Kaca:Serat Damar Wulan.pdf/32

Saka Wikisumber
Kaca iki wis divalidasi
ꦢꦊꦩ꧀ꦩꦩꦶ꧈​ꦠꦼꦏꦲꦥꦤ꧀ꦕꦏꦫ꧄ꦲꦭꦺꦴꦤ꧀ꦩꦠꦸꦂꦏꦶꦩꦱ꧀ꦢꦩꦂꦱꦱꦶ꧈​ꦩꦶꦭꦏꦮꦸ
ꦭꦩꦉꦏ꧀ꦏꦶꦁꦠꦸꦮꦤ꧀ ꦲꦤꦏꦮꦤ꧀ꦮꦶꦪꦺꦴꦱ꧀ꦱꦺ꧈​ꦱꦸꦏꦭꦶꦭꦮꦏ꧀ꦏꦶꦁꦱꦸꦤ꧀ꦱꦧꦸꦏ꧀ꦠ
ꦩ꧀ꦥꦂꦤꦸꦏꦼꦭꦁꦲꦫꦶꦠ꧀ ꦲꦩꦶꦏꦸꦭꦏꦼꦫꦤ꧀ꦗꦁꦏꦶꦥꦠꦶꦃꦒꦸꦩꦸꦪꦸ꧈​ꦲꦶꦪꦤ꧀ꦚꦮꦔꦺꦴꦁ
ꦠꦫꦶꦩ꧈​ ꦱꦸꦏꦸꦂꦧꦒꦺ꧈​ꦱꦶꦫꦲꦁꦔꦮꦸꦭꦩꦩꦶ꧈​ ꦔꦺꦴꦁꦏꦂꦪꦒꦩꦼꦭ꧀ꦱꦶꦫ ꧄
ꦥꦤ꧀ꦱꦢꦱꦉꦏꦺꦏꦸꦢꦩꦩꦶ꧈​ꦒꦩꦼꦭ꧀ꦭꦤꦥꦗꦼꦒ꧀ꦒꦼꦤ꧀ꦱꦢꦪꦢꦶꦥꦸꦤ꧀ꦏꦫꦏ꧀ꦱꦥꦁꦔ
ꦤꦺ꧈​ꦥꦤ꧀ꦱꦶꦫꦲꦺꦴꦫꦥꦠꦸꦠ꧀ ꦮꦺꦴꦁꦔꦒꦩꦼꦭ꧀ꦧꦸꦱꦤꦲꦢꦶ꧈​ꦭꦃꦲꦶꦤ꧀ꦢꦶꦏꦩ꧀ꦥꦸꦃ
ꦲꦶꦫꦱꦧꦸꦏ꧀ꦭꦮꦤ꧀ꦝꦸꦲꦸꦁ꧈​ꦲꦸꦩꦠꦸꦂꦏꦶꦢꦩꦂꦮꦸꦭꦤ꧀ꦥꦤ꧀ꦱꦸꦩꦁꦒꦲꦶꦁꦏꦂꦱꦏꦗꦼꦁꦏꦶ
ꦪꦲꦶ꧈​ꦣꦠꦼꦁꦱꦸꦩꦁꦒꦏꦂꦱ꧄ꦏꦠꦸꦂꦫꦏꦩ꧀ꦥꦸꦃꦭꦤ꧀ꦱꦧꦸꦏ꧀ꦩꦩꦶ꧈​ꦲꦠꦁꦤꦥꦶ꧈​
ꦭꦤ꧀ꦕꦶꦁꦔꦤꦺꦥꦶꦱꦤ꧀ꦱꦂꦠꦭꦮꦤ꧀ꦥꦤꦶꦁꦱꦼꦠ꧀ꦠꦺ꧈​ꦤꦔꦶꦁꦣꦸꦲꦸꦁꦏꦱꦸꦲꦸꦤ꧀ ꦧꦺꦴꦠꦼ
ꦤ꧀ꦱꦸꦏꦏꦸꦭꦏꦶꦪꦲꦶ꧈​ꦱꦤꦢꦾꦤ꧀ꦤꦁꦔꦫꦶꦠꦪꦏ꧀ꦠꦶꦧꦺꦴꦠꦼꦤ꧀ꦏꦤ꧀ꦠꦸꦤ꧈​ꦩꦤꦮꦲ
ꦤꦫꦤ꧀ꦕꦤꦲꦤꦺꦁꦠꦼꦒꦭ꧀ꦥꦸꦤꦶꦏꦱꦸꦤ꧀ꦒꦮꦩꦠꦶ꧈​ꦠꦶꦠꦶꦭꦂꦫꦺꦱꦶꦧꦥ꧄
ꦏꦶꦢꦩꦂꦮꦸꦭꦤ꧀ꦮꦸꦱ꧀ꦥꦶꦤꦶꦱꦭꦶꦤ꧀ ꦏꦶꦤꦩ꧀ꦥꦸꦮꦤ꧀ꦱꦫꦸꦁ​ꦫꦺꦴꦫꦺꦴꦩ꧀ꦧꦺꦁꦔꦤ꧀ ꦠꦸꦂ
ꦮꦫꦶꦁꦲꦩꦺꦴꦃꦱꦧꦸꦏ꧀ꦏꦺꦏꦮꦂꦤꦲꦲꦶꦁꦔꦼꦤꦸꦮꦲꦸꦱꦶꦫꦏꦶꦢꦩꦂꦱꦱꦶ꧈​ꦱꦩ꧀ꦥꦸꦤ꧀ꦩꦫꦶꦁ
ꦒꦼꦣꦺꦴꦒꦤ꧀ ꦱꦩꦤꦮꦸꦱ꧀ꦭꦸꦁꦒꦸ꧈​ꦏꦶꦱꦧ꧀ꦢꦥꦭꦺꦴꦤ꧀ꦏꦫꦸꦤ꧈​ꦤꦪꦒꦺꦁꦒꦺꦴꦁꦒꦸꦱ꧀ꦠꦶ
ꦤꦺꦢꦶꦥꦸꦤ꧀ꦠꦁꦔꦶꦱ꧀ꦱꦶ꧈​ꦥꦤ꧀ꦱꦂꦮꦶꦱꦶꦤꦸꦏꦼꦩꦤ꧀ ꧄ꦏꦶꦢꦩꦂꦮꦸꦭꦤ꧀ꦱꦶꦤꦸꦁꦔꦤ꧀ꦤꦫꦶ