꦤ꧀ꦮꦢꦾꦧꦭꦢꦠꦤ꧀ꦩꦗꦸ꧈ꦒꦤ꧀ꦢꦺꦫꦭ ꦭꦪꦸꦉꦧꦃ꧈ꦏꦱꦫꦸꦱꦸꦫꦸꦥ꧀ꦥꦶꦁꦮꦼꦔꦶ
꧄ꦱꦁꦤꦠꦮꦤ꧀ꦝꦤ꧀ꦔꦤ꧀ꦢꦶꦏ꧈ꦮꦲꦸꦩꦫꦁꦝ ꦠꦼꦁ‌ꦉꦏꦾꦤꦥꦠꦶꦃ꧈ꦧꦥꦲꦶꦁꦱꦧꦺꦴꦃꦕꦲꦼ ꦤ꧀ꦢꦶꦢꦺꦤꦺꦫꦸꦥꦤꦺꦲꦧꦒꦸꦱ꧀‌ꦏꦶꦲꦥꦠꦶꦃꦩꦠꦸꦂꦱꦶꦫ꧈ꦒꦶꦃꦥꦸꦩꦶꦏꦩ ꦩꦶ
꧄ꦲꦶꦁꦒꦶꦃꦠꦸꦁꦒꦶꦭ꧀ꦭꦺꦥꦸꦤꦶꦏ꧈ꦭꦪꦁꦱꦺꦠꦿꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦲꦠꦤ꧀ꦤ ꦥꦶꦱꦤꦺꦱ꧀ꦱꦶꦧꦸ꧈ꦱꦼꦭꦶꦂꦏꦸꦭꦱꦶꦁꦢꦺꦱ꧈ꦤꦠꦮꦤ꧀ꦝꦤ꧀‌ꦫꦠꦸꦲꦁꦒꦿꦶꦱ꧀ꦩꦁꦏꦺ ꦩꦸꦮꦸꦱ꧀‌ꦏꦩꦪꦾꦁꦔꦤ꧀ꦥꦸꦠꦿꦤꦶꦫ꧈ꦪꦺꦤ꧀ꦧꦼꦝꦲꦶꦁꦩꦗꦥꦲꦶꦠ꧀
꧄ꦱꦸ ꦤ꧀ꦧꦶꦭ꧀ꦩꦤ꧀ꦠꦸꦲꦶꦏꦧꦺꦤ꧀ꦗꦁ꧈ꦥꦤ꧀ꦢꦢꦶꦲꦥꦿꦧꦸꦲꦤꦺꦴꦩ꧀ꦩꦶꦁꦧꦺꦤ꧀ꦗꦁ꧈ꦱꦸꦤ꧀ꦱꦿꦲꦶꦝꦁꦝꦁ [ f.167v ]

ꦥꦁꦔꦭꦸꦩ꧀‌ꦱꦶꦤꦺꦧꦲꦲꦶꦁꦧꦺꦤ꧀ꦗꦁ꧈ꦱꦸꦤ꧀ꦱꦺꦫꦺꦤ꧀ꦤꦶꦲꦶꦏꦸꦱꦲꦺꦩ꧀ꦧꦫꦤꦶꦱꦸ ꦤ꧀‌ꦏꦶꦥꦠꦶꦃꦲꦸꦩꦠꦸꦂꦱꦶꦒꦿ꧈ꦲꦶꦁꦒꦶꦃꦥꦸꦤꦶꦏꦱꦁꦲꦗꦶ
꧄ꦠꦼꦩꦼꦤ꧀ꦤꦺꦲꦶꦁꦒꦶꦃꦱꦁ ꦤꦠ꧈ꦲꦥꦤ꧀ꦢꦺꦢꦺꦲꦤꦏ꧀ꦏꦸꦭꦥꦿꦶꦧꦢꦶ꧈ꦧꦺꦴꦕꦃ‌ꦲꦁꦱꦭ꧀ꦭꦺ‌ꦩꦼꦩꦸꦥꦸ꧈ꦲꦥꦤ꧀ꦏꦱꦸ ꦫꦁꦱꦸꦫꦁ꧈ꦧꦺꦴꦠꦼꦤ꧀ꦥꦸꦫꦸꦤ꧀ꦏꦁꦒꦼꦤꦤ꧀ꦱꦁꦥꦿꦧꦸ꧈ꦲꦶꦁꦔꦫꦤꦧꦺꦴꦕꦃ ꦱꦔꦂ꧈ꦧꦺꦧꦺꦠ꧀ꦠꦺꦮꦺꦴꦁꦲꦚꦊꦏꦶꦠ꧀
꧄ꦭꦤ꧀ꦩꦭꦶꦃꦲꦶꦥꦸꦤ꧀ꦥꦸꦤꦶꦏ꧈ꦧꦺ ꦧꦺꦠ꧀ꦠꦶꦁꦮꦺꦴꦁꦧꦸꦝꦸꦒ꧀ꦒꦒꦼꦫꦺꦒꦺꦭ꧀ꦭꦶ꧈ꦥꦸꦤꦶꦏꦧꦶꦱꦃꦤꦼꦭꦸꦃ꧈ꦱꦺꦠꦤ꧀ꦤꦺꦒꦒ ꦗꦲꦤ꧀‌ꦱꦧꦺꦧꦺꦠ꧀ꦠꦺꦥꦝꦩꦠꦶꦢꦶꦥꦸꦤ꧀ꦠꦼꦭꦸꦃ꧈ꦏꦭꦶꦮꦠ꧀ꦒꦺꦤꦶꦫꦱꦁꦔꦂ ꦲꦏꦺꦃꦲꦠꦸꦫꦺꦏꦶꦥꦠꦶꦃ
꧄ꦱꦁꦤꦠꦏꦁꦒꦼꦏ꧀ꦏꦁꦩꦤꦃ‌ꦤꦠꦮꦤ꧀ꦝꦒꦼ [ f.168r ]

ꦒꦼꦠꦸꦤꦺꦠꦤ꧀ꦱꦶꦥꦶ꧈ꦢꦺꦤꦶꦁ‌ꦲꦺꦩꦤ꧀ꦠꦼꦩꦼꦤ꧀ꦤꦶꦏꦸ꧈ꦏꦶꦥꦠꦶꦃꦲꦠꦸꦂꦫꦶꦫ꧈ꦠꦼ ꦩ꧀ꦧꦺꦤꦶꦥꦸꦤ꧀ꦏꦺꦔꦶꦁꦏꦥꦉꦏꦤ꧀ꦤꦶꦏꦸ꧈ꦏꦪꦮꦺꦴꦁꦲꦶꦁꦒꦶꦃꦲꦶꦁꦒꦶꦃꦪ꧈ꦠꦸꦂꦲꦱꦿꦶꦁꦲꦔꦸ ꦕꦶꦮꦤꦶ
꧄ꦱꦁꦤꦠꦮꦤ꧀ꦝꦤ꧀‌ꦔꦤ꧀ꦢꦶꦏ꧈ꦭꦃꦠꦸꦝꦸꦁꦔꦼꦤ꧀ꦤꦗꦲꦤꦁꦔꦶꦁꦫꦶꦏꦸ꧈ꦢ ꦢꦾꦱꦔꦂꦧꦭꦤ꧀ꦤꦶꦁꦱꦸꦤ꧀‌ꦲꦗꦮꦺꦃꦕꦼꦕꦩ꧀ꦥꦸꦫ꧈ꦮꦸꦱ꧀ꦠꦶꦤꦸꦤ꧀ꦝꦸꦁꦏꦸꦢꦫꦫꦁꦔꦶꦤ꧀ꦤ ꦒꦸꦥꦸꦗ꧀‌ꦏꦶꦤꦸꦪꦃꦏꦸꦪꦃꦮꦺꦴꦁꦏꦛꦃ꧈ꦏꦸꦢꦫꦫꦁꦔꦶꦤ꧀ꦭꦸꦩꦫꦶꦱ꧀
꧄ꦏꦸꦢꦫꦫꦁ ꦔꦶꦤ꧀ꦮꦸꦱ꧀ꦏꦺꦱꦃ꧈ꦩꦤꦶꦩꦤ꧀ꦗꦶꦁꦮꦤꦱꦂꦮꦶꦲꦤꦸꦛꦸꦃꦫꦒꦶ꧈ꦏꦠꦸꦮꦺꦴꦤꦺꦲꦮꦏ꧀ꦏꦶꦱꦸꦤ꧀ ꦭꦶꦮꦠ꧀ꦱꦼꦁꦱꦪꦤꦶꦫ꧈ꦮꦸꦱ꧀ꦕꦼꦊꦏ꧀ꦏꦺꦏꦂꦱꦤꦶꦁꦧꦛꦫꦭꦸꦲꦸꦁ꧈ꦢꦺꦤꦶꦁꦭꦶ ꦮꦠ꧀ꦭꦸꦮꦶꦃꦲꦗꦂ꧈ꦱꦥꦏꦺꦴꦤ꧀ꦤꦺꦱꦸꦤ꧀ꦠꦸꦫꦸꦠ꧀ꦠꦶ
꧄ꦏꦶꦤꦺꦤ꧀ꦤꦶꦱꦸꦤ꧀‌ꦔꦢ ꦭꦤ꧀‌ꦲꦤꦼꦗꦲꦶꦗꦭ꧀ꦩꦠꦤ꧀ꦥꦢꦺꦴꦱꦏꦶ꧈ꦏꦶꦤ꧀ꦤꦶꦒꦱ꧀ꦱꦼꦤ꧀ꦝꦱ꧀ꦱ [ f.168v ]ꦠꦸꦱ꧀‌ꦤꦸꦭꦶꦱꦶꦫꦏꦥꦼꦤ꧀ꦝꦏ꧀‌ꦭꦤ꧀ꦱꦤꦏ꧀ꦩꦸꦏꦶꦢꦩꦂꦮꦸꦭꦤ꧀ꦥꦸꦤꦶꦏꦸ꧈ꦲꦸꦗꦂꦫꦺꦱꦶ ꦧꦥꦲꦏꦂ꧈ꦲꦶꦁꦩꦁꦏꦺꦢꦠꦤ꧀ꦏꦥꦁꦒꦶꦃ
꧄ꦏꦭꦶꦮꦠ꧀ꦢꦺꦴꦱꦮꦏ꧀ꦏꦶꦮꦁ꧈ꦲꦶꦭꦲꦶꦭ ꦱꦩ꧀ꦥꦸꦤ꧀ꦝꦼꦁꦝꦤꦶꦁꦮꦶꦢꦶ꧈ꦤꦢꦾꦚ꧀ꦕꦼꦭꦲꦮꦏ꧀ꦏꦶꦁꦱꦸꦤ꧀꧈ꦩꦠꦺꦩꦤꦶꦠꦤ꧀ꦥꦢꦺꦴꦱ꧈ ꦲꦔꦶꦁꦧꦺꦱꦸꦏ꧀ꦏꦶꦲꦗꦂꦭꦩꦺꦴꦤ꧀ꦏꦠꦼꦩꦸ꧈ꦥꦪꦸꦏꦸꦠꦶꦱ꧀ꦥꦶꦤꦫꦤ꧀‌ꦱꦸꦤ꧀ꦩꦸꦁꦒꦲꦶꦁꦔꦂ ꦢꦶꦩꦤꦶꦏ꧀
꧄ꦥꦸꦤ꧀ꦏꦸꦠꦶꦱ꧀ꦩꦠꦸꦂꦱꦤ꧀ꦢꦶꦏ꧈ꦲꦶꦁꦒꦶꦃꦢꦮꦼꦒ꧀ꦱꦩ꧀ꦥꦸꦤ꧀ꦭꦪꦠꦼꦤ꧀ꦩꦭꦶꦃ꧈ꦏꦶ ꦲꦗꦂꦠꦶꦤꦒꦶꦃꦱꦁꦒꦸꦥ꧀ꦏꦪꦔꦥꦪꦺꦚ꧀ꦕꦶꦢꦿ꧈ꦮꦺꦴꦁꦔꦠꦥꦲꦩꦔꦤ꧀ꦧꦿꦧꦏꦤ꧀ꦏꦪꦸ꧈ ꦲꦶꦧꦺꦤ꧀ꦗꦁꦱꦶꦭꦩꦺꦴꦤ꧀ꦤꦺꦴꦚ꧀ꦕꦠ꧀‌ꦥꦠꦥꦤꦺꦱꦸꦤ꧀ꦤꦶꦱꦶꦁꦔꦶ
꧄ꦱꦶꦒꦿꦫꦲ ꦢꦾꦤ꧀ꦭꦸꦩꦩ꧀ꦥꦃ꧈ꦱꦩ꧀ꦥꦸꦤ꧀ꦥꦿꦥ꧀ꦠꦥꦠꦥꦤ꧀ꦠꦸꦁꦒꦸꦭ꧀ꦩꦤꦶꦏ꧀‌ꦏꦶꦲꦗꦂꦥꦤ꧀ꦱꦩ꧀ꦥꦸꦤ꧀ꦮꦼꦫꦸꦃ ꦱꦔꦼꦂꦒꦺꦤꦶꦫꦠꦥ꧈ꦱꦩ꧀ꦥꦸꦤ꧀ꦩꦶꦒꦃꦥꦸꦕꦸꦏ꧀ꦏꦶꦁꦒꦸꦤꦸꦁꦩꦩꦺꦫꦸ꧈ꦥꦤ꧀ꦱꦩ꧀ꦥꦸꦤ꧀‌ꦤ꧀ꦤꦁꦫꦒ ꦱꦸꦏ꧀ꦩ꧈ꦏꦾꦲꦶꦲꦗꦂꦠꦸꦁꦒꦸꦭ꧀ꦩꦤꦶꦏ꧀
꧄ꦫꦲꦢꦾꦤ꧀ꦥꦤ꧀ꦱꦩ꧀ꦥꦸꦤ꧀ꦩꦸꦁꦒꦃꦮꦸ ꦱ꧀ꦏꦥꦼꦤ꧀ꦝꦏ꧀ꦏꦶꦲꦗꦂꦠꦸꦁꦒꦸꦭ꧀ꦩꦤꦶꦏ꧀‌ꦏꦸꦢꦫꦫꦔꦶꦤ꧀ꦤꦩꦸꦱ꧀‌ꦲꦼꦱ꧀ꦩꦸꦱꦼꦉꦏꦁꦔꦸ ꦗꦂ꧈ꦏꦢꦾꦥꦸꦤ꧀ꦢꦶꦲꦶꦁꦭꦩ꧀ꦥꦃꦏꦸꦭꦱꦁꦮꦶꦏꦸ꧈ꦱꦲꦸꦗꦂꦠꦸꦮꦤ꧀ꦤꦶꦁꦏꦶꦤ꧈ꦱꦢꦪ ꦏꦸꦭꦭꦩ꧀ꦥꦃꦲꦶ
꧄ꦏꦶꦲꦗꦂꦩꦺꦱꦼꦩ꧀ꦩꦁꦔꦸꦕꦥ꧀‌ꦭꦃꦠꦲꦸꦮꦶꦱ꧀ꦏꦫꦶꦱꦠꦶ ꦤ꧀ꦢꦏ꧀ꦩꦭꦶꦃ꧈ꦲꦧꦭꦶꦪꦲꦤꦏ꧀ꦏꦶꦁꦱꦸꦤ꧀‌ꦭꦩꦺꦴꦤ꧀ꦱꦶꦫꦲꦩꦼꦤ꧀ꦝꦏ꧀‌ꦫ [ f.169r ]ꦫꦺꦲꦤꦺꦴꦩ꧀‌ꦲꦧꦒꦸꦱ꧀ꦥꦿꦮꦶꦫꦺꦁꦏꦺꦮꦸꦃ꧈ꦪꦺꦤ꧀ꦱꦶꦫꦲꦧꦿꦠꦪꦸꦢ꧈ꦥ ꦝꦢꦶꦒ꧀ꦗꦪꦤꦺꦱꦩꦶ
꧄ꦪꦤ꧀ꦤꦤꦱꦼꦱꦸꦩ꧀ꦧꦂꦲꦶꦏ꧈ꦭꦃꦫꦼꦧꦸꦠ꧀ꦠꦺꦤ꧀ꦤꦶꦁꦱꦸꦤ꧀ꦥꦝꦥꦿ ꦗꦸꦫꦶꦠ꧀‌ꦢꦺꦤ꧀ꦏꦺꦴꦁꦱꦶꦭꦸꦩꦏ꧀ꦱꦺꦁꦏꦺꦮꦸꦃ꧈ꦲꦶꦪꦲꦶꦁꦱꦸꦤ꧀ꦥꦸꦤꦶꦏ꧈ꦭꦃꦫꦼꦧꦸꦠꦼ ꦠꦼꦤ꧀ꦥꦸꦠꦿꦤꦺꦱꦁꦩꦲꦲꦺꦮꦶꦏꦸ꧈ꦲꦶꦪꦥꦸꦠꦿꦤꦺꦲꦸꦢꦫ꧈ꦥꦼꦥꦠꦶꦃꦲꦶꦁꦩꦗꦥꦲꦶ ꦠ꧀
꧄ꦲꦶꦏꦸꦫꦁꦏꦸꦊꦤ꧀ꦢꦺꦤ꧀ꦏꦼꦧꦠ꧀‌ꦲꦶꦪꦲꦶꦏꦸꦱꦢꦸꦭꦶꦂꦩꦸꦱꦪꦏ꧀ꦠꦶ꧈ꦤꦁꦔꦶꦁ ꦏꦼꦮꦱꦱꦶꦫꦺꦏꦸ꧈ꦲꦶꦪꦭꦤ꧀ꦢꦩꦂꦮꦸꦭꦤ꧀‌ꦭꦮꦤ꧀ꦱꦶꦫꦥꦤ꧀ꦠꦸꦮꦏꦶꦢꦩꦂꦱꦤ꧀ꦠꦸ ꦤ꧀‌ꦱꦶꦫꦏꦁꦥꦁꦒꦸꦭꦸꦲꦶꦏ꧈ꦭꦃꦲꦸꦮꦶꦱ꧀ꦩꦸꦝꦸꦤ꧀ꦤꦩꦭꦶꦃ꧈
꧄ꦲꦸꦢꦫꦫꦔꦶꦤ꧀ꦮꦺꦴ ꦠ꧀ꦱꦼꦏꦂ꧈ꦮꦸꦱ꧀ꦠꦸꦩꦼꦝꦏ꧀ꦱꦏꦸꦁꦔꦶꦁꦲꦂꦢꦶꦱꦸꦔꦶꦭ꧀‌ꦢꦺꦤ꧀ꦱꦼꦫꦸꦲꦶꦁꦭꦩ꧀ꦥꦃ‌ꦲꦶꦥꦸ ꦤ꧀‌ꦱꦶꦒꦼꦒꦼꦤ꧀ꦱꦶꦫꦫꦢꦾꦤ꧀‌ꦲꦶꦁꦏꦼꦩ꧀ꦧꦺꦴꦗꦲꦶꦁꦮꦲꦸꦲꦶꦁꦏꦁꦕꦶꦤꦠꦸꦂ꧈ꦤꦠ꧀ꦏꦸ ꦭꦭꦒꦶꦲꦶꦲꦸꦤ꧀ꦤ꧈ꦥꦸꦠꦿꦤꦺꦒꦼꦫꦠꦤ꧀ꦱꦶꦥꦶꦃ
꧄ꦱꦁꦤꦠꦲꦱꦲꦺ ꦩ꧀ꦧꦫ꧈ꦤꦸꦭꦶꦲꦤꦥꦠꦶꦃꦲꦸꦢꦫꦥꦿꦥ꧀ꦠꦶ꧈ꦠꦶꦤꦩ꧀ꦧꦤꦤ꧀ꦠꦤ꧀ꦤꦱꦤ꧀ꦠꦸꦤ꧀‌ꦠꦸꦩꦸ ꦲꦶꦪꦱꦶꦫꦮꦫꦱ꧀‌ꦏꦕꦫꦶꦠꦥꦤ꧀ꦤꦢꦂꦧꦺꦥꦸꦠꦿꦗꦭꦸ꧈ꦲꦮꦱ꧀ꦠꦏꦸꦢꦠꦶꦭꦂ ꦱ꧈ꦲꦧꦒꦸꦱ꧀ꦱꦤꦺꦴꦩ꧀ꦧꦶꦫꦲꦶ
꧄ꦏꦗꦶꦤꦼꦩꦤ꧀ꦏꦮꦤ꧀ꦢꦱꦱꦶꦫ‌ꦫꦢꦺ ꦤ꧀ꦏꦸꦢꦠꦶꦭꦂꦱꦲꦶꦏꦶ꧈ꦏꦭꦔꦼꦤꦤ꧀ꦤꦶꦥꦸꦤꦶꦏꦸ꧈ꦧꦼꦧꦼꦝꦒ꧀ꦒꦤꦺꦁꦮꦤ꧈ꦏꦗꦶꦤꦼꦩꦤ꧀ꦏ [ f.169v ]ꦮꦤ꧀ꦢꦱꦫꦺꦴꦮꦁꦔꦶꦥꦸꦤ꧀‌ꦱꦩꦶꦒꦶꦤꦝꦸꦲꦤ꧀ꦏꦸꦢ꧈ꦫꦫꦺꦏꦮꦤ꧀ꦢꦱꦲꦶꦏꦶ
꧄ꦫꦫꦺ ꦱꦩꦶꦩꦭꦢ꧀ꦩꦭꦢ꧀‌ꦏꦮꦤ꧀ꦢꦱꦱꦩꦶꦥꦝꦥꦿꦗꦸꦫꦶꦠ꧀‌ꦏꦢꦠꦶꦭꦂꦱꦥꦸꦤꦶꦏꦸ꧈ꦭꦁꦏꦸꦁ ꦢꦺꦤꦶꦫꦒꦶꦫꦁ꧈ꦥꦼꦝꦁꦠꦩ꧀ꦱꦶꦂꦠꦸꦩ꧀ꦧꦏ꧀ꦏꦼꦫꦶꦱ꧀ꦢꦠꦤ꧀ꦏꦺꦮꦸꦃ꧈ꦠꦤ꧀ꦤꦥꦶꦧꦼꦝꦶꦭ꧀ꦭꦤ꧀ꦥꦤꦃ ꦠꦤ꧀ꦤꦤꦒꦶꦤꦮꦺꦒꦠꦶ
꧄ꦏꦺꦴꦕꦥ꧀ꦥꦏꦶꦲꦗꦂꦥꦿꦥ꧀ꦠ꧈ꦠꦸꦁꦒꦸꦭ꧀ꦩꦤꦶꦏ꧀‌ꦝ ꦠꦼꦁꦥꦸꦠꦿꦤꦶꦫꦺꦏꦶ꧈ꦥꦤ꧀ꦱꦩ꧀ꦥꦸꦤ꧀ꦤꦿꦒꦱꦸꦩ꧀ꦩꦺꦏꦸ꧈ꦭꦩ꧀ꦥꦃꦲꦺꦏꦶꦪꦲꦗꦂ꧈ꦲꦁꦔ ꦤ꧀ꦢꦶꦏꦱꦶꦫꦱꦁꦲꦩꦲꦮꦶꦏꦸ꧈ꦲꦝꦸꦃꦥꦸꦠꦿꦤꦶꦁꦱꦸꦤ꧀ꦚꦮ꧈ꦲꦗꦏꦠꦸꦁꦏꦸꦭ꧀ꦱꦶꦫꦺ ꦏꦶ
꧄ꦭꦸꦔꦲꦤ꧀ꦤꦸ‌ꦭꦫꦤ꧈ꦱꦤꦏ꧀ꦏꦶꦫꦲꦫꦤ꧀ꦏꦶꦢꦩꦂꦱꦱꦮꦼꦤ꧀ꦢꦶꦥꦸ ꦤ꧀ꦏꦠꦼꦩꦸ꧈ꦩꦼꦁꦏꦺꦴꦱꦼꦝꦼꦁꦔꦺꦚꦮꦤ꧀ꦚꦮ꧈ꦱꦼꦏꦂꦏꦸꦚ꧀ꦕꦸꦥ꧀ꦩꦼꦁꦏꦺꦴꦱꦼꦝꦼꦁꦩꦼꦒꦂꦲꦶꦥꦸꦤ꧀‌ꦲ ꦗꦏꦫꦶꦲꦶꦁꦥꦿꦠꦶꦁꦏꦃꦠꦶꦤ꧀ꦢꦏꦤꦢꦺꦤ꧀ꦱꦪꦏ꧀ꦠꦶ
꧄ꦏꦸꦢꦠꦶꦭꦂꦱꦲꦤꦼꦩ꧀ꦧꦃꦝꦠꦼꦁꦱꦶ ꦫꦮꦲꦸꦱꦁꦩꦲꦪꦏ꧀ꦠꦶ꧈ꦏꦸꦢꦠꦶꦭꦂꦱꦲꦸꦩꦠꦸꦂ꧈ꦲꦶꦁꦥꦸꦤ꧀ꦢꦶꦏꦁꦤꦒꦫ꧈ꦏꦲꦶꦲꦗꦂꦩꦺꦱꦼ ꦥꦤ꧀ꦱꦂꦮꦶꦲꦩꦸꦮꦸꦱ꧀‌ꦪꦺꦤ꧀ꦱꦶꦫꦲꦧꦿꦠꦪꦸꦢ꧈ꦥꦝꦢꦶꦒ꧀ꦗꦪꦤꦺꦱꦩꦶ
꧄ꦱꦶꦫꦱꦸ ꦩ꧀ꦧꦂꦫꦩꦁꦏꦤ꧈ꦲꦶꦪꦲꦶꦁꦱꦸꦤ꧀ꦥꦸꦠꦿꦤꦺꦩꦲꦪꦏ꧀ꦠꦶ꧈ꦥꦠꦶꦃꦲꦸꦢꦫꦏꦫꦸꦲꦸꦤ꧀ ꦮꦺꦴꦁꦱꦏꦶꦁꦩꦗꦊꦁꦏ꧈ꦲꦶꦪꦲꦶꦁꦱꦸꦤ꧀ꦥꦸꦠꦿꦱꦶꦁꦏꦧꦺꦴꦗꦫꦠꦸ꧈ꦱꦶꦲꦺꦪꦁꦥꦿꦧꦸꦏ ꦩ꧀ꦧꦺꦴꦗ꧈ꦲꦶꦁꦱꦸꦤ꧀ꦏꦶꦤꦸꦢꦁꦪꦺꦤ꧀ꦱꦏ꧀ꦠꦶ
꧄ꦲꦸꦮꦶꦱ꧀ꦠꦭꦸꦔꦲꦱꦶꦫ꧈ꦲꦸꦭꦂꦫꦤꦏꦢꦁꦩꦸ [ f.170r ]ꦢꦩꦂꦱꦱꦶ꧈ꦏꦶꦲꦗꦂꦮꦱ꧀ꦱꦶꦁꦏꦮꦿꦸꦃ꧈ꦩꦸꦱ꧀ꦤ‌ꦠꦤ꧀ꦏꦠꦶꦔꦭ꧀ꦭꦤ꧀‌ꦏꦸꦢꦠꦶꦭꦂꦩꦤꦲꦶ ꦫꦭꦁꦏꦸꦁꦔꦸꦁꦔꦸꦁꦤ꧀‌ꦢꦺꦤꦶꦁꦠꦤꦺꦴꦫꦲꦥꦗꦂ꧈ꦪꦺꦤ꧀ꦭꦸꦔꦱꦸꦢꦂꦩꦤꦺꦏꦶ
꧄ꦏꦸꦢꦠꦶꦭꦂꦱ ꦔꦤ꧀ꦢꦶꦏ꧈ꦝꦠꦼꦁꦱꦏꦺꦃꦥꦮꦺꦴꦁꦔꦤ꧀ꦏꦮꦤ꧀ꦢꦱꦶ꧈ꦭꦃꦥꦪꦸꦥꦝꦧꦼꦧꦸꦫꦸ꧈ꦏꦧꦺꦃꦱꦶꦫ ꦢꦁꦢꦤ꧀ꦤ꧈ꦮꦸꦱ꧀ꦱꦸꦩꦲꦺꦴꦱ꧀ꦱꦏꦺꦃꦲꦺꦮꦺꦴꦁꦥꦠꦁꦥꦸꦭꦸꦃ꧈ꦢꦠꦤ꧀ꦠꦭꦁꦏꦺꦮꦸꦱ꧀ꦩꦁꦏꦠ꧀ ꦭꦶꦂꦥꦺꦤ꧀ꦢꦃꦩꦶꦱꦒꦶꦤꦶꦫ{꧄

꧄ꦱꦩ꧀ꦥꦸꦤ꧀ꦩꦁꦏꦠ꧀‌ꦫ ꦲꦢꦾꦤ꧀ꦤꦂꦱꦧꦼꦧꦼꦝꦒ꧀‌ꦲꦁꦔꦩ꧀ꦧꦃꦲꦶꦁꦮꦤꦢꦿꦶ꧈ꦱꦏꦺꦃꦧꦸꦫꦺꦴꦤ꧀ꦮꦤ꧈ꦩꦭꦪꦸꦏ ꦧꦫꦱꦠ꧀‌ꦧꦶꦤꦼ‌ꦫꦒ꧀ꦒꦶꦁꦏꦸꦢꦱꦩꦶꦲꦤꦱꦱꦫꦤ꧀‌ꦲꦤꦩꦶꦭꦂꦩꦿꦶꦁꦔꦶꦒꦶꦭ꧀ ꦪꦠꦱꦶꦫꦫꦲꦢꦺꦤ꧀ꦤꦼꦩꦺꦴꦤꦶꦏꦶꦢꦁ꧈ꦲꦥꦼꦛꦑꦶꦁꦮꦂꦤꦶ꧈ꦲꦤꦸꦭꦾꦧꦶ ꦤꦼꦝꦒ꧀‌ꦏꦭꦮꦤ꧀ꦏꦸꦢꦏꦛꦃ꧈ꦏꦶꦤꦼꦥꦸꦁꦏꦼꦥꦸꦁꦠꦤ꧀ꦏꦼꦤꦶ꧈ꦏꦁꦏꦶꦢꦁꦥꦼꦛꦏ꧀‌ꦪꦺꦤ꧀ꦠꦼꦧꦃ ꦲꦁꦔꦼꦤ꧀ꦠꦺꦤ꧀ꦤꦶ
꧄ꦱꦩ꧀ꦥꦸꦤ꧀ꦭꦼꦥꦱ꧀ꦭꦩ꧀ꦥꦃꦲꦺꦏꦸꦢꦠꦶꦭꦂꦱ꧈ꦏꦺꦴꦕꦥ꧀ꦏꦸꦢꦫꦫꦁ ꦤ꧀‌ꦲꦤꦶꦔꦭꦶꦏꦶꦢꦁ꧈ꦲꦥꦼꦛꦏ꧀ꦭꦶꦂꦒꦶꦤꦼꦤ꧀ꦠꦁ꧈ꦲꦉꦩꦼꦤ꧀ꦢꦺꦤ꧀ꦚꦤꦶꦔꦭ꧀ꦭꦶ꧈ꦮꦸꦱ꧀ꦱꦶꦔ ꦝꦁꦔꦤ꧀‌ꦱꦶꦤꦸꦢꦸꦏ꧀ꦏꦶꦢꦁꦥꦸꦠꦶꦃ
꧄ꦲꦺꦴꦫꦏꦼꦤ꧀ꦤꦏꦁꦏꦶꦢꦁꦲꦤꦸꦭꦾꦲꦶꦭꦁ ꦏꦸꦢꦠꦶꦭꦂꦱꦥꦿꦥ꧀ꦠꦶ꧈ꦠꦸꦩꦶꦔꦭ꧀ꦠꦱꦶꦫ꧈ꦭꦩꦺꦴꦏꦁꦏꦶꦢꦁꦲꦶꦭꦁ꧈ꦧꦿꦩꦠꦾꦢꦺ

ꦤ꧀ꦚꦤꦶꦔꦭ꧀ꦭꦶ꧈ꦪꦺꦤ꧀ꦤꦤꦗꦭ꧀ꦩ꧈ꦩꦼꦒꦠ꧀ꦠꦶꦏꦶꦢꦁꦥꦸꦠꦶꦃ
꧄ꦱꦥꦱꦸꦤꦺꦮꦤꦶꦮ [ f.170v ]

[ f.171r ]

ꦮꦤꦶꦠꦼꦏꦧꦭꦁꦩꦫꦁꦧꦸꦫꦺꦴꦤ꧀ꦏꦸꦲꦶꦏꦶ꧈ꦢꦺꦤꦺꦠꦤ꧀ꦥꦁꦫꦱ꧈ꦫꦺꦫꦺꦚ꧀ꦕꦺ ꦤ꧀ꦮꦤꦶꦩꦿꦶꦁꦮꦁ꧈ꦲꦺꦴꦫꦢꦺꦔꦫꦥ꧀ꦏꦁꦏꦸꦭꦶꦠ꧀ꦒꦸꦤꦸꦁꦥꦱꦸꦤ꧀ꦝꦤ꧀‌ꦏꦺꦴꦝꦺꦏ꧀ꦩꦠꦩꦸꦕꦶ ꦤ꧀ꦛꦶꦠ꧀
꧄ꦏꦸꦢꦫꦫꦁꦔꦶꦤ꧀ꦤꦱꦿꦸꦢꦺꦤꦶꦫꦔꦸꦕꦥ꧀‌ꦢꦺꦤꦶꦁꦢꦶꦩꦗꦤꦤꦶ꧈ꦲꦶꦪ ꦱꦶꦲꦥꦲ꧈ꦥꦤ꧀ꦤꦶꦏꦸꦧꦸꦫꦺꦴꦤ꧀ꦮꦤ꧈ꦥꦤ꧀ꦢꦸꦫꦸꦁꦏꦼꦤꦶꦫꦺꦏꦶ꧈ꦩ ꦏ꧀ꦱꦶꦲꦭꦱꦤ꧀‌ꦱꦶꦁꦔꦲꦲꦶꦁꦏꦔꦺꦴꦭꦶꦃ
꧄ꦫꦢꦺꦤ꧀ ꦏꦸꦢꦠꦶꦭꦂꦱꦲꦱꦿꦸꦲꦁꦔꦸꦕꦥ꧀‌ꦥꦤ꧀ꦤꦶꦏꦸꦧꦸꦫꦺꦴ ꦤ꧀ꦩꦩꦶ꧈ꦱꦶꦢꦺꦱꦲꦤ꧀ꦚꦥ꧀‌ꦏꦸꦢꦸꦮꦤꦶꦩꦫꦶꦮꦁ꧈ ꦏꦸꦱꦫꦫꦁꦔꦶꦤ꧀ꦤꦲꦸꦫꦶ꧈ꦱꦶꦫꦏꦁꦭꦤ꧀ꦚꦥ꧀‌ꦥꦏ꧀‌ ꦱꦢꦺꦤ꧀ꦏꦮꦼꦢꦺꦤꦶ꧈

[ f.171v ]
꧄ꦫꦢꦺꦤ꧀ꦏꦸꦢꦠꦶꦭꦂꦱꦭꦁꦏꦸꦧꦿꦩꦠꦾ꧈ꦲꦔꦸꦕꦥ꧀ꦥꦤꦸꦝꦶꦁꦔꦶ꧈ꦱꦂꦮꦶꦪꦏꦺꦴꦤ꧀ꦚ

ꦤ꧀ꦝꦏ꧀‌ꦭꦃꦥꦝꦲꦼꦧꦾꦺꦴꦏ꧀ꦏꦤ꧈ꦒꦫꦸꦩꦸꦁꦔꦼꦤ꧀ꦢ꧀ꦢꦶꦥꦸꦤ꧀ꦏꦺ‌ꦤ꧀ꦤꦶ꧈ꦮꦺꦴꦁꦏꦮꦤ꧀ꦢꦱ꧈ꦱ ꦢꦪꦲꦔꦼꦧꦾꦺꦴꦏ꧀ꦏꦶ
꧄ꦫꦢꦺꦤ꧀ꦏꦸꦢꦫꦫꦁꦔꦶꦤ꧀ꦮꦸꦱ꧀ꦱꦶꦁꦔꦼꦧꦾꦺꦴꦏꦤ꧀‌ꦢꦺꦤꦶꦁ ꦮꦺꦴꦁꦏꦮꦤ꧀ꦢꦱꦶ꧈ꦱꦩꦶꦕꦶꦤꦼꦏꦼꦭ꧀ꦭꦤ꧀‌ꦭꦶꦤꦶꦥꦸꦠ꧀ꦕꦶꦤꦼꦏꦼꦭ꧀ꦭꦤ꧀‌ꦫꦲꦲ꧀ꦢꦤ꧀ꦏꦸꦢ ꦫꦫꦔꦶꦤ꧀꧈ꦲꦱꦿꦸꦲꦁꦔꦸꦕꦥ꧀‌ꦲꦗꦏꦢꦮꦲꦶꦏꦶ
꧄ꦲꦁꦱꦮꦤꦺꦃꦲꦤꦔꦫ ꦏꦼꦫꦶꦱꦶꦱ꧀ꦱꦶꦫ꧈ꦤꦔꦶꦁꦠꦢꦠꦤ꧀ꦏꦼꦤ꧀ꦤꦶ꧈ꦲꦤꦉꦧꦸꦠ꧀ꦮꦱ꧀ꦠꦿ꧈ꦲꦶꦏꦼꦠ꧀ꦱꦧꦸꦏ꧀ꦠꦤ꧀ꦏꦼꦤ꧀ꦤ꧈ꦫ ꦲꦢꦾꦤ꧀ꦏꦸꦢꦫꦫꦁꦔꦶꦤ꧀‌ꦲꦱꦿꦸꦧꦿꦩꦠꦾ꧈ꦏꦶꦤꦶꦫꦶꦒꦏꦼꦤ꧀ꦤꦒ꧀ꦭꦶꦱ꧀
꧄ꦠꦶꦁꦥꦊꦱ ꦠ꧀ꦏꦗꦶꦤꦼꦩ꧀ꦏꦮꦤ꧀ꦢꦱ꧈ꦲꦤꦠꦶꦧꦏꦮꦭꦶꦏ꧀‌ꦲꦤꦏꦁꦏꦱꦶꦁꦱꦭ꧀‌ꦲꦤꦠꦶꦧ ꦲꦶꦁꦱꦺꦭ꧈ꦲꦤꦏꦁꦏꦺꦴꦁꦱꦼꦧ꧀ꦏꦧꦤ꧀ꦠꦶꦁ꧈ꦏꦠꦁꦒꦺꦴꦂꦠꦸꦁꦒꦏ꧀‌ꦲꦤꦠꦶꦧꦏ ꦥꦺꦱꦶꦁ
꧄ꦊꦭꦸꦫꦲꦺꦏꦼꦏꦭꦶꦃꦮꦺꦴꦁꦏꦗꦶꦤꦼꦩꦤ꧀‌ꦮꦱ꧀ꦠꦥꦸꦤ꧀ꦱꦔꦸꦥꦠꦶ꧈ꦭ ꦮꦤ꧀ꦱꦶꦔꦥꦿꦪ꧈ꦮꦺꦴꦁꦥꦝꦒꦼꦒꦁꦱꦶꦁꦔꦤ꧀‌ꦤꦺꦠꦿꦤꦺꦥꦝꦩꦸꦤ꧀ꦢꦼꦭꦶꦏ꧀‌ꦠꦲꦸ ꦲꦺꦛꦺꦁꦔꦤ꧀‌ꦧꦤ꧀ꦛꦼꦔꦱꦿꦶꦁꦔꦼꦩ꧀ꦧꦂꦫꦶ
꧄ꦩꦕꦤ꧀ꦮꦫꦏ꧀ꦥꦸꦤꦶꦏꦲꦔꦿꦶꦔꦤ꧀ꦚ ꦤ꧀ꦝꦏ꧀‌ꦥꦸꦤꦶꦏꦥꦝꦱꦶꦗꦶ꧈ꦲꦤꦸꦭꦾꦲꦁꦔꦸꦕꦥ꧀‌ꦢꦺꦤꦶꦁꦠꦥꦝꦕꦧꦂ꧈ ꦲꦔꦼꦩ꧀ꦧꦂꦫꦶꦮꦺꦴꦁꦱꦲꦶꦗꦶ꧈ꦥꦝꦲꦠꦶꦮꦱ꧀‌ꦏꦪꦮꦺꦴꦁꦏꦸꦫꦁꦧꦸꦏ꧀ꦠꦶ
꧄ [ f.172r ]ꦤꦸꦭꦾꦩꦗꦸꦱꦶꦔꦥꦿꦪꦲꦱꦼꦱꦸꦩ꧀ꦧꦂ꧈ꦭꦃꦲꦝꦶꦱꦶꦔꦥꦠꦶ꧈ꦩꦫꦠꦶꦔꦭ꧀ꦭꦤ꧀ꦤ꧈ꦲꦗꦩꦶ ꦭꦸꦲꦤ꧀ꦚꦤ꧀ꦝꦏ꧀‌ꦠꦼꦏꦕꦮꦶꦱ꧀ꦱꦠꦼꦠꦭꦶ꧈ꦲꦶꦱꦸꦤ꧀ꦤꦶꦏꦁꦤꦭꦺꦤꦶ
꧄ꦱꦩ꧀ꦥꦸꦤ꧀ꦱꦶꦫꦪꦸꦤ꧀ꦤꦪꦸꦤ꧀ꦤꦱꦸꦱꦸꦩ꧀ꦧꦂ꧈ꦤꦫꦗꦁꦲꦤꦸꦢꦸꦏ꧀ꦏꦶ꧈ꦱꦂꦮꦶꦱꦶꦫꦤ꧀ꦚ ꦤ꧀ꦝꦏ꧀‌ꦱꦶꦫꦥꦸꦤ꧀ꦱꦶꦔꦥꦿꦪ꧈ꦫꦲꦢꦺꦤ꧀ꦏꦸꦢꦫꦫꦁꦔꦶꦤ꧀‌ꦥꦤꦺꦴꦫꦒꦶꦁꦒꦁ꧈ ꦥꦁꦒꦼꦃꦢꦠꦤ꧀ꦒꦸꦩꦶꦁꦱꦶꦂ
꧄ꦢꦶꦥꦸꦤ꧀ꦱꦼꦉꦒ꧀ꦕꦶꦤꦤ꧀ꦝꦏ꧀ꦏꦁꦔꦶꦏꦼꦠ꧀ꦥꦶꦒꦁ꧈ꦫꦢꦺꦤ꧀ꦏꦸꦢꦫ ꦫꦔꦶꦤ꧀‌ꦲꦥꦤ꧀ꦤꦺꦴꦫꦲꦺꦴꦧꦃ꧈ꦱꦶꦔꦥꦿꦪꦲꦁꦔꦸꦕꦥ꧀‌ꦭꦃꦩꦁꦏꦺꦱꦶꦫꦱꦸ ꦤ꧀ꦧꦤ꧀ꦠꦶꦁ꧈ꦠꦼꦏꦤꦸꦠꦸꦠ꧀ꦠ꧈ꦠꦁꦔꦤ꧀ꦩꦸꦱꦸꦤ꧀ꦠꦭꦺꦤ꧀ꦤꦶ
꧄ꦪꦠꦱꦶꦒꦿꦫꦲꦢꦾꦤ꧀ꦩꦊ ꦱꦱ꧀ꦱꦤ꧀ꦚꦤ꧀ꦝꦏ꧀‌ꦱꦶꦔꦥꦿꦪꦕꦶꦤꦁꦏꦶꦁ꧈ꦲꦤꦼꦁꦔꦱ꧀ꦠꦏꦶꦮ꧈ꦧꦶꦤꦸꦮꦁꦔꦭꦁꦔ ꦭꦁ꧈ꦏꦸꦩꦫꦺꦴꦱꦏ꧀ꦱꦩ꧀ꦧꦠ꧀ꦩꦠꦶ꧈ꦭꦃꦠꦸꦭꦸꦁꦔꦤ꧈ꦲꦝꦶꦏ꧀ꦏꦸꦱꦶꦔꦥꦠꦶ
꧄ ꦱꦶꦔꦥꦠꦶꦧꦿꦩꦠꦾꦱꦶꦫꦠꦸꦩꦶꦔꦭ꧀‌ꦤꦫꦗꦁꦲꦤꦸꦢꦸꦏ꧀ꦏꦶ꧈ꦲꦔꦶꦁꦱꦶꦫꦫꦢꦾ ꦤ꧀ꦱꦶꦤꦸꦢꦸꦏ꧀‌ꦲꦺꦴꦫꦲꦺꦴꦧꦃ‌꧈‌ꦥꦸꦤ꧀ꦱꦶꦔꦥꦠꦶꦕꦶꦤꦁꦏꦶꦁ꧈ꦤꦸꦭꦾꦧꦶꦤꦸꦮꦁ꧈ꦠꦶ ꦧꦏꦮꦭꦶꦏ꧀ꦮꦭꦶꦏ꧀
꧄ꦫꦢꦺꦤ꧀ꦏꦸꦢꦠꦶꦭꦂꦱꦲꦱꦿꦸꦧꦿꦩꦠꦾꦩꦫꦱꦂꦮꦶ ꦩꦸꦝꦶꦔꦶ꧈ꦱꦶꦢꦺꦱꦲꦲꦺꦴꦮꦏ꧀ꦱ꧈ꦏꦸꦢꦸꦮꦤꦶꦩꦫꦁꦮꦁ꧈ꦩꦸꦤ꧀ꦢꦸꦂꦫꦪꦺꦤ꧀ꦤꦉꦥ꧀ꦥꦸꦫꦶ ꦥ꧀‌ꦏꦸꦢꦠꦶꦭꦂꦱ꧈ꦲꦤ꧀ꦚꦤ꧀ꦝꦏ꧀ꦠꦤꦱꦫꦶ
꧄ꦫꦢꦺꦤ꧀ꦏꦸꦢꦫꦫꦔꦶꦤ꧀ꦤꦱꦿꦸ [ f.172v ]ꦲꦁꦔꦸꦕꦥ꧀‌ꦲꦺꦴꦫꦤꦮꦠꦼꦏ꧀ꦩꦩꦶ꧈ꦪꦕꦺꦴꦭꦺꦴꦁꦒꦭꦁꦒꦁ꧈ꦠꦶꦒꦭ꧀ꦩꦸꦱꦸꦃꦲꦢꦼꦒ ꦤ꧀‌ꦧꦺꦧꦺꦠ꧀ꦠꦺꦱꦶꦧꦥꦝꦶꦔꦶꦤ꧀‌ꦏꦸꦢꦠꦶꦭꦂꦱꦲꦤ꧀ꦗꦸꦁꦗꦸꦁꦠꦤ꧀ꦤꦱꦫꦶ
꧄ ꦢꦺꦤ꧀ꦏꦸꦢꦫꦫꦔꦶꦤ꧀ꦤꦗꦸꦁꦗꦸꦁꦱꦶꦒꦿ꧈ꦗꦸꦗꦸꦁꦗꦶꦤꦸꦁꦗꦸꦁꦱꦩꦶ꧈ꦥꦤ꧀ꦥꦝꦥꦿꦮꦶꦫ꧈ꦱꦩꦶꦱꦩꦶ ꦏ꧀ꦕꦸꦫꦶꦒ‌ꦱꦸꦢꦸꦏ꧀ꦱꦶꦤꦸꦢꦸꦏ꧀ꦏꦒꦼꦤ꧀ꦠꦶ꧈ꦥꦼꦫꦁꦥꦶꦤꦼꦫꦁ꧈ꦱꦩꦶꦧꦤ꧀ꦠꦶꦁꦧꦶꦤꦤ꧀ꦠꦶꦁ
꧄ꦥꦤ꧀ꦧꦶ ꦤꦸꦮꦁꦲꦩ꧀ꦧꦸꦮꦁꦱꦩꦶꦫꦶꦧꦤ꧀ꦚ꧈ꦩꦫꦏꦸꦢꦫꦫꦔꦶꦤ꧀‌ꦥꦸꦤ꧀ꦏꦸꦢꦠꦶꦭꦂꦱ꧈ꦱꦩꦶ ꦤꦫꦶꦏ꧀ꦕꦸꦫꦶꦒ꧈ꦱꦂꦪꦱꦼꦱꦸꦩ꧀ꦧꦂꦔꦗꦿꦶꦃꦲꦶ꧈ꦲꦗꦤꦲꦺꦴꦚ꧀ꦕꦠ꧀ꦥꦪꦸꦥꦝꦮꦺꦴꦁ ꦧꦼꦕꦶꦏ꧀
꧄ꦲꦶꦪꦲꦶꦁꦱꦸꦤ꧀ꦥꦸꦠꦿꦤꦺꦥꦠꦶꦃꦲꦸꦢꦫ꧈ꦮꦺꦴꦁꦱꦏꦶꦁꦩꦗꦥꦲꦶ ꦠ꧀‌ꦲꦶꦱꦸꦤ꧀ꦥꦤ꧀ꦏꦶꦤꦸꦢꦁ꧈ꦢꦺꦤꦶꦁꦫꦩꦲꦶꦁꦏꦶꦤ꧀ꦤ꧈ꦢꦢꦶꦪꦥꦿꦗꦸꦫꦶꦠ꧀ꦱꦏ꧀ꦠꦶ꧈ꦥꦤ꧀ꦤꦥꦿ ꦠꦥ꧈ꦫꦩꦲꦶꦁꦠꦸꦁꦒꦸꦭ꧀ꦩꦤꦶꦏ꧀
꧄ꦲꦥꦤ꧀ꦤꦶꦁꦱꦸꦤ꧀ꦏꦶꦤꦺꦤ꧀ꦤꦫꦸꦫꦸꦩꦿꦶꦁꦏꦢꦁ꧈ꦱꦤꦏ꧀ꦏꦸ ꦢꦩꦂꦱꦱꦶ꧈ꦥꦤ꧀ꦢꦺꦫꦺꦁꦏꦥꦼꦤ꧀ꦝꦏ꧀‌ꦱꦶꦫꦢꦢꦶꦮꦶꦒꦼꦤ꧀ꦤ꧈ꦫꦲꦢꦾꦤ꧀ꦏꦸꦢꦫꦫꦁ ꦔꦶꦤ꧀‌ꦲꦺꦫꦶꦁꦏꦁꦩꦤꦃ꧈ꦫꦶꦫꦶꦃꦢꦺꦤ꧀ꦚꦩꦫꦤꦶ
꧄ꦱꦶꦫꦫꦢ꧀‌ꦤ꧀ꦏꦸꦢꦫ ꦔꦶꦤ꧀ꦤꦁꦔꦸꦕꦥ꧀‌ꦥꦤ꧀ꦱꦂꦮꦶꦲꦩꦫꦤꦶ꧈ꦤ꧀ꦚꦫꦸꦁꦏꦼꦚ꧀ꦕꦸꦫꦶꦒ꧈ꦱꦩ꧀ꦥꦸꦤ꧀ꦤꦫꦶꦁ

ꦏꦁꦩꦤꦃ
꧄ꦲꦶꦪꦏꦸꦢꦠꦶꦭꦂꦱꦲꦱꦿꦸꦲꦁꦔꦸꦕꦥ꧀‌ꦲꦶꦪꦲꦶꦁꦱꦸꦤ꧀ꦥꦸꦤꦶꦏꦶ [ f.173r ]

ꦒꦸꦪꦸꦲꦶꦁꦱꦸꦁꦤ꧀ꦥꦶꦤꦶꦠꦶ꧈ꦥꦸꦠꦿꦱꦶꦁꦏꦧꦺꦴꦗ꧈ꦲꦫꦤ꧀ꦏꦸꦢꦠꦶꦭꦂꦱ꧈ꦥꦠꦶꦃꦲꦸꦢꦫ ꦏꦫꦶꦲꦶꦤ꧀‌ꦲꦶꦤꦶꦏꦁꦲꦥꦸꦠꦿ꧈ꦏꦁꦠꦥꦠꦸꦁꦒꦸꦭ꧀ꦩꦤꦶꦏ꧀
꧄ꦫꦢꦺꦤ꧀ꦏꦸꦢꦫ ꦫꦁꦔꦶꦤ꧀ꦤꦭꦺꦴꦤ꧀ꦤꦁꦔꦸꦕꦥ꧀‌ꦝꦸꦃꦠꦼꦩꦼꦤ꧀ꦤꦂꦫꦶꦩꦩꦶ꧈ꦱꦩ꧀ꦥꦸꦤ꧀ꦠꦥꦶꦤꦗꦂ꧈ꦲꦶꦁꦱꦸꦤ꧀ ꦔꦸꦭꦠꦶꦏꦢꦁ꧈ꦲꦶꦏꦁꦲꦫꦤ꧀ꦢꦩꦂꦱꦱꦶ꧈ꦱꦩ꧀ꦥꦸꦤ꧀ꦏꦤ꧀ꦠꦼꦤꦤ꧀‌ꦪꦺꦤ꧀ꦮꦺꦴꦤ꧀ꦠꦼꦤ꧀ꦩꦗ ꦥꦲꦶꦠ꧀
꧄ꦏꦶꦤꦺꦴꦤ꧀ꦗꦫꦏꦢꦁꦔꦶꦫꦢꦩꦂꦮꦸꦭꦤ꧀‌ꦲꦶꦁꦫꦠꦸꦩꦗꦥꦲꦶꦠ꧀ ꦲꦶꦁꦱꦸꦤ꧀ꦮꦸꦱ꧀ꦥꦪꦸꦢ꧈ꦭ꧀ꦭꦤ꧀ꦤꦿꦠꦸꦩꦗꦊꦁꦏ꧈ꦲꦁꦫꦼꦧꦸꦠ꧀ꦏꦶꦢꦩꦂꦱꦱꦶ꧈ꦭꦤ꧀ꦤꦿꦠꦸꦮꦤ꧀ꦝ ꦤ꧀‌ꦭꦮꦤ꧀ꦱꦁꦫꦠꦸꦲꦁꦒꦿꦶꦱ꧀
꧄ꦱꦶꦤꦏꦶꦠ꧀ꦠꦤ꧀ꦏꦢꦁꦔꦶꦫꦢꦩꦂꦮꦸꦭꦤ꧀‌ꦲ ꦢꦺꦤ꧀ꦧꦼꦧꦼꦛꦺꦏ꧀ꦏꦶ꧈ꦢꦺꦤ꧀ꦤꦼꦥꦺꦪꦺꦤ꧀ꦱꦶꦪꦁ꧈ꦥꦤ꧀ꦱꦂꦮꦶꦲꦶꦁꦔꦺꦴꦧꦺꦴꦫꦤ꧀‌ꦪꦺ ꦤ꧀ꦢꦭꦸꦢ꧀ꦮꦶꦏꦸꦩ꧀ꦱꦮꦼꦔꦶ꧈ꦮꦶꦤꦺꦴꦤ꧀ꦤꦸꦥꦱ꧀‌ꦠꦸꦠꦸꦂꦫꦺꦭꦪꦁꦏꦸꦩꦶꦠꦶꦂꦔꦁꦔꦫꦸ [ f.173v ]ꦲꦫꦱꦼꦱꦩ꧀ꦧꦠ꧀ꦠꦺꦏꦢꦁꦔꦶꦫ꧈ꦲꦶꦏꦸꦏꦶꦢꦩꦂꦱꦱꦶ꧈ꦠꦤ꧀ꦱꦶꦤꦸꦁꦔꦤ꧀ꦥꦔꦤ꧀ ꦲꦶꦪꦏꦁꦢꦩꦂꦮꦸꦭꦤ꧀‌ꦏꦁꦗꦸꦩꦼꦤꦼꦁꦩꦗꦥꦲꦶꦠ꧀‌ꦮꦶꦗꦶꦭ꧀ꦮꦺꦴꦁꦢꦺꦱ꧈ꦲꦶꦧꦸ ꦧꦺꦧꦺꦠ꧀ꦥꦼꦏꦛꦶꦏ꧀
꧄ꦏꦸꦢꦠꦶꦭꦂꦱꦮꦲꦸꦲꦱ꧀ꦩꦸꦏꦫꦸꦤ꧈ꦥꦤ꧀ꦱꦂ ꦪꦩꦸꦮꦸꦱ꧀ꦱꦫꦶꦱ꧀‌ꦲꦶꦒꦶꦃꦢꦮꦼꦒ꧀ꦏꦏꦁ꧈ꦫꦶꦤꦼꦧꦠ꧀ꦝꦠꦼꦁꦫꦤ꧀ꦤ꧈ꦱꦩ꧀ꦥꦸꦤ꧀ꦏꦭ ꦪꦠꦼꦤ꧀ꦩꦭꦶꦃ꧈ꦭꦃꦢꦶꦥꦸꦤ꧀ꦏꦼꦧꦠ꧀‌ꦲꦶꦁꦔꦩꦸꦏ꧀ꦩꦗꦥꦲꦶꦠ꧀
꧄ꦱꦩ꧀ꦥꦸꦤ꧀ꦩꦁꦏꦠ꧀ ꦫꦲꦢꦤ꧀ꦱꦏꦭꦶꦲꦶꦫ꧈ꦮꦺꦴꦁꦏꦮꦤ꧀ꦢꦱꦔꦶꦫꦶꦁ꧈ꦪꦠꦮꦺꦴꦤ꧀ꦥꦿꦥ꧀ꦠ꧈ꦱꦸꦱꦸꦭꦤ꧀ꦱꦶꦁ ꦏꦧꦺꦴꦗ꧈ꦮꦺꦴꦭꦸꦁꦢꦱꦱꦩ꧀ꦥꦸꦤ꧀ꦥꦿꦥ꧀ꦠꦶꦲꦤꦶꦠꦶꦃꦏꦸꦢ꧈ꦔꦒꦼꦩ꧀ꦥꦤꦃꦭꦤ꧀ꦭꦼꦩ꧀ꦧꦶꦁ
꧄ꦤꦸꦭꦾꦏꦁꦒꦼꦏ꧀ꦭꦩ꧀ꦥꦲꦺꦏꦸꦢꦠꦶꦭꦂꦱ꧈ꦲꦸꦠꦸꦱꦤ꧀ꦩꦠꦸꦂꦫꦫꦶꦱ꧀‌ꦲꦶꦁ ꦒꦶꦃꦏꦸꦭꦫꦢꦾꦤ꧀‌ꦲꦶꦁꦔꦸꦠꦸꦱ꧀‌ꦫꦩꦢꦶꦏꦶꦧꦸꦢꦶꦏꦭꦺꦴꦏ꧀ꦏꦤꦔꦶꦱ꧀‌ꦲꦶꦁ ꦒꦶꦃꦥꦤ꧀ꦢꦸꦏ꧈ꦏꦶꦤꦺꦤ꧀ꦔꦿꦠꦸꦂꦫꦶꦩꦸꦭꦶꦃ
꧄ꦲꦶꦪꦱꦶꦫꦱꦸꦏꦸꦂꦱꦶꦏꦭꦩꦺꦴ ꦤ꧀ꦥꦿꦥ꧀ꦠ꧈ꦩꦠꦸꦫꦲꦶꦧꦸꦩꦩꦶ꧈ꦲꦶꦁꦱꦸꦤ꧀ꦤꦩꦶꦠꦼꦤ꧀ꦤ꧈ꦲꦁꦫꦼꦧꦸꦠ꧀ꦏꦢꦔꦶꦁꦮꦁ꧈ꦲꦶꦏꦁ ꦲꦫꦤ꧀ꦢꦩꦂꦱꦱꦶ꧈ꦫꦺꦴꦫꦺꦴꦩꦸꦭꦶꦪ꧈ꦩꦠꦸꦫꦲꦶꦧꦸꦩꦩꦶ
꧄ꦱꦫꦸ ꦥꦤꦺꦲꦶꦏꦸꦮꦶꦁꦏꦁꦠꦼꦏꦲꦤ꧀ꦚꦂ꧈ꦥꦪꦸꦲꦶꦫꦶꦁꦔꦼꦤ꧀ꦩꦩꦶ꧈ꦲꦶꦁꦱꦸꦤ꧀ꦤꦂꦱꦲꦥꦿꦁ

ꦲꦁꦒꦼꦩ꧀ꦥꦸꦂꦩꦗꦊꦁꦏ꧈ꦲꦁꦫꦼꦧꦸꦠ꧀ꦱꦢꦸꦭꦸꦂꦩꦩꦶ꧈ꦥꦤ꧀ꦏꦶꦤꦺꦴꦚ꧀ꦗꦫ꧈ꦲꦶꦁꦫꦠꦸ [ f.174r ]

ꦩꦗꦥꦲꦶꦠ꧀꧃ꦱꦶꦒꦿꦧꦸꦧꦂꦱꦩ꧀ꦥꦸꦤ꧀ꦥꦿꦥ꧀ꦠꦥꦧꦫꦶꦱꦤ꧀‌ꦲꦁꦔꦥꦸꦁꦩꦿꦶꦁꦮꦺꦴꦁꦲꦁꦒꦿꦶ

ꦱ꧀‌ꦥꦤ꧀ꦏꦭꦱꦩꦤ꧈ꦮꦺꦴꦁꦲꦁꦒꦿꦶꦱ꧀ꦭꦒꦶꦥꦼꦫꦁ꧈ꦏꦭꦮꦤ꧀ꦮꦺꦴꦁꦩꦗꦥꦲꦶꦠ꧀꧈ꦲꦧꦼ ꦧꦼꦝꦶꦭ꧀ꦭꦤ꧀‌ꦱꦸꦫꦏ꧀ꦩꦚ꧀ꦕꦤꦼꦒꦫꦶ꧃ꦱꦩ꧀ꦥꦸꦚ꧀ꦕꦩ꧀ꦥꦸꦃꦮꦺꦴꦁꦲꦁꦒꦿꦶꦱ꧀ꦭꦮꦚ꧀ꦗꦼꦥꦫ ꦮꦺꦴꦁꦥꦛꦶꦪꦤꦸꦱꦸꦭ꧀ꦭꦶ꧈ꦮꦺꦴꦁꦮꦤ꧀ꦝꦤ꧀ꦤꦩꦥꦒ꧀‌ꦮꦺꦴꦁꦏꦸꦢꦸꦱ꧀ꦱꦶꦁꦏꦁꦩꦫ꧈ꦲꦩꦼ ꦒꦠ꧀ꦠꦶꦲꦧꦼꦧꦼꦝꦶꦭ꧀ꦭꦶ꧈ꦤꦔꦶꦁꦠꦤ꧀ꦤꦺꦴꦧꦃ꧈ꦮꦺꦴꦁꦒꦫꦺꦴꦧꦺꦴꦒꦤ꧀ꦧꦼꦢꦶꦭ꧀꧃ꦱ ꦩ꧀ꦥꦸꦚ꧀ꦕꦩ꧀ꦥꦸꦃꦮꦺꦴꦁꦮꦤ꧀ꦝꦤ꧀ꦭꦮꦤ꧀ꦮꦺꦴꦁꦠꦸꦧꦤ꧀‌ꦒꦼꦭꦫꦺꦲꦔꦶꦤ꧀ꦤꦔꦶꦤ꧀‌ꦭꦱꦼ ꦩ꧀ꦭꦮꦤꦉꦩ꧀ꦧꦁ꧈ꦒꦺꦭꦂꦫꦺꦕꦏꦿꦗꦸꦮ꧈ꦮꦺꦴꦁꦮꦤ꧀ꦝꦤ꧀ꦤꦏꦺꦃꦏꦁꦩꦠꦶ꧈ꦥꦠꦶꦁꦱꦸꦭ ꦪꦃ꧈ꦠꦤ꧀ꦤꦤꦩꦁꦒꦥꦸꦭꦶꦃ꧃ꦢꦾꦤ꧀ꦏꦺꦴꦕꦥ꧀ꦥꦫꦲꦢꦺꦤ꧀ꦏꦸꦢꦾꦠꦶꦭꦂꦱ꧈ꦭꦮ ꦤ꧀ꦏꦸꦢꦫꦫꦔꦶꦤ꧀‌ꦱꦶꦏꦥꦂꦒ꧀ꦧꦸꦧꦂꦏꦁꦥꦁꦒꦼꦲꦏꦺꦃꦥꦼꦗꦃ꧈ꦧꦭꦠꦸꦧꦤ꧀ꦏꦁꦢꦺꦤ꧀ꦤꦸ ꦱꦶꦂꦱꦶꦢꦪꦸꦉꦩ꧀ꦧꦁ꧈ꦱꦩ꧀ꦥꦸꦤ꧀ꦥꦝ‌ꦲꦁꦔꦶꦱꦶꦱ꧀꧃ꦒꦼꦭꦂꦲꦩꦸꦏ꧀‌ꦫꦲꦢꦾ ꦤ꧀ꦏꦸꦱꦠꦶꦭꦂꦱ꧈ꦭꦮꦤ꧀ꦏꦸꦢꦫꦫꦤ꧀ꦔꦶꦤ꧀‌ꦱꦩꦶꦔꦩꦸꦏ꧀‌ꦫꦩ꧀ꦥꦏ꧀‌ꦏꦁꦏꦠꦫꦗꦁ ꦧꦂ꧈ꦏꦁꦏꦠꦿꦗꦁꦱꦶꦂꦤꦔꦶꦱꦶꦱ꧀‌ꦮꦺꦴꦁꦒꦫꦺꦧꦺꦴꦒꦤ꧀ꦱꦩꦾꦱꦶꦫꦏꦭꦶꦤ꧀ꦝꦶꦃ꧃ ꦧꦶꦭꦸꦭꦸꦔꦤ꧀ ꦒꦼꦒꦩꦤ꧀ꦩꦚ꧀ꦕꦤꦼꦒꦫ꧈ꦮꦺꦴꦁꦕꦶꦭꦶꦏꦛꦃꦩꦠꦶ꧈ꦮꦸꦱ꧀ꦥꦠꦶꦁꦧꦊ

ꦱꦂ꧈ꦱꦩꦶꦉꦧꦸꦠ꧀ꦏꦺꦴꦫꦶꦥꦤ꧀‌ꦮꦸꦱ꧀ꦱꦶꦭꦁꦠꦠꦤꦶꦁꦧꦫꦶꦱ꧀ꦥꦠꦶꦁꦱꦸꦭꦪꦃꦮꦺꦴꦔꦤꦺꦴ

[ f.174v ]

ꦩ꧀ꦩꦒꦼꦠꦺꦤ꧀ꦤꦶ ꧃ꦏꦺꦴꦕꦥ꧀ꦥꦢꦶꦥꦠꦶꦠꦸꦧꦤ꧀​ꦠꦸꦩꦶꦔꦭ꧀ꦭꦶꦁꦧꦭꦤꦺꦏꦶ꧈ꦭꦫꦸꦠ꧀ꦱꦩꦶꦲꦱꦱꦫꦤ꧀​ꦥꦫꦥꦺꦴꦭꦲꦺꦏꦁꦗꦸꦫꦶꦠꦶꦠ꧀​ꦠꦤ꧀ꦏꦼꦤꦢꦶꦠꦶꦔꦭ꧀ꦭꦶ꧈ꦱꦒꦸꦁꦧꦭꦥꦣꦭꦫꦸꦠ꧀​ꦠꦤ꧀ꦧꦸꦃꦒꦼꦭꦂꦫꦶꦩꦼꦱꦃꦠꦸꦩꦼꦁꦒꦸꦁꦱꦶꦢꦪꦸꦥꦿꦥ꧀ꦠꦶ꧈ꦥꦠꦶꦃꦉꦩ꧀ꦧꦁꦥꦤ꧀ꦱꦩꦶꦲꦥꦒꦸꦤꦼꦩꦤ꧀ ꧃ꦏꦶꦢꦶꦥꦠꦶꦠꦸꦧꦤ꧀ꦩꦺꦴꦗꦂ꧈ꦲꦣꦶꦢꦼꦩꦁꦲꦶꦁꦒꦉꦱꦶꦏ꧀​ꦏꦢꦶꦥꦸꦤꦥꦲꦶꦁꦫꦤ꧀ꦤ꧈ꦠꦠꦤꦺꦲꦶꦁꦏꦁꦔꦗꦸꦫꦶꦠ꧀​ꦤꦺꦴꦫꦤꦤꦧꦺꦴꦥꦠꦶꦏꦁꦩꦒꦸꦠ꧀ꦠꦥꦿꦁꦔꦕꦸꦕꦸꦃ꧈ꦠꦼꦏꦲꦶꦭꦁꦲꦶꦁꦠꦼꦁꦔꦃꦠꦠꦤ꧀ꦤꦺꦔꦗꦺꦴꦤꦶꦗꦸꦫꦶꦠ꧀​ꦮꦸꦫꦸꦁ​ꦮꦤ꧀ꦢꦺ꧈ꦲꦤ꧀ꦝꦼꦱꦼꦏ꧀ꦏꦶꦁꦧꦧꦶꦠꦶꦁꦔꦤ꧀ ꧃ꦥꦠꦶꦃꦒꦉꦱꦶꦏ꧀ꦏꦠꦸꦂꦤ꧀ꦚꦲꦶꦁꦒꦶꦃꦏꦮꦸꦭꦲꦶꦁꦔꦸꦤꦶ꧈ꦢꦲꦠꦤ꧀ꦧꦸꦃꦠꦮꦶꦏꦤ꧈ꦲꦁꦔꦗꦼꦁꦲꦏꦼꦤ꧀ꦮꦺꦴꦁꦲꦁꦒꦿꦶꦱ꧀​ꦮꦤ꧀ꦝꦤ꧀ꦏꦁꦱꦸꦤ꧀ꦏꦮꦿꦸꦲꦶ꧈ꦒꦼꦭꦂꦫꦺꦱꦩ꧀ꦥꦸꦤ꧀ꦏꦏꦼꦥꦸꦁ꧈ꦢꦺꦤꦶꦁꦏ

[ f.175r ]

ꦱꦼꦢꦪꦸ

ꦤ꧀ꦖꦥꦁꦔꦮꦠ꧀‌ꦱꦏꦛꦃꦲꦺꦮꦺꦴꦁꦥꦱꦶꦱꦶꦂ꧈ꦩꦭꦔꦿꦶꦱꦏ꧀ꦧꦭꦲꦁꦒꦿꦶꦱ꧀ꦭ ꦮꦤ꧀ꦮꦤ꧀ꦝꦤ꧀꧃ꦥꦸꦤꦶꦏꦩꦭꦶꦃꦏꦁꦥꦿꦥ꧀ꦠ꧈ꦒꦼꦭꦂꦲꦩꦸꦏ꧀ꦱꦺꦴꦫꦺꦴꦃꦮꦤ꧀ꦤꦶ꧈ꦢꦺ ꦤ꧀ꦮꦶꦮꦶꦠꦶꦱꦏꦶꦁꦏꦤꦤ꧀‌ꦲꦶꦁꦱꦠꦼꦔꦃꦲꦶꦁꦔꦗꦸꦫꦶꦠ꧀‌ꦩꦶꦭꦏꦛꦃꦏꦁꦩꦠꦶ꧈ ꦧꦭꦱꦢꦪꦥꦤ꧀ꦭꦫꦸꦠ꧀‌ꦠꦤ꧀ꦤꦤꦏꦁꦲꦤꦁꦒ꧈ꦥꦫꦢꦼꦩꦁꦭꦤ꧀ꦔꦧꦺꦲꦶ꧈ꦏꦛꦃꦥꦼꦗꦃ ꦏꦱꦩ꧀ꦧꦸꦠ꧀ꦠꦶꦁꦔꦢꦶꦭꦒ꧃ꦱꦠꦿꦶꦪꦠꦸꦧꦤ꧀‌ꦔꦤ꧀ꦢꦶꦏ꧈ꦏꦢꦶꦥꦸꦤꦥꦲꦶꦁꦗꦸꦫꦶꦠ꧀꧈ ꦉꦩ꧀ꦥꦒ꧀ꦒꦺꦥꦫꦢꦶꦥꦠꦾ꧈ꦱꦁꦏꦤꦺꦲꦤ꧀ꦠꦸꦏ꧀ꦏꦥꦸꦭꦶꦃ꧈ꦢꦼꦩꦁꦒꦉꦱꦶꦏ꧀ꦏꦭꦶꦁ ꦪꦺꦤ꧀ꦱꦼꦮꦮꦶꦱꦁꦲꦧꦒꦸꦱ꧀‌ꦢꦮꦼꦒ꧀ꦱꦩꦶꦲꦸꦫꦸꦤꦤ꧀‌ꦱꦏꦛꦲꦺꦮꦺꦴꦁ ꦥꦱꦶꦱꦶꦂ꧈ꦥꦤ꧀ꦤꦶꦁꦲꦤ꧀ꦠꦼꦥ꧀ꦧꦠꦶꦤꦺꦥꦫꦮꦢꦤ꧀꧃ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦤꦗꦂ꧈ ꦏꦼꦢꦼꦃꦱꦩꦶꦢꦺꦚ꧀ꦗꦼꦤꦼꦁꦔꦶ꧈ꦠꦸꦩꦼꦁꦒꦸꦁꦭꦱꦼꦩ꧀ꦩꦁꦔꦸꦕꦥ꧀꧈ꦲꦝꦶꦥꦠꦶꦲꦶꦁꦒꦉꦱꦶ [ f.175v ]ꦏ꧀‌ꦢꦺꦤꦶꦁꦧꦁꦒꦥꦸꦤꦶꦏꦶ꧈ꦩꦸꦱꦸꦃꦲꦶꦏꦁꦮꦶꦔꦶꦔꦩꦸꦏ꧀‌ꦥꦠꦸꦠꦺꦠꦶꦪꦁꦗꦮ꧈ꦏꦸ ꦭꦠꦶꦔꦭ꧀ꦭꦶꦱꦼꦁꦠꦼꦧꦶꦃ꧈ꦠꦼꦏꦩꦺꦩ꧀ꦥꦼꦂꦱꦼꦱꦶꦏꦸꦠꦤ꧀ꦤꦶꦁꦤꦲꦺꦤ꧀ꦢꦿ꧃ꦢꦶꦥꦠꦶꦠꦸꦧꦤ꧀ ꦔꦤ꧀ꦢꦶꦏ꧈ꦥꦸꦤꦥꦥꦶꦤꦗꦂꦩꦭꦶꦃ꧈ꦩꦸꦱꦶꦃꦲꦶꦏꦱꦩ꧀ꦥꦸꦤ꧀ꦥꦿꦥ꧀ꦠ꧈ꦲꦱꦸꦩ꧀ꦧꦂꦱꦸꦩ꧀ꦧꦂꦔ ꦗꦿꦶꦲꦶ꧈ꦢꦮꦼꦒ꧀ꦱꦩꦶꦩꦼꦤꦶ꧈ꦢꦶꦥꦠꦶꦢꦲꦏꦁꦩꦗꦸ꧈ꦭꦮꦤ꧀ꦏꦶꦩꦺꦤꦏ꧀ꦕꦺꦴꦂ ꦠꦸꦩꦼꦁꦒꦸꦁꦭꦱꦼꦩ꧀ꦩꦁꦔꦶꦫꦶꦁ꧈ꦮꦸꦱ꧀ꦱꦠꦠꦏꦛꦲꦺꦩꦚ꧀ꦕꦤꦼꦒꦫ꧃ ꦏꦺꦴꦥ꧀ꦥꦏꦸꦢꦠꦶꦭꦂꦱ꧈ꦏꦭꦮꦤ꧀ꦏꦸꦢꦫꦫꦁꦔꦶꦤ꧀‌ꦏꦢꦶꦮꦸꦫꦸꦏ꧀‌ꦫꦶꦤꦏꦶꦠ ꦤ꧀‌ꦥꦔꦩꦸꦏ꧀ꦏꦺꦔꦺꦴꦮꦏ꧀ꦏꦮꦶꦏ꧀‌ꦭꦤ꧀ꦠꦶꦪꦁꦮꦺꦴꦭꦸꦁꦢꦱꦶ꧈ꦥꦿꦱꦩꦾꦥꦿꦗꦸ ꦫꦶꦠ꧀‌ꦭꦸꦲꦸꦁ꧈ꦮꦺꦴꦁꦏꦁꦧꦶꦤꦼꦝꦶꦭ꧀ꦏꦺꦴꦤ꧀ꦠꦭ꧀‌ꦏꦁꦠꦶꦤꦸꦩ꧀ꦧꦏ꧀‌ꦔꦸꦗꦶꦮꦠꦶ꧈ꦏꦁ ꦗꦶꦤꦫꦤꦺꦠꦿꦤꦤ꧀ꦤꦺꦲꦭꦠꦃꦭꦠꦃ꧃ꦲꦤꦏꦁꦮꦶꦤꦢꦸꦁꦩꦼꦩ꧀ꦧꦠ꧀‌ꦠꦲꦸ ꦠꦠꦺꦔꦼꦩꦸꦠ꧀ꦩꦶꦩꦶꦱ꧀‌ꦥꦤ꧀ꦱꦩꦶꦲꦔꦩꦸꦏ꧀‌ꦫꦩ꧀ꦥꦏ꧀‌ꦠꦤ꧀ꦤꦠꦼꦧꦃꦭꦮ ꦤ꧀ꦒꦸꦱ꧀ꦠꦶ꧈ꦮꦺꦴꦁꦥꦛꦶꦭꦤ꧀ꦮꦭꦺꦫꦶ꧈ꦠꦶꦤꦫꦗꦁꦩꦮꦸꦂꦩꦮꦸꦂ꧈ꦏꦁꦥꦁꦒꦼꦃꦠꦮꦤ꧀ꦧꦿ ꦤ꧀ꦤ꧈ꦲꦶꦒꦼꦩ꧀ꦧꦺꦴꦁꦏꦸꦢꦸꦱ꧀ꦒꦉꦱꦶꦏ꧀‌ꦏꦁꦏꦠꦿꦗꦁꦧꦫꦶꦱ꧀ꦱꦺꦠꦤ꧀ꦧꦸꦃꦠꦠꦤ꧀ꦚ ꧃ꦱꦩꦶꦭꦸꦩꦗꦼꦁꦱꦢꦪ꧈ꦲꦁꦔꦸꦁꦱꦶꦢꦶꦥꦠꦶꦠꦸꦧꦶꦤ꧀‌ꦢꦶꦥꦠꦶꦢꦲ‌ꦲꦩꦥ ꦒ꧀‌ꦫꦢꦺꦤ꧀ꦮꦠꦁꦔꦤ꧀ꦏꦗꦸꦝꦶ꧈ꦥꦼꦁꦒꦼꦃꦲꦱꦶꦭꦶꦃꦲꦸꦏꦶꦃ꧈ꦮꦼꦏꦱꦤ꧀ꦧꦭꦤꦺꦊ [ f.176r ]ꦧꦸꦂꦲꦱꦩ꧀ꦧꦠ꧀ꦠꦶꦁꦏꦁꦫꦏ꧈ꦢꦶꦥꦠꦶꦠꦸꦧꦤ꧀ꦤꦸꦭꦸꦁꦔꦶ꧈ꦩꦺꦤꦏ꧀ꦏꦺꦴꦚ꧀ꦕꦂꦱꦩꦸꦤꦸꦭꦸꦁꦔꦶꦱ ꦢꦪ꧈ꦥꦱꦶꦱꦶꦂꦩꦚ꧀ꦕꦤꦼꦒꦫ꧈ꦲꦥꦤ꧀ꦱꦩꦶꦲꦧꦼꦝꦶꦭ꧀ꦭꦶ꧈ꦲꦭꦶꦂꦥꦺꦤ꧀ꦢꦃꦒꦸ ꦤꦸꦁꦫꦼꦧꦃ꧈ꦥꦼꦠꦼꦁꦝꦼꦝꦼꦠ꧀ꦠꦶꦁꦮꦶꦪꦠꦶ꧈ꦭꦶꦂꦔꦺꦴꦧꦃ‌ꦲꦼꦤ꧀ꦤꦲꦸꦏꦶꦂ꧈ꦒꦫꦒꦫꦲꦸꦢ ꦢꦤ꧀ꦤꦮꦸ꧈ꦭꦶꦤ꧀ꦝꦸꦥꦶꦤ꧀ꦝꦶꦱꦢꦶꦤ꧈ꦒꦭꦸꦫꦥꦸꦤꦁꦗꦼꦭꦢꦿꦶ꧈ꦩꦚ꧀ꦕꦮꦸꦫ꧈ꦭꦶꦱꦸ ꦱ꧀ꦱꦺꦲꦁꦒꦸꦁꦭꦶꦩ꧀ꦧꦸꦔꦤ꧀‌ꦩꦭꦃꦏꦒꦺꦠ꧀‌ꦪꦁꦤꦒꦂꦗ꧈ꦲꦥꦥꦿꦧꦮꦤꦺꦲꦶ ꦏꦶ꧈ꦭꦶꦂꦏꦶꦤꦺꦴꦕꦏ꧀ꦏꦁꦱꦩꦸꦢ꧈ꦪꦠꦏꦁꦱꦩꦶꦲꦗꦸꦫꦶꦠ꧀‌ꦲꦶꦏꦁꦩꦚ꧀ꦕꦤ ꦒꦫꦶ꧈ꦥꦱ꧀ꦱꦶꦱꦶꦂꦱꦢꦪꦭꦫꦸꦠ꧀‌ꦲꦢꦶꦥꦠꦶꦭꦸꦩꦗꦁ꧈ꦫꦢꦺꦤ꧀ꦩꦺꦤꦏ꧀ꦏꦺꦴ ꦚ꧀ꦕꦂꦱꦶꦒꦶꦃ꧈ꦥꦤ꧀ꦠꦸꦩꦶꦔꦭ꧀‌ꦲꦏꦛꦃꦧꦺꦴꦥꦠꦶꦉꦱꦏ꧀꧃ꦏꦺꦴꦤ꧀ꦢꦸꦂꦱꦏ ꦛꦃ‌ꦲꦶꦮꦢꦾ꧈ꦠꦤ꧀ꦤꦤꦏꦁꦩꦁꦒꦥꦸꦭꦶꦃ꧈ꦏꦠꦸꦩ꧀ꦧꦸꦏ꧀ꦧꦺꦴꦥꦠꦶꦩꦫ꧈ꦱ ꦏꦺꦃꦧꦸꦥꦠꦶꦥꦱꦶꦱꦶꦂ꧈ꦏꦮꦂꦤꦲꦲꦶꦁꦔꦸꦤꦶ꧈ꦏꦶꦩꦺꦤꦏ꧀ꦏꦺꦴꦚ꧀ꦕꦂꦏꦁꦩꦗꦸ꧈ ꦲꦔꦒꦼꦩ꧀ꦮꦲꦺꦴꦱ꧀ꦥꦼꦛꦏ꧀‌ꦝꦥꦸꦂꦫꦶꦥꦸꦤ꧀ꦢꦸꦫꦢꦱꦶꦃ꧈ꦲꦱꦼꦱꦶꦫꦶꦒ꧀‌ꦲꦔꦒꦼ ꦩ꧀ꦮꦠꦁꦲꦶꦁꦔꦶꦏꦭ꧀꧃ꦏꦸꦢꦫꦫꦔꦶꦤ꧀ꦤꦩꦥꦒ꧀‌ꦏꦸꦢꦠꦶꦭꦂꦱꦩꦼꦒꦠ꧀ꦠꦶ꧈ꦏꦏꦁ ꦲꦤ꧀ꦢꦶꦏꦩꦸꦤ꧀ꦢꦸꦂꦫ꧈ꦲꦗꦢꦶꦏꦩꦶꦭꦸꦗꦸꦫꦶꦠ꧀‌ꦭꦃꦢꦶꦏꦠꦺꦴꦁꦠꦺꦴꦤ꧀ꦩꦩꦶ꧈ ꦲꦠꦤ꧀ꦝꦶꦁꦥꦿꦕꦸꦕꦸꦃ꧈ꦫꦢꦺꦤ꧀ꦤꦤꦶꦠꦶꦃꦠꦸꦫꦁꦒ꧈ꦔꦒꦼꦩꦼꦩ꧀ꦧꦶꦁ꧈ꦔꦒꦼꦩꦼꦱ꧀ꦧꦶꦁ꧈ꦮꦤꦤꦺꦭꦶꦂ ꦲꦁꦔꦒꦼꦩ꧀ꦮꦠꦁꦫꦱ꧀ꦥꦠꦶ꧈ [ f.176v ]ꦝꦱꦂꦮꦒꦼꦢ꧀‌ꦫꦲꦢꦺꦤ꧀ꦏꦸꦢꦠꦶꦭꦂꦱ

ꦕꦺꦤ꧀ꦛꦺꦴꦁꦗꦁꦔꦤ꧀‌꧃ꦏꦶꦩꦺꦤꦏ꧀ꦏꦺꦴꦚ꧀ꦕꦂꦠꦸꦩꦶꦔꦭ꧀‌ꦩꦺꦱꦼꦩ꧀ꦲꦥꦤ꧀ꦱꦂꦪ

ꦲꦁꦭꦶꦁ꧈ꦥꦿꦗꦸꦫꦶꦠ꧀ꦠꦺꦫꦠꦸꦮꦤ꧀ꦝꦤ꧀‌ꦲꦸꦠꦮꦥꦿꦗꦸꦫꦶꦠ꧀ꦠꦒꦿꦶꦱ꧀‌ꦧꦪꦲꦶꦁꦮꦤ꧀ꦝꦤ꧀ꦤꦶ ꦏꦶ꧈ꦲꦥꦧꦪꦭꦁꦏꦏꦪꦸ꧈ꦠꦼꦏꦔꦁꦒꦺꦴꦒꦼꦫꦁꦒꦁ꧈ꦮꦲꦺꦴꦱ꧀ꦱꦺꦧꦒꦸꦱ꧀‌ꦫ ꦱ꧀ꦥꦠꦶ꧈ꦪꦺꦤ꧀ꦱꦸꦤ꧀ꦱꦮꦁꦭꦶꦂꦒꦼꦒꦭꦺꦴꦥꦁꦔ꧀ꦭꦶꦮꦼꦠꦤ꧀꧃ꦏꦸꦢꦠꦶꦭꦂꦱꦲꦁ ꦔꦸꦕꦥ꧀‌ꦲꦶꦪꦲꦶꦁꦮꦺꦴꦁꦩꦗꦥꦲꦶꦠ꧀‌ꦲꦱꦸꦒꦶꦲꦼꦩꦱ꧀ꦧꦫꦤ꧈ꦮꦲꦺꦴꦱ꧀ꦕꦼ ꦏꦼꦭ꧀ꦠꦸꦂꦲꦭꦸꦔꦶꦢ꧀‌ꦤꦁꦔꦶꦁꦱꦶꦫꦥꦸꦤꦶꦏꦶ꧈ꦏꦠꦸꦁꦏꦸꦭ꧀ꦭꦲꦸꦭꦃꦭꦮꦸꦁ꧈ꦏꦁꦱꦶꦫꦏꦸ ꦢꦁꦏꦸꦢꦁ꧈ꦲꦶꦁꦱꦶꦪꦁꦏꦭꦮꦤ꧀ꦭꦠꦿꦶ꧈ꦭꦃꦩꦸꦤ꧀ꦢꦸꦂꦫꦫꦠꦸꦤꦶꦫꦗꦲꦗꦺꦴꦏꦼꦤ꧀ꦤ꧃ ꦏꦁꦥꦝꦱꦏ꧀ꦠꦶꦭꦤ꧀ꦤꦶꦁꦮꦁ꧈ꦥꦿꦗꦸꦫꦶꦠ꧀ꦠꦤ꧀ꦤꦺꦴꦭꦶꦃꦠꦤ꧀ꦝꦶꦁ꧈ꦱꦠꦿꦶꦪꦱꦏꦶꦁꦏꦩ꧀ꦧꦺꦴꦗ ꦢꦸꦢꦸꦥꦿꦗꦸꦫꦶꦠ꧀ꦠꦶꦁꦲꦁꦒꦿꦶꦱ꧀‌ꦲꦸꦠꦮꦮꦤ꧀ꦝꦤ꧀ꦤꦶꦏꦶ꧈ꦮꦺꦴꦁꦥꦝꦧꦉꦁꦱꦭꦏꦸ꧈ꦏꦸ ꦢꦫꦔꦶꦤ꧀ꦱꦼꦱꦸꦩ꧀ꦧꦂ꧈ꦩꦗꦸꦮꦥꦝꦥꦿꦗꦸꦫꦶꦠ꧀‌ꦲꦶꦪꦲꦶꦱꦸꦤ꧀ꦥꦿꦗꦸꦫꦶꦠ꧀ꦱꦶꦁꦥ ꦱꦧꦶꦤꦤ꧀꧃ꦥꦿꦗꦸꦫꦶꦠ꧀ꦠꦤ꧀ꦤꦺꦴꦭꦶꦃꦏꦸꦢꦠꦶꦭꦂꦱꦩꦁꦏꦾꦭꦶꦁ ꦫꦠꦸꦤꦺꦲꦒꦺꦩꦗꦸꦮ꧉ꦏꦁꦩꦶꦭ‌ꦫꦏꦢꦁꦩꦩꦶ꧈ꦲꦗꦔꦢꦸꦮꦺꦴꦁꦕꦶꦭꦶ ꦩꦼꦤ꧀ꦢꦶꦠꦭꦃꦫꦸꦥꦤꦶꦥꦸꦤ꧀‌ꦩꦺꦤꦏ꧀ꦏꦺꦴꦚ꧀ꦕꦂꦧꦿꦩꦠꦾ꧈ꦲꦤꦸꦩ꧀ꦧꦏ꧀ꦏꦮꦤ꧀ꦠꦶ

ꦤ꧀ꦠꦶ꧈ꦮꦸꦱ꧀ꦮꦶꦤꦊꦱ꧀ꦏꦶꦩꦺꦤꦏ꧀ꦏꦺꦴꦚ꧀ꦕꦂꦩꦊꦱꦠ꧀꧃ꦲꦱꦔꦼꦠ꧀ꦒꦺꦤ꧀ꦚ

[ f.177r ]

ꦲꦤꦻꦴꦩ꧀ꦧꦏ꧀ꦱꦏꦶꦁꦠꦼꦁꦒꦼꦭ꧀ꦭꦺꦏꦁꦏꦸꦭꦶꦠ꧀‌ꦩꦺꦤꦏ꧀ꦏꦺꦴꦚ꧀ꦕꦂꦏꦥꦶꦝꦫ꧈ꦫꦶꦤꦼꦧ ꦠ꧀ꦠꦶꦁꦧꦭꦤ꧀ꦤꦺꦏꦶ꧈ꦮꦺꦴꦁꦮꦤ꧀ꦝꦤ꧀ꦭꦤ꧀ꦮꦺꦴꦁꦲꦁꦒꦿꦶꦱ꧀‌ꦱꦸꦫꦏ꧀ꦏꦺꦲꦸꦩꦾꦁ‌ꦒꦸꦩꦸꦫꦸꦃ꧈ ꦧꦸꦁꦔꦃꦏꦶꦭꦪꦁꦱꦺꦠꦿ꧈ꦏꦭꦮꦤ꧀ꦭꦪꦁꦏꦸꦩꦶꦠꦶꦂ꧈ꦏꦶꦲꦥꦠꦾꦃꦧꦸꦱꦲꦺꦩꦮꦂ ꦠꦱꦸꦠ꧃ꦢꦶꦥꦠꦶꦢꦲꦧꦿꦩꦠꦾꦫꦢꦺꦤ꧀ꦮꦠꦁꦔꦤ꧀ꦥꦿꦗꦸꦫꦸꦠ꧀‌ꦢꦩ꧀ꦥꦸ ꦤ꧀ꦱꦶꦫꦪꦸꦤ꧀ꦤꦪꦸꦤꦤ꧀‌ꦮꦸꦱ꧀ꦱꦱꦶꦏꦼꦥ꧀ꦮꦠꦁꦧꦶꦫꦶꦁ꧈ꦥꦪꦸꦤꦸꦩ꧀ꦧꦏ꧀ꦏꦝꦶꦔꦶꦤ꧀‌ꦏꦸ ꦢꦠꦶꦭꦂꦱꦲꦩꦸꦮꦸꦱ꧀‌ꦢꦸꦢꦸꦠꦼꦠꦼꦏꦺꦴꦤ꧀ꦤꦶꦁꦮꦁ꧈ꦱꦶꦫꦲꦤꦸꦩ꧀ꦧꦏ꧀ꦏꦝꦶꦔꦶꦤ꧀꧈ꦥ ꦤ꧀ꦥꦶꦁꦠꦶꦒꦱꦸꦤ꧀ꦮꦊꦱ꧀ꦢꦶꦥꦸꦤ꧀ꦥꦿꦪꦠ꧀ꦤ꧃ꦢꦶꦥꦠꦶꦢꦲꦧꦿꦩꦠꦾꦲꦤꦸꦩ꧀ꦧꦏ꧀ꦏꦮ ꦤ꧀ꦠꦶꦮꦤ꧀ꦠꦶ꧈ꦏꦸꦢꦠꦶꦭꦂꦱꦠꦤ꧀ꦤꦺꦴꦧꦃ꧈ꦫꦢꦺꦤ꧀ꦮꦠꦁꦔꦤ꧀ꦩꦁꦏꦾꦭꦶꦁ꧈ꦩꦊꦱ꧀ꦱꦢꦶꦥꦸꦤ꧀ꦤ ꦒ꧀ꦭꦶꦱ꧀‌ꦏꦸꦢꦠꦶꦭꦂꦱꦲꦩꦸꦮꦸꦱ꧀‌ꦲꦶꦪꦢꦶꦥꦸꦤ꧀ꦥꦿꦪꦠ꧀ꦤ꧈ꦲꦤꦸꦭꦶꦢꦶꦥꦸꦤ꧀ꦱꦶ꧈ ꦮꦸꦱ꧀ꦮꦶꦤꦊꦱ꧀‌ꦮꦠꦁꦔꦤ꧀ꦠꦶꦧꦭꦊꦁ‌ꦒꦏ꧀꧃ꦢꦶꦥꦠꦶꦠꦸꦧꦤ꧀ꦧꦿꦩꦠꦾ꧈ꦲꦤꦶꦠꦶꦃ ꦲꦶꦏꦸꦢꦲꦒ꧀ꦭꦶꦱ꧀‌ꦱꦩ꧀ꦥꦸꦤ꧀ꦱꦶꦫꦪꦸꦤ꧀ꦤꦪꦸꦤ꧀‌ꦤꦤ꧀ꦏꦭꦮꦤ꧀ꦏꦸꦢꦫꦫꦔꦶꦤ꧀꧈ꦢꦶꦥ ꦠꦶꦠꦸꦧꦤ꧀ꦤꦁꦭꦶꦁ꧈ꦭꦃꦱꦥꦗꦼꦤꦼꦁꦔꦤ꧀ꦤꦩꦸ꧈ꦏꦸꦢꦫꦫꦔꦶꦤ꧀ꦔꦸꦕꦥ꧀‌ꦲꦫꦤ꧀ꦏꦸꦏꦸꦢꦫ ꦫꦔꦶꦤ꧀‌ꦲꦥꦤ꧀ꦤꦶꦱꦸꦤ꧀‌ꦉꦥ꧀ꦔꦸꦭꦠꦶꦏꦢꦁꦲꦶꦁꦮꦁ꧃ꦏꦸꦢꦫꦫꦔꦶꦤ꧀ꦤꦔꦸꦕꦥ꧀꧈ꦮꦸ ꦱ꧀ꦱꦶꦫꦩꦸꦤ꧀ꦢꦸꦂꦲꦒ꧀ꦭꦶꦱ꧀‌ꦫꦠꦸꦤꦶꦫꦲꦗꦺꦴꦏꦼꦤ꧀ꦤ꧈ꦧꦸꦤ꧀ꦠꦫꦤ꧀ꦤꦤꦸꦩ꧀ꦧꦏ꧀ꦏꦒ꧀ꦭꦶꦱ꧀

[ f.177v ]

ꦏꦸꦢꦫꦫꦔꦶꦤ꧀ꦤꦠꦁꦏꦶꦱ꧀‌ꦲꦫꦩꦺꦭꦮꦸꦁꦭꦶꦤꦮꦸꦁ꧈ꦏꦸꦢꦫꦫꦔꦶꦤ꧀ꦤꦤ꧀ꦚꦤ꧀ꦝꦏ꧀ꦱꦶꦤꦼꦤ꧀ꦝ ꦭ꧀ꦱꦶꦁꦏꦸꦢꦲꦒ꧀ꦭꦶꦱ꧀‌ꦮꦸꦱ꧀ꦧꦶꦤꦸꦮꦁꦧꦸꦤ꧀ꦠꦫꦤ꧀ꦠꦶꦲꦠꦼꦧꦃ꧃ꦮꦺꦴꦁꦮꦤ꧀ꦝꦤ꧀ꦱꦸꦫ ꦫꦏ꧀ꦒꦸꦩꦼꦫꦫꦃꦲꦫꦩꦺꦱꦸꦫꦏ꧀ꦏꦶꦁꦲꦁꦒꦿꦶꦱ꧀‌ꦥꦤ꧀ꦱꦩꦶꦉꦧꦸꦠ꧀ꦧꦤ꧀ꦝꦁꦔꦤ꧀‌ꦱꦸ ꦫꦏ꧀ꦏꦺꦲꦮꦤ꧀ꦠꦶꦮꦤ꧀ꦠꦶ꧈ꦱꦏꦺꦃꦲꦺꦮꦺꦴꦁꦥꦼꦱꦶꦱꦶꦂ‌꧈ꦠꦶꦫꦗꦁꦩꦮꦸꦂꦩꦮꦸꦂ꧈ꦩ ꦥꦤ꧀ꦱꦩꦶꦭꦸꦩꦗꦂ꧈ꦲꦁꦔꦸꦁꦔ꧉ꦱꦶꦝꦠꦼꦁꦮꦤꦢꦿꦶ꧈ꦏꦁꦱꦥꦶꦤ꧀ꦝꦃꦲꦔꦸꦁꦱꦶꦩꦿꦶꦁꦥꦥ ꦒꦸꦁꦔꦤ꧀꧃ꦏꦸꦢꦠꦶꦭꦂꦱꦱꦼꦱꦸꦩ꧀ꦧꦂ꧈ꦏꦭꦮꦤ꧀ꦏꦸꦢꦫꦫꦔꦶꦤ꧀‌ꦩꦼꦤ꧀ꦢꦶꦠꦭꦃ ꦫꦠꦸꦤꦶꦫ꧈ꦲꦩꦗꦸꦮꦥꦝꦱꦶꦗꦶ꧈ꦲꦶꦪꦲꦶꦁꦱꦸꦤ꧀ꦥꦸꦤꦶꦏꦶ꧈ꦥꦿꦗꦸꦫꦶꦠ꧀ꦠ ꦤ꧀ꦤꦺꦴꦭꦶꦃꦩꦸꦱꦸꦃ꧈ꦥꦸꦠꦿꦱꦏꦶꦁꦏꦧꦺꦴꦗꦤ꧀‌ꦠꦼꦝꦏ꧀ꦱꦏꦶꦁꦩꦗꦥꦲꦶꦠ꧀ [ f.178r ]ꦲꦶꦪꦲꦶꦁꦱꦸꦤ꧀ꦥꦸꦠꦿꦤꦺꦥꦠꦶꦃꦲꦸꦢꦫ꧃ꦲꦉꦥꦉꦧꦸꦠ꧀ꦏꦢꦁꦔꦶꦮꦁꦲꦶꦏꦁꦔꦫ ꦤ꧀ꦢꦩꦂꦱꦱꦶ꧈ꦏꦏꦁꦱꦸꦤ꧀ꦧꦺꦭꦤꦶꦢꦶꦏ꧈ꦪꦺꦤ꧀ꦤꦤ꧀ꦢꦶꦏꦱꦩ꧀ꦥꦸꦤ꧀ꦩꦠꦶ꧈ꦏꦮꦸꦭꦩꦶꦭꦸ ꦩꦠꦶ꧈ꦭꦤ꧀ꦒꦼꦱꦁꦏꦏꦁꦱꦸꦏꦸꦂ꧈ꦲꦁ‌ꦉꦧꦸꦠ꧀ꦩꦫꦶꦁꦢꦶꦏ꧈ꦲꦸꦗꦫꦺꦏꦶꦲꦗꦂꦝꦶ ꦔꦶꦤ꧀‌ꦥꦶꦤꦒꦶꦪ꧈ꦏꦏꦁꦢꦶꦏꦭꦮꦤ꧀ꦏꦸꦭ꧃ꦏꦸꦢꦫꦫꦔꦶꦤ꧀ꦱꦼꦱꦸꦩ꧀ꦧꦂ꧈ꦩꦗꦸꦮ ꦥꦝꦱꦶꦤꦏ꧀ꦠꦶ꧈ꦲꦶꦁꦏꦺꦤꦺꦪꦶꦁꦏꦁꦲꦗꦼꦩ꧀ꦧꦂ꧈ꦏꦁꦲꦢꦺꦴꦃꦭꦮꦤ꧀ꦥꦮꦺꦱ꧀ꦠꦿꦶ꧈ꦏꦠꦼꦩ꧀ꦧꦺ ꦤ꧀ꦱꦶꦫꦲꦤ꧀ꦗꦶꦁ꧈ꦏꦠꦸꦮꦺꦴꦤ꧀ꦩꦸꦫꦠꦸꦒꦸꦤꦸꦁ꧈ꦥꦿꦧꦸꦲꦤꦺꦴꦩ꧀ꦩꦶꦪꦂꦱ꧈ꦲꦥꦩꦶꦠ꧀ꦩꦫꦁ ꦏꦁꦫꦧ꧀ꦧꦶ꧈ꦥꦤ꧀ꦒꦸꦩꦼꦫꦃꦥꦔ꧀‌ꦱ꧀ꦱꦺꦥꦫꦒꦂꦮ꧃ꦱꦶꦒꦿꦫꦢꦺꦤ꧀ꦩꦺꦤꦏ꧀ꦏꦺꦴꦚ꧀ꦕꦂ ꦢꦶꦥꦠꦶꦢꦲꦭꦤ꧀ꦠꦸꦧꦶꦤ꧀‌ꦲꦸꦩꦠꦸꦂꦝꦠꦼꦁꦱꦁꦤꦠ꧈ꦲꦱꦔꦼꦠ꧀ꦱꦩꦶꦔꦩ꧀ꦥꦺꦴ ꦲꦶ꧈ꦝꦸꦃꦲꦶꦁꦒꦶꦃꦱꦁꦤꦂꦥꦠꦶ꧈ꦱꦩ꧀ꦥꦸꦤ꧀ꦱꦩ꧀ꦥꦺꦪꦤ꧀ꦤꦸꦩꦒꦸꦠ꧀‌ꦭꦁꦏꦸꦁꦢꦺꦤꦶꦁꦥꦿꦮꦶ ꦫ꧈ꦥꦿꦗꦸꦫꦶꦠ꧀ꦮꦤ꧀ꦝꦤ꧀ꦭꦤ꧀ꦤꦁꦒꦿꦶꦱ꧀‌ꦫꦢꦺꦤ꧀ꦧꦸꦤ꧀ꦠꦂꦮꦠꦁꦔꦤ꧀ꦤꦸꦁꦏꦼꦩꦶꦥꦢ꧃ꦲꦸꦩꦠꦸꦂ ꦢꦶꦥꦠꦶꦠꦸꦧꦤ꧀‌ꦲꦺꦴꦫꦗꦸꦫꦶꦠ꧀ꦠꦺꦮꦤ꧀ꦝꦤ꧀ꦤꦁꦒꦿꦶꦱ꧀‌ꦮꦲꦸꦱꦼꦱꦸꦩ꧀ꦧꦂꦲꦶꦁꦫꦤ꧀ꦤ꧈ꦢꦺꦢꦺ ꦥꦿꦗꦸꦫꦶꦠ꧀ꦱꦶꦁꦲꦁꦒꦿꦶꦱ꧀‌ꦢꦺꦢꦺꦮꦤ꧀ꦝꦤ꧀ꦥꦸꦤꦶꦏꦶ꧈ꦮꦺꦴꦁꦥꦝꦧꦉꦁꦔꦶꦏꦪꦸꦤ꧀ ꦱꦠꦿꦶꦪꦱꦶꦁꦏꦼꦩ꧀ꦧꦺꦴꦗ꧈ꦏꦸꦢꦠꦶꦭꦂꦱꦥꦿꦗꦸꦫꦶꦠ꧀‌ꦏꦁꦱꦤꦸꦁꦒꦭ꧀ꦱꦠꦿꦶꦪꦱꦶꦁꦥꦱ ꦧꦶꦤꦤ꧀꧃ꦩꦭꦱꦩ꧀ꦥꦺꦪꦤ꧀ꦱꦁꦤꦠ꧈ꦏꦶꦤꦸꦢꦁꦏꦭꦲꦗꦸꦫꦶꦠ꧀‌ꦲꦶꦁꦒꦶꦃꦏ [ f.178v ]ꦮꦸꦭꦱꦁꦤꦠ꧈ꦢꦮꦼꦒ꧀ꦱꦩ꧀ꦥꦺꦪꦤ꧀ꦥꦼꦗꦃꦲꦶ꧈ꦱꦩ꧀ꦥꦸꦤ꧀ꦤꦩꦒꦸꦠ꧀ꦗꦸꦫꦶꦠ꧀‌ꦢꦶꦢꦶꦩꦺ ꦤꦺꦲꦮꦏ꧀ꦏꦶꦱꦸꦤ꧀‌ꦢꦢꦺꦴꦱ꧀ꦧꦤ꧀ꦠꦼꦤ꧀ꦤꦶꦁꦪꦸꦢ꧈ꦔꦼꦩ꧀ꦧꦫꦶꦱꦠꦿꦶꦪꦏꦭꦶꦃ꧈ꦥꦿꦧꦸꦲ ꦤꦺꦴꦩ꧀‌ꦲꦺꦴꦫꦏꦼꦤ꧀ꦤꦲꦶꦁꦔꦠꦸꦫꦤ꧀꧃ꦱꦶꦒꦿꦲꦁꦫꦱꦸꦏ꧀ꦧꦸꦱꦤ꧈ꦮꦠꦁꦥꦼ ꦛꦏ꧀ꦢꦶꦥꦸꦚ꧀ꦕꦁꦏꦶꦁ꧈ꦲꦁꦔꦁꦒꦺꦴꦝꦸꦲꦸꦁꦤ꧀ꦚꦸꦫꦶꦒ꧈ꦕꦭꦤꦤꦺꦕꦶꦤ꧀ꦝꦺꦮꦶꦭꦶꦱ꧀꧈ ꦲꦏꦿꦶꦱ꧀ꦠꦶꦤꦠꦸꦫꦁꦒꦶ꧈ꦔꦶꦮꦏ꧀ꦏꦏꦼꦤ꧀ꦥꦼꦝꦁꦱꦸꦢꦸꦏ꧀‌ꦲꦒꦼꦭꦸꦁꦏꦼꦏꦼꦭꦶꦁꦔꦤ꧀‌ꦢꦼ ꦩꦁꦱꦼꦕꦧꦮꦔꦶꦫꦶꦁ꧈ꦱꦼꦕꦪꦸꦢꦲꦁꦔꦶꦫꦶꦁꦔꦒꦼꦩ꧀ꦏꦺꦴꦭꦺꦮꦁ꧃ꦱꦩ꧀ꦥꦸꦤꦺ ꦥꦿꦥ꧀ꦠꦲꦶꦁꦫꦤ꧈ꦏꦸꦢꦠꦶꦭꦂꦱꦤꦶꦔꦭ꧀ꦭꦶ꧈ꦏꦸꦢꦫꦫꦁꦔꦶꦤ꧀ꦠꦸꦩꦶꦔꦭ꧀‌ꦲꦥꦤ꧀ꦮꦲꦸꦱꦂ ꦪꦲꦁꦭꦶꦁ꧈ꦪꦪꦶꦢꦺꦤ꧀ꦔꦠꦶꦲꦠꦶ꧈ꦫꦠꦸꦤꦺꦭꦸꦲꦶꦏꦩꦗꦸ꧈ꦢꦺꦤꦶꦁꦧꦒꦸꦱ꧀ꦏ ꦭꦶꦤ꧀ꦠꦁ꧈ꦕꦪꦤ꧀ꦤꦺꦱꦼꦩꦸꦤꦼꦭ꧀ꦭꦼꦲꦶ꧈ꦲꦶꦁꦱꦸꦤ꧀ꦠꦁꦒꦸꦃꦥꦤ꧀ꦠꦼꦱ꧀ꦥꦿꦗꦸꦫꦶꦠ꧀ꦠꦶꦁꦪꦸꦢ꧃ꦲ ꦤꦏꦫꦱꦲꦶꦁꦤꦭ꧈ꦫꦲꦢꦾꦤ꧀ꦏꦸꦢꦫꦫꦁꦔꦶꦤ꧀‌ꦩꦸꦭꦤꦺꦱꦶꦏꦢꦁꦔꦶꦮꦁ꧈ ꦏꦺꦴꦁꦱꦶꦭꦏꦺꦴꦤ꧀ꦢꦶꦱꦏꦶꦠꦶ꧈ꦲꦗꦲꦢꦺꦴꦃꦠꦪꦪꦶ꧈ꦠꦼꦏꦫꦶꦤꦏꦼꦠ꧀ꦱꦁ ꦥꦿꦧꦸ꧈ꦲꦗꦲꦢꦺꦴꦃꦪꦪꦶꦱꦶꦫ꧈ꦲꦗꦩꦸꦱꦸꦃꦥꦿꦁꦢꦢꦭꦶ꧈ꦧꦉꦁꦥꦼꦗꦃꦪ ꦪꦶꦭꦮꦤ꧀ꦠꦼꦩ꧀ꦧꦁꦢꦸꦂꦩ꧅ ꧄ ꧃ꦠꦤ꧀ꦤꦤ꧀ꦠꦫꦏꦸ ꦢꦠꦶꦭꦂꦱꦤꦫꦗꦁ꧈ꦭꦮꦤ꧀ꦏꦸꦢꦫꦫꦁꦔꦶꦤ꧀‌ꦲꦤꦸꦭꦾꦲꦤꦸꦩ꧀ꦧꦏ꧀‌ꦭ [ f.179r ]ꦔꦸꦤ꧀ꦧꦫꦤ꧀

ꦮꦤ꧀ꦏꦸꦢꦠꦶꦭꦂꦱ꧈ꦥꦿꦧꦸꦲꦤꦺꦴꦩ꧀ꦩꦔꦶꦁꦒꦠ꧀ꦠꦶ꧈ꦱꦶꦒꦿꦒꦶꦤꦼꦧꦁ꧈ꦲꦶꦭꦁꦮꦠꦔꦺ

ꦏꦭꦶꦃ꧃ꦥꦤ꧀ꦮꦸꦱ꧀ꦱꦶꦭꦁꦊꦩ꧀ꦧꦶꦁꦔꦺꦏꦸꦢꦠꦶꦭꦂꦱ꧈ꦭꦮꦤ꧀ꦏꦸꦢꦫꦫꦔꦶꦤ꧀‌ꦏ ꦫꦺꦴꦱꦩ꧀ꦥꦸꦤ꧀ꦏꦺꦴꦤ꧀ꦠꦭ꧀‌ꦱꦶꦒꦿꦤꦫꦶꦏ꧀ꦕꦸꦫꦶꦒ꧈ꦏꦸꦢꦫꦫꦁꦔꦶꦤ꧀ꦤꦸꦢꦸꦏ꧀ꦏꦶ꧈ꦏꦸꦢ ꦠꦶꦭꦂꦱ꧈ꦩꦼꦫꦁꦔꦶꦮꦤ꧀ꦠꦶꦮꦤ꧀ꦠꦶ꧃ꦏꦸꦢꦫꦫꦁꦔꦶꦤ꧀ꦤꦤꦸꦢꦸꦏ꧀ꦱꦂꦮꦶꦲꦩꦼꦫꦁ꧈ꦠꦶꦭꦂ ꦱꦲꦤꦸꦢꦸꦏ꧀ꦏꦶ꧈ꦥꦤ꧀ꦱꦂꦮꦶꦲꦩꦼꦫꦁ꧈ꦠꦤ꧀ꦏꦼꦤ꧀ꦤꦠꦶꦤ꧀ꦤꦁꦏꦶꦱꦤ꧀‌ꦏꦸꦢꦫꦫꦁꦔꦶꦤ꧀ꦩꦼ ꦫꦔꦶ꧈ꦤꦔꦶꦁꦠꦤ꧀ꦏꦼꦤ꧀ꦤ꧈ꦠꦶꦤꦁꦏꦶꦱ꧀ꦱꦶꦁꦱꦁꦲꦗꦶ꧃ꦤꦺꦴꦫꦏꦤ꧀ꦝꦼꦒ꧀ꦥꦤꦸ ꦢꦸꦏ꧀ꦏꦺꦏꦶꦠꦂꦱ꧈ꦤꦶꦠꦶꦂꦏꦸꦢꦫꦫꦁꦔꦶꦤ꧀‌ꦱꦿꦸꦥꦤꦸꦢꦸꦏ꧀ꦏꦶꦫ꧈ꦠꦤ꧀ꦏꦼꦤ꧀ꦤ

ꦠꦶꦤꦲꦤꦤ꧀‌ꦱꦸꦢꦸꦏ꧀ꦏꦺꦢꦺꦤ꧀ꦤꦁꦭꦸꦃꦱꦏꦶꦠ꧀‌ꦱꦁꦥꦿꦧꦸꦩꦸꦝ꧈ꦲꦂꦱꦩꦭ

[ f.179v ]

ꦪꦸꦲꦶꦱ꧀‌‌꧃ꦭꦁꦏꦸꦁꦱꦁꦔꦼꦠ꧀ꦱꦸꦢꦸꦏ꧀ꦏꦺꦏꦸꦢꦠꦶꦭꦂꦱ꧈ꦏꦸꦢꦫꦫꦁꦔꦶꦤ꧀ꦩꦼꦫꦁꦔꦶ

ꦥꦿꦧꦸꦲꦤꦺꦴꦩ꧀ꦩꦶꦏꦲꦂꦱꦫꦺꦫꦺꦤ꧀ꦱꦝꦺꦭ꧈ꦠ꧉ꦠ꧀ꦢꦤ꧀ꦏꦺꦴꦧꦼꦂꦲꦤꦁꦏꦶꦱ꧀ꦱꦶ ꦱꦸꦫꦏ꧀ꦮꦸꦫꦲꦤ꧀‌ꦮꦢꦾꦮꦤ꧀ꦝꦤ꧀ꦭꦤ꧀ꦤꦁꦒꦿꦶꦱ꧀꧃ꦏꦸꦢꦫꦫꦁꦔꦶꦤ꧀ꦤꦤꦤ꧀ꦚꦸꦢꦸꦏ꧀ꦏꦶ ꦱꦏꦶꦁꦔꦂꦱ꧈ꦠꦶꦭꦂꦱꦱꦏꦶꦁꦮꦸꦫꦶ꧈ꦱꦁꦥꦿꦧꦸꦏꦗꦼꦁꦏꦁ꧈ꦩꦭꦃꦠꦶꦧꦲꦶꦁꦊꦩꦃ ꦲꦂꦱꦭꦸꦩꦪꦸꦲꦲꦶꦱꦶꦤ꧀‌ꦱꦁꦥꦿꦧꦸꦩꦸꦝ꧈ꦤꦁꦔꦶꦁꦢꦠꦤ꧀ꦒꦸꦩꦶꦁꦱꦶꦂ꧃ꦭꦪꦁ ꦱꦺꦠꦿꦧꦸꦔꦲꦺꦩꦮꦂꦠꦱꦸꦠ꧈ꦩꦶꦮꦃꦮꦢꦾꦲꦶꦁꦲꦁꦒꦿꦶꦱ꧀‌ꦲꦉꦧꦸꦠ꧀ꦧꦤ꧀ꦝꦁꦔ ꦤ꧀‌ꦭꦮꦤ꧀ꦮꦢꦾꦲꦶꦁꦮꦤ꧀ꦝꦤ꧀‌ꦭꦪꦁꦏꦸꦩꦶꦠꦶꦂꦚꦸꦫꦏ꧀ꦏꦶ꧈ꦱꦁꦥꦿꦧꦸꦩꦸꦝ꧈ꦲꦂ ꦱꦩꦊꦱ꧀ꦱꦲꦒ꧀ꦭꦶꦱ꧀꧃ꦥꦿꦧꦸꦲꦤꦺꦴꦩ꧀‌ꦲꦺꦔꦼꦠ꧀ꦮꦁꦱꦶꦠ꧀ꦠꦺꦏꦁꦫ ꦩ꧈ꦭꦒꦾꦢꦸꦏ꧀ꦥꦼꦗꦃꦝꦶꦔꦶꦤ꧀‌ꦪꦺꦤ꧀ꦱꦶꦧꦿꦠꦪꦸꦢ꧈ꦩꦸꦱꦸꦃꦥꦝꦥꦿꦮꦶꦫ ꦥꦤ꧀ꦱꦶꦫꦩꦕꦲꦲꦶꦏꦶꦏꦁꦲꦗꦶꦢꦶꦥ꧈ꦱꦶꦫꦤꦺꦴꦫꦏꦲꦺꦏ꧀ꦱꦶꦃ꧃ ꦮꦸꦱ꧀ꦮꦶꦤꦠꦼꦏꦲꦗꦶꦢꦶꦥꦥꦁꦭꦩ꧀ꦥꦺꦴꦫꦤ꧀‌ꦥꦿꦧꦸꦲꦤꦺꦴꦩ꧀ꦠꦤ꧀ꦏꦺꦏ꧀ꦱꦶꦃ ꦮꦸꦱ꧀ꦱꦶꦭꦁꦲꦶꦁꦫꦤ꧀ꦤ꧈ꦩꦶꦭꦲꦶꦭꦁꦱꦁꦤꦠ꧈ꦏꦂꦱꦤꦺꦪꦸꦤ꧀ꦩꦊꦱ꧀ꦱꦒ꧀ꦭꦶꦱ꧀꧈ꦏꦸ ꦢꦠꦶꦭꦂꦱ꧈ꦏꦸꦢꦫꦫꦔꦶꦤ꧀ꦤꦔꦶꦱ꧀꧃ꦏꦮꦂꦤꦲꦏꦁꦲꦤꦺꦁꦲꦶꦁꦥꦼꦥꦁꦒꦸꦁꦔ

ꦤ꧀‌ꦥꦫꦒꦂꦮꦲꦤꦔꦶꦱ꧀‌ꦲꦤ꧀ꦗꦼꦱ꧀ꦩꦫꦭꦸꦁꦱꦂ꧈ꦢꦺꦤꦶꦁꦏꦁꦫ꧀‌ꦮ꧀ꦏꦲꦶꦭꦁ꧈ꦱ

[ f.180r ]

ꦱꦩ꧀ꦧꦠꦺꦩꦼꦭꦱ꧀ꦱꦱꦶꦃ‌꧈ꦏꦸꦢꦠꦶꦭꦂꦱ꧈ꦏꦸꦢꦫꦫꦁꦔꦶꦤ꧀ꦤꦁꦔꦶꦱ꧀꧃ꦲꦩ꧀ꦭꦱ꧀ꦱ

ꦱꦶꦠꦁꦔꦶꦱ꧀ꦱꦺꦏꦸꦢꦠꦶꦭꦂꦱ꧈ꦝꦸꦃꦠꦼꦩꦼꦤ꧀ꦱꦤꦏ꧀ꦩꦩꦶ꧈ꦥꦸꦠꦿꦱꦶꦁꦏꦧꦺꦴꦗ꧈ꦲꦫ ꦤ꧀ꦏꦸꦢꦠꦶꦭꦂꦱ꧈ꦥꦠꦶꦃꦲꦸꦢꦫꦏꦫꦶꦲꦶꦤ꧀‌ꦲꦶꦏꦁꦲꦥꦸꦠꦿ꧈ꦮꦺꦴꦁꦱꦏꦶꦁꦩꦗꦥꦲꦶ ꦠ꧀꧃ꦲꦸꦢꦫꦁꦔꦶꦤ꧀ꦤꦤꦔꦶꦱ꧀ꦱꦩ꧀ꦧꦠ꧀ꦱꦩ꧀ꦧꦠ꧀‌ꦲꦶꦁꦒꦶꦒ꧀ꦏꦸꦭꦥꦸꦤꦶꦏꦶꦥꦸꦠꦿꦥꦱꦧꦶ ꦤꦤ꧀‌ꦤꦼꦁꦒꦺꦃꦏꦁꦒꦝꦃꦥꦸꦠꦿ꧈ꦥꦠꦶꦃꦲꦸꦢꦫꦏꦫꦶꦲꦶꦤ꧀‌ꦲꦶꦏꦁꦥꦿꦠꦥ꧈ꦲꦶꦁꦲꦸꦏꦸꦂ ꦢꦺꦱꦏꦸꦭ꧈ꦲꦂꦢꦶꦱꦸꦔꦶꦭ꧀ꦱꦸꦤ꧀ꦩꦶꦁꦒꦃ꧈ꦲꦶꦁꦒꦶꦃꦲꦤ꧀ꦢꦶꦏꦤꦂꦥꦠꦶꦱꦩꦺꦴꦮꦸꦤ꧀ꦏꦤ꧀ꦠꦼꦤ꧀‌ꦏꦁ ꦮꦱ꧀ꦠꦢꦩꦂꦱꦱꦶ꧃ꦥꦿꦧꦸꦲꦤꦺꦴꦩ꧀ꦩꦩꦶꦕꦫꦗꦿꦺꦴꦤꦶꦁꦤꦭ꧈ꦲꦶꦪꦩꦸꦱꦸꦃꦔ ꦒꦺꦴꦗꦸꦫꦶꦠ꧀‌ꦱꦩ꧀ꦧꦠ꧀ꦩꦫꦁꦫꦩ꧈ꦩꦸꦮꦃꦩꦿꦶꦁꦲꦮꦏ꧀ꦏꦶꦁꦮꦁ꧈ꦭꦃꦲꦶꦪꦱꦸꦤ꧀‌ꦔꦏꦺꦴ ꦤ꧀ꦩꦤꦶꦁ꧈ꦤꦸꦭꦾꦔꦠꦶꦔꦭ꧀‌ꦥꦢꦤꦺꦢꦶꦱꦸꦁꦏꦼꦩ꧀ꦩꦶ꧃ꦥꦿꦧꦸꦲꦤꦺꦴꦩ꧀ꦩꦫꦶꦱ꧀ꦢꦺ ꦤꦶꦫꦔꦤ꧀ꦢꦶꦏ꧈ꦥꦪꦸꦥꦝꦥꦿꦗꦸꦫꦶꦠ꧀‌ꦩꦫꦠꦸꦠꦸꦒ꧀ꦒꦼꦤ꧀ꦤ꧈ꦒꦺꦴꦤ꧀ꦩꦸꦲꦧꦿꦠꦪꦸ ꦢ꧈ꦥꦝꦮꦺꦴꦁꦥꦿꦮꦶꦫꦺꦁꦗꦸꦫꦶꦠ꧀‌ꦏꦸꦢꦠꦶꦭꦂꦱ꧈ꦏꦸꦢꦫꦫꦁꦔꦶꦤ꧀ꦤꦔꦶꦱ꧀꧃ꦲ ꦩ꧀ꦭꦱ꧀ꦱꦶꦲꦠꦸꦫꦺꦏꦸꦢꦠꦶꦭꦂꦱ꧈ꦏꦸꦢꦫꦫꦁꦔꦶꦤ꧀ꦤꦁꦔꦶꦱ꧀‌ꦲꦶꦁꦒꦶꦃꦭꦩ꧀ꦥꦃ

ꦏꦸꦭ‌꧈ꦝꦶꦔꦶꦤ꧀ꦩꦶꦁꦒꦃꦩꦿꦶꦁꦲꦗꦂ꧈ꦲꦶꦏꦁꦤꦩꦠꦸꦁꦒꦸꦭ꧀ꦩꦤꦶꦏ꧀‌ꦲꦶꦏꦁꦲꦱꦤ꧀ꦗ꧈ꦏꦢꦁ

[ f.180v ]

ꦔꦸꦠꦶꦱ꧀

ꦩꦸꦢꦩꦂꦱꦱꦶ꧃ꦒꦶꦃꦥꦤ꧀ꦢꦸꦲꦶꦁꦏꦁꦤꦩꦢꦩꦂꦮꦸꦭꦤ꧀‌ꦏꦮꦂꦠꦢꦺꦤ꧀ꦱꦏꦶꦠ꧀ꦠꦶ ꦲꦶꦒꦶꦃꦏꦁꦏꦮꦂꦠ꧈ꦫꦠꦸꦲꦁꦒꦿꦶꦱ꧀ꦭꦤ꧀ꦮꦤ꧀ꦝꦤ꧀‌ꦱꦩ꧀ꦥꦺꦪꦤ꧀ꦢꦶꦥꦸꦤ꧀ꦱꦏꦶꦠꦶ꧈ꦥꦤ꧀ꦏꦶ ꦤꦺꦴꦤ꧀ꦗꦫ꧈ꦲꦶꦁꦫꦠꦸꦩꦗꦥꦲꦶꦠ꧀꧃ꦮꦸꦱ꧀ꦠꦶꦤꦸꦠꦸꦂꦱꦢꦪꦲꦶꦁꦭꦩ꧀ꦥꦃꦲꦶꦫ꧈ ꦫꦶꦤꦁꦏꦸꦭ꧀‌ꦫꦢꦺꦤ꧀ꦏꦭꦶꦃ‌ꦢꦺꦤꦶꦫꦱꦁꦤꦠ꧈ꦝꦸꦃꦠꦼꦩꦼꦤ꧀ꦤꦫꦶꦤꦶꦁꦮꦁ꧈ꦫꦢꦺꦤ꧀ꦏꦭꦶꦃ ꦢꦺꦤ꧀ꦠꦁꦔꦶꦱꦶ꧈ꦥꦤ꧀ꦏꦢꦶꦥꦫꦤ꧀‌ꦏꦮꦊꦱ꧀ꦱꦱꦶꦫꦺꦏꦶ꧃ꦏꦠꦸꦗꦸꦤꦺꦱꦶꦫ ꦥꦤ꧀ꦤꦺꦴꦫꦏꦠꦶꦧꦤ꧀‌ꦲꦶꦁꦮꦊꦱ꧀ꦱꦶꦁꦱꦸꦤ꧀ꦤꦶꦏꦶ꧈ꦏꦁꦥꦼꦥꦼꦤ꧀ꦛꦸꦁꦮꦗ꧈ꦱꦶꦫꦢꦢꦶꦮ ꦫꦪꦁ꧈ꦏꦠꦶꦧꦤ꧀ꦤꦶꦁꦮꦼꦱꦶꦏꦸꦤꦶꦁ꧈ꦩꦱ꧀ꦢꦢꦶꦲꦥ꧈ꦥꦱ꧀ꦛꦶꦲꦮꦺꦴꦂꦭꦤ꧀ꦱꦶꦠꦶ꧃ ꦲꦠꦸꦂꦱꦼꦩ꧀ꦧꦃꦫꦲꦢꦾꦤ꧀ꦱꦏꦭꦶꦃꦲꦶꦫ꧈ꦲꦶꦁꦒꦶꦃꦥꦤ꧀ꦢꦸꦏꦲꦗꦶ꧈ꦭꦃꦱꦤ꧀ꦥꦺ ꦪꦤ꧀ꦩꦶꦁꦒꦃ꧈ꦩꦁꦏꦺꦏꦸꦭꦲꦪꦸ꧈ꦏꦭꦮꦤ꧀ꦱꦁꦫꦗꦲꦁꦒꦿꦶꦱ꧀ꦭꦤ꧀ꦤꦿꦠꦸꦮꦤ꧀ꦝꦤ꧀ [ f.181r ]

ꦏꦺꦴꦤ꧀ꦕꦂ

ꦔꦸꦤ꧀ꦠꦂ

ꦥꦠꦂ

ꦥꦒꦺꦴꦤ

ꦭꦃꦪꦢꦶꦔꦠꦶꦲꦠꦶ꧃ꦮꦸꦱ꧀ꦤꦫꦗꦁꦫꦲꦢꦺꦤ꧀ꦱꦏꦭꦶꦃꦲꦶꦫ꧈ꦩꦫꦁꦱꦁꦫ ꦗꦲꦁꦒꦿꦶꦱ꧀‌ꦏꦶꦤꦼꦥꦸꦁꦲꦶꦁꦫꦺꦮꦁ꧈ꦏꦶꦤꦫꦺꦴꦕꦺꦴꦏ꧀ꦏꦶꦁꦠꦸꦩ꧀ꦧꦏ꧀‌ꦧꦶꦤꦭꦁꦔꦤ꧀ꦒꦸꦠꦸꦏ꧀ꦏ ꦥꦶ꧈ꦠꦸꦠꦸꦥ꧀ꦭꦤ꧀ꦥꦤꦃ꧈ꦤꦁꦔꦶꦁꦫꦢꦺꦤ꧀ꦠꦤ꧀ꦏꦼꦤ꧀ꦤꦶ꧃ꦲꦺꦴꦫꦏꦤ꧀ꦝꦼꦒ꧀ꦱꦶꦤꦺꦴ ꦱꦺꦴꦒ꧀ꦒꦶꦁꦒꦤ꧀ꦗꦸꦂꦫꦠꦥ꧀‌ꦢꦶꦥꦸꦤ꧀ꦧꦼꦤ꧀ꦢꦿꦺꦴꦁꦔꦶꦁꦧꦼꦝꦶꦭ꧀‌ꦠꦭꦺꦫꦺꦥ꧀ꦥꦶꦁꦥꦼꦝꦁ꧈ꦭꦶꦂ ꦏꦶꦭꦠ꧀ꦠꦶꦁꦒꦊꦧꦾꦂ‌꧈ꦲꦮꦺꦴꦂꦏꦸꦏꦸꦱ꧀ꦒꦸꦠꦸꦏ꧀ꦏꦥꦶ꧈ꦏꦸꦢꦠꦶꦭꦂꦱ꧈ꦔꦩꦸꦏ꧀ꦏꦸꦢꦫ ꦫꦔꦶꦤ꧀꧃ꦢꦶꦥꦸꦤ꧀ꦤꦸꦁꦱꦼꦢ꧀ꦧꦸꦥꦠꦶꦤꦶꦫꦱꦢꦪ꧈ꦢꦺꦤꦶꦁꦏꦸꦢꦫꦫꦁꦔꦶꦤ꧀ ꦭꦤ꧀ꦏꦸꦢꦠꦶꦭꦂꦱ꧈ꦧꦭꦭꦫꦸꦠ꧀ꦱꦢꦪ꧈ꦱ꧀ꦏꦫꦶꦤꦺꦪꦶꦏꦁꦩꦠꦶ꧈ꦭꦫꦸꦠ꧀ꦱ ꦢꦪ꧈ꦱꦩ꧀ꦥꦸꦤ꧀ꦥꦝꦁꦔꦶꦱꦶꦱ꧀‌꧃ꦫꦢꦺꦤ꧀ꦏꦸꦢꦠꦶꦭꦂꦱꦲꦱꦸꦩ꧀ꦧꦂꦱꦸ ꦩ꧀ꦧꦂ꧈ꦲꦩꦸꦏ꧀ꦥꦝꦥꦿꦗꦸꦫꦶꦠ꧀‌ꦧꦸꦧꦂꦧꦭꦮꦤ꧀ꦝꦤ꧀‌ꦱꦏꦫꦶꦤꦺꦏꦁꦥꦼꦗꦃ [ f.181v ]ꦧꦭꦃꦲꦁꦒꦿꦶꦱ꧀ꦱꦏꦺꦃꦩꦠꦶ꧈ꦏꦸꦢꦠꦶꦭꦂꦱ꧈ꦱꦁꦔꦼꦠ꧀ꦢꦺꦤ꧀ꦚꦲꦁꦔꦸꦱꦶꦂ꧃ꦲꦶ ꦪꦲꦶꦱꦸꦤ꧀ꦥꦿꦗꦸꦫꦶꦠ꧀ꦠꦤ꧀ꦤꦺꦴꦭꦸꦃꦭꦮꦤ꧀‌ꦲꦶꦪꦲꦶꦁꦱꦸꦤ꧀ꦥꦸꦤꦶꦏꦶ꧈ꦥꦸꦠꦿꦱꦶꦁ ꦏꦩ꧀ꦧꦺꦴꦗ꧈ꦲꦫꦤ꧀ꦏꦸꦢꦠꦶꦭꦂꦱ꧈ꦥꦿꦗꦸꦠ꧀ꦠꦤ꧀ꦤꦺꦴꦭꦶꦃꦠꦤ꧀ꦝꦶꦁ꧈ꦩꦺꦤ꧀ꦱꦸꦤ꧀ꦗ ꦠꦠꦤ꧀ꦧꦼꦠꦃꦩꦶꦪꦂꦱꦺꦏꦶ꧃ꦔꦼꦩ꧀ꦧꦠ꧀ꦮꦠꦁꦩꦺꦤꦏ꧀ꦱꦼꦤ꧀ꦗꦠꦤꦫꦗꦁ꧈ꦲꦤꦶꦠꦶꦃꦏꦸꦢ ꦗꦒꦶ꧈ꦱꦩ꧀ꦥꦸꦤ꧀‌ꦪꦸꦤ꧀ꦤꦪꦸꦤꦤ꧀‌ꦭꦮꦤ꧀ꦏꦸꦢꦠꦶꦭꦂꦱ꧈ꦩꦺꦤꦏ꧀ꦱꦸꦤ꧀ꦗꦠꦱꦶꦫꦭꦶꦁꦏꦸ ꦢꦠꦶꦭꦂꦱ꧈ꦩꦸꦭꦤꦺꦱꦶꦫꦧꦭꦶꦏ꧀꧃ꦧꦭꦶꦏ꧀ꦱꦶꦫꦔꦮꦸꦭꦲꦩꦫꦁꦮꦤ꧀ꦝ ꦤ꧀‌ꦤꦸꦭꦶꦗꦭꦸꦏ꧀ꦏꦫꦧꦶ꧈ꦩꦫꦁꦲꦮꦏ꧀ꦏꦶꦁꦮꦁ꧈ꦲꦶꦪꦱꦏꦉꦥ꧀ꦥꦶꦫ꧈ꦲꦩꦶꦲꦲꦶꦁ ꦏꦁꦱꦸꦤ꧀ꦛꦶ꧈ꦏꦸꦢꦠꦶꦭꦂꦱ꧈ꦧꦿꦩꦠꦾꦠꦤ꧀ꦱꦶꦤꦶꦥꦶ꧃ꦮꦸꦱ꧀ꦠꦶꦤꦸꦩ꧀ꦧꦏ꧀‌ꦩꦼꦤꦏ꧀ꦱꦺ ꦤ꧀ꦗꦠꦲꦤꦶꦧ꧈ꦲꦤꦁꦱꦶꦠꦶꦔꦼꦩꦱ꧀ꦱꦶ꧈ꦥꦸꦤ꧀ꦩꦺꦤꦏ꧀ꦱꦸꦠꦺꦗ꧈ꦢꦸꦭꦸꦂꦫꦺꦫꦠꦸꦮꦤ꧀ꦝ ꦤ꧀‌ꦱꦁꦫꦠꦸꦮꦤ꧀ꦝꦤ꧀ꦤꦶꦔꦭꦶ꧈ꦏꦭꦁꦏꦸꦁꦒꦸꦱꦂ꧈ꦩꦗꦸꦫꦤꦔꦗꦿꦶꦲꦶ꧃ꦮꦸꦱ꧀ꦱꦤꦶ ꦠꦶꦃꦢꦶꦥꦁꦒꦱꦁꦫꦠꦸꦮꦤ꧀ꦝꦤ꧀‌ꦲꦔꦒꦼꦩ꧀ꦮꦠꦁꦥꦸꦠꦶꦃ꧈ꦥꦁꦒꦶꦃꦪꦸꦤ꧀ꦤꦪꦸꦤꦤ꧀‌ꦭ ꦮꦤ꧀ꦏꦸꦢꦠꦶꦭꦂꦱ꧈ꦱꦁꦫꦠꦸꦮꦤ꧀ꦝꦤ꧀ꦤꦸꦩ꧀ꦧꦏ꧀ꦏꦶ꧈ꦏꦸꦢꦠꦶꦭꦂꦱ꧈ꦥꦁꦒꦼꦃꦢꦠꦤ꧀ꦒꦸꦩꦶꦁꦱꦶꦂ꧃ ꦮꦤ꧀ꦠꦶꦮꦤ꧀ꦠꦶꦠꦶꦤꦸꦩ꧀ꦧꦏ꧀ꦏꦸꦢꦠꦶꦭꦂꦱ꧈ꦤꦔꦶꦤꦺꦴꦫꦤꦼꦝꦱ꧀ꦱꦶ꧈ꦫꦲꦢꦾꦤ꧀ꦤꦁꦔꦸꦕꦥ꧀ ꦲꦼꦤ꧀ꦢꦶꦫꦸꦥꦤꦺꦲꦶꦪ꧈ꦱꦁꦫꦠꦸꦮꦤ꧀ꦝꦤ꧀ꦱꦸꦤ꧀ꦤꦼꦥꦿꦶꦃꦱꦁꦤꦠꦩꦺꦴꦗꦂ꧈ꦲꦶꦪꦫꦠꦸ [ f.182r ]ꦤꦺꦩꦩꦶ꧃ꦲꦶꦪꦩꦫꦩꦊꦱ꧀ꦱꦏꦸꦢꦠꦶꦭꦂꦱ꧈ꦥꦝꦲꦶꦁꦮꦺꦴꦁꦥꦿꦗꦸꦫꦶꦠ꧀꧈ꦪꦠ ꦫꦫꦢꦾꦤ꧀‌ꦫꦠꦸꦮꦤ꧀ꦝꦤ꧀ꦕꦶꦤꦤ꧀ꦝꦏ꧀‌ꦠꦶꦤꦶꦒꦱ꧀ꦩꦸꦂꦢꦕꦶꦤꦁꦏꦶꦁ꧈ꦧꦭꦲꦶꦁꦮꦤ꧀ꦝ ꦤ꧀‌ꦩꦮꦸꦂꦥꦸꦁꦮꦩꦤ꧀ꦠꦿꦶ꧃ꦏꦁꦱꦮꦤꦺꦃꦲꦤꦭꦸꦩꦪꦸꦲꦶꦁꦮꦤ꧈ꦲꦤꦭꦸꦩ ꦪꦸꦮꦸꦏꦶꦂ꧈ꦲꦤꦱꦿꦃꦧꦺꦴꦁꦏꦺꦴꦏꦤ꧀‌ꦱꦩ꧀ꦥꦸꦤ꧀ꦠꦼꦭꦸꦏ꧀ꦱꦢꦪ꧈ꦫꦲꦢꦺꦤ꧀ꦩꦊ ꦧꦸꦲꦒ꧀ꦭꦶꦱ꧀‌ꦲꦶꦁꦥꦱꦁꦒꦿꦲꦤ꧀‌ꦱꦢꦾꦤꦶꦥꦸꦤ꧀ꦧꦺꦴꦪꦺꦴꦁꦔꦶ꧃ꦢꦾꦏꦺꦴꦕꦥ꧀ꦥꦥꦁ ꦔꦩꦸꦏ꧀ꦏꦶꦫꦏꦁꦫꦏ꧈ꦫꦢꦾꦤ꧀ꦏꦸꦢꦫꦫꦔꦶꦤ꧀‌ꦱꦸꦩ꧀ꦧꦂꦔꦸꦮꦸꦃꦭꦮꦤ꧀ꦮꦺꦴꦁꦲꦁꦒꦿꦶ ꦱ꧀ꦩꦼꦠꦺꦴꦤ꧀ꦤꦤ꧈ꦲꦗꦲꦔꦢꦸꦮꦺꦴꦁꦕꦶꦭꦶ꧈ꦫꦠꦸꦤꦺꦧꦼꦲꦂ꧈ꦲꦶꦁꦏꦺꦤꦺꦥꦝ ꦗꦸꦫꦶꦠ꧀‌꧃ꦩꦼꦠꦺꦴꦤ꧀ꦤꦤꦮꦺꦴꦁꦲꦁꦒꦿꦶꦱ꧀‌ꦪꦺꦤ꧀ꦏꦮꦼꦤ꧀ꦭꦤꦁ꧈ꦤꦸꦭꦶꦢꦶꦥꦸꦤ꧀ꦮꦶ ꦪꦺꦴꦱ꧀ꦱꦶ꧈ꦲꦶꦥꦺꦤꦺꦱꦁꦤꦠ꧈ꦲꦶꦁꦲꦁꦒꦿꦶꦱ꧀ꦱꦶꦏꦸꦲꦶꦪ꧈ꦗꦪꦱꦤ꧀ꦠꦶꦏꦤꦩ ꦏꦶ꧈ꦲꦪꦸꦤ꧀ꦤꦪꦸꦤꦤ꧀‌ꦭꦮꦤ꧀ꦏꦸꦢꦫꦫꦔꦶꦤ꧀꧃ꦲꦱꦿꦸꦔꦸꦕꦥ꧀ꦏꦶꦩꦺꦤꦏ꧀ꦗ ꦪꦱꦤ꧀ꦠꦶꦏ꧈ꦱꦶꦫꦏꦸꦢꦫꦫꦔꦶꦤ꧀‌ꦢꦸꦩꦺꦲꦥꦱꦸꦫ꧈ꦲꦩ꧀ꦧꦭꦶꦏ꧀ꦩꦫꦁꦲꦶꦁ ꦮꦁ꧈ꦧꦭꦶꦏ꧀ꦔꦩꦸꦏ꧀ꦏꦱꦶꦫꦺꦏꦶ꧈ꦮꦺꦴꦁꦩꦗꦊꦁꦏ꧈ꦧꦺꦤ꧀ꦗꦁꦲꦶꦁꦱꦸꦤ꧀ꦥꦸꦠꦿꦺꦤꦶ ꧃ꦫꦢꦺꦤ꧀ꦏꦸꦢꦫꦫꦔꦶꦤ꧀ꦤꦿꦸꦧꦿꦩꦠꦾ꧈ꦠꦤ꧀ꦧꦼꦠꦃꦩꦶꦪꦂꦱꦺꦏꦶ꧈ꦲꦤꦸ ꦤ꧀ꦚꦕꦶꦤꦤ꧀ꦝꦏ꧀‌ꦩꦺꦤꦏ꧀ꦗꦪꦱꦤ꧀ꦠꦶꦏ꧈ꦧꦶꦤꦼꦛꦺꦴꦠ꧀ꦩꦸꦂꦢꦧꦶꦤꦤ꧀ꦠꦶ꧈ꦮꦸꦱ꧀ [ f.182v ]ꦱ꧀ꦱꦮꦺꦴꦂꦱꦶꦫ꧈ꦫꦠꦏꦭꦮꦤ꧀ꦱꦶꦠꦶ꧃ꦤꦠꦲꦁꦒꦿꦶꦱ꧀ꦧꦿꦩꦠꦾꦤꦶꦫꦏꦭꦶꦤ꧀ꦠꦁ꧈ꦱꦶꦒꦿ ꦲꦤꦶꦠꦶꦲꦺꦱ꧀ꦛꦶ꧈ꦮꦸꦱꦱꦪꦸꦤ꧀ꦤꦪꦸꦤꦤ꧀‌ꦭꦮꦤ꧀ꦱꦶꦫꦫꦲꦢꦾꦲꦤꦸꦩ꧀ꦧꦏ꧀ꦏ ꦮꦤ꧀ꦠꦶꦮꦤ꧀ꦠꦶ꧈ꦤꦔꦶꦁꦠꦤ꧀ꦥꦱꦃ꧈ꦩꦺꦱꦼꦩ꧀ꦏꦸꦢꦫꦫꦁꦔꦶꦤ꧀꧃ꦏꦪꦢꦶꦠꦾꦲꦼꦁꦒꦺꦴꦤꦺ ꦲꦪꦸꦢꦧꦿꦠ꧈ꦤꦸꦩ꧀ꦧꦏ꧀ꦏꦢꦶꦥꦸꦤ꧀ꦤꦿꦶꦫꦶꦃ꧈ꦲꦗꦏꦪꦧꦸꦠ꧈ꦭꦃꦩꦫꦥꦶꦭꦶꦃꦲꦤ꧈ꦱꦁ ꦤꦠꦲꦁꦒꦿꦶꦱ꧀ꦤꦻꦲꦸꦫꦶ꧈ꦩꦊꦱ꧀ꦱꦱꦶꦫ꧈ꦥꦪꦸꦥꦝꦥꦿꦗꦸꦫꦶꦠ꧀꧃ꦮꦸꦱ꧀ꦕꦶꦤ ꦤ꧀ꦝꦏ꧀ꦱꦁꦫꦗꦲꦁꦒꦿꦶꦱ꧀ꦠꦶꦤꦶꦒꦱ꧀꧈ꦩꦮꦸꦂꦥꦸꦁꦒꦮꦩꦤ꧀ꦠꦿꦶ꧈ꦒꦺꦒꦺꦂꦲꦥꦸꦪꦼꦁꦔꦤ꧀ ꦱꦩꦶꦲꦱꦿꦃꦧꦺꦴꦁꦏꦺꦴꦭꦤ꧀‌ꦱꦏꦫꦶꦤꦺꦪꦶꦁꦏꦁꦩꦠꦶ꧈ꦥꦤ꧀ꦤꦮꦸꦫꦲꦤ꧀ ꦱꦶꦤꦩ꧀ꦧꦼꦂꦝꦁꦝꦁꦮꦶꦭꦶꦱ꧀꧃ꦔꦶꦤ꧀ ꧄ꦫꦢ꧀ꦛꦶ ꧅ꦥꦸꦤꦶꦏꦭꦾ ꦒꦾꦮꦮꦶꦤꦸꦮꦸꦱ꧀‌ꦥꦸꦠꦿꦤꦺꦱꦁꦫꦗꦲꦁꦒꦿꦶꦱ꧀‌ꦏꦭꦮꦤ꧀ꦥꦸꦠꦿꦶꦲꦶꦁꦮꦤ꧀ꦝꦤ꧀‌ꦭꦒꦾꦲꦗꦗꦂ ꦲꦭꦶꦁꦒꦶꦃ꧈ꦏꦢꦶꦒ꧀‌ꦮ꧀ꦩꦧꦂꦮꦼꦮꦁꦔꦸꦤꦤ꧀‌ꦭꦶꦫꦶꦁꦔꦺꦱꦩ꧀ꦥꦸꦤ꧀ꦤꦤꦸꦁꦒꦶꦭ꧀꧃ꦱꦩꦶꦤꦸꦁꦒꦶ ꦏ꧀ꦏꦪꦸꦤꦶꦥꦸꦤ꧀‌ꦱꦥꦺꦴꦲꦺꦲꦱꦸꦁꦧꦿꦁꦠꦶ꧈ꦲꦪꦸꦤꦺꦠꦤ꧀ꦥꦠꦤ꧀ꦝꦶꦁꦔ ꦤ꧀ꦤꦤ꧀ꦤꦁꦔꦸꦭꦠꦤ꧀ꦤ‌ꦠꦤ꧀ꦤꦺꦴꦭꦶꦃ꧈ꦩꦶꦢꦼꦂꦫꦱꦺꦮꦸꦤꦼꦒꦫ꧈ꦱꦸꦥꦪꦲꦤ꧀ꦠꦸ ꦏ꧀ꦏꦏꦭꦶꦃ꧃ꦥꦸꦠꦿꦶꦲꦁꦒꦿꦶꦱ꧀ꦮꦱ꧀ꦠꦤꦶꦥꦸꦤ꧀꧈ꦏꦸꦱꦸꦩꦏꦤ꧀ꦕꦤꦮꦠꦶ꧈ꦥꦸꦠꦿꦶ ꦮꦤ꧀ꦝꦤ꧀ꦮꦱ꧀ꦠꦤꦶꦫ꧈ꦢꦺꦮꦶꦫꦠ꧀ꦤꦤꦶꦭꦮꦠꦶ꧈ꦮꦺꦴꦁꦩꦪꦩꦪꦱꦶꦤꦁꦒ꧈ꦏꦸꦤꦶꦁ [ f.183r ] ꦔ꧀ꦭꦶꦧꦼꦁꦭꦺꦏꦺꦫꦶꦱ꧀꧃ꦢꦺꦤꦺꦲꦶꦁꦭꦺꦭꦺꦮꦤꦶꦥꦸꦤ꧀‌ꦫꦢꦒꦤ꧀ꦝꦁꦥꦸꦠꦿꦶꦲꦁꦒꦿꦶ ꦱ꧀‌ꦲꦶꦁꦏꦁꦔꦊꦥ꧀ꦥꦸꦠꦿꦶꦮꦤ꧀ꦝꦤ꧀‌ꦥꦝꦱꦼꦩꦸꦩꦤꦶꦱ꧀ꦱꦿꦲꦶ꧈ꦭꦒꦾꦥꦝꦥꦒꦸ ꦤꦼꦩꦤ꧀‌ꦭꦶꦁꦒꦶꦃꦏꦺꦴꦂꦱꦶꦢꦶꦥꦪꦸꦔꦶ꧈ꦥꦮꦶꦔꦤ꧀ꦤꦤ꧀ꦝꦺꦂꦲꦶꦁꦔꦂꦱ꧈ꦠꦤ꧀ꦤꦸꦤꦶꦁ ꦪꦺꦤ꧀ꦏꦮꦺꦴꦤ꧀ꦗꦸꦫꦶꦠ꧀꧃ꦲꦸꦭꦠ꧀ꦠꦺꦲꦤꦶꦥꦃꦏꦮꦸꦁ꧈ꦮꦺꦴꦁꦥꦝꦲꦁꦔꦢꦶꦲꦢꦶ ꦧꦼꦫꦱ꧀ꦮꦸꦠꦃꦲꦶꦁꦠꦼꦠꦩ꧀ꦥꦃ꧈ꦮꦺꦴꦁꦥꦤ꧀ꦠꦼꦱ꧀ꦢꦶꦏꦸꦭꦶꦤ꧀ꦠꦼꦫꦶ꧈ꦮꦭꦸꦭꦁꦫꦶꦤꦺꦏꦗ ꦭ꧀ꦩ꧈ꦪꦺꦤ꧀ꦮꦶꦤꦁꦮꦁꦏꦢꦶꦫꦶꦁꦒꦶꦠ꧀꧃ꦱꦁꦠꦿꦶꦲꦶꦏꦲꦩꦸꦮꦸꦱ꧀‌ꦱꦁꦥꦸꦠꦿꦶꦏ ꦤ꧀ꦕꦤꦮꦠꦶ꧈ꦏꦢꦶꦥꦸꦤ꧀ꦢꦶꦫꦏꦲꦼꦩꦱ꧀‌ꦮꦂꦠꦤꦺꦫꦩꦏꦁꦗꦸꦫꦶꦠ꧀‌ꦱꦁꦥꦸ [ f.183v ]ꦠꦿꦶꦮꦤ꧀ꦝꦤ꧀‌ꦔꦤ꧀ꦢꦶꦏ꧈ꦮꦸꦮꦸꦱꦺꦲꦮꦺꦴꦂꦭꦤ꧀ꦠꦁꦔꦶꦱ꧀꧃ꦫꦏꦩꦱ꧀ꦱꦩ꧀ꦥꦸꦤ꧀ꦮꦶꦤꦸꦮꦸ ꦱ꧀ꦩꦁꦱꦧꦺꦴꦝꦺꦴꦢꦺꦮꦭꦸꦮꦶꦃ꧈ꦏꦁꦏꦫꦶꦭꦮꦤ꧀ꦏꦁꦭꦸꦔ꧈ꦲꦶꦁꦒꦶꦃꦢꦺꦮꦏꦁꦲꦩꦱ꧀ꦛꦶ ꦤꦢꦾꦤ꧀ꦤꦤꦺꦁꦒꦼꦝꦺꦴꦁꦮꦗ꧈ꦪꦺꦤ꧀ꦥꦶꦤꦸꦁꦒꦺꦏ꧀ꦭꦶꦁꦢꦺꦮꦢꦶ꧃ꦭꦤ꧀ꦤꦸꦠꦩꦤꦶꦁꦮꦺꦴꦁ ꦏꦏꦸꦁꦥꦼꦗꦃꦩꦂꦒꦤꦶꦁꦔꦗꦸꦫꦶꦠ꧀‌ꦏꦶꦤꦱꦶꦪꦤ꧀ꦤꦶꦁꦗꦮꦠ꧈ꦏꦁꦭꦸꦔꦭꦮꦤ꧀ꦏꦁꦏꦫꦶ꧈ꦱꦩꦶ ꦲꦩꦁꦒꦶꦃꦏꦩꦸꦭꦾꦤ꧀‌ꦥꦿꦥ꧀ꦠꦤꦺꦱꦁꦝꦁꦝꦁꦥꦸꦠꦶꦃ꧃ ꧃ ꧄

ꦔꦭꦮꦤ꧀ꦝꦤ꧀ꦠꦼꦁꦭꦸꦠ꧀

꧃

꧃

꧄

꧄

ꦏꦮꦂꦤꦲꦱꦁꦏꦸꦢꦫꦫꦁꦔꦶꦤ꧀‌ꦭꦤ꧀ꦏꦁꦫꦪꦶꦢꦺꦤ꧀ꦏꦸꦢꦠꦶꦭꦂꦱ꧈ꦮꦸꦱ꧀ꦩꦤ꧀ꦗꦶꦁꦥꦱꦁꦒꦿꦲ ꦤꦺ꧈ꦢꦁꦔꦸꦢꦺꦤ꧀ꦚꦕꦶꦤꦠꦸꦂ꧈ꦮꦲꦸꦱꦶꦫꦫꦲꦢꦺꦤ꧀ꦏꦭꦶꦃ꧈ꦮꦂꦤꦤꦼꦤ꧀ꦥꦱꦁꦒꦿꦲ ꦤ꧀‌ꦲꦶꦏꦸꦠꦱꦁꦧꦒꦸꦱ꧀‌ꦏꦂꦱꦲꦪꦸꦤ꧀ꦧꦶꦤꦺꦴꦪꦺꦴꦁꦔꦤ꧀‌ꦱꦮꦂꦤꦤꦺ꧈ꦢꦸꦤ꧀ꦚ [ f.184r ]ꦧꦿꦲꦭꦤꦶꦁꦲꦁꦒꦿꦶꦱ꧀‌ꦩꦸꦮꦃꦧꦫꦤꦮꦤ꧀ꦝꦤ꧀꧃ꦲꦶꦁꦏꦁꦲꦂꦱꦧꦺꦭꦢꦺꦤ꧀ꦥꦠꦺ ꦤꦶ꧈ꦲꦶꦏꦁꦤꦺꦴꦫꦏꦂꦱꦧꦶꦤꦺꦴꦪꦺꦴꦁꦔꦤ꧀‌ꦗꦊꦂꦲꦶꦱ꧀ꦠꦿꦶꦱꦢꦪꦤꦺ꧈ꦠꦤ꧀ꦝꦸꦮ ꦲꦤꦤꦶꦥꦸꦤ꧀꧈ꦤꦸꦭꦾꦧꦸꦝꦭ꧀ꦱꦧꦭꦤꦺꦏꦶ꧈ꦠꦤ꧀ꦏꦮꦂꦤꦲꦶꦁꦩꦂꦒ꧈ꦭꦩ꧀ꦥꦃꦲꦺ ꦭꦸꦩꦶꦤ꧀ꦠꦸ꧈ꦫꦲꦢꦺꦤ꧀ꦏꦸꦢꦠꦶꦭꦂꦱ꧈ꦭꦤ꧀ꦏꦁꦫꦏ꧈ꦫꦲꦢꦺꦤ꧀ꦏꦸꦢꦫꦫꦁꦔꦶꦤ꧀‌ꦥꦿꦥ꧀ꦠꦲꦶꦁ ꦥꦱꦁꦒꦿꦲꦤ꧀꧃ꦭꦒꦶꦥꦿꦥ꧀ꦠꦱꦗꦮꦶꦤꦶꦁꦏꦺꦴꦫꦶ꧈ꦥꦱꦁꦒꦿꦲꦤ꧀‌ꦩꦮꦥꦼꦥꦁꦒꦸꦁꦔꦤ꧀ ꦫꦲꦢꦾꦤ꧀ꦥꦿꦥ꧀ꦠꦏꦭꦶꦲꦺ꧈ꦏꦮꦂꦤꦲꦱꦁꦥꦿꦧꦸ꧈ꦭꦒꦾꦱꦶꦫꦩꦶꦪꦶꦱ꧀ꦠꦸꦤꦁꦏꦶꦭ꧀ ꦥꦼꦥꦼꦏ꧀ꦥꦫꦢꦶꦥꦠꦾ꧈ꦲꦠꦫꦥ꧀ꦥꦭꦸꦁꦒꦸꦃ꧈ꦥꦿꦧꦸꦲꦤꦺꦴꦩ꧀ꦩꦗꦊꦁꦏ꧈ꦏꦪꦸꦁꦪꦸ ꦤꦼꦤ꧀‌ꦲꦶꦁꦭꦩꦥꦃꦲꦶꦫꦏꦁꦫꦪꦶ꧈ꦲꦺꦱ꧀ꦩꦸꦫꦢꦏꦱ꧀ꦩꦫꦤ꧀꧃ꦠꦤ꧀ꦤꦢꦔꦸ ꦥꦿꦥ꧀ꦠꦤꦺꦏꦁꦫꦪꦶ꧈ꦫꦢꦺꦤ꧀ꦏꦸꦢ꧈ꦫꦫꦁꦔꦶꦤ꧀ꦥꦸꦤꦶꦏ꧈ꦏꦸꦢꦠꦶꦭꦂꦱꦏꦤ꧀ꦛꦶꦤꦺ ꦒꦸꦥꦸꦃꦢꦺꦤ꧀ꦚꦫꦶꦤꦁꦏꦸꦭ꧀‌ꦲꦝꦸꦃꦪꦪꦶꦪꦱꦤꦏ꧀ꦩꦩꦶ꧈ꦒꦸꦥꦸꦃꦏꦸꦢꦠꦶꦭꦂ ꦱꦤꦸꦭꦾꦔꦫꦱ꧀ꦱꦸꦏꦸ꧈ꦏꦸꦢꦫꦠꦁꦔꦶꦤ꧀ꦤꦤꦼꦩ꧀ꦧꦃꦱꦩ꧀ꦥꦸꦤ꧀ꦏꦠꦸꦂꦱꦮꦂꦤꦶꦤꦺ ꦥꦫꦥꦸꦠꦿꦶ꧈ꦢꦸꦤ꧀ꦚꦲꦁꦒꦿꦶꦱ꧀ꦭꦤ꧀ꦮꦤ꧀ꦝꦤ꧀꧃ꦏꦠꦸꦂꦏꦧꦺꦃꦝꦠꦼꦁꦱꦁꦤꦂꦥꦠꦶ꧈ ꦱꦫꦸꦥꦤꦺ꧈ꦠꦶꦪꦁꦲꦁꦒꦿꦶꦱ꧀ꦮꦤ꧀ꦝꦤ꧀‌ꦏꦁꦲꦢꦶꦫꦗꦧꦿꦤꦤ꧀ꦤꦺ꧈ꦱꦩ꧀ꦥꦸꦤ꧀ꦱꦶꦫꦩꦊ

ꦧꦸ꧈ꦥꦸꦠꦿꦶꦮꦤ꧀ꦝꦤ꧀ꦭꦤ꧀ꦥꦸꦠꦿꦶꦲꦁꦒꦿꦶꦱ꧀‌ꦲꦮꦱ꧀ꦠꦢꦺꦮꦶꦫꦠ꧀ꦤꦏꦶꦩꦭꦤꦶꦁꦔ [ f.184v ]

ꦩꦭꦤꦶꦁꦲꦪꦸ꧈ꦮꦂꦤꦤꦺꦭꦶꦂꦥꦺꦤ꧀ꦢꦃꦒꦩ꧀ꦧꦂꦱꦩꦾꦊꦔ꧀ꦭꦼꦁ꧈ꦱꦏꦧꦺꦃꦲꦺꦏꦁꦤꦶ ꦔꦭ꧀ꦭꦶ꧈ꦧꦸꦧꦂꦱꦶꦁꦥꦼꦥꦁꦒꦸꦁꦔꦤ꧀꧃ꦱꦶꦒꦿꦏꦺꦴꦤ꧀ꦢꦸꦂꦥꦿꦧꦸꦲꦤꦺꦴꦩ꧀ꦩꦢꦶ꧈ꦱꦶꦁꦥ ꦪꦸꦢꦤ꧀‌ꦥꦝꦱꦸꦏꦤ꧀ꦱꦸꦏꦤ꧀‌ꦮꦺꦴꦁꦩꦼꦤ꧀ꦠꦱ꧀ꦩꦤꦁꦪꦸꦢꦤ꧀ꦤꦺ꧈ꦒꦼꦒꦩꦤ꧀ꦭꦩ꧀ꦥꦃ ꦢꦸꦏꦸꦂ꧈ꦠꦼꦠꦧꦸꦮꦤ꧀ꦱꦲꦸꦫꦸꦠ꧀ꦩꦂꦒꦶ꧈ꦠꦤ꧀ꦝꦸꦗꦺꦴꦭꦁꦤꦺꦁꦔꦂꦱ꧈ꦭꦩ꧀ꦥꦲꦺꦭꦱ꧀ꦠꦁ ꦠꦸꦤ꧀꧈ꦮꦸꦱ꧀ꦥꦿꦥ꧀ꦠꦲꦶꦁꦩꦗꦊꦁꦏ꧈ꦮꦸꦱ꧀ꦩꦊꦧꦼꦠ꧀‌ꦝꦸꦩꦠꦼꦁꦲꦶꦁꦢꦊꦩ꧀ꦥꦸꦫꦶ꧈ꦱꦶꦫꦱꦁ ꦥꦿꦧꦸꦏꦼꦤ꧀ꦚ꧃ꦥꦿꦧꦸꦏꦼꦤ꧀ꦚꦩꦊꦧꦸꦲꦶꦁꦥꦸꦫꦶꦲꦏꦼꦏꦤ꧀ꦛꦺꦤ꧀ꦭꦮꦤ꧀ꦤꦤ꧀ꦗꦼꦱ꧀ꦩꦫ꧈ ꦥꦸꦠꦿꦶꦢꦸꦭꦸꦂꦩꦤ꧀ꦗꦶꦁꦏꦧꦺꦃ꧈ꦥꦿꦧꦸꦲꦤꦺꦴꦩ꧀ꦮꦸꦱꦿꦮꦸꦃꦮꦸꦱ꧀ꦧꦶꦤꦠꦏꦁꦥꦫꦥꦸꦠꦿꦶ

ꦮꦲꦶꦠꦭꦤ꧀ꦥꦸꦪꦼꦁꦔꦤ꧀ꦭꦁꦏꦸꦁꦫꦼꦩ꧀ꦥꦸꦒ꧀ꦒꦶꦥꦸꦤ꧀‌ꦮꦸꦱ꧀ꦥꦿꦥ꧀ꦠꦲꦶꦁꦏꦼꦤ꧀ꦚꦥꦸꦫꦲꦤ꧀ꦗꦼꦱ꧀ꦩ [ f.185r ]

ꦫꦱꦁꦥꦸꦠꦿꦶꦲꦁꦒꦿꦶꦱ꧀ꦏꦶꦤꦤ꧀ꦛꦶ꧈ꦭꦮꦤ꧀ꦱꦁꦥꦸꦠꦿꦶꦮꦤ꧀ꦝꦤ꧀‌ꦲꦺꦤ꧀ꦗꦁꦱꦁꦤꦠꦩꦶꦪꦺꦴꦱ꧀ꦠꦶꦤꦁ ꦏꦶꦭ꧀‌ꦥꦼꦥꦼꦏ꧀ꦏꦧꦺꦃ꧈ꦧꦺꦴꦥꦠꦶꦲꦱꦺꦧ꧈ꦱꦸꦥꦼꦤꦸꦠꦤ꧀ꦝꦩꦤ꧀ꦠꦿꦶꦤꦺ꧈ꦩꦸꦮꦃꦏꦁ ꦥꦫꦲꦫꦸꦩ꧀‌ꦏꦤꦤ꧀ꦏꦺꦫꦶꦏꦥꦶꦠ꧀ꦠꦶꦁꦱꦼꦭꦶꦂ꧈ꦲꦒ꧀ꦭꦂꦲꦶꦁꦥꦒꦼꦭꦂꦫꦤ꧀ꦤꦠꦫꦥ꧀ꦥꦭꦸꦁ ꦒꦸꦃꦥꦿꦧꦸꦲꦤꦺꦴꦩ꧀ꦩꦁꦔꦤ꧀ꦢꦶꦏ꧈ꦝꦠꦼꦁꦱꦶꦫꦏꦁꦫꦪꦶꦏꦸꦢꦫꦫꦁꦔꦶꦤ꧀‌ꦭꦮꦤ꧀ꦏꦸ ꦱꦠꦶꦭꦂꦱ꧃ꦧꦿꦮꦶꦗꦪꦲꦢꦶꦩꦗꦥꦲꦶꦠ꧀‌ꦱꦏꦭꦁꦏꦸꦁꦩꦂꦩꦤꦺꦥꦸꦤꦶꦏ ꦝꦠꦼꦁꦏꦁꦫꦪꦶꦏꦭꦶꦪꦺ꧈ꦝꦸꦃꦪꦪꦶꦱꦤꦏ꧀ꦏꦶꦁꦱꦸꦤ꧀‌ꦏꦪꦔꦶꦩ꧀ꦥꦶ꧈ꦩꦤꦶꦫ ꦥꦁꦒꦶꦃ꧈ꦏꦸꦢꦠꦶꦭꦂꦱꦤꦼꦩ꧀ꦧꦃꦲꦠꦸꦫꦺꦲꦤꦸꦲꦸꦤ꧀‌ꦏꦛꦲꦶꦏꦁꦕꦶꦤꦫꦶ ꦠꦧꦿꦮꦶꦗꦪꦲꦭꦺꦴꦤ꧀ꦢꦺꦤꦶꦫꦤꦲꦸꦫꦶ꧈ꦪꦪꦶꦱꦩ꧀ꦥꦸꦤ꧀ꦢꦶꦤꦮ꧃ꦲꦗ [ f.185v ]ꦗꦱꦶꦫꦲꦠꦸꦠꦸꦂꦏꦫꦶꦲꦶꦤ꧀‌ꦱꦩ꧀ꦥꦸꦤ꧀ꦏꦂꦱꦤꦺꦢꦺꦮꦧꦛꦫ꧈ꦮꦸꦔꦽꦏꦲꦶꦁꦒꦤ꧀ꦗꦂ ꦫꦤ꧀ꦤꦺ꧈ꦲꦔꦸꦪꦸꦤ꧀ꦤꦤꦲꦶꦏꦸ꧈ꦱꦫꦸꦥꦤꦺꦫꦠꦸꦧꦺꦴꦥꦠꦶ꧈ꦗꦼꦤꦼꦁꦔꦏꦥꦠꦶ ꦲꦤ꧀ꦥꦸꦠꦿꦶꦲꦁꦒꦿꦶꦱ꧀ꦱꦶꦏꦸ꧈ꦮꦸꦱ꧀ꦱꦶꦫꦪꦪꦻꦥꦁꦒꦶꦃꦪ꧈ꦲꦶꦁꦏꦁꦤꦩ꧈ꦏꦸꦱꦸꦩꦏꦤ꧀ꦕ ꦤꦮꦠꦶ꧈ꦭꦶꦒꦶꦪꦏꦥꦠꦶꦪꦤ꧀꧃ꦏꦸꦢꦠꦶꦭꦂꦱ꧀‌ꦮ꧀ꦥꦁꦒꦶꦪꦪꦸꦤꦶ꧈ꦥꦸꦠꦿꦶꦮꦤ꧀ꦝꦤ꧀ ꦪꦭꦸꦮꦶꦃꦥꦿꦪꦺꦴꦒ꧈ꦉꦠ꧀ꦤꦏꦺꦴꦩꦭꦮꦱ꧀ꦠꦤꦺ꧈ꦭꦶꦁꦒꦶꦃꦲꦤꦥꦸꦤꦶꦏꦸ꧈ꦏꦢꦶ ꦥꦠꦺꦤ꧀ꦢꦊꦩꦶꦫꦺꦏꦶ꧈ꦱꦫꦸꦥꦤꦺꦮꦺꦴꦁꦮꦤ꧀ꦝꦤ꧀ꦏꦫꦺꦪꦥꦸꦤꦶꦏꦸ꧈ꦱꦏꦺꦃ ꦲꦺꦏꦁꦔꦩꦶꦪꦂꦱ꧈ꦱꦸꦏꦧꦸꦁ‌ꦃ꧈ꦱꦢꦪꦏꦁꦥꦫꦩꦤ꧀ꦠꦿꦶ꧈ꦩꦶꦮꦃꦥꦫꦢꦶꦥꦠꦾ꧃ ꦲꦠꦸꦂꦱꦼꦩ꧀ꦧꦃꦥꦸꦤ꧀ꦏꦸꦢꦫꦫꦁꦔꦶꦤ꧀‌ꦲꦏꦭ꧀ꦭꦶꦪꦤ꧀ꦥꦸꦤ꧀ꦏꦸꦢꦠꦶꦭꦂꦱ꧈ꦝꦠꦼꦁꦲꦤꦸ ꦲꦸꦤ꧀ꦤꦠꦸꦫꦺ꧈ꦭꦁꦏꦸꦁꦢꦺꦤ꧀ꦚꦏꦱꦸꦲꦸꦤ꧀‌ꦱꦶꦃꦤꦭꦺꦤ꧀ꦢꦿ꧈ꦲꦶꦁꦧꦢꦤ꧀ꦩꦩꦶ꧈ꦠ ꦤ꧀ꦱꦒꦺꦢ꧀ꦭꦩ꧀ꦥꦃꦲꦤ꧀ꦤꦝꦢꦺꦴꦱ꧀ꦤꦭꦺꦤ꧀ꦢꦿꦏꦸ꧈ꦥꦿꦧꦸꦲꦤꦺꦴꦩ꧀ꦩꦁꦔꦤ꧀ꦢꦶꦏꦮꦸ ꦱ꧀ꦱꦸꦤꦶꦁꦔꦫ‌ꦃ‌ꦲꦢꦾꦥꦶꦤꦏ꧀ꦱꦏꦭꦶꦃ꧈ꦗꦸꦩꦼꦤꦼꦁꦏꦥꦠꦶꦪꦤ꧀꧈ ꧃ꦲꦥꦤ꧀ꦱꦩ꧀ꦥꦸꦤ꧀ꦤꦶꦁꦔꦸꦤ꧀ꦝꦁꦔꦤ꧀ꦱꦩꦶ꧈ꦮꦸꦱ꧀ꦗꦸꦩꦼꦤꦼꦁ꧈ꦲꦤꦺꦁꦏꦥꦠꦶ ꦪꦤ꧀‌ꦧꦸꦁꦔ‌ ꦃ‌ꦮꦺꦴꦁꦩꦗꦥꦲꦶꦠ꧀ꦠꦺ꧈ꦱꦢꦪꦱꦩꦶꦩꦸꦤ꧀ꦢꦸꦂ꧈ꦱꦶꦫꦢꦺ ꦤ꧀‌ꦏꦸꦢꦫꦫꦁꦔꦶꦤ꧀‌ꦭꦮꦤ꧀ꦏꦸꦢꦠꦶꦭꦂꦱ꧈ꦩꦤ꧀ꦠꦸꦏ꧀ꦮꦶꦱ꧀ꦩꦤꦶꦥꦸꦤ꧀‌ꦥꦸꦤꦶ [ f.186r ]ꦏꦩꦭꦶꦃꦏꦁꦥꦿꦥ꧀ꦠꦲꦠꦸꦂꦱꦼꦩ꧀ꦧꦃ꧈ꦢꦶꦥꦠꦶꦢꦲꦠꦸꦂꦧꦏ꧀ꦠꦶ꧈ꦢꦶꦥꦠꦶꦠꦸꦧꦤ꧀ꦤꦼꦩ꧀ꦧꦃ ꧃ꦲꦁꦔꦤ꧀ꦢꦶꦏꦥꦿꦧꦸꦩꦗꦥꦲꦶꦠ꧀‌ꦪꦪꦶꦲꦺꦩꦱ꧀ꦥꦫꦤ꧀ꦏꦂꦱꦤꦶꦫ꧈ꦢꦶꦥꦠꦶ ꦏꦭꦶꦃꦲꦠꦸꦫꦺ꧈ꦩꦶꦭꦩꦉꦏ꧀ꦥꦸꦏꦸꦭꦸꦤ꧀ꦤꦶꦁꦒꦶꦃꦒꦸꦱ꧀ꦠꦶ꧈ꦲꦠꦸꦂꦲꦸꦢꦤ꧀ꦤꦶ꧈ꦝꦠꦼꦁ ꦥꦤ꧀ꦢꦸꦏꦤꦠꦫꦩꦱꦁꦔꦲꦸꦭꦸꦤ꧀‌ꦏꦭꦶꦪꦺꦲꦶꦥꦺꦥꦤ꧀ꦢꦸꦏꦫꦩ꧀ꦩꦥꦠꦶꦃ꧈ꦱ ꦥꦤ꧀ꦛꦒꦂꦮꦤꦺꦥꦿꦥ꧀ꦠꦶ꧈ꦠꦸꦤ꧀ꦝꦸꦏ꧀ꦝꦠꦼꦁꦥꦤ꧀ꦢꦸꦏ꧃ꦲꦥꦢꦺꦤꦺꦥꦸꦤ꧀ꦭꦪꦁꦏꦸꦩꦶ ꦠꦶꦂ꧈ꦱꦼꦗꦤꦶꦥꦸꦤ꧀ꦤꦂꦱꦲꦁꦔꦮꦸꦭ꧈ꦧꦏ꧀ꦠꦲꦺꦥꦺꦴꦏ꧀ꦥꦕꦫꦤ꧀ꦤꦺ꧈ꦫꦩꦥꦤ꧀ꦢꦸ ꦏꦲꦶꦏꦸ꧈ꦏꦭꦶꦃꦲꦶꦏꦁꦱꦲꦤꦏ꧀ꦏꦿꦧꦶ꧈ꦱꦼꦗꦤꦶꦥꦸꦤ꧀ꦩꦮꦺꦴꦔꦤ꧀ꦝꦠꦼꦁꦱꦔꦥꦿ ꦧꦸ꧈ꦥꦸꦤꦥꦏꦂꦱꦱꦁꦤꦠꦥꦿꦧꦸꦲꦤꦺꦴꦩ꧀‌ꦲꦺꦱ꧀ꦩꦸꦒꦼꦒꦼꦠꦸꦤ꧀ꦤꦶꦁꦒꦭꦶꦃ꧈ꦤꦺꦴ ꦫꦢꦸꦮꦺꦮꦶꦱꦺꦱ꧃ꦥꦿꦧꦸꦲꦤꦺꦴꦩ꧀ꦩꦁꦔꦤ꧀ꦢꦶꦏꦲꦫꦶꦱ꧀‌ꦲꦶꦁꦱꦸꦤ꧀ꦮꦶꦏ ꦤ꧀‌ꦪꦺꦤ꧀ꦏꦶꦪꦲꦶꦥꦠꦾꦃꦲꦏꦂꦱꦲꦤꦸꦁꦏꦸꦭ꧀ꦏꦧꦺꦃ꧈ꦭꦒꦷꦁꦱꦸꦤ꧀ꦏꦫꦸꦲꦸ ꦤ꧀‌ꦲꦶꦪꦪꦪꦶꦮꦶꦱꦺꦱꦩꦩꦶ꧈ꦪꦺꦤ꧀ꦠꦩꦁꦏꦺꦩꦤꦶꦫꦠꦤ꧀ꦮꦶꦱꦺꦱ ꦲꦶꦏꦸ꧈ꦤꦒꦫꦲꦶꦁꦩꦗꦊꦁꦏꦏꦱꦿꦃꦏꦧꦺꦃ꧈ꦩꦿꦶꦁꦪꦪꦶꦏꦸꦢꦫꦫꦁ ꦔꦶꦤ꧀‌ꦱꦭꦸꦩꦃꦱꦏꦸꦉꦧ꧀ꦚ꧃ꦲꦤ꧀ꦗꦼꦱ꧀ꦩꦫꦲꦸꦩꦠꦸꦂꦔꦧꦏ꧀ꦠꦶꦲꦶꦁ

ꦒꦶꦃꦏꦏꦁ꧈ꦮꦁꦔꦠꦸꦮꦤꦶꦁꦮꦁꦩꦭꦫꦠ꧀ꦒꦶꦤꦮꦺꦝꦺꦮꦺꦏ꧀‌ꦱꦶꦤ꧀ꦠꦼꦤ꧀ꦏꦁꦤꦺꦴꦫ [ f.186v ]

ꦏꦸꦩꦶꦠꦶꦂ ꦱꦺꦠꦿ

ꦥꦠꦶꦃ

ꦮꦼꦫꦸꦃ꧈ꦭꦩꦺꦴꦤ꧀ꦤꦒꦿꦶ꧈ꦲꦶꦁꦩꦗꦥꦲꦶꦠ꧀‌ꦲꦱꦿꦃꦲꦶꦁꦪꦪꦶꦲꦼꦩꦱ꧀ꦱꦶꦁꦱꦢꦪ ꦤꦶꦥꦸꦤ꧀꧈ꦱꦤꦢꦾꦤ꧀ꦤꦶꦏꦸꦱꦶꦧꦥ꧈ꦲꦸꦗꦂꦲꦭ꧈ꦲꦺꦴꦫꦔꦁꦒꦺꦴꦱꦮꦼ ꦠꦮꦶꦱ꧀‌ꦢꦺꦮꦩꦁꦱꦧꦺꦴꦝꦺꦴꦮ꧃ꦲꦭꦺꦴꦤ꧀‌ꦫꦶꦤꦁꦏꦸꦭ꧀ꦮꦲꦸ ꦏꦁꦫꦪꦶ꧈ꦲꦫꦶꦤꦶꦱꦸꦤ꧀‌ꦥꦶꦤ꧀ꦠꦼꦂꦲꦩꦶꦕꦫ꧈ꦢꦺꦤꦶꦁꦕꦶꦭꦏꦥꦿꦥ꧀ꦠꦤ꧀ꦤꦺ꧈ꦮꦸꦱ꧀ꦏꦂ ꦱꦤꦶꦁꦢꦺꦮꦒꦸꦁ꧈ꦭꦪꦁꦱꦺꦠꦿ꧈ꦭꦪꦁꦏꦸꦩꦶꦠꦶꦂ꧈ꦠꦸꦁꦒꦸꦮꦲꦶꦁꦠꦩ꧀ꦧꦁꦔꦤꦲꦤꦁ ꦕꦼꦁꦏꦭ꧀ꦱꦠꦸꦱ꧀‌ꦱꦫꦸꦥꦤꦺꦮꦺꦴꦁꦏꦁꦢꦒꦁ꧈ꦧꦥꦥꦠꦶꦃꦒꦼꦫꦶꦪꦲꦶꦁ ꦠꦮꦁꦩꦁꦏꦶꦤ꧀‌ꦱꦫꦸꦥꦤꦺꦲꦶꦁꦫꦮ꧃ꦱꦫꦸꦥꦤꦺꦲꦶꦁꦠꦼꦭꦂꦥꦸꦤꦶ

ꦏꦶ꧈ꦭꦏꦺꦴꦤ꧀ꦤꦤ꧀ꦤꦢꦺꦤꦶꦁꦧꦥꦥꦠꦾꦃꦢꦢꦶꦪꦱꦤ꧀ꦝꦁꦥꦁꦔꦤ꧀ꦤꦺ꧈ꦢꦶꦥ [ f.187r ]

ꦱꦪꦸꦢ ꦱꦼꦕ

ꦢꦶꦠꦸꦧꦤ꧀ꦤꦸꦲꦸꦤ꧀꧈ꦭꦪꦁꦱꦺꦠꦿ꧈ꦭꦪꦁꦏꦸꦩꦶꦠꦶꦂ꧈ꦲꦭꦸꦁꦒꦶꦃꦲꦤꦺꦁꦮꦸꦤ꧀ꦠꦠ꧀꧈ꦲꦤ꧀ꦗꦼ ꦤ꧀ꦠꦸꦭ꧀‌ꦠꦸꦩꦸꦁꦏꦸꦭ꧀꧈ꦭꦁꦏꦸꦁꦲꦗꦿꦶꦪꦺꦏꦭꦶꦤ꧀ꦠꦁꦩꦿꦶꦁꦱꦁꦤꦠ꧈ꦏꦭꦶꦲꦺ꧈ꦠꦤ꧀ꦏꦼꦤ꧀ꦤ ꦲꦁꦭꦶꦁ꧈ꦗꦁꦗꦁꦒꦸꦠ꧀ꦠꦺꦏꦁꦱꦂꦊꦩꦃ꧃ꦱꦶꦒꦿꦏꦺꦴꦤ꧀ꦢꦸꦂꦱꦁꦤꦠꦠꦶꦤꦁꦏꦸꦭ꧀‌ꦮꦸꦱ꧀ꦩꦊꦧꦼ ꦠ꧀ꦝꦠꦼꦁꦝꦠꦸꦭꦪ꧈ꦲꦶꦁꦔꦶꦫꦶꦁꦝꦠꦼꦁꦒꦂꦮꦤꦺ꧈ꦢꦶꦥꦠꦶꦠꦸꦧꦤ꧀ꦏꦺꦴꦤ꧀ꦢꦸꦂ꧈ꦭꦪꦁ ꦱꦺꦠꦿꦔꦶꦤ꧀ꦛꦶꦭ꧀ꦭꦶꦁꦮꦸꦫꦶ꧈ꦮꦸꦱ꧀ꦩꦤ꧀ꦠꦸꦏ꧀꧈ꦩꦿꦶꦁꦥꦶꦁꦒꦶꦫꦤ꧀ꦭꦮꦤ꧀ꦤꦿꦩꦤꦶꦥꦸꦤ꧀꧈ꦭ ꦪꦁꦏꦸꦩꦶꦠꦶꦂꦥꦸꦤꦶꦏ꧈ꦭꦪꦁꦱꦺꦠꦿꦒꦮꦺꦤꦺꦏꦺꦴꦏ꧀ꦏꦤꦩ꧀ꦧꦁꦔꦶ꧈ ꦏꦫꦩꦢꦢꦶꦧꦤ꧀ꦢꦂ꧃ꦲꦼꦤꦼꦁꦔꦼꦤ꧀ꦤꦲꦶꦁꦏꦁꦲꦤꦩ꧀ꦧꦁꦔꦶ꧈ꦭꦪꦁꦱꦺ ꦠꦿ꧈ꦏꦺꦴꦕꦥ꧀ꦥꦱꦁꦤꦠ꧈ꦏꦁꦭꦒꦾꦲꦤ꧀ꦢꦺꦴꦤ꧀ꦏꦫꦱ꧀ꦩꦺꦤ꧀‌ꦭꦁꦏꦸꦁ [ f.187v ]ꦤꦸꦠꦸꦒ꧀ꦒꦶꦏꦪꦸꦤ꧀‌ꦥꦿꦧꦸꦲꦤꦺꦴꦩ꧀ꦩꦶꦁꦩꦗꦥꦲꦶꦠ꧀꧈ꦭꦁꦏꦸꦁꦧꦸꦁꦔ‌ꦃ‌ꦱꦁꦤꦠꦢꦺꦤ꧀ꦤꦶꦫꦱꦁꦥꦿ ꦧꦸ꧈ꦏꦸꦢꦫꦫꦔꦶꦤ꧀ꦠꦶꦭꦂꦱ꧈ꦮꦸꦮꦸꦃꦱꦸꦏꦮꦸꦮꦸꦃꦒꦼꦩꦃꦩꦗꦥꦲꦶꦠ꧀‌ꦮꦸꦮꦸꦃꦏꦸ ꦏꦸꦃꦲꦶꦁꦏꦸꦛ꧃ꦱꦏꦛꦃꦲꦺꦏꦁꦥꦫꦢꦶꦥꦠꦶ꧈ꦲꦠꦤ꧀ꦤꦥꦶ꧈ꦏꦁꦥꦫ ꦥꦸꦁꦒꦮ꧈ꦥꦤ꧀ꦱꦩꦾꦮꦼꦢꦶꦱꦏꦧꦺꦃ꧈ꦏꦶꦲꦂꦪꦥꦠꦶꦃꦲꦶꦏꦸ꧈ꦲꦶꦪꦲꦶꦁ ꦏꦁꦢꦶꦥꦸꦤ꧀ꦭꦗꦿꦶꦲꦶ꧈ꦩꦶꦭꦤꦺꦮꦸꦮꦸꦃꦒꦼꦩꦃꦤꦒꦿꦶꦩꦗꦭꦁꦔꦸ꧈ꦮꦼꦢꦶꦲꦱꦶꦃꦮꦸꦮꦸꦃ ꦱꦸꦏ꧈ꦏꦼꦧꦺꦴꦱꦥꦶ꧈ꦤꦺꦴꦫꦢꦶꦥꦸꦤ꧀ꦤꦼꦁꦒꦺꦴꦤ꧀ꦩꦭꦶꦃꦏꦧꦺꦃꦱꦩꦶꦲꦶꦁꦔꦸꦩ꧀ꦧꦂ ꧃ꦠꦶꦪꦁꦢꦺꦱꦢꦭꦃꦲꦶꦁꦥꦩꦶꦒꦶꦂ꧈ꦥꦮꦸꦏꦶꦂꦫꦤ꧀‌ꦏꦭꦁꦏꦸꦁꦲꦒꦼꦩꦃ꧈ꦲꦺꦴ ꦫꦤꦕꦺꦴꦭꦺꦴꦁꦕꦶꦤꦺꦴꦭꦺꦴꦁ꧈ꦱꦏꦺꦲꦺꦒꦿꦶꦪꦝꦸꦱꦸꦤ꧀‌ꦲꦥꦤ꧀ꦤꦺꦴꦫ ꦥꦼꦥꦒꦼꦂꦱꦩꦶ꧈ꦱꦸꦏ꧀ꦱꦸꦒꦶꦃꦮꦺꦴꦁꦢꦺꦱ꧈ꦠꦸꦭꦸꦱ꧀ꦏꦁꦠꦶꦤꦤ꧀ꦢꦸꦂ꧈ꦱꦔꦺꦲꦼꦠꦲꦢꦶꦭ꧀ꦭꦺ ꦏꦶꦥꦠꦾꦃꦲꦁꦔꦸꦪꦸꦤ꧀ꦤꦶꦩꦿꦶꦁꦤꦒꦫꦩꦗꦥꦲꦶꦠ꧀‌ꦩꦶꦮꦃꦩꦤ꧀ꦕꦤꦒꦫ꧃ ꦫꦠꦸꦲꦪꦸꦏꦸꦱꦸꦩꦤꦶꦁꦥꦸꦫꦶ꧈ꦫꦠꦸꦲꦁꦒꦿꦶꦱ꧀ꦱꦁꦫꦼꦠ꧀ꦤꦏꦸꦱꦸꦩ꧀ꦩ꧈ꦏꦤ꧀ꦕꦤ ꦮꦠꦶꦤꦩꦤ꧀ꦤꦺ꧈ꦤ꧀ꦚꦠꦮꦺꦴꦁꦔꦪꦸꦠꦸꦭꦸꦱ꧀‌ꦭꦺꦭꦺꦮꦤꦺ꧈ꦲꦤ꧀ꦗꦸꦏꦫꦁ ꦔꦶ꧈ꦩꦁꦭꦺꦴꦁꦩꦁꦭꦺꦴꦁꦲꦶꦁꦭꦮꦁ꧈ꦱꦁꦢꦾꦤꦺꦫꦫꦔꦸꦏꦸꦱꦸꦩꦲꦢꦶꦏꦤ꧀ꦕ [ f.188r ]ꦤ꧀ꦤꦱꦥꦺꦴꦭꦲꦺ꧈ꦧꦼꦱꦗꦠꦼꦏꦩꦤ꧀ꦠꦼꦱ꧀ꦱꦶ꧈ꦮꦤ꧀ꦠꦸꦱꦼꦝꦼꦁꦔꦺꦧꦺꦤ꧀ꦢꦿ꧃ ꦭꦒꦶꦥꦿꦥ꧀ꦠꦲꦼꦩꦱ꧀ꦱꦿꦢꦺꦤ꧀ꦥꦠꦸꦃꦏꦸꦢꦫꦁꦔꦶꦤ꧀ꦤꦺꦁꦗꦮꦶꦤꦶꦁꦭꦮꦁ꧈ꦏꦁꦔꦢ ꦊꦩ꧀ꦏꦢꦶꦥꦠꦺꦤ꧀‌ꦤꦸꦭꦾꦱꦉꦁꦲꦤ꧀ꦢꦸꦭꦸ꧈ꦒꦸꦥꦸꦃꦱꦶꦫꦱꦶꦤꦩ꧀ꦧꦸꦠ꧀ꦠꦒ꧀ꦭꦶꦱ꧀‌ꦢꦺ ꦤꦶꦁꦫꦫꦥꦶꦤꦸꦠꦿꦏꦸꦱꦸꦩꦤꦶꦁꦔꦪꦸ꧈ꦧꦶꦤꦏ꧀ꦠꦲꦶꦁꦥꦒꦸꦭꦶꦁꦔꦤ꧀‌ꦮꦸꦱ꧀ꦏꦥꦺꦴꦁ ꦏꦸꦂ꧈ꦲꦶꦏꦁꦭꦒꦶꦲꦤ꧀ꦢꦺꦤ꧀ꦤꦿꦱ꧀ꦩꦶ꧈ꦲꦗꦂꦥꦩꦼꦁꦒꦼꦂꦏꦺꦴꦕꦥ꧀꧃ꦏꦁꦥ ꦊꦔ꧀ꦒꦃꦧꦭꦁꦧꦁꦔꦤ꧀ꦱꦶꦒꦶꦃꦕꦶꦤꦫꦶꦠꦱꦔꦼꦠ꧀ꦢꦺꦤ꧀ꦚꦉꦱꦏ꧀ꦢꦢꦺꦴꦱ꧀ꦮꦤ ꦤꦒꦫꦶꦤ꧀ꦤꦺ꧈ꦢꦺꦤꦺꦪꦶꦁꦏꦁꦔꦠꦸꦁꦒꦸ꧈ꦥꦤ꧀ꦏꦶꦲꦗꦂꦥꦩꦼꦁꦒꦼꦂꦱꦶꦒꦶꦃ꧈ꦭꦁꦏꦸꦁ ꦲꦒꦼꦁꦱꦺꦴꦁꦏꦮ꧈ꦱꦶꦪꦁꦭꦮꦤ꧀ꦢꦭꦸ꧈ꦱꦥꦺꦗꦃꦲꦺꦲꦶꦏꦁꦥꦸꦠꦿ꧈ꦩꦺꦤꦏ꧀ꦗꦶꦁ ꦒ꧈ꦠꦤ꧀ꦏꦼꦤꦝꦲꦂꦭꦔꦸꦭꦶꦁ꧈ꦲꦂꦱꦩꦊꦱ꧀ꦱꦶꦁꦥꦼꦗꦃ꧃ꦱꦗꦠꦺꦴꦱꦺꦩꦺ ꦤꦏ꧀ꦗꦶꦁꦒꦱꦶꦒꦶꦃ꧈ꦥꦸꦠꦿꦤꦶꦫꦮꦲꦸꦏꦲꦶꦲꦗꦂ꧈ꦱꦏꦶꦁꦧꦸꦁꦧꦸꦁꦧꦶꦪꦁꦔꦤꦺ꧈ꦫ ꦱꦤꦺꦭꦮꦱ꧀ꦏꦸꦩ꧀ꦥꦸꦭ꧀‌ꦢꦶꦥꦸꦤ꧀ꦕꦶꦥ꧀ꦠꦢꦢꦺꦴꦱ꧀ꦧꦼꦧꦪꦶ꧈ꦱꦏꦶꦁꦱꦏ꧀ꦠꦶꦤꦶꦁꦔ ꦗꦂꦥꦤ꧀ꦤꦒꦼꦁꦏꦭꦸꦲꦸꦁ꧈ꦩꦶꦭꦤꦺꦠꦤ꧀ꦩꦮꦶꦧꦶꦪꦁ꧈ꦮꦼꦮꦝꦃꦲꦺ꧈ꦧꦸꦁꦧꦸꦁꦢ ꦢꦺꦴꦱ꧀ꦮꦼꦱꦱꦶꦏꦸꦤ꧀ꦤꦶꦁ꧈ꦏꦶꦥꦩꦼꦁꦒꦼꦂꦏꦁꦤ꧀ꦚꦶꦥ꧀ꦠ꧃ꦥꦮꦂꦠꦤꦺꦥꦥꦏꦼ

ꦩ꧀ꦱꦮꦶꦗꦶꦩꦺꦤꦏ꧀ꦗꦶꦒ꧈ꦲꦁꦱꦭ꧀ꦭꦺꦩꦼꦩꦸꦗ꧈ꦏꦁꦱꦥꦸꦤ꧀ꦝꦃꦲꦏꦺꦴ [ f.188v ]

ꦤ꧀‌ꦲꦏꦺꦴꦤ꧀‌ꦱꦉꦁꦢꦸꦩꦢꦶꦤꦶꦥꦸꦤ꧀‌ꦩꦺꦤꦏ꧀ꦗꦶꦁꦒꦭꦤ꧀ꦮꦼꦱꦶꦏꦸꦤꦶꦁ꧈ꦩꦶꦭꦲꦶꦁꦔꦼ ꦭꦲꦼꦭ꧈ꦮꦻꦴꦩꦺꦤꦏ꧀ꦢꦢꦸ꧈ꦲꦶꦪꦗꦠꦶꦤꦺꦥꦸꦤꦶꦏꦩꦺꦤꦏ꧀ꦗꦶꦁꦒ꧈ꦫꦱ ꦤꦺꦏꦶꦲꦗꦂꦱꦶꦒꦶꦃ꧈ꦥꦶꦤꦸꦗꦢꦢꦺꦴꦱ꧀ꦧꦺꦴꦕꦃ꧃ꦝꦶꦔꦶꦤ꧀ꦩꦸꦭꦲꦶꦁꦱꦸꦤ꧀ꦥꦶ ꦠꦸꦠꦸꦫꦶ꧈ꦩꦺꦤꦏ꧀ꦗꦶꦁꦒ꧈ꦱꦶꦫꦤꦺꦴꦫꦏꦼꦤ꧀ꦤ꧈ꦢꦢꦶꦲꦤꦼꦩꦲꦶꦩꦁꦏꦺꦴ ꦢꦺꦤ꧀ꦏꦥꦏ꧀ꦏꦏꦼꦤ꧀ꦤꦶꦏꦸ꧈ꦲꦭꦧꦼꦕꦶꦏ꧀‌ꦪꦴꦲꦤꦏ꧀ꦩꦩꦶ꧈ꦢꦢꦾꦧꦿꦩꦠꦾ ꦤꦭ꧈ꦏꦶꦲꦗꦂꦏꦭꦁꦏꦸꦁ꧈ꦲꦩꦸꦁꦠꦽꦱ꧀ꦤꦤꦺꦏꦁꦥꦸꦠꦿꦮꦸꦱ꧀ꦱꦿꦶꦤꦸꦥꦼꦏ꧀‌ꦗ ꦒꦠ꧀ꦠꦺꦢꦢꦶꦱꦮꦶꦗꦶ꧈ꦭꦶꦂꦮꦸꦏꦶꦂꦏꦮꦭꦒꦂ꧃ꦲꦁꦒꦉꦒꦸꦠ꧀ꦏꦶꦲꦗꦂꦏꦁ ꦒꦭꦶꦃꦭꦁꦏꦸꦁꦩꦺꦴꦤ꧀ꦕꦺꦂꦱꦗꦿꦺꦴꦤꦶꦁꦮꦂꦢꦪ꧈ꦢꦺꦤ꧀ꦤꦱꦃꦧꦝꦶ

ꦧꦝꦶꦤ꧀ꦤꦺ꧈ꦲꦁꦔꦸꦕꦥ꧀ꦗꦿꦺꦴꦤꦶꦁꦏꦭ꧀ꦧꦸ꧈ꦲꦤꦏ꧀‌ꦲꦶꦔꦺꦴꦁ [ f.189r ]

ꦒꦮꦁꦔꦺꦲꦱꦂꦥꦩꦼꦁꦒꦶꦂ

ꦲꦶꦱꦸꦤ꧀ꦧꦺꦭꦤꦶ꧈ꦲꦤ꧀ꦠꦶꦤꦼꦤ꧀ꦭꦤ꧀ꦥꦸꦤ꧀ꦧꦥ꧈ꦢꦩꦂꦮꦸꦭꦤ꧀ꦤꦱꦸ꧈ꦲꦶꦪꦱꦸꦤ꧀ ꦔꦗꦶꦭꦶꦩꦸꦤꦤ꧀‌ꦩꦁꦱꦮꦿꦸꦮ꧈ꦏꦶꦲꦗꦂꦗꦼꦗꦼꦏ꧀ꦥꦿꦠꦶꦮꦶ꧈ꦩꦊꦱꦠ꧀ ꦲꦶꦁꦒꦒꦤ꧀ꦤ꧃ꦱꦂꦪꦔꦥꦭ꧀ꦭꦏꦼꦤ꧀ꦱꦶꦉꦤ꧀ꦤꦺꦏꦶ꧈ꦮꦶꦤꦱ꧀ꦠꦤ꧀‌ꦱꦶꦫ ꦮꦺꦮꦺꦥꦼꦛꦏ꧀‌ꦏꦢꦶꦠꦏꦶꦭꦠ꧀ꦱꦼꦝꦼꦠ꧀ꦠꦺ꧈ꦔꦼꦧꦼꦏ꧀ꦏꦶꦢ꧀‌ꦮ꧀ꦭꦼꦩ ꦒꦸꦁꦱꦏꦛꦃꦲꦺꦮꦺꦴꦁꦢꦊꦩ꧀ꦥꦸꦫꦶ꧈ꦏꦼꦤꦁꦥꦁꦔꦫꦶꦧꦮ꧈ꦱꦱꦪ ꦲꦠꦸꦫꦸ꧈ꦱꦁꦤꦠꦱꦩ꧀ꦥꦸꦤ꧀ꦤꦤ꧀ꦤꦼꦤ꧀ꦢꦿ꧈ꦱꦶꦉꦥ꧀ꦏꦧꦺꦃꦱꦤꦼꦒꦫꦩ ꦗꦥꦲꦶꦠ꧀‌ꦩꦤ꧀ꦢꦶꦤꦶꦁꦥꦁꦫꦶꦧꦮ꧃ ꧄ꦥꦸꦁꦭꦠꦼꦁ ꧄ꦪꦠ ꦮꦲꦸꦏꦁꦏꦺꦴꦕꦥ꧀ꦥ꧈ꦏꦲꦶꦲꦗꦂꦲꦶꦁꦲꦂꦢꦶꦠꦸꦁꦒꦸꦭ꧀ꦩꦤꦶꦏ꧀‌ꦲꦥꦤ꧀ꦮꦸ [ f.189v ]ꦱ꧀ꦮꦱ꧀ꦱꦶꦁꦏꦮꦿꦸꦃꦠꦸꦠ꧀ꦮꦸꦫꦶꦭꦩ꧀ꦥꦃꦲꦶꦫ꧈ꦱꦥꦺꦴꦭꦲꦺꦲꦗꦂꦥ ꦩꦼꦒꦼꦂꦥꦤ꧀ꦠꦶꦤꦸꦠ꧀‌ꦲꦗꦂꦥꦩꦼꦁꦒꦼꦂꦠꦤ꧀ꦮꦶꦏꦤ꧀‌ꦱꦏ꧀ꦠꦶꦲꦗꦂꦠꦸꦁꦒꦸꦭ꧀ꦩ ꦤꦶꦏ꧀꧃ꦲꦗꦂꦥꦩꦼꦁꦒꦼꦂꦮꦸꦱ꧀ꦥꦿꦥ꧈ꦥꦤ꧀ꦠꦸꦩꦸꦫꦸꦤ꧀ꦝꦠꦼꦁꦲꦶꦢꦊꦩ꧀ ꦥꦸꦫꦶ꧈ꦏꦶꦠꦸꦁꦒꦸꦭ꧀ꦩꦤꦶꦏ꧀ꦤꦺꦁꦥꦸꦁꦏꦸꦂ꧈ꦥꦿꦥ꧀ꦠꦏꦒꦺꦴꦏ꧀ꦥꦶꦁꦠꦶꦒ꧈ꦱꦿꦶꦤꦭꦺ ꦤ꧀ꦢꦿꦥꦿꦧꦸꦲꦤꦺꦴꦩ꧀‌ꦱꦫꦺꦩꦸꦗꦸꦁ꧈ꦲꦗꦂꦥꦩꦼꦁꦒꦼꦂꦤꦺꦁꦢꦒꦤ꧀‌ꦧꦿꦩ

ꦠꦾꦢꦺꦤ꧀ꦚꦤꦶꦔꦭ꧀ꦭꦶ꧃ꦲꦗꦂꦥꦩꦼꦁꦒꦼꦂꦠꦤꦤ꧀ꦮꦶꦏꦤ꧀‌ꦪꦺꦤ꧀ ꦲꦗꦂꦠꦸꦒꦸꦭ꧀ꦩꦤꦶꦏ꧀ꦤꦺꦁꦮꦸꦫꦶ꧈ꦩꦶꦭꦤꦺꦥꦤ꧀ꦤꦺꦴꦫꦮꦼꦫꦸꦃꦲꦗꦂꦥꦩꦼ ꦒꦼꦂꦲꦶꦏ꧈ꦏꦕꦺꦏ꧀ꦠꦼꦉꦃꦲꦗꦂꦠꦸꦒꦸꦭ꧀ꦩꦤꦶꦏ꧀ꦭꦸꦲꦸꦁ꧈ꦲꦗꦂꦥꦩꦼ

ꦒꦼꦂꦲꦁꦔꦸꦕꦥ꧀‌ꦢꦩꦂꦮꦸꦭꦤ꧀ꦱꦶꦫꦩꦠꦸ꧃ꦠꦸꦩꦸꦁꦏꦸꦭ꧀ꦭꦲꦶꦁ [ f.190r ]

ꦲꦶꦥꦿꦠꦭ꧈ꦠꦸꦩꦼꦁꦔꦲ꧈ꦱ꧀‌ꦮ꧀‌ꦩ꧀ꦧꦠꦏꦁꦔꦪꦺꦴꦒꦶ꧈ꦲꦺꦴꦫꦮꦤ꧀ꦢꦺꦱꦶꦫꦭꦩ ꦥꦸꦱ꧀‌ꦲꦗꦂꦥꦩꦼꦁꦒꦼꦂꦱꦶꦒꦿ꧈ꦥꦔꦶꦤꦺꦴꦫꦺꦴꦏ꧀ꦥꦿꦧꦸꦲꦤꦺꦴꦩ꧀ꦏꦂꦱ꧀‌ꦮ꧀ꦤꦶꦥꦸꦤ꧀ ꦠꦸꦁꦒꦸꦭꦩꦤꦶꦏ꧀‌ꦮꦸꦱ꧀ꦥꦿꦪꦠ꧀ꦤ꧈ꦧꦝꦶꦤꦺꦕꦶꦤꦤ꧀ꦝꦏ꧀ꦏꦒ꧀ꦭꦶꦱ꧀꧃ꦲ ꦗꦂꦥꦩꦼꦁꦒꦼꦂꦲꦤ꧀ꦗꦺꦴꦭ꧀ꦭ꧈ꦭꦁꦏꦸꦁꦫꦺꦴꦱꦮꦲꦸꦒꦺꦤ꧀ꦤꦶꦫꦧꦸꦱꦶ꧈ꦠꦸꦁꦒꦸꦭ꧀ꦩꦤꦶ ꦏ꧀ꦚꦼꦏꦼꦭ꧀ꦏꦸꦏꦸꦃ꧈ꦮꦲꦸꦥꦤ꧀ꦱꦶꦤꦩ꧀ꦧꦢꦤ꧀‌ꦱꦧꦸꦢꦶꦤꦺꦏꦶꦲꦗꦂꦥꦩꦼꦒꦼꦂ ꦲꦶꦏꦸ꧈ꦧꦝꦶꦤꦺꦱꦩ꧀ꦥꦸꦤ꧀ꦏꦉꦧꦠ꧀‌ꦢꦺꦤꦶꦁꦲꦗꦂꦠꦸꦁꦒꦸꦭ꧀ꦩꦤꦶꦏ꧀꧃ [ f.190v ]ꦲꦗꦂꦥꦩꦼꦒꦼꦂꦠꦤ꧀ꦮꦶꦏꦤ꧀‌ꦭꦩꦺꦴꦤ꧀ꦤꦗꦂꦠꦸꦁꦒꦸꦭ꧀ꦩꦤꦶꦏ꧀ꦤꦺꦁꦮꦸꦫꦶ꧈ꦩꦶꦭꦤꦺ ꦥꦤ꧀ꦤꦺꦴꦫꦮꦼꦫꦸꦃꦲꦗꦂꦥꦩꦼꦁꦒꦼꦂꦲꦶꦏ꧈ꦏꦕꦺꦏ꧀ꦠꦼꦫ‌ꦃꦲꦗꦂꦠꦸꦁꦒꦸꦭ꧀ꦩꦤꦶ ꦏ꧀ꦭꦸꦲꦸꦁ꧈ꦱꦩꦶꦪꦸꦢꦽꦒ꧀ꦒꦸꦢꦽꦒꦤ꧀‌ꦱꦥꦫꦤꦺꦥꦩꦼꦁꦒꦼꦂꦥꦤ꧀ꦢꦶꦥꦸꦤ꧀ꦤꦼꦱꦸꦥ꧀ ꦩꦊꦱꦠ꧀ꦠꦶꦁꦔꦮꦁꦔꦮꦁ꧈ꦠꦸꦁꦒꦸꦭ꧀ꦩꦤꦶꦏ꧀‌ꦲꦤꦸꦠꦸꦠ꧀ꦠꦶ꧃ꦥꦤ꧀ꦱꦂꦮꦶꦲ ꦱꦸꦩ꧀ꦧꦂꦱꦸꦩ꧀ꦧꦂ꧈ꦭꦃꦲꦗꦲꦲꦤꦧꦼꦧꦺꦴꦠꦺꦴꦃꦤꦺꦏꦶ꧈ꦭꦃꦤꦸꦱꦸꦭꦱꦶ ꦫꦲꦱꦸ꧈ꦱꦸꦤ꧀ꦤꦤ꧀ꦠꦶꦔꦮꦁꦔꦮꦁ꧈ꦥꦤ꧀ꦚꦤꦤꦺꦠꦤ꧀ꦤꦤꦱꦒꦼꦢ꧀ꦢꦤꦸꦱꦸꦭ꧀ ꦲꦗꦂꦠꦸꦁꦒꦸꦭ꧀ꦩꦤꦶꦏ꧀ꦩꦺꦴꦗꦂ꧈ꦭꦃꦲꦶꦪꦲꦶꦁꦱꦸꦤ꧀ꦭꦢꦺꦤ꧀ꦤꦶ꧃ꦮꦸꦱ꧀ꦩꦸꦩ꧀ꦤꦸꦭ꧀ꦭꦶꦁ ꦔꦮꦁꦔꦮꦁ꧈ꦮꦲꦸꦱꦶꦫꦏꦶꦲꦗꦂꦠꦸꦁꦒꦸꦭ꧀ꦩꦤꦶꦏ꧀‌ꦲꦗꦂꦥꦩꦼꦒꦼꦂꦲꦩꦸꦮꦸꦱ꧀ ꦭꦃꦱꦥꦴꦫꦤ꧀ꦤꦶꦫ꧈ꦲꦤꦲꦸꦫꦶꦠꦸꦁꦒꦸꦭ꧀ꦩꦤꦶꦏ꧀‌ꦲꦫꦤ꧀ꦤꦶꦱꦸꦤ꧀‌ꦏꦁ ꦫꦩꦱꦿꦶꦤꦫꦤꦠ꧈ꦥꦿꦧꦸꦲꦤꦺꦴꦩ꧀ꦩꦗꦥꦲꦶꦠ꧀꧃ꦲꦗꦂꦥꦩꦼꦁꦒꦼꦂ ꦲꦭꦠꦃꦱꦸꦏꦸꦂꦭ꧀‌ꦮ꧀ꦩꦺꦴꦤ꧀ꦧꦥꦏ꧀ꦏꦤꦺꦱꦶꦱꦱꦶ꧈ꦲꦱꦼꦁꦒꦏ꧀ꦱꦼꦁꦒ ꦏ꧀ꦏꦩꦸꦮꦸꦱ꧀‌ꦱꦂꦮꦶꦲꦏꦼꦥ꧀ꦭꦺꦴꦏ꧀ꦠꦔꦤ꧀‌ꦥꦝꦠꦸꦮꦩꦼꦤꦏ꧀ꦱꦶꦫ ꦲꦺꦴꦫꦮꦼꦫꦸꦃ꧈ꦧꦥꦏ꧀ꦏꦤꦺꦩꦺꦤꦏ꧀ꦗꦶꦁꦒ꧈ꦲꦶꦪꦥꦤ꧀ꦗꦼꦤꦼꦁꦔꦤ꧀ꦩ [ f.191r ]ꦩꦶ꧈ꦲꦥꦏꦁꦲꦤꦁꦲꦶꦁꦱꦶꦫ꧈ꦠꦼꦏꦏ꧀ꦏꦼꦤ꧈ꦏꦢꦶꦒ꧀ꦢꦪꦤ꧀ꦤꦶꦫꦺꦏꦶ꧈ꦲ ꦗꦂꦠꦸꦁꦒꦸꦭ꧀ꦩꦤꦶꦏ꧀ꦮꦸꦮꦸꦱ꧀‌ꦲꦺꦴꦫꦲꦤꦩꦁꦏꦤ꧈ꦲꦁꦭꦢꦺꦤ꧀ꦤꦶꦩꦫꦩ꧀ꦒ꧀ ꦥꦏꦉꦥꦤ꧀ꦤꦩꦸ꧈ꦩꦼꦤꦏ꧀ꦱꦶꦫꦩꦏ꧀ꦱꦶꦃꦕꦸꦮ꧈ꦲꦶꦁꦱꦸꦤ꧀ꦤꦶꦁꦏꦁꦲꦤꦁꦒꦺꦴꦲꦶ꧃ ꦲꦥꦤ꧀ꦱꦶꦫꦏꦪꦧꦺꦴꦕꦃꦩꦶꦭꦸꦩꦶꦭꦸꦥꦒꦮꦺꦪꦤ꧀ꦠꦤ꧀‌ꦪ ꦏ꧀ꦠꦶ꧈ꦲꦤꦏ꧀ꦏꦶꦫꦏꦸꦫꦁꦮꦸꦫꦸꦏ꧀‌ꦏꦶꦥꦩꦼꦒꦼꦂꦧꦿꦩꦠꦾ꧈ꦲꦤꦫꦗꦁ ꦲꦤ꧀ꦤꦸꦭꦶꦲꦤ꧀ꦚꦤ꧀ꦝꦏ꧀ꦱꦩ꧀ꦥꦸꦤ꧀‌ꦏꦭꦁꦏꦸꦁꦢꦺꦤ꧀ꦚꦧꦿꦩꦠꦾ꧈ ꦲꦩꦼꦝꦁꦔꦮꦤ꧀ꦠꦶꦮꦤ꧀ꦠꦶ꧃ꦥꦼꦝꦁꦔꦺꦮꦸꦱ꧀ꦠꦸꦒꦼꦭ꧀ꦭꦶꦏ꧈ꦤꦸꦭꦾꦔꦸ ꦤꦸꦱ꧀ꦚꦸꦢꦸꦏ꧀ꦏꦶꦭꦮꦤ꧀ꦧꦝꦶꦏ꧀‌ꦏꦶꦲꦗꦂꦥꦩꦼꦁꦒꦼꦂꦩꦸꦮꦸꦱ꧀‌ꦩꦫ ꦱꦶꦫꦩꦊꦱ꧀ꦱ꧈ꦲꦗꦂꦠꦸꦁꦒꦸꦭ꧀ꦩꦤꦶꦏ꧀‌ꦮꦸꦱ꧀ꦮꦱꦶꦱ꧀ꦱꦶꦁꦏ ꦮꦿꦸꦃ꧈ꦠꦁꦒꦶꦤꦱ꧀ꦚꦶꦥ꧀ꦠꦥꦼꦝꦁ꧈ꦏꦾꦲꦶꦲꦗꦂꦠꦸꦁꦒꦸꦭ꧀ꦩꦤꦶꦏ꧀ ꦥꦼꦝꦁꦥꦶꦤꦼꦝꦁꦏꦶꦲꦗꦂ꧈ꦱꦩꦶꦥꦸꦫꦸꦤ꧀ꦏꦭꦶꦃꦥꦝꦥꦿꦗꦸꦫꦶꦠ꧀꧈ ꦫꦺꦩ꧀ꦥꦸꦃꦥꦼꦝꦁꦏꦭꦶꦃꦲꦶꦥꦸꦤ꧀‌ꦤꦸꦭꦾꦕꦤ꧀ꦝꦏ꧀ꦕꦶꦤ꧀ꦤꦝꦏ꧀

ꦪꦠꦫꦩꦺ꧈ꦲꦤꦸꦭꦶꦗꦸꦁꦗꦸꦁꦗꦶꦤꦸꦗꦸꦁ꧈ꦲꦱꦼꦤ꧀ꦝꦭ꧀ꦱꦶꦤꦼꦤ꧀ꦝ [ f.191v ]

ꦥꦝ꧈ꦏꦭꦶꦲꦺꦥꦿꦮꦶꦫꦺꦁꦗꦸꦫꦶꦠ꧀꧃ꦠꦤ꧀ꦤꦤꦲꦶꦁꦏꦁꦏꦱꦺꦴ ꦫꦤ꧀꧈ꦏꦭꦶꦲꦶꦃꦲꦶꦥꦸꦤ꧀ꦱꦩꦶꦕꦁꦏꦶꦁꦕꦶꦤꦁꦏꦶꦁ꧈ꦲꦤꦸꦭꦾꦱꦸꦫꦸꦁꦱꦶ ꦤꦸꦫꦸꦁ꧈ꦥꦤ꧀ꦮꦤꦶꦏꦭꦶꦃꦲꦶꦫ꧈ꦮꦤ꧀ꦠꦸꦤꦶꦥꦸꦤ꧀ꦮꦺꦴꦁꦲꦠꦥꦏꦭꦶ ꦲꦶꦥꦸꦤ꧀‌ꦲꦁꦔꦼꦤ꧀ꦏꦏꦼꦤ꧀ꦧꦿꦧꦮ꧈ꦒꦫꦒꦫ꧈ꦲꦁꦭꦶꦥꦸꦠ꧀ꦠꦶ꧃ꦥꦼ ꦠꦼꦁꦭꦸꦲꦸꦂꦲꦮꦁꦲꦮꦁ꧈ꦏꦶꦭꦠ꧀ꦛꦛꦶꦠ꧀ꦒꦤ꧀ꦠꦼꦂꦒꦤ꧀ꦠꦼꦂꦭꦤ꧀ꦤꦁꦔꦶꦤ꧀꧈ꦲꦸꦢ ꦤ꧀ꦩꦤ꧀ꦕꦮꦸꦫꦭꦶꦱꦸꦱ꧀꧈ꦠꦺꦴꦥꦤ꧀ꦤꦒꦼꦁꦭꦶꦩ꧀ꦧꦸꦁꦔꦤ꧀‌ꦥꦤ꧀ꦱꦸꦩꦶꦫꦠ꧀ ꦏꦁꦩꦺꦒꦲꦧꦁꦏꦢꦸꦭꦸ꧈ꦱꦸꦫꦠ꧀ꦱꦸꦫꦠ꧀ꦩꦺꦒꦥꦼꦛꦏ꧀‌ꦭꦶꦂ

ꦥꦺꦤ꧀ꦢꦃꦱꦺꦏꦂꦩꦭꦛꦶ꧃ꦲꦫꦺꦴꦱꦏꦁꦧꦿꦠꦪꦸꦢ꧈ꦱꦶꦫꦫ [ f.192r ]

[ f.192v ]

[ f.193r ]ꦫꦲꦗꦂꦥꦩꦼꦁꦒꦼꦂꦩꦠꦼꦏ꧀ꦏꦗꦶ꧈ꦥꦤ꧀ꦤꦁꦫꦒꦱꦸꦏ꧀ꦩꦱꦩ꧀ꦥꦸꦤ꧀‌ꦫꦶꦤꦸꦥꦼꦏ꧀ꦗꦒꦠ꧀ꦠꦶꦫ

ꦮꦸꦱ꧀ꦱꦶꦁꦔꦶꦏꦼꦠ꧀ꦢꦢꦶꦱꦠꦸꦁꦒꦭ꧀ꦥꦸꦤꦶꦏꦸ꧈ꦏꦶꦲꦗꦂꦤ꧀ꦚꦶꦥ꧀ꦠꦠꦏ꧀ꦱꦏ꧈ꦩꦶ ꦪꦺꦴꦱ꧀ꦱꦏꦶꦁꦥꦸꦥꦸꦤꦺꦏꦶ꧃ꦒꦼꦝꦺꦤꦺꦏꦒꦶꦭꦒꦶꦭ꧈ꦥꦤ꧀ꦱꦤꦺꦴꦁ ꦏꦺꦴꦠꦶꦁꦠꦭ꧀‌ꦥꦼꦛꦶꦠꦶꦫꦺꦏꦶ꧈ꦲꦶꦲꦗꦂꦥꦩꦼꦁꦒꦼꦂꦒꦸꦥꦸꦃꦲꦱꦿꦸꦢꦺꦤ꧀ꦚ ꦔꦤ꧀ꦢꦶꦏ꧈ꦭꦃꦩꦁꦱꦤꦺꦤ꧀ꦤꦗꦂꦠꦸꦁꦒꦸꦭ꧀ꦩꦤꦶꦏꦲꦶꦏꦸ꧈ꦭꦃꦥꦺꦴꦩꦢꦶꦥꦸꦤ꧀ ꦥꦭꦱ꧀ꦠꦿ꧈ꦱꦶꦒꦿꦠꦏ꧀ꦱꦏꦩꦫꦤꦶ꧃ꦲꦗꦂꦥꦩꦼꦁꦒꦼꦂꦱꦼꦱꦸꦩ꧀ꦧꦂꦲꦭꦃ ꦥꦪꦸ꧈ꦥꦝꦥꦿꦮꦶꦫꦺꦁꦗꦸꦫꦶꦠ꧀‌ꦏꦶꦠꦸꦁꦒꦸꦭ꧀ꦩꦤꦶꦏ꧀ꦏꦒꦸꦥꦸꦃ꧈ꦔꦮꦺꦥꦏ꧀ꦱꦶ ꦒꦫꦸꦝ꧈ꦠꦤ꧀ꦥꦱꦁꦏꦤ꧀ꦒꦫꦸꦝꦲꦶꦏꦒ꧀ꦭꦶꦱꦿꦮꦸꦃ꧈ꦏꦶꦲꦗꦂꦲ ꦭꦺꦴꦤ꧀‌ꦔꦤ꧀ꦢꦶꦏꦥꦏ꧀ꦱꦶꦔꦿꦧꦭꦶꦪꦩꦤꦶꦁ꧃ꦮꦸꦱ꧀ꦱꦸꦤꦶꦁꦲꦶꦁꦏꦂꦱꦤꦶꦫ ꦱꦁꦒꦫꦸꦝꦤꦸꦭꦾꦢꦼꦢꦼꦭ꧀ꦥꦿꦠꦶꦮꦶ꧈ꦲꦮꦺꦴꦂꦭꦤ꧀ꦩꦺꦒꦮꦸꦱ꧀ꦩꦸꦩ꧀ꦧꦸꦭ꧀‌ꦮꦸꦱ ꦥꦶꦤꦱ꧀ꦛꦶꦢꦺꦤ꧀ꦤꦶꦁꦪꦁ꧈ꦲꦶꦭꦲꦶꦭꦲꦸꦭꦏꦒꦮꦢꦺꦤ꧀ꦩꦤꦸꦏ꧀꧈ꦒꦸꦥꦸꦃꦱꦁꦥꦏ ꦱꦶꦒꦫꦸꦝ꧈ꦲꦸꦭꦱꦶꦤꦩ꧀ꦧꦼꦂꦮꦸꦱ꧀ꦏꦼꦤ꧀ꦤꦶ꧃ꦏꦶꦲꦗꦂꦥꦩꦼꦁꦒꦼꦂꦩꦸꦭꦠ꧀‌ꦪꦺꦤ꧀ꦠꦏ

ꦱꦏ꧈ꦒꦶꦤꦮꦢꦺꦤꦶꦁꦥꦼꦏ꧀ꦱꦶꦧꦿꦩꦠꦾꦤꦶꦫꦏꦭꦁꦏꦸꦁ꧈ꦮꦤ꧀ꦠꦸꦤꦺꦲꦶꦮꦺꦴꦁꦠ [ f.193v ]

ꦥ꧈ꦥꦤ꧀ꦧꦿꦩꦠꦾꦧꦶꦱꦩꦤ꧀ꦗꦶꦁꦲꦗꦺꦂꦲꦗꦸꦂ꧈ꦱꦶꦒꦿꦲꦤꦫꦶꦏ꧀‌ꦕꦸꦫꦶꦒꦥꦪꦸꦥꦝ ꦲꦢꦸꦏꦸꦭꦶꦠ꧀꧃ꦱꦱꦸꦮꦺꦤꦶꦁꦱꦸꦤ꧀ꦤꦪꦸꦢ꧈ꦏꦫꦶꦱꦶꦗꦶꦢꦸꦫꦸꦁꦲꦁꦔꦢꦸꦏꦼ ꦫꦶꦱ꧀‌ꦲꦺꦴꦮꦝꦮꦺꦴꦁꦥꦿꦮꦶꦫꦺꦁꦏꦺꦮꦸꦁ꧈ꦭꦮꦱ꧀ꦱꦶꦁꦱꦸꦤ꧀ꦤꦒꦼꦱꦁ꧈ꦢꦸꦫꦸꦁꦮꦼꦫꦸꦃꦒꦼ ꦠꦶꦃꦏꦸꦢꦸꦏ꧀ꦏꦭꦶꦠ꧀ꦠꦶꦥꦸꦤ꧀‌ꦲꦗꦂꦠꦸꦁꦒꦸꦭ꧀ꦩꦤꦶꦩꦺꦴꦗꦂ꧈ꦢꦂꦩꦢꦂꦩꦲꦁꦭ ꦢꦺꦤ꧀ꦤꦶ꧃ꦕꦸꦫꦶꦒꦢꦢꦶꦢꦲꦤ꧈ꦒꦼꦒꦶꦤꦶꦱꦂꦮꦶꦲꦁꦔꦒꦼꦩ꧀ꦏꦼꦫꦶꦱ꧀‌ꦮꦸꦱ꧀ꦏꦂꦱ ꦤꦺꦢꦺꦮꦤꦶꦥꦸꦤ꧀‌ꦭꦶꦂꦱꦸꦤ꧀ꦝꦸꦭꦔꦮꦶꦪꦠ꧀‌ꦥꦤ꧀ꦤꦢꦢꦶꦥꦩ꧉ꦩꦼꦒꦼꦂꦒꦽꦤ꧀ꦢꦏꦤ꧀ꦤꦶ ꦥꦸꦤ꧀‌ꦠꦸꦒꦸꦭ꧀ꦩꦤꦶꦏ꧀ꦮꦸꦱ꧀ꦥꦿꦪꦠ꧀ꦤ꧈ꦮꦤ꧀ꦠꦸꦉꦩ꧀ꦧꦼꦱ꧀ꦢꦤꦮꦂꦠꦶ꧃ꦲꦁꦔꦶꦤ꧀ꦠꦺꦴꦥ [ f.194r ]ꦤ꧀ꦠꦭꦶꦮꦮꦂꦥꦿꦕꦤ꧀ꦝꦒꦼꦁ꧈ꦲꦸꦭꦸꦂꦲꦸꦭꦸꦂꦤꦼꦏꦤꦶ꧈ꦲꦸꦢꦤ꧀ꦤꦮꦺꦴꦂꦭꦶꦱꦸꦱ꧀ꦱꦒꦸꦁ꧈ꦲꦸꦠꦫ ꦒꦼꦁꦭꦶꦩ꧀ꦧꦸꦁꦔꦤ꧀‌ꦏꦮꦂꦤꦲꦲꦗꦂꦥꦩꦼꦒꦼꦂꦮꦸꦱ꧀ꦏꦧꦸꦂ꧈ꦠꦶꦩꦶꦧꦲꦶꦁꦧꦭꦁꦧꦁꦔꦤ꧀꧈ꦱꦏ꧀ꦠꦶꦲ ꦗꦂꦠꦸꦁꦒꦸꦭ꧀ꦩꦤꦶꦏ꧀꧃ꦠꦸꦩꦺꦝꦏ꧀ꦱꦏꦶꦁꦲꦮꦶꦪꦠ꧀‌ꦱꦶꦫꦮꦲꦸꦏꦶꦲ ꦗꦂꦠꦸꦁꦒꦸꦭ꧀ꦩꦤꦶꦏ꧀‌ꦏꦂꦱꦤꦺꦱꦶꦫꦱꦁꦮꦶꦏꦸ꧈ꦩꦊꦧꦼꦠ꧀ꦢꦊꦩ꧀ꦥꦸꦫ ꦥꦤ꧀ꦏꦶꦲꦗꦂꦲꦂꦭꦸꦮꦂꦠꦥꦤꦶꦥꦸꦤ꧀‌ꦢꦺꦤꦺꦲꦸꦮꦶꦯꦺꦴꦫꦤ ꦤ꧈ꦏꦫꦺꦒꦺꦴꦢꦢꦶꦏꦭꦶꦭꦶꦥ꧀꧃ꦲꦶꦁꦗꦮꦭꦤ꧀ꦠꦤꦃꦱꦧꦿꦁ ꦏꦺꦫꦸꦠ꧀ꦏꦧꦺꦃꦩꦫꦁꦲꦶꦁꦩꦗꦥꦲꦶꦠ꧀‌ꦩꦶꦭꦏꦶꦲꦗꦂꦏꦭꦁꦏꦸꦁ ꦲꦂꦱꦔꦺꦕꦏ꧀ꦏꦼꦤ꧀ꦤꦿꦒ꧈ꦏꦁꦲꦠ꧀ꦩꦗ꧈ꦱꦢꦪꦱꦩ꧀ꦥꦸꦤ꧀ꦤꦏꦸꦩ꧀ꦥꦸꦭ꧀ ꦤꦒꦫꦲꦶꦁꦩꦗꦊꦁꦏ꧈ꦭꦁꦏꦸꦁꦒꦼꦩꦃꦏꦁꦤꦒꦫꦶ꧃ꦲꦺꦤ꧀ꦗꦁꦱꦶꦤꦺ ꦧꦱꦁꦤꦠ꧈ꦥꦿꦧꦸꦲꦤꦺꦴꦩ꧀ꦥꦶꦤꦉꦏ꧀ꦱꦿꦶꦩꦔꦤ꧀ꦠꦶ꧈ꦥꦿꦧꦸꦏꦼꦤ꧀ꦚꦫꦺꦴ ꦫꦺꦴꦮꦁꦔꦶꦥꦸꦤ꧀‌ꦭꦤ꧀ꦢꦺꦮꦶꦲꦤ꧀ꦗꦼꦱ꧀ꦩꦫ꧈ꦤꦶꦮꦲꦶꦠꦥꦸꦪꦼꦁꦔꦤ꧀ꦤꦿꦺꦴ ꦮꦁꦔꦶꦥꦸꦤ꧀‌ꦱꦶꦫꦱꦁꦥꦿꦧꦸꦮꦤꦺꦴꦢꦾ꧈ꦲꦶꦁꦔꦥꦶꦠ꧀ꦢꦺꦤ꧀ꦚꦲꦭꦶꦁꦒꦶꦃ ꧃ꦱꦩ꧀ꦥꦸꦤ꧀ꦗꦁꦏꦼꦥ꧀ꦏꦮꦤ꧀ꦢꦱꦗꦗꦩꦲꦤ꧀ꦥꦢ꧀ꦩꦶꦱꦏꦮꦤ꧀ꦤꦸꦤꦶ꧈ꦱꦩꦶꦲꦠ

ꦫꦥ꧀ꦥꦭꦸꦁꦒꦸꦃ꧈ꦥꦿꦧꦸꦲꦤꦺꦴꦩ꧀ꦩꦶꦁꦮꦤ꧀ꦝꦤ꧀‌ꦱꦶꦫꦫꦢꦺꦤ꧀ꦏꦸꦢꦠꦶꦭꦂꦱꦫ [ f.194v ]

ꦔꦱ꧀ꦠꦫꦤ꧀

ꦮꦠꦁꦔꦤ꧀

ꦏꦸꦢꦠꦶꦭꦂꦱ‌ ꦏꦸꦢꦫꦫꦁꦔꦶꦤ꧀

ꦤꦶꦥꦸꦤ꧀‌ꦭꦶꦲꦂꦪꦲꦶꦁꦏꦥꦠꦶꦲꦤ꧀‌ꦫ‌ꦃꦲꦢꦺꦤ꧀ꦏꦸꦢꦫꦫꦁꦔꦶꦤ꧀꧃ꦲꦶ ꦏꦶꦲꦭꦶꦒꦶꦃꦲꦶꦁꦔꦂꦱ꧈ꦮꦺꦴꦤ꧀ꦠꦼꦤ꧀ꦩꦭꦶꦃꦏꦶꦪꦢꦶꦥꦠꦶꦠꦸꦧꦶꦤ꧀‌ꦩꦺꦤꦏ꧀ꦏꦺꦴ ꦤ꧀ꦕꦂꦲꦤꦺꦁꦔꦪꦸꦤ꧀‌ꦮꦠꦔꦤ꧀ꦤꦤꦺꦁꦔꦂꦱ꧈ꦱꦏꦛꦲꦺꦮꦼꦮꦼꦁꦏꦺꦴꦤ꧀ꦤꦶꦁꦩ ꦗꦭꦔꦸ꧈ꦩꦭꦃꦲꦼꦧꦼꦏ꧀ꦒꦭꦝꦒꦤ꧀‌ꦧꦺꦴꦥꦠꦶꦲꦸꦫꦸꦠ꧀ꦥꦱꦶꦱꦶꦂ꧃ ꦲꦒꦸꦁꦩꦤ꧀ꦠꦿꦶꦩꦗꦊꦁꦏ꧈ꦭꦩ꧀ꦥꦶꦠ꧀ꦠꦸꦁꦒꦭ꧀ꦱꦩꦶꦢꦶꦥꦸꦤ꧀ꦏꦭꦶꦃꦲꦶ꧈ꦥꦸꦁꦒꦮꦗꦼ ꦗꦼꦭ꧀ꦥꦸꦥꦼꦤꦸ꧈ꦏꦺꦴꦗꦼꦩ꧀ꦩꦫꦶꦁꦥꦿꦠꦭ꧈ꦏꦲꦶꦢꦼꦩꦁꦱꦼꦕꦧꦮꦩꦸꦁꦒꦺꦁꦔ ꦪꦸꦤ꧀‌ꦗꦗꦂꦭꦤ꧀ꦢꦺꦩꦁꦕꦪꦸꦢ꧈ꦭꦶꦪꦁꦔꦤ꧀ꦤꦺꦥꦺꦴꦏ꧀ꦩꦼꦂꦒꦶꦒꦶꦃ꧃ꦲ

ꦮꦺꦴꦂꦭꦮꦺꦴꦁꦮꦢꦺꦴꦤ꧀ꦏꦛꦱꦼꦕꦪꦸꦢꦱꦧꦮꦒꦺꦤ꧀ꦚꦭꦶꦁꦒꦶꦃ꧈ꦲꦩ꧀ꦧꦧꦸ [ f.195r ]

ꦠ꧀ꦠꦶꦏꦩ꧀ꦥꦿꦺꦠ꧀ꦠꦶꦥꦸꦤ꧀‌ꦥꦉꦏꦤ꧀ꦤꦏꦺꦃꦔꦸꦕꦥ꧀‌ꦱꦸꦩꦏꦺꦪꦤ꧀ꦢꦢꦶꦕꦭꦸ ꦤ꧀ꦛꦁꦔꦫꦠꦸ꧈ꦥꦿꦧꦸꦲꦤꦺꦴꦮꦸꦱ꧀ꦠꦸꦩꦼꦝꦏ꧀‌ꦱꦿꦶꦤꦠꦤꦺꦢꦺꦤ꧀ꦤꦸꦱ ꦥꦶ ꧄ ꧄ ꦠꦼꦏꦤꦺꦥꦤ꧀ꦠꦩ꧀ꦥꦱꦁꦏꦤ꧀ꦥꦶꦤ ꦉꦏ꧀ꦤꦺꦁꦩꦢꦺꦒꦝꦶꦁ꧈ꦥꦿꦧꦸꦲꦤꦺꦴꦩ꧀ꦮꦸꦱ꧀ꦠꦸꦩꦼꦝꦏ꧀‌ꦱꦸꦩꦸꦁꦏꦺꦩ꧀ꦩꦶꦁꦥꦢꦏ ꦭꦶꦃ꧈ꦏꦶꦲꦗꦂꦔꦤ꧀ꦢꦶꦏꦫꦶꦱ꧀‌ꦲꦝꦸꦃꦲꦁꦒꦺꦂꦥꦸꦠꦿꦤ꧀ꦲꦶꦱꦸꦤ꧀‌ꦏꦂꦱꦤꦶꦁꦢꦺ ꦮꦤꦶꦫ꧈ꦱꦶꦫꦗꦸꦩꦼꦤꦼꦁꦤꦂꦥꦠꦶ꧈ꦲꦶꦪꦲꦶꦏꦸꦥꦤꦼꦝꦤꦺꦫꦩꦤꦶꦫ ꧃ꦥꦿꦧꦸꦏꦼꦤ꧀ꦚꦮꦸꦱ꧀ꦠꦸꦩꦼꦝꦏ꧀‌ꦲꦁꦔꦫꦱ꧀ꦥꦢꦤꦺꦏꦭꦶꦃ꧈ꦢꦺꦮꦶꦲ

ꦤ꧀ꦗꦼꦱ꧀ꦩꦫꦤꦼꦩ꧀ꦧꦃꦮꦲꦶꦠꦱꦩ꧀ꦥꦸꦤ꧀ꦔꦸꦤ꧀ꦗꦸꦁꦔꦶ꧈ꦥꦸꦪꦼꦁꦔꦤ꧀ꦤꦠꦸꦂꦧꦏ꧀ꦠꦶꦱꦩꦶ [ f.195v ]

ꦮꦲꦶꦔ

ꦥꦿꦠ꧀ꦥꦫꦶ

ꦥꦸꦪꦼꦔꦤ꧀

ꦲꦁꦔꦫꦱꦶꦱꦸꦏꦸ꧈ꦏꦶꦲꦗꦂꦲꦁꦔꦤ꧀ꦢꦶꦏ꧈ꦱꦂꦪꦔꦸꦱꦥ꧀‌ꦲꦼꦩ꧀ꦧꦸꦤꦺꦏꦶ ꦥꦤ꧀ꦏꦠꦼꦝꦤꦶꦩꦱ꧀ꦥꦸꦠꦿꦶꦱꦶꦃꦲꦤ꧀ꦤꦶꦫ꧃ꦥꦱꦶꦪꦤ꧀ꦤꦶꦫꦠꦫꦫ꧈ꦤꦁꦔꦶꦁ ꦠꦶꦠꦶꦥ꧀ꦤꦶꦤꦶꦥꦸꦠꦿꦶ꧈ꦪꦩꦁꦱꦧꦺꦴꦫꦺꦴꦁꦔꦱꦶꦫ꧈ꦲꦼꦒꦺꦴꦤ꧀ꦤꦶꦫꦥꦭꦏꦿꦩꦶ꧈ ꦥꦿꦧꦸꦲꦺꦱ꧀ꦠꦿꦶꦠꦸꦂꦧꦏ꧀ꦠꦶ꧈ꦝꦠꦼꦁꦏꦕꦁꦕꦁꦲꦶꦁꦫꦩ꧀ꦧꦸꦠ꧀‌ꦱꦶꦃꦥꦤꦏꦿꦱꦩ꧀ꦥꦺ ꦪꦤ꧀‌ꦭꦺꦧꦺꦂꦝꦠꦼꦁꦥꦸꦤ꧀ꦝꦏ꧀ꦏꦭꦶꦃ꧈ꦥꦤ꧀ꦕꦸꦩꦝꦺꦴꦁꦥꦁꦔꦺꦫꦤ꧀ꦤꦱ꧀ꦠ

ꦏꦮꦸꦭ꧃ꦠꦤ꧀ꦱꦒꦺꦢ꧀ꦢꦩꦁꦱꦸꦭ꧀ꦭꦤ꧈ꦏꦸꦢꦫꦫꦁꦔꦶꦤ꧀ꦤꦸꦁꦏꦼꦩꦶ꧈ꦏꦸꦢꦠꦶꦭꦂ [ f.196r ]

ꦥꦸꦠꦿꦶꦏꦮꦤ꧀

ꦥꦿꦧꦸꦏꦼꦤ꧀ꦚ

ꦲꦤ꧀ꦗ꧀ꦲꦼꦱ꧀ꦩꦫꦭꦒꦶꦲꦸꦫꦸꦠ꧀

ꦱꦲꦤꦼꦩ꧀ꦧꦃꦮꦸꦱ꧀ꦩꦸꦤ꧀ꦢꦸꦂꦫꦲ‌ꦃꦲꦢꦺꦤ꧀ꦏꦭꦶꦃ꧈ꦏꦕꦫꦶꦠꦥꦸꦤꦶꦭꦶꦱꦼꦩ꧀ꦧꦃꦲꦶꦫꦥꦫꦲ ꦫꦸꦩ꧀‌ꦱꦼꦭꦶꦫꦺꦏꦮꦤ꧀ꦢꦱ꧈ꦒꦸꦩꦫꦺꦴꦪꦺꦴꦏ꧀‌ꦲꦁꦔꦧ꧀ꦠꦶ꧈ꦲꦠꦸꦂꦱꦼꦩ꧀ꦧꦃꦏꦼ ꦠꦁꦒꦸꦁꦭꦮꦤ꧀ꦥꦉꦏꦤ꧀꧃ꦱꦩ꧀ꦥꦸꦤꦺꦤꦼꦩ꧀ꦧꦃꦱꦢꦪ꧈ꦱꦏꦛꦲꦺꦥꦫ

ꦫꦧꦶ꧈ꦏꦢꦶꦱꦠꦲꦩꦺꦩꦺꦠ꧈ꦮꦲꦸꦗꦶꦏꦁꦥꦫꦥꦸꦠꦿꦶ꧈ꦱꦩꦶꦪꦗꦿꦶꦃꦤꦶꦔꦭ꧀ꦭꦶ [ f.196v ]

ꦥꦫꦏꦮꦤ꧀‌ꦤꦺꦱꦔꦮ

ꦏꦭꦁꦏꦸꦁꦱꦼꦱꦸꦒꦸꦃꦲꦶꦥꦸꦤ꧀‌ꦱꦶꦫꦥꦿꦧꦸꦮꦤꦺꦴꦢꦾ꧈ꦭꦸꦩꦶꦤ꧀ꦠꦸꦱꦏꦶꦁꦗꦿꦺꦴꦥꦸꦫꦶ꧈ ꦱꦧ꧀ꦢꦥꦭꦺꦴꦤ꧀ꦩꦕꦸꦕꦸꦲꦤꦁꦲꦶꦁꦔꦂꦱ꧃ꦲꦭꦶꦁꦲꦶꦃꦱꦂꦮꦶꦝ꧀ꦛꦼꦝ꧀ꦛꦶꦁꦏꦿꦺꦁꦱꦼꦩ꧀ꦧꦫꦶꦲ ꦩꦭꦁꦏꦼꦫꦶꦏ꧀‌ꦧꦫꦶꦩꦤ꧀ꦚꦼ‌ꦤ꧀ꦚꦩꦶꦏꦤ꧀ꦢꦺꦴꦢꦺꦴꦭ꧀ꦗꦼꦤꦁꦲꦺꦴꦫꦏꦫꦶ꧈ꦲꦶ

ꦤ꧀ꦛꦶꦭ꧀ꦭꦮꦤ꧀ꦒꦼꦭꦭꦶ꧈ꦥꦛꦶꦏꦶꦕ꧀ꦕꦲꦺꦴꦫꦏꦤ꧀ꦠꦸꦤ꧀‌ꦔꦝꦼꦥ꧀ꦥꦏꦼꦤ꧀ꦝꦼꦝꦩ꧀ꦥꦂ [ f.197r ]

ꦲꦭꦶꦁꦒꦶꦃꦲꦤꦁꦲꦶꦁꦏꦺꦴꦂꦱꦶ꧈ꦲꦶꦁꦏꦁꦒꦂꦮ꧈ꦲꦥꦤ꧀ꦱꦂꦮꦶꦏꦶꦤꦼꦏꦼꦥꦤ꧀꧃ ꦠꦸꦏꦁꦔꦶꦥꦸꦤ꧀ꦏꦲꦶꦢꦼꦩꦁꦥꦼꦫꦤ꧀ꦠꦶꦲꦒꦮꦺꦲꦶꦤ꧀ꦛꦶꦭ꧀‌ꦢꦺꦤ꧀ꦱꦧꦶꦤꦶꦮꦺꦴꦭꦸꦁꦤꦩ꧀ꦧꦁ ꦠꦸꦏꦁꦔꦺꦒꦮꦺꦒꦼꦭꦭꦶ꧈ꦭꦤ꧀ꦠꦸꦏꦁꦱꦤ꧀ꦠꦼꦤ꧀ꦏꦤꦶꦤ꧀‌ꦢꦺꦤ꧀ꦱꦧꦶꦤꦶꦔꦭ꧀ꦭꦶꦃꦲꦼ ꦗꦸꦁ꧈ꦲꦶꦪꦠꦸꦏꦁꦔꦺꦗꦼꦤꦁ꧈ꦠꦸꦏꦁꦔꦺꦧꦼꦧꦺꦴꦁꦏꦺꦴꦥꦶꦥꦶꦱ꧀‌ꦢꦶꦥꦸꦔꦗꦶꦃꦲꦶꦁ [ f.197v ]ꦱꦮꦸꦭꦤ꧀ꦠꦶꦒꦁꦫꦺꦪꦭ꧀꧃ꦏꦶꦱꦧ꧀ꦢꦥꦭꦺꦴꦤ꧀ꦤꦁꦔꦸꦕꦥ꧀‌ꦧꦼꦤ꧀ꦢꦫꦤꦶꦁ ꦮꦺꦴꦁꦏꦫꦶꦲꦶꦤ꧀‌ꦲꦶꦱꦸꦤ꧀ꦱꦶꦝꦼꦥ꧀‌ꦮꦸꦱ꧀ꦥꦭꦱ꧀ꦠꦿ꧈ꦠꦼꦒꦤꦺꦩꦏ꧀ꦱꦶꦗ ꦭꦤ꧀ꦛꦶꦂ꧈ꦲꦤꦸꦭꦾꦴꦠꦸꦂꦧꦏ꧀ꦠꦶ꧈ꦤ꧀ꦚꦥꦧꦫꦶꦤ꧀ꦚꦺꦴꦥꦺꦴꦠ꧀ꦏꦸꦭꦸꦏ꧀‌ꦭ ꦩ꧀ꦧꦺꦤꦺꦢꦼꦭꦺꦮꦺꦫꦤ꧀‌ꦭꦧꦼꦠ꧀ꦠꦼꦩꦁꦤ꧀ꦒꦼꦭꦭꦶ꧈ꦱꦶꦮꦺꦲꦼꦒ꧀ꦧꦒꦺ꧈ꦧꦼ ꦤ꧀ꦢꦫꦲꦤ꧀ꦢꦶꦏꦊꦁ‌ꦒꦃꦒꦃ꧃ꦫꦩꦺꦏꦁꦮꦺꦴꦁꦲꦮꦸꦫꦲꦤ꧀ꦏꦭꦁꦏꦸꦁ ꦧꦸꦁꦔ‌‌ꦃꦠꦤ꧀ꦱꦶꦥꦶ꧈ꦠꦤ꧀ꦤꦤꦠꦶꦪꦁꦗꦸꦂꦗꦤ꧈ꦮꦸꦮꦸꦃꦒꦼꦩꦃꦩꦗꦥꦲꦶ ꦠ꧀‌ꦮꦺꦴꦁꦢꦭꦲꦼꦤ꧀ꦝꦺꦴꦒ꧀ꦱꦶꦗꦶꦲꦤꦁꦱꦠꦼꦔ‌ꦲ꧀ꦭꦼꦭꦸꦫꦸꦁ꧈ꦥꦤ꧀ꦩꦏ꧀ꦱꦶ ꦒꦭꦺꦤ꧀ꦠꦺꦫꦤ꧀‌ꦲꦺꦴꦭꦶꦃꦥꦶꦫꦁꦥꦶꦫꦁꦲꦫꦶ꧈ꦥꦤ꧀ꦏꦶꦢꦼꦩꦁꦥꦤ꧀ꦭꦒꦶꦤꦁ ꦒꦥ꧀ꦏꦱꦸꦏꦤ꧀꧃ꦮꦱ꧀ꦠꦤꦺꦲꦶꦁꦏꦁꦏꦱꦸꦏꦤ꧀ꦥꦸꦔꦺꦴꦊꦏ꧀ꦏꦭꦶꦃꦥꦸꦒ ꦝꦶꦁ꧈ꦫꦩꦺꦱꦩꦾꦠꦼꦠꦧꦸꦮꦤ꧀‌ꦲꦤꦲꦶꦁꦏꦁꦲꦗꦺꦴꦒꦺꦢꦶ꧈ꦥꦤ ꦏꦮꦤ꧀ꦤꦺꦱꦩꦶꦮꦺꦴꦁꦏꦱꦼꦕꦪꦸꦢꦤ꧀ꦤꦶꦏꦸ꧈ꦏꦶꦢꦼꦩꦁꦱꦼꦕꦧꦮ꧈ꦲ ꦩꦂꦒꦶꦒꦶꦃꦒꦤꦁꦏꦺꦴꦂꦱꦶ꧈ꦠꦶꦁꦗꦫꦶꦏ꧀ꦭꦏ꧀ꦥꦤꦼꦏꦮꦤ꧀ꦤꦺꦏꦶ

ꦢꦼꦩꦁ꧃ꦏꦮꦂꦤꦲꦱꦿꦶꦤꦭꦺꦤ꧀ꦢꦿꦲꦶꦁꦏꦁꦭꦒꦾꦲꦤ꧀ꦢꦺꦴꦤ꧀ꦤꦿ [ f.198r ]

ꦕꦪꦸꦢ

ꦮꦺꦴꦁꦕꦭꦺꦴꦱ꧀‌ꦫꦒ꧀ꦤꦸꦒꦸꦔ꧀ꦠꦶꦁ

ꦫꦱ꧀ꦩꦶ꧈ꦤꦸꦠꦸꦒ꧀ꦏꦱꦸꦏꦤ꧀ꦱꦁꦤꦠ꧈ꦲꦶꦁꦱꦶꦪꦁꦏꦭꦮꦤ꧀ꦭꦠꦿꦶ꧈ꦱꦢꦪꦢꦶꦠꦸ ꦠꦸꦒꦶ꧈ꦏꦶꦲꦗꦂꦔꦤ꧀ꦢꦶꦏꦲꦫꦸꦩ꧀‌ꦩꦫꦁꦱꦿꦶꦤꦫꦤꦠ꧈ꦥꦿꦧꦸꦲꦤꦺꦴ [ f.198v ]ꦤꦺꦴꦩ꧀ꦩꦗꦥꦲꦶꦠ꧀‌ꦲꦸꦮꦺꦪꦶꦱ꧀ꦠꦸꦠꦸꦒꦲꦶꦪꦫꦢꦺꦤ꧀ꦭꦫꦤꦶꦫ꧃ꦲꦸꦮꦺꦪꦶꦱ꧀ ꦫꦢꦺꦤ꧀ꦠꦩ꧀ꦥꦤꦤ꧀ꦤꦱꦏꦺꦃꦠꦥꦤ꧀ꦤꦶꦁꦱꦸꦤ꧀ꦤꦶꦏꦶ꧈ꦲꦸꦮꦶꦱ꧀ꦏꦂꦱꦤꦺꦲꦶꦁꦢꦺꦮ ꦲꦶꦁꦱ꧀‌ꦮ꧀ꦧꦿꦁꦲꦶꦁꦤꦸꦱꦗꦮꦶ꧈ꦏꦂꦱꦤꦶꦢꦺꦮꦭꦸꦮꦶꦃꦤꦒꦫꦲꦶꦁꦩꦗꦭꦁꦔꦸ꧈ ꦏꦢꦂꦧꦺꦢꦺꦤꦶꦁꦱꦶꦫ꧈ꦠꦤ꧀ꦤꦤꦮꦤꦶꦤꦁꦔꦠꦶ꧈ꦏꦫꦸꦏ꧀ꦏꦧꦺꦃꦱ ꦏꦛꦲꦶꦁꦠꦤꦃꦗꦮ꧃ꦭꦤ꧀ꦩꦭꦶꦲꦺꦲꦶꦏꦸꦫꦢꦾꦤ꧀ꦏꦭꦶꦭꦶ ꦥꦶꦁꦠꦤꦃꦗꦮꦶ꧈ꦏꦭꦩꦼꦁꦏꦺꦴꦲꦺꦴꦫꦤꦤ꧈ꦥꦁꦫꦱꦤꦺꦲꦠꦶ ꦩꦩꦶ꧈ꦲꦶꦁꦱꦏꦭꦤꦺꦩꦁꦏꦶꦤ꧀ ꦠꦤ꧀ꦤꦤꦮꦤꦶꦲꦁꦫꦼꦧꦸꦠ꧀‌ꦭꦃꦫ ꦢꦺꦤ꧀ꦭꦏꦺꦴꦤ꧀ꦤꦤ꧈ꦲꦶꦁꦱꦸꦤ꧀ꦤꦫꦩ꧀ꦧꦺꦫꦮꦶ꧈ꦪꦏ꧀ꦱꦏꦩ꧀ꦧꦁꦭꦃꦫꦢꦺ ꦤ꧀ꦱꦶꦫꦧꦁꦔꦸꦤ꧈꧃ꦲꦶꦪꦲꦶꦱꦸꦤ꧀ꦥꦽꦤꦃꦲꦼꦤ꧀ꦤꦱꦶꦁꦏꦶꦮꦢ꧀‌ꦮ꧀ꦭꦼꦩꦸ ꦲꦶꦏꦶ꧈ꦱꦁꦤꦠꦲꦭꦺꦴꦤ꧀‌ꦔꦤ꧀ꦢꦶꦏ꧈ꦩꦿꦶꦁꦮꦺꦴꦁꦏꦭꦁꦤꦸꦭꦶꦢꦢꦶ꧈ꦱꦼ ꦒꦫꦤ꧀ꦠꦺꦴꦪꦮꦼꦤ꧀ꦤꦶꦁ꧈ꦢꦶꦥꦸꦤ꧀ꦠꦭꦁꦱꦏꦶꦁꦒꦸꦤꦸꦁ꧈ꦲꦤ꧀ꦗꦿꦃꦏꦁꦥꦼꦥꦼꦛꦺꦠ ꦤ꧀‌ꦩꦢꦺꦏꦩ꧀ꦧꦁꦮꦸꦱ꧀ꦢꦸꦩꦢꦶ꧈ꦩꦱ꧀ꦗꦶꦢ꧀‌ꦲꦭꦶꦠ꧀‌ꦥꦭꦠꦫꦤ꧀ꦧ ꦤꦺꦴꦤ꧀ꦥꦼꦛꦏ꧀‌ꦲꦶꦔꦶꦢꦼꦫꦤ꧀ꦭꦮꦤ꧀ꦠꦺꦴꦪꦗꦶꦤꦭꦠꦸꦤ꧀ꦝ [ f.199r ]ꦤ꧀ꦝꦲꦮꦼꦤ꧀ꦤꦶꦁ꧈ꦥꦒꦼꦫꦺꦱꦂꦮꦭꦶꦤꦺꦥ꧈ꦲꦤ꧀ꦗꦿꦃꦲꦶꦁꦏꦁꦥꦸꦱ꧀ꦥꦱꦫꦶ꧈ꦲꦂ ꦒꦸꦭꦺꦴꦭꦤ꧀ꦩꦼꦭꦛꦶ꧈ꦱꦸꦩꦤꦂꦱꦠꦸꦤ꧀ꦗꦸꦁꦠꦸꦠꦸꦂ꧈ꦱꦼꦏꦂꦒꦩ꧀ꦧꦶꦂꦲꦁꦭꦪ ꦥ꧀‌ꦕꦼꦩ꧀ꦥꦏꦮꦶꦭꦶꦱ꧀‌ꦔꦶꦢꦼꦫꦶ꧈ꦥꦢꦊꦩꦤ꧀ꦮꦸꦱ꧀ꦢꦢꦾꦱꦶꦤꦶꦫꦥ꧀ꦥ ꦭꦒ꧀꧃ꦏꦶꦲꦗꦂꦲꦭꦺꦴꦤ꧀‌ꦔꦤ꧀ꦢꦶꦏꦩꦫꦁꦥꦿꦧꦸꦩꦗꦥꦲꦶ ꦠ꧀꧈ꦲꦶꦪꦫꦢꦺꦤ꧀ꦤꦶꦧꦸꦤꦶꦫ꧈ꦭꦮꦤ꧀ꦧꦸꦪꦸꦠ꧀ꦠꦶꦫꦲꦶꦏꦶ꧈ꦲꦥꦠꦩ ꦏ꧀ꦱꦶꦃꦲꦸꦫꦶꦥ꧀‌ꦧꦸꦪꦸꦠ꧀ꦠꦶꦫꦭꦤ꧀ꦤꦶꦧꦸꦩꦸ꧈ꦭꦃꦩꦫꦠꦶꦩ꧀ꦧꦭꦤꦮꦺꦴꦁ ꦲꦶꦫꦭꦮꦱ꧀ꦥꦸꦤꦶꦏꦶ꧈ꦱꦼꦕꦪꦸꦢꦱꦼꦕꦧꦮꦠꦶꦤꦶꦩ꧀ꦧꦭꦤ꧀꧃ ꦱꦩ꧀ꦥꦸꦤ꧀ꦥꦿꦥꦲꦶꦁꦔꦪꦸꦤꦤ꧀‌ꦱꦩ꧀ꦧꦠꦶꦲꦩꦁꦔꦤ꧀ꦤꦶꦤ꧀ꦛꦶꦭ꧀‌ꦢꦺꦢꦺꦴꦠ꧀ꦠꦺ ꦤ꧀ꦝꦸꦠ꧀ꦥꦺꦥꦺꦱꦤ꧀‌ꦥꦤꦼꦏꦮꦤꦺꦏꦺꦏꦭꦶꦃꦱꦩꦶꦩꦁꦒꦸꦭ꧀ꦏꦼꦮꦭꦶ꧈ꦲꦶ ꦱꦶꦏꦶꦤ꧀ꦕꦭꦤ꧀ꦧꦼꦏꦠꦸꦭ꧀‌ꦏꦶꦲꦗꦂꦲꦁꦔꦤ꧀ꦢꦶꦏ꧈ꦥꦝꦭꦸꦔꦲꦠꦏꦭꦶꦃ꧈ ꦒꦸꦱ꧀ꦠꦶꦤꦶꦫ꧈ꦲꦶꦏꦸꦥꦝꦧꦺꦴꦪꦺꦴꦔꦤ꧃ꦭꦸꦔꦲꦩꦿꦶꦁꦥꦭꦸꦲꦩ꧀ꦧ ꦭꦤ꧀ꦏꦶꦧꦸꦪꦸꦠ꧀ꦠꦗꦏꦫꦶ꧈ꦱꦮꦺꦴꦁꦲꦶꦫꦒꦮꦤ꧀ꦤꦤ꧈ꦲꦁꦒꦮꦲꦠꦤ꧀ꦝꦸꦗꦺꦴꦭ꧀ꦭꦶ ꦱꦼꦕꦪꦸꦢꦠꦸꦂꦥꦩꦶꦠ꧀ꦱꦼꦕꦧꦮꦱ꧀‌ꦮ꧀‌ꦩ꧀ꦥꦸꦤ꧀ꦩꦼꦠꦸ꧈ꦥꦿꦥ꧀ꦠꦲꦶꦁꦒꦿꦶꦪꦤꦶꦫ [ f.199v ]ꦮꦸꦱ꧀ꦱꦢꦁꦢꦤ꧀ꦠꦤ꧀ꦝꦸꦗꦺꦴꦭꦶ꧈ꦱꦶꦒꦿꦧꦸꦧꦂꦱꦼꦕꦧꦮ꧀‌ꦮ꧀ꦱꦼꦕꦪꦸꦢ꧃ꦱꦶꦒꦿꦲ ꦢꦶꦥꦠꦶꦠꦸꦧꦤ꧀ꦮꦸꦱ꧀ꦱꦤꦶꦠꦶꦃꦏꦸꦢꦱꦩꦶ꧈ꦗꦗꦂꦭꦤ꧀ꦢꦶꦥꦠꦶꦢꦲ꧈ꦔꦶꦫꦶꦁꦔꦏꦼꦤ꧀ꦠꦤ꧀ꦝꦸ ꦗꦺꦴꦭꦶ꧈ꦢꦸꦭꦸꦂꦲꦤꦁꦲꦶꦁꦩꦂꦒꦶ꧈ꦗꦗꦫꦤ꧀ꦮꦲꦺꦴꦱ꧀‌ꦤꦺꦁꦔꦪꦸꦤ꧀‌ꦱꦫꦒꦼꦤꦶꦲꦶꦁ ꦠꦸꦧꦤ꧀‌ꦱꦢꦪꦱꦩꦶꦲꦶꦁꦔꦶꦫꦶꦁ꧈ꦲꦸꦥꦕꦫꦢꦭꦃꦏꦼꦫꦶꦒꦤ꧀ꦮꦺꦴꦁꦢꦺꦱ꧃ ꦤꦶꦭꦮꦶꦢꦸꦫꦶꦲꦗꦗꦂꦤꦶꦭꦕꦼꦩ꧀ꦥꦏꦲꦁꦔꦥꦶꦠ꧀‌ꦥꦤ꧀ꦱꦩꦾꦲꦠꦸꦩꦸꦠ꧀ ꦥꦒ꧀꧈ꦭꦮꦩ꧀ꦒꦂꦮꦤꦶꦁꦢꦶꦥꦠꦶ꧈ꦲꦏꦛꦃꦏꦁꦤꦶꦔꦭ꧀ꦭꦶꦲꦠꦺꦩ꧀ꦧꦏ꧀ꦥꦶꦁꦒꦶꦂꦢꦼꦭꦁ ꦒꦸꦁ꧈ꦒꦺꦒꦺꦂꦥꦩꦶꦁꦒꦶꦂꦢꦺꦱ꧈ꦏꦁꦠꦤ꧀ꦤꦸꦤꦶꦁꦱꦩꦶꦔꦶꦭꦶ꧈ꦏꦁꦱꦥꦶꦤ꧀ꦝꦃꦲꦤꦤꦼ ꦤꦺꦴꦁꦠꦺꦴꦤ꧀ꦤꦸꦥꦼꦠꦤ꧀꧃ꦱꦧ꧀ꦢꦥꦭꦺꦴꦤ꧀ꦤꦤꦺꦁꦔꦂꦱꦤꦸꦁꦒꦁꦗꦫꦤ꧀ꦢꦶꦥꦪꦸꦁꦔꦶ꧈ꦭ ꦮꦤ꧀ꦢꦼꦩꦁꦱꦼꦕꦪꦸꦢ꧈ꦱꦮꦺꦴꦁꦔꦶꦫꦏꦧꦺꦃꦔꦶꦫꦶꦃ꧈ꦱꦩꦶꦢꦶꦥꦸꦤ꧀ꦥꦪꦸꦔꦶ ꦲꦔꦶꦫꦶꦁꦔꦏꦼꦤ꧀ꦥꦶꦥꦶꦏꦸꦭ꧀‌ꦒꦶꦤꦺꦴꦠꦺꦴꦁꦢꦺꦤꦉꦉꦩ꧀ꦥ꧈ꦏꦼꦮꦭ꧀ꦭꦶ ꦧꦼꦭꦺꦴꦠꦺꦴꦁꦲꦶꦏꦶ꧈ꦲꦶꦱꦶꦏꦶꦤ꧀ꦕ꧈ꦮꦶꦤꦺꦴꦂꦭꦤ꧀ꦧꦼꦏꦠꦸꦭ꧀ꦩꦼꦤ꧀ꦠꦃ꧃ ꦭꦩ꧀ꦥꦃꦲꦺꦲꦱꦸꦏꦤ꧀ꦱꦸꦏꦤ꧀‌ꦮꦲꦸꦱꦲꦸꦫꦸꦠ꧀ꦠꦶꦁꦩꦂꦒꦶ꧈ꦗꦁꦏꦼꦥ꧀ꦥꦶꦥꦸ

ꦤ꧀ꦠꦶꦒꦁꦤꦩ꧀ꦧꦁ꧈ꦭꦩ꧀ꦥꦲꦺꦫꦲꦶꦤꦮꦼꦔꦶ꧈ꦏꦁꦏꦱꦶꦥꦼꦁꦔꦤ꧀ꦱꦩꦶꦲꦱꦸꦏ [ f.200r ]

ꦭꦪꦁꦏꦸꦩꦶꦠꦶꦂ

ꦒꦺꦤ꧀ꦚꦱꦸꦱꦸꦒꦸꦤ꧀‌ꦲꦤꦤ꧀ꦚꦩ꧀ꦧꦼꦭꦃꦩꦶꦱ꧈ꦲꦤꦏꦁꦲꦱꦸꦒꦸꦃꦥꦶꦥꦶ꧈ꦠꦶꦪꦁꦔ ꦭꦶꦠ꧀‌ꦲꦮꦼꦭꦸꦂꦥꦼꦥꦁꦒꦁꦔꦪꦩ꧀ ꧄ꦥꦸꦃꦲꦱ꧀ꦩꦫ꧅ ꦥꦸꦤꦶꦏꦲꦶꦏꦁ ꦮꦶꦤꦂꦤꦶ꧈ꦤꦼꦁꦔꦼꦤꦲꦶꦁꦏꦁꦭꦸꦩ꧀ꦥꦃ꧈ꦪꦠꦏꦮꦸꦮꦸꦱꦩꦏꦺꦴ꧈ꦏꦁꦲꦤꦺꦁ ꦲꦶꦁꦥꦝꦸꦱꦸꦤꦤ꧀‌ꦏꦶꦧꦸꦪꦸꦠ꧀ꦥꦭꦸꦲꦩ꧀ꦧ꧈ꦏꦁꦭꦒꦶꦱꦼꦝꦶꦃꦲꦶꦁꦠꦸꦠꦸꦂ꧈ ꦥꦶꦤꦉꦏ꧀ꦏꦭꦶꦃꦏ꧀‌ꦮ꧀‌ꦤ꧀‌ꦒ꧀ꦥꦸꦠꦿ꧃ꦏꦶꦧꦸꦪꦶꦠ꧀‌ꦔꦤ꧀ꦢꦶꦏꦲꦫꦶꦱ꧀‌ꦥꦪꦸꦤꦶ ꦤꦶꦥꦝꦭꦸꦔ꧈ꦱꦸꦤ꧀ꦤꦶꦭꦺꦏ꧀ꦏꦏꦼꦤ꧀ꦠꦩꦁꦏꦺꦴ꧈ꦭꦒꦶꦗꦩꦤ꧀ꦤꦥꦫꦫ꧈ꦮꦂ ꦠꦤꦺꦲꦺꦴꦫꦲꦺꦱꦏ꧀‌ꦲꦗꦮꦁꦏꦺꦴꦠ꧀‌ꦲꦤꦏ꧀ꦏꦶꦁꦱꦸꦤ꧀‌ꦥꦝꦩꦸꦁ ꦒꦃꦩꦫꦶꦁꦲꦂꦒ꧃ꦥꦝꦔꦶꦭꦶꦩꦫꦶꦁꦲꦂꦢꦶ꧈ꦥꦒꦸꦤꦸꦁꦔꦤ꧀ꦤꦶꦏꦁꦱꦶꦩ꧀ꦥꦂ꧈ꦲꦶꦏꦁ

ꦝꦸꦮꦸꦂꦥꦤ꧀ꦗꦠ꧀ꦠꦤꦺ꧈ꦏꦁꦲꦺꦴꦫꦏꦩ꧀ꦥꦃꦲꦶꦁꦗꦭ꧀ꦩ꧈ꦲꦗꦤꦮꦼꦫꦸꦃꦲꦶꦏ [ f.200v ]

ꦲꦭꦃꦥꦪꦸꦲꦒꦺꦲꦼꦤ꧀ꦛꦸꦭ꧀‌ꦥꦝꦭꦸꦔꦩꦫꦮꦤ꧃ꦏꦶꦧꦸꦪꦸꦠ꧀ꦠꦸꦠꦸꦫꦺꦔꦼꦤ꧀ꦠꦶꦁ꧈ ꦤꦔꦶꦁꦤꦺꦴꦫꦢꦺꦤ꧀‌ꦥꦶꦪꦂꦱ꧈ꦏꦶꦧꦸꦪꦸꦠ꧀ꦠꦤ꧀ꦧꦸꦃꦥꦺꦴꦭꦲꦺ꧈ꦲꦤꦔꦶꦱ꧀ꦱꦢꦶꦤꦢꦶꦤ ꦫꦫꦱꦶꦫꦩꦸꦮꦸꦱ꧀ꦱ꧈ꦫꦺꦮꦁꦔꦤꦲꦶꦁꦱꦸꦤ꧀ꦩꦸꦮꦸꦱ꧀‌ꦱꦶꦧꦥꦏꦮꦼꦭꦱ꧀ꦱꦤ꧃ ꦫꦫꦲꦗꦩꦼꦤꦼꦁꦲꦶꦏꦶ꧈ꦢꦺꦤꦶꦁꦩꦫꦱ꧀ꦩꦤꦃꦲꦶꦮꦁ꧈ꦩꦸꦮꦸꦱ꧀ꦱꦱꦝꦺꦭꦧꦲꦺ꧈ ꦤꦶꦥꦿꦩꦺꦱꦾꦫꦶꦠꦤ꧀‌ꦔꦸꦕꦥ꧀‌ꦩꦶꦭꦕꦼꦔꦺꦁꦥꦸꦤꦶꦏ꧈ꦠꦤ꧀ꦤꦤꦭꦶꦪꦤ꧀ꦢꦶꦤꦸꦭꦸ ꦲꦩꦸꦁꦩꦁꦏꦺꦥꦸꦠꦿꦤꦶꦫ꧃ꦱꦏꦺꦱꦃꦲꦺꦢꦩꦂꦱꦱꦶ꧈ꦏꦁꦲꦶꦧꦸꦥꦶꦠꦼ ꦏꦸꦂꦲꦶꦏ꧈ꦕꦶꦥ꧀ꦠꦤꦺꦲꦩꦸꦁꦢꦺꦮꦤ꧀ꦤꦺ꧈ꦱꦥꦶꦱꦤ꧀ꦱꦱꦱꦶꦝꦲꦂ꧈ꦤꦶꦥꦿꦩꦺ ꦱꦾꦫꦶꦲꦶꦏ꧈ꦥꦿꦩꦺꦱꦾꦫꦶꦲꦭꦺꦴꦤ꧀ꦩꦸꦮꦸꦱ꧀‌ꦱꦂꦪꦤꦼꦩ꧀ꦧꦃꦩꦫꦁꦫꦩ꧃ꦩꦶ

ꦭꦤꦺꦫꦩꦲꦶꦩꦁꦏꦶꦤ꧀‌ꦱꦩ꧀ꦥꦺꦪꦤ꧀ꦤꦔꦗꦏ꧀ꦏꦺꦱꦃꦏꦶꦧꦸꦪꦸꦠ꧀ꦥꦁꦔꦤ꧀ꦢꦶ [ f.201r ]

ꦢꦶꦔꦸꦪꦸꦠ꧀

ꦲꦶꦁꦱꦸꦤꦺ꧈

ꦏꦴꦤꦺ꧈ꦱꦂꦮꦶꦏꦶꦤꦼꦏꦼꦥ꧀ꦏꦁꦥꦸꦠꦿ꧈ ꦱꦸꦤ꧀ꦤꦶꦭꦺꦏꦏꦼꦤ꧀ꦱꦶꦫ꧈ ꦲꦶꦪꦩꦁꦏꦺꦴꦮꦂꦠꦤꦶꦥꦸꦤ꧀‌ꦲꦤꦒꦼꦒꦩꦤ꧀ꦩꦿꦶꦁꦢꦺꦱ꧃ꦮꦂꦠꦤꦺꦲꦪꦸ ꦤ꧀ꦗꦫꦲꦶ꧈ꦩꦂꦒꦱꦏꦶꦁꦥꦸꦠꦿꦤꦶꦫ꧈ꦏꦶꦢꦩꦂꦮꦸꦭꦤ꧀ꦏꦮꦶꦠ꧀ꦠꦺ꧈ꦔꦮꦸꦭꦩꦫꦶꦁꦏꦶ ꦥꦠꦾ꧈ꦲꦭꦠꦶꦤ꧀ꦢꦏ꧀ꦏꦺꦲꦶꦪ꧈ꦲꦩ꧀ꦧꦤ꧀ꦢꦿꦺꦏ꧀ꦏꦶꦥꦸꦠꦿꦤꦶꦥꦸꦤꦸꦭꦶꦲꦶꦏꦸꦏꦶ ꦤꦺꦴꦤ꧀ꦗꦫ꧃ꦮꦼꦂꦠꦤꦺꦲꦶꦏꦸꦮꦸꦱ꧀‌ꦪꦠꦶꦩ꧀‌ꦤꦸꦭꦶꦲꦶꦏꦸꦥꦶꦤꦼꦗ ꦲꦤ꧀‌ꦩꦸꦭꦤꦺꦠꦲꦤꦏ꧀ꦏꦶꦁꦮꦺꦴꦁ꧈ꦱꦶꦫꦱꦸꦤ꧀ꦤꦶꦭꦺꦏ꧀ꦏꦼꦤ꧀ꦤꦶꦏ꧈ꦩꦿꦶꦁꦔ ꦭꦱ꧀ꦱꦶꦁꦏꦁꦗꦼꦩ꧀ꦧꦂ꧈ꦲꦺꦤ꧀ꦢꦃꦲꦼꦤꦪꦲꦤꦏ꧀ꦩꦸ꧈ꦩꦭꦸꦭꦸꦮꦮꦺꦴꦁ

ꦱꦠꦸꦁꦒꦭ꧀꧃ꦤꦶꦥꦿꦩꦺꦱꦾꦫꦶꦠꦤ꧀ꦤꦁꦭꦶꦁ꧈ꦮꦠꦫꦠꦶꦒꦁꦥꦤ꧀ꦢꦸꦫꦠ꧀ [ f.201v ]

ꦲꦁꦔꦸꦕꦥ꧀ꦱꦂꦮꦶꦠꦁꦔꦶꦱꦺ꧈ꦲꦝꦸꦃꦥꦸꦠꦿꦤꦶꦱꦸꦤ꧀ꦤꦼꦩꦱ꧀‌ꦫꦩꦪꦺꦤ꧀ꦩꦏꦠꦼ ꦠꦼꦤ꧀ꦤꦪꦺꦤ꧀ꦮꦪꦃꦥꦤ꧀ꦢꦸꦏꦭꦩ꧀ꦥꦸꦱ꧀ ꦮꦺꦴꦤ꧀ꦠꦼꦤ꧀ꦭꦩꦠ꧀ꦏꦁꦏꦠꦶꦔꦭ꧀꧃ꦏꦶꦧꦸ ꦪꦸꦠ꧀ꦔꦤ꧀ꦢꦶꦏꦲꦫꦶꦱ꧀‌ꦱꦶꦫꦲꦺꦩꦤ꧀ꦥꦸꦠꦿꦤꦶꦫ꧈ꦲꦶꦁꦱꦸꦤ꧀ꦤꦺꦩꦤ꧀ꦱꦶꦫꦩꦁꦏꦺꦴ ꦠꦤ꧀ꦤꦤ꧀ꦠꦫꦤꦸꦭꦶꦥꦿꦥ꧀ꦠ꧈ꦏꦶꦢꦼꦩꦁꦱꦼꦕꦧꦮ꧈ꦱꦼꦕꦪꦸꦢꦱꦩ꧀ꦥꦸꦤ꧀ꦤꦿꦮꦸꦃꦢꦶꦥꦠꦶ ꦠꦸꦧꦤ꧀ꦮꦸꦱ꧀ꦥꦿꦥ꧀ꦠ꧃ꦢꦶꦥꦠꦶꦢꦲꦮꦸꦱ꧀ꦥꦿꦥ꧀ꦠꦶ꧈ꦭꦮꦔꦂꦮꦤꦶꦁꦱꦠꦿꦶꦪ꧈ ꦠꦤ꧀ꦝꦸꦗꦺꦴꦭꦶꦮꦸꦱ꧀ꦱꦱꦺꦭꦺꦃ꧈ꦲꦸꦥꦕꦫꦤꦺꦒꦸꦩꦼꦫꦲ꧀꧈ꦮꦸꦱ꧀ꦱꦼꦧꦼꦏ꧀ꦏ ꦩ꧀ꦧꦼꦭꦧꦂ꧈ꦥꦫꦱꦼꦭꦶꦂꦱꦩꦾꦫꦮꦸꦃ꧈ꦱꦩꦶꦠ꧀‌ꦱ꧀ꦝꦏ꧀ꦱꦏꦶꦁꦗꦺꦭꦁ꧃ꦥꦫ ꦤ꧀ꦚꦶꦏꦧꦺꦃꦥꦿꦥ꧀ꦠꦶ꧈ꦏꦁꦱꦩꦶꦔꦼꦩ꧀ꦧꦤ꧀ꦭꦼꦭꦤ꧀ꦕꦁ꧈ꦲꦺꦤ꧀ꦢꦃꦠꦶꦤꦺꦴꦤ꧀ꦧꦸ ꦱꦤꦤꦺ꧈ꦏꦶꦢꦼꦩꦁꦏꦁꦲꦤꦺꦁꦔꦂꦱ꧈ꦧꦭꦲꦶꦁꦔꦤ꧀ꦠꦸꦤ꧀ꦗꦧ꧈ꦒꦼꦩꦼꦉꦃ ꦲꦶꦁꦱꦾꦫꦤꦶꦥꦸꦤ꧀‌ꦲꦁꦔꦼꦧꦼꦏ꧀ꦏꦶꦲꦫ‌ꦃꦲꦫ‌ꦃ꧃ [ f.202r ]ꦢꦺꦤ꧀ꦧꦼꦕꦶꦏ꧀ꦗꦒꦤꦼꦒꦫ꧈ꦔꦿꦏ꧀ꦱꦲꦠꦩ꧀ꦥꦶꦁꦔꦤ꧀ꦤꦤꦺ꧈ꦱꦶꦮꦠꦁ ꦔꦤ꧀ꦭꦃꦩꦸꦭꦶꦪ꧈ꦩꦫꦁꦤꦒꦿꦶꦲꦶꦁꦢꦲ꧈ꦥꦤ꧀ꦤꦶꦏꦸꦤꦒꦫꦤꦶꦥꦸꦤ꧀ ꦢꦺꦤꦼꦕꦶꦏ꧀‌ꦫꦏ꧀ꦱꦠꦩ꧀ꦥꦶꦁꦔ꧀‌ꦮ꧀ꦤ꧀꧃ꦢꦁꦔꦸꦢꦺꦤꦶꦫꦠꦶꦤꦁ ꦏꦶꦭ꧀‌ꦥꦿꦧꦸꦲꦤꦺꦴꦩ꧀ꦧꦿꦮꦶꦗꦪ꧈ꦠꦸꦩꦸꦭꦾꦗꦼꦁꦏꦂꦔꦝꦠꦺꦴꦤ꧀ ꦲꦶꦁꦔꦶꦫꦶꦁꦢꦺꦤꦶꦁꦧꦝꦪ꧈ꦩꦶꦮꦃꦏꦁꦥꦶꦥꦶꦁꦔꦶꦠꦤ꧀‌ꦱꦩ꧀ꦥꦸꦤ꧀ꦥꦿꦥ꧀ꦠ ꦲꦶꦁꦏꦝꦠꦸꦤ꧀‌ꦲꦶꦁꦏꦁꦩꦏ꧀ꦱꦶꦃꦲꦱꦼꦱꦺꦧꦤ꧀꧃ꦱꦶꦫꦮꦲꦸ ꦫꦢꦺꦤ꧀ꦥꦠꦶꦃ꧈ꦲꦏꦭꦶꦪꦤ꧀ꦥꦫꦶꦤꦶꦫ꧈ꦫꦢꦺꦤ꧀ꦢꦶꦥꦠꦶ ꦮꦱ꧀ꦠꦤ꧀ꦤꦺ꧈ꦱꦩꦶꦩꦤ꧀ꦠꦸꦏ꧀ꦢꦊꦩ꧀ꦥꦸꦫ꧈ꦲꦼꦤꦼꦁꦔꦼꦤꦫ‌ꦃꦲꦢꦾꦤ꧀ ꦮꦂꦤꦤꦼꦤ꧀ꦏꦁꦲꦠ꧀ꦱꦩꦤ꧀ꦠꦸꦏ꧀‌ꦧꦺꦴꦝꦺꦴꦭ꧀ꦩꦫꦁꦲꦶꦁꦭꦸꦩꦗꦁ꧃ ꦱꦒꦸꦁꦔꦶꦁꦩꦤ꧀ꦕꦤꦼꦒꦫꦶ꧈ꦮꦸꦱ꧀ꦱꦩꦶꦧꦺꦴꦝꦺꦴꦭ꧀ꦱꦢꦪ꧈ꦏꦺꦴꦤ꧀ꦢꦸꦂ ꦩꦫꦁꦤꦒꦫꦤ꧀ꦤꦺ꧈ꦲꦱꦼꦭꦸꦂꦏꦁꦮꦢꦾꦧꦭ꧈ꦩꦼꦁꦔꦼꦤꦏꦁꦭꦸꦩꦩ꧀ꦥꦃ ꦮꦂꦤꦤꦼꦤ꧀ꦗꦿꦺꦴꦤꦶꦁꦏꦝꦠꦸꦤ꧀‌ꦲꦶꦁꦏꦁꦭꦒꦶꦱꦶꦤꦶꦱꦶꦲꦤ꧀꧃

꧃ ꧄ꦥꦸꦃꦫꦺꦴꦤꦶꦁꦏꦩꦴꦭ꧀ ꧄ [ f.202v ]

꧃ ꧅

ꦱꦶꦫꦢꦺꦮꦶꦲꦤ꧀ꦗꦺꦱ꧀ꦩꦫ

ꦮꦼꦮꦼꦠꦼꦁꦔꦤ꧀ꦤꦺꦱꦶꦫꦺꦏꦶ꧈ꦱꦩ꧀ꦥꦸꦤ꧀ꦠꦼꦏꦲꦶꦁꦲꦤ꧀ꦠꦫ꧈ꦤꦸꦭꦾꦧ ꦧꦂꦗꦧꦁꦧꦪꦶ꧈ꦕꦪꦤꦶꦫꦤꦼꦲꦼꦲꦶ꧈ꦮꦂꦤꦤꦺꦏꦭꦁꦏꦸꦁꦧꦒꦸ ꦱ꧀‌ꦲꦤꦸꦭꦶꦮꦶꦤꦱ꧀ꦠꦤ꧀‌ꦲꦱ꧀ꦩꦫꦤꦮꦁꦱꦱꦶ꧈ꦲꦤ꧀ꦗꦼꦱ꧀ꦩ ꦫ‌ꦲꦤꦸꦭꦾꦏꦫꦸꦤ꧄ꦏꦺꦔꦼꦪ꧀ꦠꦤ꧀꧈ꦲꦶꦧꦸ ꦭꦤ꧀ꦤꦿꦩ [ f.203r ]ꦏꦶꦱꦼꦧ꧀ꦢꦥꦭꦺꦴꦤ꧀‌ꦮꦸꦱ꧀ꦥꦿꦥ꧀ꦠꦶ꧈ꦤꦪꦒꦺꦁꦒꦺꦴꦁꦲꦮꦺꦴꦠ ꦱ꧀ꦱꦼꦏꦂ꧈ꦱꦩꦶꦱꦸꦩꦸꦁꦏꦼꦩ꧀ꦥꦁꦏꦺꦴꦤꦺ꧈ꦲꦶꦁꦥꦢꦤꦺꦥꦿꦩꦺꦱꦾ ꦫꦥꦲꦠꦸꦂꦫꦶꦫꦠꦶꦤꦠ꧈‌ꦲꦶꦁꦔꦸꦠꦸꦱ꧀ꦝꦠꦼꦁꦱꦁꦥꦿꦧꦸ꧈ꦏꦶ ꦤꦺꦤ꧀ ꦔꦠꦸꦫꦶꦥꦤ꧀ꦢꦸꦏ꧈ ꧋꧆꧋ ꦲꦒꦸꦥꦸꦃꦤꦶꦥꦿꦩꦺꦱꦾꦫ ꦫꦶ꧈ꦠꦸꦩꦸꦭꦾꦱꦶꦒꦿꦲꦢꦁꦢꦤ꧀‌ꦱꦩ꧀ꦥꦸꦤ꧀ꦠꦼꦭꦱ꧀ꦱꦩꦏ꧀ꦠꦤꦺ꧈ ꦲꦤꦸꦭꦾꦤꦶꦠꦶꦃꦗꦼꦩ꧀ꦥꦤ꧈ꦲꦶꦁꦔꦶꦫꦶꦁꦲꦶꦁꦥꦸꦁꦒꦮ꧈ꦮꦸꦱ꧀ꦥꦿ ꦥ꧀ꦠꦲꦶꦁꦢꦊꦩ꧀‌ꦲꦒꦸꦁ꧈ꦥꦶꦤꦥꦒ꧀ꦥꦸꦠꦿꦶꦱꦼꦢꦪ꧃ꦩꦶꦮꦃꦱꦁ ꦤꦠꦢꦶꦩꦸꦂꦠꦶ꧈ꦏꦤ꧀ꦕꦤꦲꦢꦶꦏꦝꦠꦾꦤ꧀‌ꦲꦤ꧀ꦗꦼꦱ꧀ꦩꦫꦏꦼ ꦏꦤ꧀ꦛꦺꦤꦺ꧈ꦉꦠ꧀ꦤꦮꦲꦶꦠꦥꦸꦪꦼꦁꦔꦤ꧀‌ꦱꦩꦾꦱꦶꦫꦠꦸꦂꦱꦼꦩ꧀ꦧꦃ ꦤꦶꦥꦿꦩꦺꦱꦾꦫꦶꦮꦸꦱ꧀ꦭꦸꦁꦒꦸꦃ꧈ꦲꦤꦸꦠꦸꦒ꧀ꦱꦸꦏꦮꦂꦢꦪ꧃ꦠꦸ ꦩꦶꦔꦭ꧀‌ꦲꦶꦁꦩꦤ꧀ꦠꦸꦤꦺꦏꦶ꧈ꦏꦭꦁꦏꦸꦁꦩꦮꦂꦠꦱꦸꦠ꧈ꦤꦶꦥꦿꦩꦺ ꦱꦾꦫꦶꦩꦤꦲꦺ꧈ꦏꦮꦂꦤꦲꦱꦿꦶꦤꦭꦺꦤ꧀ꦢꦿꦲꦂꦱꦩꦶꦪꦺꦴ ꦱ꧀ꦱꦶꦤꦺꦧ꧈ꦥꦼꦥꦼꦏ꧀‌ꦲꦸꦥꦕꦫꦤꦶꦥꦸꦤ꧀‌ꦲꦶꦁꦔꦶꦫꦶꦁꦢꦺꦤ꧀ꦤꦶꦁ [ f.203v ]ꦧꦼꦝꦪ꧃ꦏꦼꦏꦕꦸꦩꦱ꧀ꦱꦮꦸꦁꦒꦭꦶꦁ꧈ꦏꦶꦢꦁꦭꦤ꧀ꦤꦂꦢꦮꦭꦶꦏ꧈ꦧꦶ ꦤꦏ꧀ꦠꦥꦼꦝꦼꦏꦤ꧀ꦤꦏꦺꦃ꧈ꦧꦸꦕꦸꦧꦸꦭꦺꦫꦫꦺꦏꦼꦩ꧀ꦧꦂ꧈ꦱꦩꦾꦭꦸꦩꦩ꧀ꦥꦃꦔꦂ ꦱ꧈ꦫꦫꦺꦮꦤ꧀ꦝꦤ꧀ꦭꦮꦤ꧀ꦮꦸꦁꦏꦸꦏ꧀‌ꦲꦁꦔꦩ꧀ꦥꦶꦭ꧀ꦏꦼꦤ꧀ꦝꦶꦥꦿꦠꦸꦭ꧃ ꦲꦼꦩ꧀ꦧꦤꦶꦫꦲꦤꦺꦁꦏꦺꦫꦶ꧈ꦲꦩꦤ꧀ꦝꦶꦥꦺꦝꦁꦱꦫꦩ꧀ꦥꦁ꧈ꦲꦱ꧀ꦠꦏꦶ ꦮꦤ꧀ꦚꦼꦥꦼꦁꦠꦩꦁ꧈ꦢꦺꦤꦶꦁꦲꦶꦁꦏꦁꦥꦶꦥꦶꦔꦶꦠꦤ꧀‌ꦲꦤꦺꦁꦮꦸꦫꦶꦲ ꦠꦠ꧈ꦲꦁꦔꦩ꧀ꦥꦶꦭ꧀ꦱꦤ꧀ꦗꦠꦗꦼꦥꦸꦤ꧀‌ꦲꦱꦿꦶꦭꦩꦺꦴꦤ꧀ꦠꦶꦤꦶꦔ ꦭꦤ꧀꧃ꦱꦁꦤꦠꦱꦩ꧀ꦥꦸꦤ꧀ꦤꦭꦶꦁꦒꦶꦃꦥꦶꦤꦉꦏ꧀ꦝꦼꦝꦩ꧀ꦥꦂ‌ꦲꦼꦩ꧀ꦩ ꦱ꧀‌ꦮꦸꦱ꧀ꦥꦼꦥꦼꦏ꧀ꦥꦸꦁꦒꦮꦫꦩ꧀ꦩꦺ꧈ꦥꦫꦧꦺꦴꦥꦠꦶꦱꦢꦪ꧈ꦱ ꦩꦶꦩꦸꦁꦒꦺꦁꦲꦶꦁꦔꦂꦱ꧈ꦫꦢꦺꦤ꧀ꦥꦠꦶꦃꦩꦸꦁꦒꦺꦁꦔꦪꦸꦤ꧀‌ꦏꦭꦮꦤ꧀ꦏꦸ ꦢꦠꦶꦭꦂꦱ꧃ꦏꦶꦩꦺꦤꦏ꧀ꦏꦺꦴꦤ꧀ꦕꦂꦤꦺꦁꦔꦂꦱꦶ꧈ꦧꦸꦤ꧀ꦠꦂꦮꦠꦔ ꦤꦺꦁꦔꦂꦱ꧈ꦱꦁꦤꦠꦔꦤ꧀ꦢꦶꦏꦲꦭꦺꦴꦤ꧀‌ꦩꦫꦁꦢꦶꦥꦠꦶꦭꦸ ꦩꦗꦁ꧈ꦏꦁꦮꦱ꧀ꦠꦩꦺꦤꦏ꧀ꦏꦺꦴꦤ꧀ꦕꦂ꧈ꦏꦶꦫꦏꦱꦩꦶꦔꦺꦴꦁꦠꦸ ꦤ꧀ꦝꦸꦁ꧈ꦩꦤ꧀ꦠꦸꦏꦩꦫꦁꦭꦸꦩꦗꦁ꧃ꦧꦸꦤ꧀ꦠꦫꦤ꧀ꦩꦸꦭꦶꦲꦠꦸꦧꦶꦤ꧀

↑ ↑ ↑

Pranala njaba

• Teks Damar Wulan saka sastra.org https://www.sastra.org/kisah-cerita-dan-kronikal/cerita/1051-damarwulan-anonim-c-1810-94-pupuh-01-16
• http://www.bl.uk/manuscripts/Viewer.aspx?ref=mss_jav_89_f033v
• https://southeastasianlibrarygroup.wordpress.com/2013/03/21/everyday-life-in-java-in-the-late-18th-century-serat-damar-wulan/

Delengen uga

• Sastra Jawa Anyar

↑ ↑ ↑