— 97 —
An-mankana ling sang kanya, mogha ta maharaja katekan raga, kadi hiniris ta nala ni hati nira, rumaras kéna kamacara tumon i rupa sang tapi. Muwah ta sira mojar: ,,Ksamakna nghulun ibu sang ahayu! Mangréngo nghulun i bhagawan Kanwa: brahmaciri rakwa sira tan kéneng stri. Yapwan kita tamolah ri sira, aparan tanggéhta de nira, tasyasih tawarah duga-duga kami denta!”
Mangkana ling sang prahbu. Sumahur sang tapi sira: ,,Sajna haji, bapa sira de ni nghulun, marga niran pinaka-bapa nihan:
Hana sira brahmana tamuy; Sira ta takwananeng janmotpatti ni nghulun!”
Tinakwanan ta sang brahmana tamuy de maharaja Ducwanta Mawarah ta sira mpu: ,,Hana sira ratu, maharaja Wicwamitra ngaran ira. Sira maryakén. kaprabhun ira, kapengin kamahatmyan bhagawin Wasistha. Magawe ta sira tapa kaprnah wetan tan madoh dahat saka ngke. Ndan nirahara ta sira, tan pamangan tan panginum wwe, cumakti carira nira sira. Malawas pwa siragawe tapa, sandeha ta puddhi hyang Indra, mawédi kaddha ri kedran ira. Hana ta widyadhari sang Menaka ngaran ira, pinakaratna ning apsari. Ya ta inujaran sira de hyang Indra: ,,Tasyasih tanaku sang Menaka! Nahan sang wiku magawe tapa sang Wicwamitra ngaranya. Ya ta wighnani denta, makaphala wurunga ning tapanya !”
Sumahur ikang widyadhari : Sajna hyang mami, mengét pinakanghulun ing kamahatmyin ira sang manghanakén Bae -tapa. Géng krodha sarika, tékwan huwus siddhi mantra, wenang gumésengana tribhuwana. Awédi ta nghulun katekana a de nira. Kunang yan hana marga ni nghulua kawruhayan pagawe wighna ni tapa nira, ya ta pajara nae mami, tulusahayu lampah ni nghulun!”
Mojar bhatara Indra, ling nira: ,,Haywa kita sangcaya sang Menaka! Sang hyang Bayu sahayanta, méléki gandha ni wastantra ri kalantanglila ri harép sang Wicwamitra. Sang hyang Kama tumihangakna hru nira, amanaha ri twas sang
