Kaca iki wis divalidasi
Wulangan 10
I. A. Pacelathon
Tindakna!
Kebledhosan Mercon
| Abas | : | He, Sri, tanganmu geneya? |
| Basri | : | Nampa hadhiyah ngene kok, Bas. |
| Abas | : | Abot ta, kok olehe nampani nganti kesliyo? |
| Basri | : | Kesliyo piye, rasane nguntar-untar jare. Iki rak tak kompres. |
| Abas | : | E, sembrana kowe ki. Aja guyon lho. Jare nampa hadhiyah thik sambate ngaru-ara. Wedi yen aku njaluk ujur pa piye? |
| Basri | : | Mangsamu! Aku ki tenan, diarani guyon. Takujuri kapok kowe mengko. |
| Abas | : | Wah mbingungke kowe ki, Sri! |
| Basri | : | Aku ki mentas tampa ganjaran, ..... kebledhosan mercon. |
| Abas | : | Wo, ngono ta genahe ki! Ra sida njaluk ujur aku! |
| Basri | : | Mula kuwi, aja maido! |
| Abas | : | Mau-maune piye, ta? |
| Basri | : | Kene lungguha takcritani! |
B. Wacanen kang patitis, lagune sing trep!
- Ora susah bingung, teteg bae!
- Ora susah kesusu, sareh bae!
- Ora susah takon, menenga bae!
- Ora susah nesu, sing sabar bae!
- Ora susah disusul, entenana bae!
72
