Kaca:Serat Damar Wulan.pdf/10

Saka Wikisumber
Menyang navigasi Menyang panggolèkan
Kaca iki wis dikorèksi
ꦤꦤ꧀ꦤꦶꦁꦏꦁꦥꦸꦠꦿ꧈ ꧄ ꦗꦁꦏꦤ꧀ꦤꦶꦁꦮꦺꦴꦁꦩꦗꦥꦲꦶꦠ꧀ ꦲꦶꦁꦏꦁꦲꦭꦸꦭ꧀ꦲꦩꦶꦕꦫ꧈ ꦧꦺꦱꦸꦏ꧀ ꦲꦤꦫꦠꦸꦮꦢꦺꦴꦤ꧀ ꦭꦸꦮꦶꦃꦲꦂꦗꦤꦶꦁꦤꦒꦫ꧈ ꦲꦶꦁꦗꦒꦢ꧀ꦠꦤ꧀ꦥꦱꦩ꧈ ꦱꦩꦶꦥꦼꦥꦣꦤꦶꦁꦫꦠꦸ꧈ ꦥꦿꦧꦸꦲꦺꦱ꧀ꦠꦿꦶꦠꦤ꧀ꦥꦱꦩ꧈ ꧄ ꦏꦭꦗꦼꦤꦼꦁꦔꦺꦤꦂꦥꦠꦶ꧈ ꦥꦿꦧꦸꦲꦺꦱ꧀ꦠꦿꦶꦩꦗꦊꦁꦏ꧈ ꦥꦫꦧꦸꦪꦸꦠ꧀​ꦲꦢꦺꦤ꧀ꦤꦢꦺꦤ꧀ ꦲꦗꦂꦮꦮꦱꦶꦃꦗꦗꦒꦤ꧀ ꦩꦭꦤ꧀ꦢꦁꦭꦤ꧀ꦧꦸꦗꦁꦒ꧈ ꦥꦫꦗꦸꦫꦸꦥꦫꦱꦼꦥꦸꦃ꧈ ꦲꦠꦸꦂꦧꦏ꧀ꦠꦶꦏꦸꦩꦮꦸꦭ꧈ ꧄ ꦱꦗꦼꦤꦼꦁꦔꦺꦱꦿꦶꦧꦺꦴꦥꦠꦶ꧈ ꦤ꧀ꦚꦏꦿꦮꦠꦶꦧꦲꦸꦣꦼꦁꦣ꧈ ꦭꦶꦂꦧꦤ꧀ꦚꦸꦩꦶꦭꦶꦢꦤꦤ꧀ꦤꦺ꧈ ꦲꦱꦿꦶꦲꦂꦗꦤꦶꦁꦤꦒꦫ꧈ ꦱꦗꦒꦢ꧀ꦠꦤ꧀ꦥꦱꦩ꧈ ꦮꦢꦾꦧꦭꦱꦩꦾꦉꦩ꧀ꦥꦸꦒ꧀ ꦠꦸꦲꦸꦲꦢꦶꦭ꧀ꦥꦭꦩꦂꦠ꧈ ꧄ ꦲꦶꦏꦁꦏꦶꦤꦂꦪꦥꦥꦠꦶꦃ꧈ ꦢꦺꦤꦶꦫꦱꦁꦥꦿꦧꦸꦏꦼꦤ꧀ꦚ꧈ ꦤꦼꦁꦒꦶꦃꦏꦶꦥꦠꦶꦃꦭꦺꦴꦒꦼꦤ꧀ꦢꦺꦂ꧈ ꦲꦒꦸꦁꦢꦶꦥꦸꦤꦧꦥꦧꦥ꧈ ꦢꦼꦤꦶꦫꦱꦿꦶꦤꦭꦼꦤ꧀ꦢꦿ꧈ ꦢꦠꦤ꧀ꦥꦼꦒꦠ꧀ꦢꦶꦥꦸꦤ꧀ꦠꦁꦠꦸꦤ꧈ ꦪꦺꦤ꧀ꦱꦁꦥꦸꦠꦿꦶꦢꦂꦧꦺꦏꦂꦱ꧈ ꧄ ꦏꦱꦸꦱꦿꦪꦼꦤ꧀ꦤꦿꦠꦸꦭꦸꦮꦶꦃ꧈ ꦥꦿꦧꦸꦲꦺꦱ꧀ꦠꦿꦶꦩꦗꦊꦁꦏ꧈ ꦲꦒꦸꦁꦮꦢꦾꦧ꧀ꦧꦭꦏꦧꦺꦃ꧈ ꦥꦫꦺꦤꦠꦃꦭꦶꦂꦒꦸꦭꦢꦿꦮ꧈ ꦱꦸꦏꦱꦸꦒꦶꦃꦮꦺꦴꦁꦢꦺꦱ꧈ ꦠꦸꦭꦸꦱ꧀ꦏꦁꦱꦂꦪꦠꦶꦤꦤ꧀ꦢꦸꦂ꧈ ꦩꦸꦫꦃꦏꦁꦱꦂꦪꦠꦶꦤꦸꦩ꧀ꦧꦱ꧀ ꧄ ꦏꦭꦁꦏꦸꦁꦱꦶꦔꦶꦠ꧀ꦤꦂꦥꦠꦶ꧈ ꦏꦭꦩꦶꦪꦺꦴꦱ꧀ꦱꦶꦤꦺꦮꦏ꧈ ꦲꦤꦺꦁꦗꦿꦺꦴꦤꦶꦁꦏꦺꦴꦧꦺꦴꦁꦩꦁꦏꦺꦴ꧈ ꦩꦸꦁꦒꦺꦁꦔꦶꦁꦏꦛꦶꦭ꧀ꦏꦤ꧀ꦕꦤ꧈ ꦲꦩꦮꦶꦒꦭꦺꦣꦺꦒ꧀ꦒꦤ꧀ ꦱꦶꦤꦺꦫꦺꦢ꧀ꦥꦼꦣꦼꦏꦤ꧀ꦤꦒꦸꦁ꧈ ꦭꦭꦁꦱꦺꦏꦸꦩꦶꦠꦶꦂꦗꦶꦒ꧈ ꧄ ꦱꦏꦺꦃꦲꦺꦮꦺꦴꦁꦩꦗꦥꦲꦶꦠ꧀ ꦥꦫꦩꦤ꧀ꦠꦿꦶꦭꦤ꧀ꦥꦺꦴꦁꦒꦮ꧈ ꦠꦤ꧀ꦮꦶꦏꦤ꧀ꦩ