— 94 —
tumameng kadatwan maharaja Gandhasena, ri huwusnya manglawad i sang brahmana, Cighra yamanggih kaladega, kahadang putra sang Natha, mangran dyah Wirasena, tumurun sakeng kuda, ya ta sinahut de nikang sarpa suku sang Rajaputra, tiba ya sira kantaka. Duhka ta sang Natha, tan kahur ta sang brahmana ikang sinangkala, pijér sirayumed usadha. ,,Pangupaya sang mahapandita mangusadha-”nana sang Rajaputra’. Pinupulakénira kabeh sakwek: sang maguna. Mojar ta sang cri maharaja: ,,Lah sing amarasakéna putra mami, rowangankwa marwanang kadatwan, sapalinggihana, mangkwa ring rahadyan.”
Hana ta sira brahmana purohita sang Prabhu, siradang hyang Wedika ngaran ira. Sira ta tinangisan de sang Prabhu. Wruh ta sira ngaweca sarpa; yadyastu sakapasuk ing bhuwana, kakawaca inaweca nira, mapan sira pawak brahmaloka ring bhuwana. Mojar mpu dang hyang ring sang Natha: ,,E sang Natha, tan kawaca yan tan pahoma brahmaraja nira.”
Sumahur sang Natha: ,,Lah singgih homa juga bapa raja. Adan pwa sira homa sarpayajna. Sampun sumajya saprakara, salwir ing kramaning homa, mwang samit purna huti, nguni-uni ghrta péhan. )
Lumékas ta sang dwija mahom, kancit datang pwekang sarpanakiti sang Rajaputra, mangaran Widyutanana. Sinantwa ikang sarpa de sang brahmana: „E Widyutanana, mapa karih dosa sang Rajaputra, den ta pranatima ? Apan tan hana salah ulahnye nguni, bheda kalawan sang péjah sédéeng niranulup-nulup paksi. Tan suka mami, tan sukha karika dumeh inalan i Kala-mrtyu. Rika sang Rajaputra dyah Wirasena, tan sadosanya. Wus, ila-ila, haywa mangkana!” Mangkana ling danghyang Wedika.
Sumahur ikang sarpa si Widyutanana: „Taha pwa nghulun, tan sangkeng lobha ni nghulun; don mami manahura hutang ring sang dwija sinangkala, sang mangentasakén mami sakeng sumur i nguni. Iki panahuran hutang ni nghulun ; kalawan malih, tan kawaca yan wwang len.
