— 90 —
mapande mas si Suwarnangkara.
Hana ta sang brahmana, sang Sajnadharma ngaran Ira, sira ta matirthgamana ri kala ning lahri-kangka. Mahyun toya, mahas ta sira umet wwai. Dadi ta siramanggih sumur, tinimbeng kundi nira ikang sumur. Sinangguh mesi udaka tang sumur, dadi pwa ya katimba tekang wre. Mojar sang brahmana ling nira: ,,Apa nguni denta kalebu ing sumur ngke ?
Manémbah ikang wre: ,,Katubing angin prahara, tinut ing limut ring ratri kala. Wwanten ta rowang mami sama kalébw ing sumur, lwirnya : mong, ula, manusa. Sampun juga inéntas ikang manusa ; ikang mong kewala lawan ula inentas de sang brahmana.” Lunghekang wre.
Tinimba muwah de sang brahmana, katimba ikang mong. Anémbah ikang mong ring sang dwija, majar: ,,Haywenentas ikang wwang, nica ika buddhinya”. Lunghekang mong.
Tinimba muwah de sang brahmana, katimba ikang sarpa, si Widyuta ngaranya. Mojar ta sarpeng sang dwija: ,,Haywa inéntas ikang wwang ; nica krétana tan wruh_ pinaritranjatinya.” Lunghekang sarpa umet mangsanya.
Umangénangén ta sang brahmana: ,,Apa kalinganya tikang wwang tan wineh éntasakéna de mami? De nikang satwa ika inéntasakén mami, tan yogya mami yan salaya ngakrama, yan ikang manusya karyaknangkwa;_ ila - ila ngwwang yan mangkana !” Dadi ta siranimba muwah, katimba méntas ikang manusa. Pranamya pwa ya ring sang brahmana, kunang pajarnya: ,.Mapandemas kajatinya, mangaran suwarnangkara, kunang pradeca mami ring Madhurakling. Kasihana ranak sang brahmana, yan yogya paranag réhaning pinakanghulun de sang brahmana.” Lungha pwa ya ri sampunya manémbah ring sang dwija.
Mawékas ta sang brahmana umet thirta muwah, manusup ta sira maring wana-gahana, kawawa sireng alas Kandawahana, kapanggih ikang wre inéntas ireng nguni, ma
