— 98 —
tapa. Nihan ta saraga mahyune kita. Yaya kawighnana tapanya denta.”
Mangkana ling sanghyang Indra. Lumampah ta sang Menaka. Sadaténg nireng acrama sang maharsi, ménggép tasiraméng-améng angalap sinwan ning nagapusa.
(Menaka diperisteri sang Wigwamitra. Setelah berputera seorang puteri, Menaka kembali ke Kehijangan).
Kari tang rare pinariwrtta dening manuk, atyanta kasyasih ning rare. Kunang bhagawan Wicwamitra, sira ta lunghatilar patapan. Katancit ta bhagawan Kanwangalap sékar tut pinggirning Maélininadi. Kapanggin tang raray pinariwrtta dening manuk cakuni, pinipil ning bhujangga ta ya, iningu sinangaskara, inaran sang Cakuntala, apan Cakuni nguni mamariwrtta ya. Nahan ta hetu bhujangga haji makanak ang raray.”
An-mangkana pawarah nira mpu tamuy ri haji ,,Ikang si Cakuntala singgih ike, tapi sumwagata ri paduka Cri maharaja.”
Mangkana pajar sang brahmana tamuy ri sira Irika ta maharaja Ducwanta saraga. ,,;Uttamajanma ta kari kita sang tapini, anak ning widyadhari mwang wiku cakti siddhi. Yogya ta kita binihajyangku”. Mangkanangén-angén sang Ducwanta, sinomah nira sang Cakuntala, ndatan angga ta sang Cakuntala, kewala tanggéh sira mpu juga. Saka ri hyun maharaja sumomaha ri sang Cakuntala,, mojar ta sang Cakuntala ri sira:
Sajna haji, haywa ta kita mithyasamaya! Mangganghulun iri kita. Yan panak nghulun hélém lawan cri maharaja, ya tangalilirana kadatwan haji, sumilihe singhasana!”
Sumahur sang prabhu : ,,Haywa kita sangcaya ri yuktining ujar gumantyananang kaprabhun.”
Mangkana ling maharaja, Manggeh siran tumutaken gandharwawiwaha. Télas iran masangyogya, amwit ta sira muliheng pura. Hélém rakwa sira mundanga sang Cakuntala, mangkanojar haji.
