— 91 —
ngaturakén sarwaphala ring sang brahmana; mamwit lung hekang wre kapanggih ikang mong de sang brahmana, mangaturakén raja-bhiisana ring sang dwidja, lwirnya mas, rajakaputran mwang mani ratna utama, Ndah uwlihnyangalap bhiisana sang rajaputra nguni sang magunungan manu_lup paksi. Péjah pwa sira dening mong, bhisananira inalap de nikang mong, ya ta winehakén i sang brahmana. Sang mangentasakéneng sumur ngiini. Rumasekang mong yan mahutang hurip ring sang brahmana, yeka kapuhakanya rénanya ring sang dwija.
Kunang hidép sang brahmana: ,,Apeki gawayanya de mami? Lah hana kapwa mitra mami apande mas; ika yogya pakenohanya.” Lungha ta muwah sira sang brahmana, mangenangon ta sira mantuka sangkeng patirtha, kalungha-lungha lampahira, katéka-tékeng pradeca nikang mapande mas, ring rajya Madhurakling.
Kancit kapanggih ikang mapande mas, manémbah sabharyanya ring sang brahmana, maswagata cabda manohara, kunang ling nikang pande mas: Ndah ri ko pukulun sang mahadwija?”
Sumahur ika sang brahmana: ,,Anaku kita mapande mas, mah iki bhisana mas ratnadi, paweh mami ri kita, iki paweh nikang mong, kang mamyaéentasakén ngiini sangkeng sumur ika. Tan hana karya den mami; kita juga pangenohanya. Tinanggapan ika ng bhisana mas de sang mapande mas.
Mawuwus ta sang brahmana: ,,Lah mami mahyun madyus, macucilaksana ndi padyusan i ngke ?” . Sumahur ikang mapande mas: ,,I rika wwantén télaga pinancuran, mahéning nirmala”. Tinuduhaken ta sang brahmana, tusta sang brahmana, masnana, masiaryasewani, madehacuddhi, télas macuci-laksana, mamudra widdhi.
Kunang ikang mapande-mas mawuwus ring rabinya: ,,Uduh sang ibu ny anaku; maweh bhusanamas - manik sang brahmana. Mami kadi wruheki tang mas bhusana.
