— 95 —
anguripakéna sang Rajaputra. Sang hyang Tripurusa tuwi, hyang Brahma Wisnu Icwara tar wénang manguripakéna sang Rajaputra, yan tan sang brahmana sinangkala manguripakéna. Wuluy mahurip muwah ya sang Rajaputra, dyah Wirasena ; ndah ta bwat karmakéna denta kabeh”. Mangkana ling nikang sarpa majar ing sang brahmana.
Matélasan denirahom, tumurun ta sang brahmana sangkeng pahoman, tumuluy daténg ring sang Prabhu. Kunang ling sang brahmana: ,Aum, sang Prabhu, tan mahurio rakwa sang Rajaputra, yan tan sang brahmana sinangkala mahuripakéna putra-cri maharaja !”
Tumuluy kinonira undangén sang brahmana sinangkala, kinonira ngusadhanana dyah Wirasena. Tan masowe tumuluy waras sang Rajaputra de ning sang dwija sinangkala. Wineh sira dana mwang sarajayogya. Kunang ikang mapande-mas pinatyan pwa ya sakutumbinya ring dira-deca phrasta sasantananya. Wineh dadya candala yadyapin katékan ing mangke katattwan nica buddhinya. Mangkana kadusta ning maleccha.
ikang mapande mas
