Kaca iki wis divalidasi
Wulangan 2
I. A. Pacelathon
Tindakna!
Toko Buku
| Susi | : | Nyuwun arta, Bu! |
| Ibu | : | Bola-bali kok dhuwit bae. Kanggo apa maneh, Sus? |
| Susi | : | Badhe ningali, Bu! |
| Ibu | : | Hara ta, cah wadon arep, nunyal-nunyal nonton. Ora pareng. |
| Susi | : | Hi hik, Ibu duka. |
| Ibu | : | Cah wadon arep umbar-umbaran, ya. Ora takjuwehi sida dadi apa kowe. |
| Susi | : | Sampun duka rumiyin, Bu. Kula badhe. ningali ..... |
| Ibu | : | Nonton apa? Aja cengengesan. |
| Susi | : | Ningali buku dhateng toko buku kok, Bu! |
| Bapak | : | O, Sus, Sus! Ibu kok dibebeda. Sembrana kowe! |
| Ibu | : | Lha iya ta, Pak. Susi ki yen ora ngono rak ora lega. |
| Susi | : | Pareng boten, Bu? |
| Bapak | : | Mbok wis kono ta, Bu, gek diparingi. Karo ta Susi we thik pangling. . |
| Ibu | : | Enya iki! Mengko jujule dicaoske Ibu, lho! |
| Susi | : | Inggih, Bu. Matur nuwun! |
B. Wacanen kang patitis, lagune sing trep!
- Wah, tujune durung kebacut!
- Wah, tujune ora ilang!8
