ranya, Yogya ta rahadyan sanghulun umabhiseka ri samangkana, maweha ing kayuwarajan ring suputra rumuhun”.
Mangkana ling sang Çakuntalã. Sumahur mahãrãjã Duçwanta: „Syapa mmakastrĩ kita sang dhusthatãpasi? Aku di nalihta swãminyu; atyanta tan wruh ring asambhãwa ike ta karih! Hana karikã ratu cakrawartĩ makastrĩ tapaswĩ nĩcajanma! Apa tiki kadhatwan katunan strĩratṇa marika nghulun prabhu? Arah laku mur ta ko saka ngke! Aparan tatan kaharěpa mwãn pakastrĩ dening prabhu Cakrawartĩ.“
Mangkana ling mahãrãjã Duçwanta, anangis ta sang Çakuntalã sawet ning irang ira. Mojar ta sira muwah: Atyanta kãbhimãnanta mahãrãja, rengön ike wuwus mami: ikang wwang sãmanya ta yogya angaseng ulah mangkana, tãtan prawṛtya ning kadi kita prabhu. Ndah mangke nggãnya praya sang nãtha, nãhan ling ta: aku ta tunggal-tunggal, tan hana wruhi pracãrangku an pakastri si Çakuntalã. Syapa tuměnga teryaku? Mangkanãbhiprãyanta prabhu, haywa ta rahadyan sang-hulun mangkanã, amuta-mutani hyang atma ngaranya, sang tamolah ri hatinta. Sira ta tuminghal ing wyapãrãhalahayu, samangkana ta sang dewa tatan kena hinimur-imur.
Āditya sanghyang Surya, candra sanghyang Wulan, anilãnala sanghyang Hangin mwang Apuy. Tumut ta sanghyang Akãça Prthiwi mwang Toya, muwah sanghyang Ātma, sang hyang Yama tamolah ing rat kabeh tan kěna winutan, byăpăra nireng rãt. Apa matang yan pamuta-muta, sadenya ta nghulun ta stri, saka ri hinapunya ni nghulun? Nãhan tãnakta juga prasiddha saribaning tapa, tan hana mangde suka.
Ling sanghyang Agama: Ikang rare rakwa sědhěng wěnang lumaku, iběkan tãwaknya dening lěbu, apan Jěněk aměng-aměng ing lemah, katon pwa sang bapa denya, Malayu tan yãměkul suku. Saka ri harga ning mãnak, pinĕkul ta ya tika wěka iněmban. Tan hana rakwa suka lwiha sangkerika Rahadyan sanghulun pwa tan kataman trsna, tumon i Sarwadamana, saksat orasaputra, tan hana kurang ing laksana,
