Ingět mami yan mahěm sarowang mami apande-mas, bhũsana sang rãjaputra kěteka, sang pějah magunungan. Bhayeki binegal de ning dustha. Mapa n donyaneng sang brãhmaṇa? Mangke ta mami aturakĕneng sang Prabhu, mangkana kahyun mami.”
Sumahur stri ning mampande-mas: „E sang bapa nyanaku, haywa ta ngwwang lobha dahat, sugyan kadi sang wre si anti ng aranya.“
Sumahur jalunya, mangaran Suwarṇangkara: „Mapa tekeng wre?“. „Lah ngwwang makathã!“.
„Hana ta wre manghanakěn tapa, umungguh pwerikang mahãwṛksa, sumaṇḍah ring wit ning jambu, si Murdasa ngaranya. Tasak denya manghanaken tapa, tan mahangkãra driyanya yan ratĕng ikang woh ing jambu ri sandingnya : ya ta rinuru denya si Murdasa, tan pakewěhnya umulat juga swabhãwanya, çaktika denyangakěn tapa.
Karuna pwa bhațãra, kunang ling sang Hyang: „Mapa sãdhyamu Murdasa yanti ?“
„Hana nugraha pwa nghulun matĕmahana sujanma listuhayu sama kalawan widyãdhari kadi pun Anggaraprãnã, haywanghing manusa, bhaṭãra !“.
„Mah iki manik, tutakěna sěněnya, kapanggih ikang tirtha mĕne denta, patuměḍun ping sapta, astu listu-hayu kita.“ Sükşma bhațãra antarlīna.
Mangkat pwa ya si Murdasa, tinutakĕn dilah ikang manik. Wus paděm dilah ikang manik, kapanggih ikang tirtha nirmala, ikang widhi bhațăra. Tuměḍun matirtha sy Anti.
Gěněp ping sapta denyãdyus, mangilo sy Anti ring wwai, dinulu rupanya, Tuhu listu-hayu rupanya si Anti, kasor rupaning widyadhari, moga lingnya sy Anti: „Yan tuměduna ping sapta wěkas, yaya pada lawan warna Bhatãrĭ!“
Yeka lobhanya sy Anti.
Tumědun muwah sy Anti, waluya matemahan wre muwah kadi nguni purwaka; yeka halaning buddhi lobha kuhaka, kaměnanya mati wěkasanya
Kalinganya:
