— 96 —
(Adiparwa 65).
Hana: sira maharaja Ducwanta ngaran ira. Sira ta kuMawacakén prthiwimandala makahingan catus samudra,tatan hana wwang magawe hala salawas niran siniwi, kewala dharma ginawayakénya, tumiru kadharmestan sang natha nityakala. Lumampah ta siraburu-buru ryalas nikang Himawanpada, nanawidha Mrga ulih niraburu.
Kalungha-lungha ta lakunira. Amangguh ta sira patapan, atyanta ramya nika de ning sarwa kusuma, ngini-nginikang sarwa phala inuparénga ring nadi cucinirmala tirtha wenya mahéning, tékwan ikang sarwamrga hanerika, makadi singha mwang wyaghra, kadi silihasih, katisan dening kopacaman sang wiku siddhimantra, ikang sarwa krura tan wénang krura. Macabda pwekang manuk.
nDan padudwan warna nikang wanararksa, kadi swabhawaning angunyakén wedamantra, mangkana pwa cabdanya. Kaccaryan ta manah sang prabhu rumengo cabda ning manuk. Tumama ta sire dalém agrama, mahyun wruhe sang tapa sira. Kunang wadwa nira kabeh kinon anghera ring kadohan, sugyan durbala ngpatapan denya. Sadaténg hire jéro acrama tan hana sira mpu tapasa, asépi tang acrama. Malungguh ta sireng panti. Tuminghal ta sireng bhamyagara. Anom ta sira stri paripérneng hayu, kadi widyadhari manurun aswagata, maweh padyarghacamaniya ri haji, sumambrame tamuy, apan swabhawa ning tapatapi, sarjawambéknya ring atithi. Mojar ta sang prabhu :
Ndak atakwan ta ri kita sang tapini, syapa ngaran ira mpu sang tamolah ikang patapan ngke, Mwang ndi paranira matang yan asépikang acrama ?”
Sumahur sang tapikanya : ,,Sajna haji, hantuka paramecwara atane ratapi sang ahulun, ksantabyakna, sira bhagawan Kanwa ngaran ira mpu sang tamolah ikeng patapan, an mijil sira ngini amet samidhabhiprayanira. Yaya teka ! nireng samuhurta.
Angantya ta paduka cri maharaja !”
