— 99 —
Ndatan panungsung sang Cakuntala sangka yan erang denyulah nira. Kunang pwa kasarwajnanan bhagawan Kanwa, tumoni sapracara nira. Mojar ta sira: ,,Anaku sang Cakuntala, haywa ta kita malara! Manaka ratu cakrawrati kita dlaha. Wruh taku bhaktinta makawitan iryaku. Sangka riswi maharaja Ducwanta mapinta-kasih ri kita nahan hetunta mangga pinangkastri, tumutakén gandharwawiwaha. Tan salah ulahtanaku.” Mangkana ling bhagawan Kanwa. Manémbah ta sang Cakuntala, mésthi jong sang rsi. Alawas ta sira meéténg, wékasan ta sira manak laki-laki litu hayu paripurna.
Tumuluy sinangaskara mpu sakrama ning pasangaskara ning ksatriyasangaskara, inupyiyana nira mpu ri samadhi.
Matuha pwa ya sakamantyan, salwir ing satwa haneng alas kinawacakén ira makidi singha mwang wyaghra lawan ikang gajah. Ya tiki kinawacakén ika&. de nira. Kakawaca pwa satwa de nira, inaranan ta sang Sarwadamana. Katékan ika némang tahun lawas niran rare, mangkin katon kalituhuyun ing awak nira. Cakra tulis ni karatala nira, manggihaknang kacakrawartyan sira dlaha. Inantyakén ira ta ya, ndatan hana pangundang maharaja Ducwanta ri sira. Prihatin ta sang Cakuntala tumangisi tanaya nira.
Wruh pwa bhagawan Kanwa ryambck sang Cakuntala. Makon ta sira i cisya nira tapasa, umiringakna sang Cakuntala daténgeng maharaja Ducwanta mangatécrakna tanaya nira. Lumampah ta sira. Sadangteng nireng Hastinapura, kapangguh maharaja Ducwanta, sedeng maweh sewaka sira. Mojar ta sang Cakuntala :
,,Sajna haji, samaya ni nghulun ngini mwang maharaja, yan manaka nghulun lawan haji ring dlaha, mangalilirana kadatwan rahadyan sanghulun. An-mangkana ling patik haji, umom ta sang natha, yumogyani samaya mami. Hetu ni nghulun manggan kaharasa de rahdyan sanghulun. Ike karide cri maharaja ri dalém weténg, yateki Sarwadamana nga-
