Paceklik
[ 91 ]
16
PACEKLIK
anakku
puluh-puluh wis begjaku lan begjamu
kowé ora menangi sega beras anyar
ora weruh biyungmu nutu pari teles
anakku anak siji dak-aji-aji
dak-golèkaké pangan tekan ngendi-endi
mangsa ketiga dawa
panasé sumelèt tanpa méga
padaringan kotong tanpa isi
anakku anak siji dak-aji-aji
dak-ajak gagas lèlès pari
panasé sumelèt tanpa méga
anak siji dak-aji-aji
dak-turokaké ing galeng dak-kemuli
anakku
nywaraa manèh kaya mau
dhèk jinojoh kang duwé sawah
anakku anak siji dak-aji-aji
mati jinojoh wong; sinengguh colongan pari
Prijanggana
(in: Iesmaniasita, Guritan, Antologi
Sajak-sajak Jawi, Surakarta, 1975).
First published between 1954 and 1967.